རྩ་སྦྱོངས་ཀྱི་ལག་ལེན།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa sbyongs kyi lag len
Location	mkhyen brtse'i bka' 'bum Volume 17, sde tshan 2, Text 13, Pages 253-257 (Folios 54a3 to 56a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rtsa sbyongs kyi lag len. In 'jam dbyangs mkhyen brtse'i dbang po'i bka' 'bum, Vol. 17: 253-257. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

13 253-257	རྩ་སྦྱོངས་ཀྱི་ལག་ལེན། rtsa sbyongs kyi lag len Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྩ་སྦྱོངས་ཀྱི་ལག་ལེན་ནི། སྔོན་འགྲོ་རྒྱས་པར་སྤྲོ་ན་རྩ་ཁུ་བྱུག་སྟེ་ཀོ་ཋ་འཁྲུལ་མེད་ཀྱི་ལོ་མའི་ཐང་ཞག་གསུམ་བཏང་། དེ་ནས་གཟའ་སྐར་ལེགས་པའི་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་པ་གང་བཏང་། ཉི་ནུབ་ར་ཡི་ཝ་གདོང་དང་། གཞན་ནོར་ལུག་གང་བྱུང་གི་སེར་རུས་དང་། དེའི་རུས་པ་གོར་མོའི་ཁ་གདོང་གོར་མོ། སྲེ་ལོང་། ལྕམ་པ་བཅས་བསྡུས་པའི་ཐང་ཚྭ་ཅུང་ཟད་ལྡན་པ་བཏང་། མུན་རུག་སྣ་སེལ་གྱི་ཐང་བཏང་། དེའི་ཐོ་རངས་སྨན་གྱི་རིལ་བུ་བཅུ་བདུན་བཏང་། བྱང་བ་ཉེར་གཅིག་དང་ཆ་གའི་མགོ་ཆུ་སྦུར་གང་རྙེད། ཤིང་མངར་པི་ལིང་ནས་འབྲུ་ཙམ་རྣམས་ཆམ་ཆོམ་བརྡུངས། རས་དཀར་དྲི་མེད་དུ་བཏུམ་ལ་ཆུ་ཚན་ཧུབ་གསུམ་ཙམ་ནང་དུ་སྦང་། ཇ་ཡུན་ཙམ་སོང་དུས་མཐེབ་འཛུབ་ཀྱིས་དལ་བུར་ཆུ་ནང་དུ་མཉེས། ཆུ་མདོག་སྨུག་དྭངས་བྱུང་དུས་རས་ཀྱི་སྨན་ཐུམ་ཚུར་བླངས་ལ་ཆུ་དེ་ཁེབ་ལེགས་པར་བྱས་ནས་ཞག་གཅིག་བཞག་པའི་ཁུ་བ་དེ་ཉིད་ཧུབ་གང་འཐུང་། དེ་རྗེས་རིལ་བུ་དགུ་ཆུ་བསྐོལ་གྲང་གིས་ཕུལ། ཡུན་རིང་སྔས་མ ཐོར་བྱས་ནས་གཉིད་ལོག་དགོས། དེ་རྗེས་བར་བར་དུ་རྒྱུད་ཀྱི་མདུངས་སྨན་བཏང་། ཐེབ་པའི་དུས་སུ་ལྕག་ཆང་གསུངས་ཀྱང་ཆུ་བསྐོལ་གྲང་རང་ལེགས། དེས་མ་ཐེབ་ན་ཕྱིར་ནང་སྔ་མའི་བྱང་བའི་རོ་མའི་ཁར་བྱང་པ་གསུམ་ཙམ་བསྣན་ནས་བཙིར་བའི་ཁུ་བ་ནུབ་གསུམ་ཙམ་དང་རིལ་བུ་བདུན་སྦྱར། རྗེས་ཐུག་པ་སྣུམ་ལྡན་ཚྭ་ཡོད་བཏང་། ། ༈ རྩ་བཤལ་སྐབས་ཀྱི་ཕྱག་ལེན་ནི། ར་ཡི་ཚང་འཇུག །སྲོག་ཆག་གང་རུང་གི་ཨོ་ཐོ་རུ་ལུ་ཡས་མར་གྱི་རུས་པ་ཆ་གཉིས་ཙམ་དང་། སྲེ་ལོང་ཐེ་ཁེ་གསུམ་ཙམ་ཤ་མེད་པ་དང་། ཉི་དགའ་དབྱར་ཡིན་ན་ལོ་མ། དགུན་ཡིན་ན་འབྲས་བུ། གཡེར་འབྲུ་བདུན། ལན་ཚྭ་བྲོ་ཙམ་ཚྭ་འབྲིང་ཙམ་བསྐོལ་བའི་ཁུ་བ། གཞུང་བཤད་སྔོན་འགྲོ་ཁྲུས་བྱུགས་ལྟོ་བ་མ་གཏོགས་པར་ཐེམ་པར་བྱས་ནས། དེ་ནུབ་ཉི་མ་ལ་ཁ་ལ་འགྲོ་དུས་ཕོར་པ་གསུམ་ཙམ་གཏོང་། སྲོད་འཁོར་ནས་སྣ་སེལ་དེ་གོང་སྔ་ཙམ་ནས་དཀར་ཡོལ་དུ་བྱང་བ་དམར་ཁྲ་བར་གཤོག་ཅན་གམ། སྨན་ཐུན་གཅིག་ཆུ་སྐོལ་གྱིས་གཏོང་། དེ་ཡང་དབྱར་ཡིན་ན་རྩ་ཁ་དབྱེ་ཐང་ཉི་མ་མདུང་གང་ཙམ་ནས་གཏོང་། སྣ་སེལ་ས་རུབ་འཕྲལ་གཏོང་། ཁུ་བྱུག་མེ་ཏོག་ཚབ་དབྱི་མང་དཀར་པོའི་མེ་ཏོག་དང་ཕོ་ལྕམ་འབྲས་བུ། དེ་ལས་ནུས་པ་དམན་ན་བཅུ་བདུན་ཙམ་དང་། སྦུར་མགྱོགས་ཡོད་ན་ལྔ་ཙམ། མེད་ན་ཆ་གའི་མགོ་བོ་གསུམ་ཙམ་དང་ལྷན་དུ་ཤིང་མངར་དང་པི་ལིང་གཉིས་ནས་ཙམ་རེ་ཆོབ་ཙམ་བརྡུངས་ནས་གོས་ཆེན་དུ་བཏུམ་ནས་བཞག །དེ་ནས་ཆུ་ཚན་ཧུབ་གསུམ་ཙམ་བླུགས་ནས་རྒྱང་ཙམ་བཞག །དེ་མཚམས་སུ་ས་རུབ་ཙམ་ལ་ཐུམ་གྱི་ཕྱི་ནས་ཤེད་མ་བཏོན་པར་མཐེ་བོས་དལ་བུས་བསྣུར་ནས་ཆུ་མདོག་སྨུག་ཆིལ་བྱུང་བ་དང་། སྨན་རོ་མི་གཏོང་ཐུམ་བུ་ཟུར་དུ་བཏོན། དཀར་ཡོལ་གཅིག་ཏུ་རྒྱ་ཚྭ། སྡིག་སྲིན། ཧ་ཤིག་དཀར་པོ། ཚྭ་ལ་དུལ་བ་དེ་རྣམས་ཁ་ཚར་གཞན་མི་དགོས་ཞིབ་པར་བཏགས་ནས་ཆང་གིས་བསྣོས། རིལ་བུ་སྲན་མ་ཙམ་དྲིལ། རིལ་བུ་དགུ་དར་ནང་དུ་བསྟུམ་ནས་ཆང་ཧུབ་གསུམ་ཙམ་ལ་སྦངས། རྒྱངས་ཙམ་སོང་ནས་དལ་བུས་ཐེབ་བསྣུར་བྱེད་པ་སྔར་དང་འདྲ། རོ་མ་བཏོན་པའི་ཁུ་བ་གཉིས་ཀ་ཁེབ་ལེགས་པར་བརྒྱབ་ནས་མཚན་མོ་དེ་གར་བཞག །དངོས་གཞི་ཐོ་རངས་ཀྱི་དུས། ཐོག་མར་བྱང་པའི་ཁུ་བ་ཐོན་ངེས་བཏོན་འཕྲལ་སྨན་གྱི་ཁུ་བ་བཏང་ནས། ཁ་ཆུ་སྐོལ་གྱིས་བཤལ་ནས་མིད་བཅུག །དངོས་གཞི་གཏོང་རྗེས་སྔས་མཐོ་སར་བསྙལ་ནས་གཉིད་དུ་གཞུག །ཤིན་ཏུ་དྲོ་བ་གལ་ཆེ། ནང་སྔ་ཉི་ཤར་ལ་ཐེབས་པའམ། ཐེབས་རྟགས་མ་བྱུང་ན་རིལ་བུ་བདུན་སྨན་རོ་དང་སྦྲགས། བྱེད་ལུགས་སྔ་མ་ལྟར་མ་བྱུང་བར་བསྐྱར། སྔར་གྱི་བྱང་རོའི་ནང་དུ་བྱང་བ་གསར་པ་གཉིས་བསྣན་ནས་སྦང་ནུར་སྔར་ལྟར་བྱ། ཁུ་བ་སྔ་ཕྱི་གཉིས་ཀ་ཧུབ་ཕྱེད་དོ་ཙམ་གྱིས་ཆོག །སྨན་ཁུ་ཉི་མ་ཤར་དྲོས་ནས་ཀོ་རིམ་སྔ་མ་ལྟར་གཏོང་། ཞོག་པ་སྔ་མོ་ནས་ལྕགས་སེང་པོ་གཏོང་། གྲུམ་བུ་སོགས་ཚ་ཤས་ཆེ་ན་བཟང་ཇའི་ཁུ་བ་བ་མཛོའི་ཆུ་ཉུང་ཉུང་ཡང་ཡང་གཏོང་། ཉི་ཤར་ནས་ཤིན་ཏུ་ཐེབ་པ་བྱུང་ན་སྨན་འཕྲོ་བཅད། ལྕགས་རང་བསྐྱར། འབབས་སྟོང་ཞེན་ན་རིལ་བུ་ལྔ་བདུན་ཙམ་དང་། བྱང་བ་ཕྱེད་གཉིས་ཙམ་རེ་ཁུ་བ་ཧུབ་གང་ཙམ་ལ་སྔར་ལྟར་སྦྱར་ནས་སྔ་གོང་གཉིས་སུ་ལན་གཉིས་གཏོང་། སྤྱིར་གཏོང་སྔ་དགོངས་བར་བར་དུ་མདུང་སྨན་ཐུན་གཉིས་ཙམ་གཏོང་། སྔ་དགོངས་ནས་ཆུ་འགྲམ་གྱི་རྡེའུ་འཇམ་པོ་བྲེ་གང་ཙམ་བསགས་ལ་ཞོག་པ་སྔ་མོ་ནས་སྣོད་དུ་ཆང་སིང་པོ་ལ་བཙོ་བར་བཞག །བཤལ་སྐབས་ཕོ་བ་རྗིང་པ་རྒྱུ་མ་གཟེར་བ། ཕོ་བ་ན་བ་སོགས་བྱུང་ན། རས་ཕྱིས་སམ་ཕོར་ཁུག་ལྟ་བུ་དྲེགས་པ་ཡོད་པར་བླུགས་ནས་ཚན་མོ་དེ་ཡིས་དུགས་བྱ། ཟུག་ཆེ་ཞིང་འབབས་མི་ཐུབ་པ་འདྲ་འདུག་ན། པི་ལིང་འབྲུ་བདུན་གྱི་ཐང་ཚན་མོ་བཏང་། ཟུག་ཆེ་ཞིང་འབབས་ན་མི་གཏོང་། དངོས་གཞི་ཉིན་ལྕགས་མ་གཏོགས་གང་ཡང་མི་གཏོང་། སྔོན་འགྲོའི་སྐབས་ཚིགས་དང་གཙོ་བོར་མཚན་མ་མཉེ། དངོས་གཞི་ཉིན་ཚ་ཙག་བྱུང་ན་མཚན་མ་འཕུར་བ་རང་གནད་ཆེ། སང་ཉིད་ཐུག་པ་སླ་མོ་མར་དཀར་ཞེད་ཙམ་ཡོད་པ་ལན་གཉིས་གསུམ་ཙམ་དང་། སིང་པོ་དང་། ཞག་བདུན་ནས་ཤ་གསར་གཏོང་། ཐེབ་ནས་ཞག་བཅུ་སྐོར་ལ་མི་འཆད་པར་འབབས་པ་ཡོད་ཀྱང་ཞད་མི་དགོས། ཟས་སྤྱོད་ཆ་ཡིས་གློད། ཧ་ཅང་ཐེབས་ཆེ་ན་གཅོད་པའི་སྨན་ཡང་སྟ་གོན་བྱ། གཅོད་དགོས་རྟགས་ཟུངས་ཁྲག་དྭངས་མ་མཚལ་འདྲ་བྱུང་ན་གོང་དུ་སྟ་གོན་བྱས་པའི་རྒྱ་སྐྱེགས་ཞུ་མཁན་མི་དགོས་པས་ཁུ་བར་དོམ་མཁྲིས་བཏབ་ལ་བཏང་། དེ་ཡིས་ཀྱང་མ་ཆོད་ཚེ་ནད་ཆུ་ནད་པས་མི་མཐོང་བར་ཁྲག་བབ་དེ་ཉིད་ལ་དོམ་མཁྲིས་བཏབ་གཏོང་པས་ཆོད་པ་མན་ངག། ། ༈

[edit]

rtsa sbyongs kyi lag len/ rtsa sbyongs kyi lag len ni/__sngon 'gro rgyas par spro na rtsa khu byug ste ko Tha 'khrul med kyi lo ma'i thang zhag gsum btang /__de nas gza' skar legs pa'i nyin g.yer ma dang nyi dga'i 'dab tshod tshwa cung zad yod pa phor pa gang btang /__nyi nub ra yi wa gdong dang /__gzhan nor lug gang byung gi ser rus dang /__de'i rus pa gor mo'i kha gdong gor mo/__sre long /__lcam pa bcas bsdus pa'i thang tshwa cung zad ldan pa btang /__mun rug sna sel gyi thang btang /__de'i tho rangs sman gyi ril bu bcu bdun btang /__byang ba nyer gcig dang cha ga'i mgo chu sbur gang rnyed/__shing mngar pi ling nas 'bru tsam rnams cham chom brdungs/__ras dkar dri med du btum la chu tshan hub gsum tsam nang du sbang /__ja yun tsam song dus mtheb 'dzub kyis dal bur chu nang du mnyes/__chu mdog smug dwangs byung dus ras kyi sman thum tshur blangs la chu de kheb legs par byas nas zhag gcig bzhag pa'i khu ba de nyid hub gang 'thung /__de rjes ril bu dgu chu bskol grang gis phul/__yun ring sngas ma_thor byas nas gnyid log dgos/__de rjes bar bar du rgyud kyi mdungs sman btang /__theb pa'i dus su lcag chang gsungs kyang chu bskol grang rang legs/__des ma theb na phyir nang snga ma'i byang ba'i ro ma'i khar byang pa gsum tsam bsnan nas btsir ba'i khu ba nub gsum tsam dang ril bu bdun sbyar/__rjes thug pa snum ldan tshwa yod btang /__/_!_rtsa bshal skabs kyi phyag len ni/__ra yi tshang 'jug__/srog chag gang rung gi o tho ru lu yas mar gyi rus pa cha gnyis tsam dang /__sre long the khe gsum tsam sha med pa dang /__nyi dga' dbyar yin na lo ma/__dgun yin na 'bras bu/__g.yer 'bru bdun/__lan tshwa bro tsam tshwa 'bring tsam bskol ba'i khu ba/__gzhung bshad sngon 'gro khrus byugs lto ba ma gtogs par them par byas nas/__de nub nyi ma la kha la 'gro dus phor pa gsum tsam gtong /__srod 'khor nas sna sel de gong snga tsam nas dkar yol du byang ba dmar khra bar gshog can gam/__sman thun gcig chu skol gyis gtong /__de yang dbyar yin na rtsa kha dbye thang nyi ma mdung gang tsam nas gtong /__sna sel sa rub 'phral gtong /__khu byug me tog tshab dbyi mang dkar po'i me tog dang pho lcam 'bras bu/__de las nus pa dman na bcu bdun tsam dang /__sbur mgyogs yod na lnga tsam/__med na cha ga'i mgo bo gsum tsam dang lhan du shing mngar dang pi ling gnyis nas tsam re chob tsam brdungs nas gos chen du btum nas bzhag__/de nas chu tshan hub gsum tsam blugs nas rgyang tsam bzhag__/de mtshams su sa rub tsam la thum gyi phyi nas shed ma bton par mthe bos dal bus bsnur nas chu mdog smug chil byung ba dang /__sman ro mi gtong thum bu zur du bton/__dkar yol gcig tu rgya tshwa/__sdig srin/__ha shig dkar po/__tshwa la dul ba de rnams kha tshar gzhan mi dgos zhib par btags nas chang gis bsnos/__ril bu sran ma tsam dril/__ril bu dgu dar nang du bstum nas chang hub gsum tsam la sbangs/__rgyangs tsam song nas dal bus theb bsnur byed pa sngar dang 'dra/__ro ma bton pa'i khu ba gnyis ka kheb legs par brgyab nas mtshan mo de gar bzhag__/dngos gzhi tho rangs kyi dus/__thog mar byang pa'i khu ba thon nges bton 'phral sman gyi khu ba btang nas/__kha chu skol gyis bshal nas mid bcug__/dngos gzhi gtong rjes sngas mtho sar bsnyal nas gnyid du gzhug__/shin tu dro ba gal che/__nang snga nyi shar la thebs pa'am/__thebs rtags ma byung na ril bu bdun sman ro dang sbrags/__byed lugs snga ma ltar ma byung bar bskyar/__sngar gyi byang ro'i nang du byang ba gsar pa gnyis bsnan nas sbang nur sngar ltar bya/__khu ba snga phyi gnyis ka hub phyed do tsam gyis chog__/sman khu nyi ma shar dros nas ko rim snga ma ltar gtong /__zhog pa snga mo nas lcags seng po gtong /__grum bu sogs tsha shas che na bzang ja'i khu ba ba mdzo'i chu nyung nyung yang yang gtong /__nyi shar nas shin tu theb pa byung na sman 'phro bcad/__lcags rang bskyar/__'babs stong zhen na ril bu lnga bdun tsam dang /__byang ba phyed gnyis tsam re khu ba hub gang tsam la sngar ltar sbyar nas snga gong gnyis su lan gnyis gtong /__spyir gtong snga dgongs bar bar du mdung sman thun gnyis tsam gtong /__snga dgongs nas chu 'gram gyi rde'u 'jam po bre gang tsam bsags la zhog pa snga mo nas snod du chang sing po la btso bar bzhag__/bshal skabs pho ba rjing pa rgyu ma gzer ba/__pho ba na ba sogs byung na/__ras phyis sam phor khug lta bu dregs pa yod par blugs nas tshan mo de yis dugs bya/__zug che zhing 'babs mi thub pa 'dra 'dug na/__pi ling 'bru bdun gyi thang tshan mo btang /__zug che zhing 'babs na mi gtong /__dngos gzhi nyin lcags ma gtogs gang yang mi gtong /__sngon 'gro'i skabs tshigs dang gtso bor mtshan ma mnye/__dngos gzhi nyin tsha tsag byung na mtshan ma 'phur ba rang gnad che/__sang nyid thug pa sla mo mar dkar zhed tsam yod pa lan gnyis gsum tsam dang /__sing po dang /__zhag bdun nas sha gsar gtong /__theb nas zhag bcu skor la mi 'chad par 'babs pa yod kyang zhad mi dgos/__zas spyod cha yis glod/__ha cang thebs che na gcod pa'i sman yang sta gon bya/__gcod dgos rtags zungs khrag dwangs ma mtshal 'dra byung na gong du sta gon byas pa'i rgya skyegs zhu mkhan mi dgos pas khu bar dom mkhris btab la btang /__de yis kyang ma chod tshe nad chu nad pas mi mthong bar khrag bab de nyid la dom mkhris btab gtong pas chod pa man ngag/__/_!_