སློབ་དཔོན་སྒྲ་དབྱངས་བཅུ་གཅིག་པ་རྣམས་ཀྱིས་མཛད་པའི་གསང་འདུས་ཀྱི་མན་ངག་རྣམས་ལས་གཅེས་བཏུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	slob dpon sgra dbyangs bcu gcig pa rnams kyis mdzad pa'i gsang 'dus kyi man ngag rnams las gces btus
Location	mkhyen brtse'i bka' 'bum Volume 5, sde tshan 2, Text 15, Pages 492-509 (Folios 212b4 to 221a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. slob dpon sgra dbyangs bcu gcig pa rnams kyis mdzad pa'i gsang 'dus kyi man ngag rnams las gces btus. In 'jam dbyangs mkhyen brtse'i dbang po'i bka' 'bum, Vol. 5: 492-509. Khams sde dge rdzong sar dgon: Rdzong sar blo gros phun tshogs, 2020.
Genre	Ritual and Liturgical Texts - cho ga phyag len  ·  Detailed Explanation - rnam bshad
Cycle	དཔལ་གསང་བ་འདུས་པ་ (dpal gsang ba 'dus pa)

1 Texts in this Section (sde tshan or chos tshan)

15 492-509	སློབ་དཔོན་སྒྲ་དབྱངས་བཅུ་གཅིག་པ་རྣམས་ཀྱིས་མཛད་པའི་གསང་འདུས་ཀྱི་མན་ངག་རྣམས་ལས་གཅེས་བཏུས། slob dpon sgra dbyangs bcu gcig pa rnams kyis mdzad pa'i gsang 'dus kyi man ngag rnams las gces btus Ritual and Liturgical Texts - cho ga phyag len   ·   Detailed Explanation - rnam bshad	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྡོ་རྗེ་འཆང་ཆེན་༣༦༦ནས་པོའི་ལམ་གྱི་རིམ་པའི་མན་ངག་བདུད་རྩི་གསང་བ་ཞེས་བྱ་བ་སློབ་དཔོན་སྒྲ་དབྱངས་བཅུ་གཅིག་པས་མཛད་པ་ལོ་ཆེན་གྱིས་འགྱུར་བ་ལས། དེ་ལ་འབྱུང་བ་དང་འབྱུང་བ་ལས་གྱུར་པའི་ལུས་སུ་གྱུར་ནས། རྡོ་རྗེ་འཆང་ཆེན་པོའི་ཡེ་ཤེས་ཀྱི་ལུས་ཐོབ་པར་འགྱུར་བ་ལ་ལམ་རྣམ་པ་གསུམ་སྟེ། སེམས་དང་པོ་བསྐྱེད་པའི་ལམ་གྱི་རིམ་པ་དང་། ཐེག་པ་ལ་གསར་དུ་ཞུགས་པའི་ལམ་གྱི་རིམ་པ་དང་། རྣལ་འབྱོར་བའི་ལམ་གྱི་རིམ་པའོ། །སེམས་དང་པོ་བསྐྱེད་པའི་ལམ་གྱི་རིམ་པ་ལ་དྲུག་སྟེ། དགེ་བའི་བཤེས་གཉེན་དམ་པ་མཉེས་པར་བྱ་བ་དང་། དབང་ནོད་པ་དང་། དམ་པའི་ཆོས་ཉན་པ་དང་། གྲོགས་མཐུན་པ་དང་། མཆོད་པའི་མངོན་སྤྱོད་དང་། མཐུན་པའི་གནས་སོ། །ཐེག་པ་གསར་དུ་ཞུགས་པ་རྣམས་ཀྱི་ལམ་གྱི་རིམ་པ་རྣམ་པ་བཞི་སྟེ། སྙིང་རྗེ་ཆེན་པོའི་ཏིང་ངེ་འཛིན་དང་། བཀའི་འཁོར་ལོའི་ཏིང་ངེ་འཛིན་དང་། སྲུང་བའི་འཁོར་ལོའི་ཏིང་ངེ་འཛིན་དང་། སྟོང་པ་ཉིད་ཀྱི་ཏིང་ངེ་འཛིན་ནོ། །རྣལ་འབྱོར་གྱི་ལམ་གྱི་རིམ་པ་ལ་རྣམ་པ་གཉིས་ཏེ། ཐུན་མོང་གི་ལམ་དང་། མཆོག་གི་ལམ་མོ། །ཐུན་མོང་གི་ལམ་ནི་རྡོ་རྗེ་རྣམ་པ་བཞིའོ། །མཆོག་གི་ལམ་ནི་ཡན་ལག་དྲུག་གོ། །དེ་སྐད་དུ་རྣལ་འབྱོར་ཆེན་པོའི་རྒྱུད་དཔལ་གསང་བ་འདུས་པའི་རྒྱུད་ཕྱི་མ་ལས། ཐུན་མོང་མཆོག་གི་དབྱེ་བ་ཡིས། །སྒྲུབ་ཐབས་རྣམ་པ་གཉིས་སུ་འགྱུར། །ཐུན་མོང་རྡོ་རྗེ་རྣམ་བཞི་སྟེ། །མཆོག་ནི་ཡན་ལག་དྲུག་ཡིན་ནོ། །ཞེས་གསུངས་པ་ཡིན་ནོ། །རྡོ་རྗེ་རྣམ་པ་བཞི་གང་ཞེ་ན། རྒྱུད་དེ་ཉིད་ལས། དང་པོར་སྟོང་ཉིད་བྱང་ཆུབ་ཆེ། །གཉིས་པ་ས་བོན་འབྱུང་བའོ། །གསུམ་པ་གཟུགས་རྣམས་རྫོགས་པ་སྟེ། །བཞི་པ་ཡི་གེ་དགོད་པའོ། །རྡོ་རྗེ་རྣམ་བཞི་དེ་དག་ན། །ཐུན་མོང་སྒྲུབ་པའི་ཐབས་ཡིན་ནོ། །ཞེས་གསུངས་པ་སྟེ། དེ་དག་གིས་བསྙེན་པ་དང་། ཉེ་བར་སྒྲུབ་པ་དང་། སྒྲུབ་པ་དང་། སྒྲུབ་པ་ཆེན་པོ་བཞི་གོ་རིམ་བཞིན་དུ་གསུངས་པ་ཡིན་ནོ། །དེ་ཇི་ལྟར་གསུངས་ཤེ་ན། འདི་ལྟར་སྟོང་པའི་ཆ་བསྐྱེད་ནས་དོན་དམ་པའི་དཀྱིལ་འཁོར་བསྒོམ་པའི་བར་ནི་བྱང་ཆུབ་ལ་དམིགས་ཤིང་སྒྲུབ་བ་ལ་བསྙེན་པ་ཞེས་བྱ་ལ། ཉེ་བར་སྒྲུབ་པ་ལ་སོགས་པ་གསུམ་གྱི་སྔོན་དུ་དོན་དམ་པའི་དཀྱིལ་འཁོར་བསྒོམས་པ་ཡིན་པས་ན། དང་པོ་སྟོང་པའི་བྱང་ཆུབ་སྟེ། །ཞེས་ཀྱང་གསུངས་སོ། །ལྡང་བར་བྱ་བ་ནས་རྡོ་རྗེ་འཆང་ཆེན་པོའི་དམ་ཚིག་སེམས་དཔའ་བསྐྱེད་པའི་ཕྱིར་ཉེ་བར་སྒྲུབ་པ་ཞེས་བྱ་ལ། བསྙེན་པའི་འོག་ཏུ་ཡིག་འབྲུ་གསུམ་གྱི་རྒྱུ་ལས་ལྷའི་སྐུ་བྱུང་བ་ཡིན་པས་ན། གཉིས་པ་ས་བོན་བྱུང་བའོ། །ཞེས་ཀྱང་གསུངས་སོ། །རྡོ་རྗེ་འཆང་ཆེན་པོ་ཉིད་སྐུ་དེ་ལ་རྣམ་པར་སྣང་མཛད་སྤྱི་བོར་དགོད་པ་ནས་ཏིང་ངེ་འཛིན་སེམས་དཔའ་བསྒོམ་པའི་བར་ནི་བདག་གི་དོན་སྒྲུབ་པ་ཡིན་པའི་ཕྱིར་སྒྲུབ་པ་ཞེས་བྱ་ལ། ཉེ་བར་སྒྲུབ་པའི་འོག་ཏུ་རྡོ་རྗེ་འཆང་གི་སྐུ་བསྒོམ་པར་བྱ་བའི་ལྷའི་སྐུ་རྫོགས་པ་ཡིན་པས་ན། གསུམ་པ་གཟུགས་རྣམས་རྫོགས་པ་སྟེ། །ཞེས་ཀྱང་གསུངས་སོ། །དང་པོ་སྦྱོར་བ་ནས་ལས་རྒྱལ་མཆོག་གི་མཐར་ཐུག་པའི་བར་ནི་གཞན་གྱི་དོན་ཆེན་པོ་བསྒྲུབ་པའི་ཕྱིར་སྒྲུབ་པ་ཆེན་པོ་ཞེས་བྱ་ལ། སྒྲུབ་པའི་འོག་ཏུ་སྔགས་ཀྱི་དཀྱིལ་འཁོར་དུ་དབྱུང་བ་ཡིན་པས་ན། བཞི་པ་ནི་ཡི་གེ་དགོད་པའོ། །ཞེས་ཀྱང་གསུངས་པ་ཡིན་ནོ། །ཡན་ལག་དྲུག་གང་ཡིན་ཞེ་ན། ཡང་རྒྱུད་དེ་ཉིད་ལས། སོ་སོར་སྡུད་དང་བསམ་གཏན་དང་། །རྗེས་སུ་དྲན་དང་ཏིང་འཛིན་རྣམས། །སྦྱོར་བའི་ཡན་ལག་དྲུག་ཅེས་བྱ། །ཞེས་ཀྱང་གསུངས་པ་ཡིན་ནོ། །དེ་དག་ཀྱང་རྒྱུད་དེ་ཉིད་ལས་བཤད་པ་ནི། དབང་པོ་རྣམ་པ་བཅུ་རྣམས་ཀྱི༴ ནས། ཏིང་ངེ་འཛིན་ཞེས་བརྟགས་པ་ཡིན། །ཞེས་གསུངས་བ་སྟེ། དེ་དག་གིས་ལུས་རྣམ་པར་དབེན་པ་དང་། ངག་རྣམ་པར་དབེན་པ་དང་། སེམས་རྣམ་པར་དབེན་པ་དང་། ཀུན་རྫོབ་ཀྱི་བདེན་པ་དང་། ཟུང་འཇུག་དང་། ལྷུན་གྱིས་གྲུབ་པའི་ལམ་རྣམས་གསུངས་པ་ཡིན་ནོ། །ཞེས་སོགས་དོན་རྒྱས་པར་བཀྲལ་ཞིང་། དེ་ཡང་ངག་དབེན་སྐབས། འཚོ་བར་བྱེད་པའི་ཕྱིར་དེ་ཉིད་ལ་སྲོག་ཅེས་བྱ་ལ། ལྷུན་གྱིས་གྲུབ་པའི་ཚུལ་གྱིས་ཉིན་དང་མཚན་དུ་སྤྲོ་ཞིང་སྡུད་པས་ན་རྩོལ་བ་ཞེས་བྱ་བར་ཡང་བཤད་པ་སྟེ། དེ་ལྟ་བུའི་རྡོ་རྗེའི་བཟླས་པ་བྱེད་པར་བརྟག་ཅིང་བསྒོམ་མོ་ཞེས་བྱ་བའི་དོན་ཏོ། །དེ་ཡང་གྱེན་དུ་རྒྱུ་བའི་རླུང་ལྐོག་མ་གོས་དཀར་མོའི་རང་བཞིན་གྱི་མེའི་དཀྱིལ་འཁོར་ལ་གནས་ཤིང་ཀུན་རྫོབ་ཀྱི་སྣ་སྒོ་གཡས་ནས་རྒྱུ་བ་ནི་དེ་བཞིན་གཤེགས་པ་འོད་དཔག་ཏུ་མེད་པའི་བདག་ཉིད་འོད་ཟེར་དམར་པོའི་ངོ་བོ་ཉིད་དེ། ལས་ཀྱི་རླུང་རྣམས་དབང་པོའི་སྒོར་སྤྲོ་བ་དང་། བཟའ་བ་ལ་སོགས་པ་ལྕེའི་རྣམ་པར་ཤེས་པས་ཉམས་སུ་མྱོང་བར་བྱེད་དོ། །མེ་དང་མཉམ་དུ་གནས་པ་ལྟེ་བ་ན་སྒྲོལ་མའི་རང་བཞིན་གྱི་རླུང་གི་དཀྱིལ་འཁོར་ལ་གནས་ཤིང་སྣ་སྒོ་གཡོན་ནས་རྒྱུ་བ་ནི་དོན་ཡོད་གྲུབ་པའི་བདག་ཉིད་འོད་ཟེར་ནག་པོའི་ངོ་བོ་སྟེ། ལས་ནི་བཟའ་བ་ལ་སོགས་པ་དུས་མཉམ་དུ་འཇུ་བར་བྱེད་དོ། །ཐུར་དུ་སེལ་བ་གསང་བ་སྤྱན་མའི་རང་བཞིན་གྱི་སའི་དཀྱིལ་འཁོར་ལ་གནས་ཤིང་སྣ་སྒོ་གཉིས་ཀ་ནས་རྒྱུ་བ་རིན་ཆེན་འབྱུང་ལྡན་གྱི་བདག་ཉིད་འོད་ཟེར་སེར་པོའི་ངོ་བོ་སྟེ། རླུང་དང་གཤང་གཅི་ལ་སོགས་པ་ཐུར་དུ་སེལ་བའི་ལས་བྱེད་དོ། །སྲོག་སྙིང་ག་ན་མཱ་མ་ཀཱིའི་རང་བཞིན་གྱིས་ཆུའི་དཀྱིལ་འཁོར་ལ་གནས་ཤིང་དལ་ཞིང་རྒྱུ་བ་བུལ་བ་ནི་མི་བསྐྱོད་པའི་བདག་ཉིད་འོད་ཟེར་དཀར་པོའི་ངོ་བོ་ཉིད་དག་པ་སྟེ། རླུང་རྣམས་དབང་པོའི་སྒོར་སྤྲོ་བ་དང་ནང་དུ་སྡུད་པའི་ལས་བྱེད་དོ། །ཁྱབ་བྱེད་ཚིགས་ལ་གནས་པ་ནི་དེ་བཞིན་གཤེགས་པ་རྣམ་པར་སྣང་མཛད་ཀྱི་བདག་ཉིད་ཀུན་ལ་ཁྱབ་པའི་འོད་ཟེར་ཅན་ནམ་མཁའི་ངོ་བོ་ཉིད་དེ། གང་དང་གང་བྱུང་བ་དེ་དང་དེའི་དཀྱིལ་འཁོར་གྱི་ཚུལ་དུ་འབྱུང་ནས་འཆི་བའི་ཚེ་གཙོ་བོའི་ཚུལ་གྱིས་འབྱུང་བ་སྟེ། ལུས་ཀྱི་འགྲེང་གུག་དང་བསྐྱོད་པ་ལ་སོགས་པའི་བྱ་བ་བྱེད་དོ། །རླུང་དེ་དག་གིས་ཐུན་མོང་གི་ལས་ནི་རྣམ་པར་ཤེས་པའི་བཞོན་པ་བྱེད་དོ། །རྒྱུ་བ་ལ་སོགས་པའི་ཡན་ལག་གི་རླུང་ལྔ་ནི་མིག་ལ་སོགས་པའི་དབང་པོ་ལྔ་གོ་རིམ་བཞིན་དུ་གནས་ནས་ཕྱི་རོལ་གྱི་གཟུགས་ལ་སོགས་པའི་ཡུལ་གྱི་བྱ་བ་བྱེད་དོ། །ཞེས་དང་། སྔགས་ཟློས་པའི་གྲངས་ནི་ཉིན་ཞག་གཅིག་ལ་ཉི་ཁྲི་ཆིག་སྟོང་དྲུག་བརྒྱ་ཟློས་སོ། །དེ་ལ་ཐུན་བྱེད་པ་ཉི་ཤུ་རྩ་བཞིའོ། །ཐུན་ཆེན་པོ་བཅུ་གཉིས་སོ། །དབྱུག་སྐོར་དྲུག་གོ །ཞེས་དང་། ཨཱ་ལི་དང་ཀཱ་ལི་ལས་བྱུང་བའི་སྤྲུལ་སྐུ་ལ་སོགས་པའི་སྔགས་ཐམས་ཅད་ནི་ཨོཾ་ཨཱཿཧཱུྃ་གསུམ་རིགས་ལྔའི་འགྲེལ་པར་རྣལ་འབྱོར་པའི་ཡིད་འཕྲོག་པར། རྀ་རཱྀ་ལྀ་ལཱྀ་སྤངས་པའི་ཨཱ་ལི་ནི་བུད་མེད་ཀྱི་མིང་ངོ་། །ང་ཉ་ཎ་ན་མ་སྤངས་པའི་ཀཱ་ལི་ནི་སྐྱེས་པའི་མིང་ངོ་། །ཨཱ་ལི་ཀཱ་ལི་དག་སྤངས་པ་གང་ཡིན་པ་དེ་ནི་མ་ནིང་ངོ་། །ཞེས་གསུངས། ཡང་། སྲོག་ནི་འཚོ་བའོ། །རྩོམ་པར་བྱེད་ཅིང་རིང་དུ་སྤྲོ་བར་བྱེད་པ་གང་ཡིན་པ་དེ་ནི་སྲོག་གི་རྩོལ་བའི་རླུང་ཞེས་བྱ་བར་བཤད་དོ། །ཞེས་སོ། །ཡིན་ཏེ། སྔགས་ཐམས་ཅད་བུད་མེད་དང་སྐྱེས་པ་དང་མ་ནིང་གི་ཚུལ་གྱིས་ཡི་གེ་གསུམ་པོ་དེར་འདུ་བའི་ཕྱིར་རོ། །ཞེས་དང་། སེམས་དབེན་སྐབས། སེམས་དབེན་པར་ཤེས་ན་སངས་རྒྱས་ཀྱི་ཡེ་ཤེས་རིན་པོ་ཆེ་སྐྱེ་བའི་རྒྱུ་ཡིན་པའི་ཕྱིར་སེམས་རིན་པོ་ཆེ་ཞེས་བྱའོ། །དེ་ཡང་འདའ་ཀ་ཡེ་ཤེས་ཀྱི་མདོ་ལས། སེམས་ནི་ཡེ་ཤེས་འབྱུང་བའི་རྒྱུ། །སངས་རྒྱས་གཞན་དུ་མ་ཚོལ་ཅིག །ཅེས་གསུངས་པ་ཡིན་ནོ། །སེམས་དེའི་ངོ་བོ་ཇི་ལྟ་བུ་ཞེ་ན། དེ་ནི་རང་རིག་པ་ཙམ་མཚན་མ་ཐམས་ཅད་དང་བྲལ་བ་དམིགས་སུ་མེད་པའོ། །དེ་ཡང་དཀོན་མཆོག་བརྩེགས་པ་ཆེན་པོའི་མདོ་ལས། འོད་སྲུངས་སེམས་ནི་བཙལ་ན་མི་རྙེད་པ་དེ་མི་དམིགས་སོ། །གང་མི་དམིགས་པ་དེ་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ནོ། །ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལྟ་བུའི་སེམས་དེ་ཡང་དབྱེ་ན་གསུམ་དུ་འགྱུར་ཏེ། སྣང་བ་དང་། སྣང་བ་མཆེད་པ་དང་། སྣང་བ་ཐོབ་པའམ། སེམས་དང་སེམས་ལས་བྱུང་བའི་མ་མ་རིག་པའམ། སྟོང་པ་དང་། ཤིན་ཏུ་སྟོང་པ་ཆེན་པོའམ། འདོད་ཆགས་དང་འདོད་ཆགས་བར་མ་དང་འདོད་ཆགས་དང་བྲལ་བ་ཞེས་བྱའོ། །ཞེས་སོགས་མཚན་ཉིད་རྒྱས་པར་གསུངས་མཐར། དེ་ལྟ་མོད་ཀྱི་དེ་གསུམ་ཆར་ཡང་ལུས་དང་ངག་དང་སེམས་མེད་པ་མཚན་མའི་དངོས་པོ་ཐམས་ཅད་དང་བྲལ་བ་ཉིད་དུ་རིག་པར་བྱའོ། །ཞེས་སོགས་དང་། དེ་ཡང་དང་པོར་རྡོ་རྗེ་དང་པདྨའི་སྦྱོར་བ་མེད་པར་རྣམ་པར་ཤེས་པ་གསུམ་མངོན་དུ་བྱ་བར་མི་ནུས་ཏེ། དེ་སྐད་དུ་རྣལ་འབྱོར་ཆེན་པོའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་ལས། སྔགས་དང་ཕྱག་རྒྱས་སྔོན་དུ་འདུས་བྱས་པའི་རྡོ་རྗེ་དང་པདྨ་མཉམ་པར་སྦྱོར་བ་མེད་པར་རྣམ་པར་ཤེས་པ་གསུམ་ཉེ་བར་བརྟག་པར་མི་ནུས་སོ། །ཞེས་གསུངས་སོ། །ཞེས་དང་། ཀུན་རྫོབ་ཀྱི་བདེན་པའི་སྐབས། ཡེ་ཤེས་རྡོ་རྗེ་ཀུན་ལས་བཏུས་ལས། སེམས་དང་སེམས་ལས་བྱུང་བའི་རྣལ་འབྱོར་པ་ཆེན་པོ་ནི་བདེ་བའི་ཏིང་ངེ་འཛིན་ཏོ། །དེ་ནི་སྒྱུ་མའི་དཔེས་ཉེ་བར་མཚོན་པ་སྟེ། དེ་བས་ན་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་ནི་སྒྱུ་མ་ལྟ་བུ་དང་། ཆུ་ཟླ་ལྟ་བུ་དང་། མིག་ཡོར་ལྟ་བུ་དང་། རྨི་ལམ་དང་། བྲག་ཅ་དང་། དྲི་ཟའི་གྲོང་ཁྱེར་དང་། མིག་འཕྲུལ་དང་། དབང་པོའི་གཞུ་དང་། གློག་དང་། ཆུའི་ཆུ་བུར་དང་། མེ་ལོང་གི་གཟུགས་བརྙན་ལྟ་བུ་སྟེ། སྒྱུ་མའི་དཔེ་བཅུ་གཉིས་ཀྱིས་བདེ་བ་ཆེན་པོའི་ཏིང་ངེ་འཛིན་ཉེ་བར་མཚོན་པ་ཡིན་ནོ། །ཞེས་གསུངས་པ་དང་། ཞེས་དང་། བདག་འབའ་ཞིག་ལ་དེ་ལྟར་བསྒོམ་པར་མ་ཟད་ཀྱི་ཆོས་ཐམས་ཅད་སྒྱུ་མ་ལྟ་བུར་ཤེས་པར་བྱའོ། །སྒྱུ་མ་ལྟ་བུའི་ཏིང་ངེ་འཛིན་དེ་ཡང་དེ་བཞིན་གཤེགས་པ་རྣམས་ཀྱི་མན་ངག་གསང་བ་ཡིན་པ་དང་། ཤེས་རབ་ཅན་ང་རྒྱལ་གཅག་པར་བྱ་བའི་ཕྱིར་ཡན་ལག་ལྔ་མཐར་སྦས་ཏེ་བཞག་པ་ཡིན་ནོ། །དེ་ལྟར་སྒྱུ་མ་ལྟ་བུའི་ཏིང་ངེ་འཛིན་ལ་གནས་པས་འོད་གསལ་བ་བསྒོམས་ནས་དེ་འོད་གསལ་ཕལ་གྱི་ཡེ་ཤེས་སྐྱེ་བར་འགྱུར་བས་ན་དེ་ལས་སྐྱེས་ཞེས་གསུངས་པ་ཡིན་ནོ། །ཞེས་དང་། དོན་གྱི་བདེན་པའི་སྐབས། དོན་དམ་གྱི་བདེན་པ་ལ་གཉིས་ཏེ། ཕྱིའི་མངོན་པར་བྱང་ཆུབ་པ་དང་། ནང་གི་མངོན་པར་བྱང་ཆུབ་པའོ། །ཕྱིའི་མངོན་བར་བྱང་ཆུབ་པ་ལ་བཞི་སྟེ། ཇི་སྲིད་ཐོ་རངས་ཀྱི་ཐུན་མཚམས་ནས་ཉི་མ་མ་ཤར་བའི་བར་དེ་སྲིད་དུ་ནི་ལུས་དང་ངག་དང་ཡིད་དང་བྲལ་བ་ཐམས་ཅད་སྟོང་པའི་མཚན་ཉིད་དོ། །གང་གི་ཚེ་ཉི་མ་ཤར་ནས་ཉི་མ་ཡོད་པ་དེའི་ཚེ་ནི་སྣང་བ་མཆེད་པ་ཤིན་ཏུ་སྟོང་པའོ། །ཇི་སྲིད་ཉི་མ་ནུབ་ནས་ཟླ་བ་མ་ཤར་བར་དེ་སྲིད་ནི་མ་རིག་པ་སྟོང་པ་ཆེན་པོའོ། །ཇི་སྲིད་ཟླ་བ་ཤར་ནས་ཐོ་རངས་ཀྱི་ཐུན་མཚམས་དེ་སྲིད་དུ་ནི་སྣང་བ་ཐོབ་པ་སྟོང་པའི་མཚན་ཉིད་དོ། །ནང་གི་མངོན་པར་བྱང་ཆུབ་པ་ལ་རྣམ་པ་གཉིས་ཏེ། ཐུན་མོང་དང་ཐུན་མོང་མ་ཡིན་པའོ། །ཐུན་མོང་གི་སེམས་ཅན་ཐམས་ཅད་ཀྱི་སྙིང་གི་དཀྱིལ་འཁོར་ན་མི་ཤིགས་པའི་ཐིག་ལེ་དེ་བཞིན་གཤེགས་པའི་སྙིང་པོ་རང་བཞིན་གྱིས་འོད་གསལ་བ་མི་གཡོ་བ་ཆོས་ཐམས་ཅད་ཀྱི་རྒྱུར་འགྱུར་བ་རང་བཞིན་གྱིས་གྲུབ་ནས་གནས་སོ། །དེ་ཡང་དེ་བཞིན་གཤེགས་པའི་སྙིང་པོའི་མདོ་ལས། དེ་བཞིན་གཤེགས་པའི་སྐུ་ཡེ་ཤེས་དང་ལྡན་པ། སྤྱན་དང་ལྡན་པ། སེམས་ཅན་ཐམས་ཅད་ཀྱི་ལུས་ཀྱི་ནང་ན་ཇི་ལྟ་བ་བཞིན་དུ་མི་གཡོ་བར་བཞུགས་སོ། །ཞེས་གསུངས་པ་དང་། ལངྐར་གཤེགས་པའི་མདོ་ལས་ཀྱང་། དེ་བཞིན་གཤེགས་པའི་སྙིང་པོ་དེ་རང་བཞིན་གྱིས་འོད་གསལ་བ་རྣམ་ཡང་དག་པ་ཐོབ་ནས་རྣམ་པར་དག་པའི་མཚན་ཉིད་ཅན་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་ལྡན་པ། སེམས་ཅན་ཐམས་ཅད་ཀྱི་ལུས་ཀྱི་ནང་ན་མཆིས་སོ། །ཞེས་གསུངས་པ་དང་། གསེར་འོད་དམ་པའི་མདོ་ལས། དེ་བཞིན་གཤེགས་པའི་སྙིང་པོ་མཚན་མ་ཐམས་ཅད་རྣམ་པར་དག་པ་སྟེ། དཔེར་ན་གསེར་གྱི་རང་བཞིན་ཡེ་ནས་དག་པ་དང་། ཆུའི་རང་བཞིན་ཡེ་ནས་དག་པ་དང་། ནམ་མཁའི་རང་བཞིན་ཡེ་ནས་དག་པ་མེད་པ་མ་ཡིན་པ་དེ་བཞིན་དུ་ཆོས་ཐམས་ཅད་ཡེ་ནས་དག་པའང་མེད་པ་མ་ཡིན་ནོ། །ཞེས་གསུངས་སོ། །ཐུན་མོང་མ་ཡིན་པ་ནི་སངས་རྒྱས་ཐམས་ཅད་ཀྱི་མན་ངག་ཐེག་པ་ཆེན་པོའི་ཡུལ་མ་ཡིན་པ་གསང་བའི་གསང་བ་ཆེན་པོ་ཡིན་པ་དེའི་ཕྱིར་ཡན་ལག་ལྔ་དང་། དྲུག་པ་གཉིས་སུ་དཀྲུགས་ཏེ་གསུངས་པ་ཡིན་ནོ། །ཞེས་དང་། གསང་བ་དེ་ཡང་རིལ་པོར་འཛིན་པ་དང་། རྗེས་སུ་གཞིག་བའི་བསམ་གཏན་གཉིས་ཀྱིས་མངོན་དུ་བསྟན་ཏེ། དེ་ལ་རིལ་པོར་འཛིན་པའི་བསམ་གཏན་བརྟན་པའི་ཕྱིར་ཐབས་དང་ཤེས་རབ་སྙོམས་པར་འཇུག་པའི་ཞེས་གསུངས་ཏེ། ཞེས་སོགས་ཕྱག་རྒྱ་ལ་སྙོམས་པར་ཞུགས་པའི་འདོད་ཆགས་ཆེན་པོའི་མེས་ཕུང་ཁམས་སྐྱེ་མཆེད་དེ་བཞིན་གཤེགས་པའི་ངོ་བོར་གྱུར་པ་འོད་དུ་ཞུ་ནས་སྙིང་གི་ཐིག་ལེར་ཐིམ་པའི་སེམས་འཛིན་ཅིང་། དེ་ཉིད་ཀྱང་བདེ་བ་ཆེན་པོའི་བསམ་གཏན་གྱི་ངང་དུ་གཞུག་པས། ཡང་དག་པའི་མཐའ་ལ་འཇུག་པར་བྱ་བའི་ཚུལ་དང་། རྗེས་གཞིག་གི་སྐབས་སུ། བྱང་ཆུབ་ཀྱི་སེམས་མི་ཤིགས་པའི་ཐིག་ལེ་ལས་སྣང་བ་ཐོབ་པ་དང་། སྣང་བ་མཆེད་པ་དང་། སྣང་བའི་རིམ་པས་འོད་ཟེར་ལྔ་འབྱུང་བས་རྒྱུ་བ་དང་མི་རྒྱུ་བའི་དངོས་པོ་ཐམས་ཅད་ལ་ཁྱབ་པས་དང་པོར་འོད་གསལ་བར་བྱས་ཏེ་མི་ཤིགས་པ་ལ་བསྡུ་བ་ཡིན་པས་དངོས་པོ་ཐམས་ཅད་མདོར་བསྡུས་ནས་སོ། །ཞེས་དང་། དེ་ལྟར་རྣམ་པར་ཤེས་པ་གསུམ་རྣམ་པར་དག་པ་སྟེ། སྟོང་པ་གཞི་གཅིག་ཏུ་གྱུར་པ་ནི་འོད་གསལ་ཆེན་པོ་དང་། དོན་དམ་ཆེན་པོ་དང་། ཆོས་ཀྱི་དབྱིངས་དང་། དེ་བཞིན་ཉིད་དང་། བྱང་ཆུབ་སེམས་དཔའ་བདེ་བ་ཆེན་པོ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། མྱ་ངན་ལས་འདས་པ་དང་། སངས་རྒྱས་དང་། ལས་དང་སྐྱེ་བ་ལས་རྣམ་པར་གྲོལ་བ་དང་། ཐམས་ཅད་སྟོང་པ་དང་། མངོན་པར་བྱང་ཆུབ་པ་དང་། ཡང་དག་པའི་མཐའ་ཞེས་བྱའོ། །ཞེས་དང་། ཟུང་འཇུག་གི་སྐབས། དེ་ལྟར་སྟོང་པ་བཞི་གཅིག་ཏུ་གྱུར་པ་ལ་ནི་ནམ་མཁའི་ལྷ་ཚོགས་སྣང་བ་ལྟ་བུས་འཇིག་རྟེན་གྱི་ཁམས་སྣང་བར་བྱས་ཏེ། མངོན་དུ་གྱུར་པ་དེ་ནི་ཟུང་འཇུག་གི་ཏིང་ངེ་འཛིན་གནས་པ་དང་། དཔའ་བར་འགྲོ་བའི་ཏིང་ངེ་འཛིན་ལ་གནས་པ་དང་། རྣམ་པར་མི་རྟོག་པའི་ཏིང་ངེ་འཛིན་ལ་གནས་པ་དང་། ཆོས་ཀྱི་དབྱིངས་རྣམ་པར་དག་པ་དང་། སྦྱང་བ་བྱས་པ་དང་། རྫོགས་པར་སངས་རྒྱས་པ་དང་། གཉིས་སུ་མེད་པའི་ཡེ་ཤེས་དང་། དེ་ཁོ་ན་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་། མི་གནས་པའི་མྱ་ངན་ལས་འདས་པ་དང་། ཆོས་ཐམས་ཅད་ཀྱི་དེ་བཞིན་ཉིད་དང་ཞེས་བྱའོ། །སློབ་བཞིན་པ་ནི། རྣལ་འབྱོར་པའི་ཏིང་ངེ་འཛིན་དེ་ལྟ་བུ་ཞུགས་པས་ཀྱང་འདོད་ཆགས་དང་བཅས་པའི་ལམ་གྱི་སྤྱོད་པ་སོགས་གང་ཡང་རུང་བས་གཉིས་སུ་མེད་པའི་ཡེ་ཤེས་ཀྱི་དོན་སྤྱད་པར་བྱའོ། །ཇི་སྲིད་སེམས་དང་པོ་བསྐྱེད་པ་ནས་བཟུང་སྟེ་ཟུང་འཇུག་གི་ཏིང་ངེ་འཛིན་མངོན་སུམ་དུ་མ་གྱུར་པ་དེ་སྲིད་དུ་ནི་བསླབ་པར་བྱ་བའི་ལམ་ཡིན་པར་ཤེས་པར་བྱའོ། །ཞེས་དང་། ལྷུན་གྱིས་གྲུབ་པའི་སྐབས། དབུས་ནི་ཆོས་ཀྱི་སྐུ་ལ་བྱ་སྟེ་མཐའ་ཐམས་ཅད་དང་བྲལ་བའི་ཕྱིར་རོ། །ཆོས་ཀྱི་སྐུ་ནི་དཔའ་བར་འགྲོ་བའི་ཏིང་ངེ་འཛིན་ཐོབ་ནས་རིང་པོར་མི་ཐོགས་པར་ཐོབ་པར་འགྱུར་རོ། །ཞེས་དང་། སྐད་ཅིག་མ་དང་པོ་ལ་དཔའ་བར་འགྲོ་བའི་ཏིང་ངེ་འཛིན་ཐོབ་ནས། སྐད་ཅིག་མ་གཉིས་པ་ལ་བྱང་ཆུབ་དང་ཐམས་ཅད་མཁྱེན་པའི་ཡེ་ཤེས་སྐྱེ་སྟེ། སྐད་ཅིག་མ་གསུམ་པ་ལ་ཆོས་ཀྱི་སྐུའི་མིང་འཐོབ་པར་འགྱུར་བ་ཡིན་པར་མངོན་ནོ། །བྱང་ཆུབ་དང་ཐམས་ཅད་མཁྱེན་པ་ནི་ཆོས་ཐམས་ཅད་ཀྱི་དེ་བཞིན་ཉིད་ལ་དམིགས་པའི་ཁམས་ཕྲ་བ་དང་དབྱེར་མི་ཕྱེད་པའི་ཡེ་ཤེས་ལྔ་ལྷུན་གྱིས་གྲུབ་པའི་ཚུལ་གྱིས་སྐྱེའོ། །དེ་ཡང་སངས་རྒྱས་པའི་མདོ་ལས། བྱང་ཆུབ་ནི་མཉམ་པ་ཉིད་ཀྱི་ཡེ་ཤེས་སོ། །ཐམས་ཅད་མཁྱེན་པ་ནི་སོ་སོར་རྟོག་པའི་ཡེ་ཤེས་ལ་སོགས་པ་ཡིན་ནོ། །ཞེས་སོགས་གསུངས་པ་ཡིན་ནོ། །ཞེས་སོགས་དང་། ཆོས་ཀྱི་སྐུ་ནི་རྣམ་པར་རྟོག་པ་མི་མངའ་མོད་ཀྱི་སྔོན་གྱི་སྨོན་ལམ་མངའ་བརྙེས་པའི་ཕྱིར་དང་། སྔོན་རྡོ་རྗེ་འཆང་ཆེན་པོའི་གཟུགས་སུ་རྣམ་པར་བསྒོམ་པའི་དབང་གིས་སྐད་ཅིག་ཙམ་གྱིས་ཆུ་ཀླུང་དྭངས་པ་ལས་ཉ་ལྡང་པའམ། གཉིད་ལོག་པ་ལས་མྱུར་དུ་སད་པ་ལྟར་རྡོ་རྗེ་འཆང་ཆེན་པོའི་ཡེ་ཤེས་ཀྱི་སྐུ་ཆུ་ཟླ་ལྟ་བུ་དབང་ཕྱུག་བརྒྱད་དང་ལྡན་པའི་མཚན་དང་དཔེ་བྱད་གསལ་བར་རྫོགས་པར་སྟོན་པར་མཛད་པས་ན་ཡུད་ཀྱིས་ཡེ་ཤེས་རྫོགས་པར་བྱེད་པ་ཞེས་གདགས་སོ། །ངོ་བོ་ཉིད་ལ་འགྱུར་བ་མེད་པས་ན་ཏིང་ངེ་འཛིན་ཞེས་ཀྱང་བཏགས་པ་ཡིན་ནོ། །རྡོ་རྗེ་འཆང་ཆེན་པོ་སྐུ་བལྟ་བས་ཆོག་མི་ཤེས་པ་དེ་ལས་ཀྱང་འགྲོ་བ་ཇི་ལྟར་སྣང་བ་དེ་ལྟར་སྣང་བའི་སྐུར་སྟོན་པར་མཛད་དོ། །ཞེས་དང་། རྒྱ་ཆེ་རོལ་པར། རྣམ་པར་དག་པའི་འོད་གསལ་ཆེ། །རྡོ་རྗེ་ལྟ་བུའི་ཏིང་འཛིན་གྱིས། །རབ་ཏུ་དགའ་བའི་རྡོ་རྗེའི་སྐུ། །ཐོབ་ནས་སྐྱ་རེངས་ཤར་བའི་ཚེ། །ཆུ་ཟླ་དང་ནི་སྨིག་རྒྱུ་སོགས། །སྒྱུ་མའི་ཡོན་ཏན་རྣམས་ཀྱིས་བརྒྱན། །བྱང་ཆུབ་སྙིང་པོར་བཞུགས་ནས་ནི། །བདུད་ཀྱི་དཔུང་རྣམས་ཕམ་པར་མཛད། །ཤཱཀྱའི་མགོན་པོས་ཡང་དག་པའི། །ཡེ་ཤེས་བླ་མེད་ལེགས་ཐོབ་ནས། །འགྲོ་བ་གསུམ་ལ་ཕན་པའི་ཕྱིར། །དེ་ཉིད་འདིར་ནི་སྟོན་པར་མཛད། །ཅེས་གསུངས་པ་དང་། གསེར་འོད་དམ་པའི་མདོ་ལས། འདི་ལྟ་སྟེ། དཔེར་ན་ནམ་མཁའ་སྟོང་པ་ལ་བརྟེན་ཏེ་གློག་སྣང་ངོ་། །གློག་ལ་བརྟེན་ཏེ་འོད་སྣང་ངོ་། །དེ་བཞིན་དུ་ཆོ༷ས་ཀྱི་སྐུ༷་ལ་བརྟེན་པའི་ཕྱིར་ལོ༷ངས་སྤྱོད་རྫོགས་པའི་སྐུ༷་སྟོན་པར་མཛད་དོ། །ལོ༷ངས་སྤྱོད་རྫོགས་པའི་སྐུ༷་ལ་བརྟེན་པའི་ཕྱིར་སྤྲུལ༷་པའི༷་སྐུ་སྟོན་པར་མཛད་དོ། །ཞེས་སོ། ། ༈ དེ་ཡང་དང་པོ་སོ་སོར་སྡུད་པ་ནི་ལུས་རྣམ་པར་དབེན་པའི་གཞི་ཡིན་ཏེ། འདོད་པ་སོ་སོར་སྡུད་པས་ན། །སོ་སོར་སྡུད་པ་ཞེས་བྱའོ། །ཞེས་འདོད་པ་ནི་གཟུགས་ལ་སོགས་པ་སྟེ། དེ་དབང་པོ་རྣམས་ཀྱིས་སོ་སོར་ལེན་ཅིང་སྡུད་པས་སོ་སོར་སྡུད་པས་ན་སོ་སོར་སྡུད་པ་སྟེ་ཡན་ལག་དང་པོའོ། །བསམ་གཏན་ནི་ལུས་དབེན་དངོས་ཏེ། དེ་ཡང་ལུས་ཐ་མལ་པ་ལས་དབེན་པའི་ཕྱིར་ཕུང་ཁམས་སྐྱེ་མཆེད་ལྷའི་ངོ་བོར་བརྟག་པ་ནི་བསམ་གཏན་ཏེ། འདོད་པ་ལྔ་ནི་མདོར་བསྡུ་ན། །སངས་རྒྱས་ལྔ་རུ་སྦྱོར་བ་ཡིས། །བརྟགས་པས་བསམ་གཏན་ཞེས་བཤད་དེ། །རྟོག་དཔྱོད་དགའ་བདེ་བཞིས་བསྡུས་པའོ། །ཞེས་སོ། །ལུས་རྣལ་འབྱོར་པ་ལས་དབེན་པ་ནི་སེམས་རྩེ་གཅིག་ཏུ་གྱུར་པ་སྟེ། ཤེས་དང་ཤེས་བྱའི་གཟུང་འཛིན་ཟད་པའི་རང་སེམས་སོ། །སྲོག་རྩོལ་ནི་ངག་དབེན་ཏེ། དེ་ཡང་འཚོ་བ་དང་འཛིན་པར་བྱེད་པའི་ཕྱིར་སྲོག་རྩོལ་ནི་རླུང་སྟེ་དེ་ལམ་དུ་བྱེད་པའི་ཕྱིར་རོ། །དེ་ཡང་ཐ་མལ་པ་ལས་དབེན་པའི་ཕྱིར་རླུང་བཅུའི་རིམ་པ་གནས་ཚུལ་རྟོགས་པར་བྱས་ནས། འཇུག་གནས་ལྡང་གསུམ་ཡི་གེ་གསུམ་ལ་སྦྱར་ཏེ། ཞག་རེར་ཉི་ཁྲི་ཆིག་སྟོང་དྲུག་བརྒྱའི་བཟླས་པ་བྱ་བ་དང་། རྣལ་འབྱོར་པ་ལས་དབེན་པའི་ཕྱིར་ཡི་གེ་གསུམ་འཇུག་གནས་ལྡང་གསུམ་དང་། དེ་སྲོག་དང་། དེ་སྙིང་གའི་མི་ཤིགས་པའི་ཐིག་ལེར་རིམ་པ་བཞིན་དུ་གཞུག་པའོ། །འཛིན་པ་ནི་སེམས་དབེན་ཏེ། དེ་ཡང་སེམས་དབེན་པ་རྟོགས་པར་མ་གྱུར་ན་སྣང་གསུམ་གྱི་རང་བཞིན་ལ་གཟུང་འཛིན་དུ་རྟོག་པས་འཁོར་བའི་རྒྱ་མཚོ་མཐའ་མེད་དུ་འཁྱམས་པར་འགྱུར་རོ། །དེས་ན་ཐ་མལ་པ་ལས་དབེན་པའི་ཕྱིར་སྣང་གསུམ་གྱི་ངོ་བོ་སྟོང་པར་རྟོགས་པ་དང་། རྣལ་འབྱོར་པ་ལས་དབེན་པའི་ཕྱིར་ཕྱག་རྒྱས་དྲངས་པའི་སྣང་གསུམ་གྱི་བདེ་བ་ཐམས་ཅད་འོད་གསལ་དུ་བཅུག་པ་སྟེ། དེ་ཡང་བདེ་བ་དེར་སེམས་གཟུང་བར་བྱ་བ་ཡིན་པས་ན་བཟུང་བའོ། །སྒྱུ་ལུས་ནི་གཞུང་དུ་སྦས་ཏེ། རྗེས་དྲན་ལས་ཕྱེ་བའོ། །དེ་ཡང་རླུང་སེམས་ཙམ་ལས་གྲུབ་པའི་འོད་ཟེར་ལྔ་པ་ཅན་གྱི་སྒྱུ་ཐོབ་མཆེད་སྣང་བའི་རིམ་པས། མའི་སྐུར་ལྡང་བ་སྟེ། འོད་གསལ་གྱི་སྒྲུབ་གཞིའོ། །རྗེས་དྲན་ནི་འོད་གསལ་ཏེ། དེ་ཡང་ཕྱི་ལྟར་ཉིན་མོ་འཆར་བའི་ཚུལ་སོགས་ཀྱིས་མཚོན་པ་དང་། ནང་ལྟར་ཐུན་མོང་དུ་འོད་གསལ་བདེ་གཤེགས་སྙིང་པོའི་གནས་ལུགས་མཐོང་བ་དང་། ཁྱད་པར་ཕྱག་རྒྱར་སྙོམས་འཇུག་གིས་ཕུང་ཁམས་སྐྱེ་མཆེད་ཡོངས་གྲུབ་ཀྱི་ལྷ་སྐུ་འདོད་ཆགས་ཀྱི་མེས་བཞུ་ནས་སྙིང་གི་ཐིག་ལེར་བསྟིམ་ཞིང་དེ་ཉིད་འོད་གསལ་དུ་བཅུག་པ་རིལ་འཛིན་དང་། སྙིང་གི་ཐིག་ལེའི་དཀྱིལ་འཁོར་ཐོབ་མཆེད་སྣང་བའི་ཚུལ་དུ་སྤྲོས་ནས་བརྟན་གཡོ་ཐམས་ཅད་འོད་གསལ་དུ་བཅུག་པ་རྗེས་གཞིག་གི་སྒོ་ནས་བསྒྲུབས་པ་སྟེ། འདི་ཉིད་དོན་དམ་པའི་རྗེས་སུ་དྲན་པའོ། །ཟུང་འཇུག་ཀྱང་དེ་ཉིད་ལས་ཕྱེ་བ་སྟེ། འོད་གསལ་བ་ལ་སྒྱུ་མའི་ལུས་འཇུག་ལྡོག་ཏུ་ལྡང་བ་སྟེ་དཔའ་བར་འགྲོ་བའི་ཏིང་ངེ་འཛིན་ཅེས་ཀྱང་བྱའོ། །ཏིང་ངེ་འཛིན་ནི་ལྷུན་གྱིས་གྲུབ་པ་སྟེ་ཟུང་འཇུག་གིས་མཐར་ཐུག་གི་སྒྲིབ་གཉིས་སྤངས་ཏེ་ཆོས་ཀྱི་སྐུ་མངོན་དུ་གྱུར་པ་ལས་སྐུ་དང་ཡེ་ཤེས་ཕྲིན་ལས་དང་བཅས་པ་ལྷུན་གྱིས་གྲུབ་པའི་ཕྱིར་དང་། ངོ་བོ་ཉིད་དེ་ལས་འགྱུར་བ་མེད་པས་ན་ཏིང་ངེ་འཛིན་གྱི་སྒྲས་སྨོས་སོ། །དེ་དག་ཀྱང་གཞུང་གི་དོན་བསྡུས་པའོ། །གཞུང་འདི་དྷརྨ་ཤྲཱི་བྷ་དྲ་༢༧༨བར་དང་། རཏྣ་བྷ་དྲའི་འགྱུར་བ་སྟེ་ཤིན་ཏུ་ལེགས་པ་ཞིག་ཡོད་དོ། ། ༈ གསང་བ་འདུས་པའི་རབ་གནས་ཀྱི་ཆོ་ག་ནག་པོ་པས་མཛད་པར། ངེས་ཚིག་ནི། པྲ་ཀ་ན་ཧེ་ན་ཏིཥྛ་ཞེས་པ་སྟེ་མཆོག་ཏུ་གྱུར་པ་དང་། ཡུན་རིང་བས་རབ་གནས་ཞེས་བྱ་སྟེ། དེ་ལ་མཆོག་ཏུ་གྱུར་པ་ནི་ཡེ་ཤེས་སེམས་དཔའི་བདག་ཉིད་དུ་བསྒྲུབ་པར་བྱ་ལ། ཡུན་རིང་བ་ནི་འཁོར་བ་ཇི་སྲིད་དུ་གཞུག་པ་ལ་བྱའོ། །རྣམ་པར་དབྱེ་བ་ལ་གཉིས་ཏེ། གཞི་རྣམ་པར་དབྱེ་བ་དང་། སྒྲུབ་ཐབས་རྣམ་པར་དབྱེ་བའོ། །གཞི་རྣམ་པར་དབྱེ་བ་ནི་གཙུག་ལག་ཁང་དང་། མཆོད་རྟེན་དང་། ལྷའི་སྐུ་དང་། རས་བྲིས་ལ་སོགས་པ་དང་། རྟ་བབས་དང་། རྡོ་རིང་དང་། ཤིང་ལྗོན་པ་དང་། ཁྲོན་པ་དང་ཆུ་མིག་ལ་སོགས་པ་སྐུའི་བདག་ཉིད་དུ་བྱ་བའི་གཞིའོ། །བགྲང་ཕྲེང་དང་འཇིག་རྟེན་པའི་བསྟན་བཅོས་དང་། འཇིག་རྟེན་ལས་འདས་པའི་གླེགས་བམ་ལ་སོགས་པ་ནི་གསུང་གི་བདག་ཉིད་དུ་བྱ་བའི་གཞིའོ། །རྡོ་རྗེ་དང་འཁོར་ལོ་ལ་སོགས་པ་ལྷའི་མཚན་མ་ཐམས་ཅད་ནི་ཐུགས་ཀྱི་བདག་ཉིད་དུ་བྱ་བའི་གཞིའོ། །སྒྲུབ་པའི་ཐབས་རྣམ་པར་དབྱེ་བ་ནི། གཙུག་ལག་ཁང་ལ་སོགས་པ་སྐུའི་རང་བཞིན་ཏེ་སྟོང་པ་ཉིད་དུ་བསྒོམས་ལ། དེ་ལས་བྷྲཱུྃ། བྷྲཱུྃ་ལས་འཁོར་ལོ། དེ་ལས་སྐུ་རྣམ་པར་སྣང་མཛད་དུ་བསྒྲུབས་ལ་རབ་ཏུ་གནས་པར་བྱའོ། །བགྲང་ཕྲེང་དང་གླེགས་བམ་ལ་སོགས་པ་གསུང་གི་གཞི་ནི་སྟོང་པ་ཉིད་ལས་གསུང་རྡོ་རྗེ་ཆོས་སུ་བསྒྲུབས་ལ་རབ་ཏུ་གནས་པར་བྱའོ། །རྡོ་རྗེ་ལ་སོགས་པ་ཐུགས་ཀྱི་གཞི་ནི་ཐུགས་མི་བསྐྱོད་པར་བསྒྲུབས་ལ་རབ་ཏུ་གནས་པར་བྱའོ། །ཆོ་གའི་རིམ་པ་རྒྱས་པ་དང་བསྡུས་པའོ། །ཞེས་དང་། རིགས་དང་མི་ལྡན་སྐྱེས་བུ་ལ། །མི་རྣམས་ཀུན་གྱིས་མཆོད་མི་བྱེད། །དེ་བཞིན་རབ་གནས་མ་བྱས་པའི། །སྐུ་གསུང་ཐུགས་ཀྱི་རྟེན་རྣམས་ལ། །ཕྱག་འཚལ་མཆོད་པ་འབྲས་བུ་མེད། །སྔགས་དང་བྲལ་བའི་ཐལ་བ་ལ། །སྦྱིན་སྲེག་བྱས་པ་ཇི་བཞིན་ནོ། །དེ་བས་སྐུ་གསུང་ཐུགས་ཀྱི་རྟེན། །བཞེངས་ནས་རིང་པོར་བཞག་མི་བྱ། །དཔལ་དང་འབྱོར་པ་ཉམས་འགྱུར་བས། །དེ་བས་མྱུར་དུ་རབ་གནས་བྱ། །ཞེས་སོ། ། ༈ ཟ་ཧོར་གྱི་མཁན་པོ་ཤཱནྟ་དེ་ཝས་མཛད་པའི་གཏོར་ཆོག་ལས། བགེགས་རྣམས་མ་ལུས་བསྲུང་བ་དང་། །ཞི་བ་ལ་སོགས་ལས་རྣམས་དང་། །གྲུབ་ཆེན་བརྒྱད་དང་དངོས་གྲུབ་མཆོག །བསྒྲུབ་ཕྱིར་གཏོར་མའི་ཆོ་ག་བཤད། །ཅེས་སོ། ། ༈ སྦྱིན་སྲེག་གི་ཆོ་ག་ལས། སྡིག་པ་ཐམས་ཅད་བསྲེག་ཕྱིར་དང་། །སྔགས་རྣམས་གཟི་བྱིན་བསྐྱེད་པ་དང་། །ལྷ་རྣམས་ཚིམས་པར་བྱ་བ་ལ། །རྫོགས་སངས་རྒྱས་ཀྱིས་སྦྱིན་སྲེག་བསྔགས། །གང་ཕྱིར་ལྷ་རྣམས་ཚིམ་གྱུར་པས། །བཟླས་བརྗོད་བས་ཀྱང་སྦྱིན་སྲེག་ཤིས། །བཟླས་པའི་ལས་རྣམས་ཐམས་ཅད་ལ། །སྦྱིན་སྲེག་རྒྱས་པས་མཆོག་ཏུ་འགྱུར། །ཞེས་སོ།། །། ༈

[edit]

_slob dpon sgra dbyangs bcu gcig pa rnams kyis mdzad pa'i gsang 'dus kyi man ngag rnams las gces btus/ rdo rje 'chang chen 366nas po'i lam gyi rim pa'i man ngag bdud rtsi gsang ba zhes bya ba slob dpon sgra dbyangs bcu gcig pas mdzad pa lo chen gyis 'gyur ba las/__de la 'byung ba dang 'byung ba las gyur pa'i lus su gyur nas/__rdo rje 'chang chen po'i ye shes kyi lus thob par 'gyur ba la lam rnam pa gsum ste/__sems dang po bskyed pa'i lam gyi rim pa dang /__theg pa la gsar du zhugs pa'i lam gyi rim pa dang /__rnal 'byor ba'i lam gyi rim pa'o/__/sems dang po bskyed pa'i lam gyi rim pa la drug ste/__dge ba'i bshes gnyen dam pa mnyes par bya ba dang /__dbang nod pa dang /__dam pa'i chos nyan pa dang /__grogs mthun pa dang /__mchod pa'i mngon spyod dang /__mthun pa'i gnas so/__/theg pa gsar du zhugs pa rnams kyi lam gyi rim pa rnam pa bzhi ste/__snying rje chen po'i ting nge 'dzin dang /__bka'i 'khor lo'i ting nge 'dzin dang /__srung ba'i 'khor lo'i ting nge 'dzin dang /__stong pa nyid kyi ting nge 'dzin no/__/rnal 'byor gyi lam gyi rim pa la rnam pa gnyis te/__thun mong gi lam dang /__mchog gi lam mo/__/thun mong gi lam ni rdo rje rnam pa bzhi'o/__/mchog gi lam ni yan lag drug go/__/de skad du rnal 'byor chen po'i rgyud dpal gsang ba 'dus pa'i rgyud phyi ma las/__thun mong mchog gi dbye ba yis/__/sgrub thabs rnam pa gnyis su 'gyur/__/thun mong rdo rje rnam bzhi ste/__/mchog ni yan lag drug yin no/__/zhes gsungs pa yin no/__/rdo rje rnam pa bzhi gang zhe na/__rgyud de nyid las/__dang por stong nyid byang chub che/__/gnyis pa sa bon 'byung ba'o/__/gsum pa gzugs rnams rdzogs pa ste/__/bzhi pa yi ge dgod pa'o/__/rdo rje rnam bzhi de dag na/__/thun mong sgrub pa'i thabs yin no/__/zhes gsungs pa ste/__de dag gis bsnyen pa dang /__nye bar sgrub pa dang /__sgrub pa dang /__sgrub pa chen po bzhi go rim bzhin du gsungs pa yin no/__/de ji ltar gsungs she na/__'di ltar stong pa'i cha bskyed nas don dam pa'i dkyil 'khor bsgom pa'i bar ni byang chub la dmigs shing sgrub ba la bsnyen pa zhes bya la/__nye bar sgrub pa la sogs pa gsum gyi sngon du don dam pa'i dkyil 'khor bsgoms pa yin pas na/__dang po stong pa'i byang chub ste/__/zhes kyang gsungs so/__/ldang bar bya ba nas rdo rje 'chang chen po'i dam tshig sems dpa' bskyed pa'i phyir nye bar sgrub pa zhes bya la/__bsnyen pa'i 'og tu yig 'bru gsum gyi rgyu las lha'i sku byung ba yin pas na/__gnyis pa sa bon byung ba'o/__/zhes kyang gsungs so/__/rdo rje 'chang chen po nyid sku de la rnam par snang mdzad spyi bor dgod pa nas ting nge 'dzin sems dpa' bsgom pa'i bar ni bdag gi don sgrub pa yin pa'i phyir sgrub pa zhes bya la/__nye bar sgrub pa'i 'og tu rdo rje 'chang gi sku bsgom par bya ba'i lha'i sku rdzogs pa yin pas na/__gsum pa gzugs rnams rdzogs pa ste/__/zhes kyang gsungs so/__/dang po sbyor ba nas las rgyal mchog gi mthar thug pa'i bar ni gzhan gyi don chen po bsgrub pa'i phyir sgrub pa chen po zhes bya la/__sgrub pa'i 'og tu sngags kyi dkyil 'khor du dbyung ba yin pas na/__bzhi pa ni yi ge dgod pa'o/__/zhes kyang gsungs pa yin no/__/yan lag drug gang yin zhe na/__yang rgyud de nyid las/__so sor sdud dang bsam gtan dang /__/rjes su dran dang ting 'dzin rnams/__/sbyor ba'i yan lag drug ces bya/__/zhes kyang gsungs pa yin no/__/de dag kyang rgyud de nyid las bshad pa ni/__dbang po rnam pa bcu rnams kyi=__nas/__ting nge 'dzin zhes brtags pa yin/__/zhes gsungs ba ste/__de dag gis lus rnam par dben pa dang /__ngag rnam par dben pa dang /__sems rnam par dben pa dang /__kun rdzob kyi bden pa dang /__zung 'jug dang /__lhun gyis grub pa'i lam rnams gsungs pa yin no/__/zhes sogs don rgyas par bkral zhing /__de yang ngag dben skabs/__'tsho bar byed pa'i phyir de nyid la srog ces bya la/__lhun gyis grub pa'i tshul gyis nyin dang mtshan du spro zhing sdud pas na rtsol ba zhes bya bar yang bshad pa ste/__de lta bu'i rdo rje'i bzlas pa byed par brtag cing bsgom mo zhes bya ba'i don to/__/de yang gyen du rgyu ba'i rlung lkog ma gos dkar mo'i rang bzhin gyi me'i dkyil 'khor la gnas shing kun rdzob kyi sna sgo g.yas nas rgyu ba ni de bzhin gshegs pa 'od dpag tu med pa'i bdag nyid 'od zer dmar po'i ngo bo nyid de/__las kyi rlung rnams dbang po'i sgor spro ba dang /__bza' ba la sogs pa lce'i rnam par shes pas nyams su myong bar byed do/__/me dang mnyam du gnas pa lte ba na sgrol ma'i rang bzhin gyi rlung gi dkyil 'khor la gnas shing sna sgo g.yon nas rgyu ba ni don yod grub pa'i bdag nyid 'od zer nag po'i ngo bo ste/__las ni bza' ba la sogs pa dus mnyam du 'ju bar byed do/__/thur du sel ba gsang ba spyan ma'i rang bzhin gyi sa'i dkyil 'khor la gnas shing sna sgo gnyis ka nas rgyu ba rin chen 'byung ldan gyi bdag nyid 'od zer ser po'i ngo bo ste/__rlung dang gshang gci la sogs pa thur du sel ba'i las byed do/__/srog snying ga na mA ma kI'i rang bzhin gyis chu'i dkyil 'khor la gnas shing dal zhing rgyu ba bul ba ni mi bskyod pa'i bdag nyid 'od zer dkar po'i ngo bo nyid dag pa ste/__rlung rnams dbang po'i sgor spro ba dang nang du sdud pa'i las byed do/__/khyab byed tshigs la gnas pa ni de bzhin gshegs pa rnam par snang mdzad kyi bdag nyid kun la khyab pa'i 'od zer can nam mkha'i ngo bo nyid de/__gang dang gang byung ba de dang de'i dkyil 'khor gyi tshul du 'byung nas 'chi ba'i tshe gtso bo'i tshul gyis 'byung ba ste/__lus kyi 'greng gug dang bskyod pa la sogs pa'i bya ba byed do/__/rlung de dag gis thun mong gi las ni rnam par shes pa'i bzhon pa byed do/__/rgyu ba la sogs pa'i yan lag gi rlung lnga ni mig la sogs pa'i dbang po lnga go rim bzhin du gnas nas phyi rol gyi gzugs la sogs pa'i yul gyi bya ba byed do/__/zhes dang /__sngags zlos pa'i grangs ni nyin zhag gcig la nyi khri chig stong drug brgya zlos so/__/de la thun byed pa nyi shu rtsa bzhi'o/__/thun chen po bcu gnyis so/__/dbyug skor drug go__/zhes dang /__A li dang kA li las byung ba'i sprul sku la sogs pa'i sngags thams cad ni oM AHhU~M gsum rigs lnga'i 'grel par rnal 'byor pa'i yid 'phrog par/__r-i r-I l-i l-I spangs pa'i A li ni bud med kyi ming ngo /__/nga nya Na na ma spangs pa'i kA li ni skyes pa'i ming ngo /__/A li kA li dag spangs pa gang yin pa de ni ma ning ngo /__/zhes gsungs/__yang /__srog ni 'tsho ba'o/__/rtsom par byed cing ring du spro bar byed pa gang yin pa de ni srog gi rtsol ba'i rlung zhes bya bar bshad do/__/zhes so/__/yin te/__sngags thams cad bud med dang skyes pa dang ma ning gi tshul gyis yi ge gsum po der 'du ba'i phyir ro/__/zhes dang /__sems dben skabs/__sems dben par shes na sangs rgyas kyi ye shes rin po che skye ba'i rgyu yin pa'i phyir sems rin po che zhes bya'o/__/de yang 'da' ka ye shes kyi mdo las/__sems ni ye shes 'byung ba'i rgyu/__/sangs rgyas gzhan du ma tshol cig__/ces gsungs pa yin no/__/sems de'i ngo bo ji lta bu zhe na/__de ni rang rig pa tsam mtshan ma thams cad dang bral ba dmigs su med pa'o/__/de yang dkon mchog brtsegs pa chen po'i mdo las/__'od srungs sems ni btsal na mi rnyed pa de mi dmigs so/__/gang mi dmigs pa de 'das pa ma yin/__ma 'ongs pa ma yin/__da ltar byung ba ma yin no/__/zhes bya ba la sogs pa gsungs pa yin no/__/de lta bu'i sems de yang dbye na gsum du 'gyur te/__snang ba dang /__snang ba mched pa dang /__snang ba thob pa'am/__sems dang sems las byung ba'i ma ma rig pa'am/__stong pa dang /__shin tu stong pa chen po'am/__'dod chags dang 'dod chags bar ma dang 'dod chags dang bral ba zhes bya'o/__/zhes sogs mtshan nyid rgyas par gsungs mthar/__de lta mod kyi de gsum char yang lus dang ngag dang sems med pa mtshan ma'i dngos po thams cad dang bral ba nyid du rig par bya'o/__/zhes sogs dang /__de yang dang por rdo rje dang pad+ma'i sbyor ba med par rnam par shes pa gsum mngon du bya bar mi nus te/__de skad du rnal 'byor chen po'i rgyud ye shes rdo rje kun las btus las/__sngags dang phyag rgyas sngon du 'dus byas pa'i rdo rje dang pad+ma mnyam par sbyor ba med par rnam par shes pa gsum nye bar brtag par mi nus so/__/zhes gsungs so/__/zhes dang /__kun rdzob kyi bden pa'i skabs/_____ye shes rdo rje kun las btus las/__sems dang sems las byung ba'i rnal 'byor pa chen po ni bde ba'i ting nge 'dzin to/__/de ni sgyu ma'i dpes nye bar mtshon pa ste/__de bas na sangs rgyas kyi zhing gang+gA'i klung gi bye ma snyed kyi de bzhin gshegs pa ni sgyu ma lta bu dang /__chu zla lta bu dang /__mig yor lta bu dang /__rmi lam dang /__brag ca dang /__dri za'i grong khyer dang /__mig 'phrul dang /__dbang po'i gzhu dang /__glog dang /__chu'i chu bur dang /__me long gi gzugs brnyan lta bu ste/__sgyu ma'i dpe bcu gnyis kyis bde ba chen po'i ting nge 'dzin nye bar mtshon pa yin no/__/zhes gsungs pa dang /__zhes dang /__bdag 'ba' zhig la de ltar bsgom par ma zad kyi chos thams cad sgyu ma lta bur shes par bya'o/__/sgyu ma lta bu'i ting nge 'dzin de yang de bzhin gshegs pa rnams kyi man ngag gsang ba yin pa dang /__shes rab can nga rgyal gcag par bya ba'i phyir yan lag lnga mthar sbas te bzhag pa yin no/__/de ltar sgyu ma lta bu'i ting nge 'dzin la gnas pas 'od gsal ba bsgoms nas de 'od gsal phal gyi ye shes skye bar 'gyur bas na de las skyes zhes gsungs pa yin no/_/zhes dang /__don gyi bden pa'i skabs/__don dam gyi bden pa la gnyis te/__phyi'i mngon par byang chub pa dang /__nang gi mngon par byang chub pa'o/__/phyi'i mngon bar byang chub pa la bzhi ste/__ji srid tho rangs kyi thun mtshams nas nyi ma ma shar ba'i bar de srid du ni lus dang ngag dang yid dang bral ba thams cad stong pa'i mtshan nyid do/__/gang gi tshe nyi ma shar nas nyi ma yod pa de'i tshe ni snang ba mched pa shin tu stong pa'o/__/ji srid nyi ma nub nas zla ba ma shar bar de srid ni ma rig pa stong pa chen po'o/__/ji srid zla ba shar nas tho rangs kyi thun mtshams de srid du ni snang ba thob pa stong pa'i mtshan nyid do/__/nang gi mngon par byang chub pa la rnam pa gnyis te/__thun mong dang thun mong ma yin pa'o/__/thun mong gi sems can thams cad kyi snying gi dkyil 'khor na mi shigs pa'i thig le de bzhin gshegs pa'i snying po rang bzhin gyis 'od gsal ba mi g.yo ba chos thams cad kyi rgyur 'gyur ba rang bzhin gyis grub nas gnas so/__/de yang de bzhin gshegs pa'i snying po'i mdo las/__de bzhin gshegs pa'i sku ye shes dang ldan pa/__spyan dang ldan pa/__sems can thams cad kyi lus kyi nang na ji lta ba bzhin du mi g.yo bar bzhugs so/__/zhes gsungs pa dang /__lang+kar gshegs pa'i mdo las kyang /__de bzhin gshegs pa'i snying po de rang bzhin gyis 'od gsal ba rnam yang dag pa thob nas rnam par dag pa'i mtshan nyid can mtshan sum cu rtsa gnyis dang /__dpe byad bzang po brgyad cu dang ldan pa/__sems can thams cad kyi lus kyi nang na mchis so/__/zhes gsungs pa dang /__gser 'od dam pa'i mdo las/__de bzhin gshegs pa'i snying po mtshan ma thams cad rnam par dag pa ste/__dper na gser gyi rang bzhin ye nas dag pa dang /__chu'i rang bzhin ye nas dag pa dang /__nam mkha'i rang bzhin ye nas dag pa med pa ma yin pa de bzhin du chos thams cad ye nas dag pa'ang med pa ma yin no/__/zhes gsungs so/__/thun mong ma yin pa ni sangs rgyas thams cad kyi man ngag theg pa chen po'i yul ma yin pa gsang ba'i gsang ba chen po yin pa de'i phyir yan lag lnga dang /__drug pa gnyis su dkrugs te gsungs pa yin no/__/zhes dang /__gsang ba de yang ril por 'dzin pa dang /__rjes su gzhig ba'i bsam gtan gnyis kyis mngon du bstan te/__de la ril por 'dzin pa'i bsam gtan brtan pa'i phyir thabs dang shes rab snyoms par 'jug pa'i zhes gsungs te/__zhes sogs phyag rgya la snyoms par zhugs pa'i 'dod chags chen po'i mes phung khams skye mched de bzhin gshegs pa'i ngo bor gyur pa 'od du zhu nas snying gi thig ler thim pa'i sems 'dzin cing /__de nyid kyang bde ba chen po'i bsam gtan gyi ngang du gzhug pas/__yang dag pa'i mtha' la 'jug par bya ba'i tshul dang /__rjes gzhig gi skabs su/__byang chub kyi sems mi shigs pa'i thig le las snang ba thob pa dang /__snang ba mched pa dang /__snang ba'i rim pas 'od zer lnga 'byung bas rgyu ba dang mi rgyu ba'i dngos po thams cad la khyab pas dang por 'od gsal bar byas te mi shigs pa la bsdu ba yin pas dngos po thams cad mdor bsdus nas so/__/zhes dang /__de ltar rnam par shes pa gsum rnam par dag pa ste/__stong pa gzhi gcig tu gyur pa ni 'od gsal chen po dang /__don dam chen po dang /__chos kyi dbyings dang /__de bzhin nyid dang /__byang chub sems dpa' bde ba chen po dang /__shes rab kyi pha rol tu phyin pa dang /__mya ngan las 'das pa dang /__sangs rgyas dang /__las dang skye ba las rnam par grol ba dang /__thams cad stong pa dang /__mngon par byang chub pa dang /__yang dag pa'i mtha' zhes bya'o/__/zhes dang /__zung 'jug gi skabs/__de ltar stong pa bzhi gcig tu gyur pa la ni nam mkha'i lha tshogs snang ba lta bus 'jig rten gyi khams snang bar byas te/_mngon du gyur pa de ni zung 'jug gi ting nge 'dzin gnas pa dang /__dpa' bar 'gro ba'i ting nge 'dzin la gnas pa dang /__rnam par mi rtog pa'i ting nge 'dzin la gnas pa dang /__chos kyi dbyings rnam par dag pa dang /__sbyang ba byas pa dang /__rdzogs par sangs rgyas pa dang /__gnyis su med pa'i ye shes dang /__de kho na nyid bla na med pa yang dag par rdzogs pa'i byang chub dang /__mi gnas pa'i mya ngan las 'das pa dang /__chos thams cad kyi de bzhin nyid dang zhes bya'o/__/slob bzhin pa ni/__rnal 'byor pa'i ting nge 'dzin de lta bu zhugs pas kyang 'dod chags dang bcas pa'i lam gyi spyod pa sogs gang yang rung bas gnyis su med pa'i ye shes kyi don spyad par bya'o/__/ji srid sems dang po bskyed pa nas bzung ste zung 'jug gi ting nge 'dzin mngon sum du ma gyur pa de srid du ni bslab par bya ba'i lam yin par shes par bya'o/__/zhes dang /__lhun gyis grub pa'i skabs/__dbus ni chos kyi sku la bya ste mtha' thams cad dang bral ba'i phyir ro/__/chos kyi sku ni dpa' bar 'gro ba'i ting nge 'dzin thob nas ring por mi thogs par thob par 'gyur ro/__/zhes dang /__skad cig ma dang po la dpa' bar 'gro ba'i ting nge 'dzin thob nas/__skad cig ma gnyis pa la byang chub dang thams cad mkhyen pa'i ye shes skye ste/__skad cig ma gsum pa la chos kyi sku'i ming 'thob par 'gyur ba yin par mngon no/__/byang chub dang thams cad mkhyen pa ni chos thams cad kyi de bzhin nyid la dmigs pa'i khams phra ba dang dbyer mi phyed pa'i ye shes lnga lhun gyis grub pa'i tshul gyis skye'o/__/de yang sangs rgyas pa'i mdo las/__byang chub ni mnyam pa nyid kyi ye shes so/__/thams cad mkhyen pa ni so sor rtog pa'i ye shes la sogs pa yin no/__/zhes sogs gsungs pa yin no/__/zhes sogs dang /__chos kyi sku ni rnam par rtog pa mi mnga' mod kyi sngon gyi smon lam mnga' brnyes pa'i phyir dang /__sngon rdo rje 'chang chen po'i gzugs su rnam par bsgom pa'i dbang gis skad cig tsam gyis chu klung dwangs pa las nya ldang pa'am/__gnyid log pa las myur du sad pa ltar rdo rje 'chang chen po'i ye shes kyi sku chu zla lta bu dbang phyug brgyad dang ldan pa'i mtshan dang dpe byad gsal bar rdzogs par ston par mdzad pas na yud kyis ye shes rdzogs par byed pa zhes gdags so/__/ngo bo nyid la 'gyur ba med pas na ting nge 'dzin zhes kyang btags pa yin no/__/rdo rje 'chang chen po sku blta bas chog mi shes pa de las kyang 'gro ba ji ltar snang ba de ltar snang ba'i skur ston par mdzad do/__/zhes dang /__rgya che rol par/__rnam par dag pa'i 'od gsal che/__/rdo rje lta bu'i ting 'dzin gyis/__/rab tu dga' ba'i rdo rje'i sku/__/thob nas skya rengs shar ba'i tshe/__/chu zla dang ni smig rgyu sogs/__/sgyu ma'i yon tan rnams kyis brgyan/___/byang chub snying por bzhugs nas ni/__/bdud kyi dpung rnams pham par mdzad/__/shAkya'i mgon pos yang dag pa'i/__/ye shes bla med legs thob nas/__/'gro ba gsum la phan pa'i phyir/__/de nyid 'dir ni ston par mdzad/__/ces gsungs pa dang /__gser 'od dam pa'i mdo las/__'di lta ste/__dper na nam mkha' stong pa la brten te glog snang ngo /__/glog la brten te 'od snang ngo /__/de bzhin du choXs kyi skuX la brten pa'i phyir loXngs spyod rdzogs pa'i skuX ston par mdzad do/__/loXngs spyod rdzogs pa'i skuX la brten pa'i phyir sprulaX pa'iX sku ston par mdzad do/__/zhes so/___/_!_de yang dang po so sor sdud pa ni lus rnam par dben pa'i gzhi yin te/__'dod pa so sor sdud pas na/__/so sor sdud pa zhes bya'o/__/zhes 'dod pa ni gzugs la sogs pa ste/__de dbang po rnams kyis so sor len cing sdud pas so sor sdud pas na so sor sdud pa ste yan lag dang po'o/__/bsam gtan ni lus dben dngos te/__de yang lus tha mal pa las dben pa'i phyir phung khams skye mched lha'i ngo bor brtag pa ni bsam gtan te/__'dod pa lnga ni mdor bsdu na/__/sangs rgyas lnga ru sbyor ba yis/__/brtags pas bsam gtan zhes bshad de/__/rtog dpyod dga' bde bzhis bsdus pa'o/__/zhes so/__/lus rnal 'byor pa las dben pa ni sems rtse gcig tu gyur pa ste/__shes dang shes bya'i gzung 'dzin zad pa'i rang sems so/__/srog rtsol ni ngag dben te/__de yang 'tsho ba dang 'dzin par byed pa'i phyir srog rtsol ni rlung ste de lam du byed pa'i phyir ro/__/de yang tha mal pa las dben pa'i phyir rlung bcu'i rim pa gnas tshul rtogs par byas nas/__'jug gnas ldang gsum yi ge gsum la sbyar te/__zhag rer nyi khri chig stong drug brgya'i bzlas pa bya ba dang /__rnal 'byor pa las dben pa'i phyir yi ge gsum 'jug gnas ldang gsum dang /__de srog dang /__de snying ga'i mi shigs pa'i thig ler rim pa bzhin du gzhug pa'o/__/'dzin pa ni sems dben te/__de yang sems dben pa rtogs par ma gyur na snang gsum gyi rang bzhin la gzung 'dzin du rtog pas 'khor ba'i rgya mtsho mtha' med du 'khyams par 'gyur ro/__/des na tha mal pa las dben pa'i phyir snang gsum gyi ngo bo stong par rtogs pa dang /__rnal 'byor pa las dben pa'i phyir phyag rgyas drangs pa'i snang gsum gyi bde ba thams cad 'od gsal du bcug pa ste/__de yang bde ba der sems gzung bar bya ba yin pas na bzung ba'o/__/sgyu lus ni gzhung du sbas te/__rjes dran las phye ba'o/__/de yang rlung sems tsam las grub pa'i 'od zer lnga pa can gyi sgyu thob mched snang ba'i rim pas/__ma'i skur ldang ba ste/__'od gsal gyi sgrub gzhi'o/__/rjes dran ni 'od gsal te/__de yang phyi ltar nyin mo 'char ba'i tshul sogs kyis mtshon pa dang /__nang ltar thun mong du 'od gsal bde gshegs snying po'i gnas lugs mthong ba dang /__khyad par phyag rgyar snyoms 'jug gis phung khams skye mched yongs grub kyi lha sku 'dod chags kyi mes bzhu nas snying gi thig ler bstim zhing de nyid 'od gsal du bcug pa ril 'dzin dang /__snying gi thig le'i dkyil 'khor thob mched snang ba'i tshul du spros nas brtan g.yo thams cad 'od gsal du bcug pa rjes gzhig gi sgo nas bsgrubs pa ste/__'di nyid don dam pa'i rjes su dran pa'o/__/zung 'jug kyang de nyid las phye ba ste/__'od gsal ba la sgyu ma'i lus 'jug ldog tu ldang ba ste dpa' bar 'gro ba'i ting nge 'dzin ces kyang bya'o/__/ting nge 'dzin ni lhun gyis grub pa ste zung 'jug gis mthar thug gi sgrib gnyis spangs te chos kyi sku mngon du gyur pa las sku dang ye shes phrin las dang bcas pa lhun gyis grub pa'i phyir dang /__ngo bo nyid de las 'gyur ba med pas na ting nge 'dzin gyi sgras smos so/__/de dag kyang gzhung gi don bsdus pa'o/__/gzhung 'di d+harma shrI b+ha dra 278bar dang /__rat+na b+ha dra'i 'gyur ba ste shin tu legs pa zhig yod do/____/_!_gsang ba 'dus pa'i rab gnas kyi cho ga nag po pas mdzad par/__nges tshig ni/__pra ka na he na tiSh+Tha zhes pa ste mchog tu gyur pa dang /__yun ring bas rab gnas zhes bya ste/__de la mchog tu gyur pa ni ye shes sems dpa'i bdag nyid du bsgrub par bya la/__yun ring ba ni 'khor ba ji srid du gzhug pa la bya'o/__/rnam par dbye ba la gnyis te/__gzhi rnam par dbye ba dang /__sgrub thabs rnam par dbye ba'o/__/gzhi rnam par dbye ba ni gtsug lag khang dang /__mchod rten dang /__lha'i sku dang /__ras bris la sogs pa dang /__rta babs dang /__rdo ring dang /__shing ljon pa dang /__khron pa dang chu mig la sogs pa sku'i bdag nyid du bya ba'i gzhi'o/__/bgrang phreng dang 'jig rten pa'i bstan bcos dang /__'jig rten las 'das pa'i glegs bam la sogs pa ni gsung gi bdag nyid du bya ba'i gzhi'o/__/rdo rje dang 'khor lo la sogs pa lha'i mtshan ma thams cad ni thugs kyi bdag nyid du bya ba'i gzhi'o/__/sgrub pa'i thabs rnam par dbye ba ni/__gtsug lag khang la sogs pa sku'i rang bzhin te stong pa nyid du bsgoms la/__de las b+h+rU~M/__b+h+rU~M las 'khor lo/__de las sku rnam par snang mdzad du bsgrubs la rab tu gnas par bya'o/__/bgrang phreng dang glegs bam la sogs pa gsung gi gzhi ni stong pa nyid las gsung rdo rje chos su bsgrubs la rab tu gnas par bya'o/__/rdo rje la sogs pa thugs kyi gzhi ni thugs mi bskyod par bsgrubs la rab tu gnas par bya'o/__/cho ga'i rim pa rgyas pa dang bsdus pa'o/__/zhes dang /__rigs dang mi ldan skyes bu la/__/mi rnams kun gyis mchod mi byed/__/de bzhin rab gnas ma byas pa'i/__/sku gsung thugs kyi rten rnams la/__/phyag 'tshal mchod pa 'bras bu med/__/sngags dang bral ba'i thal ba la/__/sbyin sreg byas pa ji bzhin no/__/de bas sku gsung thugs kyi rten/__/bzhengs nas ring por bzhag mi bya/__/dpal dang 'byor pa nyams 'gyur bas/__/de bas myur du rab gnas bya/__/zhes so/____/_!_za hor gyi mkhan po shAn+ta de was mdzad pa'i gtor chog las/__bgegs rnams ma lus bsrung ba dang /__/zhi ba la sogs las rnams dang /__/grub chen brgyad dang dngos grub mchog__/bsgrub phyir gtor ma'i cho ga bshad/__/ces so/____/_!_sbyin sreg gi cho ga las/__sdig pa thams cad bsreg phyir dang /__/sngags rnams gzi byin bskyed pa dang /__/lha rnams tshims par bya ba la/__/rdzogs sangs rgyas kyis sbyin sreg bsngags/__/gang phyir lha rnams tshim gyur pas/__/bzlas brjod bas kyang sbyin sreg shis/__/bzlas pa'i las rnams thams cad la/__/sbyin sreg rgyas pas mchog tu 'gyur/__/zhes so//___//__!__