རྐང་འབམ་བཅོས་སྙིང་པོ་བསྡུས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rkang 'bam bcos snying po bsdus pa
Location	mkhyen brtse'i bka' 'bum Volume 17, sde tshan 2, Text 17, Pages 264-273 (Folios 59b5 to 64a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rkang 'bam bcos snying po bsdus pa. In 'jam dbyangs mkhyen brtse'i dbang po'i bka' 'bum, Vol. 17: 264-273. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

17 264-273	རྐང་འབམ་བཅོས་སྙིང་པོ་བསྡུས་པ། rkang 'bam bcos snying po bsdus pa Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྐང་འབམ་བཅོས་སྙིང་པོ་བསྡུས་པ་ནི། རྒྱུ་དང་རྐྱེན་བརྟག་དབྱེ་བ་བཅོས་ཚུལ་དང་། ལོག་གནོན་རྗེས་གཅོད་རྣམ་པ་བདུན། ཞེས་པས། དང་པོ་ནི། ཉེས་གསུམ་ཆ་མི་སྙོམས་པར་འཁྲུགས་ཞིང་དེའི་དབང་གིས་ཁྲག་དང་ཆུ་སེར་སྟོབས་ཆེ་བའི་བྱེར་འདྲིལ་ལས་འབྱུང་། གཉིས་པ་ནི། སྔོ་ངད་རུལ་སྐྱུར་ཆང་སྒོག་སོགས་མི་འཕྲོད་པ་དང་བསིལ་བཅུད་ཀྱི་ཟས་སྐོམ་ཐལ་ཆེས་པ་དང་། བོང་ང་སྐྱེས་པའི་རྫ་ཁྲོད་ཀྱི་ཆུ། ན་ཆུ་ལུ་མ་སོགས་བཏུང་བ་ངན་པ་དང་། སྤྱོད་ལམ་དྲག་ཤུལ་རྟ་ཞོན། ཉིན་གཉིད་ས་རླན་ཆུ་ཆར་སོགས་གྲང་རེག་གིས་ཡུན་རིང་གདུང་བ། རྒྱུན་དུ་ཐེམས་སྐས་ལ་འབབས་འཛེགས་དང་ཐེམ་པ་མཐོན་པོ་བགམས་པ་སོགས་དང་། ཁྱད་པར་འགྲམས་འཁྲུགས་དང་ཚ་བའི་ནད་རོ་ལུས་པ། དྲེག་གྲུམ་མཁལ་ནད་གཅོང་ཆེན་འོར་ལྷུང་སོགས་གྲང་རྗེས་དྲོད་ཀྱིས་བཅོས་སམ། དམན་ལྷག་ལོག་པའི་ནད་གཞི་འགའ་ཞིག་གི་རྗེས་སུ་འབམ་ནད་འདི་འབྱུང་བས། གསུམ་པ་བརྟག་ཐབས་ནི། ཐོག་མར་ཟླ་བ་འགའི་གོང་རོལ་ནས་མགོ་དང་ཁོག་སྟོད་མིག་རུས་ཕྲག་མིག་རྐང་ལག་གི་ཚིགས་དང་དཔྱི་རྐེད་སོགས་ཁོལ་ཞིང་གཟེར་པ། ཕོ་བ་རྒྱས་ལ་ཁ་ཟས་འཇུ་དཀའ་བ་སྟོད་སྨད་རེས་མོས་བྱེད་ནས་ན་བ། ངར་གདོང་དང་ཆུ་རྒྱུས་བོལ་གོང་རྣ་རྒྱབ་ལག་པ་སོགས་ཁོལ་བུར་ན་ཞིང་སྐྲངས་ནས་ཤ་མདོག་འགྱུར་བ་སོགས་དང་། སོ་རྙིལ་ཁྲག་གིས་གཡོ་ཞིང་རྒྱས་པ་དང་། ངེས་མེད་དུ་སོ་ཁྲག་དང་སྣ་ཁྲག་ཟག་ཅིང་ཤ་འགུལ་རྒྱུག་པ་དང་། བྱིན་ཉྭ་འགྱུར་བ་སོགས། རྐང་པ་ལྗི་ཞིང་མི་ཐེག་པ་སྒྱིད་ཁུག་གི་ཆུ་རྒྱུས་འཁུམས་ནས་རྐྱང་བསྐུམ་དཀའ་བ་དང་། གདོན་གྱིས་བསྐྱེད་པས་ཁམ་ཟག་ཅིང་ཤེས་པ་མི་དགའ་ཞིང་སྙིང་དཀྲུགས་ལ་རྨི་ལམ་དུ་རྒྱལ་བལྟས་སྣ་ཚོགས་རྨི་བ་འོང་ངོ་། །དེ་ལ་འཁྲུལ་སོ་བསལ་བ་ནི། བ་དམར་ཟལ་གྱི་ཆུའམ། མཛོ་སྔོ་ཁྲའི་ལྕི་བ། ནད་པ་རང་གི་དྲི་ཆུ་གསུམ་གང་བྱུང་ས་ལ་མ་ཕོག་པར་བཟེད་ནས་ནད་དམིགས་དག་པར་བཀྲུས་རྗེས་རས་དཀར་གྱིས་ཕྱིས་པས་དམར་སྔོ་ཁྲ་བོའི་ཐིག་ལེ་ཇི་ལྟར་བྱུང་ཡང་ངེས་པའོ། །བཞི་པ་དབྱེ་བ་ནི། དཀར་ནག་ཁྲ་གསུམ་སྟེ། འབམ་དཀར་ནི་བད་རླུང་དང་གྲང་བས་བསྐྱེད་པའི་རྩ་རྒྱུད་ཁ་གྲིམས་གཏིང་དལ་བར་འཕར་བ། ཆུ་མདོག་དམར་སེར་རམ་སེར་པོ་དཀར་ཤས་ཅན། སྔོ་ལ་སླ་བ་དྲི་མ་ཅུང་ཟད་དུག་ཅིང་ཀུ་ཡ་འཐུག་པ། ལྦུ་བ་ཚག་ཅིང་སངས་བསྐྱེན་པ། ལོག་རྗེས་ཆུ་དང་སྣོད་ཀྱི་མཚམས་རྣམས་སུ་རྒྱ་སྐྱེགས་ཀྱི་ཁུ་བ་བྲན་པ་ལྟ་བུ་དམར་ཞིང་དྭངས་པ། སྐྲངས་པ་སོབ་ཅིང་སྐྱ་ལ་བེམས་པ་དྲོད་ཆུང་བ། ཟུག་ཧ་ཅང་མི་ཆེ་ཞིང་ཤེས་པ་དྭངས་སྙམ་དང་ཚད་རྟགས་ཆུང་བས་དེ་དག་ནི་ངོས་བཟུང་དང་བཅོས་ཀྱང་སླའོ། །འབམ་ནག་ནི། ངོ་བོ་ཁྲག་མཁྲིས་ཤུགས་ཆེ་བས་ཆུ་སེར་དང་ཚ་བ་རླུང་གིས་བསྐྱེད་ཅིང་འཐོར་སྡུད་བྱེར་ཞེན་གྱིས་ཤ་རུས་ཀུན་ལ་གནས་ཕྱིར་སྟོད་སྨད་ཕྱི་ནང་ཐམས་ཅད་དྲོད་དང་ཟུག་གཟེར་ཆེ་བ། རྩ་རྒྱུད་ཕྲ་གྲིམ་སྡོད་འཐེང་ཅན། ཆུ་མདོག་དམར་སེར་དྲི་མ་དུག་ཅིང་ཀུ་ཡ་ཤིན་ཏུ་འཐུག་པ་ཆུ་ཡི་གཏིང་མཚལ་ཕྱེ་འདྲ་བའི་འདམ་རྫབ་ཆགས་པ། སྐྲངས་པ་སྨུག་པོ་སྲ་ཞིང་རེག་མི་བཟོད་པ་དང་མེ་ལྕེའི་རིས་དོད་པ་སོགས་ནི་ཀླུ་གདོན་དང་འདྲེས་པས་ངོས་བཟུང་དང་བཅོས་ཀྱང་དཀའ་ལ། བསིལ་བའི་ཟས་སྤྱོད་དང་བསིལ་སྨན་བསྟེན་དྲགས་ན་མཐར་ཕལ་ཆེར་དམུ་ཆུར་འགྱུར་བའང་ཡོད་པས་རིམ་འགྲོ་སྨན་དཔྱད་སོགས་ཤིན་ཏུ་གལ་ཆེ་བ་ཡིན་ནོ། །ཁྲ་བོ་ནི་ཚ་གྲང་གཉིས་ཀ་འདོམས་པ་དང་། རླུང་ཁྲག་ཤུགས་ཆེ་བས་རྩ་རྒྱུད་ཁ་བྱིང་གཏིང་ན་ཅུང་ཟད་གྲིམ་པ། ཆུ་མདོག་དམར་སེར་ལོག་རྗེས་གཏིང་དུ་མཚལ་ཕྱེ་འདྲ་བ་ཆགས་པ། སྐྲངས་པ་འབམ་དཀར་དང་ཆ་མཚུངས་པ་ལ་མདོག་སྨུག་གློག་ཤུ་ནག་པོ་ཅན་སོགས་མ་ངེས་པར་འོང་ཞིང་འབྲས་བུ་སྐྲངས་པ་གཉན་ཁ་སོགས་བསྡངས་པས་སྐྲངས་སྟེང་འབྲུམ་ཐོར་ཆུ་སེར་སོགས་འབྱུང་བ། ཁྲག་རླུང་ཤུགས་ཆེ་བས་སྟོད་ལ་འཚང་ཕུལ་སོགས་དུས་ནད་ལྟ་བུའི་ལྡན་འདུས་མི་འདྲ་བ་སྣ་ཚོགས་ཤིག་འོང་བས་བརྟག་ཚུལ་ཀྱང་རིག་པས་དཔྱད་པ་ལས་མཐའ་གཅིག་ཏུ་མ་ངེས་སོ། །ལྔ་པ་ནི། ཁ་ཟས་སྔོ་ངད་རུལ་སྐྱུར་ཉ་ཕག་ཤ་ཆང་རྗེན་ཟས་སོགས་འཇུ་དཀའ་བའི་རིགས་དང་། སྤྱོད་ལམ་དྲག་ཤུལ་རྟ་ཞོན་ཉིན་གཉིད་འགྲོ་འདུག་སོགས་སྤང་ནས། ས་རླན་མེད་པའི་གནས་དབེན་པར་སྨྲ་བ་མང་པོ་འགྲུལ་གདོན་སོགས་བཅད་ལ་འདུག །སྨན་ནི། ཐོག་མར་ནོར་བུ་བདུན་ཐང་ཞག་གསུམ་གཏོང་། དེ་ནས་ནང་མོ་གསེར་ཐང་དང་འབམ་ཐང་རེས་མོས། ཉིན་གུང་ཐང་ཆེན་ཉེར་ལྔ་བཅས། སྙིང་རླུང་རོ་སྟོད་མི་བདེ་ན་ཨ་གར་སོ་ལྔ་དང་། བཅོ་ལྔ། འཁྲུགས་ཤས་ཆེ་ན་ཙནྡན་བཅོ་བརྒྱད། སྒ་ལོ། ཁྲག་རླུང་གིས་འཚང་ཕུལ་ཆེ་ན་ཀོ་བྱི་བདུན་པ་དང་། བཅུ་གསུམ་གསེར་ཐང་སྦྲགས་ལ་གཏོང་། མཆིན་ཁྲག་དང་སྨུག་པོའི་གཞི་ལ། སྐྱུ་རུ་ཉེར་ལྔ། གཡུལ་རྒྱལ། མེ་དྲོད་ཆུང་ཞིང་ཟས་འཇུ་དཀའ་ན་སེ་འབྲུ་བཞི་པ་ཐུན་ཆ་ཤས་བཅས་སྐབས་སུ་གང་བབས་པར་གཏོང་། དེ་ནས་ཞག་བདུན། བཅུ་བཞི། ཉེར་གཅིག་ཙམ་འབབས་རྟགས་སུ། སྟོད་ནད་ཐམས་ཅད་ཇེ་དྭངས་དང་། རྐེད་པ་པུས་མོའི་ཚིགས་རྣམས་སུ་ནད་དམིགས་འདྲིལ་ནས་ཟུག་འབྱུང་བ། ལུས་སྨད་ལྗི་ཞིང་སྒྱིད་པའི་ཆུ་རྒྱུས་འཁུམ་ནས་ཞྭ་བ་དང་། ཕལ་ཆེར་ལག་པ་བཅས་ཞྭ་བའང་ཡོད། འགའ་ཞིག་སྒྱིད་ཁུག་བག་ཙམ་ལས་ཞྭ་མི་ཐུབ་པ་དང་། རྐང་པ་གཡས་གཡོན་རེ་རེ་ལས་ཞྭ་རྒྱུ་མེད་པའང་ཡོད་པས། ཞྭ་བའི་དུས་ཆུ་རྒྱུས་བསྣད་ཀྱིས་དོག་པས་བརྐྱངས་བསྐུམ་སོགས་གཏན་ནས་མི་བྱ། ཆུ་མདོག་ཀྱང་དམར་སེར་ལོག་རྗེས་རྙོགས་མ་ཅན་འོང་། དེ་ལྟར་འདུས་ཐག་ཆོད་ནས་ཁྱུང་ལྔ། ཀླུ་བདུད་བཅོ་བརྒྱད། སྤོས་ཁྱུང་སོགས་གང་བྱུང་རེ་སྨན་ཟིལ་ཐོན་པ་ཙམ་ལན་ཁ་ཤས་གཏོང་བས་ནད་སོད་པ་དང་གཉན་ཁ་ཆོག་པའི་རྟགས་སུ་ཤེས་པ་ཡངས་ཤིང་སྐྲངས་པ་ལ་མཐེབ་རྗེས་ལེན་པ་དང་། སྒྱིད་ཁུག་ཏུ་ནད་དམིགས་འདྲིལ་ནས་ཟུག་ཡོད་ཅིང་། ཆུ་སྔོ་ལ་དལ་ཞིང་ལྦུ་བ་ཡུན་དུ་བརྟན་པ་སོགས་འབྱུང་བས། དེའི་དུས་སུ་ཞི་བྱེད་སྨན་དཀར་གྱི་སྦྱོར་སྡེ་གཏོང་ཚུལ་ནི། ཆུ་སེར་ཤས་དང་ལྦུ་བ་མི་བརྟན་ཅིང་ཅུང་ཟད་རྒོད་ན། ཆུ་ནང་དུ་ལ་ཕུག་བརྡར་ཁུ་ཉུང་ཙམ་བླུགས་ནས་ལྷོག་བུད་ཙམ་དུ་བསྐོལ་ཞིང་གྲང་ནས་བལྟས་པས། ཆུའི་སེར་ཁ་མ་ཞི་ན་ཡུད་ཙམ་བཞག །སེར་ཁ་ཞི་ན་གཏོང་རན་པས་སད་མདའ་ལ། ལ་ཕུག་གྲིས་གཤགས་པའི་དུམ་བུ་གསུམ་དང་། ཤ་གསར་དུམ་བུ་གཅིག་བཅས་མཉམ་དུ་བཙོས་པའི་ཁུ་བ་ཕོར་ཕྱེད་ཙམ་བཏང་བས་ནུབ་མོ་གཉིད་བདེ་ཞིང་། ནང་མོ་ཆུ་ཅུང་ཟད་དྭངས་ན་འཕྲོད་རྟགས་དང་། ལ་ཕུག་དུམ་ཙམ་ལྕེ་ཐོག་ཏུ་བཞག་པས་མི་ཚ་བ་དང་། ཡི་གར་འོང་ཞིང་ཞིམ་ཉམས་ལྡན་ན་གཏོང་རན་པས། གཏོང་ཚུལ་དངོས་ནི། ལ་ཕུག་རྙིང་རུལ་འབུ་ཞུགས་པ་སོགས་མ་ཡིན་པར་དུས་སུ་བླངས་པའི་གཞོན་ནུ་དེ་ཉིད་ས་བརླན་དང་མ་བྲལ་བར་ཚགས་སུ་བྱ་ཞིང་དགོས་དུས་དེར་ཐོག་མར་ལ་ཕུག་འབྲིང་ཤོས་ཙམ་བླངས་ལ་ས་རྡུལ་དང་དྲི་མ་ལེགས་པར་བཀྲུས། ལག་པ་དང་སྣོད་སོགས་ཀྱང་བཀྲུ་ཞིང་གཙང་སྦྲ་བཅས་ལྕགས་ཀྱི་ཁྲོལ་ཚགས་ཕུག་ལ་རེ་རེ་བཞིན་བརྡར། རས་དཀར་ནང་དུ་བཙིར་བའི་ཁུ་བ་དཀར་ཡོལ་ནང་དུ་འདོན་པར་ཕྱེད་མཐོ་ཙམ་འོང་བར་བྱས། ཁྲག་ལ་མི་གནོད་པའི་ཕྱིར་ལྦུ་བ་ལན་གསུམ་ཙམ་བཅད་བའི་ནང་། པྲི་ཡང་ཀུ། ཁ་ཆེ་སྟག་ཤ་ཀླུ་བདུད་རྒྱམ་ཚྭ། བི་ཤ་སེན་ཙམ་བཅས་ཀྱི་ཕྱེ་མ་ཐུན་གཅིག་བཏབ་ལ་ཁ་ཆོད་བྱས་ནས་དབྱར་ས་ནང་དང་། དགུན་ནས་ནང་དུ་ཞག་གཅིག་བཞག །ནང་པར་གཟའ་སྐར་བཟང་བའི་ཉི་དྲོས་ཐབ་ཐོག་ཏུ་ལྕགས་སློང་ནང་བྱེ་མ་བླུགས་ལ་ལྷོག་བུད་བར་དུ་བསྐོལ་ལ་བླངས། ངད་ཡལ་དུས་གཟུངས་སྔགས་དང་ཤིས་པ་བརྗོད་བཞིན་གཏོང་། ཁ་བཤལ་ནས་གྲེ་བར་མི་སྐྱུགས་པའི་ཐབས་ཀྱིས་བདུག དེ་ནས་ཡུན་ཅུང་ཟད་འཕྲོར་ར་ལུག་རྔ་བྲན་སོགས་ནད་ཀྱིས་ཤི་བ་མིན་པའི་ཤ་གསར་ཁུ་བ་རྐྱང་པ་ཕོར་ཕྱེད་ཙམ་གཏང་། མི་འཕྲོད་རྟགས་མ་བྱུང་ཚེ་སྨན་དཀར་ཡང་ཞག་གསུམ་ཕན་ལྦུ་བ་མི་བཅད་ཅིང་ཇེ་མང་བསྐྱེད། ཤ་ཁུ་གཡོས་སུ་བྱས་པའང་རིམ་བཞིན་བསྐྱེད་ལ་གཏོང་། ཞག་གཉིས་གསུམ་མཚམས་ལ་ཕུག་སྙིགས་མ་ཚིགས་རོ་ཅན་དེ་དྲོ་འཇམ་བསྲོས་པར། སྨན་ཆེན་ཤུ་དག་བུལ་ཏོག་གླ་རྩི་དང་ལྕུམ་རྩ་ཆུ་རྩ་སྟག་ཤ་དམར་པོ་གསུམ། དུད་པ་རལ་བཅས་སྦྱར་བའི་བྱུགས་པ་བྱ། ཞེས་བཏབ་པ་སྐྲངས་གར་ཡོད་སར་ནུབ་མོ་འབྱར་བྱས་ནས་ནང་པར་བཀྲོལ་ལ་ཆུ་དྲོན་གྱིས་བཀྲུ། བྱུག་སྨན་རྡོ་འབྱར་ཅན། ཅོང་ཞི་དཀར་དམར་སྦལ་མདུང་ཧ་ཤིག་མཚལ། མདུང་རྩེ་ཁབ་ལེན་རྡོ་རྒྱུས་རྡོ་ཀླད་དང་། བ་བླ་སྡོང་རོས་མུ་ཟི་ལི་ཁྲི་བཅས། གཞན་ཡང་རྡོ་སྣ་ཚོགས་ཚད་འབྲས་བུ་གསུམ། སྨན་ཆེན་ལྕུམ་རྩ་ཐར་ནུ་རྩི་བཞིན་བརྟགས། ཞེས་པ་གོང་གི་ལབ་འབྱར་དང་རེས་མོས་བྱ། གཞན་ཡང་ལུས་ཀྱི་སྟོད་སྨད་དོན་ལྔ་སྣོད་དྲུག་སོགས་ནད་བབས་དང་བསྟུན་པའི་ཁ་འཛིན་དགོས་རིགས་ལ་ཕུག་གི་སྐབས་སུའང་མི་བཅད་པར་གཏོང་། སྨན་དཀར་ཁུ་བའི་ནང་ལའང་ཁ་འཛིན་དམིགས་གསལ་དགོས་པ་བྱུང་ན་འདེབས། དེ་ལྟར་མ་རྨོངས་ཤིང་རིག་པས་འཕྲུལ་བའི་ཕྱག་ལེན་ཚུལ་བཞིན་བགྱིས་ན་རིམ་གྱིས་ཟུག་ཆོག་ཅིང་སྐྲངས་པ་རྣམས་མཐའ་ནས་སྡུད་པ་དང་། ཤ་ལྤགས་ལྷོད་ཅིང་སྒྱིད་ཁུང་གི་ཆུ་རྒྱུས་སངས་ནས་རྐང་བ་བརྐྱང་བསྐུམ་སླ་བ། ཆུ་སྔོ་ཞིང་རྩ་དལ་བ་སོགས་འབྱུང་བས་སྨན་དཀར་བཏང་ནས་ཞག་གསུམ་ཕན་ཆད་འགྲོ་འདུག་སོགས་ལ་མི་དལ་བར་ཤུགས་ཀྱིས་བསླབས། སྨན་དཀར་ཡང་ཞག་བདུན་གསུམ་བཅོ་ལྔ་ཉེར་གསུམ་ཙམ་ནས་བྲང་ཚ་ཞིང་ཕོ་བ་མི་བདེ་སྐྱུགས་ཉམས་སོགས་བྱུང་དུས་ནད་གཞིའི་ཚོད་དང་བསྟུན་ནས་འཕྲོ་བཅད། དྲུག་པ་ལོག་གནོན་ནི། འབམ་ནད་ཆུ་བསགས་དང་བསྡངས་ན་སྔ་མར་བབ་སྨན་བཏང་ནས་བཟུང་། ཨ་བྷི་དྲུག་ཐང་། ད་ལི་བཅུ་དྲུག །གི་དགུ། འབོལ་བདུན། དྭངས་མ་གནས་འཇོགས། ཆུ་རྩི་ཉེར་ལྔ་རྣམས་ཁྲག་ཤུལ་སྨུག་པོ་སོགས་ཤས་ཆེ་ན་སྐྱུ་རུའི་ཆིག་ཐང་གིས་དབུལ་ལ་འབམ་སྨན་དང་སྤེལ་མ་བྱེད་ནས་གཏོང་། རྣ་འབམ་གྱིས་རྣ་བ་སྐྲངས་ཤིང་སྒྲ་མི་ཐོས་པ་དང་། མགོ་བོ་འཁོར་བའི་ཟུག་སོགས་བྱུང་ན། ལ་ཕུག་ཁུ་བར་སྒོག་སྐྱ། རུ་རྟ། ཨུག་ཆོས་འབྲས་བུ། སྲན་མའི་མེ་ཏོག་བཅས་ཀྱི་ཕྱེ་མ་བཏབ་ལ་རས་དཀར་དུ་བཙིར་བའི་ཁུ་བ་རྣ་བར་ཡང་ཡང་བླུགས། དེས་མ་ཕན་ན་ཡ་མ་ནག་པོའི་བཅོས་ཐབས་དང་འཕྲུལ་ཟངས་ཏེལ་གྱིས་བསྲེགས། སོ་འབམ་ཞེས་འགྲམ་དང་རྐན་སོགས་སྐྲངས་ཤིང་རྙིལ་ལ་ཟུག་དང་ཁྲག་སོགས་འབྱུང་ནས་ཅིས་ཀྱང་སྐྱེད་མེད་ན་ཕྱི་ནས་ལབ་རོ་ནང་གི་འབྱར་དང་བྱུགས་པ་བྱ། ནང་དུ་ལབ་ཁུ་འདེབས་སྨན་ཅན་མཁུར་བཀང་ཡུན་དུ་བསྟེན་ཅིང་རྗེས་གཅོད་མེ་བཙའ་འདྲ་གདབ་ན་ཕན། ལྕེ་འབམ་ཞེས་ལྕེ་མཆུ་སྐྲངས་ལ་རེག་མི་བཟོད་པ་མུར་འགྲམ་དང་ལྐོག་མ་ལ་ཟུག་འབྱུང་བས་ཁ་ལ་ཟས་མི་ཐར་ན། ཁྱུང་ལྔ་སྤྱང་ལྕེ་ཐུན་ལོག་ཁ་ཚར་ཅན་ཟིལ་ཐོན་པ་དང་། ཕྱི་ནས་བྱུགས་པ་བྱས་མཐར་ལྕེའི་གཡས་གཡོན་གྱི་སྐྲངས་པའི་སྟེང་དུ་གག་ཟོར་གྱིས་ཆེར་མི་ཟབ་པར་གཤགས་ལ་ཁྲག་རྣམས་དབྱུང་ནས་རྣ་བཤལ་མཇུག་དང་ལྐོག་མར་རྗེས་གཅོད་ཀྱི་མེ་བཙའ་གདབ། བདུན་པ་ནི་གོང་གི་སྨན་བཅོས་རྣམས་ཀྱིས་ལུས་ཡང་ཞིང་བདེ་ལ། རྐང་པར་གློག་ཤུ་ཟ་འཕྲུག་སྦྲིད་པ་ལྕེ་བེམ་སོགས་བྱུང་དུས་གང་ན་ཆེ་བའི་ཕྱོགས་ཀྱི་ཆུ་སེར་གདོང་རྩ། ལོང་རྩ། བྱིན་འཇུག་གསུམ་གང་བདེ་གང་རྒྱས་ཞིག་གཏར། དེ་རྗེས་རང་བྱུང་དང་བཅོས་མའི་ཆུ་ཚན་ལ་ཞུགས་ཤིང་ཁ་ཟས་བཅུད་ཅན་རིམ་གློད་ཀྱིས་ལུས་ཟུངས་གསོ་བ་ལ་བརྩོན་པར་བྱས་པས་ནད་ལས་གྲོལ་ཞིང་བདེ་བའི་དཔལ་ལ་སྤྱོད་པར་གདོན་མི་ཟའོ།། །། ༈

[edit]

rkang 'bam bcos snying po bsdus pa/ rkang 'bam bcos snying po bsdus pa ni/__rgyu dang rkyen brtag dbye ba bcos tshul dang /__log gnon rjes gcod rnam pa bdun/__zhes pas/__dang po ni/__nyes gsum cha mi snyoms par 'khrugs zhing de'i dbang gis khrag dang chu ser stobs che ba'i byer 'dril las 'byung /__gnyis pa ni/__sngo ngad rul skyur chang sgog sogs mi 'phrod pa dang bsil bcud kyi zas skom thal ches pa dang /__bong nga skyes pa'i rdza khrod kyi chu/__na chu lu ma sogs btung ba ngan pa dang /__spyod lam drag shul rta zhon/__nyin gnyid sa rlan chu char sogs grang reg gis yun ring gdung ba/__rgyun du thems skas la 'babs 'dzegs dang them pa mthon po bgams pa sogs dang /__khyad par 'grams 'khrugs dang tsha ba'i nad ro lus pa/__dreg grum mkhal nad gcong chen 'or lhung sogs grang rjes drod kyis bcos sam/__dman lhag log pa'i nad gzhi 'ga' zhig gi rjes su 'bam nad 'di 'byung bas/__gsum pa brtag thabs ni/__thog mar zla ba 'ga'i gong rol nas mgo dang khog stod mig rus phrag mig rkang lag gi tshigs dang dpyi rked sogs khol zhing gzer pa/__pho ba rgyas la kha zas 'ju dka' ba stod smad res mos byed nas na ba/__ngar gdong dang chu rgyus bol gong rna rgyab lag pa sogs khol bur na zhing skrangs nas sha mdog 'gyur ba sogs dang /__so rnyil khrag gis g.yo zhing rgyas pa dang /__nges med du so khrag dang sna khrag zag cing sha 'gul rgyug pa dang /__byin nywa 'gyur ba sogs/__rkang pa lji zhing mi theg pa sgyid khug gi chu rgyus 'khums nas rkyang bskum dka' ba dang /__gdon gyis bskyed pas kham zag cing shes pa mi dga' zhing snying dkrugs la rmi lam du rgyal bltas sna tshogs rmi ba 'ong ngo /__/de la 'khrul so bsal ba ni/__ba dmar zal gyi chu'am/__mdzo sngo khra'i lci ba/__nad pa rang gi dri chu gsum gang byung sa la ma phog par bzed nas nad dmigs dag par bkrus rjes ras dkar gyis phyis pas dmar sngo khra bo'i thig le ji ltar byung yang nges pa'o/__/bzhi pa dbye ba ni/__dkar nag khra gsum ste/__'bam dkar ni bad rlung dang grang bas bskyed pa'i rtsa rgyud kha grims gting dal bar 'phar ba/__chu mdog dmar ser ram ser po dkar shas can/__sngo la sla ba dri ma cung zad dug cing ku ya 'thug pa/__lbu ba tshag cing sangs bskyen pa/__log rjes chu dang snod kyi mtshams rnams su rgya skyegs kyi khu ba bran pa lta bu dmar zhing dwangs pa/__skrangs pa sob cing skya la bems pa drod chung ba/__zug ha cang mi che zhing shes pa dwangs snyam dang tshad rtags chung bas de dag ni ngos bzung dang bcos kyang sla'o/__/'bam nag ni/__ngo bo khrag mkhris shugs che bas chu ser dang tsha ba rlung gis bskyed cing 'thor sdud byer zhen gyis sha rus kun la gnas phyir stod smad phyi nang thams cad drod dang zug gzer che ba/__rtsa rgyud phra grim sdod 'theng can/__chu mdog dmar ser dri ma dug cing ku ya shin tu 'thug pa chu yi gting mtshal phye 'dra ba'i 'dam rdzab chags pa/__skrangs pa smug po sra zhing reg mi bzod pa dang me lce'i ris dod pa sogs ni klu gdon dang 'dres pas ngos bzung dang bcos kyang dka' la/__bsil ba'i zas spyod dang bsil sman bsten drags na mthar phal cher dmu chur 'gyur ba'ang yod pas rim 'gro sman dpyad sogs shin tu gal che ba yin no/__/khra bo ni tsha grang gnyis ka 'doms pa dang /__rlung khrag shugs che bas rtsa rgyud kha bying gting na cung zad grim pa/__chu mdog dmar ser log rjes gting du mtshal phye 'dra ba chags pa/__skrangs pa 'bam dkar dang cha mtshungs pa la mdog smug glog shu nag po can sogs ma nges par 'ong zhing 'bras bu skrangs pa gnyan kha sogs bsdangs pas skrangs steng 'brum thor chu ser sogs 'byung ba/__khrag rlung shugs che bas stod la 'tshang phul sogs dus nad lta bu'i ldan 'dus mi 'dra ba sna tshogs shig 'ong bas brtag tshul kyang rig pas dpyad pa las mtha' gcig tu ma nges so/__/lnga pa ni/__kha zas sngo ngad rul skyur nya phag sha chang rjen zas sogs 'ju dka' ba'i rigs dang /__spyod lam drag shul rta zhon nyin gnyid 'gro 'dug sogs spang nas/__sa rlan med pa'i gnas dben par smra ba mang po 'grul gdon sogs bcad la 'dug__/sman ni/__thog mar nor bu bdun thang zhag gsum gtong /__de nas nang mo gser thang dang 'bam thang res mos/__nyin gung thang chen nyer lnga bcas/__snying rlung ro stod mi bde na a gar so lnga dang /__bco lnga/__'khrugs shas che na tsan+dan bco brgyad/__sga lo/__khrag rlung gis 'tshang phul che na ko byi bdun pa dang /__bcu gsum gser thang sbrags la gtong /__mchin khrag dang smug po'i gzhi la/__skyu ru nyer lnga/__g.yul rgyal/__me drod chung zhing zas 'ju dka' na se 'bru bzhi pa thun cha shas bcas skabs su gang babs par gtong /__de nas zhag bdun/__bcu bzhi/__nyer gcig tsam 'babs rtags su/__stod nad thams cad je dwangs dang /__rked pa pus mo'i tshigs rnams su nad dmigs 'dril nas zug 'byung ba/__lus smad lji zhing sgyid pa'i chu rgyus 'khum nas zhwa ba dang /__phal cher lag pa bcas zhwa ba'ang yod/__'ga' zhig sgyid khug bag tsam las zhwa mi thub pa dang /__rkang pa g.yas g.yon re re las zhwa rgyu med pa'ang yod pas/__zhwa ba'i dus chu rgyus bsnad kyis dog pas brkyangs bskum sogs gtan nas mi bya/__chu mdog kyang dmar ser log rjes rnyogs ma can 'ong /__de ltar 'dus thag chod nas khyung lnga/__klu bdud bco brgyad/__spos khyung sogs gang byung re sman zil thon pa tsam lan kha shas gtong bas nad sod pa dang gnyan kha chog pa'i rtags su shes pa yangs shing skrangs pa la mtheb rjes len pa dang /__sgyid khug tu nad dmigs 'dril nas zug yod cing /__chu sngo la dal zhing lbu ba yun du brtan pa sogs 'byung bas/__de'i dus su zhi byed sman dkar gyi sbyor sde gtong tshul ni/__chu ser shas dang lbu ba mi brtan cing cung zad rgod na/__chu nang du la phug brdar khu nyung tsam blugs nas lhog bud tsam du bskol zhing grang nas bltas pas/__chu'i ser kha ma zhi na yud tsam bzhag__/ser kha zhi na gtong ran pas sad mda' la/__la phug gris gshags pa'i dum bu gsum dang /__sha gsar dum bu gcig bcas mnyam du btsos pa'i khu ba phor phyed tsam btang bas nub mo gnyid bde zhing /__nang mo chu cung zad dwangs na 'phrod rtags dang /__la phug dum tsam lce thog tu bzhag pas mi tsha ba dang /__yi gar 'ong zhing zhim nyams ldan na gtong ran pas/__gtong tshul dngos ni/__la phug rnying rul 'bu zhugs pa sogs ma yin par dus su blangs pa'i gzhon nu de nyid sa brlan dang ma bral bar tshags su bya zhing dgos dus der thog mar la phug 'bring shos tsam blangs la sa rdul dang dri ma legs par bkrus/__lag pa dang snod sogs kyang bkru zhing gtsang sbra bcas lcags kyi khrol tshags phug la re re bzhin brdar/__ras dkar nang du btsir ba'i khu ba dkar yol nang du 'don par phyed mtho tsam 'ong bar byas/__khrag la mi gnod pa'i phyir lbu ba lan gsum tsam bcad ba'i nang /__pri yang ku/__kha che stag sha klu bdud rgyam tshwa/__bi sha sen tsam bcas kyi phye ma thun gcig btab la kha chod byas nas dbyar sa nang dang /__dgun nas nang du zhag gcig bzhag__/nang par gza' skar bzang ba'i nyi dros thab thog tu lcags slong nang bye ma blugs la lhog bud bar du bskol la blangs/__ngad yal dus gzungs sngags dang shis pa brjod bzhin gtong /__kha bshal nas gre bar mi skyugs pa'i thabs kyis bdug__de nas yun cung zad 'phror ra lug rnga bran sogs nad kyis shi ba min pa'i sha gsar khu ba rkyang pa phor phyed tsam gtang /__mi 'phrod rtags ma byung tshe sman dkar yang zhag gsum phan lbu ba mi bcad cing je mang bskyed/__sha khu g.yos su byas pa'ang rim bzhin bskyed la gtong /__zhag gnyis gsum mtshams la phug snyigs ma tshigs ro can de dro 'jam bsros par/__sman chen shu dag bul tog gla rtsi dang lcum rtsa chu rtsa stag sha dmar po gsum/__dud pa ral bcas sbyar ba'i byugs pa bya/__zhes btab pa skrangs gar yod sar nub mo 'byar byas nas nang par bkrol la chu dron gyis bkru/__byug sman rdo 'byar can/__cong zhi dkar dmar sbal mdung ha shig mtshal/__mdung rtse khab len rdo rgyus rdo klad dang /__ba bla sdong ros mu zi li khri bcas/__gzhan yang rdo sna tshogs tshad 'bras bu gsum/__sman chen lcum rtsa thar nu rtsi bzhin brtags/__zhes pa gong gi lab 'byar dang res mos bya/__gzhan yang lus kyi stod smad don lnga snod drug sogs nad babs dang bstun pa'i kha 'dzin dgos rigs la phug gi skabs su'ang mi bcad par gtong /__sman dkar khu ba'i nang la'ang kha 'dzin dmigs gsal dgos pa byung na 'debs/__de ltar ma rmongs shing rig pas 'phrul ba'i phyag len tshul bzhin bgyis na rim gyis zug chog cing skrangs pa rnams mtha' nas sdud pa dang /__sha lpags lhod cing sgyid khung gi chu rgyus sangs nas rkang ba brkyang bskum sla ba/__chu sngo zhing rtsa dal ba sogs 'byung bas sman dkar btang nas zhag gsum phan chad 'gro 'dug sogs la mi dal bar shugs kyis bslabs/__sman dkar yang zhag bdun gsum bco lnga nyer gsum tsam nas brang tsha zhing pho ba mi bde skyugs nyams sogs byung dus nad gzhi'i tshod dang bstun nas 'phro bcad/__drug pa log gnon ni/__'bam nad chu bsags dang bsdangs na snga mar bab sman btang nas bzung /__a b+hi drug thang /__da li bcu drug__/gi dgu/__'bol bdun/__dwangs ma gnas 'jogs/__chu rtsi nyer lnga rnams khrag shul smug po sogs shas che na skyu ru'i chig thang gis dbul la 'bam sman dang spel ma byed nas gtong /__rna 'bam gyis rna ba skrangs shing sgra mi thos pa dang /__mgo bo 'khor ba'i zug sogs byung na/__la phug khu bar sgog skya/__ru rta/__ug chos 'bras bu/__sran ma'i me tog bcas kyi phye ma btab la ras dkar du btsir ba'i khu ba rna bar yang yang blugs/__des ma phan na ya ma nag po'i bcos thabs dang 'phrul zangs tel gyis bsregs/__so 'bam zhes 'gram dang rkan sogs skrangs shing rnyil la zug dang khrag sogs 'byung nas cis kyang skyed med na phyi nas lab ro nang gi 'byar dang byugs pa bya/__nang du lab khu 'debs sman can mkhur bkang yun du bsten cing rjes gcod me btsa' 'dra gdab na phan/__lce 'bam zhes lce mchu skrangs la reg mi bzod pa mur 'gram dang lkog ma la zug 'byung bas kha la zas mi thar na/__khyung lnga spyang lce thun log kha tshar can zil thon pa dang /__phyi nas byugs pa byas mthar lce'i g.yas g.yon gyi skrangs pa'i steng du gag zor gyis cher mi zab par gshags la khrag rnams dbyung nas rna bshal mjug dang lkog mar rjes gcod kyi me btsa' gdab/__bdun pa ni gong gi sman bcos rnams kyis lus yang zhing bde la/__rkang par glog shu za 'phrug sbrid pa lce bem sogs byung dus gang na che ba'i phyogs kyi chu ser gdong rtsa/__long rtsa/__byin 'jug gsum gang bde gang rgyas zhig gtar/__de rjes rang byung dang bcos ma'i chu tshan la zhugs shing kha zas bcud can rim glod kyis lus zungs gso ba la brtson par byas pas nad las grol zhing bde ba'i dpal la spyod par gdon mi za'o//__//__!