JKW-KABUM-17-TSA-002-040

Previous Text Back to Volume PageNext Text

ཡང་འབམ་བཅོས་ལ།

Wylie title	yang 'bam bcos la
Location	mkhyen brtse'i bka' 'bum Volume 17, sde tshan 2, Text 40, Pages 368-371 (Folios 111b1 to 113a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang 'bam bcos la. In 'jam dbyangs mkhyen brtse'i dbang po'i bka' 'bum, Vol. 17: 368-371. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འབམ་བཅོས་འབྲི་གུང་པའི་ཚེ་འཛིན་སྲོག་སྐྱོབས་དང་། ཤོག་དྲིལ་ཐེམས་སྤང་མ་ལྟར་ཟབ། དེ་ཡང་དཀར་པོ་ནི། རྩ་དལ་ལ་འཇམ། ཆུ་མདོག་དཀར་ཞིང་སྦུ་བ་སངས་པ་སྐྱེན་སྒྱིད་ཁུག་སོགས་སུ་སྐྲངས་པ་སྐྱ་ལ་སོབ་པ། རེག་ན་ཟུག་གཟེར་མེད་པ་འབྱུང་། ཁྲ་བོ་ནི། རྩ་བྲེལ་ཉམས་ཡོད་པ། ཆུ་མདོག་དམར་སེར་མཐའ་རྒྱ་ཤལ་ཡོད་པ། ལྦུ་བ་ཅུང་མི་བརྟན་པ་སྟེ། ཕལ་ཆེར་ལ་ནད་རྟགས་འདི་འབྱུང་བ་མང་། རྐང་པ་ཟུག་ཆེ་ཤིང་སྐྲངས་པ་ལ་མེ་ལྕེ་འདྲ་བའི་དམར་ཐིག་འབྱུང་བ། ནག་པོ་ནི། རྩ་ཆུ་སོགས་ཚད་པའི་རྟགས་ཤིན་ཏུ་ཆེ། ཁྱད་པར་ཆུ་ཁྲག་རུལ་འདྲ་ཞིང་ལྦུ་བ་མི་བརྟན། རྐང་པའི་སྐྲངས་ཆེར་མཁྲེགས་ཅིང་ཁ་དོག་སྔོ་དམར་སོགས་འབྱུང་བའོ། །འོན་ཀྱང་ཐེ་ཚོམ་སྐྱེ་ན། དཔའ་སེར་དང་སྒ་སྐྱ་མར་རྙིང་ལ་སྦྱར་ནས་བྱུགས། ཉི་མ་ལ་བསྟན་པས་ཟུག་ཆེ་ན་འབམ་དང་། དེས་ཕན་སྙམས་བྱེད་ན་ཆུ་སེར་དུ་བཟུང་ངོ་། །དེ་ལ་ནད་ཕོག་མ་ཐག་ནས་རོ་སྟོད་གཟེར་བ་དང་། རྐང་པ་བེམ་ཞིང་འབྲུམ་ཕྲན་འོང་། དེ་དུས། སྐྱུ་རུ་ར། ཧོང་ལེན། གཟེར་འཇོམས་གསུམ་གྱི་ཐང་ཡང་ཡང་གཏོང་བའམ། ཐང་ཆེན་ཉེར་ལྔ་དང་། བདུན་ཐང་ཚད་ལྡན་ཞག་ཁ་ཡར་བསྟེན། དེ་རྗེས་གླང་ཆེན་བཅོ་བརྒྱད་གི་ཝཾ་བུངས་བསྐྱེད་པ་དང་། སོ་ལྔ་ནས་གཉན་སྨན་བཞི་ཕྲི་ཞིང་། གི་ཝཾ། པྲི་ཡངྐུ། བྲག་ཞུན་གསུམ་ཆ་ཆུང་རེ་བསྣན། ཀོ་བྱི་སྤུ་ལྡན། ནཱ་ག་གེ་སར་འདབས་འཕར་བྱས་པའི་སྙན་བརྒྱུད་ཨ་གར་སོ་ལྔ་དང་། རཏྣ་བརྒྱད་པ་བཅས་རྒྱུན་བསྟེན་དང་། སྐབས་རེར་སྐྱུ་རུ་ཉེར་ལྔ། སྒ་ལོ། མན་ངག་བསིལ་སྦྱོར་སོགས་རིགས་པས་དཔྱད་ལ་གཏོང་། དེ་ནས་སྟོད་ཀྱི་ཟུག་རིམ་པར་ཆོག་ཅིང་། རྐང་པ་ཤིན་ཏུ་གཟེར་བའི་དུས། གནམ་ལྕགས་རིལ་བུ། སྤོས་ཁྱུང་བཅོ་ལྔ། ཀླུ་བདུད་བཅོ་བརྒྱད་སྟེང་དངུལ་ཆུ་ཚ་འདུལ་བསྣན་པ་རྣམས་སྤེལ། དེ་རྗེས་ཞག་དྲུག་བདུན་མཚམས་ཟུག་རིམ་པར་ཆག་ཅིང་། སྒྱིད་ཁུག་གི་རུས་འགུལ་སོགས་ན་ན་འབེབས་རྟགས་ཡིན་པས། ལ་ཕུག་གཏོང་རན་མིན་བརྟག་པ་ནི། ལྕགས་སྣོད་དུ་དྲི་ཆུ་དཀར་ཡོལ་ཕྱེད་པ་ཅན་གཉིས་བཞག །གཅིག་གི་ནང་ལ་ཕུག་གྲི་བཞོག་གཅིག་བཅུག །སྣོད་ནང་དུ་ཆུ་དཀར་ཡོལ་ཕྱེད་ནུབ་ཙམ་བླུགས་ནས་བསྐོལ། གཟོད་བལྟས་པས་ལ་ཕུག་ཅན་དྭངས་ཞད་དང་སྔོ་བ་བྱུང་ན་འཕྲོད་རྟགས་ཡིན། ཡང་ཚབ་ཆུང་རིགས་ལ། ལ་ཕུག་ཆ་གཅིག །ཤ་ཆ་གསུམ་བྱས་པའི་ཐུག་པ་སླ་མོ་ཞིག་གཏོང་བས་མི་འཕྲོད་པ་མ་བྱུང་ན་ཤ་ཆ་ཕྲི་ཞིང་། ལ་ཕུག་བསྐྱེད་ལ་གཏོང་། གང་ལྟར་ཡང་ལབ་ཁུ་རས་དཀར་གཙང་མར་དྭངས་སྙིགས་བརྗེས་ནས། དྭངས་མའི་ནང་། པྲི་ཡངྐུ་སོར་བཞི་ཙམ་དུ་བཏུས་པ་དང་། ཁྲག་སྐེམས་གཞོན་ནུ་ཉི་མ་མ་ལྡོག་གོང་བཏུས་པ། གུར་གུམ། རྒྱ་ཚྭ་ཞད་ཙམ་བཅས་བཏབ་ནས་ཁྱེའུ་གསོས་ཀྱི་ཚུལ་དུ་བསྟེན། གནས་གོས་སོགས་ཤིན་ཏུ་དྲོ་བར་བྱ། སྙིགས་མ་ལ། ལྕུམ་རྩ། ཆུ་རྩ། བུལ་ཏོག །ལྕགས་ཀྱུ། ཀླུ་བདུད་རྣམས་སྦྱར་བ་སྐྲངས་སར་བྱུགས། ཚབ་ཆེན་རིགས་ལ་རྗེས་གཅོད། གུ་གུལ་བཅུ་སྟེང་། ཁྱུང་ལྔ། ཀླུ་བདུད། སྡིག་པ་དཀར་ནག་རྣམས་བསྣན་པའི་རིལ་བུ་གཏོང་། གཞན་ཡང་བླ་གཉན་ཁྲག་རླུང་ལ། ཨ་གར་སོ་ལྔ་དང་། དྲང་སྲོང་ཨར་བརྒྱད་སོགས་གཏོང་། སྨད་དུ་བབས་ཀྱང་སླར་རོ་སྟོད་ན་བ་སོགས་བྱུང་ན་གསང་སྨན་ཆེན་མོའི་འབྱར་བྱ། རཏྣ་བརྒྱད་པ་དང་། ཀོ་བྱི་ཨཾ་བྷིའི་ཐང་གིས་ཕུལ་བ་གཏོང་། བད་ཀན་སྨུག་པོ་དང་བསྡོང་པ་ལ། །གི་དགུ་དང་མན་བསིལ་ལྟག་པ་སྤྲད་ཅིང་། སྐབས་རེར་གླང་ཆེན་བཅོ་བརྒྱད་སོགས་བསྟེན། བད་ཁྲག་ཤས་ཆེ་བ་ལ། སྐྱུ་རུ་ཉེར་ལྔ་དང་། སྒ་ལོ་སོགས་སྤེལ། མགོ་གཟེར་ན་དཔའ་དྲུག །ཕོ་མཆིན་མི་བདེ་ན་དྭངས་མ་གནས་འཇོག་སྟེང་རྩ་བ་ལྔ་བསྣན་པ། གློ་ནད་འདྲ་བའི་རིགས་ལ་སྤྲིན་ཟླའི་སྟེང་། སྲོ་ལོ་དཀར་པོ་དང་། རུ་རྟ་བསྣན་པ་གཏོང་བ་སོགས་རིག་པས་དཔྱད། རྗེས་ན་སོ་རྒས་པ་དང་། རླུང་དང་གྲང་གཞི་ཆེ་བ་ལ་ཆུ་ཚན་སྨན་མར། གཞོན་དར་ལུས་ཟུངས་དང་ལྡན་ཞིང་ཁྲག་མཁྲིས་ཤས་ཆེ་བར་མ་སྔས་པར་ལོང་རྩ་གཏར་བ་སོགས་བྱ་བའོ། ། ༈

[edit]

yang 'bam bcos la/ 'bam bcos 'bri gung pa'i tshe 'dzin srog skyobs dang /__shog dril thems spang ma ltar zab/__de yang dkar po ni/__rtsa dal la 'jam/__chu mdog dkar zhing sbu ba sangs pa skyen sgyid khug sogs su skrangs pa skya la sob pa/__reg na zug gzer med pa 'byung /__khra bo ni/__rtsa brel nyams yod pa/__chu mdog dmar ser mtha' rgya shal yod pa/__lbu ba cung mi brtan pa ste/__phal cher la nad rtags 'di 'byung ba mang /__rkang pa zug che shing skrangs pa la me lce 'dra ba'i dmar thig 'byung ba/__nag po ni/__rtsa chu sogs tshad pa'i rtags shin tu che/__khyad par chu khrag rul 'dra zhing lbu ba mi brtan/__rkang pa'i skrangs cher mkhregs cing kha dog sngo dmar sogs 'byung ba'o/__/'on kyang the tshom skye na/__dpa' ser dang sga skya mar rnying la sbyar nas byugs/__nyi ma la bstan pas zug che na 'bam dang /__des phan snyams byed na chu ser du bzung ngo /__/de la nad phog ma thag nas ro stod gzer ba dang /__rkang pa bem zhing 'brum phran 'ong /__de dus/__skyu ru ra/__hong len/__gzer 'joms gsum gyi thang yang yang gtong ba'am/__thang chen nyer lnga dang /__bdun thang tshad ldan zhag kha yar bsten/__de rjes glang chen bco brgyad gi waM bungs bskyed pa dang /__so lnga nas gnyan sman bzhi phri zhing /__gi waM/__pri yang+ku/__brag zhun gsum cha chung re bsnan/__ko byi spu ldan/__nA ga ge sar 'dabs 'phar byas pa'i snyan brgyud a gar so lnga dang /__rat+na brgyad pa bcas rgyun bsten dang /__skabs rer skyu ru nyer lnga/__sga lo/__man ngag bsil sbyor sogs rigs pas dpyad la gtong /__de nas stod kyi zug rim par chog cing /__rkang pa shin tu gzer ba'i dus/__gnam lcags ril bu/__spos khyung bco lnga/__klu bdud bco brgyad steng dngul chu tsha 'dul bsnan pa rnams spel/__de rjes zhag drug bdun mtshams zug rim par chag cing /__sgyid khug gi rus 'gul sogs na na 'bebs rtags yin pas/__la phug gtong ran min brtag pa ni/__lcags snod du dri chu dkar yol phyed pa can gnyis bzhag__/gcig gi nang la phug gri bzhog gcig bcug__/snod nang du chu dkar yol phyed nub tsam blugs nas bskol/__gzod bltas pas la phug can dwangs zhad dang sngo ba byung na 'phrod rtags yin/__yang tshab chung rigs la/__la phug cha gcig__/sha cha gsum byas pa'i thug pa sla mo zhig gtong bas mi 'phrod pa ma byung na sha cha phri zhing /__la phug bskyed la gtong /__gang ltar yang lab khu ras dkar gtsang mar dwangs snyigs brjes nas/__dwangs ma'i nang /__pri yang+ku sor bzhi tsam du btus pa dang /__khrag skems gzhon nu nyi ma ma ldog gong btus pa/__gur gum/__rgya tshwa zhad tsam bcas btab nas khye'u gsos kyi tshul du bsten/__gnas gos sogs shin tu dro bar bya/__snyigs ma la/__lcum rtsa/__chu rtsa/__bul tog__/lcags kyu/__klu bdud rnams sbyar ba skrangs sar byugs/__tshab chen rigs la rjes gcod/__gu gul bcu steng /__khyung lnga/__klu bdud/__sdig pa dkar nag rnams bsnan pa'i ril bu gtong /__gzhan yang bla gnyan khrag rlung la/__a gar so lnga dang /__drang srong ar brgyad sogs gtong /__smad du babs kyang slar ro stod na ba sogs byung na gsang sman chen mo'i 'byar bya/__rat+na brgyad pa dang /__ko byi aM b+hi'i thang gis phul ba gtong /__bad kan smug po dang bsdong pa la/__/gi dgu dang man bsil ltag pa sprad cing /__skabs rer glang chen bco brgyad sogs bsten/__bad khrag shas che ba la/__skyu ru nyer lnga dang /__sga lo sogs spel/__mgo gzer na dpa' drug__/pho mchin mi bde na dwangs ma gnas 'jog steng rtsa ba lnga bsnan pa/__glo nad 'dra ba'i rigs la sprin zla'i steng /__sro lo dkar po dang /__ru rta bsnan pa gtong ba sogs rig pas dpyad/__rjes na so rgas pa dang /__rlung dang grang gzhi che ba la chu tshan sman mar/__gzhon dar lus zungs dang ldan zhing khrag mkhris shas che bar ma sngas par long rtsa gtar ba sogs bya ba'o/___/_!