བྱིན་རྟེན་རིགས་སྦྱོར་ཚུལ་སོགས་ལས་བརྩམས་པའི་བཀའ་འདྲི་ཕེབས་ལན་མདོར་བསྡུས།

🚧 This website is under continued development. We appreciate your patience!

Previous Text Back to Volume PageLast text in section.

Wylie title	byin rten rigs sbyor tshul sogs las brtsams pa'i bka' 'dri phebs lan mdor bsdus
Location	mkhyen brtse'i bka' 'bum Volume 5, sde tshan 1, Text 5, Pages 36-67 (Folios 18b3 to 34a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. byin rten rigs sbyor tshul sogs las brtsams pa'i bka' 'dri phebs lan mdor bsdus. In 'jam dbyangs mkhyen brtse'i dbang po'i bka' 'bum, Vol. 5: 36-67. Khams sde dge rdzong sar dgon: Rdzong sar blo gros phun tshogs, 2020.
Genre	Replies to Questions - dris lan

1 Texts in this Section (sde tshan or chos tshan)

5 36-67	བྱིན་རྟེན་རིགས་སྦྱོར་ཚུལ་སོགས་ལས་བརྩམས་པའི་བཀའ་འདྲི་ཕེབས་ལན་མདོར་བསྡུས། byin rten rigs sbyor tshul sogs las brtsams pa'i bka' 'dri phebs lan mdor bsdus Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བྱིན་རྟེན་རིགས་སྦྱོར་ཚུལ་སོགས་ལས་བརྩམས་པའི་བཀའ་འདྲི་ཕེབས་ལན་མདོར་བསྡུས་སུ་གསོལ་བ་བཞུགས་སོ།། །།ཨོཾ་སྭ་སྟི་སིདྡྷི་རསྟུ། །སྲས་བཅས་རྒྱལ་བས་བྱིན་རླབས་པའི། །རྟེན་ཅིང་འབྲེལ་འབྱུང་ཡེ་ཤེས་ཀྱིས། །དཔལ་ལྡན་བླ་མ་ཞབས་བརྟན་ཅིང་། །ཕན་བདེའི་ཕྲིན་ལས་རྒྱས་གྱུར་ཅིག །ཅེས་ཤིས་པར་བརྗོད་པའི་ཚིག་གིས་མདུན་བསུས་ཏེ། །སྔ་མར་བྱིན་རྟེན་གཏའ་སྤེལ་རིགས་ཕྲན་བུ་འབུལ་ལམ་ཞུས་པར་རྨད་དུ་བྱུང་བའི་ཐུགས་དགྱེས་པ་ཆེན་པོ་དང་། ཐུགས་བསྐྱེད་མཐའ་ཡས་པས་སླར་ཡང་རྒྱ་ཆེར་སྤེལ་བཞེད་དང་རྗེས་སུ་འབྲེལ་བར་བཀའ་འདྲི་རིན་པོ་ཆེའི་ཅོད་པན་སྤྱི་བོར་སྩལ་བ་བྱང་ཆུབ་བར་དུ་གཞལ་བར་དཀའ་བའི་བཀའ་དྲིན་དང་གུས་སྤྲོ་ཚད་ལས་འདས་པར་གྱུར་ལགས་ཤིང་ཞུ་ལན་གྱི་རིམ་པ་རྨོངས་བློར་གང་དྲན་མཚོན་ཙམ་གསོལ་བ་འདེབས་རྒྱུར། སྤྱིར་རིང་བསྲེལ་ཞེས་པ་དཀོན་ཞིང་རིན་ཐང་ཆེ་བ་དང་སྙིང་པོར་གྱུར་པ་ཞིག་ལ་འཇུག་ཅིང་། དེ་ལ་བྱང་ཆུབ་རྒྱན་འབུམ་གྱི་གཟུངས་ལས་བཞི་དང་། ཆོ་ག་ཞིབ་མོ་ལས་ལྔ་ཞེས་གསུངས་པའི་ཕྱི་མ་ལྟར་ན། ཆོས་ཀྱི་རིང་བསྲེལ་གཟུངས་སྔགས་དང་། ཆོས་སྐུའི་རིང་བསྲེལ་སཱཙྪ་ལ་ངོས་འཛིན་པར་སྣང་བ་ལ། གཟུངས་གཞུག་གི་སྐབས་དེ་ལྔ་ཀ་འབུལ་བ་ཐམས་ཅད་ཀྱི་ཕྱག་བཞེས་སུ་མཛད་པ་ལྟར་དང་། དེའི་ནང་ཚན་སཱཙྪ་མ་གཏོགས་པའི་རིང་བསྲེལ་གཞན་བཞི་ཐམས་ཅད་ཕྱོགས་གཅིག་ཏུ་བསྡུས་པར་རྟེན་འདུས་ཀྱི་མཚན་གསོལ་བ་ནི་ཡོངས་སུ་གྲགས། རིང་བསྲེལ་བཞི་སོ་སོའི་རིལ་བུ་མཛད་པ་སྔར་གྲགས་ཆེ་བ་མི་སྣང་རུང་། དོན་དུ་རྟེན་འདུས་རིལ་བུར་རིང་བསྲེལ་བཞི་ཀ་གཏོང་བར་ཐམས་ཅད་བཞེད་པ་མཐུན་པས། དེས་ན་སོ་སོའི་རིལ་བུ་མཛད་ན་འགལ་བ་མེད་ཅིང་རྣམ་པ་གསལ་བ་སོགས་དགོས་པ་དུ་མ་གཟིགས་ནས་ཁམས་ཕྱོགས་སུ་རྡོ་རྗེ་འཛིན་པ་འགའ་ཞིག་གི་ཕྱག་བཞེས་སུ་བསྟར་བ་ལྟར། འཇམ་མགོན་བླ་མ་ཐམས་ཅད་མཁྱེན་གཟིགས་བློ་གྲོས་མཐའ་ཡས་པའི་ཞལ་སྔ་ནས་ཀྱང་ཕྱག་བཞེས་ཐུགས་རྩོལ་དང་ཁུངས་དག་དངོས་གཙང་གིས་སྤེལ་ཞིང་དཀར་ཆག་རྒྱས་པས་གཏན་ལ་ཕབས་པའི་དགོངས་དོན་ལས་བརྩམས་ཏེ་ལག་ལེན་དང་སྒྲུབ་ཚུལ་སོགས་ཀྱི་བཀའ་འདྲི་སྩལ་བའི་ཐོག་མར་ཡུངས་འབྲུ་ལྟ་བུའི་རིང་བསྲེལ་ཕྱོགས་བསྡུས་སྐབས། རིང་བསྲེལ་རྣམས་ཅོང་ཞི་སོགས་དང་ལྷན་ཅིག་གཏུན་བུ་སོགས་སུ་ཞིབ་པར་བརྡུང་བ་ནི་སྔར་ནས་རྟེན་འདུས་རིལ་བུ་དང་། རིན་ཆེན་རིལ་བུ་སོགས་ཀྱི་སྐབས་ཐམས་ཅད་ཀྱི་ཕྱག་བཞེས་སུ་མཛད། དེ་ལ་ཉེས་པ་ཡོད་མེད་ཀྱི་དཔྱོད་མཁན་སུའང་མ་བྱུང་། རྣམ་པར་དཔྱད་ན་སྐུ་གདུང་དེ་ཉིད་ལྷ་མིའི་བསོད་ནམས་ཀྱི་ཞིང་དུ་རྒྱ་ཆེར་སྤེལ་བའི་ལྷག་བསམ་བཟང་པོ་ལས། དེ་བཞིན་གཤེགས་པ་སོགས་ཡུལ་དེ་ལ་མནར་སེམས་པས་མ་ཡིན་པའི་ཕྱིར་ཉེས་པ་མེད་པར་མ་ཟད། སྐུ་གདུང་ནི་རྒྱས་པར་འགྱུར་རོ་ཞེས་པའི་ལུང་གཙོ་བོར་དེ་བཞིན་གཤེགས་པའི་གདུང་འཁོར་ལོས་སྒྱུར་བའི་གདུང་ལ་ཇི་ལྟར་བྱ་བ་བཞིན་ཆས་སུ་གཞུག་ཅིང་ཞུགས་ལ་བཞེན་པར་རྗེས་སུ་གནང་བ་ལྟར། དེ་ལ་བརྟེན་ནས་ཡུངས་འབྲུ་ལྟ་བུའི་རིང་བསྲེལ་བྲེ་བོ་ཆེ་མང་པོས་ལྷ་མིའི་ཡུལ་ཐམས་ཅད་དུ་ཁྱབ་པར་འགྱུར་བ་ལ་དགོངས་ཤིང་། ཤུགས་བསྟན་འདི་ལྟ་བུའི་སྒོ་ནས་སླར་ཡང་སྤེལ་བ་དང་། དེ་རྣམས་རྟེན་གྱི་ནང་དུ་བཅུག་ནས་ལྷ་མིའི་བསོད་ནམས་ཀྱི་ཞིང་དུ་བསྒྲུབ་པ་ལའང་དགོངས་པར་མངོན་པས་སྟོན་པའི་བཀའ་རྗེས་སུ་བསྒྲུབས་པའི་ཕན་ཡོན་གྱིས་མཚོན་དགོས་པ་རྒྱ་ཆེར་མཆིས་པར་སེམས། གལ་སྲིད་ཅི་ནས་ཉེས་པར་འགྱུར་ན་སྐུ་གདུང་ཞུགས་ལ་ཕུལ་བ་དང་གདུང་རུས་བཏུལ་བ་སོགས་ལའང་མཚུངས་པས་ཧ་ཅང་ཐལ་བར་འགྱུར་རམ་སྙམ་པ་ཤར། སྤེལ་གཞི་རིགས་མཐུན་བློ་གྲོས་ཀྱིས་དཔྱད་ནས་གཏོང་བ་མ་གཏོགས་དམིགས་བསལ་གྱི་ཁུངས་མི་སྣང་བས། གངས་ཏིག་ནི་བྱང་ཆུབ་སེམས་དཔའི་རིང་བསྲེལ་ཞེས་བཤད་པས་གཙོར་བྱས། དེ་སྟེང་ཅུ་གང་། ཅོང་ཞི། མཆོད་རྟེན་གྱི་སྐུ་དཀར་སོགས་དང་། བཟང་དྲུག་གཞན་འདྲའང་གཏོང་ན་འགལ་བ་མེད་མོད། ཧ་ཅང་མང་ན་མདོག་དཀར་པོ་འོང་དཀའ། དམ་རྩི་དབང་ལག་དབང་ལེན་མ་ཡིན་པའི་དཔུས་ལེགས་གྲས་བཅས་གལ་ཆེ་བར་སྣང་། རིལ་བུ་ཚར་ནས་སྒྲུབ་ཚུལ་ནི། སྤྱིར་བྱིན་རྟེན་འདི་རིགས་རྙིང་མའི་ཕྱོགས་ལའང་སྐྱེ་བདུན་རིལ་སྒྲུབ་དང་བདུད་རྩིའི་སྒྲུབ་ཆེན་སོགས་ཀྱི་སྐབས་མདུན་དཀྱིལ་ཁར་ལྡིང་ཁྲི་བྱས་ཏེ། དེའི་སྟེང་དུ་ཐོད་པའམ་རིན་པོ་ཆེ་སྟེགས་སྣོད་ཇི་ལྟར་འོས་པར་བཞུགས་སུ་གསོལ་ནས་བདག་མདུན་དབྱེར་མེད་དང་། ཛཔ྄་ཁང་ཕྱེ་བ་སོགས་ཀྱིས་ལྷ་དང་གཉིས་མེད་དུ་བསྒྲུབ། བྱིན་དབབ། བརྟན་བཞུགས་བྱ་བ་སོགས་ལས་རེ་རེ་ནས་སྒྲུབ་ཚུལ་དམིགས་བསལ་མེད། གསར་མའི་ཕྱོགས་ལ་མཚོན་ནའང་བདེ་ཀྱེ་གསང་གསུམ་ལྟ་བུའི་སྒྲུབ་མཆོད་སྐབས་མདུན་དཀྱིལ་གྱི་ཉེ་ལོགས་སུ་བཀུར་སྟི་དང་བཅས་བཞུགས་སུ་གསོལ། མདུན་བསྐྱེད་ཀྱི་ཡེ་ཤེས་པ་བསྟིམ་པའི་ཚེ་རྫས་ལའང་བསྟིམ་པའི་དམིགས་པས་ཁྱབ་པར་བྱས། རྗེས་སུ་བརྟེན་བཞུགས་སྐབས་བསྟིམ་པའི་ཡེ་ཤེས་པ་བརྟན་པར་མོས་པ་ཙམ་གྱིས་ཀྱང་ཆོག་པར་མ་ཟད། བྱིན་རླབས་ཀྱི་རྒྱུན་སྤེལ་བ་སྟེ། དཔེར་ན་བུམ་ཆུ་ཞལ་གསོས་པ་ལྟ་བུ་ཡིན་པས་དམིགས་བསལ་གྱི་སྒྲུབ་པ་མ་བྱུང་ཡང་སྦྱོང་ཁྲུས་དང་བརྟན་བཞུགས་ཤིས་བརྗོད་སྤྱི་ཁྱབ་རེ་མཛད་ཀྱང་རུང་སྙམ། མི་མང་པོར་དབང་བསྐུར་བའི་ཚེ་བུམ་ཆུས་འདང་མིན་བྱུང་ན། ཐོག་མར་ཆུ་རྐྱང་པ་ལ་བུམ་ཆུས་ཕར་ཅུང་ཟད་སབ། སླར་དེ་ཉིད་ཚུར་བུམ་པར་བླུགས་ཏེ་འགྲིམས་པ་ལས་དེ་ཙམ་ལ་སྒྲུབ་ཐེངས་སུས་ཀྱང་མི་མཛད་པ་དང་མཚུངས་པས་སོ། །འོན་ཀྱང་གོང་གསལ་གྱི་སྒྲུབ་པ་ལྟ་བུ་རེ་བྱུང་ཚེ་བྱིན་རླབས་ལྷག་པར་ཆེ། ཅི་ནས་ཀྱང་རིགས་སོ་སོར་རིགས་མཐུན་གྱི་སྒྲུབ་པ་མཛད་ན་རབ་གནས་ཀྱི་རྟེན་བསྐྱེད་སོགས་ཀྱི་རིགས་པས། ཡུངས་འབྲུ་ལྟ་བུའི་རིང་བསྲེལ་ཐམས་ཅད་ཀྱི་མཆོག་དང་། ཡེ་ཤེས་ལྔའི་དྭངས་མ་ལས་བྱུང་བ་ཡིན་པར་གསུངས་པས་བདག་གི་རྣལ་འབྱོར་དང་བུམ་པ་སྒྲུབ་པ་སོགས་སྔོན་ལ་འགྲོ་བས་མདུན་རྟེན་ལ་སྦྱོང་ཁྲུས་སྤྱི་ལྟར་དང་། དེ་ནས་ཀྱེ་རྡོར་ལྟ་བུ་ལ་མཚོན་ན་རིལ་བུ་མི་བསྐྱོད་པ་ཀྱེ་རྡོར་བསྐྱེད་པ་ནས་བཟུང་རབ་གནས་བསྡུས་པའི་ཆོ་ག་ལྟར་སྦྱར་ཞིང་། སྔགས་བཟླ་བར་འདོད་ནའང་སྔགས་ཀྱི་མངའ་དབུལ་སྐབས་རྩ་སྔགས་སམ་སྙིང་པོ་ཇི་ལྟར་རིགས་པ་སུ་པྲ་ཏིཥྛ་དང་སྦྲེལ་ནས་བཟླས་ན་རུང་བར་སེམས་ཤིང་། དེས་མཚོན་རྒྱུད་སྡེ་འོག་མའི་དབང་དུ་བྱས་ནའང་མི་བསྐྱོད་པ་དེའི་ལུགས་སུ་བསྐྱེད་པ་སོགས་མཛད་ན་རུང་ངམ་སྙམ་པ་ཟབ་དབྱིངས་རིན་པོ་ཆེར་ཞིབ་དཔྱད་བཀའ་དྲིན་ཞུ། ། ༈ གཉིས་པ་ཆོས་ཀྱི་རིང་བསྲེལ་ནི། ཤོག་སེར་དང་རྒྱ་དཔེ་བོད་དཔེ་ཕྱག་བྲིས་བྱིན་ཅན་སོགས་ཀྱི་ཚལ་པ་ཅོང་ཞི་དང་དྲི་བཟང་བཅས་ལྷན་ཅིག་འདུར་ན་ལས་སླ་བར་སྣང་། སྤེལ་གཞི་སྤར་ཁྲུས་དང་། གཞན་བཟང་དྲུག་སོགས་བཟང་སྨན་རིགས་དང་། ལྷག་པར་འདི་ཁ་དོག་སེར་པོར་མཛད་སྣང་བ། དེ་ལྟར་ན་ཁ་ཆེ་གུར་གུམ་དང་། བལ་པོ་གུར་གུམ་སོགས་མང་ན་བཟང་། སྤྱིར་སེར་པོར་བསྒྱུར་དོན་ནི་ཤོག་སེར་གྱི་མཚན་དོན་ལ་དགོངས་འདྲ། གསུང་གི་བྱིན་རྟེན་དུ་བྱེད་ཚེ་དམར་པོར་མཛད་ཀྱང་ལེགས། སྒྲུབ་ཚུལ་ནི་འོད་དཔག་མེད་ཀྱཻ་རྡོ་རྗེར་བསྐྱེད་པ་མ་གཏོགས་གོང་ཞུས་ལྟར་སྦྱར་ན་རུང་སྙམ། ། ༈ གསུམ་པ་སྐུ་གདུང་གི་རིང་བསྲེལ་ནི། འཕགས་པ་གསུམ་གྱི་གདུང་རུས་དང་སྐུ་ཤ་སོགས་ནས་བཟུང་བླ་མ་བརྒྱུད་པ་རིམ་བྱོན་གྱི་གདུང་རུས། སྐུ་ཤ །ཤངས་མཚལ། བྱང་སེམས་སོགས་གདུང་གི་ཆ་ཤས་གང་རྙེད་ཐམས་ཅད་སྐུ་ཤ་རིལ་བུའི་སྐབས་སུ་བཤད་པའི་སྨན་རྣམས་དང་ཕྱོགས་གཅིག་ཏུ་བརྡུངས་ནས་བཟང་སྨན་གྱི་ཕྱེ་མ་དང་བཅས་རིལ་བུར་དྲིལ་བ་སྟེ། སྒྲུབ་ཚུལ་ཀྱང་རྣམ་སྣང་ཀྱེ་རྡོ་རྗེར་བསྐྱེད་པ་མ་གཏོགས་འདྲ། ། ༈ བཞི་པ་སྐུ་བལ་གྱི་རིང་བསྲེལ་ནི། དབུ་སྐྲ་དང་ན་བཟའ་སོགས་འདི་རིགས་བྱུང་ན་ཅོང་ཞི་ལྟ་བུའི་སྨན་རྡོ་དང་མཉམ་དུ་ཞིབ་པར་འདུར། གལ་སྲིད་དེ་ལྟ་བུའི་བརྡུང་ཐུབ་མིན་ཚེ་རྫ་བུམ་སོགས་ཀྱི་ནང་དུ་རྒྱ་ཤོག་གིས་ལེགས་པར་དྲིལ་ནས་བཅུག །འཇིམ་པས་ཁ་གཅོད་དམ་པར་བརྒྱབས་ལ་དུ་བ་མི་ཤོར་བར་ནུས་ལྡན་དུ་བསྲེགས་པས་ཀྱང་རུང་སྟེ། གདུང་ཐལ་སོགས་དང་ཚུལ་མཚུངས་པ་ཡིན་ལ། དུ་བ་མི་ཤོར་བར་བསྲེགས་པ་ནི་སྨན་གྱི་རིགས་ཕལ་ཆེར་ནུས་ལྡན་དུ་བསྲེག་དགོས་པ་རྣམས་དུ་བ་མི་ཤོར་བར་བྱ་ཞེས་གསུངས་པའི་རིགས་འགྲེ་སྦྱར་བར་མངོན། གང་ལྟར་ཡང་དེ་ལྟ་བུ་དང་བཟང་དྲུག་སོགས་སྨན་ཕྱེ་བུངས་བསྐྱེད་དགོས་ཚེ་རིང་བསྲེལ་བཞི་ཀ་འབྲུ་དཀར་གྱི་ཕྱེ་དང་སྦྱར་ནའང་འགལ་བ་མེད་དེ་རྟེན་འདུས་རིལ་བུར་གྲགས་པ་ཐམས་ཅད་རིང་བསྲེལ་བཞི་ཕྱོགས་བསྡུས་ཁོ་ན་ལས་མ་འདས་ཀྱང་། འབྲུ་དཀར་གང་རིགས་ཀྱི་ཟན་དང་སྦྱར་ནས་རིལ་བུར་དྲིལ་བ་ཐམས་ཅད་ཀྱིས་ཕྱག་ལེན་དུ་མཛད་པས་སོ། །དེའང་འབྲས་དཀར་གྱི་ཕྱེ་མ་རྣམ་དཔྱོད་ཆེའང་། རྩི་བསྐོན་པའི་ཚེ་ཧ་ཅང་ལེགས་པ་འབྱུང་དཀའ་ཞིང་། རིལ་བུ་སྙི་སྐྱོན་ཙམ་འདུག་པས་ནས་དཀར་བཟང་པོ་རྗེན་འཐག་ཤིན་ཏུ་ཞིབ་པར་བྱས་པ་ཁོ་ན་ལེགས། རིལ་བུ་བསྒྲིལ་ཚར་འཕྲལ་རིལ་ཆགས་ཅུང་ཟད་བྱས་ལ་གྲིབ་མར་སྐམ། སྐམ་ཐག་ཆོད་ནས་རླུང་མི་འཆོར་བའི་སྣོད་བཟང་པོར་ཚགས་བྱས་ཏེ་ལོ་རེའམ། མ་མཐའ་ཟླ་བ་ཆ་ཤས་བཞག་མཚམས། མཚལ་ལྟ་བུ་རྩི་ཚོན་གང་ཡིན་དེ་ཟར་མའི་ཁུ་བ་གར་སླ་རན་པོ་ཞིག་གིས་སྦྱངས། དེ་ལ་ཤེལ་ཀར་ལེགས་པ་ཅུང་ཟད་རེ་བཏབ་ནས་རྩི་གསོལ། དེ་མ་ཐག་ཤེད་ཆེ་བས་རིལ་ཆགས་འཐེམ་པར་བྱ། འོད་ལེགས་པར་ཆགས་ནས་རིལ་ཆགས་འཕྲོ་བཞག་ན་མ་གཏོགས་ཧ་ཅང་རིལ་ཆགས་བྱེད་ཆེ་ན་འོད་མེད་པའི་སྐྱ་ཁ་ལྟ་བུ་ཞིག་རེད་འགྲོ་སྣང་བ་སོགས་རྒྱུས་ཡོད་ཀྱི་སྙན་ཞུ་གླེན་གཏམ་ཁོ་ནར་གསོལ་པ་ལགས་ཤིང་། བསྒྲུབ་ཚུལ་ནི། སྐུ་བལ་གྱི་རིང་བསྲེལ་འདི་རིགས་སྐུའི་རྒྱན་ལྟ་བུ་ཡིན་པས་རིན་ཆེན་འབྱུང་ལྡན་ཀྱེ་རྡོ་རྗེར་བསྐྱེད་ན་འཐད་པར་སེམས། ཁ་དོག་དམར་པོ་མཛད་པ་ན་བཟའ་སོགས་ཕལ་ཆེར་དམར་ཤས་ཆེ་བས་རྒྱུའི་མཚོན་དོན་ལ་དགོངས་པ་འདྲ། རིགས་ཀྱི་དབང་དུ་བྱས་ན་སེར་པོར་མཛད་ཀྱང་ལེགས་སྙམ་ཞུ། གཞན་ཡང་རིགས་ལྔ་ཀའང་རྡོ་རྗེ་སེམས་དཔའི་རིགས་ཀྱིས་ཁྱབ་པས་སྙིང་པོ་ཀྱེ་རྡོ་རྗེ་ཁོ་ནར་བསྐྱེད་ཀྱང་འགལ་བ་མེད་པ་དང་། སོ་སོར་བསྐྱེད་ཚེ་སྔགས་བཟླ་བར་སྤྲོ་ན་ཡུམ་གྱི་མཁའ་འགྲོ་ལྔ་རིགས་སོ་སོའི་སྔགས་བཟླས་ཀྱང་རུང་ཞིང་། སྤྱིར་དེ་བ་པི་ཙུས་ཀྱང་འཐུས་པར་སེམས། རྒྱུད་སྡེ་འོག་མའི་དབང་དུ་བྱས་ན། ཨོཾ་བཛྲ་ཨཀྵོ་བྷྱ་ཧཱུྃ། ཨོཾ་བཛྲ་བཻ་རོ་ཙ་ན་ཨོཾ་སོགས་མཚན་སྔགས་བཟླ་བས་མཚོན་བླ་མེད་གཞན་གསང་འདུས་སོགས་ལ་སྦྱར་ནའང་རིགས་འགྲེ། ། ༈ ལྔ་པ་བདུད་རྩི་ལྔ་སྤྱིར་བསྡུས་པ་ཆོས་སྨན་དང་། བྱེ་བྲག་སོ་སོ་བཅས་ལེའུ་ཚན་བདུན་ལས། ཆོས་སྨན་ནི་བདུད་རྩི་ལྔའི་སྨན་སྣ་ཐམས་ཅད་ཕྱོགས་གཅིག་ཏུ་བསྡུས་པའི་སྟེང་། བུངས་བསྐྱེད་པ་ལ་འབྲས་བུ་གསུམ་དང་། བཟང་པོ་དྲུག་གཙོར་གྱུར་བཟང་སྨན་ཅི་རིགས་དང་བཅས་ཏེ་ཕུར་མ་བྱ་བ་དང་། བདུད་རྩི་དྲུག་གི་རིལ་བུ་རྣམས་སོ་སོའི་སྐབས་སུ་བཤད་པའི་སྐྱོབས་ཀྱི་སྨན་འདི་རིགས་གསར་མའི་བདུད་རྩི་རིལ་བུའི་རྫས་དང་། རྙིང་མའི་ཆོས་སྨན་གྱི་རྫས་གཙོ་ཆེ་རིགས་ཕྱོགས་བསྡེབས་མཛད་པ་ཡིན་འདུག་པས་འདི་ཁོ་ན་ལྟར་ལ། བུངས་བསྐྱེད་དགོས་ཚེ་སྨན་འཛོམ་སླ་བའི་རིགས་མང་བཅུག་ན་ཆོག་པ་ལགས་ཤིང་། གསང་ཆབ་རིལ་བུ་སྤེལ་སྤྱད་ཀྱི་ལྕེ་སོག་དཀར་པོ་ནི་སྤོས་དཀར་ཡིན། ཤེལ་ག་བུར་ནི་ག་བུར་ལ་རིགས་གསུམ་སྟེ། མང་ག་བུར། སྟག་ཟིལ་ག་བུར། ཤེལ་ག་བུར་ཞེས་གྲགས་པའི་ཕྱི་མ་སྟེ། དེའང་མདོག་དཀར་ཞིང་འོད་དང་ལྡན་པ་འཁྱགས་པ་ལྟར་གྲུམ་འགྲོ་བ་ཞིག་ཡོད་པའི་ཚུལ་དཔལ་ལྡན་རྒྱུད་ལས། ཤེལ་ནི་དཀར་ལ་ཀྲོན་ཏེ་འཁྱགས་པ་འདྲ། །ཤིན་ཏུ་བསིལ་བས་རྒྱས་ཚད་རྐྱང་པ་འཇོམས། །ཞེས་པ་དེ་ལགས་རུང་། དེང་སང་དོན་ཁུངས་ཅུང་དཀའ་བས། ཡོངས་གྲགས་ཀྱི་ག་བུར་འདི་ཕལ་ཆེར་མང་ག་བུར་ཡིན་འདུག་པ་འདི་ཁོ་ནས་ཆོག །དབུ་ཀླད་དང་གདུང་རུས་ཕྱོགས་བསྡུས་གཡུ་ཞུན་འཁྱིལ་པའི་སྐབས་ཤ་ཆེན་གྱི་སྐབས་སུ་བཤད་པའི་སྨན་ཞེས་པ་ནི་སྐུ་ཤ་རིལ་བུའི་སྐབས་སུ་གསུངས་པའི་སྐྱོབས་རྣམས་ལ་གསུངས་པ་སྟེ། སྤྱིར་སྐུ་ཤ་ཐམས་ཅད་ཤ་ཆེན་ཡིན་པ་གཞིར་བཅས་དང་། བྱེ་བྲག་ཀླད་པ་དང་རུས་པ་ནི་ཤའི་དྭང་མ་ཡིན་པས་དེ་རྣམས་ངོ་བོ་གཅིག་པས་སྐྱོབས་ཀྱི་རྫས་རྣམས་ཀྱང་མ ཚུངས་པ་ལགས། འདི་རྣམས་སྒྲུབ་ཚུལ་བདུད་རྩི་རིལ་བུ་ཁོ་ན་ལྟར་མཛད་པས་འཐུས་ཏེ། གསར་མའི་བདུད་རྩི་རིལ་བུ་དང་། རྙིང་མའི་ཆོས་སྨན་གཉིས་སྨན་གྱི་ངོས་འཛིན། ལྷ་བསྐྱེད་ཚུལ། བཟླ་བྱའི་སྔགས་སོགས་ཀྱིས་མཚོན་ཆོ་གའི་ཆིངས་ཐ་དད་ཀྱང་། དོན་གྱི་གཙོ་བོ་ཤ་ལྔ་བདུད་རྩི་ལྔ་རིགས་ལྔ་ཡེ་ཤེས་ལྔའི་ངོ་བོར་བྱིན་གྱིས་བརླབས་པ་ལ་གནད་གཅིག་པའི་ཕྱིར་ཏེ། དེས་ན་བདུད་རྩི་ཆིག་སྒྲུབ་ཀྱི་ཕྱག་བཞེས་མདོར་བསྡུས་ཀྱི་ཚེ། སྨན་ཕྱེ་རིལ་ཐམས་ཅད་སྣོད་སོ་སོར་བླུགས་ཏེ་བདུད་རྩིར་བྱིན་གྱིས་བརླབས་པ་ཆབ་ཅིག་ཏུ་མཛད་པས་འཐུས་ཤིང་། ཚོགས་སྒྲུབ་ཕྱག་ལེན་རྒྱས་པ་ལྟར་ན། ཁྲོལ་སྒྲུབ་ཀྱི་སྐབས་བདུད་རྩི་དྲུག་སོ་སོར་ཕྱོགས་མ་འཁྲུལ་བར་བཞག་སྟེ་བསྒྲུབ། དེའི་ཚེ་ཆོས་སྨན་གྱི་རྫས་ལོགས་སུ་སྦྱར་བ་ཡིན་ན་དབུས་སུ་བཞག་པས་རུང་། དེ་མིན་བདུད་རྩི་དྲུག་སོ་སོའི་ཁྲོལ་སྒྲུབ་ཚར་ནས་ཕྱེ་མ་བྱས། དེ་ཐམས་ཅད་ཕྱོགས་གཅིག་ཏུ་བསྡུས་པ་ཚོ་གཅིག་ལ་ཆོས་སྨན་གྱི་ཕབ་གཏའ་སྦྱར་ཏེ་ཕུར་མ་བྱ་བ་དང་། ཚོ་གཅིག་སོ་སོར་བྱས་པར་སོ་སོའི་ཕབ་གཏའ་སྦྱར་ཏེ་རིལ་བུ་དྲིལ་ནས་བསྒྲུབ་ནའང་ལེགས་པ་སོགས་རིག་པས་དཔྱད་དོ།། །། ༈ དྲུག་པ་སྐྱེ་བདུན་རིལ་བུའི་གཏའ་སྤེལ་གྱི་སྨན་བྱ་རྒོད་ཤ་ནི་མཁའ་སྤྱོད་གྲུབ་པའི་རྟེན་འབྲེལ་དུ་ཕྲན་བུ་རེ་ཙམ་བསྲེས་ན་ཆོག་པས། དུག་འདོན་དམིགས་བསལ་མ་བྱུང་རུང་འགལ་བ་མེད། བྱེད་པར་སྤྲོ་ན་བཅུད་ལེན་སོགས་ཀྱི་ཤ་སྦྱོར་སྐབས། བྱ་ཤའི་དུག་ནི་ཚག་ཤས་འདོན། ཞེས་པ་ལྟར་བྱ་རྒོད་ཀྱི་སྙིང་དང་། མིག་འཛོམས་ན་ལེགས་ཤིང་། དེ་ལྟར་མིན་ཀྱང་ཤ་སྣ་གང་འཛོམས་མ་རུལ་མ་སུམ་པ་ཤིན་ཏུ་གལ་ཆེ། གང་ལྟར་ཡང་ཕྲོམ་ཕྲུམ་དུ་བརྡུངས་ལ་སེམས་ཅན་ཚག་པོའི་རྐང་པའི་ཤ་ལྟ་བུའི་དུམ་བུ་གྲིས་གཤགས་པའི་ནང་དུ་བཅུག །སྲུབ་བཅོམས་ཏེ་མེར་ཅུང་ཟད་བསྲེག །སེར་ཆོམ་གྱིས་ཚིག་ནས་བཏོན། ཚག་ཤ་དོར། བྱ་ཤ་སྨན་དུ་སྦྱར་བའམ། ཡང་ན་བྱ་ཤ་གང་གཏོང་ཡང་དུག་འབྱིན་ཏིལ་དཀར་པོ། ངར་འདོགས་དབང་ལག །རྣོ་འདོན་རྒྱ་ཚྭ་དང་ལྕམ་པའི་འབྲས་བུ་བཅས་འདི་རིགས་ཕྲན་བུ་རེ་དང་མཉམ་དུ་འདུར་ནས་གཏོང་བ་སྟེ། འདི་གཉིས་ཕྱག་བཞེས་སྟབས་གང་བདེ་མཛད་ན་འཐུས། ། ༈ བདུན་པ་རྟེན་འདུས་རིགས་ཐམས་ཅད་འབྲས་བུ་གསུམ་དང་། བཟང་པོ་དྲུག་གཙོར་གྱུར་བཟང་སྨན་གང་རིགས་ཀྱི་ཕྱེ་མ་དང་སྦྱར་ན་རུང་མོད། གཙོ་བོར་འབྲས་གསུམ་བཟང་དྲུག་ཁོ་ནས་འཐུས་ཤིང་། བུངས་བསྐྱེད་པའི་སླད་ནས་དཀར་གྱི་རྗེན་ཕྱེ་ཇི་ལྟར་རིགས་པའི་ཟན་དང་བཅས་བསྒྲིལ་ན་རུང་། སྔ་ཕྱི་འདི་གཉིས་གསར་མའི་ཆོ་ག་ཇི་ལྟ་བུའི་སྒོ་ནས་བསྒྲུབ་ཅེས་བཀའ་ཕེབས་པ། སྐྱེ་བདུན་ནི་གསར་མ་ལ་བདེ་ཀྱེ་སོགས་ཀྱི་རྒྱུད་དང་མན་ངག་ལས་རྒྱ་ཆེར་གསུངས་ཤིང་། ངོར་ཆེན་རྡོ་རྗེ་འཆང་གི་གསུང་རབ་ལས་ཀྱང་རིལ་བུ་ལ་བརྟེན་ནས་མཁའ་སྤྱོད་སྒྲུབ་པའི་ཐབས་སོགས་གསུངས་པ་དགོངས་མངའ་ལྟར་ལགས་མོད། དེང་སང་ཕྱག་ལེན་དུ་འདེབས་མཁན་མེད་པ་དང་། སྤྱིར་ཡང་རྒྱུད་སྡེ་ནས་གསུངས་པའི་ལས་ཚོགས་འགངས་ཆེ་རིགས་འདི་དག་གྲུབ་པ་ལ་སྦྱོར་ལམ་དྲོད་དམ། ཚོགས་ལམ་ཆེན་པོའི་ཡེ་ཤེས་བརྙེས་པ་ཞིག་དགོས་པར་བཤད་པས་དཀའ་བར་སྣང་། དེས་ན་སྐབས་དོན་སྐྱེ་བདུན་རིལ་བུ་འདི་ནི་གཙོ་བོར་རྙིང་མའི་ཕྱོགས་ཀྱི་གཏེར་བྱོན་གྱི་དམ་རྫས་དང་། སྒྲུབ་ཐབས་ལ་བརྟེན་པ་ཁོ་ན་ལགས་ཤིང་། གཏེར་ཁ་སྔ་ཕྱིའི་གཞུང་ཐམས་ཅད་ལས། ཐུགས་རྗེ་ཆེན་པོའི་སྒྲུབ་ཆེན་གྱི་སྒོ་ནས་བསྒྲུབ་ཚུལ་འབའ་ཞིག་གསུངས་པས་ན། གསར་མའི་ཕྱོགས་ལ་ཐུགས་རྗེ་ཆེན་པོ་ཚེམྦུ་ལུགས་ཀྱི་མ་ཎི་རིལ་སྒྲུབ་བྱ་ཚུལ་སྔར་ཕུལ་བ་དེ་ཀའི་གཞུང་ལྟར་སྒྲུབ་ན་འབྲེལ་ཆགས་ཤིང་། སྤྱིར་ཡང་བྱིན་རྟེན་རིགས་ཕལ་ཆེར་མྱང་གྲོལ་ལ་དམིགས་པ་ཤས་ཆེ་བས་མ་ཎི་རིལ་སྒྲུབ་ཁོ་ནས་བསྒྲུབ་ཀྱང་ལེགས་པར་སེམས། རྡོར་སེམས་རིལ་བུ་སྒྲུབ་ཚུལ་སྨིན་གླིང་གཏེར་གསར་རྡོར་སེམས་གྱི་གཞུང་ལྟར་མཛད་པར་སྣང་བས། རྫས་ནི་གཞུང་དེ་ཉིད་ལས། དཔའ་བོ་ཤ་ལྔ་བདུད་རྩི་ལྔ༔ མཆོག་གྲུབ་གདུང་དང་རིག་བསྲེལ་དང་༔ བདུད་རྩི་སྒྲུབ་རྫས་སྨན་ཕབ་རྣམས༔ རྩ་བའི་རྫས་ཀྱིས་སྟོབས་བསྐྱེད་ལ༔ བཟང་དྲུག་འབྲས་བུ་གསུམ་ལ་སོགསཿ བདུད་རྩི་མཆོག་རྒྱུད་བཞིན་སྦྱར་ནསཿ ཡུངས་ཀར་འབྲུ་དགུའི་ཚད་དུ་དྲིལ༔ མཚན་ལྡན་ཕོ་མོའི་ཐོད་པར་བྲུབ༔ ཞེས་གསུངས་པ་ལྟར་ལག་ལེན་དུ་བསྟར་བ་ནི། སྨིན་གླིང་མཁན་ཆེན་ཨོ་རྒྱན་བསྟན་འཛིན་རྡོ་རྗེའི་ཟིན་བྲིས་ལས། འབྲས་བཟང་པོ་ཆུ་ཁྲུས་བྱས་པའི་ཕྱེ་མ་བྲེ་གསུམ་གྱི་ཚེ་ན། ཨ་རུ་གསེར་མདོག་རྡོག་བཅུ་ལ། སྐྱུ་རུ་ར་སུམ་ཅུ། བ་རུ་ར་རྡོག་བཅུ། ཛཱ་ཏི། ལི་ཤི། སུག་སྨེལ། གུར་གུམ། ཅུ་གང་། ཀ་ཀོ་ལ་སྟེ་བཟང་པོ་དྲུག་སོ་སོ་ནས་ཞོ་དོ་རེ་ཙམ་དང་། ཙནྡན་དཀར་དམར། གིའུ་ཝཾ། ཁ་ཆེ་རྣམས་ཞོ་དོ་རེ་ཙམ། དེ་ཕྱིན་སྨན་གཞན་མང་པོ་བཏང་ཡང་རོ་ནུས་ལ་གནོད་པས་བདུད་རྩི་སྨན་གྱི་སྒྲུབ་པའི་ལག་ལེན་ཚད་ལྡན་གྱིས་སྦྱར་བའི་བདུད་རྩི་ཆོས་སྨན་ཕོན་ཆེ་བ་ཙམ་བཏབ་ཕྱིན་དེ་ལ་མ་འདུས་པ་མེད་ཅིང་། ཕབས་གཏའ་ནི་མཆོག་གི་དངོས་གྲུབ་བརྙེས་པ་རིག་འཛིན་བླ་མའི་གདུང་རུས། རིང་བསྲེལ། རྣམ་སྣང་། མི་བསྐྱོད། དེ་བཞིན་གཤེགས་པའི་འཕེལ་གདུང་། སེལ་མེད་ཀྱི་གོང་མ་དག་གི་སྒྲུབ་རྫས་རིལ་བུ་རྣམས་སོ། །ཤ་ལྔ་བདུད་རྩི་ལྔ་ནི་བདུད་རྩི་ཆོས་སྨན་ལ་ཡོད་པ་དེས་འཐུས་པར་མཛད་པས་གསར་དུ་མི་དགོས། དེ་ལྟར་རྫས་དེ་རྣམས་ཞིབ་ཏུ་བསྣུར་ཞིང་འདྲེས་པར་སྦོལ་བའི་ཕྱེ་མ་ལས་ཟན་གཡོས་ཏེ། རིལ་བུ་ཡུངས་ཀར་འབྲུ་དགུ་གཅིག་ཏུ་དྲིལ་བ་ཙམ་གྱི་ཚད་དུ་དྲིལ་ལ། གྲིབ་སྐམ་བྱས་ནས་མཚལ་གྱིས་ཁ་དོག་དམར་པོར་བསྒྱུར། ཅེས་གསུངས་པ་ལྟར་ལགས་ཤིང་། འོན་ཀྱང་གོང་གི་སྦྱོར་ཚད་ནི་ཁ་དོག་དང་། དྲི་རོ་བཟང་པོ་འབྱུང་བའི་དབང་དུ་བཏང་ནས། དེ་ལྟར་གསུངས་པ་ཙམ་ལས་མཐའ་གཅིག་ཏུ་ངེས་པ་མེད་པས་གང་འབྱོར་གྱིས་ཆོག །གསར་མའི་ཕྱོགས་ནས་བསྒྲུབ་ན་གཏའ་སྤེལ་ཙམ་ལ་བདུད་རྩི་རིལ་བུ་ཁོ་ན་བཞིན་སྒྲུབ་པར་མཛད་ཀྱང་འཐུས་ཏེ་སྨན་གྱི་སྦྱོར་ལུགས་སོགས་ལ་བརྟགས་ཚེ་བདུད་རྩི་རིལ་བུ་དང་གནད་གཅིག་པའི་ཕྱིར་རོ། །འོན་ཀྱང་དམིགས་བསལ་རྡོར་སེམས་ཀྱི་སྒོ་ནས་བསྒྲུབ་པར་སྤྲོ་ན་སྲད་རྒྱུད་ལུགས་ཀྱི་གསང་འདུས་རྡོར་སེམས་རིལ་སྒྲུབ་འདི་དགེ་ལྡན་ཕྱོགས་ལ་ཡོངས་སུ་གྲགས་པ་ཞིག་ཡིན་པར་འདུག་པས་རྗེས་གནང་གི་རྒྱུན་གསན་ཚེ་འདི་ལྟར་བསྒྲུབ་ན་ལེགས། ཟིན་ཐོ་འདི་སྔ་མ་རྗེས་གནང་དང་ལུང་སོགས་ཞུས་སྐབས་ཡིག་ཆ་འགའ་ཞིག་ལས་ཕྲན་གྱིས་ཟིན་བྲིས་སུ་བཏུས་པ་ལགས། འདི་མཁོ་ཆེ་སྟབས་བསྙེན་སྒྲུབ་ལས་གསུམ་རྒྱས་པ་ཞིག་བསྒྲིགས་ནས་སྒྲུབ་ཐབས་ཀུན་བཏུས་སུ་བཞག་རྩིས་ཀྱང་དེ་སྔ་མ་གྲུབ། ལུགས་འདིའི་རྗེས་གནང་སོགས་གསན་མེད་ཚེ་ཆོ་གའི་ཆིངས་འདི་ལྟར་ལ་ལྷ་སྔགས་རྡོར་སེམས་ཧེ་རུ་ཀར་མཛད་ཀྱང་རུང་སྙམ། རིལ་བུའི་ཁ་དོག་གོང་དུ་དམར་པོར་གསུངས་པ་ནི་སྐྱེ་བདུན་སོགས་ཀྱི་མྱང་གྲོལ་སྤྱི་འགྲེ་དང་མཐུན་པར་མཛད་པ་ཡིན་འདུག །དེང་སང་ཕལ་ཆེར་གྱིས་རྡོར་སེམས་རིལ་བུ་དཀར་པོར་མཛད་པ་ནི་ལྷའི་སྐུ་མདོག་དང་མཐུན་པར་སྦྱར་བ་ལགས། ། ༈ བརྒྱད་པ་ཚེ་སྒྲུབ་གསང་འདུས་རིལ་བུའི་སྨན་གྱི་སྐབས་བྱང་སེམས་དཀར་དམར་དང་། ཨ་མྲྀ་ཏ་དང་བླ་མའི་དྲི་ཆུ་གསུངས་པ་བཀའ་གནང་བཞིན་བྱང་སེམས་དཀར་དམར་རིལ་བུ། བདུད་རྩི་ཆོས་སྨན། གསང་ཆབ་རིལ་བུ་རྣམས་བཏབ་ན་ངེས་པར་འཐུས། གཞན་འདིའི་སྐབས་ནས་བཤད་པའི་དངུལ་ཆུ་ནི་རབ་གྲང་འདུལ་ཆེན་མོ་དང་། འབྲིང་གྲང་འདུལ་འབྲིང་པོ། ཐ་མ་གྲང་འདུལ་བསྡུས་པ་དགོས་པས་གྲང་འདུལ་ཆེན་མོ་ནི་རིན་ཆེན་རིལ་བུའི་སྐབས་སུ་གཏོང་རྒྱུ་དེ་ག་དང་། འབྲིང་བསྡུས་གཉིས་ཟླ་ཤེལ་ཆེན་མོའི་སྐབས་སུ་གཏོང་རྒྱུ་དེ་ལགས་པས། འདི་རིགས་ཀྱི་ལག་ལེན་མཐོང་བརྒྱུད་དང་གསོ་དཔྱད་ཀྱི་གཞུང་ལ་གཟིགས་ན་མ་གཏོགས་ཡི་གེ་ཉུང་ངུས་མཚོན་པར་མི་ནུས་པས་སྨན་པ་མཁས་པ་འདྲ་ལ་སྦྱར་བཅུག་པའམ། སྦྱར་ཟིན་བསླང་རྒྱུ་འདྲ་མཛད་ན་ཆོག་སྙམ། གང་ལྟར་ཡང་རྟེན་འབྲེལ་གྱི་ཆེད་རྫས་འཛོམ་ཙམ་མ་གཏོགས་ཧ་ཅང་མང་པོ་ནི་མེད་ཀྱང་ཆོག །མུ་ཟི་སེར་པོ་དངུལ་ཆུ་བཙོ་བཀྲུ་ཚང་བའི་ཁོངས་སུ་སོང་བས་ཟུར་དུ་གཏོང་མི་དགོས། དངུལ་ཆུ་བཙོ་བཀྲུ་ཆེན་མོ་རྫས་འཛོམ་ཙམ་འདི་ལྟར་འབུལ་ལམ་ཞུས་ཡོད་པས་རིལ་བུ་བྲེ་རེ་ཙམ་ལ་འདིས་ཆོག །ད་བྱིད་ནི་གངས་སྦལ་གྱི་ཤ་ཡིན་ནའང་དངོས་ནི་ཤིན་ཏུ་རྙེད་པར་དཀའ། ཚབ་རུང་དུ་ལྷོ་མོན་ནས་འབྱུང་བའི་ནགས་སྦལ་གྱི་ཤའམ། སྤུ་ཀོང་རོང་ཆེན་རྣམས་སུ་གཙང་ཕག་མགོ་གཉིས་ཤ་ཐམས་ཅད་ཚིལ་ཁོ་ན་ཡིན་པ་ཞིག་འབྱུང་བས་དེས་འཐུས་པར་མཛད། གང་ལྟར་ཡང་དུག་འདོན་ནི་ཨ་རུ་གསེར་མདོག །གླ་རྩི་གོ་བོའི་ཤ་གསུམ་ཕབ་འདེབས་པ་ཙམ་དང་། ངར་གདགས་པ་ལ་ཐལ་དཀར་རྡོ་རྗེ། རྣོ་འདོན་པ་ལ་གཡེར་མ་ཚྭ་འདེབས་ཙམ་རེ་དང་ལྷན་ཅིག་ཏུ་ཞིབ་པར་བཏགས་པ་ལགས། དེ་མིན་སྨན་གཞན་རྣམས་ལ་དུག་འདོན་དགོས་པ་མི་སྣང་། བཅུད་ལེན་དངོས་ཀྱི་སྐབས་དབང་ལག་སོགས་ལ་རྫ་ཆབ་གཙང་མས་བཀྲུ་ཞིང་འོ་མར་བཙོ་བ་སོགས་དུག་འདོན་དང་། བཅུད་འགུགས་ཀྱི་རྣམ་པ་མང་དུ་བཤད་མོད། འདིར་རྟེན་འབྲེལ་གྱི་རྫས་ཙམ་ལས་ཧ་ཅང་མང་པོའང་འབྱོར་དཀའ་ཞིང་། བུངས་བསྐྱེད་དགོས་ན་འབྲུ་དཀར་གྱི་ཕྱེ་སོགས་དང་སྦྱར་ནས་རིལ་བུ་དྲིལ་སྲོལ་སྣང་བས་དུག་འདོན་བཅུད་འགུགས་སོགས་རེ་རེ་ནས་མ་གྲུབ་ཀྱང་འགལ་བ་མེད་འདྲ། སྒྲུབ་ཚུལ་གྲུབ་རྒྱལ་ལུགས་ལྟར་མཛད་ན་ཤིན་ཏུ་འཐུས་ཏེ། ལྷ་ངོ་བོ་གཅིག་ཅིང་སྔགས་ཀྱང་ཨོཾ་གུ་རུ་ཨཱ་ཡུཿསིདྡྷི་ཧཱུྃ་ཧྲཱིཿཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་བླ་མའི་མཚན་སྔགས་ཀྱིས་ཐོག་དྲངས་པ་ཙམ་མ་གཏོགས་སྔགས་ཀྱི་དངོས་གཞི་གཅིག་པའི་ཕྱིར་རོ། ། ༈ དགུ་པ་བུམ་ཆུ་ཁྲུས་ཆབ་ཀུན་འདུས་ནི། བུམ་རྫས་དང་། གུར་གུམ་སོགས་ཀྱིས་ཕུར་མ་བཟོས་པས་འཐུས་ཤིང་། འགའ་ཞིག་གིས་ཁྲུས་ཆུའི་ཕུར་མའི་རིགས་ལ་ཨར་སྐྱའམ། ཨ་གར་འབའ་ཞིག་ཏུ་གྲགས་པ་དང་། གཡའ་ཚན་དཀར་པོ། མཁན་དཀར་སོགས་གྲིབ་སེལ་གྱི་རྫས་ཅི་རིགས་པ་བསྲེས་པའང་སྣང་མོད། མ་འབྱོར་ཀྱང་འགལ་བ་མེད། བསྒྲུབ་ཚུལ་ནི། སྡིག་སྒྲིབ་སྦྱོང་བ་ལ་གཙོ་བོར་རྡོར་སེམས་དང་། གྲིབ་སེལ་ལ་རྣམ་འཇོམས་དང་སྨེ་བརྩེགས་གང་རུང་གི་བདག་བསྐྱེད་སྔོན་དུ་འགྲོ་བའི་སྒོ་ནས་རྫས་ལ་སྦྱོང་ཁྲུས་བྱ། དེ་ནས་བུམ་པ་སྒྲུབ་པ་སྤྱི་ལྟར་ལ་ནང་བཅུད་སྣ་ཚོགས་ཀྱིས་ཡོངས་སུ་གང་བའི་སྟེང་དུ་ཞེས་པ་ཙམ་ཁ་བསྒྱུར་བགྱིས་པས་འཐུས་ཤིང་། མཇུག་ཏུ་མཆོད་ཡོན་ཕུལ་སྐབས་ཀུ་ཤའི་འཐོར་ཡབ་ལྟ་བུས་འཐོར་བ་དང་། བུམ་པའི་ལྷ་འོད་དུ་ཞུ་བ་ལས་བཅུད་ནུས་པ་དང་ལྡན་པར་མོས་པས་ཆོག །ཡང་འདི་རིགས་ལ་གཟུངས་སྒྲུབ་བྱ་ཚུལ་གྱི་ལག་ལེན་འདི་ལྟར་ཡང་ཡོད་དེ། རྫས་རྣམས་བུམ་པའམ་ཀ་ཊོར་ལྟ་བུའི་སྣོད་དུ་བླུགས་པ་མདུན་དུ་བཞག །བདག་བསྐྱེད་མདོར་བསྡུས་སྦྱོང་ཁྲུས་རྒྱས་བསྡུས་གང་རིགས་བྱ། རྫས་བསང་སྦྱངས། སྟོང་པའི་ངང་ལས་པྃ་ལས་པདྨ་དང་སོགས་ནས། ནང་བཅུད་སྣ་ཚོགས་ཀྱིས་ཡོངས་སུ་གང་བཞེས་པའི་བར་བུམ་བསྐྱེད་སྤྱི་ལྟར་ལ། དེའི་སྟེང་དུ་ཟླ་བ་ལ་གནས་པའི་སྔགས་ཀྱི་ཕྲེང་བ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེ་བྱིན་རླབས་ནུས་མཐུ་ཐམས་ཅད་བསྡུས་ཏེ་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་དཔག་ཏུ་མེད་པ་བབས་པས་བཅུད་ནུས་པ་དང་ལྡན་པར་གྱུར། ཅེས་བརྗོད་ཅིང་བསམས་ལ། ཡི་གེ་བརྒྱ་པའམ། རྣམ་འཇོམས་དང་སྨེ་བརྩེགས་ལྟ་བུའི་སྔགས་གསང་བར་བཟླ། ཐུན་འཁོར་དང་སྔགས་ཕྲེང་གདན་དང་བཅས་པ་འོད་དུ་ཞུ་ནས་རྫས་ལ་ཐིམ་པས་ཡེ་ཤེས་ཀྱི་བདུད་རྩིའི་རང་བཞིན་ནུས་པ་ཐམས་ཅད་དང་ལྡན་པར་གྱུར། ཞེས་བརྗོད་ཅིང་བསམས་ལ་བདག་བསྐྱེད་ཀྱི་མཇུག་ནི་བྱ་བ་སྤྱི་ལྟར་བྱའོ། །བུམ་པ་མེད་ན་སྟོང་པའི་ངང་ལས་རྫས་ཀྱི་སྟེང་དུ་ཟླ་བ་ལ་གནས་པའི་སོགས་བརྗོད་པས་ཆོག །འདི་ལྟ་བུའི་ཚུལ་ནི་རྒྱ་གཞུང་རྣམས་ལས་ཟུར་གྱིས་གསལ། བཀའ་གདམས་པའི་མན་ངག་རྣམས་ལས་ཀྱང་མང་དུ་འབྱུང་། རབ་གནས་ཀྱི་འཐོར་ནས་བསྒྲུབ་ཚུལ་དང་། སྨན་བླའི་མདོ་ཆོག་གི་གཟུངས་ཆབ་བྱིན་རླབས་སོགས་དང་ཡང་སྒོ་མཐུན་པས་ཤིན་ཏུ་ལེགས་པ་ཡིན་ལ། དེང་སང་ཡོངས་སུ་གྲགས་པའི་སྔགས་བདུག་དང་། སྔགས་འདག་སྟེ་ས་སྔགས་སོགས་ཀྱང་འདི་ལྟར་བསྒྲུབ་ན་ལེགས། གོང་དུ་ཞུས་པའི་རིལ་བུའི་རིགས་གཞན་ཐམས་ཅད་ཀྱང་སོ་སོའི་སྒོ་ནས་བསྒྲུབ་པ་རྒྱས་པ་མ་བྱུང་ན་འདི་ཙམ་གྱི་དམིགས་པས་ཁྱབ་པར་བྱས་ཏེ་སྔགས་སོ་སོར་བཟླས་པས་བྱིན་གྱིས་བརླབས་ཀྱང་གཏའ་སྤེལ་གྱི་རིགས་ལ་དེ་གས་ཆོག་པར་སེམས་ཤིང་། གང་ལྟར་ཡང་ཐུན་དུ་བཅད་དེ་ཡུན་རིང་ཐུང་ཇི་ལྟར་རིགས་པས་བསྒྲུབ་པར་བྱའོ།། །། ༈ བཅུ་པ་མི་ཞུ་བའི་ཁམས་ཀྱི་རིན་པོ་ཆེའི་དུག་འདོན་བྱེད་ཚུལ་གསོ་དཔྱད་ཀྱི་གཞུང་རྣམས་ལས་འདྲ་མིན་ཅི་རིགས་འབྱུང་མོད། ཞྭ་ལུ་རྡོ་རྗེ་འཆང་གི་ཕྱག་ལེན་འདི་ལྟར་སོར་བཞག་མཛད་ན་འཐུས། ཀླུ་སྨན་གྱི་རིན་པོ་ཆེ་རྣམས་ཀྱང་དུག་འདོན་བྱེད་ན་འདི་ལྟར་ཁོ་ནས་ཆོག །བཞུ་བའི་ཁམས་ཀྱི་རིན་པོ་ཆེ་གསེར་དངུལ་ཟངས་སོགས་གཡའ་ཕྱི་དུག་འདོན་གསོ་དཔྱད་ཀྱི་གཞུང་རྣམས་ལས་རྒྱ་ཆེར་འབྱུང་མོད། བུམ་རྫས་སོགས་ཀྱི་སྐབས་རྟེན་འབྲེལ་ཙམ་དུ་སིང་པོ་ལྟ་བུར་བཏབ་ནས་གཡའ་ཡང་ཡང་བཅད། དེ་ནས་ཆུ་ཚན་དུ་བཏབ་ནས་བཀོལ་བའི་ཆུ་ཕྱིར་ཕོ། ཆུ་འཁྱགས་ཀྱིས་བཤལ། དེ་འདྲ་ལན་མང་དུ་བྱས་པས་འཐུས། ལར་བུམ་རྫས་སོགས་རྒྱུད་དང་རྒྱ་གཞུང་གི་དངོས་བསྟན་ལྟར་ན་ཁྲོལ་བུ་དེ་བུམ་པའི་ནང་དུ་བླུགས་པ་རྟེན་འབྲེལ་གྱི་མཚོན་དོན་ཙམ་མ་གཏོགས་དེའི་ཁུ་བ་ཁོང་དུ་བཏང་བའི་ནུས་པ་ལ་བརྟེན་ནས་ནད་གདོན་ལ་ཕན་པའི་བྱ་བ་བྱེད་པ་སྨན་སྦྱོར་སོགས་དང་མི་མཚུངས་པས་དུག་འདོན་བྱ་དགོས་ཚུལ་རྒྱུད་དང་རྒྱ་གཞུང་བོད་སྔ་རབས་པའི་ཡིག་ཆ་སོགས་ནས་ཟུར་ཙམ་ཡང་མ་གསུངས། ཕྱིས་སྔགས་ཀྱི་ཆོ་ག་འགངས་ཆེ་བ་ཐམས་ཅད་གྲོང་པའི་སྐྱེ་བོར་རྙེད་འཚོལ་ལ་བཙོང་པའི་སྲོལ་དོད་པས་བུམ་རྫས་སོགས་ཀྱང་མང་པོ་དགོས་སྐབས་ཁྲོལ་བུ་བྱེད་པ་སྟབས་མི་བདེ་ཞིང་འབྱོར་དཀའ་བ་ལ་དགོངས་ཏེ་རིལ་བུ་དང་ཕུར་མ་ཅི་རིགས་མཛད་པར་སྣང་མོད། བུམ་པ་རྣམས་སུ་རྟེན་འབྲེལ་མཚོན་བྱེད་ཅུང་ཟད་རེ་མ་གཏོགས་སྨན་གྱི་ནུས་པ་འབྱིན་པའི་མང་པོ་ནི་བཏབ་སྲོལ་མེད་པས། དུག་འདོན་སོགས་ཀྱང་རྟེན་འབྲེལ་མཚོན་བྱེད་ཙམ་གྱིས་ཆོག་པར་སེམས། དེས་མཚོན་ཀླུ་སྨན་དུ་འབྱུང་བའི་གསེར་དངུལ་དུང་དང་གཟི་སོགས་འགའ་རེ་དཀོར་ཆ་དང་། ལ་ལར་དབང་པོའི་ནད་སེལ་བའི་སྨན་དུའང་བཤད་པས་དཀོར་ཆའི་རིགས་རྣམས་སྨན་གྱི་ནང་དུ་གཏོང་བ་ལ་དགོས་པ་ཆེར་མ་མཆིས་མོད། དཀོར་ཆ་སོགས་སོ་སོར་མི་འཛོམ་པའི་དབང་དུ་བྱས་ནས་བླ་མ་ཁ་ཅིག་གིས་ཕྱོགས་བསྡུས་སུ་མཛད། འགའ་ཞིག་གིས་དེ་མི་འཐད་པར་གསུངས། ལ་ལས་དུང་སོགས་སྲོག་ཆགས་ལས་བྱུང་བའི་རིགས་ཀླུ་སྨན་དུ་གཏོང་ན་མི་ལེགས་པས་དུང་ཕོར་གྱི་ཚབ་ཏུ་སྔོ་ཅུ་གང་སོགས་བཏང་ཞེས་གསུངས་པས་མཚོན་བཞེད་པ་མང་པོ་ཟིང་ཟིང་པོར་གྱུར་པས་ལེགས་པར་དཔྱད་ན་དབྱིག་དུག་སོགས་ཡོད་པར་དོགས་པའི་རིགས་རྣམས་བཞག་ནས་ཀླུ་སྨན་ཡིན་ངེས་ཁོ་ན་བསྡུས་ན་དངོས་གཙང་བར་སེམས་པ་ལགས། ། ༈ བཅུ་གཅིག་པ་ཀླུའི་སྤང་སྐོང་ནས་བཤད་པའི་ཀླུ་སྨན་གྱི་དུག་འདོན་བྱ་ཚུལ་ཐད་སྤྱིར་གོང་དུ་ཟུར་ཙམ་ཞུས་པས་ཁྱབ་ཅིང་། ཞིབ་པར་ན་ཀླུ་སྨན་གྱི་རིགས་བསྡུ་ཚུལ་མི་འདྲ་བ་ཤིན་ཏུ་མང་བ་ཞིག་མཐོང་བའི་ནང་ནས་གཙོ་ཆེ་བ་ནི་སེང་གེ་སྒྲའི་གདོན་༡ཁྲོལ་ལས་བྱུང་བ་དང་། དཔལ་རྒ་ལོའི་ཀླུ་༢གཏོར་ལས་བྱུང་བ་གཉིས་ནི་འཕགས་ཡུལ་གྱི་མན་ངག་ཡིན་དགོས་མོད། འདི་ལའང་རྩ་བའི་ཡིག་ཆ་རྣམས་སུ་སྨན་མང་པོ་མེད་ཀྱང་། ཡིག་ཆ་ཕྱི་མ་རྣམས་སུ་ཇེ་རྒྱས་སུ་བཏང་བ་འདྲ་ཞིག་སྣང་། གཞན་རྙིང་མའི་ཕྱོགས་ལ་གྲགས་ཆེ་བ་བླ་མ་དགོངས་འདུས་ཀྱི་ཆར་༣ཆོག་ལས་འབྱུང་བ་དང་། རྒྱ་ནག་ལུགས་ཀླུའི་སྤང་སྐོང་ནས་འགྱུར་༤བ་སྟེ་འདི་བཞི་གཙོ་བོར་སྣང་བས་བཞི་ཀ་ཕྱོགས་གཅིག་ཏུ་བསྡེབས་ནའང་རུང་། སོ་སོར་བྱུང་ན་ཤིན་ཏུ་ལེགས། གང་ལྟར་ཡང་སྨན་གྱི་ངོས་འཛིན་དང་དུག་འདོན་བྱ་ཚུལ་སོགས་ཡི་གེ་ཞིབ་ཆ་ཞིག་དགོས་འདུག་པས་སླར་ཁུངས་དཔྱད་དེ་འབུལ་ལམ་ཞུ་རྩིས་དང་། བུམ་རྫས་ཉེར་ལྔ་ལ་དུག་འདོན་ཙམ་ནི་གོང་དུ་ཞུས་པས་ཁྱབ། སྤྱིར་རྒྱུད་དང་མན་ངག་གསར་རྙིང་བཀའ་གཏེར་རྣམས་ལས་བུམ་རྫས་མི་གཅིག་པ་མང་དུ་གསུངས། དེའང་སྨན་ལྔ་སོགས་ངོས་འཛིན་མི་གཅིག་པ་ཤིན་ཏུ་མང་བས་སོ་སོའི་ལུགས་སྲོལ་མ་འདྲེས་པའི་ཡིག་ཆ་ཞལ་གསལ་ཞིག་བྱུང་ན་གལ་ཆེ་བར་སྣང་བས་སླར་འབུལ་རྩིས་ལགས་ཤིང་། འོན་ཀྱང་རང་ལུགས་རྗེ་བཙུན་རྩེ་མོའི་ཀྱཻ་རྡོར་དབང་ཆུ། ཀུན་མཁྱེན་གྱི་རྣམ་བཤད། དཀོན་མཆོག་ལྷུན་གྲུབ་པའི་མཛེས་རྒྱན་བཅས་དགོངས་པ་ཕྱོགས་མཐུན། རིན་པོ་ཆེ་ལྔ་ལས། དབང་ཆུར་དུང་དང་། མཛེས་རྒྱན་ལས་དེའི་མལ་དུ་མུ་མེན་ཞེས་སྣང་བས། སྔ་མ་ནི་རྒྱུད་རྣམས་ལས་རིན་པོ་ཆེའི་ལྔའི་གྲས་སུ་པདྨ་རཱ་ག་ཞེས་གསུངས་པ་འབྱོར་དཀའ་བས་དེའི་ཚབ་དུང་གིས་རུང་བ་ཨ་བྷ་ཡས་བཤད་པའི་རྗེས་སུ་འབྲང་བར་སྣང་ལ། ཕྱི་མ་ནི་པདྨ་རཱ་གའི་མལ་དུ་དཀྱིལ་ཆོག་བཟང་པོ་ཡོངས་བཟུང་ལས་མུ་མེན་ཞེས་གསུངས་པའི་དགོངས་པར་སྣང་བས་གང་རུང་ཞིག་བཏང་བའམ། གཉིས་ཀ་བཏང་ཡང་མི་འགལ། སྨན་ལྔའི་ནང་ནས་རྒྱ་མཚོ་ལྦུ་བ་དེང་སང་ཡོངས་སུ་གྲགས་པའི་དཀར་སོབ་འདི་ནི་འབུ་ཁོག་ཞིག་ཏུ་སྣང་བས་བུམ་རྫས་དད་སླུ་སྨན་སོགས་ལ་བཏང་བ་མི་ལེགས། དངོས་ནི་ཕྱིའི་རྒྱ་མཚོའི་རླབས་བྲག་ལ་རྒྱབ་པའི་གཉེར་མ་ཆུ་དྲག་ཏུ་ཆགས་པ་ས་མིན་རྡོ་མིན་ལྟ་བུའི་ནག་ངམ་ཆུ་རིས་ཅན་ཞིག་ཡོད་སྐད་ཀྱང་འབྱོར་དཀའ། དེའི་ཚབ་ཏུ་འགའ་ཞིག་གིས་ཆུ་མགོ་རྣམས་ཀྱི་ཕུག་ཏུ་ཆགས་པའི་ཆུ་བལ་ལྗང་གུ་འདི་སྲོག་ཆགས་མང་དུ་ཡོད་པ་ཆུ་ནང་དུ་དལ་བུས་བསལ་ནས་སྲོག་ཆགས་མེད་ངེས་ཀྱི་གཙང་མ་དེ་གྲིབ་སྐམ་དུ་བྱས་ཏེ་གཏོང་བ་དང་། ལ་ལས་སྨན་པ་རྣམས་ལ་གྲགས་པའི་སྔོ་ཆུ་སྲིན་སྡེར་མོ་ཞེས་པ། ས་རོང་རྣམས་ཀྱི་བྲག་ལ་སྔོ་ཆུ་སྲིན་གྱི་སྦར་ཁྱིམ་ལྟ་བུ་ཚོམ་བུར་ཡོད་པ་དགུན་ཀའང་སྐམ་པོ་བྲག་ལ་འབྱར་བ་ཞིག་འོང་བས་དེ་གཏོང་བར་སྣང་། རྫས་གཞན་རྣམས་ཀྱི་ངོས་འཛིན་ནི་མཁྱེན་སླ། དུག་འདོན་ཀྱང་རིན་པོ་ཆེ་ལྔ་ལ་གོང་དུ་ཞུས་པ་ལྟར་དང་། སྨན་ལྔའི་སཱེ་ཏྲེས་ཀྱི་ཤུན་པ་དོར། ཀཎྜ་ཀ་རི་བར་ཤུན་ཁོ་ན་གཏོང་། ལན་ཚྭ་འདིས་རོ་བསྐྱུར་བས་མང་པོ་མི་གཏོང་བ་ལེགས། དེ་མིན་གང་འབྱོར་གྱིས་ཆོག །མུ་ཏིག་མང་པོ་མ་རྙེད་ན། མུ་ཏིག་དོན་ཤུལ་ཡོད་པའི་ཉ་ཕྱིས་ཀྱིས་ཁ་བསྐང་ན་རུང་། གཞན་མཁྱེན་སླའོ།། །། ༈ བཅུ་གཉིས་པ་རབ་གནས་སྐབས་ཀྱི་ཤུན་པ་ལྔའི་ཤིང་ལྔ་དངོས་ནི་རྒྱ་གར་དང་བལ་ཡུལ་སོགས་ལས་བོད་དུ་མི་འབྱུང་། ཚབ་རུང་འོ་མ་ཅན་གྱི་ཤིང་གང་རུང་ལྔས་མཛད་ཅེས་སྔ་རབས་པའི་ཡིག་ཆར་འབྱུང་། ཕྱིས་བླ་མ་རྣམས་ཀྱིས་ངོས་འཛིན་མི་འདྲ་བ་ཅི་རིགས་པ་མཛད་མོད། དཔྱད་གཟོད་ཅིང་འབྱོར་སླ་བའི་དབང་དུ་བྱས་ན། ཁམ་བུ། བལ་བུ། འོམ་བུ། ཤུག་པ། ལྕང་མ་དཀར་པོ་སྟེ་རྒྱ་ལྕང་དུ་གྲགས་པ་རྣམས་དཔྱིད་ཀ་ཤིང་ལོ་དང་པོ་སྔོ་བའི་དུས་ཤུན་པ་བཤུས་ཏེ་ཕྱིའི་ཀོག་པ་དོར་བའི་བར་ཤུན་ཁོ་ན་གཏོང་བ་ལེགས།། །། ༈ བཅུ་གསུམ་པ། ནང་གི་མཆོད་རྫས་སྨན་ཕུད་ནི་ནང་མཆོད་ཀྱི་རྫས་དང་གཅིག་པ་ཡིན་པས་རྙིང་མ་ལྟར་ན་བདུད་རྩི་ཆོས་སྨན་དང་། གསར་མ་ལྟར་ན་བདུད་རྩི་རིལ་བུ་ཁོ་ན་བཏབ་པ་ལས་ལོགས་སུ་མེད། རཀྟ་བཅུད་བསྡུས་དཔལ་སྤུངས་ནས་དཀར་ཆག་ཏུ་བཀོད་པ་མ་གཏོགས་སྦྱར་རྒྱུ་བྱུང་མིན་མ་ངེས་རུང་། ཕྲན་རང་ནས་དཀར་ཆག་ནང་ལྟར་ལག་ལེན་ཚད་ལྡན་གྱིས་བསྡུས་ཤིང་། བླ་མ་དགོངས་འདུས་ཀྱི་སྒྲུབ་ཆེན་གྱིས་བསྒྲུབས་པའི་རྫས་ཕྲན་བུ་འདི་ལྟར་ཕུལ་ཡོད་པ་ཟུར་གསུམ་འདི་ཕབས་གཏའ་དང་། བསྙེན་སྒྲུབ་ཡུན་རིང་ལྟ་བུའི་སྐབས་རཀྟའི་ཐོད་པའི་སྙིང་པོར་གཞུག་རྒྱུ་ལགས་ཤིང་། ཕུར་མ་འདི་གྲོང་ཆོག་ལྟ་བུའི་འཕྲལ་མཁོར་བཏབ་རྒྱུ་ལགས། མང་དགོས་ན་གཞུང་གསལ་གྱི་རྫས་ཚང་མ་སྣ་འཛོམས་བྱུང་ན་ཤིན་ཏུ་ལེགས་པ་གཞིར་བཅས། དེ་མིན་བྲག་ཞུན། སིནྡྷུ་ར། ཙན་དམར། གུར་གུམ། བཙག །རྒྱ་སྐྱེགས། འབྲི་མོག །སྐྱུ་རུ་ར། མེ་ཏོག་ཨུག་ཆོས་སོགས་འབྱོར་སླ་བས་བུངས་བསྐྱེད་ཅིང་། གཡག་རྒོད་དར་མའི་ཁྲག་སོགས་དང་སྦྱར་ནས་སྤེལ་ཆོག །ཞར་བྱུང་གཏོར་མའི་སྤོད་སྨན་འདིའང་རྙིང་མའི་ཕྱོགས་ལ་ཤིན་ཏུ་གལ་ཆེ་ཞིང་། གསར་མ་ལའང་བླ་མེད་ཀྱི་གཏོར་མའི་རིགས་ལ་བསྲེས་ན་ལེགས་པས་གཞུང་མཐུན་དུ་སྦྱར་ཞིང་བླ་མ་དགོངས་འདུས་སོགས་ཀྱི་སྒྲུབ་ཆེན་སྐབས་བསྒྲུབས་པའི་ཚད་ལྡན་ཕྲན་བུ་ཕུལ་ཡོད། འདིའི་ཐེབས་ཀྱུ་འདི་ཕབས་གཏའ་དང་། རྟེན་གཏོར་ལྟ་བུའི་ནང་དུ་གཞུག་རྒྱུ་ལགས་ཤིང་། ཕྱེ་མ་འདི་འཕྲལ་གཏོར་དང་ཚོགས་མཆོད་སོགས་ལ་བསྲེ་རྒྱུ་སྟབས་བདེར་བགྱིས་པ་ལགས། མང་དགོས་ན་གཞུང་གསལ་གྱི་རྫས་ཚང་མའམ། བདུད་རྩི་ཆོས་སྨན་དང་རིལ་བུ། ཤིང་ཏོག །སྨན་སྣ། འབྲུ་སྣ། ཚ་བ་གསུམ་སོགས་སྤོད་སྨན་ཅི་རིགས་ཀྱིས་བུངས་བསྐྱེད་ནས་དཀར་གསུམ་མངར་གསུམ་དང་སྦྱར་ན་ཆོག །འདི་གཉིས་བསྒྲུབ་ཚུལ་རཀྟ་ནི་གསར་མའི་དམག་ཟོར་མའི་སྐོང་བའི་སྐབས་བཤད་པ་ཙམ་ལས་ཆེར་མ་མཐོང་བས། ས་ཕུར་གྱི་བསྙེན་སྒྲུབ་གསལ་བྱེད་ལྟ་བུའི་གཞུང་བསྲང་ནས་བྱིན་གྱིས་བརླབས་ན་ལེགས་ཤིང་། དེའང་མདུན་བསྐྱེད་ཀྱི་གཏོར་མའི་གཡོན་དུ་ཐོད་སྣོད་ལྟ་བུར་བླུགས། རཀྟ་བྱིན་རླབས་དཀྱུས་ནས་འབྱུང་བ་ལྟར། སྐབས་དེར་སྔགས་མང་དུ་བཟླས་པས་བྱིན་གྱིས་བརླབ་ན་ཆོག །གཏོར་མའི་སྤོད་སྨན་ནི། ས་ཕུར་ལྟ་བུ་ལ་མཚོན་ན་གཏོར་མ་དང་ལྷན་ཅིག་བཤམ་ནས་སྔགས་མང་དུ་བཟླས་པས་བྱིན་གྱིས་བརླབ་པའམ། ཡང་ན་གསར་མའི་གཏོར་མ་བྱིན་བརླབས་བླ་མེད་སྤྱི་ལྟར་དང་། སྔགས་མང་དུ་བརླབ་པས་ཀྱང་ཁྱབ། སྤྱིར་རཀྟ་ལ་རྙིང་མའི་ཕྱོགས་ལ་རྒྱུད་དང་མན་ངག་ལས་ཚོགས་སོགས་མང་དུ་འབྱུང་ཞིང་། བྱིན་རླབས་ཀྱི་སྐབས་ཀྱང་དམིགས་པ་རྒྱས་པར་ཡོད། ས་ཕུར་ལས་མདོར་བསྡུས་ཙམ་ཞིག་མ་གཏོགས་མི་སྣང་། གང་ལྟར་ཡང་དེ་ཀས་འཐུས་པ་ལགས།། །། ༈ བཅུ་བཞི་པ་དབང་སྡུད་འཁོར་ལོ་སོགས་ཀྱི་རྫས་པདྨ་རཀྟ་ནི་གསོ་དཔྱད་བཤད་པའི་རྒྱུད་ལས། བུད་མེད་བཅུ་གཉིས་ལོན་ནས་ལྔ་བཅུའི་བར། །དྭང་མ་ལས་བྱུང་ཟླ་རེར་བསགས་པའི་ཁྲག །རྩ་ཆེན་གཉིས་ནས་ནག་ཅིང་དྲི་བྲལ་བ། །རླུང་གིས་མངལ་གྱི་སྒོར་འབྱིན་ཞག་གསུམ་འཛག །ཅེས་གསུངས་པ་ལྟར། ཟླ་མཚན་འབྱུང་བའི་དུས་ལོ་བཅུ་གཉིས་ནས་ཡིན་ཅིང་། དེའང་རབ་ཐོག་མ་ཁོ་ནར་བབས་པ་དེ་རྙེད་ན་མཚོན་སྲུང་དང་། ནད་ངན་དམར་བཤལ་གྱི་སྨན་སོགས་ལ་འདི་ཁོ་ན་ཆིག་རྒྱུག་ཏུ་བསྔགས་པས་མཚོན་ནུས་པ་ཤིན་ཏུ་ཆེ་བར་གསུངས་ཀྱང་དེ་འདྲ་ནི་རྙེད་དཀའ་བས། འབྲིང་ལོ་བཅུ་གཉིས་ཀྱི་སྐབས་རང་དུ་བབས་པ་དང་། ཐ་མའང་ལོ་གྲངས་བཅུ་དྲུག་ཕན་ཆོད་ཙམ་གྱི་སྐྱེས་པས་མ་གོས་པའི་བུད་མེད་ཀྱི་རཀྟས་འཐུས། སྐྱེས་པ་དང་འབྲེལ་ཚར་ན་ནི་མངལ་ཁྲག་མ་གཏོགས་པདྨ་རཀྟའི་ཐ་སྙད་མེད་པས་མངལ་ཁྲག་དམིགས་བསལ་འདྲ་དགོས་པ་ཡིན་ན་མ་གཏོགས་པདྨ་རཀྟའི་ཚབ་ཏུ་བཏང་སྲོལ་མེད། གང་ལྟར་ཡང་པད་རཀ་འཁྲུལ་མེད་སིནྡྷཱུ་ར་དང་ཙན་དམར་སྦྱར་ཞིང་རྒྱ་སྐྱེགས་ཀྱི་ཁ་བསྒྱུར་བ་ཕྲན་བུ་ཕུལ་བ་འདི་ལྟར་ལགས། བྱང་སེམས་དཀར་པོ་ནི་གྲོང་པའི་ཆོས་ཀྱིས་མ་གོས་པའི་སྐྱེས་པའི་བྱང་སེམས་ཙམ་ལས། ལོ་གྲངས་ཀྱི་ཐ་སྙད་མེད་རུང་སྤྱིར་ན་ཚོད་ཉུང་ན་ཁམས་ཀྱི་ནུས་པ་ཆེ་བས་རབ་ལོ་བཅུ་གཉིས་ལྟ་བུའི་སྐབས་དང་པོར་བྱུང་བའི་བྱང་སེམས་དང་། དེ་མིན་བཅུ་དྲུག་ཕན་ཆོད་ཙམ་གྱི་བྱང་སེམས་བྱུང་ན་ལེགས་ཤིང་། ལྷག་པར་ནད་གཞི་སོགས་ཀྱི་སྐྱོན་མེད་པ་ཞིག་ངེས་པར་དགོས་པ་ལགས།། །། ༈ བཅོ་ལྔ་པ། བ་དམར་ཟལ་ནི་བ་དམར་མོ་སྒལ་ཚིགས་ཀྱི་སྤུ་དཀར་པོ་ཡོད་པ་དེ་ག་དང་། འབྲིའང་ནག་པོ་སྒལ་ཚིགས་ཀྱི་སྤུ་དཀར་པོ་ཡོད་པ་ལ་ངོས་འཛིན་ཏེ། ཟལ་ཞེས་པ་དཀར་ཞུར་གྱི་བརྡ་རྙིང་དུ་སྣང་བ། མདོ་ཁམས་ཟལ་མོ་སྒང་ཞེས་པའང་ཡུལ་གྱི་གཞུང་ཐམས་ཅད་གངས་རི་རྒྱུན་མ་ཆད་པ་དཀར་པོས་ཐིག་བཏབ་པ་བཞིན་ཡོད་པ་ལ་བརྟེན་ནས་དེ་ལྟར་ཐ་སྙད་བཏགས་པས་མཚོན་ན། །བ་དཀར་ཟལ་ཟེར་བ་ནི་གྲོང་པའི་ཐ་སྙད་ཙམ་ཡིན་ན་མ་གཏོགས་གསོ་དཔྱད་སོགས་ཀྱི་གཞུང་ལས་ཆེར་འབྱུང་བ་མ་མཐོང་། བ་བྱུང་དང་། བུམ་རྫས། ཀླུ་སྨན་སོགས་ཀྱི་སྐབས་དགོས་པ་ནི་བ་དམར་ཟལ་བེའུ་དང་པོ་སྐྱེས་པའི་གསར་པ་ཁོ་ན་ལགས་ཤིང་། དེའང་མི་གཙང་བ་ཟོས་པའི་ལྟོ་བཤལ་སླད་ཞག་ཤས་རྩྭ་ཆུ་གཙང་མས་བསོས་ཤིང་། ཐོག་མར་ཉིན་གཅིག་གཉིས་སྔ་མའི་ཟས་རོ་ཡོད་སྟབས་ཆུ་དང་འོ་མ་སོགས་ལོགས་སུ་དོར། དེ་ཕན་རིམ་པར་བསགས་ན་ལེགས་པ་ལགས། ། ༈ བཅུ་དྲུག་པ་རྟག་དུ་རིགས་གསུམ་ལས་འཇམ་དབྱངས་དང་སྤྱན་རས་གཟིགས་རྟག་དུ་ཕྲན་བུ་འདི་ལྟར་ལགས་ཤིང་། ཕྱག་རྡོར་རྟག་དུ་ཕྲན་རང་མ་གཏོགས་འདི་ཕྱོགས་སྨན་པ་རྣམས་ཀྱིས་ངོས་མ་ཟིན། ཕྲན་ཡང་རི་ཁར་མི་འགྲོ་བས་གསར་དུ་སྐབས་ཐོབ་མ་རྙེད། སྔ་མ་བཏུས་པའི་རྙིང་པ་འདི་ལྟར་ཕུལ། དེ་མིན་བདུད་རྩི་རིལ་བུར་འགྲོ་བའི་སྔོ་སྨན་རིགས་སྔ་མོ་ཤིང་སྟག་ལོ་སྐོར་ཞིག་སྐྱབས་མགོན་མཁན་ཆེན་རྡོ་རྗེ་འཆང་ནས་བཀའ་གནང་ལྟར་མང་ཙམ་རེ་ཕུལ་ཡོད་ནའང་ད་ཆ་དེར་ཡོད་མིན་མ་ངེས། ལར་ལོ་གྲངས་ཀྱང་མང་དུ་སོང་བས་ནུས་པ་ཆུང་བ་གཞིར་བཅས་རུང་། སྨན་སྦྱོར་དངོས་དང་ནི་མི་འདྲ་བས་ཡོད་ཚེ་བཏང་ན་འགལ་བ་རང་མེད་སྙམ། གང་ལྟར་ཡང་འདི་ལོ་དབྱར་ཐོག་ཕྲན་བུ་ཚགས་རྩོལ་བྱེད་རྒྱུ་བྱུང་ན་ལས་ཕྲན་ནས་སྨན་གྱི་ལག་ལེན་མི་བྱེད་སྟབས་སྔ་མ་ཚགས་བྱས་པ་ནི་མི་སྣང་། ལོ་རྗེས་མའི་ནང་འབུལ་ཨེ་ཐུབ་ཡིད་འཇོག་ཞུ་བ་ལགས། ། ༈ བཅུ་བདུན་པ་ས་ཆུ་འབྱུང་བཅུད་ཀུན་འདུས་རིལ་བུ་ཕབས་གཏའ་དང་། ཕུར་མ་བཅས་ཕྲན་བུ་ཞིག་འདུག་པ་འདི་ལྟར་འབུལ་ལམ་ཞུས་ཡོད། རྗེས་སུ་མང་ཙམ་སྦྱར་རྒྱུ་བྱུང་ན་རིམ་པར་ཕུལ་ཆོག་པ་དང་། ཞར་བྱུང་བསང་མཆོད་འདི་གྲུབ་མཐའ་ཐམས་ཅད་ལ་དར་སྲོལ་ཆེ་ནའང་། ཁུངས་ནི་རྙིང་མའི་གཞུང་ཁོ་ན་ལ་བཅོལ་བར་སྣང་། དེས་ན་ཕྱོགས་དེའི་གཞུང་ཁུངས་ཐུབ་ལས་འབྱུང་བའི་རྫས་ཀྱི་རིགས་ཚང་ན་ཤིན་ཏུ་ལེགས་པར་སེམས། དེའང་མངའ་བདག་ཉང་གི་གཏེར་བྱོན་བསང་གི་ཡིག་ཆུང་ཞིག་ཡོད་པ་ལས་རྫས་སྣ་ཉུང་ཙམ་བཤད། སྤྱིར་བསང་རྫས་བརྒྱ་རྩ་ཞེས་གྲགས་ཆེན་འང་ངོས་འཛིན་དམིགས་བསལ་གྱི་ཡིག་ཆ་ཤིན་ཏུ་དཀོན་པར་སྣང་བས་ཁུངས་དཔྱད་པ་ན། རྒྱ་མ་མི་འགྱུར་ལས་འཕྲོ་གླིང་པ་ཞེས་འཁྲུལ་མེད་ཀྱི་གཏེར་སྟོན་ཚད་ལྡན་འབྲི་གུང་རིན་ཆེན་ཕུན་ཚོགས་སོགས་མཁས་གྲུབ་མང་པོའི་བླ་མར་གྱུར་ཅིང་། གནས་གསར་བ་འཇམ་དབྱངས་མཁྱེན་བརྩེའི་དབང་ཕྱུག་སོགས་དང་དུས་མཚུངས་དང་། དེའི་གཏེར་བྱོན་གྱི་ཡིག་ཆ་འདི་ལེགས་པར་སྣང་བས་འདི་གའི་དགོངས་དོན་ལྟར་འབད་པ་ཆེན་པོས་བསྡུས་པའི་བསང་རྫས་བརྒྱ་རྩ་ཕྲན་བུ་འབུལ་ལམ་ཞུས་ཡོད་པ་མང་དགོས་ན་བསང་རྫས་གང་འབྱོར་གྱིས་བུངས་བསྐྱེད་པ་དང་། བྱིན་རླབས་བྱ་ཚུལ་ཀྱང་གཞུང་གསལ་ལྟར་ལགས། ། ༈ བཅོ་བརྒྱད་པ་བདུད་རྩི་རིལ་བུ་ཚོགས་སྒྲུབ་ཅིག་བྱུང་ན་རང་ལུགས་ཀྱི་དམ་རྫས་གཙོ་བོ་བདུད་རྩི་རིལ་བུ་ཁོ་ན་ཡིན་པ་དང་། འགྲོ་དོན་ཀྱང་ཤིན་ཏུ་ཆེ་བ་བཅས་གང་ཅིས་ལེགས་ཤིང་གལ་གནད་ཆེ་བར་སྣང་བས་རིམ་གྱིས་ཐུགས་བསྐྱེད་མི་འདོར་བ་དང་། ཕབས་གཏའ་ནི་ས་ངོར་གྱི་ཕབས་གཏའ་རྙིང་པ་ཁུངས་བཙུན་རིགས་དང་། རྟེན་འདམ་དཔེ་བྲལ་མ། གཏེར་བྱོན་ངོ་མའི་ཆོས་སྨན་དང་། གུ་རུ་ཡབ་ཡུམ་གྱི་བྱང་སེམས། བདུད་རྩི་ལྔའི་རིལ་བུ། སྐྱེ་བདུན་སོགས་གཞན་འདྲེས་མེད་པ་ལས་རྟེན་འདུས་སོགས་ཡོད་ཚད་ཐམས་ཅད་བསྲེ་བའི་སྲོལ་མེད་འདྲ་བས་ཁུངས་དག་དངོས་གཙང་ཁོ་ན་ལེགས་ཤིང་། བཀའ་གནང་ལྟར་སྨན་མང་ཉུང་ཅི་རིགས་བཤད་པ་གཙོ་བོའི་བརྡ་རྣམས་མ་ཆད་པ་ཞིག་ངེས་པར་དགོས་པ་ལས། ཡན་ལག་གི་སྨན་གང་འབྱོར་ཙམ་གྱིས་ཆོག་པས་ཀུན་དགའ་བཀྲ་ཤིས་ཀྱི་གསུང་ལྟར་ཚང་མ་འཛོམ་དགོས་པའི་ངེས་པ་མེད་མོད། ཨེ་འཛོམ་གཟིགས་ནའང་སྣེ་ཚང་ཙམ་ནི་མི་རྙེད་པའི་འབྱོར་དཀའ་བ་དེ་རིགས་མི་སྣང་། འདི་ལའང་དཔེ་དག་མིན་ཅི་རིགས་འདུག་པས་ཕྲན་གྱི་དཔེ་ཅུང་ཟད་དག་པ་ཡིན་རྩིས། མཇུག་ཏུ་འཕྲོས་དོན་ཕྲན་བུ་ཡོད་པ་འདི་ལྟར་འབུལ་ལམ་ཞུས་ཡོད་པ། འདི་ནང་བདག་ཆེན་རྡོ་རྗེ་འཆང་གི་སྒྲུབ་ཡིག་ནས་འབྱུང་བའི་སྨན་འདི་ཙམ་ཞིག་འཛོམ་ན་གལ་ཆེ་ཞིང་། ཁྲོལ་སྒྲུབ་སོགས་ཀྱི་སྐབས་རོའི་བྱེ་བྲག་ལས་བརྩམས་ཏེ་རིགས་སོ་སོར་ཕྱེ་ནས་ཕྱོགས་མ་འཁྲུལ་བར་བཞག་དགོས་པའི་ངོས་འཛིན་ཀྱང་མཆན་བུས་གསལ་བ་ཡོད། དུག་འདོན་ནི་སྨན་སྒྲུབ་སོགས་ཀྱི་སྐབས་སུ་མཛད་སྲོལ་མེད་དེ། དེའང་དུག་རིགས་དངོས་ནི་ཆོས་སྨན་དང་བདུད་རྩི་རིལ་བུ་རྣམས་ཀྱི་རྫས་ལ་མི་འགྲོ་བས་དེར་ཟད། གཞན་སྨན་གྱི་རིགས་ཕལ་ཆེར་ལ་དུག་མེད་ཅིང་། འགའ་ཞིག་ཤུན་བ་ཕྲལ་དགོས་པ་སོགས་ཡོད་རུང་། དེ་རིགས་ཀྱང་གསོ་དཔྱད་ཀྱི་སྐབས་འཇམ་ཞིང་འཇུ་སླ་བ་ལ་དགོངས་པ་ཙམ་མ་གཏོགས་ཉེས་པ་ཆེར་ཡོད་ཚུལ་མ་གསུངས་པའི་ཕྱིར། སྐབས་འདིར་ནི། སྨན་ལྟ་བུ་དུས་རྒྱུན་འཐུངས་རྒྱུ་མ་ཡིན་པས་འཇུ་དཀའ་སླ་སོགས་ཀྱི་དཔྱད་པ་མ་དགོས། འོན་ཀྱང་གསོ་དཔྱད་དང་སྒོ་བསྟུན་ནས་དམིགས་བསལ་གྱི་དུག་འདོན་འགའ་ཞིག་ཟུར་དུ་བྲིས་པ་ལྟར་ལགས་ཤིང་། དེ་ལྟར་བཀའ་འདྲི་རྒྱ་ཆེར་གནང་བའི་ལན་ཇི་བཞིན་པར་ཞུ་བ་རྔོ་མ་ཐོགས་པར། རྨོངས་བློས་གང་དྲན་མདོར་བསྡུས་ཙམ་ཞིག་སྤྱི་བརྟོལ་བསྐྱེད་དེ་གསོལ་བར་སྒྲིབ་བྲལ་ཡེ་ཤེས་ཀྱི་གཟིགས་པ་དམ་པས་ལེགས་པར་དཔྱད་དེ་འགལ་འཁྲུལ་རྣམས་དག་ཅིང་གཙང་བར་མཛད་པའི་བཀའ་དྲིན་སྩོལ་བར་ཅི་གནང་ཞེས་ཐལ་མོ་སྦྱར་ཏེ་གུས་པས་གསོལ་བ་འདེབས་པ་ལགས། །ལེགས་བྲིས་བདུད་རྩིས་མཚོན་མིན་པའི། །ས་གསུམ་གདུང་སེལ་རྫོགས་ལྡན་སྤྲིན། །རྒྱས་པར་དཀྲིགས་པའི་དགེ་མཚན་གྱིས། ། ཕན་བདེའི་འདོད་དགུ་འཇོ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །།ཤུ་བྷཾ།།

[edit]

byin rten rigs sbyor tshul sogs las brtsams pa'i bka' 'dri phebs lan mdor bsdus/_ byin rten rigs sbyor tshul sogs las brtsams pa'i bka' 'dri phebs lan mdor bsdus su gsol ba bzhugs so//__//oM swa sti sid+d+hi rastu/__/sras bcas rgyal bas byin rlabs pa'i/__/rten cing 'brel 'byung ye shes kyis/__/dpal ldan bla ma zhabs brtan cing /__/phan bde'i phrin las rgyas gyur cig__/ces shis par brjod pa'i tshig gis mdun bsus te/__/snga mar byin rten gta' spel rigs phran bu 'bul lam zhus par rmad du byung ba'i thugs dgyes pa chen po dang /__thugs bskyed mtha' yas pas slar yang rgya cher spel bzhed dang rjes su 'brel bar bka' 'dri rin po che'i cod pan spyi bor stsal ba byang chub bar du gzhal bar dka' ba'i bka' drin dang gus spro tshad las 'das par gyur lags shing zhu lan gyi rim pa rmongs blor gang dran mtshon tsam gsol ba 'debs rgyur/__spyir ring bsrel zhes pa dkon zhing rin thang che ba dang snying por gyur pa zhig la 'jug cing /__de la byang chub rgyan 'bum gyi gzungs las bzhi dang /__cho ga zhib mo las lnga zhes gsungs pa'i phyi ma ltar na/__chos kyi ring bsrel gzungs sngags dang /__chos sku'i ring bsrel sAts+tsha la ngos 'dzin par snang ba la/__gzungs gzhug gi skabs de lnga ka 'bul ba thams cad kyi phyag bzhes su mdzad pa ltar dang /__de'i nang tshan sAts+tsha ma gtogs pa'i ring bsrel gzhan bzhi thams cad phyogs gcig tu bsdus par rten 'dus kyi mtshan gsol ba ni yongs su grags/__ring bsrel bzhi so so'i ril bu mdzad pa sngar grags che ba mi snang rung /__don du rten 'dus ril bur ring bsrel bzhi ka gtong bar thams cad bzhed pa mthun pas/__des na so so'i ril bu mdzad na 'gal ba med cing rnam pa gsal ba sogs dgos pa du ma gzigs nas khams phyogs su rdo rje 'dzin pa 'ga' zhig gi phyag bzhes su bstar ba ltar/__'jam mgon bla ma thams cad mkhyen gzigs blo gros mtha' yas pa'i zhal snga nas kyang phyag bzhes thugs rtsol dang khungs dag dngos gtsang gis spel zhing dkar chag rgyas pas gtan la phabs pa'i dgongs don las brtsams te lag len dang sgrub tshul sogs kyi bka' 'dri stsal ba'i thog mar yungs 'bru lta bu'i ring bsrel phyogs bsdus skabs/__ring bsrel rnams cong zhi sogs dang lhan cig gtun bu sogs su zhib par brdung ba ni sngar nas rten 'dus ril bu dang /__rin chen ril bu sogs kyi skabs thams cad kyi phyag bzhes su mdzad/__de la nyes pa yod med kyi dpyod mkhan su'ang ma byung /__rnam par dpyad na sku gdung de nyid lha mi'i bsod nams kyi zhing du rgya cher spel ba'i lhag bsam bzang po las/__de bzhin gshegs pa sogs yul de la mnar sems pas ma yin pa'i phyir nyes pa med par ma zad/__sku gdung ni rgyas par 'gyur ro zhes pa'i lung gtso bor de bzhin gshegs pa'i gdung 'khor los sgyur ba'i gdung la ji ltar bya ba bzhin chas su gzhug cing zhugs la bzhen par rjes su gnang ba ltar/__de la brten nas yungs 'bru lta bu'i ring bsrel bre bo che mang pos lha mi'i yul thams cad du khyab par 'gyur ba la dgongs shing /__shugs bstan 'di lta bu'i sgo nas slar yang spel ba dang /__de rnams rten gyi nang du bcug nas lha mi'i bsod nams kyi zhing du bsgrub pa la'ang dgongs par mngon pas ston pa'i bka' rjes su bsgrubs pa'i phan yon gyis mtshon dgos pa rgya cher mchis par sems/__gal srid ci nas nyes par 'gyur na sku gdung zhugs la phul ba dang gdung rus btul ba sogs la'ang mtshungs pas ha cang thal bar 'gyur ram snyam pa shar/__spel gzhi rigs mthun blo gros kyis dpyad nas gtong ba ma gtogs dmigs bsal gyi khungs mi snang bas/__gangs tig ni byang chub sems dpa'i ring bsrel zhes bshad pas gtsor byas/__de steng cu gang /__cong zhi/__mchod rten gyi sku dkar sogs dang /__bzang drug gzhan 'dra'ang gtong na 'gal ba med mod/__ha cang mang na mdog dkar po 'ong dka'/__dam rtsi dbang lag dbang len ma yin pa'i dpus legs gras bcas gal che bar snang /__ril bu tshar nas sgrub tshul ni/__spyir byin rten 'di rigs rnying ma'i phyogs la'ang skye bdun ril sgrub dang bdud rtsi'i sgrub chen sogs kyi skabs mdun dkyil khar lding khri byas te/__de'i steng du thod pa'am rin po che stegs snod ji ltar 'os par bzhugs su gsol nas bdag mdun dbyer med dang /__dzapa? khang phye ba sogs kyis lha dang gnyis med du bsgrub/__byin dbab/__brtan bzhugs bya ba sogs las re re nas sgrub tshul dmigs bsal med/__gsar ma'i phyogs la mtshon na'ang bde kye gsang gsum lta bu'i sgrub mchod skabs mdun dkyil gyi nye logs su bkur sti dang bcas bzhugs su gsol/__mdun bskyed kyi ye shes pa bstim pa'i tshe rdzas la'ang bstim pa'i dmigs pas khyab par byas/__rjes su brten bzhugs skabs bstim pa'i ye shes pa brtan par mos pa tsam gyis kyang chog par ma zad/__byin rlabs kyi rgyun spel ba ste/__dper na bum chu zhal gsos pa lta bu yin pas dmigs bsal gyi sgrub pa ma byung yang sbyong khrus dang brtan bzhugs shis brjod spyi khyab re mdzad kyang rung snyam/__mi mang por dbang bskur ba'i tshe bum chus 'dang min byung na/__thog mar chu rkyang pa la bum chus phar cung zad sab/__slar de nyid tshur bum par blugs te 'grims pa las de tsam la sgrub thengs sus kyang mi mdzad pa dang mtshungs pas so/__/'on kyang gong gsal gyi sgrub pa lta bu re byung tshe byin rlabs lhag par che/__ci nas kyang rigs so sor rigs mthun gyi sgrub pa mdzad na rab gnas kyi rten bskyed sogs kyi rigs pas/__yungs 'bru lta bu'i ring bsrel thams cad kyi mchog dang /__ye shes lnga'i dwangs ma las byung ba yin par gsungs pas bdag gi rnal 'byor dang bum pa sgrub pa sogs sngon la 'gro bas mdun rten la sbyong khrus spyi ltar dang /__de nas kye rdor lta bu la mtshon na ril bu mi bskyod pa kye rdor bskyed pa nas bzung rab gnas bsdus pa'i cho ga ltar sbyar zhing /__sngags bzla bar 'dod na'ang sngags kyi mnga' dbul skabs rtsa sngags sam snying po ji ltar rigs pa su pra tiSh+Tha dang sbrel nas bzlas na rung bar sems shing /__des mtshon rgyud sde 'og ma'i dbang du byas na'ang mi bskyod pa de'i lugs su bskyed pa sogs mdzad na rung ngam snyam pa zab dbyings rin po cher zhib dpyad bka' drin zhu/____/_!__gnyis pa chos kyi ring bsrel ni/__shog ser dang rgya dpe bod dpe phyag bris byin can sogs kyi tshal pa cong zhi dang dri bzang bcas lhan cig 'dur na las sla bar snang /__spel gzhi spar khrus dang /__gzhan bzang drug sogs bzang sman rigs dang /__lhag par 'di kha dog ser por mdzad snang ba/__de ltar na kha che gur gum dang /__bal po gur gum sogs mang na bzang /__spyir ser por bsgyur don ni shog ser gyi mtshan don la dgongs 'dra/__gsung gi byin rten du byed tshe dmar por mdzad kyang legs/__sgrub tshul ni 'od dpag med kyai rdo rjer bskyed pa ma gtogs gong zhus ltar sbyar na rung snyam/____/_!__gsum pa sku gdung gi ring bsrel ni/__'phags pa gsum gyi gdung rus dang sku sha sogs nas bzung bla ma brgyud pa rim byon gyi gdung rus/__sku sha__/shangs mtshal/__byang sems sogs gdung gi cha shas gang rnyed thams cad sku sha ril bu'i skabs su bshad pa'i sman rnams dang phyogs gcig tu brdungs nas bzang sman gyi phye ma dang bcas ril bur dril ba ste/__sgrub tshul kyang rnam snang kye rdo rjer bskyed pa ma gtogs 'dra/____/_!__bzhi pa sku bal gyi ring bsrel ni/__dbu skra dang na bza' sogs 'di rigs byung na cong zhi lta bu'i sman rdo dang mnyam du zhib par 'dur/__gal srid de lta bu'i brdung thub min tshe rdza bum sogs kyi nang du rgya shog gis legs par dril nas bcug__/'jim pas kha gcod dam par brgyabs la du ba mi shor bar nus ldan du bsregs pas kyang rung ste/__gdung thal sogs dang tshul mtshungs pa yin la/__du ba mi shor bar bsregs pa ni sman gyi rigs phal cher nus ldan du bsreg dgos pa rnams du ba mi shor bar bya zhes gsungs pa'i rigs 'gre sbyar bar mngon/__gang ltar yang de lta bu dang bzang drug sogs sman phye bungs bskyed dgos tshe ring bsrel bzhi ka 'bru dkar gyi phye dang sbyar na'ang 'gal ba med de rten 'dus ril bur grags pa thams cad ring bsrel bzhi phyogs bsdus kho na las ma 'das kyang /__'bru dkar gang rigs kyi zan dang sbyar nas ril bur dril ba thams cad kyis phyag len du mdzad pas so/__/de'ang 'bras dkar gyi phye ma rnam dpyod che'ang /__rtsi bskon pa'i tshe ha cang legs pa 'byung dka' zhing /__ril bu snyi skyon tsam 'dug pas nas dkar bzang po rjen 'thag shin tu zhib par byas pa kho na legs/__ril bu bsgril tshar 'phral ril chags cung zad byas la grib mar skam/__skam thag chod nas rlung mi 'chor ba'i snod bzang por tshags byas te lo re'am/__ma mtha' zla ba cha shas bzhag mtshams/__mtshal lta bu rtsi tshon gang yin de zar ma'i khu ba gar sla ran po zhig gis sbyangs/__de la shel kar legs pa cung zad re btab nas rtsi gsol/__de ma thag shed che bas ril chags 'them par bya/__'od legs par chags nas ril chags 'phro bzhag na ma gtogs ha cang ril chags byed che na 'od med pa'i skya kha lta bu zhig red 'gro snang ba sogs rgyus yod kyi snyan zhu glen gtam kho nar gsol pa lags shing /__bsgrub tshul ni/__sku bal gyi ring bsrel 'di rigs sku'i rgyan lta bu yin pas rin chen 'byung ldan kye rdo rjer bskyed na 'thad par sems/__kha dog dmar po mdzad pa na bza' sogs phal cher dmar shas che bas rgyu'i mtshon don la dgongs pa 'dra/__rigs kyi dbang du byas na ser por mdzad kyang legs snyam zhu/__gzhan yang rigs lnga ka'ang rdo rje sems dpa'i rigs kyis khyab pas snying po kye rdo rje kho nar bskyed kyang 'gal ba med pa dang /__so sor bskyed tshe sngags bzla bar spro na yum gyi mkha' 'gro lnga rigs so so'i sngags bzlas kyang rung zhing /__spyir de ba pi tsus kyang 'thus par sems/__rgyud sde 'og ma'i dbang du byas na/__oM badz+ra ak+Sho b+h+ya hU~M/__oM badz+ra bai ro tsa na oM sogs mtshan sngags bzla bas mtshon bla med gzhan gsang 'dus sogs la sbyar na'ang rigs 'gre/____/_!_lnga pa bdud rtsi lnga spyir bsdus pa chos sman dang /__bye brag so so bcas le'u tshan bdun las/__chos sman ni bdud rtsi lnga'i sman sna thams cad phyogs gcig tu bsdus pa'i steng /__bungs bskyed pa la 'bras bu gsum dang /__bzang po drug gtsor gyur bzang sman ci rigs dang bcas te phur ma bya ba dang /__bdud rtsi drug gi ril bu rnams so so'i skabs su bshad pa'i skyobs kyi sman 'di rigs gsar ma'i bdud rtsi ril bu'i rdzas dang /__rnying ma'i chos sman gyi rdzas gtso che rigs phyogs bsdebs mdzad pa yin 'dug pas 'di kho na ltar la/__bungs bskyed dgos tshe sman 'dzom sla ba'i rigs mang bcug na chog pa lags shing /__gsang chab ril bu spel spyad kyi lce sog dkar po ni spos dkar yin/__shel ga bur ni ga bur la rigs gsum ste/__mang ga bur/__stag zil ga bur/__shel ga bur zhes grags pa'i phyi ma ste/__de'ang mdog dkar zhing 'od dang ldan pa 'khyags pa ltar grum 'gro ba zhig yod pa'i tshul dpal ldan rgyud las/__shel ni dkar la kron te 'khyags pa 'dra/__/shin tu bsil bas rgyas tshad rkyang pa 'joms/__/zhes pa de lags rung /__deng sang don khungs cung dka' bas/__yongs grags kyi ga bur 'di phal cher mang ga bur yin 'dug pa 'di kho nas chog__/dbu klad dang gdung rus phyogs bsdus g.yu zhun 'khyil pa'i skabs sha chen gyi skabs su bshad pa'i sman zhes pa ni sku sha ril bu'i skabs su gsungs pa'i skyobs rnams la gsungs pa ste/__spyir sku sha thams cad sha chen yin pa gzhir bcas dang /__bye brag klad pa dang rus pa ni sha'i dwang ma yin pas de rnams ngo bo gcig pas skyobs kyi rdzas rnams kyang ma_tshungs pa lags/__'di rnams sgrub tshul bdud rtsi ril bu kho na ltar mdzad pas 'thus te/__gsar ma'i bdud rtsi ril bu dang /__rnying ma'i chos sman gnyis sman gyi ngos 'dzin/__lha bskyed tshul/__bzla bya'i sngags sogs kyis mtshon cho ga'i chings tha dad kyang /__don gyi gtso bo sha lnga bdud rtsi lnga rigs lnga ye shes lnga'i ngo bor byin gyis brlabs pa la gnad gcig pa'i phyir te/__des na bdud rtsi chig sgrub kyi phyag bzhes mdor bsdus kyi tshe/__sman phye ril thams cad snod so sor blugs te bdud rtsir byin gyis brlabs pa chab cig tu mdzad pas 'thus shing /__tshogs sgrub phyag len rgyas pa ltar na/__khrol sgrub kyi skabs bdud rtsi drug so sor phyogs ma 'khrul bar bzhag ste bsgrub/__de'i tshe chos sman gyi rdzas logs su sbyar ba yin na dbus su bzhag pas rung /__de min bdud rtsi drug so so'i khrol sgrub tshar nas phye ma byas/__de thams cad phyogs gcig tu bsdus pa tsho gcig la chos sman gyi phab gta' sbyar te phur ma bya ba dang /__tsho gcig so sor byas par so so'i phab gta' sbyar te ril bu dril nas bsgrub na'ang legs pa sogs rig pas dpyad do//__//__!_drug pa skye bdun ril bu'i gta' spel gyi sman bya rgod sha ni mkha' spyod grub pa'i rten 'brel du phran bu re tsam bsres na chog pas/__dug 'don dmigs bsal ma byung rung 'gal ba med/__byed par spro na bcud len sogs kyi sha sbyor skabs/__bya sha'i dug ni tshag shas 'don/__zhes pa ltar bya rgod kyi snying dang /__mig 'dzoms na legs shing /__de ltar min kyang sha sna gang 'dzoms ma rul ma sum pa shin tu gal che/__gang ltar yang phrom phrum du brdungs la sems can tshag po'i rkang pa'i sha lta bu'i dum bu gris gshags pa'i nang du bcug__/srub bcoms te mer cung zad bsreg__/ser chom gyis tshig nas bton/__tshag sha dor/__bya sha sman du sbyar ba'am/__yang na bya sha gang gtong yang dug 'byin til dkar po/__ngar 'dogs dbang lag__/rno 'don rgya tshwa dang lcam pa'i 'bras bu bcas 'di rigs phran bu re dang mnyam du 'dur nas gtong ba ste/_'di gnyis phyag bzhes stabs gang bde mdzad na 'thus/__/_!_bdun pa rten 'dus rigs thams cad 'bras bu gsum dang /__bzang po drug gtsor gyur bzang sman gang rigs kyi phye ma dang sbyar na rung mod/__gtso bor 'bras gsum bzang drug kho nas 'thus shing /__bungs bskyed pa'i slad nas dkar gyi rjen phye ji ltar rigs pa'i zan dang bcas bsgril na rung /__snga phyi 'di gnyis gsar ma'i cho ga ji lta bu'i sgo nas bsgrub ces bka' phebs pa/__skye bdun ni gsar ma la bde kye sogs kyi rgyud dang man ngag las rgya cher gsungs shing /__ngor chen rdo rje 'chang gi gsung rab las kyang ril bu la brten nas mkha' spyod sgrub pa'i thabs sogs gsungs pa dgongs mnga' ltar lags mod/__deng sang phyag len du 'debs mkhan med pa dang /__spyir yang rgyud sde nas gsungs pa'i las tshogs 'gangs che rigs 'di dag grub pa la sbyor lam drod dam/__tshogs lam chen po'i ye shes brnyes pa zhig dgos par bshad pas dka' bar snang /__des na skabs don skye bdun ril bu 'di ni gtso bor rnying ma'i phyogs kyi gter byon gyi dam rdzas dang /__sgrub thabs la brten pa kho na lags shing /__gter kha snga phyi'i gzhung thams cad las/__thugs rje chen po'i sgrub chen gyi sgo nas bsgrub tshul 'ba' zhig gsungs pas na/__gsar ma'i phyogs la thugs rje chen po tshem+bu lugs kyi ma Ni ril sgrub bya tshul sngar phul ba de ka'i gzhung ltar sgrub na 'brel chags shing /__spyir yang byin rten rigs phal cher myang grol la dmigs pa shas che bas ma Ni ril sgrub kho nas bsgrub kyang legs par sems/__rdor sems ril bu sgrub tshul smin gling gter gsar rdor sems gyi gzhung ltar mdzad par snang bas/__rdzas ni gzhung de nyid las/__dpa' bo sha lnga bdud rtsi lnga:__mchog grub gdung dang rig bsrel dang :__bdud rtsi sgrub rdzas sman phab rnams:__rtsa ba'i rdzas kyis stobs bskyed la:__bzang drug 'bras bu gsum la sogasaH__bdud rtsi mchog rgyud bzhin sbyar nasaH__yungs kar 'bru dgu'i tshad du dril:__mtshan ldan pho mo'i thod par brub:__zhes gsungs pa ltar lag len du bstar ba ni/__smin gling mkhan chen o rgyan bstan 'dzin rdo rje'i zin bris las/__'bras bzang po chu khrus byas pa'i phye ma bre gsum gyi tshe na/__a ru gser mdog rdog bcu la/__skyu ru ra sum cu/__ba ru ra rdog bcu/__dzA ti/__li shi/__sug smel/__gur gum/__cu gang /__ka ko la ste bzang po drug so so nas zho do re tsam dang /__tsan+dan dkar dmar/__gi'u waM/__kha che rnams zho do re tsam/__de phyin sman gzhan mang po btang yang ro nus la gnod pas bdud rtsi sman gyi sgrub pa'i lag len tshad ldan gyis sbyar ba'i bdud rtsi chos sman phon che ba tsam btab phyin de la ma 'dus pa med cing /__phabs gta' ni mchog gi dngos grub brnyes pa rig 'dzin bla ma'i gdung rus/__ring bsrel/__rnam snang /__mi bskyod/__de bzhin gshegs pa'i 'phel gdung /__sel med kyi gong ma dag gi sgrub rdzas ril bu rnams so/__/sha lnga bdud rtsi lnga ni bdud rtsi chos sman la yod pa des 'thus par mdzad pas gsar du mi dgos/__de ltar rdzas de rnams zhib tu bsnur zhing 'dres par sbol ba'i phye ma las zan g.yos te/__ril bu yungs kar 'bru dgu gcig tu dril ba tsam gyi tshad du dril la/__grib skam byas nas mtshal gyis kha dog dmar por bsgyur/__ces gsungs pa ltar lags shing /__'on kyang gong gi sbyor tshad ni kha dog dang /__dri ro bzang po 'byung ba'i dbang du btang nas/__de ltar gsungs pa tsam las mtha' gcig tu nges pa med pas gang 'byor gyis chog__/gsar ma'i phyogs nas bsgrub na gta' spel tsam la bdud rtsi ril bu kho na bzhin sgrub par mdzad kyang 'thus te sman gyi sbyor lugs sogs la brtags tshe bdud rtsi ril bu dang gnad gcig pa'i phyir ro/__/'on kyang dmigs bsal rdor sems kyi sgo nas bsgrub par spro na srad rgyud lugs kyi gsang 'dus rdor sems ril sgrub 'di dge ldan phyogs la yongs su grags pa zhig yin par 'dug pas rjes gnang gi rgyun gsan tshe 'di ltar bsgrub na legs/__zin tho 'di snga ma rjes gnang dang lung sogs zhus skabs yig cha 'ga' zhig las phran gyis zin bris su btus pa lags/__'di mkho che stabs bsnyen sgrub las gsum rgyas pa zhig bsgrigs nas sgrub thabs kun btus su bzhag rtsis kyang de snga ma grub/__lugs 'di'i rjes gnang sogs gsan med tshe cho ga'i chings 'di ltar la lha sngags rdor sems he ru kar mdzad kyang rung snyam/__ril bu'i kha dog gong du dmar por gsungs pa ni skye bdun sogs kyi myang grol spyi 'gre dang mthun par mdzad pa yin 'dug_/deng sang phal cher gyis rdor sems ril bu dkar por mdzad pa ni lha'i sku mdog dang mthun par sbyar ba lags/____/_!_brgyad pa tshe sgrub gsang 'dus ril bu'i sman gyi skabs byang sems dkar dmar dang /__a mr-i ta dang bla ma'i dri chu gsungs pa bka' gnang bzhin byang sems dkar dmar ril bu/__bdud rtsi chos sman/__gsang chab ril bu rnams btab na nges par 'thus/__gzhan 'di'i skabs nas bshad pa'i dngul chu ni rab grang 'dul chen mo dang /__'bring grang 'dul 'bring po/__tha ma grang 'dul bsdus pa dgos pas grang 'dul chen mo ni rin chen ril bu'i skabs su gtong rgyu de ga dang /__'bring bsdus gnyis zla shel chen mo'i skabs su gtong rgyu de lags pas/__'di rigs kyi lag len mthong brgyud dang gso dpyad kyi gzhung la gzigs na ma gtogs yi ge nyung ngus mtshon par mi nus pas sman pa mkhas pa 'dra la sbyar bcug pa'am/__sbyar zin bslang rgyu 'dra mdzad na chog snyam/__gang ltar yang rten 'brel gyi ched rdzas 'dzom tsam ma gtogs ha cang mang po ni med kyang chog__/mu zi ser po dngul chu btso bkru tshang ba'i khongs su song bas zur du gtong mi dgos/__dngul chu btso bkru chen mo rdzas 'dzom tsam 'di ltar 'bul lam zhus yod pas ril bu bre re tsam la 'dis chog__/da byid ni gangs sbal gyi sha yin na'ang dngos ni shin tu rnyed par dka'/__tshab rung du lho mon nas 'byung ba'i nags sbal gyi sha'am/__spu kong rong chen rnams su gtsang phag mgo gnyis sha thams cad tshil kho na yin pa zhig 'byung bas des 'thus par mdzad/__gang ltar yang dug 'don ni a ru gser mdog__/gla rtsi go bo'i sha gsum phab 'debs pa tsam dang /__ngar gdags pa la thal dkar rdo rje/__rno 'don pa la g.yer ma tshwa 'debs tsam re dang lhan cig tu zhib par btags pa lags/__de min sman gzhan rnams la dug 'don dgos pa mi snang /__bcud len dngos kyi skabs dbang lag sogs la rdza chab gtsang mas bkru zhing 'o mar btso ba sogs dug 'don dang /__bcud 'gugs kyi rnam pa mang du bshad mod/__'dir rten 'brel gyi rdzas tsam las ha cang mang po'ang 'byor dka' zhing /__bungs bskyed dgos na 'bru dkar gyi phye sogs dang sbyar nas ril bu dril srol snang bas dug 'don bcud 'gugs sogs re re nas ma grub kyang 'gal ba med 'dra/__sgrub tshul grub rgyal lugs ltar mdzad na shin tu 'thus te/__lha ngo bo gcig cing sngags kyang oM gu ru A yuHsid+d+hi hU~M hrIHa mA ra Ni dzI ban+ti ye swA hA/__zhes bla ma'i mtshan sngags kyis thog drangs pa tsam ma gtogs sngags kyi dngos gzhi gcig pa'i phyir ro/____/_!_dgu pa bum chu khrus chab kun 'dus ni/__bum rdzas dang /__gur gum sogs kyis phur ma bzos pas 'thus shing /__'ga' zhig gis khrus chu'i phur ma'i rigs la ar skya'am/__a gar 'ba' zhig tu grags pa dang /__g.ya' tshan dkar po/__mkhan dkar sogs grib sel gyi rdzas ci rigs pa bsres pa'ang snang mod/__ma 'byor kyang 'gal ba med/__bsgrub tshul ni/__sdig sgrib sbyong ba la gtso bor rdor sems dang /__grib sel la rnam 'joms dang sme brtsegs gang rung gi bdag bskyed sngon du 'gro ba'i sgo nas rdzas la sbyong khrus bya/__de nas bum pa sgrub pa spyi ltar la nang bcud sna tshogs kyis yongs su gang ba'i steng du zhes pa tsam kha bsgyur bgyis pas 'thus shing /__mjug tu mchod yon phul skabs ku sha'i 'thor yab lta bus 'thor ba dang /__bum pa'i lha 'od du zhu ba las bcud nus pa dang ldan par mos pas chog__/yang 'di rigs la gzungs sgrub bya tshul gyi lag len 'di ltar yang yod de/__rdzas rnams bum pa'am ka Tor lta bu'i snod du blugs pa mdun du bzhag__/bdag bskyed mdor bsdus sbyong khrus rgyas bsdus gang rigs bya/__rdzas bsang sbyangs/__stong pa'i ngang las pa~M las pad+ma dang sogs nas/__nang bcud sna tshogs kyis yongs su gang bzhes pa'i bar bum bskyed spyi ltar la/__de'i steng du zla ba la gnas pa'i sngags kyi phreng ba/__de las 'od zer 'phros/__'phags pa mchod/__sems can gyi don byas/__sangs rgyas dang byang chub sems dpa' thams cad kyi thugs rje byin rlabs nus mthu thams cad bsdus te sngags phreng la thim/__de las bdud rtsi'i rgyun dpag tu med pa babs pas bcud nus pa dang ldan par gyur/__ces brjod cing bsams la/__yi ge brgya pa'am/__rnam 'joms dang sme brtsegs lta bu'i sngags gsang bar bzla/__thun 'khor dang sngags phreng gdan dang bcas pa 'od du zhu nas rdzas la thim pas ye shes kyi bdud rtsi'i rang bzhin nus pa thams cad dang ldan par gyur/__zhes brjod cing bsams la bdag bskyed kyi mjug ni bya ba spyi ltar bya'o/__/bum pa med na stong pa'i ngang las rdzas kyi steng du zla ba la gnas pa'i sogs brjod pas chog__/'di lta bu'i tshul ni rgya gzhung rnams las zur gyis gsal/__bka' gdams pa'i man ngag rnams las kyang mang du 'byung /__rab gnas kyi 'thor nas bsgrub tshul dang /__sman bla'i mdo chog gi gzungs chab byin rlabs sogs dang yang sgo mthun pas shin tu legs pa yin la/__deng sang yongs su grags pa'i sngags bdug dang /__sngags 'dag ste sa sngags sogs kyang 'di ltar bsgrub na legs/__gong du zhus pa'i ril bu'i rigs gzhan thams cad kyang so so'i sgo nas bsgrub pa rgyas pa ma byung na 'di tsam gyi dmigs pas khyab par byas te sngags so sor bzlas pas byin gyis brlabs kyang gta' spel gyi rigs la de gas chog par sems shing /__gang ltar yang thun du bcad de yun ring thung ji ltar rigs pas bsgrub par bya'o//___//__!__bcu pa mi zhu ba'i khams kyi rin po che'i dug 'don byed tshul gso dpyad kyi gzhung rnams las 'dra min ci rigs 'byung mod/__zhwa lu rdo rje 'chang gi phyag len 'di ltar sor bzhag mdzad na 'thus/_klu sman gyi rin po che rnams kyang dug 'don byed na 'di ltar kho nas chog__/bzhu ba'i khams kyi rin po che gser dngul zangs sogs g.ya' phyi dug 'don gso dpyad kyi gzhung rnams las rgya cher 'byung mod/__bum rdzas sogs kyi skabs rten 'brel tsam du sing po lta bur btab nas g.ya' yang yang bcad/__de nas chu tshan du btab nas bkol ba'i chu phyir pho/__chu 'khyags kyis bshal/__de 'dra lan mang du byas pas 'thus/__lar bum rdzas sogs rgyud dang rgya gzhung gi dngos bstan ltar na khrol bu de bum pa'i nang du blugs pa rten 'brel gyi mtshon don tsam ma gtogs de'i khu ba khong du btang ba'i nus pa la brten nas nad gdon la phan pa'i bya ba byed pa sman sbyor sogs dang mi mtshungs pas dug 'don bya dgos tshul rgyud dang rgya gzhung bod snga rabs pa'i yig cha sogs nas zur tsam yang ma gsungs/__phyis sngags kyi cho ga 'gangs che ba thams cad grong pa'i skye bor rnyed 'tshol la btsong pa'i srol dod pas bum rdzas sogs kyang mang po dgos skabs khrol bu byed pa stabs mi bde zhing 'byor dka' ba la dgongs te ril bu dang phur ma ci rigs mdzad par snang mod/__bum pa rnams su rten 'brel mtshon byed cung zad re ma gtogs sman gyi nus pa 'byin pa'i mang po ni btab srol med pas/__dug 'don sogs kyang rten 'brel mtshon byed tsam gyis chog par sems/__des mtshon klu sman du 'byung ba'i gser dngul dung dang gzi sogs 'ga' re dkor cha dang /__la lar dbang po'i nad sel ba'i sman du'ang bshad pas dkor cha'i rigs rnams sman gyi nang du gtong ba la dgos pa cher ma mchis mod/__dkor cha sogs so sor mi 'dzom pa'i dbang du byas nas bla ma kha cig gis phyogs bsdus su mdzad/__'ga' zhig gis de mi 'thad par gsungs/__la las dung sogs srog chags las byung ba'i rigs klu sman du gtong na mi legs pas dung phor gyi tshab tu sngo cu gang sogs btang zhes gsungs pas mtshon bzhed pa mang po zing zing por gyur pas legs par dpyad na dbyig dug sogs yod par dogs pa'i rigs rnams bzhag nas klu sman yin nges kho na bsdus na dngos gtsang bar sems pa lags/____/_!_bcu gcig pa klu'i spang skong nas bshad pa'i klu sman gyi dug 'don bya tshul thad spyir gong du zur tsam zhus pas khyab cing /__zhib par na klu sman gyi rigs bsdu tshul mi 'dra ba shin tu mang ba zhig mthong ba'i nang nas gtso che ba ni seng ge sgra'i gdon 1khrol las byung ba dang /__dpal rga lo'i klu 2gtor las byung ba gnyis ni 'phags yul gyi man ngag yin dgos mod/__'di la'ang rtsa ba'i yig cha rnams su sman mang po med kyang /__yig cha phyi ma rnams su je rgyas su btang ba 'dra zhig snang /__gzhan rnying ma'i phyogs la grags che ba bla ma dgongs 'dus kyi char 3chog las 'byung ba dang /__rgya nag lugs klu'i spang skong nas 'gyur 4ba ste 'di bzhi gtso bor snang bas bzhi ka phyogs gcig tu bsdebs na'ang rung /__so sor byung na shin tu legs/__gang ltar yang sman gyi ngos 'dzin dang dug 'don bya tshul sogs yi ge zhib cha zhig dgos 'dug pas slar khungs dpyad de 'bul lam zhu rtsis dang /__bum rdzas nyer lnga la dug 'don tsam ni gong du zhus pas khyab/__spyir rgyud dang man ngag gsar rnying bka' gter rnams las bum rdzas mi gcig pa mang du gsungs/__de'ang sman lnga sogs ngos 'dzin mi gcig pa shin tu mang bas so so'i lugs srol ma 'dres pa'i yig cha zhal gsal zhig byung na gal che bar snang bas slar 'bul rtsis lags shing /__'on kyang rang lugs rje btsun rtse mo'i kyai rdor dbang chu/__kun mkhyen gyi rnam bshad/__dkon mchog lhun grub pa'i mdzes rgyan bcas dgongs pa phyogs mthun/__rin po che lnga las/__dbang chur dung dang /__mdzes rgyan las de'i mal du mu men zhes snang bas/__snga ma ni rgyud rnams las rin po che'i lnga'i gras su pad+ma rA ga zhes gsungs pa 'byor dka' bas de'i tshab dung gis rung ba a b+ha yas bshad pa'i rjes su 'brang bar snang la/__phyi ma ni pad+ma rA ga'i mal du dkyil chog bzang po yongs bzung las mu men zhes gsungs pa'i dgongs par snang bas gang rung zhig btang ba'am/__gnyis ka btang yang mi 'gal/__sman lnga'i nang nas rgya mtsho lbu ba deng sang yongs su grags pa'i dkar sob 'di ni 'bu khog zhig tu snang bas bum rdzas dad slu sman sogs la btang ba mi legs/__dngos ni phyi'i rgya mtsho'i rlabs brag la rgyab pa'i gnyer ma chu drag tu chags pa sa min rdo min lta bu'i nag ngam chu ris can zhig yod skad kyang 'byor dka'/__de'i tshab tu 'ga' zhig gis chu mgo rnams kyi phug tu chags pa'i chu bal ljang gu 'di srog chags mang du yod pa chu nang du dal bus bsal nas srog chags med nges kyi gtsang ma de grib skam du byas te gtong ba dang /__la las sman pa rnams la grags pa'i sngo chu srin sder mo zhes pa/__sa rong rnams kyi brag la sngo chu srin gyi sbar khyim lta bu tshom bur yod pa dgun ka'ang skam po brag la 'byar ba zhig 'ong bas de gtong bar snang /__rdzas gzhan rnams kyi ngos 'dzin ni mkhyen sla/__dug 'don kyang rin po che lnga la gong du zhus pa ltar dang /__sman lnga'i sA+e tres kyi shun pa dor/__kaN+Da ka ri bar shun kho na gtong /__lan tshwa 'dis ro bskyur bas mang po mi gtong ba legs/__de min gang 'byor gyis chog__/mu tig mang po ma rnyed na/__mu tig don shul yod pa'i nya phyis kyis kha bskang na rung /__gzhan mkhyen sla'o//___//__!__bcu gnyis pa rab gnas skabs kyi shun pa lnga'i shing lnga dngos ni rgya gar dang bal yul sogs las bod du mi 'byung /__tshab rung 'o ma can gyi shing gang rung lngas mdzad ces snga rabs pa'i yig char 'byung /__phyis bla ma rnams kyis ngos 'dzin mi 'dra ba ci rigs pa mdzad mod/__dpyad gzod cing 'byor sla ba'i dbang du byas na/__kham bu/__bal bu/__'om bu/__shug pa/__lcang ma dkar po ste rgya lcang du grags pa rnams dpyid ka shing lo dang po sngo ba'i dus shun pa bshus te phyi'i kog pa dor ba'i bar shun kho na gtong ba legs//___//__!__bcu gsum pa/__nang gi mchod rdzas sman phud ni nang mchod kyi rdzas dang gcig pa yin pas rnying ma ltar na bdud rtsi chos sman dang /__gsar ma ltar na bdud rtsi ril bu kho na btab pa las logs su med/__rak+ta bcud bsdus dpal spungs nas dkar chag tu bkod pa ma gtogs sbyar rgyu byung min ma nges rung /__phran rang nas dkar chag nang ltar lag len tshad ldan gyis bsdus shing /__bla ma dgongs 'dus kyi sgrub chen gyis bsgrubs pa'i rdzas phran bu 'di ltar phul yod pa zur gsum 'di phabs gta' dang /__bsnyen sgrub yun ring lta bu'i skabs rak+ta'i thod pa'i snying por gzhug rgyu lags shing /__phur ma 'di grong chog lta bu'i 'phral mkhor btab rgyu lags/__mang dgos na gzhung gsal gyi rdzas tshang ma sna 'dzoms byung na shin tu legs pa gzhir bcas/__de min brag zhun/__sin+d+hu ra/__tsan dmar/__gur gum/__btsag__/rgya skyegs/__'bri mog__/skyu ru ra/__me tog ug chos sogs 'byor sla bas bungs bskyed cing /__g.yag rgod dar ma'i khrag sogs dang sbyar nas spel chog__/zhar byung gtor ma'i spod sman 'di'ang rnying ma'i phyogs la shin tu gal che zhing /__gsar ma la'ang bla med kyi gtor ma'i rigs la bsres na legs pas gzhung mthun du sbyar zhing bla ma dgongs 'dus sogs kyi sgrub chen skabs bsgrubs pa'i tshad ldan phran bu phul yod/__'di'i thebs kyu 'di phabs gta' dang /__rten gtor lta bu'i nang du gzhug rgyu lags shing /__phye ma 'di 'phral gtor dang tshogs mchod sogs la bsre rgyu stabs bder bgyis pa lags/__mang dgos na gzhung gsal gyi rdzas tshang ma'am/__bdud rtsi chos sman dang ril bu/__shing tog__/sman sna/___'bru sna/__tsha ba gsum sogs spod sman ci rigs kyis bungs bskyed nas dkar gsum mngar gsum dang sbyar na chog__/'di gnyis bsgrub tshul rak+ta ni gsar ma'i dmag zor ma'i skong ba'i skabs bshad pa tsam las cher ma mthong bas/__sa phur gyi bsnyen sgrub gsal byed lta bu'i gzhung bsrang nas byin gyis brlabs na legs shing /__de'ang mdun bskyed kyi gtor ma'i g.yon du thod snod lta bur blugs/__rak+ta byin rlabs dkyus nas 'byung ba ltar/__skabs der sngags mang du bzlas pas byin gyis brlab na chog__/gtor ma'i spod sman ni/__sa phur lta bu la mtshon na gtor ma dang lhan cig bsham nas sngags mang du bzlas pas byin gyis brlab pa'am/__yang na gsar ma'i gtor ma byin brlabs bla med spyi ltar dang /__sngags mang du brlab pas kyang khyab/__spyir rak+ta la rnying ma'i phyogs la rgyud dang man ngag las tshogs sogs mang du 'byung zhing /__byin rlabs kyi skabs kyang dmigs pa rgyas par yod/__sa phur las mdor bsdus tsam zhig ma gtogs mi snang /__gang ltar yang de kas 'thus pa lags//___//__!__bcu bzhi pa dbang sdud 'khor lo sogs kyi rdzas pad+ma rak+ta ni gso dpyad bshad pa'i rgyud las/__bud med bcu gnyis lon nas lnga bcu'i bar/__/dwang ma las byung zla rer bsags pa'i khrag__/rtsa chen gnyis nas nag cing dri bral ba/__/rlung gis mngal gyi sgor 'byin zhag gsum 'dzag__/ces gsungs pa ltar/__zla mtshan 'byung ba'i dus lo bcu gnyis nas yin cing /__de'ang rab thog ma kho nar babs pa de rnyed na mtshon srung dang /__nad ngan dmar bshal gyi sman sogs la 'di kho na chig rgyug tu bsngags pas mtshon nus pa shin tu che bar gsungs kyang de 'dra ni rnyed dka' bas/__'bring lo bcu gnyis kyi skabs rang du babs pa dang /__tha ma'ang lo grangs bcu drug phan chod tsam gyi skyes pas ma gos pa'i bud med kyi rak+tas 'thus/__skyes pa dang 'brel tshar na ni mngal khrag ma gtogs pad+ma rak+ta'i tha snyad med pas mngal khrag dmigs bsal 'dra dgos pa yin na ma gtogs pad+ma rak+ta'i tshab tu btang srol med/__gang ltar yang pad raka 'khrul med sin+d+hU ra dang tsan dmar sbyar zhing rgya skyegs kyi kha bsgyur ba phran bu phul ba 'di ltar lags/__byang sems dkar po ni grong pa'i chos kyis ma gos pa'i skyes pa'i byang sems tsam las/__lo grangs kyi tha snyad med rung spyir na tshod nyung na khams kyi nus pa che bas rab lo bcu gnyis lta bu'i skabs dang por byung ba'i byang sems dang /__de min bcu drug phan chod tsam gyi byang sems byung na legs shing /__lhag par nad gzhi sogs kyi skyon med pa zhig nges par dgos pa lags//___//__!__bco lnga pa/__ba dmar zal ni ba dmar mo sgal tshigs kyi spu dkar po yod pa de ga dang /__'bri'ang nag po sgal tshigs kyi spu dkar po yod pa la ngos 'dzin te/__zal zhes pa dkar zhur gyi brda rnying du snang ba/__mdo khams zal mo sgang zhes pa'ang yul gyi gzhung thams cad gangs ri rgyun ma chad pa dkar pos thig btab pa bzhin yod pa la brten nas de ltar tha snyad btags pas mtshon na/__/ba dkar zal zer ba ni grong pa'i tha snyad tsam yin na ma gtogs gso dpyad sogs kyi gzhung las cher 'byung ba ma mthong /__ba byung dang /__bum rdzas/__klu sman sogs kyi skabs dgos pa ni ba dmar zal be'u dang po skyes pa'i gsar pa kho na lags shing /__de'ang mi gtsang ba zos pa'i lto bshal slad zhag shas rtswa chu gtsang mas bsos shing /__thog mar nyin gcig gnyis snga ma'i zas ro yod stabs chu dang 'o ma sogs logs su dor/__de phan rim par bsags na legs pa lags/____/_!_bcu drug pa rtag du rigs gsum las 'jam dbyangs dang spyan ras gzigs rtag du phran bu 'di ltar lags shing /__phyag rdor rtag du phran rang ma gtogs 'di phyogs sman pa rnams kyis ngos ma zin/__phran yang ri khar mi 'gro bas gsar du skabs thob ma rnyed/__snga ma btus pa'i rnying pa 'di ltar phul/__de min bdud rtsi ril bur 'gro ba'i sngo sman rigs snga mo shing stag lo skor zhig skyabs mgon mkhan chen rdo rje 'chang nas bka' gnang ltar mang tsam re phul yod na'ang da cha der yod min ma nges/__lar lo grangs kyang mang du song bas nus pa chung ba gzhir bcas rung /__sman sbyor dngos dang ni mi 'dra bas yod tshe btang na 'gal ba rang med snyam/__gang ltar yang 'di lo dbyar thog phran bu tshags rtsol byed rgyu byung na las phran nas sman gyi lag len mi byed stabs snga ma tshags byas pa ni mi snang /__lo rjes ma'i nang 'bul e thub yid 'jog zhu ba lags/____/_!_bcu bdun pa sa chu 'byung bcud kun 'dus ril bu phabs gta' dang /__phur ma bcas phran bu zhig 'dug pa 'di ltar 'bul lam zhus yod/__rjes su mang tsam sbyar rgyu byung na rim par phul chog pa dang /__zhar byung bsang mchod 'di grub mtha' thams cad la dar srol che na'ang /__khungs ni rnying ma'i gzhung kho na la bcol bar snang /__des na phyogs de'i gzhung khungs thub las 'byung ba'i rdzas kyi rigs tshang na shin tu legs par sems/__de'ang mnga' bdag nyang gi gter byon bsang gi yig chung zhig yod pa las rdzas sna nyung tsam bshad/__spyir bsang rdzas brgya rtsa zhes grags chen 'ang ngos 'dzin dmigs bsal gyi yig cha shin tu dkon par snang bas khungs dpyad pa na/__rgya ma mi 'gyur las 'phro gling pa zhes 'khrul med kyi gter ston tshad ldan 'bri gung rin chen phun tshogs sogs mkhas grub mang po'i bla mar gyur cing /__gnas gsar ba 'jam dbyangs mkhyen brtse'i dbang phyug sogs dang dus mtshungs dang /__de'i gter byon gyi yig cha 'di legs par snang bas 'di ga'i dgongs don ltar 'bad pa chen pos bsdus pa'i bsang rdzas brgya rtsa phran bu 'bul lam zhus yod pa mang dgos na bsang rdzas gang 'byor gyis bungs bskyed pa dang /__byin rlabs bya tshul kyang gzhung gsal ltar lags/____/_!_bco brgyad pa bdud rtsi ril bu tshogs sgrub cig byung na rang lugs kyi dam rdzas gtso bo bdud rtsi ril bu kho na yin pa dang /__'gro don kyang shin tu che ba bcas gang cis legs shing gal gnad che bar snang bas rim gyis thugs bskyed mi 'dor ba dang /__phabs gta' ni sa ngor gyi phabs gta' rnying pa khungs btsun rigs dang /__rten 'dam dpe bral ma/__gter byon ngo ma'i chos sman dang /__gu ru yab yum gyi byang sems/__bdud rtsi lnga'i ril bu/__skye bdun sogs gzhan 'dres med pa las rten 'dus sogs yod tshad thams cad bsre ba'i srol med 'dra bas khungs dag dngos gtsang kho na legs shing /__bka' gnang ltar sman mang nyung ci rigs bshad pa gtso bo'i brda rnams ma chad pa zhig nges par dgos pa las/__yan lag gi sman gang 'byor tsam gyis chog pas kun dga' bkra shis kyi gsung ltar tshang ma 'dzom dgos pa'i nges pa med mod/__e 'dzom gzigs na'ang sne tshang tsam ni mi rnyed pa'i 'byor dka' ba de rigs mi snang /__'di la'ang dpe dag min ci rigs 'dug pas phran gyi dpe cung zad dag pa yin rtsis/__mjug tu 'phros don phran bu yod pa 'di ltar 'bul lam zhus yod pa/__'di nang bdag chen rdo rje 'chang gi sgrub yig nas 'byung ba'i sman 'di tsam zhig 'dzom na gal che zhing /__khrol sgrub sogs kyi skabs ro'i bye brag las brtsams te rigs so sor phye nas phyogs ma 'khrul bar bzhag dgos pa'i ngos 'dzin kyang mchan bus gsal ba yod/__dug 'don ni sman sgrub sogs kyi skabs su mdzad srol med de/__de'ang dug rigs dngos ni chos sman dang bdud rtsi ril bu rnams kyi rdzas la mi 'gro bas der zad/__gzhan sman gyi rigs phal cher la dug med cing /__'ga' zhig shun ba phral dgos pa sogs yod rung /__de rigs kyang gso dpyad kyi skabs 'jam zhing 'ju sla ba la dgongs pa tsam ma gtogs nyes pa cher yod tshul ma gsungs pa'i phyir/__skabs 'dir ni/__sman lta bu dus rgyun 'thungs rgyu ma yin pas 'ju dka' sla sogs kyi dpyad pa ma dgos/__'on kyang gso dpyad dang sgo bstun nas dmigs bsal gyi dug 'don 'ga' zhig zur du bris pa ltar lags shing /__de ltar bka' 'dri rgya cher gnang ba'i lan ji bzhin par zhu ba rngo ma thogs par/__rmongs blos gang dran mdor bsdus tsam zhig spyi brtol bskyed de gsol bar sgrib bral ye shes kyi gzigs pa dam pas legs par dpyad de 'gal 'khrul rnams dag cing gtsang bar mdzad pa'i bka' drin stsol bar ci gnang zhes thal mo sbyar te gus pas gsol ba 'debs pa lags/__/legs bris bdud rtsis mtshon min pa'i/__/sa gsum gdung sel rdzogs ldan sprin/_/rgyas par dkrigs pa'i dge mtshan gyis/_/_phan bde'i 'dod dgu 'jo gyur cig__/sarba dA ka l+yA NaM b+ha ba tu//___//shu b+haM//