ཟླ་ཤེལ་ཆེན་མོའི་ཕྱག་ལེན་གྱི་ཟིན་བྲིས་དང་སྦྱོར་ཚོད་ལེ་ཚན་གཉིས།

From Khyentse Lineage - A Tsadra Foundation Project
JKW-KABUM-17-TSA-002-044
Previous Text Back to Volume PageNext Text
Wylie title zla shel chen mo'i phyag len gyi zin bris dang sbyor tshod le tshan gnyis JKW-KABUM-17-TSA-002.pdf
Location mkhyen brtse'i bka' 'bum
Volume 17, sde tshan 2, Text 44, Pages 380-386 (Folios 117b5 to 120b6)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. zla shel chen mo'i phyag len gyi zin bris dang sbyor tshod le tshan gnyis. In 'jam dbyangs mkhyen brtse'i dbang po'i bka' 'bum, Vol. 17: 380-386. Khams sde dge rdzong sar dgon: Rdzong sar blo gros phun tshogs, 2020.
Genre Medicine Texts - gso ba rig pa
Colophon
  • Colophon page 385: །ཅེས་པའང་རིག་པར་སྨྲ་བའི་གཟུགས་བརྙན་མཉྫུ་གྷོ་ཥས་ཟིན་ཐོར་བཏབ་པ་ཀུན་ལ་སྨན་པའི་རྒྱུར་གྱུར་ཅིག །ཤུ་བྷཾ།།
  • Colophon page 385: ces pa'ang rig par smra ba'i gzugs brnyan many+dzu g+ho Shas zin thor btab pa kun la sman pa'i rgyur gyur cig__/shu b+haM//

1 Texts in this Section (sde tshan or chos tshan)

44
380-386
ཟླ་ཤེལ་ཆེན་མོའི་ཕྱག་ལེན་གྱི་ཟིན་བྲིས་དང་སྦྱོར་ཚོད་ལེ་ཚན་གཉིས།
 zla shel chen mo'i phyag len gyi zin bris dang sbyor tshod le tshan gnyis
Medicine Texts - gso ba rig pa
 Text page
View PDF
འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
[edit]
ཟླ་ཤེལ་ཆེན་མོའི་ཕྱག་ལེན་གྱི་ཟིན་བྲིས་བདུད་རྩིའི་ཟླ་སྣང་བཞུགས་སོ།། །།ཨོཾ་སྭ་སྟི་སིདྡྷཾ། གང་ཞིག་མཚན་གྱི་ནོར་བུའི་ཕྲེང་བ་ནི། །སྐལ་བཟང་རྣ་བའི་ལྗོན་པ་ལ་དབྱངས་པས། །དོན་གཉིས་དགོས་དགུ་ལྷུག་པར་སྩོལ་བའི་དཔྱིད། །སྨན་རྒྱལ་ཚེ་མཐའ་ཡས་པས་དགེ་ལེགས་མཛོད། །འདིར་ཐ་སྐར་ཅན་གྱི་ཟླ་༨པའི་དཀར་ཕྱོགས་བཟང་པོ་དང་པོའི་གྲལ་ཚེས་༢དགེ་བར་ཟླ་བ་ནོར་བུའི་ཆུ་ཤེལ་གྱི་སྦྱོར་བ་ཕྱག་ལེན་མཐོང་བརྒྱུད་སྟོན་ཕྱིར་མཚོན་ཙམ་བགྱིས་པར། ཐོག་མར་ཅོང་ཞི་འདམ་བཏགས་བྱས་པ། ༣་༢༦གི་ཝཾ་སླད་མེད། ༠ ༡༠ བཟང་པོ་དྲུག་སོ་སོ་ནས། ༠ ༡༠རེ། རྒྱ་གར་དང་བོད་ཀྱི་ཨུཏྤལ་འདྲེས་མ༠ ༢༠ ཙནྡན་དཀར། ༠ ༠༤ དམར། ༠ ༠༧ གླ་རྩི་ཟོལ་མེད། ༠ ༠༢ གསེར་མེ། ༠ ༡༠ རྒྱ་གར་དུག་མོ་ཉུང་། ༠ ༡༥ སུམ་ཅུ་ཏིག ༠ ༢༤ བོང་ང་དཀར་པོ། ༠ ༡༤ ཨ་རུ། ༠ ༡༢ བ་ཤ་ཀ ༠ ༠༦ སྐྱུ་རུ་ར། ༠ ༡༠ རྒྱ་གར་རུ་རྟ། ༠ ༡༠ སེ་འབྲུ། ༠ ༥༠ པི་ལིང་། ༠ ༠༣ བྲག་ཞུན། ༠ ༡༨ དོམ་མཁྲིས་སླད་མེད། ༠ ༠༦ ལྕགས་ཕྱེ་དུལ་མ། ༠ ༠༤ པྲི་ཡང་ཀུ། ༠ ༠༩ གངས་ཐིག ༠ ༡༤ གུ་གུལ་ནག་པོ། ༠ ༡༠ ཁུར་རྩ། ༠ ༡༤ ཆུ་རྩ། ༠ ༡༤ མི་སོག་ཐལ་བ། ༠ ༢༣ དངུལ་ཆུ་དང་མུ་ཟི་འདྲེས་པ། ༠ ༨༠ རྣམ་སྣང་། ༠ ༠༤ ཀོ་བྱི་ལ་སྤུ་བཞར་པ། ༠ ༡༠ ཧོང་ལེན། ༠ ༠༨ མ་ནུ། ༠ ༡༠ ལུག་རུ་སྨུག་པོ། ༠ ༡༠ བཅས་སོ། །དེ་ཡང་ཅོང་ཞི་ནི་ཕྲམ་ཕྲུམ་དུ་བརྡུངས་ལ། ཆུ་གཙང་ནང་དུ་ལྷོག་ཙམ་བསྐོལ། ཁུ་བ་ཕོ་ལ་ཆུ་གྲང་གིས་ཡང་ཡང་བཤལ་ནས་ཆུ་སྔོ་ཁྲོལ་དུ་མ་སོང་བར་བྱ། དེ་ནས་སྐམ་བཅོལ་ལ་ཞིབ་པར་བཏགས་ནས་ དར་ཚགས་ལ་དྲངས། མཛོ་མོ་ཡར་མའི་འོ་མས་ཐུག་པ་སླ་ཤོས་ཙམ་དུ་བྲན་ཏེ་འདམ་བཏགས་བྱས་ནས་འཕང་ལོ་བྱས་ལ་གྲིབ་མར་སྐམ། ལྕགས་ཕྱེ་ནི་འོམ་བུའི་ལོ་མར་ལྷན་གཅིག་བཙོས་ལ་ཁུ་བ་རང་ཐིམ་འགྲོ་བར་བྱས། སླར་ཡང་ཡང་ཆུ་གྲང་གིས་བཤལ། ལྕགས་ཟུར་དུ་ཕྱུང་བ་དང་ལྗིད་མཉམ་པའི་ཨ་རུ་རའི་ཤ་ཚོས་པར་བཙོས་ལ་དེ་དང་མཉམ་དུ་གཏུན་ལ་བསྣུར་ནས་ལྕགས་ཀྱི་དངོས་པོ་ཀྲུ་བ་ན་ལྕགས་སྣོད་དུ་ཆུ་གཙང་གིས་སྦྱངས་ལ་དབྱར་ཡིན་ན་ཞག་གསུམ་དང་། སྟོན་དུས་ལྔ་སོགས་ཁེབས་ལེགས་པར་རྒྱབས་ཏེ་བསྙལ། དེ་ནས་འདམ་འཐགས་འཐེམས་པར་བྱས། ལྕགས་དྲེགས་ཡིན་ན་དུག་འདོན་སོགས་མི་དགོས། མི་མཐོང་བའི་བར་དུ་འདམ་བཏགས་བྱ། ཀོ་བྱི་ལ་མེ་མུར་དུ་ཅུང་ཟད་བསྲོས་ནས་སྤུ་བཞར་བ་རྡོག་པོ་བདུན་ལ་མཛོ་མོ་ཡར་མའི་འོ་མ་ཕུལ་གང་རེ་བླུགས་ནས་ཁུ་བ་རང་ཐིམ་དུ་འགྲོ་བར་བཙོ་ཞིང་སླར་ཆུས་བཤལ། དགེ་སློང་སྡོམ་ལྡན་གྱི་སོག་པ་གཡས་པ་དང་། རབ་དགེ་སློང་། འབྲིང་སྔགས་པ། ཐ་མ་སྐྱེས་པ་གཙང་མའི་དྲི་ཆེན་གཉིས་ནུས་ལྡན་དུ་བསྲེག་ཐལ་བཏང་། དངུལ་ཆུ་ནི། བཙོ་བཀྲུ་སྦྱངས་གསུམ་ཚད་ལྡན་མཐོང་རྒྱུད་ལྟར་བྱས་པའི་གྲང་འདུལ་ཆེན་མོ་དགོས་ལ། ཅིས་ཀྱང་མ་འཛོམ་ན་འདིར་བཏང་དུ་རུང་ཙམ་གྱི་གྲང་འདུལ་འབྲིང་པོར་གྲགས་པ་ནི། ཐོག་མར་གཡའ་༡ཕྱི་བ་ལ། དངུལ་ཆུ། ༠ ༥༠ ཡིན་ཚེ། སྒ་པི་ཕོ་གསུམ་སོ་སོ་ནས་ཐུན་རེ་ཞིབ་ཏུ་བཏགས་པ་ཉིད་རླན་ཅུང་ཟད་ཕབས་ལ། གླ་ཤུན་བུག་རྡོལ་མེད་པ་སྐྱི་ནང་བསྟན་གྱི་ཁུད་དུ་དལ་བུའི་ཉིན་ཕྱེད་ཙམ་མཉེས་པས། ཚ་བ་གསུམ་གྱི་ཕྱེ་མ་ནག་པོར་གྱུར་ཅིང་། དངུལ་ཆུའི་ནང་སྣང་བརྙན་ཤར་བ་བྱུང་ཚེ་གཡའ་ཐོན་པའི་རྟགས་ཡིན་པས་སོ་སོར་ཕྱེ། དེ་ནས་གཡའ་ཁུ་འདོན་པ་༢ནི་བ་གསར་དམར་ཟལ་གྱི་ཆུ་ལ་ལྕགས་སམ་རྫ་མ་ལྟ་བུའི་སྣོད་དུ་མ་ཎི་ཕྲེང་སྐོར་མགྱོགས་བུལ་རན་པ་བདུན་གྱི་ཡུན་དུ་བཙོ། དེ་ནས་བ་ཆུ་ཕོ་ལ་ཆུ་གྲང་གིས་ཡང་ཡང་བཤལ། ཡང་རྟ་གཅིན་དང་ལོ་བརྒྱད་ཀྱི་དྲི་ཆུར་ཡང་སྔ་མ་ལས་ཡུན་རིམ་པར་རིང་དུ་བཅུག་ནས་བཙོ་ཞིང་བཤལ། དེ་ནས་སྟར་བུའི་ཆུར་མ་ཎི་ཕྲེང་ཉེར་གཅིག་ཙམ་གྱི་ཡུན་དུ་རན་པར་བཙོ་ཞིང་བཤལ། དེ་ལྟར་བཙོ་བའི་ཚེ་ཧ་ཅང་མེ་ཆེས་ན་ཚིག་ནས་འཐོར་དོགས་ཡོད་ཅིང་། ཆུང་ན་མི་ཚོས་པས་རན་པར་བྱ། བཙོ་ཚེ་ལྕགས་ཐུར་གྱིས་དཀྲུགས་ཡུན་ཅུང་རིང་ཡང་སྐྱོན་མེད། འདི་དུས་ལེགས་པར་གྲུབ་ཚེ་ཕལ་ཆེར་ལ་ཤིང་བུ་སོགས་འཛིན་པ་འབྱུང་བ་ནི་ཚོས་པའི་ཚད་བླ་ན་མེད་པ་ཡིན། དེ་ནས་གཤའ་དཀར་དངུལ་ཆུའི་ཕྱེད། ༠ ༢༥ གཤའ་ནག་དེའི་ཡང་ཕྱེད། ༠ ༡༢ བཅས་ཀྱི་སྦྲང་ཤོག་སྣུམ་ཕོར་ཆུང་གང་ཙམ་བསྐོལ་ནས་ཁོལ་བ་དང་དངུལ་ཆུ་བཏབ། དེ་ནས་ལྕགས་ཐུར་གྱིས་དཀྲུགས་པ་ཅུང་ཟད་ནས་ཕོག་ལ་ཁའི་སྣུམ་ཕོ། དེ་ནས་དགྲ་དང་སྤྲད་ནས་རང་གཟུགས་༣སུ་བསྒྱུར་བ་ནི། གཤའ་དངུལ་འདྲེས་མ་དེ་ཉིད་དངུལ་ཆུ་དང་མཉམ་པའི་མུ་ཟི་དུག་ཕྲལ་གཏུན་དྲོད་ལྡན་དུ་བསྲོས་པ་མེར་གྱིས་ཞུ་བ་དང་མཉམ་དུ་རྡོ་གཏུན་དུ་བསྣུར། གཅིག་ཏུ་འདྲེས་ནས་ནམ་མཁའི་མདོག་ཏུ་འགྱུར་ཚེ་སྟར་བུའི་ཆུའི་འདམ་བཏགས་རང་སྐམ་མ་སོང་བར་བྱས་པའོ། །མུ་ཟི་དུག་འདོན་ནི། བོད་ཡུལ་གྱི་དུར་ཝ་རྩྭ་རན་པ་ཚོས་པར་བཙོས་པའི་ཁུ་བའི་ནང་དུ། མུ་ཟི་ལྷད་མེད་ཁྲོལ་ཙམ་བརྡུང་ནས་རས་ཧྲེད་དུ་བསྟུམ་ལ་བཙོ་ནས་ཞག་ཏུ་བཞག །ནངས་པར་ཆུ་གྲང་གིས་ཡང་ཡང་བཤལ་ནས་གྲིབ་སྐམ་བྱས་པས་མུ་ཟིའི་དྲི་མ་ཆེར་མེད་ཚེ་དུག་ཐོན་རྟགས་ཡིན། དེ་ལྟར་དུག་འདོན་སོགས་ཚད་ལྡན་དུ་གྲུབ་ནས་རིལ་བུ་དངོས་ཀྱི་སྦྱོར་ཚུལ་ལ། སྨན་རྣམས་ཕྱོགས་གཅིག་ཏུ། རྩི་བཞིན་བཏགས་ནས་དར་ཚགས་ལ་དྲངས། དེ་ནས་ཨ་རུ་རའི་ཕྱེ་མས་ལྕགས་གཡའ་ཕབས་པའི་ཁུ་བ་ནག་པོ་བླུགས་ལ་འདམ་བཏགས་འཐེམས་པར་བྱ། ཁྱད་པར་དུ་ཕབས་གཏའི་རིགས་རིན་ཆེན་ཚ་སྦྱོར། གྲང་སྦྱོར། མང་སྦྱོར་སོགས་དང་། སྔ་མས་བསྡུས་པའི་ཟླ་ཤེལ་རིལ་བུ་ཚད་ལྡན་གང་འབྱོར་བཏང་། གཏོར་ཟན་ཙམ་དུ་གྱུར་ཚེ་མར་དཀར་གྱི་རྩི་དང་བཅས་རིལ་བུ་སྲན་རློན་ཙམ་དུ་དྲིལ། དེ་ནས་ལྡིང་ཁྲི་ལྟ་བུའི་ཁར་ཅུང་ཟད་བཀོད་རྗེས་ཐོག་མར་དར་གྱི་ཁུག་མར་ཆག་བྱ། དེ་ནས་ཅུང་ཟད་སྐམ་པ་དང་ལྷུང་བཟེད་ལྟ་བུར་ཆགས་འཐེམས་པར་བྱས། སྨན་བླའི་གཟུངས་དང་རྟེན་འབྲེལ་སྙིང་པོས་ཤིས་པ་བརྗོད། རླུང་མི་འཆོར་བའི་སྣོད་དུ་བཅངས་པར་བྱ་བ་གཅེས་སོ། །དེ་ལྟར་འཆི་མེད་སྦྱོར་བའི་གཉིས་སྐྱེས་དབང་། གཞན་ཕན་ཆུ་གཏེར་བསྒྲིལ་ལས་འཐོན་པའི་ཚུལ། །འདིས་ཀྱང་འཕྲལ་ཡུན་ཕན་བདེའི་ཨུཏྤལ་དཀར། །འཛུམ་ཕྲེང་གཡོ་བའི་དགའ་མས་རྩེན་གྱུར་ཅིག །ཅེས་པའང་རིག་པར་སྨྲ་བའི་གཟུགས་བརྙན་མཉྫུ་གྷོ་ཥས་ཟིན་ཐོར་བཏབ་པ་ཀུན་ལ་སྨན་པའི་རྒྱུར་གྱུར་ཅིག །ཤུ་བྷཾ།། །། ༈ ཟླ་ཤེལ་ཆེན་མོ་ལ། གཙོ་བོ་ཅོང་ཞི་འདམ་བཏགས་སྲང་བཅུ་བྱས་པའི་དབང་དུ་བྱས་ན། དངུལ་ཆུ་མུ་ཟི་འདྲེས་པ་སྲང་། ༢ ༠༠ ཅོང་ཞི་སྲང་ལྔ་བྱེད་པའི་དབང་དུ་བྱས་ན། དངུལ་ཆུ་འདྲེས་པ་སྲང་། ༡ ༠༠ གི་ཝཾ་ཞོ། ༠ ༢༩ འམ། ༠ ༡༤ དེས་མཚོན་ཏེ་བཟང་དྲུག་སོ་སོ། ༠ ༡༥ ༠༠༤ ཙནྡན་དཀར་པོ། ༠་༡༨ ༠ ༠༩ ཙན་དམར། ༠ ༢༡ ༠ ༡༢ གླ་རྩི། ༠་༠༦ ༠་༠༣ གསེར་མེ། ༠་༣༠ ༠་༡༥ དུག་ཉུང་། ༠ ༤༥ ༠ ༢༣ ཏིགྟ། ༠ ༢༥ ༠ ༡༢ རྒྱ་གར་དང་བོད་ཀྱི་བོང་དཀར་འདྲེས་མ། ༠ ༣༦ ༠ ༡༨ བ་ཤ་ཀ ༠ ༣༦ ༠ ༡༨ རུ་རྟ་རྒྱ་བོད་འདྲེས་མ། ༠ ༤༢ ༠ ༢༡ ཨ་རུ་ར། ༡་༡༠ ༠་༥༥ སྐྱུ་རུ་ར། ༠ ༣༠ ༠་༡༥ སེ་འབྲུ། ༢ ༢༠ ༡་༡༣ པི་ལིང་། ༠ ༡༠ ༠ ༠༥ བྲག་ཞུན། ༠ ༥༤ ༠ ༢༧ དོམ་མཁྲིས། ༠ ༡༨ ༠ ༠༩ ལྕགས་ཕྱེ། ༡ ༡༠ ༠་༥༥ པྲི་ཡངྐུ། ༠ ༥༤ ༠ ༢༧ གངས་ཐིག ༠ ༤༢ ༠ ༢༡ ཁུར་རྩ། ༢་༤༠ ༡་༢༠ ཆུ་རྩ། ༢ ༤༠ ༡ ༢༠ མི་སོགས་ཐལ་བ། ༠ ༡༠ ༠ ༠༥ དྲི་ཆེན། ༠་༠༤ ༠་༠༢ ཀོ་བྱིལ། ༠ ༣༣ ༠ ༡༧ ཧོང་ལེན། ༠ ༨༠ ༠ ༤༠ མ་ནུ། ༠ ༩༧ ༠ ༤༩ ལུག་རུ་དམར་པོ། ༠ ༧༢ ༠ ༣༦ གུ་གུལ། ༢ ༣༤ ༡ ༡༧ ཨུཏྤལ། ༠ ༧༥ ༠ ༣༤ རྣམས་སོ། །དེའང་ཟླ་ཤེལ་སོ་བདུན་མ་ཞེས་གྲགས་ནའང་། གཞུང་ཚིགས་བཅད་མར་སོ་བདུན་གྱི་གྲངས་འགྲིགས། བུ་ཡིག་རྣམས་སུ་གུ་གུལ་བཤད་པས་སོ་བརྒྱད་དུ་འགྱུར་ནའང་། དངུལ་ཆུ་དང་མུ་ཟི་གཅིག་ཏུ་བརྩིས་ནས་སོ་བདུན་དུ་བཞེད་པ་ཡིན་སྙམ། ཀརྨ་རིན་ཆེན་གྱི་དཀར་ཆག་ཏུ། དོམ་མཁྲིས་དང་། པི་ལིང་མི་སྣང་བ་ཡི་གེར་ཆད་པ་ཡིན་འདྲའོ། །གོང་གསལ་ཅོང་ཞི་འདམ་བཏགས་སྲང་བཅུ་ལ་གཞི་བྱས་ན་རིལ་བུ་དཀར་ཡོལ་བཀྲ་ཤིས་རྟགས་བརྒྱད་ཞིག་གི་སྤོག་དྲུག་ཙམ་བབ། ། ༈

Footnotes

Other Information

Retrieved from "https://khyentselineage.tsadra.org/index.php?title=JKW-KABUM-17-TSA-002-044&oldid=56669"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.