ཀློང་གསལ་གཏེར་བྱོན་ཐུགས་རྗེ་ཆེན་པོ་ཡང་གསང་བླ་མེད་ཀྱི་དབང་བཞིའི་མཚམས་སྦྱོར་སྙིང་པོར་དྲིལ་བ་ཡེ་ཤེས་དཔལ་སྟེར།

🚧 This website is under continued development. We appreciate your patience!

Previous Text Back to Volume PageNext Text

Wylie title	klong gsal gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster
Location	mkhyen brtse'i bka' 'bum Volume 13, sde tshan 23, Text 21, Pages 572-578 (Folios 55b5 to 58b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ཀློང་གསལ་སྙིང་པོ་ (klong gsal snying po)
Citation	'jam dbyangs mkhyen brtse'i dbang po. klong gsal gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster. In 'jam dbyangs mkhyen brtse'i dbang po'i bka' 'bum, Vol. 13: 572-578. Khams sde dge rdzong sar dgon: Rdzong sar blo gros phun tshogs, 2020.
Genre	Empowerment Ritual - dbang chog - dbang skur  ·  Notes - zin bris
Cycle	ཐུགས་རྗེ་ཆེན་པོ་ཡང་གསང་བླ་མེད་ (thugs rje chen po yang gsang bla med)
Deity	thugs rje chen po
RTZ	In the Rinchen Terdzö: https://rtz.tsadra.org/index.php/Terdzo-YA-032
Colophon	།ཅེས་པའང་གཏེར་གཞུང་རྡོ་རྗེའི་ཚིག་དང་། རྗེ་བཙུན་བླ་མ་དམ་པ་རྣམས་ཀྱིས་མཛད་པའི་མཚམས་སྦྱོར་ལས་འཇུག་བདེ་སྙིང་པོར་དྲིལ་བའི་ལེའུ་ཚན་ནོ།།
	ces pa'ang gter gzhung rdo rje'i tshig dang /__rje btsun bla ma dam pa rnams kyis mdzad pa'i mtshams sbyor las 'jug bde snying por dril ba'i le'u tshan no

1 Texts in this Section (sde tshan or chos tshan)

21 572-578	ཀློང་གསལ་གཏེར་བྱོན་ཐུགས་རྗེ་ཆེན་པོ་ཡང་གསང་བླ་མེད་ཀྱི་དབང་བཞིའི་མཚམས་སྦྱོར་སྙིང་པོར་དྲིལ་བ་ཡེ་ཤེས་དཔལ་སྟེར། klong gsal gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster Empowerment Ritual - dbang chog - dbang skur   ·   Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །རིག་འཛིན་ཀློང་གསལ་སྙིང་པོའི་གཏེར་བྱོན་ཐུགས་རྗེ་ཆེན་པོ་ཡང་གསང་བླ་མེད་ཀྱི་དབང་བཞིའི་མཚམས་སྦྱོར་སྙིང་པོར་དྲིལ་བ་ཡེ་ཤེས་དཔལ་སྟེར་ཞེས་བྱ་བ་བཞུགས་སོ། །བླ་མ་སྤྱན་རས་གཟིགས་དབང་ལ། །གུས་པ་ཆེན་པོས་ཕྱག་བགྱིས་ཏེ། །ཡང་གསང་བླ་ན་མེད་པ་ཡི། །སྨིན་བྱེད་ཆོ་ག་ཁྲིགས་སུ་བསྡེབ། དེ་ལ་འདི་ཉིད་ཀྱི་དཀྱིལ་འཁོར་དུ་དབང་སྐུར་བ་ཐོབ་ཅིང་དམ་ཚིག་དང་སྡོམ་པ་ལ་གནས་པའི་སློབ་དཔོན་གྱིས་སློབ་མ་རྗེས་སུ་འཛིན་པར་འདོད་ན། སྦྱོར་བ་ཡོ་བྱད་ཀྱི་གཤོམ་དང་། དངོས་གཞི་སྒྲུབ་ཅིང་མཆོད་པ་སྔོན་དུ་སོང་ནས། སློབ་མ་རྣམས་ཁྲུས་བྱས་བྲལ་ལ་འཁོད། བགེགས་བསྐྲད་སྲུང་འཁོར་ལོ་རྒྱུས་ཇི་ལྟར་རིགས་པ་དང་མཚམས་སྦྱོར་གྱི་ཁྱད་པར། ད་ལམ་འདིར་སྐབས་སུ་བབ་བ་ནི། རང་གཏེར་ཁ་བྱང་ལས། འདི་ལ་དབང་བའི་རྣལ་འབྱོར་པ༔ ཐུགས་རྗེ་ཆེན་པོ་སྒྱུ་མའི་མདངསཿ རཏྣའི་མངོན་སྣང་ལྷོ་ནས་འབྱུངཿ ཨོ་རྒྱན་ཟབ་གཏེར་དོན་ཡོད་ཀྱིསཿ འགྲོ་རྣམས་བདེ་སྐྱིད་ཕུན་ཚོགས་སྟེརཿ ཞེས་སོགས་རྡོ་རྗེའི་ལུང་གིས་དཔང་པོར་བྱས་པ་བཞིན། འཕགས་མཆོག་ཕྱག་ན་པདྨོའི་ཡེ་ཤེས་སྒྱུ་འཕྲུལ་དྲྭ་བའི་རོལ་གར་གྲུབ་པའི་དབང་ཕྱུག་ཆེན་པོ་ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་སྤྲུལ་པའི་རྣམ་རོལ་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཀློང་གསལ་སྙིང་པོའམ་པདྨ་མདོ་སྔགས་གླིང་པ་ཞེས་མཚན་ཉི་ཟླ་ལྟར་ཡོངས་སུ་གྲགས་པ་དེ་ཉིད་ཀྱིས་ཤར་ཤིང་སྒོ་གངས་ཀྱི་ར་བའི་གསང་བ་བྲག་གི་ཐེམ་བར་ནས་བར་ཆད་མེད་པར་སྤྱན་དྲངས་པའི་འཕགས་མཆོག་ཐུགས་རྗེ་ཆེན་པོ་ཡང་གསང་བླ་མེད་ཀྱི་དཀྱིལ་འཁོར་དུ་དབང་བསྐུར་བ་ཟབ་མོ་འབུལ་བའི་སྐབས་སུ་བབ་པ་ཡིན། དེ་ལའང་སློབ་དཔོན་གྱི་བྱ་བ་དང་། སློབ་མའི་བྱ་བ་གཉིས་སུ་ཡོད་པ་ལས། ཐོག་མར་བདག་ཉིད་ཀྱིས་བགྱི་བར་འོས་བ་ཐམས་ཅད་སྔོན་དུ་ལེགས་པར་སྒྲུབ་ཟིན་པའི་དབང་དུ་བྱས་ནས་ད་ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལའང་སྦྱོར་དངོས་རྗེས་གསུམ་ལས། སྦྱོར་བའི་རིམ་པ་མཎྜལ་འབུལ་ཞིང་གསོལ་བ་འདེབས་པ་སོགས་སྔོན་དུ་འགྲོ་དགོས་བས། ཐོག་མར་བླ་མ་དང་འཕགས་པ་ཐུགས་རྗེ་ཆེན་པོ་ཐ་མི་དད་པའི་སྤྱན་སྔར་འཇུག་པའི་ཆོས་རྣམས་ཞུ་བའི་ཡོན་དུ་དམིགས་ཏེ་མཎྜལ་ཞིག་ཕུལ་མཛོད། ཅེས་བརྡ་སྦྱར་ལ་མཎྜལ་ཕུལ། དེ་ལྟར་མཎྜལ་ཕུལ་ནས་གསོལ་བ་གདབ་པ་འདི་ཡི་རྗེས་ཟློས་ལན་གསུམ་མཛོད། བདེ་ཆེན་གསང་ཡེ་རྣམ་རོལ་པའིཿ སློབ་དཔོན་མཆོག་ཉིད་དགོངས་སུ་གསོལཿ ཡང་གསང་བླ་མེད་དཀྱིལ་འཁོར་དུ༔ འཇུག་པའི་ལམ་བཟང་བསྟན་དུ་གསོལཿ སློབ་དཔོན་གྱིས། ཧོཿ དུས་གསུམ་དྲི་མ་ཅི་མཆིས་པཿ འཕྲད་ཆོག་རང་གྲོལ་མཉམ་པ་ཉིད༔ མངོན་དུ་གྱུར་པ་ཟབ་མོའི་ལམཿ ཡང་གསང་བླ་མེད་དལ་དུ་འཇུགཿ ཅེས་གནང་བ་བྱིན་ནས། རྒྱུད་དག་པར་བྱ་བའི་སླད་དུ་སྐྱབས་སུ་འགྲོ་བ་དང་སེམས་བསྐྱེད་པ་འདི་ཡི་རྗེས་ཟློས་ལན་གསུམ་མཛོད། ན་མོཿ མར་གྱུར་འགྲོ་བ་མ་ལུས་ཀུན༔ ཐུགས་རྗེ་ཆེན་པོར་སྐྱབས་སུ་མཆིཿ འགྲོ་ཀུན་སྡུག་བསྔལ་ལས་སྒྲོལ་ཕྱིརཿ ཐུགས་རྗེ་ཆེན་པོ་བསྒོམ་པར་བྱཿ སྐབས་འདིར་སྤྲོ་ན་སྡོམ་གཟུང་གཞུང་ལྟར་དང་། མིག་དར་མེ་ཏོག་སྦྱིན། དབང་གི་གཞི་རྟེན་ཡེ་ཤེས་དབབ་པའི་སླད་དུ་དམིགས་པ་འདི་བཞིན་དུ་མཛོད༔ ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བ་མ་ལས་ཉི་ཟླའི་དཀྱིལ་འཁོར་གྱི་སྟེང་དུ་ཁྱེད་རང་རྣམས་ཀྱི་སེམས་ཉིད་རྣམ་པར་མི་རྟོག་པའི་ཡེ་ཤེས་ཀྱི་ངོ་བོ་ཡི་གེ་ཧྲཱིཿདམར་པོ་རིང་ཆ་ཚེག་དྲག་དང་བཅས་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ནས་ཚུར་འདུས་ཡོངས་སུ་གྱུར་པ་ལས་འཕགས་མཆོག་ཐུགས་རྗེ་ཆེན་པོ་ཡང་གསང་བླ་མེད་སྐུ་མདོག་དམར་པོ་པདྨ་རཱ་གའི་ལྷུན་པོ་ལ་ཉི་མ་འབུམ་གྱི་འོད་ཟེར་བརྡལ་བ་ལྟ་བུ་ཞི་འཛུམ་མཛེས་པའི་མཚན་དཔེ་ཡོངས་སུ་རྫོགས་པ་ཕྱག་གཡས་པདྨའི་ཕྲེང་བ་ཐུགས་ཀར་འདྲེན་ཅིང་༔ གཡོན་མཉམ་བཞག་གི་སྟེང་ན་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་བསྣམས་པ༔ ཡུམ་གསང་བ་ཡེ་ཤེས་མ་དང་མཉམ་པར་སྦྱོར་བ་སྣང་སྟོང་ཟུང་འཇུག་ཆུ་ཟླ་ལྟ་བུའི་སྐུ་ལ་ཞི་བའི་རྒྱན་ཆས་ཐམས་ཅད་ཡོངས་སུ་རྫོགས་པ་ཕ་ལམ་གྱིས་གསལ་བའི་གནས་གསུམ་ཡིག་འབྲུ་གསུམ་གྱིས་མཚན་པ་ལས་འོད་ཟེར་གྱི་ཚོགས་དཔག་ཏུ་མེད་པ་འཕྲོས་པས་རང་བཞིན་གྱི་གནས་དང་། ལྷོ་ཕྱོགས་རི་བོ་གྲུ་འཛིན་གྱི་ཞིང་ཁམས་ནས་ཡེ་ཤེས་པ་ཁ་ཆར་བུ་ཡུག་འཚུབ་པ་ལྟ་བུར་བྱོན་ནས་ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཧྲཱི༔ རྒྱལ་བ་རྣམས་ཀྱི་རང་བཞིན་སྤྱན་རས་གཟིགས༔ བདེ་གཤེགས་ཀུན་གྱི་ལས་བྱེད་ཐུགས་རྗེ་ཆེ༔ སྣང་མཐའ་ཚད་མེད་ཐུགས་རྗེའི་སྐུར་བཞེངས་པ༔ འཕགས་མཆོག་འགྲོ་བའི་དོན་དུ་གཤེགས་སུ་གསོལ༔ རྩ་སྔགས་མཐར། བཛྲ་ས་མ་ཡ་ཛ་ཛ༔ ཛཿཧཱུྃ་བྃ་ཧོཿ ཞེས་པས་སྤྱན་དྲང་། ཡེ་ཤེས་དབབ་པ་དེ་ཉིད་བརྟན་པར་གྱུར་ཅིག་ཏིཥྛ་བཛྲ་ཞེས་བརྟན་པར་བྱ། མིག་དར་བསལ་ཞིང་མེ་ཏོག་འབུལ་བ་དང་དཀྱིལ་འཁོར་བསྟན་པ་བཅས་སྔོན་དུ་འགྲོ་བས། དེ་ལྟར་ཡེ་ཤེས་དབབ་ཅིང་བརྟན་པར་བྱ་བ་སྔོན་དུ་སོང་ནས་དངོས་གཞིའི་དབང་གི་སླད་དུ་མཎྜལ་ཞིག་ཕུལ་མཛོད༔ མཎྜལ་ཕུལ་ནས་གསོལ་བ་གདབ་པ་འདིའི་རྗེས་ཟློས་མཛོད༔ བདེ་ཆེན་གསང་ཡེ་རྣམ་རོལ་པའི༔ བཀའ་དྲིན་མཉམ་མེད་སློབ་དཔོན་དགོངས༔ བདག་ལ་ཡང་གསང་བླ་མེད་ཀྱི༔ དངོས་གཞིའི་དབང་མཆོག་སྩལ་དུ་གསོལ༔ ཞེས་གསོལ་བ་བཏབ་པ་ལ་བརྟེན་ནས། མདུན་གྱི་དཀྱིལ་འཁོར་སློབ་དཔོན་དབང་རྫས་དང་བཅས་པ་འཕགས་མཆོག་ཐུགས་རྗེ་ཆེན་པོར་གསལ་བས་དབང་བཞི་རིམ་པ་བཞིན་དུ་སྩལ་བྱུང་སྙམ་པའི་མོས་པ་དུང་དུང་མཛོད་ཅིག །ཅེས་བརྡ་སྦྱར་ལ། ཐོག་མར་བུམ་དབང་ནི། རྣམ་བུམ་བཏེགས་ལ། ཧྲཱིཿ ཆོས་དབྱིངས་ཡེ་ཤེས་དབྱེར་མེད་པའི༔ ཡེ་ཤེས་བཅུད་ཀྱི་བདུད་རྩི་འདིས༔ སྐལ་ལྡན་ལུས་ལ་དབང་བསྐུར་བས༔ ཕུང་པོ་སྤྲུལ་སྐུར་རང་གྲོལ་ཤོག༔ རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨཱོཾ༔ གསང་དབང་བྷནྡྷའི་བདུད་རྩི་ཐོགས་ལ། ཧྲཱིཿ གསང་བ་ཡེ་ཤེས་མཁའ་དང་ཀློང་༔ རང་བྱུང་ཡེ་ཤེས་པདྨའི་སྣོད༔ ཆོས་ཀྱི་འབྱུང་གནས་ལེགས་འོང་པའོ༔ གསང་དབང་ལོངས་སྐུར་རང་གྲོལ་ཤོག༔ རྩ་སྔགས་དང་། ཝཱ་ཀ་ཨ་བྷི་ཥིཉྩ་ཨཱཿ སྤྲོ་ན་རྗེས་འབྲེལ་དུ་བཟླས་ལུང་སྦྱིན་ཤེར་དབང་རིག་ཙཀ་ཐོགས་ལ། ཧྲཱིཿ ཤེས་རབ་དགའ་བའི་ཡེ་ཤེས་བཅུད༔ རེག་ཚད་རྣམ་པར་གྲོལ་བའི་བཅུད༔ བདེ་བ་ཆེན་པོ་ཟག་མེད་ཀྱིས༔ རང་གྲོལ་ཆོས་སྐུའི་དབང་ཐོབ་ཤོག༔ རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ༔ དབང་བཞི་པའི་སླད་དུ་ཤེལ་དང་མེ་ལོང་ཐོགས་ལ། ཧྲཱིཿ སེམས་ཉིད་སྐྱེ་བ་མེད་པ་ལ༔ མ་འགག་རང་གྲོལ་ཡེངས་མེད་ཀྱི༔ རྩོལ་བྲལ་བློ་འདས་ཀ་དག་གི༔ རང་གྲོལ་བདེ་བ་ཆེན་པོར་སྤྱོད༔ ལུས་གནད་སེང་གེ་གླང་ཆེན་དྲང་སྲོང་ལ༔ ངག་གི་ངག་གནད་རླུང་སེམས་དལ་བར་བསླབ༔ ཡིད་གནད་གཞི་འཛིན་རིག་པ་ལུ་གུ་རྒྱུད༔ དོན་གྱི་དབྱིངས་ལས་འདའ་བར་མི་བགྱིད་དོ༔ རྩ་སྔགས། ཨ་ཨ་ཕཊ་ཨ་བྷི་ཥིཉྩ་ཧཱུྃ༔ མཐའ་རྟེན་གཏོར་མ་ཐོགས་ལ། ཧྲཱིཿ འཕགས་མཆོག་ཐུགས་རྗེ་ཆེན་པོ་སྒྲུབ་པའི་རྟེན༔ དམ་རྫས་བ་ལིཾ་གཏོར་མས་དབང་བསྐུར་བས༔ སྐུ་གསུང་ཐུགས་དང་ཡོན་ཏན་རབ་རྫོགས་ནས༔ ཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག༔ རྩ་སྔགས་དང་། ཤཱནྟིཾ་པུཥྟིཾ་ཝཱ་ཤཾ་མཱ་ར་ཡ་ཨ་བྷི་ཥིཉྩ་ཧཱུྃ༔ སྤྲོ་ན་དབང་བཞི་སོ་སོའི་དམིགས་པའི་ཁྱད་པར་དང་། དག་པ་བརྗོད་པ་སྤྱི་ལྟར་བྱ་ཞིང་བཀྲ་ཤིས་རྫས་རྟགས་རྒྱལ་སྲིད་སྣ་བདུན་གྱིས་མངའ་གསོལ། ཤིས་བརྗོད་མེ་ཏོག་འཐོར། དམ་ཚིག་བསྡུས་ཏེ་ཁས་བླངས་བ། གཏང་རག་གི་མཎྜལ། ལུས་ལོངས་སྤྱོད་དབུལ་བ། དགེ་བསྔོ་རྣམས་སྤྱི་ལྟར་བྱའོ། །དྲན་པས་གདུང་སེལ་འཕགས་པ་མཆོག །ཕྱག་ན་པདྨོའི་དཀྱིལ་འཁོར་དུ། །བྱིན་རླབས་དབང་གི་རིམ་པ་འདིས། །འགྲོ་ཀུན་བྱང་ཆུབ་མྱུར་ཐོབ་ཤོག །ཅེས་པའང་གཏེར་གཞུང་རྡོ་རྗེའི་ཚིག་དང་། རྗེ་བཙུན་བླ་མ་དམ་པ་རྣམས་ཀྱིས་མཛད་པའི་མཚམས་སྦྱོར་ལས་འཇུག་བདེ་སྙིང་པོར་དྲིལ་བའི་ལེའུ་ཚན་ནོ།། །། ༈

[edit]

klong gsal gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster/_ @#/_/rig 'dzin klong gsal snying po'i gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster zhes bya ba bzhugs so/__/bla ma spyan ras gzigs dbang la/__/gus pa chen pos phyag bgyis te/__/yang gsang bla na med pa yi/__/smin byed cho ga khrigs su bsdeb/__de la 'di nyid kyi dkyil 'khor du dbang skur ba thob cing dam tshig dang sdom pa la gnas pa'i slob dpon gyis slob ma rjes su 'dzin par 'dod na/__sbyor ba yo byad kyi gshom dang /__dngos gzhi sgrub cing mchod pa sngon du song nas/__slob ma rnams khrus byas bral la 'khod/__bgegs bskrad srung 'khor lo rgyus ji ltar rigs pa dang mtshams sbyor gyi khyad par/__da lam 'dir skabs su bab ba ni/__rang gter kha byang las/__'di la dbang ba'i rnal 'byor pa:__thugs rje chen po sgyu ma'i mdangasaH__rat+na'i mngon snang lho nas 'byungaH__o rgyan zab gter don yod kyisaH__'gro rnams bde skyid phun tshogs steraH__zhes sogs rdo rje'i lung gis dpang por byas pa bzhin/__'phags mchog phyag na pad+mo'i ye shes sgyu 'phrul drwa ba'i rol gar grub pa'i dbang phyug chen po lang gro lo tsA ba dkon mchog 'byung gnas kyi sprul pa'i rnam rol gter chen chos kyi rgyal po rig 'dzin klong gsal snying po'am pad+ma mdo sngags gling pa zhes mtshan nyi zla ltar yongs su grags pa de nyid kyis shar shing sgo gangs kyi ra ba'i gsang ba brag gi them bar nas bar chad med par spyan drangs pa'i 'phags mchog thugs rje chen po yang gsang bla med kyi dkyil 'khor du dbang bskur ba zab mo 'bul ba'i skabs su bab pa yin/__de la'ang slob dpon gyi bya ba dang /__slob ma'i bya ba gnyis su yod pa las/__thog mar bdag nyid kyis bgyi bar 'os ba thams cad sngon du legs par sgrub zin pa'i dbang du byas nas da khyed rang rnams kyi ngo skal du gyur pa la'ang sbyor dngos rjes gsum las/__sbyor ba'i rim pa maN+Dal 'bul zhing gsol ba 'debs pa sogs sngon du 'gro dgos bas/__thog mar bla ma dang 'phags pa thugs rje chen po tha mi dad pa'i spyan sngar 'jug pa'i chos rnams zhu ba'i yon du dmigs te maN+Dal zhig phul mdzod/__ces brda sbyar la maN+Dal phul/__de ltar maN+Dal phul nas gsol ba gdab pa 'di yi rjes zlos lan gsum mdzod/__bde chen gsang ye rnam rol pa'iH__slob dpon mchog nyid dgongs su gsolaH__yang gsang bla med dkyil 'khor du:__'jug pa'i lam bzang bstan du gsolaH__slob dpon gyis/__hoH__dus gsum dri ma ci mchis paH__'phrad chog rang grol mnyam pa nyid:__mngon du gyur pa zab mo'i lamaH__yang gsang bla med dal du 'jugaH__ces gnang ba byin nas/__rgyud dag par bya ba'i slad du skyabs su 'gro ba dang sems bskyed pa 'di yi rjes zlos lan gsum mdzod/__na moH__mar gyur 'gro ba ma lus kun:__thugs rje chen por skyabs su mchiH__'gro kun sdug bsngal las sgrol phyiraH__thugs rje chen po bsgom par byaH__skabs 'dir spro na sdom gzung gzhung ltar dang /__mig dar me tog sbyin/__dbang gi gzhi rten ye shes dbab pa'i slad du dmigs pa 'di bzhin du mdzod:__oM ma hA shU n+ya tA sogs/__stong pa'i ngang las paM las pad+ma dang a las zla ba ma las nyi zla'i dkyil 'khor gyi steng du khyed rang rnams kyi sems nyid rnam par mi rtog pa'i ye shes kyi ngo bo yi ge hrIHdmar po ring cha tsheg drag dang bcas pa/__de las 'od zer 'phros/__'phags pa mchod/__sems can gyi don byas nas tshur 'dus yongs su gyur pa las 'phags mchog thugs rje chen po yang gsang bla med sku mdog dmar po pad+ma rA ga'i lhun po la nyi ma 'bum gyi 'od zer brdal ba lta bu zhi 'dzum mdzes pa'i mtshan dpe yongs su rdzogs pa phyag g.yas pad+ma'i phreng ba thugs kar 'dren cing :__g.yon mnyam bzhag gi steng na rin po che'i bum pa ye shes kyi bdud rtsis gang ba bsnams pa:__yum gsang ba ye shes ma dang mnyam par sbyor ba snang stong zung 'jug chu zla lta bu'i sku la zhi ba'i rgyan chas thams cad yongs su rdzogs pa pha lam gyis gsal ba'i gnas gsum yig 'bru gsum gyis mtshan pa las 'od zer gyi tshogs dpag tu med pa 'phros pas rang bzhin gyi gnas dang /__lho phyogs ri bo gru 'dzin gyi zhing khams nas ye shes pa kha char bu yug 'tshub pa lta bur byon nas khyed rang rnams la sib sib thim pas rgyud byin gyis brlabs pa'i mos pa mdzod/__hrI:__rgyal ba rnams kyi rang bzhin spyan ras gzigs:__bde gshegs kun gyi las byed thugs rje che:__snang mtha' tshad med thugs rje'i skur bzhengs pa:__'phags mchog 'gro ba'i don du gshegs su gsol:__rtsa sngags mthar/__badz+ra sa ma ya dza dza:__dzaHhU~M ba~M hoH__zhes pas spyan drang /__ye shes dbab pa de nyid brtan par gyur cig tiSh+Tha badz+ra zhes brtan par bya/__mig dar bsal zhing me tog 'bul ba dang dkyil 'khor bstan pa bcas sngon du 'gro bas/__de ltar ye shes dbab cing brtan par bya ba sngon du song nas dngos gzhi'i dbang gi slad du maN+Dal zhig phul mdzod:__maN+Dal phul nas gsol ba gdab pa 'di'i rjes zlos mdzod:__bde chen gsang ye rnam rol pa'i:__bka' drin mnyam med slob dpon dgongs:__bdag la yang gsang bla med kyi:__dngos gzhi'i dbang mchog stsal du gsol:__zhes gsol ba btab pa la brten nas/__mdun gyi dkyil 'khor slob dpon dbang rdzas dang bcas pa 'phags mchog thugs rje chen por gsal bas dbang bzhi rim pa bzhin du stsal byung snyam pa'i mos pa dung dung mdzod cig__/ces brda sbyar la/__thog mar bum dbang ni/__rnam bum btegs la/__hrIH__chos dbyings ye shes dbyer med pa'i:__ye shes bcud kyi bdud rtsi 'dis:__skal ldan lus la dbang bskur bas:__phung po sprul skur rang grol shog:__rtsa sngags dang /__kA ya a b+hi Shiny+tsa A+oM:__gsang dbang b+han+d+ha'i bdud rtsi thogs la/__hrIH__gsang ba ye shes mkha' dang klong :__rang byung ye shes pad+ma'i snod:__chos kyi 'byung gnas legs 'ong pa'o:__gsang dbang longs skur rang grol shog:__rtsa sngags dang /__wA ka a b+hi Shiny+tsa AH__spro na rjes 'brel du bzlas lung sbyin sher dbang rig tsaka thogs la/__hrIH__shes rab dga' ba'i ye shes bcud:__reg tshad rnam par grol ba'i bcud:__bde ba chen po zag med kyis:__rang grol chos sku'i dbang thob shog:__rtsa sngags dang /__tsit+ta a b+hi Shiny+tsa hU~M:__dbang bzhi pa'i slad du shel dang me long thogs la/__hrIH__sems nyid skye ba med pa la:__ma 'gag rang grol yengs med kyi:__rtsol bral blo 'das ka dag gi:__rang grol bde ba chen por spyod:__lus gnad seng ge glang chen drang srong la:__ngag gi ngag gnad rlung sems dal bar bslab:__yid gnad gzhi 'dzin rig pa lu gu rgyud:__don gyi dbyings las 'da' bar mi bgyid do:__rtsa sngags/__a a phaT a b+hi Shiny+tsa hU~M:__mtha' rten gtor ma thogs la/__hrIH__'phags mchog thugs rje chen po sgrub pa'i rten:__dam rdzas ba liM gtor mas dbang bskur bas:__sku gsung thugs dang yon tan rab rdzogs nas:__phrin las rnam bzhi lhun gyis grub par shog:__rtsa sngags dang /__shAn+tiM puSh+tiM wA shaM mA ra ya a b+hi Shiny+tsa hU~M:__spro na dbang bzhi so so'i dmigs pa'i khyad par dang /__dag pa brjod pa spyi ltar bya zhing bkra shis rdzas rtags rgyal srid sna bdun gyis mnga' gsol/__shis brjod me tog 'thor/__dam tshig bsdus te khas blangs ba/__gtang rag gi maN+Dal/__lus longs spyod dbul ba/__dge bsngo rnams spyi ltar bya'o/__/dran pas gdung sel 'phags pa mchog__/phyag na pad+mo'i dkyil 'khor du/__/byin rlabs dbang gi rim pa 'dis/__/'gro kun byang chub myur thob shog__/ces pa'ang gter gzhung rdo rje'i tshig dang /__rje btsun bla ma dam pa rnams kyis mdzad pa'i mtshams sbyor las 'jug bde snying por dril ba'i le'u tshan no//___//_!_