ཕྱག་རྡོར་གཏུམ་པོའི་རྒྱུན་ཁྱེར།

🚧 This website is under continued development. We appreciate your patience!

Previous Section Back to Volume PageNext Section

Wylie title	phyag rdor gtum po'i rgyun khyer
Location	mkhyen brtse'i bka' 'bum Volume 12, sde tshan 9, Pages 439-443 (Folios 1a to 3a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation	'jam dbyangs mkhyen brtse'i dbang po. phyag rdor gtum po'i rgyun khyer. In 'jam dbyangs mkhyen brtse'i dbang po'i bka' 'bum, Vol. 12: 439-443. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer  ·  Revelations - gter ma
Cycle	དཔལ་ཕྱག་ན་རྡོ་རྗེ་གཏུམ་པོ་མེ་ལྕེ་ཕྲེང་བ་ (dpal phyag na rdo rje gtum po me lce phreng ba)
Parent Cycle	བླ་མ་གསང་བ་འདུས་པ་ (bla ma gsang ba 'dus pa)
Deity	phyag na rdo rje
RTZ	In the Rinchen Terdzö: https://rtz.tsadra.org/index.php/Terdzo-SA-016
Colophon	།ཞེས་པའང་སྒྲོལ་སྟོན་འཇམ་པའི་དབྱངས་ཆོས་ཀྱི་རྒྱལ་མཚན་ལས་ཚུལ་བཞིའི་བཀའ་དྲིན་ཐོབ་པའི་བྱ་བྲལ་འཇམས་དབྱངས་མཁྱེན་བརྩེའི་དབང་པོས་གཏེར་གཞུང་རྩ་བའི་དགོངས་པ་བླ་མའི་མན་ངག་གིས་ཕྱེ་བའི་རྗེས་སུ་འབྲངས་ཏེ་ཉུང་གསལ་སྙིང་པོར་དྲིལ་བའི་ཚུལ་གྱིས་སྦྱར་བའི་དགེ་བས་འགྲོ་ཀུན་དཔལ་གསང་བའི་བདག་པོའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། །མངྒ་ལཾ།།
	zhes pa'ang sgrol ston 'jam pa'i dbyangs chos kyi rgyal mtshan las tshul bzhi'i bka' drin thob pa'i bya bral 'jams dbyangs mkhyen brtse'i dbang pos gter gzhung rtsa ba'i dgongs pa bla ma'i man ngag gis phye ba'i rjes su 'brangs te nyung gsal snying por dril ba'i tshul gyis sbyar ba'i dge bas 'gro kun dpal gsang ba'i bdag po'i go 'phang la myur du reg pa'i rgyur gyur cig/__/mang+ga laM/

1 Texts in this Section (sde tshan or chos tshan)

439-443	ཕྱག་རྡོར་གཏུམ་པོའི་རྒྱུན་ཁྱེར། phyag rdor gtum po'i rgyun khyer Daily Practice - rgyun khyer   ·   Revelations - gter ma	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཕྱག་རྡོར་གཏུམ་པོའི་རྒྱུན་ཁྱེར་སྙིང་པོར་དྲིལ་བ་བཞུགས་སོ།། །།

ན་མོ་གུ་རུ་བཛྲ་པཱ་ཎ་ཡེ། མངའ་བདག་ཆོས་ཀྱི་དབང་ཕྱུག་གི་གཏེར་བྱོན་བླ་མ་གསང་བ་འདུས་པའི་ཐེམ་མེད་གུ་རུ་སེང་གེ་སྒྲ་སྒྲོགས་ཀྱི་སྒོས་སྒྲུབ་དཔལ་ཕྱག་ན་རྡོ་རྗེ་གཏུམ་པོ་མེ་ལྕེ་ཕྲེང་བའི་རྒྱུན་གྱི་རྣལ་འབྱོར་ལ། སྐྱབས་སེམས་ནི། ན་མོ་བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་ཐོབ་ཕྱིར། །རྡོ་རྗེ་གཏུམ་པོ་བསྒོམ་པར་བགྱི། །ལན་གསུམ། སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཅེས་ཚད་མེད་བཞི་བསྒོམ། དངོས་གཞི་བསྐྱེད་རིམ་ནི། སྐད་ཅིག་མ་ཡི་ཏིང་འཛིན་གྱིས༔ བདག་ཉིད་རྡོ་རྗེ་གཏུམ་པོའི་སྐུ༔ སྔོན་པོ་ཞལ་གཅིག་ཕྱག་གཉིས་པ༔ ཕྱག་གཡས་རྡོ་རྗེ་རྩེ་ལྔ་གདེངས༔ གཡོན་པ་སྡིགས་མཛུབ་ཐུགས་ཀར་བརྟེན༔ པདྨ་ཉི་ཟླ་མི་རོའི་སྟེང་༔ གཡས་བསྐུམས་གཡོན་བརྐྱངས་ཚུལ་གྱིས་འགྱིང་༔ སྟག་གི་པགས་པས་ཤམ་ཐབས་བྱས༔ ཞལ་གདངས་མཆེ་བ་རབ་ཏུ་གཙིགས༔ སྤྱན་གསུམ་སྤྱན་རྩ་ཤིན་ཏུ་དམར༔ སྙན་ཆ་དང་ནི་དོ་ཤལ་དང་༔ ཕྱག་དང་ཞབས་ཀྱི་གདུ་བུ་རྣམས༔ ཞེ་སྡང་སྦྲུལ་གྱིས་རབ་ཏུ་བརྒྱན༔ བསྐལ་པའི་མེ་ཕུང་དབུས་ན་བཞུགས༔ ཞེས་གསལ་བཏབ་ལ་བཟླས་པ་བྱ་བ་ནི། ཐུགས་ཀར་ཉི་སྟེང་ཧཱུྃ་མཐིང་མཐར༔ སྔགས་ཕྲེང་གཡས་སུ་འཁོར་བ་ལས༔ འོད་ཟེར་སྔགས་སྒྲ་མེ་འོད་འཕྲོ༔ ཕར་འཕྲོས་གནོད་བྱེད་དགྲ་བགེགས་བསྲེགས༔ ཚུར་འདུས་ཉོན་མོངས་དུག་ལྔ་བཅོམ༔ དཔལ་ཆེན་སྐུ་གསུང་ཐུགས་ཀྱི་ངང་༔ ཕྲིན་ལས་རྣམ་བཞི་ལྷུན་གྲུབ་གྱུར༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅེས་ཅི་ནུས་བཟླས་མཐར། ཕྱག་གཡོན་སྡིགས་མཛུབ་ཀྱི་རྩེ་ལས་ཁྱུང་ཆེན་རིགས་ལྔའི་ཚོགས་ཁྲ་ཐབས་སུ་སྤྲོས་པས་གདོན་བགེགས་འབྱུང་པོ་ཐམས་ཅད་ཚར་བཅད་ཚུར་འདུས་རང་ལ་ཐིམ་པས་ནུས་པ་བསྐྱེད་པར་བསམས་ལ། རྩ་སྔགས་ཀྱི་མཐར། ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ཅེས་བཏགས་པའང་ཅུང་ཟད་བཟླ་ཞེས་བླ་མའི་ཞལ་ནས་གསུངས་སོ། །སྔོན་དུ་བསྙེན་པ་སོང་བ་ཡིན་ན་སྒྲུབ་པའི་སྔགས་རིང་། ཨོཾ་ཉི་མ་པཱ་ལ་ནན༔ ཀླད་པ་ནན༔ གུ་ན་ཞིང་༔ ཙིཏྟ་གུ་ལིང་ནན༔ ཡགྴ་ཙིཏྟ་མུ་ཏྲ་གནོད་བྱེད་གཟའ་ཀླུ་ས་བདག་རྦོད་གཏོང་ཟློག་བྱེར༔ ནཱ་ག་ཤིགཿ ནཱ་ག་ཟློགཿ ནཱ་ག་བྱེར༔ ནཱ་གའི་སྙིང་ལ་ནན༔ ནཱ་གའི་མགོ་ལ་ནན༔ ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ནཱ་ག་རཱ་ཙ་མཱ་ར་ཡ་བྷ་རི་ཤ་ཡ་ཕཊ༔ ཅེས་པའང་ལན་བདུན་སོགས་ཇི་ལྟར་རིགས་པ་བཟླ། ཉེར་བསྡུའི་རྫོགས་རིམ་ནི། སྣོད་བཅུད་འོད་ཞུ་རང་ཉིད་དང་། །རང་ཡང་ཐུགས་སྲོག་ཧཱུྃ་ལ་ཐིམ། །དེ་ཡང་མི་དམིགས་སྤྲོས་བྲལ་ངང་། །ཁྲོ་རྒྱལ་གསལ་སྟོང་ཆེན་པོར་ཤར། དགེ་བ་འདི་ཡིས་མྱུར་དུ་བདག །རྡོ་རྗེ་གཏུམ་པོ་འགྲུབ་གྱུར་ནས། །ཞེས་སོགས་བསྔོ་སྨོན་ཤིས་བརྗོད་བྱའོ། །འདིའི་བསྙེན་པ་བྱེད་ན། རྩ་སྔགས་འབྲུ་འབུམ་དང་། ཁྱུང་གི་སྔགས་ཤམ་འདོགས་ཅན་རྟགས་ཐོན། ལས་སྒྲུབ་པའི་སྔགས་རིང་ཉི་མ་སཱ་ལ་ཞག་གསུམ་སོགས་གང་འཐུབ་བཟླ་ཞིང་། དེ་ཡང་བྱད་ཕུར་རྦོད་གཏོང་ཟློག་པ་གཙོ་བོར་བྱེད་ན། སྔགས་རིང་གི་ཉེ་ནི་དང་། གུ་གུ་དང་། ནཱ་གའི་གནས་སུ་རྦོད་གཏོང་ཞེས་བཅུག་ལ་བཟླ། སྤྱིར་རྒྱུན་ཁྱེར་དང་དབང་སྒྲུབ་སོགས་ཀྱི་སྐབས་ཁྱུང་ཁྲ་ཐབས་ཀྱི་འཕྲོ་འདུ་དང་། སྔགས་ཁྱུང་གི་འདོགས་ཅན་ངེས་པར་དགོས་ཞེས་སྤང་སྟོན་བརྒྱུད་པའི་ཞལ་ལུང་མ་ཉམས་པ་ཁོ་བོའི་བླ་མའི་གསུང་ལས་ཐོས་སོ། །ཞེས་པའང་སྒྲོལ་སྟོན་འཇམ་པའི་དབྱངས་ཆོས་ཀྱི་རྒྱལ་མཚན་ལས་ཚུལ་བཞིའི་བཀའ་དྲིན་ཐོབ་པའི་བྱ་བྲལ་འཇམས་དབྱངས་མཁྱེན་བརྩེའི་དབང་པོས་གཏེར་གཞུང་རྩ་བའི་དགོངས་པ་བླ་མའི་མན་ངག་གིས་ཕྱེ་བའི་རྗེས་སུ་འབྲངས་ཏེ་ཉུང་གསལ་སྙིང་པོར་དྲིལ་བའི་ཚུལ་གྱིས་སྦྱར་བའི་དགེ་བས་འགྲོ་ཀུན་དཔལ་གསང་བའི་བདག་པོའི་གོ་འཕང་ལ་མྱུར་དུ་རེག་པའི་རྒྱུར་གྱུར་ཅིག། །མངྒ་ལཾ།།

[edit]

phyag rdor gtum po'i rgyun khyer/ @#/__/phyag rdor gtum po'i rgyun khyer snying por dril ba bzhugs so//__// na mo gu ru badz+ra pA Na ye/__mnga' bdag chos kyi dbang phyug gi gter byon bla ma gsang ba 'dus pa'i them med gu ru seng ge sgra sgrogs kyi sgos sgrub dpal phyag na rdo rje gtum po me lce phreng ba'i rgyun gyi rnal 'byor la/__skyabs sems ni/__na mo bla ma mchog gsum yi dam lhar/__/gus pas skyabs mchi mkha' mnyam 'gro/__/bla med byang chub mchog thob phyir/__/rdo rje gtum po bsgom par bgyi/__/lan gsum/__sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing /__/chos kun mnyam nyid rtogs par shog__/ces tshad med bzhi bsgom/__dngos gzhi bskyed rim ni/__skad cig ma yi ting 'dzin gyis:__bdag nyid rdo rje gtum po'i sku:__sngon po zhal gcig phyag gnyis pa:__phyag g.yas rdo rje rtse lnga gdengs:__g.yon pa sdigs mdzub thugs kar brten:__pad+ma nyi zla mi ro'i steng :__g.yas bskums g.yon brkyangs tshul gyis 'gying :__stag gi pags pas sham thabs byas:__zhal gdangs mche ba rab tu gtsigs:__spyan gsum spyan rtsa shin tu dmar:__snyan cha dang ni do shal dang :__phyag dang zhabs kyi gdu bu rnams:__zhe sdang sbrul gyis rab tu brgyan:__bskal pa'i me phung dbus na bzhugs:__zhes gsal btab la bzlas pa bya ba ni/__thugs kar nyi steng hU~M mthing mthar:__sngags phreng g.yas su 'khor ba las:__'od zer sngags sgra me 'od 'phro:__phar 'phros gnod byed dgra bgegs bsregs:__tshur 'dus nyon mongs dug lnga bcom:__dpal chen sku gsung thugs kyi ngang :__phrin las rnam bzhi lhun grub gyur:__oM badz+ra tsaN+Da ma hA ro Sha Na hU~M phaT:__ces ci nus bzlas mthar/__phyag g.yon sdigs mdzub kyi rtse las khyung chen rigs lnga'i tshogs khra thabs su spros pas gdon bgegs 'byung po thams cad tshar bcad tshur 'dus rang la thim pas nus pa bskyed par bsams la/__rtsa sngags kyi mthar/__ga ru Da tsa le tsa le hU~M phaT:__ces btags pa'ang cung zad bzla zhes bla ma'i zhal nas gsungs so/__/sngon du bsnyen pa song ba yin na sgrub pa'i sngags ring /__oM nyi ma pA la nan:__klad pa nan:__gu na zhing :__tsit+ta gu ling nan:__yag+sha tsit+ta mu tra gnod byed gza' klu sa bdag rbod gtong zlog byer:__nA ga shigaH__nA ga zlogaH__nA ga byer:__nA ga'i snying la nan:__nA ga'i mgo la nan:__ga ru Da tsa le tsa le hU~M phaT:__nA ga rA tsa mA ra ya b+ha ri sha ya phaT:__ces pa'ang lan bdun sogs ji ltar rigs pa bzla/__nyer bsdu'i rdzogs rim ni/__snod bcud 'od zhu rang nyid dang /__/rang yang thugs srog hU~M la thim/__/de yang mi dmigs spros bral ngang /__/khro rgyal gsal stong chen por shar/__dge ba 'di yis myur du bdag__/rdo rje gtum po 'grub gyur nas/__/zhes sogs bsngo smon shis brjod bya'o/__/'di'i bsnyen pa byed na/__rtsa sngags 'bru 'bum dang /__khyung gi sngags sham 'dogs can rtags thon/__las sgrub pa'i sngags ring nyi ma sA la zhag gsum sogs gang 'thub bzla zhing /__de yang byad phur rbod gtong zlog pa gtso bor byed na/__sngags ring gi nye ni dang /__gu gu dang /__nA ga'i gnas su rbod gtong zhes bcug la bzla/__spyir rgyun khyer dang dbang sgrub sogs kyi skabs khyung khra thabs kyi 'phro 'du dang /__sngags khyung gi 'dogs can nges par dgos zhes spang ston brgyud pa'i zhal lung ma nyams pa kho bo'i bla ma'i gsung las thos so/__/zhes pa'ang sgrol ston 'jam pa'i dbyangs chos kyi rgyal mtshan las tshul bzhi'i bka' drin thob pa'i bya bral 'jams dbyangs mkhyen brtse'i dbang pos gter gzhung rtsa ba'i dgongs pa bla ma'i man ngag gis phye ba'i rjes su 'brangs te nyung gsal snying por dril ba'i tshul gyis sbyar ba'i dge bas 'gro kun dpal gsang ba'i bdag po'i go 'phang la myur du reg pa'i rgyur gyur cig/__/mang+ga laM//