གཅོད་ཀྱི་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	gcod kyi zin bris
Location	mkhyen brtse'i bka' 'bum Volume 4, sde tshan 1, Text 10, Pages 155-166 (Folios 78a6 to 83b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gcod kyi zin bris. In 'jam dbyangs mkhyen brtse'i dbang po'i bka' 'bum, Vol. 4: 155-166. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Severance Texts - gcod gzhung

1 Texts in this Section (sde tshan or chos tshan)

10 155-166	གཅོད་ཀྱི་ཟིན་བྲིས། gcod kyi zin bris Notes - zin bris   ·   Severance Texts - gcod gzhung	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཉན་སར་འགྲོ་གནས་བརྟགས་ལ་འགྲོ་ངེས་པ་དང་གསང་ཞིང་གཞན་ལ་ཁ་འཕངས་ཏེ་འགྲོ། སྐྱབས་འགྲོ་སེམས་བསྐྱེད་བླ་མ་ལ་གསོལ་བ་དྲག་ཏུ་གདབ། ལམ་དུ་ཞུགས་དུས་རང་གི་འོད་ཟེར་གྱིས་གཉན་སའི་ལྷ་འདྲེ་རྒྱལ་བློན་འབངས་རྩད་རྩ་ལག་བཅས་བསྡུས་ནས་རང་ལ་བསྟིམ། འདུག་སར་སླེབ་པ་དང་རང་ཉིད་གཉན་སར་བསྟིམས་ལ་དབྱེར་མེད་དུ་བཞག་གོ །གཉན་ཐོག་གཉན་དབབ། མེ་བཙའ་ཨ་ན་ཚུགས་སུ་བཞག །གཉན་སའི་དབྱིབས་རྫས་དང་། གཟུགས་དང་། མ་ངེས་པ་དང་། འཆོལ་བའོ། །འཁོར་ལོའམ་དཔལ་བེའུའི་ལྟེ་བ། གདུགས་དང་རྒྱལ་མཚན་གྱི་ཏོག །གཅན་གཟན་ཁ་སྡེར། འདབ་ཆགས་སྙིང་། །དུད་འགྲོའི་རྭ། གཞན་གཙུག་དང་རྐེད་པ། ལྷ་ཁང་སྟོང་པའི་སྒོ། མཆོད་རྟེན་དྲུང་། ལམ་སྲང་མདོ། རི་རྩེ་གཅིག་རྩེ་མོ། གཉིས་པའི་སྒང་། རྒྱུད་རིང་བའི་འབུར་བ། རི་ངོས་འབུར་བའི་སྐམ། སྐམ་གྱི་འབུར་འབོ། །ལུང་མདོ། ཐང་དཀྱིལ། ཤིང་རྩ། རི་སུལ། ནགས་ཚལ་མཐུག་པའི་སྲབ། སྲབ་པའི་མཐུག །རྩུབ་པའི་སྲབ། སྲབ་པའི་རྩུབ། ན་བ་དང་མཚོ་སྟོད། ཆུ་ཆེན་འགྲམ། ཆུ་དམར་འདུས་མདོ། ཟླ་གམ་སྟེ། ཟླུམ་པའི་ཁུག །འཁྱོགས་པའི་ཁུག །ཆུ་མིག་མགོ་གཅིག་འོག །མགོ་མང་འདུས་སོ། །ཕ་བོང་དང་བྲག་སྟེང་། ཤིང་གི་ཡལ་ག་བཅད་ལ་ཞབས་སུ་བཏིང་། གངས་རི་བརྡལ་ལ་རྩེར་བསྡད་དམིགས། གཉན་དམིགས་མང་ན་ཤིང་ས་རྡེའུ་བླངས་ལ་ཞབས་སུ་གཞུག །ས་དམིགས་མ་སྙེད་ན་གཅེར་བུ་ཌཱ་དྲིལ་དཀྲོལ་གར་སྟབས་བྱས་པས་སྐྱི་གཟིངས་ཉམས་དགའ་བྱུང་སར་བསྡད། རྦབ་གཏིབ་ཕྱམ་གཤའ་ཆུ་སྣ་དགྲ་དེ་རྣམས་སྤངས། གཉན་དམིགས་སྙེད་ནས་སྦྲ་གུར་མལ་ས་བྱས་ལ་མ་ཆོད་བར་དུ་མི་སྤོ། ངག་ཏུ། འཁོར་བ་མ་སྟོང་གི་བར་འདིར་འདུག་གི་གཞན་དུ་མི་འགྲོ། བརྗོད། དེས་མགོ་བསྐོར་མི་འོང་། ཕྱོགས་བཞིར་ཐོ་བཞི་ཡུམ་ཆེན་བཞིར་བསྒོམ། དེས་མནན་བྲོས་དབང་མེད་པར་བསམ། དེ་ནས་བླ་མའི་རྣལ་འབྱོར་བསྒོམ་རྗེས། སྟོང་པའི་ངང་ལས་རང་ཉིད་ཡུམ་ཆེན་མོ་སྐུ་མདོག་སྔོ་ནག་ཞལ་གཅིག་ཕྱག་གཉིས་སྤྱན་གསུམ། ཞལ་མཆེ་བ་གཙིགས་པ། དབུ་སྐྲ་དམར་སེར་གྱེན་དུ་འབར་བ། ཕྱག་གཡས་གྲི་གུག་ནམ་མཁའ་འཕྱར་བ། གཡོན་ཐོད་ཁྲག་ཐུགས་ཀར་འཛིན་པ། གྲུ་མོ་ན་ཁ་ཊྭཱཾ་ག་ཡོད་པ། རུས་པའི་རྒྱན་ལྔ་དང་ལྡན་པ། སྟག་གི་པགས་པའི་ཤམ་ཐབས་ཅན། སྐུ་ལ་ཡེ་ཤེས་ཀྱི་མེ་འབར་བ། ཞབས་གཉིས་གར་སྟབས་ཁྱུག་ཁྱུག་བྱེད་པ། ཤིན་ཏུ་འཇིགས་སུ་རུང་བ་གཅིག་བསྒོམ། ངག་ཏུ་ཨཱཿརིང་པོ་བརྒྱ་རྩ་བརྒྱད་ལ་སོགས་པ་བརྗོད། ཡིད་ཀྱི་ཕོ་ཉ་ཕྱག་རྒྱ་བཞི་འཛིན་པ་གྲངས་མེད་སྤྲོས་ནས་སྤྱིར་སྟོང་གསུམ། སྒོས་འཛམ་བུ་གླིང། ཁྱད་པར་གཉན་སའི་ལྷ་འདྲེ་རྩད་འབྲེལ་ཐམས་ཅད་རང་དབང་མེད་པར་བཀུག་ནས་བསྒོམ་པའི་ས་གཞི་ལ་བསྟིམ་ནས་རང་གི་ལུས་ཆེན་པོར་གྱུར་ནས་མནན་པར་བསམས་ལ་ཉལ་ལོ། །ཞག་གསུམ་དེ་ལྟར་བྱས་པས་ཚར་ཚད་མྱུར་བའི་དགོས་པ་ཡོད་དོ། །རབ་ཀྱིས་གཉིས་མེད་དོན་ལ་བཞག །འབྲིང་གིས་དེ་ལ་གཏད་དེ་བསྒོམ། །ཐ་མལ་ཕུང་པོ་གཟན་དུ་བསྐྱུར། དབང་པོ་ཐ་མས་ཆོ་འཕྲུལ་འཇིགས་སྐྲག་བྱུང་བ་ན་ལུས་སེམས་ཕྲལ་ལ། སེམས་དངོས་མེད་ནམ་མཁའ་དང་འདྲ་བས། འདྲེ་ཁྱོད་བས་དུས་གསུམ་སངས་རྒྱས་ཀྱིས་ཀྱང་མ་གཟིགས་མི་གཟིགས་གཟིགས་པར་མི་འགྱུར་བས་འཇིགས་པའི་ཡུལ་དུ་མ་གྲུབ་པས། ལུས་བེམ་པོ་ས་རྡོ་དང་འདྲ་བ་འདི་ལ་འཇིགས་པའི་རྒྱུ་མེད་པས། དེས་ནི་བདག་ཏུ་མི་བཟུང་། མི་མ་ཡིན་ཁྱེད་རྣམས་ལ་ཅི་དགའ་བ་ཁྱེར་ཅིག །སྤྱིར་སྣང་ཞིང་སྲིད་པའི་ལྷ་འདྲེ། བཀའ་ལྷ་མ་སྲིད་སྡེ་བརྒྱད། བགེགས་རིགས་སྟོང་ཕྲག་བརྒྱད་ཅུ། དྲེགས་ཆེན་བཅོ་བརྒྱད། བྱིས་པའི་གདོན་ཆེན་བཅོ་ལྔ། ཕོ་གདོན་རྒྱལ་པོ། །མོ་གདོན་འདྲེ་མོ། ཀླུ་གདོན་ཐེའུ་རང་། གཟའ་བདུད་རྒྱལ་པོ་རཱ་ཧུ་ལ། ཡུམ་གདོང་མོ་བཞི། ཀླུ་བདུད་རྒྱལ་པོ་ཉ་ནག་མདོང་། མཆེད་རིགས་སུམ་བརྒྱ་དྲུག་ཅུ་ལ་སོགས་པ་ས་དང་ནམ་མཁའ་བར་སྣང་ལ་གནས་ཤིང་རྒྱུ་བའི་བགེགས་ཐམས་ཅད་ལ་འབུལ་ལོ། །སྒོས་བདག་ཅག་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་ལོག་འདྲེན་ཐམས་ཅད་ལ་འབུལ་གྱི། ཤ་ལ་དགའ་བས་ཤ་ཟོ། ཁྲག་ལ་དགའ་བས་ཁྲག་འཐུང་། རུས་ལ་དགའ་བས་རུས་པ་མུར། ཏིལ་འབྲུ་ཙམ་ཡང་མ་ལུས་པར་མཛོད་ཅིག །ཅེས་ངག་ཏུ་བརྗོད་ལ་ཡིད་ཀྱིས་བསམ་མོ། །སེམས་ཀྱི་རེ་དོགས་འཁྲི་བ་མ་ཆོད་ཀྱི་བར་ནན་ཏན་དུ་བྱའོ།། །། ༈

ལྷ་འདྲེ་འཇིང་ཆེ་ནས་སློང་མ་ཐུབ་པ་ལ་མཐའ་གཏད་བྱ་སྟེ། ཕྱི་ཡི་མཐའ་གཏད་དུས་སུ་ཆོ་འཕྲུལ་མ་བྱུང་ན། །ཡིད་ཀྱིས་རི་ཡི་རྩེ་ནས་བསྙིལ་པ། བྲག་བཤིག་པ། ཤིང་གཅོད་པ། མཚོ་དཀྲུག་པ། ཆུ་མིག་ཁ་གཏིང་བཟློག་པ། ན་བཀྲལ་བ། ས་བརྐོ་བ། རྦབ་གཏིང་བ་སོགས་གཉེན་ས་དེར་འོས་པའི་བརྟུལ་ཞུགས་བྱས་པར་བསྒོམ། དེས་ཀྱང་མ་སློང་ན་དངོས་སུ་མི་རྟག་ཙམ་གྱི་བརྟུལ་ཞུགས་སྤྱོད་པ་ཕྲན་ཚེགས་བྱའོ། །དེས་ཀྱང་མ་སློང་ན་ལུས་གཅེར་བུར་གོང་གི་ཏིང་ངེ་འཛིན་གྱི་སྤྱོད་པ་དངོས་སུ་བྱ། དབྱིངས་རིག་བསྲེ་ལ་བདག་འཛིན་མེད་པར་ངར་གདགས། །ཤེས་པ་ཧུར་ཕྱུང་། གང་ལའང་ཉམ་ང་བག་ཚ་མེད་པར་མི་ཕོད་ཐོག་རྫིས་བྱའོ།། །། ༈ ནང་གི་མཐའ་གཏད་ནི་གཉེན་ཆེན་མཐའ་ལ་གཏད་པ་སྟེ། །གཉན་ནི་ང་དང་བདག་ཏུ་འཛིན་པས་གཉན། །མཐའ་ནི་དེ་ཡི་རང་བཞིན་སྟོང་པ་ཉིད། །གཏད་ནི་དེའི་ངང་ལ་བཞག་པའོ།། །། ༈ གསང་བའི་མཐའ་གཏད་བེམ་རིག་ཕྲལ་ལ་ལུས་ཚོགས་བྱ། རིག་པའི་ངོ་བོ་རིགས་ལྔའི་ཌཱ་དྲིལ་རུས་རྒྱན་ཅན་དཔག་མེད་ནམ་མཁའ་ས་གཞི་གང་བས་གར་སྟབས་ཀྱིས་རི་བྲག་ཁོང་སེང་ཐམས་ཅད་ཕཊ་སྒྲས་གཡེང་ནས་རང་དབང་མེད་པར་སློང་བར་བསམ། རྗེས་ཐམས་ཅད་གཉིས་མེད་ངང་ལ་མཉམ་པར་བཞག ། ༈ ནད་པའམ་གདོན་ཆེན་ཅན་ལ་མཐའ་གཏད་ནི། ཆོ་འཕྲུལ་དྲག་པོ་འོང་བའི་སྒང་ལ་མཐའ་གཏད་བྱ། གཅེར་པུར་ཕུད་ལ་རེ་དོགས་གཟུང་འཛིན་བློས་བཏང་ལ། ངག་ཏུ། གཟའ་བདུད་རྒྱལ་པོ་རཱ་ཧུ་ལ། ཀླུ་བདུད་ཀྱི་རྒྱལ་པོ་ཉ་ནག་མདོང་། གཞན་ཡང་སྣང་ཞིང་སྲིད་པའི་ལྷ་འདྲེ་བཀའ་མ་ལྷ་སྲིན་སྡེ་བརྒྱད་དམག་དཔུང་དང་བཅས་པ། ཁྱད་པར་དུ་ཡང་གཉན་ས་འདིར་གནས་པའི་ལྷ་འདྲེ་རྒྱལ་བློན་འབངས་གསུམ་དུ་གཏོགས་པ་ཐམས་ཅད་ཉོན་ཅིག །བདག་རྣལ་འབྱོར་པས་དོན་ཤེས་རབ་ཀྱི་ཕ་རོལ་ཏུ་ཕྱིན་པའི་ལམ་བསྒོམ། རིག་པ་བྱང་ཆུབ་ཀྱི་སེམས་ཀྱིས་རྩལ་སྦྱོང། ང་བདག་གཉིས་འཛིན་གྱི་གཞི་རྩ་གཅོད། ལུས་བེམ་པོ་སྦྱིན་པར་བཏང། མ་རིག་པའི་ལྷ་འདྲེའི་འཁྲུལ་པ་བསལ། དམ་པ་ཆོས་ཀྱི་འབྲེལ་པ་འཇོག །ཐེག་པ་ཆེན་པོའི་ལམ་ལ་བཀོད། མཐར་ཐུག་རྣམ་མཁྱེན་སངས་རྒྱས་ཀྱི་ས་ལ་བཞག་པའི་ཆེད་དུ་གནས་འདིར་འོང་བ་ཡིན་པས། །ཆེ་གེ་མོ་ལ་སོགས་པ་བདག་ཅག་རྣམས་ཀྱི་ཕུང་པོ་ལུས་གདོན་དང་བཅས་པ་ཁྱེད་རྣམས་ལ་གཏད་པས་ད་ལྟ་ཉིད་དུ་ལོངས་ཤིག །སྐྲ་ཡི་རྩེ་མོ་མན་ཆད། རྐང་པའི་མཐིལ་ཡན་ཆད། ཕྱི་ཤ་ནང་ཁྲོལ། སྐྲ་དང་བ་སྤུ་ཚུན་ཆད་ཏིལ་འབྲུ་ཙམ་ཡང་མ་ལུས་པར་ཁྱེར་ཅིག །ཁྱེར་མ་ནུས་ན་ཁྱེད་རྣམས་ཞན། སྟེར་མ་ནུས་ན་རྣལ་འབྱོར་པ་ཞན། ཁྱེད་རྣམས་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་བཀའ་དང་དམ་ལ་མ་འདའ་ཞིག །མཁའ་འགྲོའི་ཚོགས་དང་ལྷ་འདྲེ་ལ་དམར་འགྱེད་དྲག་ཏུ་བྱའོ། །རྗེས་ལྷ་འདྲེས་གཙོར་བྱས་སེམས་ཅན་ཐམས་ཅད་ལ་བསྔོ་སྨོན་རྒྱ་ཆེན་བྱའོ། །སྐྲག་ན་སྐྲག་ཐོག །ཡ་ང་ན་ང་ཐོག །སྐྱུག་བྲོ་ན་བྲོ་ཐོག་སྐྱུག །སྙེམས་གང་ལ་ཞུགས་པ་ན་དེར་ཕར་བསྲེ་ལ་བསྒོམ། འགོས་ནད་ལྟ་བུ་ལའང་དེ་ལ་ལུས་ངག་ཡིད་གསུམ་བསྲེ། དེ་ལྟ་བུའི་མི་འདོད་པ་གང་བྱུང་ཡང་དེ་ལྟར་བྱའོ། །ཚར་ཚད་རྫོགས་འཕྲལ་ཕྱི་རོལ་ཐོག་སེར་བྱུང་ན་དྲག་ཏུ་མི་གཅུན། གཅུན་ན་ལྡོག་པས་མི་ལྡོག་སྒོ་གཏན་ཉམས་སུ་བླང་།། །། ༈ མི་ལྡོག་སྒོ་གཏན་ལྟ་བུ་ནི། སྐྲག་ཅིང་སྤངས་ཀྱང་མི་བྲོས་སོ། །ཆོ་འཕྲུལ་འཇིག་སྐྲག་སྔངས་གསུམ་ཅི་བྱུང་ཡང་། །འཕྲལ་འཕྲིག་སྙེམ་ཚོལ་མེད་པར་ཉལ་ལ་སྡད། །ངག་ཏུ། ཆོ་འཕྲུལ་གདུག་རྩུབ་མི་བཟད་པ་ཆེན་པོ་ཉིན་མཚན་མེད་པར་ཤོག་ཅིག །བདག་གི་ཕུང་པོ་རྣམ་རྟོག་བདག་འཛིན་དང་བཅས་པ་ད་ལྟ་ཉིད་དུ་ཐལ་བར་གྱིས་ཤིག །ཆོ་འཕྲུལ་མ་བྱུང་ན་ཁྱོད་ཞེན་ནོ། །སྡོད་མ་ནུས་ན་ཁོ་བོའི་སྐྱོན་ཡིན་པས་བྱང་ཆུབ་མ་ཐོབ་ཀྱི་བར་དུ་མི་འགྲོའོ། །ངག་ཏུ་བརྗོད་ཅིང་ཡིད་ཀྱིས་བསམ་མོ། །ཚར་ཚད་རྫོགས་ཀྱང་དམིགས་པ་གློད་ལ་ཞག་གྲངས་ཅི་རིགས་པར་བསྡད། དེ་ནས་སྤོ་དུས་སྲོག་སྙིང་གཏའ་མར་བཟུང་ལ་སྦྲུལ་ཆིང་བྱའོ།། །། ༈ ཆོ་འཕྲུལ་ལ་གསུམ། རབ་མངོན་སུམ། འབྲིང་གཟི་བྱིན། ཐ་མ་རྨི་ལམ། རྒྱུན་དུ་རྨི་བའི་རྨི་ལམ་ནི་བག་ཆགས་དང་ལུས་གདོན་རྨི་ལྟས་ནི་ཆོ་འཕྲུལ་ཡིན་གྱི་སློབ་དཔོན་ནི། གཞན་ལས་གནས་གདོན་ལུས་གདོན་གཉིས་ཀ་གཟེངས་ན་སྔར་མེད་པའི་ཆོ་འཕྲུལ་འོང་བ་སློང་ཚད་དོ། །གཉན་སའི་ཆོ་འཕྲུལ་ལས་ལུས་གདོན་ཆོ་འཕྲུལ་མ་བྱུང་ན་བོགས་ཆེ། སྲོད་གཉན་ས། ཐོ་རེངས་ལུས་གདོན་ཆོ་འཕྲུལ་གཉན་ས་འབྲིང། ལུས་གདོན་ལས་གཉན་སའི་ཆོ་འཕྲུལ་མ་བྱུང་ན་གཉན་ས་ཆུང་བས་འཇམ་ཆོས་བྱ།། །། ༈ ཕྱི་སློང་ལྷ་འདྲེའི་ཆོ་འཕྲུལ། ནང་སློང་ལུས་ཀྱི་ན་ཚ། གསང་སློང་སེམས་ཀྱི་ཟུག་རྔུ་ངོས་ཟིན་པར་བྱ་བ་ལམ་ཁྱེར་བྱ། དེ་དག་གི་སྐབས་སུ་རྫི་གྲིབ་ཆོ་འཕྲུལ་རྣམས་འབྱུང་སྟེ། རྫི་སེམས་ལ་འབྱུང་། གྲིབ་ལུས་ངག །ཆོ་འཕྲུལ་ཕྱི་རོལ་ཡུལ་ལ་འབྱུང་བའོ།། །། ༈ གདོན་ལ་གསུམ། ཉོན་མོངས་པ་ལ་གསུམ། དཀར་ཕྱོགས་ལ་གསུམ།། །། ༈ ཕོ་གདོན་ཞེ་སྡང་ལས་བྱུང་བའི་ལུས་ངག་སེམས་ལའོ། །དེ་བཞིན་མོ་གདོན་འདོད་ཆགས། ལྷ་གདོན་ལ་གཏི་མུག །ཀླུ་གདོན་ལ་གཏི་མུག་དང་ཁྱད་པར་དུག་གསུམ་ལས་འབྱུང་།། །། ༈ ཉོན་མོངས་པ་ལ་གཅོད་པ་སྔ་མས་ཡུལ་ལ་བརྟེན་ནས་དུག་གསུམ་ལམ་དུ་མ་སློང་ནས་དེའི་གྲིབ་གནས་ལ་ཕོག་པས་གཅོད་པ་ཕྱི་མ་དེའི་རྫི་གྲིབ་ཆོ་འཕྲུལ་འབྱུང་། དུག་གསུམ་ལུས་ངག་ཤེད་ཤིན་ཏུ་ཆེ་བ་འབྱུང་།། །། ༈ དཀར་ཕྱོགས་གཅོད་པ་སྔ་མའི་ལུས་ངག་ཡིད་ཀྱི་དགེ་སྦྱོར་ཟག་བཅས་སོང་བ་ལ་དེ་ལྟ་བུའི་རྫི་གྲིབ་ཆོ་འཕྲུལ་འབྱུང་། དེ་རྣམས་ཤིན་ཏུ་ངོས་ཟིན་པར་བྱས་ལ་དེ་དག་གི་དབང་དུ་མ་སོང་བར་བྱ།། །། ༈ ཚར་ཚད་ལ་ཐུན་མོང་དང་ཁྱད་པར་མཆོག་གསུམ། ཐུན་མོང་ལ་དངོས་གྲུབ་ནད་དང་གདོན་གསུམ། དང་པོ་ཟས་ནོར་ལོངས་སྤྱོད་སྟེར། གཉིས་པ་རྣག་ཁྲག་གཤང་གཅི་ཐོན། གསུམ་པ་ལ་དྲག་པོ་གཏུམ་པོ་བསད་དང་ལུས་ལས་ཐོབ།། །། ༈ ཆོ་འཕྲུལ་འདྲ་བའི་ཚར་ཚད་མཛོ་གཡག་གིས་བརྡུང་། གཅན་གཟན་གྱིས་ཟོས་དང་ཁྱེར་བ། དམག་བརྒྱབ། མཚོན་ཕོག་ཤུལ་རྨ་དང་ཁྲག་འབྱུང་བའོ།། །། ༈ ཚར་ཚད་འདྲ་བའི་ཆོ་འཕྲུལ་ནི། མཚོན་བརྒྱ་པ་རྨ་མེད། ཁྲབ། འབྲུ་ནག་ཤ་ཁྲག་བུ་རམ་ཚྭ་བཙོད་འབུལ་བ། མེ་ཏོག་དམར་པོ་ཐུ་བ་གོས་དམར་གྱོན་པའོ།། །། ༈ འཁོར་ལོའི་རིགས་བསྐོར་བ་མགོ་འཁོར་བརྟགས་སོ།། །། ༈ ཁྱད་པར་ལ་དབང་འདུས། དམ་ཐོག །སྒྲིབ་དག་གསུམ། དབང་འདུས་འགྲོ་བ་དབང་དུ་འདུས་པས་དགའ་བྲོད་བདུད་ལ་ཟིན་བྱ། དམ་ཐོག་ཆོས་ཞུ་ཕྱག་བསྐོར་བྱེད། སྒྲིབ་དག་གྱེན་སྐས་འཛེགས། མཁར་འཕུར། ཁྲུས་གོས་དཀར་ནམ་ལངས་ཉི་ཟླ་ཤར་བ། མཆོད་རྟེན་བསྐོར། དར་ཕྱར་དུང་འབུད་མེ་ཏོག་དཀར་སེར་འཐུ། རང་གི་རོ་བསྲེག་པ། རུས་པ་དཀར་སིལ་སོང་བ།། །། ༈ མཆོག་ལ་མངོན་སུམ། གཟི་བྱིན། རྨི་ལམ་གསུམ། མངོན་སུམ་ཆོ་འཕྲུལ་བྱུང་མ་ཐག་ལུས་རྣལ་ཕེབས་དགེ་སྦྱོར་སྟེང་དུ་འཕེལ་བའོ། །རྨི་ལམ་ཆོ་འཕྲུལ་རྨི་ལམ་ཟིན་ནས་ཏིང་ངེ་འཛིན་ངང་དུ་སོང་བ་ཡིན་ཀྱང་གཞན་ལ་གསང་། སྟོང་རྟགས་རྡོ་རྗེ་ལྟ་བུའི་ཏིང་ངེ་འཛིན་རྒྱུད་ལ་སྐྱེ་བར་འགྱུར་རོ། ། ༈ སྲིད་པའི་འདྲེ་དགུ་ནི། ནག་རྩིས་ཀྱི་གཏོ་བཅོས་སྐབས། མི་ལ། བསེ་རག །འགོང་པོ། གྲི་བོ། གོད་འདྲེ། ནད་འདྲེ། དམུག་འདྲེ། ཐེའུ་རང་། མི་ཁ་དང་དགུ་ཡིན་པར་བཤད་ཅིང་། སྲིད་པའི་འདྲེ་དགུ་སྐྱས་འདེབས་ཞེས་གསུངས།། །། ༈ གཙུག་ལག་གི་གདོན་བཅུ་ཤིན་ཏུ་གསལ་བར་བཤད་པའི་ཁུངས་མ་མཐོང་ཡང་། ནག་རྩིས་ཀྱི་གཏོ་བཅོས། སྣང་སྲིད་སིལ་བུའི་གཏོ་ཕྲན་ཞིག་ཏུ། །གཙུག་ལག་ཁང་གི་ཕུང་བྱེད་གདོན། །བཤིག་བྱེད་འཕུང་བྱེད་ཤི་བའི་འདྲེ། །སྟོང་བྱེད་འཇིགས་བྱེད་ངན་པར་བྱེད། །དབུལ་བྱེད་རྨོངས་བྱེད་མཐར་བྱེད་པ། །ལོག་པར་བྱེད་པའི་འདྲེ་གདོན་རྣམས། ཞེས་གསུངས་པ་ལྟར། གཙུག་ལག་ཁང་བཤིག་པར་བྱེད་པའི་གདོན། །ཡུལ་འདྲེ། འདུག་མཁན་ཐམས་ཅད་འཕུང་བར་བྱེད་པའི་གདོན། །དུར་སྲི། དེའི་མི་ཐམས་ཅད་ཤི་བར་བྱེད་པའི་གདོན། །ཤི་འདྲེ། ཁང་པ་དེ་སྟོང་པར་བྱེད་པའི་གདོན། །འགོང་འདྲེ། དེར་འཁོད་ཐམས་ཅད་འཇིགས་པ་ཆེན་པོ་བསྐྱེད་པའི་གདོན། །བགེགས་རྒྱལ། སྐྱེ་བོ་ཐམས་ཅད་མི་རྒྱུ་ངན་པར་བྱེད་པའི་གདོན། །བཙོགས་འདྲེ། ཐམས་ཅད་དབུལ་པོ་རྐྱང་པར་བྱེད་པའི་གདོན། །དབུལ་འདྲེ། མི་ཐམས་ཅད་རྨོངས་པར་བྱེད་པའི་གདོན། །རྨོངས་འདྲེ། མཐའ་རྗེས་བུད་མེད་ཀྱིས་གཟུང་བར་བྱེད་པའི་གདོན། །སྒབ་སྲི། དེར་སྐྱེས་པའི་མི་ཐམས་ཅད་ལོག་པ་མི་དགེ་བ་ཁོ་ན་ལ་གཞོལ་བར་བྱེད་པའི་གདོན་ཏེ། དམ་སྲི། དེ་ལྟར་ཁང་ཆེན་གཙུག་ལག་གི་བདག་པོ་བྱེད་མཁན་ལ། མི་ཤིས་པར་བྱེད་པའི་གདོན་བཅུ་ཨེ་ཡིན་སྙམ།། །། ༈ མགུར་ལྷ་བཅུ་གསུམ་ཞེས་པ། བོད་ཀྱི་རྒྱལ་པོ་གཉའ་ཁྲི་བཙན་པོ་ནས་བཟུང་ཐམས་ཅད་ཀྱིས་མགུར་དུ་མཆོད་ཅིང་བསྟེན་པའི་གཞི་བདག་སྟེ། གཉེན་ཐང་ལྷ། ཡར་ལྷ་ཤམ་པོ། དགྲ་ལྷ་འབྲང་ནམ། སྒྱོགས་ཆེན་གདོང་ར། རྫུ་འཕྲུལ་ཅན་འོད། དགེ་ལྷ་བྱང་རྩེ། ཅོག་ལ་མཚལ་རྩེ། དབྱིབས་ཆེན༴ ནེ་རིང་གཉེན་པོ། འབྲི་ཆེན་སྡོང་དུར། རྩེ་ལྷ་བྱས་ཡག །སྐུ་ལྷ་མཁའ་རི། བོད་ཀྱིས་དྷུ་དང་བཅུ་གསུམ་དུ་མཁས་པ་ཚེ་དབང་གྲགས་ཀྱིས་ཟིན་ཐོར་བཤད། གཞན་མི་འདྲ་བ་ཡང་ཁ་ཤས་སྣང་།། །། ༈ ལྷ་གཤོག་པ་ཅན་ལ་མཇུག་མ་ཡོད་པ་ནི། །རད་གླིང་ཕུར་པ་གསང་སྒྲུབ་ལ་མཇུག་མ་ཡོད་པར་བཤད་ཅིང་། ། ༈

ལྷ་ཕུར་ཤམ་ཅན་ལ་གཤོག་པ་མེད་པ་ནི། ཕུར་སྒྲུབ་ཐམས་ཅད་ཀྱི་སྲས་མཆོག་ལ་གཤོག་པ་མེད་ཅིང་། ཞལ་གསུམ་ཕྱག་དྲུག་ཅན་གཤོག་པ་མེད་པ་ནི། བཀའ་མའི་ཡང་དག །དཔྱད། ས་ཕུར། ཇོ་མོ་ལུགས་ཕུར་པ། རོང་ཟོམ་ལུགས་ཕུར་པ། གཏེར་མ་ཞང་ཁྲམ་གྱི་ཚེ་བདག་ལྕགས་འདྲ། ལྕགས་སྡིག །ཡང་ཟློག །ཀློང་གསལ་སྙིང་པོའི་ཡེ་ཤེས་རབ་འབར་སོགས་གཤོགས་པ་མེད་པ་མང་པོ་སྣང་། ། ༈

[edit]

gcod kyi zin bris/__ gnyan sar 'gro gnas brtags la 'gro nges pa dang gsang zhing gzhan la kha 'phangs te 'gro/__skyabs 'gro sems bskyed bla ma la gsol ba drag tu gdab/__lam du zhugs dus rang gi 'od zer gyis gnyan sa'i lha 'dre rgyal blon 'bangs rtsad rtsa lag bcas bsdus nas rang la bstim/__'dug sar sleb pa dang rang nyid gnyan sar bstims la dbyer med du bzhag go__/gnyan thog gnyan dbab/__me btsa' a na tshugs su bzhag__/gnyan sa'i dbyibs rdzas dang /__gzugs dang /__ma nges pa dang /__'chol ba'o/__/'khor lo'am dpal be'u'i lte ba/__gdugs dang rgyal mtshan gyi tog__/gcan gzan kha sder/__'dab chags snying /__/dud 'gro'i rwa/__gzhan gtsug dang rked pa/__lha khang stong pa'i sgo/__mchod rten drung /__lam srang mdo/__ri rtse gcig rtse mo/__gnyis pa'i sgang /__rgyud ring ba'i 'bur ba/__ri ngos 'bur ba'i skam/__skam gyi 'bur 'bo/__/lung mdo/__thang dkyil/__shing rtsa/__ri sul/__nags tshal mthug pa'i srab/__srab pa'i mthug__/rtsub pa'i srab/__srab pa'i rtsub/__na ba dang mtsho stod/__chu chen 'gram/__chu dmar 'dus mdo/__zla gam ste/__zlum pa'i khug__/'khyogs pa'i khug__/chu mig mgo gcig 'og__/mgo mang 'dus so/__/pha bong dang brag steng /__shing gi yal ga bcad la zhabs su bting /__gangs ri brdal la rtser bsdad dmigs/__gnyan dmigs mang na shing sa rde'u blangs la zhabs su gzhug__/sa dmigs ma snyed na gcer bu DA dril dkrol gar stabs byas pas skyi gzings nyams dga' byung sar bsdad/__rbab gtib phyam gsha' chu sna dgra de rnams spangs/__gnyan dmigs snyed nas sbra gur mal sa byas la ma chod bar du mi spo/__ngag tu/__'khor ba ma stong gi bar 'dir 'dug gi gzhan du mi 'gro/__brjod/__des mgo bskor mi 'ong /__phyogs bzhir tho bzhi yum chen bzhir bsgom/__des mnan bros dbang med par bsam/__de nas bla ma'i rnal 'byor bsgom rjes/__stong pa'i ngang las rang nyid yum chen mo sku mdog sngo nag zhal gcig phyag gnyis spyan gsum/__zhal mche ba gtsigs pa/__dbu skra dmar ser gyen du 'bar ba/__phyag g.yas gri gug nam mkha' 'phyar ba/__g.yon thod khrag thugs kar 'dzin pa/__gru mo na kha T+wAM ga yod pa/__rus pa'i rgyan lnga dang ldan pa/__stag gi pags pa'i sham thabs can/__sku la ye shes kyi me 'bar ba/__zhabs gnyis gar stabs khyug khyug byed pa/__shin tu 'jigs su rung ba gcig bsgom/__ngag tu AHring po brgya rtsa brgyad la sogs pa brjod/__yid kyi pho nya phyag rgya bzhi 'dzin pa grangs med spros nas spyir stong gsum/__sgos 'dzam bu gling/__khyad par gnyan sa'i lha 'dre rtsad 'brel thams cad rang dbang med par bkug nas bsgom pa'i sa gzhi la bstim nas rang gi lus chen por gyur nas mnan par bsams la nyal lo/__/zhag gsum de ltar byas pas tshar tshad myur ba'i dgos pa yod do/__/rab kyis gnyis med don la bzhag__/'bring gis de la gtad de bsgom/__/tha mal phung po gzan du bskyur/__dbang po tha mas cho 'phrul 'jigs skrag byung ba na lus sems phral la/__sems dngos med nam mkha' dang 'dra bas/__'dre khyod bas dus gsum sangs rgyas kyis kyang ma gzigs mi gzigs gzigs par mi 'gyur bas 'jigs pa'i yul du ma grub pas/__lus bem po sa rdo dang 'dra ba 'di la 'jigs pa'i rgyu med pas/__des ni bdag tu mi bzung /__mi ma yin khyed rnams la ci dga' ba khyer cig__/spyir snang zhing srid pa'i lha 'dre/__bka' lha ma srid sde brgyad/__bgegs rigs stong phrag brgyad cu/__dregs chen bco brgyad/__byis pa'i gdon chen bco lnga/__pho gdon rgyal po/__/mo gdon 'dre mo/__klu gdon the'u rang /__gza' bdud rgyal po rA hu la/__yum gdong mo bzhi/__klu bdud rgyal po nya nag mdong /__mched rigs sum brgya drug cu la sogs pa sa dang nam mkha' bar snang la gnas shing rgyu ba'i bgegs thams cad la 'bul lo/__/sgos bdag cag 'khor dang bcas pa rnams la gnod cing 'tshe bar byed pa'i log 'dren thams cad la 'bul gyi/__sha la dga' bas sha zo/__khrag la dga' bas khrag 'thung /__rus la dga' bas rus pa mur/__til 'bru tsam yang ma lus par mdzod cig__/ces ngag tu brjod la yid kyis bsam mo/__/sems kyi re dogs 'khri ba ma chod kyi bar nan tan du bya'o//____//__! lha 'dre 'jing che nas slong ma thub pa la mtha' gtad bya ste/__phyi yi mtha' gtad dus su cho 'phrul ma byung na/__/yid kyis ri yi rtse nas bsnyil pa/__brag bshig pa/__shing gcod pa/__mtsho dkrug pa/__chu mig kha gting bzlog pa/__na bkral ba/__sa brko ba/__rbab gting ba sogs gnyen sa der 'os pa'i brtul zhugs byas par bsgom/__des kyang ma slong na dngos su mi rtag tsam gyi brtul zhugs spyod pa phran tshegs bya'o/__/des kyang ma slong na lus gcer bur gong gi ting nge 'dzin gyi spyod pa dngos su bya/__dbyings rig bsre la bdag 'dzin med par ngar gdags/__/shes pa hur phyung /__gang la'ang nyam nga bag tsha med par mi phod thog rdzis bya'o//____//__! nang gi mtha' gtad ni gnyen chen mtha' la gtad pa ste/__/gnyan ni nga dang bdag tu 'dzin pas gnyan/__/mtha' ni de yi rang bzhin stong pa nyid/__/gtad ni de'i ngang la bzhag pa'o//____//__! gsang ba'i mtha' gtad bem rig phral la lus tshogs bya/__rig pa'i ngo bo rigs lnga'i DA dril rus rgyan can dpag med nam mkha' sa gzhi gang bas gar stabs kyis ri brag khong seng thams cad phaT sgras g.yeng nas rang dbang med par slong bar bsam/__rjes thams cad gnyis med ngang la mnyam par bzhag____/__! nad pa'am gdon chen can la mtha' gtad ni/__cho 'phrul drag po 'ong ba'i sgang la mtha' gtad bya/__gcer pur phud la re dogs gzung 'dzin blos btang la/__ngag tu/__gza' bdud rgyal po rA hu la/__klu bdud kyi rgyal po nya nag mdong /__gzhan yang snang zhing srid pa'i lha 'dre bka' ma lha srin sde brgyad dmag dpung dang bcas pa/__khyad par du yang gnyan sa 'dir gnas pa'i lha 'dre rgyal blon 'bangs gsum du gtogs pa thams cad nyon cig__/bdag rnal 'byor pas don shes rab kyi pha rol tu phyin pa'i lam bsgom/__rig pa byang chub kyi sems kyis rtsal sbyong/__nga bdag gnyis 'dzin gyi gzhi rtsa gcod/__lus bem po sbyin par btang/__ma rig pa'i lha 'dre'i 'khrul pa bsal/__dam pa chos kyi 'brel pa 'jog__/theg pa chen po'i lam la bkod/__mthar thug rnam mkhyen sangs rgyas kyi sa la bzhag pa'i ched du gnas 'dir 'ong ba yin pas/__/che ge mo la sogs pa bdag cag rnams kyi phung po lus gdon dang bcas pa khyed rnams la gtad pas da lta nyid du longs shig__/skra yi rtse mo man chad/__rkang pa'i mthil yan chad/__phyi sha nang khrol/__skra dang ba spu tshun chad til 'bru tsam yang ma lus par khyer cig__/khyer ma nus na khyed rnams zhan/__ster ma nus na rnal 'byor pa zhan/__khyed rnams yum chen mo shes rab kyi pha rol tu phyin pa'i bka' dang dam la ma 'da' zhig__/mkha' 'gro'i tshogs dang lha 'dre la dmar 'gyed drag tu bya'o/__/rjes lha 'dres gtsor byas sems can thams cad la bsngo smon rgya chen bya'o/__/skrag na skrag thog__/ya nga na nga thog__/skyug bro na bro thog skyug__/snyems gang la zhugs pa na der phar bsre la bsgom/__'gos nad lta bu la'ang de la lus ngag yid gsum bsre/__de lta bu'i mi 'dod pa gang byung yang de ltar bya'o/__/tshar tshad rdzogs 'phral phyi rol thog ser byung na drag tu mi gcun/__gcun na ldog pas mi ldog sgo gtan nyams su blang //____//__! mi ldog sgo gtan lta bu ni/__skrag cing spangs kyang mi bros so/__/cho 'phrul 'jig skrag sngangs gsum ci byung yang /__/'phral 'phrig snyem tshol med par nyal la sdad/__/ngag tu/__cho 'phrul gdug rtsub mi bzad pa chen po nyin mtshan med par shog cig__/bdag gi phung po rnam rtog bdag 'dzin dang bcas pa da lta nyid du thal bar gyis shig__/cho 'phrul ma byung na khyod zhen no/__/sdod ma nus na kho bo'i skyon yin pas byang chub ma thob kyi bar du mi 'gro'o/_/ngag tu brjod cing yid kyis bsam mo/__/tshar tshad rdzogs kyang dmigs pa glod la zhag grangs ci rigs par bsdad/__de nas spo dus srog snying gta' mar bzung la sbrul ching bya'o//____//__! cho 'phrul la gsum/__rab mngon sum/__'bring gzi byin/__tha ma rmi lam/__rgyun du rmi ba'i rmi lam ni bag chags dang lus gdon rmi ltas ni cho 'phrul yin gyi slob dpon ni/__gzhan las gnas gdon lus gdon gnyis ka gzengs na sngar med pa'i cho 'phrul 'ong ba slong tshad do/__/gnyan sa'i cho 'phrul las lus gdon cho 'phrul ma byung na bogs che/__srod gnyan sa/__tho rengs lus gdon cho 'phrul gnyan sa 'bring/__lus gdon las gnyan sa'i cho 'phrul ma byung na gnyan sa chung bas 'jam chos bya//____//__! phyi slong lha 'dre'i cho 'phrul/__nang slong lus kyi na tsha/__gsang slong sems kyi zug rngu ngos zin par bya ba lam khyer bya/__de dag gi skabs su rdzi grib cho 'phrul rnams 'byung ste/__rdzi sems la 'byung /__grib lus ngag__/cho 'phrul phyi rol yul la 'byung ba'o//____//__! gdon la gsum/__nyon mongs pa la gsum/__dkar phyogs la gsum//____//__! pho gdon zhe sdang las byung ba'i lus ngag sems la'o/__/de bzhin mo gdon 'dod chags/__lha gdon la gti mug__/klu gdon la gti mug dang khyad par dug gsum las 'byung //____//__! nyon mongs pa la gcod pa snga mas yul la brten nas dug gsum lam du ma slong nas de'i grib gnas la phog pas gcod pa phyi ma de'i rdzi grib cho 'phrul 'byung /__dug gsum lus ngag shed shin tu che ba 'byung //____//__! dkar phyogs gcod pa snga ma'i lus ngag yid kyi dge sbyor zag bcas song ba la de lta bu'i rdzi grib cho 'phrul 'byung /__de rnams shin tu ngos zin par byas la de dag gi dbang du ma song bar bya//____//__! tshar tshad la thun mong dang khyad par mchog gsum/__thun mong la dngos grub nad dang gdon gsum/__dang po zas nor longs spyod ster/__gnyis pa rnag khrag gshang gci thon/__gsum pa la drag po gtum po bsad dang lus las thob//____//__! cho 'phrul 'dra ba'i tshar tshad mdzo g.yag gis brdung /__gcan gzan gyis zos dang khyer ba/__dmag brgyab/__mtshon phog shul rma dang khrag 'byung ba'o//___//_! tshar tshad 'dra ba'i cho 'phrul ni/__mtshon brgya pa rma med/__khrab/__'bru nag sha khrag bu ram tshwa btsod 'bul ba/__me tog dmar po thu ba gos dmar gyon pa'o//___//_! 'khor lo'i rigs bskor ba mgo 'khor brtags so//____//__! khyad par la dbang 'dus/__dam thog__/sgrib dag gsum/__dbang 'dus 'gro ba dbang du 'dus pas dga' brod bdud la zin bya/__dam thog chos zhu phyag bskor byed/__sgrib dag gyen skas 'dzegs/__mkhar 'phur/__khrus gos dkar nam langs nyi zla shar ba/__mchod rten bskor/__dar phyar dung 'bud me tog dkar ser 'thu/__rang gi ro bsreg pa/__rus pa dkar sil song ba//____//__! mchog la mngon sum/__gzi byin/__rmi lam gsum/__mngon sum cho 'phrul byung ma thag lus rnal phebs dge sbyor steng du 'phel ba'o/__/rmi lam cho 'phrul rmi lam zin nas ting nge 'dzin ngang du song ba yin kyang gzhan la gsang /__stong rtags rdo rje lta bu'i ting nge 'dzin rgyud la skye bar 'gyur ro/____/_! srid pa'i 'dre dgu ni/__nag rtsis kyi gto bcos skabs/__mi la/__bse rag__/'gong po/__gri bo/__god 'dre/__nad 'dre/__dmug 'dre/__the'u rang /__mi kha dang dgu yin par bshad cing /__srid pa'i 'dre dgu skyas 'debs zhes gsungs//____//__! gtsug lag gi gdon bcu shin tu gsal bar bshad pa'i khungs ma mthong yang /__nag rtsis kyi gto bcos/__snang srid sil bu'i gto phran zhig tu/__/gtsug lag khang gi phung byed gdon/__/bshig byed 'phung byed shi ba'i 'dre/__/stong byed 'jigs byed ngan par byed/__/dbul byed rmongs byed mthar byed pa/__/log par byed pa'i 'dre gdon rnams/__zhes gsungs pa ltar/__gtsug lag khang bshig par byed pa'i gdon/__/yul 'dre/__'dug mkhan thams cad 'phung bar byed pa'i gdon/__/dur sri/__de'i mi thams cad shi bar byed pa'i gdon/__/shi 'dre/__khang pa de stong par byed pa'i gdon/__/'gong 'dre/__der 'khod thams cad 'jigs pa chen po bskyed pa'i gdon/__/bgegs rgyal/__skye bo thams cad mi rgyu ngan par byed pa'i gdon/_/btsogs 'dre/__thams cad dbul po rkyang par byed pa'i gdon/__/dbul 'dre/__mi thams cad rmongs par byed pa'i gdon/__/rmongs 'dre/___mtha' rjes bud med kyis gzung bar byed pa'i gdon/__/sgab sri/__der skyes pa'i mi thams cad log pa mi dge ba kho na la gzhol bar byed pa'i gdon te/__dam sri/__de ltar khang chen gtsug lag gi bdag po byed mkhan la/__mi shis par byed pa'i gdon bcu e yin snyam//____//__! mgur lha bcu gsum zhes pa/__bod kyi rgyal po gnya' khri btsan po nas bzung thams cad kyis mgur du mchod cing bsten pa'i gzhi bdag ste/__gnyen thang lha/__yar lha sham po/__dgra lha 'brang nam/__sgyogs chen gdong ra/__rdzu 'phrul can 'od/__dge lha byang rtse/__cog la mtshal rtse/__dbyibs chen=__ne ring gnyen po/__'bri chen sdong dur/__rtse lha byas yag__/sku lha mkha' ri/__bod kyis d+hu dang bcu gsum du mkhas pa tshe dbang grags kyis zin thor bshad/__gzhan mi 'dra ba yang kha shas snang //____//__! lha gshog pa can la mjug ma yod pa ni/_/rad gling phur pa gsang sgrub la mjug ma yod par bshad cing /____/_! lha phur sham can la gshog pa med pa ni/__phur sgrub thams cad kyi sras mchog la gshog pa med cing /__zhal gsum phyag drug can gshog pa med pa ni/__bka' ma'i yang dag__/dpyad/__sa phur/__jo mo lugs phur pa/__rong zom lugs phur pa/__gter ma zhang khram gyi tshe bdag lcags 'dra/__lcags sdig__/yang zlog__/klong gsal snying po'i ye shes rab 'bar sogs gshogs pa med pa mang po snang /____/_!