JKW-KABUM-13-PA-023-001

First text in section. Back to Volume PageNext Text

ཨོ་རྒྱན་རིན་པོ་ཆེའི་གསོལ་འདེབས་སྤྱིའི་རྟེན་བསྐྱེད་ལམ་ཟབ་སྙིང་པོ།

Wylie title	o rgyan rin po che'i gsol 'debs spyi'i rten bskyed lam zab snying po
Location	mkhyen brtse'i bka' 'bum Volume 13, sde tshan 23, Text 1, Pages 463-466 (Folios 1a to 2b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	པདྨ་འབྱུང་གནས་ (pad+ma 'byung gnas)
Citation	'jam dbyangs mkhyen brtse'i dbang po. o rgyan rin po che'i gsol 'debs spyi'i rten bskyed lam zab snying po. In 'jam dbyangs mkhyen brtse'i dbang po'i bka' 'bum, Vol. 13: 463-466. Khams sde dge rdzong sar dgon: Rdzong sar blo gros phun tshogs, 2020.
Genre	Liturgy - ngag 'don  ·  Sadhanas - Evocation Ritual - sgrub thabs  ·  Supplications - gsol 'debs
Lotsawa House Link	https://www.lotsawahouse.org/tibetan-masters/jamyang-khyentse-wangpo/guru-rinpoche-visualization

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཨོ་རྒྱན་རིན་པོ་ཆེའི་གསོལ་འདེབས་སྤྱིའི་རྟེན་བསྐྱེད་མདོར་བསྡུས་ལམ་ཟབ་སྙིང་པོ་བཞུགས་སོ།། །། ན་མོ་གུ་རུ། ཨོ་རྒྱན་རིན་པོ་ཆེའི་གསོལ་འདེབས་སྤྱིའི་རྟེན་བསྐྱེད་ལ། ཐོག་མར་སྐྱབས་སུ་འགྲོ་བ་ནི། ན་མོཿ བླ་མ་བདེ་གཤེགས་འདུས་པའི་སྐུཿ དཀོན་མཆོག་གསུམ་གྱི་རང་བཞིན་ལཿ བདག་དང་འགྲོ་དྲུག་སེམས་ཅན་རྣམསཿ བྱང་ཆུབ་བར་དུ་སྐྱབས་སུ་མཆིཿ སེམས་བསྐྱེད་ནི། སེམས་བསྐྱེད་འགྲོ་བ་ཀུན་དོན་དུཿ བླ་མ་སངས་རྒྱས་བསྒྲུབས་ནས་ནིཿ གང་ལ་གང་འདུལ་ཕྲིན་ལས་ཀྱིསཿ འགྲོ་བ་བསྒྲལ་བར་དམ་བཅའོཿ ཡན་ལག་བདུན་པ་ནི། བླ་མ་ཡི་དམ་མཁའ་འགྲོ་གཤེགསཿ ཉི་ཟླ་པདྨའི་གདན་ལ་བཞུགསཿ ལུས་ངག་ཡིད་གསུམ་གུས་ཕྱག་འཚལཿ ཕྱི་ནང་གསང་བའི་མཆོད་པ་འབུལཿ ཉམས་ཆག་སྡིག་སྒྲིབ་མཐོལ་ཞིང་བཤགསཿ གསང་སྔགས་བསྒྲུབས་ལ་རྗེས་ཡི་རངསཿ སྨིན་གྲོལ་གསང་སྔགས་ཆོས་འཁོར་བསྐོརཿ མྱ་ངན་མི་འདར་བཞུག་སུ་གསོལཿ སྙིང་པོ་སེམས་ཅན་དོན་དུ་བསྔོཿ ཡང་དག་རྡོ་རྗེའི་དོན་རྟོགས་ཤོག༔ རྟེན་བསྐྱེད་དངོས་ནི། མདུན་གྱི་ནམ་མཁར་འོད་ལྔའི་ཀློངཿ སེང་ཁྲི་པདྨ་ཉི་ཟླའི་སྟེངཿ སྐུ་གསུམ་རྒྱལ་བ་འདུས་པའི་དངོས༔ རྩ་བའི་བླ་མ་པདྨ་འབྱུང་༔ དཀར་དམར་མདངས་ལྡན་ཞི་ཁྲོའི་ཉམས༔ པད་ཞྭ་གསང་ཕོད་ཆོས་གོས་དང་༔ ཟ་འོག་བེར་སྨུག་བརྗིད་པར་གསོལ༔ ཕྱག་གཡས་རྡོ་རྗེ་རྩེ་ལྔ་དང་༔ གཡོན་པས་བྷནྡྷ་ཚེ་བུམ་བསྣམས༔ གྲུ་མོ་གཡོན་ན་ཁ་ཊྭཱཾ་འཆངཿ རྡོ་རྗེའི་སྐྱིལ་ཀྲུང་དང་བཅས་ཏེ༔ སྐུ་གསུང་ཐུགས་ཀྱི་དཀྱིལ་འཁོར་ལསཿ རྩ་གསུམ་ཆོས་སྲུང་རབ་འབྱམས་ཀུན༔ འཕྲོ་འདུའི་གཟི་བྱིན་ལམ་མེ་བཿ མངོན་སུམ་བཞིན་ཏུ་བཞུགས་པར་གྱུརཿ ཅེས་གསལ་བཏབ་ལ་གསོལ་འདེབས་གང་རིགས་མོས་གུས་གདུང་ཤུགས་དྲག་པོས་བྱ། མཇུག་ཏུ་ཐུགས་རྒྱུད་བསྐུལ་བའི་ཕྱིར་བཛྲ་གུ་རུའི་བཟླས་པ་ཅི་ནུས་བྱས་མཐར། བླ་མའི་གནས་གསུམ་འབྲུ་གསུམ་ལས༔ འོད་ཟེར་རིམ་དང་གཅིག་ཅར་འཕྲོས༔ བདག་གི་གནས་གསུམ་ཐིམ་པ་ཡིས༔ དབང་བཞི་ཐོབ་ཅིང་སྒྲིབ་བཞི་དག༔ ལམ་བཞི་བསྒོམ་པའི་སྣོད་དུ་གྱུར༔ མཐར་ནི་རང་ཐིམ་དབྱེར་མེད་པར༔ བློ་འདས་ཆོས་སྐུའི་རང་ཞལ་བལྟ༔ དགེ་བ་འདི་ཡིས་མྱུར་དུ་བདག །ཨོ་རྒྱན་བླ་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་བསྔོ་སྨོན་གྱིས་རྒྱས་གདབ་བོ།། །། ༈

[edit]

o rgyan rin po che'i gsol 'debs spyi'i rten bskyed lam zab snying po/__ @#/__/o rgyan rin po che'i gsol 'debs spyi'i rten bskyed mdor bsdus lam zab snying po bzhugs so//__// na mo gu ru/__o rgyan rin po che'i gsol 'debs spyi'i rten bskyed la/__thog mar skyabs su 'gro ba ni/__na moH__bla ma bde gshegs 'dus pa'i skuH__dkon mchog gsum gyi rang bzhin laH__bdag dang 'gro drug sems can rnamasaH__byang chub bar du skyabs su mchiH__sems bskyed ni/__sems bskyed 'gro ba kun don duH__bla ma sangs rgyas bsgrubs nas niH__gang la gang 'dul phrin las kyisaH__'gro ba bsgral bar dam bca'oH__yan lag bdun pa ni/__bla ma yi dam mkha' 'gro gshegasaH__nyi zla pad+ma'i gdan la bzhugasaH__lus ngag yid gsum gus phyag 'tshalaH__phyi nang gsang ba'i mchod pa 'bulaH__nyams chag sdig sgrib mthol zhing bshagasaH__gsang sngags bsgrubs la rjes yi rangasaH__smin grol gsang sngags chos 'khor bskoraH__mya ngan mi 'dar bzhug su gsolaH__snying po sems can don du bsngoH__yang dag rdo rje'i don rtogs shog:__rten bskyed dngos ni/__mdun gyi nam mkhar 'od lnga'i klongaH__seng khri pad+ma nyi zla'i stengaH__sku gsum rgyal ba 'dus pa'i dngos:__rtsa ba'i bla ma pad+ma 'byung :__dkar dmar mdangs ldan zhi khro'i nyams:__pad zhwa gsang phod chos gos dang :__za 'og ber smug brjid par gsol:__phyag g.yas rdo rje rtse lnga dang :__g.yon pas b+han+d+ha tshe bum bsnams:__gru mo g.yon na kha T+wAM 'changaH__rdo rje'i skyil krung dang bcas te:__sku gsung thugs kyi dkyil 'khor lasaH__rtsa gsum chos srung rab 'byams kun:__'phro 'du'i gzi byin lam me baH__mngon sum bzhin tu bzhugs par gyuraH__ces gsal btab la gsol 'debs gang rigs mos gus gdung shugs drag pos bya/__mjug tu thugs rgyud bskul ba'i phyir badz+ra gu ru'i bzlas pa ci nus byas mthar/__bla ma'i gnas gsum 'bru gsum las:__'od zer rim dang gcig car 'phros:__bdag gi gnas gsum thim pa yis:__dbang bzhi thob cing sgrib bzhi dag:__lam bzhi bsgom pa'i snod du gyur:__mthar ni rang thim dbyer med par:__blo 'das chos sku'i rang zhal blta:__dge ba 'di yis myur du bdag__/o rgyan bla ma 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs bsngo smon gyis rgyas gdab bo//___//___!_