བཤེས་གཉེན་བསྟེན་ཚུལ་སོགས་ཟིན་ཐུན་སྣ་ཚོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	bshes gnyen bsten tshul sogs zin thun sna tshogs
Location	mkhyen brtse'i bka' 'bum Volume 4, sde tshan 1, Text 30, Pages 458-524 (Folios 229b2 to 262b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bshes gnyen bsten tshul sogs zin thun sna tshogs. In 'jam dbyangs mkhyen brtse'i dbang po'i bka' 'bum, Vol. 4: 458-524. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

30 458-524	བཤེས་གཉེན་བསྟེན་ཚུལ་སོགས་ཟིན་ཐུན་སྣ་ཚོགས། bshes gnyen bsten tshul sogs zin thun sna tshogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཐོག་མར་ཡོན་ཏན་ཀུན་གྱི་རྩ་བ་བཤེས་གཉེན་བསྟེན་ཚུལ་ལ་ཐུག་པས་བཤེས་གཉེན་བསྟེན་པའི་ཕན་ཡོན་དང་། མ་བསྟེན་པའི་ཉེས་དམིགས་བསམ་པ། རྩ་བ་དད་པ་སྦྱང་བ། བཀའ་དྲིན་རྗེས་དྲན་གྱི་གུས་པ་གཉིས་ཀྱི་སྒོ་ནས་བསམ་པས་བསྟེན་ཚུལ་དང་། མཉེས་པ་གསུམ་གྱི་སྒོ་ནས་མཉེས་པར་བྱ་བ་སྦྱོར་བས་བསྟེན་ཚུལ་ལ་འབད་དེ་ལམ་གྱི་རྩ་བ་ཚུགས་པ་ཞིག་བྱ། དེ་ནས་དལ་འབྱོར་རང་གི་ངོ་བོ་ངོས་བཟུང་བ་དང་། གནས་སྐབས་དང་མཐར་ཐུག་ལ་ལྟོས་ནས་དོན་ཆེ་བ་དང་། དཔེ་དང་། ངོ་བོ་དང་། རྒྱུའི་སྒོ་ནས་རྙེད་པར་དཀའ་བའི་ཚུལ་རྣམས་སོ་སོར་རྟོག་པའི་ཤེས་རབ་ཀྱིས་དཔྱད་ནས་རྒྱུ་མཚན་དུ་མའི་སྒོ་ནས་ཡུན་རིང་དུ་བསམས་པས་སྐད་ཅིག་རེར་ཡང་དོན་མེད་དུ་བཏང་མི་ཕོད་པར་སྙིང་པོ་ལེན་འདོད་ཀྱི་བསམ་པ་བརྟན་པོ་བསྐྱེད། སྙིང་པོ་ལེན་ལུགས་ནི་སྐྱེས་བུ་གསུམ་གྱི་ལམ་ལ་རིམ་གྱིས་བློ་སྦྱོང་བ་སྟེ། དེ་ཡང་དལ་འབྱོར་གྱི་རྟེན་ཕུན་སུམ་ཚོགས་པ་འདི་ལྟ་བུ་ཐོབ་པའང་རིང་དུ་མི་གནས་པས་ངེས་པར་འཆི་བ་དང་། ནམ་འཆི་ལ་ངེས་པ་མེད་པ་དང་། འཆི་བའི་ཚེ་ཆོས་མ་གཏོགས་གཞན་གང་གིས་ཀྱང་མི་ཕན་པའི་ཚུལ་རྣམས་རྒྱུ་མཚན་དུ་མའི་སྒོ་ནས་བསམས་ཏེ་ཚེ་འདིའི་བྱ་བ་གང་གིའང་དབང་དུ་མི་གཏོང་བར་སྙིང་གི་ཐིག་ལེའི་གདམས་པ་ཟབ་མོ་འདི་བསྒོམ་པ་ལ་ཆིག་བསྒྲིལ་དུ་འབད་པར་ཐག་བཅད་པ་དང་། དེ་ནས་ངན་འགྲོའི་སྡུག་བསྔལ་ལ་བསམས་ཏེ་སྙིང་ནས་འཇིགས་པས་དཀོན་མཆོག་གསུམ་ལ་དེ་ལས་སྐྱོབ་པའི་ནུས་པ་ཡོད་པར་ཡིད་ཆེས་རྙེད་པ་བྱུང་བ་ན་སྐྱབས་འགྲོ་བསླབ་བྱ་དང་བཅས་པ་ལ་འབད། དེ་ལྟར་སྐྱེས་བུ་ཆུང་ངུའི་ལམ་ལ་སྦྱངས་པས་ཚེ་འདི་ལས་བློ་ལོག་སྟེ་འཇིག་རྟེན་ཕྱི་མའི་དོན་འབའ་ཞིག་སྒྲུབ་པར་སེམས་སྐྱེས་པ་ན་སྲིད་པ་མཐའ་དག་གི་ཉེས་དམིགས་དཔྱད་ཅིང་བསམས་ཏེ་བཙོན་རར་ཆུད་པའི་མི་གནས་དེ་ལས་ཐར་བར་འདོད་པ་དང་། མཚོ་ལ་གནས་པའི་བྱ་རྣམས་མཚོ་དེ་འཁྱགས་པར་མཐོང་ན་གནས་དེ་ལ་སྐད་ཅིག་ཀྱང་མི་ཆགས་པར་གཞན་དུ་འགྲོ་བར་འདོད་པ་ཇི་ལྟར་བར་སྲིད་པ་མཐའ་དག་ལ་ཞེན་པ་གཏིང་ནས་ལོག་སྟེ་ཉིན་མཚན་ཀུན་ཏུ་ཐབས་གང་བྱས་ན་འཁོར་བའི་བཙོན་ར་འདི་ལས་ཐར་སྙམ་དུ་ཐར་པ་དོན་གཉེར་གྱི་བསམ་པ་འབའ་ཞིག་ངམ་ངམ་ཤུགས་ཀྱིས་སྐྱེ་བ་དང་། ཐར་པ་ཐོབ་པ་ལ་ལམ་བསླབ་པ་གསུམ་ལ་བསླབ་དགོས་པས། དེ་རྣམས་ཀྱི་གྲངས་དང་། གོ་རིམ་ངེས་པ། ངོ་བོ་མ་ནོར་བ་རྣམས་ལ་ངེས་པ་གཏིང་ཚུགས་པ་ཞིག་རྙེད་པར་བྱ་བ་དང་། ལྷག་པར་ཐེག་པ་གསུམ་གྱི་ཡོན་ཏན་ཐམས་ཅད་ཚུལ་ཁྲིམས་དག་པའི་མཐུ་ལ་ལྟོས་པར་ངེས་པ་བརྟན་པོ་རྙེད་པར་བྱས་ཏེ་བཅས་རང་གི་ཉེས་པ་ཕྲ་མོས་ཀྱང་མ་གོས་པའི་ཚུལ་ཁྲིམས་རྣམ་པར་དག་པ་ཞིག་ལ་སྐྱེས་བུའི་རྩལ་ཅི་ཡོད་ཀྱིས་འབད། དེ་ལྟར་སྐྱེས་བུ་འབྲིང་གི་ལམ་ལ་བློ་སྦྱངས་པས་འཁོར་བ་མཐའ་དག་ལས་བློ་ལོག་སྟེ་ཐར་པ་དོན་གཉེར་གྱི་འདུན་པ་ཤུགས་དྲག་པོ་སྐྱེས་པ་ན། རང་ཉིད་ཇི་ལྟ་བར་མཁའ་མཉམ་གྱི་སེམས་ཅན་ཐམས་ཅད་འཁོར་བའི་བཙོན་རར་ཚུད་ནས་སྡུག་བསྔལ་བརྒྱ་ཕྲག་གིས་གཟིར་བའི་ཚུལ་ལ་ཤས་མི་བཟོད་པའི་བརྩེ་བ་ཆེན་པོ་བསྐྱེད་དེ་ཐེག་པ་ཆེན་པོའི་ལམ་ཐམས་ཅད་ཀྱི་རྩ་བ་ནི་སྙིང་རྗེ་ཆེན་པོ་ལ་ཐུག་པས་སྙིང་རྗེ་ཆེན་པོ་བསྐྱེད་པ་ལ་འབད་དགོས་ཤིང་། དེ་བསྐྱེད་པ་ལ་ཡིད་འོང་གི་བྱམས་པ་བསྐྱེད་དགོས་ལ། དེ་བསྐྱེད་པ་ལ་མན་ངག་ལུགས་གཉིས་ཏེ། ཤེར་ཕྱིན་གྱི་མདོའི་དགོངས་པ་ལྟར་སེམས་ཅན་ཐམས་ཅད་ཕ་མ་དྲིན་ཅན་དུ་བལྟས་ནས་བསྐྱེད་པ་དང་། མདོ་སྡེ་ཕལ་པོ་ཆེའི་དགོངས་པ་ལྟར་སེམས་ཅན་ཐམས་ཅད་གནས་སྐབས་དང་མཐར་ཐུག་གི་ཡོན་ཏན་ཐམས་ཅད་བསྐྱེད་པའི་རྒྱུར་བལྟས་ནས་ཡིད་འོང་གི་བྱམས་པ་བསྐྱེད་ཚུལ་གཉིས་ལས་འདིར་གདམས་ངག་གཉིས་ཀའི་རྒྱུན་བསྲེས་ཏེ་བསྒོམ་པ་ཡིན་པས། ཐོག་མར་ཡིད་འོང་གི་བྱམས་པ་སྐྱེ་བའི་གཞི་སེམས་ཅན་ཐམས་ཅད་ལ་སེམས་སྙོམས་པའི་བཏང་སྙོམས་བསྒོམ། དེ་ནས་དེ་ཐམས་ཅད་ཚེ་རབས་དུ་མར་རང་གི་ཕ་མ་ལན་མང་དུ་བྱས་པའི་དྲིན་ཅན་ཤ་སྟག་ཡིན་པ་དང་། དེ་དང་དེའི་སྐབས་སུ་དྲིན་གྱིས་ཇི་ལྟར་བསྐྱངས་པའི་ཚུལ་དང་། དེ་དག་ལ་དྲིན་བཟོ་བྱ་དགོས་པའི་ཚུལ་རྣམས་སྒོ་དུ་མ་ནས་བསམས་ཏེ། ཡིད་འགྱུར་གྱི་མྱོང་བ་བརྟན་པོ་མ་སྐྱེས་པའི་བར་དུ་བསྒོམ། དེ་ཡང་བདག་གཅེས་འཛིན་གྱི་སྐྱོན་དང་། གཞན་གཅེས་འཛིན་གྱི་ཕན་ཡོན་སྒོ་དུ་མ་ནས་བསམས་ཏེ་རང་གཅེས་འཛིན་གྱི་བློ་ངན་འདི་རྒུད་པ་ཐམས་ཅད་ཀྱི་འབྱུང་གནས་དང་། གཞན་གཅེས་འཛིན་ཡོན་ཏན་ཐམས་ཅད་ཀྱི་འབྱུང་གནས་སུ་ངེས་པ་བརྟན་པོ་རྙེད་པ་ཞིག་བྱ། དེ་ནས་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་གནས་སྐབས་དང་མཐར་ཐུག་གི་བདེ་བ་ཐམས་ཅད་བསྐྱེད་པ་དང་། དམྱལ་བའི་སྡུག་བསྔལ་ནས་དགྲ་བཅོམ་པ་རྣམས་དབུ་བསྙུང་བ་ལྟ་བུའི་སྡུག་བསྔལ་ཕྲ་མོ་ཡོད་པ་དང་། ས་བཅུ་པའི་བྱང་ཆུབ་སེམས་དཔའ་རྣམས་ཀྱི་ཐུགས་རྒྱུད་ལ་གཉིས་སྣང་ཕྲ་མོ་ཡོད་པའི་བར་གྱི་སྡུག་བསྔལ་ཐམས་ཅད་གཏན་ནས་བྱང་བར་འདོད་པ་དང་། དེ་ཡང་སྨོན་པའི་ཡུལ་ཙམ་དུ་མ་བཞག་པར་རང་ཉིད་ཁོ་ནའི་ཁུར་དུ་འཁྱེར་བའི་གཞན་དོན་དོན་གཉེར་གྱི་བློ་དང་། དེ་ལྟ་བུའི་གཞན་དོན་རླབས་པོ་ཆེ་སྒྲུབ་པ་ལ་རང་ངོས་ནས་སྐྱོན་ཀུན་ཟད་ཡོན་ཏན་ཀུན་རྫོགས་སངས་རྒྱས་ཀྱི་གོ་འཕང་དེ་ངེས་པར་ཅི་ནས་ཀྱང་ཐོབ་དགོས་པར་འདུག་སྙམ་པའི་ངེས་པའི་ཤེས་པ་བརྟན་པོ་བསྐྱེད་པ་བྱང་ཆུབ་དོན་གཉེར་གྱི་ཚུལ་ལ་བློ་གཞན་རྐྱེན་གང་གིས་ཀྱང་འཕྲོག་ཏུ་མི་ནུས་པ་བསྒོམ་པར་བྱའོ། །དེ་ནས་ལམ་ཕ་རོལ་ཏུ་ཕྱིན་པ་དྲུག་དང་། ཁྱད་པར་ཞི་གནས་ལྷག་མཐོང་བསྒོམ་པ་ལ་རྩལ་དུ་འདོན་དགོས་ཏེ། དེའི་ཚུལ་ཡང་། དབུ་མ་རིག་ཚོགས་ནས་གསུངས་པའི་རིགས་པས་བདག་མེད་གཉིས་གཏན་ལ་ཕབ་སྟེ། དེ་ཉིད་ཡུལ་དུ་བྱས་ཏེ་དེའི་སྟོང་སེམས་འཇོག་པ་སོགས་སེམས་གནས་དགུ་ལ་བརྟེན་ནས་བྱིང་རྒོད་གང་གིས་ཀྱང་མི་གཡེང་བར་ཅི་འདོད་དུ་འཇོག་ནུས་པའི་ཏིང་ངེ་འཛིན་ཁྱད་པར་ཅན་ཞིག་འབད་པས་བསྒྲུབ། དེ་གྲུབ་པ་ན་སེམས་རྩེ་གཅིག་ཏུ་གནས་བཞིན་པའི་ངང་ནས་སོ་སོར་རྟོགས་པའི་ཤེས་རབ་ཁྱད་པར་ཅན་གྱིས་སེམས་ཀྱི་གནས་ལུགས་ལ་དཔྱད་དེ་ངེས་པ་འདྲེན་པ་དང་། ངེས་པའི་དོན་ལ་རྩེ་གཅིག་འཇོག་པ་དང་། རྗེས་ཐོབ་ཏུའང་གང་སྣང་ཐམས་ཅད་སྒྱུ་མ་དང་རྨི་ལམ་ལྟ་བུར་བལྟ་ཞིང་སྣང་བ་རྟེན་འབྲེལ་དུ་འཆར་ཞིང་སྟོང་པར་འཆར་བ་དང་། སྣང་བས་ཡོད་མཐའ་སེལ་ཞིང་སྟོང་པས་མེད་མཐའ་སེལ་བ་བདེན་གཉིས་ཟུང་འཇུག་གི་ཚུལ་ངེས་པ་ཐག་ཆོད་པ་ཞིག་རྙེད་པར་བྱའོ། །དེ་ལྟར་སྐྱེས་བུ་ཆེན་པོའི་ལམ་ལ་བློ་སྦྱངས་པས་རང་དོན་ཡིད་བྱེད་མཐའ་དག་ལ་བློ་ལོག་སྟེ་གཞན་ཕྱིར་སངས་རྒྱས་ཐོབ་འདོད་ཀྱི་བློ་བཅོས་མིན་སྐྱེས་པ་ན། མྱུར་བ་མྱུར་བར་སངས་རྒྱས་ཀྱི་གོ་འཕང་ཐོབ་པའི་ཕྱིར་གསང་སྔགས་རྡོ་རྗེ་ཐེག་པའི་སྒོར་ཞུགས་པར་བྱ་སྟེ། དེ་ཡང་རྒྱུད་མ་སྨིན་པ་སྨིན་པར་བྱེད་པ་དབང་དང་། དབང་གི་སྲོག་དམ་ཚིག་དང་སྡོམ་པ་དང་གྲོལ་བར་བྱེད་པ་བསྐྱེད་རྫོགས་ཀྱི་ལམ་འཁོར་དང་བཅས་པ་ལ་བརྩོན་པར་བྱའོ། །དེ་ལྟར་འབད་པས་སྐྱེས་བུ་ཆུང་ངུའི་ལམ་ལ་སྦྱངས་པའི་ལག་རྗེས་སུ། ཚེ་འདིའི་བྱ་བ་ཐམས་ཅད་བྱིས་པའི་སྤྱོད་ཚུལ་དང་སྨྱོན་པའི་ཟློས་གར་ལྟ་བུར་མཐོང་ནས་ཚེ་འདི་ལ་མ་ཆགས་པར་འཇིག་རྟེན་ཕྱི་མའི་དོན་སྒྲུབ་པར་འདོད་པའི་བསམ་པ་བརྟན་པོ་ཞིག་སྐྱེ་བ་འབྱུང་། དེ་ནས་སྐྱེས་བུ་འབྲིང་གི་ལམ་ལ་སྦྱངས་པའི་ལག་རྗེས་ལ་སྲིད་རྩེ་ནས་མནར་མེད་བར་གྱི་ཁམས་གསུམ་འཁོར་བའི་གནས་ཐམས་ཅད་བཙོན་ར་དང་མེ་འབར་བའི་འོབས་ལྟར་མཐོང་ནས་སྲིད་པ་མཐའ་དག་ལ་ཞེན་པ་གཏིང་ནས་ལོག་སྟེ་ཉིན་མཚན་ཀུན་ཏུ་ཐར་པ་དོན་གཉེར་གྱི་བསམ་པ་བརྟན་པོ་སྐྱེས་ནས་ཐར་པ་ཐོབ་པའི་ཐབས་དམ་པ་བསླབ་པ་རིན་པོ་ཆེ་རྣམ་པ་གསུམ་ལ་ལྡོག་ཏུ་མེད་པའི་ངེས་ཤེས་དང་བརྩོན་འགྲུས་རྩོམ་ནུས་པ་ཞིག་འབྱུང་། དེ་ནས་སྐྱེས་བུ་ཆེན་པོའི་ལམ་ལ་སྦྱངས་པའི་ལག་རྗེས་ལ་འགྲོ་ཀུན་ཕ་མ་དྲིན་ཅན་དུ་མཐོང་ནས་ཉིན་མཚན་ཀུན་ཏུ་བྱམས་སྙིང་རྗེ་ངམ་ངམ་ཤུགས་ཀྱིས་སྐྱེ་ཞིང་རང་དོན་ཡིད་བྱེད་ཀྱི་བསམ་པ་ལས་ལོག་སྟེ་ཅི་བྱེད་གཞན་དོན་ཁོ་ནར་སྤྱོད་པ་དང་། བདག་བས་གཞན་གཅེས་ཀྱི་བྱང་ཆུབ་ཀྱི་སེམས་རིན་པོ་ཆེ་ལྡོག་ཏུ་མེད་པ་སྐྱེས་ནས་དེས་ཀུན་ནས་བསླངས་ཏེ་སྒོ་གསུམ་གྱི་གཡོ་བ་ཐམས་ཅད་ཕར་ཕྱིན་དྲུག་ལས་མི་འདའ་བ་ཞིག་འབྱུང་། དེ་ནས་འགྲོ་བ་སྒྲོལ་བའི་སྙིང་སྟོབས་ཇེ་ཆེར་འཕེལ་ཏེ་གསང་སྔགས་ཀྱི་སྒོར་ཞུགས་པ་ནས་དམ་ཚིག་དང་སྡོམ་པ་སྲོག་ལས་ཀྱང་གཅེས་པར་སྲུང་བ་གཞིར་བཞག་ནས་རིམ་པ་དང་པོ་ལ་བསླབས་པས་ཡིད་ངོར་ཐ་མལ་གྱི་སྣང་ཞེན་འགོག་ཐུབ་པ་དང་། གང་ཤར་ཐམས་ཅད་དག་པ་རབ་འབྱམས་སུ་འཆར་བ། རྫོགས་རིམ་ཡོངས་རྫོགས་སྐྱེ་བའི་རྒྱུད་སྨིན་པ་ཞིག་འབྱུང་། དེ་ནས་རིམ་པ་གཉིས་པ་ལ་བསླབས། ལས་རླུང་གི་རྒྱུ་པ་དྷཱུ་ཏིར་འགགས་ནས་འོད་གསལ་འཆར་བ་དང་། དེ་ལས་ལྡང་བ་ན་མཚན་དཔེས་སྤྲས་པའི་དངོས་གནས་ལས་ཐོན་ཏེ་སྔགས་ལམ་གྱི་བསྒྲུབ་བྱ་མཐར་ཐུག་ཟབ་གསལ་གཉིས་མེད་ཀྱི་ཡེ་ཤེས་ཟུང་འཇུག་གི་སྐུ་འགྲུབ། སྐུ་དེའི་རིགས་འདྲའི་རྒྱུན་ལས་སྐུ་གསུམ་ཡེ་ཤེས་ལྔ་ལྡན་གྱི་གོ་འཕང་འགྲུབ་སྟེ། དེ་ཐོབ་ནས་ཕྲིན་ལས་ཉི་ཤུ་རྩ་བདུན་གྱི་སྒོ་ནས་འགྲོ་ཀུན་མོས་ངོར་དང་འཚམས་པའི་སྤྲུལ་པས་ཕྲིན་ལས་རྒྱུན་མི་འཆད་པར་འབྱུང་བ་ཡིན་ནོ། །ཤུ་བྷཾ། ། ༈

ལམ་སྒྲོན་འགྲེལ་པ་ཕུལ་བྱུང་དགྱེས་པའི་མཆོད་སྤྲིན་ལས། སྐྱེས་བུའི་སྐད་དོད་པུ་རུ་ཥ་ནུས་ལྡན་ལ་འཇུག་པས། ཚེ་ཕྱི་མ་ཕན་ཆད་ཀྱི་དོན་བསྒྲུབ་ནུས་ཞིག་སྐབས་འདིར་བསྟན་གྱི་སྐྱེས་བུ་ཞེས་བྱ། དེ་ལའང་ཚེ་འདིའི་ཞེན་པ་ལོག་ནས་ཕྱི་མའི་འཁོར་བ་དེའི་ཆེད་དུ་ལས་འབྲས་ཀྱི་བླང་དོར་བསྒྲུབ་ནུས་པ་དང་། འཁོར་བ་མཐའ་དག་ལ་ཞེན་པ་ལོག་ནས་དེ་ལས་ཐར་པའི་ཆེད་དུ་ལམ་བསླབ་པ་གསུམ་བསྒྲུབ་ནུས་པ་དང་། སྲིད་ཞིའི་སྐྱོན་མཐོང་ནས་འགྲོ་ཀུན་སངས་རྒྱས་ཀྱི་ས་ལ་འགོད་པའི་ཁུར་འཁྱེར་ནུས་པ་སྟེ་ཆུང་འབྲིང་ཆེན་པོའོ། །སོ་སོའི་མཚན་ཉིད་ནི། ཕྱི་མ་ཕན་ཆད་སྒྲུབ་ནུས་ཀྱི་སྐྱེས་བུ་གང་ཞིག །སྦྱོར་བསམ་ཐབས་ཀྱི་ཁྱད་པར་སྡིག་སྤོང་དགེ་སྒྲུབ། བསམ་གཟུགས་བརྒྱད་སོགས་ཀྱི་དབྱེ་བ་གང་དག་གིས། འབྲས་བུའི་ཁྱད་པར་ལྷ་མིའི་གནས་ལུས་ལོངས་སྤྱོད་ཀྱིས་བསྡུས་པའི་སྲིད་པ་འཁོར་བའི་མངོན་མཐོའི་བདེ་བ་ཙམ་ལ་དམིགས་ནས། བསམ་པའི་ཁྱད་པར་རང་ཉིད་ཁོ་ནའི་དོན་དུའམ་ཆེད་དུ་དམིགས་ནས་དོན་དུ་གཉེར་བར་བྱེད་པ། འདིར་སྲིད་པའི་བདེ་བ་ཙམ་ཞེས་པས་ཐར་ལམ་སྒྲུབ་པའི་རྟེན་དོན་དུ་གཉེར་བའི་སྐྱེས་བུ་འབྲིང་གཅོད། རང་ཉིད་ཅེས་པས་བྱང་སེམས་ཀྱིས་གཞན་དོན་དུ་གཉེར་པ་གཅོད་ལ། འདིའི་ལམ་གྱི་དངོས་གཞི་མི་རྟག་པ། ཉེས་དམིགས། སྐྱབས་འགྲོ། ལས་འབྲས་བཅས་དམིགས་སྐོར་བཞི་དང་། བཤེས་གཉེན་བསྟེན་པ་དང་། དལ་འབྱོར་གྱི་ཆོས་སྐོར་གྱི་གསུམ་ཀའི་ལམ་གྱི་གཞི་རྟེན་དུ་བྱས་ནས། སྔོན་གྱི་ལམ་སྒྲོན་འགྲེལ་བ་རྣམས་སུ་རྒྱས་པར་གསུངས། གཉིས་པ་ནི། སྐྱེས་བུ་གང་ཞིག་བསམ་པའི་ཁྱད་པར་སྲིད་རྩེ་ནས་མནར་མེད་པར་ལས་ཉོན་གྱི་གཞན་དབང་དུ་སོང་བའི་སྡུག་བསྔལ་ཅན་འབའ་ཞིག་ཏུ་མཐོང་ནས། སྲིད་པ་དེ་རྨི་ལམ་ཙམ་དུའང་འདོད་པ་མེད་པར་རྒྱབ་ཀྱིས་ཕྱོགས་ཤིང་། སྦྱོར་བའི་ཁྱད་པར་བསམ་པ་དེའི་སྟོབས་ཀྱིས་སྒོ་གསུམ་གྱི་སྡིག་པའི་ལས་འཁོར་བ་དང་བཅས་པ་ལས་ལྡོག་པའི་བདག་ཉིད་ཅན་གྱི་བསླབ་གསུམ་གྱི་ཉམས་ལེན་ཅི་རིགས་ལ་གནས་པ་དང་། འབྲས་བུའི་ཁྱད་པར་རང་ཉིད་གཅིག་པུ་སྡུག་ཀུན་ཉེ་བར་ཞི་བའི་མྱང་འདས་ཙམ་དུ་གཉེར་བ་འབྲིང་པོ། འདིར་སྲིད་པའི་བདེ་ལ་རྒྱབ་ཕྱོགས་ཞེས་པས་སྡུག་བདེན། སྡིག་པའི་ལས་ལས་ཞེས་པས་ཀུན་འབྱུང་། རང་ཞི་ཙམ་ཞེས་པས་འགོག་བདེན། ལྡོག་པའི་བདག་ཉིད་ཅེས་པས་ལམ་བདེན། དེས་ན་སྐྱེས་བུ་འབྲིང་ལ་ཐེག་པའི་སྒོ་ནས་ཉན་རང་གཉིས། བསྒོམ་བྱའི་སྒོ་ནས་བདེན་བཞི་དང་རྟེན་འབྲེལ་གཉིས། གང་ཟག་གི་བདག་མེད་ཐུན་མོང་བ་དང་། ཕྲ་མོ་སྒོམ་པ་གཉིས། རྣལ་འབྱོར་སྤྱོད་པའི་དབུ་མ་རང་རྒྱུད་པ་སོགས་ལྟར་ན་གཉིས་སྟོང་སྒོམ་པ་ཞིག་དང་གསུམ་ཡོད་དོ། །གསུམ་པ་སྐྱེས་བུ་གང་ཞིག་རང་ཉིད་སྡུག་བསྔལ་གྱིས་མནར་ཚུལ་རྒྱུད་སྟེང་དུ་ལེགས་པར་རྟོགས་ནས། ཚུལ་དེར་དཔག་པའི་བློས་སེམས་ཅན་གཞན་རྣམས་ཀྱང་དེ་དང་འདྲ་བར་སྡུག་བསྔལ་བ་ལ་མི་བཟོད་པའི་སྙིང་རྗེའི་སྟོབས་ཀྱིས་གཞན་གྱི་སྡུག་བསྔལ་རྒྱུ་དང་བཅས་པ་ཀུན། ཐབས་སྣ་ཚོགས་པ་ཀུན་གྱི་སྒོ་ནས་ཟད་པར་འདོད་པ་དེ་ནི་མཆོག་གོ །དགེ་བཤེས་ཚུལ་སེང་པའི་ཊཱི་ཀར། ཡང་ན་གསང་ཕུབས་རང་རྒྱུད་གཏོགས་པ་སྟེ་བདག་གི་རྒྱུད་དུ་གཏོགས་པའི་སྡུག་བསྔལ་གྱིས་སེམས་ཅན་མ་ཟད་བར་དུ་སྡུག་བསྔལ་ཐམས་ཅད་འཁུར་བར་འདོད་པ་སྨོན་པའི་སེམས་བསྐྱེད་ཅེས་སོགས་གསུངས། འདི་ལ་ལྟ་བའི་སྒོ་ནས་དབུ་སེམས། ཐེག་པའི་སྒོ་ནས་མདོ་སྔགས་གཉིས་སོ། །སྒོམ་རིམ། འཇུག་པ། དབུ་མ་རྒྱན། བསླབ་བཏུས། བེ་བུམ་སྔོན་པོ་སོགས་སུ་ལམ་གྱི་ཆིངས་མི་འདྲ་བ་དུ་མ་ཞིག་མཛད་ཀྱང་། འདིར་སེམས་བསྐྱེད་ཆོག་དང་བཅས་པ། སེམས་བསྐྱེད་ནས་སྤྱོད་པ་ལ་སློབ་ཚུལ། བསླབས་པའི་འབྲས་བུ་ངོས་བཟུང་བ་གསུམ་དུ་བསྡུ་བར་མཛད་དོ། །ཆུང་ངུ་འབྲིང་དང་མཆོག་གྱུར་པའི། སྐྱེས་བུ་གསུམ་དུ་ཤེས་པར་བྱ། ཞེས་དང་། གང་ཞིག་ཐབས་ནི་གང་དག་གིས་འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པ། །སྐྱེས་བུ་དེ་ནི་ཐ་མར་ཤེས། །སྲིད་པའི་བདེ་ལ་རྒྱབ་ཕྱོགས་ཤིང་། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཤེས་བྱ། རང་རྒྱུད་གཏོགས་པའི་སྡུག་བསྔལ་གྱིས། །གང་ཞིག་གཞན་གྱི་སྡུག་བསྔལ་དག །ཡང་དག་ཟད་པར་ཀུན་ནས་འདོད། །སྐྱེས་བུ་དེ་ནི་མཆོག་ཡིན་ནོ། །ཞེས་སོ།། །། ༈ རྒྱ་སྐད་སྨོས་པ་ལ། བྱས་པ་ཤེས་ཤིང་དྲིན་དུ་བཟོ་བ། ཆོས་ཁུངས་བཙུན་པར་ཤེས་པ། ལེགས་སྦྱར་གྱི་སྐད་ཤེས་པ་དང་པོ་ནི། སྤྲང་པོ་ལའང་ཨཱ་ཙཪྻ་ཞེས་འབོད། གཉིས་པ་ནི། །ཁམས་གསུམ་ཨཱ་ཙཪྻའི་གཏམ་རྒྱུད་ཀྱིས་ཤེས། གསུམ་པ་ནི། མུ་རུབ་ལོ་ཙཱ་བས་མདོ་སྡེ་མང་པོའི་མཚན་གྱི་སྐད་དོད་ལ་བརྟེན་ནས་ལོ་ཙཱ་བ་ཤེས།། །། ༈

སྐྱེས་བུ་ཆུང་ངུ་དང་ཐུན་མོང་བའི་ལམ་ལ་བློ་འབྱོངས་པ་ཞིག་བྱུང་ན་ཚེ་བློས་བཏང་གི་གང་ཟག་ཟེར་བ་ཡིན། དེ་ལའང་གཏད་པ་བཞི། རྡོ་རྗེ་གསུམ། བུད་སྙེགས་ཐོབ་གསུམ་གྱི་བསམ་སྦྱོར་དགོས། བློ་ཕུག་ཆོས་ལ་གཏད་དགོས་ཏེ། འཆི་བའི་རྩ་བ་གསུམ་བསམ་དགོས་པའི་ཕྱིར། ཆོས་ཕུག་སྤྲང་ལ་གཏད་དགོས་ཏེ། དེ་ཡང་སྤྲང་འཁྱམ་བྱེད་པ་ཙམ་མ་ཡིན་ཏེ། འདོད་པའི་བློ་སྣ་བཟློག་དགོས་པ་ལ་ཟེར། དེས་ཕྱི་མ་ཕན་ཆད་ཀྱི་སྐྱིད་མགོ་ཚུགས་པའི་ཕྱིར། དེས་ན་ཆོས་འཇིག་རྟེན་གཉིས་ཀ་མཉམ་དུ་གྲུབ་པའི་དཔེ་མེད། སྤྲང་ཕུག་ཤི་ལ་གཏད་དགོས་ཏེ། འབྱོར་དབུལ་གཉིས་ཀ་འཆི་ཡང་། ཆོས་བྱས་ནས་འཆི་བ་ནི་ཁྱད་པར་ཆེ། འདིར་སྣང་གི་འཁྲི་བ་བཅད་པས་སྤྲང་ལ་ཐུག་ཀྱང་ཆོས་མི་གཏོང་། སྤྲང་ཐ་ཤི་ལ་ཐུག་ཀྱང་ཆོས་མི་གཏོང་བ་ཞིག་དགོས་པའི་ཕྱིར། ཤི་ཕུག་བྲག་པོ་སྐམ་པོ་ལ་གཏད་དགོས་ཏེ། ཚེ་འདིའི་འབྱོར་འཁོར་བུན་ལང་གིས་ཤི་ཚེ་གནོད་མ་གཏོགས་ཕན་མི་བཏགས་པའི་ཕྱིར། དེའང་ཡིན་ཏེ། བདག་ཅག་གི་སྟོན་པས་རབ་ཏུ་བྱུང་བ་དང་། འཚོ་བ་དཀའ་ཐུབ་ལ་བརྟེན་པ་དང་། ལོ་དྲུག་ཏུ་དཀའ་ཐུབ་ལས་གཞན་པའི་འཚོ་ཐབས་མི་མཛད་པ་དང་བཞུགས་གནས་ཆུ་བོ་ནཻ་རཉྫ་ནའི་འགྲམ་ཙམ་ལ་བརྟེན་པས་དེ་དང་དེ་གྲུབ་པའི་ཕྱིར། ཐེབ་མེད་རྡོ་རྗེ་སྔོན་ལ་བཏང་བཤོལ། མི་འགྱུར་བ། དགོས་པར་གྲུབ་སྟེ། རྒྱལ་པོ་སོགས་ཀྱིས་བཤོལ་ཐབས་མེད་པ་དང་། ཁྲེལ་མེད་རྡོ་རྗེ་རྗེས་ལ་འཇོག་དགོས་ཏེ། རྒྱལ་པོ་འཁོར་བཅས་མྱ་ངན་གྱིས་གདུང་ཡང་མ་གཟིགས་པ་དང་། ཡེ་ཤེས་རྡོ་རྗེ་རང་དང་འགྲོགས་དགོས་པར་གྲུབ་སྟེ། ལོ་དྲུག་ཏུ་མཁའ་ཁྱབ་ཀྱི་ཏིང་འཛིན་ལ་སྙོམས་པར་ཞུགས་པའི་ཕྱིར། གཞན་ཡང་རྒྱལ་པོའི་སྲིད་སྤངས་ནས་གཅིག་པུར་ཐོབ་པས་མི་གྲལ་ནས་བུད། ནཻ་རཉྫ་ནའི་འགྲམ་དུ་དཀའ་ཐུབ་ཀྱིས་འདའ་བའི་ཚེ་ཕྱུགས་རྫི་སོགས་ཀྱིས་འཕྱང་བས་ཁྱི་གྲལ་དུ་སྙེགས་པ་དང་། མཐར་སངས་རྒྱས་ནས་ལྷ་དང་བཅས་པའི་ཚོགས་ཀྱི་དབུས་ན་མངོན་པར་མཐོ་བ་སྟོན་པ་ཡང་དག་པ་མཉམ་མེད་ཤཱཀྱའི་རྒྱལ་པོ་ཉིད་དོ།། །། ༈

ལམ་སྦྱང་བསྟན་ཞེས་གྲགས་པའི་ལམ་ནི། ཚོགས་སྦྱོར་མཐོང་སྒོམ་བླ་ན་མེད་པའི་ཁྱད་པར་བྱང་ཆུབ་བར་ཆད་མེད་ལམ་སྟེ་དྲུག་གོ །སྦྱངས་ནི་སྤྱིར་སྡིག་པ་དང་ལམ་ཕྱི་མ་གཉིས་ལ་སྒྲིབ་གཉིས་སྦྱང་བའོ། །བསྟན་པ་ནི་ཁྱད་པར་གྱི་ལམ་བདེ་བ་ཅན་དུ་གནས་སྤོར་བ་མངོན་མཐོའི་ལམ་དང་། བར་ཆད་མེད་པའི་ལམ་བྱང་ཆུབ་ཆེན་པོར་གནས་སྤོར་བ་ངེས་ལེགས་ཀྱི་ལམ་བསྟན་པའོ། །ཡང་གཞུང་དང་སྦྱར་ན། དཀོན་མཆོག་རིན་ཆེན་དཔལ་ཞེས་པ་ནི་བདག་མདུན་གྱི་དཀྱིལ་འཁོར། དཀོན་མཆོག་རིན་ཆེན་ལས་བྱུང་བ། ཞེས་པ་ནི། དེ་དག་མཆོད་བསྟོད་སོགས་བྱས་པས་བསོད་ནམས་ཀྱི་ཚོགས་གསོག །དཀོན་མཆོག་རིན་ཆེན་འོད་ཟེར་གྱིས། ཞེས་པ་ནི། དེ་དག་གི་བྱིན་རླབས་སོ། །རིན་ཆེན་ཕྲེང་བ་རྣམ་དག །ཅེས་པ་ནི། དེ་དག་གི་བྱིན་རླབས་ལ་བརྟེན་ནས་སྒྲུབ་པ་པོའི་རྒྱུད་ཡོངས་སུ་དག་པས། གཞན་དོན་བྱེད་པའི་མཐུ་དང་ལྡན་པའོ། །དེ་དག་ནི་གཞན་དོན་རྒྱུ་རྐྱེན་ཚོགས་པའི་ཚོགས་ལམ་མོ། །བརྟེན་བསྐྱེད་ནས་ཕྱག་གི་བར་གྱིས་ནི། གཞན་དོན་རྒྱ་ཆེན་པོ་ལ་སྦྱོར་བས་སྦྱོར་ལམ་མོ། །དེ་ནས་དཀྱིལ་འཁོར་བསྟན་ནས་རྟེན་དང་བརྟེན་པའི་དཀྱིལ་འཁོར་མཐོང་བ་ནི་མཐོང་ལམ་མོ། །དེ་ནས་མཐོང་ཟིན་གྱི་དོན་ཡིད་ལ་བསྒོམ་པ་སྒོམ་ལམ་མོ། །གང་ཟག་གི་བདག་མེད་བསྟན་ནས་རྒྱལ་བའི་སྐུ་གསུམ་ཡེ་ཤེས་ལྔ་ལྡན་དུ་སྤོར་པ་ནི་ཁྱད་པར་གྱི་ལམ་མོ། །དེ་ནས་ཕུང་ཁམས་སྒྱུ་མ་ལྟ་བུའི་གང་ཟག་དེ། འདུན་པ་སྨོན་ལམ་གྱིས་མཚམས་སྦྱར་ནས་བདེ་བ་ཅན་དུ་གནས་སྤོར་བ་ནི་ཁྱད་པར་གྱི་ལམ་མོ། །དེ་ནས་ཕུང་ཁམས་སྐྱེ་མཆེད་ཀྱི་བག་ཆགས་མ་ལུས་པ་ཡེ་ཤེས་ཀྱི་མེས་བསྲེགས་ནས་རྒྱལ་བའི་སྐུ་གསུམ་ཡེ་ཤེས་ལྔ་ལྡན་དུ་བསྒྱུར་བ་འདི་ནི་བྱང་ཆུབ་བར་ཆད་མེད་པའི་ལམ་མོ། །ཞེས་གཙུག་དགུ་ནས་འབྱུང་བ་ལས་ཟུར་དུ་བཀོལ་བའོ།། །། ༈ སློབ་དཔོན་རབ་ཏུ་དགའ་བའི་རྡོ་རྗེས་མཛད་པའི་མཉམ་སྦྱོར་གྱི་འགྲེལ་པར། ཐེག་པ་ཆེན་པོའི་ཡོན་ཏན་རྒྱས་པ་མ་ལུས་པས་དུས་གསུམ་དུ་རྒྱལ་བ་ཐམས་ཅད་ལ་བསྟོད་པར་བྱའོ། །དེ་ཡང་མཉམ་ཉིད་མི་གཡོ། ཞེས་པ་ནས། མཆོག་ཆོས་ཅན། ཞེས་པའི་བར་གྱིས་མེ་ལོང་ལྟ་བུའི་ཡེ་ཤེས་ཀྱི་སྒོ་ནས་བསྟོད་པ་དང་། ཡོན་ཏན་ཤིན་ཏུ་ཕྲ་བའི་ཆ། ཞེས་པ་ནས། ངེས་པར་སྩོལ་གྱི་བར་དུ་མཉམ་པ་ཉིད་ཀྱི་ཡེ་ཤེས་ཀྱི་སྒོ་ནས་བསྟོད་པ་དང་། རྟག་ཏུ་དྲི་མ་མེད་པ། ཞེས་པ་ནས། རྟག་ཏུ་རྣམ་པར་སྣང་། ཞེས་པའི་བར་སོ་སོར་རྟོག་པའི་ཡེ་ཤེས་ཀྱི་སྒོ་ནས་བསྟོད་པ་དང་། ཚད་མེད་ཚད་དང་བྲལ་བའི། ཞེས་བྱ་བ་ནས། ཡོངས་སུ་མི་འགྱུར་ཞེས་བྱ་བའི་བར་གྱིས་བྱ་བ་ནན་ཏན་གྱི་ཡེ་ཤེས་ཀྱི་སྒོ་ནས་བསྟོད་པ་དང་། ཨེ་མ་ཧོ་ཤིན་ཏུ་བཟང་པོའི་ཞེས་པ་ནས། བདག་ལ་སྩོལ་ཞེས་པའི་བར་གྱིས་ཆོས་དབྱིངས་ཡེ་ཤེས་ཀྱི་སྒོ་ནས་བསྟོད་པ་ཡིན་ནོ། །ཞེས་གསུངས།། །། ༈ མཉྫུ་གྷོ་ཥ་པུཎྱ་ནི་རཱ་བྷོ་གས། རྩ་རྒྱུད་ལས། ངོ་བོས་གཟུགས་མེད་སོགས་ཀྱི་དོན། རྗེ་བཙུན་མཆེད་ཀྱིས། སེམས་མེད་ཅེས་པའི་དོན་འཆད་པ་ན། རྣལ་འབྱོར་སྤྱོད་པ་རྣམས་ནི་རྣམ་པར་ཤེས་པའི་ཚོགས་དྲུག་པོ་ཙམ་ལ་འདོད་དོ། །ཞེས་སློབ་དཔོན་ཤཱནྟི་པས་མུ་ཏིག་ཕྲེང་བར། གཟུང་བ་ཀུན་བརྟགས་ཕྱིའི་སྐྱེ་མཆེད་དྲུག་ངོ་བོས་མེད་དེ། བྱིས་པས་དངོས་པོར་བརྟགས་པ་ལྟར་གཅིག་དང་དུ་མའི་རང་བཞིན་དང་བྲལ་བའི་ཕྱིར་རོ། །འཛིན་པ་ཀུན་བཏགས་ནི་རྟེན་དབང་པོ་དྲུག་དང་། རྣམ་པར་ཤེས་པ་དྲུག་ལ་འཛིན་པར་བརྟགས་པ་ཉིད་ཡིན་ལ། དེ་ཡང་ཇི་ལྟར་བརྟགས་པ་དེ་ལྟར་ངོ་བོ་མེད་དེ། གཟུང་བ་མེད་ན་འཛིན་པ་མེད་པའི་ཕྱིར་རོ། །ཞེས་སེམས་སྤྱི་ལུགས་ཏེ། རྣམ་ཤེས་ཚོགས་དྲུག་གི་འཛིན་པ་ཀུན་བརྟགས་ཀྱི་ཆ་རྣམས་ངོ་བོས་མ་གྲུབ་པ་དང་། དབང་པོ་དྲུག་ལ་འཛིན་པར་བཏགས་པའི་ཆ་རྣམས་ཀྱང་ངོ་བོ་མེད་པར་འཆད་པ་ཡིན་གྱི། རྣམ་ཤེས་ཚོགས་དྲུག་ཉིད་ངོ་བོས་མ་གྲུབ་པའམ་རྫས་སུ་མ་གྲུབ་པར་འདོད་པ་མ་ཡིན་ནོ། །སྤྱི་ལྟར་ན་གཞན་དབང་ལ་སྐྱེ་བ་ངོ་བོ་ཉིད་མེད་ཅེས་བཏགས་པའི་རྗེས་སུ་འབྲངས་ཏེ་ཚོགས་བརྒྱད་ཀའི་ཀུན་བརྟགས་ཀྱི་ཆ་ངོ་བོས་མེད་ཅེས་བཤད་དུ་རུང་བར་སེམས། གང་ལྟར་ཚོགས་དྲུག་སོགས་ངོ་བོས་གྲུབ་པ་ཡིན་གྱི། དེ་དག་གི་ཀུན་ཏུ་བརྟགས་པའི་ཆ་ནི་གཉིས་སྣང་འཁྲུལ་པའི་ཚུལ་དུ་རྫས་སུ་གྲུབ་ཀྱི། ངོ་བོས་གྲུབ་པ་མ་ཡིན་ནོ། །ཞེས་བཞེད་པ་ལགས།། །། ༈

ཆོས་རྗེ་རྣམ་རྒྱལ་དཔལ་བཟང་གི་དྲིས་ལན་དུ། །རྔོག་ལོའི་སྤྲིངས་ཡིག་ལས། །རྨི་ལམ་གྲོང་ཁྱེར་ཞིག་གོ་ཞེས། །འཛིན་པའི་རྣམ་རྟོག་གང་ཡིན་དེས། །བཏགས་དོན་གྲོང་གི་ཞིག་པ་ཉིད། །གྲོང་ཉིད་མེད་ན་མེད་པ་ལྟར། །ཡང་དག་ཉིད་དུ་དངོས་མེད་ཅེས། །འཛིན་པའི་བློ་ཡིས་བཏགས་པའི་དོན། །ཡང་དག་བཀག་པ་མེད་ཉིད་ཀྱང་། །ཡང་དག་དངོས་པོར་མེད་པ་མིན། །འདི་ལྟར་ཡུལ་མེད་པ་ལ་ནི། །དགག་པ་འཇུག་པར་སྲིད་མ་ཡིན། །དེས་ན་མེད་ཅེས་ངེས་བྱ་བ། །དགག་པའི་དངོས་པོ་མ་གྲུབ་པས། །དེ་ཚེ་བཀག་པ་རྟེན་བྲལ་བས། །བློ་ཡི་མདུན་ན་གནས་མི་འགྱུར། །དེ་ལྟར་དངོས་པོ་ཡོད་མིན་ལ། །དེ་བཀག་པ་ཡང་མ་གྲུབ་ན། །དེ་གཉིས་ལས་འདས་དོན་འགའ་ཡང་། །འཛིན་པའི་ཡུལ་དུ་འགྲོ་མི་སྲིད། ཅེས་གསལ་བར་གསུངས་པའི་ཕྱིར་དང་། བདེན་གཉིས་འགྲེལ་པར་དོན་དམ་ཤེས་བྱ་མ་ཡིན་པར་འཆད་པས་ན། རྗེ་བཙུན་ས་སྐྱ་པའི་བཞེད་པ་སྙིང་པོའི་དགོངས་པ་རང་བཞིན་མེད་པའི་སྟོང་ཉིད་ལ་བཞེད་པ་གཉིས་དགོངས་པ་གཅིག་གོ །གལ་ཏེ་མེད་དགག་ལ་བཞེད་སྙམ་ན། མ་ཡིན་ཏེ། དེ་ལྟར་ན་དོན་དམ་ཤེས་བརྗོད་ཀྱི་ཡུལ་དུ་བཞེད་དགོས་ཏེ། གཞན་སེལ་མེད་དགག་གི་མ་རྟོག་པའི་དངོས་ཡུལ་ཡིན་པའི་ཕྱིར་རོ། །འོ་ན། ཚད་མས་རྣམ་གནས་དོན་གྱི་ཆ་ལ་རྣམ་དཔྱོད་བློས། །དོན་དེ་བཀག་ནས་གཞན་སྒྲུབ་མེད་ཅེས་ངེས་པར་བཟུང་། ཞེས་གསུངས་པ་ཅི་ཞེ་ན། འདི་ནི་གཞན་སེལ་གྱི་དགག་སྒྲུབ་བྱེད་པའི་སྐབས་ཀྱི་རྣམ་གྲངས་པའི་དོན་དམ་སྟོན་པའི་སྐབས་ཡིན་པས་དོན་དམ་རྣལ་མ་དང་མི་འདྲའོ།། །། ༈

རང་ལུགས་ཀྱི་བླ་མ་གོང་མ་འགས་བདེ་གཤེགས་སྙིང་པོ་དེ་ཆོས་ཅན་གསལ་བའི་ལྡོག་ཆར་འཆད་ཀྱང་། དེ་ལྟ་ན་རང་བཞིན་གནས་རིགས་ལ་ཡང་ཆོས་ཅན་གསལ་བའི་ལྡོག་པ་ནས་བཤད་པ་ཡོད་དགོས་པར་ཐལ་བའི་ཕྱིར། འདིར་ནི། ཟུང་འཇུག་སྤྲོས་བྲལ་ཁོ་ནའི་ལྡོག་པ་ནས་སྙིང་པོའི་མཐར་ཐུག་སྟོན་པར་འདོད་དེ། ངེས་དོན་གྱི་ལྟ་བ་རྙེད་ཅིང་སྤྲོས་བྲལ་དུ་གཏན་ལ་ཕབ་ནས། རྗེས་ཐོབ་ཕྱིན་དྲུག་གིས་བསྡུས་པའི་དགེ་བ་ཐམས་ཅད་དང་ཁྱད་པར་བསྔོ་བ་ལྟ་བུ་ཡང་དམིགས་མེད་ཤེས་རབ་ཀྱི་རྒྱས་བཏབ་སྟེ། བསྔོ་བྱའི་དགེ་བ་ཉིད་ཀྱང་ཡོད་མེད་ལས་འདས་པར་ཤེས་པར་བྱ་སྟེ། ཡོངས་སུ་མི་བསྔོ་བའི་ཚུལ་གྱིས་བསྔོ་བའི་ཚེ། ཆོས་ཉིད་དོན་དམ་བདེ་གཤེགས་སྙིང་པོ་ལ་ཡོད་པར་འཛིན་པ་ལྟ་ཅི་སྨོས། ཆོས་ཅན་ཐམས་ཅད་ཀྱང་ཡོད་མེད་ལས་འདས་པར་ཤེས་པའི་ངང་། དེ་དག་ཉམས་སུ་ལེན་པ་མི་འདོར་བ་སྒྱུ་མ་ལྟ་བུའི་ངང་ནས་ཀུན་ཏུ་སྤྱོད་པ་ནི་ཟུང་འཇུག་ཏུ་ཉམས་སུ་ལེན་པ་སྟེ། སྒྱུ་མའི་རྟ་གླང་དུ་ཤེས་པའི་གང་ཟག་གིས། སྒྱུ་མའི་རྟ་གླང་དེ་དག་ཡོད་མེད་གང་དུའང་རང་གི་བློ་ནས་ཁས་མི་ལེན་པ་བཞིན་ནོ། །འོན་ཀྱང་གང་ཟག་དེས་གཞན་དང་རྗེས་སུ་མཐུན་པའི་ཐ་སྙད་བཞག་པའི་ཚེ། འདི་ནི་རྟའོ། །འདི་ནི་གླང་པོའོ། །ཞེས་སོགས་གཞན་ལ་བརྗོད་དུ་རུང་བ་ལྟར། གོང་དུ་བསྟན་པའི་ལྟ་བ་རྙེད་པའི་གང་ཟག་དེ་དག་གིས་ཀྱང་། མཉམ་གཞག་ལྟ་ཞོག །རྗེས་ཐོབ་ཏུ་སྣང་བ་འདི་ཡང་། རང་གི་ཤེས་རབ་ཀྱི་ངོས་ནས་ཡོད་མེད་ཀྱི་ཐ་སྙད་མི་འདོགས་ཤིང་། འཛིན་པ་གང་ཡང་མི་བྱེད་མོད་ཀྱི། གཞན་ལ་གོ་བར་བྱ་བའི་ཆེད་དུ་ནི། མེད་ཀྱང་ཡོད་དོ་ཞེས། འཇིག་རྟེན་ངོར་བྱས་བདག་ནི་སྨྲ་བར་བྱེད། ཅེས་བཤད་པ་ལྟ་བུ་ཐ་སྙད་སྣ་ཚོགས་འདོགས་པར་བྱེད་དོ། །དེས་ན་ཉམས་ལེན་གྱི་མཐར་ཐུག་འདི་ལྟ་བུ་དང་བསྟུན་ན། ཆོས་ཉིད་དོན་དམ་ཡོད་པའི་དགེ་བར་ཁས་བླངས་ནས། བསྔོ་བ་བྱེད་པ་སོགས་དབུ་མའི་ཉམས་ལེན་གྱི་གནད་བཅོས་པ་སྟེ། འཁོར་འདས་དབྱེར་མེད་ཀྱི་ལྟ་བས་མ་ཟིན་པའི་བསྔོ་བ་ལ་མཆོག་ཏུ་བཟུང་བའི་ཕྱིར་རོ། །འདིར་ཆོས་ཐམས་ཅད་ཡོད་མེད་ལས་འདས་པར་འཆད་པའི་སྐབས་ཡིན་ཀྱང་། ཆོས་ཉིད་དམ་སྙིང་པོ་ཡོད་པ་དྲང་དོན་དུ་འཆད་པ་ནི། ཀུན་རྫོབ་བདེན་པ་མེད་ཀྱང་དོན་དམ་བདེན་པར་ཡོད་པར་འདོད་པ་དག་གི་ལོག་རྟོག་འགོག་པའི་སྐབས་ཡིན་པས་སོ། །འདི་ཙམ་ཞིག་གོ་ནའང་སྡོམ་གསུམ་གྱི་སྙིང་པོ་འཆད་པའི་སྐབས་ཀྱི་དོགས་པ་ཐམས་ཅད་རང་གྲོལ་ཏུ་འགྲོའོ།། །། ༈

རྒྱུད་སྡེ་སྤྱི་རྣམ་དུ། ལམ་གཅིག་ལ་འབྲས་བུ་གསུམ་དུ་འདོད་པ་ཟླ་བའི་ལུགས་སུ་བཤད་ནས། དེ་ཉིད་དགོངས་པ་ཅན་དུ་བསྟན་པ་ནི། ཟླ་བས་ཐེག་ཆེན་གཅིག་ཁོ་ནས་རིགས་ཅན་གསུམ་ཀ་གྲོལ་བར་བཤད་པ། དེའི་ལམ་གྱི་ཕྱོགས་བལྟ་བའི་ཆ་ཁོ་ནས་གྲོལ་བར་དགོངས་པ་ཡིན་ཏེ། གཞན་དུ་ན་རྒྱུད་སྨིན་བྱེད་ལམ་གསུམ་སོ་སོར་གསུངས་པའི་ཕྱིར་རོ། །དེས་ན་གྲོལ་བྱེད་རྟོགས་པའི་ལྟ་བ་ཁོ་ན་ཡིན་པར་དགོངས་སོ། །འདིར་ནི་མཐར་ཐུག་གི་འབྲས་བུར་ལྟོས་པའི་ཐེག་ཆེན་གྱི་ལམ་ཁོ་ན་འཆད་པ་ཡིན་ཏེ། དེའི་ཚེ་མཐར་ཐུག་གི་འབྲས་བུ་ཐབས་ཤེས་ཟུང་འཇུག་གཅིག་ཡིན་པ་ལྟར་དུ། དེ་ལ་ལྟོས་པའི་ཐེག་ཆེན་གྱི་ལམ་ཡང་ཐབས་ཤེས་ཡ་བྲལ་མ་ཡིན་པར་ཟུང་དུ་འཇུག་པའི་ལམ་གཅིག་ཉིད་ཡིན་ཅེས་སྟོན་པ་ན། སྤྱི་རྣམ་ལས་ཀྱང་ལམ་གཅིག་ལ་འབྲས་བུ་གཅིག་ཏུ་འདོད་པ་དང་། གནས་སྐབས་ལམ་གསུམ་ལ་མཐར་ཐུག་འབྲས་བུ་གཅིག་ཏུ་འདོད་པ་གཉིས་དོན་གཅིག་པར་གསུངས་པའི་དགོངས་པ་ཡང་གྲུབ་བོ། །མདོར་ན་སློབ་དཔོན་ཟླ་བས་རིགས་ཅན་གསུམ་ཀ་ཐེག་པ་ཆེན་པོའི་ལམ་གཅིག་གིས་གྲོལ་བར་བཤད་པ་དེ་སྒྲ་ཇི་བཞིན་བ་མ་ཡིན་གྱི་ལམ་གྱི་ཕྱོགས་གཅིག་ལྟ་བའི་ཆས་གྲོལ་བ་ལ་དགོངས་ཞེས་པའོ། །དེའང་ཕྱོགས་རེ་བ་མ་ཡིན་ཏེ། རང་རང་གི་སྨིན་བྱེད་དང་བཅས་པས་སོ། །འོ་ན་ཉན་ཐོས་རྣམས་ལ་ཐེག་ཆེན་གྱི་ལྟ་བ་ཡོད་དམ་ཞེ་ན། ཐེག་ཆེན་གྱི་གང་ཟག་གི་རྟོགས་པ་དང་མཚུངས་པའི་རྟོགས་ཚུལ་ཉན་རང་འཕགས་པ་རྣམས་ལ་ཡང་ཡོད་པས་ཐེག་ཆེན་གྱི་ལྟ་བ་ཡོད་ཅེས་བཏགས་སོ། །གཞན་ཡང་ཟླ་བས་ཉན་རང་དགྲ་བཅོམ་ལྷག་མེད་དུ་མྱ་ངན་ལས་འདས་པ་ཕྱིན་ཆད་སྐྱེ་བ་གཏན་མི་བཞེས་པ་ལྟ་བུར་གསུངས་པའང་དགོངས་པ་ཅན་ཏེ་མཐར་ཐུག་ཐེག་པ་གསུམ་དུ་འགྲོ་བའི་ཕྱིར་རོ།། །། ༈ ཀུན་སྤྱོད་ལས་ཕག་མོའི་ཕྱག་མཚན་རྡོ་རྗེ་ཀྱང་པ་ལ་གྲི་གུག་མེད་པ་ལྟ་བུ་ནི་འགྱུར་མ་ཐོན་པ་ཡིན་ནོ། ། ༈

མངོན་པའི་ལུགས་དང་། །ཕྱི་རོལ་པ་འདོད་པའི་གངས་ཅན་མཐུན་ཀྱང་། ཕྱི་མར་མ་དྲོས་པའི་ཐ་སྙད་མ་བཤད་ལ། ཆུ་བོ་བདུན་གྱིས་གཞི་དེ་མ་དྲོས་པར་བྱེད་དམ་སྙམ། ཏི་སེ་ལ། ཀེ་དཱ་ར་ཞེས་ཟེར་བ་ནི། ཁ་ཆེ་དང་འབྲི་ལིའི་མཚམས་ཀྱི་གནས་ཆེན་དེར་གྲགས། པུ་ལི་རཱ་མ་ཞེས། སྐྱེས་བུའི་རྟགས་ལ་དགའ་བ་ཞེས་ཡུལ་དེ་སྨད་འཚོང་མས་གང་བ་ཞིག་གོ་ཞེས་རྒྱ་གར་བ་འགའ་རེ་ཟེར། པཱུཪྞྜ་ནི་རི་དང་གཅིག་པའི་དབང་དུ་བྱས་ན། གང་བའི་རིའོ། །པྲེ་ཏ་པཱུ་རི་སཾ་གྷ་ཊ། ཞེས་པ། རབ་འོངས་དགེ་འདུན་དུ་བསྒྱུར་ནས། དགེ་སློང་བཞི་ཚོགས་པར་དགེ་འདུན་ཟེར་བ་བཞིན། རོ་བཞི་ཡན་ཆད་ཚོགས་པ་ལ་བཞེད་པ་མར་ལུགས་པ་འདོད་ཀྱང་། འགོས་འགྱུར་དུ། ཡིད་བཏགས་མཆོག་འདུས་ཆུ་བོའི་འགྲམ། ཞེས་བསྒྱུར་བ་ལེགས་སམ་སྙམ་མོད་དཔྱད་པར་བྱའོ། ། ༈ དྲིས་ལན་དོན་གསུམ་གསལ་བྱེད་ལས། སེམས་ཅན་ཐམས་ཅད་ལ་སྙིང་པོ་ཡོད་པར་བསྒྲུབས་པ་ཙམ་གྱིས་སྐྱོན་ལྔ་སྤོང་མི་ནུས་ཀྱི། མཚན་དཔེ་གསལ་རྫོགས་ཚུལ་གྱིས་ཡོད་པས་སྤང་དགོས། ཀྱེ་རྡོར་ལས། ཡུལ་དང་ཡུལ་ཅན་སོགས་ཕུང་ཁམས་སྐྱེ་མཆེད་ཐམས་ཅད་ཡོད་པར་གསུངས་པ། རང་བཞིན་གདོད་ནས་སོགས་ཀྱིས་ཡོད་པར་གསུངས་པའི་དགོངས་གཞི་ནི་སྣང་ཚོད་ཙམ་དུ་གྲུབ་པས་རྫུན་པ་མ་ཡིན་པ་ལ་དགོངས། དགོས་པ་ནི་རིལ་བོ་དང་། གཟུགས་དང་། གཟུགས་སེམས་གཉིས་ཀ་ལ་བདག་ཏུ་འཛིན་པའི་གཉེན་པོར་གསུངས། དངོས་ལ་གནོད་བྱེད་ནི། དེ་ཐམས་ཅད་ཀྱང་རྡུལ་ཕྲ་རབ་གཅིག་ལ་རྡུལ་དྲུག་འདུས་པའི་རིག་པ་དང་། སྐད་ཅིག་མའང་ཆ་ཤས་གསུམ་དུ་བྱེ་བའི་རིག་པས་བརྟགས་ན་མི་རྙེད་པས་བདེན་པ་མ་ཡིན་ཏེ། དེ་དག་ནི་དཔེར་ན་ཆུ་ཟླ་བཞིན་ནོ། །མདོར་ན་ཡོད་མེད་དུ་གསུངས་པ་ཐམས་ཅད་དགོངས་པ་ཅན་དུ་ཤེས་ན་དབུ་མའི་དོན་ལ་ཉེའོ། །ཐ་སྙད་ལ་གནས་ནས་བདེན་གཉིས་ཀྱི་རྣམ་གཞག་བྱེད་པའི་ཚེ། རང་བཞིན་ལྷན་སྐྱེས་དང་། དཔེ་དགུས་བསྟན་པའི་གཤེགས་སྙིང་གཉིས་ཀ་དོན་དམ་དུ་འཆད་ལ། ངེས་དོན་ལ་གནས་ནས་འཆད་པའི་ཚེ། དེ་གཉིས་རང་གི་ངོ་བོས་མ་གྲུབ་པས་ཡོད་པར་གསུངས་པ་དགོངས་པ་ཅན་ནོ་ཞེས་འཆད་དགོས། འདི་ལ་མྱང་འདས་ཀྱི་ལུང་གིས། དེ་བཞིན་གཤེགས་པའི་སྙིང་པོ་སྒྱུ་མ་ཙམ་དུ་སྒྲུབ་པ་དྲང་དོན་དུ་བཤད་པ་ཡོད། གཤེགས་སྙིང་གི་དགོངས་གཞི་སྟོང་ཉིད་ཡིན་ཞེས་གསུངས་པ་ནི། རང་བཞིན་སྤྲོས་བྲལ་སྟོང་པ་ཉིད་ལས་སྣ་ཚོགས་སུ་འབྱུང་དུ་རུང་བའི་རྟེན་ཅིང་འབྲེལ་འབྱུང་སྐྱེ་བ་མེད་པ་ཉིད་ཀྱི་ཆ་ནས་སྟོན་གྱི་ཆོས་ཉིད་སྤྲོས་བྲལ་གྱི་ཆ་ནས་ཁས་ལེན་དུ་མི་རུང་སྟེ། དེ་ནི་ཡོད་མེད་ལས་འདས་པའི་ཕྱིར། གངས་ལས་བྱུང་བའི་ཆུ་ལ་གངས་ཆུ་ཞེས་སྒྲ་བསྡུས་པ་ལྟ་བུའོ། །རང་གི་གོ་ཚོད་ལ་སྤྲོས་བྲལ་སྙིང་པོར་བཤད་ནས། དེ་དོན་དམ་དུ་ཡོད་མེད་ལས་འདས་པ་དང་། ཐ་སྙད་དུ་ཡོད་པའི་སྒྲུབ་བྱེད་དང་། གཞན་གྱི་འདོད་པ་ལྟར་ཡོད་པ་ལ་ཐ་སྙད་དུའང་གནོད་བྱེད་དེ་རིམ་པ་གསུམ་དུ་བཤད་ན་གཞུང་དང་འགྲིགས་གམ་སྙམ་མོ། །འདིའི་ཚེ་སྤྲོས་བྲལ་ཉིད་སྙིང་པོ་སྒྲ་གཞན་གྱི་ཚུལ་གྱིས་ཡོད་པར་གསུངས་པ་དགོངས་གཞིར་ཁས་བླང་ཆོག་གོ། ། ༈ ཀུན་གཞི་རྒྱུ་རྒྱུད་ནི། གནས་ལུགས་སྟོང་པ་ཉིད་ལ་མི་འདོད་དེ། དེ་རྟེན་འབྲེལ་གྱི་རང་བཞིན་ཡིན་ཀྱང་། དེའི་རང་བཞིན་རྟེན་འབྲེལ་ལས་འདས་ལ། སྐབས་འདིར་ནི་རྟེན་འབྲེལ་ལྔའི་ཡིག་ཆུང་ལས་དོན་བྱེད་ནུས་པའི་དངོས་པོར་བཤད་པའི་ཕྱིར་རོ། །དངོས་སྨྲའི་གཞུང་ལས་བཤད་པ་དེའང་མིན་ཏེ། དེ་དག་གིས་འདོད་པ་ལྟར་གྱི་ཀུན་གཞི་ཡོད་པར་མི་འགྲུབ་པས་སོ། །དེས་ན་སེམས་ཀྱི་རང་བཞིན་གསལ་བ་དང་། རྟོག་གེའི་གཞུང་ནས་བཤད་པའི་རང་རིག་མངོན་སུམ། ཚོགས་བརྒྱད་ཀྱི་ནང་ཚན་ཀུན་གཞིའི་རྣམ་ཤེས་ཏེ། དེ་ནི་དུས་དང་གནས་སྐབས་ཐམས་ཅད་དུ་ཤེས་པ་ཐམས་ཅད་ལ་ཁྱབ་ཅིང་རྗེས་སུ་འགྲོ་བ་རྒྱུན་མི་འཆད་པ་རང་རིག་པ་ནི་སྐབས་འདིའི་ཀུན་གཞིའི་རྒྱུ་རྒྱུད་དེ། མདོར་ན་འཁོར་འདས་ཀྱི་སྣང་ཆ་ཐམས་ཅད་ཀུན་གཞི་གཅིག་གི་རྣམ་རོལ་ཏུ་གོ་ཞིང་། དེའང་རང་བཞིན་གྱིས་སྤྲོས་པ་དང་བྲལ་བའི་ཆ་དེ་ཉིད་དེ་ལྟར་ཤར་བ་ཡིན་ཕྱིར་ཐམས་ཅད་གནད་གཅིག་ཏུ་གོ་བར་བྱའོ། །འོན་ཀྱང་ཀུན་གཞིའི་རྣམ་ཤེས་དེའང་མངོན་པའི་གཞུང་ནས་བཤད་པ་ལྟར་ཁས་མི་ལེན་ཏེ། དེ་ནི་ལས་ཀྱི་མཚན་ཉིད་སྟེང་ནས་འཇོག་པས་རྒྱུན་འཆད་པ་སྲིད་ལ། འདིར་རྒྱུན་ཆད་པ་མི་སྲིད་དེ། དེ་ལྟར་འདོད་ན་ལང་གཤེགས་ལས་འཆད་ལྟར་བཤད་པ་དང་འགལ་ཞིང་། དེས་ན་མངོན་པ་ནས་ཟག་བཅས་ཀྱི་སྟེང་ནས་འཇོག་པ་ཁོ་ནར་བསམས་ནས། ཀུན་གཞིའི་རྣམ་ཤེས་ཟག་མེད་དུ་སྨྲ་བ་འགལ་ཞེས་བརྗོད་པ་ནི་གནད་འདི་མ་རྟོགས་པའོ།། །། ༈

བྱང་བ་མཆོད་གནས་པའི་དྲིས་ལན་ལས། རིག་གཏེར་དུ་རང་རྒྱལ་སློབ་པ་མེད་པར་བཤད་པ་དང་། དགོངས་གསལ་དུ་དེའི་ལམ་ལྔ་བཤད་པ་འགལ་ལོ་ཞེ་ན་མི་འགལ་ཏེ། སྔ་མ་འདུལ་མཛོད་ཀྱི་རྗེས་སུ་འབྲངས་ཏེ། རང་རྒྱལ་གྱི་རིགས་ཅན་ཞིག་གིས་དྲོད་ནས་བཟུང་ནས་ཟད་དང་མི་སྐྱེ་ཤེས་པའི་བར་སྟན་ཐོག་གཅིག་ལ་མངོན་དུ་བྱེད་པའི་ཚེ། ལམ་སྔ་མ་སྐྱེས་ནས། ཕྱི་མ་མ་སྐྱེས་པའི་བར་ལ། སྦྱོར་མཐོང་སྒོམ་ལམ་པ་རྣམས་དོན་གྱིས་ཐོབ་ཀྱང་། ལམ་འཇུག་པ་མྱུར་བས་དེ་འདྲའི་ཐ་སྙད་མ་གསུངས་པ་དང་། རང་སངས་རྒྱས་མངོན་དུ་མ་བྱས་པར་རང་སངས་རྒྱས་ཀྱི་ཐ་སྙད་མི་འཇུག་པས་རང་རྒྱལ་སློབ་པའི་རྣམ་གཞག་མི་བྱེད་དོ། ཕྱི་མ་ནི་རང་སངས་རྒྱས་ཀྱི་རིགས་ཅན་ཞིག་གིས་བྱང་ཆུབ་མ་ཐོབ་པའི་གནས་སྐབས་སུ་དེ་ཐོབ་པར་བྱེད་པའི་ལམ་བསྒོམ་པ་ལ་དེའི་ཐ་སྙད་གཞག་པ་ཡིན་པས་མི་འགལ་ལོ།། །། ༈ གླེགས་བམ་ལས་མངོན་རྟོགས་ཚུལ་བཅོ་ལྔ་གསུངས་པ་ནི། ཟླ་ཟེར་ལས་དག་ལྡན་དུ། མན་ངག་ལུགས་ཀྱི་མངོན་རྟོགས་ཚུལ་བཅུ་བཞི་དང་། མ་སྦས་པ་མི་ཐུབ་ཟླ་བའི་ལུགས་ཀྱི་འཁྲུགས་ཅན་ཏེ་བཅོ་ལྔའམ། ཡང་བདག་མེད་མའི་མངོན་རྟོགས་ལ་ཚུལ་བཅོ་ལྔར་བགྲངས་པའང་འཐད་ལ། རང་ལུགས་དག་ལྡན་ལས་གསུངས་པའི་མན་ངག་ལུགས་ཀྱི་ཚུལ་བཅུ་གསུམ་ལ། རྟོགས་པ་དམན་པས་སྐད་ཅིག་གིས་བསྐྱེད་པ་ཕྱི་དཀྱིལ་རྐྱང་པ་བསྒོམ་པ་དང་། རྟོགས་པ་མཆོག་ཏུ་གྱུར་པས་དེ་ཉིད་ལུས་དཀྱིལ་དང་མ་འབྲེལ་བར་བསྒོམ་དུ་མི་རུང་བས་བཅོ་ལྔའོ། །སྙམ་མོ། །དེའི་ཕྱིར་གླེགས་བམ་ལས། དེའང་ཞིབ་པར་དབྱེ་ན་བཅོ་ལྔར་སྣང་མོད། ཅེས་པས་གསལ་ལོ།། །། ༈ སྦས་པའི་རྩ་ལྔའི་བཤད་པ་རྡོ་རྗེ་འཆང་གིས་ལོ་ཙཱ་བ་རྡོ་རྗེ་དཔལ་གྱི་དྲིས་ལན་དུ་ཡོད། ཞིབ་པར་བརྗོད་དུ་མི་བཏུབ་བོ། །ཡུལ་སྤྲོས་བྲལ་གྱི་ཆ་ནས་ལྟ་བར་བཞག་པའི་ཚེ་མདོ་སྔགས་གཉིས་མཉམ་ལ། དེ་རྟོགས་བྱེད་པའི་བློ་ཡུལ་ཅན་ཡེ་ཤེས་ལ་ལྟ་བར་བཞག་པའི་ཚེ་ཁྱད་པར་ཤིན་ཏུ་ཆེ་སྟེ། དབང་གི་ཡེ་ཤེས་ཀྱི་ལྟ་བའི་སྤྲོས་བྲལ་རྟོགས་ཚུལ། ཕར་ཕྱིན་གྱི་མཐོང་ལམ་ལ་ཡང་མེད་པའི་ཕྱིར་རོ། །རྟགས་གྲུབ་སྟེ་དབང་གོང་མའི་ཡེ་ཤེས་རྣལ་མ་རྒྱུད་ལ་སྐྱེས་པ་དེ་ནང་གི་རྟེན་འབྲེལ་གྱི་འདུ་འཕྲོད་ལས་བདེ་ཆེན་གྱི་རྣམ་པར་སྐྱེ་ཞིང་། མཐོང་ལམ་རྐྱང་པ་ལ་ཆོས་ཉིད་མངོན་སུམ་དུ་མཐོང་བ་ཡོད་ཀྱང་ཁྱད་ཆོས་དེ་དག་མེད་པའི་ཕྱིར་རོ།། །། ༈ སྤྱིར་སྨོན་སེམས་གཏོང་བ་ལ་རྩ་ལྟུང་དུ་འཇོག་ཀྱང་། ཀུནྡ་སྤངས་པས་ཀྱང་དེར་འགྱུར་བ་ཞིག་ཡོད།། །། ༈ གཞུང་བཤད་ལས་སློབ་ལམ་ས་བཅུ་གཉིས་དང་། མན་ངག་ལས་ཕྱེད་དང་བཅུ་གསུམ་ཞེས་པ་ནི། ཕྱི་མས་བཅུ་གཉིས་པའི་མཇུག་དང་། བཅུ་གསུམ་པའི་སྦྱོར་བའི་གནས་སྐབས་ལ་དེ་དང་དེར་བཏགས་པར་ཟད་ཀྱི། ས་བཅུ་གསུམ་པ་ཐོབ་ཟིན་པ་ཞིག་ལ་ཕྱེད་ཚལ་དུ་བཏང་ནས་སློབ་མི་སློབ་ལ་སྦྱར་བ་གཏན་མི་སྲིད། འོ་ན་མི་སློབ་ལམ་གྱི་སྦྱོར་བ་ལ་མི་སློབ་ལམ་དུ་འདོད་པ་མི་འཐད། ཞེ་ན། མི་འགལ་ཏེ། དེ་ལ་སེམས་བསྐྱེད་པ་དང་པོ་གསུམ་ནི་སྦྱོར་བ་དང་དངོས་གཞི་དང་མཇུག་གི་སྒོ་ནས་སངས་རྒྱས་ཀྱི་ས ས་བསྡུས་སོ། །ཞེས་དང་། ས་བཅུ་པར་སངས་རྒྱས་ཀྱི་སར་བཤད་པ་བཞིན་ནོ།། །། ༈ འཚོ་བྱེད་ཆོས་སྐྱོང་དཔལ་བཟང་གི་དྲིས་ལན་ལས།། །། ༈ རྡོར་སེམས་བསྒོམ་བཟླས་ཐུན་མཚམས་སུ་དགོས་པ། སྔོན་འགྲོར་སྦྱར་ན་མི་འགལ་ཏེ། སྐྱབས་འགྲོ་སེམས་བསྐྱེད་རྡོར་སེམས་བསྒོམ། གསུམ་ནི་སྤྱི་ཡི་སྔོན་འགྲོ་ཡིན། ཅེས་གསུངས་པས་མངོན་པར་རྟོགས་པའི་ཉམས་ལེན་ཐུན་གཅིག་ལའང་སྡོམ་གསུམ་གྱི་ཉེས་ལྟུང་སོར་ཆུད་པའི་ཉམས་ལེན་རེ་སྔོན་དུ་སྦྱོར་བ་སྤྱིའི་ཕྱག་ལེན། ཀྱེ་རྡོར་ལ་བླ་མ་གོང་མས་མ་བཤད་ཀྱང་། ཕྱི་མ་རྣམས་ཀྱིས་དུས་དང་བསྟུན་ནས་གསལ་བར་བྱས་པ་ཡིན་པས་ཕུན་སུམ་ཚོགས་པའི་ཡན་ལག་གོ། །། ༈

ཤཱུ་ནྱ་ཏཱའི་སྔགས་ཀྱིས་སྦྱངས་པའི་སྟོང་པ་དེའི་ངང་ལས་སྣང་བའི་ལྡོག་ཆ་ལྷར་བསྒོམ་པ་ཡིན་གྱི། འབྲི་གུང་པ་ལྟར་ལྷ་ཡོངས་གྲུབ་ཏུ་ཡོད་པ་ཞིག་བསྒོམ་པའམ། རྙིང་མ་པ་ལྟར་ཀུན་རྫོབ་ལྷ་རུ་ལྟ་བ་ལྟ་བུ་མ་ཡིན་ཏེ། དེ་དག་ནི་འཇམ་དབྱངས་བླ་མའི་དགག་བྱ་ཡིན་པའི་ཕྱིར་རོ། །དེ་ཡང་། དང་པོ་མི་འཐད་དེ། དེ་ཁོ་ན་ཉིད་སྤྲོས་ཀུན་བྲལ་ཞིང་། ཡོད་མེད་སོགས་གང་དུའང་འཕགས་པ་རྣམས་ཀྱིས་མ་གཟིགས་པས་གང་དུའང་བསྒོམ་པར་བྱ་བ་མ་ཡིན་ཞིང་། སོ་སྐྱེའི་བློས་རྗེས་དཔག་གིས་འཆད་པའི་སྐབས་སུའང་ཡོད་མེད་ལས་འདས་པར་འཆད་དགོས་པས། དེ་ཡོད་པར་བྱ་བ་བཟུང་ནས་ལྷར་བསྒོམས་ན་དམིགས་མེད་དམིགས་པར་བྱས་པའི་ཕྱིར་རོ། །ཕྱི་མ་ལའང་མི་འཐད་དེ། ལྟ་བའི་ངོས་ནས་ལྷ་དང་ལྷ་མ་ཡིན་པ་སོགས་གང་དུའང་མི་བལྟ་ཞིང་། བསྒོམ་པའི་ངོས་ནས་ཀུན་རྫོབ་ཀྱི་སྣང་བ་སྒྱུ་མ་ལྟ་བུ་འདི། རྣལ་འབྱོར་གྱི་རྒྱུད་མན་ཆད་དུ་སྒྱུ་མ་ཙམ་དུ་བལྟ་བའང་། བླ་མེད་ཀྱིས་སྣང་བའི་འཁོར་ལོ་ཐམས་ཅད་ལྷར་གསལ་བཏབ་སྟེ་བསྒོམ་རྒྱུ་ཡིན་པས། སྤྲོས་བྲལ་གྱི་ཆ་ནས་ལྷར་མི་བསྒོམ་གྱི་སྣང་བའི་ཆ་ནས་ལྷར་བསྒོམ་པ་ཡིན། སྤྱིར་ཡང་ལྟ་བ་ཞེས་པ་ནི་ཡུལ་དངོས་པོའི་གནས་ལུགས་སྒྲོ་འདོགས་ཆོད་པའི་བློ་ནས། འཕགས་པའི་མཉམ་གཞག་ཡུལ་དང་བཅས་པའི་བར་ཡིན་ཞིང་། དེ་ནི་སྔར་སྨོས་པ་ལྟར་རོ། །གཞན་ཡང་སྟོང་པ་ཉིད་ལྷར་བསྒོམ་པ་དང། དེའི་ངང་ལས་བསྒོམ་པ་ཡིད་བྱེད་པ་སོགས་འཁྲུལ་པ་མང་། རང་བཞིན་གྱི་དཀྱིལ་འཁོར་ཀྱང་རྡུལ་ཚོན་སོགས་བཅོས་མར་ལྟོས་ན་ཚེགས་ཆུང་བས་དེ་ལྟར་བཤད་ཀྱི་གཞན་མ་ཡིན་ལ། རང་བཞིན་ལྷུན་གྲུབ་ནི། དང་པོ་ནས་ཡོད་པ་ཞིག་ལ་མི་ཟེར་གྱི་སེམས་ཀྱི་རང་བཞིན་ལ་འཕོ་འགྱུར་མེད་པས་ན་དེར་བཏགས་སོ། །གལ་ཏེ་དོན་དམ་ལྟར་བསྒོམས་ན་གོང་འཕེལ་དུ་འགྱུར་དགོས་ལ། དེས་ན་རང་བཞིན་གནས་འགྱུར་དུའང་ཁས་ལེན་དགོས་སོ། །དེ་བླངས་ན། རང་བཞིན་གྱི་སྒོ་ནས་གནས་འགྱུར་མེད་པ་དང་། ཡོན་ཏན་གྱི་སྒོ་ནས་ཡོད་པར་གསུངས་པའང་མི་འཐད་དོ།། །། ༈ དངོས་དབང་རབ་བྱུང་གིས་བསྐུར་བ་རྒྱུད་དང་འགྲེལ་བྱེད་ཚད་ལྡན་གྱིས་མ་བཤད་དེ། རླུང་ནུས་ཙམ་ཐོབ་ཀྱང་ཀུནྡཱ་གཏོང་བར་ནི་འདྲ་བས། དེ་ཙམ་གྱིས་ལྟུང་བར་འགྱུར་བའི་ཕྱིར་རོ། །སྙམ། རྒྱ་གར་གྱི་རབ་བྱུང་འགའ་ཞིག་གིས་མཛད་པར་བཤད་ཀྱང་། དེ་ཕྱིན་ཆད་དེའི་རྟགས་དོར་ཏེ་སྤྱོད་པ་ལ་ཞུགས་པ་ཡིན་པས་མི་མཚུངས་སོ།། །། ༈ མགོན་པོ་རྒྱལ་མཚན་གྱི་དྲིས་ལན་ལས། ཉི་མའི་སྙིང་པོ་དང་། ཟླ་བའི་སྙིང་པོའི་མདོ། གླང་རུ་ལུང་བསྟན། ལི་ཡུལ་ལུང་བསྟན། དགེ་འདུན་འཕེལ་གྱི་ལུང་བསྟན། དགའ་བའི་བཤེས་གཉེན་གྱི་རྟོགས་བརྗོད་རྣམས་ལས་འབྱུང་བའི་དོན། རྒྱལ་པོ་མྱ་ངན་མེད་ཀྱི་སྲས་རྣམ་ཐོས་སྲས་ཀྱིས་མཆོད་རྟེན་ཐམས་ཅད་བསྐོར་ཞིང་བྱོན་སའི་དུས་བཙས་པ་ཞེས་བྱ་བས་དང་པོར་བཟུང་། རྒྱ་ནག་རྒྱལ་པོར་བུ་སྟོང་དུ་གཅིག་གིས་མ་ཚང་བ་ལ་བྱིན། དེར་རྒྱལ་པོ་བྱེད་དུ་མ་འདོད་དེ། དམག་སྟོང་ཕྲག་བཅུ་དང་སྦྲགས་ནུབ་ཕྱོགས་སུ་ཡུལ་འཚོལ་བར་ཕྱིན། མྱ་ངན་མེད་པའི་བློན་པོ་ཡ་ཤཿཞེས་པ་དམག་བདུན་སྟོང་ཁྲིད་ནས་འོང་བའང་ནུབ་ཕྱོགས་ཐེན་གྱི་ཤེལ་ཆབ་གོང་མར་འཛོམ། དེར་རྒྱལ་བློན་རྒྱས་ཏེ། ཡུལ་གསར་དུ་བཀོད། རྒྱ་གར་དང་རྒྱ་ནག་གི་མི་རིགས་འདྲེས་མར་བཀོད། ཡི་གེ་དང་ཆོས་ལུགས་ཕལ་ཆེར་རྒྱ་གར་དང་མཐུན་ཅིང་། འཇིག་རྟེན་གྱི་ལུགས་ཕལ་ཆེར་རྒྱ་ནག་དང་མཐུན་པར་གྱུར། དེའི་བུ་རྒྱལ་པོ་བི་ཛ་ཡ་སཾ་བྷ་བས་འཇམ་དབྱངས་ཀྱི་སྤྲུལ་པ་དགེ་སློང་བཻ་རོ་ཙ་ན་སྤྱན་དྲངས། ཙར་མ་ཞེས་བྱ་བའི་གཙུག་ལག་ཁང་དང་མཆོད་རྟེན་མང་དུ་བརྩིགས་ཏེ་དམ་པ་ཆོས་ཀྱི་དབུ་བརྙེས། གནས་བརྟན་བཅུ་དྲུག་ཀྱང་བྱོན། ཁ་ཆེའི་ཡུལ་ན་དེ་བཞིན་གཤེགས་པ་བདུན་གྱི་སྐུ་གདུང་བཞུགས་པའི་མཆོད་རྟེན་ཀྱང་རྫུ་འཕྲུལ་གྱིས་ནམ་མཁའ་ནས་གདན་དྲངས་ཏེ་ཙརྨའི་གཙུག་ལག་ཁང་དུ་བཞུགས། དེ་ན་བྱམས་པའི་སྤྲུལ་པ་རྒྱལ་པོ་ལི་རྗེ་བི་ཛ་ཡབྷཱ་རི་ཡ་ཞེས་པས་རྒྱ་གར་གྱི་དགྲ་བཅོམ་བཞི་མཆོད་གནས་སུ་བཀུར། ཀེའུ་དོ་ཤན་གྱི་རི་བོ་ན་སངས་རྒྱས་འོད་སྲུང་གི་སྐུ་གདུང་བཞུགས་པའི་མཆོད་རྟེན་གོ་མ་ས་ལ་གནྡྷ་སྟེ་ཙནྡན་ས་མཆོག་གི་དྲིའི་མཆོད་རྟེན་ཅེས་བྱ། འདི་ལ་དད་པས་མཆོད་པ་ཀུན་ཕྱིར་མི་ལྡོག་པར་གསུངས། །བ་ཤའི་ཡུལ་ཞེས་པའང་ལི་ཡུལ་གྱི་ནང་ཚན་དྲོན་ཏི་ཞེས་བྱ་བ་ལ་འདོད། སྤྱིར་ནི་མི་གཅིག་གོ །གཞན་ཡང་དེར་གཙུག་ལག་ཁང་ཆེན་༦༨པོ། འབྲིང་༣༥། ཆུང་ངུ་༡༤༨། ཕྱི་རོལ་གྱི་ཁོར་ཡུག་ཚུན་ཆད་བརྩིས་ན་སྟོང་ཕྲག་བརྒྱ་བརྒྱད་ཅུ་རྩ་བརྒྱད་དུ་ཡོད་པར་བཤད། ཡང་རྒྱལ་པོ་བི་ཛ་ཡ་བིཪྻས་རི་གླང་མགོའི་སྟེང་དུ་གྷི་ཏོ་ཤན་གྱི་གཙུག་ལག་ཁང་ཆེན་པོ་བརྩིགས། དེར་ཐུབ་ཆེན་བཞུགས། དེ་དག་གི་སྲུང་མ་རྣམ་སྲས། ཡང་དག་ཤེས་ཀླུའི་རྒྱལ་པོ་མ་དྲོས་པ་རྣམས་ཡིན་པར་བཤད། འདི་དང་བལ་ཡུལ་མི་གཅིག་སྟེ། སྒྲོལ་མ་རལ་པ་གྱེན་བརྫེས་ཀྱི་རྒྱུད་ལས། བལ་ཡུལ་དེ་བཞིན་མང་ཡུལ་དང། རྒྱ་ནག་ཆེ་དང་ལི་ཡུལ་ཀྱི། དེ་དག་མ་ལུས་གྲུབ་པའི་ཞིང་། ཞེས་བསྔགས་ཤིང། བསོད་རྩེས་ཀྱང་། ལིའི་ཡུལ་དང་། བལ་ཡུལ་ཅེས་ཐ་དད་དུ་བཤད་པ་སོགས་ལུང་རིགས་ཀྱིས་གནོད། གོ་མ་ས་ལ་གནྡྷ་དང་ཤིན་ཀུན་ཡང་མི་གཅིག་སྟེ། སྔ་མ་འོད་སྲུང་གི་དུས་སུ་བྱུང་ལ། ཕྱི་མ་བལ་བོའི་རྒྱལ་པོ་འོད་ཟེར་གོ་ཆས་བརྩིགས་པར་ལམ་འབྲས་ཞྭ་མ་ལུགས་ཀྱི་གཏམ་རྒྱུད་ལས་འབྱུང་ངོ་། །འོ་ན་དེ་ཕྱོགས་གང་དུ་ཡོད་ཅེ་ན། དེང་སང་དངོས་སུ་མཐོང་བ་སོགས་མི་འདུག་པས་འཆད་དཀའ་ཡང་། ལུང་ལས་རྗེས་སུ་དཔགས་ན། རྒྱ་ནག་དང་བོད་ཡུལ་དབུས་ནས་གཞལ་བའི་ནུབ། རྡོ་རྗེ་གདན་གྱི་ནུབ་བྱང་གི་མཚམས་ན་ཡོད་པར་གྲུབ་སྟེ། དང་པོ་ནི། ལི་ཡུལ་ལུང་བསྟན་ལས། དམག་སྟོང་ཕྲག་བཅུ་དང་བཅས་ཏེ་ནུབ་ཕྱོགས་སུ་ཡུལ་ཚོལ་དུ་ཕྱིན་ཏེ། ཅེས་པས་གྲུབ་ལ། གཉིས་པ་ནི། ཀ་ལིངྐ་ཡི་ཡུལ་དེར་ཡོད་པར་བཤད་པ། དེ་གུ་གེ་མང་ནང་གི་རྒྱབ། རྡོ་རྗེ་གདན་ནས་དཔག་ཚད་དྲུག་ཅུ་རྩ་བུ་སྟོན་གྱིས་བཅུ་གཉིས་བཤད་ཀྱང་ཧ་ཅང་ཐུང་སྙམ། མཆན། གཉིས་ན་ཡོད་པར་བཤད་པས་སོ།། །། ༈ ཁ་ཤའི་ཡུལ་ཅེས་པ་འཐུང་སྤྱོད་ཀྱི་ཡ་གྱལ་གཅིག་ཡོད་པར་བཤད་པའི་མོན་ཡུལ་དེར་བཞག་ནས། དེ་ལས་གཞན་པའི་ལི་ཡུལ་ཞིག་ཡོད་པར། ས་པཎ་གྱིས། ཁ་ཆེ་དང་ནི་ཁ་ཤ་སོགས། མ་ཁ་དང་ནི་ལི་ཡི་ཡུལ། ཅེས་གསུངས། འདི་ན་སྔར་དགྲ་བཅོམ་ཞིག་རི་དྭགས་རུ་རུ་གསེར་གྱི་མདོག་ཅན་ཞིག་ཏུ་སྤྲུལ་ཏེ་འབྱོན་པས་ཡུལ་གྱི་མིང་ལའང་དེ་སྐད་བཏགས་པར་བཤད། དོན་མོན་ཡུལ་ལ། རྒྱ་གར་གྱི་སྐད་དུ། ཀཱི་ར་དང་། ཀཽ་ར། ཕལ་སྐད་དུ་ཁ་ཤ་ཞེས་ཟེར་རོ།། །། ༈ སྟོན་པ་ཡུམ་གྱི་ལྷུམས་སུ་ཞུགས་པ་དང་། དེའི་ཚེ་གསོ་སྦྱོང་བླངས་པ་འགལ་ཅེ་ན། དེ་ནི་འཇིག་རྟེན་གྱི་སྣང་ངོ་ཙམ་ལས། རྒྱལ་པོ་ཟས་གཙང་དང་། ཡུམ་སྒྱུ་འཕྲུལ་མའི་ཁམས་གཉིས་ལས་གྲུབ་པ་མ་ཡིན་ཏེ། དེ་ལྟར་གྲུབ་པ་ཐམས་ཅད་དྲང་དོན་དུ་བལྟ་བར་བྱའོ། །དེ་སྐད་དུ་འཇིག་རྟེན་མཐུན་འཇུག་གི་མདོ་ལས། །དེ་བཞིན་གཤེགས་པ་རྣམས་ཀྱི་སྐུ། །འཁྲིག་པ་ལས་ནི་བྱུང་མིན་ལ། །ཡབ་དང་ཡུམ་ཡང་སྟོན་པར་མཛད། །འདི་ནི་འཇིག་རྟེན་མཐུན་འཇུག་ཡིན། །ཞེས་འཇིག་རྟེན་གྱི་མི་རིགས་ལ། ཤཱཀྱའི་སྲས་ཞེས་བརྗོད་པའང་མི་འགལ་ཏེ། སྐྱ་བསེང་གི་བུ་ལྔ་བཞིན་ནོ། །དེ་ནི་ཡབ་ལ་མ་ལྟོས་པར་ཡུམ་གྱི་ལྷུམས་སུ་ཞུགས་པ་ཡིན་ལ། དེའི་གསོ་སྦྱོང་ཡང་སྔོན་གྱི་རིག་བྱེད་ལས་འབྱུང་བ་ལྟར་ཚུལ་ཁྲིམས་ཡན་ལག་ལྔ་པ་དང་། བརྒྱད་བསྟེན་བཞིན་དུ་འཁྲིག་པ་སྤྱོད་པ་ཙམ་གྱིས་བསླབ་པ་དང་མི་འགལ་ཏེ། དེར་ལོག་གཡེམ་སོང་བར་གསུངས་པའི་ཕྱིར་རོ།། །། ༈ སྲས་སྒྲ་གཅན་འཛིན་མངོན་འབྱུང་སོགས་ལས་གྲགས་འཛིན་མ་དང་། སོར་འབྲང་སོགས་ལས་ས་མཚོ་མར་འཁྲུངས་པར་བཤད། ཁ་ཅིག་དེ་གཉིས་གཅིག་པར་འདོད་ཀྱང་། ལུང་གཞི་ལས། སྔ་མ་ཤཱཀྱ་ལག་ན་བེ་ཅོན་དང་། ཕྱི་མ་དྲིལ་བུའི་སྒྲའི་བུ་མོ་ཡིན་པར་བཤད་པས་ཐ་དད། དེས་ན་དེ་གཉིས་ཀའི་བསམ་ངོ་དང་མཐུན་པར། གཉིས་ཀར་བལྟམས་པའི་ཚུལ་མཛད་པ་ཡིན་པས་མི་འགལ་ལམ་སྙམ་ལགས།། །། ༈

བོད་ཀྱི་རྒྱལ་རིགས་ནི། འཇམ་དཔལ་རྩ་རྒྱུད་ཤཱཀྱ་བློ་གྲོས་ཀྱི་འགྱུར་ལས། །ལྷ་ཡུལ་ལྡན་ཞེས་བྱ་བ་ནས། །གངས་ཅན་ཡུལ་གྱི་ནང་གནས་པར། །རྒྱལ་པོ་མི་ལི་ལྷ་ཞེས་པ། །ལི་ཙཱ་བཱི་ཡི་རིགས་སུ་འབྱུང་། །ཞེས་དང་། ཆོས་ཀྱི་ཤེས་རབ་ཀྱི་འགྱུར་དུ། །ཁ་བའི་རླབས་ཅན་ནང་གནས་པར། །ང་རྒྱལ་བྲལ་བའི་རྒྱལ་པོ་ལྷ། །རྒྱལ་བའི་ཤཱཀྱ་ཆེན་པོའི་རིགས་རིགས་སུ་འབྱུང་བ་སྟེ། ཞེས་བཤད་པས། ཕྱི་མ་དག་གམ་སྙམ་སྟེ། ལྷ་བླ་མ་ལ་སོགས་པའི་ཡིག་ཚང་རྙིང་པ་ཤིན་ཏུ་དག་པ་རྣམས་དང་མཐུན་པས་སོ།། །། དྲི་མེད་ལུང་། དར་བར་འགྱུར་དང་། རྒྱས་པར་འགྱུར་གཉིས་ཕྱི་མ་འཐད་དམ་སྙམ་སྟེ། ས་པཎྜི་ཏས། ང་ནི་མྱ་ངན་འདས་གྱུར་ནས། །ལོ་ནི་ཉིས་སྟོང་ལྔ་བརྒྱ་ན། །དམ་ཆོས་རྒྱས་པར་འགྱུར་ཞེས་གསུངས། ཞེས་བཤད་ཅིང། རལ་པ་ཅན་གྱི་དུས་ཁོ་ནར་འགྲིགས་པར་སེམས། གདོང་དམར་ཅན་གྱི་ཡུལ། རྒྱ་ནག་ཡིན་པར་སྦ་བཞེད་དང་། བོད་ཡིན་པར་ལི་ཡུལ་ལུང་བསྟན་དུ་འབྱུང་ཡང་། དེ་གཉིས་དག་ཁུངས་ཐུབ་པའི་ཤེས་བྱེད་མི་སྣང་། འོན་ཀྱང་བུ་མོ་དྲི་མ་མེད་པས་ཞུས་པའི་མདོའི་ལུང་དམ་པ་རྣམས་ཀྱིས་ཚད་མར་མཛད་པས། དེ་ལྟར་ན་བོད་དུ་འཐད་དོ།། །། ༈ དགོངས་གསལ་ལས། ངོ་བོ་གཅིག་ཡིན་ན། དོན་དམ་པ་ལ་ངོ་བོ་གྲུབ་པར་ཐལ་བ་དང་། གཅིག་པོ་བཀག་པ་ཡིན་ན་དོན་དམ་དངོས་མེད་དུ་ཐལ་བའི་ཕྱིར་སྐྱོན་ཡོད་དོ། །ཞེས་པ་ངོ་བོས་གྲུབ་པར་འདོད་པ་དང་དོན་དམ་དངོས་མེད་དུ་འདོད་ན་སྐྱོན་དེ་ཡོད་མོད། འབུམ་ལས། མཚན་ཉིད་མེད་པར་མཚན་ཉིད་གཅིག་པའོ། །ཞེས་སོགས་གསུངས་པ་གཞན་སེལ་གྱི་སྒོ་ནས་ལེགས་པར་འཆད་ཤེས་ན་སྐྱོན་མེད་མོད། མ་ཤེས་ན་འཁྲུལ་ལོ། །དེས་ན་རང་ལུགས། དོན་དམ་པར་གཅིག་དང་ཐ་དད་ཀྱི་སྤྲོས་པ་དང་བྲལ་བ་ཡིན་ཏེ། དགོངས་འགྲེལ་ལས། ཀུན་རྫོབ་ཁམས་དང་དོན་དམ་དེ་བཞིན་ཉིད། །གཅིག་དང་ཐ་དད་བྲལ་བའི་མཚན་ཉིད་དེ། །གཅིག་དང་ཐ་དད་ཉིད་དུ་གང་རྟོག་པ། །དེ་དག་ཚུལ་མིན་ལྟ་ལ་ཞུགས་པ་ཡིན། ཅེས་གསུངས། ཐ་སྙད་ཀྱི་རྣམ་གཞག་ནི། གཞན་སེལ་གྱི་ངོར་ངོ་བོ་དབྱེར་མེད་ལྡོག་པ་ཐ་དད་ཅེས་བྱ་བའི་དེ་ཉིད་དུ་གཞན་དུ་བརྗོད་དུ་མེད་པའོ། །ཞེས་གསུངས་སོ། །ལྗོན་ཤིང་ལྟར་ན། ཡུལ་གཅིག་གི་སོ་སྐྱེའི་སྣང་བའི་ཆ་ནས་ཀུན་རྫོབ་དང་། འཕགས་པའི་བློས་དེ་ཉིད་རང་བཞིན་མེད་པར་ཤེས་པ་དོན་དམ་ཞེས་འདོགས་ཀྱི། ཀུན་རྫོབ་སྣང་བའི་ཆ་དེ་ལས་རང་བཞིན་མེད་པ་ལོགས་སུ་དབྱེར་མེད་པས། དེ་ཙམ་ལ་ངོ་བོ་དབྱེར་མེད་ཅེས་བྱ་ཞིང་། དེ་ཙམ་ལ་གཅིག་པའི་ཐ་སྙད་བཏགས་པ་མི་འགལ་ཏེ། གཅིག་གི་ཆོས་ཉིད་གང་ཡིན་པ། དེ་ནི་ཀུན་གྱི་ཆོས་ཉིད་ཡིན། ཞེས་སོ། །ཕྱྭ་དགེ་སོགས་བདེན་གཉིས་ངོ་བོ་གཅིག་ཏུ་བཞེད་པར་གོ་རམ་པས་བཀག་ཀྱང་། སྔ་མས་སྒྲས་ཟིན་དུ་ཁས་བླངས་པ་མེད་དམ་སྙམ།། །། ༈ ལམ་སྐོར་ཕྱི་མ་བརྒྱད་ལས། བསམ་མི་ཁྱབ་པ་སཾ་ཊ་དང་། འགྲེལ་པ་ལུགས་གང་རུང་། མཚོ་སྐྱེས་ལ་དེ་ཉིད། ལྷན་ཅིག་སྐྱེས་གྲུབ་ལ་འགྲེལ་པ་ལུགས། གཏུམ་མོ་ལམ་རྫོགས་དང་། ཡོན་པོ་སྲོང་བ་བདེ་གསང་གང་རུང་། མཆོད་རྟེན་དྲུང་ཐོབ་ལ་གསང་འདུས། ཡི་གེ་མེད་པ་ལ་གསང་འདུས་བདག་མེད་གང་རུང་། དབང་ཡོན་ཏན་རིམ་པ་གསང་དགོས་ཞེས་ཀུན་དགའ་དབང་ཕྱུག་བཞེད། གཤེགས་སྙིང་། རང་བཞིན་གནས་རིགས། ཀུན་གཞི་རྒྱུ་རྒྱུད་སོགས་ངོ་བོའི་སྒོ་ནས་མི་འདྲ་བ་མེད་པས་གཅིག་པར་དགོངས་ཏེ། རང་སེམས་སྤྲོས་པ་དང་བྲལ་བ་དེ་གློ་བུར་གྱི་དྲི་མས་བསྒྲིབས་པའི་ཆ་ནས་རྒྱུ་རྒྱུད། དེའི་སྤྱི་མཚན་གྱིས་ཐམས་ཅད་ལ་ཁྱབ་པའི་ཆ་ནས་གཤེགས་སྙིང་། ཆོས་སྐུའི་རྒྱུ་བྱེད་པའི་ཆ་ནས་གནས་རིགས་ཞེས་བཏགས། དེས་ན་རྒྱུ་རྒྱུད་པའི་གནས་སྐབས་ལ་མ་དག་པའི་སྣང་བ་སྣ་ཚོགས་ཡོད་པའི་ཆ་ནས་སྦྱང་གཞིར་འགྱུར་ཞིང་། དེ་ལ་མ་དག་པའི་སྣང་བ་ཞེས་བཤད། རང་གི་ངོ་བོ་སྦྱང་རྒྱུ་མེད་པས་སྦྱང་གཞིར་མི་འགྱུར། དེས་ན་ངོ་བོ་ལ་ལྟོས་ན་གནས་འགྱུར་མེད་ཅིང། ཡོན་ཏན་ལ་ལྟོས་ནས་ཡོད་པར་འགྱུར་བ་ཁོ་ནས་ཤེས། རྒྱས་པར་ འཇམ་རྡོར་ཊཱི་ཀར་བལྟ།། །། ༈ སློབ་མ་ཁ་འཆལ་སྐྱེད་ལ་ཉེས་བྱས་ཟེར་བ་ནི་འདུལ་བས་སྔགས་ལ་རྒྱས་བཀབ་པས་མི་འཐད།། །། ༈ སྣང་གསུམ་འདི་ལམ་གྱི་གཞི་བཅའ་ལ་སྦྱར་ན་ཕར་ཕྱིན་དང་ཐུན་མོང་བ་ཡིན་ཞིང་། ལམ་ཡོངས་རྫོགས་ལ་སྦྱར་ཚེ། མ་དག་པའི་སྣང་བ་ནས་བདེ་མཆོག་སྒྱུ་མའི་བར་དཀྲི་ཞིང་དབང་བསྐུར་བ་ལན་ཆད་རྒྱུ་རྒྱུད། ཉམས་སྣང་ཐབས་རྒྱུད། དག་སྣང་འབྲས་རྒྱུད་དུ་འགྱུར་བས་མངོན་རྟོགས་ལྗོན་ཤིང་དང་ཡང་མཐུན་པས་ཀུན་མཁྱེན་པས་དེ་སྐད་བཞེད།། །། ༈ རྒྱུད་བཞིའི་བླ་མ་རྡོ་རྗེ་འཆང་གིས་རྒྱུད་ཀྱི་བྱུང་ཚུལ་ལས་འཕགས་པ་ཆོས་སྣང་ཉིད་ལ་བགྲངས། དེ་ནས་ས་ཆེན་ལ་འཆད་པར་མ་བཤད་པ་གཞུང་རྙིང་ལྟར་མཛད། གསན་ཡིག་ཐོས་པ་རྒྱ་མཚོར། ཡང་ན་མཆིམས་ལོ་ཙཱ་བ། འཁོན་དཀོན་མཆོག་རྒྱལ་པོ། རྗེ་ས་སྐྱ་པ་ཆེན་པོ་ཞེས་དག་གོ་ཞེས་རྒྱལ་ཚབ་དམ་པ་བཞེད་པས་དཔྱད་དགོས།། །། ༈ གངས་རི་རྡོ་རྗེའི་དཀའ་འགྲེལ་གྱི་རྒྱ་དཔེ་ངོར་ན་ཡོད། འོན་ཀྱང་དེའི་ཁ་ཡིག་ཏུ། ཀ་མ་ལ་ཀཱུ་ལི། ཞེས་སྣང་བས། ཕྱག་ལེའི་དྲིས་ལན་ལས། གཞན་དགེས་པ་རྡོ་རྗེའི་འགྲེལ་པ་སློབ་དཔོན་ནག་པོ་པ་དང་། སློབ་དཔོན་ཀ་མ་ལ་ཀཱུ་ལི་ཤས་མཛད་པ་དང་། ཅེས་སྣང་བ་དེ་ཡིན་ནམ་སྙམ། དེ་ལྟ་ན་པདྨ་རྡོ་རྗེ་ཤེས་པར་འགྱུར་མོད། འོན་ཀྱང་སློབ་དཔོན་མཚོ་སྐྱེས་ནི་མ་ཡིན་ཏེ། དེའི་སྐད་དོད་ལ། ས་ཏོ་ཛ་དང་། པདྨ་བཛྲ་ཞེས་ཡོད་པའི་ཕྱིར་རོ། །དཔྱལ་སེ་བསོད་ནམས་རྒྱལ་མཚན་ཏེ། སེ་དཔྱལ་ཞེས་མ་དག །ཞང་སྟོན་རྒྱལ་པོའི་ཊཱི་ཀ་སྔ་ཕྱི་གཉིས་ལས། སྔ་མ་ལ་ཇོ་ནང་པའི་གྲུབ་མཐའ་འགའ་བསྲེས་ཤིང་། ཕྱི་མར་ཤིན་ཏུ་མང་བ་བསྲེས་པ་ཡོད།། །། ༈ སྦྱོར་ལམ་ངེས་འབྱེད་རྣམས་དགོངས་གསལ་ལས་རང་རིག་མངོན་སུམ་དུ་བཤད་པ་འདི་ཀ་འཐད།། །། ༈ ལྗོན་ཤིང་ལས་ཀུན་བཏུས་མདོ་སྡེ་བའི་མཚན་གཞིར་འཇོག་པ་ལ། དེ་སེམས་ཙམ་ཡིན་པས་རྗེ་བཙུན་ཀྱང་སྡེ་སྣོད་ལ་མི་མཁས་ཞེས་ཕྱི་རབས་པ་དག་སྒྲོགས་མོད། དེ་ནི་མ་ཡིན་ཏེ། སྤྱིར་ཀུན་བཏུས་སེམས་ཙམ་ཡིན་ཀྱང་། དེ་ལས་ཕྱི་དོན་ཁས་བླངས་པ་སོགས་མདོ་སྡེ་པ་དང་མཐུན་པ་མང་པོ་གསུངས་པ་དང་། མཛོད་རང་འགྲེལ་བྱེ་སྨྲ་བའི་ལུགས་ཡིན་ཀྱང་སྐབས་དེར་མདོ་སྡེ་པ་བཞེད་པ་སྟེ། དཔེར་ན། ཁ་ཅིག་ཏུ་ཕྱི་དོན་དང་། ལ་ལར་སེམས་ཙམ་སྟོན་པ་ཆོས་གྲགས་ཀྱི་རྣམ་འགྲེལ་ལྟ་བུ་སྟེ། གཞུང་གཅིག་གི་ནང་དུ་གྲུབ་མཐའ་དུ་མ་སྟོན་པ་ལ་དགོངས་སོ། །དེས་ན་ཀུན་བཏུས་པའི་མདོ་སྡེའི་སྐབས་རྣམས་དེའི་མཚན་གཞིར་བཞག་པ་སྟེ། ཡ་གྱལ་གྱི་མིང་ཚོགས་པ་ལ་བཏགས་ཀྱི། རིལ་པོར་མདོ་སྡེ་པར་བཞེད་པ་ག་ལ་ཡིན། དེས་ན་གངས་ཅན་དུ་མདོ་སྡེ་བའི་གཞུང་རང་རྐང་ཚུགས་པ་ནི་སུས་ཀྱང་མི་རྙེད་དོ།། །། ༈

ཡུམ་གྱི་འགྲེས་རྐང་བཞུགས། །ཕུང་པོ་ལྔ་དང་ཡུལ་དྲུག་དང་། །དབང་པོ་དྲུག་དང་རྣམ་ཤེས་དྲུག །རེག་བ་དྲུག་དང་ཚོར་བ་དྲུག །ཐུན་མོང་འགྲེས་རྐང་སོ་ལྔའོ། །རྟེན་འབྲེལ་བཅུ་གཉིས་ཁམས་དྲུག་སྟེ། །མ་གཏོགས་འཁོར་དྲིས་བཅོ་བརྒྱད་ཡིན། །བྱང་ཆུབ་ཀྱི་ནི་ཕྱོགས་ལ་བདུན། །བསམ་གཏན་བཞི་གཅིག་ཚད་མེད་གཅིག །གཟུགས་མེད་བཞི་གཅིག་རྣམ་ཐར་བརྒྱད་གཅིག །སྙོམས་འཇུག་དགུ་གཅིག་སྒོ་གསུམ་གཅིག །བདེན་པ་རྣམ་བཞི་གཅིག་ཏུའོ། །ཕྱིན་དྲུག་སྟོང་ཉིད་བཅོ་བརྒྱད་དོ། །སོ་སོར་བགྲངས་པས་ཞེས་གསུམ་ལ། །ཐབས་ཀྱི་འགྲེས་རྐང་ཞེ་གསུམ་ཟེར། །མངོན་པར་ཤེས་དང་ཏིང་འཛིན་དང་། །གཟུངས་ཀྱི་སྒོ་དང་སྟོབས་བཅུ་དང་། །མི་འཇིགས་བཞི་དང་སོར་རིག་བཞི། །བྱམས་པ་ཆེ་དང་སྙིང་རྗེ་ཆེ། །མ་འདྲེས་པ་ནི་བཅོ་བརྒྱད་དང་། །ཐམས་ཅད་ཤེས་དང་ལམ་ཤེས་དང་། །རྣམ་པ་ཐམས་ཅད་མཁྱེན་པ་དང་། །འབྲས་བུའི་འགྲེས་རྐང་བཅུ་གཉིས་སོ། །དེ་ལྟར་འགྲེས་རྐང་བརྒྱ་རྩ་བརྒྱད། །ཤེས་ན་འབུམ་དོན་བཀླགས་ཆོག་ཡིན། །དང་ཞེས་བྱ་བའི་འབྱེད་ཚིག་རྣམས། །སོ་སོར་ཆོད་ལ་ཆིག་ཚིག་རྣམས། །དོན་མང་ཡོད་ཀྱང་བསྡོམས་ལ་བགྲངས། །ཞེས་པའང་རོང་སྟོན་གྱི་རྣམ་བཤད་ལྟར་བྲིས་བ་ཤུ་བྷཾ།། །། ༈ རྗེ་བཙུན་མི་ལས། ཐམས་ཅད་ཡོད་ཀྱང་སྔགས་པ་ཀུན་རྫོབ་ཏུ་བསྟན། འཁོར་འདས་གང་ཡང་མཐར་ཐུག་གི་དོན་ལ་མ་གྲུབ་པར་བསྟན་ནོ། །དང་པོ་ནི། ཀུན་རྫོབ་བདེན་པའི་དབང་དུ་ནི། །འཁོར་བ་དང་ནི་མྱ་ངན་འདས། །ཐམས་ཅད་ཡོད་ཅེས་ཐུབ་པས་གསུངས། །ཞེས་སོ། །གཉིས་པ་ནི། དངོས་དང་དངོས་མེད་ཟུང་འཇུག་སྟེ། རང་གི་ངོ་བོ་ཐ་སྙད་ལས་འདས་ཀྱང་། བློ་ཡི་ཡུལ་དུ་ཟུང་འཇུག་དང་གནས་ལུགས་ཞེས་མིང་དུ་བཏགས་ལ། གཉིས་མེད་དེའི་ངང་ལས་འཁོར་འདས་གང་ཡང་ཁས་ལེན་དང་བྲལ་བ་སྟེ། དོན་དམ་བདེན་པའི་དབང་དུ་ནི། བགེགས་པས་སངས་རྒྱས་ཉིད་ཀྱང་མེད། །ཅེས་སོགས་གསུངས་སོ། །འོ་ན་དེ་ཁོ་ན་ཉིད་རྟོགས་སོ་ཞེས་པའི་ཐ་སྙད་གང་ལ་བཞག་སྙམ་ན། གཉིས་སུ་མེད་པའི་དོན་མཐོང་བ་ལ་ཐ་སྙད་ཙམ་བཏགས་པ་སྟེ། གཉིས་སུ་མེད་པའི་དོན་རྟོགས་ན། ལྟ་བའི་མཆོག་ཀྱང་དེ་ལ་བྱ། ཞེས་སོ། །འོ་ན་གཉིས་མེད་ཀྱི་ཡེ་ཤེས་དེ་དོན་ལ་གྲུབ་བམ་སྙམ་ན་མ་གྲུབ་སྟེ། ནང་འགྱུ་བའི་ཡིད་ཀྱི་རྣམ་ཤེས་འདི། །མ་རྟོགས་དུས་ན་མ་རིག་པ། །ལས་ཉོན་ཀུན་གྱི་གཞི་རྩ་ཡིན། །རྟོགས་ན་རང་རིག་ཡེ་ཤེས་ཏེ། །དཀར་པོའི་ཡོན་ཏན་རྫོགས་པར་འགྱུར། །མཐར་ཐུག་དོན་ལ་ཡེ་ཤེས་མེད། །ཆོས་རྣམས་ཟད་སར་སྐྱོལ་ལོ་གསུངས། །ཞེས་སོ། །དེས་ན་གཞི་འཁོར་འདས་གཉིས་གདོད་མ་ནས་གྲོལ་བ་སྟེ། འཁོར་བ་རང་གྲོལ་གཞི་ཡི་གནད། །སྙིང་པོའི་དོན་ལ་ངོ་སྤྲོད་ཀྱིས། །ཞེས་སོ། །དེ་ཉིད་གཟུང་འཛིན་གྱི་སྒྲིབ་གཡོགས་བྲལ་བའི་ཚུལ་གྱིས་མངོན་དུ་གྱུར་པ་ནི་མཉམ་པར་བཞག་པའི་ལམ་གྱི་དངོས་གཞི་སྟེ། ང་རིག་པ་རྟེན་མེད་གཅེར་བུ་འདི། །འགྱུ་བ་དྭངས་པ་ལྟ་བའི་གདེངས། །འོད་གསལ་སྟོང་པར་བློ་ཐག་ཆོད། །ཅེས་སོ། །དེ་ཉིད་དུས་རྟག་ཏུ་གཡོ་བ་མེད་པར་ཕྲིན་ལས་ལྷུན་གྲུབ་ནི་འབྲས་བུ་སྟེ། དེའི་དོན་ལ་མ་གཡོས་ན། འབྲས་བུའི་མཆོག་ཀྱང་དེ་ལ་བྱ། ཞེས་སོ། །འོ་ན་འདི་དག་བསྒོམ་པས་ཉམས་སུ་བླང་བྱ་ཡིན་ན། འདིར་འདི་ལྟར་བཞེད་ཅེས་བརྗོད་མི་རུང་ངོ་སྙམ་ན། མ་ཡིན་ཏེ། གྲུབ་མཐའི་ལྟ་བས་བློ་ཡི་ཡུལ་ལ་སྒྲོ་འདོགས་མ་ཆོད་ན། ཡང་དག་པའི་ལྟ་བ་དུག་མེད་རྟོགས་མི་སྲིད་པས། ངེས་དོན་གྱི་གསུང་རབ་ཐམས་ཅད་ཀྱང་། རག་པའི་ལམ་ནས་དྲངས་པའི་གནད་ཀྱང་དེ་སྟེ། ཀླུ་སྒྲུབ་ཀྱིས། ཐ་སྙད་ལ་ནི་སོགས་དང་། འདི་ཉིད་ཀྱིས། གྲུབ་མཐའ་མི་ཤེས་པའི་ལྟ་བ་དཀའ། ནུས་པ་མ་ཐོབ་པའི་སྤྱོད་པ་དཀའ། །ཞེས་གསུངས་པའི་ཕྱིར་རོ། །དེས་ན་གཞི་ལམ་འབྲས་གསུམ་ཐམས་ཅད་གནས་ལུགས་ཟུང་འཇུག་གཅིག་ཉིད་ལ། སྒྲིབ་གཡོགས་བཅས་པ་དང་། ཅུང་ཟད་བྲལ་བ་དང་། མཐའ་དག་བྲལ་བའི་རིམ་པ་མ་གཏོགས་གཞི་ལམ་འབྲས་གསུམ་ངོ་བོ་དབྱེར་མེད་དུ་སྨྲ་བ་འདི་ནི། རྣལ་འབྱོར་དབང་ཕྱུག་མར་མི་དང་། རྗེས་བཙུན་ས་སྐྱ་པ་ཡབ་སྲས་ཀྱི་བཞེད་པ་མཐུན་ཏེ། རང་བཞིན་རྒྱུ་ལ་བསམ་ན་ལྷུན་གྲུབ་སྟེ་འགྱུར་བ་མེད་པ་དང་། མཐའ་ཡས་པའི་ཡོན་ཏན་གནས་འགྱུར་དུ་བཤད་པ་འདི་གཉིས་ཁོ་ན་ལ་དཔྱད་པས་བདེ་གཤེགས་སྙིང་པོ་ཡོད་པར་འདོད་པ་སོགས་ཀྱི་ལོག་རྟོག་ཐམས་ཅད་ཁེགས་པར་འགྱུར་ལ། །ས་པཎྜི་ཏས། རྟོགས་རྒྱུ་མེད་པའི་དོན་རྟོགས་ན། །གྲོལ་རྒྱུ་མེད་པའི་སེམས་ཉིད་གྲོལ། །ཤེས་བྱ་མེད་པའི་ཤེས་བྱ་ཤེས། །འཆད་རྒྱུ་མེད་པར་འཆད་ལ་ མཁས། །འདོད་པ་མེད་པར་འདོད་དོན་འགྲུབ། །ཅེས་ཟུང་འཇུག་རབ་ཏུ་མི་གནས་པའི་དབུ་མ་ལ་འཕགས་བོད་པའི་པཎ་གྲུབ་ཐམས་ཅད་ཞལ་མཐུན་པ་ཡིན་ལ། རྒྱས་པར་སྤྲོས་པས་ཆོག་གོ། །། ༈ རྩ་བའི་བླ་མ་ནི། རང་ལ་ཆོས་དངོས་སུ་སྟོན་ནས། སྐུ་བཞིའི་ས་བོན་འདེབས་པ་པོ་ཁོ་ནར་འཇོག་སྟེ། སྙེ་མོ་སྒོམ་ཆེན་གྱི་དྲི་ལན་དུ་དེ་ལྟར་བཤད་དོ།། །། ༈ སངས་རྒྱས་ཕལ་པོ་ཆེ་ལས་སྟོང་གསུམ་དར་ཡུག་ཆེན་པོའི་དཔེས་བསྟན་པའི་དགོངས་པ་ལ། ལོ་ཙཱ་བས། དར་ཡུག་གི་རི་མོ་རྡུལ་ཕྲན་ལ་ཡོད་པ་བཞིན་དུ། སངས་རྒྱས་ཀྱི་ཡེ་ཤེས་སེམས་ཅན་ཀྱི་སེམས་ལ་ཡོད་པ་དེ་གང་ཡིན་ཞེ་ན། ཆོས་ཀྱི་དབྱིངས་སོ། །དེ་ཇི་ལྟར་ཡེ་ཤེས་ཡིན་ཞེ་ན་བཅོམ་ལྡན་འདས་ཀྱིས་ཆོས་ཐམས་ཅད་མཚན་ཉིད་མེད་པར་སྐད་ཅིག་དང་ལྡན་པའི་ཤེས་རབ་ཀྱིས་མཁྱེན་པས་ན། ཤེས་རབ་དེ་ཤེས་བྱ་དང་རྣམ་པར་དབྱེ་བ་མེད་དོ། །དེས་ན་དོན་དམ་པར་ཆོས་དབྱིངས་དེ་ཉིད་རིག་པའི་ཡེ་ཤེས་ཡིན་ལ། དེ་ཡང་སེམས་ཅན་ཐམས་ཅད་ལ་ཚང་བར་གནས་པས། དཔེ་དོན་དེ་ཤིན་ཏུ་འཐད་དོ། །ཞེས་གསུངས་ལ། འདིའི་དགོངས་པ་ནི། སངས་རྒྱས་ཀྱི་ཡེ་ཤེས་དང་། ཆོས་ཀྱི་དབྱིངས་དབྱེ་བ་མེད་ཅིང་། ཆོས་དབྱིངས་ལ་ཡེ་ཤེས་ཀྱི་ཡོན་ཏན་མཐའ་ཡས་པ་འབྱུང་བའི་ནུས་པ་ཚང་བས། རང་བཞིན་ནམ་རྒྱུ་ལ་བསམ་ན་ལྷུན་གྲུབ་ཅེས་བཤད་པ་དང་འགལ་བ་མེད་དོ། །བདེ་གཤེགས་སྙིང་པོ་དེ་ཐ་སྙད་དུ་ཡོད་པས་འཁོར་འདས་ཀྱི་སྣང་ཆ་སྣ་ཚོགས་འབྱུང་བས་ཀུན་གཞི་སོགས་ཀྱི་སྒྲའང་འཇུག་ལ། དོན་དམ་པར་སྤྲོས་པ་དང་བྲལ་བས་ཅིར་ཡང་འཆར་དུ་རུང་བའང་ལུང་རིགས་ཀྱིས་གྲུབ་བོ། །དེ་ནི་ས་པཎ་གྱི་དགོངས་པ་ངོ་མའོ། །ཀླུ་སྒྲུབ་ཀྱིས་ཀྱང་སྔ་མ་བསྟོད་ཚོགས་དང་། ཕྱི་མ་རིགས་ཚོགས་སུ་རྒྱས་པར་བཀྲལ། སྡོམ་གསུམ་གྱི་དགོངས་གཞི་སྔ་མ་ཡིན། ངོ་བོ་ཕྱི་མ་ཡིན། འདི་ཁྱད་པར་ཤིན་ཏུ་གལ་ཆེ།། །། ༈

ནག་པོའི་རིམ་གཉིས་ཀྱི་ཟིན་བྲིས་བཞུགས་སོ། །རྣལ་འབྱོར་དབང་ཕྱུག་སྤྱོད་པའི་རྡོ་རྗེའི་ལུགས་ཀྱི་འཁོར་ལོ་བདེ་མཆོག་གི་ལམ་གྱི་རིམ་པ་ལ། སྐལ་བ་དང་ལྡན་པའི་གང་ཟག་སྦྱིན་བྱ་བཞི་བྱིན་ནས་བསླབ་བྱ་གཉིས་ལ་བསླབས་ཏེ་གྲོགས་སྤྱོད་པ་གསུམ་གྱིས་མཚམས་སྦྱར་བས་འབྲས་བུ་སྐུ་གསུམ་ཡེ་ཤེས་ལྔ་འགྲུབ་པ་ཞིག་བཞེད་དོ། །དེ་ལ་དང་པོ་ནི། ཕར་ཕྱིན་ནས་རིམ་པར་ཞུགས་པའམ། དང་པོ་ནས་འདིར་ཞུགས་པའི་གཅིག་ཅར་པ་གང་ཡང་རུང་བའོ། །གཉིས་པ་ནི། འཁོར་ལོ་བདེ་མཆོག་ལྷ་མང་ལ་༦༢སྐྱེས་ཀྱི་དཀྱིལ་འཁོར་དུ་དབང་བཞི་ཚུལ་བཞིན་ཐོབ་པའོ། །གསུམ་པ་ནི། རིམ་པ་གཉིས་ལ་བསླབ་པ་སྟེ། འདི་ལ་སྔོན་འགྲོ་དང་དངོས་གཞི་གཉིས། དང་པོ་ནི། ཚོགས་གསོག་པར་བྱེད་པ་མཎྜལ། བྱིན་རླབས་འཇུག་པར་བྱེད་པ་བླ་མའི་རྣལ་འབྱོར། སྡིག་སྒྲིབ་སྦྱོང་བྱེད་རྡོར་སེམས་སྒོམ་བཟླས་གསུམ་མོ། །གཉིས་པ་ལ་གཉིས། དང་པོ་བསྐྱེད་རིམ་ནི་སྐྱབས་སེམས་ནས་བཟུང་དག་དྲན་པར་ཚང་བར་བསྒོམས་ལ། རྟེན་དང་བརྟེན་པར་བཅས་པ་ལ་སེམས་འཛིན་འཇུག་བཟླས་ཅུང་ཟད་བཅས་དཀྱིལ་འཁོར་གྱི་འཁོར་ལོ་སྣ་བུག་གཉིས་ནས་བསྡུས་ཏེ། གོ་ཆ་གསུམ་དང་ཚམ་རྔམས་ཀྱི་སྔགས་ཀྱིས་བསྲུངས་ལ་རྗེས་སྤྱོད་ལ་འཇུག་སྟེ། སྣང་བའི་དངོས་པོ་ཐམས་ཅད་ལྷར་མ་ཤར་གྱི་བར་དུའོ། །དེའི་ལམ་གྱི་རིམ་པའང་འདི་ཡིན་ཏེ། སྔོན་འགྲོ་ལ་གཞན་ལཱུ་ཧི་པ་དང་འདྲ། དག་པ་གསུམ་ལ་ངག་དང་ཡིད་དང་ལུས་དག་པ་རིམ་བཞིན་བསྒོམ། མཉམ་བཞག་གི་རྣལ་འབྱོར་བསྐྱེད་རྫོགས་གཉིས་ལས། སྔ་མར། དང་པོ་སྦྱོར་བ། དཀྱིལ་འཁོར་རྒྱལ་མཆོག་ལས་རྒྱལ་མཆོག་གོ། །དང་པོ་ལ་གཉིས་ཏེ། སྔོན་འགྲོ་དང་། དངོས་གཞིའོ། །དང་པོ་ལ་ཚད་མེད་བཞི་མི་བསྒོམས་པ་མ་གཏོགས། བསོད་ནམས་དང་ཡེ་ཤེས་ཀྱི་ཚོགས་བསགས་པ་འདྲ། གཉིས་པ་རྟེན་བསྐྱེད་པ་དང་། བརྟེན་པ་བསྐྱེད་པའོ། །དང་པོ་ལ་སྲུང་བའི་འཁོར་ལོ་ལ་ཕོ་ཉ་རྣམས་ཀྱིས་བགེགས་བཀུག་སྟེ་ཕུར་བུས་གདབ། ལྷའི་ས་གཞི་སོགས་བསྒོམས་ལ། དེ་ལྟ་བུའི་སྲུང་འཁོར་གྱི་དབུས་སུ་ཨེ་ལས་ཆོས་འབྱུང་གྲུ་གསུམ་གྱི་དབུས་སུ། ས་ཆུ་མེ་རླུང་རླུང་མེ་ཆུ་སའི་དཀྱིལ་འཁོར་གྱི་སྟེང་དུ་རི་རབ་དང་གཞལ་ཡས་ཁང་གདན་དུར་ཁྲོད་དང་བཅས་པ་བསྒོམ་པའོ། །གཉིས་པ་ལ། བསྙེན་པ། ཉེར་སྒྲུབ། སྒྲུབ་པ། སྒྲུབ་ཆེན་བཞི། དང་པོ་ལ་རྒྱུ་དང་། འབྲས་བུའི་རྡོ་རྗེ་འཛིན་པ་བསྐྱེད་པའོ། །དང་པོ་ནི། ཡེ་ཤེས་ལྔའི་ངོ་བོ་ཟླ་ཉི་ཕྱག་མཚན་ས་བོན་དང་བཅས་པ་རོ་གཅིག་ཏུ་འདྲེས་པ་ལས་སྐུ་ཡོངས་སུ་རྫོགས་པ་བདེ་མཆོག་དཀར་པོ་རྡོ་རྗེ་ཕག་མོ་དང་བཅས་པ་བསྐྱེད་པའོ། །གཉིས་པ་ནི། མཁའ་གསང་བྱིན་རླབས་སྔོན་དུ་འགྲོ་བས་སྙོམས་འཇུག་གི་སྒྲས་བདེ་གཤེགས་རྣམས་སྤྱན་དྲངས་ཏེ། བདག་གི་ཞལ་དུ་ཞུགས་ནས་སྙིང་གར་ཞུ། རྡོ་རྗེའི་ལམ་ནས་ཡུམ་གྱི་པདྨར་བབས་པ་ལས། ཡབ་ཡུམ་གཉིས་འོད་དུ་ཞུ་ནས་བྱང་ཆུབ་སེམས་ཀྱི་རང་བཞིན་ཐིག་ལེར་གྱུར། དེ་ནས་ཐིག་ལེ་ལས་བྱུང་བའི་སངས་རྒྱས་རྣམས་ཀྱི་སྔགས་ཀྱིས་བསྐུལ་བས་ཐིག་ལེ་ཧཱུྃ་ཨྃ་དུ་གྱུར་པ་ལས་འབྲས་བུའི་རྡོ་རྗེ་འཛིན་པ་སྔོན་པོ་ཡུམ་དང་བཅས་བསྐྱེད། ཕྲིན་ལས་བཞི་དང་། དགའ་བ་བཞི་དང་། ཆོས་ཀྱི་དབྱིངས་ཀྱི་ཡེ་ཤེས་སུ་བྱིན་གྱིས་བརླབ་བོ། །གཉིས་པ་ནི། གོ་ཆ་དྲུག་བཅིངས་པ་སྟེ་སྙིང་གར་རྡོ་རྗེ་སེམས་དཔའ་སོགས་བསྐྱེད་པའོ། །གསུམ་པ་ནི། ཡབ་ཡུམ་གྱི་གནས་གསུམ་དུ་འབྲུ་གསུམ་རྡོ་རྗེ་གསུམ་དང་། གནས་ལྔར་རིགས་ལྔས་རྒྱས་གདབ་པའོ། །བཞི་པ་ནི། ཕཻ་གྱི་སྒྲ་འབར་བའི་ཕྱག་རྒྱ་དང་བཅས་པས་ཡབ་ཡུམ་སྤྱན་དྲངས་ཤིང་མཆོད་ལ་གཉིས་མེད་དུ་བསྟིམ་ཞིང་། དབང་ལྷ་སྤྱན་དྲངས་ནས་དབང་བསྐུར་བའོ། །དེ་ནས་མཆོད་ལ་མཁའ་གསང་བྱིན་གྱིས་བརླབ་པར་བྱ་བའོ། །གཉིས་པ་དཀྱིལ་འཁོར་རྒྱལ་མཆོག་ནི། ཡབ་ཡུམ་གཉིས་སྙོམས་པར་ཞུགས་པས་ཟག་མེད་ཀྱི་བདེ་བས་རྒྱུད་གང་བར་བསམས་ལ། དེའི་སྒྲས་བདེ་གཤེགས་ཐམས་ཅད་སྤྱན་དྲངས་ནས་གཉིས་ཀའི་སྨིན་མཚམས་སུ་ཐིམ་ནས་སྐུའི་དབྱིབས་བརྒྱུད་དེ་པདྨར་སོན་པ་ལས་ཡུམ་གྱི་རཀྟ་དང་རོ་གཅིག་ཏུ་འདྲེས་པ་ལས་རྟེན་དང་བརྟེན་པར་བཅས་པའི་དཀྱིལ་འཁོར་གྱི་འཁོར་ལོ་གཅིག་ཆར་དུ་ཤར་བའོ། །དེ་ཡང་ཕྱིར་སྤྲོ་བ་དང་ནང་དུ་ལུས་ལ་བསྒོམ་པ་དུས་མཉམ་པའོ། །གསུམ་པ་ལས་རྒྱལ་མཆོག་ནི། ཡེ་ཤེས་པ་དགུག་གཞུག །དབང་བསྐུར། མཆོད་པ། དག་དྲན་ནོ། །གཉིས་པ་རྫོགས་རིམ་ནི་དཔྱིད་ཐིག་གི་མན་ངག་ལྟར་ཤེས་པར་བྱའོ། །གཉིས་པ་མཉམ་ལངས་ཀྱི་རྣལ་འབྱོར་ལ་གསུམ། བཟླས་པ། གཏོར་མ། སྤྱོད་ལམ་མོ། །གསུམ་པ་རྫོགས་རིམ་ནི་དཔྱིད་ཐིག་ལྟར་བསྒོམས་ན། སྔོན་དུ་དཀྱིལ་འཁོར་བསྡུས་ཟིན་པས་འདིར་མི་དགོས་ལ། གལ་ཏེ་མིན་ན་རིམ་བཞིན་བསྡུ་བའོ། །གཉིས་པ་ནི་རིམ་པ་བཞི་སྟེ། དེ་ཡང་དེ་སྟོན་པའི་བསྟན་བཅོས་གཉིས་དང་། སམ་ཊར་སྙིང་ཁའི་ཧཱུྃ་གི་ནང་གི་བྱང་སེམས་དཔྱིད་དང་། ལྟེ་བའི་ཨོཾ་ཐིག་ལེ་སྙོམས་པར་རྫོགས་རིམ་སྒོམ་ཚུལ་གསུངས་པ་ནི་འདིའི་ལུགས་ཐུན་མིན་ནོ། །རིམ་བཞི་ལའང་ལམ་སྐོར་གྱི་གྲས་དང་། གསང་མཐའི་ལུགས་གཉིས་ལས། ཕྱི་མ་ལྟར་འཆད་པ་ལ་བཞི། དང་པོ་ཤེས་བྱ་རྒྱུད་ཀྱི་རིམ་པ་ནི། སྤྱིར་རྡོ་རྗེའི་ལུས་ཀྱི་འཇིག་པ་དང་། སྐྱེ་བ་དང་། གནས་པའི་རིམ་པ་ཤེས་པར་བྱ་བ་དང་། བྱེ་བྲག་སྒོམ་པའི་དུས་ཕྱི་དཀྱིལ་རྣམས་སྙིང་གའི་ཧཱུྃ་ལ་བསྡུ། ཡུམ་ལྟེ་བའི་ཨྃ་ལ་བསྡུས་པའི་འོད་ཀྱིས་གསལ་བར་བྱས་ཏེ་ལྟེ་བ་སྤྲུལ་པའི་འཁོར་ལོ་ནས་སྤྱི་བོ་བདེ་ཆེན་གྱི་འཁོར་ལོ་བར་བཞི་པོ་རིམ་བཞིན་རྩ་ཡི་གེ་དང་བཅས་པ་དང་། དབུས་སུ་དྷཱུ་ཏི། གཡས་སུ་གྱེན་མེ་མ། གཡོན་དུ་ཟུར་གཉིད་མ་ཡི་གེ་དང་བཅས་པ་བསྒོམ། དེ་འོག་གཤང་སྒོར་རླུང་དང་སུམ་མདོར་མེ་དཀྱིལ་ཀྱང་བསྒོམ་སྟེ། དེ་ལ་རྒྱུད་ནི་འཁོར་ལོ་བཞི་སོགས་ལུས་ལ་ཡེ་ནས་གནས་པ་ཡིན་ལ། རིམ་པ་ནི་དེ་རིམ་གྱིས་གསལ་བཏབ་པ་མཐར་ཕྱིན་པའི་ཚད་ནི་རྩ་གསུམ་འཁོར་ལོ་དྲུག་ཡིད་ལ་གསལ་བར་སྣང་བའོ། །གཉིས་པ་ཉམས་ལེན་སྔགས་ཀྱི་རིམ་པ་ལ། སྔོན་འགྲོ་རླུང་འབྱུང་འཇུག་དང་བསྟུན་ཏེ། རླུང་ཕྱིར་འབྱུང་ཚེ་གཡས་མེ་མ་ཡི་གེ་དང་བཅས་པ་གསལ་གདབ། ནང་དུ་འཇུག་ཚེ་གཡོན་གཉིད་མ་ཡིག་བཅས། ཅུང་ཟད་གནས་ཚེ་ཨྃ་འབར་བ་ལ་སེམས་གཏད་དེ་ཡུན་རིང་བསྒོམ། དེ་ལ་གོམས་ནས་ནང་དུ་འཇུག་པ་དང་བསྟུན། རླུང་ལྟེ་བའི་ཨྃ་ལ་བསྟིམ་ཞིང་དེར་ཤེས་པ་གཏད་དེ། སྟེང་རླུང་ཐུབ་ཚད་མནན། དེས་ལྟེ་བའི་གནས་སུ་དུ་བ་ལ་སོགས་པའི་རྟགས་ལྔ་སྐྱེ་ཞིང་ཨྃ་གི་མེ་ཡང་རིམ་པར་མགྲིན་པའི་བར་དུ་འབར་སྙམ་བྱེད་པ་འབྱུང་། དེ་ནས་དངོས་གཞི་ནི། འོག་རླུང་དྲག་ཏུ་བསྐུམས་པས་ཨྃ་གི་མེ་སྦར། ཡར་རོ་མ་ནས་སོང་། འཁོར་ལོ་གོང་མ་གསུམ་གྱི་ཡིག་འབྲུ་རྣམས་རིམ་བཞིན་བསྲེགས། སྨིན་མཚམས་ཀྱི་སྒོ་བྱེ། སྣ་བུག་གཡས་ནས་བྱུང་། མདུན་གྱི་ནམ་མཁར་བདེ་གཤེགས་དཔག་ཏུ་མེད་པ་བསྒོམས་པ་ལ། དང་པོ་གཅིག་དང་། དེ་ནས་རྗེ་མང་གིས། མཐར་ཐམས་ཅད་ཤངས་བུག་གཡས་ནས་ཞུགས། དེ་དག་གི་འཁོར་ལོ་བཞི་རིམ་པར་བཞུ་བཏུལ་བྱས་ནས། ལྟེ་བར་མེ་དང་བྱང་སེམས་འདྲེས་པ་དེ། རྩ་གཡས་ནས་བྱུང་བ་ཤངས་བུག་གཡས་ནས་རང་གི་སྣ་བུག་གཡོན་དུ་ཞུགས། སྤྱི་བོ་གསེར་གྱི་སྒོ་ཕྱེ། སྤྱི་བོའི་འཁོར་ལོ་བྱང་ཆུབ་སེམས་ཀྱིས་ཁེངས། ཡང་གཡོན་རྐྱང་མ་ནས་འཁོར་ལོ་འོག་མ་རིམ་བཞིན་ཁེངས་པས་དེ་དག་གི་གནས་སུ་ཡས་འབབ་ཀྱི་དགའ་བ་ནི་སྐྱེས་པར་བསམས། བྱང་ཆུབ་ཀྱི་སེམས་ཨྃ་ལ་ཕོག་པས་ཨྃ་དྲག་ཏུ་འབར་ནས་དབུ་མ་ཁ་བྱེ་སྟེ། སྙིང་གའི་ཧཱུྃ་དང་། མགྲིན་པའི་ཨྃ་ཞེན་ཐོགས་མེད་པར་སྤྱི་བོའི་ཧཾ་ལ་ཕོག །དེ་ལས་བྱང་སེམས་འཛག་པའི་འབར་འཛག་ལ་སེམས་གཏད་དེ་བསྒོམ་མོ། །དེ་ལ། སྔགས་ནི་ཉེ་བའི་ཨྃ། རིམ་པ་ནི་རིམ་གྱིས་སྦར་བ་སྟེ། རང་གི་འཁོར་ལོ་དང་དེ་བཞིན་གཤེགས་པའི་འཁོར་ལོ་རྣམས་བསྲེགས་པ་ནས་འབར་འཛག་ལ་སེམས་གཏད་པའི་བར་རོ། །མཐར་ཕྱིན་པའི་ཚད་ནི་འཕར་གཡོ་ལ་སོགས་པའོ། །གསུམ་པ་ཡེ་ཤེས་སྐྱེ་བའི་རིམ་པ་ནི། ཨྃ་གི་མེས་སྤྱི་བོའི་ཧཾ་ཡིག་གི་བྱང་སེམས་དྷཱུ་ཏི་ནས་ནོར་བུའི་བར་བབ་ནས་བདེ་བ་ལ་སེམས་གཏད་དེ་རླུང་ཁ་སྦྱར་དུ་བསྒོམ། དེ་ལྟར་བསྒོམས་པས་བདེ་བ་མི་བཟོད་པ་སྐྱེས་ན་སླར་མས་བརྟན་གྱི་དགའ་བ་བཅུ་དྲུག་རིམ་བཞིན་བསྒོམས་ཏེ་དེ་ཡང་ཡེ་ཤེས་ནི་དགའ་བ་བཅུ་དྲུག་གི་མཐར་ལྷན་སྐྱེས་མྱོང་བ། རིམ་པ་ནི་རྡོ་རྗེ་ནོར་བུའི་བདེ་བ་ནས། མཛོད་སྤུར་བསྒོམས་པའི་བར་རོ། །ཚད་ནི། བདག་རྒྱུད་བདེ་བས་མྱོས་པ་ལ་སོགས་པའོ། །བཞི་པ་འབྲས་བུ་གསང་བའི་རིམ་པ་ནི། སྣའི་བར་གྱི་ཀ་བ་མེད་པ་སྒོ་ང་སྟོང་པ་ལྟ་བུ་བསྒོམས་ལ། དེ་ནས་སྲོག་རྩོལ་གྱི་རླུང་ཆ་མཉམ་སྟེ། སྤོས་དུད་བཞིན་ལུས་ཀྱི་ནང་ནས་བྱུང་། སྣའི་ཕུག་ཏུ་ཆི་ལི་ལི་འཁྱིལ་ནས་ཕར་མི་འགྲོ་བར་བསམ་མོ། །གསང་བ་ནི་སྲོག་འཛིན་པའི་རླུང་། རིམ་པ་ནི་རླུང་སྐྱོན་རིམ་གྱིས་སེལ་བ། ཚད་ལུས་རས་བལ་ལྟར་ཡང་བ་དང་། རྟགས་ལྔ་མཐོང་བའོ། །དེ་ཚེ་ཆོས་ཀུན་རང་སེམས་སུ་འདུས་པས་ཕྱི་རོལ་གྱི་ཡུལ་ལ་མི་རྟོག་པ་བསྒོམ། སེམས་ཀྱི་རྟོག་པ་བྱུང་ཚོར་ཐམས་ཅད་མི་དམིགས་པར་བསྒོམ། དེ་ནས་སེམས་དང་ཡུལ་དང་ཐམས་ཅད་གཉིས་སུ་མེད་པར་མི་དམིགས་པར་བསྒོམ། དེ་ལྟར་བསྒོམས་པས་མངོན་ཤེས་ལྔ་རིམ་གྱིས་ཐོབ་སྟེ། དེ་ལ་གཉིས་སུ་མེད་པའི་རིམ་པ་ཞེས་ཀྱང་གསུངས་སོ། །དེ་ལྟར་བསྒོམས་པས་ཆོས་མཆོག་མན་གྱི་ལམ་ཆོད་ནས་ཕྱག་རྒྱ་ལུང་སྟོན་པ་འབྱུང་ལ། དེ་ལ་བརྟེན་ནས་འཇིག་རྟེན་ལས་འདས་པའི་ཡེ་ཤེས་མངོན་དུ་བྱེད། གནས་སོགས་བཅུ་གཉིས་རིམ་གྱིས་བགྲོད་དེ་འབྲས་བུ་སྐུ་གསུམ་ཡན་ལག་བདུན་ལྡན་ཐོབ་པར་འགྱུར་རོ། །རྒྱས་པར་ནི་རྣལ་འབྱོར་དབང་ཕྱུག་ས་སྐྱ་པའི་རིམ་བཞི་ལམ་སློང་ལས་ཤེས་པར་བྱའོ། །སྐུ་གསུམ་ལྷུན་གྲུབ་གཞིར་གནས་རྩ་ཁམས་ལ། །ཨོཾ་ཡིག་འོད་ཀྱིས་བྱང་སེམས་བཞུས་པ་ལས། །ཡས་བབས་མས་བརྟན་དགའ་བཞིའི་རིམ་གྱིས་ནི། བླ་མེད་གསང་བ་མཆོག་གི་རྩེར་བགྲོད་ཤོག །ཤུ་བྷཾ།། །། ༈ ཨོཾ་སྭ་སྟི། སྒྲུབ་སྡེ་ཆེན་པོ་བརྒྱད་ཀྱི་སྟོང་ཐུན་ཅུང་ཟད་བཤད་ན། ངེས་ཤེས་འདྲེན་པ་ལོ་རྒྱུས་དང་། ལོ་རྒྱུས་དེ་ལྡན་གྱི་སྟོང་ཐུན་དངོས་སོ། །དང་པོ་ལ། རྒྱལ་བ་རིག་པ་སོགས་གསུམ། གཉིས་པ་བདེ་གཤེགས་འདུས་པའི་རྣམ་བཞག་སྤྱིར་བསྟན། སྒྲུབ་སྡེ་བརྒྱད་ཀྱི་གྲུབ་མཐའ་བྱེ་བྲག་ཏུ་དབྱེ། དང་པོ་ལ། གཞི། ལམ། འབྲས་གསུམ། ལམ་ལ་སྨིན་གྲོལ་ཡན་ལག་གསུམ། །སྨིན་བྱེད་ལ་ཕྱི་བུམ་དབང་ལའང་ཕྱི་ནང་གསང་གསུམ། རྡོ་རྗེ་སློབ་དཔོན་བཅས་གསང་དབང་། ཤེས་དབང་། བཞི་པ། ལམ་ལ། ཕྱི་དཀྱིལ་སྨིན་བྱེད་ལམ་གྱི། སོགས། དེ་ལ་བསྐྱེད་རིམ་ལ་སྤྱིར་སྒྱུ་འཕྲུལ་དྲྭ་བ་ལས། སྤྲོས་བཅས་ཀྱི་བསྐྱེད་རིམ་ལ་བདག་སྲས་གཞན་སྲས་ཀྱི་སྒོ་ནས་བསྒོམ་པ་སྦྱོར་དངོས་༡༡དོན་དང་། ༢རྗེས་༡༢ཀྱི་སྒོ་ནས་བསྟན་པ། རྫོགས་རིམ་སྣང་བ་ལ་བརྟེན་ནས་ལྷའི་རྫོགས་རིམ་སོགས་ལྔ། བྱེ་བྲག་འཇམ་དཔལ་འཁོར་ལོ་བཞི་ནི། སྐུ་གསུང་ཐུགས་རྡོ་རྗེ་རྩ་བའི་རྒྱུད་ལས། འཇམ་དཔལ་སྐུ་ཡི་སྒྲུབ་པ་ནི། འཁོར་ལོ་བཞི་ལ་རྫོགས་པ་ཡི། དང་། །གནས་པའི་འཁོར་ལོས་གནས་ལུགས་བསྟན། །སྲིད་པའི་འཁོར་ལོས་སྣང་ལུགས་བསྟན། །སྤྲུལ་པའི་འཁོར་ལོས་སྒྲུབ་ལུགས་བསྟན། །གཅོད་པའི་འཁོར་ལོས་ཕྲིན་ལས་བསྟན། དང་། །པདྨ་གསུང་གི་སྒྲུབ་པ་ནི། །རྟ་སྐད་དང་པོས་གནས་ལུགས་སྟོན། །རྟ་སྐད་བར་པས་ལྟ་བ་བརྟག །རྟ་སྐད་ཐ་མས་ཕྲིན་ལས་བཞི། དང་། །ཨོཾ་ནི་གནས་ལུགས་ཆོས་ཀྱི་དབྱིངས། །རུ་ལུ་སྣང་ལུགས་ལོངས་སྤྱོད་རྫོགས། །རུ་ལུ་འོག་མ་སྤྲུལ་པའི་སྐུ། །ཧཱུྃ་བྷྱོ་ཧཱུྃ་ནི་དབྱེར་མེད་དོ། །བདུད་རྩི་ཡོད་ཏན་སྒྲུབ་པ་ནི། །བདུད་རྩི་རྣམ་པ་བཞིར་འདུས་ཏེ། །ཆོས་ཉིད་བདུད་རྩི་བསྟན་པ་དང་། །ལྷ་སྔགས་བདུད་རྩི་བསྟན་པ་དང་། །དམ་རྫས་བདུད་རྩི་བསྟན་པ་དང་། །སྨན་མཆོག་བདུད་རྩི་བསྟན་པའོ། །ཕུར་བུ་ཐལ་འབྱིན་དགོངས་པ་ནི། །ཆོས་ཉིད་ཡེ་ཤེས་ཕུར་བུ་དང་། །གསང་བ་བྱང་སེམས་ཕུར་བ་དང་། །ཚད་མེད་སྤྲུལ་པའི་ཕུར་པ་དང་། །མཚན་མ་རྫས་ཀྱི་ཕུར་པ་བཞི། དང་། །མ་མོ་རྦོད་གཏོང་སྒྲུབ་པ་ནི། །ཆོས་ཉིད་གཞི་ཡི་མ་མོ་དང་། །རྟོག་པ་ཡེ་ཤེས་མ་མོ་དང་། །འཁྲུལ་པ་ལས་ཀྱི་མ་མོར་འདུས། དང་། །ཁང་བུ་བཅའ་ཞིང་རྟེན་བཙུགས་ལ། །ཚུལ་བཞིན་མཆོད་ཅིང་དམ་བསྲེས་ན། །ཇི་ལྟར་བཅོལ་བའི་ལས་བྱེད་དོ། །འཇིག་རྟེན་མཆོད་བསྟོད་སྒྲུབ་པ་ཡིན། དང་། དམོད་པ་དྲག་སྔགས་སྒྲུབ་པ་ནི། །སྲོག་དང་སྙིང་པོ་གཉིས་ཀྱིས་སྒྲུབ། །སྲོག་ནི་གཟུགས་ལ་སྙིང་པོ་མིང་། །བསྐྱེད་དང་རྫོགས་དང་རྫོགས་པ་གསུམ། །རྫོང་འཕྲང་གསུམ་གྱིས་མཐར་གཏུགས་ལ། །རྣལ་འབྱོར་གསུམ་གྱིས་ཉམས་སུ་བླང་། །ལྟ་སྒོམ་སྤྱོད་པ་འབྲས་བུ་ཡིན།། །། ༈ སྤྱི་དོན་ཞལ་ལུང་ལས། བྱ་རྒྱུད་ཀྱི་སྤྱོད་པའི་སྐབས། བྱ་བ་དྲུག་གི་དབྱེ་བ་ལ། འཇུག་པའི་དུས་ནི། དཔུང་བཟང་ལས། ཚེས་གྲངས་བཟང་པོ་ལ་འཇུག་སྟེ། ཁྱད་པར་ཡར་གྱི་བརྒྱད་ལ་བརྩམ། །ཤིན་ཏུ་སྐར་མ་རྒྱལ་རྣམས་ལ། །གཟའ་སྐར་ཤིས་པས་བླང་བར་བྱ། །ཞེས་སོ། །བཟའ་བ་ཟས་ཀྱི་བྱ་བ་ནི། དཀར་གསུམ་མངར་གསུམ་ཟ་ཞིང་། ཤ་ཆང་སྒོག་བཙོང་ལ་སོགས་པ་བསྲུང་བའོ། །བགོ་བ་གོས་ཀྱི་བྱ་བ་ནི། རས་ཁ་ཚར་མ་ཉམས་པ་བགོ་བའོ། །གཙང་སྦྲ་ཁྲུས་ཀྱི་བྱ་བ་ལ་བཞི་སྟེ། ཉོན་མོངས་པའི་རྒྱུད་རགས་པའི་བག་ཆགས་ལྟ་བས། བག་ཉལ་གྱི་བག་ཆགས་ཏིང་འཛིན་གྱིས། སྤྱོད་ལམ་ཉམས་པའི་དྲི་མ་ལྷ་གཤེགས་དཀྱིལ་འཁོར་བསྡུ་བས། ཐ་མལ་གྱི་དྲི་མ་སྔགས་བཟླས་པའི་ཆུས་བཀྲུ་བའོ། །དམིགས་རྟེན་གྱི་བྱ་བ་ནི། ཡི་དམ་གྱི་སྐུ་བྲིས་འབུར་གང་རིགས་གཙང་སྦྲ་དང་ལྡན་པས་ཆོ་ག་བཞིན་བཞེངས་པའོ། །བཟླས་བརྗོད་བྱ་བ་ནི། ལྷ་ཡི་བདག་གི་འཕྲོ་འདུའི་དེ་ཁོ་ན་ཉིད་གསུམ་དང་ལྡན་ཞིང་སྐྱོན་བཅུ་སྤངས་པའི་ཚུལ་གྱིས་བཟླ་བ་སྟེ། དེ་སྐད་དུ། གསལ་བ་གསུམ་ལྡན་སྐྱོན་བཅུ་སྤངས་ལ་བླང་། །མཚམས་མེད་ལྔ་དང་མི་དགེ་བཅུ་སོགས་པའི། །སྡིག་པ་གང་བྱས་བཟླས་བརྗོད་བགྱིས་པས་སྦྱང་། །ཞེས་སོ།། །། ༈ ཡེ་ཤེས་བཞི་ནི། །ཆོས་དབྱིངས་ཡེ་ཤེས་ཀུན་གྱི་ཁྱབ་བྱེད་དུ་གྱུར་པས་ལོགས་སུ་མ་བགྲངས་བའི་ལྷག་མ་བཞིའོ། ། ༈ འཆད་ཐབས་ཀྱི་སྐྱོན་སྤོང་བའི་སྐབས། རྡོ་རྗེ་ཐེག་པ་ན་བབས་ཀྱི་སྐྱོན་ནི། ཐེག་པ་གོང་མ་འོག་མར་བབས་པའི་སྐྱོན་ནོ། །ཡོག་འབྲོག་འཆོལ་བ་ནི་གོ་རིམ་འཆོལ་བ། རིན་པོ་ཆེ་རྩར་འཆོལ་བའི་སྐྱོན་ནི། རིན་པོ་ཆེ་རྩལ་ལ་བརྒྱུད་པའི་དུས་སུ་ལེགས་པར་སྡེབ་མ་ཤེས་ན། གནས་སྐབས་སུ་བལྟ་བ་ལ་ཡང་མི་མཛེས་ཤིང་། རྒྱལ་ཁྲིམས་ཆེན་པོ་ཡོད་པའི་སར་ཆད་པ་འབྱུང་བ་བཞིན་ནོ། །ཞེས་ལམ་རིམ་གྱི་ཊི་ཀ་ལས་སོ།། །། ༈ བཤད་ཐབས་འདྲེན་པའི་ཚིག་བཅུའི་སྐབས། ལྡེམས་དགོངས་གསང་བ་བརྒྱད་ཀྱིས་སྦྱར། ཞེས་པ་ནི། གཞུག་པ། མཚན་ཉིད། གཉེན་པོ། བསྒྱུར་བ་ལྡེམས་དགོངས་ཏེ་བཞི་བོ་རེ་རེ་ལའང་། ཚིག་ལྡེམ་པ་དང་། །དོན་དགོངས་པ་གཉིས་རེ་ཕྱེ་བས་བརྒྱད་དུ་འགྱུར་ཏེ། དེ་ལ་དང་པོ་ནི། དཔེར་ན་གང་ཟག་ཁ་ཅིག་སེམས་ཞུམ་ནས་གསང་སྔགས་ཀྱི་སྒོར་ཞུགས་མི་ནུས་པ་རྣམས་ལ། གསང་སྔགས་ཀྱི་དོན་རྟོགས་པར་སླ་བའི་ཚུལ་གྱིས་ཚིག་ལྡེམ་པོར་བརྗོད་པ་ནི། དོན་གནས་ལུགས་རང་ལ་རང་ཆས་ལྷུན་གྲུབ་ཏུ་བཞུགས་པ་ལ་དགོངས་པ་སྟེ། བཀྲི་དྲང་གི་ཚིག་ཐམས་ཅད་ལ་ངོས་བཟུང་ངོ་། །གཉིས་པ་ནི། དབུ་མས་དབྱིངས་སྤྲོས་བྲལ་དུ་འདོད་པ་དང་མཐུན་པར་གསང་སྔགས་ཀྱང་སྤྲོས་བྲལ་དུ་འདོད་པས་ལྟ་བ་ལ་ཁྱད་པར་མེད་ཅེས་ཚིག་ལྡེམ་པོར་བརྗོད་པ་ནི། དོན་མཐར་བྲལ་ལྷུན་གྲུབ་ཀྱི་ལྟ་བ་ལ་དགོངས་པ་སྟེ། སྒྲ་མཐུན་དོན་དཔག་གི་གཏན་ཚིགས་ཐམས་ཅད་ལ་ངོས་བཟུང་ངོ་། །གསུམ་པ་ནི། གསང་སྔགས་བླ་ཆོས་སུ་མཐོང་ཞིང་དོན་དུ་མི་གཉེར་པ་རྣམས་ལ་ཚིག་གིས་བསྒྲིབས་ནས་དཀའ་བ་ལྟར་བྱེད་ཅིང་ཐབས་ཀྱིས་འཛུད་དགོས་པའི་ཕྱིར། འདི་སྐད་དུ། །ཕ་དང་མ་ནི་གསད་བྱ་ཞིང་། །རྒྱལ་པོ་ཡུལ་འཁོར་བཅས་བཅོམ་ན། །མི་དེ་ཐར་པ་ཐོབ་པར་འགྱུར། །ཅེས་པ་ལ་སོགས་པའི་ཚིག་ལྡེམ་པོར་བརྗོད་པ་ནི། དོན་གཟུང་འཛིན་དང་རྣམ་ཤེས་ཚོགས་བརྒྱད་འཁོར་དང་བཅས་པ་གནས་སུ་དག་ནས་ཐར་བ་ཐོབ་པ་ལ་དགོངས་པ་སྟེ། མ་སྤངས་ཤིང་མི་ལྡན་པའི་གཏན་ཚིགས་ཐམས་ཅད་ལ་ངོས་བཟུང་ངོ་། །བཞི་པ་ནི། ཐེག་པ་འོག་མའི་སྒོར་ཞུགས་པའི་གང་ཟག་ཕལ་ཆེར་རང་སའི་ཡོན་ཏན་གྱིས་སེམས་ཁེངས་ནས། གསང་སྔགས་ལ་བརྙས་པ་བྱེད་ཅིང་དོན་དུ་མི་གཉེར་བ་རྣམས་ལ། དེ་དང་དེའི་ལམ་གྱིས་འབྲས་བུ་མི་ཐོབ་པས་ཡོན་ཏན་དམན་པའི་ཚུལ་གྱིས་ཚིག་ལྡེམས་པོར་བརྗོད་པ་ནི། དོན་གསང་སྔགས་ལ་མ་བརྟེན་པར་མཐར་ཐུག་གི་འབྲས་བུ་མི་ཐོབ་པ་ལ་དགོངས་པ་ཏེ། གསང་སྔགས་ཀྱི་ཆེ་ཡོན་ཐམས་ཅད་ལ་ངོས་བཟུང་ངོ་།། །། ༈ ཁྲེའུར་ཞེས་པ་ནི་མང་པོ་ལས་ལོགས་སུ་བཏུས་པའི་དོན།། །། ༈ མི་གཉིས་པ་ནི་གཉིས་སུ་མེད་པ།། །། ༈

སེམས་ལྔ་པོ་དེ་ཐུན་མོང་གི་ཐེག་པ་ལ་སྦྱར་བའི་ཚེ་ཐུན་མོང་དང་། སྔགས་ལ་སྦྱར་བའི་ཚེ་མཆོག་གི་སེམས་ལྔའམ། ཡང་ལམ་སྤྱིར་བརྩི་བ་ཐུན་མོང་དང་། ཐབས་ལམ་གྱི་སྐབས་ཁམས་ཀྱི་འགྲོས་ལ་བརྩི་བར་མཆོག་གི་སེམས་སུ་བཞེད་དོ།། །། ༈ ལྟ་བའི་སྐབས་ཉམས་སུ་ལེན་བྱེད་ལམ་གྱི་རིམ་པའི་ལྷ་གྲངས་དང་། བླང་བྱ་རྒྱུད་དོན་གྱི་ལྷ་གྲངས་གཉིས་ཀྱི། དང་པོ་ནི། ཁྱབ་བྱེད་ལམ་ཀུན་ཁྱབ་བྱ་ལྟ་བས་ཁྱབ་པའི་ཕྱིར་ལམ་གྱི་ལྷ་གྲངས་དགུ་སྟེ། ལམ་རིམ་ལས། །མཉམ་ཉིད་ངང་གིས་མི་སྐྲག་པ། །མངོན་བྱས་ངེས་པའི་ཤེས་༡རབ་དང་། །རྣམ་པ་ཀུན་ལྡན་སྟེང་ཆེན་༢མཐོང་། །རང་རིག་ཡེ་ཤེས་སྙིང་༣རྗེས་གཟིགས། །ཕྱག་རྒྱ་གཅིག་༤སྐུ་འབྲས་བུར་ལྟ། །ཐམས་ཅད་གསལ་བའི་ལྟ་བ་༥དང་། །བར་ཆད་མེད་པའི་ཚོགས་༦ཆེན་མཐོང་། །དབང་བསྒྱུར་༧མཉམ་ཉིད་མི་གཡོ་༨བ། །ཡེ་ཤེས་ཀུན་མཁྱེན་ལྟ་བ་དགུ། །ཞེས་གསུང་སྟེ་དེའི་དོན་ནི། ཆོས་ཉིད་བདེན་པ་དབྱེར་མེད་པ་མཉམ་པ་ཉིད་ཀྱི་ངང་ལས་མི་སྐྲག་པའི་བཟོད་པ་ཐོབ་པས། རང་རིག་པའི་མངོན་སུམ་སྒྲོ་འདོགས་དང་བྲལ་བར་གནས་པ་ལ་ཡིད་ཆེས་པའི་ངེས་གཏིང་ཚུགས་པར་རྙེད་པ་ནི་ངེས་པའི་ཤེས་རབ་ཀྱི་ལྟ་བ༡། རྣམ་ཀུན་མཆོག་ལྡན་གྱི་སྟོང་པ་ཆེན་པོ་མཐོང་བའི་ངང་ལ་གནས་པ་དེ་བཞིན་ཉིད་ཀྱི་༢ལྟ་བ། ཡུལ་ཡུལ་ཅན་གཉིས་སུ་མེད་པའི་རང་རིག་པའི་སྙིང་རྗེ་ཆེན་པོའི་ཏིང་འཛིན་གྱིས་ཡེ་ཤེས་སྒྱུ་མར་གཟིགས་པ་ཀུན་སྣང་སྙིང་རྗེ་ཆེན་པོའི་ལྟ་བ༣། འབྲས་བུ་དབྱེར་མེད་ཡི་དམ་ལྷ་ཡི་སྐུ་གཅིག་སྣང་སྟོང་ཟུང་འཇུག་ཏུ་གསལ་བར་ལྟ་བ་ཕྱག་རྒྱ་གཅིག་པའི་ལྟ་བ༤། རྟོག་ཚོགས་ཐམས་ཅད་ལྷའི་དཀྱིལ་འཁོར་ཆེན་པོར་གཉིས་མེད་དུ་གསལ་བ་རྟོགས་པ་ཕྱག་རྒྱ་སྤྲོས་བཅས་ཀྱི་༥ལྟ་བ། སྦྱོར་ལམ་བར་ཆད་མེད་པའི་ལམ་དུ་ཡོ་བྱད་ཐམས་ཅད་སྣང་ལ་རང་བཞིན་མེད་པར་སྤྱད་པས་ཚོགས་གཉིས་རྫོགས་པར་མཐོང་བ་སྦྱོར་ལམ་ཚོམ་བུ་ཚོགས་སྒྲུབ་ཀྱི་༦ལྟ་བ། རིག་པ་ལ་རང་དབང་བསྒྱུར་ཞིང་ཟག་མེད་མངོན་དུ་མཐོང་བ་མཐོང་ལམ་རྣམ་སྨིན་དང་ཚེ་དབང་གི་ལྟ་བ༧། ཆོས་ཉིད་མཉམ་པ་ཉིད་ཀྱི་དོན་ལས་བློ་མི་གཡོ་བསྒོམ་ལམ་ཕྱག་ཆེན་༨གྱི་ལྟ་བ། མཉམ་བཞག་གི་ངང་ལ་ཐམས་ཅད་མཁྱེན་པའི་ཡེ་ཤེས་ཀུན་ཡུལ་མེད་དུ་མཁྱེན་ཅིང་མངའ་བ་མཐར་ལམ་ལྷུན་གྲུབ་རིག་འཛིན་གྱི་ལྟ་བ་དང་དགུའོ། །གཉིས་པ་ནི། རྒྱུད་ཀྱི་དངོས་པོ་ཐམས་ཅད་ལའང་ཁྱབ་བྱེད་ལྟ་བས་ཁྱབ་པའི་ཕྱིར། རྒྱུད་དོན་གྱི་ལྷ་གྲངས་དགུ་སྟེ། སྔ་མར། རྒྱུད་དོན་གཟུངས་ཀྱིས་ཟིན་པ་ན། །དམ་ཚིག་དམ་ཚིག་ཅེས་བྱ་བ། །རང་གི་ལྟ་བ་དམ་ཚིག་ཡིན། །ཞེས་སོགས་མི་འདའ་བ་དམ་ཚིག་གི །བླང་དོར་མེད་པ་སྤྱོད་པའི། བཀོད་པ་དཀྱིལ་འཁོར་གྱི། རོལ་པ་ཕྲིན་ལས་ཀྱི། གནས་སུ་སྟོབ་པ་མཆོད་པའི། རིམ་པ་དབང་གི །དོན་དུ་གཉེར་བ་སྒྲུབ་པའི། ཉམས་སུ་ལེན་པ་ཏིང་འཛིན་གྱི། འཆིང་གྲོལ་མེད་པ་སྔགས་དང་ཕྱག་རྒྱའི་ལྟ་བ་རྣམས་ཏེ། དེ་དག་ཐམས་ཅད་ལྟ་བ་བདེན་གཉིས་དབྱེར་མེད་ཀྱི་རྒྱས་བཏབ་ནས་བསྒོམ་པའི་ཕྱིར་རོ།། །། ༈

གོང་འོག་འགར། རུ་ཞེས་སྣང་བ་ནི། གུ་རུའི་སྒྲ་བསྡུས་པས་བླ་མ་ལ་འཇུག་སྟེ་སྔ་འགྱུར་གྱི་སྐབས་འདིར་བླ་མ་དབང་ཕྱུག་དང་རུ་སོགས་ཀྱི་སྒྲས་སྨོས་པ་མང་ངོ་།། །། ༈ བརྒྱད་དང་བཞི་ལ་ངེས་པར་ནི། །སྟང་དཔྱལ་གཉིས་ཀྱི་དཀྱིལ་འཁོར་ཏེ། །ཕྱག་རྒྱ་དགུ་ཡི་མཚན་མས་གདབ། ཅེས་པའི་ཕྱག་རྒྱ་དགུ་ནི། སྐུ་གསུང་ཐུགས་ཀྱི་ལྷ་གསུམ། ཡེ་ཤེས་སེམས་དཔའ། དབུ་རྒྱན་རིགས་ལྔ་བཅས་སོ།། །། ༈ གོ་མ་ཡེ་ནི་བ་བྱུང་ལྔ་དང་། སུམ་ཅུ་ནི་བླ་མེད་ཀྱི་བུམ་རྫས་སུམ་ཅུའོ།། །། ༈ རྒྱུའི་ཡི་གེ་ལ་ཡི་གེ་བཞི་བཅུ་རྩ་གཉིས་ཞེས་པའི་རྒྱུའི་ཡི་གེ་ཨ་དང་། བཞི་བཅུ་རྩ་གཉིས་ནི་ཀ་ནས་ཀྵཿཡི་བར་གསལ་བྱེད་དང་༢༤། ཨི་ཨཱི་ནས་ཨོ་ཨཽ་བར་དབྱངས་བརྒྱད་དེ་ཞེ་གཉིས་སོ།། །། ༈ ལྗོན་ལྕུག་སྡོང་རེག་མཚན་རྫོགས་དང་། ཞེས་པ་ཕྱི་གནས་དང་། ནང་ཕྱག་རྒྱ་ལ་སྦྱར་བ་གཉིས་ལས། དང་པོ་ནི། ཞི་བའི་གནས་ལྗོན་ཤིང་གི་སྐྱེད་ཚལ། རྒྱས་པའི་གནས་ལྕུག་ཕྲན་རྒྱས་པའི་ས། དབང་ལ་ཤིང་གཅིག་གི་དྲུང་། དྲག་པོ་ལ་ནགས་ཚལ་མེས་ཚིག་པའི་ཤུལ་ལོ། གཉིས་པ་ནི། ཞི་བའི་ཡུམ་ལྗོན་ཤིང་ལྟ་བུ་སྟེ། ཁ་དོག་དཀར་ཞིང་། རི་མོ་འཁོར་ལོའི་གཟུགས་སུ་ཡོད་པ། རྒྱས་པའི་ཡུམ་ལྕུག་ཕྲན་གྱི་ཚལ་ལྟ་བུ་ནི། ཁ་དོག་སེར་ལ་རི་མོ་རིན་པོ་ཆེའི་གཟུགས་སུ་ཡོད་པ། དབང་གི་ཡུམ་སྡོང་གཅིག་ལྟ་བུ་ནི། ཤ་རྩ་དཀར་ལ་དམར་མདངས་ཆགས་པ་རི་མོ་པདྨའི་དབྱིབས་སུ་ཡོད་པ། དྲག་པོའི་ཡུམ་མེས་རེག་པ་ལྟ་བུ་ནི། ཁ་དོག་ནག་གམ་སྔོ་ལ་རི་མོ་ཟུར་གསུམ་དུ་ཡོད་པའོ། །གཞན་དུ་ཕྱི་གནས། ནང་ཏིང་འཛིན། གསང་བ་ཕྱག་རྒྱ་ལ་ངོས་བཟུང་བའི་ཚུལ་ཀྱང་འབྱུང་ངོ་། །འགྲེལ་ཆུང་ལས། །ལྗོན་ཤིང་ཅན་དང་ལྕུག་ཕྲན་རྒྱས་པའི་ས། །ཤིང་གཅིག་དྲུང་དང་མེས་ཚིག་ཕྱི་ཡི་གནས། །མ་རྨོས་པ་དང་པུ་ཏྲ་མང་འཕེལ་དང་། །སྐྱེ་བརྒྱུད་མེད་དང་བཀྲ་མི་ཤིས་གསང་བ། །ཞི་རྒྱས་དབང་དྲག་ཕྱི་ནང་གསང་བའི་གནས། །ཞེས་ཀྱང་གསུངས་སོ།། །། ༈ ལས་ཚོགས་ནི་རྒྱུད་དོན་གཞན་རྣམས་སྒྲུབ་པའི་ཆ་རྐྱེན་དུ་འགྱུར་ཏེ། གང་འདོད་པའི་སྤྱོད་ཡུལ་ཐམས་ཅད་ལྷུན་གྱིས་གྲུབ་ཅིང་འགལ་རྐྱེན་གྱིས་མི་འཕྲོག་པས་ལྟ་བ་རྟོགས་པའམ། སྤྱོད་པ་སྤྱད་པ་སོགས་ལ་ཐོགས་པ་མེད་པའི་ཕྱིར་རོ།། །། ༈ སྦྱིན་སྲེག་སྐབས། དུག་དང་ཚ་བ་ས་གསུམ་དང་། །ཞེས་པའི་ས་གསུམ་ནི་ཡི་གེ་ཉམས་པ་ལས། དོན་དུ་ཚྭ་གསུམ་ཞེས་རྒྱ་ཚྭ། རྒྱམ་ཚྭ། ཁ་རུ་ཚ་གསུམ་ཡིན་ནམ་སྙམ།། །། ༈ མུཀྐའི་ཆན་ནི་སྲན་མའི་ཆན། དན་ཏི་ལི་ཞེས་པ་དནྡ་རོག་པོ་སྟེ། བལ་ཡུལ་སོགས་སུ་སྣུམ་ནག་གི་རྒྱུའོ།། །། ༈ སྟངས་ཀྱི་སེམས་ཞེས་ལས་བཞི་གང་ཡིན་གྱི་དམིགས་པའི་སྟངས་བར་མ་ཆད་པ།། །། ༈ སྔགས་སྤུ་གྲི་དང་བཅས་པ་ཞེས་ལས་བཞི་སོ་སོའི་སྔགས་ཤམ།། །། མཉམ་སྐྱིལ་ནི་བདེ་ལུགས་ཀྱི་སྐྱིལ་ཀྲུང་། པད་སྐྱིལ་ལོང་བུ་བསྣོལ་བ། རུས་སྦལ་གྱི་འདུག་སྟངས་ནི་སྟེགས་ལ་ཧོར་འདུག་བྱེད་པ། ཚོགས་ཀྱི་འཁོར་ལོའི་ཡོ་བྱད་ཀྱི་ཁྱད་པར། ཧེ་རུ་ཀ་གལ་པོ་ལས། །རྡོ་རྗེ་ཚེ་དང་གལ་ཕྱིས་དང་། ཚེ་ཁྲིད་ཛ་གད་ཛ་གྷི་དང་། །བྲན་མོ་ཤམ་མོ་ཀུན་ཏུ་རྒྱུག །ན་ལིང་བདེ་རྒྱས་ལ་སོགས་བཤམ། ཅེས་པའི་ངོས་འཛིན་སོ་སོའི་མཆན་གྱིས་གསལ་བ་བཞིན་ནོ།། །། ༈

ཐུགས་ཐིག་གི་ལུགས། ཡི་གེ་འདུས་པ་གྲུབ་པ་བཞི། །མཐུ་ཅན་རེད་པ་གང་ཡིན་པ། །གཞི་རྫོགས་ཉིད་ལས་མི་འདའ་བ། །གང་ལ་སྣང་བ་དེ་ངོ་བོ། །ཞེས་པའི་དོན། སྔགས་ཀྱི་ངོ་བོ་ནི། ལུས་དང་ཡན་ལག་གི་ཡི་གེ་འདུས་ནས་ཡི་དམ་གྱི་ལྷ་གང་ཡིན་པ་བསྐྱེད་པ་ན་གྲུབ་པ་བཞི་རང་བཞིན་གྱིས་ལྡན་པ་ཡིན་ཏེ། ཆོས་ཉིད་གཉུག་མའི་ཡེ་ཤེས་གཞོམ་དུ་མེད་པའི་སྔགས་ཀྱི་དེ་ཁོ་ན་ཉིད་རང་ལ་གདོད་ནས་རང་ཆས་སུ་གནས་པ་ནི་ཆོས་ཉིད་རང་བཞིན་གྱིས་གྲུབ་པ། རྩ་རླུང་ཐིག་ལེ་རྟོག་ཚོགས་ཀྱི་རྣམ་པ་ཐམས་ཅད་ཡི་གེ་དང་། སྔགས་དང་། ཕྱག་རྒྱའི་དཀྱིལ་འཁོར་ཆེན་པོར་རང་ཆས་སུ་ཤར་བ་ནི་ཆོས་ཅན་རང་གི་ངོ་བོས་གྲུབ་པ། དེ་ཉིད་སྐྱེ་འགགས་མེད་པའི་ཡེ་ཤེས་སུ་རང་སྣང་བས་སྒྲུབ་པ་པོའི་རྒྱུད་བྱིན་གྱིས་བརླབས་པ་བྱིན་རླབས་ཀྱིས་གྲུབ་པ། སྔགས་ཀྱི་དེ་ཁོ་ན་ཉིད་རྟོགས་ཤིང་གོམས་པའི་སྦྱོར་བས་མཆོག་གི་དངོས་གྲུབ་སྐུ་ལྔ་ལྷུན་གྱིས་གྲུབ་པ་དང་། ཐུན་མོང་གི་དངོས་གྲུབ་ལ་དབང་འབྱོར་བ་མཐུས་གྲུབ་པ་སྟེ། དེ་ལྟ་བུའི་སྔགས་ཀྱི་ནུས་པས་དངོས་གྲུབ་རྣམ་གཉིས་ལ་སྦྱོར་བའི་ཕྱིར་ནུས་མཐུ་ཁྱད་པར་ཅན་དུ་འགྱུར་བ་ནི་སྔགས་ཀྱི་ངོ་བོའོ། །ཕྱག་རྒྱའི་ངོ་བོ་ནི། སྐུ་ཕྱག་ཆེན། གསུང་ཆོས་རྒྱ། ཐུགས་དམ་རྒྱ། འཕྲོ་འདུ་ཕྲིན་ལས་བཞིར་རྫོགས་པ་ཉིད་ལས་མི་འདའ་བས་ཕྱག་རྒྱ་སྟེ། དེ་ལྟ་བུས་རྣལ་འབྱོར་པ་གང་གི་སྒོ་གསུམ་སྤྱོད་ཡུལ་དང་བཅས་པ་ལ་རྒྱས་བཏབ་པར་སྣང་བའོ།། །། ༈

ཚེ་དབང་རིག་འཛིན་གྱི་སྐབས་སུ། ངོ་བོ་ཐབས་དང་སྨན་རིག་འཛིན། །རྣལ་འབྱོར་སྒྲོལ་མའི་རིག་འཛིན་དང་། །ལམ་མཆོག་རྫོགས་པའི་རིག་འཛིན་བཞི། ཞེས་པའི་དོན། འདི་ལྟར་ཚེ་ལ་དབང་བའི་རིག་འཛིན་ནི་སྒྲས་བརྗོད་རིགས་ཀྱི་དབྱེ་བའི་དབང་དུ་བྱས་ན་རྒྱུ་བཞི་ལས་བྱུང་བ་སྟེ། རྡོ་རྗེའི་ཚེ་སྒྲུབ་པའི་ཐབས་དང་། ཉི་ཤིང་དང་། ར་མོ་ཤག་དང། བདུད་རྩི་ལྔ་དང་། གཞན་ཡང་བཅུད་ལེན་གྱི་སྨན་སྦྱོར་ཇི་སྙེད་པ་ལ་བརྟེན་ནས་ཚེ་རིང་བར་གྱུར་པ་དང་། དངོས་ཡིད་ཀྱི་ཕྱག་རྒྱ་ལ་བརྟེན་ནས། ཐབས་ལམ་སྟེང་སྒོ་དང་འོག་སྒོའི་རྣལ་འབྱོར་གྱིས་ཐིག་ལེ་དབབ་བཟུང་བཟློག་དགྲིམ་གྱི་སྦྱོར་བས་དངུལ་ཆུའི་སྦྱོར་བས་ལྕགས་རྣམས་གསེར་དུ་བསྒྱུར་བ་ལྟར་སྙིགས་མ་དྭངས་མའི་ལུས་སུ་གྱུར་ནས་ཚེ་རིང་བར་གྱུར་པ་དང་། སྒྲོལ་མའི་རྣལ་འབྱོར་ནི། སྟེང་འོག་གི་འཁོར་ལོ་དང་། སྟེང་འོག་གི་རླུང་རྡོ་རྗེ་དྷཱུ་ཏཱིའི་དབྱིངས་སུ་ཁ་སྦྱོར་གྱི་ཆོ་གས་བཅིངས་པ་ལས་འགོག་པའི་སྙོམས་འཇུག་ལྟར་ཚེ་བསྐལ་པར་གནས་པ་དང་། ལམ་མཆོག་ཡོངས་སུ་རྫོགས་པ་ནི། དེ་ཁོ་ན་ཉིད་ཀྱི་དོན་ལ་ཕྱིན་ཅི་མ་ལོག་པའི་གོམས་པ་བརྟས་པས་མཐོང་ལམ་ཟག་པ་མེད་པའི་ཡེ་ཤེས་མངོན་སུམ་དུ་གྱུར་པའོ།། །། ༈ ཕྱག་ཆེན་གྱི་རིག་འཛིན་ལ། ཀྲི་ཡས་རིགས་གསུམ་དབྱེ་བ་ནི། སྤྱིར་བྱ་བའི་རྒྱུད་ཀྱི་བསྒྲུབ་བྱའི་ལྷ་ཐམས་ཅད་རིགས་དྲུག་ཏུ་འདུ་ཞིང་། དེའང་བསྡུ་ན། དེ་བཞིན་གཤེགས་པ་དང་། པདྨ་དང་། རྡོ་རྗེའི་རིགས་གསུམ་དུ་འདུ་བ་ལས། ལམ་དུས་སུ་སྒྲུབ་པ་པོས་གང་ལ་བསྙེན་པའི་ལྷ་དེ་དང་དེ་ཡི་རྣམ་པར་ཤར་པའོ། །ཨུབྷ་ཡས་རིགས་བཞིར་སྣང་བ་ནི། མི་བསྐྱོད་པ་མ་གཏོགས་པའི་རིགས་ལྷག་མ་བཞི་དང་། རྣལ་འབྱོར་གྱི་རྒྱུད་དུ་རིགས་ལྔར་སྣང་བ་ནི་སྤྱི་ལྟར་རོ། ། ༈ གཞི་ལམ་འབྲས་བུའི་རྣམ་གཞག་ཚིག་དོན་གྱི་ས་བོན་ཅེས་བྱ་བ། རྗེ་བཙུན་ངག་གི་དབང་ཕྱུག་ལ་ཕྱག་འཚལ་ལོ། །ཐེག་པ་ཐམས་ཅད་ཀྱི་བརྗོད་བྱ་གཞི་ལམ་འབྲས་གསུམ་གྱི་རྣམ་པར་བཞག་པ་ལ་གསུམ་སྟེ། དང་པོ་གཞི་ཡི་རྣམ་པར་བཞག་པ་ནི། ཉན་ཐོས་བྱེ་སྨྲ་བས། ཆོས་གོས། བསོད་སྙོམས། གནས་མལ་ངན་དོན་ཙམ་གྱི་ཆོག་ཤེས་པ་གསུམ་དང་། སྤོང་བ་བསྒོམ་པ་ལ་དགའ་བ་སྟེ་བཞིས་བསྡུས་པའི་སེམས་བྱུང་མ་ཆགས་འཕགས་པའི་རིགས་ཅན་འདོད་ཆུང་ཆོག་ཤེས་ཞིག་ལ་འདོད། མདོ་སྡེ་པས་ཟག་མེད་སེམས་གྱི་ས་བོན་འབྲས་བུ་འབྱུང་རུང་གི་ནུས་པ་ལ་འདོད། ཐེག་ཆེན་སེམས་ཙམ་པས། ཀུན་གཞིའི་རྣམ་ཤེས་ལ་ཡོད་པའི་ཟག་མེད་ཀྱི་ཡོན་ཏན་རྐྱེན་དང་ཕྲད་ན་བྱང་ཆུབ་ཐོབ་པར་བྱེད་པའི་ནུས་པ་ཐོག་མེད་ནས་ཡོད་པ་སྐྱེ་མཆེད་དྲུག་གི་ཁྱད་པར་རམ། ཟག་མེད་ས་བོན་གྱི་ཆའམ། སྒྲིབ་པ་སྤང་རུང་ངམ། ཐོས་པའི་བག་ཆགས་སོགས་མིང་གི་རྣམ་གྲངས་དུ་མ་དང་ལྡན་པ་ཞིག་ལ་འདོད། དབུ་མ་པ་ལ། བྱམས་མགོན་གྱིས་རྒྱུད་བླར་གསལ་བའི་ལྡོག་ཆ་ནས་བཤད་པ་གཙོ་ཆེ་སྟེ། གཞི་ལམ་འབྲས་བུའི་ཡོན་ཏན་གྱི་ལྡོག་པ་མ་ལུས་པ་ཚང་བའི་བདེ་གཤེགས་སྙིང་པོ་ནི། རྫོགས་སངས་སྐུ་ནི་འཕྲོ་ཕྱིར་དང་། །ཞེས་སོགས་སྒྲུབ་བྱེད་གསུམ་གྱིས་འགྲོ་རྒྱུད་ལ་ཡོད་པར་བསྒྲུབ། ངོ་བོ་རྒྱུ་འབྲས་ལས་ལྡན་འཇུག་པ་དང་། །ཞེས་སོགས་རྣམ་གཞག་བཅུ་ཡིས་གཏན་ལ་ཕབ། སངས་རྒྱས་པད་ནང་སྦྲང་རྩི་སྦྲང་མ་ལས། །ཞེས་སོགས་དྲི་མས་སྒྲིབ་ཚུལ་དཔེ་དགུས་བསྟན། དག་སོགས་བྲལ་བ་རང་གཞན་དོན། །ཅེས་སོགས་དང་། རང་དོན་དོན་དམ་སྐུ་དང་ནི། །ཞེས་སོགས་དང་། བརྒྱ་བྱིན་རྔ་སྤྲིན་ཚངས་པ་དང་། །ཞེས་སོགས་རྣམས་ཀྱིས་རིམ་པ་བཞིན། དག་པ་གཉིས་ལྡན་གྱི་བྱང་ཆུབ་དང་། བྲལ་བ་དང་རྣམ་སྨིན་གྱི་ཡོན་ཏན་དྲུག་ཅུ་རྩ་བཞི་དང་། རྒྱུན་མི་འཆད་པ་དང་། ལྷུན་གྱིས་གྲུབ་པའི་ཕྲིན་ལས་སོགས་ཀྱིས་འབྲས་བུའི་གནས་ཚུལ་ཁྱད་པར་བཤད་པའི་ཕྱིར། སློབ་དཔོན་ཀླུ་སྒྲུབ་རིག་ཚོགས་ལས་སྟོང་པའི་ལྡོག་ཆ་གཙོ་ཆེ་བར་གསུངས་ཏེ། དེ་ལས་རྟེན་འབྲེལ་གྱི་རྟགས་དང་། མཐའ་བཞིའི་སྤྲོས་པས་སྟོང་པའི་ཚུལ་རིགས་པས་གཏན་ལ་ཕབ་ནས་ཆོས་ཐམས་ཅད་བདེན་པས་སྟོང་པའི་སྟོང་ཉིད་ལ་འཁོར་འདས་ཀྱི་བྱ་བྱེད་རུང་བར་གསུངས་པའི་ཕྱིར་རོ། །ཡང་དེ་ཉིད་ཀྱི་བསྟོད་ཚོགས་ལས་ཟུང་འཇུག་གི་ལྡོག་ཆ་གཙོ་ཆེ་བར་གསུངས་ཏེ་རྟེན་འབྲེལ་གྱི་རྟགས་ལས་འདུས་བྱས་བདེན་སྟོང་གི་སྟོང་ཉིད་དེ་དང་། བདེན་གྲུབ་བཀག་པའི་ཅི་ཡང་མེད་པ་ཙམ་ཡིན་པ་སྤངས་ནས། འཁོར་འདས་རང་བཞིན་གྱིས་ལྷུན་གྱིས་གྲུབ་པའི་སེམས་དང་ཟུང་དུ་འཇུག་པ་ཉིད་འཁོར་འདས་ཀུན་གྱི་གཞི་ཡིན་པའི་ཕྱིར་ཞེ་ན། གཞི་སྟོང་པ་ཉིད་ལས་འཁོར་འདས་ཀྱི་བྱ་བྱེད་རུང་བར་གསུངས་པའི་ཕྱིར་ཏེ། ས་ཡི་དཀྱིལ་ན་ཡོད་པའི་ཆུ། །དྲི་མ་མེད་པ་གནས་པ་ལྟར། །ཉོན་མོངས་ནང་ན་ཡེ་ཤེས་ཀྱང་། །དེ་བཞིན་དྲི་མ་མེད་པར་གནས། ཅེས་ཉོན་མོངས་པའི་སྦུབས་ན་རང་བཞིན་གྱི་ དྲི་མས་མ་གོས་པའི་སེམས་རང་རིག་རང་གསལ་རྒྱུན་ཆགས་སུ་ཡོད་པར་བཤད་ནས། དེ་ཉིད་བདེན་པར་གྲུབ་བམ་སྙམ་ན། བསམ་གྱིས་མི་ཁྱབ་པར་བསྟོད་པར། གང་གི་དངོས་པོ་རྟེན་འབྱུང་རྣམས། །ངོ་བོ་མེད་པ་ཉིད་དུ་གསུངས། །ཞེས་རྟེན་འབྲེལ་གྱི་རྟགས་ལས་དེ་ཡང་བདེན་མེད་དུ་བཤད་པ་ལས་དེ་ལྟར་གྲུབ་པའི་ཕྱིར་རོ། །དེས་ན་གསལ་སྟོང་ཟུང་འཇུག་གི་ཡེ་ཤེས་དེ་ཉིད་སྔགས་ཀྱི་རྒྱུད་རྣམས་སུའང་རྡོ་རྗེའི་ཚིག་དུ་མས་གཏན་ལ་ཕབ་སྟེ་དགོངས་པ་གཅིག་ཏུ་གྲུབ་བོ། །གཉིས་པ་ལམ་གྱི་རྣམ་པར་བཞག་པ་ལ། སྤྱིར་རྒྱལ་བས་གསུངས་པའི་ཆོས་ཐམས་ཅད་རྗོད་བྱེད་སྡེ་སྣོད་གསུམ་དང་། བརྗོད་བྱ་བསླབ་པ་གསུམ་དུ་འདུ་བ་ལས། ཉན་ཐོས་པ་དག་ངེས་པར་འབྱུང་བའི་བསམ་པས་སོ་སོར་ཐར་པ་རིས་བདུན་གང་ཡང་རུང་བ་བླངས་ནས་ཉེས་སྤྱོད་ཀྱི་ཚོགས་རྣམས་སྡོམ་པ་ཙམ་གཙོ་བོར་བྱེད་པ་ལྷག་པ་ཚུལ་ཁྲིམས་དང་། བསམ་གཟུགས་ཀྱི་སྙོམས་འཇུག་ལ་སོགས་པར་སྒྲུབ་པར་བྱེད་པ་བསམ་གཏན། བྱང་ཆུབ་ཕྱོགས་ཀྱི་ཆོས་དང་མཐུན་པར་ཡིད་ལ་བྱེད་པ་ཤེས་རབ་ཀྱི་བསླབ་པ་རྣམས་སུ་བཞག་ཅིང་། རང་རྒྱལ་ནི་དེའི་སྟེང་ན་རྟེན་ཅིང་འབྲེལ་བར་འབྱུང་བའི་ལམ་ལ་བསྒོམ་པ་དང་། རྣམ་པར་འབྱེད་པའི་ཤེས་རབ་བརྟེན་པའོ། །བྱང་སེམས་པས་སྨོན་འཇུག་གིས་བསྡུས་པའི་ཚུལ་ཁྲིམས་གཞན་ཕན་གཙོ་བོར་བསྒྲུབ་ཅིང་། ཞི་གནས་བསམ་གཏན་དང་། ལྷག་མཐོང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་པ་དང་། རྡོ་རྗེ་ཐེག་པར་དབང་བསྐུར་བས་ཐོབ་པའི་སྔགས་ཀྱི་ཚུལ་ཁྲིམས་དང་། བསྐྱེད་པའི་རིམ་པ་སེམས་རྩེ་གཅིག་པའི་ཏིང་འཛིན་བསྒྲུབས་ནས། རྡོ་རྗེའི་ལུས་ལ་གནད་དུ་བསྣུན་པའི་ཐབས་ཟབ་མོ་རྫོགས་པའི་རིམ་པས་ཆོས་རྣམས་ཀུན་གྱི་དེ་ཁོ་ན་ཉིད་ཕྱག་རྒྱ་ཆེན་པོའི་ཡེ་ཤེས་ལ་དབང་བསྒྱུར་བའོ། །གསུམ་པ་འབྲས་བུ་ནི། བྱེ་སྨྲ་བས་སངས་རྒྱས་སྐུ་ལ་རྣམ་གྲོལ་ཆོས་སྐུ་དང་། རྣམ་སྨིན་གཟུགས་སྐུ་གཉིས་སུ་འདོད། མདོ་སེམས་དབུ་གསུམ་གྱིས་སྐུ་གསུམ་ཡེ་ཤེས་བཞི་རུ་འདོད། བྱ་རྒྱུད་སོགས་འོག་མ་གསུམ་གྱིས། སྐུ་གསུམ་འདོད་ཚུལ་ཕར་ཕྱིན་དང་ཆ་འདྲ་ལ། རྣམ་པའི་འདོད་ཚུལ་ནི་ཐ་དད་དེ། སྤྱོད་རྒྱུད་མན་ཆད་གཟུགས་སྐུ་རིགས་ལྔར་མི་འདོད་ཀྱང་། རྣལ་འབྱོར་རྒྱུད་ཡན་ཆད་དུ་རིགས་ལྔར་འདོད། རྣལ་འབྱོར་ཆེན་པོར་སྐུ་བཞིའི་རྣམ་བཞག་ཁས་ལེན་ཅིང་། རྣལ་འབྱོར་དབང་ཕྱུག་གི་མན་ངག་སོགས་ལས་སྐུ་ལྔར་གསུངས་པའི་ཚུལ་ཡང་ཡོད་དོ། །ཞེས་པའང་ཨ་བྷཱ་ཡས་བཏུས་པའོ།། །། ༈

རྗེ་བཙུན་ས་སྐྱ་པ་ཡབ་སྲས་ཀྱིས་ས་ལམ་གྱི་རྣམ་གཞག་འདི་ལྟར་འཆད་དེ། དེ་ཡང་ས་ལྷག་མ་གསུམ་ཕ་རོལ་ཏུ་ཕྱིན་པའི་ལམ་གྱིས་བགྲོད་པར་མི་ནུས་ཏེ། དེ་གསུམ་བླ་མེད་ཀྱི་ལམ་ཁོ་ནའི་བགྲོད་བྱ་ཡིན་པའི་ཕྱིར། ཡུལ་ཉི་ཤུ་རྩ་བཞིའི་རླུང་སེམས་དབུ་མར་ཞུགས་པས་ས་བཅུ་དང་། དེ་སྟེང་སྙིང་ཁའི་ཕྱི་བསྐོར་གྱི་རྩ་འདབ་བརྒྱད་དང་། སྦས་པའི་རྩ་ལྔའི་རླུང་སེམས་དབུ་མར་ཞུགས་པས་ལྷག་མ་གསུམ་བསྐྱེད་དགོས་ཤིང་། དེ་བསྐྱེད་པའི་ཐབས་བླ་མེད་ཀྱི་ལམ་ལ་རགས་ལས་པའི་ཕྱིར། འོ་ན་ཕར་ཕྱིན་པས་ས་བཅུ་པ་ཡང་བགྲོད་པར་མི་ནུས་པར་དོགས་ན། ས་བཅུ་མན་ཆད་ཀྱི་རྟོགས་པ་ལུས་དང་སེམས་ལ་གནད་དུ་བསྣུན་པ་གཉིས་ཀས་ཕྱེ་བས་ཕར་ཕྱིན་པ་ཕྱི་མའི་ཚུལ་ཅན་ཡིན་པའི་ཕྱིར། ས་ལྷག་མ་གསུམ་པོ་སྦས་པ་གསུམ་ཞེས། ས་བཅུ་གཅིག་པ་དོན་སྦས་ལ་མིང་མ་སྦས་ཏེ། མིང་ཕར་ཕྱིན་ལ་གྲགས་ཀྱང་དོན་སྔགས་ལ་ས་བཅུ་གཉིས་པ་མན་ཆད་སློབ་པ་དང་། བཅུ་གསུམ་པ་མི་སློབ་པར་བསྟན་པའི་ཕྱིར། ས་བཅུ་གཉིས་པ་མིང་དོན་གཉིས་ཀ་སྦས་ཏེ་ཕར་ཕྱིན་ལ་མིང་དོན་དེ་ལྟར་མ་གྲགས་པའི་ཕྱིར། ས་བཅུ་གསུམ་པ་མིང་སྦས་ལ་དོན་མ་སྦས་པ་སྟེ། བཅུ་གསུམ་པའི་མིང་མ་གྲགས་ཤིང་དོན་ཐེག་ཆེན་མི་སློབ་པའི་ལམ་ལ་འཇོག་ཕྱིར་དེར་གྲགས་པའི་ཕྱིར། དེས་ན་ས་བཅུ་གཅིག་པའི་མིང་ཙམ་ཞིག་ཕར་ཕྱིན་ལ་གྲགས་ཀྱང་དེ་དངོས་མ་ཡིན་ཏེ་དངོས་སློབ་ལམ་ཁོ་ནས་ཁྱབ་པའི་ཕྱིར། དེས་ན་ཕར་ཕྱིན་སྔགས་གཉིས་སངས་རྒྱས་ཀྱི་མཚན་ཉིད་སྐུ་གསུམ་ཡེ་ཤེས་ལྔ་ཉིད་སྤངས་རྟོགས་ཐམས་ཅད་རྫོགས་པ་ལ་མཐུན་ཀྱང་། མཚན་གཞི་མི་མཐུན་ཏེ་སྔ་མས་ས་བཅུ་གཅིག་པ་དང་། ཕྱི་མས་བཅུ་གསུམ་པ་ལ་འཇོག་པའི་ཕྱིར། འོ་ན་ཕར་ཕྱིན་གྱི་ཐེག་པས་སངས་རྒྱས་དངོས་མི་ཐོབ་པས་དོན་མེད་པར་ཐལ་ཞེ་ན། ཕར་ཕྱིན་རང་རྐང་གིས་ས་བཅུ་པའི་བར་ཐོབ་ཅིང་། དེ་ནས་སྔགས་ལམ་ལ་མི་འཇུག་པ་མི་སྲིད་པའི་ཕྱིར་དེ་ཡན་ཆད་སྔགས་ལམ་གྱིས་ཚེགས་ཆུང་དུས་ཐོབ་པའོ། །ཀྱེ་རྡོར་ལས་གནས་དང་ཉེ་བའི་གནས་སོགས་བསྡུས་པའི་སློབ་ལམ་ས་བཅུ་གཉིས་སུ་ཕྱེ་ཞིང་། དེའི་ཚེ་དེས་བསྡུས་པའི་ཡུལ་ཆེན་པོ་གཉིས་ཀྱི་ནང་གནས་༨བཞི་བཞིའི་རླུང་སེམས་དབུ་མར་ཚུད་ཅིང་། ཕྱིའི་ཡུལ་བཞིའི་མཁའ་འགྲོ་བཞི་དབང་དུ་འདུས་པས། ས་དང་པོ་གཉིས་གཉིས་ཀྱི་རྟོགས་པ་འགྲུབ་ཅིང་། དེ་བཞིན་དུ་ཕྱི་ནང་གི་ཡུལ་གཉིས་དབང་དུ་འདུས་པས་༢༨ས་གསུམ་ནས་བཅུ་པའི་བར་དང་། བཞི་བཞི་དབང་དུ་འདུས་པས་༣༢ས་བཅུ་གཅིག་བཅུ་གཉིས་གྲུབ་པར་གསུངས་པ་དང་། བདེ་མཆོག་རྩ་རྒྱུད་དང་སཾ་ཊ་བདུན་པར་ཡུལ་ཉེར་བཞིའི་དང་པོ་བཞི་བཞི་དབང་དུ་འདུས་པས་ས་དང་པོ་གཉིས་དང་། དེའི་ལྷག་མ་གཉིས་གཉིས་དབང་དུ་འདུས་པས་ས་བཅུ་པའི་བར་ཐོབ་པར་བཤད་པ་དང་། དེ་སྟེང་དཔེ་མེད་དང་ཡེ་ཤེས་ཆེ་གཉིས་བསྣན་པར་མངོན་བརྗོད་ལས་གསུངས་པས་མཐུན་ལ། མི་སློབ་པའི་ས་བཅུ་གསུམ་ནི། ནང་དུ་སྦས་པའི་རྩ་ལྔའི་རླུང་སེམས་དང་། ཕྱི་རོལ་དུ་ཡུལ་ཆེན་ལྷག་མ་བཞི་ལྔ་གླིང་རིན་དང་བཅས་པའི་དཔའ་བོ་དང་རྣལ་འབྱོར་མ་དབང་དུ་འདུས་པས་གྲུབ་པར། ཀུ་མུ་ཏིར་རྒྱུད་རྒྱས་པའི་ལུང་། །འཐུང་གཅོད་དཔེ་མེད་ཡེ་ཤེས་ཆེ། །ཉེ་བའི་འཐུང་གཅོད་ཡེ་ཤེས་ཆེ། །ཞེས་གསུངས་པ་མངོན་བརྗོད་དང་མཐུན་ལ། དགོངས་པ་ལུང་བསྟན་ལས། སངས་རྒྱས་རྣམས་ཀྱི་གང་བསྟེན་པའི། །སར་གྱུར་དེ་ནི་བཅུ་གསུམ་པ། །ཞེས་གསུངས་སོ། །དེས་ན་ཕར་ཕྱིན་ལས་བཤད་པའི་མཚན་ཉིད་ཅན་གྱི་སངས་རྒྱས་དངོས་བླ་མེད་ཁོ་ནའི་ལམ་གྱིས་ཐོབ་དགོས་ཏེ་ཕར་ཕྱིན་གྱིས་ཐོབ་པ་མིན་ནོ།། །། ༈

[edit]

bshes gnyen bsten tshul sogs zin thun sna tshogs/ thog mar yon tan kun gyi rtsa ba bshes gnyen bsten tshul la thug pas bshes gnyen bsten pa'i phan yon dang /__ma bsten pa'i nyes dmigs bsam pa/__rtsa ba dad pa sbyang ba/__bka' drin rjes dran gyi gus pa gnyis kyi sgo nas bsam pas bsten tshul dang /__mnyes pa gsum gyi sgo nas mnyes par bya ba sbyor bas bsten tshul la 'bad de lam gyi rtsa ba tshugs pa zhig bya/__de nas dal 'byor rang gi ngo bo ngos bzung ba dang /__gnas skabs dang mthar thug la ltos nas don che ba dang /__dpe dang /__ngo bo dang /__rgyu'i sgo nas rnyed par dka' ba'i tshul rnams so sor rtog pa'i shes rab kyis dpyad nas rgyu mtshan du ma'i sgo nas yun ring du bsams pas skad cig rer yang don med du btang mi phod par snying po len 'dod kyi bsam pa brtan po bskyed/__snying po len lugs ni skyes bu gsum gyi lam la rim gyis blo sbyong ba ste/__de yang dal 'byor gyi rten phun sum tshogs pa 'di lta bu thob pa'ang ring du mi gnas pas nges par 'chi ba dang /__nam 'chi la nges pa med pa dang /__'chi ba'i tshe chos ma gtogs gzhan gang gis kyang mi phan pa'i tshul rnams rgyu mtshan du ma'i sgo nas bsams te tshe 'di'i bya ba gang gi'ang dbang du mi gtong bar snying gi thig le'i gdams pa zab mo 'di bsgom pa la chig bsgril du 'bad par thag bcad pa dang /__de nas ngan 'gro'i sdug bsngal la bsams te snying nas 'jigs pas dkon mchog gsum la de las skyob pa'i nus pa yod par yid ches rnyed pa byung ba na skyabs 'gro bslab bya dang bcas pa la 'bad/__de ltar skyes bu chung ngu'i lam la sbyangs pas tshe 'di las blo log ste 'jig rten phyi ma'i don 'ba' zhig sgrub par sems skyes pa na srid pa mtha' dag gi nyes dmigs dpyad cing bsams te btson rar chud pa'i mi gnas de las thar bar 'dod pa dang /__mtsho la gnas pa'i bya rnams mtsho de 'khyags par mthong na gnas de la skad cig kyang mi chags par gzhan du 'gro bar 'dod pa ji ltar bar srid pa mtha' dag la zhen pa gting nas log ste nyin mtshan kun tu thabs gang byas na 'khor ba'i btson ra 'di las thar snyam du thar pa don gnyer gyi bsam pa 'ba' zhig ngam ngam shugs kyis skye ba dang /__thar pa thob pa la lam bslab pa gsum la bslab dgos pas/__de rnams kyi grangs dang /__go rim nges pa/__ngo bo ma nor ba rnams la nges pa gting tshugs pa zhig rnyed par bya ba dang /__lhag par theg pa gsum gyi yon tan thams cad tshul khrims dag pa'i mthu la ltos par nges pa brtan po rnyed par byas te bcas rang gi nyes pa phra mos kyang ma gos pa'i tshul khrims rnam par dag pa zhig la skyes bu'i rtsal ci yod kyis 'bad/__de ltar skyes bu 'bring gi lam la blo sbyangs pas 'khor ba mtha' dag las blo log ste thar pa don gnyer gyi 'dun pa shugs drag po skyes pa na/__rang nyid ji lta bar mkha' mnyam gyi sems can thams cad 'khor ba'i btson rar tshud nas sdug bsngal brgya phrag gis gzir ba'i tshul la shas mi bzod pa'i brtse ba chen po bskyed de theg pa chen po'i lam thams cad kyi rtsa ba ni snying rje chen po la thug pas snying rje chen po bskyed pa la 'bad dgos shing /__de bskyed pa la yid 'ong gi byams pa bskyed dgos la/__de bskyed pa la man ngag lugs gnyis te/__sher phyin gyi mdo'i dgongs pa ltar sems can thams cad pha ma drin can du bltas nas bskyed pa dang /__mdo sde phal po che'i dgongs pa ltar sems can thams cad gnas skabs dang mthar thug gi yon tan thams cad bskyed pa'i rgyur bltas nas yid 'ong gi byams pa bskyed tshul gnyis las 'dir gdams ngag gnyis ka'i rgyun bsres te bsgom pa yin pas/__thog mar yid 'ong gi byams pa skye ba'i gzhi sems can thams cad la sems snyoms pa'i btang snyoms bsgom/__de nas de thams cad tshe rabs du mar rang gi pha ma lan mang du byas pa'i drin can sha stag yin pa dang /_de dang de'i skabs su drin gyis ji ltar bskyangs pa'i tshul dang /__de dag la drin bzo bya dgos pa'i tshul rnams sgo du ma nas bsams te/__yid 'gyur gyi myong ba brtan po ma skyes pa'i bar du bsgom/__de yang bdag gces 'dzin gyi skyon dang /__gzhan gces 'dzin gyi phan yon sgo du ma nas bsams te rang gces 'dzin gyi blo ngan 'di rgud pa thams cad kyi 'byung gnas dang /__gzhan gces 'dzin yon tan thams cad kyi 'byung gnas su nges pa brtan po rnyed pa zhig bya/__de nas mkha' khyab kyi sems can thams cad kyi gnas skabs dang mthar thug gi bde ba thams cad bskyed pa dang /__dmyal ba'i sdug bsngal nas dgra bcom pa rnams dbu bsnyung ba lta bu'i sdug bsngal phra mo yod pa dang /__sa bcu pa'i byang chub sems dpa' rnams kyi thugs rgyud la gnyis snang phra mo yod pa'i bar gyi sdug bsngal thams cad gtan nas byang bar 'dod pa dang /__de yang smon pa'i yul tsam du ma bzhag par rang nyid kho na'i khur du 'khyer ba'i gzhan don don gnyer gyi blo dang /__de lta bu'i gzhan don rlabs po che sgrub pa la rang ngos nas skyon kun zad yon tan kun rdzogs sangs rgyas kyi go 'phang de nges par ci nas kyang thob dgos par 'dug snyam pa'i nges pa'i shes pa brtan po bskyed pa byang chub don gnyer gyi tshul la blo gzhan rkyen gang gis kyang 'phrog tu mi nus pa bsgom par bya'o/__/de nas lam pha rol tu phyin pa drug dang /__khyad par zhi gnas lhag mthong bsgom pa la rtsal du 'don dgos te/__de'i tshul yang /__dbu ma rig tshogs nas gsungs pa'i rigs pas bdag med gnyis gtan la phab ste/__de nyid yul du byas te de'i stong sems 'jog pa sogs sems gnas dgu la brten nas bying rgod gang gis kyang mi g.yeng bar ci 'dod du 'jog nus pa'i ting nge 'dzin khyad par can zhig 'bad pas bsgrub/__de grub pa na sems rtse gcig tu gnas bzhin pa'i ngang nas so sor rtogs pa'i shes rab khyad par can gyis sems kyi gnas lugs la dpyad de nges pa 'dren pa dang /__nges pa'i don la rtse gcig 'jog pa dang /__rjes thob tu'ang gang snang thams cad sgyu ma dang rmi lam lta bur blta zhing snang ba rten 'brel du 'char zhing stong par 'char ba dang /__snang bas yod mtha' sel zhing stong pas med mtha' sel ba bden gnyis zung 'jug gi tshul nges pa thag chod pa zhig rnyed par bya'o/__/de ltar skyes bu chen po'i lam la blo sbyangs pas rang don yid byed mtha' dag la blo log ste gzhan phyir sangs rgyas thob 'dod kyi blo bcos min skyes pa na/__myur ba myur bar sangs rgyas kyi go 'phang thob pa'i phyir gsang sngags rdo rje theg pa'i sgor zhugs par bya ste/__de yang rgyud ma smin pa smin par byed pa dbang dang /__dbang gi srog dam tshig dang sdom pa dang grol bar byed pa bskyed rdzogs kyi lam 'khor dang bcas pa la brtson par bya'o/__/de ltar 'bad pas skyes bu chung ngu'i lam la sbyangs pa'i lag rjes su/__tshe 'di'i bya ba thams cad byis pa'i spyod tshul dang smyon pa'i zlos gar lta bur mthong nas tshe 'di la ma chags par 'jig rten phyi ma'i don sgrub par 'dod pa'i bsam pa brtan po zhig skye ba 'byung /__de nas skyes bu 'bring gi lam la sbyangs pa'i lag rjes la srid rtse nas mnar med bar gyi khams gsum 'khor ba'i gnas thams cad btson ra dang me 'bar ba'i 'obs ltar mthong nas srid pa mtha' dag la zhen pa gting nas log ste nyin mtshan kun tu thar pa don gnyer gyi bsam pa brtan po skyes nas thar pa thob pa'i thabs dam pa bslab pa rin po che rnam pa gsum la ldog tu med pa'i nges shes dang brtson 'grus rtsom nus pa zhig 'byung /__de nas skyes bu chen po'i lam la sbyangs pa'i lag rjes la 'gro kun pha ma drin can du mthong nas nyin mtshan kun tu byams snying rje ngam ngam shugs kyis skye zhing rang don yid byed kyi bsam pa las log ste ci byed gzhan don kho nar spyod pa dang /__bdag bas gzhan gces kyi byang chub kyi sems rin po che ldog tu med pa skyes nas des kun nas bslangs te sgo gsum gyi g.yo ba thams cad phar phyin drug las mi 'da' ba zhig 'byung /__de nas 'gro ba sgrol ba'i snying stobs je cher 'phel te gsang sngags kyi sgor zhugs pa nas dam tshig dang sdom pa srog las kyang gces par srung ba gzhir bzhag nas rim pa dang po la bslabs pas yid ngor tha mal gyi snang zhen 'gog thub pa dang /__gang shar thams cad dag pa rab 'byams su 'char ba/__rdzogs rim yongs rdzogs skye ba'i rgyud smin pa zhig 'byung /__de nas rim pa gnyis pa la bslabs/__las rlung gi rgyu pa d+hU tir 'gags nas 'od gsal 'char ba dang /__de las ldang ba na mtshan dpes spras pa'i dngos gnas las thon te sngags lam gyi bsgrub bya mthar thug zab gsal gnyis med kyi ye shes zung 'jug gi sku 'grub/__sku de'i rigs 'dra'i rgyun las sku gsum ye shes lnga ldan gyi go 'phang 'grub ste/__de thob nas phrin las nyi shu rtsa bdun gyi sgo nas 'gro kun mos ngor dang 'tshams pa'i sprul pas phrin las rgyun mi 'chad par 'byung ba yin no/__/shu b+haM/____/_! lam sgron 'grel pa phul byung dgyes pa'i mchod sprin las/__skyes bu'i skad dod pu ru Sha nus ldan la 'jug pas/__tshe phyi ma phan chad kyi don bsgrub nus zhig skabs 'dir bstan gyi skyes bu zhes bya/__de la'ang tshe 'di'i zhen pa log nas phyi ma'i 'khor ba de'i ched du las 'bras kyi blang dor bsgrub nus pa dang /__'khor ba mtha' dag la zhen pa log nas de las thar pa'i ched du lam bslab pa gsum bsgrub nus pa dang /__srid zhi'i skyon mthong nas 'gro kun sangs rgyas kyi sa la 'god pa'i khur 'khyer nus pa ste chung 'bring chen po'o/__/so so'i mtshan nyid ni/__phyi ma phan chad sgrub nus kyi skyes bu gang zhig__/sbyor bsam thabs kyi khyad par sdig spong dge sgrub/__bsam gzugs brgyad sogs kyi dbye ba gang dag gis/__'bras bu'i khyad par lha mi'i gnas lus longs spyod kyis bsdus pa'i srid pa 'khor ba'i mngon mtho'i bde ba tsam la dmigs nas/__bsam pa'i khyad par rang nyid kho na'i don du'am ched du dmigs nas don du gnyer bar byed pa/__'dir srid pa'i bde ba tsam zhes pas thar lam sgrub pa'i rten don du gnyer ba'i skyes bu 'bring gcod/__rang nyid ces pas byang sems kyis gzhan don du gnyer pa gcod la/__'di'i lam gyi dngos gzhi mi rtag pa/__nyes dmigs/__skyabs 'gro/__las 'bras bcas dmigs skor bzhi dang /__bshes gnyen bsten pa dang /__dal 'byor gyi chos skor gyi gsum ka'i lam gyi gzhi rten du byas nas/__sngon gyi lam sgron 'grel ba rnams su rgyas par gsungs/__gnyis pa ni/__skyes bu gang zhig bsam pa'i khyad par srid rtse nas mnar med par las nyon gyi gzhan dbang du song ba'i sdug bsngal can 'ba' zhig tu mthong nas/__srid pa de rmi lam tsam du'ang 'dod pa med par rgyab kyis phyogs shing /__sbyor ba'i khyad par bsam pa de'i stobs kyis sgo gsum gyi sdig pa'i las 'khor ba dang bcas pa las ldog pa'i bdag nyid can gyi bslab gsum gyi nyams len ci rigs la gnas pa dang /__'bras bu'i khyad par rang nyid gcig pu sdug kun nye bar zhi ba'i myang 'das tsam du gnyer ba 'bring po/__'dir srid pa'i bde la rgyab phyogs zhes pas sdug bden/__sdig pa'i las las zhes pas kun 'byung /__rang zhi tsam zhes pas 'gog bden/__ldog pa'i bdag nyid ces pas lam bden/__des na skyes bu 'bring la theg pa'i sgo nas nyan rang gnyis/__bsgom bya'i sgo nas bden bzhi dang rten 'brel gnyis/__gang zag gi bdag med thun mong ba dang /__phra mo sgom pa gnyis/__rnal 'byor spyod pa'i dbu ma rang rgyud pa sogs ltar na gnyis stong sgom pa zhig dang gsum yod do/_/gsum pa skyes bu gang zhig rang nyid sdug bsngal gyis mnar tshul rgyud steng du legs par rtogs nas/__tshul der dpag pa'i blos sems can gzhan rnams kyang de dang 'dra bar sdug bsngal ba la mi bzod pa'i snying rje'i stobs kyis gzhan gyi sdug bsngal rgyu dang bcas pa kun/__thabs sna tshogs pa kun gyi sgo nas zad par 'dod pa de ni mchog go__/dge bshes tshul seng pa'i TI kar/__yang na gsang phubs rang rgyud gtogs pa ste bdag gi rgyud du gtogs pa'i sdug bsngal gyis sems can ma zad bar du sdug bsngal thams cad 'khur bar 'dod pa smon pa'i sems bskyed ces sogs gsungs/__'di la lta ba'i sgo nas dbu sems/__theg pa'i sgo nas mdo sngags gnyis so/__/sgom rim/__'jug pa/__dbu ma rgyan/__bslab btus/__be bum sngon po sogs su lam gyi chings mi 'dra ba du ma zhig mdzad kyang /__'dir sems bskyed chog dang bcas pa/__sems bskyed nas spyod pa la slob tshul/__bslabs pa'i 'bras bu ngos bzung ba gsum du bsdu bar mdzad do/_/chung ngu 'bring dang mchog gyur pa'i/__skyes bu gsum du shes par bya/__zhes dang /__gang zhig thabs ni gang dag gis 'khor ba'i bde ba tsam dag la/__/rang nyid don du gnyer byed pa/__/skyes bu de ni tha mar shes/__/srid pa'i bde la rgyab phyogs shing /__/sdig pa'i las las ldog bdag nyid/__/gang zhig rang zhi tsam don gnyer/__/skyes bu de ni 'bring shes bya/__rang rgyud gtogs pa'i sdug bsngal gyis/__/gang zhig gzhan gyi sdug bsngal dag__/yang dag zad par kun nas 'dod/__/skyes bu de ni mchog yin no/__/zhes so//____//__! rgya skad smos pa la/__byas pa shes shing drin du bzo ba/__chos khungs btsun par shes pa/__legs sbyar gyi skad shes pa dang po ni/__sprang po la'ang A tsaR+Ya zhes 'bod/__gnyis pa ni/__/khams gsum A tsaR+Ya'i gtam rgyud kyis shes/__gsum pa ni/__mu rub lo tsA bas mdo sde mang po'i mtshan gyi skad dod la brten nas lo tsA ba shes//____//__! skyes bu chung ngu dang thun mong ba'i lam la blo 'byongs pa zhig byung na tshe blos btang gi gang zag zer ba yin/__de la'ang gtad pa bzhi/__rdo rje gsum/__bud snyegs thob gsum gyi bsam sbyor dgos/__blo phug chos la gtad dgos te/__'chi ba'i rtsa ba gsum bsam dgos pa'i phyir/__chos phug sprang la gtad dgos te/__de yang sprang 'khyam byed pa tsam ma yin te/__'dod pa'i blo sna bzlog dgos pa la zer/__des phyi ma phan chad kyi skyid mgo tshugs pa'i phyir/__des na chos 'jig rten gnyis ka mnyam du grub pa'i dpe med/__sprang phug shi la gtad dgos te/__'byor dbul gnyis ka 'chi yang /__chos byas nas 'chi ba ni khyad par che/__'dir snang gi 'khri ba bcad pas sprang la thug kyang chos mi gtong /__sprang tha shi la thug kyang chos mi gtong ba zhig dgos pa'i phyir/__shi phug brag po skam po la gtad dgos te/__tshe 'di'i 'byor 'khor bun lang gis shi tshe gnod ma gtogs phan mi btags pa'i phyir/__de'ang yin te/__bdag cag gi ston pas rab tu byung ba dang /__'tsho ba dka' thub la brten pa dang /__lo drug tu dka' thub las gzhan pa'i 'tsho thabs mi mdzad pa dang bzhugs gnas chu bo nai rany+dza na'i 'gram tsam la brten pas de dang de grub pa'i phyir/__theb med rdo rje sngon la btang bshol/__mi 'gyur ba/__dgos par grub ste/__rgyal po sogs kyis bshol thabs med pa dang /__khrel med rdo rje rjes la 'jog dgos te/__rgyal po 'khor bcas mya ngan gyis gdung yang ma gzigs pa dang /__ye shes rdo rje rang dang 'grogs dgos par grub ste/__lo drug tu mkha' khyab kyi ting 'dzin la snyoms par zhugs pa'i phyir/__gzhan yang rgyal po'i srid spangs nas gcig pur thob pas mi gral nas bud/__nai rany+dza na'i 'gram du dka' thub kyis 'da' ba'i tshe phyugs rdzi sogs kyis 'phyang bas khyi gral du snyegs pa dang /__mthar sangs rgyas nas lha dang bcas pa'i tshogs kyi dbus na mngon par mtho ba ston pa yang dag pa mnyam med shAkya'i rgyal po nyid do//____//__! lam sbyang bstan zhes grags pa'i lam ni/__tshogs sbyor mthong sgom bla na med pa'i khyad par byang chub bar chad med lam ste drug go__/sbyangs ni spyir sdig pa dang lam phyi ma gnyis la sgrib gnyis sbyang ba'o/__/bstan pa ni khyad par gyi lam bde ba can du gnas spor ba mngon mtho'i lam dang /__bar chad med pa'i lam byang chub chen por gnas spor ba nges legs kyi lam bstan pa'o/__/yang gzhung dang sbyar na/__dkon mchog rin chen dpal zhes pa ni bdag mdun gyi dkyil 'khor/__dkon mchog rin chen las byung ba/_zhes pa ni/__de dag mchod bstod sogs byas pas bsod nams kyi tshogs gsog__/dkon mchog rin chen 'od zer gyis/__zhes pa ni/__de dag gi byin rlabs so/__/rin chen phreng ba rnam dag__/ces pa ni/__de dag gi byin rlabs la brten nas sgrub pa po'i rgyud yongs su dag pas/__gzhan don byed pa'i mthu dang ldan pa'o/__/de dag ni gzhan don rgyu rkyen tshogs pa'i tshogs lam mo/__/brten bskyed nas phyag gi bar gyis ni/__gzhan don rgya chen po la sbyor bas sbyor lam mo/__/de nas dkyil 'khor bstan nas rten dang brten pa'i dkyil 'khor mthong ba ni mthong lam mo/__/de nas mthong zin gyi don yid la bsgom pa sgom lam mo/_/gang zag gi bdag med bstan nas rgyal ba'i sku gsum ye shes lnga ldan du spor pa ni khyad par gyi lam mo/__/de nas phung khams sgyu ma lta bu'i gang zag de/__'dun pa smon lam gyis mtshams sbyar nas bde ba can du gnas spor ba ni khyad par gyi lam mo/__/de nas phung khams skye mched kyi bag chags ma lus pa ye shes kyi mes bsregs nas rgyal ba'i sku gsum ye shes lnga ldan du bsgyur ba 'di ni byang chub bar chad med pa'i lam mo/__/zhes gtsug dgu nas 'byung ba las zur du bkol ba'o//____//__! slob dpon rab tu dga' ba'i rdo rjes mdzad pa'i mnyam sbyor gyi 'grel par/__theg pa chen po'i yon tan rgyas pa ma lus pas dus gsum du rgyal ba thams cad la bstod par bya'o/__/de yang mnyam nyid mi g.yo/__zhes pa nas/__mchog chos can/__zhes pa'i bar gyis me long lta bu'i ye shes kyi sgo nas bstod pa dang /__yon tan shin tu phra ba'i cha/__zhes pa nas/__nges par stsol gyi bar du mnyam pa nyid kyi ye shes kyi sgo nas bstod pa dang /__rtag tu dri ma med pa/__zhes pa nas/__rtag tu rnam par snang /__zhes pa'i bar so sor rtog pa'i ye shes kyi sgo nas bstod pa dang /__tshad med tshad dang bral ba'i/__zhes bya ba nas/__yongs su mi 'gyur zhes bya ba'i bar gyis bya ba nan tan gyi ye shes kyi sgo nas bstod pa dang /__e ma ho shin tu bzang po'i zhes pa nas/__bdag la stsol zhes pa'i bar gyis chos dbyings ye shes kyi sgo nas bstod pa yin no/__/zhes gsungs//____//__! many+dzu g+ho Sha puN+ya ni rA b+ho gas/__rtsa rgyud las/__ngo bos gzugs med sogs kyi don/__rje btsun mched kyis/__sems med ces pa'i don 'chad pa na/__rnal 'byor spyod pa rnams ni rnam par shes pa'i tshogs drug po tsam la 'dod do/__/zhes slob dpon shAn+ti pas mu tig phreng bar/__gzung ba kun brtags phyi'i skye mched drug ngo bos med de/__byis pas dngos por brtags pa ltar gcig dang du ma'i rang bzhin dang bral ba'i phyir ro/__/'dzin pa kun btags ni rten dbang po drug dang /__rnam par shes pa drug la 'dzin par brtags pa nyid yin la/__de yang ji ltar brtags pa de ltar ngo bo med de/__gzung ba med na 'dzin pa med pa'i phyir ro/_/zhes sems spyi lugs te/__rnam shes tshogs drug gi 'dzin pa kun brtags kyi cha rnams ngo bos ma grub pa dang /__dbang po drug la 'dzin par btags pa'i cha rnams kyang ngo bo med par 'chad pa yin gyi/__rnam shes tshogs drug nyid ngo bos ma grub pa'am rdzas su ma grub par 'dod pa ma yin no/__/spyi ltar na gzhan dbang la skye ba ngo bo nyid med ces btags pa'i rjes su 'brangs te tshogs brgyad ka'i kun brtags kyi cha ngo bos med ces bshad du rung bar sems/__gang ltar tshogs drug sogs ngo bos grub pa yin gyi/__de dag gi kun tu brtags pa'i cha ni gnyis snang 'khrul pa'i tshul du rdzas su grub kyi/__ngo bos grub pa ma yin no/__/zhes bzhed pa lags//____//__! chos rje rnam rgyal dpal bzang gi dris lan du/_/rngog lo'i springs yig las/__/rmi lam grong khyer zhig go zhes/__/'dzin pa'i rnam rtog gang yin des/__/btags don grong gi zhig pa nyid/__/grong nyid med na med pa ltar/_/yang dag nyid du dngos med ces/__/'dzin pa'i blo yis btags pa'i don/_/yang dag bkag pa med nyid kyang /__/yang dag dngos por med pa min/__/'di ltar yul med pa la ni/__/dgag pa 'jug par srid ma yin/__/des na med ces nges bya ba/__/dgag pa'i dngos po ma grub pas/_/de tshe bkag pa rten bral bas/__/blo yi mdun na gnas mi 'gyur/__/de ltar dngos po yod min la/__/de bkag pa yang ma grub na/__/de gnyis las 'das don 'ga' yang /__/'dzin pa'i yul du 'gro mi srid/__ces gsal bar gsungs pa'i phyir dang /__bden gnyis 'grel par don dam shes bya ma yin par 'chad pas na/__rje btsun sa skya pa'i bzhed pa snying po'i dgongs pa rang bzhin med pa'i stong nyid la bzhed pa gnyis dgongs pa gcig go__/gal te med dgag la bzhed snyam na/__ma yin te/__de ltar na don dam shes brjod kyi yul du bzhed dgos te/__gzhan sel med dgag gi ma rtog pa'i dngos yul yin pa'i phyir ro/__/'o na/__tshad mas rnam gnas don gyi cha la rnam dpyod blos/__/don de bkag nas gzhan sgrub med ces nges par bzung /__zhes gsungs pa ci zhe na/__'di ni gzhan sel gyi dgag sgrub byed pa'i skabs kyi rnam grangs pa'i don dam ston pa'i skabs yin pas don dam rnal ma dang mi 'dra'o//____//__! rang lugs kyi bla ma gong ma 'gas bde gshegs snying po de chos can gsal ba'i ldog char 'chad kyang /__de lta na rang bzhin gnas rigs la yang chos can gsal ba'i ldog pa nas bshad pa yod dgos par thal ba'i phyir/__'dir ni/__zung 'jug spros bral kho na'i ldog pa nas snying po'i mthar thug ston par 'dod de/__nges don gyi lta ba rnyed cing spros bral du gtan la phab nas/__rjes thob phyin drug gis bsdus pa'i dge ba thams cad dang khyad par bsngo ba lta bu yang dmigs med shes rab kyi rgyas btab ste/__bsngo bya'i dge ba nyid kyang yod med las 'das par shes par bya ste/__yongs su mi bsngo ba'i tshul gyis bsngo ba'i tshe/__chos nyid don dam bde gshegs snying po la yod par 'dzin pa lta ci smos/__chos can thams cad kyang yod med las 'das par shes pa'i ngang /__de dag nyams su len pa mi 'dor ba sgyu ma lta bu'i ngang nas kun tu spyod pa ni zung 'jug tu nyams su len pa ste/__sgyu ma'i rta glang du shes pa'i gang zag gis/__sgyu ma'i rta glang de dag yod med gang du'ang rang gi blo nas khas mi len pa bzhin no/__/'on kyang gang zag des gzhan dang rjes su mthun pa'i tha snyad bzhag pa'i tshe/__'di ni rta'o/__/'di ni glang po'o/__/zhes sogs gzhan la brjod du rung ba ltar/__gong du bstan pa'i lta ba rnyed pa'i gang zag de dag gis kyang /__mnyam gzhag lta zhog__/rjes thob tu snang ba 'di yang /__rang gi shes rab kyi ngos nas yod med kyi tha snyad mi 'dogs shing /__'dzin pa gang yang mi byed mod kyi/__gzhan la go bar bya ba'i ched du ni/__med kyang yod do zhes/__'jig rten ngor byas bdag ni smra bar byed/__ces bshad pa lta bu tha snyad sna tshogs 'dogs par byed do/__/des na nyams len gyi mthar thug 'di lta bu dang bstun na/__chos nyid don dam yod pa'i dge bar khas blangs nas/__bsngo ba byed pa sogs dbu ma'i nyams len gyi gnad bcos pa ste/__'khor 'das dbyer med kyi lta bas ma zin pa'i bsngo ba la mchog tu bzung ba'i phyir ro/__/'dir chos thams cad yod med las 'das par 'chad pa'i skabs yin kyang /__chos nyid dam snying po yod pa drang don du 'chad pa ni/__kun rdzob bden pa med kyang don dam bden par yod par 'dod pa dag gi log rtog 'gog pa'i skabs yin pas so/__/'di tsam zhig go na'ang sdom gsum gyi snying po 'chad pa'i skabs kyi dogs pa thams cad rang grol tu 'gro'o//____//__! rgyud sde spyi rnam du/__lam gcig la 'bras bu gsum du 'dod pa zla ba'i lugs su bshad nas/__de nyid dgongs pa can du bstan pa ni/__zla bas theg chen gcig kho nas rigs can gsum ka grol bar bshad pa/__de'i lam gyi phyogs blta ba'i cha kho nas grol bar dgongs pa yin te/__gzhan du na rgyud smin byed lam gsum so sor gsungs pa'i phyir ro/__/des na grol byed rtogs pa'i lta ba kho na yin par dgongs so/_/'dir ni mthar thug gi 'bras bur ltos pa'i theg chen gyi lam kho na 'chad pa yin te/__de'i tshe mthar thug gi 'bras bu thabs shes zung 'jug gcig yin pa ltar du/__de la ltos pa'i theg chen gyi lam yang thabs shes ya bral ma yin par zung du 'jug pa'i lam gcig nyid yin ces ston pa na/__spyi rnam las kyang lam gcig la 'bras bu gcig tu 'dod pa dang /__gnas skabs lam gsum la mthar thug 'bras bu gcig tu 'dod pa gnyis don gcig par gsungs pa'i dgongs pa yang grub bo/__/mdor na slob dpon zla bas rigs can gsum ka theg pa chen po'i lam gcig gis grol bar bshad pa de sgra ji bzhin ba ma yin gyi lam gyi phyogs gcig lta ba'i chas grol ba la dgongs zhes pa'o/_/de'ang phyogs re ba ma yin te/__rang rang gi smin byed dang bcas pas so/__/'o na nyan thos rnams la theg chen gyi lta ba yod dam zhe na/__theg chen gyi gang zag gi rtogs pa dang mtshungs pa'i rtogs tshul nyan rang 'phags pa rnams la yang yod pas theg chen gyi lta ba yod ces btags so/__/gzhan yang zla bas nyan rang dgra bcom lhag med du mya ngan las 'das pa phyin chad skye ba gtan mi bzhes pa lta bur gsungs pa'ang dgongs pa can te mthar thug theg pa gsum du 'gro ba'i phyir ro//____//__! kun spyod las phag mo'i phyag mtshan rdo rje kyang pa la gri gug med pa lta bu ni 'gyur ma thon pa yin no/____/_! mngon pa'i lugs dang /__/phyi rol pa 'dod pa'i gangs can mthun kyang /__phyi mar ma dros pa'i tha snyad ma bshad la/__chu bo bdun gyis gzhi de ma dros par byed dam snyam/__ti se la/__ke dA ra zhes zer ba ni/__kha che dang 'bri li'i mtshams kyi gnas chen der grags/__pu li rA ma zhes/__skyes bu'i rtags la dga' ba zhes yul de smad 'tshong mas gang ba zhig go zhes rgya gar ba 'ga' re zer/__pUR+N+Da ni ri dang gcig pa'i dbang du byas na/__gang ba'i ri'o/_/pre ta pU ri saM g+ha Ta/__zhes pa/__rab 'ongs dge 'dun du bsgyur nas/__dge slong bzhi tshogs par dge 'dun zer ba bzhin/__ro bzhi yan chad tshogs pa la bzhed pa mar lugs pa 'dod kyang /__'gos 'gyur du/__yid btags mchog 'dus chu bo'i 'gram/__zhes bsgyur ba legs sam snyam mod dpyad par bya'o/____/_! dris lan don gsum gsal byed las/__sems can thams cad la snying po yod par bsgrubs pa tsam gyis skyon lnga spong mi nus kyi/__mtshan dpe gsal rdzogs tshul gyis yod pas spang dgos/__kye rdor las/__yul dang yul can sogs phung khams skye mched thams cad yod par gsungs pa/__rang bzhin gdod nas sogs kyis yod par gsungs pa'i dgongs gzhi ni snang tshod tsam du grub pas rdzun pa ma yin pa la dgongs/__dgos pa ni ril bo dang /__gzugs dang /__gzugs sems gnyis ka la bdag tu 'dzin pa'i gnyen por gsungs/__dngos la gnod byed ni/__de thams cad kyang rdul phra rab gcig la rdul drug 'dus pa'i rig pa dang /__skad cig ma'ang cha shas gsum du bye ba'i rig pas brtags na mi rnyed pas bden pa ma yin te/__de dag ni dper na chu zla bzhin no/__/mdor na yod med du gsungs pa thams cad dgongs pa can du shes na dbu ma'i don la nye'o/__/tha snyad la gnas nas bden gnyis kyi rnam gzhag byed pa'i tshe/__rang bzhin lhan skyes dang /__dpe dgus bstan pa'i gshegs snying gnyis ka don dam du 'chad la/__nges don la gnas nas 'chad pa'i tshe/__de gnyis rang gi ngo bos ma grub pas yod par gsungs pa dgongs pa can no zhes 'chad dgos/__'di la myang 'das kyi lung gis/_de bzhin gshegs pa'i snying po sgyu ma tsam du sgrub pa drang don du bshad pa yod/__gshegs snying gi dgongs gzhi stong nyid yin zhes gsungs pa ni/__rang bzhin spros bral stong pa nyid las sna tshogs su 'byung du rung ba'i rten cing 'brel 'byung skye ba med pa nyid kyi cha nas ston gyi chos nyid spros bral gyi cha nas khas len du mi rung ste/__de ni yod med las 'das pa'i phyir/__gangs las byung ba'i chu la gangs chu zhes sgra bsdus pa lta bu'o/__/rang gi go tshod la spros bral snying por bshad nas/__de don dam du yod med las 'das pa dang /__tha snyad du yod pa'i sgrub byed dang /__gzhan gyi 'dod pa ltar yod pa la tha snyad du'ang gnod byed de rim pa gsum du bshad na gzhung dang 'grigs gam snyam mo/__/'di'i tshe spros bral nyid snying po sgra gzhan gyi tshul gyis yod par gsungs pa dgongs gzhir khas blang chog go/____/__! kun gzhi rgyu rgyud ni/__gnas lugs stong pa nyid la mi 'dod de/__de rten 'brel gyi rang bzhin yin kyang /__de'i rang bzhin rten 'brel las 'das la/__skabs 'dir ni rten 'brel lnga'i yig chung las don byed nus pa'i dngos por bshad pa'i phyir ro/__/dngos smra'i gzhung las bshad pa de'ang min te/__de dag gis 'dod pa ltar gyi kun gzhi yod par mi 'grub pas so/__/des na sems kyi rang bzhin gsal ba dang /__rtog ge'i gzhung nas bshad pa'i rang rig mngon sum/__tshogs brgyad kyi nang tshan kun gzhi'i rnam shes te/__de ni dus dang gnas skabs thams cad du shes pa thams cad la khyab cing rjes su 'gro ba rgyun mi 'chad pa rang rig pa ni skabs 'di'i kun gzhi'i rgyu rgyud de/__mdor na 'khor 'das kyi snang cha thams cad kun gzhi gcig gi rnam rol tu go zhing /__de'ang rang bzhin gyis spros pa dang bral ba'i cha de nyid de ltar shar ba yin phyir thams cad gnad gcig tu go bar bya'o/__/'on kyang kun gzhi'i rnam shes de'ang mngon pa'i gzhung nas bshad pa ltar khas mi len te/__de ni las kyi mtshan nyid steng nas 'jog pas rgyun 'chad pa srid la/__'dir rgyun chad pa mi srid de/__de ltar 'dod na lang gshegs las 'chad ltar bshad pa dang 'gal zhing /__des na mngon pa nas zag bcas kyi steng nas 'jog pa kho nar bsams nas/__kun gzhi'i rnam shes zag med du smra ba 'gal zhes brjod pa ni gnad 'di ma rtogs pa'o//___//__! byang ba mchod gnas pa'i dris lan las/__rig gter du rang rgyal slob pa med par bshad pa dang /__dgongs gsal du de'i lam lnga bshad pa 'gal lo zhe na mi 'gal te/__snga ma 'dul mdzod kyi rjes su 'brangs te/__rang rgyal gyi rigs can zhig gis drod nas bzung nas zad dang mi skye shes pa'i bar stan thog gcig la mngon du byed pa'i tshe/__lam snga ma skyes nas/__phyi ma ma skyes pa'i bar la/__sbyor mthong sgom lam pa rnams don gyis thob kyang /__lam 'jug pa myur bas de 'dra'i tha snyad ma gsungs pa dang /__rang sangs rgyas mngon du ma byas par rang sangs rgyas kyi tha snyad mi 'jug pas rang rgyal slob pa'i rnam gzhag mi byed do/__phyi ma ni rang sangs rgyas kyi rigs can zhig gis byang chub ma thob pa'i gnas skabs su de thob par byed pa'i lam bsgom pa la de'i tha snyad gzhag pa yin pas mi 'gal lo//____//__! glegs bam las mngon rtogs tshul bco lnga gsungs pa ni/__zla zer las dag ldan du/__man ngag lugs kyi mngon rtogs tshul bcu bzhi dang /__ma sbas pa mi thub zla ba'i lugs kyi 'khrugs can te bco lnga'am/__yang bdag med ma'i mngon rtogs la tshul bco lngar bgrangs pa'ang 'thad la/__rang lugs dag ldan las gsungs pa'i man ngag lugs kyi tshul bcu gsum la/__rtogs pa dman pas skad cig gis bskyed pa phyi dkyil rkyang pa bsgom pa dang /__rtogs pa mchog tu gyur pas de nyid lus dkyil dang ma 'brel bar bsgom du mi rung bas bco lnga'o/__/snyam mo/__/de'i phyir glegs bam las/__de'ang zhib par dbye na bco lngar snang mod/__ces pas gsal lo//____//__! sbas pa'i rtsa lnga'i bshad pa rdo rje 'chang gis lo tsA ba rdo rje dpal gyi dris lan du yod/__zhib par brjod du mi btub bo/__/yul spros bral gyi cha nas lta bar bzhag pa'i tshe mdo sngags gnyis mnyam la/__de rtogs byed pa'i blo yul can ye shes la lta bar bzhag pa'i tshe khyad par shin tu che ste/__dbang gi ye shes kyi lta ba'i spros bral rtogs tshul/__phar phyin gyi mthong lam la yang med pa'i phyir ro/_/rtags grub ste dbang gong ma'i ye shes rnal ma rgyud la skyes pa de nang gi rten 'brel gyi 'du 'phrod las bde chen gyi rnam par skye zhing /__mthong lam rkyang pa la chos nyid mngon sum du mthong ba yod kyang khyad chos de dag med pa'i phyir ro//____//__! spyir smon sems gtong ba la rtsa ltung du 'jog kyang /_kun+da spangs pas kyang der 'gyur ba zhig yod//____//__! gzhung bshad las slob lam sa bcu gnyis dang /__man ngag las phyed dang bcu gsum zhes pa ni/__phyi mas bcu gnyis pa'i mjug dang /__bcu gsum pa'i sbyor ba'i gnas skabs la de dang der btags par zad kyi/__sa bcu gsum pa thob zin pa zhig la phyed tshal du btang nas slob mi slob la sbyar ba gtan mi srid/__'o na mi slob lam gyi sbyor ba la mi slob lam du 'dod pa mi 'thad/__zhe na/__mi 'gal te/__de la sems bskyed pa dang po gsum ni sbyor ba dang dngos gzhi dang mjug gi sgo nas sangs rgyas kyi sa_sa bsdus so/__/zhes dang /__sa bcu par sangs rgyas kyi sar bshad pa bzhin no//____//__! 'tsho byed chos skyong dpal bzang gi dris lan las//____//__! rdor sems bsgom bzlas thun mtshams su dgos pa/__sngon 'gror sbyar na mi 'gal te/__skyabs 'gro sems bskyed rdor sems bsgom/__gsum ni spyi yi sngon 'gro yin/__ces gsungs pas mngon par rtogs pa'i nyams len thun gcig la'ang sdom gsum gyi nyes ltung sor chud pa'i nyams len re sngon du sbyor ba spyi'i phyag len/__kye rdor la bla ma gong mas ma bshad kyang /__phyi ma rnams kyis dus dang bstun nas gsal bar byas pa yin pas phun sum tshogs pa'i yan lag go/____//_! shU n+ya tA'i sngags kyis sbyangs pa'i stong pa de'i ngang las snang ba'i ldog cha lhar bsgom pa yin gyi/__'bri gung pa ltar lha yongs grub tu yod pa zhig bsgom pa'am/__rnying ma pa ltar kun rdzob lha ru lta ba lta bu ma yin te/__de dag ni 'jam dbyangs bla ma'i dgag bya yin pa'i phyir ro/__/de yang /__dang po mi 'thad de/__de kho na nyid spros kun bral zhing /__yod med sogs gang du'ang 'phags pa rnams kyis ma gzigs pas gang du'ang bsgom par bya ba ma yin zhing /__so skye'i blos rjes dpag gis 'chad pa'i skabs su'ang yod med las 'das par 'chad dgos pas/__de yod par bya ba bzung nas lhar bsgoms na dmigs med dmigs par byas pa'i phyir ro/_/phyi ma la'ang mi 'thad de/__lta ba'i ngos nas lha dang lha ma yin pa sogs gang du'ang mi blta zhing /__bsgom pa'i ngos nas kun rdzob kyi snang ba sgyu ma lta bu 'di/__rnal 'byor gyi rgyud man chad du sgyu ma tsam du blta ba'ang /__bla med kyis snang ba'i 'khor lo thams cad lhar gsal btab ste bsgom rgyu yin pas/__spros bral gyi cha nas lhar mi bsgom gyi snang ba'i cha nas lhar bsgom pa yin/__spyir yang lta ba zhes pa ni yul dngos po'i gnas lugs sgro 'dogs chod pa'i blo nas/__'phags pa'i mnyam gzhag yul dang bcas pa'i bar yin zhing /__de ni sngar smos pa ltar ro/__/gzhan yang stong pa nyid lhar bsgom pa dang/__de'i ngang las bsgom pa yid byed pa sogs 'khrul pa mang /__rang bzhin gyi dkyil 'khor kyang rdul tshon sogs bcos mar ltos na tshegs chung bas de ltar bshad kyi gzhan ma yin la/__rang bzhin lhun grub ni/__dang po nas yod pa zhig la mi zer gyi sems kyi rang bzhin la 'pho 'gyur med pas na der btags so/__/gal te don dam ltar bsgoms na gong 'phel du 'gyur dgos la/__des na rang bzhin gnas 'gyur du'ang khas len dgos so/__/de blangs na/__rang bzhin gyi sgo nas gnas 'gyur med pa dang /_yon tan gyi sgo nas yod par gsungs pa'ang mi 'thad do//____//__! dngos dbang rab byung gis bskur ba rgyud dang 'grel byed tshad ldan gyis ma bshad de/__rlung nus tsam thob kyang kun+dA gtong bar ni 'dra bas/__de tsam gyis ltung bar 'gyur ba'i phyir ro/__/snyam/__rgya gar gyi rab byung 'ga' zhig gis mdzad par bshad kyang /__de phyin chad de'i rtags dor te spyod pa la zhugs pa yin pas mi mtshungs so//____//__! mgon po rgyal mtshan gyi dris lan las/__nyi ma'i snying po dang /__zla ba'i snying po'i mdo/__glang ru lung bstan/__li yul lung bstan/__dge 'dun 'phel gyi lung bstan/__dga' ba'i bshes gnyen gyi rtogs brjod rnams las 'byung ba'i don/__rgyal po mya ngan med kyi sras rnam thos sras kyis mchod rten thams cad bskor zhing byon sa'i dus btsas pa zhes bya bas dang por bzung /__rgya nag rgyal por bu stong du gcig gis ma tshang ba la byin/__der rgyal po byed du ma 'dod de/__dmag stong phrag bcu dang sbrags nub phyogs su yul 'tshol bar phyin/__mya ngan med pa'i blon po ya shaHzhes pa dmag bdun stong khrid nas 'ong ba'ang nub phyogs then gyi shel chab gong mar 'dzom/__der rgyal blon rgyas te/__yul gsar du bkod/__rgya gar dang rgya nag gi mi rigs 'dres mar bkod/__yi ge dang chos lugs phal cher rgya gar dang mthun cing /__'jig rten gyi lugs phal cher rgya nag dang mthun par gyur/__de'i bu rgyal po bi dza ya saM b+ha bas 'jam dbyangs kyi sprul pa dge slong bai ro tsa na spyan drangs/__tsar ma zhes bya ba'i gtsug lag khang dang mchod rten mang du brtsigs te dam pa chos kyi dbu brnyes/__gnas brtan bcu drug kyang byon/__kha che'i yul na de bzhin gshegs pa bdun gyi sku gdung bzhugs pa'i mchod rten kyang rdzu 'phrul gyis nam mkha' nas gdan drangs te tsarma'i gtsug lag khang du bzhugs/__de na byams pa'i sprul pa rgyal po li rje bi dza yab+hA ri ya zhes pas rgya gar gyi dgra bcom bzhi mchod gnas su bkur/__ke'u do shan gyi ri bo na sangs rgyas 'od srung gi sku gdung bzhugs pa'i mchod rten go ma sa la gan+d+ha ste tsan+dan sa mchog gi dri'i mchod rten ces bya/__'di la dad pas mchod pa kun phyir mi ldog par gsungs/__/ba sha'i yul zhes pa'ang li yul gyi nang tshan dron ti zhes bya ba la 'dod/__spyir ni mi gcig go__/gzhan yang der gtsug lag khang chen 68po/__'bring 35/__chung ngu 148/__phyi rol gyi khor yug tshun chad brtsis na stong phrag brgya brgyad cu rtsa brgyad du yod par bshad/__yang rgyal po bi dza ya biR+Yas ri glang mgo'i steng du g+hi to shan gyi gtsug lag khang chen po brtsigs/__der thub chen bzhugs/__de dag gi srung ma rnam sras/__yang dag shes klu'i rgyal po ma dros pa rnams yin par bshad/__'di dang bal yul mi gcig ste/__sgrol ma ral pa gyen brdzes kyi rgyud las/__bal yul de bzhin mang yul dang/__rgya nag che dang li yul kyi/__de dag ma lus grub pa'i zhing /__zhes bsngags shing/__bsod rtses kyang /__li'i yul dang /__bal yul ces tha dad du bshad pa sogs lung rigs kyis gnod/__go ma sa la gan+d+ha dang shin kun yang mi gcig ste/__snga ma 'od srung gi dus su byung la/__phyi ma bal bo'i rgyal po 'od zer go chas brtsigs par lam 'bras zhwa ma lugs kyi gtam rgyud las 'byung ngo /__/'o na de phyogs gang du yod ce na/__deng sang dngos su mthong ba sogs mi 'dug pas 'chad dka' yang /__lung las rjes su dpags na/__rgya nag dang bod yul dbus nas gzhal ba'i nub/__rdo rje gdan gyi nub byang gi mtshams na yod par grub ste/__dang po ni/__li yul lung bstan las/__dmag stong phrag bcu dang bcas te nub phyogs su yul tshol du phyin te/__ces pas grub la/__gnyis pa ni/__ka ling+ka yi yul der yod par bshad pa/__de gu ge mang nang gi rgyab/__rdo rje gdan nas dpag tshad drug cu rtsa bu ston gyis bcu gnyis bshad kyang ha cang thung snyam/__mchan/__gnyis na yod par bshad pas so//____//__! kha sha'i yul ces pa 'thung spyod kyi ya gyal gcig yod par bshad pa'i mon yul der bzhag nas/__de las gzhan pa'i li yul zhig yod par/_sa paN gyis/__kha che dang ni kha sha sogs/__ma kha dang ni li yi yul/__ces gsungs/__'di na sngar dgra bcom zhig ri dwags ru ru gser gyi mdog can zhig tu sprul te 'byon pas yul gyi ming la'ang de skad btags par bshad/__don mon yul la/__rgya gar gyi skad du/__kI ra dang /__kau ra/__phal skad du kha sha zhes zer ro//____//__! ston pa yum gyi lhums su zhugs pa dang /__de'i tshe gso sbyong blangs pa 'gal ce na/__de ni 'jig rten gyi snang ngo tsam las/__rgyal po zas gtsang dang /__yum sgyu 'phrul ma'i khams gnyis las grub pa ma yin te/__de ltar grub pa thams cad drang don du blta bar bya'o/__/de skad du 'jig rten mthun 'jug gi mdo las/__/de bzhin gshegs pa rnams kyi sku/__/'khrig pa las ni byung min la/__/yab dang yum yang ston par mdzad/__/'di ni 'jig rten mthun 'jug yin/__/zhes 'jig rten gyi mi rigs la/__shAkya'i sras zhes brjod pa'ang mi 'gal te/__skya bseng gi bu lnga bzhin no/__/de ni yab la ma ltos par yum gyi lhums su zhugs pa yin la/__de'i gso sbyong yang sngon gyi rig byed las 'byung ba ltar tshul khrims yan lag lnga pa dang /__brgyad bsten bzhin du 'khrig pa spyod pa tsam gyis bslab pa dang mi 'gal te/__der log g.yem song bar gsungs pa'i phyir ro//____//__! sras sgra gcan 'dzin mngon 'byung sogs las grags 'dzin ma dang /__sor 'brang sogs las sa mtsho mar 'khrungs par bshad/__kha cig de gnyis gcig par 'dod kyang /__lung gzhi las/__snga ma shAkya lag na be con dang /__phyi ma dril bu'i sgra'i bu mo yin par bshad pas tha dad/__des na de gnyis ka'i bsam ngo dang mthun par/__gnyis kar bltams pa'i tshul mdzad pa yin pas mi 'gal lam snyam lags//____//__! bod kyi rgyal rigs ni/__'jam dpal rtsa rgyud shAkya blo gros kyi 'gyur las/__/lha yul ldan zhes bya ba nas/__/gangs can yul gyi nang gnas par/__/rgyal po mi li lha zhes pa/__/li tsA bI yi rigs su 'byung /__/zhes dang /___chos kyi shes rab kyi 'gyur du/__/kha ba'i rlabs can nang gnas par/__/nga rgyal bral ba'i rgyal po lha/__/rgyal ba'i shAkya chen po'i rigs rigs su 'byung ba ste/__zhes bshad pas/__phyi ma dag gam snyam ste/__lha bla ma la sogs pa'i yig tshang rnying pa shin tu dag pa rnams dang mthun pas so//__// dri med lung /__dar bar 'gyur dang /__rgyas par 'gyur gnyis phyi ma 'thad dam snyam ste/__sa paN+Di tas/__nga ni mya ngan 'das gyur nas/__/lo ni nyis stong lnga brgya na/__/dam chos rgyas par 'gyur zhes gsungs/__zhes bshad cing/__ral pa can gyi dus kho nar 'grigs par sems/__gdong dmar can gyi yul/__rgya nag yin par sba bzhed dang /__bod yin par li yul lung bstan du 'byung yang /__de gnyis dag khungs thub pa'i shes byed mi snang /__'on kyang bu mo dri ma med pas zhus pa'i mdo'i lung dam pa rnams kyis tshad mar mdzad pas/__de ltar na bod du 'thad do//____//__! dgongs gsal las/__ngo bo gcig yin na/__don dam pa la ngo bo grub par thal ba dang /__gcig po bkag pa yin na don dam dngos med du thal ba'i phyir skyon yod do/__/zhes pa ngo bos grub par 'dod pa dang don dam dngos med du 'dod na skyon de yod mod/__'bum las/__mtshan nyid med par mtshan nyid gcig pa'o/__/zhes sogs gsungs pa gzhan sel gyi sgo nas legs par 'chad shes na skyon med mod/__ma shes na 'khrul lo/__/des na rang lugs/__don dam par gcig dang tha dad kyi spros pa dang bral ba yin te/__dgongs 'grel las/__kun rdzob khams dang don dam de bzhin nyid/__/gcig dang tha dad bral ba'i mtshan nyid de/__/gcig dang tha dad nyid du gang rtog pa/__/de dag tshul min lta la zhugs pa yin/__ces gsungs/__tha snyad kyi rnam gzhag ni/__gzhan sel gyi ngor ngo bo dbyer med ldog pa tha dad ces bya ba'i de nyid du gzhan du brjod du med pa'o/_/zhes gsungs so/__/ljon shing ltar na/__yul gcig gi so skye'i snang ba'i cha nas kun rdzob dang /__'phags pa'i blos de nyid rang bzhin med par shes pa don dam zhes 'dogs kyi/__kun rdzob snang ba'i cha de las rang bzhin med pa logs su dbyer med pas/__de tsam la ngo bo dbyer med ces bya zhing /__de tsam la gcig pa'i tha snyad btags pa mi 'gal te/__gcig gi chos nyid gang yin pa/__de ni kun gyi chos nyid yin/__zhes so/__/phywa dge sogs bden gnyis ngo bo gcig tu bzhed par go ram pas bkag kyang /_snga mas sgras zin du khas blangs pa med dam snyam//___//__! lam skor phyi ma brgyad las/__bsam mi khyab pa saM Ta dang /__'grel pa lugs gang rung /__mtsho skyes la de nyid/__lhan cig skyes grub la 'grel pa lugs/__gtum mo lam rdzogs dang /__yon po srong ba bde gsang gang rung /__mchod rten drung thob la gsang 'dus/__yi ge med pa la gsang 'dus bdag med gang rung /__dbang yon tan rim pa gsang dgos zhes kun dga' dbang phyug bzhed/__gshegs snying /__rang bzhin gnas rigs/__kun gzhi rgyu rgyud sogs ngo bo'i sgo nas mi 'dra ba med pas gcig par dgongs te/__rang sems spros pa dang bral ba de glo bur gyi dri mas bsgribs pa'i cha nas rgyu rgyud/__de'i spyi mtshan gyis thams cad la khyab pa'i cha nas gshegs snying /__chos sku'i rgyu byed pa'i cha nas gnas rigs zhes btags/__des na rgyu rgyud pa'i gnas skabs la ma dag pa'i snang ba sna tshogs yod pa'i cha nas sbyang gzhir 'gyur zhing /__de la ma dag pa'i snang ba zhes bshad/__rang gi ngo bo sbyang rgyu med pas sbyang gzhir mi 'gyur/__des na ngo bo la ltos na gnas 'gyur med cing/__yon tan la ltos nas yod par 'gyur ba kho nas shes/__rgyas par _'jam rdor TI kar blta//____//__! slob ma kha 'chal skyed la nyes byas zer ba ni 'dul bas sngags la rgyas bkab pas mi 'thad//_____//__! snang gsum 'di lam gyi gzhi bca' la sbyar na phar phyin dang thun mong ba yin zhing /__lam yongs rdzogs la sbyar tshe/__ma dag pa'i snang ba nas bde mchog sgyu ma'i bar dkri zhing dbang bskur ba lan chad rgyu rgyud/__nyams snang thabs rgyud/__dag snang 'bras rgyud du 'gyur bas mngon rtogs ljon shing dang yang mthun pas kun mkhyen pas de skad bzhed//____//__! rgyud bzhi'i bla ma rdo rje 'chang gis rgyud kyi byung tshul las 'phags pa chos snang nyid la bgrangs/__de nas sa chen la 'chad par ma bshad pa gzhung rnying ltar mdzad/__gsan yig thos pa rgya mtshor/__yang na mchims lo tsA ba/__'khon dkon mchog rgyal po/_rje sa skya pa chen po zhes dag go zhes rgyal tshab dam pa bzhed pas dpyad dgos//____//__! gangs ri rdo rje'i dka' 'grel gyi rgya dpe ngor na yod/__'on kyang de'i kha yig tu/__ka ma la kU li/__zhes snang bas/__phyag le'i dris lan las/__gzhan dges pa rdo rje'i 'grel pa slob dpon nag po pa dang /__slob dpon ka ma la kU li shas mdzad pa dang /__ces snang ba de yin nam snyam/__de lta na pad+ma rdo rje shes par 'gyur mod/__'on kyang slob dpon mtsho skyes ni ma yin te/__de'i skad dod la/__sa to dza dang /__pad+ma badz+ra zhes yod pa'i phyir ro/__/dpyal se bsod nams rgyal mtshan te/__se dpyal zhes ma dag__/zhang ston rgyal po'i TI ka snga phyi gnyis las/__snga ma la jo nang pa'i grub mtha' 'ga' bsres shing /__phyi mar shin tu mang ba bsres pa yod//____//__! sbyor lam nges 'byed rnams dgongs gsal las rang rig mngon sum du bshad pa 'di ka 'thad//____//__! ljon shing las kun btus mdo sde ba'i mtshan gzhir 'jog pa la/__de sems tsam yin pas rje btsun kyang sde snod la mi mkhas zhes phyi rabs pa dag sgrogs mod/__de ni ma yin te/__spyir kun btus sems tsam yin kyang /__de las phyi don khas blangs pa sogs mdo sde pa dang mthun pa mang po gsungs pa dang /__mdzod rang 'grel bye smra ba'i lugs yin kyang skabs der mdo sde pa bzhed pa ste/__dper na/__kha cig tu phyi don dang /__la lar sems tsam ston pa chos grags kyi rnam 'grel lta bu ste/__gzhung gcig gi nang du grub mtha' du ma ston pa la dgongs so/__/des na kun btus pa'i mdo sde'i skabs rnams de'i mtshan gzhir bzhag pa ste/__ya gyal gyi ming tshogs pa la btags kyi/__ril por mdo sde par bzhed pa ga la yin/__des na gangs can du mdo sde ba'i gzhung rang rkang tshugs pa ni sus kyang mi rnyed do//____//__! yum gyi 'gres rkang bzhugs/__/phung po lnga dang yul drug dang /__/dbang po drug dang rnam shes drug__/reg ba drug dang tshor ba drug__/thun mong 'gres rkang so lnga'o/__/rten 'brel bcu gnyis khams drug ste/__/ma gtogs 'khor dris bco brgyad yin/__/byang chub kyi ni phyogs la bdun/__/bsam gtan bzhi gcig tshad med gcig__/gzugs med bzhi gcig rnam thar brgyad gcig__/snyoms 'jug dgu gcig sgo gsum gcig__/bden pa rnam bzhi gcig tu'o/__/phyin drug stong nyid bco brgyad do/__/so sor bgrangs pas zhes gsum la/__/thabs kyi 'gres rkang zhe gsum zer/__/mngon par shes dang ting 'dzin dang /__/gzungs kyi sgo dang stobs bcu dang /_/mi 'jigs bzhi dang sor rig bzhi/__/byams pa che dang snying rje che/__/ma 'dres pa ni bco brgyad dang /___/thams cad shes dang lam shes dang /___/rnam pa thams cad mkhyen pa dang /__/'bras bu'i 'gres rkang bcu gnyis so/__/de ltar 'gres rkang brgya rtsa brgyad/_/shes na 'bum don bklags chog yin/__/dang zhes bya ba'i 'byed tshig rnams/__/so sor chod la chig tshig rnams/__/don mang yod kyang bsdoms la bgrangs/__/zhes pa'ang rong ston gyi rnam bshad ltar bris ba shu b+haM//____//__! rje btsun mi las/__thams cad yod kyang sngags pa kun rdzob tu bstan/__'khor 'das gang yang mthar thug gi don la ma grub par bstan no/__/dang po ni/__kun rdzob bden pa'i dbang du ni/__/'khor ba dang ni mya ngan 'das/__/thams cad yod ces thub pas gsungs/__/zhes so/__/gnyis pa ni/__dngos dang dngos med zung 'jug ste/__rang gi ngo bo tha snyad las 'das kyang /__blo yi yul du zung 'jug dang gnas lugs zhes ming du btags la/__gnyis med de'i ngang las 'khor 'das gang yang khas len dang bral ba ste/__don dam bden pa'i dbang du ni/__bgegs pas sangs rgyas nyid kyang med/__/ces sogs gsungs so/__/'o na de kho na nyid rtogs so zhes pa'i tha snyad gang la bzhag snyam na/__gnyis su med pa'i don mthong ba la tha snyad tsam btags pa ste/__gnyis su med pa'i don rtogs na/__lta ba'i mchog kyang de la bya/__zhes so/__/'o na gnyis med kyi ye shes de don la grub bam snyam na ma grub ste/___nang 'gyu ba'i yid kyi rnam shes 'di/__/ma rtogs dus na ma rig pa/__/las nyon kun gyi gzhi rtsa yin/__/rtogs na rang rig ye shes te/__/dkar po'i yon tan rdzogs par 'gyur/_/mthar thug don la ye shes med/__/chos rnams zad sar skyol lo gsungs/__/zhes so/_/des na gzhi 'khor 'das gnyis gdod ma nas grol ba ste/__'khor ba rang grol gzhi yi gnad/__/snying po'i don la ngo sprod kyis/__/zhes so/__/de nyid gzung 'dzin gyi sgrib g.yogs bral ba'i tshul gyis mngon du gyur pa ni mnyam par bzhag pa'i lam gyi dngos gzhi ste/___nga rig pa rten med gcer bu 'di/__/'gyu ba dwangs pa lta ba'i gdengs/_/'od gsal stong par blo thag chod/__/ces so/__/de nyid dus rtag tu g.yo ba med par phrin las lhun grub ni 'bras bu ste/__de'i don la ma g.yos na/__'bras bu'i mchog kyang de la bya/__zhes so/__/'o na 'di dag bsgom pas nyams su blang bya yin na/__'dir 'di ltar bzhed ces brjod mi rung ngo snyam na/__ma yin te/__grub mtha'i lta bas blo yi yul la sgro 'dogs ma chod na/__yang dag pa'i lta ba dug med rtogs mi srid pas/__nges don gyi gsung rab thams cad kyang /__rag pa'i lam nas drangs pa'i gnad kyang de ste/__klu sgrub kyis/__tha snyad la ni sogs dang /__'di nyid kyis/__grub mtha' mi shes pa'i lta ba dka'/__nus pa ma thob pa'i spyod pa dka'/__/zhes gsungs pa'i phyir ro/__/des na gzhi lam 'bras gsum thams cad gnas lugs zung 'jug gcig nyid la/__sgrib g.yogs bcas pa dang /__cung zad bral ba dang /__mtha' dag bral ba'i rim pa ma gtogs gzhi lam 'bras gsum ngo bo dbyer med du smra ba 'di ni/__rnal 'byor dbang phyug mar mi dang /__rjes btsun sa skya pa yab sras kyi bzhed pa mthun te/__rang bzhin rgyu la bsam na lhun grub ste 'gyur ba med pa dang /__mtha' yas pa'i yon tan gnas 'gyur du bshad pa 'di gnyis kho na la dpyad pas bde gshegs snying po yod par 'dod pa sogs kyi log rtog thams cad khegs par 'gyur la/__/sa paN+Di tas/___rtogs rgyu med pa'i don rtogs na/_/grol rgyu med pa'i sems nyid grol/__/shes bya med pa'i shes bya shes/__/'chad rgyu med par 'chad la _mkhas/__/'dod pa med par 'dod don 'grub/__/ces zung 'jug rab tu mi gnas pa'i dbu ma la 'phags bod pa'i paN grub thams cad zhal mthun pa yin la/__rgyas par spros pas chog go/____//_! rtsa ba'i bla ma ni/__rang la chos dngos su ston nas/__sku bzhi'i sa bon 'debs pa po kho nar 'jog ste/__snye mo sgom chen gyi dri lan du de ltar bshad do//____//__! sangs rgyas phal po che las stong gsum dar yug chen po'i dpes bstan pa'i dgongs pa la/__lo tsA bas/__dar yug gi ri mo rdul phran la yod pa bzhin du/__sangs rgyas kyi ye shes sems can kyi sems la yod pa de gang yin zhe na/__chos kyi dbyings so/__/de ji ltar ye shes yin zhe na bcom ldan 'das kyis chos thams cad mtshan nyid med par skad cig dang ldan pa'i shes rab kyis mkhyen pas na/__shes rab de shes bya dang rnam par dbye ba med do/__/des na don dam par chos dbyings de nyid rig pa'i ye shes yin la/__de yang sems can thams cad la tshang bar gnas pas/__dpe don de shin tu 'thad do/__/zhes gsungs la/__'di'i dgongs pa ni/__sangs rgyas kyi ye shes dang /__chos kyi dbyings dbye ba med cing /__chos dbyings la ye shes kyi yon tan mtha' yas pa 'byung ba'i nus pa tshang bas/__rang bzhin nam rgyu la bsam na lhun grub ces bshad pa dang 'gal ba med do/__/bde gshegs snying po de tha snyad du yod pas 'khor 'das kyi snang cha sna tshogs 'byung bas kun gzhi sogs kyi sgra'ang 'jug la/__don dam par spros pa dang bral bas cir yang 'char du rung ba'ang lung rigs kyis grub bo/__/de ni sa paN gyi dgongs pa ngo ma'o/__/klu sgrub kyis kyang snga ma bstod tshogs dang /__phyi ma rigs tshogs su rgyas par bkral/__sdom gsum gyi dgongs gzhi snga ma yin/__ngo bo phyi ma yin/__'di khyad par shin tu gal che//____//__! nag po'i rim gnyis kyi zin bris bzhugs so/__/rnal 'byor dbang phyug spyod pa'i rdo rje'i lugs kyi 'khor lo bde mchog gi lam gyi rim pa la/__skal ba dang ldan pa'i gang zag sbyin bya bzhi byin nas bslab bya gnyis la bslabs te grogs spyod pa gsum gyis mtshams sbyar bas 'bras bu sku gsum ye shes lnga 'grub pa zhig bzhed do/__/de la dang po ni/__phar phyin nas rim par zhugs pa'am/__dang po nas 'dir zhugs pa'i gcig car pa gang yang rung ba'o/__/gnyis pa ni/__'khor lo bde mchog lha mang la 62skyes kyi dkyil 'khor du dbang bzhi tshul bzhin thob pa'o/__/gsum pa ni/___rim pa gnyis la bslab pa ste/__'di la sngon 'gro dang dngos gzhi gnyis/___dang po ni/__tshogs gsog par byed pa maN+Dal/__byin rlabs 'jug par byed pa bla ma'i rnal 'byor/__sdig sgrib sbyong byed rdor sems sgom bzlas gsum mo/_/gnyis pa la gnyis/__dang po bskyed rim ni skyabs sems nas bzung dag dran par tshang bar bsgoms la/__rten dang brten par bcas pa la sems 'dzin 'jug bzlas cung zad bcas dkyil 'khor gyi 'khor lo sna bug gnyis nas bsdus te/__go cha gsum dang tsham rngams kyi sngags kyis bsrungs la rjes spyod la 'jug ste/__snang ba'i dngos po thams cad lhar ma shar gyi bar du'o/__/de'i lam gyi rim pa'ang 'di yin te/__sngon 'gro la gzhan lU hi pa dang 'dra/__dag pa gsum la ngag dang yid dang lus dag pa rim bzhin bsgom/__mnyam bzhag gi rnal 'byor bskyed rdzogs gnyis las/__snga mar/__dang po sbyor ba/__dkyil 'khor rgyal mchog las rgyal mchog go/___/dang po la gnyis te/__sngon 'gro dang /__dngos gzhi'o/__/dang po la tshad med bzhi mi bsgoms pa ma gtogs/__bsod nams dang ye shes kyi tshogs bsags pa 'dra/__gnyis pa rten bskyed pa dang /__brten pa bskyed pa'o/__/dang po la srung ba'i 'khor lo la pho nya rnams kyis bgegs bkug ste phur bus gdab/__lha'i sa gzhi sogs bsgoms la/__de lta bu'i srung 'khor gyi dbus su e las chos 'byung gru gsum gyi dbus su/__sa chu me rlung rlung me chu sa'i dkyil 'khor gyi steng du ri rab dang gzhal yas khang gdan dur khrod dang bcas pa bsgom pa'o/__/gnyis pa la/__bsnyen pa/__nyer sgrub/__sgrub pa/__sgrub chen bzhi/__dang po la rgyu dang /__'bras bu'i rdo rje 'dzin pa bskyed pa'o/__/dang po ni/__ye shes lnga'i ngo bo zla nyi phyag mtshan sa bon dang bcas pa ro gcig tu 'dres pa las sku yongs su rdzogs pa bde mchog dkar po rdo rje phag mo dang bcas pa bskyed pa'o/__/gnyis pa ni/__mkha' gsang byin rlabs sngon du 'gro bas snyoms 'jug gi sgras bde gshegs rnams spyan drangs te/__bdag gi zhal du zhugs nas snying gar zhu/__rdo rje'i lam nas yum gyi pad+mar babs pa las/__yab yum gnyis 'od du zhu nas byang chub sems kyi rang bzhin thig ler gyur/__de nas thig le las byung ba'i sangs rgyas rnams kyi sngags kyis bskul bas thig le hU~M a~M du gyur pa las 'bras bu'i rdo rje 'dzin pa sngon po yum dang bcas bskyed/__phrin las bzhi dang /__dga' ba bzhi dang /__chos kyi dbyings kyi ye shes su byin gyis brlab bo/__/gnyis pa ni/__go cha drug bcings pa ste snying gar rdo rje sems dpa' sogs bskyed pa'o/__/gsum pa ni/__yab yum gyi gnas gsum du 'bru gsum rdo rje gsum dang /__gnas lngar rigs lngas rgyas gdab pa'o/__/bzhi pa ni/__phai gyi sgra 'bar ba'i phyag rgya dang bcas pas yab yum spyan drangs shing mchod la gnyis med du bstim zhing /__dbang lha spyan drangs nas dbang bskur ba'o/__/de nas mchod la mkha' gsang byin gyis brlab par bya ba'o/__/gnyis pa dkyil 'khor rgyal mchog ni/__yab yum gnyis snyoms par zhugs pas zag med kyi bde bas rgyud gang bar bsams la/__de'i sgras bde gshegs thams cad spyan drangs nas gnyis ka'i smin mtshams su thim nas sku'i dbyibs brgyud de pad+mar son pa las yum gyi rak+ta dang ro gcig tu 'dres pa las rten dang brten par bcas pa'i dkyil 'khor gyi 'khor lo gcig char du shar ba'o/__/de yang phyir spro ba dang nang du lus la bsgom pa dus mnyam pa'o/__/gsum pa las rgyal mchog ni/__ye shes pa dgug gzhug__/dbang bskur/__mchod pa/__dag dran no/__/gnyis pa rdzogs rim ni dpyid thig gi man ngag ltar shes par bya'o/__/gnyis pa mnyam langs kyi rnal 'byor la gsum/__bzlas pa/__gtor ma/__spyod lam mo/__/gsum pa rdzogs rim ni dpyid thig ltar bsgoms na/__sngon du dkyil 'khor bsdus zin pas 'dir mi dgos la/__gal te min na rim bzhin bsdu ba'o/__/gnyis pa ni rim pa bzhi ste/__de yang de ston pa'i bstan bcos gnyis dang /__sam Tar snying kha'i hU~M gi nang gi byang sems dpyid dang /__lte ba'i oM thig le snyoms par rdzogs rim sgom tshul gsungs pa ni 'di'i lugs thun min no/__/rim bzhi la'ang lam skor gyi gras dang /__gsang mtha'i lugs gnyis las/__phyi ma ltar 'chad pa la bzhi/__dang po shes bya rgyud kyi rim pa ni/__spyir rdo rje'i lus kyi 'jig pa dang /__skye ba dang /__gnas pa'i rim pa shes par bya ba dang /__bye brag sgom pa'i dus phyi dkyil rnams snying ga'i hU~M la bsdu/__yum lte ba'i a~M la bsdus pa'i 'od kyis gsal bar byas te lte ba sprul pa'i 'khor lo nas spyi bo bde chen gyi 'khor lo bar bzhi po rim bzhin rtsa yi ge dang bcas pa dang /__dbus su d+hU ti/__g.yas su gyen me ma/__g.yon du zur gnyid ma yi ge dang bcas pa bsgom/__de 'og gshang sgor rlung dang sum mdor me dkyil kyang bsgom ste/__de la rgyud ni 'khor lo bzhi sogs lus la ye nas gnas pa yin la/__rim pa ni de rim gyis gsal btab pa mthar phyin pa'i tshad ni rtsa gsum 'khor lo drug yid la gsal bar snang ba'o/__/gnyis pa nyams len sngags kyi rim pa la/__sngon 'gro rlung 'byung 'jug dang bstun te/__rlung phyir 'byung tshe g.yas me ma yi ge dang bcas pa gsal gdab/__nang du 'jug tshe g.yon gnyid ma yig bcas/__cung zad gnas tshe a~M 'bar ba la sems gtad de yun ring bsgom/__de la goms nas nang du 'jug pa dang bstun/__rlung lte ba'i a~M la bstim zhing der shes pa gtad de/__steng rlung thub tshad mnan/__des lte ba'i gnas su du ba la sogs pa'i rtags lnga skye zhing a~M gi me yang rim par mgrin pa'i bar du 'bar snyam byed pa 'byung /__de nas dngos gzhi ni/__'og rlung drag tu bskums pas a~M gi me sbar/__yar ro ma nas song /__'khor lo gong ma gsum gyi yig 'bru rnams rim bzhin bsregs/__smin mtshams kyi sgo bye/__sna bug g.yas nas byung /__mdun gyi nam mkhar bde gshegs dpag tu med pa bsgoms pa la/__dang po gcig dang /__de nas rje mang gis/__mthar thams cad shangs bug g.yas nas zhugs/__de dag gi 'khor lo bzhi rim par bzhu btul byas nas/__lte bar me dang byang sems 'dres pa de/__rtsa g.yas nas byung ba shangs bug g.yas nas rang gi sna bug g.yon du zhugs/__spyi bo gser gyi sgo phye/__spyi bo'i 'khor lo byang chub sems kyis khengs/__yang g.yon rkyang ma nas 'khor lo 'og ma rim bzhin khengs pas de dag gi gnas su yas 'bab kyi dga' ba ni skyes par bsams/__byang chub kyi sems a~M la phog pas a~M drag tu 'bar nas dbu ma kha bye ste/__snying ga'i hU~M dang /__mgrin pa'i a~M zhen thogs med par spyi bo'i haM la phog__/de las byang sems 'dzag pa'i 'bar 'dzag la sems gtad de bsgom mo/__/de la/__sngags ni nye ba'i a~M/__rim pa ni rim gyis sbar ba ste/__rang gi 'khor lo dang de bzhin gshegs pa'i 'khor lo rnams bsregs pa nas 'bar 'dzag la sems gtad pa'i bar ro/__/mthar phyin pa'i tshad ni 'phar g.yo la sogs pa'o/__/gsum pa ye shes skye ba'i rim pa ni/__a~M gi mes spyi bo'i haM yig gi byang sems d+hU ti nas nor bu'i bar bab nas bde ba la sems gtad de rlung kha sbyar du bsgom/__de ltar bsgoms pas bde ba mi bzod pa skyes na slar mas brtan gyi dga' ba bcu drug rim bzhin bsgoms te de yang ye shes ni dga' ba bcu drug gi mthar lhan skyes myong ba/__rim pa ni rdo rje nor bu'i bde ba nas/__mdzod spur bsgoms pa'i bar ro/__/tshad ni/__bdag rgyud bde bas myos pa la sogs pa'o/__/bzhi pa 'bras bu gsang ba'i rim pa ni/__sna'i bar gyi ka ba med pa sgo nga stong pa lta bu bsgoms la/__de nas srog rtsol gyi rlung cha mnyam ste/__spos dud bzhin lus kyi nang nas byung /__sna'i phug tu chi li li 'khyil nas phar mi 'gro bar bsam mo/__/gsang ba ni srog 'dzin pa'i rlung /__rim pa ni rlung skyon rim gyis sel ba/__tshad lus ras bal ltar yang ba dang /__rtags lnga mthong ba'o/__/de tshe chos kun rang sems su 'dus pas phyi rol gyi yul la mi rtog pa bsgom/__sems kyi rtog pa byung tshor thams cad mi dmigs par bsgom/__de nas sems dang yul dang thams cad gnyis su med par mi dmigs par bsgom/__de ltar bsgoms pas mngon shes lnga rim gyis thob ste/__de la gnyis su med pa'i rim pa zhes kyang gsungs so/__/de ltar bsgoms pas chos mchog man gyi lam chod nas phyag rgya lung ston pa 'byung la/__de la brten nas 'jig rten las 'das pa'i ye shes mngon du byed/__gnas sogs bcu gnyis rim gyis bgrod de 'bras bu sku gsum yan lag bdun ldan thob par 'gyur ro/__/rgyas par ni rnal 'byor dbang phyug sa skya pa'i rim bzhi lam slong las shes par bya'o/__/sku gsum lhun grub gzhir gnas rtsa khams la/__/oM yig 'od kyis byang sems bzhus pa las/__/yas babs mas brtan dga' bzhi'i rim gyis ni/__bla med gsang ba mchog gi rtser bgrod shog__/shu b+haM//____//__! oM swa sti/__sgrub sde chen po brgyad kyi stong thun cung zad bshad na/__nges shes 'dren pa lo rgyus dang /__lo rgyus de ldan gyi stong thun dngos so/__/dang po la/__rgyal ba rig pa sogs gsum/__gnyis pa bde gshegs 'dus pa'i rnam bzhag spyir bstan/__sgrub sde brgyad kyi grub mtha' bye brag tu dbye/__dang po la/__gzhi/_lam/__'bras gsum/__lam la smin grol yan lag gsum/__/smin byed la phyi bum dbang la'ang phyi nang gsang gsum/__rdo rje slob dpon bcas gsang dbang /__shes dbang /__bzhi pa/__lam la/__phyi dkyil smin byed lam gyi/__sogs/__de la bskyed rim la spyir sgyu 'phrul drwa ba las/__spros bcas kyi bskyed rim la bdag sras gzhan sras kyi sgo nas bsgom pa sbyor dngos 11don dang /__2rjes 12kyi sgo nas bstan pa/__rdzogs rim snang ba la brten nas lha'i rdzogs rim sogs lnga/__bye brag 'jam dpal 'khor lo bzhi ni/__sku gsung thugs rdo rje rtsa ba'i rgyud las/__'jam dpal sku yi sgrub pa ni/__'khor lo bzhi la rdzogs pa yi/__dang /__/gnas pa'i 'khor los gnas lugs bstan/__/srid pa'i 'khor los snang lugs bstan/__/sprul pa'i 'khor los sgrub lugs bstan/__/gcod pa'i 'khor los phrin las bstan/__dang /__/pad+ma gsung gi sgrub pa ni/__/rta skad dang pos gnas lugs ston/__/rta skad bar pas lta ba brtag__/rta skad tha mas phrin las bzhi/__dang /__/oM ni gnas lugs chos kyi dbyings/_/ru lu snang lugs longs spyod rdzogs/__/ru lu 'og ma sprul pa'i sku/__/hU~M b+h+yo hU~M ni dbyer med do/__/bdud rtsi yod tan sgrub pa ni/__/bdud rtsi rnam pa bzhir 'dus te/__/chos nyid bdud rtsi bstan pa dang /__/lha sngags bdud rtsi bstan pa dang /__/dam rdzas bdud rtsi bstan pa dang /__/sman mchog bdud rtsi bstan pa'o/__/phur bu thal 'byin dgongs pa ni/_/chos nyid ye shes phur bu dang /__/gsang ba byang sems phur ba dang /__/tshad med sprul pa'i phur pa dang /__/mtshan ma rdzas kyi phur pa bzhi/__dang /__/ma mo rbod gtong sgrub pa ni/_/chos nyid gzhi yi ma mo dang /__/rtog pa ye shes ma mo dang /__/'khrul pa las kyi ma mor 'dus/__dang /__/khang bu bca' zhing rten btsugs la/__/tshul bzhin mchod cing dam bsres na/__/ji ltar bcol ba'i las byed do/__/'jig rten mchod bstod sgrub pa yin/__dang /__dmod pa drag sngags sgrub pa ni/__/srog dang snying po gnyis kyis sgrub/__/srog ni gzugs la snying po ming /__/bskyed dang rdzogs dang rdzogs pa gsum/__/rdzong 'phrang gsum gyis mthar gtugs la/__/rnal 'byor gsum gyis nyams su blang /__/lta sgom spyod pa 'bras bu yin//____//__! spyi don zhal lung las/__bya rgyud kyi spyod pa'i skabs/__bya ba drug gi dbye ba la/__'jug pa'i dus ni/__dpung bzang las/__tshes grangs bzang po la 'jug ste/__khyad par yar gyi brgyad la brtsam/__/shin tu skar ma rgyal rnams la/_/gza' skar shis pas blang bar bya/__/zhes so/__/bza' ba zas kyi bya ba ni/__dkar gsum mngar gsum za zhing /__sha chang sgog btsong la sogs pa bsrung ba'o/__/bgo ba gos kyi bya ba ni/__ras kha tshar ma nyams pa bgo ba'o/__/gtsang sbra khrus kyi bya ba la bzhi ste/__nyon mongs pa'i rgyud rags pa'i bag chags lta bas/__bag nyal gyi bag chags ting 'dzin gyis/__spyod lam nyams pa'i dri ma lha gshegs dkyil 'khor bsdu bas/__tha mal gyi dri ma sngags bzlas pa'i chus bkru ba'o/__/dmigs rten gyi bya ba ni/__yi dam gyi sku bris 'bur gang rigs gtsang sbra dang ldan pas cho ga bzhin bzhengs pa'o/__/bzlas brjod bya ba ni/__lha yi bdag gi 'phro 'du'i de kho na nyid gsum dang ldan zhing skyon bcu spangs pa'i tshul gyis bzla ba ste/__de skad du/__gsal ba gsum ldan skyon bcu spangs la blang /__/mtshams med lnga dang mi dge bcu sogs pa'i/__/sdig pa gang byas bzlas brjod bgyis pas sbyang /__/zhes so//____//__! ye shes bzhi ni/_/chos dbyings ye shes kun gyi khyab byed du gyur pas logs su ma bgrangs ba'i lhag ma bzhi'o/____/_! 'chad thabs kyi skyon spong ba'i skabs/__rdo rje theg pa na babs kyi skyon ni/__theg pa gong ma 'og mar babs pa'i skyon no/__/yog 'brog 'chol ba ni go rim 'chol ba/__rin po che rtsar 'chol ba'i skyon ni/__rin po che rtsal la brgyud pa'i dus su legs par sdeb ma shes na/__gnas skabs su blta ba la yang mi mdzes shing /__rgyal khrims chen po yod pa'i sar chad pa 'byung ba bzhin no/__/zhes lam rim gyi Ti ka las so//____//__! bshad thabs 'dren pa'i tshig bcu'i skabs/__ldems dgongs gsang ba brgyad kyis sbyar/__zhes pa ni/__gzhug pa/__mtshan nyid/__gnyen po/__bsgyur ba ldems dgongs te bzhi bo re re la'ang /__tshig ldem pa dang /__/don dgongs pa gnyis re phye bas brgyad du 'gyur te/__de la dang po ni/__dper na gang zag kha cig sems zhum nas gsang sngags kyi sgor zhugs mi nus pa rnams la/__gsang sngags kyi don rtogs par sla ba'i tshul gyis tshig ldem por brjod pa ni/__don gnas lugs rang la rang chas lhun grub tu bzhugs pa la dgongs pa ste/__bkri drang gi tshig thams cad la ngos bzung ngo /__/gnyis pa ni/__dbu mas dbyings spros bral du 'dod pa dang mthun par gsang sngags kyang spros bral du 'dod pas lta ba la khyad par med ces tshig ldem por brjod pa ni/__don mthar bral lhun grub kyi lta ba la dgongs pa ste/__sgra mthun don dpag gi gtan tshigs thams cad la ngos bzung ngo /__/gsum pa ni/__gsang sngags bla chos su mthong zhing don du mi gnyer pa rnams la tshig gis bsgribs nas dka' ba ltar byed cing thabs kyis 'dzud dgos pa'i phyir/__'di skad du/__/pha dang ma ni gsad bya zhing /__/rgyal po yul 'khor bcas bcom na/__/mi de thar pa thob par 'gyur/_/ces pa la sogs pa'i tshig ldem por brjod pa ni/__don gzung 'dzin dang rnam shes tshogs brgyad 'khor dang bcas pa gnas su dag nas thar ba thob pa la dgongs pa ste/__ma spangs shing mi ldan pa'i gtan tshigs thams cad la ngos bzung ngo /__/bzhi pa ni/__theg pa 'og ma'i sgor zhugs pa'i gang zag phal cher rang sa'i yon tan gyis sems khengs nas/__gsang sngags la brnyas pa byed cing don du mi gnyer ba rnams la/__de dang de'i lam gyis 'bras bu mi thob pas yon tan dman pa'i tshul gyis tshig ldems por brjod pa ni/__don gsang sngags la ma brten par mthar thug gi 'bras bu mi thob pa la dgongs pa te/__gsang sngags kyi che yon thams cad la ngos bzung ngo //____//__!_khre'ur zhes pa ni mang po las logs su btus pa'i don//____//__! mi gnyis pa ni gnyis su med pa//____//__! sems lnga po de thun mong gi theg pa la sbyar ba'i tshe thun mong dang /__sngags la sbyar ba'i tshe mchog gi sems lnga'am/__yang lam spyir brtsi ba thun mong dang /__thabs lam gyi skabs khams kyi 'gros la brtsi bar mchog gi sems su bzhed do//____//__! lta ba'i skabs nyams su len byed lam gyi rim pa'i lha grangs dang /__blang bya rgyud don gyi lha grangs gnyis kyi/__dang po ni/__khyab byed lam kun khyab bya lta bas khyab pa'i phyir lam gyi lha grangs dgu ste/__lam rim las/__/mnyam nyid ngang gis mi skrag pa/__/mngon byas nges pa'i shes 1rab dang /__/rnam pa kun ldan steng chen 2mthong /__/rang rig ye shes snying 3rjes gzigs/__/phyag rgya gcig 4sku 'bras bur lta/__/thams cad gsal ba'i lta ba 5dang /__/bar chad med pa'i tshogs 6chen mthong /__/dbang bsgyur 7mnyam nyid mi g.yo 8ba/__/ye shes kun mkhyen lta ba dgu/__/zhes gsung ste de'i don ni/__chos nyid bden pa dbyer med pa mnyam pa nyid kyi ngang las mi skrag pa'i bzod pa thob pas/__rang rig pa'i mngon sum sgro 'dogs dang bral bar gnas pa la yid ches pa'i nges gting tshugs par rnyed pa ni nges pa'i shes rab kyi lta ba1/__rnam kun mchog ldan gyi stong pa chen po mthong ba'i ngang la gnas pa de bzhin nyid kyi 2lta ba/__yul yul can gnyis su med pa'i rang rig pa'i snying rje chen po'i ting 'dzin gyis ye shes sgyu mar gzigs pa kun snang snying rje chen po'i lta ba3/__'bras bu dbyer med yi dam lha yi sku gcig snang stong zung 'jug tu gsal bar lta ba phyag rgya gcig pa'i lta ba4/__rtog tshogs thams cad lha'i dkyil 'khor chen por gnyis med du gsal ba rtogs pa phyag rgya spros bcas kyi 5lta ba/__sbyor lam bar chad med pa'i lam du yo byad thams cad snang la rang bzhin med par spyad pas tshogs gnyis rdzogs par mthong ba sbyor lam tshom bu tshogs sgrub kyi 6lta ba/__rig pa la rang dbang bsgyur zhing zag med mngon du mthong ba mthong lam rnam smin dang tshe dbang gi lta ba7/__chos nyid mnyam pa nyid kyi don las blo mi g.yo bsgom lam phyag chen 8gyi lta ba/__mnyam bzhag gi ngang la thams cad mkhyen pa'i ye shes kun yul med du mkhyen cing mnga' ba mthar lam lhun grub rig 'dzin gyi lta ba dang dgu'o/__/gnyis pa ni/__rgyud kyi dngos po thams cad la'ang khyab byed lta bas khyab pa'i phyir/__rgyud don gyi lha grangs dgu ste/__snga mar/__rgyud don gzungs kyis zin pa na/__/dam tshig dam tshig ces bya ba/__/rang gi lta ba dam tshig yin/__/zhes sogs mi 'da' ba dam tshig gi__/blang dor med pa spyod pa'i/__bkod pa dkyil 'khor gyi/__rol pa phrin las kyi/__gnas su stob pa mchod pa'i/__rim pa dbang gi__/don du gnyer ba sgrub pa'i/__nyams su len pa ting 'dzin gyi/__'ching grol med pa sngags dang phyag rgya'i lta ba rnams te/__de dag thams cad lta ba bden gnyis dbyer med kyi rgyas btab nas bsgom pa'i phyir ro//____//__! gong 'og 'gar/__ru zhes snang ba ni/__gu ru'i sgra bsdus pas bla ma la 'jug ste snga 'gyur gyi skabs 'dir bla ma dbang phyug dang ru sogs kyi sgras smos pa mang ngo //____//__! brgyad dang bzhi la nges par ni/__/stang dpyal gnyis kyi dkyil 'khor te/__/phyag rgya dgu yi mtshan mas gdab/__ces pa'i phyag rgya dgu ni/__sku gsung thugs kyi lha gsum/__ye shes sems dpa'/__dbu rgyan rigs lnga bcas so//____//__! go ma ye ni ba byung lnga dang /__sum cu ni bla med kyi bum rdzas sum cu'o//____//__! rgyu'i yi ge la yi ge bzhi bcu rtsa gnyis zhes pa'i rgyu'i yi ge a dang /__bzhi bcu rtsa gnyis ni ka nas k+ShaHyi bar gsal byed dang 24/__i I nas o au bar dbyangs brgyad de zhe gnyis so//____//__! ljon lcug sdong reg mtshan rdzogs dang /__zhes pa phyi gnas dang /__nang phyag rgya la sbyar ba gnyis las/__dang po ni/__zhi ba'i gnas ljon shing gi skyed tshal/__rgyas pa'i gnas lcug phran rgyas pa'i sa/__dbang la shing gcig gi drung /__drag po la nags tshal mes tshig pa'i shul lo/__gnyis pa ni/__zhi ba'i yum ljon shing lta bu ste/__kha dog dkar zhing /__ri mo 'khor lo'i gzugs su yod pa/__rgyas pa'i yum lcug phran gyi tshal lta bu ni/__kha dog ser la ri mo rin po che'i gzugs su yod pa/__dbang gi yum sdong gcig lta bu ni/__sha rtsa dkar la dmar mdangs chags pa ri mo pad+ma'i dbyibs su yod pa/__drag po'i yum mes reg pa lta bu ni/__kha dog nag gam sngo la ri mo zur gsum du yod pa'o/__/gzhan du phyi gnas/__nang ting 'dzin/__gsang ba phyag rgya la ngos bzung ba'i tshul kyang 'byung ngo /__/'grel chung las/_/ljon shing can dang lcug phran rgyas pa'i sa/__/shing gcig drung dang mes tshig phyi yi gnas/_/ma rmos pa dang pu tra mang 'phel dang /__/skye brgyud med dang bkra mi shis gsang ba/__/zhi rgyas dbang drag phyi nang gsang ba'i gnas/__/zhes kyang gsungs so//____//__! las tshogs ni rgyud don gzhan rnams sgrub pa'i cha rkyen du 'gyur te/__gang 'dod pa'i spyod yul thams cad lhun gyis grub cing 'gal rkyen gyis mi 'phrog pas lta ba rtogs pa'am/__spyod pa spyad pa sogs la thogs pa med pa'i phyir ro//____//__! sbyin sreg skabs/__dug dang tsha ba sa gsum dang /__/zhes pa'i sa gsum ni yi ge nyams pa las/__don du tshwa gsum zhes rgya tshwa/__rgyam tshwa/__kha ru tsha gsum yin nam snyam//____//__! muk+ka'i chan ni sran ma'i chan/__dan ti li zhes pa dan+da rog po ste/__bal yul sogs su snum nag gi rgyu'o//_//__!_stangs kyi sems zhes las bzhi gang yin gyi dmigs pa'i stangs bar ma chad pa//____//__! sngags spu gri dang bcas pa zhes las bzhi so so'i sngags sham//__// mnyam skyil ni bde lugs kyi skyil krung /__pad skyil long bu bsnol ba/__rus sbal gyi 'dug stangs ni stegs la hor 'dug byed pa/__tshogs kyi 'khor lo'i yo byad kyi khyad par/__he ru ka gal po las/__/rdo rje tshe dang gal phyis dang /__tshe khrid dza gad dza g+hi dang /__/bran mo sham mo kun tu rgyug__/na ling bde rgyas la sogs bsham/__ces pa'i ngos 'dzin so so'i mchan gyis gsal ba bzhin no//____//__! thugs thig gi lugs/__yi ge 'dus pa grub pa bzhi/__/mthu can red pa gang yin pa/__/gzhi rdzogs nyid las mi 'da' ba/__/gang la snang ba de ngo bo/_/zhes pa'i don/__sngags kyi ngo bo ni/__lus dang yan lag gi yi ge 'dus nas yi dam gyi lha gang yin pa bskyed pa na grub pa bzhi rang bzhin gyis ldan pa yin te/__chos nyid gnyug ma'i ye shes gzhom du med pa'i sngags kyi de kho na nyid rang la gdod nas rang chas su gnas pa ni chos nyid rang bzhin gyis grub pa/__rtsa rlung thig le rtog tshogs kyi rnam pa thams cad yi ge dang /__sngags dang /__phyag rgya'i dkyil 'khor chen por rang chas su shar ba ni chos can rang gi ngo bos grub pa/__de nyid skye 'gags med pa'i ye shes su rang snang bas sgrub pa po'i rgyud byin gyis brlabs pa byin rlabs kyis grub pa/__sngags kyi de kho na nyid rtogs shing goms pa'i sbyor bas mchog gi dngos grub sku lnga lhun gyis grub pa dang /__thun mong gi dngos grub la dbang 'byor ba mthus grub pa ste/__de lta bu'i sngags kyi nus pas dngos grub rnam gnyis la sbyor ba'i phyir nus mthu khyad par can du 'gyur ba ni sngags kyi ngo bo'o/__/phyag rgya'i ngo bo ni/__sku phyag chen/__gsung chos rgya/__thugs dam rgya/__'phro 'du phrin las bzhir rdzogs pa nyid las mi 'da' bas phyag rgya ste/__de lta bus rnal 'byor pa gang gi sgo gsum spyod yul dang bcas pa la rgyas btab par snang ba'o//____//__! tshe dbang rig 'dzin gyi skabs su/__ngo bo thabs dang sman rig 'dzin/__/rnal 'byor sgrol ma'i rig 'dzin dang /__/lam mchog rdzogs pa'i rig 'dzin bzhi/__zhes pa'i don/__'di ltar tshe la dbang ba'i rig 'dzin ni sgras brjod rigs kyi dbye ba'i dbang du byas na rgyu bzhi las byung ba ste/__rdo rje'i tshe sgrub pa'i thabs dang /__nyi shing dang /__ra mo shag dang/__bdud rtsi lnga dang /__gzhan yang bcud len gyi sman sbyor ji snyed pa la brten nas tshe ring bar gyur pa dang /__dngos yid kyi phyag rgya la brten nas/__thabs lam steng sgo dang 'og sgo'i rnal 'byor gyis thig le dbab bzung bzlog dgrim gyi sbyor bas dngul chu'i sbyor bas lcags rnams gser du bsgyur ba ltar snyigs ma dwangs ma'i lus su gyur nas tshe ring bar gyur pa dang /__sgrol ma'i rnal 'byor ni/__steng 'og gi 'khor lo dang /__steng 'og gi rlung rdo rje d+hU tI'i dbyings su kha sbyor gyi cho gas bcings pa las 'gog pa'i snyoms 'jug ltar tshe bskal par gnas pa dang /__lam mchog yongs su rdzogs pa ni/__de kho na nyid kyi don la phyin ci ma log pa'i goms pa brtas pas mthong lam zag pa med pa'i ye shes mngon sum du gyur pa'o//____//__! phyag chen gyi rig 'dzin la/__kri yas rigs gsum dbye ba ni/__spyir bya ba'i rgyud kyi bsgrub bya'i lha thams cad rigs drug tu 'du zhing /__de'ang bsdu na/__de bzhin gshegs pa dang /__pad+ma dang /__rdo rje'i rigs gsum du 'du ba las/__lam dus su sgrub pa pos gang la bsnyen pa'i lha de dang de yi rnam par shar pa'o/__/ub+ha yas rigs bzhir snang ba ni/__mi bskyod pa ma gtogs pa'i rigs lhag ma bzhi dang /__rnal 'byor gyi rgyud du rigs lngar snang ba ni spyi ltar ro/____/_!_gzhi lam 'bras bu'i rnam gzhag tshig don gyi sa bon ces bya ba/__rje btsun ngag gi dbang phyug la phyag 'tshal lo/__/theg pa thams cad kyi brjod bya gzhi lam 'bras gsum gyi rnam par bzhag pa la gsum ste/__dang po gzhi yi rnam par bzhag pa ni/__nyan thos bye smra bas/__chos gos/__bsod snyoms/__gnas mal ngan don tsam gyi chog shes pa gsum dang /__spong ba bsgom pa la dga' ba ste bzhis bsdus pa'i sems byung ma chags 'phags pa'i rigs can 'dod chung chog shes zhig la 'dod/__mdo sde pas zag med sems gyi sa bon 'bras bu 'byung rung gi nus pa la 'dod/__theg chen sems tsam pas/__kun gzhi'i rnam shes la yod pa'i zag med kyi yon tan rkyen dang phrad na byang chub thob par byed pa'i nus pa thog med nas yod pa skye mched drug gi khyad par ram/__zag med sa bon gyi cha'am/__sgrib pa spang rung ngam/__thos pa'i bag chags sogs ming gi rnam grangs du ma dang ldan pa zhig la 'dod/__dbu ma pa la/__byams mgon gyis rgyud blar gsal ba'i ldog cha nas bshad pa gtso che ste/__gzhi lam 'bras bu'i yon tan gyi ldog pa ma lus pa tshang ba'i bde gshegs snying po ni/__rdzogs sangs sku ni 'phro phyir dang /__/zhes sogs sgrub byed gsum gyis 'gro rgyud la yod par bsgrub/__ngo bo rgyu 'bras las ldan 'jug pa dang /__/zhes sogs rnam gzhag bcu yis gtan la phab/__sangs rgyas pad nang sbrang rtsi sbrang ma las/__/zhes sogs dri mas sgrib tshul dpe dgus bstan/__dag sogs bral ba rang gzhan don/__/ces sogs dang /__rang don don dam sku dang ni/__/zhes sogs dang /__brgya byin rnga sprin tshangs pa dang /__/zhes sogs rnams kyis rim pa bzhin/__dag pa gnyis ldan gyi byang chub dang /__bral ba dang rnam smin gyi yon tan drug cu rtsa bzhi dang /__rgyun mi 'chad pa dang /__lhun gyis grub pa'i phrin las sogs kyis 'bras bu'i gnas tshul khyad par bshad pa'i phyir/__slob dpon klu sgrub rig tshogs las stong pa'i ldog cha gtso che bar gsungs te/__de las rten 'brel gyi rtags dang /__mtha' bzhi'i spros pas stong pa'i tshul rigs pas gtan la phab nas chos thams cad bden pas stong pa'i stong nyid la 'khor 'das kyi bya byed rung bar gsungs pa'i phyir ro/__/yang de nyid kyi bstod tshogs las zung 'jug gi ldog cha gtso che bar gsungs te rten 'brel gyi rtags las 'dus byas bden stong gi stong nyid de dang /__bden grub bkag pa'i ci yang med pa tsam yin pa spangs nas/__'khor 'das rang bzhin gyis lhun gyis grub pa'i sems dang zung du 'jug pa nyid 'khor 'das kun gyi gzhi yin pa'i phyir zhe na/__gzhi stong pa nyid las 'khor 'das kyi bya byed rung bar gsungs pa'i phyir te/__sa yi dkyil na yod pa'i chu/_/dri ma med pa gnas pa ltar/__/nyon mongs nang na ye shes kyang /__/de bzhin dri ma med par gnas/__ces nyon mongs pa'i sbubs na rang bzhin gyi _dri mas ma gos pa'i sems rang rig rang gsal rgyun chags su yod par bshad nas/__de nyid bden par grub bam snyam na/__bsam gyis mi khyab par bstod par/__gang gi dngos po rten 'byung rnams/_/ngo bo med pa nyid du gsungs/__/zhes rten 'brel gyi rtags las de yang bden med du bshad pa las de ltar grub pa'i phyir ro/__/des na gsal stong zung 'jug gi ye shes de nyid sngags kyi rgyud rnams su'ang rdo rje'i tshig du mas gtan la phab ste dgongs pa gcig tu grub bo/__/gnyis pa lam gyi rnam par bzhag pa la/__spyir rgyal bas gsungs pa'i chos thams cad rjod byed sde snod gsum dang /__brjod bya bslab pa gsum du 'du ba las/__nyan thos pa dag nges par 'byung ba'i bsam pas so sor thar pa ris bdun gang yang rung ba blangs nas nyes spyod kyi tshogs rnams sdom pa tsam gtso bor byed pa lhag pa tshul khrims dang /__bsam gzugs kyi snyoms 'jug la sogs par sgrub par byed pa bsam gtan/__byang chub phyogs kyi chos dang mthun par yid la byed pa shes rab kyi bslab pa rnams su bzhag cing /__rang rgyal ni de'i steng na rten cing 'brel bar 'byung ba'i lam la bsgom pa dang /__rnam par 'byed pa'i shes rab brten pa'o/__/byang sems pas smon 'jug gis bsdus pa'i tshul khrims gzhan phan gtso bor bsgrub cing /__zhi gnas bsam gtan dang /__lhag mthong shes rab kyi pha rol tu phyin pa la brten pa dang /__rdo rje theg par dbang bskur bas thob pa'i sngags kyi tshul khrims dang /__bskyed pa'i rim pa sems rtse gcig pa'i ting 'dzin bsgrubs nas/__rdo rje'i lus la gnad du bsnun pa'i thabs zab mo rdzogs pa'i rim pas chos rnams kun gyi de kho na nyid phyag rgya chen po'i ye shes la dbang bsgyur ba'o/__/gsum pa 'bras bu ni/__bye smra bas sangs rgyas sku la rnam grol chos sku dang /__rnam smin gzugs sku gnyis su 'dod/__mdo sems dbu gsum gyis sku gsum ye shes bzhi ru 'dod/__bya rgyud sogs 'og ma gsum gyis/__sku gsum 'dod tshul phar phyin dang cha 'dra la/__rnam pa'i 'dod tshul ni tha dad de/__spyod rgyud man chad gzugs sku rigs lngar mi 'dod kyang /__rnal 'byor rgyud yan chad du rigs lngar 'dod/__rnal 'byor chen por sku bzhi'i rnam bzhag khas len cing /_rnal 'byor dbang phyug gi man ngag sogs las sku lngar gsungs pa'i tshul yang yod do/__/zhes pa'ang a b+hA yas btus pa'o//____//__! rje btsun sa skya pa yab sras kyis sa lam gyi rnam gzhag 'di ltar 'chad de/__de yang sa lhag ma gsum pha rol tu phyin pa'i lam gyis bgrod par mi nus te/__de gsum bla med kyi lam kho na'i bgrod bya yin pa'i phyir/__yul nyi shu rtsa bzhi'i rlung sems dbu mar zhugs pas sa bcu dang /__de steng snying kha'i phyi bskor gyi rtsa 'dab brgyad dang /__sbas pa'i rtsa lnga'i rlung sems dbu mar zhugs pas lhag ma gsum bskyed dgos shing /__de bskyed pa'i thabs bla med kyi lam la rags las pa'i phyir/__'o na phar phyin pas sa bcu pa yang bgrod par mi nus par dogs na/__sa bcu man chad kyi rtogs pa lus dang sems la gnad du bsnun pa gnyis kas phye bas phar phyin pa phyi ma'i tshul can yin pa'i phyir/__sa lhag ma gsum po sbas pa gsum zhes/__sa bcu gcig pa don sbas la ming ma sbas te/__ming phar phyin la grags kyang don sngags la sa bcu gnyis pa man chad slob pa dang /__bcu gsum pa mi slob par bstan pa'i phyir/__sa bcu gnyis pa ming don gnyis ka sbas te phar phyin la ming don de ltar ma grags pa'i phyir/__sa bcu gsum pa ming sbas la don ma sbas pa ste/__bcu gsum pa'i ming ma grags shing don theg chen mi slob pa'i lam la 'jog phyir der grags pa'i phyir/__des na sa bcu gcig pa'i ming tsam zhig phar phyin la grags kyang de dngos ma yin te dngos slob lam kho nas khyab pa'i phyir/__des na phar phyin sngags gnyis sangs rgyas kyi mtshan nyid sku gsum ye shes lnga nyid spangs rtogs thams cad rdzogs pa la mthun kyang /__mtshan gzhi mi mthun te snga mas sa bcu gcig pa dang /__phyi mas bcu gsum pa la 'jog pa'i phyir/__'o na phar phyin gyi theg pas sangs rgyas dngos mi thob pas don med par thal zhe na/__phar phyin rang rkang gis sa bcu pa'i bar thob cing /__de nas sngags lam la mi 'jug pa mi srid pa'i phyir de yan chad sngags lam gyis tshegs chung dus thob pa'o/__/kye rdor las gnas dang nye ba'i gnas sogs bsdus pa'i slob lam sa bcu gnyis su phye zhing /__de'i tshe des bsdus pa'i yul chen po gnyis kyi nang gnas 8bzhi bzhi'i rlung sems dbu mar tshud cing /__phyi'i yul bzhi'i mkha' 'gro bzhi dbang du 'dus pas/__sa dang po gnyis gnyis kyi rtogs pa 'grub cing /__de bzhin du phyi nang gi yul gnyis dbang du 'dus pas 28sa gsum nas bcu pa'i bar dang /__bzhi bzhi dbang du 'dus pas 32sa bcu gcig bcu gnyis grub par gsungs pa dang /__bde mchog rtsa rgyud dang saM Ta bdun par yul nyer bzhi'i dang po bzhi bzhi dbang du 'dus pas sa dang po gnyis dang /__de'i lhag ma gnyis gnyis dbang du 'dus pas sa bcu pa'i bar thob par bshad pa dang /__de steng dpe med dang ye shes che gnyis bsnan par mngon brjod las gsungs pas mthun la/__mi slob pa'i sa bcu gsum ni/__nang du sbas pa'i rtsa lnga'i rlung sems dang /__phyi rol du yul chen lhag ma bzhi lnga gling rin dang bcas pa'i dpa' bo dang rnal 'byor ma dbang du 'dus pas grub par/__ku mu tir rgyud rgyas pa'i lung /__/'thung gcod dpe med ye shes che/__/nye ba'i 'thung gcod ye shes che/__/zhes gsungs pa mngon brjod dang mthun la/__dgongs pa lung bstan las/___sangs rgyas rnams kyi gang bsten pa'i/__/sar gyur de ni bcu gsum pa/_/zhes gsungs so/__/des na phar phyin las bshad pa'i mtshan nyid can gyi sangs rgyas dngos bla med kho na'i lam gyis thob dgos te phar phyin gyis thob pa min no//____//__!