ནཱ་རོ་མཁའ་སྤྱོད་བླ་བརྒྱུད་བྲི་ཡིག །

🚧 This website is under continued development. We appreciate your patience!

Previous Text Back to Volume PageNext Text

Wylie title	nA ro mkha' spyod bla brgyud bri yig
Location	mkhyen brtse'i bka' 'bum Volume 17, sde tshan 3, Text 12, Pages 555-560 (Folios 57a1 to 59b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. nA ro mkha' spyod bla brgyud bri yig. In 'jam dbyangs mkhyen brtse'i dbang po'i bka' 'bum, Vol. 17: 555-560. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig
Cycle	ནཱ་རོ་མཁའ་སྤྱོད་མ་ (na ro mkha' spyod ma)

1 Texts in this Section (sde tshan or chos tshan)

12 555-560	ནཱ་རོ་མཁའ་སྤྱོད་བླ་བརྒྱུད་བྲི་ཡིག ། nA ro mkha' spyod bla brgyud bri yig Art - rtsom rig / ri mo / bris cha   ·   Guides to Paintings - bri yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ནཱ་རོ་མཁའ་སྤྱོད་བླ་བརྒྱུད་བྲི་ཡིག་དགེ། ཨོཾ་སྭ་སྟི། ནཱ་རོ་མཁའ་སྤྱོད་མའི་བླ་བརྒྱུད་བྲི་ཡིག །རྡོ་རྗེ་འཆང་འདི་སངས་རྒྱས་རྡོ་རྗེ་འཆང་སྐུ་མདོག་སྔོན་པོའམ། ཡང་ན་རྡོ་རྗེ་ཆོས་སྐུ་མདོག་དམར་པོ་བྲིས་ཀྱང་ལེགས། དང་། རྡོ་རྗེ་རྣལ་འབྱོར་མ་སྤྱི་ལྟར། ནཱ་རོ་པ་གྲུབ་ཆེན་གྱི་ཆས་སྤྱི་འགྲེལ། སྐུ་མདོག་སྔོ་མདངས་འཇིགས་སུ་རུང་བ། དབུ་ལ་མེ་ཏོག་གི་ཐོད་བཅིངས་པ། ཕྱག་གཉིས་ཀྱིས་ཞིང་ལྤགས་རློན་པ་རྒྱན་ཏུ་གཡོགས་པའི་སྣེ་མོ་ནས་འཛིན་པའམ། ཕལ་ཆེར་ལ་གཡས་ཌཱ་མ་རུ་ཐུགས་ཀར་འཁྲོལ་ཉམས་དང་། གཡོན་མཉམ་གཞག་སྟེང་ཐོད་ཆང་འཛིན་པའི་བྲིས་སྣང་། ཕམ་མཐིང་པ་གཅེན་འཇིགས་མེད་གྲགས་པ་གྲུབ་ཆེན་གྱི་ཆས་བྲིས་པའང་སྣང་མོད། ཕལ་ཆེར་ལ་བལ་པོའི་པཎྜི་ཏའི་ཆས་སྤྱི་འགྲེ། གཡས་ཆོས་འཆད། གཡོན་མཉམ་གཞག་ཕྱག་དཔེའི་གླེགས་བམ་འཛིན་པ། གཅུང་ངག་གི་དབང་ཕྱུག་པཎྜི་ཏའི་ཆས། ཕྱག་གཡས་པུས་མོ་གཡས་པའི་ཐད་དུ་མེ་ཏོག་དམར་སེར་གྱི་སྡོང་བུ་འཛིན་པ། གཡོན་ཐུགས་ཀར་སྐྱབས་སྦྱིན་གྱིས་རྒྱས་མེ་ཏོག་འཛིན་པ་སྙན་གྱི་ཐད་ཁ་བྱེ་བར་གླེགས་རལ་གྱིས་མཚན་པ། ཀློག་སྐྱ་ཤེས་རབ་བརྩེགས་ཇོ་སྲས་ཕུ་དུང་ཅན་སྔར་གྱི་སྔགས་དཀར་སྤྱི་འགྲེ་གཞོན་ཉམས་ཅན། ཕྱག་གཉིས་ཕྲེང་བ་འདྲེན་ཐབས་སུ་བསྣམས་པ། མལ་ལོ་ཙཱ་བ་སྔགས་དཀར་ལ་ལར་རབ་བྱང་བྲིས་སྣང་ཡང་འདི་ལྟར་འཐད། སྤྱི་འགྲེ། ཕྱག་གཉིས་རྒྱ་དཔེ་བཟུང་ནས་གཟིགས་པའི་ཉམས། ཡང་ན་ཕྱག་གཡས་ཆོས་འཆད། གཡོན་པུས་མོ་གཡོན་སྟེང་ས་གནོན། སྐུ་བགྲེས། དབུ་ཞྭ་མེད། གོང་མ་ལྔ་ས་སྐྱ་བཀའ་འབུམ་གྱི་དབུ་ལྷ་དང་། ལམ་འབྲས་བླ་བརྒྱུད་ཞལ་ཐང་སོགས་ཡོངས་སུ་གྲགས་པས་ཤེས་སླ། བྲག་ཕུག་བསོད་ནམས་དཔལ། ཞང་སྟོན་དཀོན་མཆོག་དཔལ། བླ་མ་དམ་པ་བསོད་ནམས་རྒྱལ་མཚན་གསུམ་ལམ་འབྲས་བླ་བརྒྱུད་ཞལ་ཐང་ལྟར་བྲི། ཡར་ཀླུངས་པ་སེང་གེ་རྒྱལ་མཚན་རབ་བྱུང་དབུ་ཞྭ་མེད། ཅུང་བགྲེས། ཕྱག་མཉམ་གཞག །དབོན་བསོད་ནམས་རྒྱལ་མཆོག་རབ་བྱུང་། དབུ་ཞྭ་མེད། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། ཡབ་རྗེ་འཇམ་དབྱངས་ནམ་མཁའ་རྒྱལ་མཚན་བགྲེས་ཉམས་ཅུང་ཆེ་བ། དབུ་ཞྭ་མེད། ན་བཟའ་དཀར་ཆས། དབུ་རལ་ཅན། ཕྱག་གཡས་རྡོ་རྗེ་ཐུགས་ཀ །གཡོན་དྲིལ་བུ་དཀུར་བརྟེན། བདག་ཆེན་བློ་གྲོས་རྒྱལ་མཚན་རབ་བྱུང་། དབུ་ས་ཞུ་རྣ་བ་ཕབས་པ་གསོལ་བ། ཕྱག་གཡས་ཐུགས་ཀར་ཆོས་འཆད། གཡོན་མཉམ་གཞག་གླེགས་བམ། སྐུ་བགྲེས་ཉམས་ཆེར་མེད། རྡོ་རིང་པ་ཚར་ཆེན་རིན་པོ་ཆེའི་ཞལ་གཟིགས་ལྟར་རབ་བྱུང་ཆས་གཡས་རྡོ་རྗེ་འཕྱར། གཡོན་དྲིལ་བུ་དཀུར་བརྟེན། དབུ་ས་ཞུ་རྣ་ཕབས། ཞལ་ཕྱིར་ཕྱོགས་ཏེ་འགྱིངས་ཉམས་དང་བཅས་ཏེ་སེང་གེ་ལ་ཆིབས་པ། སྤྱན་འབྲུ་ཚུགས་སུ་གཟིགས་པ་སོགས་ཞལ་རས་ཅུང་ཁྲོ་ཉམས། ཚར་ཆེན་རབ་བྱུང་ཅུང་ཟད་བགྲེས་ཉམས། སྐུ་ཤ་རྒྱས་པ། ཞལ་རྒྱན་ཅུང་ཟད་ཡོད་པ། དབུ་ཞྭ་ས་ཞུ་རྣ་ཕབས། གཡས་རྡོ་རྗེ་གསོར་བའི་ཚུལ། གཡོན་དྲིལ་བུ་དཀུར་བརྟེན། མཁྱེན་བརྩེ་རབ་བྱུང་། སྐུ་དར་ལ་བབས་ཤིང་མཛེས་པ། དབུ་ཞྭ་ས་ཞུ་རྣ་ཕབས། གཡས་ཆོས་འཆད། གཡོན་མཉམ་གཞག་སྟེང་གླེགས་བམ། བསླབ་གསུམ་རྒྱལ་མཚན་རབ་བྱུང་། སྐུ་དར་བབས། དབུ་ཞྭ་མེད། ཕྱག་གཡས་ས་གནོན། གཡོན་མཉམ་གཞག །དབང་ཕྱུག་རབ་བརྟན་རབ་བྱུང་བགྲེས་ཉམས་ཆེ་བ། ཕྱག་ཐུགས་ཀར་ཆོས་འཆད། དབུ་ཞྭ་ས་ཞུ་རྣ་ཕབས། བཀའ་འགྱུར་བ་རབ་བྱུང་། བགྲེས་ཉམས་མེད། ཕྱག་གཡས་ཆོས་འཆད། གཡོན་གླེགས་བམ། དབུ་ཞྭ་ས་ཞུ་རྣ་བབས། ཞྭ་ལུ་མཁན་ཆེན་རབ་བྱུང་། བགྲེས་ཉམས་ཆེ་བ། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། དབུ་པཎ་ཞྭ་སེར་པོ་ཟེ་བ་ཅན། མཁྱེན་རབ་བྱམས་པ་རབ་བྱུང་། བགྲེས་ཉམས་ཅུང་ཟད་ཡོད་པ། ཕྱག་གཉིས་རྡོར་དྲིལ་ཐུགས་ཀར་སྟེང་འོག་ཏུ་འཛིན་པ། དབུ་ཞྭ་ས་ཞུ་རྣ་ཕབས། རྨོར་ཆེན་རབ་བྱུང་། ཅུང་ཟད་བགྲེས་ཉམས་ཆེ་བ། ཕྱག་གཉིས་གླེགས་བམ། དབུ་ཞྭ་ས་ཞུ་རྣ་ཕབས། གནས་གསར་པ་རབ་བྱུང་། གཞོན་ཉམས། གཡས་ཆོས་འཆད། གཡོན་གླེགས་བམ། དབུ་ཞྭ་འདྲ། ཀུན་དགའ་བློ་གྲོས་སྔགས་དཀར་ཆས། སྐུ་བགྲེས་ཉམ་ཆེར་མེད་པ། ཞལ་ཚོམ་ཅུང་ཟད་ཅན། གཡས་མེ་ཏོག་ཐུགས་ཀར་བཟུང་བའི་འདབ་མ་སྙན་ཐད་ཁ་བྱེ་བར་གླེགས་རལ་དང་། གཡོན་མཉམ་གཞག་སྟེང་འཁོར་ལོ་བསྣམ་པ། དབུ་ཞྭ་འདྲ། ནམ་མཁའ་འཆི་མེད་སྐུ་བགྲེས་ཉམས་ཆེར་མེད། རབ་བྱུང་ཆས། ཕྱག་ཆོས་འཆད་མཉམ་གཞག །ཞལ་རྒྱན་ཅུང་ཟད་ཡོད། དབུ་ཞྭ་འདྲ། གནས་གསར་བ་ནམ་མཁའ་ལེགས་པ་བགྲེས་ཉམས་ཆེར་མེད། རབ་བྱུང་ཆས། ཕྱག་རྡོར་དྲིལ་འཛིན་པ། དབུ་ཞྭ་འདྲ། རྗེ་བཙུན་མ་འཆི་མེད་བསྟན་པའི་ཉི་མ་རབ་བྱུང་ཆས། བགྲེས་ཉམས་ཆེ་བ། ཕྱག་མཉམ་གཞག །དབུ་ལ་ཐུགས་དམ་ཞྭ་མོ་ལེབ་ཞྭ་མཛད་པ། བླ་མ་ངག་དབང་རིན་ཆེན་རབ་བྱུང་ཅུང་བགྲེས་ཉམས། སྐུ་ཤ་སྔོ་སངས་ཁྲོ་འཛུམ་གྱི་ཉམས། གཡས་ཆོས་འཆད། གཡོན་མཉམ་གཞག་ཕྲེང་བ་འཛིན་པ། དབུ་ཞྭ་ཐུགས་དམ་ཞྭ་མོ་ལེབ་ཞྭ། རྡོ་རྗེ་འཆང་བྱམས་པ་ཀུན་དགའ་བསྟན་འཛིན་རབ་བྱུང་བགྲེས་ཉམས་ཆེ་བ། སྐུ་ཤ་རྒྱས་ཤིང་མདངས་གཟི་བརྗིད་ཅན། ཞལ་འཛུམ་པ། ཞལ་རྒྱན་ཐུགས་ཀའི་ཐད་དུ་སླེབས་པའི་ཤིན་ཏུ་མཛེས་པ། གཡས་པུས་མོ་གཡས་པའི་སྟེང་མཆོག་སྦྱིན་གྱི་ཕྱག་རྒྱ་ཚེ་བུམ། གཡོན་ཐུགས་ཀར་སྐྱབས་སྦྱིན་གྱིས་ཕྱག་རྒྱས་མེ་ཏོག་དཀར་པོ་བསྣམས་པ། དབུ་ཞྭ་ས་ཞུ་རྣ་ཕབས། རྣལ་འབྱོར་འཇམ་དཔལ་བཟང་པོ་རབ་བྱུང་བགྲེས་ཉམས་གཟི་བརྗིད་ཆེ་བ། སྐུ་ཤ་ཚོ་སྐེམ་རན་པ། ཞལ་རས་དཀར་ཞིང་སྤྱན་ཧུར་བག་གི་རྣམ་པ་ཅན། ཞལ་རྒྱན་ཐུགས་ཀའི་སྟོད་དུ་སླེབས་པ། ཕྱག་མཉམ་གཞག་ཕྲེང་བ་འདྲེན་པ། དབུ་ཞྭ་ས་ཞུ་རྣ་ཕབས། བླ་མ་དགེ་འདུན་རྒྱ་མཚོ་རབ་བྱུང་བགྲེས་ཉམས་ཆེར་མེད། ཞལ་རྒྱན་ཕྲན་བུ་ཡོད། ཕྱག་ཆོས་འཆད་གླེགས་བམ། དབུ་ཞྭ་མེད་པ་བཅས་ཚར་ལུགས་ཀྱི་བྱིན་རླབས་ལུང་ཁྲིད་ཡོངས་རྫོགས་བརྒྱུད་པ་ཡིན། བྱིན་རླབས་དང་རྩ་ཁྲིད་ཀྱི་ཉེ་བརྒྱུད་ནི། ཀུན་བློ་ནས། ནམ་མཁའ་འཆི་མེད། ཀུན་དགའ་བསྟན་འཛིན། དགེ་འདུན་ཞེས་འདྲེན་ཀྱང་ཆོག །འཇམ་དཔལ་བཟང་པོ་ལས་དགེ་འདུན་གྱིས་བྱིན་རླབས་ཙམ་མ་གཏོགས་ཁྲིད་གསན་པ་མེད། ངེད་རང་ནས་ཐམས་ཅད་ཚང་བ་རྡོ་རྗེ་འཆང་རྣལ་འབྱོར་འཇམ་དཔལ་བཟང་པོ་ལས་ཞུས་པ་ཡིན། ངོར་ལུགས་ཀྱི་བྱིན་རླབས་དང་ཁྲིད་ལུང་དོན་གྱིས་ཚང་བའི་བརྒྱུད་པ་ལྟར་བྱེད་ན། བླ་མ་དམ་པ་བསོད་ནམས་རྒྱལ་མཚན་གྱི་རྗེས་སུ། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། མུས་ཆེན་དཀོན་མཆོག་རྒྱལ་མཚན། བདག་ཆེན་བློ་གྲོས་རྒྱལ་མཚན་མན་འདྲ། དེ་རྣམས་ལས་གཞན་ལམ་འབྲས་བླ་བརྒྱུད་ཀྱི་ཞལ་ཐང་ལྟར་ཡིན། ཡེ་ཤེས་རྒྱལ་མཚན་རབ་བྱུང་བགྲེས་ཉམས་ཆེར་མེད་པ། དབུ་ས་ཞུ་རྣ་ཕབས། ཕྱག་ཐུགས་ཀར་རྡོ་དྲིལ་འཛིན་པ་ཞིག་བྲིས་སྣང་། ལར་བླ་མ་རྣམས་རྟེན་རབ་བྱུང་དང་། སྔགས་པ། དབུ་ཞྭ། སྐུ་བགྲེས་གཞོན་སོགས་མ་ནོར་བ་ཞིག་གལ་ཆེ་བ་ལས། ཕྱག་སྟབས་དང་ཕྱག་མཚན་སོགས་ལ་ངེས་པ་ཆེར་མེད་དེ་ལམ་འབྲས་བླ་བརྒྱུད་དང་། སློབ་བཤད་བླ་མའི་རྣམ་ཐར་སོགས་རེ་རེ་ལས་ཀྱང་མི་གཅིག་པ་ཅི་རིགས་པ་བྲིས་སྣང་བས་སོ།། མངྒ་ལཾ།། །། ༈

[edit]

nA ro mkha' spyod bla brgyud bri yig_/ @#/_/nA ro mkha' spyod bla brgyud bri yig dge/__oM swa sti/__nA ro mkha' spyod ma'i bla brgyud bri yig__/rdo rje 'chang 'di sangs rgyas rdo rje 'chang sku mdog sngon po'am/__yang na rdo rje chos sku mdog dmar po bris kyang legs/__dang /__rdo rje rnal 'byor ma spyi ltar/__nA ro pa grub chen gyi chas spyi 'grel/__sku mdog sngo mdangs 'jigs su rung ba/__dbu la me tog gi thod bcings pa/__phyag gnyis kyis zhing lpags rlon pa rgyan tu g.yogs pa'i sne mo nas 'dzin pa'am/__phal cher la g.yas DA ma ru thugs kar 'khrol nyams dang /__g.yon mnyam gzhag steng thod chang 'dzin pa'i bris snang /__pham mthing pa gcen 'jigs med grags pa grub chen gyi chas bris pa'ang snang mod/__phal cher la bal po'i paN+Di ta'i chas spyi 'gre/__g.yas chos 'chad/__g.yon mnyam gzhag phyag dpe'i glegs bam 'dzin pa/__gcung ngag gi dbang phyug paN+Di ta'i chas/__phyag g.yas pus mo g.yas pa'i thad du me tog dmar ser gyi sdong bu 'dzin pa/__g.yon thugs kar skyabs sbyin gyis rgyas me tog 'dzin pa snyan gyi thad kha bye bar glegs ral gyis mtshan pa/__klog skya shes rab brtsegs jo sras phu dung can sngar gyi sngags dkar spyi 'gre gzhon nyams can/__phyag gnyis phreng ba 'dren thabs su bsnams pa/__mal lo tsA ba sngags dkar la lar rab byang bris snang yang 'di ltar 'thad/__spyi 'gre/__phyag gnyis rgya dpe bzung nas gzigs pa'i nyams/__yang na phyag g.yas chos 'chad/__g.yon pus mo g.yon steng sa gnon/__sku bgres/__dbu zhwa med/__gong ma lnga sa skya bka' 'bum gyi dbu lha dang /__lam 'bras bla brgyud zhal thang sogs yongs su grags pas shes sla/__brag phug bsod nams dpal/__zhang ston dkon mchog dpal/__bla ma dam pa bsod nams rgyal mtshan gsum lam 'bras bla brgyud zhal thang ltar bri/__yar klungs pa seng ge rgyal mtshan rab byung dbu zhwa med/__cung bgres/__phyag mnyam gzhag__/dbon bsod nams rgyal mchog rab byung /__dbu zhwa med/__phyag g.yas chos 'chad/__g.yon mnyam gzhag glegs bam/__yab rje 'jam dbyangs nam mkha' rgyal mtshan bgres nyams cung che ba/__dbu zhwa med/__na bza' dkar chas/__dbu ral can/__phyag g.yas rdo rje thugs ka__/g.yon dril bu dkur brten/__bdag chen blo gros rgyal mtshan rab byung /__dbu sa zhu rna ba phabs pa gsol ba/__phyag g.yas thugs kar chos 'chad/__g.yon mnyam gzhag glegs bam/__sku bgres nyams cher med/__rdo ring pa tshar chen rin po che'i zhal gzigs ltar rab byung chas g.yas rdo rje 'phyar/__g.yon dril bu dkur brten/__dbu sa zhu rna phabs/__zhal phyir phyogs te 'gyings nyams dang bcas te seng ge la chibs pa/__spyan 'bru tshugs su gzigs pa sogs zhal ras cung khro nyams/__tshar chen rab byung cung zad bgres nyams/__sku sha rgyas pa/__zhal rgyan cung zad yod pa/__dbu zhwa sa zhu rna phabs/__g.yas rdo rje gsor ba'i tshul/__g.yon dril bu dkur brten/__mkhyen brtse rab byung /__sku dar la babs shing mdzes pa/__dbu zhwa sa zhu rna phabs/__g.yas chos 'chad/__g.yon mnyam gzhag steng glegs bam/__bslab gsum rgyal mtshan rab byung /__sku dar babs/__dbu zhwa med/__phyag g.yas sa gnon/__g.yon mnyam gzhag__/dbang phyug rab brtan rab byung bgres nyams che ba/__phyag thugs kar chos 'chad/__dbu zhwa sa zhu rna phabs/__bka' 'gyur ba rab byung /__bgres nyams med/__phyag g.yas chos 'chad/__g.yon glegs bam/__dbu zhwa sa zhu rna babs/__zhwa lu mkhan chen rab byung /__bgres nyams che ba/__phyag g.yas chos 'chad/__g.yon mnyam gzhag glegs bam/__dbu paN zhwa ser po ze ba can/__mkhyen rab byams pa rab byung /__bgres nyams cung zad yod pa/__phyag gnyis rdor dril thugs kar steng 'og tu 'dzin pa/__dbu zhwa sa zhu rna phabs/__rmor chen rab byung /__cung zad bgres nyams che ba/__phyag gnyis glegs bam/__dbu zhwa sa zhu rna phabs/__gnas gsar pa rab byung /__gzhon nyams/__g.yas chos 'chad/__g.yon glegs bam/__dbu zhwa 'dra/__kun dga' blo gros sngags dkar chas/__sku bgres nyam cher med pa/__zhal tshom cung zad can/__g.yas me tog thugs kar bzung ba'i 'dab ma snyan thad kha bye bar glegs ral dang /__g.yon mnyam gzhag steng 'khor lo bsnam pa/__dbu zhwa 'dra/__nam mkha' 'chi med sku bgres nyams cher med/__rab byung chas/__phyag chos 'chad mnyam gzhag__/zhal rgyan cung zad yod/__dbu zhwa 'dra/__gnas gsar ba nam mkha' legs pa bgres nyams cher med/__rab byung chas/__phyag rdor dril 'dzin pa/__dbu zhwa 'dra/__rje btsun ma 'chi med bstan pa'i nyi ma rab byung chas/__bgres nyams che ba/__phyag mnyam gzhag__/dbu la thugs dam zhwa mo leb zhwa mdzad pa/__bla ma ngag dbang rin chen rab byung cung bgres nyams/__sku sha sngo sangs khro 'dzum gyi nyams/__g.yas chos 'chad/__g.yon mnyam gzhag phreng ba 'dzin pa/__dbu zhwa thugs dam zhwa mo leb zhwa/__rdo rje 'chang byams pa kun dga' bstan 'dzin rab byung bgres nyams che ba/__sku sha rgyas shing mdangs gzi brjid can/__zhal 'dzum pa/__zhal rgyan thugs ka'i thad du slebs pa'i shin tu mdzes pa/__g.yas pus mo g.yas pa'i steng mchog sbyin gyi phyag rgya tshe bum/__g.yon thugs kar skyabs sbyin gyis phyag rgyas me tog dkar po bsnams pa/__dbu zhwa sa zhu rna phabs/__rnal 'byor 'jam dpal bzang po rab byung bgres nyams gzi brjid che ba/__sku sha tsho skem ran pa/__zhal ras dkar zhing spyan hur bag gi rnam pa can/__zhal rgyan thugs ka'i stod du slebs pa/__phyag mnyam gzhag phreng ba 'dren pa/__dbu zhwa sa zhu rna phabs/__bla ma dge 'dun rgya mtsho rab byung bgres nyams cher med/__zhal rgyan phran bu yod/__phyag chos 'chad glegs bam/__dbu zhwa med pa bcas tshar lugs kyi byin rlabs lung khrid yongs rdzogs brgyud pa yin/__byin rlabs dang rtsa khrid kyi nye brgyud ni/__kun blo nas/__nam mkha' 'chi med/__kun dga' bstan 'dzin/__dge 'dun zhes 'dren kyang chog__/'jam dpal bzang po las dge 'dun gyis byin rlabs tsam ma gtogs khrid gsan pa med/__nged rang nas thams cad tshang ba rdo rje 'chang rnal 'byor 'jam dpal bzang po las zhus pa yin/__ngor lugs kyi byin rlabs dang khrid lung don gyis tshang ba'i brgyud pa ltar byed na/__bla ma dam pa bsod nams rgyal mtshan gyi rjes su/__bla ma dpal ldan tshul khrims/__shar chen ye shes rgyal mtshan/__ngor chen rdo rje 'chang /__mus chen dkon mchog rgyal mtshan/__bdag chen blo gros rgyal mtshan man 'dra/__de rnams las gzhan lam 'bras bla brgyud kyi zhal thang ltar yin/__ye shes rgyal mtshan rab byung bgres nyams cher med pa/__dbu sa zhu rna phabs/__phyag thugs kar rdo dril 'dzin pa zhig bris snang /__lar bla ma rnams rten rab byung dang /__sngags pa/__dbu zhwa/__sku bgres gzhon sogs ma nor ba zhig gal che ba las/__phyag stabs dang phyag mtshan sogs la nges pa cher med de lam 'bras bla brgyud dang /__slob bshad bla ma'i rnam thar sogs re re las kyang mi gcig pa ci rigs pa bris snang bas so//__mang+ga laM//__//_!