བུམ་རྫས་ཉེར་ལྔ་ནི།

🚧 This website is under continued development. We appreciate your patience!

Previous Text Back to Volume PageNext Text

Wylie title	bum rdzas nyer lnga ni
Location	mkhyen brtse'i bka' 'bum Volume 3, sde tshan 1, Text 29, Pages 580-582 (Folios 290b5 to 291b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bum rdzas nyer lnga ni. In 'jam dbyangs mkhyen brtse'i dbang po'i bka' 'bum, Vol. 3: 580-582. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Vase Consecration - bum sgrub

1 Texts in this Section (sde tshan or chos tshan)

29 580-582	བུམ་རྫས་ཉེར་ལྔ་ནི། bum rdzas nyer lnga ni Notes - zin bris   ·   Vase Consecration - bum sgrub	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བུམ་རྫས་ཉེར་ལྔ་ནི། ལམ་རིམ་ལས། ཚད་དང་མཉམ་པའི་རྒྱ་བྱས་ལ། །འཇིམ་པ་བ་སྤུས་མཉམ་པར་བྱ། །ནས་སྲན་གྲོ་འབྲས་ཏིལ་དཀར་པོ། །རང་བཞིན་སྐུ་ལྔ་ཐོབ་ཕྱིར་ཡང་། །དག་པ་ཕུང་པོ་ལྔ་རུ་ཤེས། །གུར་གུམ་ལ་གུ་ཙནྡན་གཉིས། །གྲནྟི་ཀ་ཡི་དྲི་འདི་དག །ཕྲིན་ལས་ཡུལ་གྱི་རང་བཞིན་ཏེ། །ཐོབ་ཕྱིར་ངེས་པར་ཚང་བར་བྱ། །བྱུ་རུ་གསེར་དངུལ་མུ་ཏིག་དང་། །རིན་པོ་ཆེ་ནི་འབྱུང་བའི་དངོས། །ཞིང་སོགས་ཡོན་ཏན་ཐོབ་ཕྱིར་སྦྱར། །ལན་ཚྭ་སྦྲང་རྩི་བུ་རམ་མར། །ཨ་འབྲས་ལ་སོགས་འབྲས་བུ་ལྔ། །རྣམ་ཤེས་ཡེ་ཤེས་རང་བཞིན་ཏེ། །ངེས་པ་ཉིད་དུ་བཟུང་བར་བྱ། །ཧ་ས་དེ་བ་བྲྀ་ཧ་ཏི། །སེ་ཏ་ཀཎྜ་ཀ་རི་དང་། །ཨ་པྲ་ཙིཏྟ་སྨན་གྱི་མཆོག །དབང་པོ་ལག་པ་གསུང་གི་མཆོག །ཉི་ཟླ་ཆུ་ས་མཱཾ་སར་བཅས། །རྣམ་པ་ལྔ་ཡི་མཱཾ་ས་ནི། །ཁམས་ཀྱི་རང་བཞིན་རིགས་ལྔ་སྟེ། །སུམ་ཅུས་རབ་མཉམ་བསྟིམ་པར་བྱ། །ཞེས་གསུངས་ཤིང་། དེའི་མཆན་བུར། ལ་གུ་གླ་རྩི། གྲནྟ་ཀ་ཛ་ཏི། ཧ་ས་དེ་བ་རྒྱ་མཚོ་ལྦུ་བ། བྲྀ་ཧ་ཏི་དབང་ལག །སེ་ཏ་ཤུ་དག་དཀར་པོ། ཀཎྜ་ཀ་རི་སྟག་ཚེར། ཨ་པྲ་ཙིཏྟ་སྙིང་ཞོ་ཤ །ཉི་ཟླ་བྱང་སེམས་དཀར་དམར། ཆུ་ས་དྲི་ཆུ། མཱཾ་ས་དྲི་ཆེན་རྣམས་ཡིན་པར་གསུངས། དེ་དགོས་པའི་དོན་ཡང་། གསང་སྙིང་ལས། འབྲུ་ལྔ་སྤོས་ལྔ་སོགས༴ ཡང་གསུང་གིས། ནས་སྲན་གྲོ་འབྲས་ཏིལ་དཀར་ཏེ་འབྲུ་ལྔ། གུར་གུམ་གླ་རྩི་ཙནྡན་དཀར་དམར་ག་བུར་ཏེ་སྤོས་ལྔ། བྱེ་རུ་མུ་ཏིག་མུ་མེན་སྦུར་ལེན་གཡུ་དང་ལྔ་ནི་རིན་ཆེན་ལྔ། ཚ་བུ་རམ་སྦྲང་ཨ་འབྲས་མར་ཏེ་སྙིང་པོ་ལྔ། ཀཎྜ་ཀ་རི་སླེ་ཏྲེས་ཤུ་དག་དཀར་པོ་ཤུ་ཟུར་སྙིང་ཞོ་ཤ་སྟེ་སྨན་ལྔ། བྱང་སེམས་དཀར་དམར་དྲི་ཆེན་དྲི་ཆུ་ཤ་ཆེན་ཏེ་བདུད་རྩི་ལྔར་གསུངས་ཤིང་། དེའི་སྟེང་དུ་བ་བྱུང་ལྔ་བསྣན་པས་སོ་ལྔའོ། །དེ་དག་གི་དགོས་པ་ཡང་། གཞན་སེལ་དང་། དོན་གཉེར་གཉིས་ལས། གཞན་སེལ་ཕུང་པོ་ལྔ་རང་དག་ནས། དོན་གཉེར་སྐུ་ལྔ་མ་བཙལ་བར་ཐོབ་ཕྱིར་འབྲུ་ལྔ། དེ་བཞིན་དུ། དབང་པོ་ལྔ་དག་ནས་ཕྲིན་ལས་ལྔ་ཐོབ་ཕྱིར་སྤོས་ལྔ། ཡུལ་ལྔ་དག་ནས་ཡོན་ཏན་ལྔ་ཐོབ་ཕྱིར་རིན་ཆེན་ལྔ། རྣམ་ཤེས་ལྔ་དག་ནས་ཡེ་ཤེས་ལྔ་ཐོབ་ཕྱིར་སྙིང་པོ་ལྔ། འདོད་ཡོན་ལྔ་དག་ནས་གསུང་ལྔ་ཐོབ་ཕྱིར་སྨན་ལྔ། ཁམས་ལྔ་དག་ནས་རིགས་ལྔ་ཐོབ་ཕྱིར་བདུད་རྩི་ལྔ། དེ་སྟེང་བ་བྱུང་ལྔ་སྟེ་སོ་ལྔའོ། ། ༈ གཽ་མཱིའི་དགེ་བསྙེན་བུ་སྟོན་གྱིས་ས་སྟོན་སྡེ་པའི་ལུགས་ཡིན་ཅེས་གསུངས་སོ། ། ༈

[edit]

bum rdzas nyer lnga ni/ bum rdzas nyer lnga ni/__lam rim las/__tshad dang mnyam pa'i rgya byas la/__/'jim pa ba spus mnyam par bya/__/nas sran gro 'bras til dkar po/__/rang bzhin sku lnga thob phyir yang /__/dag pa phung po lnga ru shes/__/gur gum la gu tsan+dan gnyis/__/gran+ti ka yi dri 'di dag__/phrin las yul gyi rang bzhin te/__/thob phyir nges par tshang bar bya/__/byu ru gser dngul mu tig dang /__/rin po che ni 'byung ba'i dngos/__/zhing sogs yon tan thob phyir sbyar/__/lan tshwa sbrang rtsi bu ram mar/__/a 'bras la sogs 'bras bu lnga/__/rnam shes ye shes rang bzhin te/__/nges pa nyid du bzung bar bya/__/ha sa de ba br-i ha ti/__/se ta kaN+Da ka ri dang /__/a pra tsit+ta sman gyi mchog__/dbang po lag pa gsung gi mchog__/nyi zla chu sa mAM sar bcas/__/rnam pa lnga yi mAM sa ni/__/khams kyi rang bzhin rigs lnga ste/__/sum cus rab mnyam bstim par bya/__/zhes gsungs shing /__de'i mchan bur/__la gu gla rtsi/__gran+ta ka dza ti/__ha sa de ba rgya mtsho lbu ba/__br-i ha ti dbang lag__/se ta shu dag dkar po/__kaN+Da ka ri stag tsher/__a pra tsit+ta snying zho sha__/nyi zla byang sems dkar dmar/__chu sa dri chu/__mAM sa dri chen rnams yin par gsungs/__de dgos pa'i don yang /__gsang snying las/__'bru lnga spos lnga sogs=__yang gsung gis/__nas sran gro 'bras til dkar te 'bru lnga/__gur gum gla rtsi tsan+dan dkar dmar ga bur te spos lnga/__bye ru mu tig mu men sbur len g.yu dang lnga ni rin chen lnga/__tsha bu ram sbrang a 'bras mar te snying po lnga/__kaN+Da ka ri sle tres shu dag dkar po shu zur snying zho sha ste sman lnga/__byang sems dkar dmar dri chen dri chu sha chen te bdud rtsi lngar gsungs shing /__de'i steng du ba byung lnga bsnan pas so lnga'o/__/de dag gi dgos pa yang /__gzhan sel dang /__don gnyer gnyis las/__gzhan sel phung po lnga rang dag nas/__don gnyer sku lnga ma btsal bar thob phyir 'bru lnga/__de bzhin du/__dbang po lnga dag nas phrin las lnga thob phyir spos lnga/__yul lnga dag nas yon tan lnga thob phyir rin chen lnga/__rnam shes lnga dag nas ye shes lnga thob phyir snying po lnga/__'dod yon lnga dag nas gsung lnga thob phyir sman lnga/__khams lnga dag nas rigs lnga thob phyir bdud rtsi lnga/__de steng ba byung lnga ste so lnga'o/___/__!__gau mI'i dge bsnyen bu ston gyis sa ston sde pa'i lugs yin ces gsungs so/___/__!_