ཀློང་གསལ་གཏེར་བྱོན་ཚེ་སྒྲུབ་ཡང་གསང་བླ་མེད་ཀྱི་དབང་གི་མཚམས་སྦྱོར་འཆི་མེད་བདུད་རྩིའི་རྒྱུན་བཟང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang
Location	mkhyen brtse'i bka' 'bum Volume 13, sde tshan 23, Text 22, Pages 578-586 (Folios 58b6 to 62b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ཀློང་གསལ་སྙིང་པོ་ (klong gsal snying po)
Citation	'jam dbyangs mkhyen brtse'i dbang po. klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang. In 'jam dbyangs mkhyen brtse'i dbang po'i bka' 'bum, Vol. 13: 578-586. Khams sde dge rdzong sar dgon: Rdzong sar blo gros phun tshogs, 2020.
Genre	Longevity Rituals - tshe sgrub  ·  Empowerment Ritual - dbang chog - dbang skur
Cycle	ཚེ་སྒྲུབ་ཡང་གསང་བླ་མེད་ (tshe sgrub yang gsang bla med)
Deity	tshe dpag med
RTZ	In the Rinchen Terdzö: https://rtz.tsadra.org/index.php/Terdzo-WA-027
Colophon	།ཚེ་སྒྲུབ་ཡང་གསང་བླ་མེད་ཀྱི་དོན་དབང་གི་མཚམས་སྦྱོར་སྙིང་པོར་དྲིལ་བའི་ལེའུ་ཚན་ནོ། །སརྦ་མངྒ་ལཾ།།
	tshe sgrub yang gsang bla med kyi don dbang gi mtshams sbyor snying por dril ba'i le'u tshan no/__/sarba mang+ga laM//

1 Texts in this Section (sde tshan or chos tshan)

22 578-586	ཀློང་གསལ་གཏེར་བྱོན་ཚེ་སྒྲུབ་ཡང་གསང་བླ་མེད་ཀྱི་དབང་གི་མཚམས་སྦྱོར་འཆི་མེད་བདུད་རྩིའི་རྒྱུན་བཟང་། klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang Longevity Rituals - tshe sgrub   ·   Empowerment Ritual - dbang chog - dbang skur	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཀློང་གསལ་གཏེར་བྱོན་ཚེ་སྒྲུབ་ཡང་གསང་བླ་མེད་ཀྱི་དབང་གི་མཚམས་སྦྱོར་འཆི་མེད་བདུད་རྩིའི་རྒྱུན་བཟང་ཞེས་བྱ་བ་བཞུགས་སོ། ། ༈ ན་མོ་གུ་རུ་བཛྲ་ཨཱ་ཡུ་ཥེ། མཚོ་སྐྱེས་ཚེ་དཔག་མེད་མགོན་དང་། །རྣམ་འདྲེན་བླ་མ་དབྱེར་མེད་པའི། །ཞབས་ཀྱི་པད་མོར་གུས་བཏུད་ནས། །འཆི་མེད་གྲུབ་པའི་དབང་བསྐུར་བྲི། །དེ་ལ་སྦྱོར་བ་ཡོ་བྱད་ཀྱི་གཤོམ་དང་བསྒྲུབ་ཅིང་མཆོད་པ་སྔོན་དུ་འགྲོ་བས། སློབ་མ་རྣམས་ཁྲུས་བྱས། བགེགས་ཕྲལ། སྲུང་འཁོར་བསྒོམ། མཚམས་སྦྱོར་རྒྱས་བསྡུས་ཅི་རིགས་པ་དང་། ལོ་རྒྱུས་ཀྱི་ཁྱད་པར། ད་ལམ་འདིར་སྐབས་སུ་བབས་པ་ནི། རབ་འབྱམས་ལས་ཀྱི་ལྷ་རིགས་ལྔའི་ནང་ཚན་པདྨའི་རིགས་མཆོག་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་དུ་དབང་བསྐུར་བ་ཡིན་ཏེ། དེ་ཡང་དུས་གསུམ་སངས་རྒྱས་ཐམས་ཅད་ཀྱི་རང་གཟུགས་ཨོ་རྒྱན་མཚོ་སྐྱེས་རྡོ་རྗེས་རྒྱ་གར་བྲག་ཕུག་མཱ་ར་ཏི་ཀར་ལྷ་ལྕམ་མནྡཱ་ར་བ་ཕྱག་རྒྱ་རུ་བསྟེན་ནས་ཕོ་ཉའི་ལམ་གྱིས་འཆི་བ་མེད་པ་རྡོ་རྗེའི་སྐུ་བརྙེས་པའི་ཚེ་ན་དབང་གི་ལྷ་མོ་ཙཎྜ་ལཱིས་ཚེ་དཔག་མེད་ཀྱི་རྒྱུད་དང་སྒྲུབ་ཐབས་མཐའ་ཡས་པ་ཕུལ་བ་ལ་བརྟེན་ནས་སྒྲུབ་ཐབས་ཀྱང་མང་དུ་མཛད། དེ་ནས་འཇམ་དཔལ་དབྱངས་དངོས་ལྷ་བཙན་པོ་ཁྲི་སྲོང་ལྡེའུ་བཙན་གྱིས་དད་པས་སྤྱན་དྲངས་ཤིང་ཞབས་པད་ཀྱི་ཤིང་རྟའི་ཁ་ལོ་གངས་ཅན་དུ་བསྒྱུར་བ་ལ་བརྟེན་ནས་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས། སངས་རྒྱས་ཀྱི་བསྟན་པ་ཉི་མ་ཤར་བ་ལྟར་མཛད་ནས་མཐར་རྔ་ཡབ་པདྨ་འོད་དུ་གཤེགས་པ་ལ་ཉེ་བ་ན་རྗེ་འབངས་གྲོགས་ལྔས་ཞུས་ཏེ་འཁོར་བཅས་གཡའ་མ་ལུང་དུ་གཤེགས་ནས་ཚེ་དཔག་མེད་ཀྱི་དཀྱིལ་འཁོར་འདི་ཉིད་ཞལ་ཕྱེས། ཞག་བདུན་ཕྲག་ཏུ་བསྒྲུབས་པར་མཛད་དེ་དབང་བསྐུར་བའི་ཚེ། ཡེ་ཤེས་མཚོ་རྒྱལ་དངོས་སུ་འཇའ་སྐུར་སྨིན་ཅིང་གཞན་ཀུན་ཀྱང་སུམ་བརྒྱ་རེ་ཐུབ་པར་ལུང་བསྟན་ནས། ཚེ་སྒྲུབ་ཡང་གསང་བླ་མེད་འདི་ཉིད་ད་ལན་མ་གཏོགས་རླུང་ཕྱོགས་ཙམ་ཡང་བསྒྲགས་པ་མེད། འདི་ནི་ཁོག་པའི་ནང་གི་སྙིང་ལྟ་བུ། དཔྲལ་བའི་དཀྱིལ་གྱི་མིག་ལྟ་བུ། ད་ལྟ་སྤེལ་བའི་གནས་མེད། དུས་སྙིགས་མའི་དོན་དུ་ལང་གྲོ་ལོ་ཙཱ་བས་གཏེར་དུ་སྦོས་ནས་རྒྱ་རིམ་པ་བདུན་གྱིས་གདའ་བར་གྱིས་ཤིག །ཅེས་བཀའ་སྩལ་བ་ལྟར་བོད་ཆེན་པོའི་ལྗོངས་ཀྱི་ཐིག་ལེ་གྲུབ་པའི་གནས་མཆོག་སྣ་བྲག་དཀར་རྡོ་རྗེའི་ཡོངས་རྫོངས་སུ་ཟབ་གཏེར་དུ་སྦས་པར་མཛད་པ་ལས། ཕྱིས་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཀློང་གསལ་སྙིང་པོའམ། པདྨ་མདོ་སྔགས་གླིང་པ་ཞེས་མཚན་ཉི་ཟླ་ལྟར་ཡོངས་སུ་གྲགས་པ་དེ་ཉིད་ཀྱིས་བར་ཆད་མེད་པར་སྤྱན་དྲངས་བའི་ཚེ་སྒྲུབ་ཡང་གསང་བླ་མེད་ཀྱི་དཀྱིལ་འཁོར་དུ་འཆི་མེད་ཚེ་ཡི་དབང་བསྐུར་ཟབ་མོ་སྒྲུབ་པར་བགྱི་བ་ལ། བདག་ཉིད་ཀྱིས་བགྱི་བར་འོས་པ་ཐམས་ཅད་སྔོན་དུ་ལེགས་པར་གྲུབ་ཟིན་ནས། ད་ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་མཎྜལ་འབུལ་ཞིང་གསོལ་བ་འདེབས་པ་སོགས་སྔོན་དུ་འགྲོ་དགོས་པས། ཐོག་མར་བླ་མ་དང་འཆི་མེད་ཚེ་དཔག་མེད་མགོན་ཐ་མི་དད་པའི་སྤྱན་སྔར་དབང་བསྐུར་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཞིག་འབུལ་མཛོད། མཎྜལ་ཕུལ་ནས་གསོལ་བ་གདབ་པ་ནི། ལུང་ལས། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངས་པ་ལྟར་གནས་ཁང་འདི་ཡང་ཐ་མལ་གྱི་གནས་ཁང་འདི་ལྟ་བུ་མ་ཡིན་པར་འཆི་མེད་པདྨོ་བཀོད་པའི་གྲོང་ཁྱེར་དང་། སློབ་དཔོན་ཀྱང་མགོན་པོ་ཚེ་དཔག་མེད་དངོས་ཡིན་སྙམ་པའི་མོས་གུས་གདུང་ཤུགས་དྲག་པོ་དང་ལྡན་པས་འདིའི་རྗེས་ཟློས་ལན་གསུམ་མཛོད། ཨེ་མ༔ ཀུན་མཁྱེན་མགོན་པོ་བདག་ལ་དགོངས༔ བདག་ནི་མགོན་པོའི་རྗེས་འཇུག་གིས༔ འཆི་མེད་ཚེ་ཡི་དཀྱིལ་འཁོར་དུཿ སྐྱེ་འཆི་མེད་པའི་དབང་བསྐུར་སྩོལ༔ དེ་ལྟར་གསོལ་བ་བཏབ་པའི་བུ་ལ་བླ་མ་ཚེ་དཔག་མེད་ཀྱི་མཁྱེན་བརྩེའི་སྒོ་ཕྱེ་ནས་བཀའ་ཡི་གནང་བ་སྦྱིན་པ་ནི། ལེགས་འོང་བུ་ཁྱོད་སྐལ་བ་བཟང་༔ རྡོ་རྗེ་ཚེ་ཡི་དབང་སྦྱིན་གྱིཿ དད་དང་དམ་ཚིག་ཚུལ་བཞིན་གྱིས༔ དབང་དོན་སྒྲུབ་པའི་ཚུལ་སྲུང་ཞིག༔ ཅེས་གནང་བ་སྦྱིན། སྤྲོ་ན་སྐྱབས་སེམས་སྡོམ་བཟུང་བྱ། དེ་ནས་དབང་དོན་གྱི་གཙོ་བོ་ཡེ་ཤེས་དབབ་པ་ཡིན་པས་དམིགས་པ་འདི་བཞིན་དུ་མཛོད། ཨོཾ་མ་ཧཱ་ཤཱུནྱཱ་ཏཱ་སོགས། ཨོཾ་སྭ་བྷཱ་ཝ་སོགས། འཁོར་འདས་གཉིས་སྣང་གིས་བསྡུས་པའི་ཆོས་ཐམས་ཅད་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་རྡོ་རྗེ་འཛིན་པས་དབང་སྐུར་གྱི་ལྷར་བསྐྱེད་པའི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ལྷ་ཡི་ཐུགས་ཀར་ཕོག །དེའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས། ཁྱེད་རང་རྣམས་ལ་ཕོག་པས་ཕུང་པོ་ཁམས་དང་སྐྱེ་མཆེད་ཀྱིས་མཚོན་པའི་མ་དག་པའི་སྣང་བ་ཐམས་ཅད་མི་དམིགས་པ་སྟོང་པ་ཉིད་དུ་སྦྱངས། སྟོང་པའི་ངང་ལས་པདྨ་དང་ཉི་ཟླའི་སྟེང་དུ་སེམས་ཉིད་རྣམ་པར་མི་རྟོག་པའི་ཡེ་ཤེས་ཀྱི་ངོ་བོ་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་པ་ལས་ཁྱེད་རང་རྣམས་སྐད་ཅིག་གིས་རྒྱལ་མཆོག་ཚེ་དང་ཡེ་ཤེས་དཔག་ཏུ་མེད་པ་ཡབ་ཡུམ་རྒྱན་ཆ་ལུགས་མ་འདྲེས་པ་ཆུ་ཟླ་འཇའ་ཚོན་ལྟ་བུར་གསལ་བའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་གྱི་ཚོགས་དཔག་ཏུ་མེད་པ་འཕྲོས་པས་ནུབ་ཕྱོགས་བདེ་ཆེན་པདྨོ་བཀོད་པ་སོགས་རྡུལ་གཅིག་གི་སྟེང་ན་རྡུལ་སྙེད་ཀྱི་ཞིང་དུ་བཞུགས་པའི་རྒྱལ་བ་སྲས་དང་བཅས་པའི་ཚོགས་ཐམས་ཅད་བཅོམ་ལྡན་འདས་ཚེ་དཔག་ཏུ་མེད་པའི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་སྤྱན་དྲངས་ཏེ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་ཐུགས་མོས་མཛོད། ཧྲཱིཿ འོག་མིན་བདེ་ཆེན་དབང་གི་ཕོ་བྲང་ནསཿ སོགས་ཀྱི་མཐར། བཛྲ་ས་མ་ཡ་ཛ་ཛཿ ཛཿཧཱུྃ་བྃ་ཧོཿ བཛྲ་ཨཱ་བེ་ཤ་ཡ་ཨ་ཨཱཿ དེ་ལྟར་བྱིན་དབབ་པའི་ལྷ་ཚོགས་ཐམས་ཅད་ཁྱེད་རང་རྣམས་ཀྱི་སྒོ་གསུམ་རྡོ་རྗེ་གསུམ་དང་དབྱེར་མེད་རོ་གཅིག་ཏུ་བརྟན་པར་གྱུར་ཅིག །ཨོཾ་ཡེ་དྷརྨཱ་སོགས་བརྗོད་ཅིང་མེ་ཏོག་འཐོར། དེ་ལྟར་ཡེ་ཤེས་དབབ་ཅིང་བརྟན་པར་བྱ་བ་སྔོན་དུ་སོང་ནས། ཚེ་འགུགས་ཤིང་བཅུད་བསྡུ་བའི་སླད་དུ། བདག་དང་མདུན་བསྐྱེད་ལྷའི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་གྲངས་མེད་པ་འཕྲོས་པས། སྟོང་ཁམས་ཁྱབ་པར་གྱུར་ནས་ཕྱི་འབྱུང་བ་ས་ཆུ་མེ་རླུང་ནམ་མཁའ་ལ་སོགས་པ་སྣོད་ཀྱི་འཇིག་རྟེན་གྱི་ཁམས་འབྱུང་བ་ཀུན་གྱི་དྭངས་མ་ཐམས་ཅད་དང་། ནང་ཁམས་གསུམ་གྱི་སྐྱེ་འགྲོ་མཆོག་དམན་བར་མ་སོ་སོའི་སྟོབས་རྩལ་ནུས་པ་ཇི་སྙེད་པ་དང་། གསང་བ་ཕྱོགས་བཅུ་དུས་གསུམ་གྱི་བདེ་བར་གཤེགས་པ་སྲས་འཁོར་སྤྲུལ་པ་དང་བཅས་པའི་མཁྱེན་བརྩེ་ནུས་གསུམ་གྱི་ཡོན་ཏན་སོགས་མདོར་ན་འཁོར་འདས་ལམ་གསུམ་གྱིས་བསྡུས་པའི་ཚེ་བསོད་དཔལ་འབྱོར་ཡེ་ཤེས་ཐམས་ཅད་འོད་དང་འོད་ཟེར་གྱི་སྣེ་ལ་ནྲྀ་ཡིག་གི་རྣམ་པར་བསྡུས་ཏེ་ཁྱེད་རང་རྣམས་ལ་སིབ་སིབ་ཐིམ་པས་འཆི་མེད་ཚེ་ཡི་དངོས་སྒྲུབ་ཐོབ་པའི་ཐུགས་མོས་མཛོད། ཚེ་འགུགས་གཞུང་ལྟར་བཏང་། དེ་ནས་དངོས་གཞི་དབང་བསྐུར་བའི་སླད་དུ་མདུན་བསྐྱེད་ཀྱི་དཀྱིལ་འཁོར་སློབ་དཔོན་དབང་རྫས་དང་བཅས་པ་བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པའི་ལྷ་ཚོགས་སུ་གསལ་བས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་རྣམས་རིམ་པ་བཞིན་དུ་སྩོལ་བྱུང་སྙམ་པའི་མོས་པ་དུང་དུང་མཛོད་ཅིག །ཅེས་བརྡ་སྦྱར་ནས། བུམ་པ་སྤྱི་བོར་གཞག་ལ། ཧྲཱིཿ རྒྱལ་བའི་སྐུ་ལས་ཐུགས་རྗེའི་ཡེ་ཤེས་རྒྱུནཿ སྐལ་ལྡན་བུ་ཡི་ལུས་ལ་དབང་བསྐུར་བསཿ འཆི་མེད་ཚེ་ཡི་དབང་མཆོག་ཐོབ་ནས་ཀྱང་༔ སྐྱེ་འཆི་མེད་པའི་གོ་འཕང་མྱུར་ཐོབ་ཤོགཿ རྩ་སྔགས་དང་། ཀཱ་ལ་ཨ་བྷི་ཥིཉྩ་ཨཱོཾ༔ སྐུ་མི་ཟད་པ་རྒྱན་གྱི་འཁོར་ལོའི་དབང་དམ་པ་ཐོབ་པར་གྱུར་ཅིག །བྷནྡྷ་མགྲིན་པར་བཞག་ལ། ཧྲཱིཿ རྒྱལ་བའི་གསུང་ལས་ཐུགས་རྗེའི་ཡེ་ཤེས་རྒྱུན༔ སྐལ་ལྡན་བུ་ཡི་ངག་ལ་དབང་བསྐུར་བསཿ འཆི་མེད་ཚེ༔ སྐྱེ་འཆི་མེད༴ ཝཱ་ཀ་ཨ་བྷི་ཥིཉྩ་ཨཱཿ གསུང་མི་ཟད་པ༴ གཏོར་མ་སྙིང་གར་བཞག་ལ། ཧྲཱིཿ རྒྱལ་བའི་ཐུགས་ལས༴ སྐལ་ལྡན་བུ་ཡི་ཡིད་ལ༴ འཆི་མེད༴ སྐྱེ་འཆི༴ ཙིཏྟ་ཨ་བྷི་ཥིཉྩ་ཧཱུྃ༔ ཐུགས་མི་ཟད་པ༴ ཚེ་རིལ་སྦྱིན་ལ། ཧྲཱིཿ རྒྱལ་བའི་ཡོན་ཏན་མཛད་པ་རྒྱ་ཆེ་བའིཿ བཅུད་ལྡན་མྱང་ཚད་རྣམ་གྲོལ་ཚེ་ཡི་རྫསཿ ཟག་མེད་མྱང་བ་དོན་ལྡན་འཆི་མེད་ཀྱིཿ རྫས་མཆོག་དམ་པ་ཚེ་ཡི་དབང་ཐོབ་ཤོགཿ རྩ་སྔགས་དང་། གུ་ཎ་ཨ་བྷི་ཥིཉྩ་ཏྲཱྃཿ ཡོན་ཏན་མི་ཟད་པ༴ ཚེ་ཆང་ལག་གཡོན་དུ་སྦྱིན་ལ། ཧྲཱིཿ རྒྱལ་བའི་ཕྲིན་ལས་མཐུ་སྟོབས་རླབས་ཆེ་བའིཿ བཅུད་ལྡན་འཆི་མེད་དམ་པ་བདུད་རྩིའི་ཆངཿ རཱ་ས་ཡ་ན་བཅུད་ལྡན་འཆི་མེད་ཀྱིཿ རྣམ་པར་གྲོལ་བའི་འཆི་མེད་བདུད་རྩི་སྦྱིན༔ རྩ་སྔགས་དང་། སརྦ་ཀརྨ་ཨ་བྷི་ཥིཉྩ་ཧྲཱིཿ ཕྲིན་ལས་མི༴ ཚེ་ཡི་རྟེན་འབྲེལ་གྱི་རྫས་དཱུརྦ་ཐོགས་ཏེ། དཱུརྦས་ཚེ་ནི་འཕེལ་བར་བྱེད་པ་སྟེཿ རྡོ་རྗེ་སེམས་དཔའི་ཚེ་ནི་རབ་སྒྲུབ་ཅིངཿ ཉོན་མོངས་སྐྱེ་ཤི་རྒྱུན་ཆད་གྱུར་པ་ཡིཿ བཀྲ་ཤིས་དེས་ཀྱང་ཚེ་ཡང་འཕེལ་གྱུར་ཅིག༔ རྩ་སྔགས་དང་། མངྒ་ལཾ་ཨ་བྷི་ཥིཉྩ་ཧཱུྃཿ མཐར་རྒྱས་གདབ་ནི། དེ་ནས་བདག་ཉིད་ཚེ་དཔག་མེད་པར་གསལ་བའི་ཕྱག་ན་ལས་ཀྱི་རྡོ་རྗེ་རྒྱ་གྲམ་བསྣམས་པ་ཁྱེད་རང་རྣམས་ཀྱི་གནས་ལྔར་བཞག་ཅིང་བྱིན་གྱིས་བརླབས་པ་ལ་བརྟེན་ནས་ལུས་ལ་ཡེ་ཤེས་ཀྱི་རྡོ་རྗེའི་གོ་ཁྲབ་བཞུ་ལུགས་སུ་གྱུར་ནས་ཕྱི་ནང་གསང་བའི་བར་ཆད་གང་གིས་ཀྱང་མི་ཚུགས་པར་ཚེ་སྲོག་རྡོ་རྗེའི་བྲག་ལྟར་བརྟན་པའི་མོས་པ་མཛོད། ཨོཾ། དང་པོ་ཆོས་ཀྱི་དབྱིངས་ཀྱི་རྒྱཿ གཉིས་པ་ཐབས་དང་ཤེས་རབ་རྒྱ༔ གསུམ་པ་སྐུ་གསུང་ཐུགས་ཀྱི་རྒྱ༔ བཞི་པ་ཡེ་ཤེས་བཞི་ཡི་རྒྱཿ ལྔ་བ་རྒྱལ་བ་རིགས་ལྔའི་རྒྱཿ དྲུག་པ་བཅོམ་ལྡན་ཐུབ་དྲུག་རྒྱ༔ བདུན་པ་སངས་རྒྱས་རབས་བདུན་རྒྱ༔ ཕྱག་རྒྱ་བདུན་གྱི་རྒྱས་གདབ་བོཿ བཛྲ་རཀྵ་རཀྵ༔ མཐའ་རྟེན་དུ་བཀྲ་ཤིས་པའི་རྟགས་བརྒྱད་དང་། རྫས་བརྒྱད། རྒྱལ་སྲིད་རིན་པོ་ཆེ་སྣ་བདུན་གྱིས་མངའ་གསོལ། ཤིས་པ་བརྗོད། དམ་ཚིག་ཁས་བླངས་སོགས་སྤྱི་ལྟར་བྱའོ། །ཚེ་དང་ཡེ་ཤེས་དཔག་མེད་པའི། །སྒྲུབ་ཐབས་རྒྱ་མཚོའི་སྙིང་པོའི་བུལ། །ཡང་གསང་བླ་མེད་བདུད་རྩི་འདིས། །དབང་བཅུའི་བཅུད་ལེན་འགྲུབ་གྱུར་ཅིག །ཚེ་སྒྲུབ་ཡང་གསང་བླ་མེད་ཀྱི་དོན་དབང་གི་མཚམས་སྦྱོར་སྙིང་པོར་དྲིལ་བའི་ལེའུ་ཚན་ནོ། །སརྦ་མངྒ་ལཾ།།

[edit]

klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang / @#/_/klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang zhes bya ba bzhugs so/___/_!_na mo gu ru badz+ra A yu She/__mtsho skyes tshe dpag med mgon dang /__/rnam 'dren bla ma dbyer med pa'i/__/zhabs kyi pad mor gus btud nas/__/'chi med grub pa'i dbang bskur bri/__/de la sbyor ba yo byad kyi gshom dang bsgrub cing mchod pa sngon du 'gro bas/__slob ma rnams khrus byas/__bgegs phral/__srung 'khor bsgom/__mtshams sbyor rgyas bsdus ci rigs pa dang /__lo rgyus kyi khyad par/__da lam 'dir skabs su babs pa ni/__rab 'byams las kyi lha rigs lnga'i nang tshan pad+ma'i rigs mchog mgon po tshe dang ye shes dpag tu med pa'i dkyil 'khor du dbang bskur ba yin te/__de yang dus gsum sangs rgyas thams cad kyi rang gzugs o rgyan mtsho skyes rdo rjes rgya gar brag phug mA ra ti kar lha lcam man+dA ra ba phyag rgya ru bsten nas pho nya'i lam gyis 'chi ba med pa rdo rje'i sku brnyes pa'i tshe na dbang gi lha mo tsaN+Da lIs tshe dpag med kyi rgyud dang sgrub thabs mtha' yas pa phul ba la brten nas sgrub thabs kyang mang du mdzad/__de nas 'jam dpal dbyangs dngos lha btsan po khri srong lde'u btsan gyis dad pas spyan drangs shing zhabs pad kyi shing rta'i kha lo gangs can du bsgyur ba la brten nas dpal bsam yas mi 'gyur lhun gyis grub pa'i gtsug lag khang bzhengs/__sangs rgyas kyi bstan pa nyi ma shar ba ltar mdzad nas mthar rnga yab pad+ma 'od du gshegs pa la nye ba na rje 'bangs grogs lngas zhus te 'khor bcas g.ya' ma lung du gshegs nas tshe dpag med kyi dkyil 'khor 'di nyid zhal phyes/__zhag bdun phrag tu bsgrubs par mdzad de dbang bskur ba'i tshe/__ye shes mtsho rgyal dngos su 'ja' skur smin cing gzhan kun kyang sum brgya re thub par lung bstan nas/__tshe sgrub yang gsang bla med 'di nyid da lan ma gtogs rlung phyogs tsam yang bsgrags pa med/__'di ni khog pa'i nang gi snying lta bu/__dpral ba'i dkyil gyi mig lta bu/__da lta spel ba'i gnas med/__dus snyigs ma'i don du lang gro lo tsA bas gter du sbos nas rgya rim pa bdun gyis gda' bar gyis shig__/ces bka' stsal ba ltar bod chen po'i ljongs kyi thig le grub pa'i gnas mchog sna brag dkar rdo rje'i yongs rdzongs su zab gter du sbas par mdzad pa las/__phyis gter chen chos kyi rgyal po rig 'dzin klong gsal snying po'am/__pad+ma mdo sngags gling pa zhes mtshan nyi zla ltar yongs su grags pa de nyid kyis bar chad med par spyan drangs ba'i tshe sgrub yang gsang bla med kyi dkyil 'khor du 'chi med tshe yi dbang bskur zab mo sgrub par bgyi ba la/__bdag nyid kyis bgyi bar 'os pa thams cad sngon du legs par grub zin nas/__da khyed rang rnams kyi ngo skal du gyur pa la maN+Dal 'bul zhing gsol ba 'debs pa sogs sngon du 'gro dgos pas/__thog mar bla ma dang 'chi med tshe dpag med mgon tha mi dad pa'i spyan sngar dbang bskur zab mo zhu ba'i yon du dmigs te maN+Dal zhig 'bul mdzod/__maN+Dal phul nas gsol ba gdab pa ni/__lung las/__gang zhig sangs rgyas yid byed pa/__/de yi mdun na thub pa bzhugs/__/zhes gsungs pa ltar gnas khang 'di yang tha mal gyi gnas khang 'di lta bu ma yin par 'chi med pad+mo bkod pa'i grong khyer dang /__slob dpon kyang mgon po tshe dpag med dngos yin snyam pa'i mos gus gdung shugs drag po dang ldan pas 'di'i rjes zlos lan gsum mdzod/__e ma:__kun mkhyen mgon po bdag la dgongs:__bdag ni mgon po'i rjes 'jug gis:__'chi med tshe yi dkyil 'khor duH__skye 'chi med pa'i dbang bskur stsol:__de ltar gsol ba btab pa'i bu la bla ma tshe dpag med kyi mkhyen brtse'i sgo phye nas bka' yi gnang ba sbyin pa ni/__legs 'ong bu khyod skal ba bzang :__rdo rje tshe yi dbang sbyin gyiH__dad dang dam tshig tshul bzhin gyis:__dbang don sgrub pa'i tshul srung zhig:__ces gnang ba sbyin/__spro na skyabs sems sdom bzung bya/__de nas dbang don gyi gtso bo ye shes dbab pa yin pas dmigs pa 'di bzhin du mdzod/__oM ma hA shUn+yA tA sogs/__oM swa b+hA wa sogs/__'khor 'das gnyis snang gis bsdus pa'i chos thams cad mi dmigs pa stong pa nyid du gyur/__stong pa'i ngang las rdo rje 'dzin pas dbang skur gyi lhar bskyed pa'i thugs ka nas 'od zer 'phros/__mdun bskyed lha yi thugs kar phog__/de'i thugs ka nas 'od zer dpag tu med pa 'phros/__khyed rang rnams la phog pas phung po khams dang skye mched kyis mtshon pa'i ma dag pa'i snang ba thams cad mi dmigs pa stong pa nyid du sbyangs/__stong pa'i ngang las pad+ma dang nyi zla'i steng du sems nyid rnam par mi rtog pa'i ye shes kyi ngo bo yi ge hrIHdmar po ring cha tsheg drag dang bcas pa/__de las 'od zer 'phros/__'phags pa mchod/__sems can gyi don byas tshur 'dus yongs su gyur pa las khyed rang rnams skad cig gis rgyal mchog tshe dang ye shes dpag tu med pa yab yum rgyan cha lugs ma 'dres pa chu zla 'ja' tshon lta bur gsal ba'i gnas gsum du oM AHhU~M gis mtshan pa las 'od zer gyi tshogs dpag tu med pa 'phros pas nub phyogs bde chen pad+mo bkod pa sogs rdul gcig gi steng na rdul snyed kyi zhing du bzhugs pa'i rgyal ba sras dang bcas pa'i tshogs thams cad bcom ldan 'das tshe dpag tu med pa'i sku phyag rgya/__gsung yig 'bru/__thugs phyag mtshan gyi rnam par spyan drangs te sib sib thim pas rgyud byin gyis brlabs pa'i thugs mos mdzod/__hrIH__'og min bde chen dbang gi pho brang nasaH__sogs kyi mthar/__badz+ra sa ma ya dza dzaH__dzaHhU~M ba~M hoH__badz+ra A be sha ya a AH__de ltar byin dbab pa'i lha tshogs thams cad khyed rang rnams kyi sgo gsum rdo rje gsum dang dbyer med ro gcig tu brtan par gyur cig__/oM ye d+harmA sogs brjod cing me tog 'thor/__de ltar ye shes dbab cing brtan par bya ba sngon du song nas/__tshe 'gugs shing bcud bsdu ba'i slad du/__bdag dang mdun bskyed lha'i thugs ka nas 'od zer lcags kyu'i dbyibs can grangs med pa 'phros pas/__stong khams khyab par gyur nas phyi 'byung ba sa chu me rlung nam mkha' la sogs pa snod kyi 'jig rten gyi khams 'byung ba kun gyi dwangs ma thams cad dang /__nang khams gsum gyi skye 'gro mchog dman bar ma so so'i stobs rtsal nus pa ji snyed pa dang /__gsang ba phyogs bcu dus gsum gyi bde bar gshegs pa sras 'khor sprul pa dang bcas pa'i mkhyen brtse nus gsum gyi yon tan sogs mdor na 'khor 'das lam gsum gyis bsdus pa'i tshe bsod dpal 'byor ye shes thams cad 'od dang 'od zer gyi sne la nr-i yig gi rnam par bsdus te khyed rang rnams la sib sib thim pas 'chi med tshe yi dngos sgrub thob pa'i thugs mos mdzod/__tshe 'gugs gzhung ltar btang /__de nas dngos gzhi dbang bskur ba'i slad du mdun bskyed kyi dkyil 'khor slob dpon dbang rdzas dang bcas pa bcom ldan 'das mgon po tshe dang ye shes dpag tu med pa'i lha tshogs su gsal bas sku gsung thugs yon tan phrin las kyi dbang rnams rim pa bzhin du stsol byung snyam pa'i mos pa dung dung mdzod cig__/ces brda sbyar nas/_bum pa spyi bor gzhag la/__hrIH__rgyal ba'i sku las thugs rje'i ye shes rgyunaH__skal ldan bu yi lus la dbang bskur bsaH__'chi med tshe yi dbang mchog thob nas kyang :__skye 'chi med pa'i go 'phang myur thob shogaH__rtsa sngags dang /__kA la a b+hi Shiny+tsa A+oM:__sku mi zad pa rgyan gyi 'khor lo'i dbang dam pa thob par gyur cig__/b+han+d+ha mgrin par bzhag la/__hrIH__rgyal ba'i gsung las thugs rje'i ye shes rgyun:__skal ldan bu yi ngag la dbang bskur bsaH__'chi med tshe:__skye 'chi med=__wA ka a b+hi Shiny+tsa AH__gsung mi zad pa=__gtor ma snying gar bzhag la/__hrIH__rgyal ba'i thugs las=__skal ldan bu yi yid la=__'chi med=__skye 'chi=__tsit+ta a b+hi Shiny+tsa hU~M:__thugs mi zad pa=__tshe ril sbyin la/__hrIH__rgyal ba'i yon tan mdzad pa rgya che ba'iH__bcud ldan myang tshad rnam grol tshe yi rdzasaH__zag med myang ba don ldan 'chi med kyiH__rdzas mchog dam pa tshe yi dbang thob shogaH__rtsa sngags dang /__gu Na a b+hi Shiny+tsa trA~MH__yon tan mi zad pa=__tshe chang lag g.yon du sbyin la/__hrIH__rgyal ba'i phrin las mthu stobs rlabs che ba'iH__bcud ldan 'chi med dam pa bdud rtsi'i changaH__rA sa ya na bcud ldan 'chi med kyiH__rnam par grol ba'i 'chi med bdud rtsi sbyin:__rtsa sngags dang /__sarba karma a b+hi Shiny+tsa hrIH__phrin las mi=__tshe yi rten 'brel gyi rdzas dUrba thogs te/__dUrbas tshe ni 'phel bar byed pa steH__rdo rje sems dpa'i tshe ni rab sgrub cingaH__nyon mongs skye shi rgyun chad gyur pa yiH__bkra shis des kyang tshe yang 'phel gyur cig:__rtsa sngags dang /__mang+ga laM a b+hi Shiny+tsa hU~MH__mthar rgyas gdab ni/__de nas bdag nyid tshe dpag med par gsal ba'i phyag na las kyi rdo rje rgya gram bsnams pa khyed rang rnams kyi gnas lngar bzhag cing byin gyis brlabs pa la brten nas lus la ye shes kyi rdo rje'i go khrab bzhu lugs su gyur nas phyi nang gsang ba'i bar chad gang gis kyang mi tshugs par tshe srog rdo rje'i brag ltar brtan pa'i mos pa mdzod/__oM/__dang po chos kyi dbyings kyi rgyaH__gnyis pa thabs dang shes rab rgya:__gsum pa sku gsung thugs kyi rgya:__bzhi pa ye shes bzhi yi rgyaH__lnga ba rgyal ba rigs lnga'i rgyaH__drug pa bcom ldan thub drug rgya:__bdun pa sangs rgyas rabs bdun rgya:__phyag rgya bdun gyi rgyas gdab boH__badz+ra rak+Sha rak+Sha:__mtha' rten du bkra shis pa'i rtags brgyad dang /__rdzas brgyad/__rgyal srid rin po che sna bdun gyis mnga' gsol/__shis pa brjod/__dam tshig khas blangs sogs spyi ltar bya'o/__/tshe dang ye shes dpag med pa'i/__/sgrub thabs rgya mtsho'i snying po'i bul/__/yang gsang bla med bdud rtsi 'dis/__/dbang bcu'i bcud len 'grub gyur cig__/tshe sgrub yang gsang bla med kyi don dbang gi mtshams sbyor snying por dril ba'i le'u tshan no/__/sarba mang+ga laM//_