སྨན་སྦྱོར་རྣམས་ཀྱི་ཞལ་ཤེས་དང་ནད་སྨན་སྤྲོད་པའི་ཉམས་ཡིག་སྐོར།

🚧 This website is under continued development. We appreciate your patience!

Previous Text Back to Volume PageNext Text

Wylie title	sman sbyor rnams kyi zhal shes dang nad sman sprod pa'i nyams yig skor
Location	mkhyen brtse'i bka' 'bum Volume 17, sde tshan 2, Text 12, Pages 233-253 (Folios 44a3 to 54a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman sbyor rnams kyi zhal shes dang nad sman sprod pa'i nyams yig skor. In 'jam dbyangs mkhyen brtse'i dbang po'i bka' 'bum, Vol. 17: 233-253. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

12 233-253	སྨན་སྦྱོར་རྣམས་ཀྱི་ཞལ་ཤེས་དང་ནད་སྨན་སྤྲོད་པའི་ཉམས་ཡིག་སྐོར། sman sbyor rnams kyi zhal shes dang nad sman sprod pa'i nyams yig skor Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཁྲག་གཅོད་སྐབས། སྤྲུ་མའི་འབུ་ནི་རྩ་བ་ན་གནས་པའི་འབུ་སྔོ་ཁྲ་ཞིག་ཡོད་པ་དེ་དང་། མ་རྙེད་ན་ལོ་མ་སོར་བཞི་དུས་བཏུས་པ་ཡིན། ། ༈ ཐང་ཆེན་ཉེར་ལྔ་འཁྲི་ཤིང་སྔ་རབ་པ་རྣམས་འོམ་བུ་ལ་མཛད་ཀྱང་། སི་ཏུ་རིན་པོ་ཆེས་དབྱི་མོངས་དཀར་པོ་ལ་བཞེད། ། ༈ ག་བུར་རང་ཕྱོགས་ལ་མང་ག་བུར་བཟང་། ། ༈ མན་བསིལ་སྦྱོར་ཚད་མང་ཡང་། སི་ཏུ་རིན་པོ་ཆེས་སེ་འབྲུ། སྐྱུ་རུ། ཅོང་ཞི་གསུམ་སྨན་གཞན་རྣམས་ཆ་མཉམ་དྲིལ་པའི་ཕྱེད་ཐུབ་པར་བྱེད་པ་ཡིན། ། ༈ ཕག་གྲུའི་སྦྱོར་བར། ཅོང་ཞི་ནས་ཙམ་བརྡུངས་ལ་ནས་འབྲུ་གསུམ་འགད་རིང་བརྔོ། ཅོང་ཞི་ཕུལ་གང་ལ་ཆང་ཐུར་མགོ་ཆེ་བ་གསུམ། ཅོང་ཞིའི་དཀྱིལ་དུ་ཀྱོང་ཙམ་བྱེད་ནས་ཆང་བླུགས། དེ་འཕྲལ་རླངས་པ་མི་འཆོར་བར་བཀབ། ། ༈ གྲུབ་ཐོབ་རིལ་དཀར་ལྦུ་བ་གར་ན་ཞེས། ལྦུ་བ་མང་དུ་ཆག་ན་སྦྲང་རྩི་སྦྱར། ། ༈ ཟླ་ཤེལ་སྐབས། རྒན་བྱིས་ལ་ལྕགས་དྲེགས་བཟང་བར་བཤད་ཀྱང་། དེང་སང་ཐམས་ཅད་ལ་གཏོང་། ། ༈ ཕན་པ་ཀུན་ལྡན་སྐབས་རྩ་བ་དང་འབྲས་བུ་གཏོང་ན་སྨན་གཅིག་གི་ཉིས་འགྱུར། ཁཎྜ་གཏོང་ན་མཉམ། སུ་རུ་པཉྩ་སྨན་གཅིག་གི་སུམ་ཆ་གཏོང་། གླང་ཐབས་གཡས་གཟེར་ན་ཁྲག་གླང་ཡིན་པས་ལོང་རྩ་གཏར། གཡོན་གཟེར་ན་སྲིན་གླང་ཡིན་པས་བཟི་སྨན་གཏོང་། འཆི་མེད་སྲིན་སེལ་དང་ཕན་པ་ཀུན་ལྡན་སོགས་བསྔགས། དབུས་གཟེར་ན་ཙམ་གླང་ཡིན་པས་མེ་བྱ། སྨུག་གླང་ལ་གཡུ་དྲིལ་བཅུ་གསུམ་ལེགས། གླང་ཐབས་སྟོབས་ཆེན་ལ་ཚ་གྲང་བརྟག་མི་དགོས་པར་ནི་རུ་ཧ་ལེགས། དེ་ལ་ཕྱི་རྒྱུད་ལྟར་གཅེའུས་ངོས་སམ་སྨྱུག་སྦུབ་སོར་བརྒྱད་པའི་སོར་བཞིའི་རྩི་བཞར་ནས་འཇམ་པོར་བྱས། ཚུར་སྣེ་གྲོད་པར་བསྡམ་ཆུ་དྲོན་མོའི་ནང་དུ་བ་ཆུའི་ཁཎྜ་སྦངས་པའམ། བ་ཆུ་ཉིད་ཕོར་གང་ཙམ་ལ་སྨན་ཐུན་གསུམ་ཙམ་བཏབ་ནས་དཀྲུགས། དྲོན་མོ་དེ་ཀ་གྲོད་པར་བླུགས་ནས་སྨྱུག་སྦུབས་འཇམ་པ་ཁོང་དུ་བཏང་ནས་བསྐྱར། སྟེང་ནས་བཤལ་སྨན་གཏོང་ན་ཡང་འོག་ནས་ནི་རུ་ཧ་ངེས་པར་དགོས། ། ༈ བེ་ཁྲག་ཉེར་ལྔའི་རྒོད་ཁྲག་ནི། འབྲང་བུ་དར་མའི་སྙིང་ཁྲག ༈ །ཆུ་བསོགས་སྐབས། སྐྱེས་བུ་བདེ་བྱེད་སྙོམས་སེལ་ནི་ད་ལི། བཙུན་མོ་སྐྱུ་རུ། ། ༈ ལྕགས་ཕྱེ་བཅོ་ལྔའི་སྐབས། ལྕགས་ཕྱེ་དངོས་ཨ་རུ་ར་དང་འདམ་འཐགས་འོད་མེད་པའི་བར་བྱས་ནས་བསྙལ་བའི་ཁུ་བས་རིལ་བུར་དྲིལ་བར་གསུངས། ། ༈ སཱུརླའི་སྐབས། ཟངས་ཐལ་ཉེར་ལྔ་དང་། བསེ་རུ་ཉེར་ལྔའི་སྐབས་དངུལ་ཆུ་དཀར་འདུལ་དགོས། དམར་གསུམ་ཐང་གིས་ཕུལ་ན་ཟབ། ། ༈ ཅུ་གང་ཉེར་ལྔའི་དམར་གསུམ་ནི། རྒྱ་སྐག་བཙོད་འབྲི་མོག་གསུམ་ལ་བཞེད། བོང་ཁྲག་ཉེར་ལྔ་སེང་སྡིང་ཐང་གིས་ཕུལ་བར་བཤད་ཀྱང་། སི་ཏུ་རིན་པོ་ཆེས་གུ་གུལ་ཐང་གིས་ཕུལ་ན་ཟབ་གསུངས། ཡང་ན་གུ་གུལ་ཐང་གིས་རིལ་བུར་དྲིལ་བ་གང་རུང་། ། ༈ ཛཱ་དངུལ་ཕྱག་ལེན་མང་ཡང་། ཉམས་ཡིག་བདུད་རྩིའི་རྒྱ་མཚོར་བཤད་པ་ལྟར་ལེགས། དེ་ལ་ཁ་ཚར་ཟུར་ལུགས་སེ་འབྲུ་ལྔའི་སྟེང་དོམ་མཁྲིས་གོ་ཡུ་བསྣན་པ་དེ་བཟང་། འབྲི་གུང་ཁ་ཚར་ཟེ་ཚྭ་ཅན་དེ་ཅུང་མི་ལེགས་གསུངས། ། ༈ རྒྱ་ནག་མའི་ཁ་ཚར་བཙོད་མདུད་མེ་ལ་སེར་ཙམ་བརྔོས་ནས་གཏོང་བ་དམར་བཤལ་ལ་ལེགས། འགྲམ་ལའང་བསྔགས། ། ༈ གག་པའི་སྐབས། ལྕེ་ཆུང་བཅད་པ་ནི་རྩེ་མོ་ནང་ངོས་ཕྱིར་ཕུག་ནས་མཐུར ་དུ་འཐེན་ལ་བཅད། ཤུལ་ཚུགས་ཀྱིས་བསྲེག ། ༈ སེར་པོ་དགུ་སྦྱོར་དྲི་ཆེན་ཚབ་ཤ་ཆེན་གཏང་བ་ལེགས། ། ༈ སྦྲང་མའི་དུག་ལ་ཚྭ་ཆུ་བྱུགས་ན་ཕན། ། ༈ བྱ་མོ་ཁུད་པའི་བདུད་རྩི་སུམ་སྦྱོར་ལ། ཅོང་ཞི་ཆ་དྲུག མཚལ་དང་ཨ་བ་གཉིས་ཆ་རེ་བྱས་འདུག་ཀྱང་། སི་ཏུ་རིན་པོ་ཆེས་མཚལ་ཆ་གསུམ། ཨ་བ་ཆ་གཅིག་བཞེད་སྣང་། འདམ་རུའི་ཕྱག་ལེན་ནི། དབྱིབས་སྦུབས་རྭ་འདྲ་བ་བྱས་ནས་སྐམ་དང་ཁ་ལ་སྤྱིན་ཆུ་བྱུགས་ཏེ་རྨ་ཁར་སྦྱར། རྩེ་མོ་ཁ་ཡི་དབྱིབས་ལ་བུག་པ་ལེགས་པོ་བྱེད་དགོས། ། ༈ བཅོ་ལྔ་དྲག་སྦྱོར་སྐབས། ཚྭ་དང་ཅོང་ཞི་ནས་ཙམ་བརྡུངས་པ་ཕུལ་རེ་སླ་ངར་ནས་འབྲུ་གསུམ་འགད་རིང་བརྔོ། དཀྱིལ་ཀྱོང་བུ་བྱེད་ནས་ཆང་ཐུར་མགོ་འབྲིང་དྲུག་བླུགས། དེ་མ་ཐག་རླངས་པ་མི་འཆོར་བར་བཀབ་ནས་འདག་པས་བྱུགས། ད་ལི་དབྱི་མོང་གཉིས་འཛུབ་མགོ་ཙམ་རེ་བརྡུངས་པ་ཕུལ་རེ་རེ་མཉམ་དུ་ཆང་གིས་ནེམ་ཡོད་པར་བྱེད་ནས་དུ་བ་མ་ཤོར་བར་ནུས་བསྲེགས་བྱ། ཁ་ཚར་གཞུང་ལྟར་རོ། ། ༈ ཚྭ་རིལ་ནི། ཚ་བརྔོས་ལ་ཆུ་ཆོད་སྐྱ་སེང་འགྲོ་དུས་ཐར་ནུ་ཐེབ་ཙམ་ཞིབ་བཏགས་དྲི་ཆུར་བཏབ་པ་ཚྭ་ནང་དུ་བླུགས། དེ་མ་ཐག་རླངས་པ་མི་འཆོར་བར་བཀབ། བྲང་ནས་དྲི་ཆུས་འདམ་འཐག་ལེགས་པར་བྱས་ནས་ཁ་ཚར་ཞལ་ཤེས་བཞིན་བཏབ་ལ་ཕྱེ་རིལ་གང་རུང་པར་བུར་བཅང་། ཕྱེ་མ་ཐུར་མགོ་རེ་ཆུ་ཚན་གྱིས་ཕུལ་བའམ། རིལ་བུ་མི་ཡིན་ན་ཕབ་རྡོག་ཆུང་ཤོས་ཙམ་དང་། རྟ་དྲེལ་ལ་ཕབ་རྡོག་ཆེ་བ་ཙམ་གཏོང་། ། ༈ རྒྱམ་ཚྭའི་ཚྭ་ཚད་ནི། མཁལ་སྐེད་ཆུ་སྲི་ལ་ཕན་པའི་སེ་འབྲུ་བརྒྱད་པ་དང་རྒྱ་ཚྭ་སྦྱར་བའམ། ཡང་ན་ཚྭ་སྦྱོར་ཆེན་པོ་གང་རུང་སྦྱོར་གྱི་རྒྱམ་ཚྭ་རྐྱང་པས་མིན། ། ༈ དྲེག་ནད་ལ། ཐོག་མར་སླེ་ཏྲེས་བ་ལྕིའི་འབྱར་གྱིས་ཚ་འབྲབ་ཞི་བར་བྱེད། སྲན་ཆུང་སྐྱོ་མ་ཡང་ཡང་བྱུགས་སྨན་ནི་སྤོས་ཁྱུང་ལ་དངུལ་ཆུ་ཚ་འདུལ་དང་སེང་ཁཎ་བསྣན་པ་ཁོ་ན་ཟབ། དངུལ་ཆུ་ཉེར་ལྔ་ཡང་འཕྲོད། གཉན་ཤས་ཡོད་ན་ཝ་ཏའི་བཅིང་ལུམ་བྱེད། ཚ་བ་མེད་ན་ཟྭ་ཡི་ཁཎྜ་དང་སྦྲང་རྒོད་སྦྱར་བ་བྱུགས། ། ༈ གྲུམ་བུ་ནི། རྩ་དཀར་དང་བསྡོངས་ན་གཉའ་བའི་རྩ་རྒྱུད་ནས་མར་ན། དེ་ལ་བསམ་འཕེལ་ཉེར་ལྔ་དང་། ཚད་མཇུག་བྱུང་ན་ག་བུར་ཉེར་ལྔ་ཡང་འཕྲོད། སྤྱིར་ཐོག་མར་ཚིག་མིག་སྦྱང་ཕྱིར་འབྲས་བུ་གསུམ་ཐང་ཡང་ཡང་གཏོང་། དེ་ནས་སྤྱི་ཞུར། འབྲུག་རུས། དུར་ཐོད་རྙིང་པའི་ཐང་གིས་ཞག་ཤས་ནས་ཚད་དཔུང་གཞོམས། དེ་རྗེས་བོང་ཁྲག་བཅུ་གཅིག་དང་། ཉེར་ལྔ། སྤོས་ཁྱུང་བཅུ་དགུ། མཁལ་གྲུམ་ལ་ཀོ་ལ་བཅུ་པ་བཏང་། གཉན་མགོ་ཆོག་ནས་གཏར་ག་བྱ། དེ་རྗེས་ལག་མགོ་དང་རྐང་མགོ་སོགས་ཚིག་གར་བབས་ཐམས་ཅད་དུ་དབུས་མ་ཡིན་པའི་གཡས་གཡོན་ཟུར་གཉིས་སུ་མེ་བཙའ་སྲན་ཕྱེད་ཙམ་གྲངས་མེད་བཞག །མཇུག་ཏུ་བདུད་རྩི་ལྔ་ལུམ་དང་། ཆུ་ཚྭན་ལ་ཞུགས་པ་ལེགས་གསུངས། ། ༈ སེམས་ཀྱི་བདེ་སྐྱིད་སྐབས་གོ་ཡུ་ནར་མོ་བཟང་། མཁལ་ནད་སྐབས་ཟླུམ་པོ་བཟང་། ། ༈ སྐྲན་སྐབས། ཚ་སྐྲན་མན་རྒྱུད་ཀྱི་སྐྲན་བཅོས་ལྟར་ཟབ། མཁྲིས་སྐྲན་ལ་གར་ནག་བཅུ་གཅིག །སྣོད་ཀྱི་མཁྲིས་སྐྲན་སྔོན་གྱི་ལས་ནད་ཡིན། སྨུག་པོའི་ཁྲག་གི་སྙིགས་མ་འདྲིལ་བའི་སྐྲན་ལ། རུ་རྟ་དྲུག་སྟེང་སྟར་བུ་དང་མགྲོན་ཐལ་བསྣན་པ་གཏོང་། གྲང་བའི་སྐྲན་ལ་ཐལ་སྨན་གྱི་སྦྱོར་བ་རྣམས་ཟབ། བུད་མེད་ཁྲག་སྐྲན་ལ་ཚྭ་བསྲེགས་སྦྱོར་བའི་སྟེང་། སྟར་བུ། མཛེ་ཚྭ། ཟེ་ཚྭ། མགྲོན་ཐལ་རྣམས་བསྣན་པ་ཟབ། ཤ་ལྤགས་བར་གྱི་ཆུ་སྐྲན་ལ་ཁྱུང་སྟེང་མགྲོན་ཐལ་བསྣན་པ་ཟབ། གི་ཝཾ་དགུ་སྟེང་མི་ཐོད་སུམ་ཐང་བསྣན་ན་མགོ་གཟེར་ལ་ཕན། ། ༈ མིག་གི་འགྲིབ་རྩ་བཅད་ལུགས་ནི། མིག་གི་ཕྱི་ཟུར་ནས་མཚོན་གང་བཅལ་བའི་མཚམས་མུར་འགྲམ་གཤོང་ལྤགས་པ་མཐེ་བོས་དལ་བུར་འཕུར་ནས་གྱེན་ལ་བཀས་པས། རྩ་གཉིས་འདུག་ན་གོང་མ་མཐོང་བྱེད་ཡིན་པས་གཞག །འོག་མ་སྒྲིབ་རྩ་ཡིན་པས་ལྕགས་ཀྱུས་ལེན་ནས་བཙག་བུས་བཅད། གསུམ་ཡོད་ནའང་འོག་མ་བཅད། བསྒྲིལ་ཡོད་ན་རྩ་བ་ཟུག་མཚམས་ལེགས་པར་བརྟག་ནས་འོག་མ་བཅད། དེ་སྟེང་ཚུགས་བྱ། ། ༈ རྣ་བ་འོན་པ་ཕྱེ་བ་ནི། རྣ་རྒྱབ་རྩ་གསུམ་ཡོད་པའི་དང་པོ་གཉིས་སྐམ་ཡང་རུང་། འོག་མ་མ་སྐམ་ན་དབྱེ་རུང་། ནུབ་མོ་ནས་ཆུ་འཇུག་ཇ་ཁུ་དྲོ་འཇམ་བླུགས་ལ་རྣ་སྤབ་དང་དྲི་མ་སོགས་དག་པར་བྱ། ཉིན་གུང་དྲང་པོ་ལ་རྣ་བའི་ནང་ལ་བལྟས་པས་འོ་ཀྲིས་འདྲ་བའི་སྔོ་འོད་སྲབ་མོ་ཡོད། དེ་སྟེང་གསོར་མཆུས་ཐུག་ཙམ་བྱས་པས་བུག་འགྲོ། དེ་འོག་རྩ་དེ་ལྕགས་ཀྱུའི་ཁུག་ལ་ལེན་ནས་འཐེན་པས་ཆད་འགྲོ། དེ་ནས་སྲིན་བལ་ལ་ཛཱ་ཏིའི་ཕྱེ་མ་མར་ནག་དང་སྦྱར་བས་བུ་ག་བཀག །ནད་སྨན་ཁ་ཕྱེ་བའི་ཉམས་ཡིག་ལས། ཁྲག་རླུང་ལ་ཐོག་མར་ཐང་བཏང་། ཚབ་ཆེ་ན་ཀོ་བྱི་བདུན་པ་དང་། རྡོ་རྗེ་རབ་འབྱམས་སོགས་ཟབ། ཆམ་རིམས་བསྡངས་ན་སྲོག་འཛིན་ནོར་བུ་བཏང་། གཟེར་ཁ་དང་ཁྲག་ཤས་ཆེ་ན་ཁྲག་ཐང་། སྐྱུ་རུ་ཉེར་ལྔ། སྒ་ལོ་སོགས་བཏང་། ། ༈ ཆམ་པ་སྤྱི་ལ་ནོར་བུ་བདུན་ཐང་། གཙོ་བརྒྱད་སྤྲིན་ཟླ་སོགས་ཟབ། ཁྲག་རླུང་ཆམ་པར་ཞུགས་པ་ལ། བསིལ་བཅུད་བཅོ་ལྔ་དང་། ཨ་གར་བཅོ་ལྔ། སྲིན་བསྡངས་ན་གུ་རྒུམ་བཅུ་གསུམ་དང་། སྙན་ངགས་དྲུག་པ། གར་ནག་བཅོ་ལྔ་ཟབ། དེ་ལ་ཚ་བ་བསྡོངས་རྟགས། རྩིབ་མ་གཟེར། ལུས་ལ་རྔུལ་ཆུ་འབྱུང་། ཁ་ལུད་ཚ་བྲོ། གཟེར་མི་འཕོ། རེས་འགའ་ལུད་པའི་ནང་ལ་ཁྲག་ཟེར་འབྱུང་། འཁྱགས་འདར་ལང་། རྩ་གྲིམ། ཆུ་ཅུང་སེར་ཞད་འབྱུང་བ་ཚ་བ་མ་སྨིན་པའི་སྐབས་ཡིན། དེ་དུས་ནོར་བུ་བདུན་ཐང་ཚ་མོ་ཕོར་ཕྱེད་ཙམ་གྱིས་སྤྲིན་ཟླ་ཕུལ་བ་ལན་གསུམ་ཙམ་བཏང་བས་ཚབ་ཆུང་རིགས་རྣམས་དེས་བཟློག་ནུས། གལ་ཏེ་མ་ནུས་ཀྱང་འཁྱགས་འདར་ཆད། ཆུ་རྟགས་སེར་ན་ཚ་བ་སྨིན་པའི་རྟགས་ཡིན་པས། གཙོ་བོ་བཅུ་གཉིས་བཟི་མེད་དང་། སྤང་རྩི་བཅུ་གཉིས་བཟི་ཁ་ཅན་བཏང་། མགོ་དང་ཚིགས་བཞི་གཟེར་ཆེ་ན་སླེབ་ཆོག་བསྔགས། ལུད་པ་ཁྲག་ཟེར་ཡོད་ཅིང་རྩིབ་མ་གཟེར་ན་རྟ་ཟི་དམར་པོ་ཐང་ཆེན་བརྒྱད་པ་དྲོ་འཇམ་གྱིས་ལན་གསུམ་ཙམ་ཕུལ། དེས་ཆུ་དྭངས། གཟེར་ཁ་ཆག །སྣང་བ་དྭངས། མཚན་མོ་གཉིད་དུ་ཁུག །རྩ་དལ་ལུས་བདེ་བ་བྱུང་ན་ཚད་མགོ་ཆོག་རྟགས་ཡིན་པས་སྨན་མུས་མི་བརྗེ་བར་ཞག་གསུམ་ཙམ་བཏང་། དེ་རྗེས་ཨ་གར་བཅོ་ལྔ། སྤྲིན་ཟླ་སྤང་རྩི་བཟི་ཁ་ཆུང་བ་སོགས་བཏང་རྗེས་ལུས་ཁམས་དྭང་རྩ་ཆུ་བདེ་མུས་རེད་ན། ནོར་ཤ་གསར་པའི་སྲེ་ལོང་གཅིག་པུ་དེ་ཤ་རྒྱུས་བྲད་ཅིང་ག་དར་བྱས། མེ་མུར་ནང་དུ་འདྲེ་ལོག་བརྗེ་ནས་བཅག་བརྡུངས་སོགས་མི་བྱེད་པར་ཆུ་ཕོར་དོ་ཙམ་ནང་བསྐོལ། ཁུ་བ་ཕོར་ཕྱེད་ཙམ་དུ་འཐགས་པ་དང་སྲོད་འཁོར་བཏང་པས། དེ་ནུབ་གཉིད་ཁུག་ཅིང་། ཕྱིར་ནང་བདེ་མུས་རེད་ན་སྲེ་ལོང་ཁྲོབ་བརྡུངས་བསྐོལ་ནས་ཁ་ཞག་བཅད་པ་དགོངས་མོར་བཏང་བས་བདེ་མུས་བྱུང་ན། སྨན་བཏང་ལུགས་སྔར་ལྟར་དང་། ཤ་གསར་ཕྲན་བུ་སོགས་ཁ་ཟས་རིམ་གྱིས་ཀློད་པས་འཐུས། ། ༈ བད་ཀན་སྨུག་པོ་དང་མ་ཞུ་བ་འདྲེས་པས་མཆིན་ཁྲག་རྒྱས་ཕྱི་དྲོའི་ཁ་ཟས་ཡི་གར་མི་འོང་བ་དང་། ཕྱིར་ཉིན་མ་ཞུ་བའི་རྟགས་དང་ག་འགགས་པ་དང་སྟོང་སྐྱུགས་བྱེད་པ་སོགས་བྱུང་ན། འདི་ལ་རྐྱེན་ནས་འབམ་དང་ཆུ་བསགས་སོགས་གྲང་བའི་ནད་གཞི་ཕལ་ཆེར་འབྱུང་བས་གཟབ་དགོས། མ་ཞུ་སྤྱི་ལ་དཀར་པོ་དྲུག་སྦྱོར་དང་། བྲང་ཚ་ཆུ་སྐྱུར་སྐྱུགས་དང་རོ་རྒྱབ་གཟེར་བ་ལ་སྨུག་པོ་གཡུལ་རྒྱལ་མཁྲིས་རྐྱེན་གྱིས་ཆུ་སེར། ལུས་བྱིངས་ཉོབ་པ་སོགས་ལ་མན་ངག་བསིལ་སྦྱོར་དང་། ཕོ་མཆིན་མཁལ་རྐེད་ཀྱི་ནད་རིགས་ལ་བདེ་བྱེད་ཀུན་ཕན། སྦྲན་དུག་གཟེར་ཆེན་ལ་རུ་རྟ་དྲུག་པ། ཟླ་ཤེལ་དྲོད་སྦྱོར། གཡུ་དྲིལ་བཅུ་གསུམ་རྣམས་ཟབ། བྲང་ཚ་ཆུ་སྐྱུར་སྐྱུགས། མགོ་ན། ཞེན་པ་ལོགས་པ་སོགས་ཀྱི་སྨན་ལ་བདུད་རྩི་སུམ་སྦྱོར་དང་། རིལ་དཀར་པད་སྡོང་མ་ཟབ། ཟས་ཡི་གར་མི་འོང་བ་དང་། སྣང་བ་ལྗི་འཐིམ། མགོ་གཟེར། ལུས་བྱིངས་ཉོབ་པ་ལ་གསེར་ཞིས་ཕན་ཆེ། སྨུག་པོ་མཆིན་མཁྲིས་རྐྱེན་ལས་ཁ་ཟས་དྲོད་བཅུད་ཐལ་ཆེ་བས་མཁྲིས་པ་སློང་། ཁ་ཁ་མགོ་ན་ལུས་ཉོབ་པ་བྱུང་ན་གི་ཏིག །གསེར་ལྔ་མཁྲིས་ལས་རྣམ་རྒྱལ་སོགས་བཏང་། ཆུ་སྐྱེར་ཁུ་ལྟ་བུ་བྱུང་ནས་སྨན་གྱིས་མ་ཆོག་པར་ཡུན་རིང་ལོན་པས་མིག་དང་ཤ་རྩ་སེར་བ་སོགས་བྱུང་ན་མཁྲིས་པ་ཤ་ལྤགས་ལ་གྲམ་པ་ཡིན་པས། གཡའ་ཀྱི་ཉེར་ལྔ། གཡའ་ཀྱི་བདུན་པ་སོགས་ཟབ། དེ་རྣམས་གཉུག་བསྲིངས་པས་ནད་ལས་གྲོལ་བའི་རྟགས་ཡིད་ཆེས་པ་བྱུང་དུས་གོང་བཤད་ལྟར་སྲེ་ལོང་སོགས་གཏོང་བ་རིགས་པས་དཔྱད། སྨུག་པོ་མཆིན་མཁྲིས་ལས་རྐྱེན་ནས་སྐྲངས་གཞི་ཚ་བབས་འབྱུང་བ་མང་བས། དེ་རྟགས་ལུས་ལྗི། ཤེས་པ་ཉོབ་ཤིང་འཐིབས། མིག་ལྤགས་དང་གདོང་ཁུག་གི་མདོག་ཅུང་ཟད་སྔོ་ལ་སྐྲངས། རྐང་སྡེབས་དང་ངར་གདོང་སྐྲངས་འབྱུང་། ཆུ་རྟགས་དམར་སྨུག་མར་ཁུ་ཐོན་པའི་མདོག་ལྦུ་བ་སོབ་པ་ནོར་གྱི་ཁ་ལྦུ་ལྟ་བུ་འབྱུང་བས། དེའི་ངོ་ལོན་དུ་འབོལ་བདུན། གི་དགུ། བོང་བཅུ་སོགས་བཏང་། ། ༈ འབམ་འབེབས་མ་ཐུབ་ནས་གཏོར་ན། སོ་ལྔ་གཉན་སྨན་བཞི་ཆ་བསྐྱེད་པ་དང་། དཔལ་བརྒྱད། ཀླུ་བདུད་བཅོ་བརྒྱད་སོགས་བླུད། ལ་ཕུག་བཏང་། ལོང་རྩ་གཏར་ཞེས་སྣང་། ། ༈ ཕྱི་མ་ཕྲིན་ལས་རྒྱུད་ཀྱི་སྐབས། ལེའུ་དང་པོར། བྱེའུ་འུར་པ་ཆ་ག་པ། བྱིད་པོ་རྒྱ་མཆིལ་མགོ་དམར། ནས་ཟན་བོད་མཆིལ། ལེའུ་གཉིས་པར། བསྐོར་ཞེས་པ་རྩིས་ཀྱི་གབ་རྩེ་བསྐོར་བ་དང་། ཕྱ་ཞེས་པ་མོ་ཕྱྭ་བཏབ་པ། ཐང་གི་སྐབས། སྤྱིར་ཁུ་བ་འབྱིན་པ་ཐང་། རྩི་བཞིན་བཏགས་པ་ཕྱེ་མ། མགོ་བསྡུས་ཏེ་དྲིལ་བ་རིལ་བུ། མངར་གསུམ་གྱི་འདག་པ་དང་སྦྱར་བ་ལྡེ་གུ། ཉིང་ཁུར་བསྡུས་ཏེ་བཅུད་ལེན་པ་སྨན་མར་སྟེ་ལྔ་པོའི་ནང་། ཞི་བྱེད་གཞན་ཡང་བསྡུ་ལུགས་ནི། ཐལ་སྨན་རྣམས་ཕྱེ་མ་བྱེད་པ་ཤས་ཆེ་བས་ཕྱེ་མ་དང་། ཁཎྜ་རྣམས་རིལ་བུར་དྲིལ་བཏུབ་ཙམ་གྱི་འདག་པར་སྦྱོར་བས་ལྡེ་དགུ། སྨན་ཆང་ཁུ་བ་འདོན་དགོས་པས་ཐང་དང་རིན་པོ་ཆེའི་སྦྱོར་བ་རྣམས་རིལ་བུར་བསྒྲིལ་ཚུལ་བཤད་པས་རིལ་བུར་བསྡུ་ཞིང་། སྔོ་སྦྱོར་ནི་ཐང་ཕྱེ་གང་རིགས་སུ་བསྡུ་བ་ཟུར་མཁར་བའི་བཞེད་པའོ། །སྦྱོར་བ་དངོས་གཞིའི་སྐབས། གང་གཏོང་རྒྱུའི་སྨན་གྱི་ངོས་འཛིན། གང་ལ་བཏང་ཡུལ་ནད་ཀྱི་དམིགས་དབྱེ། ཇི་ལྟར་གཏོང་ཚུལ་སྦྱོར་སྡེའི་ལག་ལེན། སྦྱོར་སྡེ་ཚད་ལྡན་སྨན་གྱི་ཕན་ཡོན་སྟེ་ས་བཅད་བཞིའི་སྒོ་ནས་ཞིབ་བར་འཆད། ཐོད་རུས་གསུམ་སྟེང་རླུང་ལ་སླེ་ཏྲེས་དང་། རྒྱས་ཚད་ལ་གཙོ་བརྒྱད་ཀྱི་ཕྱེ་མ་ཐང་འདིས་ཕུལ། སྣ་ཁྲག་གཅོད་ཐང་ལ་གུ་རྒུམ་བསྣན་པ་ཕྱག་ལེན། ཨིནྡྲ་བཞི་སྟེང་གླ་རྩི་དང་། འཛིན་ལོ་བསྣན་པས་རྒྱུ་གཟེར་ལ་ཕན། ལྕགས་ཁུའི་ཆིག་ཐང་དུ་ཨ་རུ་ར་ཅུང་ཟད་བསྣན། ཕྱེ་མའི་སྐབས་གཙོ་བརྒྱད་ཀྱི་ཞལ་ཤེས། སྟོད་ཚད་ལ་ཙནྡན་དཀར་པོ། གློ་ཚད་ཅུ་གང་། མཆིན་ཚད་གུ་རྒུམ། མཁྲིས་ཚད་ཏིག་ཏ། ཁྲག་ཚད་བ་ཤ་ཀ །འཁྲུགས་ཚད་ཧོང་ལེན། རིམས་ཚད་བོང་དཀར་རྣམས་ཐུན་ལོག་སྦྱར། རུ་རྟ་དྲུག་པར། ཚ་ཤས་ཆེ་ན་བསིལ་སྨན་གསུམ་དང་། གྲང་ཤས་ཆེ་ན་དྲོད་སྨན་གསུམ་ཆ་བསྐྱེད། ཚ་གྲང་ཆ་སྙོམས་ལ་མཉམ་སྦྱོར་རོ། །སྤྱིར་གཙོ་བོའི་སྨན་ཐུན་ལོག །འཁོར་སྨན་དེ་ཡི་ཕྱེད་ཆ། ཁ་འཛིན་རྣམས་ཅུང་ཟད་ཙམ་ལས་མི་གཏོང་སྟེ། དྷརྨ་སྭཱ་མིས། ཁ་འཛིན་ཐུན་ཆེ་གཙོ་བོའི་ནུས་པ་འཇོམས། །འདིས་ནི་སྲན་མ་ཙམ་གྱིས་དོན་ཆེན་འགབས། །ཞེས་གསུངས་པས་འཁོར་སྨན་གྱི་སུམ་ཆ་ཙམ་གཏོང་། རྭ་ཤིང་སོགས་གང་སྲ་བའི་རིགས་སྔོན་ལ་བརྡུངས། ཤིང་ཀུན། གླ་རྩི། གུ་གུལ། ཅུ་གང་། བུལ་ཏོག །ལན་ཚྭའི་རིགས་སོགས་དང་། བརླན་གཤེར་སྣུམ་བག་ཅན་གྱི་སྡེ་ཚན་རྣམས་རྗེས་སོར་བརྡུངས་ཤིང་ཚགས་ལ་མི་དྲངས། ག་བུར། གི་ཝཾ། གུར་གུམ་གསུམ་ནི་བསྲེ་འདུལ་བྱེད་དུས་འདྲེས་བར་བཏགས་པས་ཆོག །ཅོང་ཞི་མ་གཏོགས་པའི་རྡོ་སྨན་རིགས་གང་གཏོང་ཡང་འཇུ་རྩི་ཚྭ་ལ་དུལ་མ་དང་། ཟེ་ཚྭ་ཐུན་བཟང་བ་རེ། སྔོ་སྨན་རྐྱང་བ་སྦྱོར་དུས་དུག་འདོན་པི་ལིང་བྲག་ཞུན་གཉིས་ཐུན་བཟང་རེ་དང་། ཕོ་བའི་གཞི་འཛིན་སེ་འབྲུ་བཅས་སྦྱར་བ་ཕྱག་ལེན་ལ་ཡོད། རིལ་བུའི་སྐབས། ཟི་ར་ལྔ་པ། ནད་པའི་སོ་རྩ་མཚུར་དཀར་གྱིས་དག་པར་བཀྲུས། རས་ཐུམ་བྱས་ནས་སོ་བར་དུ་བརྩིར། སེར་རུས་ནི་ལུག་གི་རུས་པ་ཛམ་བྷ་ལའམ་དོན་འགྲུབ་བམ་ནོར་བུར་འབོད་པ་དེ་ལ་བཞེད་པའང་སྣང་། སྨན་མར་སྐབས། བ་ཡི་རྣམ་ལྔ་སྦྱར་ལུགས། ལྕི་བ་སྣོད་དུ་བཙིར་བའི་དྭངས་མ་བ་ཆུ་དང་བསྲེས། དེ་ཡི་དྭངས་མ་བྲེ་གསུམ་ཙམ་ལ་ཞོ་དེ་དང་མཉམ་པར་བླུགས་ནས་བསྐོལ། ཕྱེད་དུ་བསྡུས་ནས་འོ་མ་ཞོ་དང་མཉམ་པར་བླུགས། དེ་རྗེས་མར་དུམ་རེ་འཕང་ནས་བསྐོལ་ཏེ་ཆུ་ཆོད་པ་དང་། སྦྲང་རྩི་སླད་མེད་བསྲེས་པ་དཀྲུགས་ལོག་བྱ་སྟེ། དེ་ལྔ་པོ་བ་གཅིག་ལ་བྱུང་ན་མཆོག་ཏུ་བསྔགས་སོ། །ཀ་རས་ཁ་བླངས་ཞེས་ཤེལ་དཀར་ཕྱེ་མ་བཏབ་དཀྲུགས་བྱས་པ། འབའ་སམ་ཞེས་སྣ་མོང་པོ་འདྲེས་པའི་དོན། ཐལ་སྨན་སྐབས། ཟ་འོག་ནི་གོས་ཆེན་ཁྲ་བོ་མཚོན་སྣ་ལྔ་པ་སོགས་རྒྱུ་སྤུན་གཉིས་ཀ་མ་སྒྲིབས་པ་ལྷུག་འཐག་བྱས་པ་དེ་ལ་བཞེད། རིན་ཆེན་སྦྱོར་བའི་སྐབས། འབྲུམ་པ་སེལ་བའི་རིལ་བུར་མཚལ་དཀར་བསྣན་པ། མན་ངག་སྔོ་སྦྱོར་སྐབས། ག་བུར་ཉིད་ཀྱང་ཟིལ་གྱིས་གནོན་པར་ནུས་ཞེས་པ་ནི། གཉན་ཚད་ལ་འཛིམ་པ། ཁྲག་ཚད་ལ་རེ་སྐོན། མཁྲིས་ཚད་ལ་གཡའ་ཀྱི། འཁྲུགས་ཚད་ལ་ཧོང་ལེན་སོགས་ཀྱིས་ནི་ག་བུར་གྱི་ནུས་པའང་ཟིལ་གྱིས་གནོན་པའོ། །སྣུམ་འཆོས་སྐབས། གཏང་བྱ་ནི། བཤད་རྒྱུད་ལས། དེ་ཡུལ་རླུང་ཆེ་ཟུངས་ཟད་ཁྱིམ་གསར་དུབས། ཞེས་སོགས་གསུངས་པ་དེའོ། །རྩུབ་འཆོས་ནི་བྲ་སྲན་དར་བ་སོགས་སྣུམ་མེད་རིགས། དར་རྙིང་ནི་དར་རུལ་བ། བཤལ་སྐབས། རིལ་བུ་ཡིན་ན་གྱུར་མིད་བྱེད། ལྕག་ཞེས་པ་རྟ་མགྱོགས་པར་བསྐུལ་བའི་ལྕག་ཚན་ལྟ་བུ། བཤལ་བཅད་པའི་སྔགས་ནི། ཨོཾ་ཀུན་དྲེ་ཀུན་དྲེ་ཀུན་པཾ་ལཾ་བྷྲཱུྃ་ཤར་ཤར་ཤལ་སྭཱ་ཧཱཿ ཞེས་སྨྲ་བཅད་མང་དུ་བཟླས། ཆུ་གྲང་ལ་བཏབ་ནས་ཕུལ་བས་ཕན་ངེས་ཟབ། སྐྱུགས་སྐབས། རི་ཤོ་ནི་རྐྱང་ཤོག་པ་ལ་བྱེད། སྣ་སྨན་སྐབས། ནམ་ཚོང་ནི་མཆན་ཁུང་དང་། དཔུངས་པ་གཡས་གཡོན་པར་ལ་བྱ་སྟེ། ནམ་ཚང་མགོ་དང་སྐེ་ཡི་རྟེན། །མགོ་འཛིན་ཞེས་ནི་བཤད་པ་ཡིན། །ཞེས་སོ། །ཁྲག་གཅོད་སྔགས། ཨོཾ་ཙ་ལ་རྦད༔ ཅེས་སྨྲ་བཅད་བྱ་ཞིང་། སུམ་བརྒྱ་རེའི་མཚམས་སུ་ཕུ་འདེབས། ཟབ་ཨྠིྀ། མཇུག་དོན་སྐབས། སོ་ནམ་དུས་བཞི་ནི། ཞིང་ལས། འབུན་གཏོང་། ཚོང་ལས། ཕྱུགས་སྤེལ་བ་དང་བཞི་ཞེས་བཤད་སྣང་ལགས།། །། ༈ ཨ་གར་སོ་ལྔའི་ཨ་བྱག་གཉིས་ནི། ཨ་བྱག་གུ་རྒུམ་ཞེས་སམ། མིང་ཅན་སེར་པོར་གྲགས་པ་འུག་ལག་དང་། ཨ་བྱག་གཟེར་འཇོམས་ཞེས་སྦང་གུར་གྱི་འདབ་མ་བཏང་། འབམ་སྟོད་དུ་ཡོད་སྐབས། གཉན་སྨན་བཞི་ཕྲི་ནས། གི་ཝཾ། པྲི་ཡངྐུ། བྲག་ཞུན་གསུམ་བསྣན། ཀོ་བྱི་ལ་སྤུ་ལྡན། ནཱ་ག་གེ་སར། གཟེར་འཇོམས་གསུམ་བུངས་བསྐྱེད། ། ༈ སྒ་ལོ་སྨན་མར་ལ་སྐྱུ་རུ་ར་བུངས་བསྐྱེད། སྤང་རྒྱན་དཀར་པོའི་མེ་ཏོག་འཁོར་སྨན་གཅིག་དང་ཆ་མཉམ་བསྣན་པས་གྲེ་ཐོག་ལ་ཟབ། སྤང་རྒྱན་བཅོ་ལྔ་དང་། མན་ངག་བསིལ་སྦྱོར་སོགས་ཀྱང་འཕྲོད། ། ༈ མིག་ནད་འགྲིབ་རིགས་ལ། དཀར་པོ་དྲུག་སྦྱོར་གྱིས་ཕན། རྗེས་སུ་ནང་གསང་བརྒྱད་དང་། ཕྱི་གསང་རྣམས་ལ་མེ་ཚུགས་གང་བདེ་བྱ། ། ༈ ལིང་ཏོག་ལ་ནི་ལ་ཐོ་ཋ་ཞིབ་བཏགས་སྐམ་འདེབས་ཀྱིས་འཕྲལ་དུ་ཕན་པ་ལག་བླངས། ཁོང་སྨན་སྤང་རྩི་བཅུ་གཉིས་སྨན་ནད་ཐོན་པ་ལན་འགའ་བཏང་། ། ༈ སོ་སྲིན་དང་མགོ་སྲིན་ལ་བདུག་པ་ཡ་འཇོམས་རྡོ་རྗེ་ལེགས། གདོང་སྲིན་ལའང་ཕན་ཆེ། སོ་སྲིན་ལ་ཁྱུང་ལྔ་སོ་བར་བཟུང་། ། ༈ སེ་འབྲུ་བདེ་བྱེད་ཀུན་ཕན་ལས་དྲོད་སྨན་རྣམས་ཆ་འཕྲི། གསེར་བྱེ་བསྣན་པས་ཆུ་ནད་ཚ་གྲང་ཕལ་ཆེར་ལ་ཟབ། ། ༈ ལི་དྲུག་དང་ཁྱུང་ལྔ་བསྲེས་པར། ཨ་རུ་དང་། རུ་རྟ་གཅིག་ཤོས་ཚབ། སྤང་རྒྱན་དཀར་པོ་དང་། སྤང་རྩི་བསྣན་པ་གག་པ་དང་། གྲེ་ཐོག་གཉན་ཤས་ཅན་ལ་ཟབ། ། ༈ མེས་ཚིག་གི་རྨ་སྤྱི་ལ། རྟ་ཕྲུ་རློན་པའམ། སྐམ་པོ་ཆུར་སྦངས་པ་བརླན་པ་ཆིག་ཐུབ། ། ༈ བུ་དང་ཤ་མ་མ་ཐོན་པ་ལ། ཞི་དྲུག་དང་། ཨ་རུ་བཅོ་བརྒྱད་བསྲེས་པ་ཟབ། ། ༈ བཅོ་ལྔ་དྲག་སྦྱོར་ཅོང་ཞི་ནས་ཙམ་བརྡུངས་ལ་སླ་ངར་ནས་སུན་བདུན་འགད་རིང་ལན་ཚྭ་དང་མཉམ་དུ་བརྔོ་། དེ་འཕྲལ་སྣོད་གཞན་ཞིག་ཏུ་བྱོ་ལ། ཆང་རྒན་གྱི་སྙིང་ཁུས་ཁ་ཕྲུ་གདབས། རླངས་པ་མི་འཆོར་བར་ཁ་གཅོད་རྒྱབ་ལ་བཞག །ད་ལིས་དབྱི་མོང་གཉིས་གཞོན་ནུས་དུས་བཏུས་པ་གྲིབ་སྐམ་ལེགས་པར་བྱ། དུམ་བུར་བཏུབས་ནས་རྫ་སྣོད་དུ་བསྲེག །ཚིག་ཚར་ནས་འཕྲལ་དུ་རླངས་ལ་ཆང་རྒན་གྱི་སྙིང་ཁུས་ངར་བསད་པའི་བླངས་པ་མི་འཆོར་བར་ཁ་གཅོད་དམ་པར་བྱས་ལ་བཞག །སྐམ་པ་དང་ལོངས་སྤྱད་དོ། ། ༈ རྒྱ་ནག་རིལ་བུ་རྐྱང་པ་འབམ་སྨད་དུ་བབས་པ་སོགས་གཉན་རིགས་ཀྱིས་མཁལ་རྐེད་སོགས་ལ་ལེགས། ཆོས་ཉིད་རིལ་བུ་དམར་བཤལ་ལ་ལེགས་ཀྱང་བསིལ་ཁ་ཅུང་ཆེ་མཁལ་རྐེད་གྲངས་ནད་རིགས་ལ་མི་ལེགས། ། ༈ ཆུ་འགགས་རིགས་ཕལ་ཆེར་ལ་བདེ་བྱེད་ཀུན་ཕན་དང་། །ཉི་དཀྱིལ་སོགས་ལེགས། ། ༈ རྩ་འགགས་པ་དང་དྲི་འགགས་ལ་དཀར་པོ་དྲུག་སྦྱོར་གྱིས་ཕན། ། ༈ མགོ་སྲིན་གཟེར་ནད་ཚབ་ཆེ་ལ་མགོ་ཐང་བཅུ་གསུམ་དང་། གར་ནག་བཅུ་གཅིག་བཏང་། ། ༈ བད་རླུང་མགོ་ནད་ལ། བདུད་རྩི་སུམ་སྦྱོར་སྟེང་། བུང་མཉམ་གྱི་སེ་མེ་བསྣན་པས་ཕན་པ་མཐོང་། ཡང་ན་བདུད་རྩི་སུམ་སྦྱོར་སྟེང་། ཨར་སྐྱུར་མ་ནུའི་བུང་མཉམ་དང་། སེ་མེ་གོང་ལྟར་བསྣན་པས་ཕན་པ་མྱོང་གྲུབ། མགོ་བོའི་ཕྱོགས་བཞིར་ཚུགས་བྱ། ། ༈ བད་མཁྲིས་ལ་བདུད་རྩི་སུམ་སྦྱོར་དང་། ཏིག་བརྒྱད་མཉམ་སྦྱོར་གྱིས་ཕན། ཁྲག་ཤས་ཆེ་ན་གི་ཏིག་ལེགས། ། ༈ སྙིང་རླུང་ལ་མདེ་ཐུང་ནས་བཤད་པའི་ཨར་བརྒྱད་དང་། སེམས་ཀྱི་བདེ་སྐྱིད་ཚད་ལྡན་རང་ལེགས། ། ༈ གློ་ཚད་ལ་ཁྱུང་སྔོན་དགུ་པ་ཟབ། གཉན་ཤས་ཆེ་ན་སྲོ་ལོ་ཆ་ཕྲི། འཁྲུགས་གློ་ཚ་ཤས་ཅན་ལའང་ཁྱུང་དགུ་ལེགས། དེ་ལ་ཅུ་གང་བསྣན་པ་ཕྱག་ལེན། ཆམ་གཞུག་གི་ལུ་བ་བཅོས་བརྡུགས་ཚེ། དར་མ་མཁྲིས་ཤས་ཆེ་བར་ལུག་མུར་བདུན་པ་ཙནྡན་དཀར་པོ་དང་དམར་པོ་ཆ་མཉམ་པ་དང་། བད་ཤས་ཆེ་ན་སྒ་ལོ་སྨན་དམར་སྟེང་། ཤིང་མངར་འཁོར་སྨན་གཅིག་གི་བུང་མཉམ་བསྣན་པ་ཆང་གིས་ཕུལ་བས་ཕན། བད་གློ་རྒྱུན་དུ་ལུ་བ་ལ་རྒུན་འབྲུམ་བདུན་པ་ཁ་ཚར་ཅན་ལེགས། ཡང་རྒྱུན་དུ་གློ་རོ་ལུ་བ་ལ་ག་བུར་ཉེར་ལྔའི་ག་བུར་ཚབ་སྟོང་ཟིལ་དང་། སྲོ་ལོ་དམར་པོ་ཁ་ཚར་བཏབ་པས་ཕན་པ་ལག་བླངས། ༈ །མཁལ་རྐེད་ཀྱི་ནད་སྤྱི་ལ་ཨ་རུ་བཅོ་བརྒྱད་དང་། ཁམས་ཟག་ལ་རྒྱ་ནག་མ་དང་། ཚ་ཤས་ཡོད་ན་ཆོས་ཉིད་རིལ་བུས་ཕན། མཁའ་རྐེད་གཉན་ཤས་ཅུང་ཡོད་པའམ། ཕལ་ཆེ་ལ་མན་ངག་གམ་ཕྱེ་དམར་པོ་ལེགས། ། ༈ ཕོ་ནད་སྤྱི་ལ། ཅོང་ཞི་ཅུར་ནིའི་སྟེང་། ཚྭ་ལ་ཆུ་བཅད་མང་ཙམ་བསྣན་པས་ཤིན་ཏུ་ཕན། ཕག་གྲུབ་ཀྱང་ལེགས། ། ༈ མ་ཞུ་བའི་རིགས་སྤྱི་ལ་ཞི་དྲུག་དང་། བཅོ་ལྔ་དྲག་སྦྱོར། གླང་ཐབས་གཟེར་ཆེ་བ་སྲིན་གླང་སྟེ་ཕན་པ་ཀུན་ལྡན་དང་། གཟེར་ཆུང་བའི་རིགས་ལ་ཟླ་ཤེལ་གཡུ་དྲིལ། ཞི་དྲུག་སོགས་གང་འཕྲོད་ལྟ། མ་ཞུ་དུག་ཐབས་ཀྱི་རིགས་ལ་དྭགས་པོ་སྨན་ནག་ལེགས། ། ༈ གཅིན་འགགས་ལ་ཉི་དཀྱིལ་སྟེང་རྒྱ་ཚྭ་སྡིག་སྲིན་གསེར་བྱེ་བསྣན་པ་དང་། ཀུན་ཕན་གྱིས་ཕན། ། ༈ གཅིན་སྙི་ལ། ཚ་ཤས་ཆེ་ན་ཨ་རུ་བཅོ་བརྒྱད་དང་། གྲང་ཤས་ཆེ་ན་ཀུན་ཕན་ནམ། ཉི་དཀྱིལ་གང་རིགས། ཡུང་བ། སྐྱེར་པ། སྐྱུ་རུ། གཟེ་མ་བཞི་བསྡུས་ཐང་གིས་ཕུལ། ཚིགས་པ་བཅུ་དགུ་པ་ཁ་གསུམ་ལ་མེ་བྱ། ། ༈ རྒྱ་ནད་ཚད་འཁྲུ་ལ། ར་བ་ར་རྒོད་ཀྱི་ཁྲག་དྲོན་མོ་དང་། འབྲིང་ཤ་ཁྲག་ཚིལ་གསུམ་གང་རུང་གི་ཁུ་བ་ཆིག་བརྒྱུགས་ཆོག་པའི་གསང་སྨན་ཡིན། ། ༈ དྲེག་ནད་ལ་སྤོས་ཁྱུང་དང་། བྱུགས་པ་བྱ་ཁྱུང་སྔོན་པོ་ཟབ། ། ༈ གྲུམ་བུ་ལ་བོང་ཁྲག་ཉེར་ལྔ། །སེང་ལྡེང་ཉེར་ལྔ། ཀླུ་བདུད་བཅོ་བརྒྱད་རྣམས་ཟབ། ཁྱུང་ལྔ་ཚད་ལྡན་ཀྱང་ལེགས། ། ༈ རྩ་དཀར་ལ་བསམ་འཕེལ་ནོར་བུ་དང་། ད་ལིས་བཅོ་བརྒྱད་བཏང་། མ་སྔས་པར་ཚུགས་དང་མེ་བཙའ་གང་རིགས་བྱ། ། ༈ ལྤགས་ནད་ཆུ་སེར་ཟ་འཕྲུགས་ལ་སྤོས་ཁྱུང་དང་། མན་ངག་གམ་ཕྱེ་དམར་པོ་སོགས་ཀྱིས་ཕན། ། ༈ ཕྲན་བུའི་ནད་ཀྱི་བཅོས་ལྷན་ཐབས་ལྟར་ལེགས། ཁྱད་པར་གཉིད་སྲུང་འགུགས་ཀྱི་གདམས་པ་འདི་ཟབ་ངེས་ལག་བླངས། ། ༈ རྐང་འབམ་བཅོས་པ་ཟུར་དུ་གསལ། བྱིས་པའི་ནད་སྤྱི་ལ་གཅིག་ཤེས་ཀུན་གྲོལ་ཟབ། ཕོ་ནད་སོགས་ལ་མན་ངག་བསིལ་སྦྱོར་ཀྱང་འཕྲོད། ། ༈ མོ་ནད་ཁྲག་ཤས་ཆེ་བ་ལ་ཁྲག་བཤིགས་རིན་ཆེན་ཕ་ལམ། ཨ་གར་སོ་ལྔ། ཙནྡན་བཅོ་བརྒྱད་སོགས་ལེགས། སྤྱིར་འོལ་མོ་ཉེར་ལྔ་དང་། རྒྱ་རུ་བཅུ་བཞི་སོགས་ཟབ། ། ༈ འབྱུང་གདོན་སྤྱི་ཁྱབ་བདུག་པ་རྒྱན་འཁོར་དང་། བྱུག་པ་རྒྱན་འཁོར་ཟབ། ། ༈ རྨ་སྤྱི་ལ། ཁོང་སྨན་ཐོག་མར་སྤང་རྩི་བཅུ་གཉིས་དང་། ག་བུར་ཉེར་ལྔ་སོགས་བཏང་། ཡུག་ཤིང་ཁཎྜ་བྱུགས། ལྡུམ་ཆེན་དགུ་སྦྱོར་ཀྱང་ཁོང་སྨན་ཤིན་ཏུ་ཟབ། བརྡབས་འགྲམ་རིགས་ལ་བུལ་ཏོག་དང་། སྟར་བུ་གཉིས་སྦྱར་བས་མཆོག །མགོ་ཆག་ལ་བྱ་མོ་ཁུད་པའི་བདུད་རྩི་སུམ་སྦྱོར་དང་། ཚབ་ཆུང་རིགས་ལ་བདུད་རྩི་སུམ་སྦྱོར་དཀྱུས་མས་ཀྱང་ཕན། སྔགས། ཏིར་ཏི་ཀ་ནྱ་མ། ཟབ། ༈ །དུག་རིགས་ཀྱི་བཅོས་ཟུར་དུ་གསལ། ཤ་དུག་སོགས་དུག་ནད་སྤྱི་ལ་དཔའ་བོ་ཉེར་ལྔ་མཆོག །ཡང་ཞི་དྲུག་འོམ་བུའི་ལོ་མ་བསྣན་པའང་ལེགས། རྟ་དུག་སྨན་ཚ་རིལ་ཁ་ཚར་ཅན་ཟབ། ཁྱི་དུག་དང་རེག་དུག་བཅོས་ཟུར་གསལ། ། ༈ འབའ་སམ་སྨན་མར་ཚད་ལྡན་སྟེང་། སེ་འབྲུ་ཉི་དཀྱིལ་ལ། དབང་ལག །བྲེ་ག །གངས་སྦལ་ལམ་སྲམ་ཤ་བསྣན་པ་ཁ་ཚར་བཏབ་པས་མཁལ་རྐེད་གྲང་ནད་སྤྱི་དང་། ཁྱད་པར་ལུས་སྟོབས་ཆུང་བ་ལ་བསྔགས། ཡང་མཁལ་རྐེད་རྐྱང་པ་ལ་གོ་ཡུ་དགུ་སྦྱོར་ཁ་ཚར་བཏབ་ཀྱང་ལེགས། གོ་ཡུ་དགུ་སྦྱོར་སྟེང་། དངུལ་ཆུ་གྲང་འདུལ། དབང་ལག །རྩ་བ་ལྔ། སྲམ་ཤ་རྣམས་བསྣན་པ་བུ་རམ་གྱི་མགོ་བསྡུས་སྟེ་རིལ་བུར་དྲིལ་བ་སྟོབས་བསྐྱེད་ཀྱི་སྨན་ཁྱད་པར་ཅན་ནོ། ། ༈ ནོར་གྱི་གློ་ནད་ལ། འབྲས་བུ་གསུམ་བསྣན་པའི་ག་བུར་ཉེར་ལྔའི་སྟེང་། སྲོ་ལོ། སྤང་རྒྱན། ཨ་ཀྲོང་། ཤུ་དག །གླ་རྩི་རྣམས་བསྣན་པ་འདི་རང་ལེགས། སྐྱ་རྩི་ལ་ནག་པོ་དགུ་སྦྱོར་ཚང་བར་བྱ། ། ༈ ཁྱུང་ལྔ་ཚད་ལྡན་གྱིས་ནད་རིགས་གང་ལའང་ཕན་ཞིང་། ཁྱད་པར་གཉན། རིམས་སྲིན་གླང་ཐབས་རྨ་ཐོར་མཁལ་རྐེད་རྐང་ནད། གག་ལྷོག །ཆུ་སེར་སོགས་དང་། སྙིགས་དུས་ངོས་བཟུང་དཀའ་བའི་ནད་རིགས་གང་ལའང་སྨན་ནད་ཐོན་ཙམ་ལན་འགའ་རེ་བཏང་པས་ཕན་པ་མྱོང་གྲུབ་མའོ། ། ༈ དབང་ལག་བརྐོས་མ་ཐགས་དྲེགས་བཤལ། ཆུ་གཙང་ཉིས་འགྱུར་དུ་ཁུ་བ་རང་ཐིམ་བཙོས་པས་དྲོད་དུ་འགྲོ། ཚོས་མ་ཐག་ར་འོ་ཉིས་འགྱུར་ཁུ་བ་རང་ཐིམ་བཙོས་པས་བཅུད་དུ་དགུག །ར་མྱེ་ལའང་དེ་ལྟར་བྱེད། ཉེར་ཤིང་ཕྱི་ལྤགས་དང་། ནང་ཤིང་རྒྱུས་པ་དོར་ལ་ཆུ་ལ་བཙོས་པས་དྲོད་དུ་དགུག །གཟེ་མ་སྲིད་པའི་བྱེ་མའི་མཉམ་དུ་སྣ་ཚིག་ཙམ་བརྔོ། བ་སྤྲུའང་ཆུ་བཅད་དགོས་ཟེར།། །། ༈

[edit]

sman sbyor rnams kyi zhal shes dang nad sman sprod pa'i nyams yig skor/ khrag gcod skabs/__spru ma'i 'bu ni rtsa ba na gnas pa'i 'bu sngo khra zhig yod pa de dang /__ma rnyed na lo ma sor bzhi dus btus pa yin/__/_!_thang chen nyer lnga 'khri shing snga rab pa rnams 'om bu la mdzad kyang /__si tu rin po ches dbyi mongs dkar po la bzhed/__/_!_ga bur rang phyogs la mang ga bur bzang /__/_!_man bsil sbyor tshad mang yang /__si tu rin po ches se 'bru/__skyu ru/__cong zhi gsum sman gzhan rnams cha mnyam dril pa'i phyed thub par byed pa yin/__/_!__phag gru'i sbyor bar/__cong zhi nas tsam brdungs la nas 'bru gsum 'gad ring brngo/__cong zhi phul gang la chang thur mgo che ba gsum/__cong zhi'i dkyil du kyong tsam byed nas chang blugs/__de 'phral rlangs pa mi 'chor bar bkab/__/_!_grub thob ril dkar lbu ba gar na zhes/__lbu ba mang du chag na sbrang rtsi sbyar/__/_!_zla shel skabs/__rgan byis la lcags dregs bzang bar bshad kyang /__deng sang thams cad la gtong /__/_!_phan pa kun ldan skabs rtsa ba dang 'bras bu gtong na sman gcig gi nyis 'gyur/__khaN+Da gtong na mnyam/__su ru pany+tsa sman gcig gi sum cha gtong /__glang thabs g.yas gzer na khrag glang yin pas long rtsa gtar/__g.yon gzer na srin glang yin pas bzi sman gtong /__'chi med srin sel dang phan pa kun ldan sogs bsngags/__dbus gzer na tsam glang yin pas me bya/__smug glang la g.yu dril bcu gsum legs/__glang thabs stobs chen la tsha grang brtag mi dgos par ni ru ha legs/__de la phyi rgyud ltar gce'us ngos sam smyug sbub sor brgyad pa'i sor bzhi'i rtsi bzhar nas 'jam por byas/__tshur sne grod par bsdam chu dron mo'i nang du ba chu'i khaN+Da sbangs pa'am/__ba chu nyid phor gang tsam la sman thun gsum tsam btab nas dkrugs/__dron mo de ka grod par blugs nas smyug sbubs 'jam pa khong du btang nas bskyar/__steng nas bshal sman gtong na yang 'og nas ni ru ha nges par dgos/__/_!_be khrag nyer lnga'i rgod khrag ni/__'brang bu dar ma'i snying khrag__!__/chu bsogs skabs/__skyes bu bde byed snyoms sel ni da li/__btsun mo skyu ru/__/_!_lcags phye bco lnga'i skabs/__lcags phye dngos a ru ra dang 'dam 'thags 'od med pa'i bar byas nas bsnyal ba'i khu bas ril bur dril bar gsungs/__/_!_sUrla'i skabs/__zangs thal nyer lnga dang /__bse ru nyer lnga'i skabs dngul chu dkar 'dul dgos/__dmar gsum thang gis phul na zab/__/_!_cu gang nyer lnga'i dmar gsum ni/__rgya skag btsod 'bri mog gsum la bzhed/__bong khrag nyer lnga seng sding thang gis phul bar bshad kyang /__si tu rin po ches gu gul thang gis phul na zab gsungs/__yang na gu gul thang gis ril bur dril ba gang rung /__/_!_dzA dngul phyag len mang yang /__nyams yig bdud rtsi'i rgya mtshor bshad pa ltar legs/__de la kha tshar zur lugs se 'bru lnga'i steng dom mkhris go yu bsnan pa de bzang /__'bri gung kha tshar ze tshwa can de cung mi legs gsungs/__/_!_rgya nag ma'i kha tshar btsod mdud me la ser tsam brngos nas gtong ba dmar bshal la legs/__'gram la'ang bsngags/__/_!_gag pa'i skabs/__lce chung bcad pa ni rtse mo nang ngos phyir phug nas mthur_ du 'then la bcad/__shul tshugs kyis bsreg__/_!_ser po dgu sbyor dri chen tshab sha chen gtang ba legs/__/_!_sbrang ma'i dug la tshwa chu byugs na phan/__/_!_bya mo khud pa'i bdud rtsi sum sbyor la/__cong zhi cha drug__mtshal dang a ba gnyis cha re byas 'dug kyang /__si tu rin po ches mtshal cha gsum/__a ba cha gcig bzhed snang /__'dam ru'i phyag len ni/__dbyibs sbubs rwa 'dra ba byas nas skam dang kha la spyin chu byugs te rma khar sbyar/__rtse mo kha yi dbyibs la bug pa legs po byed dgos/__/_!_bco lnga drag sbyor skabs/__tshwa dang cong zhi nas tsam brdungs pa phul re sla ngar nas 'bru gsum 'gad ring brngo/__dkyil kyong bu byed nas chang thur mgo 'bring drug blugs/__de ma thag rlangs pa mi 'chor bar bkab nas 'dag pas byugs/__da li dbyi mong gnyis 'dzub mgo tsam re brdungs pa phul re re mnyam du chang gis nem yod par byed nas du ba ma shor bar nus bsregs bya/__kha tshar gzhung ltar ro/__/_!_tshwa ril ni/__tsha brngos la chu chod skya seng 'gro dus thar nu theb tsam zhib btags dri chur btab pa tshwa nang du blugs/__de ma thag rlangs pa mi 'chor bar bkab/__brang nas dri chus 'dam 'thag legs par byas nas kha tshar zhal shes bzhin btab la phye ril gang rung par bur bcang /__phye ma thur mgo re chu tshan gyis phul ba'am/__ril bu mi yin na phab rdog chung shos tsam dang /__rta drel la phab rdog che ba tsam gtong /__/_!_rgyam tshwa'i tshwa tshad ni/__mkhal sked chu sri la phan pa'i se 'bru brgyad pa dang rgya tshwa sbyar ba'am/__yang na tshwa sbyor chen po gang rung sbyor gyi rgyam tshwa rkyang pas min/__/_!_dreg nad la/__thog mar sle tres ba lci'i 'byar gyis tsha 'brab zhi bar byed/__sran chung skyo ma yang yang byugs sman ni spos khyung la dngul chu tsha 'dul dang seng khaN bsnan pa kho na zab/__dngul chu nyer lnga yang 'phrod/__gnyan shas yod na wa ta'i bcing lum byed/__tsha ba med na zwa yi khaN+Da dang sbrang rgod sbyar ba byugs/__/_!_grum bu ni/__rtsa dkar dang bsdongs na gnya' ba'i rtsa rgyud nas mar na/__de la bsam 'phel nyer lnga dang /__tshad mjug byung na ga bur nyer lnga yang 'phrod/__spyir thog mar tshig mig sbyang phyir 'bras bu gsum thang yang yang gtong /__de nas spyi zhur/__'brug rus/__dur thod rnying pa'i thang gis zhag shas nas tshad dpung gzhoms/__de rjes bong khrag bcu gcig dang /__nyer lnga/__spos khyung bcu dgu/__mkhal grum la ko la bcu pa btang /__gnyan mgo chog nas gtar ga bya/__de rjes lag mgo dang rkang mgo sogs tshig gar babs thams cad du dbus ma yin pa'i g.yas g.yon zur gnyis su me btsa' sran phyed tsam grangs med bzhag__/mjug tu bdud rtsi lnga lum dang /__chu tshwan la zhugs pa legs gsungs/__/_!_sems kyi bde skyid skabs go yu nar mo bzang /__mkhal nad skabs zlum po bzang /__/_!_skran skabs/__tsha skran man rgyud kyi skran bcos ltar zab/__mkhris skran la gar nag bcu gcig__/snod kyi mkhris skran sngon gyi las nad yin/__smug po'i khrag gi snyigs ma 'dril ba'i skran la/__ru rta drug steng star bu dang mgron thal bsnan pa gtong /__grang ba'i skran la thal sman gyi sbyor ba rnams zab/__bud med khrag skran la tshwa bsregs sbyor ba'i steng /__star bu/__mdze tshwa/__ze tshwa/__mgron thal rnams bsnan pa zab/__sha lpags bar gyi chu skran la khyung steng mgron thal bsnan pa zab/__gi waM dgu steng mi thod sum thang bsnan na mgo gzer la phan/__/_!_mig gi 'grib rtsa bcad lugs ni/__mig gi phyi zur nas mtshon gang bcal ba'i mtshams mur 'gram gshong lpags pa mthe bos dal bur 'phur nas gyen la bkas pas/__rtsa gnyis 'dug na gong ma mthong byed yin pas gzhag__/'og ma sgrib rtsa yin pas lcags kyus len nas btsag bus bcad/__gsum yod na'ang 'og ma bcad/__bsgril yod na rtsa ba zug mtshams legs par brtag nas 'og ma bcad/__de steng tshugs bya/__/_!_rna ba 'on pa phye ba ni/__rna rgyab rtsa gsum yod pa'i dang po gnyis skam yang rung /__'og ma ma skam na dbye rung /__nub mo nas chu 'jug ja khu dro 'jam blugs la rna spab dang dri ma sogs dag par bya/__nyin gung drang po la rna ba'i nang la bltas pas 'o kris 'dra ba'i sngo 'od srab mo yod/__de steng gsor mchus thug tsam byas pas bug 'gro/__de 'og rtsa de lcags kyu'i khug la len nas 'then pas chad 'gro/__de nas srin bal la dzA ti'i phye ma mar nag dang sbyar bas bu ga bkag__/nad sman kha phye ba'i nyams yig las/__khrag rlung la thog mar thang btang /__tshab che na ko byi bdun pa dang /__rdo rje rab 'byams sogs zab/__cham rims bsdangs na srog 'dzin nor bu btang /__gzer kha dang khrag shas che na khrag thang /__skyu ru nyer lnga/__sga lo sogs btang /__/_!_cham pa spyi la nor bu bdun thang /__gtso brgyad sprin zla sogs zab/__khrag rlung cham par zhugs pa la/__bsil bcud bco lnga dang /__a gar bco lnga/__srin bsdangs na gu rgum bcu gsum dang /__snyan ngags drug pa/__gar nag bco lnga zab/__de la tsha ba bsdongs rtags/__rtsib ma gzer/__lus la rngul chu 'byung /__kha lud tsha bro/__gzer mi 'pho/__res 'ga' lud pa'i nang la khrag zer 'byung /__'khyags 'dar lang /__rtsa grim/__chu cung ser zhad 'byung ba tsha ba ma smin pa'i skabs yin/__de dus nor bu bdun thang tsha mo phor phyed tsam gyis sprin zla phul ba lan gsum tsam btang bas tshab chung rigs rnams des bzlog nus/__gal te ma nus kyang 'khyags 'dar chad/__chu rtags ser na tsha ba smin pa'i rtags yin pas/__gtso bo bcu gnyis bzi med dang /__spang rtsi bcu gnyis bzi kha can btang /__mgo dang tshigs bzhi gzer che na sleb chog bsngags/__lud pa khrag zer yod cing rtsib ma gzer na rta zi dmar po thang chen brgyad pa dro 'jam gyis lan gsum tsam phul/__des chu dwangs/__gzer kha chag__/snang ba dwangs/__mtshan mo gnyid du khug__/rtsa dal lus bde ba byung na tshad mgo chog rtags yin pas sman mus mi brje bar zhag gsum tsam btang /__de rjes a gar bco lnga/__sprin zla spang rtsi bzi kha chung ba sogs btang rjes lus khams dwang rtsa chu bde mus red na/__nor sha gsar pa'i sre long gcig pu de sha rgyus brad cing ga dar byas/__me mur nang du 'dre log brje nas bcag brdungs sogs mi byed par chu phor do tsam nang bskol/__khu ba phor phyed tsam du 'thags pa dang srod 'khor btang pas/__de nub gnyid khug cing /__phyir nang bde mus red na sre long khrob brdungs bskol nas kha zhag bcad pa dgongs mor btang bas bde mus byung na/__sman btang lugs sngar ltar dang /__sha gsar phran bu sogs kha zas rim gyis klod pas 'thus/__/_!_bad kan smug po dang ma zhu ba 'dres pas mchin khrag rgyas phyi dro'i kha zas yi gar mi 'ong ba dang /__phyir nyin ma zhu ba'i rtags dang ga 'gags pa dang stong skyugs byed pa sogs byung na/__'di la rkyen nas 'bam dang chu bsags sogs grang ba'i nad gzhi phal cher 'byung bas gzab dgos/__ma zhu spyi la dkar po drug sbyor dang /__brang tsha chu skyur skyugs dang ro rgyab gzer ba la smug po g.yul rgyal mkhris rkyen gyis chu ser/__lus byings nyob pa sogs la man ngag bsil sbyor dang /__pho mchin mkhal rked kyi nad rigs la bde byed kun phan/__sbran dug gzer chen la ru rta drug pa/__zla shel drod sbyor/__g.yu dril bcu gsum rnams zab/__brang tsha chu skyur skyugs/__mgo na/__zhen pa logs pa sogs kyi sman la bdud rtsi sum sbyor dang /__ril dkar pad sdong ma zab/__zas yi gar mi 'ong ba dang /__snang ba lji 'thim/__mgo gzer/__lus byings nyob pa la gser zhis phan che/__smug po mchin mkhris rkyen las kha zas drod bcud thal che bas mkhris pa slong /__kha kha mgo na lus nyob pa byung na gi tig__/gser lnga mkhris las rnam rgyal sogs btang /__chu skyer khu lta bu byung nas sman gyis ma chog par yun ring lon pas mig dang sha rtsa ser ba sogs byung na mkhris pa sha lpags la gram pa yin pas/__g.ya' kyi nyer lnga/__g.ya' kyi bdun pa sogs zab/__de rnams gnyug bsrings pas nad las grol ba'i rtags yid ches pa byung dus gong bshad ltar sre long sogs gtong ba rigs pas dpyad/__smug po mchin mkhris las rkyen nas skrangs gzhi tsha babs 'byung ba mang bas/__de rtags lus lji/__shes pa nyob shing 'thibs/__mig lpags dang gdong khug gi mdog cung zad sngo la skrangs/__rkang sdebs dang ngar gdong skrangs 'byung /__chu rtags dmar smug mar khu thon pa'i mdog lbu ba sob pa nor gyi kha lbu lta bu 'byung bas/__de'i ngo lon du 'bol bdun/__gi dgu/__bong bcu sogs btang /__/_!_'bam 'bebs ma thub nas gtor na/__so lnga gnyan sman bzhi cha bskyed pa dang /__dpal brgyad/__klu bdud bco brgyad sogs blud/__la phug btang /__long rtsa gtar zhes snang /__/_!_phyi ma phrin las rgyud kyi skabs/__le'u dang por/__bye'u 'ur pa cha ga pa/__byid po rgya mchil mgo dmar/__nas zan bod mchil/__le'u gnyis par/__bskor zhes pa rtsis kyi gab rtse bskor ba dang /__phya zhes pa mo phywa btab pa/__thang gi skabs/__spyir khu ba 'byin pa thang /__rtsi bzhin btags pa phye ma/__mgo bsdus te dril ba ril bu/__mngar gsum gyi 'dag pa dang sbyar ba lde gu/__nying khur bsdus te bcud len pa sman mar ste lnga po'i nang /__zhi byed gzhan yang bsdu lugs ni/__thal sman rnams phye ma byed pa shas che bas phye ma dang /__khaN+Da rnams ril bur dril btub tsam gyi 'dag par sbyor bas lde dgu/__sman chang khu ba 'don dgos pas thang dang rin po che'i sbyor ba rnams ril bur bsgril tshul bshad pas ril bur bsdu zhing /__sngo sbyor ni thang phye gang rigs su bsdu ba zur mkhar ba'i bzhed pa'o/__/sbyor ba dngos gzhi'i skabs/__gang gtong rgyu'i sman gyi ngos 'dzin/__gang la btang yul nad kyi dmigs dbye/__ji ltar gtong tshul sbyor sde'i lag len/__sbyor sde tshad ldan sman gyi phan yon ste sa bcad bzhi'i sgo nas zhib bar 'chad/__thod rus gsum steng rlung la sle tres dang /__rgyas tshad la gtso brgyad kyi phye ma thang 'dis phul/__sna khrag gcod thang la gu rgum bsnan pa phyag len/__in+d+ra bzhi steng gla rtsi dang /__'dzin lo bsnan pas rgyu gzer la phan/__lcags khu'i chig thang du a ru ra cung zad bsnan/__phye ma'i skabs gtso brgyad kyi zhal shes/__stod tshad la tsan+dan dkar po/__glo tshad cu gang /__mchin tshad gu rgum/__mkhris tshad tig ta/__khrag tshad ba sha ka__/'khrugs tshad hong len/__rims tshad bong dkar rnams thun log sbyar/__ru rta drug par/__tsha shas che na bsil sman gsum dang /__grang shas che na drod sman gsum cha bskyed/__tsha grang cha snyoms la mnyam sbyor ro/__/spyir gtso bo'i sman thun log__/'khor sman de yi phyed cha/__kha 'dzin rnams cung zad tsam las mi gtong ste/__d+harma swA mis/__kha 'dzin thun che gtso bo'i nus pa 'joms/__/'dis ni sran ma tsam gyis don chen 'gabs/__/zhes gsungs pas 'khor sman gyi sum cha tsam gtong /__rwa shing sogs gang sra ba'i rigs sngon la brdungs/__shing kun/__gla rtsi/__gu gul/__cu gang /__bul tog__/lan tshwa'i rigs sogs dang /__brlan gsher snum bag can gyi sde tshan rnams rjes sor brdungs shing tshags la mi drangs/__ga bur/__gi waM/__gur gum gsum ni bsre 'dul byed dus 'dres bar btags pas chog__/cong zhi ma gtogs pa'i rdo sman rigs gang gtong yang 'ju rtsi tshwa la dul ma dang /__ze tshwa thun bzang ba re/__sngo sman rkyang ba sbyor dus dug 'don pi ling brag zhun gnyis thun bzang re dang /__pho ba'i gzhi 'dzin se 'bru bcas sbyar ba phyag len la yod/__ril bu'i skabs/__zi ra lnga pa/__nad pa'i so rtsa mtshur dkar gyis dag par bkrus/__ras thum byas nas so bar du brtsir/__ser rus ni lug gi rus pa dzam b+ha la'am don 'grub bam nor bur 'bod pa de la bzhed pa'ang snang /__sman mar skabs/__ba yi rnam lnga sbyar lugs/__lci ba snod du btsir ba'i dwangs ma ba chu dang bsres/__de yi dwangs ma bre gsum tsam la zho de dang mnyam par blugs nas bskol/__phyed du bsdus nas 'o ma zho dang mnyam par blugs/__de rjes mar dum re 'phang nas bskol te chu chod pa dang /__sbrang rtsi slad med bsres pa dkrugs log bya ste/__de lnga po ba gcig la byung na mchog tu bsngags so/__/ka ras kha blangs zhes shel dkar phye ma btab dkrugs byas pa/__'ba' sam zhes sna mong po 'dres pa'i don/__thal sman skabs/__za 'og ni gos chen khra bo mtshon sna lnga pa sogs rgyu spun gnyis ka ma sgribs pa lhug 'thag byas pa de la bzhed/__rin chen sbyor ba'i skabs/__'brum pa sel ba'i ril bur mtshal dkar bsnan pa/__man ngag sngo sbyor skabs/__ga bur nyid kyang zil gyis gnon par nus zhes pa ni/__gnyan tshad la 'dzim pa/__khrag tshad la re skon/__mkhris tshad la g.ya' kyi/__'khrugs tshad la hong len sogs kyis ni ga bur gyi nus pa'ang zil gyis gnon pa'o/__/snum 'chos skabs/__gtang bya ni/__bshad rgyud las/__de yul rlung che zungs zad khyim gsar dubs/__zhes sogs gsungs pa de'o/__/rtsub 'chos ni bra sran dar ba sogs snum med rigs/__dar rnying ni dar rul ba/__bshal skabs/__ril bu yin na gyur mid byed/__lcag zhes pa rta mgyogs par bskul ba'i lcag tshan lta bu/__bshal bcad pa'i sngags ni/__oM kun dre kun dre kun paM laM b+h+rU~M shar shar shal swA hAH__zhes smra bcad mang du bzlas/__chu grang la btab nas phul bas phan nges zab/__skyugs skabs/__ri sho ni rkyang shog pa la byed/__sna sman skabs/__nam tshong ni mchan khung dang /__dpungs pa g.yas g.yon par la bya ste/__nam tshang mgo dang ske yi rten/__/mgo 'dzin zhes ni bshad pa yin/__/zhes so/__/khrag gcod sngags/__oM tsa la rbad:__ces smra bcad bya zhing /__sum brgya re'i mtshams su phu 'debs/__zab a+thi+-i/__mjug don skabs/__so nam dus bzhi ni/__zhing las/__'bun gtong /__tshong las/__phyugs spel ba dang bzhi zhes bshad snang lags//__//_!_a gar so lnga'i a byag gnyis ni/__a byag gu rgum zhes sam/__ming can ser por grags pa 'ug lag dang /__a byag gzer 'joms zhes sbang gur gyi 'dab ma btang /__'bam stod du yod skabs/__gnyan sman bzhi phri nas/__gi waM/__pri yang+ku/__brag zhun gsum bsnan/__ko byi la spu ldan/__nA ga ge sar/__gzer 'joms gsum bungs bskyed/__/_!_sga lo sman mar la skyu ru ra bungs bskyed/__spang rgyan dkar po'i me tog 'khor sman gcig dang cha mnyam bsnan pas gre thog la zab/__spang rgyan bco lnga dang /__man ngag bsil sbyor sogs kyang 'phrod/__/_!_mig nad 'grib rigs la/__dkar po drug sbyor gyis phan/__rjes su nang gsang brgyad dang /__phyi gsang rnams la me tshugs gang bde bya/__/_!_ling tog la ni la tho Tha zhib btags skam 'debs kyis 'phral du phan pa lag blangs/__khong sman spang rtsi bcu gnyis sman nad thon pa lan 'ga' btang /__/_!_so srin dang mgo srin la bdug pa ya 'joms rdo rje legs/__gdong srin la'ang phan che/__so srin la khyung lnga so bar bzung /__/_!_se 'bru bde byed kun phan las drod sman rnams cha 'phri/__gser bye bsnan pas chu nad tsha grang phal cher la zab/__/_!_li drug dang khyung lnga bsres par/__a ru dang /__ru rta gcig shos tshab/__spang rgyan dkar po dang /__spang rtsi bsnan pa gag pa dang /__gre thog gnyan shas can la zab/__/_!_mes tshig gi rma spyi la/__rta phru rlon pa'am/__skam po chur sbangs pa brlan pa chig thub/__/_!_bu dang sha ma ma thon pa la/__zhi drug dang /__a ru bco brgyad bsres pa zab/__/_!_bco lnga drag sbyor cong zhi nas tsam brdungs la sla ngar nas sun bdun 'gad ring lan tshwa dang mnyam du brngo /__de 'phral snod gzhan zhig tu byo la/__chang rgan gyi snying khus kha phru gdabs/__rlangs pa mi 'chor bar kha gcod rgyab la bzhag__/da lis dbyi mong gnyis gzhon nus dus btus pa grib skam legs par bya/__dum bur btubs nas rdza snod du bsreg__/tshig tshar nas 'phral du rlangs la chang rgan gyi snying khus ngar bsad pa'i blangs pa mi 'chor bar kha gcod dam par byas la bzhag__/skam pa dang longs spyad do/__/_!_rgya nag ril bu rkyang pa 'bam smad du babs pa sogs gnyan rigs kyis mkhal rked sogs la legs/__chos nyid ril bu dmar bshal la legs kyang bsil kha cung che mkhal rked grangs nad rigs la mi legs/__/_!_chu 'gags rigs phal cher la bde byed kun phan dang /__/nyi dkyil sogs legs/__/_!_rtsa 'gags pa dang dri 'gags la dkar po drug sbyor gyis phan/__/_!_mgo srin gzer nad tshab che la mgo thang bcu gsum dang /__gar nag bcu gcig btang /__/_!_bad rlung mgo nad la/__bdud rtsi sum sbyor steng /__bung mnyam gyi se me bsnan pas phan pa mthong /__yang na bdud rtsi sum sbyor steng /__ar skyur ma nu'i bung mnyam dang /__se me gong ltar bsnan pas phan pa myong grub/__mgo bo'i phyogs bzhir tshugs bya/__/_!_bad mkhris la bdud rtsi sum sbyor dang /__tig brgyad mnyam sbyor gyis phan/__khrag shas che na gi tig legs/__/_!_snying rlung la mde thung nas bshad pa'i ar brgyad dang /__sems kyi bde skyid tshad ldan rang legs/__/_!_glo tshad la khyung sngon dgu pa zab/__gnyan shas che na sro lo cha phri/__'khrugs glo tsha shas can la'ang khyung dgu legs/__de la cu gang bsnan pa phyag len/__cham gzhug gi lu ba bcos brdugs tshe/__dar ma mkhris shas che bar lug mur bdun pa tsan+dan dkar po dang dmar po cha mnyam pa dang /__bad shas che na sga lo sman dmar steng /__shing mngar 'khor sman gcig gi bung mnyam bsnan pa chang gis phul bas phan/__bad glo rgyun du lu ba la rgun 'brum bdun pa kha tshar can legs/__yang rgyun du glo ro lu ba la ga bur nyer lnga'i ga bur tshab stong zil dang /__sro lo dmar po kha tshar btab pas phan pa lag blangs/__!_/mkhal rked kyi nad spyi la a ru bco brgyad dang /__khams zag la rgya nag ma dang /__tsha shas yod na chos nyid ril bus phan/__mkha' rked gnyan shas cung yod pa'am/__phal che la man ngag gam phye dmar po legs/__/_!_pho nad spyi la/__cong zhi cur ni'i steng /__tshwa la chu bcad mang tsam bsnan pas shin tu phan/__phag grub kyang legs/__/_!_ma zhu ba'i rigs spyi la zhi drug dang /__bco lnga drag sbyor/__glang thabs gzer che ba srin glang ste phan pa kun ldan dang /__gzer chung ba'i rigs la zla shel g.yu dril/__zhi drug sogs gang 'phrod lta/__ma zhu dug thabs kyi rigs la dwags po sman nag legs/__/_!_gcin 'gags la nyi dkyil steng rgya tshwa sdig srin gser bye bsnan pa dang /__kun phan gyis phan/__/_!_gcin snyi la/__tsha shas che na a ru bco brgyad dang /__grang shas che na kun phan nam/__nyi dkyil gang rigs/__yung ba/__skyer pa/__skyu ru/__gze ma bzhi bsdus thang gis phul/__tshigs pa bcu dgu pa kha gsum la me bya/__/_!_rgya nad tshad 'khru la/__ra ba ra rgod kyi khrag dron mo dang /__'bring sha khrag tshil gsum gang rung gi khu ba chig brgyugs chog pa'i gsang sman yin/__/_!_dreg nad la spos khyung dang /__byugs pa bya khyung sngon po zab/__/_!_grum bu la bong khrag nyer lnga/__/seng ldeng nyer lnga/__klu bdud bco brgyad rnams zab/__khyung lnga tshad ldan kyang legs/__/_!_rtsa dkar la bsam 'phel nor bu dang /__da lis bco brgyad btang /__ma sngas par tshugs dang me btsa' gang rigs bya/__/_!_lpags nad chu ser za 'phrugs la spos khyung dang /__man ngag gam phye dmar po sogs kyis phan/__/_!_phran bu'i nad kyi bcos lhan thabs ltar legs/__khyad par gnyid srung 'gugs kyi gdams pa 'di zab nges lag blangs/__/_!_rkang 'bam bcos pa zur du gsal/__byis pa'i nad spyi la gcig shes kun grol zab/__pho nad sogs la man ngag bsil sbyor kyang 'phrod/__/_!_mo nad khrag shas che ba la khrag bshigs rin chen pha lam/__a gar so lnga/__tsan+dan bco brgyad sogs legs/__spyir 'ol mo nyer lnga dang /__rgya ru bcu bzhi sogs zab/__/_!_'byung gdon spyi khyab bdug pa rgyan 'khor dang /__byug pa rgyan 'khor zab/__/_!_rma spyi la/__khong sman thog mar spang rtsi bcu gnyis dang /__ga bur nyer lnga sogs btang /__yug shing khaN+Da byugs/__ldum chen dgu sbyor kyang khong sman shin tu zab/__brdabs 'gram rigs la bul tog dang /__star bu gnyis sbyar bas mchog__/mgo chag la bya mo khud pa'i bdud rtsi sum sbyor dang /__tshab chung rigs la bdud rtsi sum sbyor dkyus mas kyang phan/__sngags/__tir ti ka n+ya ma/__zab/__!_/dug rigs kyi bcos zur du gsal/__sha dug sogs dug nad spyi la dpa' bo nyer lnga mchog__/yang zhi drug 'om bu'i lo ma bsnan pa'ang legs/__rta dug sman tsha ril kha tshar can zab/__khyi dug dang reg dug bcos zur gsal/__/_!_'ba' sam sman mar tshad ldan steng /__se 'bru nyi dkyil la/__dbang lag__/bre ga__/gangs sbal lam sram sha bsnan pa kha tshar btab pas mkhal rked grang nad spyi dang /__khyad par lus stobs chung ba la bsngags/__yang mkhal rked rkyang pa la go yu dgu sbyor kha tshar btab kyang legs/__go yu dgu sbyor steng /__dngul chu grang 'dul/__dbang lag__/rtsa ba lnga/__sram sha rnams bsnan pa bu ram gyi mgo bsdus ste ril bur dril ba stobs bskyed kyi sman khyad par can no/__/_!_nor gyi glo nad la/__'bras bu gsum bsnan pa'i ga bur nyer lnga'i steng /__sro lo/__spang rgyan/__a krong /__shu dag__/gla rtsi rnams bsnan pa 'di rang legs/__skya rtsi la nag po dgu sbyor tshang bar bya/__/_!_khyung lnga tshad ldan gyis nad rigs gang la'ang phan zhing /__khyad par gnyan/__rims srin glang thabs rma thor mkhal rked rkang nad/__gag lhog__/chu ser sogs dang /__snyigs dus ngos bzung dka' ba'i nad rigs gang la'ang sman nad thon tsam lan 'ga' re btang pas phan pa myong grub ma'o/__/_!_dbang lag brkos ma thags dregs bshal/__chu gtsang nyis 'gyur du khu ba rang thim btsos pas drod du 'gro/__tshos ma thag ra 'o nyis 'gyur khu ba rang thim btsos pas bcud du dgug_/ra mye la'ang de ltar byed/__nyer shing phyi lpags dang /__nang shing rgyus pa dor la chu la btsos pas drod du dgug__/gze ma srid pa'i bye ma'i mnyam du sna tshig tsam brngo/__ba spru'ang chu bcad dgos zer//__//_!