ཐུབ་པ་དགོངས་གསལ་གྱི་མདོ་རྣམ་པར་བཤད་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	thub pa dgongs gsal gyi mdo rnam par bshad pa
Location	mkhyen brtse'i bka' 'bum Volume 5, sde tshan 4, Text 7, Pages 599-605 (Folios 14a3 to 17a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thub pa dgongs gsal gyi mdo rnam par bshad pa. In 'jam dbyangs mkhyen brtse'i dbang po'i bka' 'bum, Vol. 5: 599-605. Khams sde dge rdzong sar dgon: Rdzong sar blo gros phun tshogs, 2020.
Genre	Detailed Explanation - rnam bshad

1 Texts in this Section (sde tshan or chos tshan)

7 599-605	ཐུབ་པ་དགོངས་གསལ་གྱི་མདོ་རྣམ་པར་བཤད་པ། thub pa dgongs gsal gyi mdo rnam par bshad pa Detailed Explanation - rnam bshad	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཐུབ་པ་དགོངས་གསལ་གྱི་མདོ་རྣམ་པར་བཤད་པ། རིགས་ཀྱི་སྐབས་སུ། ཆོས་བཅུ་པའི་མདོ་ལས། དུ་བ་ལས་ནི་མེར་ཤེས་ཤིང་། །ཆུ་སྐྱར་ལས་ནི་ཆུར་ཤེས་ལྟར། །བྱང་ཆུབ་སེམས་དཔའ་བློ་ལྡན་གྱིས། །རིགས་ནི་མཚན་མ་དག་ལས་ཤེས། །མི་རྩུབ་བརླང་བ་མ་ཡིན་ལ། །གཡོ་དང་སྒྱུ་ནི་རྣམ་སྤངས་ཤིང་། །སེམས་ཅན་ཀུན་ལ་རབ་དྭངས་པ། །དེ་ནི་བྱང་ཆུབ་སེམས་དཔའ་ཡིན། །ཅེས་སོ། ། ༈ ཆོས་ལ་མོས་པའི་སྐབས། མྱང་འདས་ལས། དཀོན་མཆོག་གསུམ་ལ་སྐྱབས་ཚོལ་ན། །འཇིགས་པ་མེད་པའི་གནས་ཐོབ་འགྱུར། །ཞེས་དང་། རྒྱས་པར་འཕགས་པ་དྲག་ཤུལ་ཅན་གྱིས་ཞུས་པའི་མདོ་དང་། གསུམ་ལ་སྐྱབས་སུ་འགྲོ་བའི་མདོ་སོགས་ལས་ཤེས་སོ། །སྐྱེས་བུ་དམ་པ་བསྟེན་པ་ནི། ཡེ་ཤེས་བསྟན་པ་ཐེག་པ་ཆེན་པོའི་མདོ་སོགས་ལས་དང་། སྡོང་པོ་བཀོད་པ། སངས་རྒྱས་ཕལ་པོ་ཆེ་སོགས་ལས་ཤེས་པར་བྱའོ། །སེམས་བསྐྱེད་ནི། སྡོང་པོ་བཀོད་པ་ལས། རིགས་ཀྱི་བུ་མདོར་ན་སངས་རྒྱས་ཀྱི་ཆོས་ཐམས་ཅད་དང་། སངས་རྒྱས་ཀྱི་ཡོན་ཏན་ཐམས་ཅད་ཇི་སྙེད་པ་དེ་སྙེད་དུ་བྱང་ཆུབ་སེམས་ལ་ཡོན་ཏན་དང་ལེགས་པ་ཡོད་པར་བལྟའོ། །དེ་ཅིའི་ཕྱིར་ཞེ་ན། འདི་ལས་ནི་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པའི་དཀྱིལ་འཁོར་རབ་ཏུ་འབྱུང་སྟེ། འདས་པ་དང་མ་འོངས་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱང་འདི་ལས་འབྱུང་ངོ་། །ཞེས་སོགས་མདོ་སྡེ་ལས་རྒྱ་ཆེར་འབྱུང་ལ། རྩ་ལྟུང་ནི་ནམ་མཁའི་སྙིང་པོའི་མདོ་དང་། བསླབ་བཏུས་སུ་བལྟའོ། ། ༈ སྤྱོད་པ་ལས། དང་པོ་རང་སྨིན་བྱེད་ནི། དགོངས་འགྲེལ་ལས། བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་བསླབ་པའི་གཞི་དུ་མཆིས་ལགས། སྤྱན་རས་གཟིགས་དབང་ཕྱུག་དྲུག་སྟེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་བོ། །ཞེས་དང་། དང་པོ་གསུམ་ནི་ལྷག་པའི་ཚུལ་ཁྲིམས་ཀྱི་བསླབ་པ་ཡིན་པར་རིག་པར་བྱའོ། །བསམ་གཏན་ནི་ལྷག་པའི་སེམས་ཀྱི་བསླབ་པ་ཡིན་ནོ། །ཤེས་རབ་ནི་ལྷག་པའི་ཤེས་རབ་ཀྱི་བསླབ་པ་ཡིན་ནོ། །བརྩོན་འགྲུས་ནི་ཀུན་ཏུ་འགྲོ་བ་འདི་ལས། བསམ་གཏན་རྣམ་པ་གསུམ་ནི་རྣམ་པར་མི་རྟོག་ཅིང་། ཞི་ལ་རབ་ཏུ་ཞི་བས་ཉོན་མོངས་པ་དང་སྡུག་བསྔལ་བའི་གཉེན་པོར་བདེ་བར་གནས་པའི་བསམ་གཏན་དང་། ཡོན་ཏན་མངོན་པར་བསྒྲུབ་པའི་བསམ་གཏན་དང་། སེམས་ཅན་གྱི་དོན་མངོན་པར་སྒྲུབ་པའི་བསམ་གཏན་ནོ། །ཤེས་རབ་རྣམ་པ་གསུམ་ནི། ཀུན་རྫོབ་བདེན་པ་ལ་དམིགས་པ་དང་། དོན་དམ་བདེན་པ་ལ་དམིགས་པ་དང་། སེམས་ཅན་གྱི་དོན་ལ་དམིགས་པའོ། །ཞེས་སོ། །ཡིན་པར་སྨྲའོ། །ཞེས་སོགས་ཤིན་ཏུ་རྒྱས་པར་བཤད་དོ། །དེ་ལས་སྦྱིན་པ་ནི་ཉེ་བར་འཁོར་གྱིས་ཞུས་པའི་ལེའུ་དང་། བསོད་ནམས་ཐམས་ཅད་ཡང་དག་པར་སྡུད་པ་སོགས་ལས་རྒྱ་ཆེར་ཤེས་པར་བྱའོ། ། ཚུལ་ཁྲིམས་ངོ་བོ་དང་ཕན་ཡོན། ནི་བསོད་ནམས་ཐམས་ཅད་བསྡུས་པའི་མདོ་དང་། ཕན་ཡོན་ནི་ཡུལ་འཁོར་སྐྱོང་གིས་ཞུས་པའི་མདོ་དང་། ཉམས་པའི་ཉེས་དམིགས་ལས་མི་དགེ་བ་བཅུའི་ཉེས་པ་ནི་དྲན་པ་ཉེར་བཞག་ཏུ་བལྟའོ། །བཟོད་པ་ནི་དྲག་ཤུལ་ཅན་གྱིས་ཞུས་པའི་མདོ། ཡབ་སྲས་མཇལ་པའི་མདོ། འཕགས་པ་བཀའ་དྲིན་ཆེན་པོའི་མདོ་སོགས་ལས་ཤེས་སོ། །བརྩོན་འགྲུས་ནི། གསང་བ་བསམ་གྱིས་མི་ཁྱབ་པའི་མདོ་ལས་ཡོངས་གཅོད་དང་ཕལ་པོ་ཆེར་རྣམ་བཅད་ཀྱི་སྒོ་ནས་བསྟན་པ་ལྟར་རོ། །བསམ་གཏན་གྱི་ཕར་ཕྱིན་ནི། གང་པོས་ཞུས་པ་ལས་དབེན་པའི་ཡོན་ཏན་དང་། ཆོས་ཡང་དག་པར་སྡུད་པའི་མདོ་ལས་བྱམས་སྙིང་རྗེ་བསྒོམས་པ་དང་། སྡོང་པོ་བཀོད་པ་ལས་བདག་གཞན་བརྗེ་བའི་ཚུལ་རྒྱལ་བུ་བི་ཛ་ཡའི་གཏམ་རྒྱུད་དང་སྦྱར་བ་དང་། དེ་སོ་སྐྱེའི་དུས་སུའང་བསྒོམས་པ་བློ་གྲོས་རྒྱ་མཚོས་ཞུས་པའི་མདོར་སེང་གེའི་རྒྱལ་པོ་ཡན་ལག་མ་སྨད་པ་ཞེས་པའི་གཏམ་རྒྱུད་དང་སྦྱར་བ་དང་། ཞི་ལྷག་བསྒོམ་ཚུལ་དགོངས་འགྲེལ་ལས་རྒྱ་ཆེར་བསྟན་པ་རྣམས་སོ། །ཤེར་ཕྱིན་ལ། ལྟ་བས་སྤྲོས་པ་བཅད་པ། བསྒོམས་པས་ཉམས་སུ་བླངས་པ་གཉིས། སྔ་མ་ནི། འཇམ་དཔལ་རྣམ་པར་རོལ་པའི་མདོར། ཕྱི་རོལ་གྱི་ཡུལ་ཐམས་ཅད་སེམས་ཀྱིས་རྟོག་པའི་བག་ཆགས་བརྟས་པས་སྣང་བར་བསྟན་ཅིང་། དེ་སྲ་ཞིང་འཐས་པར་སྣང་དུ་རུང་བ་དང་། གྲོང་ཁྱེར་ཝཱ་ར་ཎ་སཱིར། བྲམ་ཟེ་མོ་གཅིག་གིས་རང་ལུས་སྟག་ཏུ་བསྒོམས་པས་གྲོང་ཁྱེར་པ་ཐམས་ཅད་ཀྱིས་དངོས་སུ་མཐོང་ནས་བྲོས་ཚུལ་བྱུང་ཞིང་། དེ་ཡང་བག་ཆགས་བརྟན་མི་བརྟན་པའོ། །དེ་ཡང་མདོ་དེར། ལྷའི་བུ། ཕྱི་རོལ་གྱི་ཡུལ་འདི་ཐམས་ཅད་ནི་བྱེད་པ་པོས་བྱས་པ་མ་ཡིན་ཏེ། སེམས་ཀྱི་རྟོག་པའི་བག་ཆགས་བརྟན་པས་སྣང་བ་ཡིན་ནོ། །ཞེས་དང་། བྱམས་པས་ཞུས་པར། བྱམས་པས་གསོལ་པ། ཕྱིའི་ཡུལ་འདི་ཇི་ལྟར་བལྟ་བར་བགྱི། །བཅོམ་ལྡན་འདས་ཀྱིས་བཀའ་སྩལ་པ། མི་རྟག་པ། མ་ངེས་པ། སྒྱུ་མ་ལྟ་བུ་ཡིན་ནོ། །ཞེས་གསུངས། བདེན་གཉིས་ཀྱི་ཁྱད་པར་ཚངས་པ་ཁྱད་པར་སེམས་ཀྱིས་ཞུས་པའི་མདོ་སོགས་ལས་རྒྱ་ཆེར་བསྟན་ལ། བློ་གྲོས་མི་ཟད་པས་ཞུས་པར། ཀུན་རྫོབ་ཀྱི་བདེན་པ་གང་ཞེ་ན། ཇི་ཙམ་དུ་འཇིག་རྟེན་གྱི་ཐ་སྙད་དུ་ཡི་གེ་དང་སྒྲ་དང་བཅས་བསྟན་པའོ། །དོན་དམ་པའི་བདེན་པ་གང་ཞེ་ན། གང་སེམས་ཀྱི་དཔྱོད་པའང་མེད་ན། ཡི་གེའི་རྣམ་པ་ལྟ་ཅི་སྨོས། །ཞེས་གསུངས། བསྒོམས་པས་ཉམས་སུ་བླང་བ་ནི། ཏིང་འཛིན་རྒྱལ་པོའི་མདོའི་དོན་ཀ་མ་ལ་ཤཱི་ལས་བསྒོམ་རིམ་བར་པར་དྲངས་པ་འདིར་སྦྱར་རོ། །གཞན་སྨིན་པར་བྱེད་པ་ནི། བློ་གྲོས་མི་ཟད་པ་བསྟན་པ་ལས། གཞན་ཡང་བྱང་ཆུབ་སེམས་དཔའ་རྣམས་ཀྱི་བསྡུ་བའི་དངོས་པོ་བཞི་མི་ཟད་པ་སྟེ། བཞི་གང་ཞེ་ན། འདི་ལྟ་སྟེ། སྦྱིན་པ་དང་། སྙན་པར་སྨྲ་དང་། དོན་སྤྱོད་པ་དང་། དོན་མཐུན་པའོ། །དེ་ལ་སྦྱིན་པ་ནི། གང་ཟང་ཟིང་སྦྱིན་པ་དང་། ཆོས་སྦྱིན་པའོ། །སྙན་པར་སྨྲ་བ་ནི། གང་སློང་བ་དང་ཆོས་ཉན་པ་རྣམས་ལ་ཚིག་འཇམ་རན་པར་སྨྲ་བའོ། །དེ་ལ་དོན་སྤྱོད་པ་ནི། གང་བདག་དང་གཞན་དག་གི་དོན་དུ་བསམས་བཞིན་ཡོངས་སུ་རྫོགས་པར་བྱེད་པའོ། །དེ་ལ་དོན་མཐུན་པ་ནི། གང་ཐེག་པ་གང་ལ་བདག་ཡོན་ཏན་དུ་འདུ་ཤེས་པའི་ཐེག་པ་དེ་ཉིད་ལ་ཆོས་དང་ཟང་ཟིང་ལེན་པ་རྣམས་རབ་ཏུ་འགོད་པའོ། །ཞེས་སོགས་རྒྱ་ཆེར་བསྟན། ། ༈ ལམ་བཞི་ལ་བྱང་ཕྱོགས་སོ་བདུན་སྦྱར་བ་ནི། བློ་གྲོས་མི་ཟད་པའི་མདོ་ལས་ཤིན་ཏུ་གསལ་ལོ། །དེའི་ནང་དབང་པོ་ལྔ་ནི་དད་སོགས་ཏེ། སྟོབས་ལྔ་དེའི་བཟློག་ཕྱོགས་ཀྱིས་མི་བརྫི་བའོ། ། ༈ སའི་ཡོན་ཏན་མདོ་སྡེ་ས་བཅུ་པ་ལས་བཤད་པའི་དོན་འཇུག་པ་རང་འགྲེལ་དང་སྦྱར་རོ། ། ༈ སྐུ་གསུམ་དང་ཡེ་ཤེས་བཞི་ནི། སྐུ་གསུམ་བསྟན་པའི་མདོ་ལས། རིགས་ཀྱི་བུ་ཀུན་གཞིའི་རྣམ་པར་ཤེས་པ་གནས་སུ་དག་པ་ནི་མེ་ལོང་ལྟ་བུའི་ཡེ་ཤེས་ཏེ་ཆོས་སྐུའོ། །ཉོན་མོངས་པའི་ཡིད་གནས་སུ་དག་པ་ནི་མཉམ་པ་ཉིད་ཀྱི་ཡེ་ཤེས་དང་། ཡིད་ཀྱི་རྣམ་པར་ཤེས་པ་གནས་སུ་དག་པ་ནི་སོ་སོར་ཀུན་ཏུ་རྟོག་པའི་ཡེ་ཤེས་ཏེ་ལོངས་སྤྱོད་རྫོགས་པའི་སྐུའོ། །སྒོ་ལྔའི་རྣམ་པར་ཤེས་པ་གནས་སུ་དག་པ་ནི་བྱ་བ་གྲུབ་པའི་ཡེ་ཤེས་ཏེ་སྤྲུལ་པའི་སྐུའོ། །ཞེས་སོགས་དང་། དེ་གསུམ་ནམ་མཁའ། སྤྲིན། ཆར་བ་ལྟ་བུའི་དཔེས་བསྟན་པ་དང་། རང་བཞིན་རྒྱས་པ་འཕགས་པ་གསེར་འོད་དམ་པར་བལྟའོ། །མདོར་ན་དེ་དག་ཞིབ་ཏུ། ཀླུ་སྒྲུབ་ཀྱི་མདོ་ཀུན་བཏུས། ཞི་བ་ལྷའི་བསླབ་བཏུས། ཇོ་བོ་རྗེའི་མདོ་ཀུན་ལས་བཏུས་པ་ཆེ་ཆུང་གཉིས། མེ་ཉག་པྲ་ཛྙཱ་ཛྭ་ལའི་སྤྱོད་འཇུག་གི་མདོ་སྦྱོར་སོགས་ལས་རྒྱ་ཆེར་ཤེས་པར་བྱ་བ་སྟེ་འདིར་མ་སྨོས་པའོ། ། ༈ དགོངས་འགྲེལ་ལས། ཞི་གནས་ནི་ལུས་སེམས་ཤིན་ཏུ་སྦྱངས་པ་དང་། ལྷག་མཐོང་གི་ཆོས་རབ་ཏུ་རྣམ་པར་འབྱེད་པ་སྟེ། དེས་དེ་མ་གྲུབ་ཀྱི་བར་དུ་སྦྱོང་བ་ནི། དེ་དང་དེ་དངོས་མ་ཡིན་ཏེ། རྗེས་སུ་མོས་པ་དང་མཚུངས་པར་ལྡན་པ་ཡིན་པར་བཤད་ལ། ། ༈ དགོངས་འགྲེལ་ལས། ཞི་གནས་ནི་སངས་རྒྱས་ཀྱི་སྐུ་གཟུགས་ལ་སྒྲུབ་པར་བཤད་ཅིང་། ལྷག་མཐོང་ནི་དང་པོ་ཕྱི་དོན་རྡུལ་ཕྲ་རབ་ཏུ་བཤིག་ཀྱང་མི་རྙེད་པས་སེམས་ཙམ་དུ་བསྒྲུབས། སེམས་ཀྱང་དུས་གསུམ་གྱི་རིག་པས་བརྟག་ན་སྐྱེ་འགག་མི་རྙེད་པས་སྐུ་གསུམ་ཙམ་དུ་བསྒྲུབས། དེའང་ཡང་དག་པར་ན་མ་དམིགས་པའི་ཕྱིར་སྤྲོས་བྲལ་དུ་བསྒྲུབས་ནས་མཉམ་པར་བཞག །གལ་ཏེ་རྣམ་རྟོག་འཕྲོ་ན། སླར་སྔར་གྱི་རིག་པ་དྲན་པར་བྱས་ཏེ་དེའི་ངང་ལ་བཞག །བྱིངས་རྒོད་བྱུང་ན་བསལ་ཅེས་གསུངས།། །། ༈

[edit]

thub pa dgongs gsal gyi mdo rnam par bshad pa/ thub pa dgongs gsal gyi mdo rnam par bshad pa/__rigs kyi skabs su/__chos bcu pa'i mdo las/__du ba las ni mer shes shing /__/chu skyar las ni chur shes ltar/__/byang chub sems dpa' blo ldan gyis/__/rigs ni mtshan ma dag las shes/__/mi rtsub brlang ba ma yin la/__/g.yo dang sgyu ni rnam spangs shing /__/sems can kun la rab dwangs pa/__/de ni byang chub sems dpa' yin/__/ces so/____/_!_chos la mos pa'i skabs/__myang 'das las/__dkon mchog gsum la skyabs tshol na/__/'jigs pa med pa'i gnas thob 'gyur/__/zhes dang /__rgyas par 'phags pa drag shul can gyis zhus pa'i mdo dang /__gsum la skyabs su 'gro ba'i mdo sogs las shes so/__/skyes bu dam pa bsten pa ni/__ye shes bstan pa theg pa chen po'i mdo sogs las dang /__sdong po bkod pa/__sangs rgyas phal po che sogs las shes par bya'o/__/sems bskyed ni/__sdong po bkod pa las/__rigs kyi bu mdor na sangs rgyas kyi chos thams cad dang /__sangs rgyas kyi yon tan thams cad ji snyed pa de snyed du byang chub sems la yon tan dang legs pa yod par blta'o/__/de ci'i phyir zhe na/__'di las ni byang chub sems dpa' thams cad kyi spyod pa'i dkyil 'khor rab tu 'byung ste/__'das pa dang ma 'ongs pa dang da ltar byung ba'i sangs rgyas thams cad kyang 'di las 'byung ngo /__/zhes sogs mdo sde las rgya cher 'byung la/__rtsa ltung ni nam mkha'i snying po'i mdo dang /__bslab btus su blta'o/___/_!_spyod pa las/__dang po rang smin byed ni/__dgongs 'grel las/__bcom ldan 'das byang chub sems dpa' rnams kyi bslab pa'i gzhi du mchis lags/__spyan ras gzigs dbang phyug drug ste/__sbyin pa dang /__tshul khrims dang /__bzod pa dang /__brtson 'grus dang /__bsam gtan dang /__shes rab bo/__/zhes dang /__dang po gsum ni lhag pa'i tshul khrims kyi bslab pa yin par rig par bya'o/__/bsam gtan ni lhag pa'i sems kyi bslab pa yin no/__/shes rab ni lhag pa'i shes rab kyi bslab pa yin no/__/brtson 'grus ni kun tu 'gro ba 'di las/_bsam gtan rnam pa gsum ni rnam par mi rtog cing /__zhi la rab tu zhi bas nyon mongs pa dang sdug bsngal ba'i gnyen por bde bar gnas pa'i bsam gtan dang /__yon tan mngon par bsgrub pa'i bsam gtan dang /__sems can gyi don mngon par sgrub pa'i bsam gtan no/__/shes rab rnam pa gsum ni/__kun rdzob bden pa la dmigs pa dang /__don dam bden pa la dmigs pa dang /__sems can gyi don la dmigs pa'o/__/zhes so/__/yin par smra'o/__/zhes sogs shin tu rgyas par bshad do/__/de las sbyin pa ni nye bar 'khor gyis zhus pa'i le'u dang /__bsod nams thams cad yang dag par sdud pa sogs las rgya cher shes par bya'o/__/_tshul khrims ngo bo dang phan yon/__ni bsod nams thams cad bsdus pa'i mdo dang /__phan yon ni yul 'khor skyong gis zhus pa'i mdo dang /__nyams pa'i nyes dmigs las mi dge ba bcu'i nyes pa ni dran pa nyer bzhag tu blta'o/__/bzod pa ni drag shul can gyis zhus pa'i mdo/__yab sras mjal pa'i mdo/__'phags pa bka' drin chen po'i mdo sogs las shes so/__/brtson 'grus ni/__gsang ba bsam gyis mi khyab pa'i mdo las yongs gcod dang phal po cher rnam bcad kyi sgo nas bstan pa ltar ro/__/bsam gtan gyi phar phyin ni/__gang pos zhus pa las dben pa'i yon tan dang /__chos yang dag par sdud pa'i mdo las byams snying rje bsgoms pa dang /__sdong po bkod pa las bdag gzhan brje ba'i tshul rgyal bu bi dza ya'i gtam rgyud dang sbyar ba dang /__de so skye'i dus su'ang bsgoms pa blo gros rgya mtshos zhus pa'i mdor seng ge'i rgyal po yan lag ma smad pa zhes pa'i gtam rgyud dang sbyar ba dang /__zhi lhag bsgom tshul dgongs 'grel las rgya cher bstan pa rnams so/__/sher phyin la/__lta bas spros pa bcad pa/__bsgoms pas nyams su blangs pa gnyis/__snga ma ni/__'jam dpal rnam par rol pa'i mdor/__phyi rol gyi yul thams cad sems kyis rtog pa'i bag chags brtas pas snang bar bstan cing /__de sra zhing 'thas par snang du rung ba dang /__grong khyer wA ra Na sIr/__bram ze mo gcig gis rang lus stag tu bsgoms pas grong khyer pa thams cad kyis dngos su mthong nas bros tshul byung zhing /__de yang bag chags brtan mi brtan pa'o/__/de yang mdo der/__lha'i bu/__phyi rol gyi yul 'di thams cad ni byed pa pos byas pa ma yin te/__sems kyi rtog pa'i bag chags brtan pas snang ba yin no/__/zhes dang /__byams pas zhus par/__byams pas gsol pa/__phyi'i yul 'di ji ltar blta bar bgyi/__/bcom ldan 'das kyis bka' stsal pa/__mi rtag pa/__ma nges pa/__sgyu ma lta bu yin no/__/zhes gsungs/__bden gnyis kyi khyad par tshangs pa khyad par sems kyis zhus pa'i mdo sogs las rgya cher bstan la/__blo gros mi zad pas zhus par/__kun rdzob kyi bden pa gang zhe na/__ji tsam du 'jig rten gyi tha snyad du yi ge dang sgra dang bcas bstan pa'o/__/don dam pa'i bden pa gang zhe na/__gang sems kyi dpyod pa'ang med na/__yi ge'i rnam pa lta ci smos/__/zhes gsungs/__bsgoms pas nyams su blang ba ni/__ting 'dzin rgyal po'i mdo'i don ka ma la shI las bsgom rim bar par drangs pa 'dir sbyar ro/__/gzhan smin par byed pa ni/__blo gros mi zad pa bstan pa las/__gzhan yang byang chub sems dpa' rnams kyi bsdu ba'i dngos po bzhi mi zad pa ste/__bzhi gang zhe na/__'di lta ste/__sbyin pa dang /__snyan par smra dang /__don spyod pa dang /__don mthun pa'o/__/de la sbyin pa ni/__gang zang zing sbyin pa dang /__chos sbyin pa'o/__/snyan par smra ba ni/__gang slong ba dang chos nyan pa rnams la tshig 'jam ran par smra ba'o/__/de la don spyod pa ni/__gang bdag dang gzhan dag gi don du bsams bzhin yongs su rdzogs par byed pa'o/__/de la don mthun pa ni/__gang theg pa gang la bdag yon tan du 'du shes pa'i theg pa de nyid la chos dang zang zing len pa rnams rab tu 'god pa'o/__/zhes sogs rgya cher bstan/____/_!_lam bzhi la byang phyogs so bdun sbyar ba ni/__blo gros mi zad pa'i mdo las shin tu gsal lo/__/de'i nang dbang po lnga ni dad sogs te/__stobs lnga de'i bzlog phyogs kyis mi brdzi ba'o/____/_!_sa'i yon tan mdo sde sa bcu pa las bshad pa'i don 'jug pa rang 'grel dang sbyar ro/____/_!_sku gsum dang ye shes bzhi ni/__sku gsum bstan pa'i mdo las/__rigs kyi bu kun gzhi'i rnam par shes pa gnas su dag pa ni me long lta bu'i ye shes te chos sku'o/__/nyon mongs pa'i yid gnas su dag pa ni mnyam pa nyid kyi ye shes dang /__yid kyi rnam par shes pa gnas su dag pa ni so sor kun tu rtog pa'i ye shes te longs spyod rdzogs pa'i sku'o/__/sgo lnga'i rnam par shes pa gnas su dag pa ni bya ba grub pa'i ye shes te sprul pa'i sku'o/__/zhes sogs dang /__de gsum nam mkha'/__sprin/__char ba lta bu'i dpes bstan pa dang /__rang bzhin rgyas pa 'phags pa gser 'od dam par blta'o/__/mdor na de dag zhib tu/__klu sgrub kyi mdo kun btus/__zhi ba lha'i bslab btus/__jo bo rje'i mdo kun las btus pa che chung gnyis/__me nyag pra dz+nyA dz+wa la'i spyod 'jug gi mdo sbyor sogs las rgya cher shes par bya ba ste 'dir ma smos pa'o/____/_!_dgongs 'grel las/__zhi gnas ni lus sems shin tu sbyangs pa dang /__lhag mthong gi chos rab tu rnam par 'byed pa ste/__des de ma grub kyi bar du sbyong ba ni/__de dang de dngos ma yin te/__rjes su mos pa dang mtshungs par ldan pa yin par bshad la/____/_!_dgongs 'grel las/__zhi gnas ni sangs rgyas kyi sku gzugs la sgrub par bshad cing /__lhag mthong ni dang po phyi don rdul phra rab tu bshig kyang mi rnyed pas sems tsam du bsgrubs/__sems kyang dus gsum gyi rig pas brtag na skye 'gag mi rnyed pas sku gsum tsam du bsgrubs/__de'ang yang dag par na ma dmigs pa'i phyir spros bral du bsgrubs nas mnyam par bzhag__/gal te rnam rtog 'phro na/_slar sngar gyi rig pa dran par byas te de'i ngang la bzhag__/byings rgod byung na bsal ces gsungs//___//__!_