གསོ་དཔྱད་རྒྱུད་བཞིའི་བསྡུས་དོན་སྙིང་པོ།

🚧 This website is under continued development. We appreciate your patience!

Previous Text Back to Volume PageNext Text

Wylie title	gso dpyad rgyud bzhi'i bsdus don snying po
Location	mkhyen brtse'i bka' 'bum Volume 17, sde tshan 2, Text 29, Pages 319-322 (Folios 87a6 to 88b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gso dpyad rgyud bzhi'i bsdus don snying po. In 'jam dbyangs mkhyen brtse'i dbang po'i bka' 'bum, Vol. 17: 319-322. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	།ཞེས་པའང་བཅུ་ཕྲག་རིག་པའི་པཎྜི་ཏ་བཛྲ་པྲ་ཏིཥྛས་ཡང་ཡང་གསུངས་པའི་བཞེང་སྐོང་དུ་གུ་ཎ་ནཱ་ཐ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སུ་ཤྲེ་ཡསྶིདྡྷཱི་རསྟུ།
	zhes pa'ang bcu phrag rig pa'i paN+Di ta badz+ra pra tiSh+Thas yang yang gsungs pa'i bzheng skong du gu Na nA tha dgyes pa'i 'bangs mkhyen brtse'i dbang pos bris pa su shre yas+sid+d+hI rastu

1 Texts in this Section (sde tshan or chos tshan)

29 319-322	གསོ་དཔྱད་རྒྱུད་བཞིའི་བསྡུས་དོན་སྙིང་པོ། gso dpyad rgyud bzhi'i bsdus don snying po Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསོ་དཔྱད་རྒྱུད་བཞིའི་བསྡུས་དོན་སྙིང་པོ་བཞུགས། །ཨོཾ་ཨ་ཐཱ། སྨན་པ་སྔོན་མེད་བཅོམ་ལྡན་འདས། །དཔལ་ལྡན་བླ་མར་གུས་བཏུད་ནས། །གསོ་དཔྱད་རྒྱུད་བཞིའི་བསྡུས་པའི་དོན། །ས་བོན་ཙམ་ཞིག་བརྗོད་པར་བྱ། ཡང་དག་པར་རྫོགས་པའི་སངས་རྒྱས་སྨན་གྱི་བླ་མའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་སྒྱུ་འཕྲུལ་དྲྭ་བ་ཆེན་པོའི་རྣམ་རོལ་རིག་པའི་ཡེ་ཤེས་མཆེད་བཞི་དང་འཇིགས་མེད་སྨྲ་བའི་སེང་གེ་ཡིད་ལས་སྐྱེས་ཀྱི་རྣམ་པར་ཤར་བས་ལེགས་པར་གསུངས་པའི་བཀའ་ཕན་བདེ་བླ་ན་མེད་པའི་གཏེར་ཆེན་པོ་གསོ་དཔྱད་ཀུན་གྱི་ཡང་སྙིང་དཔལ་ལྡན་རྒྱུད་བཞི་ཞེས་གྲགས་པ་འདི་ཉིད་ལོ་ཆེན་བཻ་རོ་དང་། །ཆོས་རྒྱལ་ཁྲི་སྲོང་མཆོད་ཡོན་གྱི་ཐུགས་བསྐྱེད་ལས་གངས་ཅན་བསོད་ནམས་ཀྱི་མགྲོན་དུ་སྣང་བ། རེ་ཞིག་དུས་ལ་དགོངས་ཏེ་དཔལ་གྱི་བསམ་ཡས་དབུ་རྩེར་མི་འཇིག་པའི་ཕྱག་རྒྱས་བཏབ་པ། ཕྱིས་གཏེར་སྟོན་ཡུལ་གྲ། ཆོས་མངོན་པ་ལ་མཁས་པས་མངོན་ཤེས། མཚན་དངོས་དབང་ཕྱུག་འབར་ཞེས་ཡོངས་སུ་གྲགས་པའི་དགེ་བའི་བཤེས་གཉེན་ཆེན་པོ་དེས་སྤྱན་དྲངས་ཤིང་། བརྒྱུད་པ་གསུམ་དུ་ཆིག་བརྒྱུད་ཀྱིས་གདམས་པ། །སངས་རྒྱས་སྨན་གྱི་བླ་མའི་སྤྲུལ་པའི་སྐུ་གཡུ་ཐོག་ཡོན་ཏན་མགོན་པོས་ཐུགས་ཉམས་སུ་བཞེས་ཤིང་། སྐབས་སུ་བབས་བའི་ཞལ་སྐོང་ཅི་རིགས་པ་དང་བཅས་རྒྱ་ཆེར་སྤེལ་བ་འདི་འཆད་པ་ལ། །གཞུང་འདི་ཉིད་སྔ་འགྱུར་སྒྲུབ་སྡེའི་བདུད་རྩི་ཡོན་ཏན་གྱི་ལས་རྒྱས་པའི་རྒྱུད་དུ་གཏོགས་པས། དེ་དག་གི་བཀའ་སྲོལ་འཛིན་པ་རྣམས་ཀྱི་བཤད་ཐབས་ལྟར་བྱས་ན་རྩ་གཞུང་དང་མཐུན་པའི་དགོངས་པ་འཁྲུལ་མེད་དུ་ངེས་པས། དབང་པོ་རབ་ལ་མཚན་བསྟན་པ། །འབྲིང་ལ་སྤྱི་དོན་རྣམ་པར་དབྱེ་བ། །ཐ་མལ་འབྲུ་རེ་གཉེར་རེའི་སྒོ་ནས་བཤད་པའོ། །དང་པོ་ནི། བདུད་རྩི་སྙིང་པོས་དཔེ་དང་དགོས་པ། ཡན་ལག་བརྒྱད་པས་བརྗོད་བྱ། གསང་བ་མན་ངག་གི་རྒྱུད་ཅེས་པས་རྗོད་བྱེད་ཀྱི་མཚན་བསྟན། གཉིས་པ་ལ་ལྔ། རྒྱུད་འབྱུང་བའི་རྒྱུ་གླེང་གཞི། རྐྱེན་གླེང་སློང་བ། འབྲས་བུ་ཡོངས་སུ་ཤེས་པར་བྱ་བ་རྒྱུད་དོན། རྒྱུད་ཀྱི་དགོས་འབྲེལ། འཁོར་ལ་གདམས་ཤིང་གདམས་པ་གཏད་པའོ། །དང་པོ་ནི། གནས་ཕུན་སུམ་ཚོགས་པ་སྨན་གྱི་གྲོང་ཁྱེར་ལྟ་ན་སྡུག །སྟོན་པ་ཕུན་སུམ་ཚོགས་པ་སྨན་གྱི་བླ་མ། འཁོར་ཕུན་སུམ་ཚོགས་པ་ལྷ་དྲང་སྲོང་ཕྱི་ནང་སྡེ་བཞི། དུས་ཕུན་སུམ་ཚོགས་པ་སྟོན་འཁོར་གདན་འཛོམས་པའི་ཚེ། ཆོས་ཕུན་སུམ་ཚོགས་པ་གསོ་བ་རིག་པ་དྲང་སྲོང་གི་ལུགས་སུ་བསྟན་ཞེས། ལེའུ་དང་པོར་གསུངས་པ་ལྟར་རོ། །གཉིས་པ་ལ་གཉིས། གླེང་སློང་དངོས་དང་། མདོར་བསྟན་པའོ། །དང་པོ་ནི། ཐུགས་ལས་རིག་པའི་ཡེ་ཤེས་དང་། །གསུང་ལས་ཡིད་ལས་སྐྱེས་སྤྲུལ་ཏེ། ཞུ་བ་དང་གནང་བའི་སྐབས་དབྱེ་བ། གཉིས་པ་ནི། །རྒྱུད་བཞིའི་སྐབས་དོན་མདོར་བསྟན་པ་སྟེ་ལེའུ་གཉིས་པ་ལྟར་རོ། །གསུམ་པ་ལ་ལྔ། བཤད་བྱ་རྩ་བའི་རྒྱུད། འཆད་བྱེད་བཤད་པའི་རྒྱུད། ལག་ལེན་མན་ངག་གི་རྒྱུད། དམར་ཁྲིད་ཕྱི་མའི་རྒྱུད་ཞར་བྱུང་དོན་བསྡུ་པའི་ཚུལ་དུ་འཇུག་དོན་བཅས་རིམ་པར་གསུངས་པ་ལྟར་རོ། །བཞི་པ་ནི། ལེའུ་ཐ་མའི་སྟོད་དང་། ལྔ་པ་ནི་ཐ་མའི་མཇུག་གིས་གསལ་བ་ལྟར་རོ། །གསུམ་པ་ཐ་མལ་འབྲུ་རེ་གཉེར་རེའི་སྒོ་ནས་བཤད་པ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། འཇུག་གི་དོན་ནོ། །དེ་ལྟ་བུའི་སྤྱི་དོན་དང་གཞུང་དོན་གཉིས་སྤྱི་གཞུང་སྤེལ་ཏེ་བཤད་པས་བློ་གྲོས་ཀྱི་མིག་རབ་ཏུ་ཡངས་པར་འགྱུར་རོ། །ས་བོན་ཆུང་ངུ་དྲོད་གཤེར་གྱིས། བསྐྱེད་པས་ལྗོན་ཤིང་ཆེར་འགྱུར་ལྟར། །འདི་ཙམ་གྱིས་ཀྱང་བློ་གསལ་རྣམས། །བློ་གྲོས་པདྨོ་རྒྱས་པར་སྨོན། །ཞེས་པའང་བཅུ་ཕྲག་རིག་པའི་པཎྜི་ཏ་བཛྲ་པྲ་ཏིཥྛས་ཡང་ཡང་གསུངས་པའི་བཞེང་སྐོང་དུ་གུ་ཎ་ནཱ་ཐ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སུ་ཤྲེ་ཡསྶིདྡྷཱི་རསྟུ།། ། ། ༈

[edit]

gso dpyad rgyud bzhi'i bsdus don snying po/ gso dpyad rgyud bzhi'i bsdus don snying po bzhugs/__/oM a thA/__sman pa sngon med bcom ldan 'das/__/dpal ldan bla mar gus btud nas/__/gso dpyad rgyud bzhi'i bsdus pa'i don/__/sa bon tsam zhig brjod par bya/__yang dag par rdzogs pa'i sangs rgyas sman gyi bla ma'i sku gsung thugs yon tan phrin las mi zad pa rgyan gyi 'khor lo'i sgyu 'phrul drwa ba chen po'i rnam rol rig pa'i ye shes mched bzhi dang 'jigs med smra ba'i seng ge yid las skyes kyi rnam par shar bas legs par gsungs pa'i bka' phan bde bla na med pa'i gter chen po gso dpyad kun gyi yang snying dpal ldan rgyud bzhi zhes grags pa 'di nyid lo chen bai ro dang /__/chos rgyal khri srong mchod yon gyi thugs bskyed las gangs can bsod nams kyi mgron du snang ba/__re zhig dus la dgongs te dpal gyi bsam yas dbu rtser mi 'jig pa'i phyag rgyas btab pa/__phyis gter ston yul gra/__chos mngon pa la mkhas pas mngon shes/__mtshan dngos dbang phyug 'bar zhes yongs su grags pa'i dge ba'i bshes gnyen chen po des spyan drangs shing /__brgyud pa gsum du chig brgyud kyis gdams pa/__/sangs rgyas sman gyi bla ma'i sprul pa'i sku g.yu thog yon tan mgon pos thugs nyams su bzhes shing /__skabs su babs ba'i zhal skong ci rigs pa dang bcas rgya cher spel ba 'di 'chad pa la/__/gzhung 'di nyid snga 'gyur sgrub sde'i bdud rtsi yon tan gyi las rgyas pa'i rgyud du gtogs pas/__de dag gi bka' srol 'dzin pa rnams kyi bshad thabs ltar byas na rtsa gzhung dang mthun pa'i dgongs pa 'khrul med du nges pas/__dbang po rab la mtshan bstan pa/__/'bring la spyi don rnam par dbye ba/__/tha mal 'bru re gnyer re'i sgo nas bshad pa'o/__/dang po ni/__bdud rtsi snying pos dpe dang dgos pa/__yan lag brgyad pas brjod bya/__gsang ba man ngag gi rgyud ces pas rjod byed kyi mtshan bstan/__gnyis pa la lnga/__rgyud 'byung ba'i rgyu gleng gzhi/__rkyen gleng slong ba/__'bras bu yongs su shes par bya ba rgyud don/__rgyud kyi dgos 'brel/__'khor la gdams shing gdams pa gtad pa'o/__/dang po ni/__gnas phun sum tshogs pa sman gyi grong khyer lta na sdug__/ston pa phun sum tshogs pa sman gyi bla ma/__'khor phun sum tshogs pa lha drang srong phyi nang sde bzhi/__dus phun sum tshogs pa ston 'khor gdan 'dzoms pa'i tshe/__chos phun sum tshogs pa gso ba rig pa drang srong gi lugs su bstan zhes/__le'u dang por gsungs pa ltar ro/__/gnyis pa la gnyis/__gleng slong dngos dang /__mdor bstan pa'o/__/dang po ni/__thugs las rig pa'i ye shes dang /__/gsung las yid las skyes sprul te/__zhu ba dang gnang ba'i skabs dbye ba/__gnyis pa ni/__/rgyud bzhi'i skabs don mdor bstan pa ste le'u gnyis pa ltar ro/__/gsum pa la lnga/__bshad bya rtsa ba'i rgyud/__'chad byed bshad pa'i rgyud/__lag len man ngag gi rgyud/__dmar khrid phyi ma'i rgyud zhar byung don bsdu pa'i tshul du 'jug don bcas rim par gsungs pa ltar ro/__/bzhi pa ni/__le'u tha ma'i stod dang /__lnga pa ni tha ma'i mjug gis gsal ba ltar ro/__/gsum pa tha mal 'bru re gnyer re'i sgo nas bshad pa la bzhi/__mtshan gyi don/__'gyur gyi phyag__/gzhung gi don/__'jug gi don no/__/de lta bu'i spyi don dang gzhung don gnyis spyi gzhung spel te bshad pas blo gros kyi mig rab tu yangs par 'gyur ro/__/sa bon chung ngu drod gsher gyis/__bskyed pas ljon shing cher 'gyur ltar/__/'di tsam gyis kyang blo gsal rnams/__/blo gros pad+mo rgyas par smon/__/zhes pa'ang bcu phrag rig pa'i paN+Di ta badz+ra pra tiSh+Thas yang yang gsungs pa'i bzheng skong du gu Na nA tha dgyes pa'i 'bangs mkhyen brtse'i dbang pos bris pa su shre yas+sid+d+hI rastu//__/__/_!