JKW-KABUM-17-TSA-003-011

Previous Text Back to Volume PageNext Text

ཐུགས་རྗེ་ཆེན་པོ་པདྨ་ཞི་ཁྲོ་འམ་པདྨ་རྒྱལ་པོ་གཙོ་འཁོར་ཡོངས་རྫོགས་ཀྱི་ཞལ་ཐང་བཀོད་ཡིག།

Wylie title	thugs rje chen po pad+ma zhi khro 'am pad+ma rgyal po gtso 'khor yongs rdzogs kyi zhal thang bkod yig
Location	mkhyen brtse'i bka' 'bum Volume 17, sde tshan 3, Text 11, Pages 550-555 (Folios 54b1 to 57a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thugs rje chen po pad+ma zhi khro 'am pad+ma rgyal po gtso 'khor yongs rdzogs kyi zhal thang bkod yig. In 'jam dbyangs mkhyen brtse'i dbang po'i bka' 'bum, Vol. 17: 550-555. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཨོཾ་སྭ་སྟི། ཐུགས་རྗེ་ཆེན་པོ་པདྨ་ཞི་ཁྲོ་འམ་པདྨ་རྒྱལ་པོ་གཙོ་འཁོར་ཡོངས་རྫོགས་ཀྱི་ཞལ་ཐང་བཀོད་ཡིག་ནི། དབུས་སུ་གཙོ་བོ་པདྨ་རྒྱལ་པོ་སྐུ་མདོག་དམར་པོ། ཞལ་གཅིག་ཕྱག་བཞི། འཛུམ་ཞིང་ཆགས་ལ་ཁྲོ་བའི་ཉམས་ཅན། ཕྱག་དང་པོར་གཉིས་ཐུགས་ཀར་ཐལ་མོ་སྦྱར་བས་རྡོ་རྗེ་དམར་པོ་རྩེ་ལྔ་པ་བསྣམས་པ། གཡས་འོག་མས་མུ་ཏིག་དམར་པོའི་ཕྲེང་བ་དང་། གཡོན་འོག་མས་ཨུཏྤལ་དམར་པོ་འཛིན་པ། ཡུམ་གསང་ཡེ་དམར་མོ་གཡས་ཌཱ་མ་རུ་དང་གཡོན་ཐོད་ཆང་བསྣམས་པས་འཁྲིལ་བ། གཉིས་ཀའང་དར་དང་རིན་ཆེན་རུས་པ་མེ་ཏོག་གིས་བརྒྱན་པ། ཡབ་རྡོ་རྗེ་དང་ཡུམ་པདྨའི་སྐྱིལ་མོ་ཀྲུང་གིས་སྣ་ཚོགས་པདྨ་ཉི་ཟླའི་གདན་ལ་བཞུགས་ཤིང་འོད་ཟེར་དམར་པོ་འཕྲོ་བ། དེའི་སྟེང་རིགས་ལྔའི་སྤྱི་བོར་པདྨ་ཉི་ཟླའི་གདན་ལ་བླ་མ་པདྨ་རྡོ་རྗེ་འཆང་སྐུ་མདོག་དམར་པོ་རྡོར་དྲིལ་ཐུགས་ཀར་བསྣོལ་བས་ཡུམ་དམར་སྐྱ་པདྨ་དྲིལ་བུ་འཛིན་མ་ལ་འཁྱུད་པ། རྒྱན་དང་བཞུགས་སྟངས་གཙོ་བོ་ལྟར། འཇའ་འོད་ཐིག་ལེའི་ཀློང་ན་བཞུགས་པ། གཙོ་བོའི་གཡས་སུ་སྲས། གཡོན་དུ་སྲས་མོ། གཉིས་ཀ་སྐུ་མདོག་དམར་གསལ་གཞོན་ཞིང་འཛུམ་ཉམས་ཅན། ཞལ་གཅིག་ཕྱག་བཞིའི་དང་པོ་གཉིས་ཐུགས་ཀར་ཐལ་སྦྱར་སྲས་ཀྱིས་ནོར་བུ་འཛིན་པ། ཕྱག་འོག་མ་གཉིས་གཙོ་བོ་དང་འདྲ། དར་དང་རིན་ཆེན་མེ་ཏོག་གི་རྒྱན། རུས་རྒྱན་མེད། ཞབས་སེམས་སྐྱིལ་གྱིས་པད་ཟླར་གཙོ་བོ་ལ་འདུད་ཚུལ་གྱིས་བཞུགས་པ། གཙོ་བོའི་སྟེང་གི་དབུས་སུ་རྣམ་སྣང་དཀར་པོ་གཡས་འཁོར་ལོ། །གཡོན་དེས་ཡུ་བ་བྱས་པའི་དྲིལ་བུ། ཡུམ་སྤྱན་མ་དཀར་མོ་གཡས་འཁོར་ལོས་ཡུ་བ་བྱས་པའི་དྲིལ་བུ། གཡོན་འཁོར་ལོ། ཡབ་ཡུམ་ཞལ་སྦྱོར་གྱི་བཞུགས་པའི་གདན་གླང་པོ་ཆེས་བཏེག་པའི་རིན་པོ་ཆེའི་ཁྲི་སྣ་ཚོགས་པདྨ། ཉི་མ། ཟླ་བ། དེའི་གཡས་ཟུར་དུ་རྡོར་སེམས་མཐིང་ག་གཡས་རྡོ་རྗེ། གཡོན་རྡོ་རྗེས་ཡུ་བ་བྱས་པའི་དྲིལ་བུ། ཡུམ་སྙེམས་མ་མཐིང་སྐྱ་གཡས་རྡོ་རྗེས་ཡུ་བ་བྱས་པའི་དྲིལ་བུ། གཡོན་རྡོ་རྗེ། གདན་སེང་གེས་བཏེག་པའི་རིན་པོ་ཆེའི་ཁྲི། པད། ཉི། ཟླ། དེའི་སྟེང་དུ་རིན་འབྱུང་སེར་པོ་གཡས་རིན་པོ་ཆེ། གཡོན་རིན་པོ་ཆེས་ཡུ་བ་བྱས་པའི་དྲིལ་བུ། ཡུམ་མཱ་ཀི་སེར་སྐྱ་གཡས་རིན་པོ་ཆེས་ཡུ་བ་བྱས་པའི་དྲིལ་བུ། གཡོན་རིན་པོ་ཆེ། གདན་རྟ་མཆོག་གིས་བཏེག་པའི་རིན་པོ་ཆེའི་ཁྲི། པད། ཉི། ཟླ། གཡོན་ཟུར་སྟེང་དུ་སྣང་བ་མཐའ་ཡས་དམར་པོ་གཡས་པདྨ། གཡོན་དེས་ཡུ་བ་བྱས་པའི་དྲིལ་བུ། ཡུམ་གོས་དཀར་མོ་དམར་སྐྱ་གཡས་པདྨས་ཡུ་བ་བྱས་པའི་དྲིལ་བུ། གཡོན་པདྨ། གདན་རྨ་བྱས་བཏེག་པའི་རིན་པོ་ཆེའི་ཁྲི། པད། ཉི། ཟླ། གཡོན་ཟུར་འོག་ཏུ་དོན་གྲུབ་ལྗང་གུ་གཡས་རྡོ་རྗེ་རྒྱ་གྲམ། གཡོན་དེས་ཡུ་བ་བྱས་པའི་དྲིལ་བུ། ཡུམ་དམ་ཚིག་སྒྲོལ་མ་ལྗང་སྐྱ་གཡས་རྒྱ་གྲམ་གྱི་ཡུ་བ་བྱས་པའི་དྲིལ་བུ། གཡོན་རྒྱ་གྲམ། གདན་མཁའ་ལྡིང་སྟེ་ཤང་ཤང་གིས་བཏེགས་པའི་རིན་པོ་ཆེའི་ཁྲི། པད། ཉི། ཟླ། དེའང་ཡབ་རྣམས་ཕྱག་གཡས་ཐུགས་ཀར་གཏོད་ཅིང་། གཡོན་དཀུར་བརྟེན་པས་ཡུམ་ལ་འཁྱུད་པ། ཡུམ་རྣམས་གཡས་ཡབ་ཀྱི་མགུལ་ནས་འཁྱུད་ཅིང་། གཡོན་ཕྱག་མཚན་ཡབ་ཀྱི་སྙན་གྱི་ཐད་དུ་གཏོད་པ། ཡབ་རྣམས་རྡོ་རྗེའི་སྐྱིལ་ཀྲུང་། ཡུམ་རྣམས་པདྨའི་སྐྱིལ་ཀྲུང་གི་འཁྲིལ་སྦྱོར་ཅན། ཡབ་ཡུམ་ཐམས་ཅད་ལ་དར་གྱི་རྒྱན་ལྔ་དང་། རིན་པོ་ཆེའི་རྒྱན་བརྒྱད་མ་ཆད་པར་བྲི་དགོས། རྒྱབ་ཡོལ་འོད་ཟེར་པ་ཏྲ་ཡིན། གཙོ་བོའི་གཡས་གཡོན་དུ་ས་སྙིང་དཀར་སྙེ་མ། ཡུམ་ལཱ་སེ་མེ་ལོང་། ནམ་སྙིང་སེར་རལ་གྲི། ཡུམ་མཱ་ལེ་ཕྲེང་བ། སྤྱན་གཟིགས་དམར་པདྨ། ཡུམ་གཱི་རྟི་པི་ཝཾ། ཕྱག་རྡོར་མཐིང་རྡོ་རྗེ། ཡུམ་ནི་རྟཱི་གར་རྒྱ། བྱམས་པ་དཀར་སེར་ཀླུ་ཤིང་། ཡུམ་དྷཱུ་པེ་སྤོས་ཕོར། སྒྲིབ་སེལ་དམར་སེར་པུ་སྟི། ཡུམ་པུཥྤེ་མ་མེ་ཏོག་ཕྲེང་བ། ཀུན་བཟང་དམར་ལྗང་སྙེ་མ། ཡུམ་ཨཱ་ལོ་ཀེ་མར་མེ། འཇམ་དཔལ་དཀར་ལྗང་ཨུཏྤལ། ཡུམ་གནྡྷེ་དུང་ཕོར། དེའང་ཡབ་རྣམས་གཡས་རང་རང་གི་ཕྱག་མཚན་ཐུགས་ཀར་གཏོད་པ། གཡོན་དྲིལ་བུ་དཀུར་བརྟེན། ཡུམ་རྣམས་ཀྱི་ཕྱག་གཡས་རང་རྟགས་ཕྱག་རྒྱས་ཡབ་ཀྱི་མགུལ་ནས་འཁྱུད་པ། གཡོན་དྲིལ་བུ་ཡབ་ཀྱི་སྙན་ཐད་འཛིན་པ། ཡབ་རྣམས་ཞབས་སེམས་སྐྱིལ། ཡུམ་རྣམས་པད་སྐྱིལ་གྱིས་པད་ཟླ་ལ་བཞུགས་པ། ཐམས་ཅད་དར་དང་རིན་པོ་ཆེའི་རྒྱན། ཡུམ་རྣམས་སྐུ་མདོག་ཡབ་དང་འདྲ་བའི་ཅུང་སྐྱ་ཉམས། གཡས་ཟུར་སྟེང་དུ་བརྒྱ་བྱིན་དཀར་པོ་པི་ཝཾ། ཐགས་བཟང་མཐིང་གོ་མཚོན། ཤཱཀ་ཐུབ་སེར་མཁར་བསིལ་ལྷུང་བཟེད། གཡོན་ཟུར་སྟེང་སེང་རབ་དམར་ནག་པོ་ཏི། ཁ་འབར་སེར་ནག་སྒྲོམ་བུ། ཆོས་རྒྱལ་དུད་ཀ་མེ་ཆུ། གཙུག་ཏོར་ཆོས་གོས་སོགས་སྤྲུལ་སྐུའི་ཆ་བྱད་ཅན་པད་ཟླ་ལ་བཞེངས་པ་གཙོ་བོའི་གཡས་གཡོན་གྱི་འོག་ཟུར་དུ་གཤིན་རྗེ་གཤེད་སྨུག་ནག་ཞིང་དབྱུག་འཛིན་པ་ཡུམ་ལྕགས་ཀྱུ་འཛིན་མ་དང་འཁྲིལ་བ། སྟོབས་ཆེན་སེར་ནག་རྡོ་རྗེ། ཡུམ་ཞགས་པ། རྟ་མགྲིན་དམར་ནག་ཐོད་དབྱུག་སྦྲུལ་དཀྲིས། ཡུམ་ལྕགས་སྒྲོག །བདུད་རྩི་འཁྱིལ་བ་ལྗང་ནག་རྒྱ་གྲམ། ཡུམ་དྲིལ་བུ། ཡབ་ཡུམ་རྣམས་ཀྱི་གཡས་རང་རྟགས་དང་། གཡོན་སྡིག་མཛུབ། ཡུམ་རྣམས་སྐུ་མདོག་ཡབ་འདྲ། དུར་ཁྲོད་ཀྱི་ཆས་བརྒྱད། ཉི་མའི་གདན་དང་མེ་རིའི་ཀློང་ན་དོར་སྟབས་ཀྱིས་བཞུགས་པ། སྟེང་གི་གཡས་ཟུར་གྱི་དབུས་སུ་མི་བསྐྱོད་པ་མཐིང་ག་གཡས་ས་ནོན། གཡོན་མཉམ་གཞག །ཤར་དུ་རྣམ་སྣང་དཀར་པོ་བྱང་ཆུབ་མཆོག་གི་ཕྱག་རྒྱ། ལྷོར་རིན་འབྱུང་སེར་པོ་གཡས་མཆོག་སྦྱིན་གཡོན་མཉམ་གཞག །ནུབ་ཏུ་སྣང་མཐའ་དམར་པོ་མཉམ་གཞག །བྱང་དུ་དོན་གྲུབ་ལྗང་གུ་གཡས་སྐྱབས་སྦྱིན་གཡོན་མཉམ་གཞག །ཐམས་ཅད་ཆོས་གོས་རྣམ་གསུམ་སོགས་སྤྲུལ་སྐུའི་ཆ་ལུགས་དོན་དུ་ལྟུང་བཤགས་ཇི་ལྟ་བ། གདན་པད་ཟླ། རྒྱབ་ཡོལ་ནོར་འཛིན་པ་ཏྲ་བྲི། སྟེང་གི་གཡོན་ཟུར་གྱི་དབུས་སུ་བཛྲ་ཧེ་རུ་ཀ་མཐིང་ནག་གཡས་རྡོ་རྗེ། དྲེགས་པ་ཕོ་མོའི་གདན། འཁོར་བུདྡྷ་ཧེ་རུ་ཀ་སྨུག་ནག་གཡས་འཁོར་ལོ། །ལྷ་ཆེན་ཕོ་མོའི་གདན། རཏྣ་ཧེ་རུ་ཀ་སེར་ནག་གཡས་རིན་པོ་ཆེ། གཤིན་རྗེ་ཕོ་མོའི་གདན། པདྨ་ཧེ་རུ་ཀ་དམར་ནག་གཡས་པདྨ། ཀླུ་དབང་ཕོ་མོའི་གདན་ཀརྨ་ཧེ་རུ་ཀ་ལྗང་ནག་གཡས་རྒྱ་གྲམ། གནོད་སྦྱིན་ཕོ་མོའི་གདན། ཡུམ་རྣམས་ཡབ་ཀྱི་མདོག་ཅན་གཡས་དྲིལ་བུ་དང་གཡོན་དུང་དམར་སྟོབ་པ། ཡབ་རྣམས་ཀྱི་ཕྱག་གཡོན་པས་ཐུགས་ཀར་དུང་དམར་སྟེ་ཐོད་ཁྲག་འཛིན་པ། གར་དགུའི་ཉམས་ཅན། པདྨ་ཉི་མ་རང་རང་གི་གདན་གྱི་སྟེང་ན་དུར་ཁྲོད་ཆས་བརྒྱད་ཀྱིས་བརྒྱན་ཅིང་ཞབས་འདོར་ཐབས་སུ་བགྲད་པས་མེ་ཕུང་འབར་བའི་དབུས་ན་འགྱིང་བ་བྲི།། །། ༈

[edit]

thugs rje chen po pad+ma zhi khro 'am pad+ma rgyal po gtso 'khor yongs rdzogs kyi zhal thang bkod yig/ @#/_/oM swa sti/__thugs rje chen po pad+ma zhi khro 'am pad+ma rgyal po gtso 'khor yongs rdzogs kyi zhal thang bkod yig ni/__dbus su gtso bo pad+ma rgyal po sku mdog dmar po/__zhal gcig phyag bzhi/__'dzum zhing chags la khro ba'i nyams can/__phyag dang por gnyis thugs kar thal mo sbyar bas rdo rje dmar po rtse lnga pa bsnams pa/__g.yas 'og mas mu tig dmar po'i phreng ba dang /__g.yon 'og mas ut+pal dmar po 'dzin pa/__yum gsang ye dmar mo g.yas DA ma ru dang g.yon thod chang bsnams pas 'khril ba/__gnyis ka'ang dar dang rin chen rus pa me tog gis brgyan pa/__yab rdo rje dang yum pad+ma'i skyil mo krung gis sna tshogs pad+ma nyi zla'i gdan la bzhugs shing 'od zer dmar po 'phro ba/__de'i steng rigs lnga'i spyi bor pad+ma nyi zla'i gdan la bla ma pad+ma rdo rje 'chang sku mdog dmar po rdor dril thugs kar bsnol bas yum dmar skya pad+ma dril bu 'dzin ma la 'khyud pa/__rgyan dang bzhugs stangs gtso bo ltar/__'ja' 'od thig le'i klong na bzhugs pa/__gtso bo'i g.yas su sras/__g.yon du sras mo/__gnyis ka sku mdog dmar gsal gzhon zhing 'dzum nyams can/__zhal gcig phyag bzhi'i dang po gnyis thugs kar thal sbyar sras kyis nor bu 'dzin pa/__phyag 'og ma gnyis gtso bo dang 'dra/__dar dang rin chen me tog gi rgyan/__rus rgyan med/__zhabs sems skyil gyis pad zlar gtso bo la 'dud tshul gyis bzhugs pa/__gtso bo'i steng gi dbus su rnam snang dkar po g.yas 'khor lo/__/g.yon des yu ba byas pa'i dril bu/__yum spyan ma dkar mo g.yas 'khor los yu ba byas pa'i dril bu/__g.yon 'khor lo/__yab yum zhal sbyor gyi bzhugs pa'i gdan glang po ches bteg pa'i rin po che'i khri sna tshogs pad+ma/__nyi ma/__zla ba/__de'i g.yas zur du rdor sems mthing ga g.yas rdo rje/__g.yon rdo rjes yu ba byas pa'i dril bu/__yum snyems ma mthing skya g.yas rdo rjes yu ba byas pa'i dril bu/__g.yon rdo rje/__gdan seng ges bteg pa'i rin po che'i khri/__pad/__nyi/__zla/__de'i steng du rin 'byung ser po g.yas rin po che/__g.yon rin po ches yu ba byas pa'i dril bu/__yum mA ki ser skya g.yas rin po ches yu ba byas pa'i dril bu/__g.yon rin po che/__gdan rta mchog gis bteg pa'i rin po che'i khri/__pad/__nyi/__zla/__g.yon zur steng du snang ba mtha' yas dmar po g.yas pad+ma/__g.yon des yu ba byas pa'i dril bu/__yum gos dkar mo dmar skya g.yas pad+mas yu ba byas pa'i dril bu/__g.yon pad+ma/__gdan rma byas bteg pa'i rin po che'i khri/__pad/__nyi/__zla/__g.yon zur 'og tu don grub ljang gu g.yas rdo rje rgya gram/__g.yon des yu ba byas pa'i dril bu/__yum dam tshig sgrol ma ljang skya g.yas rgya gram gyi yu ba byas pa'i dril bu/__g.yon rgya gram/__gdan mkha' lding ste shang shang gis btegs pa'i rin po che'i khri/__pad/__nyi/__zla/__de'ang yab rnams phyag g.yas thugs kar gtod cing /__g.yon dkur brten pas yum la 'khyud pa/__yum rnams g.yas yab kyi mgul nas 'khyud cing /__g.yon phyag mtshan yab kyi snyan gyi thad du gtod pa/__yab rnams rdo rje'i skyil krung /__yum rnams pad+ma'i skyil krung gi 'khril sbyor can/__yab yum thams cad la dar gyi rgyan lnga dang /__rin po che'i rgyan brgyad ma chad par bri dgos/__rgyab yol 'od zer pa tra yin/__gtso bo'i g.yas g.yon du sa snying dkar snye ma/__yum lA se me long /__nam snying ser ral gri/__yum mA le phreng ba/__spyan gzigs dmar pad+ma/__yum gI rti pi waM/__phyag rdor mthing rdo rje/__yum ni rtI gar rgya/__byams pa dkar ser klu shing /__yum d+hU pe spos phor/__sgrib sel dmar ser pu sti/__yum puSh+pe ma me tog phreng ba/__kun bzang dmar ljang snye ma/__yum A lo ke mar me/__'jam dpal dkar ljang ut+pal/__yum gan+d+he dung phor/__de'ang yab rnams g.yas rang rang gi phyag mtshan thugs kar gtod pa/__g.yon dril bu dkur brten/__yum rnams kyi phyag g.yas rang rtags phyag rgyas yab kyi mgul nas 'khyud pa/__g.yon dril bu yab kyi snyan thad 'dzin pa/__yab rnams zhabs sems skyil/__yum rnams pad skyil gyis pad zla la bzhugs pa/__thams cad dar dang rin po che'i rgyan/__yum rnams sku mdog yab dang 'dra ba'i cung skya nyams/__g.yas zur steng du brgya byin dkar po pi waM/__thags bzang mthing go mtshon/__shAka thub ser mkhar bsil lhung bzed/__g.yon zur steng seng rab dmar nag po ti/__kha 'bar ser nag sgrom bu/__chos rgyal dud ka me chu/__gtsug tor chos gos sogs sprul sku'i cha byad can pad zla la bzhengs pa gtso bo'i g.yas g.yon gyi 'og zur du gshin rje gshed smug nag zhing dbyug 'dzin pa yum lcags kyu 'dzin ma dang 'khril ba/__stobs chen ser nag rdo rje/__yum zhags pa/__rta mgrin dmar nag thod dbyug sbrul dkris/__yum lcags sgrog__/bdud rtsi 'khyil ba ljang nag rgya gram/__yum dril bu/__yab yum rnams kyi g.yas rang rtags dang /__g.yon sdig mdzub/__yum rnams sku mdog yab 'dra/__dur khrod kyi chas brgyad/__nyi ma'i gdan dang me ri'i klong na dor stabs kyis bzhugs pa/__steng gi g.yas zur gyi dbus su mi bskyod pa mthing ga g.yas sa non/__g.yon mnyam gzhag__/shar du rnam snang dkar po byang chub mchog gi phyag rgya/__lhor rin 'byung ser po g.yas mchog sbyin g.yon mnyam gzhag__/nub tu snang mtha' dmar po mnyam gzhag__/byang du don grub ljang gu g.yas skyabs sbyin g.yon mnyam gzhag__/thams cad chos gos rnam gsum sogs sprul sku'i cha lugs don du ltung bshags ji lta ba/__gdan pad zla/__rgyab yol nor 'dzin pa tra bri/__steng gi g.yon zur gyi dbus su badz+ra he ru ka mthing nag g.yas rdo rje/__dregs pa pho mo'i gdan/__'khor bud+d+ha he ru ka smug nag g.yas 'khor lo/__/lha chen pho mo'i gdan/__rat+na he ru ka ser nag g.yas rin po che/__gshin rje pho mo'i gdan/__pad+ma he ru ka dmar nag g.yas pad+ma/__klu dbang pho mo'i gdan karma he ru ka ljang nag g.yas rgya gram/__gnod sbyin pho mo'i gdan/__yum rnams yab kyi mdog can g.yas dril bu dang g.yon dung dmar stob pa/__yab rnams kyi phyag g.yon pas thugs kar dung dmar ste thod khrag 'dzin pa/__gar dgu'i nyams can/__pad+ma nyi ma rang rang gi gdan gyi steng na dur khrod chas brgyad kyis brgyan cing zhabs 'dor thabs su bgrad pas me phung 'bar ba'i dbus na 'gying ba bri//____//__!_