ཐུགས་རྟེན་མཆོད་རྟེན་གྱི་རྣམ་བཞག།

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs rten mchod rten gyi rnam bzhag
Location	mkhyen brtse'i bka' 'bum Volume 17, sde tshan 1, Text 7, Pages 80-82 (Folios 40b5 to 41b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thugs rten mchod rten gyi rnam bzhag. In 'jam dbyangs mkhyen brtse'i dbang po'i bka' 'bum, Vol. 17: 80-82. Khams sde dge rdzong sar dgon: Rdzong sar blo gros phun tshogs, 2020.
Genre	Detailed Classification - rnam bzhag

1 Texts in this Section (sde tshan or chos tshan)

7 80-82	ཐུགས་རྟེན་མཆོད་རྟེན་གྱི་རྣམ་བཞག། thugs rten mchod rten gyi rnam bzhag Detailed Classification - rnam bzhag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསུམ་པ་ཐུགས་རྟེན་ནི། ཐུན་མོང་གི་སྐབས་སུ་ཆོས་སྐུ་མཚོན་པར་བྱེད་པའི་མཆོད་རྟེན་ཉིད་ལ་འཇོག་སྟེ། ངོ་བོ་ནི། སངས་རྒྱས་ཐམས་ཅད་ཀྱི་ཐུགས་རྣམ་པ་ཐམས་ཅད་པའི་ཡེ་ཤེས་ཉིད་མཚོན་པ་རྟགས་ཀྱི་ངོ་བོར་ཤར་བའི་རིག་གནས། ངེས་ཚིག་ནི། ཙཻ་ཏྱཱའི་སྒྲ་ལས་དྲངས་ན་བསག་པའམ། བསག་ཏུ་རུང་བ་དང་། ཡང་ན་དྲན་པར་བྱ་བ་ཉིད་ཀྱི་ཕྱིར་རོ། །དབྱེ་ན། ཉན་ཐོས་ལ་ཆོས་གོས་བཞི་བལྟབས་ཀྱི་སྟེང་དུ་ལྷུང་བཟེད་ཁ་སྦུབ་པར་མཁར་གསིལ་བཙུགས་པ་ལྟ་བུ། རང་རྒྱལ་གྱི་རྨང་གྲུ་བཞིའི་སྟེང་དུ་བང་རིམ་བཅུ་གཉིས་འཁོར་ལོ་རྩིབས་བརྒྱད་པ་ཅན། ཐེག་པ་ཆེན་པོའི་སློབ་དཔོན་ཀླུས། ལྷུང་བཟེད་ཁ་སྦུབ་པ་ལྟ་བུ། བིམྦའི་ཟླུམ་པོ་དང་། ཁང་བུ་ལྟ་བུ་དང་། རྒྱལ་མཚན་ལྟ་བུའི་མཆོད་རྟེན་བརྒྱད་ཡོད་པར་གསུངས་པ་སོགས་ལས། འདིར་གཙོ་བོར་བདག་ཅག་གི་སྟོན་པའི་མཛད་པ་ངོ་མཚར་བ་ལས་སོ་སོའི་དུས་སྟོན་བྱ་བའི་ཕྱིར་བརྩིགས་པ། པད་སྤུངས་དབྱིབས་ཟླུམ་པོ་པདྨའི་རྣམ་པ་ཅན་བང་རིམ་བཞི་ལ་སོགས་པས་མཚན་པ། བྱང་ཆེན་དབྱིབས་གྲུ་བཞི་བང་རིམ་བཞི་པ། བཀྲ་ཤིས་སྒོ་མངས་དབྱིབས་གྲུ་བཞི་བང་རིམ་བཞི་པ། ཕྱོགས་རེར་སྒོ་བཞིའམ། བརྒྱད་དམ། བཅུ་གཉིས་དང་། བཅུ་དྲུག་སོགས་ཀྱིས་སྤྲས་པ། ཆོ་འཕྲུལ་ཆེན་པོ་གྲུ་བཞི་བང་རིམ་བཞི་པ་ཕྱོགས་རེར་གློ་འབུར་དང་བཅས་པ། ལྷ་བབས་བང་རིམ་བཞིའམ་བརྒྱད་པ་ཕྱོགས་བཞིའི་གློ་འབུར་གྱི་དབུས་ན་ཐེམ་སྐས་ཀྱིས་བརྒྱན་པ། དབྱེན་བསྡུམས་བང་རིམ་བཞི་པ་གྲུ་བཞི་ཟུར་བཞི་མཉམ་པར་བཅད་པ། རྣམ་རྒྱལ་ཟླུམ་པོ་བང་རིམ་གསུམ་པ། མྱང་འདས་བང་རིམ་མེད་པ་གདན་ཁྲིའི་སྟེང་དུ་བུམ་རྟེན་ཡན་ཆད་བཞུགས་པ་སྟེ་བརྒྱད་ལ་སོགས་པ་རྣམས་དང་། དེ་དག་གི་ཕྱག་ཚད་ཀྱང་དཔལ་དུས་ཀྱི་འཁོར་ལོར་ཕྱི་ནང་གཞན་གསུམ་གྱི་དག་སྦྱོར་མཛད་ནས་བཤད་པ་ལྟར་བསྡུས་རྒྱུད་ཀྱི་རྗེས་སུ་འབྲང་བའི་མགྲིན་པ་ཐུང་བ། དེའི་འགྲེལ་པ་དྲི་མེད་འོད་ལས་གསུངས་པའི་མགྲིན་རིང་། དེ་གཉིས་ཀ་ལས་མཛེས་ཆ་བཙལ་བའི་ཐིག་གི་རིམ་པ་ཇི་ལྟར་རིགས་པར་ངེས་པར་བྱ་བ་ཉིད་དང་། གཞན་ཐུན་མོང་མ་ཡིན་པ་རྡོ་རྗེ་ཐེག་པའི་རྒྱུད་སྡེ་རིན་པོ་ཆེ་རྣམས་ནས་རྡོ་རྗེ་གྲི་གུག་ཕུར་པ་ལ་སོགས་པའི་ཕྱག་མཚན་གྱི་ཚད་དང་མཚན་ཉིད་བཤད་པ་རྣམས་ཀྱང་འདིར་བསྡུ་བར་འོས་པ་ཉིད་དོ། །

[edit]

thugs rten mchod rten gyi rnam bzhag/ gsum pa thugs rten ni/__thun mong gi skabs su chos sku mtshon par byed pa'i mchod rten nyid la 'jog ste/__ngo bo ni/__sangs rgyas thams cad kyi thugs rnam pa thams cad pa'i ye shes nyid mtshon pa rtags kyi ngo bor shar ba'i rig gnas/__nges tshig ni/__tsai t+yA'i sgra las drangs na bsag pa'am/__bsag tu rung ba dang /__yang na dran par bya ba nyid kyi phyir ro/__/dbye na/__nyan thos la chos gos bzhi bltabs kyi steng du lhung bzed kha sbub par mkhar gsil btsugs pa lta bu/__rang rgyal gyi rmang gru bzhi'i steng du bang rim bcu gnyis 'khor lo rtsibs brgyad pa can/__theg pa chen po'i slob dpon klus/__lhung bzed kha sbub pa lta bu/__bim+ba'i zlum po dang /__khang bu lta bu dang /__rgyal mtshan lta bu'i mchod rten brgyad yod par gsungs pa sogs las/__'dir gtso bor bdag cag gi ston pa'i mdzad pa ngo mtshar ba las so so'i dus ston bya ba'i phyir brtsigs pa/__pad spungs dbyibs zlum po pad+ma'i rnam pa can bang rim bzhi la sogs pas mtshan pa/__byang chen dbyibs gru bzhi bang rim bzhi pa/__bkra shis sgo mangs dbyibs gru bzhi bang rim bzhi pa/__phyogs rer sgo bzhi'am/__brgyad dam/__bcu gnyis dang /__bcu drug sogs kyis spras pa/__cho 'phrul chen po gru bzhi bang rim bzhi pa phyogs rer glo 'bur dang bcas pa/__lha babs bang rim bzhi'am brgyad pa phyogs bzhi'i glo 'bur gyi dbus na them skas kyis brgyan pa/__dbyen bsdums bang rim bzhi pa gru bzhi zur bzhi mnyam par bcad pa/__rnam rgyal zlum po bang rim gsum pa/__myang 'das bang rim med pa gdan khri'i steng du bum rten yan chad bzhugs pa ste brgyad la sogs pa rnams dang /__de dag gi phyag tshad kyang dpal dus kyi 'khor lor phyi nang gzhan gsum gyi dag sbyor mdzad nas bshad pa ltar bsdus rgyud kyi rjes su 'brang ba'i mgrin pa thung ba/__de'i 'grel pa dri med 'od las gsungs pa'i mgrin ring /__de gnyis ka las mdzes cha btsal ba'i thig gi rim pa ji ltar rigs par nges par bya ba nyid dang /__gzhan thun mong ma yin pa rdo rje theg pa'i rgyud sde rin po che rnams nas rdo rje gri gug phur pa la sogs pa'i phyag mtshan gyi tshad dang mtshan nyid bshad pa rnams kyang 'dir bsdu bar 'os pa nyid do/__/