JKW-KABUM-17-TSA-003-010

Previous Text Back to Volume PageNext Text

འཆི་མེད་འཕགས་མའི་ཐུགས་ཏིག་གི་མངོན་རྟོགས་བཀོད་ཡིག།

Wylie title	'chi med 'phags ma'i thugs tig gi mngon rtogs bkod yig
Location	mkhyen brtse'i bka' 'bum Volume 17, sde tshan 3, Text 10, Pages 548-550 (Folios 53b1 to 54b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'chi med 'phags ma'i thugs tig gi mngon rtogs bkod yig. In 'jam dbyangs mkhyen brtse'i dbang po'i bka' 'bum, Vol. 17: 548-550. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig
Cycle	འཆི་མེད་འཕགས་མའི་སྙིང་ཐིག་ ('chi med 'phags ma'i snying thig)

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །སྒྲོལ་དཀར་ཡབ་ཡུམ་མངོན་རྟོགས་བཀོད་ཡིག་དགེ། ཨོཾ་སྭ་སྟི་སིདྡྷི། འཆི་མེད་འཕགས་མའི་ཐུགས་ཏིག་གི་དཀྱིལ་འཁོར་གྱི་གཙོ་མོ་སྒྲོལ་དཀར་ཡིད་བཞིན་འཁོར་ལོ་ཡབ་ཡུམ་གྱི་སྐུ་བཞེངས་རྒྱུར། མ་གཞི་ལྷ་བཟོ་ནས་ཐིག་ཞིབ་པར་བཏབ་སྟེ་དཔེའུ་རིས་ལེགས་པར་བྲིས་པ་འདི་ཀ་སོར་བཞག་གི་ཆ་ཚད་ལྡན་ངེས་དགོས་པས་གཙོ་བོར་དཔེའུ་རིས་ལ་ཞིབ་དཔྱད་གལ་ཆེ་ཞིང་། འདིར་ཡང་མངོན་རྟོགས་མདོར་བསྡུས་བཀོད་ན། ཡུམ་སྒྲོལ་མ་དཀར་མོ་ཞལ་གཅིག །ཕྱག་གཉིས་མ། ཕྱག་གཡས་མཆོག་སྦྱིན་གྱི་ཕྱག་རྒྱ་པུས་མོ་གཡས་པའི་སྟེང་དུ་བརྐྱང་པ། གཡོན་ཐུགས་ཀའི་ཐད་ཙམ་དུ་མཐེ་བོང་དང་སྲིན་ལག་རྩེ་སྦྱར། སོར་མོ་ལྷག་མ་གསུམ་བསྒྲེང་བ་དཀོན་མཆོག་གསུམ་མཚོན་སྐྱབས་སྦྱིན་གྱི་ཕྱག་རྒྱས་མེ་ཏོག་ཨུཏྤལ་ལའི་ཡུ་བ་བཟུང་བ། འདབ་མ་རིམ་པར་རྒྱས་པ། མེ་ཏོག་སྙན་གཡོན་པའི་ཐད་ཀ་རང་དུ་ཁ་བྱེ་བ། དེའང་དུས་གསུམ་གྱི་སངས་རྒྱས་མཚོན་པའི་བརྡར་རྩ་བ་གཅིག་ལ་རྩེ་མོ་གསུམ་དུ་གྱེས་པའི་དབུས་ཀྱི་མེ་ཏོག་ཁ་བྱེ་ཞིང་རབ་ཏུ་རྒྱས་པའི་ཟེའུ་འབྲུར་ཚེ་བུམ་བཀོད་པ་གང་མཛེས་སྒྲོས་ལེགས་ཅན་གྱིས་མཚན་པ། །གཡས་ཀྱི་མེ་ཏོག་འདབ་མ་མེད་པའི་འབྲས་བུ་ཁོ་ན། གཡོན་གྱི་མེ་ཏོག་ཁ་མ་བྱེ་བ་གོང་བུའི་ཚུལ་དུ་ཡོད་པ། ཞི་ཞིང་འཛུམ་ལ་ཅུང་ཟད་ཆགས་པའི་ཉམས་ཅན་དབུ་ལ་སྤྱན་གསུམ་དང་། ཕྱག་ཞབས་ཀྱི་མཐིལ་ན་སྤྱན་རེ་རེ་སྟེ་ཞི་བའི་སྤྱན་བདུན་མངའ་བ། དབུ་སྐྲ་རལ་པའི་ཐོར་ཅོག་སྤྱི་བོར་བཅིངས་པའི་རྩེར་ནོར་བུས་མཚན་ཅིང་། ལྷག་མ་རྒྱབ་ཏུ་གྲོལ་བ། དར་གྱི་སྟོད་གཡོགས་དང་། སྨད་གཡོགས་ཅན། རིན་པོ་ཆེའི་དབུ་རྒྱན༡། སྙན་རྒྱན༢། མགུལ་རྒྱན༣། དོ་ཤལ་རིང་བ༤། ཐུང་བ༥། སྐ་རགས༦། ཕྱག་གདུབ་སྟེ་མཁྲིག་མའི་གདུ་བུ་དང་དཔུང་བའི་གདུ་བུ་༧སོ་སོ། །ཞབས་གདུབ་༨སྟེ་རིན་པོ་ཆེའི་རྒྱན་བརྒྱད་ཚང་བ། ཞབས་རྡོ་རྗེའི་སྐྱིལ་ཀྲུང་། གདན་པདྨ་ཟླ་བ། དེའི་པང་དུ་ཡབ་པདྨ་གར་གྱི་དབང་ཕྱུག །ཕྱག་གཡས་ཆུ་སྐྱེས་པདྨ་འདབ་མ་རྒྱས་པ་བསྣམས་པས་ཡུམ་གྱི་མགུལ་ནས་འཁྱུད་པ། གཡོན་ཚེ་བུམ་བསྣམས་པ། སྐུ་ཚུགས་མ་གཞི་ཞི་བ་ལ་ཅུང་ཟད་ཁྲོ་ཆགས་ཀྱི་ཉམས་ཡོད་པ། དབུ་ལ་སྤྱན་གསུམ་ཆགས་ཉམས་ཅན། ཞབས་གཉིས་ཡུམ་གྱི་སྐེད་པ་ནས་འཁྲིལ་ཏེ་སྐུ་རྒྱབ་ཏུ་ལོང་བུ་གཉིས་བསྣོལ་བ་པདྨའི་བཞུགས་སྟངས་ཀྱིས་འཁྱུད་པ། དར་དང་རིན་པོ་ཆེའི་རྒྱན་སྔར་སྨོས་པ་ལྟར་ཆ་ཚང་། ཡབ་ཡུམ་གཉིས་ཞལ་དངོས་སུ་སྦྱོར་བ་མ་དཔེ་ལྟར་ལས་མཐོ་དམན་མེད་པ་བཅས་སྐུ་ཚུགས་གང་ལེགས་དང་བྲད་བརྡར་སེས་ལུགས་སོགས་གང་ཅིར་རྒྱ་ནག་མ་དང་མཚུངས་པ་ཞིག་གལ་ཆེ་བས་ཐུགས་ལ་གཞུག་པར་ཞུ།། །། ༈

[edit]

'chi med 'phags ma'i thugs tig gi mngon rtogs bkod yig/ @#/_/sgrol dkar yab yum mngon rtogs bkod yig dge/__oM swa sti sid+d+hi/__'chi med 'phags ma'i thugs tig gi dkyil 'khor gyi gtso mo sgrol dkar yid bzhin 'khor lo yab yum gyi sku bzhengs rgyur/__ma gzhi lha bzo nas thig zhib par btab ste dpe'u ris legs par bris pa 'di ka sor bzhag gi cha tshad ldan nges dgos pas gtso bor dpe'u ris la zhib dpyad gal che zhing /__'dir yang mngon rtogs mdor bsdus bkod na/__yum sgrol ma dkar mo zhal gcig__/phyag gnyis ma/__phyag g.yas mchog sbyin gyi phyag rgya pus mo g.yas pa'i steng du brkyang pa/__g.yon thugs ka'i thad tsam du mthe bong dang srin lag rtse sbyar/__sor mo lhag ma gsum bsgreng ba dkon mchog gsum mtshon skyabs sbyin gyi phyag rgyas me tog ut+pal la'i yu ba bzung ba/__'dab ma rim par rgyas pa/__me tog snyan g.yon pa'i thad ka rang du kha bye ba/__de'ang dus gsum gyi sangs rgyas mtshon pa'i brdar rtsa ba gcig la rtse mo gsum du gyes pa'i dbus kyi me tog kha bye zhing rab tu rgyas pa'i ze'u 'brur tshe bum bkod pa gang mdzes sgros legs can gyis mtshan pa/__/g.yas kyi me tog 'dab ma med pa'i 'bras bu kho na/__g.yon gyi me tog kha ma bye ba gong bu'i tshul du yod pa/__zhi zhing 'dzum la cung zad chags pa'i nyams can dbu la spyan gsum dang /__phyag zhabs kyi mthil na spyan re re ste zhi ba'i spyan bdun mnga' ba/__dbu skra ral pa'i thor cog spyi bor bcings pa'i rtser nor bus mtshan cing /__lhag ma rgyab tu grol ba/__dar gyi stod g.yogs dang /__smad g.yogs can/__rin po che'i dbu rgyan1/__snyan rgyan2/__mgul rgyan3/__do shal ring ba4/__thung ba5/__ska rags6/__phyag gdub ste mkhrig ma'i gdu bu dang dpung ba'i gdu bu 7so so/__/zhabs gdub 8ste rin po che'i rgyan brgyad tshang ba/__zhabs rdo rje'i skyil krung /__gdan pad+ma zla ba/__de'i pang du yab pad+ma gar gyi dbang phyug__/phyag g.yas chu skyes pad+ma 'dab ma rgyas pa bsnams pas yum gyi mgul nas 'khyud pa/__g.yon tshe bum bsnams pa/__sku tshugs ma gzhi zhi ba la cung zad khro chags kyi nyams yod pa/__dbu la spyan gsum chags nyams can/__zhabs gnyis yum gyi sked pa nas 'khril te sku rgyab tu long bu gnyis bsnol ba pad+ma'i bzhugs stangs kyis 'khyud pa/__dar dang rin po che'i rgyan sngar smos pa ltar cha tshang /__yab yum gnyis zhal dngos su sbyor ba ma dpe ltar las mtho dman med pa bcas sku tshugs gang legs dang brad brdar ses lugs sogs gang cir rgya nag ma dang mtshungs pa zhig gal che bas thugs la gzhug par zhu//____//__!_