གསོ་དཔྱད་ཡན་ལག་བཞི་པ་ལས་བཏུས་པའི་རྩ་གནད་ཀྱི་གདམས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	gso dpyad yan lag bzhi pa las btus pa'i rtsa gnad kyi gdams pa
Location	mkhyen brtse'i bka' 'bum Volume 17, sde tshan 2, Text 16, Pages 259-264 (Folios 57a6 to 59b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gso dpyad yan lag bzhi pa las btus pa'i rtsa gnad kyi gdams pa. In 'jam dbyangs mkhyen brtse'i dbang po'i bka' 'bum, Vol. 17: 259-264. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

16 259-264	གསོ་དཔྱད་ཡན་ལག་བཞི་པ་ལས་བཏུས་པའི་རྩ་གནད་ཀྱི་གདམས་པ། gso dpyad yan lag bzhi pa las btus pa'i rtsa gnad kyi gdams pa Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསོ་དཔྱད་ཡན་ལག་བཞི་པ་ལས་བཏུས་པའི་རྩ་གནད་ཀྱི་གདམས་པ་ལས། དོན་སྣོད་གང་གི་རྩ་གང་ན་གནས་བསྟན་པ་ནི། མདུན་གྱི་སྐྲ་མཚམས་ནས་གྱེན་དུ་སོར་བཞི་བཅལ་བ་ནས་འཚོགས་མའི་གསང་ཞེས་བྱ་སྟེ་བད་མཁྲིས་འདོམས་པའི་རྩ་ཡིན། ལྟག་ཟུར་གཡས་གཡོན་གཉིས་ནས་མར་ལ་འཕར་རྩ་ཟུང་ནི་ལྟག་རྩ་ནག་པོ་ཞེས་བྱ་སྟེ་མཁལ་མའི་རྩ་ཡིན། ཟ་འགྲམ་གཡས་གཡོན་གཉིས་ན་འཕྲེད་ཀྱི་འཁྱུག་རྩ་འཕར་བ་གཉིས་བད་ཀན་གྱི་རྩ་རིང་ཞེས་བྱ་སྟེ་བད་མཁྲིས་འདོམས་པའི་རྩ་ཡིན། མིག་ཟུར་གཡས་གཡོན་གཉིས་ནས་གྱེན་དུ་རྒྱུ་བའི་རྩ་ནི་མིག་རྩ་འགྲེང་བུ་ཞེས་བྱ་སྟེ་མཆིན་པའི་རྩ་ཡིན། དཔྲལ་བའི་དཀྱིལ་དྲང་པོར་གྱེན་དུ་རྒྱུ་བའི་རྩ་ནི་དུང་རྩ་ཞེས་བྱ་སྟེ་གློ་རྩ་ཡིན། མིག་གི་ནང་ཟུར་ཁུག་གཉིས་ན་མིག་གི་རྩེའུ་ཆུང་གཉིས་གནས་ཏེ་མཆིན་པའི་རྩའོ། །དེ་ཁུག་པར་སོང་བའི་སྣ་རྩེའང་མཆིན་རྩའོ། །སྣ་བུག་གཉིས་ཀྱི་ཕུགས་སུ་རྔུལ་རྩ་ནག་པོ་ཞེས་བྱ་སྟེ་དོན་སྣོད་ཐམས་ཅད་འདུས་པའི་རྩའོ། །ལྕེ་ཡི་འོག་ན་གནས་པའི་རྩ་ནི་ར་མ་ལུག་ཅེས་བྱ་སྟེ་མཆིན་པའི་རྩའོ། །མ་མཆུ་ལ་གནས་པའི་འཕར་རྩ་ནི་མཚེར་པའི་རྩའོ། །འགྲམ་པའི་ཟུར་ན་འཕར་བའི་རྩ་ནི་སྙིང་རྩའོ། །སྐེའི་རྩ་རྩེའུ་ཆུང་ནི་གློ་བའི་རྩའོ། །དེ་ལས་གྱེས་པའི་རྩ་ནི་རྩེ་ནག་ཅེས་བྱ་སྟེ་གློ་བུའི་རྩ་ཡིན། རྩེའུ་ཆུང་གི་མདུན་ངོས་ནས་མར་ལ་རྒྱུ་བའི་རྩ་ནི་རྩེ་འདྲ་ཞེས་བྱ་སྟེ་སྙིང་གི་རྩ་ཡིན། ཨོལ་གོང་གི་སྟེང་ནས་མར་རྒྱུ་བ་ནི་སྙིང་རྩ་མེ་རུ་ཞེས་བྱ་སྟེ་སྙིང་རྩའོ། །དེ་ནས་ལག་པའི་རྩ་ལ་དཔུང་པའི་སྙིང་སྟེང་ནས་མར་ལ་རྒྱུ་བ་ནི་དཔུང་རྩ་ཞེས་བྱ་སྟེ་རྩེ་ཞབས་ཀྱང་ཟེར་གློ་མའི་རྩ་ཡིན། གྲུ་མོའི་ནང་ཟུར་ནས་སོར་བཞི་ཡར་བཅལ་བ་ན་གྲུ་མགོ་མཆིན་པའི་རྩ་ཡིན། ལག་པའི་ཁུག་ཟུར་ན་སྣོད་ཀ་ཞེས་ཀྱང་བྱ། ཕོ་བའི་ཨ་སོ་ལི་ཀ་ཞེས་ཀྱང་བྱ་སྟེ་ཕོ་བའི་རྩ་ཡིན། ཁུག་དྲང་པོ་ན་སྙིང་གི་ཨ་སོ་ལི་ཀ་ཞེས་བྱ་སྟེ། ཁ་ཅིག་གློ་སྙིང་འདམས་རྩའང་ཟེར། སྙིང་གི་རྩ་ཡིན། ཁུག་གི་མར་ཟུར་ན་གློ་བའི་ཨ་སོ་ལི་ཀ་ཞེས་གློ་མའི་རྩ་ཡིན། སྣོད་ཀ་ཞབས་ཀྱི་འདམས་རྩ་ཁ་སྦྲག་ཏུ་གནས་ཏེ་བད་མཁྲིས་ཀྱི་འདོམ་རྩའོ། །མཆིན་རྩ་ལས་ནང་དུ་གནས་པ་ནི་མཁྲིས་པའི་གསེར་མདུང་ཅེས་བྱ་སྟེ་མཁྲིས་པའི་རྩ་ཡིན། མཆིན་རྩ་ལས་གྲུ་མགོའི་གྱེན་སོར་བཞིར་གཞལ་མཚམས་མཆིན་པའི་རུ་ཐུང་ཞེས་བྱ་སྟེ་མཆིན་སྤང་ཆེན་མོའི་རྩ་ཡིན། དེ་ནས་ཡར་སོར་བཞི་བཅལ་བ་ན་གཤའ་རིང་ཞེས་བྱ་སྟེ་མཆིན་པ་སྤང་ཆུང་གི་རྩ་ཡིན། དེ་ནས་ཡར་སོར་བཞི་བཅལ་བ་ན་ཤ་རུ་མོན་རུ་ཞེས་བྱ་སྟེ་སྤང་ཆུང་དང་དགྲ་ལྕེ་འདོམས་པའི་རྩ་ཡིན། དེ་ནས་སོར་བཞི་བཅལ་བ་ན་ཕྲན་བུ་ཞེས་བྱ་སྟེ་དགྲ་ལྕེའི་རྩ་ཡིན། མཁྲིག་མའི་རྒྱབ་ཚིག་ཐོག་ལ་ཉེ་བ་ནི་རྒྱབ་རྩ་དྲུག་འདུས་ཞེས་བྱ་སྟེ་དོན་སྣོད། མཐེབ་ཆེན་ཞབས་ནས་འཕར་རྩ་སོར་བཞི་བཅལ་བ་ན་སྐྱོར་གང་ཞེས་བྱ་སྟེ་གློ་བུའི་རྩ་ཡིན། དེ་ནས་སོར་བཞི་བཅལ་བ་ནི་གོང་རྩ་ཞེས་བྱ་སྟེ་གློ་སྟོད་བུ་ལ་ཉེ་བའི་རྩ་ཡིན། དེ་ནས་སོར་བཞི་བཅལ་བ་ན་སྒང་རྩ་ཞེས་བྱ་སྟེ་རྒྱབ་ཕྱོགས་གློ་མར་ཉེ་བའི་རྩ་ཡིན། དེ་ནས་ལག་པའི་རྒྱབ་ལས་མར་གྱེས་པའི་རྩ་ནི། སྐྱོར་གོང་ཡིན་ནམ་མ་དཔེ་ལ་མི་འདུག་མཆན། ཞེས་བྱ་སྟེ་གློ་མའི་རྩ་ཡིན་ནོ། །ལག་པའི་ཐལ་གོང་གུང་མོའི་སྟེང་ནས་ཕོ་གདུང་ཞེས་མཆིན་པ་ཕོ་གདུང་གི་རྩའོ། །མཐེབ་ཆེན་གྱི་སྟེང་ན་ཡར་སོང་བ་མཐེབ་སྐྱོར་ཞེས་བྱ་སྟེ་གློ་བུའི་རྩ་ཡིན། སྐད་འགགས་སེལ། འཛུབ་མོའི་སྟེང་ནས་ཟུར་ལ་སོང་བ་འཛུབ་སྐྱོར་ཞེས་གློ་བུའི་རྩ་ཡིན། སྐད་ལ་ཕན། གུང་མོའི་སྟེང་ནས་ཟུར་ལ་སོང་བ་ནི་གུང་སྐྱོར་ཞེས་བྱ་སྟེ་མཆིན་པ་དང་ཕོ་བ་བསྡོངས་པའི་རྩ་ཡིན། སྲིན་ལག་གི་སྟེང་ནས་ཟུར་ལ་སོང་བ་ནི་སྲིན་སྐྱོར་མཆུ་ལ་ཕན་ཞེས་བྱ་སྟེ་ཕོ་བ་དང་མཚེར་པའི་རྩ་ཡིན། མཐེའུ་ཆུང་སྟེང་ནས་ཟུར་ལ་སོང་བ་ནི་མཐེའུ་ཆུང་སྐྱོར་ཏེ་མཁལ་རང་ལ་ཕན་མའི་རྩ་ཡིན། དེ་ནས་རྐང་པའི་གདབ་རྩ་བསྟན་པ་ནི། དཔུང་ཚིག་ནང་ཟུར་མཐོ་གང་གྱེན་ལ་བཅལ་བའི་ནང་མན་ཆོད། ཆག་གང་གྱེན་ལ་བཅལ་བ་ཡན་ཆོད་ཀྱི་བར་གྱི་རྩ་བོ་ཆེའི་གདབ་ས་སྣོད་ཀུན་གྱི་རྩའོ། །ལྷྭམ་སྒྲོགས་འཆིང་བའི་རྩའང་སྣོད་ཀུན་གྱི་རྩའོ། །དེ་ལས་གྱེས་ནས་ངར་གདོང་ནག་པོ་ཞེས་བྱ་སྟེ་མཁལ་མའི་གཞི་ཆེ་བའི་རྩའོ། །ལོང་བུའི་ནང་ལོག་གི་རྩ་ནི་ལོང་བུ་དཔྱངས་ཞེས་བྱ་སྟེ་ལོང་གི་རྩ་ཡིན། སྒབ་ཁུང་བྱིན་པའི་སྟེང་ནས་མར་རྩ་གསུམ་ཡོད་པའི་ས་ནི་སྒབ་རྩ་ནག་པོ་སྨད་གསུམ་ཞེས་བྱ་སྟེ། དེའི་དབུས་མའི་ལྷྭམ་སྒྲོགས་འཆིང་སའི་འོག་བྱིན་སྙིང་གི་གོང་དུ་མཆིན་པའི་རྩ་ཡིན། རྟིང་པའི་དྲེགས་མཚམས་ནས་གྱེན་ལ་འཛུབ་གང་བཅལ་བ་ན་གནས་པ་ནི་བྱིན་འཇུག་ཅེས་བྱ་སྟེ་མཁལ་མའི་རྩ་ཡིན། ལོང་བུའི་ཕྱི་ལོག་ནས་ཚུར་ལ་འཁྱུད་པ་ནི་ལོང་བུའི་ཕྱི་གྲ་ཡིན་ཏེ་མཁལ་མའི་རྩ་ཡིན། བོལ་གྱི་ཡོབ་གང་ན་མར་རྒྱུག་པ་ནི་ཡོབ་གོང་ཞེས་བྱ་སྟེ་མཁལ་མའི་རྩ་ཡིན། བོལ་གོང་ནས་འཕྲེད་ལ་རྒྱུག་པ་ནི། བོལ་གྱི་རྩ་འཕྲེད་ཐག་པ་འདྲ། ཞེས་པ་སྟེ་དེའང་མཁལ་མའི་རྩའོ། །རྐང་པའི་རྒྱུ་མའི་ནང་དུ་བཀུག་ན་རྒྱུ་མ་གོང་དུ་གཉེར་མ་གསུམ་འབྱུང་སྟེ། དེའི་གཉེར་མ་དབུས་མའི་འོག་ཏུ་རྒྱུ་མ་ཁུང་གི་རྩ་ནག་ཅེས་བྱ་སྟེ། དེ་ནི་མཆིན་པའི་རྩ་ཡིན། གདབ་ཐབས་གཉིས་ལེན་ནི་ཐོག་མར་པགས་པ་དང་རྩ་དཔྲལ། དེ་ནས་རྩར་གདབ་པའོ། །མཛོ་སྣ་ནི་ལག་པས་རྩ་བགག་སྟེ་འཕྲེད་དུ་ཐལ་མར་ཕུག་ནས་རྨ་ཁ་ནས་ཁྲག་དབྱུང་ངོ་། །མདུང་ཐབས་ནི་གཡོན་གྱིས་རྩ་བགག་ལ་གཡས་ཀྱིས་མདུང་ཐབས་སུ་བརྒྱབ་སྟེ་རྩ་གཤག་པའོ། །དོལ་ཆོད་ནི་ཙག་བུ་བསྙལ་ཏེ་མཛོ་སྣ་བཞིན་ཏལ་གྱིས་བཏང་ལ་སོ་གྱེན་ལ་བསྟེན་ཏེ་བཅད་པའམ་རྩ་ཕྲན་ལྟ་བུ་འདྲུད་ནས་བཅད་པའོ། །གློ་ཕུག་ནི་གློ་གཡས་གཡོན་ཕུག་པའོ། །ཕོ་བའི་གོང་ཨ་སོ་ལི་ལ་འཕར་རྩ་ཡོད་པས་མ་བསྙལ་གོང་དུ་ཐད་ལ་གདབས། གྲུ་མགོ་ལའང་སྙིང་རྩ་ལ་གཟབ། གློ་བའི་སྐྱོར་གོང་ལ་གཤོང་གཤོང་པོར་བལྟ་རྩ་ལོད་པས་གཟབ། ཕོ་གདུང་ལ་གུང་སྲིན་བར་ན་སྨིན་བུའི་གནད་ལ་གཟབ། ཡོབ་གང་ལ་སྙིང་རྩ་ཡོད་པས་གཟབ། སྒབ་རྩའི་སྐབས་བྱིན་སྙིང་ལ་གཟབ། མིག་རྩ་འགྲེང་བུ་ནི་སྐྲ་མཚམས་སུ་སྟོད་ལ་གདབ། དེ་དམས་ན་མིག་ཅ་རེ་ལོང་དུ་འགྲོ་བས་གཟབ། སྙིང་རྩ་མེ་རུལ་གཉིས་ལེན་བྱས་ཏེ་པགས་པ་དྲལ། རྩ་མངོན་པ་དང་རྒྱ་ཁབ་བཀུག་པས་རྩ་ཡར་བསླངས་ལ་མདུང་ཐབས་ཀྱིས་བཀལ་ལ་གདབ་བོ། །རྒྱུ་མ་ཁུག་གི་རྩ་ནག་ལ་བཙག་བུ་སོར་གཅིག་གཏིང་དུ་བརྒྱབ་ལ་ཁྲག་ནག་པོ་བཏོན་ལ་མེ་བཙའ་བསྲེག་གོ། །། ༈

[edit]

gso dpyad yan lag bzhi pa las btus pa'i rtsa gnad kyi gdams pa/ gso dpyad yan lag bzhi pa las btus pa'i rtsa gnad kyi gdams pa las/__don snod gang gi rtsa gang na gnas bstan pa ni/__mdun gyi skra mtshams nas gyen du sor bzhi bcal ba nas 'tshogs ma'i gsang zhes bya ste bad mkhris 'doms pa'i rtsa yin/__ltag zur g.yas g.yon gnyis nas mar la 'phar rtsa zung ni ltag rtsa nag po zhes bya ste mkhal ma'i rtsa yin/__za 'gram g.yas g.yon gnyis na 'phred kyi 'khyug rtsa 'phar ba gnyis bad kan gyi rtsa ring zhes bya ste bad mkhris 'doms pa'i rtsa yin/__mig zur g.yas g.yon gnyis nas gyen du rgyu ba'i rtsa ni mig rtsa 'greng bu zhes bya ste mchin pa'i rtsa yin/__dpral ba'i dkyil drang por gyen du rgyu ba'i rtsa ni dung rtsa zhes bya ste glo rtsa yin/__mig gi nang zur khug gnyis na mig gi rtse'u chung gnyis gnas te mchin pa'i rtsa'o/__/de khug par song ba'i sna rtse'ang mchin rtsa'o/__/sna bug gnyis kyi phugs su rngul rtsa nag po zhes bya ste don snod thams cad 'dus pa'i rtsa'o/__/lce yi 'og na gnas pa'i rtsa ni ra ma lug ces bya ste mchin pa'i rtsa'o/__/ma mchu la gnas pa'i 'phar rtsa ni mtsher pa'i rtsa'o/__/'gram pa'i zur na 'phar ba'i rtsa ni snying rtsa'o/__/ske'i rtsa rtse'u chung ni glo ba'i rtsa'o/__/de las gyes pa'i rtsa ni rtse nag ces bya ste glo bu'i rtsa yin/__rtse'u chung gi mdun ngos nas mar la rgyu ba'i rtsa ni rtse 'dra zhes bya ste snying gi rtsa yin/__ol gong gi steng nas mar rgyu ba ni snying rtsa me ru zhes bya ste snying rtsa'o/__/de nas lag pa'i rtsa la dpung pa'i snying steng nas mar la rgyu ba ni dpung rtsa zhes bya ste rtse zhabs kyang zer glo ma'i rtsa yin/__gru mo'i nang zur nas sor bzhi yar bcal ba na gru mgo mchin pa'i rtsa yin/__lag pa'i khug zur na snod ka zhes kyang bya/__pho ba'i a so li ka zhes kyang bya ste pho ba'i rtsa yin/__khug drang po na snying gi a so li ka zhes bya ste/__kha cig glo snying 'dams rtsa'ang zer/__snying gi rtsa yin/__khug gi mar zur na glo ba'i a so li ka zhes glo ma'i rtsa yin/__snod ka zhabs kyi 'dams rtsa kha sbrag tu gnas te bad mkhris kyi 'dom rtsa'o/__/mchin rtsa las nang du gnas pa ni mkhris pa'i gser mdung ces bya ste mkhris pa'i rtsa yin/__mchin rtsa las gru mgo'i gyen sor bzhir gzhal mtshams mchin pa'i ru thung zhes bya ste mchin spang chen mo'i rtsa yin/__de nas yar sor bzhi bcal ba na gsha' ring zhes bya ste mchin pa spang chung gi rtsa yin/__de nas yar sor bzhi bcal ba na sha ru mon ru zhes bya ste spang chung dang dgra lce 'doms pa'i rtsa yin/__de nas sor bzhi bcal ba na phran bu zhes bya ste dgra lce'i rtsa yin/__mkhrig ma'i rgyab tshig thog la nye ba ni rgyab rtsa drug 'dus zhes bya ste don snod/__mtheb chen zhabs nas 'phar rtsa sor bzhi bcal ba na skyor gang zhes bya ste glo bu'i rtsa yin/__de nas sor bzhi bcal ba ni gong rtsa zhes bya ste glo stod bu la nye ba'i rtsa yin/__de nas sor bzhi bcal ba na sgang rtsa zhes bya ste rgyab phyogs glo mar nye ba'i rtsa yin/__de nas lag pa'i rgyab las mar gyes pa'i rtsa ni/__skyor gong yin nam ma dpe la mi 'dug mchan/__zhes bya ste glo ma'i rtsa yin no/__/lag pa'i thal gong gung mo'i steng nas pho gdung zhes mchin pa pho gdung gi rtsa'o/__/mtheb chen gyi steng na yar song ba mtheb skyor zhes bya ste glo bu'i rtsa yin/__skad 'gags sel/__'dzub mo'i steng nas zur la song ba 'dzub skyor zhes glo bu'i rtsa yin/__skad la phan/__gung mo'i steng nas zur la song ba ni gung skyor zhes bya ste mchin pa dang pho ba bsdongs pa'i rtsa yin/__srin lag gi steng nas zur la song ba ni srin skyor mchu la phan zhes bya ste pho ba dang mtsher pa'i rtsa yin/__mthe'u chung steng nas zur la song ba ni mthe'u chung skyor te mkhal rang la phan ma'i rtsa yin/__de nas rkang pa'i gdab rtsa bstan pa ni/__dpung tshig nang zur mtho gang gyen la bcal ba'i nang man chod/__chag gang gyen la bcal ba yan chod kyi bar gyi rtsa bo che'i gdab sa snod kun gyi rtsa'o/__/l+h+wam sgrogs 'ching ba'i rtsa'ang snod kun gyi rtsa'o/__/de las gyes nas ngar gdong nag po zhes bya ste mkhal ma'i gzhi che ba'i rtsa'o/__/long bu'i nang log gi rtsa ni long bu dpyangs zhes bya ste long gi rtsa yin/__sgab khung byin pa'i steng nas mar rtsa gsum yod pa'i sa ni sgab rtsa nag po smad gsum zhes bya ste/__de'i dbus ma'i l+h+wam sgrogs 'ching sa'i 'og byin snying gi gong du mchin pa'i rtsa yin/__rting pa'i dregs mtshams nas gyen la 'dzub gang bcal ba na gnas pa ni byin 'jug ces bya ste mkhal ma'i rtsa yin/__long bu'i phyi log nas tshur la 'khyud pa ni long bu'i phyi gra yin te mkhal ma'i rtsa yin/__bol gyi yob gang na mar rgyug pa ni yob gong zhes bya ste mkhal ma'i rtsa yin/__bol gong nas 'phred la rgyug pa ni/__bol gyi rtsa 'phred thag pa 'dra/__zhes pa ste de'ang mkhal ma'i rtsa'o/__/rkang pa'i rgyu ma'i nang du bkug na rgyu ma gong du gnyer ma gsum 'byung ste/__de'i gnyer ma dbus ma'i 'og tu rgyu ma khung gi rtsa nag ces bya ste/__de ni mchin pa'i rtsa yin/__gdab thabs gnyis len ni thog mar pags pa dang rtsa dpral/__de nas rtsar gdab pa'o/__/mdzo sna ni lag pas rtsa bgag ste 'phred du thal mar phug nas rma kha nas khrag dbyung ngo /__/mdung thabs ni g.yon gyis rtsa bgag la g.yas kyis mdung thabs su brgyab ste rtsa gshag pa'o/__/dol chod ni tsag bu bsnyal te mdzo sna bzhin tal gyis btang la so gyen la bsten te bcad pa'am rtsa phran lta bu 'drud nas bcad pa'o/__/glo phug ni glo g.yas g.yon phug pa'o/__/pho ba'i gong a so li la 'phar rtsa yod pas ma bsnyal gong du thad la gdabs/__gru mgo la'ang snying rtsa la gzab/__glo ba'i skyor gong la gshong gshong por blta rtsa lod pas gzab/__pho gdung la gung srin bar na smin bu'i gnad la gzab/__yob gang la snying rtsa yod pas gzab/__sgab rtsa'i skabs byin snying la gzab/__mig rtsa 'greng bu ni skra mtshams su stod la gdab/__de dmas na mig ca re long du 'gro bas gzab/__snying rtsa me rul gnyis len byas te pags pa dral/__rtsa mngon pa dang rgya khab bkug pas rtsa yar bslangs la mdung thabs kyis bkal la gdab bo/__/rgyu ma khug gi rtsa nag la btsag bu sor gcig gting du brgyab la khrag nag po bton la me btsa' bsreg go/__//__!