JKW-KABUM-13-PA-023-010

From Khyentse Lineage - A Tsadra Foundation Project

ཐུགས་ཆེན་ཡང་སྙིང་འདུས་པའི་སྒྲུབ་ཐབས་དང་དབང་བསྐུར་མདོར་བསྡུས།
Wylie title thugs chen yang snying 'dus pa'i sgrub thabs dang dbang bskur mdor bsdus JKW-KABUM-13-PA-023.pdf
Location mkhyen brtse'i bka' 'bum
Volume 13, sde tshan 23, Text 10, Pages 509-516 (Folios 24a2 to 27b3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation 'jam dbyangs mkhyen brtse'i dbang po. thugs chen yang snying 'dus pa'i sgrub thabs dang dbang bskur mdor bsdus. In 'jam dbyangs mkhyen brtse'i dbang po'i bka' 'bum, Vol. 13: 509-516. Khams sde dge rdzong sar dgon: Rdzong sar blo gros phun tshogs, 2020.
Genre Sadhanas - Evocation Ritual - sgrub thabs  ·  Empowerment Ritual - dbang chog - dbang skur
Cycle ཐུགས་རྗེ་ཆེན་པོ་ཡང་སྙིང་འདུས་པ་ (thugs rje chen po yang snying 'dus pa)
Deity thugs rje chen po
Colophon

ཞེས་གཏེར་ཁ་འོག་མ་གུ་རུ་ཆོས་ཀྱི་དབང་ཕྱུག་གིས་ལྷོ་བྲག་མཁར་ཆུ་དཔལ་གྱི་ཕུག་རིང་ནས་སྤྱན་དྲངས་པའི་དམ་ཆོས་འདུས་པ་སྐོར་དགུའི་ནང་ཚན། ཐུགས་རྗེ་ཆེན་པོ་ཡང་སྙིང་འདུས་པའི་དོན་དབང་མདོར་བསྡུས་པ་ བླ་མའི་ཕྱག་བཞེས་ལྟར་ཁྲིགས་སུ་བསྡེབས་པའི་ལེའུ་ཚན་ནོ།།

zhes gter kha 'og ma gu ru chos kyi dbang phyug gis lho brag mkhar chu dpal gyi phug ring nas spyan drangs pa'i dam chos 'dus pa skor dgu'i nang tshan/__thugs rje chen po yang snying 'dus pa'i don dbang mdor bsdus pa _bla ma'i phyag bzhes ltar khrigs su bsdebs pa'i le'u tshan no

":Property:textsubnumber|textsubnumber" can not be assigned to a declared number type with value 1.

[edit]
༄༅། །ཐུགས་རྗེ་ཆེན་པོ་ཡང་སྙིང་འདུས་པའི་སྒྲུབ་ཐབས་དབང་བསྐུར་དང་བཅས་པ་མདོར་བསྡུས་པའི་རིམ་པ་བཞུགས་སོ། །ན་མོ་གུ་རུ་ལོ་ཀེ་ཤྭ་རཱ་ཡ། ཐུགས་རྗེ་ཆེན་པོ་ཡང་སྙིང་འདུས་པའི་དོན་དབང་མདོར་བསྡུས་པ་བསྐུར་བའི་ཚུལ་ལ་སྦྱོར་དངོས་རྗེས་གསུམ་ལས། དང་པོ་ནི། གནས་དབེན་པར་ཚོམ་བུའི་དབུས་སུ་བུམ་པ་བཅུད་ལྡན། གཡས་སུ་བདུད་རྩི། གཡོན་དུ་མར་མེ། མདུན་དུ་གཏོར་མ། གཞན་ཡང་མཆོད་པའི་བྱེ་བྲག་སོགས་མཐོང་བ་བརྒྱུད་པའི་ཕྱག་བཞེས་ལྟར་འདུ་བྱས་ནས། གཉིས་པ་དངོས་གཞི་ལ། བདག་མདུན་དབྱེར་མེད་ཀྱི་སྒྲུབ་ཅིང་མཆོད་པ་དང་། དབང་བསྐུར་བ་དངོས་སོ། །དང་པོ་ནི། སྐྱབས་སེམས་ཚད་མེད་ཡན་ལག་བདུན་པ་ཙམ་སྔོན་དུ་འགྲོ་བས་མཆོད་རྫས་རྣམས་སྤྱི་ལྟར་བྱིན་གྱིས་བརླབ། ཨཱཿ ཡེ་ནས་མ་སྐྱེས་སྟོང་གསལ་ངང༔ ཀུན་སྣང་བྱང་ཆུབ་སེམས་སྤྲིན་ལས༔ རང་བྱུང་རིག་པ་ཧྲཱིཿདཀར་གསལ༔ ཧྲཱིཿལས་བྷྲཱུྃ་འཕྲོས་གཞལ་ཡས་ཁང་༔ དལ་དབུས་པདྨའི་སྙིང་པོ་ཟླུམ༔ འདབ་དྲུག་མུ་ཁྱུད་པད་སྡོང་མཛེས༔ གྲུ་ཆད་བར་ཁྱམས་སྒོ་འཁྱུད་རྫོགས༔ མཉམ་ཡང་འོད་ཀྱི་ཁང་པར་གསལ༔ དེ་དབུས་རང་རིག་ཧྲཱིཿའོད་འབར༔ རྣམ་སྨིན་ལུས་བསྲེགས་ཧྲཱིཿདེ་ཉིདཿ ཉི་ཟླ་པད་སྟེང་ཐུགས་རྗེ་ཆེ༔ ཞལ་གཅིག་ཕྱག་གཉིས་སྐུ་མདོག་དམར༔ ཕྱག་གཡས་པད་ཕྲེང་ཐུགས་ཀར་འཛིན༔ ཕྱག་གཡོན་པད་སྟེང་བདུད་རྩི་བུམཿ རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ རང་འདྲའི་ཡུམ་མཆོག་གསང་ཡེ་མ༔ ལུས་དང་གྲིབ་མའི་ཚུལ་དུ་འཁྲིལ༔ འཇའ་རིས་འོད་ལྔའི་རྒྱབ་ཡོལ་མཛེས༔ སྤྱི་གཙུག་རིགས་བདག་འོད་བདག་མེད༔ ཐུགས་ཀར་རྟ་མགྲིན་ཡེ་ཤེས་སེམས༔ རིགས་འདུས་རང་ལས་སྤྲུལ་པའི་འཁོར༔ ནོར་འཛིན་སྲས་མཆོག་གཡས་ནས་འདུདཿ གསང་སྔགས་འཛིན་མ་གཡོན་ནས་འདུད༔ འདབ་དྲུག་བཅོམ་ལྡན་ཐུབ་དྲུག་དང་༔ ཕྱི་རིམ་སངས་རྒྱས་སྟོང་རྩ་གཉིས༔ སྒོ་བཞིར་ཁྲག་འཐུང་རིགས་བཞི་སོགས༔ བླ་མ་རིག་འཛིན་མཁའ་འགྲོའི་སྤྲིན༔ ༔ཐུགས་རྗེ་ཆེན་པོའི་དཀྱིལ་འཁོར་དུ༔ འགྲོ་བ་དྲང་ཞིང་བསྒྲལ་སླད་དུ༔ དུག་ལྔའི་ཚུལ་གྱིས་དུག་ལྔ་འཇོམས༔ སརྦ་ཛྙཱ་ན་མཎྜལ་ཧཱུྃ་བྷྲཱུྃ༔ ཞེས་པས་དམ་ཚིག་གི་དཀྱིལ་འཁོར་གསལ་གདབ་ལ། ཧྲཱིཿ ཡེ་ནས་རང་བྱུང་ཐུགས་རྗེ་ཆེ༔ དུས་གསུམ་རྒྱལ་བའི་སྐུ་གསུང་ཐུགས༔ ཡེ་ཤེས་ལྔ་བདག་ཅོད་པན་འཆང་༔ འབྲུ་བརྒྱད་གསལ་བསྒོམ་རང་དབང་ཐོབ༔ ཨོཾ་ཨཱཿཧཱུྃ་ཨོཾ་ཨཱཿཧཱུྃ་སྭཱ་ཧཱས་རྒྱས་གདབ་ཅིང་དབང་བསྐུར། ཧྲཱིཿ ཚུར་གཤེགས་ཚུར་གཤེགས་བཅོམ་ལྡན་འདས༔ བདེ་ཆེན་ཆོས་དབྱིངས་ངང་ཉིད་ལས༔ རྩོལ་བྲལ་མཚན་བཅས་མི་དམིགས་ཀྱང་༔ ཐུགས་རྗེ་ཉི་གསལ་འོད་བཞིན་དུ༔ འཁོར་འདས་མཉམ་སྦྱོར་ཐུགས་རྗེའི་བདག༔ རིགས་བདག་གཙོ་འཁོར་སྤྲུལ་པའི་ཚུལ༔ དཀྱིལ་འཁོར་ཕྱག་རྒྱར་སྐུར་བཞེངས་ལ༔ དམ་ཚིག་དཀྱིལ་འཁོར་བདག་ལ་དགོངསཿ ཨོཾ་མ་ཎི་པདྨེ་ཧཱུྃ་ཧྲཱིཿསརྦ་ཏ་ཐཱ་ག་ཏ་མ་ཧཱ་ཀཱ་རུ་ཎི་ཀ་མཎྜ་ལ་ས་པ་རི་ཝཱ་ར་ཨེ་ཧྱེ་ཧི་ས་མ་ཡ་ཛཿ ཛཿཧཱུྃ་བྃ་ཧོཿ ཞེས་པས་སྤྱན་དྲངས། ཀཱ་ཡ་ཝཱ་ཀ་ཙིཏྟ་ཏིཥྛ་ས་མ་ཡཿས་དམ་ཚིག་པ་དང་དབྱེར་མེད་དུ་བཞུགས་པར་མོས། ན་མོ་པུ་རུ་ཤ་ཡ་ཧོཿ ཨ་ཏི་པཱུ་ཧོ༔ པྲ་ཏཱི་ཙྪ་ཧོཿས་ཕྱག་བྱ། ཧྲཱིཿ ཀུན་འབྱུང་ནམ་མཁའི་ཀློང་ཡངས་ནས༔ བདུག་སྤོས་མེ་ཏོག་མར་མེ་དྲི༔ བཤོས་གཙང་སིལ་སྙན་རོལ་མོ་དང་༔ གཟུགས་སྒྲ་དྲི་རོ་རེག་བྱ་ཆོས༔ རང་བྱུང་རྣམ་དག་བདུད་རྩི་དང་ཿ འཛིན་ཆགས་བྲལ་བའི་གཏོར་མ་དང་༔ རིགས་དྲུག་བསྒྲལ་བའི་རཀྟ་དང་༔ གཉིས་མེད་སྦྱོར་བའི་བྱང་ཆུབ་སེམས༔ ཀུན་བཟང་མཆོད་སྤྲིན་མཆོག་ཏུ་རོལ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཨོཾ་ན་མསྶརྦ་ཏ་ཐཱ་ག་ཏ་མ་ཧཱ་ཀཱ་རུ་ཎི་ཀ་གུ་ཧྱ་ཛྙཱ་ན་སརྦ་ཡོ་གི་ནཱི་བཛྲ་པུཥྤེ་ནས། ཤབྡ་པཉྩ་ཀཱ་མ་གུ་ཎ་མ་ཧཱ་ཨ་མྲྀ་ཏ་རཀྟ་བ་ལིངྟ་ཏ་ན་ག་ན་དྷརྨ་དྷཱ་ཏུ་སརྦ་པཱུ་ཛ་ཧོཿ ཞེས་མཆོད་ཅིང་བསྟོད་པ་ནི། ཧྲཱིཿ བདེ་གཤེགས་རྒྱལ་བ་འདུས་པའི་སྐུ༔ ཐུགས་རྗེ་ཆེན་པོ་སྤྱན་རས་གཟིགས༔ ཡེ་ནས་རང་བྱུང་ཐུགས་རྗེའི་སྐུ༔ འཇིག་རྟེན་མགོན་ལ་ཕྱག་འཚལ་བསྟོད༔ རིགས་འདུས་རང་བྱུང་སྤྲུལ་འཁོར་རྣམསཿ འགྲོ་འདུལ་ཕྲིན་ལས་ཅིར་ཡང་སྟོན༔ སྐུ་གསུང་ཐུགས་ཡོན་ཕྲིན་ལས་བདག༔ བདུད་བཞི་འཇོམས་ལ་ཕྱག་འཚལ་བསྟོད༔ བཟླས་པ་ནི། ཧྲཱིཿལྷ་གསུམ་ཐུགས་ཀར་ཟླ་བའི་སྟེང་༔ ཧྲཱིཿམཐར་ཡི་གེ་དྲུག་མས་བསྐོར༔ བདག་ཉིད་རྩ་བའི་ཐུགས་ཀ་ནས༔ སྔགས་ཕྲེང་འོད་ཟེར་དཀར་པོ་འཕྲོས༔ བདེ་གཤེགས་ཀུན་གྱི་སྐུ་ལ་ཕོག༔ སྐུ་མཆོད་བརྙེས་ནས་དངོས་གྲུབ་ཐོབ༔ བདག་ལ་འདུས་ཤིང་འོད་ཟེར་དེས༔ ཁམས་གསུམ་སེམས་ཅན་ལུས་སྒྲིབ་སྦྱངས༔ སེམས་ཅན་ལས་ཀུན་དབང་དུ་གྱུར༔ ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་བཟླ་ཞིང་དེ་བཞིན་དུ། སྤྱི་གཙུག་སྣང་མཐའི་ཐུགས་ཀ་ནས༔ སྔགས་ཕྲེང་འོད་ཟེར་དམར་པོ་འཕྲོས༔ བདེ་གཤེགས་ཀུན་གྱི་གསུང་ལ་ཕོག༔ གསུང་མཉེས་གསུང་གི་དངོས་གྲུབ་ཐོབ༔ ཁམས་གསུམ་སེམས་ཅན་ངག་སྒྲིབ་སྦྱངས༔ སེམས་ཅན་ངག་ཀུན་དབང་དུ་འདུས༔ ཞེས་དང་། རྟ་མགྲིན་ཐུགས་ཀའི་སྔགས་ཕྲེང་ལས༔ འོད་ཟེར་མཐིང་ག་རབ་འཕྲོས་པས༔ བདེ་གཤེགས་ཀུན་གྱི་ཐུགས་ལ་ཕོག༔ ཐུགས་མཆོག་བརྙེས་ནས་དངོས་གྲུབ་ཐོབ༔ ཁམས་གསུམ་སེམས་ཅན་ཡིད་སྒྲིབ་སྦྱངས༔ སེམས་ཅན་ཀུན་ཡིད་དབང་འདུས་གྱུར༔ ཞེས་སོ་སོར་སྦྱར་ལ་བཟླས་པ་ཅི་ནུས་བྱ༔ གཞན་ཡང་བུམ་བཟླས་དམིགས་བསལ་དང་། ལས་བུམ་དུ་རྟ་མགྲིན་བསྐྱེད་བཟླས། མཐར་མཆོད་བསྟོད་དང་། རིག་པའི་མེ་ཏོག་དོར་བས་བདག་འཇུག་བླངས་ཤིང་། སློབ་མ་འཇུག་པར་གསོལ་བ་གདབ་བོ། །གཉིས་པ་ནི། སློབ་མ་རྣམས་ཁྲུས་བྱས། བགེགས་ཕྲལ། སྲུང་འཁོར་བསྒོམ། ཆོས་བཤད་དང་ལོ་རྒྱུས་ཅི་རིགས་པས་མཚམས་སྦྱར་ལ་མཎྜལ་འབུལ། གསོལ་བ་གདབ་པ་ནི། བླ་མ་རྡོ་རྗེ་སློབ་དཔོན་དགོངས༔ ཐུགས་རྗེ་ཆེན་པོའི་དཀྱིལ་འཁོར་དུ༔ བདག་ཅག་འཇུག་ཅིང་བསྙེན་སྒྲུབ་སྤྲོ༔ གུས་པས་འཇུག་འདོད་བརྟན་དུ་གསོལ༔ ལན་གསུམ། སྐྱབས་སེམས་རྒྱུན་བཤགས་སྡོམ་པ་བཟུང་བ། ན་མོ་བླ་མ་སངས་རྒྱས་འཁོར་དང་བཅས༔ ཀུན་ནས་བདག་ལ་དགོངས་སུ་གསོལ༔ བླ་མ་དཀོན་མཆོག་རྣམ་གསུམ་པོ༔ བྱང་ཆུབ་མ་ཐོབ་བར་དུ་ནི༔ སྐྱབས་ཀྱི་མཆོག་ཏུ་བཟུང་བར་བགྱི༔ སྔོན་ནས་བསགས་པའི་སྡིག་སྒྲིབ་བཤགས༔ འགྲོ་དོན་སངས་རྒྱས་ཐོབ་བྱ་སྙམཿ སྨོན་པའི་བྱང་ཆུབ་སེམས་བསྐྱེད་དོ༔ སེམས་ཅན་ཡོངས་སུ་སྨིན་བྱའི་ཕྱིར༔ འཇུག་པའི་བྱང་ཆུབ་སེམས་བསྐྱེད་དེ༔ གསང་སྔགས་སྤྱོད་པ་རླབས་ཆེན་སྤྱད༔ དོན་དམ་སྤྲོས་བྲལ་བྱང་ཆུབ་སེམས༔ རང་བྱུང་མཐའ་བྲལ་སྟོང་གསལ་བསྒོམ༔ ལན་གསུམ། སློབ་མ་རྣམས་ལྷར་བསྐྱེད་ཅིང་ཡེ་ཤེས་པ་དབབ། ཏིཥྛ་བཛྲས་རྡོ་རྗེ་སྤྱི་བོར་རྒྱ་གྲམ་དུ་བཞག་ཅིང་བརྟན་པར་བྱ། དེ་ནས་སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཀྱིས་དབང་གི་ལྷ་ནམ་མཁའ་གང་བར་སྤྱན་དྲངས་ཏེ་དེ་རྣམས་དང་ལྷན་ཅིག་པས་བཀྲ་ཤིས་པའི་རྣམ་པ་དུ་མ་དང་ལྡན་པའི་བུམ་པ་བདུད་རྩིས་གང་བས་དབང་བསྐུར་པར་བསམས་ལ། ཧྲཱིཿ བུམ་པ་སྤྲོས་བྲལ་ཆོས་སྐུ་ཟླུམ༔ བཅུད་ནི་ལོངས་སྤྱོད་ཡི་དམ་ལྷ༔ སྤྲུལ་པའི་ཁྲུས་ཀྱིས་མ་རིག་འཁྲུ༔ ལྷ་དབང་ལུས་ལ་རྫོགས་གྱུར་ཅིག༔ རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ། ཞེས་དབང་བསྐུར་བའི་བདུད་རྩིའི་རྒྱུན་གྱིས་ལུས་ཀྱི་ནང་ཐམས་ཅད་གང་ཞིང་། ཆུ་ཡི་ལྷག་མ་སྤྱི་བོར་འཁྱིལ་པ་ལས་རིགས་ཀྱི་བདག་པོས་དབུར་བརྒྱན་པའི་མོས་པ་མཛོད། བླ་མ་ཐུགས་རྗེ་ཆེན་པོ་ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་ཐོད་པའི་བདུད་རྩི་དང་རོ་གཅིག་པ་བྱིན་ལ། ཨཱཿ ཐུགས་རྗེ་ཆེན་པོ་ཡབ་ཡུམ་རྣམས༔ གཉིས་མེད་མཉམ་སྦྱོར་བྱང་ཆུབ་སེམས༔ སྐལ་ལྡན་ངག་ལ་དབང་བསྐུར་བས༔ བདེ་ཆེན་གསང་བའི་དབང་ཐོབ་ཤོག༔ རྩ་སྔགས་དང་། ཝཱ་ཀ་ཨ་བྷི་ཥིཉྩ་ཨཱ། རྗེས་འབྲེལ་དུ་བཟླས་ལུང་བྱ། ལྷ་སྔགས་ཀྱི་སྣང་ཆ་ཐམས་ཅད་འཛིན་མེད་སྤྲོས་བྲལ་གྱི་ངང་དུ་སྦྱངས་ཏེ་མཉམ་པར་འཇོག་ཅིང་དེ་ཚོན་བྱེད་མར་མེ་བསྟན་ལ། ཧྲཱིཿ སེམས་ཉིད་ཀ་དག་ཀུན་བཟང་ཀློང་༔ སྣང་སྟོང་ཟུང་འཇུག་སྒྱུ་མའི་སྐུ༔ གཉིས་མེད་འཛིན་བྲལ་སྤྲུལ་པའི་སྐུ༔ ཡང་དག་ངེས་དོན་རྟོགས་པར་ཤོག༔ རྩ་སྔགས་དང་། ཛྙཱ་ན་པཉྩ་དྷརྨཱ་ཀཱ་ཡ་ནི་རྨ་ཀཱ་ཡ་སཾ་བྷོ་ཀཱ་ཡ་ཨ་བྷི་ཥིཉྩ་ཨཱ་ཨཱཿ གཏོར་མའི་ལྷ་ཚོགས་ཀྱི་གནས་ལྔ་ལས་འོད་ཟེར་ལྔ་འཕྲོས་པ་ཐིམ་པས་དབང་དང་བྱིན་རླབས་དངོས་གྲུབ་ཐམས་ཅད་ཐོབ་པར་བསམས་ལ། ཨེ་མ་ངོ་མཚར་རྨད་དུ་བྱུང་༔ བླ་མ་རྣམས་དང་གཅིག་པ་ལ༔ ཡི་དམ་ལྷ་དང་དབྱེར་མེད་ཅིང་༔ མཁའ་འགྲོ་དབང་དུ་བསྡུ་བའི་ཕྱིར༔ དམ་རྫས་གཏོར་མས་དབང་བསྐུར་བས༔ ཐུགས་རྗེ་ཆེན་པོའི་བྱིན་རླབས་ཀྱིས༔ སྐུ་གསུང་ཐུགས་ཀྱི་དབང་ཐོབ་ནས༔ མཁའ་མཉམ་འགྲོ་དོན་བྱེད་པར་ཤོག༔ རྩ་སྔགས་མཐར། ཨོཾ་ཨཱཿཧཱུྃ་ཀཱ་ཡ་ཝཱ་ཀ་ཙིཏྟ་བ་ལིཾ་ཏ་ཨ་བྷི་ཥིཉྩ་ཧྲཱིཿ གཏོར་མའི་ལྷ་བསྟིམ་ཞིང་འདུ་འབྲལ་མེད་པའི་དོན་བསྒོམ་དུ་གཞུག །དམ་ཚིག་ཁས་བླངས། མཎྜལ། ལུས་ལོངས་སྤྱོད་དབུལ་བ། དགེ་བ་བསྔོ་བ་རྣམས་སྤྱི་ལྟར་བྱའོ། །གསུམ་པ་རྗེས་ནི། བདག་མདུན་དབྱེར་མེད་པའི་ལྷ་ལ་མཆོད་བསྟོད་དངོས་གྲུབ་གསོལ། ནོངས་པ་བཤགས། འོད་གསལ་དུ་བསྡུ་ཞིང་གཉུག་མའི་ལྷ་སྐུར་ལྡང་ལ་བསྔོ་སྨོན་ཤིས་བརྗོད་སོགས་བྱའོ། །ཞེས་གཏེར་ཁ་འོག་མ་གུ་རུ་ཆོས་ཀྱི་དབང་ཕྱུག་གིས་ལྷོ་བྲག་མཁར་ཆུ་དཔལ་གྱི་ཕུག་རིང་ནས་སྤྱན་དྲངས་པའི་དམ་ཆོས་འདུས་པ་སྐོར་དགུའི་ནང་ཚན། ཐུགས་རྗེ་ཆེན་པོ་ཡང་སྙིང་འདུས་པའི་དོན་དབང་མདོར་བསྡུས་པ་ བླ་མའི་ཕྱག་བཞེས་ལྟར་ཁྲིགས་སུ་བསྡེབས་པའི་ལེའུ་ཚན་ནོ།། །། ༈
[edit]

thugs chen yang snying 'dus pa'i sgrub thabs dang dbang bskur mdor bsdus/_ @#/_/thugs rje chen po yang snying 'dus pa'i sgrub thabs dbang bskur dang bcas pa mdor bsdus pa'i rim pa bzhugs so/__/na mo gu ru lo ke shwa rA ya/__thugs rje chen po yang snying 'dus pa'i don dbang mdor bsdus pa bskur ba'i tshul la sbyor dngos rjes gsum las/__dang po ni/__gnas dben par tshom bu'i dbus su bum pa bcud ldan/__g.yas su bdud rtsi/__g.yon du mar me/__mdun du gtor ma/__gzhan yang mchod pa'i bye brag sogs mthong ba brgyud pa'i phyag bzhes ltar 'du byas nas/__gnyis pa dngos gzhi la/__bdag mdun dbyer med kyi sgrub cing mchod pa dang /__dbang bskur ba dngos so/__/dang po ni/__skyabs sems tshad med yan lag bdun pa tsam sngon du 'gro bas mchod rdzas rnams spyi ltar byin gyis brlab/__AH__ye nas ma skyes stong gsal ngang:__kun snang byang chub sems sprin las:__rang byung rig pa hrIHdkar gsal:__hrIHlas b+h+rU~M 'phros gzhal yas khang :__dal dbus pad+ma'i snying po zlum:__'dab drug mu khyud pad sdong mdzes:__gru chad bar khyams sgo 'khyud rdzogs:__mnyam yang 'od kyi khang par gsal:__de dbus rang rig hrIH'od 'bar:__rnam smin lus bsregs hrIHde nyidaH__nyi zla pad steng thugs rje che:__zhal gcig phyag gnyis sku mdog dmar:__phyag g.yas pad phreng thugs kar 'dzin:__phyag g.yon pad steng bdud rtsi bumaH__rin chen rgyan rdzogs skyil krung bzhugs:__rang 'dra'i yum mchog gsang ye ma:__lus dang grib ma'i tshul du 'khril:__'ja' ris 'od lnga'i rgyab yol mdzes:__spyi gtsug rigs bdag 'od bdag med:__thugs kar rta mgrin ye shes sems:__rigs 'dus rang las sprul pa'i 'khor:__nor 'dzin sras mchog g.yas nas 'dudaH__gsang sngags 'dzin ma g.yon nas 'dud:__'dab drug bcom ldan thub drug dang :__phyi rim sangs rgyas stong rtsa gnyis:__sgo bzhir khrag 'thung rigs bzhi sogs:__bla ma rig 'dzin mkha' 'gro'i sprin:__:thugs rje chen po'i dkyil 'khor du:__'gro ba drang zhing bsgral slad du:__dug lnga'i tshul gyis dug lnga 'joms:__sarba dz+nyA na maN+Dal hU~M b+h+rU~M:__zhes pas dam tshig gi dkyil 'khor gsal gdab la/__hrIH__ye nas rang byung thugs rje che:__dus gsum rgyal ba'i sku gsung thugs:__ye shes lnga bdag cod pan 'chang :__'bru brgyad gsal bsgom rang dbang thob:__oM AHhU~M oM AHhU~M swA hAs rgyas gdab cing dbang bskur/__hrIH__tshur gshegs tshur gshegs bcom ldan 'das:__bde chen chos dbyings ngang nyid las:__rtsol bral mtshan bcas mi dmigs kyang :__thugs rje nyi gsal 'od bzhin du:__'khor 'das mnyam sbyor thugs rje'i bdag:__rigs bdag gtso 'khor sprul pa'i tshul:__dkyil 'khor phyag rgyar skur bzhengs la:__dam tshig dkyil 'khor bdag la dgongasaH__oM ma Ni pad+me hU~M hrIHsarba ta thA ga ta ma hA kA ru Ni ka maN+Da la sa pa ri wA ra e h+ye hi sa ma ya dzaH__dzaHhU~M ba~M hoH__zhes pas spyan drangs/__kA ya wA ka tsit+ta tiSh+Tha sa ma yaHsa dam tshig pa dang dbyer med du bzhugs par mos/__na mo pu ru sha ya hoH__a ti pU ho:__pra tI ts+tsha hoHsa phyag bya/__hrIH__kun 'byung nam mkha'i klong yangs nas:__bdug spos me tog mar me dri:__bshos gtsang sil snyan rol mo dang :__gzugs sgra dri ro reg bya chos:__rang byung rnam dag bdud rtsi dang \u0f7f__'dzin chags bral ba'i gtor ma dang :__rigs drug bsgral ba'i rak+ta dang :__gnyis med sbyor ba'i byang chub sems:__kun bzang mchod sprin mchog tu rol:__oM ma Ni pad+me hU~M hrIH__oM na mas+sarba ta thA ga ta ma hA kA ru Ni ka gu h+ya dz+nyA na sarba yo gi nI badz+ra puSh+pe nas/__shab+da pany+tsa kA ma gu Na ma hA a mr-i ta rak+ta ba ling+ta ta na ga na d+harma d+hA tu sarba pU dza hoH__zhes mchod cing bstod pa ni/__hrIH__bde gshegs rgyal ba 'dus pa'i sku:__thugs rje chen po spyan ras gzigs:__ye nas rang byung thugs rje'i sku:__'jig rten mgon la phyag 'tshal bstod:__rigs 'dus rang byung sprul 'khor rnamasaH__'gro 'dul phrin las cir yang ston:__sku gsung thugs yon phrin las bdag:__bdud bzhi 'joms la phyag 'tshal bstod:__bzlas pa ni/__hrIHlha gsum thugs kar zla ba'i steng :__hrIHmthar yi ge drug mas bskor:__bdag nyid rtsa ba'i thugs ka nas:__sngags phreng 'od zer dkar po 'phros:__bde gshegs kun gyi sku la phog:__sku mchod brnyes nas dngos grub thob:__bdag la 'dus shing 'od zer des:__khams gsum sems can lus sgrib sbyangs:__sems can las kun dbang du gyur:__oM ma Ni pad+me hU~M hrIH__zhes bzla zhing de bzhin du/__spyi gtsug snang mtha'i thugs ka nas:__sngags phreng 'od zer dmar po 'phros:__bde gshegs kun gyi gsung la phog:__gsung mnyes gsung gi dngos grub thob:__khams gsum sems can ngag sgrib sbyangs:__sems can ngag kun dbang du 'dus:__zhes dang /__rta mgrin thugs ka'i sngags phreng las:__'od zer mthing ga rab 'phros pas:__bde gshegs kun gyi thugs la phog:__thugs mchog brnyes nas dngos grub thob:__khams gsum sems can yid sgrib sbyangs:__sems can kun yid dbang 'dus gyur:__zhes so sor sbyar la bzlas pa ci nus bya:__gzhan yang bum bzlas dmigs bsal dang /__las bum du rta mgrin bskyed bzlas/__mthar mchod bstod dang /__rig pa'i me tog dor bas bdag 'jug blangs shing /__slob ma 'jug par gsol ba gdab bo/__/gnyis pa ni/__slob ma rnams khrus byas/__bgegs phral/__srung 'khor bsgom/__chos bshad dang lo rgyus ci rigs pas mtshams sbyar la maN+Dal 'bul/__gsol ba gdab pa ni/__bla ma rdo rje slob dpon dgongs:__thugs rje chen po'i dkyil 'khor du:__bdag cag 'jug cing bsnyen sgrub spro:__gus pas 'jug 'dod brtan du gsol:__lan gsum/__skyabs sems rgyun bshags sdom pa bzung ba/__na mo bla ma sangs rgyas 'khor dang bcas:__kun nas bdag la dgongs su gsol:__bla ma dkon mchog rnam gsum po:__byang chub ma thob bar du ni:__skyabs kyi mchog tu bzung bar bgyi:__sngon nas bsags pa'i sdig sgrib bshags:__'gro don sangs rgyas thob bya snyamaH__smon pa'i byang chub sems bskyed do:__sems can yongs su smin bya'i phyir:__'jug pa'i byang chub sems bskyed de:__gsang sngags spyod pa rlabs chen spyad:__don dam spros bral byang chub sems:__rang byung mtha' bral stong gsal bsgom:__lan gsum/__slob ma rnams lhar bskyed cing ye shes pa dbab/__tiSh+Tha badz+ras rdo rje spyi bor rgya gram du bzhag cing brtan par bya/__de nas slob dpon gyi thugs ka nas 'phros pa'i 'od kyis dbang gi lha nam mkha' gang bar spyan drangs te de rnams dang lhan cig pas bkra shis pa'i rnam pa du ma dang ldan pa'i bum pa bdud rtsis gang bas dbang bskur par bsams la/__hrIH__bum pa spros bral chos sku zlum:__bcud ni longs spyod yi dam lha:__sprul pa'i khrus kyis ma rig 'khru:__lha dbang lus la rdzogs gyur cig:__rtsa sngags dang /__kA ya a b+hi Shiny+tsa oM/__zhes dbang bskur ba'i bdud rtsi'i rgyun gyis lus kyi nang thams cad gang zhing /__chu yi lhag ma spyi bor 'khyil pa las rigs kyi bdag pos dbur brgyan pa'i mos pa mdzod/__bla ma thugs rje chen po yab yum snyoms par zhugs pa'i byang chub kyi sems thod pa'i bdud rtsi dang ro gcig pa byin la/__AH__thugs rje chen po yab yum rnams:__gnyis med mnyam sbyor byang chub sems:__skal ldan ngag la dbang bskur bas:__bde chen gsang ba'i dbang thob shog:__rtsa sngags dang /__wA ka a b+hi Shiny+tsa A/__rjes 'brel du bzlas lung bya/__lha sngags kyi snang cha thams cad 'dzin med spros bral gyi ngang du sbyangs te mnyam par 'jog cing de tshon byed mar me bstan la/__hrIH__sems nyid ka dag kun bzang klong :__snang stong zung 'jug sgyu ma'i sku:__gnyis med 'dzin bral sprul pa'i sku:__yang dag nges don rtogs par shog:__rtsa sngags dang /__dz+nyA na pany+tsa d+harmA kA ya ni rma kA ya saM b+ho kA ya a b+hi Shiny+tsa A AH__gtor ma'i lha tshogs kyi gnas lnga las 'od zer lnga 'phros pa thim pas dbang dang byin rlabs dngos grub thams cad thob par bsams la/__e ma ngo mtshar rmad du byung :__bla ma rnams dang gcig pa la:__yi dam lha dang dbyer med cing :__mkha' 'gro dbang du bsdu ba'i phyir:__dam rdzas gtor mas dbang bskur bas:__thugs rje chen po'i byin rlabs kyis:__sku gsung thugs kyi dbang thob nas:__mkha' mnyam 'gro don byed par shog:__rtsa sngags mthar/__oM AHhU~M kA ya wA ka tsit+ta ba liM ta a b+hi Shiny+tsa hrIH__gtor ma'i lha bstim zhing 'du 'bral med pa'i don bsgom du gzhug__/dam tshig khas blangs/__maN+Dal/__lus longs spyod dbul ba/__dge ba bsngo ba rnams spyi ltar bya'o/__/gsum pa rjes ni/__bdag mdun dbyer med pa'i lha la mchod bstod dngos grub gsol/__nongs pa bshags/__'od gsal du bsdu zhing gnyug ma'i lha skur ldang la bsngo smon shis brjod sogs bya'o/__/zhes gter kha 'og ma gu ru chos kyi dbang phyug gis lho brag mkhar chu dpal gyi phug ring nas spyan drangs pa'i dam chos 'dus pa skor dgu'i nang tshan/__thugs rje chen po yang snying 'dus pa'i don dbang mdor bsdus pa _bla ma'i phyag bzhes ltar khrigs su bsdebs pa'i le'u tshan no//___//___!

Footnotes

Other Information