JKW-KABUM-17-TSA-002-043

Previous Text Back to Volume PageNext Text

མིག་གི་འགྲིབ་རིགས་ལ་ཐུར་མ་དང་སྨན་དཔྱད་གཞན་ལ་མི་ལྟོས་པར་མེ་ཁོ་ནས་བཅོམ་ཚུལ།

Wylie title	mig gi 'grib rigs la thur ma dang sman dpyad gzhan la mi ltos par me kho nas bcom tshul
Location	mkhyen brtse'i bka' 'bum Volume 17, sde tshan 2, Text 43, Pages 378-380 (Folios 116b6 to 117b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mig gi 'grib rigs la thur ma dang sman dpyad gzhan la mi ltos par me kho nas bcom tshul. In 'jam dbyangs mkhyen brtse'i dbang po'i bka' 'bum, Vol. 17: 378-380. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

མིག་གི་འགྲིབ་རིགས་ལ་ཐུར་མ་དང་སྨན་དཔྱད་གཞན་ལ་མི་ལྟོས་པར་མེ་ཁོ་ནས་བཅོམ་ཚུལ་ནི། སྨིན་མའི་འཇུག་ནས་དབུས་དང་། མགོ་ནས་ཀྱང་དབུས་སུ་མཚོན་གང་གཞལ་བའི་སྨིན་དབུས་དྲང་པོའི་རུས་པའི་གདོང་ནས་གསོ་བྱ་རང་གི་མཛུབ་མོའི་ཚིགས་གསུམ་པ་བཞག་སྟེ་གྱེན་དུ་སློང་བའི་མཛུབ་རྩེ་སླེབས་མཚམས་དང་། སྐྲ་སྦལ་ཅན་རྣམས་ཀྱི་སྨིན་དབུས་ཀྱི་སྐྲ་མཚམས་ནས་གྱེན་དུ་ཚོན་གང་གཞལ་བ་དོན་གཅིག་པས། གནས་དེར་མནན་ན་མིག་འབྲས་ལ་ཟུག་རྔུ་འབྱུང་བའི་དམིགས་ཡོད་ས་དང་། ལུག་རིལ་ཙམ་གྱི་སྤྲ་བ་ཤིན་ཏུ་དམ་པའི་མེ་ཚུགས་གཅིག་བཞག་པར་བྱ་སྟེ། གཡས་གཡོན་གཉིས་ཀར་བཞག་གམ་རེ་རེས་ཆོག །གསོ་བྱའི་མིག་ལ་དཔྱད། ཚིགས་པ་དང་པོ་ནས་འཕྲེད་དུ་མཛུབ་གང་དང་། སོག་རྩེ་ཁ་སྤྲོད་ནས་སོག་པའི་ཕྱོགས་སུ་ཚོན་གང་འཇལ་བའི་ཕན་ཚུན་འཕྲད་མཚམས་སམ། ཚིགས་པ་ལྔ་པ་ནས། གཡས་སུ་སོར་བཞི་འཕྲེད་དུ་འཇལ་བའི་མཚམས་ལ་མནན་པས་མིག་ལ་ཟུག་འབྱུང་བ། དེ་གཉིས་གང་རྙེད་དུ་སྤྲ་ཚུགས་ཆེ་བ་རེ་བཞག །གཡོན་པ་ལའང་དེ་དང་མཚུངས་སོ། །འདི་ནི་སྔོན་ནས་ཆེར་མ་འགྲིབས་པ་བསལ་ཐུབ་ལ། འགྲིབས་བཞིན་པ་སླར་མི་འགྲིབས་པའི་གསང་གཅོད་ཞལ་ཤེས་ཁོ་ན་ཡི་གེར་བཀོད་པའོ། ། ༈ ལྦ་བ་ཤ་ལྷག་གི་རིགས་རྩད་ནས་འདོན་པའི་གདམས་ངག་ནི། བྱུང་ནས་ལོ་གཉིས་གསུམ་ན་བཙག་བུས་ལེགས་པར་གཤགས་ནས། ནང་གི་རྣག་ཁྲག་ཆུ་སེར་སོགས་དབྱུང་། ཤ་གདན་དངོས་མ་བསྣད་པ་གལ་ཆེ། དེ་ནས་ཆུ་ཡིས་དག་པར་བཀྲུས་རྗེས་རྨ་སྨན་སྤྱི་དང་ཁྱད་པར་གུར་གུམ་དོམ་མཁྲིས་ཀྱི་ཆུ་ལ་ལན་ཚྭ་བཏབ་པ་བྱུགས། དེ་ནས་དར་སྐུད་ཀྱིས་ཤ་གདན་དང་མཉམ་པར་བཙེམས། ཕྱི་རུ་ཧེལ་གེ་དུམ་བུ་སྦྱིན་གྱིས་སྦྱར། ཞག་བདུན་བརྒྱད་ལ་ཟས་སྤྱོད་གཟབ་པས་མཚོ། ཡང་རྣ་བའི་ནང་གི་ལྦ་རྩ་དེ་ཉིད་ཁབ་ཀྱིས་ཕུག་ནས་ཞ་ཉེའི་རྣ་ཆ་བཏགས་པ་དང་། སྨན་སོགས་འབྲི་གུང་གཅེས་བཏུས་ལྟར་ཟབ་གསུངས། ། ༈ ཡང་གཅིག་གྲེ་ཐོག་མན་ངག་ལ། རིན་ཆེན་ཟངས་ཀྱི་ཏེལ་པ་ནི། །ཚད་ལྡན་ལག་ལེན་ཞལ་ལས་ཤེས། །སྔགས་ནི། ཨོཾ་ཨ་ཚ་སོད། མེ་ཚ་སོད། མེ་ཤི་སོད། དུབ་ཁ་ཤི་སོད་སྭཱ་ཧཱ། གཡོ་དང་བསྲེགས་དང་བཅད་པ་གསུམ། །དཀར་ནག་ནད་ཀྱི་དབྱེ་བ་ལ། །སྔ་ཕྱི་དུས་ལ་དཔགས་པར་བྱ། ཨྠིྀ། ། ༈

[edit]

mig gi 'grib rigs la thur ma dang sman dpyad gzhan la mi ltos par me kho nas bcom tshul/ mig gi 'grib rigs la thur ma dang sman dpyad gzhan la mi ltos par me kho nas bcom tshul ni/__smin ma'i 'jug nas dbus dang /__mgo nas kyang dbus su mtshon gang gzhal ba'i smin dbus drang po'i rus pa'i gdong nas gso bya rang gi mdzub mo'i tshigs gsum pa bzhag ste gyen du slong ba'i mdzub rtse slebs mtshams dang /__skra sbal can rnams kyi smin dbus kyi skra mtshams nas gyen du tshon gang gzhal ba don gcig pas/__gnas der mnan na mig 'bras la zug rngu 'byung ba'i dmigs yod sa dang /__lug ril tsam gyi spra ba shin tu dam pa'i me tshugs gcig bzhag par bya ste/__g.yas g.yon gnyis kar bzhag gam re res chog__/gso bya'i mig la dpyad/__tshigs pa dang po nas 'phred du mdzub gang dang /__sog rtse kha sprod nas sog pa'i phyogs su tshon gang 'jal ba'i phan tshun 'phrad mtshams sam/__tshigs pa lnga pa nas/__g.yas su sor bzhi 'phred du 'jal ba'i mtshams la mnan pas mig la zug 'byung ba/__de gnyis gang rnyed du spra tshugs che ba re bzhag__/g.yon pa la'ang de dang mtshungs so/__/'di ni sngon nas cher ma 'gribs pa bsal thub la/__'gribs bzhin pa slar mi 'gribs pa'i gsang gcod zhal shes kho na yi ger bkod pa'o/__/_!_lba ba sha lhag gi rigs rtsad nas 'don pa'i gdams ngag ni/__byung nas lo gnyis gsum na btsag bus legs par gshags nas/__nang gi rnag khrag chu ser sogs dbyung /__sha gdan dngos ma bsnad pa gal che/__de nas chu yis dag par bkrus rjes rma sman spyi dang khyad par gur gum dom mkhris kyi chu la lan tshwa btab pa byugs/__de nas dar skud kyis sha gdan dang mnyam par btsems/__phyi ru hel ge dum bu sbyin gyis sbyar/__zhag bdun brgyad la zas spyod gzab pas mtsho/__yang rna ba'i nang gi lba rtsa de nyid khab kyis phug nas zha nye'i rna cha btags pa dang /__sman sogs 'bri gung gces btus ltar zab gsungs/__/_!_yang gcig gre thog man ngag la/__rin chen zangs kyi tel pa ni/__/tshad ldan lag len zhal las shes/__/sngags ni/__oM a tsha sod/__me tsha sod/__me shi sod/__dub kha shi sod swA hA/__g.yo dang bsregs dang bcad pa gsum/__/dkar nag nad kyi dbye ba la/__/snga phyi dus la dpags par bya/__a+thi+-i/__/_!