ས་མ་དྷཱི་བྷ་དྲའི་ཕྲིན་ལན་དུ་སྨྲ་བསམ་བརྗོད་མེད་ཀྱི་དོན།

🚧 This website is under continued development. We appreciate your patience!

Previous Text Back to Volume PageNext Text

Wylie title	sa ma d+hI b+ha dra'i phrin lan du smra bsam brjod med kyi don
Location	mkhyen brtse'i bka' 'bum Volume 6, sde tshan 2, Text 6, Pages 186-188 (Folios 27b6 to 28b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sa ma d+hI b+ha dra'i phrin lan du smra bsam brjod med kyi don. In 'jam dbyangs mkhyen brtse'i dbang po'i bka' 'bum, Vol. 6: 186-188. Khams sde dge rdzong sar dgon: Rdzong sar blo gros phun tshogs, 2020.
Genre	Commentary on Content - don 'grel
Colophon	།ཞེས་པའང་ས་མ་དྷཱི་བྷ་དྲའི་ཕྲིན་ལན་དུ་མཉྫུ་གྷོ་ཥས་བྲིས་པའི་དགེ་བས་ཆོས་ཐམས་ཅད་ཀྱི་གནས་ལུགས་འཁོར་འདས་དབྱེར་མེད་ཀྱི་ཡེ་ཤེས་མངོན་སུམ་དུ་རྟོགས་པའི་རྒྱུར་གྱུར་ཅིག །སརྦ་དཱ་མངྒ་ལཾ།།
	zhes pa'ang sa ma d+hI b+ha dra'i phrin lan du many+dzu g+ho Shas bris pa'i dge bas chos thams cad kyi gnas lugs 'khor 'das dbyer med kyi ye shes mngon sum du rtogs pa'i rgyur gyur cig__/sarba dA mang+ga laM

1 Texts in this Section (sde tshan or chos tshan)

6 186-188	ས་མ་དྷཱི་བྷ་དྲའི་ཕྲིན་ལན་དུ་སྨྲ་བསམ་བརྗོད་མེད་ཀྱི་དོན། sa ma d+hI b+ha dra'i phrin lan du smra bsam brjod med kyi don Commentary on Content - don 'grel	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བླ་མ་ལ་ཕྱག་འཚལ་ལོ། །ཇི་སྐད་དུ། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །ཞེས་གསུངས་པ་ལྟར། རང་གི་སེམས་ཀྱི་གནས་ལུགས་བློ་ཡིས་བསམ་པར་མི་ནུས་ཤིང་། ངག་ཏུ་བརྗོད་པ་དང་བྲལ་ཡང་གསལ་རིག་ཙམ་མི་འགགས་པར་ཉམས་སུ་མྱོང་བ་འདི་ཀ་ལྟ་བ་ཁས་ལེན་དང་བྲལ་བ་ཡིན། དེའི་ངང་ལས་རྣམ་པར་རྟོག་པ་ཅི་ཤར་ཡང་། ཤར་ཙམ་ཉིད་ནས་ཆུ་ལ་རི་མོ་བྲིས་པ་ལྟར་རང་ཡལ་རྗེས་མེད་དུ་སོང་བའི་རིག་པའི་རང་མདངས་ཟང་ཐལ་སྒྲིབ་གཡོགས་དང་བྲལ་བ་ཉིད་མ་ཡེངས་ཙམ་དུ་སྐྱོང་བ་ལས་གཞན་པའི་བཅས་བཅོས་སྤང་བླང་གང་ཡང་མི་བྱེད་པ་ནི་སྒོམ་པ་ཉམས་མྱོང་དང་འབྲེལ་བ་ཡིན། འགྲོ་འཆག་ཉལ་འདུག་དང་བསྐྱེད་རིམ་བཟླས་བརྗོད་སོགས་ཆོས་སྤྱོད་རྣམ་བཅུས་མཚོན་པའི་སྤྱོད་ལམ་ཅི་བྱེད་ཀྱང་རང་རིག་གསལ་སྟོང་བརྗོད་མེད་ཀྱི་ཉམས་དང་མ་བྲལ་བའི་ངང་ནས་ལས་རྒྱུ་འབྲས་ཀྱི་བླང་དོར་ཚུལ་བཞིན་དུ་བྱ་བ་ནི་སྤྱོད་པ་དུས་ཚོད་དང་འབྲེལ་བ་ཡིན། དེ་ལྟ་བུའི་ལམ་ཐབས་ཤེས་ཡ་མ་བྲལ་བ་ལ་གོམས་པས་མཐར་ཉོན་མོངས་དང་ཤེས་བྱའི་སྒྲིབ་པ་རིམ་གྱིས་སྤངས་ཏེ་རང་དོན་ཆོས་སྐུ་མངོན་དུ་གྱུར། གཞན་དོན་གཟུགས་སྐུ་རྒྱུན་མི་འཆད་པ་ནི་ཐོབ་བྱའི་འབྲས་བུ་གཞན་དོན་དང་འབྲེལ་བ་ཡིན་ནོ། །མདོར་ན་དུས་དང་རྣམ་པ་ཀུན་ཏུ་ད་ལྟའི་ཤེས་པ་སྐད་ཅིག་མ་གཉུག་མ་བསམ་བརྗོད་དང་བྲལ་བ་འདི་གའི་ངང་ནས་བསྐྱེད་རིམ་བཟླས་བརྗོད། མཆོད་སྦྱིན་ཚོགས་གསོག་སོགས་བསོད་ནམས་ཀྱི་ཚོགས་སྤྱི་དང་། ཁྱད་པར་དུ་འཁོར་བ་ལ་ངེས་འབྱུང་། སེམས་ཅན་ལ་སྙིང་རྗེ། བླ་མ་ལ་མོས་གུས། ནམ་འཆི་ཆ་མེད་ཀྱི་བློ་སྣ་དུང་དུང་པས་ལས་རྒྱུ་འབྲས་ཀྱི་འདོར་ལེན་ལ་ངོས་ལྐོག་མེད་པར་བསླབ་པ་ནི་རྒྱལ་བ་སྲས་བཅས་དགྱེས་པའི་ལམ་མ་ནོར་བ་ལགས་པས་ཐུགས་ངེས་འཚལ། །ཞེས་པའང་ས་མ་དྷཱི་བྷ་དྲའི་ཕྲིན་ལན་དུ་མཉྫུ་གྷོ་ཥས་བྲིས་པའི་དགེ་བས་ཆོས་ཐམས་ཅད་ཀྱི་གནས་ལུགས་འཁོར་འདས་དབྱེར་མེད་ཀྱི་ཡེ་ཤེས་མངོན་སུམ་དུ་རྟོགས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །། ༈

[edit]

sa ma d+hI b+ha dra'i phrin lan du smra bsam brjod med kyi don/ bla ma la phyag 'tshal lo/__/ji skad du/__smra bsam brjod med shes rab pha rol phyin/__/ma skyes mi 'gags nam mkha'i ngo bo nyid/__/so so rang rig ye shes spyod yul ba/__/zhes gsungs pa ltar/__rang gi sems kyi gnas lugs blo yis bsam par mi nus shing /__ngag tu brjod pa dang bral yang gsal rig tsam mi 'gags par nyams su myong ba 'di ka lta ba khas len dang bral ba yin/__de'i ngang las rnam par rtog pa ci shar yang /__shar tsam nyid nas chu la ri mo bris pa ltar rang yal rjes med du song ba'i rig pa'i rang mdangs zang thal sgrib g.yogs dang bral ba nyid ma yengs tsam du skyong ba las gzhan pa'i bcas bcos spang blang gang yang mi byed pa ni sgom pa nyams myong dang 'brel ba yin/__'gro 'chag nyal 'dug dang bskyed rim bzlas brjod sogs chos spyod rnam bcus mtshon pa'i spyod lam ci byed kyang rang rig gsal stong brjod med kyi nyams dang ma bral ba'i ngang nas las rgyu 'bras kyi blang dor tshul bzhin du bya ba ni spyod pa dus tshod dang 'brel ba yin/__de lta bu'i lam thabs shes ya ma bral ba la goms pas mthar nyon mongs dang shes bya'i sgrib pa rim gyis spangs te rang don chos sku mngon du gyur/__gzhan don gzugs sku rgyun mi 'chad pa ni thob bya'i 'bras bu gzhan don dang 'brel ba yin no/__/mdor na dus dang rnam pa kun tu da lta'i shes pa skad cig ma gnyug ma bsam brjod dang bral ba 'di ga'i ngang nas bskyed rim bzlas brjod/__mchod sbyin tshogs gsog sogs bsod nams kyi tshogs spyi dang /__khyad par du 'khor ba la nges 'byung /__sems can la snying rje/__bla ma la mos gus/__nam 'chi cha med kyi blo sna dung dung pas las rgyu 'bras kyi 'dor len la ngos lkog med par bslab pa ni rgyal ba sras bcas dgyes pa'i lam ma nor ba lags pas thugs nges 'tshal/__/zhes pa'ang sa ma d+hI b+ha dra'i phrin lan du many+dzu g+ho Shas bris pa'i dge bas chos thams cad kyi gnas lugs 'khor 'das dbyer med kyi ye shes mngon sum du rtogs pa'i rgyur gyur cig__/sarba dA mang+ga laM//____//__!_