དཔལ་ཡང་དག་པའི་གྲོལ་བའི་ལམ་ཡེ་ཤེས་ཐིག་ལེའི་མན་ངག།

🚧 This website is under continued development. We appreciate your patience!

First text in section. Back to Volume PageNext Text

Wylie title	dpal yang dag pa'i grol ba'i lam ye shes thig le'i man ngag
Location	mkhyen brtse'i bka' 'bum Volume 5, sde tshan 4, Text 1, Pages 574-578 (Folios 1a to 3b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s)	ཧུཾ་མཛད་རྡོ་རྗེ་ (Hūṃkāravajra)
Citation	'jam dbyangs mkhyen brtse'i dbang po. dpal yang dag pa'i grol ba'i lam ye shes thig le'i man ngag. In 'jam dbyangs mkhyen brtse'i dbang po'i bka' 'bum, Vol. 5: 574-578. Khams sde dge rdzong sar dgon: Rdzong sar blo gros phun tshogs, 2020.
Genre	Commentary Synoptic - bsdus don 'grel pa  ·  Detailed Explanation - rnam bshad
Deity	yang dag he ru ka
Colophon	རྒྱ་གར་གྱི་སློབ་དཔོན་ཆེན་པོ་རྡོ་རྗེ་ཧཱུྃ་ཀཱ་རས་མཛད་པ་རྫོགས་སོ། །པཎྜིཏ་དེ་ཉིད་དང་། བོད་ཀྱི་ལོ་ཙཱ་བ་གནུབས་ནམ་མཁའི་སྙིང་པོས་གསེར་བྲག་བྱ་སྐྱིབས་ཅན་དུ་བསྒྱུར་ནས་མངའ་བདག་བཙད་པོ་ལ་གཏད་པས་ཡང་དག་པའི་ཡེ་ཤེས་ཀྱི་དགོངས་པ་ལས་མི་གཡོ་བའི་ས་བརྙེས་པ་ཡིན་ནོ། །མངྒ་ལཾ།།
	rgya gar gyi slob dpon chen po rdo rje hU~M kA ras mdzad pa rdzogs so/__/paN+Dita de nyid dang /__bod kyi lo tsA ba gnubs nam mkha'i snying pos gser brag bya skyibs can du bsgyur nas mnga' bdag btsad po la gtad pas yang dag pa'i ye shes kyi dgongs pa las mi g.yo ba'i sa brnyes pa yin no/__/mang+ga laM

1 Texts in this Section (sde tshan or chos tshan)

1 574-578	དཔལ་ཡང་དག་པའི་གྲོལ་བའི་ལམ་ཡེ་ཤེས་ཐིག་ལེའི་མན་ངག། dpal yang dag pa'i grol ba'i lam ye shes thig le'i man ngag Commentary Synoptic - bsdus don 'grel pa   ·   Detailed Explanation - rnam bshad	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །དཔལ་ཡང་དག་པའི་གྲོལ་བའི་ལམ་ཡེ་ཤེས་ཐིག་ལེའི་མན་ངག་བཞུགས་སོ།། ན་མོ་གུ་རུ་ཤྲཱི་ཧེ་རུ་ཀཱ་ཡ། གྲུབ་པའི་སློབ་དཔོན་ཆེན་པོ་རྡོ་རྗེ་ཧཱུྃ་ཀཱ་རས་མཛད་པའི་དཔལ་ཡང་དག་ཡེ་ཤེས་ཐིག་ལེའི་མན་ངག་གྲོལ་ལམ་མཐར་ཐུག་པ་འདི་འཆད་པ་ལ་གསུམ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །དང་པོ་ལ་གཉིས། མཚན་བསྟན་པ་དང་། མཆོད་པར་བརྗོད་པའོ། །དང་པོ་ནི། རྒྱ་གར་སྐད་དུ། ཛྙཱ་ན་བིནྡྷུ་ཨུ་པ་དེ་ཤ །བོད་སྐད་དུ། ཡེ་ཤེས་ཐིག་ལེའི་མན་ངག །གཉིས་པ་ནི། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །གཉིས་པ་གཞུང་གི་དོན་ལ་གཉིས། བཤད་བྱ་རྩ་བའི་མདོ་དང་། འཆད་བྱེད་དོན་གྱི་མན་ངག་གོ། །དང་པོ་ནི། ཡང་དག་གྲུབ་པ་གཅིག་པུ་ནི། །སངས་རྒྱས་བདེ་ཆེན་ཀུན་འདུས་པ། །རྣལ་འབྱོར་ཟབ་མོ་སྐུ་གསུམ་རྫོགས། །མཁའ་འགྲོ་སྒྱུ་མ་བདེ་མཆོག་བདེ། །གཉིས་པ་འཆད་བྱེད་དོན་གྱི་མན་ངག་བསྟན་པ་ལ་གསུམ། མདོར་བསྟན་པ། རྒྱས་པར་བཤད་པ། དོན་བསྡུ་བའོ། །དང་པོ་ནི། དོན་དམ་ཡེ་ཤེས་ཐིག་ལེ་ཆེ། །མངོན་སུམ་གཏན་ལ་འབེབས་པའི་ལུང་། །མན་ངག་ངེས་པའི་སྙིང་པོ་ནི། །ལྟ་སྒོམ་སྤྱོད་འབྲས་ཚུལ་དུ་དབྱེ། །གཉིས་པ་རྒྱས་པར་བཤད་པ་ལ་བཞི། དེ་ཁོ་ན་ཉིད་ལྟ་བ། ཉམས་སུ་མྱོང་བ་སྒོམ་པ། མཚམས་སྦྱར་བ་སྤྱོད་པ། མཐར་ཕྱིན་པ་འབྲས་བུའི་ཚུལ་ལོ། །དང་པོ་ནི། ཡང་དག་གནས་ལུགས་གདོད་མ་ནས། །རང་བཞིན་གྲུབ་པ་གཅིག་པུའི་གཤིས། །ཀུན་ཡིན་གང་ཡང་མ་ཡིན་པ། །རིག་པ་ཁྱབ་བརྡལ་ངོ་བོ་ཉིད། །སངས་རྒྱས་སེམས་ཅན་ཡོངས་ཀྱི་སྲོག །རང་སྣང་རྣམ་དག་བདེ་ཆེན་པོ། །མ་ལུས་ཀུན་འདུས་དགོངས་གཞིར་གནས། གང་ཡང་མ་འགགས་ཅིར་ཡང་འཆར། །རང་བྱུང་ཡེ་ཤེས་ངོ་བོར་ཐིམ། །མཐའ་རྣམས་ཐམས་ཅད་མ་སྤངས་བྲལ། །ལྷུན་གྲུབ་ཡེ་ཤེས་རང་གནས་པ། །སངས་རྒྱས་ཀུན་གྱི་དེ་ཉིད་དོ། །གཉིས་པ་ནི། དེ་ལྟར་མཐོང་བའི་རྣལ་འབྱོར་པས། །སེམས་ནི་མ་བཅོས་རང་གར་བཞག །དབང་པོ་མ་བཀག་རང་གསལ་བཞག །གཟུགས་སྒྲ་དྲི་རོ་ལ་སོགས་པ། །གང་མཐོང་གང་སྣང་དེ་ཉིད་ཀྱི། །ངང་ལ་མཉམ་པར་ལྷན་ནེར་བཞག །གང་ཡང་མི་འགེགས་མི་འཛིན་ཅིང་། །མཉམ་ཉིད་རིག་པའི་གདེངས་ལ་བཞག །དེ་ལ་རྟོག་ཅིང་གོམས་པ་ཡིས། །མེ་ཡི་ཕུང་པོ་འབར་བ་ལ། །ཡམ་ཤིང་སྐམ་པོ་བསྣན་པ་བཞིན། །དངོས་པོ་གང་དང་གང་སྣང་ཡང་། །དེ་ཉིད་ཡེ་ཤེས་རྐྱེན་དུ་འགྱུར། །འཇུར་བུས་མི་བསྒོམ་གང་བདེར་བཞག །དེ་ཡང་སེམས་ལ་དབང་ཐོབ་ནས། །ཕྱོགས་གཅིག་ཁོ་ནར་མི་བསྒོམ་སྟེ། །ཏིང་འཛིན་འབུམ་ཕྲག་དུ་མ་ལ། །རྣལ་འབྱོར་རིག་པའི་རྩལ་ཆེན་སྦྱངས། །ཟབ་མོ་སངས་རྒྱས་སྤྱོད་ཡུལ་ཆེ། །རིག་པ་མཐའ་དབུས་མེད་པ་ཡི། །བདེ་ཆེན་སྤྱི་བླུགས་ཉིད་དུ་འཆར། །ནམ་མཁའི་མཐོངས་སུ་མདུང་བསྐོར་བཞིན། །རིག་བ་རང་ལ་རང་དབང་བསྒྱུར། །དེ་ལྟར་གདེངས་ཆེན་བསྒོམ་པའི་མཆོག །གསུམ་པ་ནི། དེ་ཉིད་རྟོགས་པའི་རྣལ་འབྱོར་པས། །སྤྱོད་པ་བླང་དོར་མེད་པར་སྤྱད། །སྤངས་ནི་ཅིར་ཡང་མ་སྤངས་ལ། །ཆེད་དུ་གང་ཡང་བསྒྲུབ་པ་མེད། །སྤྱོད་པ་མ་འགགས་བླང་དོར་བྲལ། །མ་སྐྱེས་པ་ནི་ཆོས་ཀྱི་སྐུ། །འགགས་མེད་ཤར་བ་ལོངས་སྤྱོད་རྫོགས། །གཉིས་སུ་འཛིན་བྲལ་སྤྲུལ་པའི་ཚུལ། །སྐུ་གསུམ་རྫོགས་པའི་བརྟུལ་ཞུགས་གྲུབ། །བཞི་པ་ནི། མ་བསྒྲུབ་བདག་ཉིད་འབྲས་བུར་རྫོགས། །མ་བླངས་དངོས་གྲུབ་རང་ལ་ཤར། །མ་བགྲོད་ས་ལམ་ལྷུན་གྱིས་བགྲོད། །མ་བཙལ་ཆོས་སྐུའི་ནམ་མཁའ་ལ། །གཟུགས་སྐུ་ཡེ་ཤེས་ཤུགས་ཀྱིས་འགྲོ། །སྒྱུ་མ་ལྟ་བུར་གཞན་དོན་སྣང་། །བདེ་མཆོག་བདེ་བའི་གནས་ཐོབ་པའོ། །གསུམ་པ་དོན་བསྡུ་བ་ནི། མདོར་ན་དེ་ཉིད་མཐོང་ཞིང་གོམས། །གདེངས་སུ་སྤྱོད་ནས་འབྲས་ཐོབ་པའི། །ཚུལ་རྣམས་རང་རིག་གཅིག་པུ་ཡི། །ངང་ལས་མ་གཡོས་སྡོམ་པའི་མཆོག །གསུམ་པ་མཇུག་གི་དོན་ལ་གཉིས། །བརྩམས་པ་མཐར་ཕྱིན་པའི་བྱ་བ་དང་། འགྱུར་བྱང་གིས་མཇུག་བསྡུ་བའོ། །དང་པོ་ནི། འདི་བགྱིས་དགེ་བས་འགྲོ་བ་ཀུན། །ཡང་དག་ཡེ་ཤེས་མངོན་གྱུར་ཤོག །གཉིས་པ་ནི། རྒྱ་གར་གྱི་སློབ་དཔོན་ཆེན་པོ་རྡོ་རྗེ་ཧཱུྃ་ཀཱ་རས་མཛད་པ་རྫོགས་སོ། །པཎྜིཏ་དེ་ཉིད་དང་། བོད་ཀྱི་ལོ་ཙཱ་བ་གནུབས་ནམ་མཁའི་སྙིང་པོས་གསེར་བྲག་བྱ་སྐྱིབས་ཅན་དུ་བསྒྱུར་ནས་མངའ་བདག་བཙད་པོ་ལ་གཏད་པས་ཡང་དག་པའི་ཡེ་ཤེས་ཀྱི་དགོངས་པ་ལས་མི་གཡོ་བའི་ས་བརྙེས་པ་ཡིན་ནོ། །མངྒ་ལཾ།། །། ༈

[edit]

hU~M kA ra'i yang dag ye shes thig le'i bsdus don dang rtsa gzhung bsgrags ma/ @#/__/dpal yang dag pa'i grol ba'i lam ye shes thig le'i man ngag bzhugs so// na mo gu ru shrI he ru kA ya/__grub pa'i slob dpon chen po rdo rje hU~M kA ras mdzad pa'i dpal yang dag ye shes thig le'i man ngag grol lam mthar thug pa 'di 'chad pa la gsum/__klad kyi don/__gzhung gi don/__mjug gi don no/__/dang po la gnyis/__mtshan bstan pa dang /__mchod par brjod pa'o/__/dang po ni/__rgya gar skad du/__dz+nyA na bin+d+hu u pa de sha__/bod skad du/__ye shes thig le'i man ngag__/gnyis pa ni/__/dpal rdo rje sems dpa' la phyag 'tshal lo/__/gnyis pa gzhung gi don la gnyis/__bshad bya rtsa ba'i mdo dang /__'chad byed don gyi man ngag go/__/dang po ni/_yang dag grub pa gcig pu ni/__/sangs rgyas bde chen kun 'dus pa/__/rnal 'byor zab mo sku gsum rdzogs/__/mkha' 'gro sgyu ma bde mchog bde/__/gnyis pa 'chad byed don gyi man ngag bstan pa la gsum/__mdor bstan pa/__rgyas par bshad pa/__don bsdu ba'o/__/dang po ni/__don dam ye shes thig le che/__/mngon sum gtan la 'bebs pa'i lung /__/man ngag nges pa'i snying po ni/__/lta sgom spyod 'bras tshul du dbye/__/gnyis pa rgyas par bshad pa la bzhi/__de kho na nyid lta ba/__nyams su myong ba sgom pa/__mtshams sbyar ba spyod pa/__mthar phyin pa 'bras bu'i tshul lo/__/dang po ni/__yang dag gnas lugs gdod ma nas/__/rang bzhin grub pa gcig pu'i gshis/__/kun yin gang yang ma yin pa/__/rig pa khyab brdal ngo bo nyid/__/sangs rgyas sems can yongs kyi srog__/rang snang rnam dag bde chen po/__/ma lus kun 'dus dgongs gzhir gnas/__gang yang ma 'gags cir yang 'char/__/rang byung ye shes ngo bor thim/__/mtha' rnams thams cad ma spangs bral/__/lhun grub ye shes rang gnas pa/__/sangs rgyas kun gyi de nyid do/__/gnyis pa ni/__de ltar mthong ba'i rnal 'byor pas/__/sems ni ma bcos rang gar bzhag__/dbang po ma bkag rang gsal bzhag__/gzugs sgra dri ro la sogs pa/__/gang mthong gang snang de nyid kyi/__/ngang la mnyam par lhan ner bzhag__/gang yang mi 'gegs mi 'dzin cing /__/mnyam nyid rig pa'i gdengs la bzhag__/de la rtog cing goms pa yis/__/me yi phung po 'bar ba la/__/yam shing skam po bsnan pa bzhin/__/dngos po gang dang gang snang yang /__/de nyid ye shes rkyen du 'gyur/__/'jur bus mi bsgom gang bder bzhag__/de yang sems la dbang thob nas/__/phyogs gcig kho nar mi bsgom ste/__/ting 'dzin 'bum phrag du ma la/__/rnal 'byor rig pa'i rtsal chen sbyangs/__/zab mo sangs rgyas spyod yul che/__/rig pa mtha' dbus med pa yi/__/bde chen spyi blugs nyid du 'char/__/nam mkha'i mthongs su mdung bskor bzhin/__/rig ba rang la rang dbang bsgyur/__/de ltar gdengs chen bsgom pa'i mchog__/gsum pa ni/__de nyid rtogs pa'i rnal 'byor pas/__/spyod pa blang dor med par spyad/__/spangs ni cir yang ma spangs la/__/ched du gang yang bsgrub pa med/__/spyod pa ma 'gags blang dor bral/__/ma skyes pa ni chos kyi sku/__/'gags med shar ba longs spyod rdzogs/__/gnyis su 'dzin bral sprul pa'i tshul/__/sku gsum rdzogs pa'i brtul zhugs grub/__/bzhi pa ni/__ma bsgrub bdag nyid 'bras bur rdzogs/__/ma blangs dngos grub rang la shar/__/ma bgrod sa lam lhun gyis bgrod/__/ma btsal chos sku'i nam mkha' la/__/gzugs sku ye shes shugs kyis 'gro/__/sgyu ma lta bur gzhan don snang /__/bde mchog bde ba'i gnas thob pa'o/__/gsum pa don bsdu ba ni/__mdor na de nyid mthong zhing goms/__/gdengs su spyod nas 'bras thob pa'i/__/tshul rnams rang rig gcig pu yi/__/ngang las ma g.yos sdom pa'i mchog__/gsum pa mjug gi don la gnyis/__/brtsams pa mthar phyin pa'i bya ba dang /__'gyur byang gis mjug bsdu ba'o/__/dang po ni/__'di bgyis dge bas 'gro ba kun/__/yang dag ye shes mngon gyur shog__/gnyis pa ni/__rgya gar gyi slob dpon chen po rdo rje hU~M kA ras mdzad pa rdzogs so/__/paN+Dita de nyid dang /__bod kyi lo tsA ba gnubs nam mkha'i snying pos gser brag bya skyibs can du bsgyur nas mnga' bdag btsad po la gtad pas yang dag pa'i ye shes kyi dgongs pa las mi g.yo ba'i sa brnyes pa yin no/__/mang+ga laM//___//__!_