JKW-KABUM-03-GA-001-025

From Khyentse Lineage - A Tsadra Foundation Project

‎‎

འཇམ་དཔལ་གཤིན་རྗེའི་རྒྱལ་པོ་ཟླ་གསང་སྡིག་པ་སྟོབས་ཆེན་གྱི་རྒྱུད་ལས་སོགས་རྒྱུད་ལས་བཏུས་པའི་ལུང་སྣ་ཚོགས།
Wylie title 'jam dpal gshin rje'i rgyal po zla gsang sdig pa stobs chen gyi rgyud las sogs rgyud las btus pa'i lung sna tshogs JKW-KABUM-03-GA-001.pdf
Location mkhyen brtse'i bka' 'bum
Volume 3, sde tshan 1, Text 25, Pages 432-518 (Folios 216b5 to 259b1)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. jam dpal gshin rje'i rgyal po zla gsang sdig pa stobs chen gyi rgyud las sogs rgyud las btus pa'i lung sna tshogs. In jam dbyangs mkhyen brtse'i dbang po'i bka' 'bum, Vol. 3: 432-518. Khams sde dge rdzong sar dgon: Rdzong sar blo gros phun tshogs, 2020.
Genre Lineage Transmission Records - brgyud yig  ·  Notes - zin bris  ·  Tantras - rgyud
[edit]
འཇམ་དཔལ་གཤིན་རྗེའི་རྒྱལ་པོ་ཟླ་གསང་སྡིག་པ་སྟོབས་ཆེན་གྱི་རྒྱུད་ལས། དཀྱིལ་འཁོར་ཡོངས་རྫོགས་ཐིག་ལེ་ཆེ། །འབྱུང་བཞི་ཡེ་ནས་རྣམ་དག་ཀློང་། །ལྷུན་གྱིས་གྲུབ་པའི་གཞལ་མེད་ཁང་། །རྟོག་ཚོགས་ལྷ་ཡི་དཀྱིལ་འཁོར་རྫོགས། །མ་ལུས་འདུས་པ་ཐིག་ལེ་ཆེ། །སྣང་སྲིད་དབང་གི་དཀྱིལ་འཁོར་དུ། །མ་བསྐུར་བསྐུར་མེད་ཡེ་ནས་བསྐུར། །སྐྱེས་བུ་རིག་པའི་རྩལ་ལྡན་ལ། །དབང་མཆོག་ཆེན་པོ་རྒྱུན་དུ་གནས། །ཞེས་དང་། གཞི་དང་ལམ་དང་འབྲས་བུའི་རྒྱུད། །ལྟ་སྤྱོད་དཀྱིལ་འཁོར་དམ་ཚིག་དབང་། །ལས་རིམ་སྒྲུབ་པ་གསང་སྔགས་དང་། །ངོ་བོ་འབྲེལ་བཅས་རྒྱུ་དང་རྐྱེན། །རང་བཞིན་གནས་དང་མངོན་བྱེད་པ། །གསང་སྔགས་རྒྱུད་ཀྱི་ངེས་པར་བཤད། །ཅེས་དང་། རྩ་བའི་ལས་ནི་གསུམ་དུ་བཤད། །གསད་པ་མཆོག་གི་སྦྱོར་བ་དང་། །དྲེགས་པ་སྟོབས་ཀྱིས་གཞོམ་པ་དང་། །གདུག་པ་འདུལ་བའི་ལས་སུ་གསུངས། །གསད་པ་མཆོག་གི་སྦྱོར་བ་ལས། །སོགས་དང་། རང་བཞིན་མི་གནས་མཉམ་ཉིད་དང་། །ལྷུན་གྲུབ་ཡེ་ཤེས་གཞལ་མེད་ཁང་། །རིན་ཆེན་དུར་ཁྲོད་བརྟན་པར་གནས། །ཕྱི་ནང་གཉིས་མེད་བདལ་ཁྱབ་གསལ། །ཞེས་སོགས་བསྐྱེད་རིམ་འཆི་བདག་ཟིལ་གནོན་དང་མཐུན་པའི་མཐར། མ་བཅོས་དེ་ཉིད་གཉུག་མར་གནས། །འཁོར་བ་དོང་སྤྲུགས་ཀ་དག་ཀློང་། །སྣང་སྟོང་གཉིས་མེད་ཡེ་ཤེས་སྐུ། །མི་ཟད་རྒྱན་གྱི་འཁོར་ལོར་རྫོགས། །ཞེས་སོགས་གསུངས། རང་བཞིན་སྟོང་པ་སྤྲོས་དང་བྲལ། །སྐྱེ་བ་མེད་པའི་ཡེ་ཤེས་ཡིན། །རྣམ་པའི་གཟུགས་བརྙན་ཡི་གེ་སྟེ། །ངོ་བོ་ལྷ་ཡི་སྐུ་རུ་བཤད། །ཞེས་སོགས་སྔགས་དང་། བདག་དོན་མ་ཡིན་བསྟན་པའི་དོན། །དཀོན་མཆོག་བླ་མའི་དོན་ཆེད་དུ། །བསྟན་ལ་བར་ཆད་བྱེད་པ་དག །བསྒྲལ་ན་བླ་མེད་བྱང་ཆུབ་འགྱུར། །ཞེས་སོགས་གསོད་པའི་ལས་སྦྱོར་དང་། མཁའ་ལྔ་ཁྱབ་པའི་དོན་བསྡུས་ནས། །གཟུང་འཛིན་ཆོས་ཀྱི་དབྱིངས་སུ་བསྒྲལ། །ཅེས་སོགས་གྱད་གནོན་གྱི་འཁྲུལ་འཁོར་དང་། གཞན་ཡང་། སྲུང་བ། མནན་པ། ཀླུ་ནད་ཞི་བ་སོགས་ཕྲིན་ལས་མང་དུ་བཤད་དོ། །འཇམ་དཔལ་ཁ་ཐུན་གྱི་རྒྱུད་ལས། དང་པོ་བླ་མ་མཉེས་པར་བྱ། །ཕྱི་ནང་གསང་བའི་དབང་ཐོབ་ནས། །དམ་ཚིག་དག་དང་ཡང་དག་ལྡན། །ཅེས་སོགས་དང་། འཇམ་དཔལ་ཚེ་བདག་ནག་པོ་དྲག་སྔགས་མངོན་དུ་ཕྱུང་བའི་རྒྱུད་ལས། རང་བྱུང་ཐུགས་ཀྱི་རོལ་པ་ལས། །དྲག་སྔགས་ཡེ་ཤེས་རོལ་པར་ཤར། །ཡེ་ཤེས་བདེ་བའི་ཐིག་ལེ་ལས། །དྲག་སྔགས་ཐུགས་རྗེ་སྤྲུལ་པར་ཤར། །ཆོས་སྐུ་བདེ་བའི་དབྱིངས་ཉིད་ལས། །དྲག་སྔགས་སྤྲུལ་པ་རང་བྱུང་ཤར། །སྐྱེ་མེད་རྣམ་དག་རང་བཞིན་ལས། །དྲག་སྔགས་སྐྱེ་བའི་ཆོ་འཕྲུལ་ཤར། །ཅེས་སོ། །ཆོས་ཉིད་འགྱུར་མེད་རང་བཞིན་ལ། །རང་བྱུང་ཡེ་ཤེས་ཕྱག་རྒྱར་འབར། །ཐམས་ཅད་སྣང་སྟོང་ཡེ་ཤེས་སྐུ། །དབྱིངས་དང་ཡེ་ཤེས་གཉིས་སུ་མེད། །ཅེས་དང་། ངན་སྔགས་གཙུག་ལག་གི་རྒྱུད་ལས། ཡེ་ཤེས་ལྷ་ཡི་བསྙེན་སྒྲུབ་དང་། །འཇིག་རྟེན་དྲེགས་པའི་བསྙེན་སྒྲུབ་གཉིས། །ཉམས་སུ་བླང་བའི་རིམ་པ་ནི། །རྣམ་པ་ལྔ་རུ་ཤེས་པར་བྱ། །ཕྱི་སྒྲུབ་ནང་སྒྲུབ་གསང་སྒྲུབ་དང་། །གསང་ཆེན་སྒྲུབ་པ་དག་དང་ནི། །ཡང་གསང་གཏེར་དུ་སྒྲུབ་པ་ལྔ། །རྡུལ་ཚོན་དཀྱིལ་འཁོར་ཕྱི་སྒྲུབ་བོ། །ལུས་ལ་ལྷ་བཀོད་ནང་སྒྲུབ་བོ། །སྙིང་ལ་ལྷ་བཀོད་གསང་སྒྲུབ་བོ། །རྩ་ལ་ལྷ་བཀོད་གསང་ཆེན་ནོ། །སེམས་ཉིད་ལ་བཀོད་ཡང་གསང་གཏེར། །ཞེས་སོ། །འཇམ་དཔལ་ལས་བཞི་འཁོར་ལོ་གསང་བའི་རྒྱུད་ལས། ཡེ་ནས་མ་སྐྱེས་གཤིན་རྗེ་ཆེན་པོའི་ཚོགས། །དབྱིངས་ཀྱི་རང་བཞིན་རྣམ་པར་དག་པ་ལ། །གཉིས་མེད་འདུས་པའི་སྲས་མཆོག་གཤིན་རྗེའི་གཤེད། །ཐབས་དང་ཤེས་རབ་རྣམ་པར་དག་པ་ཡི། །ཀུན་གྱི་ཡེ་ཤེས་ཐམས་ཅད་འདུས་པ་སྟེ། །ཞེས་དང་། ཞི་བ་གཉིས་མེད་ཆོས་ཀྱི་ངང་ཉིད་ལས། །སྙིང་པོ་གཉིས་མེད་བྱང་ཆུབ་སེམས་དཔའི་དོན། །ཐམས་ཅད་འདུས་པ་བླ་མེད་དམ་པ་སྟེ། །དེ་བཞིན་གཤེགས་པའི་སྙིང་པོ་འདི་བཤད་དོ། །ཞེས་དང་། སྐུ་གསུང་ཐུགས་ཀྱི་འགྲོ་བ་སོ་སོར་འདུལ། །ངང་གིས་ཞི་བའི་དབྱིངས་ལས་མ་གཡོས་ཀྱང་། །ཕྲིན་ལས་རྣམ་བཞིའི་འགྲོ་བ་སོ་སོར་འདུལ། །དེ་ཕྱིར་མཆོག་གི་རྒྱལ་པོ་འདི་བཤད་དོ། །ཞེས་སོ། ། ༈

རྟ་མཆོག་རོལ་པའི་རྒྱུད་ལས། ཐམས་ཅད་སྒྱུ་མ་ལྟ་བུའི་ཚུལ། །ཐམས་ཅད་རང་བཞིན་སྟོང་པ་ན། །ཟུང་དུ་འཇུག་པའི་ཡེ་ཤེས་ནི། །དེ་ནི་བླ་མེད་མཆོག་དམ་པ། །ཞེས་དང་། མ་སྐྱེས་ཐབས་ཀྱི་ཡེ་ཤེས་ལྡན། །ཐམས་ཅད་མཉམ་པ་ཉིད་ཀྱི་དབྱིངས། །བདེན་གཉིས་དབྱེ་བ་མེད་པ་ཡིས། །ཡང་དག་དོན་མཆོག་སྒྱུ་མའི་སྐུ། །ཀུན་རྫོབ་སྒྱུ་མ་ཐབས་ཀྱི་གསུང་། །ཕྱག་རྒྱ་སྒྱུ་མའི་ཚུལ་ཉིད་དེ། །མེད་པ་མ་ཡིན་མཚན་མེད་དེ། །རྣལ་འབྱོར་གཉིས་དང་ལྡན་ཕྱིར་རོ། །སློབ་པའི་རྣལ་འབྱོར་གཉིས་བསྟེན་ནས། །ལྷུན་གྱིས་གྲུབ་པའི་ས་གོམས་ནས། །བདེན་གྱུར་བདེན་པ་གཉིས་ལ་གནས། །ཞེས་དང་། དངོས་པོ་ཐམས་ཅད་བྲལ་བ་ཡི། །ཕུང་ཁམས་སྐྱེ་མཆེད་རྣམ་པར་དབེན། །གཟུང་འཛིན་རྟོག་པའི་ཡུལ་བྲལ་བས། །དཔག་མེད་ཡེ་ཤེས་ངོ་བོ་ཉིད། །རྣམ་གསུམ་མཆོག་གི་དོན་ལས་བྱུང་། །འོད་གསལ་ཆེན་པོའི་རང་བཞིན་ནོ། །ཞེས་དང་། བདག་རྟོག་འཁྲུལ་པའི་ཉེས་དམིགས་ཀྱིས། །དུས་རིང་འཁྱམས་གྱུར་འགྲོ་བ་རྣམས། །རང་རྟོག་དངོས་པོའི་ལས་ལ་སྤྱོད། །ལོག་པའི་སེམས་ཀྱིས་ཀུན་བརྟགས་ཀྱང་། །རང་བཞིན་ཉིད་ལས་འགྱུར་བ་མེད། །ཡེ་ནས་དོན་གྱི་སངས་རྒྱས་ལ། །འཁྲུལ་པའི་བདེ་སྡུག་འཁོར་ལོས་འཁྱམས། །ཞེས་དང་། བརྟན་གཡོའི་དངོས་པོ་ཐམས་ཅད་རྣམས། །བདེ་ཆེན་སྐུ་ལས་གཞན་མེད་དོ། །ཞེས་དང་། དེ་བཞིན་ཉིད་དབྱིངས་རྨད་བྱུང་བའི། །བདེ་གཤེགས་ཀུན་གྱི་ཐུགས་གསལ་བ། །བྱིན་རླབས་ཡ་མཚན་སྤྲུལ་པའི་སྐུ། །དཀྱིལ་འཁོར་སྣ་ཚོགས་ཀུན་གྱི་གནས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཕུང་པོ་ཆོས་རྣམས་སངས་རྒྱས་ཏེ། །འབྱུང་ལྔ་དབྱིངས་ཕྱུག་ཡུམ་གྱི་མཁའ། །ཁམས་དང་སྐྱེ་མཆེད་སེམས་དཔའ་དང་། །སེམས་མའི་ཚོགས་དང་ཁྲོ་མོའི་སྐུ། །ཕྱི་ནང་གསང་གསུམ་དངོས་སྣང་བའི། །དཀྱིལ་འཁོར་རིགས་ཀྱི་བདག་ཉིད་ཆེ། །ཞེས་དང་། པདྨ་རང་གི་གནས་སུ་བསྒོམ། །འདོད་ཆགས་ཆོས་ཀུན་སྤྱོད་པ་ཡི། །མགོ་བོར་རང་རང་གནས་ན་གསལ། །དྲི་མེད་དག་པའི་ཐིག་ལེ་ལས། །འོད་ཟེར་ལྔ་ཡི་སྣང་བ་བཅས། །རང་གི་གནས་ནས་འཕྲོ་མཛད་ཅིང་། །སོགས་དང་། རྡོ་རྗེ་པདྨོ་མཉམ་སྦྱོར་བས། །རང་རིག་དཀྱིལ་འཁོར་གསལ་བར་མཛད། །སོགས་དང་། རིགས་ཀྱི་བུ་མ་འོངས་པའི་འགྲོ་བ་གསང་སྔགས་ཀྱི་ཐེག་པའི་ལམ་དུ་འཇུག་པར་འདོད་པ་དག་གིས་ནི། རྡོ་རྗེ་སློབ་དཔོན་ལ་བརྟེན་ཏེ་གཟུགས་བརྙན་གྱི་དཀྱིལ་འཁོར་དུ་གཞུག་པར་བྱའོ། །ཞེས་དང་། མཆོག་ཏུ་གསང་བའི་གྲོང་ཁྱེར་འདིར། །གང་གིས་འདོད་དོན་གང་གཉེར་བ། །དེས་ནི་སྒྲིབ་སོགས་ཀུན་སྤངས་ཤིང་། །མཆོག་གནས་ཡེ་ཤེས་གསལ་བར་སྦྱོར། །བདེ་ཆེན་གསང་བའི་ཐེག་པ་ཆེ། །ཚེ་འདི་ཉིད་ལ་འགྲུབ་པར་བྱེད། །ཉོན་མོངས་དགྲ་སོགས་ལས་གྲོལ་བའི། །བདེ་བ་ཆེན་པོའི་གནས་ཐོབ་པའོ། །ཞེས་དང་། རྒྱལ་བ་ཀུན་གྱི་བདག་ཉིད་ཆེ། །རྣམ་གསུམ་ཕྱག་རྒྱ་ལ་གནས་ནས། །ལས་ཀྱི་དངོས་གྲུབ་བསྒྲུབ་པ་ནི། །གནས་བཟང་དག་ཏུ་བརྩམ་པར་བྱ། །ཞེས་སོ། ། ༈ བདུད་རྩི་བམ་བརྒྱད་ལས། སྲིད་གསུམ་ཡེ་ནས་བདུད་རྩི་ལྔ། །མ་བཅོས་ཡེ་ནས་རྫོགས་སངས་རྒྱས། །ཞེས་དང་། སྒྲུབ་དང་བསྒྲུབ་པར་བྱ་བ་དང་། །འབྲས་བུ་ཐོབ་པར་བྱ་བའི་ཕྱིར། །གསང་སྔགས་གསང་བའི་མན་ངག་འདི། །བདུད་རྩི་དམ་པ་མཆོག་གི་ལུང་། །ཞེས་དང་། ལྟ་བ་དང་ནི་སྤྱོད་པ་དང་། །དམ་ཚིག་སྒྲུབ་པ་ཕྲིན་ལས་དང་། །ངེས་པར་སྒྲུབ་པ་བསྒྲུབ་བྱའི་ཕྱིར། །ཟབ་མོ་བསྡུས་པའི་ལུང་འདི་གསུངས། །ཞེས་དང་། སྐྱེ་ཤི་མེད་པའི་དབྱིངས་སུ་གྱུར། །དབྱིངས་གྱུར་རྣམ་དག་ལྷུན་གྲུབ་པས། །ལྟ་བ་འདི་ལ་གནས་པ་ཡི། །རྣལ་འབྱོར་འདི་ནི་སྐལ་བ་བཟང་། །ཅི་སྤྱོད་ཅི་སྒོམ་ཅི་སྒྲུབ་ཀྱང་། །བདུད་རྩི་དེ་ཉིད་སྨན་གྱི་མཆོག །ཅེས་དང་། རྩ་བ་སྡོང་བུ་ཡལ་ག་དང་། །ལོ་མ་འདབ་མ་མེ་ཏོག་དང་། །ཤུན་ལྤགས་འབྲས་བུ་སྙིང་པོར་བཅས། །རོ་དང་མཐུ་དང་ཁ་དོག་ལས། །རྩ་བ་གཅིག་ལ་ཡན་ལག་བརྒྱད། །ཡན་ལག་བརྒྱད་ལ་ཡོན་ཏན་སྟོང་། །འདི་དག་ཀུན་གྱི་ཡོན་ཏན་ཡང་། །བཞི་བརྒྱ་རྩ་བཞིའི་ནད་སེལ་ཞིང་། །བདུད་བཞི་ངེས་པར་འཇོམས་པར་བྱེད། །ཅེས་དང་། སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོ་སྟེ། །ཡབ་ཡུམ་བདེ་བའི་ངང་དུ་གསལ། །ཡིད་ནི་སྙིང་པོ་བྱང་ཆུབ་སེམས། །བདེར་གཤེགས་ཀུན་གྱིས་བཀའ་སྩལ་ཏོ། །སོགས་དང་། རྣལ་འབྱོར་ཐབས་དང་ལྡན་པས་ནི། །ཆོས་སྐུ་གཅིག་ལས་ཐ་དད་པའི། །རིགས་ལྔའི་ཁ་དོག་འདི་བཤད་དོ། །འདི་ལྟར་རྟོགས་ན་གྲོལ་བར་བཤད། །ཅེས་དང་། ཡེ་ཤེས་སྐུ་ལྔ་བསྟན་པའི་ཕྱིར། །བྱང་ཆུབ་སེམས་ནི་དཀར་བས་ན། །དྲི་མེད་དག་པའི་ཡེ་ཤེས་སྐུ། །རཀྟ་ཆགས་མེད་དམར་བས་ན། །ཆགས་མེད་རྣམ་དག་ཆོས་ཀྱི་སྐུ། །མཱཾ་ས་ཡིད་བཞིན་རིན་ཆེན་སྔོ། །སྣ་ཚོགས་འབྱུང་གནས་མཉམ་ཉིད་སྐུ། །རིན་ཆེན་གསེར་མདོག་སྣང་མཛད་དེ། །མངོན་འབྱུང་སྤྲུལ་པ་ཆོས་དབྱིངས་སྐུ། །དྲི་ཆུ་དག་བྱེད་ལྗང་གུའི་མདོག །ཀུན་ཏུ་དོན་གྲུབ་ལས་རབ་སྐུ། །སྐུ་ལྔ་ལྷུན་གྲུབ་བདུད་རྩི་འདི། །སོ་སོའི་ལུས་ལ་གནས་པ་ཡིན། །ཞེས་དང་། དེ་བཞིན་དུ་ཆོས་བདུད་རྩི་ཆེན་པོའི་དོན་འདི་ཡང་མ་སྐྱེས་མི་འགགས་མི་རྟོགས་པས། འཁོར་བ་མཚན་མ་དང་། མཚན་མ་མེད་པ་དང་། ཉན་ཐོས། མི་གནས་སངས་རྒྱས་ས་ལ་རྣམ་པར་ཁྱབ་སྟེ་གནས་སོ། །ཞེས་དང་། བདུད་རྩི་ཆེན་པོའི་རང་བཞིན་ནི། །ཁ་དོག་དབྱིབས་དང་མཚན་མ་མེད། །འགོགས་པ་མེད་ཅིང་དབྱེ་བའང་མེད། །རྩ་བ་མེད་ཅིང་བརྟེན་པ་མེད། །བདུད་རྩི་ཆེ་ལ་བརྗོད་པའང་མེད། །ཉོན་མོངས་དུག་དང་བདུད་བཞི་བཅོམ། །དྲི་མེད་དག་པའི་བྱང་ཆུབ་སེམས། །ངེས་དོན་དེ་ལ་འདུད་པར་བྱོས། །ཞེས་གསུངས་སོ། །ཞེས་དང་། འཇམ་དཔལ་གྱིས་བསྟོད་པ། ནམ་མཁའི་མཚན་ཉིད་སངས་རྒྱས་ཏེ། །མཚན་ཉིད་མེད་པས་ནམ་མཁའ་འདྲ། །བྱ་བ་མེད་པས་གྲོལ་བ་སྟེ། །བདུད་རྩི་མཆོག་ལ་ཕྱག་འཚལ་ལོ། །ཆུ་ཟླ་བཞིན་དུ་དྲི་བྲལ་བ། །ཐམས་ཅད་རྟོག་པ་ཡོངས་སུ་སྤང་། །བདག་ཏུ་འཛིན་མེད་རྣམ་པར་དག །བདུད་རྩིའི་རྒྱལ་ལ་ཕྱག་འཚལ་ལོ། །དུས་གསུམ་ཆོས་ཀྱི་དབྱིངས་དང་མཉམ། །བདུད་དང་ངན་སོང་གསུམ་ལས་ཐར། །ལེན་པ་མེད་ཅིང་བཏང་བའང་མེད། །དྲི་མེད་དག་པའི་བྱང་ཆུབ་སེམས། །བདུད་རྩིའི་མཆོག་ལ་ཕྱག་འཚལ་ལོ། །དུས་གསུམ་སངས་རྒྱས་སྐྱེད་པའི་རྒྱུ། །ཁམས་གསུམ་སེམས་ཅན་འདྲེན་པའི་དཔལ། །འགྲོ་བ་དྲུག་གི་སྒྲིབ་སྦྱོང་བ། །བདུད་རྩིའི་རྒྱལ་ལ་ཕྱག་འཚལ་ལོ། །ཞེས་དང་། མི་སྤོ་ང་བ་དང་དུ་བླང་། །སྤྱོད་པ་དམ་ཚིག་བཅོ་ལྔ་སྲུང་། །ཤེས་པ་ལྔ་དང་སྲུང་བ་གསུམ། །སྟོང་རྩ་བརྒྱད་དུ་བསྲུང་བ་ནི། །རྩ་བརྒྱད་སྟོང་ཞེས་དེ་ལ་བྱའོ། །ཞེས་དང་། །ཁྲུ་ཚད་བཞི་དང་ལྡན་པ་ནི། །ཡོན་ཏན་བཅུ་གཅིག་དང་ཡང་ལྡན། །བཞིན་བཟང་མིག་གི་དཀྱུས་རིང་བ། །སྟོད་སྨད་ཕྱེད་ལ་རྐེད་པ་ཕྲ། །ཚིག་པ་ཟླུམ་ལ་སོར་མོ་ཕྲ། །ཡོན་ཏན་བཅུ་གཅིག་དང་ལྡན་ནོ། །ཡེ་ཤེས་རྟོགས་ཅན་ཡིན་པར་བཤད། སོགས་དང་། བྷ་ག་དེ་ནི་བྱིན་གྱིས་བརླབས། །སོགས་དང་། བྷ་ག་ཝཱན་ནི་ཉིད་ཀྱི་བཀའ། །ཕྱག་རྒྱ་བཞི་རུ་བདག་གྱུར་པས། །གཉིས་སུ་མེད་པར་མཉམ་སྦྱར་ནས། །ལྷ་ཡི་བདུད་དང་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཕྱག་རྒྱ་ཆེན་པོ་བཞི་དང་ལྡན། །མཁའ་ལ་སེམས་སེམས་འཕྲོས་པའི་ཚེ། །བྱང་ཆུབ་འཁོར་བ་མྱ་ངན་འདའ། །གཉིས་སུ་མེད་པའི་ཕར་ཕྱིན་ཏོ། །ཞེས་དང་། སངས་རྒྱས་སེམས་ཅན་ཐམས་ཅད་དང་། །མཚན་མར་བཏགས་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །བདེ་ཆེན་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་མཁྱེན་ཏོ། །ཞེས་དང་། །བྱང་ཆུབ་སེམས་ཀྱིས་དབང་བསྐུར་ཏེ། །དངོས་གྲུབ་སྒྲུབ་པ་ལ་གཟུད་དོ། །ཞེས་དང་། བསྒྲལ་བའི་དྲི་ཆེན་ཡུངས་ཀར་གསུམ། །ཆ་མཉམ་འཐུང་ན་དུག་རྣམས་ཐུབ། །འཆི་བྱེད་དུག་ནི་ཐུབ་པའི་ཕྱིར། །བདུད་རྩི་ཞེས་ནི་དེ་ལ་བྱའོ། །ཞེས་དང་། དེ་ནས་ཏ་ནའི་ལུང་བཤད་དེ། །ཡེ་ནས་རྒྱུ་ཉིད་དག་པ་ལས། །ང་དང་བདག་ཏུ་འཛིན་པ་ཡིས། །ཁམས་གསུམ་འཁོར་བའི་རྒྱུ་རུ་གྱུར། །ཁམས་གསུམ་དེ་དག་བསྒྲལ་བའི་ཞིང་། འབྲས་བུ་ལྔ་བསྒྲལ་ཆེན་པོ། ཞེས་དང་། མི་གཡོ་ཕྱག་རྒྱ་ཆེན་པོའི་ངང་། །དབང་ཕྱུག་ཆེན་པོའི་བསྒྲལ་ཐབས་ནི། །འཚོ་བའི་བདག་པོའི་ཚེ་དང་སྲོག །ཐུགས་རྗེ་ཐབས་དང་ཤེས་རབ་དང་། །ཐབས་ལ་མཁས་པའི་བྱིན་རླབས་ཀྱིས། །འགྲོ་བ་ཐམས་ཅད་སྦྱོང་བར་མཛད། །ཅེས་དང་། མ་ཏྲཾ་དག་གི་རྣམ་ཤེས་དེ། །ངེས་པར་གཟུགས་ལ་ཕབས་ནས་ཀྱང་། །ཊཀྐི་ལ་ནི་ནུབ་ཏུ་བསྟན། །དབང་དུ་བསྡུ་བའི་ལས་མཛད་ཀྱིས། །སངས་རྒྱས་ཀུན་གྱི་བྱིན་གྱིས་རློབས། །ཁམས་གསུམ་མ་ལུས་བསྒྲལ་བའི་ཞིང་། །སྟ་ན་ཆེན་པོ་བྱ་བའི་ཕྱིར། །བདེ་གཤེགས་མང་པོ་ཀུན་འདུས་ཤིང་། །བྱམས་དང་སྙིང་རྗེ་ལྡན་པ་ཡིས། །ཉོན་མོངས་འཁོར་བའི་རྒྱ་དྲལ་པོ། །ཞེས་དང་། མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བརྐྱངས། །ཞེས་དང་། སྐུ་ཡི་སྤྲུལ་པ་ཕྱོགས་བཅུར་བཀྱེ། །གསུང་གིས་སེམས་ཅན་མཐའ་དག་དགྲོལ། །ཐུགས་ནི་ཚད་མེད་བཞི་དང་ལྡན། །ཉི་ཟླ་གསལ་བའི་དཀྱིལ་འཁོར་དུ། །ཚེ་དཔག་མེད་པར་དབང་བསྐུར་ནས། །ཡང་དག་ཉིད་ལ་ཡང་དག་སྒྲོལ། །ཡང་ན་བསྒྲལ་ན་བདེ་ཆེན་ཐོབ། །ཕྱིར་མི་ལྡོག་ལ་ངེས་པར་ཕྱིན། །ཕྱིན་པ་ཙམ་གྱིས་དབང་ཐོབ་ནས། །རྒྱལ་བའི་ཞིང་ཁམས་དབྱིངས་ཉིད་མཐོང་། །རྒྱུད་དྲུག་གནས་སུ་མི་སྐྱེ་ཕྱིར། །དཔའ་བོ་འབྲུ་ལྔས་ལམ་ལྔ་དགག །ཨོཾ་ཨཱཿཧཱུྃ་སྭཱ་ཧཱ། འོག་མིན་དགའ་ལྡན་ལྷ་ཡུལ་དུ། །ཡེ་ཤེས་རླུང་གིས་བཏེགས་ནས་ནི། །སྦྱོར་བའི་ལྷུམ་དུ་ཕ྄ཊ་ཀྱིས་འཕང་། །ཨ་ནྲྀ་སུ་ཏྲི་པྲེ་དུ། །གང་ཡང་རུང་བའི་རྣམ་ཤེས་དེ། །གསལ་བའི་དབྱིངས་སུ་ཧཱུྃ་གིས་བསྡུ། །སྒྱུར་སྐྱེད་ཡེ་ཤེས་སྐུར་སྤྲོས་ཏེ། །དབྱིངས་དང་ཡེ་ཤེས་ལྷུན་གྲུབ་པས། །སོགས་དང་། རྒྱུ་དང་དམ་ཚིག་ཐམས་ཅད་ནི། །སངས་རྒྱས་བསྒྲུབ་པའི་རྒྱུ་དང་གཞི། །དམ་ཚིག་དམ་པར་སྲུང་བའི་རྫས། །བྱིན་གྱིས་བརླབ་པར་བྱ་བའོ། །ཞེས་དང་། རི་ནི་ཉམས་དགའ་མདངས་བཟང་བ། །ཡིད་འོང་གནས་སུ་འདུག་ནས་ནི། །བྱིན་རླབས་མཚམས་བཅད་བརྟན་བྱས་ནས། །དཀྱིལ་འཁོར་འདོམ་གང་གྲུ་བཞི་པ། །དྲི་སྣ་ཡིས་ནི་མཎྜལ་བྱ། །སོགས་དང་། དེ་ནས་མཆོད་ཅིང་དངོས་གྲུབ་བླང་། །སློབ་མ་ལ་ཡང་དབང་བསྐུར་རོ། །ཞེས་དང་། དེ་ནས་སྒྲུབ་པའི་ཡོ་བྱད་རྣམས། །འཚོ་བ་ཟས་ཀྱི་ཡོ་བྱད་དང་། །སྒྲུབ་པ་དམ་རྫས་ཡོ་བྱད་དང་། །རྐྱེན་ཟློག་སྨན་གྱི་ཡོ་བྱད་དང་། །དེ་ལྟར་ཕུན་སུམ་ཚོགས་ལྡན་ནས། །ཇི་བཞིན་བདེ་བར་འདུག་ནས་ནི། །ས་གཞི་རབ་ཏུ་སྦྱངས་བྱས་ཏེ། །ཚེས་གྲངས་ཡར་གྱི་བརྒྱད་ལ་བརྩམ། །སྔ་དྲོའི་དུས་སུ་དཀྱིལ་འཁོར་བྱ། །མཎྜལ་འདོམ་གང་ལྔ་ཡང་བྲི། །སྒྲུབ་པ་ཆེན་པོ་བྱ་བའི་ཕྱིར། །དྲི་ཆེན་དྲི་ཆུས་སྐྱངས་ནུལ་བྱའོ། །ཞེས་དང་། ཡང་། ཟག་པ་ཟད་ནས་ནམ་མཁར་འཕུར། །རྡོ་རྗེའི་འགྲོས་ཀྱིས་ནམ་མཁར་འགྲོ། །རིག་འཛིན་གོ་འཕང་འདིས་ཐོབ་བོ། །ཞེས་སོ། །དེ་ནས་བདུད་རྩིའི་ཕྱག་རྒྱ་ནི། །ལག་པ་གཡོན་པའི་དཔུང་པ་བརྐྱང་། །མཐེ་བོང་སྲིན་ལག་མཐིལ་དུ་དགུག །རྡོ་རྗེ་ཚོན་གང་བཅས་པ་དང་། །མཛུབ་མོ་གུང་མོ་མཐེའུ་ཆུང་བརྐྱང་། །སྦྱར་ཏེ་ལག་པའི་མཐིལ་གྱིས་ནི། །བདུད་རྩི་སྣོད་ཀྱི་སྟེང་དུ་གནོན། །དེ་ནས་བདུད་རྩི་བྱིན་གྱིས་བརླབ། །ཏིང་འཛིན་མེ་དང་འདྲ་བ་ལ། །བཟླས་བརྗོད་རླུང་དང་འདྲ་བ་ཡིས། །གླལ་དང་ལུད་པས་བར་མི་གཅོད། །ཅེས་དང་། ཏིང་འཛིན་རྣམ་གསུམ་རིམ་བཞིན་བསྒོམ། །རྒྱུ་ཡི་ཏིང་འཛིན་འབྲས་བུ་ལས། །དེ་ཉིད་བྱང་ཆུབ་སེམས་སུ་འགྱུར། །འབྱུང་ལྔ་ཡུམ་གྱི་དཀྱིལ་འཁོར་དག །བྱང་ཆུབ་སེམས་ལས་རིམ་བཞིན་བསྐྱེད། །ཅེས་དང་། ཞི་བའི་ཚེ་ན་བྱང་དུ་བལྟ། །ག་ཎའི་ཚེ་ན་ནུབ་ཏུ་བལྟ། །སྟ་ན་ཆེན་པོ་ལྟོ་རུ་བལྟ། །རྒྱས་པའི་ཚེ་ན་ཤར་དུ་བལྟ། །ཡང་ན་ཕྲིན་ལས་རྣམ་པ་བཞི། །སོ་སོའི་ཕྱོགས་དག་ནས་བལྟའོ། །སོགས་གསུངས། འདི་ལ་བམ་པོ་བརྒྱད་ཡོད་པའི་དང་པོ་གླེང་གཞི་དང་གླེང་བསླང་སྔོན་དུ་འགྲོ་བས་བྱང་ཆུབ་སེམས་ཁོ་ན་ཉིད་ལྟ་བ་བསྟན་པའི་མན་ངག །གཉིས་པ་སྨན་གྱི་བྱུང་ཁུངས་དང་སྦྱར་ཚུལ་སོགས། གསུམ་པས་དམ་ཚིག་ལ་གནས་པ་སྔོན་དུ་འགྲོ་བས་ལུང་ཨ་ནུ་ཡོ་གའི་སྤྱོད་པ་ལས། ཤེས་རབ་ག་ཎ་སྦྱོར་བའི་ལམ་ལ་སྒྲུབ་པ་ཆེན་པོའི་ལུང་། གཟུང་མའི་མཚན་ཉིད། སྦྱོར་བའི་མན་ངག །ག་ཎ་བསྲུབ་པའི་ལུང་། བྱང་ཆུབ་སེམས་ཀྱི་ཡོན་ཏན། ཨ་མྲྀ་ཏ་གྲུབ་པའི་ལུང་བསྟན། བཞི་པས་འབྲས་བུ་ལྔ་བསྒྲལ་ཆེན་པོའི་ལུང་། མ་ཏྲཾ་བསྒྲལ་ཚུལ་སྔོན་བྱུང་གི་ཚུལ་དང་བཅས་ནས་དེས་བདུད་རྩིའི་རྒྱུ་འགྲུབ་པའི་ཚུལ་བསྟན། ལྔ་པས་མ་ཧཱ་ཡོ་གའི་དོན་གྱི་ལུང་དང་། ཇི་ལྟར་སྒྲུབ་པའི་ཚུལ་བསྟན་པ་ལས་བསྙེན་སྒྲུབ་གཉིས་མདོར་བསྟན། དྲུག་པས་འབྲས་བུ་ཆེན་པོ་ལྔ་བསྒྲལ་བའི་ལུང་དང་། དེ་བསྒྲལ་ནས་དེ་སྨན་དུ་སྦྱར་བའི་ཚུལ་ཏེ་སྦྱོར་སྒྲོལ་ཞི་རྒྱས་ཀྱི་ལས་ཀྱིས་སྒྲུབ་པ་ཆེན་པོ་བསྟན། བདུན་པས་སྨན་གྲུབ་པའི་དོན་དང་། སྦྱར་བའི་ཐབས་དང་། ལས་ཀྱི་རིམ་པའི་བསྐུལ་ཚིག་དང་། ཡོ་བྱད་དུ་བྱས་པ་རྣམས་བདུད་རྩི་མཆོག་གི་ལུང་བསྟན་ཏེ་དོན་དུ་བསྒྲུབ་པའི་ལག་ལེན་གྱི་ཕྲིན་ལས་བྱང་བུ་བསྟན། བརྒྱད་པས་སྟོན་པ་ཀུན་ཏུ་བཟང་པོས་སྡུད་པ་པོ་འཇམ་དཔལ་ལ་གདམས་པ་གཏད་པ་དང་། ཆོས་བདུད་རྩིའི་རང་བཞིན་བསྟན་པའི་སྒོ་ནས་བདུད་རྩིའི་དགོས་འབྲེལ་ལམ་ཡོན་ཏན་ཀྱང་མདོར་བསྡུས་པ་སྟེ། འདི་དག་རྒྱུད་འབྱུང་བའི་གླེང་གཞི་སོགས་ལྔ་དང་སྦྱར་བའི་བཤད་ཚུལ་དང་། འབྲས་བུ་ཡོངས་སུ་ཤེས་པར་བྱ་བ་རྒྱུད་དོན་ལ་ཡང་རྒྱུད་ཡུམ་དང་སྤྱིར་སྦྱར་ཞིང་། རྒྱུད་ཀྱི་དངོས་པོ་བཅུར་བྱེ་བྲག་ཏུ་འདྲེས་ཚུལ། ཞིབ་ཏུ་བཤད་རྒྱུ་ཡོད་མོད་ཀྱི་རེ་ཞིག་བཞག་གོ །ཐམས་ཅད་བདུད་རྩི་ལྔ་ཡི་རང་བཞིན། དངོས་གྲུབ་ཆེན་པོ་ཉེ་བའི་སྙིང་པོ་མཆོག་བམ་པོ་ཆེན་པོ་བརྒྱད་པ་ལས་ཞེས་པས་མཚན་བསྟན། དེ་ཡང་ཐམས་ཅད་བདུད་རྩི་ལྔ་ཡི་རང་བཞིན་གྱིས་རྒྱུ། དངོས་གྲུབ་ཆེན་པོ་ཉེ་བའི་སྙིང་པོའི་ལམ། མཆོག་ཅེས་པས་འབྲས་བུ་བསྟན་ཏོ། །གཞན་དུ། གསང་བ་མཆོག་གི་དཀྱིལ་འཁོར་ན། །སོགས་གླིང་གཞི་ཕུན་སུམ་ཚོགས་པ་ལྔ་བསྟན། དེ་ནས་བདེ་གཤེགས་ཐམས་ཅད་ནི། །སོགས་ཀྱིས་འཁོར་ལ་ཟབ་དབང་བསྐུར་བའི་སྦྱོར་བས་སྟོན་འཁོར་དགོངས་པ་ཐུན་མིན། དབྱེར་མེད་དུ་མཛད་ནས་ཇི་ལྟར་གསུངས་པའི་ཚུལ། ཐུན་མོང་། རྩིས་མགོ་སྡུད་པའི་ཚུལ་གྱིས་གླེང་བསླང་། དེ་ནས། བསམ་གྱིས་མི་ཁྱབ་བསྟན་པ་དང་། །བརྒྱད་ཁྲི་བཞི་སྟོང་རྣམ་གྲངས་ཀྱང་། །ཐེག་པའི་སྒོ་ནི་གསུམ་དུ་གསུངས། །གསང་ཉིད་ཐེག་པར་བསྡུས་དང་བཞི། །སོགས་ཀྱིས་རྒྱུད་ཀྱི་དོན་དངོས་བསྟན། ཐ་མའི་ལེའུ་གཅིག་གིས་གདམས་གཏད་དང་དགོས་འབྲེལ་བསྟན་ཏོ།། །། ༈ རྡོ་རྗེ་ཕུར་པ་ཞེ་སྡང་རྡོ་རྗེ་བཀོད་པའི་རྒྱུད་ལས། དེ་ལ་ཕུར་པའི་དམ་ཚིག་ནི། ལྟ་བ་མཉམ་པར་རྟོགས་པ་དང་། །སྤྱོད་པ་ཅིར་ཡང་མི་སྙོམས་ཤིང་། །ཐབས་ཀྱིས་འགྲོ་ལ་ཕན་བྱེད་པ། །དེ་ནི་དམ་ཚིག་མཆོག་ཏུ་གསུངས། །ཞེས་དང་། གང་ལ་དམིགས་པའི་ངོ་བོ་ལ། །གདབ་པའི་ལས་རྣམས་བྱས་ནས་ནི། །རྣམ་ཤེས་དབྱིངས་སུ་ཡང་དག་སྦྱར། །ལྷག་མ་ལྷ་ལ་བསྟབ་པར་བྱ། །ཞེས་དང་། རང་བྱུང་རིག་པའི་ཡེ་ཤེས་ནི། །བཙལ་ཞིང་བསམ་པས་མ་བཀོད་དེ། །ཆོས་ཀྱི་དབྱིངས་སུ་གཤེགས་པས་ནི། །སྤྱན་དྲངས་དོན་ལས་ཁྱད་པར་འཕགས། །སྤྲོས་པ་མེད་པའི་ཆོས་ཉིད་དང་། །བཙལ་དུ་མེད་པའི་སེམས་ཉིད་གཉིས། །མཉམ་པའི་ངང་དུ་རྟོགས་པ་ན། །བཞུགས་སུ་གསོལ་ལས་ཁྱད་པར་འཕགས། །ཐམས་ཅད་དབྱེར་མེད་མཉམ་པའི་ངང་། །འདུ་འབྲལ་མེད་པར་རབ་གནས་པས། །ཕྱག་འཚལ་བ་ལས་ཁྱད་པར་འཕགས། །ཆོས་ཉིད་བཙལ་དུ་མེད་པ་ལ། །ཆོས་ཅན་མཆོད་པའི་རྒྱུ་རུ་སྣང་། །སྐྱེ་མཆེད་ཁམས་རྣམས་མཆོད་པར་སྣང་། །ནམ་མཁའ་དམིགས་སུ་མེད་པ་ལས། །འབྱུང་བའི་ཚོགས་རྣམས་མཆོད་པར་སྣང་། །ཐམས་ཅད་ཆོས་ཉིད་རྒྱན་དུ་གསུང་། །མཆོད་པ་ཕུལ་བས་ཁྱད་པར་འཕགས། །ཞེས་དང་། ཕུར་ནི་ཐབས་ཀྱི་རྒྱལ་པོ་ཡིན། །པ་ནི་ཤེས་རབ་ཡུམ་གྱི་དོན། །གཉིས་སུ་མེད་པ་རྡོ་རྗེའི་ངང་། །ཞེས་དང་། རྡོ་རྗེ་འབར་བའི་རྒྱུད་ལས། སངས་རྒྱས་དཀྱིལ་འཁོར་རྣམས་བསྒོམས་ནས། །རྒྱལ་བ་ཐམས་ཅད་མཉེས་མཆོད་དེ། །འགྲོ་བའི་དོན་རྣམས་རྫོགས་པའི་ཕྱིར། །སྦྱིན་སྲེག་ལས་རྣམས་རྫོགས་པར་བྱ། །ཞེས་དང་། འོ་མ་ཅན་དང་མངར་སྐྱུར་བ། །དུག་ཤིང་ཚེར་མ་ཅན་ལ་སོགས། །སོ་སོའི་མཚན་དང་སྦྱར་བ་ཡིན། །ཞེས་དང་། དགང་གཟར་བླུགས་གཟར་སོ་སོའི་དབྱིབས། །ཡུ་བ་གྲུ་གང་ཚད་དུ་བྱ། །དགང་གཟར་སོར་བཞི་ངོས་གཉིས་ཟག །ཁ་རན་སོར་གཅིག་དཀྱིལ་རིན་ཆེན། །ངོས་ལའང་ཡི་གེ་འབར་བ་བསྒོམ། །བླུགས་གཟར་སོར་གཉིས་སོར་གཅིག་ཟབ། །ཁ་འཁོར་སོར་གཅིག་དཀྱིལ་རྡོ་རྗེ། །ངོས་ལ་ཡི་གེ་རྣམ་པར་བསྒོམ། །ཞེས་སོ། །རྡོ་རྗེ་གསུམ་གྱི་བདག་ཉིད་ཅན། །རྡོ་རྗེ་གསུམ་དུ་རྣམ་བསྒོམས་ཏེ། །ཁ་དང་ལྕེ་ཡི་དམ་ཚིག་ཀྱང་། །རྡོ་རྗེ་གསུམ་དུ་ལྡན་བྱས་ཏེ། །བདུད་རྩི་ལྔ་ཡི་རང་བཞིན་ལ། །རྡོ་རྗེ་གསུམ་དུ་བྱིན་བརླབས་ཏེ། །ཟོས་ན་རྡོ་རྗེ་གསུམ་ཐོབ་འགྱུར། །ཞེས་སོ། །འབྱུང་བ་ལྔ་ཡི་རང་བཞིན་དང་། །ཁ་དོག་ལྔ་ཡི་རང་བཞིན་གྱི། །གྱེན་དང་ཐུར་དུ་རྒྱུ་བའི་རླུང་། །སྲོག་དང་རྩོལ་བ་ཞེས་བྱ་སྟེ། །རྣམ་པ་བཅུ་པོ་གཉིས་སུ་འགྱུར། །ཞེས་དང་། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས། དུར་ཁྲོད་རི་ཡི་བྱ་སྐྱིབས་དང་། །དེ་བཞིན་མི་མེད་གྲོང་ཁྱེར་དང་། །ཡང་ན་དབེན་པ་རྒྱ་མཚོའི་མཐར། །བཟའ་བ་དེ་ནི་རབ་ཏུ་བཟའ། །དེ་ལ་སྟན་དུ་བརྟག་པ་ནི། །རོ་ནི་གཟུགས་ཅན་བཅུ་གཅིག་དང་། །ཡང་ན་སྟག་གི་པགས་པ་དང་། །དུར་ཁྲོད་རས་ནི་དེ་བཞིན་ནོ། །ཞེས་དང་། སྐྱེས་པའི་ཐོད་པ་ཆ་གཅིག་པར། །ཆང་ནི་བཟང་པོས་ཡོངས་བཀང་སྟེ། །བླ་མ་ལ་དབུལ་སྐལ་ཆེན་པོ། །ཕྱག་འཚལ་ནས་ནི་རང་ཡང་བཏུང་། །པདྨའི་ལག་པས་བླང་པ་དང་། །དེ་ཉིད་ཀྱིས་ནི་སླར་ཡང་དབུལ། །ཞེས་དང་། རྡོ་རྗེ་ཕུར་པ་གསང་བའི་རྒྱུད་ལས། དཀྱིལ་འཁོར་གཙོ་བོས་དཀྱིལ་འཁོར་དུ། །སློབ་མ་རབ་ཏུ་གཞུག་ཏུ་གསོལ། །སེམས་ཅན་དོན་དུ་བདག་འཚལ་བས། །བཟོད་པར་མཛད་དེ་དགོངས་སུ་གསོལ། །ཞེས་སོ། ། ༈ རྡོ་རྗེ་སེམས་དཔའ་ནམ་མཁའ་ཆེ་བྲམ་ཟེ་རྒྱས་པའི་རྒྱུད་ཀྱི་རྒྱལ་པོ་ལས། མ་སྐྱེས་སྤྲོས་དང་བྲལ་བའི་རང་བཞིན་གྱི། །སྐྱེ་བའི་ཆོ་འཕྲུལ་སྣ་ཚོགས་ཡུལ་ཕྱུངས་ནས། །ཡུལ་མེད་རང་གི་རང་བཞིན་ཡིན་ཞེས་བྱ། །ཡུལ་ལ་མི་འཛིན་སྤངས་དང་ལེན་མེད་པས། །མེད་པ་ཕྱལ་བ་གཅིག་པུ་ལྷུན་གྲུབ་སྟེ། །བསྲུང་བར་བྱ་བའི་ཚུལ་ཁྲིམས་ཀུན་དང་བྲལ། །ཀུན་བཟང་ང་ལ་བསྲུང་པའི་དམ་ཚིག་མེད། །རྒྱུ་རྐྱེན་མེད་པས་རྩོལ་ཞིང་བསྒྲུབ་མི་དགོས། །ལྷུན་གྱིས་གྲུབ་པས་སྤྱད་པའི་ལས་མི་དགོས། །ཡེ་ནས་ཡིན་པས་ཤེས་པར་བྱ་མི་དགོས། །རང་བྱུང་ཡིན་པས་རྒྱུ་དང་རྐྱེན་མི་དགོས། །བཟང་ངན་མེད་པས་བླང་དོར་བྱ་མི་དགོས། །དངོས་པོ་མེད་པས་མེད་པ་ཞེས་སུ་བཤད། །དངོས་སུ་མི་སྤོང་ཡེ་ཤེས་མ་འགགས་པས། །དེ་ལ་ཕྱལ་བ་ཞེས་སུ་བཏགས་པ་ཡིན། །སེམས་སུ་ཀུན་གཅིག་གཅིག་པུར་བཏགས་པ་ཡིན། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །ཡིད་ཆེས་བྱང་ཆུབ་སེམས་སུ་རྫོགས་པའི་ཕྱིར། །ལྷུན་གྱིས་རྫོགས་པ་ཞེས་སུ་ང་ཡིས་བསྟན། །ཅེས་དང་། ཀུན་བཟང་མ་ངེས་ནམ་མཁའ་འདྲ། །མི་རྟོག་གསལ་བའི་ངང་ལ་བཞག །སྒོ་ལྔ་མ་བཀག་རང་སར་བཞག །མ་བཙལ་རང་ལུགས་ཆེན་པོར་བཞག །མི་གཡོ་མཉམ་པའི་ངང་ལ་བཞག །མི་རྟོག་སྤྲོས་དང་བྲལ་བར་བཞག །གང་དུའང་ངོས་མི་བཟུང་བར་བཞག །སྣང་བ་མི་དགག་གང་ཤར་བཞག །རྟོག་མེད་གསལ་བའི་ངང་ལ་བཞག །གཉིས་མེད་མཉམ་པའི་ངང་ལ་བཞག །ལུས་ངག་ཡིད་གསུམ་གློད་དེ་བཞག །དེ་བཞིན་མ་བཅོས་རང་སར་བཞག །མ་ཆགས་ཞེན་དང་བྲལ་བར་བཞག །བསམ་པ་གང་དུའང་མ་ཞུགས་བཞག །ཤེས་པ་བསམ་སྤྱོད་མེད་པར་བཞག །ཅེས་དང་། སེམས་ཉིད་ཀུན་བཟང་ང་ཉིད་ནི། །སྟོན་པ་དང་ནི་བསྟན་པ་འཁོར་དུས་གནས། །ང་ལས་འབྱུང་བས་ཡེ་ནས་ཐིག་ལེ་སྟེ། །ང་ཡི་རང་བཞིན་ཐིག་ལེར་བསྟན་པ་ཡིན། །ཐིག་ལེ་ཡེ་ནས་སྤྲོས་པ་མེད་པའི་དོན། །སྙིང་པོ་མ་སྤྲོས་ཡེ་ནས་ཐིག་ལེ་ཡིན། །ཞེས་དང་། ཡུལ་ལ་རྟོག་པའི་ཡེ་ཤེས་དེ། །ཡུལ་ལས་བྱུང་བས་རང་བྱུང་མིན། །ཡུལ་མེད་ཙམ་ན་གསལ་མི་བྱེད། །རང་བྱུང་ཡེ་ཤེས་ཞེས་བྱ་བ། །ཡེ་ཤེས་ཡེ་ནས་ཤེས་པ་ཡིན། །ཞེས་དང་། བྱང་ཆུབ་སེམས་ཀྱི་རང་བཞིན་ནི། །ཆོས་ཀྱི་དབྱིངས་ཀྱི་ཕོ་བྲང་སྟེ། །དུས་གསུམ་སངས་རྒྱས་ཐམས་ཅད་དང་། །ཁམས་གསུམ་སེམས་ཅན་ཐམས་ཅད་ཀུན། །ཀློང་ཆེན་སེམས་ཀྱི་གནས་དེ་ན། །མི་གནས་པ་ནི་གང་ཡང་མེད། །ཅེས་དང་། བྱང་ཆུབ་སེམས་རྨད་དུ་བྱུང་བ་ལས། མ་སྐྱེས་པ་ཡི་ཆོས་རྣམས་ལ། །ངོ་བོ་མེད་དེ་སྒོམ་པའང་མེད། །ནམ་མཁའི་ཚུལ་དུ་རབ་སྦྱོར་བ། །དངོས་པོ་ཀུན་ཏུ་རབ་ཏུ་གྲགས། །ཆོས་རྣམས་རང་བཞིན་འོད་གསལ་བས། །གདོད་ནས་དག་པས་ནམ་མཁའ་བཞིན། །བྱང་ཆུབ་མེད་ཅིང་སེམས་ཅན་མེད། །བདག་ཏུ་མེད་པའི་ཆོས་ལས་བྱུང་། །ཞེས་དང་། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། རིག་པ་གང་ལའང་མ་ཆགས་པར་རང་བྱུང་ཡེ་ཤེས་སུ་ཐལ་བྱུང་བ་ནི་ངོ་བོའི་གཞི་ལ་རིག་པ་ཉིད་ཅིར་ཡང་མི་གནས་པར་ལམ་རྐྱེན་གྱི་ཆོས་གང་ལའང་ཆགས་པ་མེད་པ་སྟེ། གླང་པོ་ཆེ་སྨྱོན་པ་བཏགས་ན་འབྲོས་ཤིང་གཏོང་ན་འདུག་པ་དང་འདྲ། རང་གི་རིག་པ་བྱང་ཆུབ་ཀྱི་སེམས་ནུས་ན་ངན་འགྲོ། ཡན་པར་བཏང་ན་ལྡོག་པ་སྟེ། རང་བྱུང་རང་ཤར་མི་འགག་པའོ། །རིག་པ་ཅིར་ཡང་གར་ཡང་མི་སྤོང་པ་ཐུག་ཕྲད་པ་ནི་རིག་པ་གཞི་རང་སར་གྲོལ་བ་ལ་རྐྱེན་ཐམས་ཅད་བསྐུལ་མར་ཤེས་ནས་མེ་འབར་བ་ལ་ཤིང་བསྣན་པ་ལྟ་བུ་སྟེ། སྔར་ངོ་ཤེས་པའི་མི་དང་ཕྲད་པ་ཐེ་ཚོམ་ཟ་བ་བཞིན་དུ་དྲན་པ་དང་རིག་པ་ཅི་འགྱུར་བ་ཐམས་ཅད་ཡེ་ཤེས་ཟང་ཐལ་ཆོས་ཉིད་ཐུག་ཕྲད་དེ་དགག་སྒྲུབ་མེད་པའོ། །ཞེས་དང་། རིག་པ་ནམ་མཁའི་རྒྱ་ལམ་དང་འདྲ་སྟེ་བཙལ་བས་རྗེས་མེད་པའོ། །བཙལ་བར་བྱ་བའི་ཡུལ་རང་གི་སེམས་ཉིད་གཞན་ལ་བརྟེན་པ་ལྟར་བྱས་ནས་བཙལ་བ་རྗེས་མེད་པ་ནི། །ཁྱི་རྐུན་གྱིས་ཁང་སྟོང་བཙལ་བས་བཟའ་རྒྱུ་ཅང་མ་རྙེད་པ་བཞིན་དུ། རང་གི་སེམས་ལ་ཤེས་པ་ཁ་ནང་དུ་ལོག་ནས་བཙལ་བས་ཅི་ཡང་མ་མཐོང་ལ་གདགས་གཞི་དང་བྲལ་བའོ། །ཞེས་སོ། །རྨད་བྱུང་ལས། །དཀྱིལ་འཁོར་འཁོར་ལོ་ཞེས་བྱ་བ། །ཡེ་ཤེས་རྡོ་རྗེའི་ཐུགས་ལ་གནས། །རྡོ་རྗེ་ཡེ་ཤེས་མཆོག་ཉིད་ནི། །བདག་ཉིད་སྦྱོར་བས་བསྟན་པའོ། །ཞེས་དང་། ། ༈ བང་མཛོད་འཕྲུལ་གྱི་ལྡེའུ་མིག་ལས། ཉན་ཐོས་ལྟ་བ་རྣམ་པ་གཉིས། །བྱེ་བྲག་པ་དང་མདོ་སྡེའོ། །བྱེ་བྲག་དོན་དམ་རྡུལ་ཕྲན་ཆེ། །ཆ་མེད་ཕྱོགས་དང་བཅས་པར་འདོད། །མདོ་སྡེ་གཡག་རྔ་ནེའུ་གསིང་ཚུལ། །ཀུན་རྫོབ་ཚུལ་དུ་ཡོད་པར་འདོད། །རང་རྒྱལ་ཕྱོགས་གཅིག་དེ་དང་མཐུན། །དེ་ལས་ཁྱད་པར་འཕགས་པ་ནི། །རྣམ་པར་རིགས་གཅིག་མ་ཡིན་པའི། །གཟུགས་ལ་བདག་མེད་ཁྱད་པར་འཕགས། །ནང་ནི་ཤེས་པ་སྐད་ཅིག་མ། །སྐྱེ་འགགས་ཅན་དེ་རྒྱུ་རྐྱེན་མེད། །ཅེས་དང་། མདོ་སྡེའི་ལྟ་བ་རྣམ་གསུམ་སྟེ། །སེམས་ཙམ་སྤྱོད་པའི་དབུ་མ་དང་། །མདོ་སྡེ་སྤྱོད་པའི་དབུ་མ་དང་། །རྣལ་འབྱོར་སྤྱོད་པའི་དབུ་མ་དང་། །སེམས་ཙམ་དབུ་མ་རྣམ་གཉིས་ཏེ། །རྣམ་བཅས་རྣམ་པ་མེད་པའོ། །རྣམ་བཅས་ལ་ཡང་གཉིས་ཡོད་དེ། །རྣམ་པ་བདེན་པར་ལྟ་བ་ནི། །ཕྱི་ཡི་ཡུལ་དང་ནང་གི་སེམས། །དོན་དམ་དུ་ནི་འབྲེལ་མེད་ཀྱང་། །ཀུན་རྫོབ་ཙམ་དུ་འབྲེལ་བར་འདོད། །ནང་གི་ཤེས་པ་སྐད་ཅིག་མ། །སྐད་ཅིག་མ་ཡིས་མི་རྟག་སྟེ། །དེར་ནི་རྒྱུན་གྱིས་རྟག་པར་འདོད། །སྔ་མ་སྔ་མར་རྒྱུ་བྱས་ནས། །ཕྱི་མ་ཕྱི་མ་འབྲས་བུར་འདོད། །རྣམ་མེད་ལྟ་བའི་རྫུན་པ་ནི། །ཤེས་པ་བདེན་ཏེ་རྣམ་པ་རྫུན། །རྣམ་པར་ཤེས་དང་མགོ་མཉམ་དུ། །ཡང་དག་ཡོད་པ་མ་ཡིན་ཏེ། །དོན་དམ་དུ་ཡང་ཨ་ཅང་ཆེ། །ཀུན་རྫོབ་ཏུ་ཡང་འབྲེལ་མེད་འདོད། །ཤེས་པ་རང་རིག་རང་གསལ་ཙམ། །དེ་ལས་གཞན་པའི་ཆོས་མི་འདོད། །རྣམ་མེད་དག་གི་ལྟ་བ་ནི། །གཉིས་མེད་ཡེ་ཤེས་ལྟ་བུ་ལ། །རང་རིག་གསལ་བའི་ངོ་བོར་འདོད། །མདོ་སྡེ་སྤྱོད་པའི་དབུ་མ་ནི། །ཆོས་རྣམས་ཡུལ་སེམས་གཉིས་ཀ་འདོད། །ཡུལ་གྱི་རྒྱུ་ནི་ཕྲ་རབ་རྡུལ། །ཕྱོགས་བཤིགས་གཅིག་ནི་མ་གྲུབ་གྲུབ། །གཅིག་འགྲུབ་འགྲུབ་པའི་གཏན་ཚིགས་ཀྱིས། །གཅིག་གིས་བསགས་པའི་དུ་མ་ཡང་། །ཡང་དག་ཉིད་དུ་མི་འདོད་དོ། །རང་གི་རང་བཞིན་སྟོང་པར་འདོད། །ནང་གི་ཤེས་པ་སྐད་ཅིག་མ། །སྔ་མ་འགགས་ཤིང་མི་གནས་སྟོང་། །ད་ལྟར་འགགས་པར་གྱུར་པས་སྟོང་། །ཕྱིས་ནི་མ་འོང་མི་གནས་སྟོང་། །དུས་གསུམ་ཆ་ཡིས་སྟོང་པར་འདོད། །རྣལ་འབྱོར་སྤྱོད་པའི་ལྟ་བ་ནི། །ཕྱི་ཡི་ཡུལ་ལྟར་སྣང་བ་ནི། །ཀུན་རྫོབ་སྒྱུ་མའི་ཚུལ་ཅན་དུ། །འཇའ་ཚོན་སྒྱུ་མའི་ཚུལ་དུ་སྣང་། །སྟོང་ཞིང་སྣང་ལ་སྣང་ཞིང་སྟོང་། །སྣང་སྟོང་འབྱེད་པ་མེད་པར་འདོད། །ཅེས་དང་། གསང་སྔགས་ལྟ་བ་ཐུན་མོང་ནི། །བདེན་པ་གཉིས་ཀྱི་མུ་བཟུང་སྟེ། །དོན་དམ་སྐྱེ་འགགས་མེད་འདོད་པར། །ཀུན་ཀྱང་ཕྱག་རྒྱའི་དཀྱིལ་འཁོར་འདོད། །ཅུང་ཟད་ཕྱོགས་ཆ་མ་མཐུན་པས། །བྱ་བ་རྒྱུད་ཀྱི་ཐེག་པ་ནི། །ཆོ་ག་ཡན་ལག་བཅུ་གཅིག་གིས། །བྱིན་གྱིས་བརླབས་ནས་ལྷ་རུ་འདོད། །དེ་ཡང་རྗེ་དང་ཁོལ་གྱི་ཚུལ། །གཉིས་ཀའི་རྒྱུད་ནི་སྤུན་གྲོགས་ཚུལ། །རྣལ་འབྱོར་རྒྱུད་ཀྱི་ཐེག་པ་ནི། །བྱང་ཆུབ་ལྔ་དང་ཆོ་འཕྲུལ་བཞི། །ཡོངས་སུ་བརྟགས་ནས་ལྷ་རུ་འདོད། །དེ་ཡང་སྤུན་དང་གྲོགས་པོའི་ཚུལ། །བསྐྱེད་པ་མ་ཧཱ་ཡོ་ག་ཡིས། །ཏིང་འཛིན་གསུམ་དང་བསྙེན་སྒྲུབ་བཞི། །ཡོངས་སུ་སྦྱངས་ནས་ལྷ་རུ་འདོད། །ཡེ་ཤེས་དམ་ཚིག་ཚུལ་མི་འཛིན། །རྫོགས་པ་ཨ་ནུ་ཡོ་ག་ནི། །ཕུང་པོ་ཁམས་དང་སྐྱེ་མཆེད་རྣམས། །ལྷ་དང་ལྷ་མོའི་དཀྱིལ་འཁོར་དུ། །མ་བསྐྱེད་རྫོགས་པའི་ཚུལ་དུ་འདོད། །ཅེས་དང་། །རྫོགས་ཆེན་ཨ་ཏིའི་ལྟ་བ་ནི། །མ་འདྲེས་ཡོངས་སུ་རྫོགས་པ་ཡིན། །ཀུན་བྲལ་དྲི་མ་སྤངས་པ་ཡིན། །རྒྱ་ཆད་ཕྱོགས་ལྷུང་མེད་པ་ཡིན། །ཡིན་ཚུལ་ངེས་པ་མེད་པ་ལ། །སྣང་ཚུལ་ཅིར་ཡང་སྣང་བ་ཡིན། །རང་བཞིན་གཅིག་ཏུ་མ་ངེས་པས། །ལྟ་བ་ངོས་བཟུང་མེད་པ་ཡིན། །ཞེས་དང་། ཡང་འབྱེད་པ་དྲུག་སྡེ་ལས། ཉན་ཐོས་བདེན་བཞིའི་སྒོ་ནས་འཇུག །རང་རྒྱལ་རྟེན་འབྲེལ་སྒོ་ནས་འཇུག །མདོ་སྡེ་བདེན་གཉིས་སྒོ་ནས་འཇུག །ཀྲྀ་ཡ་དག་གསུམ་སྒོ་ནས་འཇུག །ཨུ་བྷ་ཡ་ལ་ངེས་པ་མེད། །ཆོ་ག་དག་གི་འཇུག་སྒོ་ནི། །མངོན་པར་བྱང་ཆུབ་ལྔའི་སྒོ་ནས། །མ་ཧཱ་ཡོ་གའི་འཇུག་སྒོ་ནི། །ཏིང་འཛིན་རྣམ་གསུམ་སྒོ་ནས་འཇུག །རྫོགས་དང་རྫོགས་པ་ཆེན་པོ་ནི། །དམིགས་མེད་དག་པའི་སྒོ་ནས་འཇུག །ཅེས་དང་། དབུ་མའི་ལྟ་བ་མི་མཐུན་ཏེ། །རྣམ་པར་ཤེས་དང་མགོ་མཉམ་དུ། །ལ་ལ་བདེན་པ་གཉིས་སུ་འདོད། །ལ་ལ་རང་རིག་འོད་གསལ་འདོད། །ལ་ལ་དག་གི་ལྟ་བ་ནི། །ཆོས་ཉིད་སྟོང་པ་ནམ་མཁར་འདོད། །ལ་ལ་རབ་ཏུ་མི་གནས་པ། །སེམས་དང་སེམས་ལས་བྱུང་པའི་ཆོས། །ཡེ་ཤེས་རྒྱུན་ཆད་ལྟ་བར་འདོད། །ཅེས་སོ། །ཡང་བང་མཛོད་ལས། དབང་པོ་རབ་ཀྱི་དོན་དུ་ནི། །ནང་གི་བསྐྱེད་རྫོགས་རྣམ་གསུམ་བསྟན། །དབང་པོ་འབྲིང་གི་དོན་དུ་ནི། །ཕྱི་ཡི་ཀྲྀ་ཡོ་ག་རྣམ་གསུམ་བསྟན། །དབང་པོ་ཐ་མའི་དོན་དུ་ནི། །སྡེ་སྣོད་གསུམ་གྱི་ཐེག་པ་བསྟན། །ཅེས་དང་། མཚན་ཉིད་རྒྱུ་ཡི་ཐེག་པ་ནི། །དགེ་སྡིག་ལས་ཀྱི་རྒྱུ་བྱས་ནས། །འབྲས་བུ་བདེ་དང་སྡུག་བསྔལ་འདི། །ཆོས་སྤྱོད་དགེ་བས་རྒྱུ་བྱས་ནས། །དེ་ཉིད་ལམ་དུ་ཁྱེར་བའི་ཕྱིར། །རྒྱུ་ཡི་ཐེག་པར་བཏགས་པ་ཡིན། འབྲས་བུ་རྡོ་རྗེ་ཐེག་པ་ནི། །ཕྱག་རྒྱའི་དཀྱིལ་འཁོར་ལམ་བྱས་ནས། །འབྲས་བུ་དེ་ཉིད་ལམ་དུ་ཁྱེར། །རང་གི་ལུས་ངག་ཡིད་གསུམ་ནི། །སྐུ་གསུང་ཐུགས་ཀྱི་རྡོ་རྗེར་སྦྱོར། །དེ་རིགས་རྡོ་རྗེའི་ཐེག་པར་བཏགས། །ཞེས་སོ། །རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། རྡོ་རྗེ་སེམས་དཔའ་ལ་སོགས་པ་རྣམས་ཉོན། ཨ་ཏི་ཡོ་གའི་རྒྱུད་འདི་ཉིད་ལ་སོགས་པ་རྣམས་ཀྱི་འོག་མིན་གནས་ཡུམ་གྱི་མཁའ་ཉིད་དུ། ཉིད་ཀྱིས་ཁྱེད་འདུས་པའི་འཁོར་རྣམས་བཤད་དེ། སྡུད་པ་པོ་འཇམ་དཔལ་དང་། སྤྱན་རས་གཟིགས་དང་། ཕྱག་ན་རྡོ་རྗེས་བསྡུས་ཏེ། ལྷ་གནས་གསུམ་དུ་གྲགས་ཏེ། དེ་ནས་གསེར་གྱི་གླེགས་བམ་ལ་བཻཌཱུཪྻ་ཞུན་མས་རང་ནན་དུ་བྲིས་ཏེ། འཛམ་བུའི་གླིང་གི་ལྷོ་ཕྱོགས་སུ་སྤྲུལ་པའི་སངས་རྒྱས་འབྱོན་པའི་གནས། རྡོ་རྗེ་གདན་དུ་བབས་ནས་སྤྱོད་པར་འགྱུར་རོ། །དེ་ཡང་མ་ཧཱ་ཡོ་གའི་རྒྱུད་ཐམས་ཅད་ནི་རྒྱལ་པོ་ཛཿཞེས་བྱ་བའི་ཁང་སྟེང་དུ་འབབ་པར་འགྱུར་ལ། ཨ་ནུ་ཡོ་གའི་རྒྱུད་ཐམས་ཅད་སིངྒ་ལའི་ནགས་ཚལ་དུ་འབབ་པར་འགྱུར་ཏེ། ཨ་ཏི་ཡོ་ག་རྫོགས་པ་ཆེན་པོའི་རྒྱུད་འདི་ཉིད་ལ་སོགས་པ་ཐམས་ཅད་ནི་དྷ་ན་ཀོ་ཥའི་གླིང་དུ་འབྱུང་ཞིང་དར་ནས་རྒྱས་པར་སྤྱོད་པར་འགྱུར་རོ། །གཞན་ཡང་ཕྱག་ན་རྡོ་རྗེ་ལ་སོགས་པས་ཡེ་ཤེས་ཀྱི་མཁའ་འགྲོ་མ་རྣམས་ལ་གཏད་ནས། སླད་ནས་ཀྱང་འབྱུང་ཞིང་རྒྱས་པར་འགྱུར་རོ། །དེ་ཉིད་ཀྱི་དུས་སུ་སྔར་བྱུང་བའི་རྒྱུད་སྡེ་རྣམ་གསུམ་ནི། བྱང་ཕྱོགས་འཛམ་བུའི་གླིང་གི་དབུས་ཡིན་པས་དེར་ཁྱད་པར་དུ་དར་བར་འགྱུར་ལ། རྡོ་རྗེ་གདན་གྱི་དྲུང་དུ་མི་སྤྱོད་པར་བྱང་ཆུབ་ཤིང་དྲུང་དུ་གཏེར་དུ་སྦེད་པར་འགྱུར་ཏེ། དེ་ཅིའི་ཕྱིར་ཞེ་ན། འདུལ་བའི་སྣོད་དུ་མ་གྱུར་པའི་ཕྱིར་རོ། །དེ་ཉིད་ཀྱི་དུས་ནི། སླད་ནས་འབྱུང་བ་རྣམས་དང་། བྱང་ཕྱོགས་ཀྱི་གནས་སུ་ནི། སྔར་བྱུང་བའི་རྒྱུད་སྡེ་རྣམ་པ་གསུམ་དང་། སླད་ནས་འབྱུང་རྒྱུད་རྣམས་དང་། གཉི་ག་དར་ཞིང་རྒྱས་པར་འགྱུར་ཏེ། གཞུང་བཞིན་དུ་སྤྱད་པ་རྣམས་ནི་རྡོ་རྗེ་འཆང་གི་གོ་འཕང་ཐོབ་པར་འགྱུར་ལ། དེ་ལོག་པར་སྤྱད་ཅིང་མ་ཉམས་པ་རྣམས་ནི་དེ་ལས་གཞན་དུའང་ཡིན་ནོ། །དེ་ཡང་རྒྱུད་འདི་ཉིད་རྟགས་ཙམ་འཛིན་པའི་དུས་འབྱུང་ཉེ་བ་ན། རྣལ་འབྱོར་སྐལ་བ་དང་ལྡན་ཅིང་ཚོགས་བསགས་པ་རྣམས་ཀྱིས་སྤྱོད་ཅིང་དར་ནས། རིག་པ་སྟོང་གསལ་རྟོགས་ཏེ་སངས་རྒྱས་ཀྱི་ས་ལ་གནས་པར་འགྱུར་རོ། །ཞེས་སྣང་ངོ་། ། ༈ ཕུར་པ་རྡོ་རྗེ་ཁྲོས་པ་རྩ་བའི་རྒྱུད་ལས། སྐྱེ་མེད་ཐབས་དབྱིངས་ཕུར་བ་ནི། །མཉམ་ཉིད་སྐྱེ་བ་མེད་པས་ཐེབས། །ཐུགས་རྗེ་སྤྲུལ་པ་ཐུགས་རྗེ་ཡིས། །ལོག་པར་འཁྱམས་པ་རྣམས་ལ་གདབ། །གསང་བ་བྱང་སེམས་ཕུར་པ་འདི། །རྟོག་ཚོགས་བརྡུང་ཕྱིར་ཡུམ་མཁར་གདབ། །འདུས་བྱས་རྫས་ཀྱི་ཕུར་པ་འདིས། །བསྒྲལ་བའི་ཞིང་བཅུར་གྱུར་རྣམས་གདབ། །ཅེས་དང་། ཐུགས་རྗེ་འགྲོ་བའི་བཤད་རྒྱུད་ལས། རྡོ་རྗེ་སེམས་དཔའི་བྱིན་རླབས་ཀྱིས། །སེམས་ཉིད་མཁའ་དང་མཚུངས་པར་ཡོད། །ཆོས་སྐུ་མངོན་སུམ་རྟོགས་པའི་ཚེ། །མཆོག་གི་དབང་དུ་དེ་ཉིད་དེས། །རྡུལ་ཚོན་ལུས་དང་བྱང་ཆུབ་སེམས། །དེ་བཞིན་ཉིད་ཀྱི་དཀྱིལ་འཁོར་མཆོག །བསྟེན་ནས་དབང་རྣམས་ཡང་དག་བསྐུར། །བུམ་པ་གསང་བ་ཤེས་རབ་དང་། །བཞི་པ་མཆོག་གི་དབང་ཆེན་ཡིན། །ཞེས་དང་། ཕུར་བ་རྣམ་པ་བཞི་ཡིན་ཏེ། །ཆོས་ཉིད་དོན་གྱི་ཕུར་བ་དང་། །རིག་པ་ཡེ་ཤེས་ཕུར་བ་དང་། འདུས་བྱས་རྫས་ཀྱི་ཕུར་པ་དང་། །བརྟེན་པ་ལུས་ཀྱི་ཕུར་པའོ། །འདུས་བྱས་རྫས་ཀྱི་ཕུར་པ་ནི། །དངུལ་ལམ་འོ་མ་ཅན་གྱི་ཤིང་། །ཟངས་སམ་ཙནྡན་དམར་པོའི་ཤིང་། །ལྕགས་སམ་རྐང་དང་ཚེར་མའི་ཤིང་། །གསེར་རམ་འོ་སེ་སེར་པོའི་ཤིང་། །སོར་བརྒྱད་སོར་དྲུག་བཅུ་གཉིས་དང་། །བཅུ་དྲུག་ཕུར་པའི་ཚད་ཡིན་ནོ། །ཟླུམ་དང་གྲུ་བཞི་ཟླ་གམ་དང་། །ཟུར་གསུམ་དབྱིབས་སུ་ངེས་པ་ཡིན། །ཞེས་དང་། ཚེ་ནི་རྣམ་པ་གསུམ་ཡིན་ཏེ། །མི་འགྱུར་མི་འཕྲོག་རྡོ་རྗེའི་ཚེ། །ཉམས་ཤིང་འཕོ་བ་ཐིག་ལེའི་ཚེ། །འཁྲུལ་ཞིང་རྟོག་པ་སྣང་བའི་ཚེ། །ཞེས་དང་། ཤིང་ལྕགས་གཉིས་ཀྱི་ཚད་དང་དབྱིབས། །སོར་བརྒྱད་ཚད་དུ་རྫོགས་པ་ལ། །དབུ་ཡི་རྒྱ་མདུད་སོར་གཅིག་སྟེ། །ཟུར་གསུམ་བརྒྱད་དང་གྲུ་བཞི་ལྔ། །ཧཱུྃ་མཛད་ཁྲག་འཐུང་ལྔ་རྫོགས་ཏེ། །སོར་གཉིས་ལྟེ་བ་ཡན་ཆད་ལ། །གཅུམས་གཞོག་བརྒྱད་དུ་ཡང་དག་ཤེས། །ཁྲོ་རྒྱལ་མགོ་བརྙན་བཅུ་དྲུག་རྫོགས། །སོར་གཅིག་ལྟེ་བ་གསུངས་པ་སྟེ། །སྒོ་བཞི་སྒོ་མ་བཞི་དང་ལྡན། །འོག་གི་སྟོབས་ཆེན་དེ་ཉིད་དོ། །སོར་གཅིག་བཙོས་པོ་གཙོ་བོའི། མཚན་མ་སྟེ། །ཆུ་སྲིན་ཁ་རུ་ཡང་དག་རྫོགས། །དྲག་པོ་མཁའ་འགྲོའི་དཀྱིལ་འཁོར་ཡིན། །སོར་གསུམ་དཔལ་དང་ལྡན་པ་སྟེ། །ཡུམ་ཆེན་ལྔ་ཡི་དཀྱིལ་འཁོར་ཡིན། །བཅུ་གཉིས་ལྡན་ན་དབུས་དེ་གཙོ། །སོར་རེ་ཡིན་ཞིང་སྐུ་སྟོད་ལ། །སོར་གསུམ་ལྡན་པ་རྫོགས་པར་བྱས། །གཞན་དྲུག་དཔལ་དུ་ཤེས་པར་བྱ། །སོར་དྲུག་བརྒྱད་འདྲ་ཆུང་བ་ཉིད། །སོར་ནི་བཅུ་དྲུག་ལྡན་པ་ལ། །སོར་གཉིས་དབུ་ཡིན་སྐུ་སྟོད་བཞི། །ལྟེ་བ་གཉིས་ལ་མཚན་མ་གཉིས། །དྲུག་ནི་དབལ་དུ་རྫོགས་པ་ཡིན། །ཆག་ཚད་ལྡན་པས་རྟགས་མྱུར་རོ། །རབ་གནས་རྩེ་གཅིག་ཡིད་ཀྱིས་རྫོགས། །རང་གི་ལུས་ཉིད་ཕུར་པ་སྟེ། །མགོ་བོ་རྒྱ་མདུད་གོང་མ་ཡིན། །སྐུ་སྟོད་གཅུམ་གཞོག་བརྒྱད་ཡིན་ནོ། །ལྟེ་བ་རྒྱ་མདུད་འོག་མ་ཡིན། །བཙོས་པོ་མཚན་མ་ཆུ་སྲིན་ཁ། །རྐང་པ་གཉིས་ནི་དཔལ་དུ་ཤེས། །ལུས་ཀྱི་ནང་དུ་ལྷ་རྫོགས་པས། །ཕུར་པ་གཅིག་ཏུ་བསྒྲུབས་པ་ཡིན། །ཞེས་དང་། ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕུར་པ་རང་བྱུང་ངེས་པ་ལ། །དབྱེ་བ་རྣམ་པ་བཞི་ཡིན་ཏེ། །རང་རིག་ཡེ་ཤེས་ཕུར་པ་ཡིས། །ཡུལ་ཆོས་དབྱིངས་ལ་གདབ་པ་དང་། །ཐུགས་རྗེ་ཆེན་པོའི་ཕུར་པ་ཡིས། །ཁམས་གསུམ་སེམས་ཅན་ལ་གདབ་དང་། །གསང་བ་བྱང་སེམས་ཕུར་པ་ཡིས། །ཡུམ་གྱི་མཁའ་ལ་གདབ་པ་དང་། །མཚན་མ་རྫས་ཀྱི་ཕུར་པ་ཡིས། །ཉམས་པ་བདུན་ལ་གདབ་པའོ། །ཞེས་དང་། རྡོ་རྗེ་གཉིས་སུ་མེད་པ་སྟེ། །མི་འགྱུར་ཆོས་ཀྱི་སྐུ་རུ་བཤད། །ཕུར་པ་ཡེ་ཤེས་གཉིས་མེད་དོན། །དབྱིངས་དང་ཡེ་ཤེས་འབྲེལ་བར་བཤད། །ཅེས་དང་། སློབ་དཔོན་སྟ་གོན་གནས་པ་དང་། །སློབ་མ་ལྷ་དང་བུམ་པ་རྣམས། །སྟ་གོན་གནས་པར་བཤམ་པར་བྱ། །ཞེས་དང་། རྡོ་རྗེ་ཆོས་དབྱིངས་མི་འགྱུར་བ། །གཞོན་ནུ་གཟུགས་སྐུ་རྣམ་གཉིས་སོ། །ཞེས་དང་། སྲེག་པ་མེ་ཡི་ལས་ལ་བསྒྱུར། །མནན་པ་ས་ཡང་དེ་བཞིན་ཏེ། །འཕང་བ་ཟོར་དུ་ཤེས་པར་བྱ། །ཞེས་སོ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ཀྱི་ལེའུ་༢༧ནས་སྔགས་བཏུ་ཡོད། ཕུར་པ་ཕྲིན་ལས་ཀྱི་རྒྱུད་ལས། ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་རྒྱལ་པོ་བྱིན། །ཞེས་དང་། དེ་ནས་གསང་བའི་དབང་བསྐུར་ཏེ། །རྒྱལ་རིགས་རྗེའུ་རིགས་བྲམ་ཟེ་ཡི། །རིགས་ཅན་བུ་མོ་མཚན་ལྡན་མ། །བཅུ་གཉིས་བཅུ་དྲུག་བཅོ་བརྒྱད་ལོན། །སིཧླ་ག་བུར་ཡོད་པ་ཡིན། །བུ་མོའི་མཚན་མ་འདི་དག་ལྡན། །ཤ་རྩི་དཀར་ཞིང་སོ་ཚགས་དམ། །སྐྲ་ནི་ལྕང་ལོ་གཡས་སུ་འཁྱིལ། །མིག་ནི་དཀྱུས་རིང་ཨུཏྤལ་འདྲ། །སྨིན་མཚམས་བར་ནི་མ་ཆད་ཅིང་། །བརྟུལ་ཞུགས་སྤྱད་པ་སྤྱོད་ནུས་པ། །ཡང་ན་མཚན་ལྡན་བུ་མོ་ནི། །ཨུཏྤལ་བཞིན་དུ་སྔོ་བསང་མ། །ར་བ་བཞི་ཡི་ཉ་བཞི་ལ། །བཟུང་ཐབས་བཞི་ཡི་འགྱུར་བྱེད་ཅིང་། །རྟོག་མེད་སྙིང་རྗེ་ཆོས་ལ་དད། །དེ་ལྡན་གསང་བའི་དབང་བསྐུར་རོ། །དངོས་གྲུབ་རྟགས་ཀྱི་ཕྱག་རྒྱ་ཡིས། །གསང་བའི་མན་ངག་དེ་དབང་བསྐུར། །དྲོད་གསུམ་དང་ནི་ལྡན་བྱས་པའི། །དབང་གསུམ་དམ་ཚིག་ལྡན་ལ་སྦྱིན། །བདེ་བས་མྱོས་པ་བརྒྱལ་བར་འགྱུར། །མན་ངག་དབང་བསྐུར་དེ་བཞིན་བྱ། །ཤེས་རབ་ཡེ་ཤེས་དབང་བསྐུར་བ། །མཚན་ལྡན་ཤེས་རབ་དག་ལ་ནི། །སྣ་ཚོགས་དྲི་ཡིས་རབ་བརྒྱན་ཅིང་། །བསྲུབས་དང་སྲུབ་བའི་ཐབས་དག་ལ། །མི་རྟོག་པ་ནི་རབ་ཏུ་སྐྱེ། །དགའ་དང་མཆོག་ཏུ་དགའ་བ་དང་། །མངོན་དགའ་རང་བཞིན་དགའ་བ་སྟེ། །རྡོ་རྗེ་དབྱིངས་ཀྱི་དབང་ཕྱུག་མ། །བགྲོད་བྱེད་མན་ངག་དག་གིའོ། །ཞེས་དང་། བཞི་པའི་དབང་ནི་བསྐུར་བྱ་སྟེ། །རླུང་གི་རང་བཞིན་ངེས་ཤེས་ཤིང་། །བོ་ལ་ཀཀྐོ་ལ་སྦྱར་ལ། །རང་བཞིན་བདེ་བསྐོར་ཕན་ཚུན་འབྱུང་། །གཟུང་དུ་མེད་ཅིང་བརྗོད་དུ་མེད། །རྟོག་པ་ཀུན་དང་བྲལ་བ་ཡི། །རང་བཞིན་འོད་གསལ་དེར་གནས་པ། །ཚིག་སོགས་དབང་གི་རང་བཞིན་བྱིན། །རྟོགས་པའི་བག་ཆགས་འཇོམས་པར་བྱེད། །ཅེས་དང་། ལས་ཀྱི་རླུང་ནི་སྲོག་ཏུ་བཤད། །སེམས་ཅན་གཟུགས་སུ་བྱེད་པ་ཡིན། །བྱེད་པའི་རླུང་ནི་གཉིས་ཡིན་ཏེ། །རྒྱུ་དང་འབྲས་བུ་རྣམ་གཉིས་སོ། །རྒྱུ་ནི་རྣམ་ལྔར་ཤེས་པར་བྱ། །ཁྱབ་བྱེད་ཐུར་དུ་སེལ་བ་དང་། །མེ་དང་མཉམ་དུ་གནས་པའི་རླུང་། །སྲོག་དང་གྱེན་དུ་འགྲོ་བའི་རླུང་། །རྒྱུ་ཞེས་རབ་ཏུ་བཤད་པ་ཡིན། །འབྲས་བུའི་རླུང་ནི་རྣམ་ལྔ་སྟེ། །རྒྱུ་དང་རྣམ་པར་རྒྱུ་བ་དང་། །ཡང་དག་རྒྱུ་དང་རབ་ཏུ་རྒྱུ། །དེ་བཞིན་ངེས་པར་རྒྱུ་བའོ། །རླུང་ནི་བཅུ་པོ་དེ་དག་གིས། །ལས་ནི་རྣམ་པར་བྱེད་པས་ན། །བྱེད་པའི་རླུང་ཞེས་རབ་ཏུ་བཤད། །རླུང་ནི་བཅུ་པོ་འདི་རྣམས་ཀྱིས། །འཁོར་ལོའི་གནས་ནི་ཐམས་ཅད་དུ། །བྱང་ཆུབ་སེམས་ནི་འཕོ་བར་བྱེད། །བདེ་བའང་དེ་བཞིན་དེར་བསྐྱེད་དེ། །སྟེང་གི་འཕོ་བ་ཞེས་ནི་གྲགས། །འདིའི་ལེའུ་བར་སྔགས་བཏུ་མང་། ཞེས་སོ། །ཚོགས་ཀྱི་ལེའུར༡༣། རྣལ་འབྱོར་ཕོ་མོ་གཡས་དང་གཡོན། །ལུས་ངག་བརྡས་མཚོན་སོ་སོར་མཆོད། །ཅེས་དང་། ཚོགས་ཀྱི་འཁོར་ལོའི་དུས་དག་ཏུ། །རྐང་བ་བརྐྱང་བར་མི་བྱ་ཞིང་། །ཕྱི་རོལ་གཏམ་ཡང་རབ་ཏུ་སྤངས། །མི་དགོད་གསང་བའི་ངག་ལ་གནས། །ལྷ་ཡི་གྲངས་ནི་དེ་བཞིན་དུ། །ཕྱི་ནང་གསང་བའི་མཆོད་པ་ཡང་། །ལྷ་རྣམས་ལ་ནི་རབ་ཏུ་དབུལ། །ཞལ་ཟས་ཚོགས་ལ་ལོངས་སྤྱོད་ཅིང་། །དཔའ་བོ་དཔའ་མོ་མཉམ་འབྱུང་ལ། །བྱང་ཆུབ་སེམས་ཀྱི་བདེ་བས་མཆོད། །ཉོན་མོངས་རྣམ་པར་རྟོག་པ་ཡང་། །དེ་ཡི་འོད་ཟེར་དག་གིས་བསྲེགས། །ཕྱི་རོལ་བར་ཆད་བྱེད་རྣམས་ལ། །འོད་ཟེར་དག་གིས་བསྲེག་པར་བྱ། །བརྟུལ་ཞུགས་ཆེན་པོའི་སྤྱོད་པ་ཡིས། ཚོགས་ཀྱི་འཁོར་ལོ་བྱ་བ་ཡིན། །རྟོག་པ་ཅན་ལ་ཚོགས་འཁོར་གསང་། །དཔའ་བོ་དཔའ་མོ་བརྟུལ་ཞུགས་ལྡན། །དམ་ཚིག་ཅན་གྱིས་ཚོགས་འཁོར་བྱ། །རྡོ་རྗེའི་གླུ་ནི་རབ་ཏུ་བླངས། །མཁའ་འགྲོའི་ཚོགས་ལ་གཏོར་མ་སྦྱིན། །ཅེས་དང་། དམ་ཚིག་ལྡན་པའི་རྣལ་འབྱོར་པས། །ལས་འདི་ལ་ནི་བརྩོན་པར་བྱ། །ཚོགས་ཀྱི་འཁོར་ལོ་རབ་འབྲིང་གསུམ། །ཕྱི་ནང་གསང་བ་གསུམ་ཞེས་བྱ། །དམ་ཚིག་ཉམས་པ་བསྐང་པའི་ཕྱིར། །ནང་གི་ཚོགས་ཀྱི་འཁོར་ལོར་བྱ། །ཚོགས་མཆོད་བསོད་ནམས་བསྐྱེད་དུས་ཕྱི། །མི་རྟོག་ཡེ་ཤེས་བསྐྱེད་དུས་སུ། །གསང་བའི་ཚོགས་ཀྱི་འཁོར་ལོ་བྱ། །ཚོགས་འཁོར་དེ་གསུམ་གང་གིས་ཀྱང་། །སྒྲིབ་སྦྱོང་རྣམ་གྲོལ་ལམ་ལ་འགོད། །ཅེས་སོ། །ཕུར་པ་ཟ་བྱེད་ཡཀྴ་འབར་བའི་རྒྱུད་ལས། གཏོར་མ་ལས་རབ་ཀུན་གྱི་མཆོག །ལས་རྣམས་ཀུན་གྱི་སྔོན་དུ་འགྲོ། །ཞེས་དང་། བདུད་རྩི་ཡེ་ཤེས་ལྔ་ལྡན་པ། །བྱིན་རླབས་གཞུང་ནས་བྱུང་བའི་རྫས། །ཕུལ་ནས་དམ་བསྐང་ལས་གཉིས་རྫོགས། །ཞེས་དང་། རཀྟ་ཆགས་པའི་རང་བཞིན་ནི། །དབང་དུ་འདུས་ཤིང་ལས་རྣམས་བྱེད། །རྨད་བྱུང་དམ་རྫས་ཀུན་གྱི་མཆོག །ཅེས་སོ། །ཡང་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། གནས་པ་རྩ་ལ་གཡོ་བ་རླུང་། །མི་ཤིགས་བྱང་ཆུབ་སེམས་སུ་བསྟན། །ཅེས་གསུངས། ། ༈ རྫོགས་པ་ཆེན་པོ་ནམ་མཁའ་ཀློང་ཡངས་ཀྱི་རྒྱུད་ལས། ཕྱི་རོལ་ཡུལ་གྱི་ཐ་སྙད་ལ། །དམ་པར་ཞེན་པའི་རྟོག་པ་ཡིས། །བྱུང་ཚོར་རྗེས་སུ་མ་འབྲེངས་པས། །འཇིག་རྟེན་ཕལ་བར་དེ་མི་གོལ། །རང་རིག་སེམས་ཀྱི་སྙིང་པོ་འདི། །དྲན་རྟོག་བློ་ཡི་རྣམ་པ་ཡིས། །ཡོད་མེད་ཡུལ་དུ་མ་བསྒོམས་པས། །རྟག་ཆད་མཐར་ནི་དེ་མི་གོལ། །ལུང་རིགས་མན་ངག་ལ་བརྟེན་ནས། །ཐོས་བསམ་ལྟ་བས་ཡིད་ཆེས་པས། །ཤེས་རབ་ཟབ་མོའི་དོན་ཟིན་པས། །ལུང་མ་བསྟན་དུ་དེ་མི་ཚོལ། །མི་དམིགས་དོན་ལ་བློ་བརྟན་ཅིང་། །བྱིང་རྒོད་རྣམ་གཉིས་བསལ་བ་ཡིས། །བྱིང་རྒོད་རོ་ལ་མ་ཞེན་པས། །སེམས་འཛིན་བསམ་གཏན་སར་མི་གོལ། །ཕྱི་རོལ་ཡུལ་གྱི་སྣང་བ་ལ། །རང་གི་སེམས་དང་མ་འབྲེལ་ཕྱིར། །སྒོ་ལྔའི་རྣམ་ཤེས་མ་འགགས་པས། །འདུ་ཤེས་མེད་པར་དེ་མི་གོལ། །རང་བྱུང་རང་སྣང་འདི་ཉིད་ལ། །སེམས་ཀྱི་རྩོལ་པའི་གཉེན་པོ་ཡིས། །རྣམ་རྟོག་མ་སྤངས་རང་ཞི་བས། །ཉན་ཐོས་འགོག་པར་དེ་མི་གོལ། །ཕྱི་རོལ་རྟེན་འབྲེལ་བཅུ་གཉིས་ལ། །བརྟེན་ནས་སེམས་ཀྱི་རྒྱུ་བ་ཡི། །རྟོག་བཀག་སྟོང་པར་མི་བསྒོམ་པར། །རང་རྒྱལ་སེམས་སུ་དེ་མི་གོལ། །ཡུལ་རྣམས་སེམས་སུ་བློས་བསྡུས་ནས། །དོན་དམ་རང་གི་ཤེས་པའི་དོན། །རང་རིག་སྐད་ཅིག་མ་བསྒོམས་པས། །སེམས་ཙམ་ལྟ་བར་དེ༴ ཡུལ་འདི་ཀུན་རྫོབ་བློས་བྱས་ཏེ། །གཏན་ཚིགས་དག་གིས་གཞིག་བྱས་ནས། །མཚན་མ་སྟོང་པར་མ་བསྒོམས་པས། །དབུ་མ་གཉིས་སུ་དེ་མི་གོལ། །ཞེས་དང་། ཆོས་ཉིད་དག་པའི་ངང་ལས་ནི། །རིགས་གསུམ་དཀྱིལ་འཁོར་ལྷར་མ་བསྐྱེད། དབང་བཞིའི་ཏིང་འཛིན་མ་བསྒོམས་པས། །ཀྲྀ་ཡའི་ཐེག་པ་དེ༴ ལྟ་བ་ཡོ་གར་བལྟ་བ་དང་། །སྤྱོད་པ་ཀྲྀ་ཡར་འཇུག་པའི་ཕྱིར། །རྣམ་གཉིས་འཛིན་པར་མ་བསྒོམས་པས། །ཨུ་པ་ཡང་ནི་དེ་མི་གོལ། །ཆོས་ཀྱི་དབྱིངས་ཀྱི་ཡེ་ཤེས་ན། །ཆོ་འཕྲུལ་ལྷ་ཡི་ང་རྒྱལ་གྱིས། །བྱང་ཆུབ་རྣམ་ལྔ་མ་བསྒོམས་པས། །ཡོ་གའི་སེམས་དཔར་དེ་མི་གོལ། །ཕུང་པོ་ཁམས་དང་སྐྱེ་མཆེད་ཀྱིས། །རྟོག་ཚོགས་དགྲ་རྣམས་མང་པོ་ཡིས། །རྣམ་རྟོག་ལྷར་ནི་མ་བསྒྱུར་བས། །མ་ཧཱ་ཡོ་གར་དེ་མི་གོལ། །ལས་ཀྱི་ཕྱག་རྒྱ་གཞིར་བཞག་ནས། །རྩ་རླུང་ཐིག་ལེའི་བདེ་བ་ཡིས། །ཐབས་ཀྱིས་ཟིན་པར་མ་བསྒོམས་པས། །ཆགས་པའི་ལམ་དུ་དེ༴ ཀུན་གཞི་དག་པའི་མཁའ་ཀློང་དུ། །བདེ་ཆེན་གཉིས་མེད་རིག་པའི་རྩལ། །འདུ་འབྲལ་མེད་འཇོག་ཡིད་ཆེས་པས། །ཨུ་ནུ་ཡོ་གར་དེ་མི་གོལ། །ཞེས་དང་། དད་པ་མངོན་དུ་དྲན་བྱས་པས། །མི་དམིགས་དག་ལ་མ་བརྟེན་ཀྱང་། །བྱིང་རྒོད་གཉིས་ཀྱི་སྐྱོན་བྲལ་ནས། །ཞི་གནས་བསམ་གཏན་དེ་ལ་རྫོགས། །ཕྱི་ནང་ཆོས་རྣམས་ཐམས་ཅད་ཀུན། །སོ་སོར་རྟོག་པའི་ཡེ་ཤེས་ཀྱིས། །སྒྱུ་མ་ལྟ་བུར་རབ་ཤེས་པས། །རང་བཞིན་མེད་པའི་ལྷག་མཐོང་རྫོགས། །འཇིག་རྟེན་གོལ་བར་དོན་རྟོགས་པས། །སེར་སྣར་འཛིན་པའི་སེམས་མེད་ཕྱིར། །རེ་བ་མེད་པའི་བསམ་པ་ཡིས། །སྦྱིན་པའི་ཕ་རོལ་ཕྱིན་པ་རྫོགས། །མ་ནོར་ཁྲིམས་ལས་མི་འདའ་ཕྱིར། །ལུས་ངག་ཡིད་ཀྱི་ལས་རྣམས་ཀུན། །མི་དགེ་ཉེས་བྱས་མི་འབྱུང་བས། །ཚུལ་ཁྲིམས་ཕ་རོལ་ཕྱིན་པ་རྫོགས། །ཟབ་དང་རྒྱ་ཆེའི་ལྟ་བ་ཡིས། །ཡིན་དང་མིན་པའི་ཆོས་རྣམས་ཀུན། །ཆོས་ཀྱི་དབྱིངས་སུ་ཀུན་ཤོང་བས། །བཟོད་པའི་ཕ་རོལ་ཕྱིན་པ་རྫོགས། །ངོ་བོ་ཉིད་ལས་འབྲལ་མེད་ཕྱིར། །ཆེད་དུ་མ་བསྒོམ་ད་ལྟ་ཉིད། །ལྟ་བའི་དོན་ལ་ཡེངས་མེད་པས། །བརྩོན་འགྲུས་ཕ་རོལ༴ གཞི་གསུམ་དུས་སུ་འབྲལ་མེད་པས། །ཡེ་ཤེས་ཀུན་ཏུ་རྒྱུན་མི་འཆད། །སྙིང་པོའི་དོན་ལས་མ་གཡོས་པས། །བསམ་གཏན་ཕ་རོལ་ཕྱིན༴ དང་པོར་འཁོར་བའི་རྩད་ཚོད་པས། །ཡེ་ཤེས་རིག་པར་ངོས་འཛིན་ཕྱིར། །ཡིད་ཆེས་གདིང་གི་ཐག་ཆོད་པས། །ཤེས་རབ་ཕ་རོལ་ཕྱིན་པ་རྫོགས། །ད་ཡང་འདུས་པའི་འཁོར་རྣམས་ཉོན། །ཕྱི་རོལ་ཡུལ་གྱི་སྣང་བ་ལ། །སྤོང་སྡུད་ཞེན་པ་མེད་པའི་ཕྱིར། །སྣང་བ་གང་ཡང་མི་འགོག་པས། །ཐབས་ཀྱི་ཕ་རོལ་ཕྱིན༴ ཚེ་རབས་སྔོན་ནས་སྦྱངས་པའི་ཕྱིར། །མི་གནས་བླ་མེད་དོན་རྟོགས་པས། །ད་ལྟ་ཉིད་དུ་རང་གི་སེམས། །སྨོན་ལམ་ཕ་རོལ་ཕྱིན༴ རང་སེམས་སྙིང་པོ་རྟོགས་པའི་ཕྱིར། །མ་རིག་སྒྲིབ་པ་ཟིལ་གནོན་ནས། །ལུས་ངག་རྩོལ་བ་མི་དགོས་པས། །སྟོབས་ཀྱི་ཕ་རོལ་ཕྱིན༴ འཁོར་འདས་གཉིས་མེད་གོང་རོལ་ཏུ། །སྐྱེ་ཤི་མེད་པར་ཐག་ཆོད་པས། །བྱང་ཆུབ་སེམས་ལ་འགྱུར་བ་མེད། །ཡེ་ཤེས་ཕ་རོལ་ཕྱིན་པ་རྫོགས། །ཞེས་དང་། ལྟ་བ་ངེས་པའི་གདེང་ཟིན་ནས། །མི་རྟོག་ཡེ་ཤེས་བགེགས་བསལ་བ། །རྣམ་པར་རྟོག་པའི་གེགས་མེད་ཕྱིར། །ཕྱི་ནང་མཚམས་གཅོད་དེ་ལ་རྫོགས། །ཡེ་ནས་ངོ་བོ་ཉིད་སྐུའི་དབྱིངས། །བསྒྲུབ་ཏུ་མེད་པའི་ཆོས་ཉིད་ལ། །མ་རིག་རྣམ་རྟོག་སྒྲིབ་པ་མེད། །དོན་གྱི་བཤགས་པ་དེ་ལ་རྫོགས། །སངས་རྒྱས་སེམས་ཅན་གཉིས་མེད་ཕྱིར། །ཡུལ་དང་དབང་པོ་མི་འབྱེད་པ། །གཉིས་མེད་དོན་གྱི་ཀློང་ཁྱབ་པས། །བྱིན་ཆེན་དབབ་པ་དེ་ལ་རྫོགས། །ཞེས་དང་། ངོ་བོ་ཉིད་ཀྱི་སྙིང་པོ་ལ། །སངས་རྒྱས་སེམས་ཅན་རྒྱུ་གཅིག་ཕྱིར། །ཆེད་དུ་བྱ་མེད་རང་རིག་པ། །སྤྱན་དྲངས་རིམ་པ་དེ་ལ་རྫོགས། །ཞེས་དང་། ཐམས་ཅད་འདྲེན་པ་ཆེན་པོ་ལ། །རྣམ་པར་གྲོལ་བ་མཚོན་པའི་ཕྱིར། །རིག་པའི་དོན་འདི་གསལ་ཐེབས་པས། །ནན་ཏན་ཕྱག་རྒྱ་དེ་ལ་རྫོགས། །ལུས་ངག་ལས་ཀྱི་རྣམ་པ་ལ། །དྲན་པའི་དོན་གྱིས་ཟིན་པའི་ཕྱིར། །བསྒུལ་བསྐྱོད་ཐམས་ཅད་ཡེ་ཤེས་ལ། །ཕྱག་རྒྱའི་མཆོད་པ་དེ་ལ་རྫོགས། །ཞེས་དང་། འཁོར་དང་མྱ་ངན་འདས་པའི་ཆོས། །ཐིག་ལེ་གཅིག་ཏུ་འདུས་པའི་ཕྱིར། །ཅི་སྤྱོད་རང་གི་ལུས་ངག་ལ། །དཀྱིལ་འཁོར་བསྡུ་བ་དེ་ལ་རྫོགས། །ཞེས་སོ། ། ༈ དཔལ་དུས་ཀྱི་འཁོར་ལོའི་རྒྱུད་ལས། རྡུལ་ཚོན་དཀྱིལ་འཁོར་བྲིས་ནས་ནི། །གཤིན་ལ་གསོན་བཞིན་དབང་བསྐུར་ན། །ངན་སོང་གསུམ་དུ་སྐྱེས་ན་ཡང་། །དེ་ཉིད་གྲོལ་བར་ཐེ་ཚོམ་མེད། །ཅེས་དང་། གུར་ལས། རྡུལ་ཚོན་དཀྱིལ་འཁོར་བྲིས་ནས་ནི། །གཤིན་ལ་གསོན་བཞིན་དབང་བསྐུར་ན། །ངན་སོང་གསུམ་དུ་སྐྱེས་ན་ཡང་། །དེ་ཉིད་སྐྱེས་ནས་ཐར་བར་འགྱུར། །ཞེས་དང་། སྦྱོང་རྒྱུད་ལས། གང་ཡང་རུང་བའི་ཤི་བའི་ལུས་དཀྱིལ་འཁོར་དུ་བཅུག་སྟེ་དབང་བསྐུར་ན། སེམས་ཅན་དམྱལ་བར་སྐྱེས་ན་ཡང་སྐྱེས་མ་ཐག་ཏུ་རྣམ་པར་ཐར་ནས་ལྷའི་རིགས་སུ་སྐྱེ་བར་འགྱུར་རོ། །ཞེས་སོ། ། ༈ སངས་རྒྱས་ཐམས་ཅད་མཉམ་པར་སྦྱོར་བའི་རྒྱུད་ལས། ལྷ་རྣམས་ཐམས་ཅད་ཚོགས་པ་ན། །སྐྱེ་བོ་མཛའ་བ་ཀུན་ཚོགས་པ། །ཚོགས་ཀྱི་འཁོར་ལོ་དམ་པ་འདི། །མཛའ་བ་ཐམས་ཅད་འདུས་པ་སྟེ། །སངས་རྒྱས་ཀུན་གྱི་བརྡ་དག་གིས། །དེ་བཞིན་མཛའ་བ་འདུས་པར་གསུངས། །རྡོ་རྗེ་སེམས་དཔའ་དཔལ་སྦྱོར་པ། །འཁོར་ལོ་ཐམས་ཅད་ཡིན་པར་བཤད། །ལྷ་མོ་ཐམས་ཅད་ཀུན་འདུས་པས། །ཐམས་ཅད་སྣ་ཚོགས་སྐལ་བ་བཟང་། །རྡོ་རྗེ་སེམས་དཔའ་དཔལ་སྦྱོར་པ། །རྣམ་པ་ཀུན་མཁྱེན་ཤེས་པའི་ཕྱིར། །ཀུན་གྱི་སློབ་དཔོན་ཡིན་པར་བཤད། །ལྷ་མོ་ཐམས་ཅད་འདུས་པ་སྟེ། །སངས་རྒྱས་ཀུན་གྱི་བརྡ་དག་གིས། །ཀུན་ཏུ་སྣ་ཚོགས་སྐལ་བཟང་བ། །དེ་ཡིས་སློབ་མར་གྲུབ་པ་ནི། །སྒྲུབ་པ་པོ་ཡི་རྗེས་གྲུབ་པ། །སངས་རྒྱས་བརྡ་ཡིས་གསང་བ་ཡི། །རྒྱལ་ཚབ་ཡིན་པར་རྣམ་པར་བཤད། །དེ་ལས་གཞན་པའི་སློབ་མ་ཀུན། །མཆོག་དང་འབྲིང་དང་ཐ་མ་རྣམས། །སངས་རྒྱས་ཀུན་གྱི་མངའ་བདག་གིས། །བྱང་ཆུབ་སེམས་དཔའ་ཡིན་པར་བཤད། །ཅེས་དང་། རྗེས་སུ་སྦྱོར་བའི་མཆོད་པ་ནི། །སྦྱོར་བ་ཀུན་གྱི་བདེ་བའི་མཆོག །སངས་རྒྱས་བརྡ་ཡི་ཕྱག་རྒྱ་ཡི། །བདེ་བ་ཆེན་པོ་ཡིན་པར་བཤད། །ཅེས་དང་། ཤ་ནི་སྨན་གྱི་མཆོག་ཡིན་ཏེ། །ཆང་ནི་རཱ་ས་ཡཱ་ནར་བཤད། །ཟན་ནི་ཚེ་ཞེས་བྱ་བར་བཤད། །བཟའ་བ་སྣ་ཚོགས་གྲུབ་པ་ནི། །ཤ་དང་ཆང་དུ་ལྡན་པ་དག །དགའ་བའི་ལོངས་སྤྱོད་སྐལ་བཟང་པོ། །ཚེ་ཡི་དམ་པ་ཡིན་པར་བཤད། །ཅེས་དང་། ཀུན་ཏུ་སྣ་ཚོགས་ཕྱག་རྒྱ་ནི། །ཐམས་ཅད་ནམ་མཁར་འགྲོ་བ་སྟེ། །སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཞེས་རབ་ཏུ་གྲགས། །ཞེས་དང་། རྡོ་རྗེ་དྲིལ་བུའི་ཕྱག་རྒྱ་དག །དམ་ཚིག་གསུམ་གྱི་དམ་ཚིག་ཡིན། །ཞེས་དང་། དྲངས་ཏེ་བཅུག་ནས་བཅིངས་པ་དང་། །ཞུགས་ནས་དབང་དུ་གྱུར་པ་ནི། །ཛཿཧཱུྃ་བྃ་ཧོཿབཤད་པ་སྟེ། །སངས་རྒྱས་ཀུན་གྱི་བརྡ་ཡང་ཡིན། །ཞེས་དང་། ཨེ་མ་ཧོ་དགའ་མཆོག་ངོ་མཚར་ནི། །ཨ་ལ་ལ་ཞེས་བཤད་པའོ། །ཞེས། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་སྙིང་པོ་འདི་ཕྱུང་ངོ་། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱན་དྷཱ་ཏུ་ཨཱཿ ཞེས་གསུངས་པས་ཞི་བའི་ཆོ་ག་ཐམས་ཅད་རྒྱས་པར་གྱུར་ཏེ། །ཞེས་དང་། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་འདི་ཕྱུང་ངོ་། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ ཞེས་གསུངས་པས་ཁྲོ་བོའི་ཚོགས་ཐམས་ཅད་རྒྱས་པར་གྱུར་ཏོ། །ཞེས་བཤད། ཉམས་དགའ་ཡིད་འོང་བསམ་གཏན་འཕེལ། །པདྨོ་འཁོར་ལོ་གནམ་སའི་དབྱིབས། །སྐྱོན་རྣམས་བྲལ་ཞིང་ཡོན་ཏན་ལྡན། །ཚོམ་བུ་རྒྱས་པ་བསྒྲུབ་པར་ཤིས། །ཤིས་པའི་འཁོར་རྫས་དུས་འཛོམས་ནས། །ཕུན་སུམ་ཚོགས་པ་རབ་ཏུ་གཅེས། །མཐོ་དམན་གསེགས་མ་ཇོ་མོ་དང་། །ཚྭ་སྒོ་ཤིང་དུམ་རོ་ལྔ་བྲལ། །བླང་བརྟག་གཟུང་དང་སྦྱང་བ་དང་། །བསྐྲད་སྲུང་སྦྱོར་བས་ཆོ་ག་རྫོགས། ། ༈ ས་ཡི་རི་མོ་བྱ་བ་དང་། །དུར་ཁྲོད་ཐལ་བའི་རི་མོ་བྱ། །དཀྱིལ་འཁོར་སྣ་ཚོགས་དྲིས་བྱུགས་ཏེ། །མེ་ཏོག་དྲི་ནི་ལྷ་གྲངས་མཐུན། །མཆོད་སོགས་ལྷ་ཡི་རྣམ་པར་གནས། །སྒྲུབ་པའི་བུམ་པ་ལྷ་གྲངས་མཉམ། །གང་བའི་བུམ་པ་དག་དང་ནི། །ཐམས་ཅད་ལས་ཀྱི་བུམ་པ་དང་། །རྣམ་པར་རྒྱལ་བའི་བུམ་པའོ། །སྦྱངས་ནས་བསང་སྟེ་གཞལ་ཡས་ཁང་། །བསྐྱེད་དྲངས་བསྟིམ་མཆོད་བསྟོད་པ་དང་། །བསྙེན་པ་ཉེ་བའི་བསྙེན་པ་དང་། །སྒྲུབ་དང་སྒྲུབ་པ་ཆེན་པོ་བཞི། །དཀྱིལ་འཁོར་རབ་ཏུ་བསྒྲུབ་པར་བྱ། །གཙོ་དང་འཁོར་གྱི་བསྙེན་པ་སྐྱེད། །སྦྱིན་སྲེག་བྱ་ཞིང་ལས་སྒྲིབ་བཤགས། །སྐལ་ལྡན་བུ་མཆོག་ལ་སོགས་པ། །རྟགས་གདབ་དམ་ཚིག་བསྲེ་བསྣན་བྱ། །སེམས་བསྐྱེད་སྡོམ་པ་བཟུང་བ་དང་། །བདུན་པོ་རྣམ་དག་སྤྲོ་བ་བསྐྱེད། །སྐུ་གསུང་ཐུགས་སུ་བྱིན་བརླབས་ཤིང་། །རྡོ་རྗེ་ཁུ་ཚུར་གནས་གསུམ་གཏུགས། །སྤྱི་བོ་བདུན་དམིགས་སྙིང་མཆོད་དབུལ། །མཎྜལ་པདྨ་འདབ་བརྒྱད་ལ། །རྣམ་ལྔ་བ་ཀོ་ཙམ་བྱུགས་ཏེ། །ཨུ་དུམ་ཝཱ་ར་ལས་བྱས་པའི། །སྡིག་སྤོང་བཅུ་གཉིས་མེ་ཏོག་ཐོད། །དོར་ཏེ་པྲ་བརྟག་སྲུང་སྐུད་གདགས། །དག་པའི་སྔགས་ཀྱི་ཁྱོར་ཆུས་བཀྲུ། །རིགས་སྔགས་ཀུ་ཤ་རྨི་ལམ་བརྟག །ཞི་བ་རྒྱས་པ་དབང་དྲག་དང་། །རྫས་དང་མཆོད་པའི་རིམ་པ་ཡིས། །ངན་པའི་ལྟས་ལ་སྲེག་སྦྱོང་ཤིས། །ནས་ཐིག་གདབ་པ་སོགས་བསྟན་ཏོ། །རང་གི་ལྷ་ཡི་སྦྱོར་ལྡན་པས། །སྲིན་ལག་མཐེ་བོའི་རྩེ་མོ་ཡིས། །ཞི་བའི་བཏུང་བ་བཞིན་མྱང་ན། །རྟག་པ་ཡི་ནི་དངོས་གྲུབ་ཐོབ། །ཅེས་དང་། རྫོགས་པའི་སངས་རྒྱས་ཉི་ཟླ་རྣམས། །ཤར་བ་རྣམས་ནི་མཐོང་བ་ཡིས། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཐམས་ཅད་འགྲུབ་པར་འགྱུར། །རྣལ་འབྱོར་བདེ་ཆེན་དབང་འདོད་པ། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །རིམ་དང་གཅིག་ཅར་འཇུག་པ་དང་། །དེ་ཉིད་ཡང་དག་བསྒོམ་པ་ནི། །རིག་པ་རང་བཞིན་འོད་གསལ་བ། །དངོས་མེད་རྟོག་པའི་བག་ཆགས་དག །སྒྱུ་མ་མེ་ལོང་གཟུགས་བརྙན་འདྲ། །སྒྱུ་མས་སྒྱུ་མ་སྟོང་པ་ན། །རིག་པའི་རང་བཞིན་མི་དམིགས་ཕྱིར། །ཆོས་ཀྱི་སྐུ་འདི་ཤེས་པར་གྱིས། །ཇི་ལྟར་ནམ་མཁའ་དྭངས་པ་ལ། །རང་བཞིན་མེད་ལྟར་རང་སེམས་ཞོག །འོད་གསལ་ཆོས་སྐུ་རྟོག་མེད་ལ། །མ་བསླད་དྲི་མས་གོས་འགྱུར་ཕྱིར། །མ་བསླད་བུ་གཅིག་རང་སར་ཞོག །ཅེས་གསུངས། བླ་མ་མཉེས་པར་གང་བྱས་པ། །དེ་ནི་ཆུང་ཡང་མཆོག་ཡིན་ཏེ། །ཞེས་སོ། །ཞིང་དང་སྔགས་དང་ལས་སྐྱེས་མ། །མཚན་ལྡན་གང་ཡིན་བདེ་བ་སྐྱེ། །དམ་ཚིག་གསང་བ་ཀུན་ཏུ་བསྲུང་། །ཞིང་བཅུ་ཚོགས་ལ་གནས་སྤོང་ཞིང་། །འགལ་བ་དག་ལ་མཚོན་ཆའི་ཆར། །ཕབ་ནས་བདེ་བར་གཤེགས་ལ་འབུལ། །ཞེས་སོ། །འདུག་པའི་འཁོར་ལོ་བསྒོམ་པ་ནི། །དཔྲལ་བ་མགྲིན་པ་སྙིང་ག་སྤྱི། །ལྟེ་བ་ལྐོག་མ་གསང་བ་རུ། །རྣལ་འབྱོར་འཁོར་ལོ་དྲུག་བསྒོམས་ཏེ། །ལག་པ་གཟར་བུ་རྣམ་གཉིས་ཀྱིས། །ལུས་ཀྱི་དཀྱིལ་འཁོར་མཆོད་ནས་ནི། །ཡེ་ཤེས་མེས་ནི་བག་ཆགས་བསྲེག །ཐལ་བ་གཤང་ལམ་ལས་བྱུང་བ། །ནང་གི་སྦྱིན་སྲེག་མཆོད་པའོ། །ཞེས་དང་། ཡིད་སྐྱོ་གསེང་བའི་འཁོར་ལོ་ནི། །ཡིད་ནི་སྐྱོ་བའི་རྣལ་འབྱོར་པས། །རྒྱུན་དུ་ལྷ་ཡི་རྣལ་འབྱོར་བསྒོམ། །དང་པོའི་ལས་ཀྱི་རྣལ་འབྱོར་པས། །གྲངས་དུས་མཚན་མའི་བསྙེན་པ་སྐྱོལ། །ཡིད་སྐྱོ་གསེང་བའི་མཆོད་པའོ། །ཞེས་དང་། ལེ་ལོ་གཞོམས་པའི་འཁོར་ལོ་ནི། །ལེ་ལོ་ཤས་ཆེའི་རྣལ་འབྱོར་པས། །རྒྱུན་ཆད་མེད་པར་ཐུན་བཞི་རུ། །ལྷ་ཡི་འཁོར་ལོ་སྤྲོ་བསྡུ་བསྒོམ། །ལྡང་བ་སྤྲུལ་པའི་སྐུ་ཡིན་ཏེ། །རྨི་ལམ་ལོངས་སྤྱོད་རྫོགས་སྐུར་བསྒོམ། །གཉིད་ལོག་ཆོས་སྐུར་བསྒོམ་པར་བྱ། །ལེ་ལོ་འཇོམས་པའི་མཆོད་པའོ། །ཞེས་དང་། ། ༈ རབ་ནི་སྐུ་ལྔ་ལྷུན་གྲུབ་ཐོབ། །འབྲིང་ནི་རིག་འཛིན་རྣམ་བཞིའི་ལུས། །ཐ་མ་ལྷ་མིའི་མཚན་རྫོགས་པ། །འགྲུབ་པར་འགྱུར་བ་གདོན་མི་ཟ། །ཞེས་སོ། །རྒྱུད་ཕྱི་མ་ལས། རྣམ་རྟོག་གཡེང་བའི་སེམས་ལ་ནི། དེ་ཁོ་ན་ཉིད་ངེས་པར་གནས། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བ་མཆོག །ཅེས་དང་། ཡང་རྒྱུད་སྔ་མར། སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །ཆགས་མེད་ཆགས་དང་བྲལ་བའང་མིན། །དབང་བསྐུར་ཡང་ནི་མི་དམིགས་སོ། །ཞེས་དང་། ངོ་མཚར་སྒྱུ་མའི་ཕྱག་རྒྱ་འདི། །མཁའ་འགྲོ་མ་ཞེས་བརྡར་བསྟན་ཏོ། །དེ་ནི་ནམ་མཁར་འགྲོ་བ་ཞེས། །ཁམས་ལས་མངོན་དུ་བཏགས་པ་སྟེ། །ནམ་མཁའ་ཀུན་གྱི་སྤྱོད་གྲུབ་པས། །མཁའ་འགྲོ་མ་ཞེས་རབ་ཏུ་བརྟག །ཅེས་དང་། ། ༈ ཟླ་གསང་ཐིག་ལེར། གསང་བའི་གསང་བ་བདེ་བ་ཆེ། །ཟླ་གསང་ཐིག་ལེ་ལས་བྱུང་བའི། །སྦས་པ་ཆེན་པོ་གསང་བ་སྟོན། །ཉིད་ཀྱི་སྐུ་གསུང་ཐུགས་རྡོ་རྗེ། །ཞེས་དང་། དེ་ནས་རྣལ་འབྱོར་མ་མཆོག་གི །དཀྱིལ་དུ་མེ་ཏོག་དོར་བྱས་ཏེ། །མེ་ཏོག་སྤང་ལ་ལྷུང་བ་ཡི། །ལྷ་དེ་ཉིད་ནི་དངོས་གྲུབ་བོ། །ཞེས་དང་། ནང་གི་སྦས་པ་བསྡུ་བ་ཡི། །གསང་བ་སྙོམས་པར་འཇུག་པ་ཡིས། །སྐྱོར་དང་ལྡན་པས་དབང་བསྐུར་བྱ། །ཞེས་དང་། གཟུངས་མ་དེ་ཡི་བདག་ཉིད་ལ། །བླ་མས་བྱིན་གྱིས་བརླབས་ནས་ཀྱང་། །དངོས་གྲུབ་འབྲས་བུ་མྱུར་ཐོབ་ཕྱིར། །སློབ་མ་ལ་ནི་སྦྱིན་པར་བྱ། ཞེས་དང་། དེ་ནས་བློ་ལྡན་རྡོ་རྗེ་ཡིས། །ནན་ཏན་དམ་ཚིག་བསྒྲག་པར་བྱ། །སྔགས་ཀྱི་དངོས་གྲུབ་དོན་འདོད་པས། །དམ་ཚིག་བསྲུང་ལ་བརྩོན་པར་བྱ། །གཞན་དུ་བྱས་ན་སྔགས་མཁན་གྱིས། །སྔགས་ལ་སོགས་པའི་དོན་མི་འགྲུབ། །ཅེས་སོ། །འདུས་པའི་རྒྱུད་ཕྱི་མར། །སྐུ་གསུང་ཐུགས་ཀྱི་རྣམ་པ་གསུམ། །གསང་བ་ཞེས་ནི་བསྟན་པ་ཡིན། །སངས་རྒྱས་ཐམས་ཅད་ཅེས་བྱ་བ། །ཚོགས་པ་འདུས་པ་ཡིན་པར་བཤད། །ལྷག་པའི་ལྷ་ནི་གསང་ཆེན་ཏེ། །དམ་པའི་རིགས་ནི་རྣམ་པ་བརྒྱ། །ཞེས་དང་། སྟོང་ཉིད་སྙིང་རྗེ་མི་ཕྱེད་པ། །བྱང་ཆུབ་སེམས་དཔའ་ཞེས་བརྗོད་དོ། །ཞེས་དང་། རིག་དང་ལྷན་ཅིག་ལྡན་པས་ན། །རིག་བའི་སྐྱེས་བུ་ཞེས་བརྗོད་དོ། །ཞེས་དང་། དེས་ན་སངས་རྒྱས་རྣམས་ཀྱི་ཐབས། །རྡོ་རྗེ་ཐེག་པ་ཞེས་བཤད་དོ། །ཞེས་དང་། སྨྲ་བ་བཟླས་པར་གྲགས་པས་ན། །ངག་ཀུན་སྔགས་སུ་བརྗོད་བྱ་སྟེ། །སྔགས་དང་སྔགས་ཤེས་བཤད་པ་ནི། །དེ་ཉིད་བསྐུལ་བའི་མཆོག་ཡིན་ནོ། །ཞེས་དང་། རྡོ་རྗེ་ཅན་གྱིས་ཆོས་བསྟན་པ། །རིམ་པ་གཉིས་པ་ཡང་དག་བསྟན། །བསྐྱེད་པ་ཡི་ནི་རིམ་པ་དང་། །དེ་བཞིན་རྫོགས་པའི་རིམ་པའོ། །ཞེས་དང་། མི་སྣང་ལ་སོགས་དངོས་གྲུབ་ནི། །ཐ་ལམ་པ་ཞེས་བཤད་པ་ཡིན། །སངས་རྒྱས་ཉིད་བསྒྲུབས་སངས་རྒྱས་ཀྱིས། །དངོས་གྲུབ་མཆོག་ཅེས་གསུངས་པ་ཡིན། །ཐབས་ནི་རྣམ་པ་བཞི་པོ་དག །བྱང་ཆུབ་རྡོ་རྗེ་ཅན་གྱིས་གསུངས། །རྣལ་འབྱོར་རྒྱུད་ནི་ཐམས་ཅད་དུ། །རྣལ་འབྱོར་པ་ཡིས་རྟག་པར་བསྔགས། །བསྙེན་པའི་ཆོ་ག་དང་པོ་སྟེ། །ཉེ་བར་སྒྲུབ་པ་གཉིས་པ་ཡིན། སྒྲུབ་པ་ཡང་ནི་གསུམ་པ་སྟེ། །སྒྲུབ་པ་ཆེན་པོ་བཞི་པའོ། །ཐུན་མོང་མཆོག་གི་དབྱེ་བ་ཡིས། །བསྙེན་པ་རྣམ་པ་གཉིས་སུ་འགྱུར། །རྡོ་རྗེ་བཞི་པོ་ཐུན་མོང་སྟེ། །ཡེ་ཤེས་བདུད་རྩི་མཆོག་ཡིན་ནོ། །དང་པོ་སྟོང་ཉིད་བྱང་ཆུབ་སྟེ། །གཉིས་པ་ས་བོན་བསྡུས་པ་ཡིན། །གསུམ་པ་གཟུགས་ནི་རྫོགས་པ་སྟེ། །བཞི་པ་ཡི་གེ་དགོད་པའོ། །རྡོ་རྗེ་རྣམ་བཞི་འདི་དག་གིས། །ཐ་མལ་བསྒྲུབ་པ་བསྙེན་པར་བྱ། །མཆོག་ནི་ཡེ་ཤེས་བདུད་རྩི་གཉིས། །སྦྱོར་བ་དྲུག་གིས་བྱ་བ་ཡིན། །ཞེས་སོགས་དང་། ཆོ་ག་ཡང་དག་སྦྱོར་བསྒོམས་པས། །རང་གི་དཀྱིལ་འཁོར་ལ་གནས་ཏེ། །སེམས་དེ་ཡེ་ཤེས་གཟུགས་ཀྱིས་ནི། །སྒོམ་པ་ཉེ་བར་སྒྲུབ་པའོ། །ཞེས་དང་། ཆོ་གའི་སྦྱོར་བ་འདི་ཡིས་ནི། །ཡེ་ཤེས་ལུས་དང་ལྷན་ཅིག་ཏུ། །སྐུ་གསུང་ཐུགས་ཀྱི་རྡོ་རྗེ་ཡིས། །གཉིས་སུ་མེད་པར་བྱེད་བསྒྲུབས་པ། །སྔར་བཤད་པ་ཡི་རིམ་གྱིས་ནི། །རིག་པའི་སྐྱེས་བུ་རྡོ་རྗེ་ཅན། །བདག་དང་འདྲ་བར་དཀྱིལ་འཁོར་བྱུང་། །སྒྲུབ་པ་ཆེན་པོ་ཞེས་བཤད་དོ། །ཞེས་དང་། བསྒྲུབ་བྱ་སྒྲུབ་པར་ཡང་དག་སྦྱོར། །གང་ཡིན་དེ་ནི་བསྙེན་པར་བཤད། །རྡོ་རྗེ་པདྨ་མཉམ་སྦྱོར་བ། །ཉེ་བར་སྒྲུབ་པ་ཞེས་བཤད་དོ། །ཡི་གེ་ཧཱུྃ་དང་ཕཊ་ལྡན་པས། བསྒུལ་བསྐྱོད་བསྒྲུབ་པ་ཞེས་བཤད་དོ། །ངོ་བོ་ཉིད་ཞི་རང་བདེ་བ། །སྒྲུབ་པ་ཆེན་པོ་ཞེས་བཤད་དོ། །ཞེས་སོ། ། ༈ ཀརྨ་མཱ་ལེའི་རྒྱུད་ལས། སྐལ་ལྡན་མི་དང་འབྱོར་ལྡན་དང་། །དགའ་ལྡན་ལྷ་ཡི་ཚོགས་ཏེ་རྣམ་གསུམ་མོ། །སྐལ་ལྡན་མི་ཡི་ཚོགས་ལ་བརྒྱད། །མི་ཆུད་པ་ཡི་སྐྱོན་དགུ་༡བསལ། །འདུ་བའི་ཡོན་ཏན་དྲུག་༢ལྡན་བསྡུ། །དེ་ཡི་སྤྱོད་པ་བརྟན་པ་༣དང་། །འདུས་ལ་རྟག་༤བཞི་སྐྱོན་རྣམས་༥བསལ། །བདུད་བཞི་གཞོམ་པར་༦བྱ་བ་དང་། །ཆོ་ག་ཕུན་༧སུམ་ཚོགས་པ་དང་། །ཤེས་པ་ཕུན་སུམ་ཚོགས་པ་དང་། །མི་འགྲུབ་པ་ཡི་གེགས་བསལ་ཡིན། །ཞེས་དང་། དེ་ནས་བདེ་གཤེགས་སངས་རྒྱས་ཀྱི། །འབྱོར་ལྡན་ཡོ་བྱད་ཚོགས་བཤད་པ། །སྒྲུབ་པའི་ཡོ་བྱད་གསུངས་པ་ཡི། །བརྒྱད་དམ་བཞི་ཡི་བདག་ཉིད་ཅན། །སྒྲུབ་པའི་ཡོ་བྱད་རྣམ་བརྒྱད་དེ། །གོཾས་རྒྱན་༤བཟའ་བཏུང་༥གླུ་དང་ཚིག༦ །བྲོ་༧གར་སོགས་ཀྱི་སྤྲིན་ཕུང་ལ། །ཧཱུྃ་དུ་ཤེས་པས་རབ་སྤྱད་ནས། །ངོ་མཚར་འབྱུང་བའི་དཀྱིལ་འཁོར་མཉེས། །ཞེས་དང་། དེ་ནས་དགའ་ལྡན་ལྷ་ཡི་ཚོགས། །རྣམ་པ་བདུན་གྱིས་རབ་བཤད་བྱ། །ཞེས་སོགས་རྒྱས་པར་བཤད་སྣང་ངོ་། །རིག་སྔགས་རྒྱལ་པོ་སྟོབས་བཟང་ནམ་མཁའ་མཛོད་འདི་བཟླས། །ལག་པ་སྤྱི་བོར་ན་མསྶརྦ་ཏ་ཐཱ་ག་ཏ་སོགས། སྦྱར་ནས་པདྨ་ཁ་བྱེ་བ། །ཇི་ལྟར་ཐོགས་མེད་བསམ་པ་བཞིན་དུ་བྱུང་སྟེ་སྤེལ། །ཞེས་བཤད། གཞན་ཡང་ལམ་གསུམ་ཡོད། ། ༈ བསྟོད་པ་གླུ་ཡི་མཆོད་པ་ནི། །རོལ་མོ་ཡེ་ཤེས་གླུ་ཡིས་བསྟོད། །ཅེས་དང་། སྟེང་ཡང་རྡོ་རྗེའི་བླ་བྲེ་ལ། །འོག་ཀྱང་རྡོ་རྗེའི་ས་གཞིའོ། །བར་མཚམས་མེད་པར་རྡོ་རྗེས་གཏམས། །རྡོ་རྗེའི་མཚམས་ལས་མ་འདའ་ཞིག །ཅེས་པའོ། ། ༈ རྡོ་རྗེ་རྩེ་མོ་ལས། སྲ་ཞིང་སྙིང་པོ་ཁོང་སྟོང་མེད། །བཅད་དང་གཞིག་བར་བྱ་བ་མིན། །བསྲེག་པར་བྱ་མིན་འཇིགས་མེད་པས། །སྟོང་ཉིད་རྡོ་རྗེར་བརྗོད་པར་བྱ། །ཞེས་དང་། སངས་རྒྱས་ཀུན་གྱི་ཡེ་ཤེས་དང་། །བྱང་སེམས་བརྟན་པ་གང་ཡིན་པ། །དེ་ཡི་རྒྱལ་པོ་རྡོ་རྗེ་འཛིན། །དེ་བཞིན་གཤེགས་པ་ཀུན་གྱི་བདག །ཅེས་དང་། རྟོག་པ་ཐམས་ཅད་དང་བྲལ་ཞིང་། །ཆོས་སུ་འཛིན་པ་རྣམ་པར་སྤང་། །ཆོས་རྣམས་ཀུན་གྱི་དེ་བཞིན་ཉིད། །སྟོང་པ་ཉིད་ནི་རྡོ་རྗེར་བརྗོད། །ཅེས་དང་། རིགས་ནི་རྣམ་པ་དུ་ཡིན་བརྗོད། །རྟགས་དང་མི་འཁྲུགས་རིན་ཆེན་དབང་། །འོད་དཔག་མེད་པ་དོན་གྲུབ་རྣམས། །རིགས་ནི་རྣམ་པ་བརྒྱད་གསུངས་ཏེ། །མདོ་རུ་བསྡུ་ན་རྣམ་པ་ལྔ། །སངས་རྒྱས་རྡོ་རྗེ་རིན་ཆེན་དང་། །ཆོས་དང་ལས་དང་རྣམ་པ་ལྔ། །ཞེས་དང་། ཆོས་ཀྱི་དེ་ཉིད་རྟོགས་གྱུར་ཅིང་། །འཁོར་བའི་གནས་ནས་སངས་གྱུར་ཏེ། །སེམས་ཅན་རྣམས་ནི་སད་བྱེད་པ། །དེ་ནི་བྱང་ཆུབ་སེམས་དཔའ་བརྗོད། །ཅེས་དང་། རྫོགས་པའི་བྱང་ཆུབ་རྣམ་པ་དུ། །དེ་ལ་བྱང་ཆུབ་རྣམ་གསུམ་སྟེ། །དམན་དང་མཆོག་དང་བར་མའོ། །དམན་པ་ཉན་ཐོས་སེམས་ཡིན་ཏེ། །བར་མ་རང་རྒྱལ་བྱང་ཆུབ་བོ། །མཆོག་ནི་བྱང་ཆུབ་སེམས་ཡིན་ཏེ། །དེ་ནི་མི་འགྱུར་རྡོ་རྗེ་ཡིན། །ཞེས་དང་། བྱང་ཆུབ་མཆོག་གི་ཡེ་ཤེས་གང་། །དེ་ནི་རྡོ་རྗེར་ངེས་པར་བརྗོད། །ཡེ་ཤེས་རྡོ་རྗེ་ལས་བྱུང་བ། །དེ་ནི་རྡོ་རྗེ་སེམས་དཔའ་བརྗོད། ། ༈ རྣལ་འབྱོར་ཆེན་པོ་སངས་རྒྱས་ཆོས། །སངས་རྒྱས་སེམས་ཅན་རྟོགས་བྱེད་པ། །དག་པ་དེ་བཞིན་གཤེགས་སྙིང་པོ། །དེ་ནི་རྡོ་རྗེ་ཆོས་སུ་བརྗོད། །ཅེས་དང་། སེམས་ཅན་ཀུན་གྱི་ཤེས་པ་དང་། །དེ་བཞིན་གཤེགས་པའི་སྙིང་པོ་དང་། །ཆོས་དབྱིངས་རྡོ་རྗེ་ཆེན་པོ་སྟེ། །ཐོག་མ་ཐ་མ་མེད་པར་བཤད། །ཅེས་དང་། བྱང་ཆུབ་སེམས་དཔའི་གནས་ལྡན་པའི། །འགྲོ་བ་སྲིད་པའི་སྐྱེ་གནས་གང་། །དེ་ཀུན་རབ་ཏུ་བཟང་བས་ན། །ཀུན་ཏུ་བཟང་པོར་བརྗོད་པར་བྱ། །ཞེས་དང་། ཆོས་རྣམས་འགའ་ཡང་སྐྱེ་བ་མེད། །ཆོས་རྣམས་འགག་པར་གྱུར་པ་མེད། །རྣམ་པར་རྟོག་པ་ཉེར་ཞི་གང་། །དེ་ཉིད་སངས་རྒྱས་རིགས་ཆེན་ཡིན། །ཞེས་དང་། ཅི་ཕྱིར་སངས་རྒྱས་བརྗོད་པར་བྱ། །དེ་བཞིན་ཉིད་བདེན་ཤིན་ཏུ་བརྟན། །དེ་ཁོ་ན་ཉིད་གང་རྟོགས་ནས། །ཆོས་ཀུན་རྟོགས་པ་ཞེས་བྱ་གང་། །དེ་ནི་རྟོགས་པས་སངས་རྒྱས་བརྗོད། ། ༈ ཆོས་ཀྱི་དེ་ཉིད་ཡང་དག་གནས། །སླར་ཡང་གཞན་དུ་མི་འགྱུར་ཞིང་། །དེ་ཉིད་ལམ་ནི་སྟོན་བྱེད་པ། །དེ་ནི་དེ་བཞིན་གཤེགས་ཞེས་བྱ། །ཞེས་དང་། ལས་དང་ཉོན་མོངས་དེ་བཞིན་སྐྱེ། །དེ་བཞིན་ཉོན་མོངས་ཤེས་བྱའི་སྒྲིབ། །མི་མཐུན་ཕྱོགས་ཀྱི་ཆོས་གང་རྣམས། །དེ་བཅོམ་པས་ན་བཅོམ་ཞེས་བརྗོད། ། ༈ ཉོན་མོངས་བདུད་སོགས་གཅོད་བྱེད་ཅིང་། །སྐྱེ་རྒུ་མ་ལུས་ཐབས་ཆེན་གྱིས། །ངན་འགྲོའི་སྲིད་ལས་སྐྱོབ་བྱེད་པ། །སྟོན་པའི་སྟོན་པར་བརྗོད་པ་ཡིན། ། ༈ དེ་ཉིད་ཤེས་པས་ཡེ་ཤེས་ཏེ། །སླར་ཡང་ཆོས་སུ་རྟོགས་པ་མིན། །རྟག་དང་ཆད་པ་སྤོང་བྱེད་ཅིང་། །འཆི་མེད་དེ་ནི་ཡེ་ཤེས་བརྗོད། ། ༈ རབ་སྦྱོར་སྦྱོར་བ་ཤེས་འགྱུར་ཞིང་། །ཁྱད་པར་དུ་ནི་རྟོགས་པར་བྱེད། །བདེན་པ་དེ་བཞིན་ཉིད་ཤེས་པའི། །ཤེས་རབ་ཤེས་རབ་ཅེས་སུ་བཤད། ། ༈ ན་ནི་དགག་པའི་དོན་ཆེན་ཏེ། །དངོས་མེད་དངོས་པོ་མེད་མིན་པས། །གང་དུ་དྲི་མ་མེད་གྱུར་པས། །དེ་ནི་དེ་ཡི་ཚུལ་དུ་བརྗོད། ། ༈ དངོས་ཀུན་དངོས་པོ་མེད་ཅེས་པའི། །མཉམ་པ་ཉིད་དུ་རབ་གནས་པའི། །ཤེས་རབ་ཅན་གྱི་ལྷག་པར་བརྟེན། །སེམས་ལ་བསམ་གཏན་དམིགས་པར་བརྗོད་པར་བྱ། ། ༈ སངས་རྒྱས་ཀུན་དང་བརྟུལ་ཞུགས་ལྡན། །བྱང་ཆུབ་སེམས་དཔའ་རྣམས་དང་ནི། །རྡོ་རྗེ་འཆང་བ་ཐམས་ཅད་དག །སྤྱོད་ལམ་ཕྱག་རྒྱས་མཚོན་པར་བྱེད། ཅེས་དང་། སྔགས་རྣམས་ཀུན་གྱི་མཚན་ཉིད་ཀྱང་། །སངས་རྒྱས་ཀུན་གྱི་ཐུགས་ཡིན་ཏེ། །ཆོས་ཀྱི་སྙིང་པོ་སྒྲུབ་བྱེད་ཅིང་། །ཆོས་ཀྱི་དབྱིངས་དང་ཡང་དག་ལྡན། །སྔགས་ཀྱི་མཚན་ཉིད་ཡང་དག་ལྡན། །ཅེས་དང་། །འཁོར་བར་མྱོང་བའི་སྡུག་བསྔལ་དང་། །འདོད་ཆགས་ལ་སོགས་ཉེས་པའི་ཚོགས། །རིགས་དང་བཅས་པ་ཞི་བྱེད་པ། །རིག་སྔགས་ཀྱི་ནི་མཚན་ཉིད་བརྗོད། །སངས་རྒྱས་ཆོས་རྣམས་འཛིན་བྱེད་ཅིང་། །ཆོས་རྣམས་འཛིན་པར་བྱེད་པ་དང་། །དགེ་བ་ཞེས་བྱ་འཛིན་བྱེད་པ། །གཟུངས་སྔགས་ཀྱི་ནི་མཚན་ཉིད་བརྗོད། ། ༈ གུང་མོས་རྡོ་རྗེའི་རྣལ་འབྱོར་སྐྱེས། །སྲིན་ལག་སྟེང་དུ་རིན་ཆེན་སྐྱེས། །མཐེའུ་ཆུང་གིས་ནི་པད་ཁ་ཕྱེ། །ལས་ཀྱི་ཕྲེང་བས་ལས་བྱེད་པ། །སོར་མོ་ཀུན་གྱིས་བྱ་བར་བཤད། ། ༈ སངས་རྒྱས་ཐམས་ཅད་གཤེགས་གྱུར་ཅིང་། །ཐེག་པ་ཀུན་ལས་ངེས་རྒྱལ་བ། །ཡང་དག་གྱུར་པའི་སེམས་ཅན་ནི། །ཐེག་པ་ཆེན་པོ་ཞེས་སུ་བསྟན། ། ༈ འབྱུང་བ་མེད་ཅིང་རྫས་ཀྱང་མེད། །སྐྱེ་བ་མེད་ཅིང་འཆི་བ་མེད། །དུས་གསུམ་དངོས་པོ་དང་བྲལ་མཆོག །ནམ་མཁའ་ཞེས་པའི་སྒྲ་རུ་བསྟན། ། ༈ སངས་རྒྱས་རྣལ་འབྱོར་བོ་དྷི་ཙི། །རྡོ་རྗེ་ཅན་ཡ་རུ་རཀྴ། །ཕྱི་རོལ་རྡོར་རིགས་དབང་པོ་སྟེ། །མུ་ཏིག་ནོར་བུའི་རྣལ་འབྱོར་ཅན། །པདྨའི་སྙིང་པོའི་ཕྲེང་བ་ནི། །པདྨའི་རིགས་རྣམས་ཀུན་ལ་བསྔགས། །ཡང་ན་ཀུན་ལས་མཆོག་གྱུར་པ། །བོ་དྷི་ཙིཏྟ་སྲོག་འཛིན་པ། །ལྕགས་ཀྱི་བཟླས་པ་ཉིས་འགྱུར་ཏེ། །ཟངས་ཀྱི་ཡང་ནི་བཞི་འགྱུར་རོ། །རུ་ཤཀྴ་ཡི་བྱེ་བ་གཉིས། །མུ་ཏིག་གིས་ནི་བརྒྱར་འགྱུར་རོ། །དབང་པོས་སྟོང་འགྱུར་རྣལ་འབྱོར་ཏེ། །དངུལ་གྱིས་འབུམ་དུ་འགྱུར་པ་ཡིན། །པདྨས་བྱེ་བ་བརྒྱ་འགྱུར་བརྗོད། །བོ་དྷི་ཙི་ནི་གྲངས་མེད་དོ། །ལག་པ་གཡོན་པས་ཕྱག་རྒྱ་བཅིང་། །གཡས་པ་ཕྲེང་བ་དང་ལྡན་བྱ། །ཇི་ལྟར་སྔར་བཤད་གསང་བ་སོགས། །རྨད་བྱུང་ཆེན་པོའི་བཟླས་པ་བྱ། །ཅི་ཡི་ཕྱིར་ན་བཟླས་པར་བརྗོད། །དགེ་ལ་བརྩོན་པ་རྒྱས་འགྱུར་ཞིང་། །རྨད་བྱུང་རྣམས་ཀྱང་མཐོང་འགྱུར་ལ། །བྱང་ཆུབ་སྤྱད་པ་རྒྱལ་འགྱུར་ཞིང་། །སངས་རྒྱས་རོལ་པ་མངོན་པར་འབྱུང་། །ཞེས་དང་། སྣ་ཚོགས་གཟུགས་ཅན་རྣལ་འབྱོར་ཆེ། །སེམས་ཅན་སྨིན་བྱ་འབའ་ཞིག་ཕྱིར། །ཉོན་མོངས་གདུག་ལ་བརྩེར་དགོངས་ཤིང་། །ཞི་བའི་དོན་ནི་ཡང་དག་བྱུང་། །ཞེས་དང་། ཉོན་མོངས་གདུག་པ་ཉེས་གཞོམ་ཕྱིར། །བྱང་ཆུབ་སེམས་ཀྱི་རང་བཞིན་བཟང་། །རྡོ་རྗེ་ཕྱག་ན་བསྣམས་མཛད་པ། །དེ་ནི་ཕྱག་ན་རྡོ་རྗེར་བརྗོད། །ཅེས་དང་། བདག་མེད་བྱེད་པ་པོ་ཡང་མེད། །ཆོས་ཀྱང་ཡོད་པ་མ་ཡིན་ཏེ། །དགེ་དང་མི་དགེ་བྱེད་པ་ཡི། །བག་ཆགས་ཀྱིས་ནི་ཀུན་ཏུ་བསྒྲིབས། །ཞེས་དང་། བྱིས་པ་རྣམས་ནི་ཀུན་ཏུ་འབྱུང་། །དེ་བཞིན་ཡང་དང་ཡང་དུ་འཁོར། །ཞེས་དང་། གང་ཞིག་དེ་བཞིན་ཉིད་རྟག་སྟོང་། །བདེ་བཞི་རང་བཞིན་བཟང་པོ་ཉིད། །མཚན་མ་ཉིད་ཀྱང་རྣམ་པར་སྤང་། །ཚིག་དང་སྒྲ་ཡིས་བཟུང་བྱ་མིན། །རྣམ་པར་རྟོག་པ་ཡོད་མ་ཡིན། །དེ་བས་མྱ་ངན་འདས་སྒྲ་རུ། །དེ་ཉིད་ཁོ་ན་རབ་ཤེས་བྱ། །ཞེས་སོ། །རྡོ་རྗེ་ལྕགས་ཀྱུའི་ཕྱག་རྒྱ་ཡིས། །བགེགས་རྣམས་ཐམས་ཅད་དགུག་པར་བྱ། །ཞེས་དང་། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཅིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཡི་གེ་ཧཱུྃ་ནི་ཅི་ཡིན་བརྗོད། །སྡུག་བསྔལ་འཆོས་ཤིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང་། །གདུག་པ་བསྔངས་ཤིང་གསོད་བྱེད་པའི། །ཧཱུྃ་ནི་མཆོག་ཏུ་དྲན་པར་བྱ། །ཡི་གེ་ཕ྄ཊ་ནི་ཅི་ཡིན་བརྗོད། །གདུག་དང་སྡུག་བསྔལ་འཇོམས་བྱེད་ཅིང་། །བདེ་བ་དག་ནི་འགུགས་པར་བྱེད། །ཕ྄ཊ་ནི་འཇོམས་བྱེད་སྒྲ་ཡིན་ཏེ། །གྲོགས་དང་བཅས་པ་འཇོམས་པར་བྱེད། །སྭཱ་ཧཱ་ཞེས་པ་ཅི་ཡིན་བརྗོད། །སྡིག་པ་ཐམས་ཅད་ཞི་བྱེད་ཅིང་། །དགེ་བའི་ཚོགས་ནི་འཕེལ་བར་བྱེད། །ཉེས་པར་བྱས་པ་འཕྲོག་བྱེད་ཅིང་། །སྡུག་བསྔལ་ཐམས་ཅད་འཇོམས་པའི་མཆོག །ཅེས་བཤད་དོ། །ཆོས་ཀྱི་དབྱིངས་ནི་སྙིང་པོ་ཆེ། །འདོད་པའི་འདམ་གྱིས་མ་གོས་པ། །གཟོད་ནས་དག་པས་སྐྱེ་བ་མེད། །འཁོར་བའི་རྒྱ་མཚོར་པདྨ་མཚུངས། །ཞེས་སོ། །དྲི་བ། གསང་བའི་སྙིང་པོ་ཞེས་གསུངས་གང་། །དེ་ཉིད་རྣམ་ངེས་ཇི་ལྟ་བུ། །འདི་ལ་བརྗོད་བྱར་གྱུར་པ་གང་། །འདི་ཡི་དགོས་པའང་ཅི་ཞིག་ཡིན། །འདིར་བཤད་པ་རྣམས་ཇི་ལྟར་འབྲེལ། །རྗོད་པར་བྱེད་པ་གང་ལ་བརྗོད། །ཅི་ཡིས་རྒྱུད་ཅེས་བྱ་བར་བཤད། །འདི་དག་གི་ནི་བསྡུས་དོན་གང་། །ཅིས་ནས་ཀུན་ཏུ་བཟང་པོའི་མཚན། །ཞི་བའི་དཀྱིལ་འཁོར་ཡང་ཅི་ལགས། །ཁྲོ་བོའི་དཀྱིལ་འཁོར་ཞེས་བྱ་གང་། །ཡི་གེའི་དཀྱིལ་འཁོར་གྱུར་པའང་ཅི། །དབང་བསྐུར་བ་ནི་དུ་ཞིག་གསུངས། །ཅི་ཕྱིར་ཏིང་ངེ་འཛིན་དུ་བརྗོད། །བླ་མ་སློབ་མ་ཇི་འདྲ་ལགས། །རེ་ཞིག་དེ་ཁོ་ན་ཉིད་ཅི། །ཅི་ལས་ཀུན་རྫོབ་ཏུ་ནི་བརྗོད། །དམ་ཚིག་སྡོམ་བ་དེ་ནི་ཅི། །ཅི་ཕྱིར་དེ་བཞིན་གཤེགས་པར་འགྱུར། །དེ་བཞིན་གཤེགས་པ་དུ་ཞིག་བཤད། །དེ་བཞིན་རིགས་ཀྱི་རྣམ་པ་དུ། །མཆོད་པ་རྣམས་ཀྱང་ཅི་འདྲར་བཤད། །ཅེས་དང་། བསྐྱེད་པའི་རིམ་པ་ཅི་ཞིག་ཡིན། །དེ་བཞིན་རྫོགས་པ་ཡང་ནི་ཅི། །བསྙེན་པ་ལ་སོགས་བཞི་པོ་གང་། །སྐད་ཅིག་དང་ནི་དགའ་བ་དུ། །ཐིག་ལེ་ནཱ་དའང་གང་ཞིག་ཅི། །ཚོགས་ཀྱི་འཁོར་ལོ་ཅི་འདྲ་དང་། །ཞེས་དང་། ། ༈ རྒྱུད་ཕྱི་མ་ལས། །གསང་བ་ཆོས་འབྱུང་ལ་བཤད་དེ། །སྙིང་པོའང་དེ་ཡི་ཐབས་ཅན་ནོ། །གཉིས་པོའང་ཕྱིན་ཅི་མ་ལོག་ཕྱིར། །དེ་ཉིད་དོ་འདིར་རྣམ་ངེས་ཏེ། །རྣམ་པ་ཀུན་དང་དུས་ཀུན་ཏུ། །གང་གིས་བསྒྲུབ་ཅིང་བརྡར་བ་ཡིན། །སྟོང་ཉིད་སྙིང་རྗེའི་སྦྱོར་པ་ནི། །བརྗོད་པར་བྱ་བ་འདིར་བཤད་དོ། །ཕྱག་རྒྱ་ཆེན་པོའི་དངོས་གྲུབ་ནི། །དགོས་པའི་གཙོ་བོའི་རང་བཞིན་ཕྱིར། །འཇིག་རྟེན་པ་ཡི་ལམ་གྱུར་པས། །སྣ་ཚོགས་རང་བཞིན་མཐའ་དག་གོ །ཐབས་དང་ཐབས་བྱུང་འབྲེལ་བ་སྟེ། །བླ་མ་སློབ་མ་དག་ཀྱང་ངོ་། །གང་གིས་བརྗོད་བྱ་འཆད་བྱེད་པ། །དེ་ནི་རྗོད་བྱེད་དུ་བཤད་དོ། །རྒྱུད་ནི་རྒྱུན་ཆགས་ལ་བཤད་དེ། །ཐབས་དང་རྒྱུ་ལས་འབྲས་བུའོ། །ཟབ་དང་རྒྱ་ཆེའི་དབྱེ་བ་ཡིས། །འདིར་དེ་བསྡུས་དོན་གཉིས་སུ་འདོད། །ཕྱོགས་བཅུའི་འཇིག་རྟེན་ཐམས་ཅད་དུ། །མངོན་མཐོ་ངེས་ལེགས་རབ་སྟེར་བ། །ཀུན་ཏུ་བཟང་པོར་བརྗོད་པ་ཡིན། །རང་གཞན་བདག་ཉིད་རྣམ་པ་ཀུན། །ཐམས་ཅད་ཞི་བར་བྱེད་ཉིད་ཕྱིར། །ཞི་བའི་དཀྱིལ་འཁོར་ཞེས་བརྗོད་དེ། །གདུལ་དཀའ་འདུལ་པའི་ཉོན་མོངས་ལ། །ཐུགས་རྗེའི་དབང་གིས་ཁྲོ་བྱེད་ཕྱིར། །ཁྲོ་བོའི་དཀྱིལ་འཁོར་ཞེས་བཤད་དོ། །ངག་གི་སྤྲོས་པ་མ་ལུས་པ། །བརྗོད་པའི་རྟེན་གྱི་རང་བཞིན་ཕྱིར། །ཡི་གེའི་དཀྱིལ་འཁོར་དུ་བཤད་དོ། །སློབ་དཔོན་གསང་བ་ཤེས་རབ་དང་། །དེ་མ་ཐག་པ་བཞི་པ་སྟེ། །རྣམ་རྟོག་དྲི་མ་དག་བྱའི་ཕྱིར། །དབང་བསྐུར་རྣམ་པ་བཞི་ཡིན་ནོ། །གདོད་ནས་ཞི་བའི་རང་བཞིན་ཕྱིར། །ཆོས་ཀུན་སྐྱེ་བ་མེད་པ་སྟེ། །རྣམ་པ་ཀུན་ཏུ་རྟག་པར་ནི། །བདེ་བ་ཆེན་པོ་མྱོང་བའང་དེ། །རང་གི་རྣམ་རྟོག་དབང་གིས་ན། །མ་རིག་སྣ་ཚོགས་ཚུལ་གྱིས་འཁྲུལ། །རང་གཞན་དོན་འབྲས་རབ་སྟེར་བ། །འདིར་ནི་ཏིང་འཛིན་དུ་བརྗོད་དོ། །ཡེ་ཤེས་ཚོགས་ཀྱིས་རྒྱས་པའོ། །ཀུན་ཏུ་བཟོད་པ་བླ་མར་འདོད། །བསྟན་པར་འོས་པ་སློབ་མ་ཡིན། །གང་ཞིག་རྣམ་རྟོག་དམིགས་མེད་པས། །དངོས་གྲུབ་ཀུན་སྟེར་ཡང་དག་ལམ། །རྣམ་ཀུན་དེ་ཁོ་ན་ཉིད་བཤད། །རྣམ་པར་རྟོག་པའི་སྣང་བརྙན་ཡང་། །རྣམ་པ་ཀུན་ཏུ་ཀུན་རྫོབ་འདོད། །རྣམ་པ་ཀུན་ཏུ་ལུས་ཀྱང་གཏོང་། བྱ་བར་ངེས་པ་ཉིད་ཀྱིས་ན། །གང་ཞིག་ནན་ཏན་ལས་མི་འགོངས། །རྨི་ལམ་དུ་ཡང་དམ་ཚིག་བརྗོད། །དམ་བཅའ་བ་ནི་སྡོམ་པར་འདོད། །ལུས་ངག་ཡིད་ཀྱིས་བྱས་པའོ། །གང་ཕྱིར་དེ་བཞིན་ཉིད་དུ་གཤེགས། །དེ་བཞིན་གཤེགས་པར་མངོན་པར་བརྗོད། །དེ་དག་མདོར་བསྡུས་ལྔར་བཤད་དེ། །རྒྱས་པར་ན་ནི་གྲངས་མེད་དོ། །རིགས་ནི་རྣམ་པ་བརྒྱར་བརྗོད་དེ། །མདོར་བསྡུས་པས་ནི་རྣམ་པ་ལྔ། །སྐུ་གསུང་ཐུགས་ཀྱི་དབྱེ་བ་ཡིས། །ཕྱི་ནས་རྣམ་པ་གསུམ་དུ་འགྱུར། །ཕྱི་དང་ནང་དང་གསང་བ་དང་། །ཡིད་དེ་རྣམ་པ་བཞི་པོ་ནི། །མདོར་བསྡུས་ནས་ནི་མཆོད་པར་བཤད། །གང་དེ་རྣམ་པ་མང་པོར་འདོད། །ཅེས་དང་། རྣམ་ཤེས་ལྔ་པོ་མི་དམིགས་པས། །བདུད་རྩི་ལྔ་ཞེས་བཤད་པ་སྟེ། །ཡེ་ཤེས་ལྔར་ནི་བརྗོད་པ་གང་། །སྒྲོན་མ་ལྔ་ཞེས་རྗོད་པར་བྱེད། །བརྗོད་པའི་རྣམ་པ་དེ་ལྟ་བུས། །དེ་ཉིད་རིག་པས་གཉིས་པོ་བཟའ། །ལས་དང་ཉོན་མོངས་དང་བྲལ་ཕྱིར། །སྔགས་དང་ཕྱག་རྒྱ་ཏིང་འཛིན་གྱིས། །དྲི་ཆེན་ལྔ་པོ་བྱིན་གྱིས་རློབས། །བདུད་རྩི་ལྔ་པོ་དག་ཀྱང་སྟེ། །ཡང་ན་བ་ལང་ཤ་ལ་སོགས། །སྒྲོན་མ་ལྔར་བཤད་དག་ཀྱང་ངོ་། །ཞེས་དང་། དངོས་རྣམས་རང་རང་རྒྱུ་ཡིས་ནི། །བརྟེན་ནས་འབྱུང་བ་ཉིད་ཡིན་ཏེ། །མོས་པ་སྣ་ཚོགས་དཀྲི་བའི་ཕྱིར། །སྣ་ཚོགས་བསྟན་པར་མཛད་པ་ཡིན། །ཞེས་དང་། ལྷ་ཡི་རྣམ་པའི་རྣལ་འབྱོར་ལ། །ཟླ་བ་རྡོ་རྗེ་སོགས་རིམ་པས། །བསྐྱེད་པའི་རིམ་པར་བརྗོད་པའོ། །རང་བཞིན་གྲུབ་པ་རྫོགས་པ་ཡི། །རིམ་པར་བཤད་པ་རྣལ་འབྱོར་རོ། །རྣལ་འབྱོར་རྣལ་འབྱོར་མར་འབྲེལ་བ། །བསྙེན་པ་ཞེས་བྱར་བསྟན་པ་ཡིན། །བོ་ལ་ཀཀྐོ་ལ་སྦྱོར་བ། །ཉེ་བར་སྒྲུབ་པ་བརྗོད་པ་སྟེ། །རྩ་གཉིས་མངོན་པར་འབྲེལ་བ་ནི། །སྒྲུབ་པ་ཡིན་པར་བསྟན་པའོ། །ལྷན་ཅིག་སྐྱེས་གཉིས་འབྲེལ་བ་ནི། །སྒྲུབ་པ་ཆེན་པོར་བརྗོད་པའོ། །འཁྱུད་པ་ལ་སོགས་སྣ་ཚོགས་པས། །རྣམ་པ་སྣ་ཚོགས་སྐད་ཅིག་བརྗོད། །བདེ་བ་ཆེན་པོ་རྣམ་སྨིན་པ། །རྣམ་པར་སྨིན་པའི་སྐད་ཅིག་ཉིད། །རླུང་གི་དེ་ཉིད་རྟོག་པ་ཡིས། །ཉེས་པས་རྣམ་པར་ཉིད་ལའོ། །རྣམ་པ་ཀུན་ཏུ་མི་འཛིན་པས། །མཚན་ཉིད་བྲལ་བའི་སྐད་ཅིག་མ། །མགྲིན་སྙིང་ལྟེ་བ་གསང་བའི་མཐར། །བྱང་ཆུབ་སེམས་ནི་འགྲོ་དང་འོང་། །དཀར་དང་ནག་པོའི་དབྱེ་བ་ཡིས། །གང་དེར་བདེ་བ་ཆེན་པོར་འཆར། །ཕྱི་མ་ཕྱི་མའི་དབྱེ་བ་ཡིས། །དགའ་བ་ལ་སོགས་འདི་དག་འདོད། །དགའ་བ་དང་ནི་མཆོག་དགའ་དང་། །བྲལ་བ་ཡི་ནི་དགའ་བ་དང་། །བཞི་པ་ལྷན་ཅིག་སྐྱེས་དགའོ། །ཡུལ་དང་སྲོག་གི་རྣལ་འབྱོར་པ། །ཡེ་ཤེས་མེ་སྐྱེས་ནཱ་ད་དང་། །ཐིག་ལེ་རྟོགས་པ་ཡིད་ལས་བྱུང་། །གཉི་ག་འདུས་པའི་ཡེ་ཤེས་སོ། །ཞེས་དང་། ཕྱག་རྒྱའི་སྦྱོར་བས་ཐམས་ཅད་དུ། །འདོད་པ་ལྔ་པོ་ཉེར་ལོངས་སྤྱོད། །བཟའ་བ་ཉེ་བར་མི་དམིགས་པ། །ཚོགས་ཀྱི་འཁོར་ལོ་ཞེས་པ་བཤད། །ཅེས་དང་། ངག་གི་བཟླས་པ་སོགས་དབྱེ་བས། །བཟླས་པ་རྣམ་པ་བཞིར་བཤད་དོ། །ཞེས་དང་། ས་དང་ཕ་རོལ་ཕྱིན་པ་ཡང་། །གསང་སྔགས་ངེས་པའི་རིམ་པ་ཡིས། །སྦྱིན་སོགས་དགའ་བ་ལེགས་པར་བརྩམ། །ཞེས་དང་། སྐུ་གསུང་ཐུགས་ཀྱི་དབྱེ་བ་ལས། །དཀྱིལ་འཁོར་རྣམ་པ་གསུམ་འདོད་དེ། །ཡང་ན་བྷ་ག་ཚོགས་དབྱེ་དང་། །ལས་ཀྱི་ཕྱག་རྒྱ་སོགས་དབྱེ་བས། །གང་ཡང་རྣམ་པ་ལྔ་འབོད་དེ། །ཞི་བ་ལ་སོགས་དབྱེ་བ་ལས། །ལས་ནི་རྣམ་པ་བཞིར་བསྡུས་སོ། །སངས་རྒྱས་ཆོས་དང་དགེ་འདུན་རྣམས། །བསམ་པ་ཐམས་ཅད་རྫོགས་བྱེད་ཕྱིར། །གསུམ་པོ་དཀོན་མཆོག་ཅེས་བཤད་དོ། །དེ་ཡང་དམ་པའི་དོན་འདོད་དེ། །ལུས་སོགས་གཅིག་ཏུ་དེ་མཐར་ཐུག །མཐར་ཐུག་དོན་མིན་ཀུན་སྤང་ཕྱིར། །འདོད་པའི་འབྲས་བུ་ཀུན་ཐོབ་པས། །དེ་ནི་སྐྱབས་སུ་བརྗོད་པར་བྱ། །ཞེས་དང་། ཡེ་ཤེས་སེམས་དཔའ་རྣམ་པར་གནས། །རབ་ཏུ་གནས་པ་ཞེས་བྱའོ། །ཞེས་དང་། ལུས་སོགས་དྲན་པ་ཉེར་བཞག་སོགས། །བྱང་ཆུབ་པ་ཡི་ཐབས་ཡིན་ཕྱིར། །བྱང་ཆུབ་ཕྱོགས་ཞེས་རབ་ཏུ་བརྗོད། །ཅེས་དང་། སྟོན་པ་ལ་སོགས་རབ་དབྱེ་བས། །ཕུན་སུམ་ཚོགས་པ་ལྔར་བརྗོད་དོ། །ཞེས་དང་། ཡང་དག་མ་ཡིན་དོན་སྒྲུབ་ཅིང་། །ཡང་དག་པ་ཡི་བསྒྲིབ་པར་གནས། །མ་རིག་པར་ནི་བརྗོད་པ་སྟེ། །རིག་པར་བཤད་ལས་བཟློག་ཕྱིར་རོ། །ཞེས་དང་། རྣམ་རྟོག་ཅེས་བྱ་འཁྲུལ་པ་སྟེ། །སེམས་ནི་འཁྲུལ་པར་ལྡན་པས་སོ། །ཞེས་སོགས་བཤད་ཅིང་། འདིར་ཐར་ལོའི་འགྱུར་ལ། འགོས་ལོ་དང་། ཁ་ཆེའི་མཁས་པ་ཀུན་དགའ་དཔལ་གྱིས་རིམ་པར་བསབ་པའོ། ། ༈ སྒྱུ་འཕྲུལ་དྲྭ་བ་ལས། བདུད་རྩིའི་མཆོག་ནི་མཉམ་པའི་དབྱིངས། །བདུད་རྩིའི་དོན་ནི་སྐྱེ་ཤི་མེད། །བདུད་རྩིའི་གནས་ནི་བྱང་ཆུབ་སེམས། །བདུད་རྩིའི་ལས་ནི་རྣམ་རྟོག་སྦྱོང་། །ཞེས་དང་། འཐུང་ན་ངན་སོང་སྒྲིབ་པ་སྦྱོང་། །རྟག་བརྟན་དངོས་གྲུབ་མཆོག་ཀྱང་འགྲུབ། །བཞི་བརྒྱ་རྩ་བཞིའི་ནད་སེལ་ཞིང་། །ལྷ་ལ་རྟག་ཏུ་མཆོད་བྱས་ན། །བདག་དང་གཉིས་སུ་མེད་པར་འགྱུར། །མི་མཐུན་ཕྱོགས་ལ་གཏོར་བྱས་ན། །དྲག་པོ་གཏུམ་པོའང་ལྷན་ནེར་འགྱུར། །གཞན་ཡང་དངོས་གྲུབ་ཐམས་ཅད་ནི། །ཇི་ལྟར་དམིགས་པ་བཞིན་དུ་འགྲུབ། །ཅེས་སོ། །འདིའི་ལེའུ་དྲུག་ཅུ་རྩ་བརྒྱད་པར་དམ་ཚིག་སུམ་བརྒྱ་དྲུག་ཅུའི་བཤད་པ་ཡོད། ལེའུ་༧༠པར་དམ་ཚིག་རྣམ་པར་སྤྲོས་པ་ཞེས་རྒྱ་ཆེར་ཡོད། རྡོ་རྗེ་སེམས་དཔའ་བསྒྲུབ་འདོད་པས། །རྟག་ཏུ་མཉམ་པའི་དོན་རྟོགས་ལ། །སྐུ་ནི་འཇའ་ཚོན་ཚུལ་འདྲ་བར། །སྣང་ལ་རང་བཞིན་མེད་པར་བསྒོམ། །འཁོར་རྣམས་ཆུ་ཟླའི་ཚུལ་ཤེས་པར། །གསལ་ལ་རང་བཞིན་མེད་པར་བསྒོམ། །ལྷ་ཡི་སྐུ་ནི་གསལ་བསྒོམས་ན། །བསོད་ནམས་ཚོགས་ཆེན་ཐོབ་པར་འགྱུར། །དེ་ཉིད་གཟུགས་བརྙན་ཚུལ་ཤེས་ན། །ཡེ་ཤེས་ཚོགས་ཆེན་ཐོབ་པར་འགྱུར། །ཞེས་དང་། ཁ་ཅིག་ལྟ་བ་མཉམ་གཞག་ཀྱང་། །སྤྱོད་པ་དག་དང་ཡོང་མི་མཐུན། །ཁ་ཅིག་སྤྱོད་པ་རྫོགས་བྱེད་ཀྱང་། །མཉམ་པའི་ལྟ་བ་ཡོང་མི་ཤེས། །ཁ་ཅིག་ལྟ་སྤྱོད་གཉིས་ཀ་མེད། །ཅེས་དང་། ཐབས་དང་ཤེས་རབ་ལྡན་གྱུར་ཅིང་། །བྱང་ཆུབ་སེམས་དང་མ་ཆགས་པའི། །གཉིས་སུ་མེད་པར་ཐིམ་གྱུར་ན། །ཚོགས་ཆེན་གཉིས་ཀྱང་རྫོགས་པར་འགྱུར། །ཞེས་དང་། ཞི་བ་ལྷ་རྒྱུད་ཆེན་པོར། ཆོས་སྐུ་དྲི་མ་མེད་པ་དང་། །ལོངས་སྐུ་འཁོར་ལོས་སྒྱུར་རྒྱལ་འདྲ། །སྤྲུལ་པས་མཛད་པ་མཐར་ཕྱིན་ཅིང་། །སྐྱེ་འཇིག་བྲལ་བ་རྡོ་རྗེའི་སྐུ། །ཡུལ་མེད་རང་གསལ་མངོན་བྱང་ཉིད། །སྐུ་ལྔ་ལྷུན་གྱིས་གྲུབ་པའོ། །ཆོས་སྐུ་སྐྱེ་མེད་གྱི་གསུང་། ལོངས་སྤྱོད་དགོངས་པ་བརྡ་ཡིས་སྟོན། །སྤྲུལ་པ་ཚངས་པའི་གསུང་དབྱངས་སྙན། །མངོན་བྱང་རིག་པ་བྱིན་གྱིས་རློབས། །འཇིགས་མེད་དབྱེར་མེད་རྡོ་རྗེའི་གསུང་། །གསུང་ལྔ་ཉིད་དུ་ལྷུན་གྱིས་གྲུབ། །སོ་སོར་སྣང་བ་གདུལ་བྱའི་བློ། །ཐ་དད་བྱ་བ་ག་ལ་ཡོད། །བདེ་བ་ཆེན་པོའི་ཐུགས་དང་ནི། །རྣམ་པར་མི་རྟོག་ཐུགས་ཉིད་དང་། །འགྲོ་བ་ཐམས་ཅད་སྒྲོལ་བ་དང་། །མཉམ་པ་ཆེན་པོའི་མཆོག་གནས་དང་། །དབྱེར་མེད་རྡོ་རྗེའི་ཐུགས་ལྔར་ཤར། །ཐ་དད་འདོད་ན་ཐ་དད་སྣང་། །དབྱེར་མེད་འདོད་ན་དབྱེར་མེད་སྣང་། །ཞིང་ཁམས་དང་ནི་གཞལ་ཡས་ཁང་། །འོད་ཟེར་དང་ནི་གདན་ཁྲི་རྒྱན། །ལོངས་སྤྱོད་ལྔ་ནི་ཡོན་ཏན་ཏེ། །བདེ་བར་གཤེགས་པ་རྩོལ་མེད་སྣང་། །ཞི་རྒྱས་དབང་དང་མངོན་སྤྱོད་དང་། །ལྷུན་གྱིས་གྲུབ་པའི་ཕྲིན་ལས་ཡིན། །ཞེས་སོ། །རྩ་རྣམས་གཙུག་ཏོར་མཆོག་ཏུ་གྱུར། །སྤྲུལ་པ་སྐུ་ཡི་རང་བཞིན་ཉིད། །སྔགས་རྣམས་ཧཱུྃ་གི་གཟུགས་སུ་འདུས། །བདེ་ཆེན་ལོངས་སྤྱོད་རྫོགས་པར་གནས། །ཁམས་ཀྱི་དྭངས་མ་བདུད་རྩི་ཉིད། །ཁམས་སྐུ་འདུས་པ་ཆོས་ཉིད་སྐུ། །སྙིང་པོ་རླུང་རྣམས་རང་གདངས་མར། །དབྱེར་མེད་རྡོ་རྗེ་མངོན་བྱང་ཆུབ། །ཅེས་དང་། སངས་རྒྱས་རྣམས་ནི་ཡབ་ཡིན་པས། །རྡོ་རྗེའི་སྐྱིལ་མོ་ཀྲུང་དུ་བཞུགས། །རིགས་མ་གཟུང་མ་ཡུམ་རྣམས་ནི། །པདྨའི་སྐྱིལ་མོ་ཀྲུང་དུ་བཞུགས། །བྱང་ཆུབ་སེམས་དཔའ་ཡབ་ཡུམ་རྣམས། །སེམས་དཔའི་སྐྱིལ་མོ་ཀྲུང་དུ་བཞུགས། །ཐུབ་པ་འགྲོ་བའི་དོན་མཛད་པས། །བཞེངས་ནས་གདུལ་བྱ་མཐུན་པར་བཞུགས། །སྒོ་བ་གདུག་པ་འདུལ་བ་ན། །ཡབ་ཡུམ་བརྐྱང་བསྐུམ་དོར་སྟབས་བཞུགས། །ཞེས་སོ། །ཁྲོ་བོའི་ལྷ་རྒྱུད་ལས། གནས་ལུགས་རང་བཞིན་ཁྲོ་བོ། ཀ་དག་ལྷུན་གྲུབ་དབྱེར་མེད། དབྱེ་གཞི། རང་རྒྱུད་ཕུང་པོའི་ཁྲོ་བོ། རྩ་རླུང་ཐིག་ལེ། མ་དག་པའི་སྣང་བ། གདུལ་བྱ་སྤྲུལ་པའི་ཁྲོ་བོ། རུ་དྲའི་གཉེན་པོར་ཞལ་ཕྱག་ཏུ་སྣང་བ། ལམ་སྣང་། མཐར་ཕྱིན་འབྲས་བུའི་ཁྲོ་བོ། གཏོར་མའི་རྒྱུད་ལས། ཇི་ལྟར་སྣང་བ་གཏོར་མ་ལ། །གཏོར་མ་ཐབས་དང་ཤེས་རབ་ཀྱིས། །ཐམས་ཅད་སྤྱད་པས་སངས་རྒྱས་རྒྱུ། །འདི་ནི་སྤྱོད་པའི་རྒྱལ་པོའོ། །ཞེས་སོ། །རཀྟའི་ངོ་བོ་ཆགས་པ་ཡིན། །ཐམས་ཅད་རག་པས་རཀྟ་ཡིན། །རཀྟའི་རྣམ་གྲངས་གསུམ་དུ་ངེས། །རཀྟའི་འབྱུང་ཁུངས་གསང་ཡུམ་བཞི། །ཞེས་དང་། རཀྟ་ཞེས་བྱའི་རྣམ་གྲངས་ནི། །གཞི་ཡི་རཀྟ་འབྱུང་བ་ཆུ། །རྒྱུ་ཡི་རཀྟ་པདྨའི་ཁྲག །རིགས་ཀྱི་རཀྟ་སྣང་མཐའ་ཡས། །འབྲས་བུའི་རཀྟ་ཙིཏྟའི་ཁྲག །གྲངས་ཀྱི་རཀྟ་སུམ་ཅུ་ལྔ། །ཞེས་དང་། ཚོགས་དང་གཏོར་མ་ལ་སོགས་པ། །རྣལ་འབྱོར་མཆོག་གི་ལོངས་སྤྱོད་དེ། །མ་ཉམས་ཐབས་ཀྱི་དེ་བརྗོད་པ། །གསང་སྔགས་ཆེ་བའི་རྒྱལ་པོ་ཡིན། །ཞེས་སོ། །ཚོགས་ལའང་རྣམ་པ་གསུམ་སྟེ། །སྐལ་ལྡན་མིའི་ཚོགས་དང་། དགའ་ལྡན་ལྷའི་ཚོགས་དང་། འབྱོར་ལྡན་ཡོ་བྱད་ཀྱི་ཚོགས་སོ། །དེ་ཡང་སྐལ་ལྡན་མིའི་ཚོགས་ནི་ལྟ་སྤྱོད་མཐུན་པར་བསྡེབས་པའོ། །དགའ་ལྡན་ལྷའི་ཚོགས་ནི། ལྟ་བ་དང་། དམ་ཚིག་དང་། ཏིང་ངེ་འཛིན་དུ་ལྡན་པའོ། །འབྱོར་ལྡན་ཡོ་བྱད་ཀྱི་ཚོགས་ནི། རྐྱེན་དང་ལོངས་སྤྱོད་རྫས་དང་ཡོ་བྱད་དུ་ལྡན་པའོ། ། ༈ གླང་པོ་རབ་འབོགས་ལེའུ་བཅུ་པར། རྒྱན་བདུན་ཡོངས་སུ་རྫོགས་པར་བཤད། །ལྟ་བ་དང་ནི་སྤྱོད་པ་དང་། །དབང་བསྐུར་བ་དང་དམ་ཚིག་བསྲུང་། །དཀྱིལ་འཁོར་བསྐྱེད་པ་མཆོད་པ་འབུལ། །ཕྲིན་ལས་རྣམ་བཞི་བསྙེན་སྒྲུབ་བཞི། །ཏིང་འཛིན་བསྒོམ་དང་གསང་སྔགས་བཟླས། །འདི་བཅུ་རྒྱུད་དོན་རང་བཞིན་ཅན། །ལྡང་ཚད་ཡིན་པ་གསལ་བར་གསུངས། །ཞེས་དང་། ཐབས་དང་ཤེས་རབ་ཐེག་པའི་ལམ། །ཐབས་ལམ་དབང་གིས་ལམ་བགྲོད་རུང་། །བླ་མའི་མན་ངག་གནད་དུ་བསྣུན། །སྒྲོ་འདོགས་ཡོངས་བཅད་བླ་མ་ཡིས། །བུམ་པས་རིགས་ཀྱི་དབང་ལྔ་བསྐུར། །ལུས་གནས་དབྱིབས་ཀྱི་རྩ་རྣམས་ཉིད། །བསྐྱེད་པའི་རིམ་པ་ལྷ་ཡི་སྐུ། །ལུས་ཀྱི་དྲི་མ་དག་པར་བྱེད། །ས་དྲུག་རྫོགས་ནས་སྤྲུལ་སྐུ་ཐོབ། །བླ་མ་རང་བྱུང་ཡེ་ཤེས་སྟོན། །གསང་བའི་དབང་ནི་བསྐུར་བ་ཡིས། །གཏུམ་མོའི་ལམ་དུ་འབར་འཛག་པས། །ངག་གི་དྲི་མ་དག་པར་བྱེད། །ས་དྲུག་རྫོགས་ནས་ལོངས་སྐུ་འགྲུབ། །རྡོ་རྗེ་འཆང་སར་འགྲོ་བའོ། །བླ་མ་ལྷན་སྐྱེས་ཡེ་ཤེས་སྟོན། །ཤེས་རབ་ཡེ་ཤེས་དབང་བསྐུར་བས། །དགའ་བ་མཆོག་དགའ་དགའ་བྲལ་དང་། །ལྷན་ཅིག་སྐྱེས་པའི་དགའ་བ་ཡིས། །ཡིད་ཀྱི་དྲི་མ་དག་བྱས་ནས། །ཆོས་ཀྱི་སྐུ་ལ་སྦྱོར་བར་བྱེད། །བླ་མ་ཆོས་རྣམས་རྣམ་དག་སྟོན། །ཁམས་དགུ་འདུས་པའི་དྭངས་མ་རྣམས། །སྲོག་ཤིང་གསུམ་ལ་དྲངས་པ་ཡིས། །རྡོ་རྗེའི་རྦ་རླབས་ལམ་སྦྱངས་ཏེ། །ལུས་ངག་ཡིད་གསུམ་སྒྲིབ་དག་པས། །སྙིང་པོའི་རླུང་རྣམས་རང་གྲོལ་བས། །ས་ཕྱེད་ངོ་བོ་ཉིད་སྐུ་ཐོབ། །བཅུ་བཞི་རྡོ་རྗེ་འཛིན་གནས་པས། །ཉོན་མོངས་འཆིང་བའི་ལས་སྤྱོད་པས། །སྐུ་བཞི་ཐོབ་པ་ཐབས་ཀྱི་ལམ། །ཞེས་སོ། །བདུད་རྩི་རོལ་པའི་རྒྱུད་ལས། །དེ་ལ་སྨན་གྱི་མཚན་ཉིད་ནི། །རྩ་བ་སྡོང་བུ་ཡལ་ག་དང་། །ལོ་མ་མེ་ཏོག་འབྲས་བུ་དང་། །རྒྱུན་ལྤགས་འབྲས་བུ་སྙིང་པོར་བཅས། །རོ་དྲུག་ནུས་སྟོབས་ཁ་དོག་ལས། །རྩ་བ་གཅིག་ལ་ཡན་ལག་བརྒྱད། །དེ་དག་རྣམ་པར་བྱེ་བའི་གྲངས། །སྣ་ཚོགས་ཡོན་ཏན་སྟོང་དུ་འགྱུར། །ཞེས་དང་། ཀླད་པ་གཞུང་པ་ཆུ་བ་དང་། །བེ་པ་གཞུང་པ་རྒྱུ་བའི་ལམ། །གཤེགས་ཤུལ་ཕོ་བྲང་ཚུལ་དག་གིས། །སྦས་པ་ནང་གི་གནས་སུ་བསྟན། །ཅེས་དང་། བདུད་རྩི་ཆེན་པོ་བརྗོད་དུ་མེད། །ཉོན་མོངས་དུག་བཅས་བདུད་བཞི་འཇོམས། །དྲི་མེད་དག་པའི་བྱང་ཆུབ་སེམས། །སངས་རྒྱས་ཀུན་གྱི་སྤྱོད་ཡུལ་འདི། །ངེས་པའི་དོན་ལ་མཉམ་པར་སྦྱོར། །ཞེས་སོ། །རྟ་མཆོག་རོལ་པའི་རྒྱུད་ལས། ས་ཕྱོགས་དྲི་མེད་ཡིད་འོང་བའི། །གྲོང་ངམ་གྲོང་ཁྱེར་དགོན་པའམ། །རི་ཕུག་ནགས་ཚལ་གང་རུང་བར། །ཉམས་དགའི་ཡན་ལག་བརྟག་པར་བྱ། །གང་དུ་བཟའ་ཤིང་འབྲས་བུར་བཅས། །ནེའུ་གསིང་མེ་ཏོག་ཆུ་རྒྱུན་དང་། དཔལ་རྫོགས་ཡོན་ཏན་འབྱུང་བའི་གནས། །དེ་ནི་རབ་གུས་བརྟེན་པར་བྱ། །ནམ་མཁའ་འཁོར་ལོ་འདྲ་བ་དང་། །ས་གཞི་པདྨ་འདྲ་བ་ནི། །བཀྲ་ཤིས་ཕུན་སུམ་ཚོགས་པའི་གནས། །བར་ཆད་མེད་པའི་མཚན་ཉིད་ཡིན། །ས་གཞི་གཞོམ་ཞིག་མེད་པ་ཡི། །དབུས་སུ་མཐོ་བ་ཕྱག་རྒྱ་ཆེ། །ཤར་དང་བྱང་དུ་གཞོལ་བ་ནི། །ཕྲིན་ལས་བཞི་ཡི་དངོས་གྲུབ་འགྱུར། །ལྷོ་དང་ནུབ་ཏུ་གཞོལ་བ་ནི། །འཇིག་རྟེན་པ་ཡི་དངོས་གྲུབ་འགྱུར། །ནུབ་དང་བྱང་དུ་གཞོལ་བ་ནི། །ཕྲ་མོའི་ལས་རྣམས་འགྲུབ་པར་འགྱུར། །གང་ཞིག་ཤར་ཕྱོགས་མཐོ་བ་དང་། །དབུས་སུ་དམའ་བ་སྤང་བར་བྱ། །ཞེས་སོགས་རྒྱས་༼༧༽པར་བཤད། །རས་གཙང་དམར་པོའི་རྒྱུ་ལས་བྱུང་། །གནས་གཞན་མ་སྤྱད་མ་ཉམས་པ། །རང་གི་སྔགས་ཀྱིས་བྱིན་བརླབས་ནས། །ལེགས་པར་གདོང་ནི་གཡོགས་པར་བྱ། །ཞེས་དང་། གནས་བཞིར་འབྱུང་བའི་དཀྱིལ་འཁོར་ལ། །རང་སྔགས་ས་བོན་འོད་ཟེར་བཅས། །དབབ་པའི་གསང་སྔགས་ལན་སྟོང་དུ། །དྲི་ཞིམ་བདུག་སྤོས་དྲིལ་དཀྲོལ་ཞིང་། །ཡེ་ཤེས་སེམས་དཔའ་དགུག་པར་བྱ། །ཞེས་དང་། དེ་ནས་རིགས་ཀྱི་ལྷར་བསྐྱེད་དེ། །བཀྲ་ཤིས་དགའ་བའི་གླུ་བླངས་ཤིང་། །རོལ་མོའི་རྒྱན་ཕྲེང་བཀོད་བྱས་ནས། །བུམ་པའི་ཆུ་ཡིས་དབང་བསྐུར་བྱ། །ཞེས་དང་། རྡོ་རྗེ་དྲིལ་བུ་ཕྱག་རྒྱ་ཆེ། །གནས་གསུམ་བརྟུལ་ཞུགས་ལ་གནས་ཤིང་། །ལུང་བསྟན་རྗེས་གནང་དབུགས་དབྱུང་བའི། །ཆོ་ག་བཟང་པོ་སྤྱད་པར་བྱ། །ཞེས་དང་། ཤེས་རབ་ཡན་ལག་ཕུན་སུམ་ཚོགས། །བཅུ་དྲུག་ཡང་ན་ཉི་ཤུ་བཞི། །རྡོ་རྗེ་བླ་མ་ལ་ཕུལ་ཏེ། །བྱིན་གྱིས་བརླབས་པའི་ཆོ་ག་བྱ། །ཁྲུས་བྱས་དྲི་ཞིམ་རྒྱན་གྱིས་བཀླུབས། །སྣ་ཚོགས་སྔགས་དང་ཕྱག་རྒྱས་སྦྱངས། །རིགས་ཀྱི་ལྷ་དང་ལྡན་བྱས་པས། །དམ་ཚིག་བསྐུལ་བའི་བརྡས་མཚོན་ཏེ། །གཉིས་མེད་ཡེ་ཤེས་སྙོམས་འཇུག་བྱ། །བྱང་ཆུབ་སེམས་ཀྱི་ཆུ་རྒྱུན་གྱིས། །རང་གི་དཀྱིལ་འཁོར་མཆོད་བྱས་ནས། །སློབ་མའི་ཚོགས་ལ་དབང་བསྐུར་བྱ། །ཞེས་དང་། ཤེས་རབ་མཚན་ལྡན་བྱིན་བརླབས་ནས། །སློབ་མའི་ལག་ཏུ་གཏད་པར་བྱ། །རང་བཞིན་བདེ་བའི་ཡེ་ཤེས་ཉིད། །ཟག་མེད་པ་ཡི་དོན་གསལ་འགྱུར། །རྣམ་རྟོག་མེད་པ་སེམས་ཀྱིས་ནི། །རྡོ་རྗེ་སྙིང་པོ་མཁའ་འདྲ་ཞིང་། །རྡུལ་བྲལ་ཐར་པ་ཞི་བའི་ཆོས། །རང་གི་དངོས་པོ་མཐོང་བར་འགྱུར། །ཨེ་མའོ་འགྲོ་བའི་གནས་འདི་དག །དེ་བཞིན་ཉིད་ལ་གཞན་དུ་འཁྲུལ། །དེ་ཉིད་བདེ་ཆེན་ཡེ་ཤེས་ཏེ། །གཞན་དུ་གྱུར་པ་ཅི་ཡང་མེད། །ཡེ་ཤེས་འདི་ནི་ཤིན་ཏུ་ཕྲ། །རྡོ་རྗེ་སྙིང་པོ་མཁའ་འདྲ་ཞིང་། །རྡུལ་བྲལ་ཐར་པ་ཞི་བའི་ཆོས། །རང་གི་རང་བཞིན་དེ་ཉིད་དོ། །ཞེས་སོ། །དཀྱིལ་འཁོར་ཆེན་པོའི་ཕྱོགས་བཞིའམ། །གཞན་ཡང་གནས་གཞན་ལ་འཐད་པར། །ཞི་རྒྱས་དབང་དང་མངོན་སྤྱོད་པ། །ལས་ཀུན་གྱི་ནི་ཐབ་ཁུང་བརྩམ། །ཟླུམ་པོ་གྲུ་བཞི་ཟླ་གམ་དང་། །གྲུ་གསུམ་ལ་སོགས་དབྱིབས་ཅན་ནོ། །དེ་དག་དཀར་སེར་དམར་དང་ནག །སྣང་བཞི་ཀུན་གྱིས་མཚན་བྱས་པའི། །རྡོ་རྗེ་འཁོར་ལོ་པདྨའི་རྒྱན། །སྣ་ཚོགས་རྡོ་རྗེའི་མཚན་མ་ཅན། །ཁྲུ་གང་བཞི་དང་གཉིས་པ་དང་། །ཁྲུ་གསུམ་ཟབས་སུ་དེ་ཡི་ཕྱེད། །བུད་ཤིང་ཡམས་ཤིང་སོ་སོ་ཡི། །མཚན་ཉིད་ལོ་འབྲས་ཁ་དོག་རོ། །རྩེ་མོའི་ཆ་ལས་སོར་བཞི་དང་། །སོར་བརྒྱད་བཅུ་དྲུག་ཉི་ཤུའི་ཚད། །སྦོམ་ལ་སྡོམ་པའི་མར་གྱིས་བྱུགས། །རིགས་བཞི་རྩ་བས་བསྲུངས་པས་ནི། །ཟླུམ་དང་གྲུ་བཞི་ཟླ་གམ་དང་། །གྲུ་གསུམ་ཚད་དུ་བརྩིག་པར་བྱ། །ལྷ་རྣམས་ཀུན་གྱི་ཁང་པ་ཉིད། །མེ་ལྷའི་གནས་སུ་བཞག་བྱ་སྟེ། །སོ་སོའི་ལས་དང་མཐུན་པ་ཡི། །ཨགྣེ་རཱ་ཛ་འབོད་པར་བྱ། །ཞེས་སོགས་བསྟན་ཏོ། །གླང་པོ་རབ་འབོགས་ལས། དབང་བསྐུར་རྒྱུ་ལམ་འབྲས་བུ་སྟེ། །ཞེས་དང་། རྩ་བ་ཡན་ལག་དམ་ཚིག་རྣམས། །སྲུང་མཚམས་བཅས་བའི་དམ་ཚིག་དང་། །དོན་ལ་མི་འདའ་གནས་པ་སྟེ། །དམ་ཚིག་ཁྱད་པར་རྟོགས་པར་བྱ། །ཞེས་དང་། ཚོགས་ཀྱི་ལམ་ལ་རྣལ་འབྱོར་བཞི། །སྦྱོར་བའི་ལམ་ལ་བསྙེན་སྒྲུབ་བཞི། །མཐོང་ལམ་རྣམ་སྨིན་ཚེ་དབང་དང་། །སྒོམ་ལམ་ཕྱག་རྒྱའི་རྣལ་འབྱོར་དང་། །མཐར་ཕྱིན་ལྷུན་གྲུབ་རིག་འཛིན་ཡིན། །སྟོང་པ་ཆེན་པོའི་རྣལ་འབྱོར་ནི། །རྣམ་པ་ཀུན་ལྡན་སྟོང་པ་སྟེ། །དཔེ་ནི་ཡིད་བཞིན་ནོར་བུ་འདྲ། །སྙིང་རྗེ་ཆེན་པོའི་རྣལ་འབྱོར་ནི། །ཡོངས་ལ་ཁྱབ་པའི་སྒྱུ་མ་སྟེ། །དཔེ་ནི་ཉི་མའི་སྙིང་པོ་འདྲ། །ཕྱག་རྒྱ་ཆེན་པོའི་རྣལ་འབྱོར་ནི། །ལྷ་ཉིད་ཞི་བ་ཚངས་པ་འདྲ། །ཧཱུྃ་ཉིད་ཁྲོ་བོ་བྲིན་པོའི་ཚུལ། །དཔེ་ནི་ཆུ་ལས་ཉ་ལྡང་འདྲ། །སྤྲོས་པའི་རྣལ་འབྱོར་བསྒོམ་པ་ནི། །རང་གནས་རྩ་ལས་དཀྱིལ་འཁོར་སྤྲོས། །སྔགས་ཀྱི་ཡི་གེ་ཚོམ་བུར་སྤྲོས། །ཁམས་ཀྱི་བདུད་རྩི་ཞལ་ཕྱག་སྤྲོས། །སྙིང་པོ་རླུང་ལས་རྣམ་གྲངས་སྤྲོས། །བསྙེན་པ་ཞི་བའི་བསྙེན་པ་སྟེ། །ཉེ་བསྙེན་ཞི་བའི་སྒྲུབ་པར་གསུངས། །སྒྲུབ་པ་ཁྲོ་བོའི་བསྙེན་པ་ཉིད། །སྒྲུབ་ཆེན་ཁྲོ་བོའི་སྒྲུབ་པ་སྟེ། །སོགས་ཤིན་ཏུ་རྒྱས་པར་བཤད་དོ། །རྣམ་པར་སྨིན་པའི་དམ་ཚིག་ནི། །ཡིད་ཀྱི་ཏིང་འཛིན་ལྷ་སྐུར་སྨིན། །ཁྱུང་ཕྲུག་སྒོ་ངའི་ནང་གནས་བཞིན། །བག་ཆགས་ལུས་རྟེན་ལྷ་ཡི་སྐུ། །ཚེ་ལ་དབང་པའི་རིག་འཛིན་ནི། །རང་གི་ཚེ་ལ་དབང་ཐོབ་པས། །འཁོར་བར་བཞུགས་སམ་སངས་རྒྱས་འགྲོ། །སྐྱེ་ཤི་རང་དབང་ཐོབ་པ་ཡིན། །སྒོམ་ལམ་ཕྱག་རྒྱ་ཡི་དམ་ལྷ། །རིགས་ལྔ་གང་བསྒོམ་ཆ་ལུགས་འཛིན། །ས་བརྒྱད་ནོན་པའི་བྱང་སེམས་ཚུལ། །སྒོམ་པ་ཚད་འཛིན་ཡོད་པར་ཞུགས། །མཐར་ལམ་ས་དགུ་ས་བཅུ་པ། །སྐུ་ལྔ་ལྷུན་གྲུབ་ཆ་ལུགས་འཛིན། །རྒྱལ་ཚབ་མཛད་པས་སངས་རྒྱས་དང་། །མཉམ་པར་བཞག་པས་དགོངས་མཉམ་འགྱུར། །ཐོད་རྒལ་ལམ་ལ་སྦྱོར་བ་ནི། །བར་དུ་ས་ལམ་བོར་ནས་འགྲོ། །ཕྱག་རྒྱ་གཅིག་པའི་ས་ནས་ནི། །མཐོང་ལམ་མཐར་ཐུག་སྦྱོར་བ་དང་། །སྤྲོས་པར་རིག་འཛིན་མཐར་ཐུག་སྦྱོར། །ཚོགས་སྒྲུབ་ཕྱག་རྒྱ་མཐར་ཐུག་སྦྱོར། །ཚེ་དབང་ལས་ནི་སྐུ་ལྔར་སྦྱོར། །ཟག་བཅས་ལམ་གྱི་ཐོད་རྒལ་གཉིས། །ཕྱག་རྒྱ་གཅིག་དང་ཕྱག་རྒྱ་སྤྲོས། །ཟག་མེད་ལམ་གྱི་ཐོད་རྒལ་གཉིས། །ཚེ་དབང་ཕྱག་རྒྱའི་རིག་འཛིན་ནོ། །ཞེས་སོགས་རྒྱས་པར་བཤད། རྒྱུད་འདི་གསང་སྙིང་བཤད་པར་ཤིན་ཏུ་མཁོ་བར་ཡོད། ལངྐའི་བདག་པོ་གཞན་ཡང་གང་། །གསུམ་དུ་ངེས་པར་སྣང་བ་སྟེ། །ཀུན་འབྱུང་འདྲེན་དང་དཀའ་ཐུབ་རིག །དབང་སྒྱུར་ཐབས་ཀྱི་ཐེག་པའོ། །གང་འདིར་འདྲེན་པ་འདི་ལྟ་སྟེ། །ཡུལ་གསུམ་ངེས་པར་སྣང་བ་ནི། །ཐ་མ་འབྲིང་དང་རབ་ཏུ་སྣང་། །ཐ་མའི་ཡུལ་དུ་གྱུར་པ་ནི། །ཤིན་ཏུ་ཡ་ངའི་ལས་སྤངས་ཏེ། །ཡིད་འོང་འདུལ་བའི་ཚུལ་བཟུང་ནས། །རང་གི་རྩ་བ་དེས་བསྐྲུན་པ། །སོ་སོར་ཐར་པའི་ལམ་དུ་སྣང་། །འབྲིང་གི་ཡུལ་དུ་གྱུར་བ་ནི། །འདི་ཀུན་རྟེན་ཅིང་འབྲེལ་བར་འབྱུང་། །བདག་མེད་ཆོས་གཅིག་མེད་མཐོང་བས། །བརྗོད་མེད་སྤྲུལ་པའི་ཆོས་རྣམས་སྟོན། །རང་གི་རྩལ་གྱིས་བདེར་གནས་པའོ། །རབ་ཀྱི་ཡུལ་དུ་གྱུར་པ་ནི། །བདག་མེད་བྱམས་སྙོམས་རྟོག་ལས་འདས། །ཡུལ་མེད་མ་སྐྱེས་ཕྱོགས་དང་བྲལ། །ས་དང་རྣམ་ཐར་བདེར་བསྐྲུན་ནས། །དངོས་མེད་ངོ་བོ་ཉིད་སྐུ་ཐོབ། །ལངྐའི་བདག་པོ་གཞན་ཡང་གང་། །དཀའ་ཐུབ་རིག་བྱེད་ཐེག་པ་ནི། །འདི་ཡི་ཡུལ་གྱིས་གསུམ་ཉིད་དེ། །ཐ་མ་དག་ལ་སྣང་བ་ནི། །དཀའ་ཐུབ་སྡོམ་དང་བརྟུལ་ཞུགས་དང་། །མཉམ་ཉིད་མི་གཡོ་སྐྱེ་མེད་ལ། །བཀུར་འོས་འདུན་པའི་ཚུལ་བཟུང་ནས། །རིགས་ཀྱི་རྡོ་རྗེ་འཛིན་གནས་པའོ། །འབྲིང་ལ་རྣམ་པར་སྣང་བ་ནི། །བྱ་བ་དག་པའི་ལས་སྤྱོད་དེ། །རྣལ་འབྱོར་ཏིང་འཛིན་མ་ལྡན་ན། །མི་གཡོའི་སེམས་པས་མངོན་སུམ་དུ། །རིགས་བཞི་རྡོ་རྗེ་འཆང་གནས་པའོ། །རབ་ལ་ངེས་པར་སྣང་བ་ནི། །སེམས་ཉིད་ཡུལ་ལ་རྩལ་རྫོགས་ཏེ། །ཡུལ་ཉིད་རིག་པ་མངོན་མཐོང་ན། །དེ་ཉིད་དེར་ནི་མངོན་བྱས་ནས། །རྡོ་རྗེའི་རིགས་འཆང་གནས་པའོ། །ལངྐའི་བདག་པོ་གཞན་ཡང་གང་། །དབང་སྒྱུར་ཐབས་ཀྱི་ཐེག་པ་ཡང་། །ཡུལ་གྱིས་རྣམ་པ་གསུམ་སྣང་བ། །བསྐྱེད་དང་རྫོགས་དང་ཡོངས་སུ་རྫོགས། །ཐ་མ་བསྐྱེད་པ་གང་སྣང་བ། །ཐབས་དང་ཤེས་རབ་རྣམ་དག་ལས། །བསྟེན་པ་ལྔ་ལ་སོགས་པའི་ཆོས། །རྒྱལ་བ་ལྔ་ལས་རྫོགས་སངས་རྒྱས། །རྣལ་འབྱོར་རྩལ་ཆེན་རྫོགས་པའི་ས། །འབྲིང་ལ་རྫོགས་པར་གང་སྣང་བ། །མཉམ་པས་མཉམ་པའི་དོན་མཐོང་ནས། །མཉམ་རྫོགས་ཡུལ་ཤེས་དབྱིངས་ཡེ་ཤེས། །ཀུན་རིགས་ཀུན་རྫོགས་ཀུན་ཏུ་སྣང་། །ཆོས་ཉིད་མི་འགྱུར་བརྡལ་པའི་ས། །རབ་ལ་ཡོངས་སུ་རྫོགས་པ་ནི། །ཡེ་ཤེས་དབྱིངས་ཞེས་བྱ་བའི་དོན། །ཐ་སྙད་ཙམ་དུ་རྟོགས་ཆུད་ནས། །རྩལ་མེད་རྫོགས་བྲལ་བསམ་ཡུལ་འདས། །ཐམས་ཅད་རྫོགས་པའི་སྤྱིར་ཆིབ་པ། ། ༈ བཤད་རྒྱུད་ཐིག་ལེ་ཀུན་གསལ་ལས། མ་རྟོག་ལོག་རྟོག་གཉིས་ལས་ཉན་ཐོས་འཕགས། །དེ་ཡང་ཇི་ལྟར་འཕགས་ཞེ་ན། གང་ཟག་བདག་མེད་རྟོགས་པ་ལྟ་བས་ཁྱད་པར་འཕགས། །དགེ་བཅུ་རང་གི་དོན་དུ་སྤྱོད་པ་སྤྱོད་པས༴ བདེན་པ་བཞི་ཡི་སྒོ་ནས་བསྒྲུབས་པས་སྒྲུབ་པ༴ དགྲ་བཅོམ་ཟུང་བཞི་ཡ་བརྒྱད་ཐོབ་པས་འབྲས་བུའི་ཁྱད་པར་འཕགས། །ཉན་ཐོས་དག་ལས་རང་རྒྱལ་ཁྱད་པར་འཕགས་པ་ཡང་། །གཟུགས་ཕུང་ཆོས་ཁམས་ཕྱོགས་གཅིག་བདག་མེད་རྟོགས་པ་ལྟ་བས་ཁྱད་པར་འཕགས། །དགེ་བཅུའི་སྟེང་དུ་རྫུ་འཕྲུལ་ཡ་མ་ཟུང་འགའ་ཡིས། །འགྲོ་དོན་ཤས་ཙམ་མཛད་པ་སྤྱོད་པས་ཁྱད་པར༴ རྟེན་འབྲེལ་ལུགས་འབྱུང་ལྡོག་སྒོམ་པས་སྒྲུབ་པ་ཁྱད་པར་འཕགས། ཚོགས་ན་སྤྱོད་དང་བསེ་རུ་ལྟར་བུ་ཐོབ་པས་འབྲས་བུའི༴ རང་རྒྱལ་ལས་བྱང་སེམས་རྣམས་ཁྱད་པར་འཕགས་པ་ཡང་། བདག་མེད་རྣམ་གཉིས་རྟོགས་པ་ལྟ་བས༴ ཚད་མེད་བསྡུ་བ་རྣམ་བཞིས་འགྲོ་དོན་མཛད་པ་སྤྱོད་པས༴ ཕ་རོལ་ཕྱིན་བཅུ་སྒྲུབ་པས་བསྒྲུབས་པ༴ ཀུན་ཏུ་འོད་ཀྱི་ས་བོན་འབྲས་བུའི་ཁྱད་པར་འཕགས། །བྱང་སེམས་དག་ལས་ཀྲྀ་ཡས་འཕགས་པ་ཡང་། །དོན་དམ་སྐྱེ་བ་མེད་པར་རབ་རྟོགས་ཤིང་། །ཀུན་རྫོབ་བདག་དང་ཡེ་ཤེས་ལྷ། །རྗེ་འབངས་ལྟ་བུའི་བཀའ་བས་ཁྱད་པར༴ དག་པ་རྣམ་གསུམ་སྤྱོད་པ་སྤྱོད་པས༴ གོམས་དང་བསྒྱུར་དང་བྱིན་རླབས་སྒོ་ནས་བསྒྲུབས་པས་སྒྲུབ་པ༴ རིགས་གསུམ་འབྲས་བུ་ཐོབ་པས༴ ཀྲྀ་ཡ་དག་ལས་ཨུ་པ་འཕགས་པ་ཡང་། །ལྷ་དང་རྗེ་འབངས་ཚུལ་དུ་ལྟ་བ་ལྟ་བས༴ མཚན་མ་ཡོད་མེད་སྒོ་ནས་འགྲོ་དོན་མཛད་པ་སྤྱོད་པས༴ དེ་བཞིན་ཉིད་བཞིའི་སྒོ་ནས་བསྒྲུབས་པས༴ རིགས་བཞིའི་འབྲས་བུ་ཐོབ་བ༴ ཨུ་པ་དག་ལས་ཡོ་ག་ཁྱད་པར་འཕགས་པ་ཡང་། །ཀུན་རྫོབ་ལྷ་དང་གྲོགས་པོར་ལྟ་བས་ལྟ་བ༴ ཕྲིན་ལས་རྣམ་བཞི་སྤྱོད་པས་སྤྱོད་པ༴ ཕྱག་རྒྱ་རྣམ་བཞི་བསྒྲུབས་པས་སྒྲུབ་པ༴ རིགས་བཞི་སངས་རྒྱས་ཉིད་དུ་འགྲུབ་པ་འབྲས་བུ༴ ཡོ་ག་དག་ལས་མ་ཧཱ་ཡོ་ག་བཞིས་འཕགས་ཏེ། །རང་ལུས་རྒྱལ་བའི་དཀྱིལ་འཁོར་ལྟ་བས༴ སྦྱོར་སྒྲོལ་གཉིས་ཀྱིས་འགྲོ་དོན་མཛད་པས་སྤྱོད་པ༴ ཐབས་དང་ཤེས་རབ་གཉིས་ཀྱི་སྒོ་ནས་བསྒྲུབས་པས་སྒྲུབ་པ༴ བཅུ་བཞི་རྡོ་རྗེ་འཛིན་པའི་ས་ཐོབ་འབྲས་བུ༴ མ་ཧཱ་དག་ལས་ཨ་ནུ་བཞིས༴ དབྱིངས་དང་ཡེ་ཤེས་གཉིས་མེད་རྟོགས་པ་ལྟ་བ༴ དབྱིངས་ནི་ཡེ་ཤེས་དག་ལ་སྤྱོད༴ ཡེ་ཤེས་དབྱིངས་ལ་སྤྱོད་པས་སྤྱོད་པ༴ ཕུང་པོ་ལྔ་རིགས་ལྔ་ཡབ་ཡུམ་བསྒྲུབས་པས་སྒྲུབ་པ༴ མ་ཆགས་པདྨ་ཅན་གྱིས་ཐོབ་པས་འབྲས་བུ༴ ཨ་ནུ་དག་ལས་ཨ་ཏི་བཞིས་འཕགས་ཏེ། །སྣང་སྲིད་ཐམས་ཅད་ཆོས་སྐུར་ལྟ་བས་ལྟ་བ༴ ཆོས་སྐུ་བྱིན་རླབས་སྒོ་ནས་དོན་མཛད་སྤྱོད་པ༴ བྱ་རྩོལ་མེད་པར་བསྒྲུབས་པས་སྒྲུབ་པ༴ བཅུ་དྲུག་འཁོར་ལོ་ཚོགས་ཆེན་ཡན་ཆད་ནས། །ཉི་ཤུ་རྩ་གཅིག་མན་ཆད་ས་ནོན་འབྲས་བུ༴ ཞེས་གསུངས་སོ།། །། ༈ དཔལ་ཡང་དག་ཧེ་རུ་ཀཿ གལྤོའི་རྒྱུད་ལས་ལུང་འདྲེན་ཁོལ་བཏུས་བཞུགས། །ན་མོ་གུ་རུ་ཝེ། མ་ཧཱ་ཡོ་གའི་རྒྱན་བདུན་ཡང་། །གླེང་གཞི་བསླང་དང་སངས་རྒྱའི་ཚུལ། །རྒྱས་བཤད་མཐའ་དང་བཤད་པའི་ཚུལ། །དབྱེ་བའི་རྣམ་པ་གང་ཟག་སྣོད། །བདེན་པའི་དགོངས་པ་ཤེས་པར་བྱ། །ཞེས་སོགས་རྒྱས་པར་དང་། སྣང་སྲིད་ཡེ་ནས་རྒྱས་པ་ལྟ་བའི་ལུང་། །ལྷ་སྐུ་ཕྱག་རྒྱར་གསལ་བ་བསྐྱེད་རིམ་ལུང་། །བཟླས་བརྗོད་བསྙེན་པ་འབུལ་བ་སྔགས་ཀྱི་ལུང་། །ཆོས་ཉིད་ཡུམ་ལ་རོལ་པ་སྦྱོར་བའི་ལུང་། །ཞིང་བཅུ་རྩད་ནས་གཅོད་པ་སྒྲོལ་བའི་ལུང་། །ཚོགས་ཀྱི་འཁོར་ལོ་ཞལ་ཟས་མཆོད་པའི་ལུང་། །དབང་བསྐུར་དངོས་གྲུབ་ལེན་པ་སྒྲུབ་ཆེན་ལུང་། །ཕྱི་མདོ་ཙམ་དུ་བློ་ཁ་དབྱེ། །བགེགས་ཆེན་བར་ཆད་སྲུང་བ་མཚམས་ཀྱི་ལུང་། །ལུས་ངག་ཡིད་སྒྲིབ་སྦྱོང་བ་ཚོགས་གསོག་ལུང་། །སྨན་རག་གཏོར་མ་འབུལ་བ་བྱིན་རླབས་ལུང་། །ཞི་ཁྲོ་བསྐྱེད་རྫོགས་རྣམ་པ་རྩ་བའི་ལུང་། །འདོད་ཡོན་ཚོགས་སུ་འབུལ་བ་བཟའ་བའི་ལུང་། །ལྷག་མཆོད་དཀྱིལ་འཁོར་བསྡུ་བ་རྫོགས་རིམ་ལུང་། །རྒྱས་པར་མི་བཤད་ཟུར་ཙམ་བློ་ཁ་ལུང་ཆེན་བདུན་གཉིས་གཅིག་ཏུ་དྲིལ། ཅེས་གསུངས། དབྱེ། །རྫོགས་པར་འགྱུར་མེད་ཡེ་ནས་སེམས་གཞི། གནས་པ་ནི། །ཆོས་ཉིད་འགྱུར་མེད་ནམ་མཁའ་ལྟ་བུར་ཆེ། །སྣང་ལམ། སྲིད་རྣམ་དག་ལྟ་བའི་རྒྱལ་པོ་དཀྱིལ་འཁོར་ནི། །ཁྱུང་ཆེན་གཤོག་རྫོགས་མཁའ་ལ་ལྡིང་བ་འདྲ། ཉིད་སྒོམ་པ་ནང་ནས་རང་གསལ་བ། །རྒྱ་མཚོ་རྫི་ཡིས་མ་ཡིན། །ལུས་ངག་ཡིད་སྤྱོད་རྣམ་རྟོག་ཟིལ་གནོན་པ། །སེང་གེའི་སྐད་ཀྱིས་གཅན་གཟན་སྐྲག་པ་འདྲ། །རྟོགས་པའི་འབྲས་བུ་གནས་སྐབས། དུས་སུ་འབྱུང་བ་ནི། །ཡིད་བཞིན་རིན་ཆེན་རྩེ་ལ་ཁུ་བྱུག་ལྡིང་། །སྣང་སྲིད་ཡེ་སངས་རྒྱས་པ་ཆོས་ཀྱི་སྐུ། །མདོ་ཙམ་བཤད་ནས་བློ་ཁ་དབྱེ་བར་བྱ། །ཞེས་གསུངས། ། ༈ དེ་དག་གོམས་ནས་ཉམས་སུ་བླངས། །བསྐྱེད་རིམ་མཉམ་པར་བཞག་བྱས་ནས། །རྗེས་སྤྱོད་ངོ་བོ་ཉིད་གསུམ་བལྟ། །བདུད་རྩི་ལྔ་ཡི་རིལ་བུ་བཟའ། །དམ་ཚིག་ཉི་ཤུ་རྩ་བརྒྱད་བསྲུང་། །རྡོ་རྗེ་དྲིལ་བུ་འབྲལ་མི་བྱ། །མཉམ་གཞག་རྩ་རླུང་ཙཎྜ་ལཱི། །རང་བྱུང་ཡེ་ཤེས་རྗེས་ལ་སྤྱོད། །སྟོང་གསལ་བཟའ་བར་བྱ་བ་ཉིད། །རང་བྱུང་རླུང་དང་འགལ་བ་བསྲུང་། །ཞི་དྲག་རླུང་དང་འབྲལ་མི་བྱ། །དཀྱིལ་འཁོར་འཁོར་ལོ་མཉམ་པར་བཞག །རྗེས་སྤྱོད་ལྷན་ཅིག་སྐྱེས་ལ་བལྟ། །བཟའ་བ་བདེ་བ་ཆེན་པོ་ཉིད། །ཐིག་ལེ་འཛག་པ་དྲུག་ཀྱང་བསྲུང་། །ཡེ་ཤེས་ཕྱག་རྒྱ་དངོས་མི་འབྲལ། །མཉམ་གཞག་རྦ་རླབས་རྣམ་པ་གསུམ། །ཤིན་ཏུ་རྣམ་པར་དག་པ་ཡི། །དེ་ཁོ་ན་ཉིད་སྤྱད་པར་བྱ། །བཟའ་བ་བདེ་ཆེན་བདེ་སྟོང་ལ། །སྒྲིབ་པ་གཉིས་ལས་ཤེས་སྒྲིབ་བསྲུང་། །པད་ཅན་ཡེ་ཤེས་དངོས་མི་འབྲལ། །ཞེས་དང་། ཉམས་ན་གསོ་བའི་ཐབས་བཅས་ལམ་འབྲས་ལྟར་བསྟན་ཏོ། ། ༈ ལུས་ལ་བྱང་ཆུབ་སེམས་རྒྱུ་བའི། །རྩ་ནི་སུམ་ཅུ་རྩ་གཉིས་ཏེ། །དེ་དག་ཀུན་རྫོབ་གཟུགས་དང་ནི། །དོན་དམ་གཟུགས་ཀྱི་བདག་ཉིད་དོ། །དེ་ཡི་གཙོ་བོ་རྣམ་པ་གསུམ། ལཱ་ལ་ན་ནི་ཤེས་རབ་ལ། །རཱ་ས་ན་ནི་ཐབས་ཡིན་ཏེ། །ཨ་ཝ་དྷཱུ་ཏི་གཉིས་མེད་གཟུགས། །དྲི་ཆུ་རྒྱུ་བ་འཆང་ལྡན་མ། །སོགས་༣༢རྒྱས་པར་བཤད་ཅིང་། སྤྱི་གཙུག་རྡོ་རྗེ་འཛིན་ཆེན་མོས། །དགའ་བར་བྱེད་ཕྱིར་ལཱ་ལ་ན། །སྤྱི་བོ་དག་ན་སྤྲོས་པ་དང་། །བྲལ་ཕྱིར་ཨ་ཝ་དྷཱུ་ཏིའོ། །སྤྱི་གཙུག་དག་གི་གཡས་པ་ན། །མྱང་བས་དགའ་ཕྱིར་རཱ་ས་ན། །ལྟག་པ་དག་ལ་གནས་པ་ནི། །སྐུ་སོགས་བདག་ཉིད་པྲཱ་མ་ཎཱ། །སོགས་བྱེད་ལས་བཅས་རྒྱས་པར་བཤད། རྩ་ནི་སུམ་ཅུ་རྩ་གཉིས་སོ། །བརྒྱད་ཚན་བཞིས། དཀྱིལ་འཁོར་བཞི་ལ་གནས་པ་ན། །སྲོག་ཤིང་གསུམ་དང་ཡང་དག་ལྡན། །ཉི་མ་ཟླ་བ་རཱ་ཧུ་ལ། །ལྟེ་བ་སྤྲུལ་པའི་དཀྱིལ་འཁོར་ན། །འདབ་མ་དྲུག་ཅུ་རྩ་བཞི་ལ། །ཀ་ལི་སུམ་ཅུ་རྩ་གཉིས་སོ། །ལུགས་འབྱུང་ལུགས་ལས་ལྡོག་པས་ནི། །ཡི་གེ་དྲུག་ཅུ་རྩ་བཞིའོ། །རྩ་ཡི་འདབ་མ་བཞི་པོ་སྟེ། །ས་ཡི་ས་སོགས་འབྱུང་བ་བཞི། །སྟོང་པ་བཅུ་དྲུག་ཡི་གེ་ནི། །རྣམ་པར་དག་པས་སངས་རྒྱས་སྤྱན། །སེམས་སོགས་ངོ་བོ་ཡོངས་གྱུར་པ། །ཆོས་ཀྱི་འབྱུང་གནས་དཀྱིལ་འཁོར་ཡིན། །སྙིང་ག་ཆོས་ཀྱི་འཁོར་ལོ་ན། །འདབ་མ་བརྒྱད་པར་གནས་པ་ལ། །སྡེ་ཚན་ཡི་གེ་དང་པོ་བརྒྱད། །འབྱུང་དང་བཅུ་པ་ལས་གྱུར་པ། །ཕྲ་མོའི་ཕྲ་གཟུགས་བརྒྱད་པ་སྟེ། །འཁོར་འདས་ཆོས་རྣམས་ཆུ་ལྟར་འབབ། །མགྲིན་པ་ལོངས་སྤྱོད་འཁོར་ལོ་ལ། །འདབ་མ་བཅུ་དྲུག་སྣང་གསལ་མེ། །སྟོང་པ་བཅུ་དྲུག་ཡི་གེར་དག །བཅུ་དྲུག་ཤེས་རབ་ལོངས་སྤྱོད་ཅིང་། །སྤྱི་བོ་བདེ་ཆེན་འཁོར་ལོ་ན། །སུམ་ཅུ་རྩ་གཉིས་ཀཱ་ལིས་བརྒྱན། །སྐྱེས་བུའི་མཚན་རྣམས་རྣམ་པར་དག །རླུང་གི་འབེབས་འདྲེན་གཙུག་ཏོར་འགྲུབ། ། ༈ ཨེ་ནི་ཆོས་ཀྱི་འབྱུང་གནས་ལ། །སྟོང་པ་ཉིད་དང་དགའ་བ་དང་། །དབྱིངས་སུ་ལྷ་མོ་སངས་རྒྱས་སྤྱན། །ཝྃ་ནི་ཆུ་དང་མཚན་མ་མེད། །མཆོག་ཏུ་དགའ་བ་མཱ་མ་ཀི །མ་ནི་སྨོན་པ་མེད་པ་དང་། །དཔའ་བོའི་དགའ་བ་གོས་དཀར་མོ། །ཡ་ནི་རླུང་དང་འདུས་མ་བྱས། །ལྷན་ཅིག་སྐྱེས་དགའ་སྒྲོལ་མ་ཉིད། །ཨེ་ཝཾ་མཱ་ཡཱར་ཀུན་འདུས་སོ། །ཐམས་ཅད་རྩ་བ་ཀུན་གཞི་ཡིན། །དེ་ནི་རྒྱུ་ཡི་རྒྱུད་ཡིན་ལ། །རང་ལུས་ཐབས་ཀྱི་རྒྱུད་འདི་ལ། །གནས་པ་རྩ་ནི་བུམ་པ་ཡིན། །ལུས་ཁམས་བདུད་རྩི་གསང་བར་གནས། །གྲུབ་པའི་སྔགས་ནི་ཤེས་རབ་དབང་། །སྙིང་པོ་རླུང་ནི་བདེ་ཆེན་ཉིད། །སྐུ་གསུང་ཐུགས་ནི་འབྲས་བུའི་རྒྱུད། །ཅེས་སོགས་དང་། བར་འདིར་སྦྱོར་བ་ཡན་ལག་དྲུག་རིམ་ཡང་བསྟན། བསྙེན་པ་ལོ་ཟླར་སེམས་སྦྱངས་ནས། །ཉེ་བའི་བསྙེན་པ་ལྟར་སྦྱངས་ནས། །དེ་བཟོད་ཡུམ་བཟུང་སྒྲུབ་པ་ལ། །བྱང་སེམས་དཀྱིལ་འཁོར་སྒྲུབ་ཆེན་པོ། །བསྙེན་པ་དོན་དམ་བྱང་ཆུབ་སེམས། །ཉེ་བསྙེན་བདག་ཉིད་ལྷར་ཤེས་པ། །སྒྲུབ་པ་ཡུམ་ན་བསྐྱེད་པ་ཡིན། །སྒྲུབ་ཆེན་བྱང་སེམས་དཀྱིལ་འཁོར་འདོད། །དང་པོ་སྟོང་པ་བྱང་ཆུབ་སེམས། །གཉིས་པ་ས་བོན་འབྱུང་བ་སྟེ། །གསུམ་པ་ལ་ནི་གཟུགས་རྫོགས་པ། །བཞི་པ་ལ་ནི་ཡི་གེ་དགོད། །ཐུན་མོང་དངོས་གྲུབ་བསྒྲུབ་པར་གསུངས། །ཀུན་ཀྱང་བསྙེན་སྒྲུབ་རྣམ་བཞིར་གསུངས། །ཞེས་དང་། ། ༈ དང་པོ་བག་ཆགས་སྦྱངས་བྱས་ཏེ། །གཉིས་པ་དངོས་གྲུབ་རྫས་ལ་དབབ། །གསུམ་པ་རྒྱལ་བ་སྲས་བཅས་མཆོད། །བཞི་པས་དངོས་གྲུབ་བླང་བར་བྱ། །ཞེས་དང་། ཕྱག་རྒྱ་བཞི་ཡི་དོན་བསྟན་པ། །མི་འདའ་དམ་ཚིག་ཕྱག་རྒྱ་དང་། །བྱེད་པ་ལས་ཀྱི་ཕྱག་རྒྱ་དང་། །བསམ་པ་ཆོས་ཀྱི་ཕྱག་རྒྱ་དང་། །གསལ་བ་སྐུ་ཡི་ཕྱག་རྒྱ་བཞི། །ཐམས་ཅད་ཀུན་ལ་རྒྱས་བཏབ་པའོ། །དམ་ཚིག་ཕྱག་རྒྱ་རྣམ་པ་བཞི། །སྐུ་ནི་ཕྱག་རྒྱ་ཆེན་པོ་དང་། །གསུང་ནི་ཆོས་ཀྱི་ཕྱག་རྒྱ་དང་། །ཕྲིན་ལས་ལས་ཀྱི་ཕྱག་རྒྱ་དང་། །ཐུགས་ནི་དམ་ཚིག་ཕྱག་རྒྱའོ། །བྱེད་པ་ལས་ཀྱི་ཕྱག་རྒྱ་བཞི། །ཨེ་ཡི་ལས་ཀྱིས་དྲག་པོར་བྱེད། །ཝྃ་གྱི་ལས་ཀྱིས་དབང་དུ་བྱེད། །མ་ཡི་ལས་ཀྱིས་རྒྱས་པར་བྱེད། །ཡ་ཡི་ལས་ཀྱིས་ཞི་བར་བྱེད། །བསམ་པ་ཆོས་ཀྱི་ཕྱག་རྒྱ་བཞི། །ཡུམ་ནི་དམ་ཚིག་ཕྱག་རྒྱ་ལ། །ཡབ་ནི་ཕྱག་རྒྱ་ཆེན་པོ་སྐུ། །མཁའ་གསང་བྱིན་རླབས་ལས་ཀྱི་རྒྱ། །འཁོར་བསྐྱེད་ཆོས་ཉིད་ལས་མི་འདའ། །གསལ་བ་སྐུ་ཡི་ཕྱག་རྒྱ་བཞི། །དམ་ཚིག་ཕྱག་རྒྱ་ཡེ་ཤེས་གསུང་། །ཕྱག་རྒྱ་ཆེན་པོ་ཆོས་ཀྱི་སྐུ། །ལས་ཀྱི་ཕྱག་རྒྱ་སྤྲུལ་པའི་སྐུ། །ཆོས་ཀྱི་ཕྱག་རྒྱ་ལོངས་སྤྱོད་རྫོགས། །ཞེས་གཞི་ལམ་འབྲས་གསུམ་གྱི་སྒོ་ནས་བཤད་སྣང་ངོ་། །བར་འདིར་མ་འདྲེས་བཅོ་བརྒྱད་དང་མཚན་དཔེ་སོགས་སངས་རྒྱས་ཀྱི་ཡོན་ཏན་མང་པོ་ཡོད། ། ༈ རུ་དྲ་རྣམ་པ་བཞིར་འདོད་དེ། །གནས་ལུགས་རྒྱུ་ཡི་རུ་དྲ་དང་། །གོལ་རྐྱེན་ལམ་གྱི་རུ་དྲ་དང་། །གོལ་བ་སྔོན་བྱུང་རུ་དྲ་དང་། །གོལ་འགྲོ་རྗེས་འཇུག་རུ་དྲ་ཡིན། །ཞེས་དང་། དེའི་དོན་རྒྱས་པར་བཤད་མཐར། །དེ་ནས་ལུས་ངག་ཡིད་གསུམ་ལ། །བདག་ཏུ་ལྟ་བའི་རུ་དྲ་གཞོམ། དེ་ནས་དུར་ཁྲོད་བདག་པོ་དག །ཅི་རིགས་སུ་ནི་ལས་རྣམས་བྱ། །ལྟ་བས་གཟུང་འཛིན་རྟོག་པ་བཅོམ། །ཡུལ་དུ་སྣང་བ་ཆོས་ཀྱི་དབྱིངས། །སེམས་སུ་སྣང་བ་ཡེ་ཤེས་ཉིད། །ཅེས་སོགས། བདག་འཛིན་བདག་གིར་རྟོག་པ་དེ། །བདག་མེད་སྟོང་པའི་སྟོབས་ཀྱིས་གཞོམ། །ཞེས་དང་། ། ༈ དེ་ནས་སངས་རྒྱས་ཐམས་ཅད་ཀྱིས་རིམ་པ་ལྔའི་དགོངས་པ་འདི་གསུངས་སོ། །རྡོ་རྗེའི་བཟླས་དང་སེམས་ལ་དམིགས། །བདག་བྱིན་རླབས་དང་འོད་གསལ་བ། །ཟུང་དུ་འཇུག་པ་འདི་ལྔ་ལ། །རེ་རེ་ལ་ཡང་གསུམ་གསུམ་ཡིན། །ཐ་མལ་དང་ནི་ལམ་དུ་ཁྱེར། །འབྲས་བུར་ཁྱེར་བ་རྣམ་པ་གསུམ། །རེ་རེ་ལ་ཡང་ལྔ་ལྔར་བཤད། །ཅེས་སོགས་རྒྱས་པར་བཤད། བརྟག་པ་བཅུ་གཉིས་པར་རུ་ལུའི་བཟླ་ཚུལ་སོགས་ཤིན་ཏུ་ཞིབ་པར་བཤད་སྣང་ངོ་། ། ༈ ཕྱི་ནང་གསང་བའི་མཚམས་བཅད་ནས། །སྲུང་བའི་འཁོར་ལོ་ཡང་དག་གནས། །ལུས་ཁམས་བདུད་རྩི་ཆེན་པོ་ལ། །སྨན་དང་གཏོར་མ་རཀྟ་ཡིན། །ཕྱི་ནང་གསང་བའི་བཤགས་པ་ཡིས། །ལུས་ཅན་རྣམས་ཀྱི་དྲི་མ་བཀྲུ། །དང་པོར་སྟོང་ཉིད་བསྒོམས་པས་ནི། །རང་ལུས་དཀྱིལ་འཁོར་ཉིད་དུ་འགྱུར། །རྩ་ནི་གཞལ་ཡས་སྤྲུལ་པའི་སྐུ། །ཡི་གེ་སྔགས་ཀྱིས་ལོངས་སྤྱོད་རྫོགས། །ལུས་ཁམས་བདུད་རྩི་ཆོས་ཀྱི་སྐུ། །ངོ་བོ་ཉིད་སྐུ་སྙིང་པོ་རླུང་། །སྐུ་བཞི་རང་གནས་ལྷ་རུ་རྫོགས། །ལས་ཀྱི་རླུང་ལས་འཇུག་པ་བཞི། །ཉམས་སུ་བླང་བའི་གནད་རྣམས་ནི། །བདུན་ཅུ་ཐམ་པ་མན་ངག་གནས། །གནས་སྦྱོང་བཞི་བཅུ་རྩ་གཉིས་ཡིན། །ཕོ་མོ་མ་ནིང་མཐའ་དག་ལ། །རླུང་ཁམས་འདུས་པ་དང་པོ་པ། །དགུན་རླུང་ལག་ཆ་ཅན་དག་གིས། །རྩ་བྲལ་ལུས་སེམས་རྨི་ལམ་དུ། །ཉམས་ཀྱི་སྣང་བ་འབྱུང་བ་ཡིན། །ཕྱིར་ལྔ་གསུམ་གནས་འཇུག་པ་གསུམ། །ཁོང་གནས་ཁ་སྦྱོར་དབུགས་གཅིག་བདུན། །གཞི་ནི་རྩ་བའི་རླུང་ལ་ལྔ། །ཡན་ལག་ལྔ་སྟེ་རྣམ་དབྱེ་བཅུ། །བཅུ་ལ་མི་གནས་ལས་དང་བཅས། །ཟིན་པའི་ཟུག་དང་ཏིང་ངེ་འཛིན། །རེངས་སྐྱོན་བཅོས་ཐབས་བདུན་འགྱུར་པས། །མན་ངག་གནས་ནི་བདུན་ཅུར་གསུངས། །རླུང་དང་ལུས་ཁམས་བདུད་རྩི་གཉིས། །རྩ་སྔགས་གསུམ་གྱི་ལམ་ཡང་ཁྲིད། །ཁམས་ནི་འདུས་པ་བར་པ་ལ། །ལག་ཆ་བྲི་བའི་རླུང་གིས་བྲལ། །མཐོང་སྣང་རེ་དོགས་བྲལ་བའི་ལམ། །སད་པ་བཞི་དང་དགྲར་ལངས་ཡིན། །ཁམས་འདུས་ཐ་མ་ལག་ཆ་བྲལ། །སྐུ་བཞི་གནས་པར་འགྱུར་བའོ། །དེ་ནས་འཇིག་རྟེན་འདས་པའི་ལམ། །ས་རྣམས་ནོན་པ་རྒྱལ་བས་གསུངས། །ཕྱི་རབས་རྣལ་འབྱོར་ཐམས་ཅད་ལ། །རྡོ་རྗེ་འཆང་གིས་རྒྱས་པར་བཤད། །ཀྱེ་ཧོ་སྐལ་ལྡན་རིགས་ཀྱི་བུ། །འཁོར་འདས་ཐུན་མོང་འཆད་དང་འདས། །འཇིག་རྟེན་པ་དང་འཁོར་ལོ་བསྐོར། །འཁོར་འདས་ཐུན་མོང་ལམ་བཤད་ན། །སྣང་བ་གསུམ་དུ་བསྟན་པའི་ལམ། །རྒྱུ་རྒྱུད་ཐབས་རྒྱུད་འབྲས་བུའི་རྒྱུད། །བླ་མ་གྲུབ་པ་བདེ་གཤེགས་དངོས། །མན་ངག་ཉམས་མྱོང་ལུང་འབྲེལ་ཚད། །གདམས་ངག་དྲུག་ཏུ་བསྟན་པ་དང་། །སྙན་བརྒྱུད་བཞི་ཡིས་གཏན་ལ་ཕབ། །རྟེན་ཅིང་འབྲེལ་བར་འབྱུང་བ་ལྔ། །ཞེས་སོགས་བརྟག་པ་བཅུ་གསུམ་པ་འདིར་ལམ་ཤིན་ཏུ་རྒྱས་པར་བསྟན་ཅིང་། །ཡང་བརྟག་པ་བཅུ་བཞི་པར། བུམ་དབང་བསྐྱེད་རིམ་དབྱིབས་ཀྱི་ལམ། །གསང་རྟེན་སྙིང་མགྲིན་སྤྱི་བོ་རུ། །ལས་རིན་རྡོར་ཆོས་རྣམ་སྣང་དང་། །ཡུམ་དང་བཅས་དབྱིབས་བདེ་སྟོང་འཇུག །ངོ་བོ་ཉིད་གསུམ་ལྟ་བ་ནི། །སྣང་དང་སྟོང་དང་ཟུང་དུ་འཇུག །ལོག་བྲལ་ངོ་བོ་གཅིག་པ་དང་། །གྲུབ་མཐའ་འཁོར་འདས་དབྱེ་བ་མེད། །ས་དྲུག་རྟགས་དང་ལྡན་པའོ། །བར་ཆོད་འདའ་ཀ་རྣམ་པ་གསུམ། །སྣང་བ་བསྒྱུར་བའི་འདའ་ཀ་མ། །འོད་ཀྱི་གོང་བུ་འཕོ་བ་དང་། །སྒྲ་ཡིས་འཕོ་བའི་འདའ་ཀ་མ། །འབྲས་བུ་རིག་འཛིན་ཐོབ་པ་དང་། །རང་ལུས་རྩ་ལས་གྲུབ་པས་ན། །རྩ་ཉིད་སྤྲུལ་སྐུར་ལྷུན་གྱིས་གྲུག །གསང་དབང་བདག་བྱིན་བརླབས་པའི་ལམ། །རླུང་གི་གཞུ་ལ་མེ་ཡི་མདའ། །བྱང་སེམས་ཧྃ་གི་འབེན་ལ་བརྡེག །མྱུར་དུ་ཡེ་ཤེས་འཆར་བར་འགྱུར། །བསྐྱར་བའི་སྦྱོར་བ་སྐྱོན་མེད་པའོ། །ཁ་སྦྱོར་ལམ་སྦྱང་ལྟ་བ་བསྐྱང་། །ཐུན་ནི་གྲངས་ཚད་མེད་པ་ལ། །ཡིད་ཀྱི་འཇུག་ཡུལ་ཁམ་ཚོད་བཟུང་། །གཡས་གཡོན་དུ་བ་མུན་སོགས་རྟགས། །ལྟ་བ་རང་བྱུང་ཡེ་ཤེས་བཞི། །ཉོན་མོངས་པ་ནི་རྣམ་པར་རྟོག །སྦྲེལ་བཞི་གསལ་ཞིང་ཡང་པའོ། །གྲུབ་མཐའ་མ་རྙོགས་འདའ་ཀ་མ། །རླུང་ནི་དབུ་མར་ཐིམ་པའོ། །འབྲས་བུ་ལུས་ཀྱི་ཡི་གེ་ཉིད། །ལོངས་སྤྱོད་རྫོགས་པའི་སྐུ་གྲུབ་ཐོབ། །ཤེས་རབ་ཡེ་ཤེས་དབང་དོན་བསྒོམ། །དཀྱིལ་འཁོར་འཁོར་ལོ་ཐབས་ཀྱི་ལམ། །ལུས་ངག་འདོད་པ་བྱིན་རླབས་མཉམ། །སོགས་རྒྱས་པར་བཤད་མཐར། །ལྟ་བ་ལྷན་ཅིག་སྐྱེས་དགའ་ནི། །གོ་རིམ་ལྟོས་པའི་དགའ་བ་བཞི། །ཕྱི་དང་ནང་གི་དགའ་བ་བཞི། །བདེ་བས་སྤང་བྱ་སྤོང་བ་བཞི། །རང་གི་ངོ་བོར་ཤར་བའོ། །གྲུབ་མཐའ་བདེ་སྟོང་རྒྱ་ཆུང་ཞིང་། །བཅུ་གཅིག་བཅུ་གཉིས་ས་པའོ། །འདའ་ཀ་རྡོ་རྗེ་སེམས་འབྱོན་འགྱུར། །ལུས་ཁམས་བདུད་རྩི་ཆོས་སྐུ་ཐོབ། །བདེ་བ་ཆེན་པོའི་དབང་བསྒོམ་ན། །ལམ་ནི་རྡོ་རྗེའི་རྦ་རླབས་ཏེ། །པདྨ་ཅན་ལ་ལུས་ངག་ཡིད། །ཐབས་ཤེས་གཉིས་ཀའི་རྒྱུད་དག་པས། །སྲོག་ཤིང་གསུམ་ལས་རྣམ་ཐར་སྒོ། །ཆོས་རྣམས་ཤིན་ཏུ་རྣམ་དག་པའི། །དེ་ཁོ་ན་ཉིད་ལྟ་བ་ནི། །མས་བརྟན་པ་ཡི་དགའ་བ་བཞི། །རྒྱུ་མཐུན་པས་ནི་སྐྲ་དཀར་འཇོམས། །རྣམ་པར་སྨིན་པས་སྟོབས་སྟེར་བྱེད། །སྐྱེས་བུ་བྱེད་པས་རྣམ་པར་འཕེལ། །དྲི་མ་མེད་པས་འཆི་མེད་འགྱུར། །གྲུབ་མཐའ་མ་རྟོགས་འདའ་ཀ་མ། །ཕྱག་རྒྱ་ཆེན་པོའི་འཕོ་བ་བྱ། །སོགས་རྒྱས་པར་བཤད་མཐར། འབྲས་བུ་སྐུ་གསུམ་དབྱེར་མེད་པ། །ངོ་བོ་ཉིད་ཀྱི་སྐུ་ཐོབ་སྟེ། །བཅུ་བཞིའི་ས་ལ་རབ་གནས་པ། །རྡོ་རྗེ་འཛིན་པར་གྲུབ་པའོ། །ཞེས་བརྟག་པ་བཅུ་བཞི་པ་ལས་འབྱུང་ཞིང་། བརྟག་པ་འདི་གཉིས་དང་། དྲི་མེད་བཤགས་རྒྱུད་སོགས་སྦྱར་ན་ལམ་འབྲས་ཀྱི་ཆོས་སྐད་མཐིལ་ཕྱིན་པར་སྟོན་པ་ཡོད་ལགས། ། ༈ མཆོད་བསྟོད་འདུས་པ་རྩ་བའི་རྒྱུད་ལས། དྲེགས་པའི་འཁོར་ཚོགས་འདི་དག་ནི། །ངོ་བོ་རང་རིག་བྱང་ཆུབ་སེམས། །མ་སྐྱེས་དབྱིངས་ལས་གཡོས་པ་མེད། །འཇིག་རྟེན་གནས་དང་མཐུན་འཇུག་ཅིང་། །མཆོད་དང་བསྟོད་པས་མཉེས་འགྱུར་པས། །འཇིག་རྟེན་མཆོད་བསྟོད་ཅེས་སུ་བརྗོད། །ཅེས་སོ། ། ༈ ཡང་ཧེ་རུ་ཀའི་ཐུགས་ཀྱི་རྒྱུད་གལྤོ་ཞེས་པར། གཞལ་མེད་ཁང་ཆེན་ཡེ་ཤེས་ཏེ། །འཁོར་འདས་མཉམ་པ་གྲུ་བཞི་བཞི། །སྒོ་བཞི་དྲན་པ་ཉེར་བཞག་བཞི། །རྣམ་ཐར་བརྒྱད་དང་རྟ་བབས་སོ། །རིན་ཆེན་སྒོ་སྟེགས་ཐུགས་རྗེའི་ངང་། །རྫུ་འཕྲུལ་རྐང་བཞི་སྒོ་ཁྱམས་དང་། །ཕྲེང་བ་བྱང་ཆུབ་ཡན་ལག་བདུན། །འཕགས་ལམ་བརྒྱད་ཀྱི་ཀ་བས་མཛེས། །ལམ་གྱི་ཡེ་ཤེས་རྔ་ཡབ་དང་། །ཉོན་མོངས་འཆིང་འཇོམས་གྲི་གུག་ཕྲེང་། །དྲིལ་བུ་བ་དན་རླུང་བསྐྱོད་པ། །ཤེས་རབ་ཆོས་ཀྱི་སྒྲ་སྒྲོག་དང་། །ཆེ་བའི་ཡོན་ཏན་འདུས་པའི་རྟགས། །བདུད་བཞི་འཇོམས་པའི་རྒྱལ་མཚན་དང་། །ཐོད་ཕྲེང་སྐུ་གསུམ་ཐོབ་པའི་རྟགས། ། ༈ གལ་པོའི་བརྟག་པ་གསུམ་པར་ཐེག་དགུའི་ལམ་རྒྱས་པར་བཤད་ཡོད།། །། ༈ ལམ་རིམ་ལེའུ་ལྔ་པ་ལས། ཡན་ལག་མ་ཉམས་སྔགས་བཟླས་པའང་། །སྐྱོན་བཅུ་སྤངས་ཏེ་རྣམ་གསུམ་གྱི། །བཟླས་པ་གྲངས་བཞིན་རྫོགས་པར་བྱ། །སྤྲོ་བསྡུ་བདག་དང་གཞན་དོན་རྫོགས། །ཕྱི་ནང་གསང་བ་གང་མོས་སུ། །བཟླས་པ་ཚད་དུ་ཕྱིན་པར་བྱ། །དུབ་ན་ཡེ་ཤེས་ཐིག་ལེ་བལྟ། །ཞེས་གསུངས་པའི་དོན་བཟླས་པ་བྱ་བའི་ཚེ་སྔགས་ཀྱི་ཡན་ལག་མ་ཉམས་པར་བཟླ་དགོས་ཏེ། དེའང་སྐྱོན་བཅུ་སྤང་དགོས། སྐྱོན་བཅུ་ནི། སྒྲ་བག་ཆེ་བ། ཆུང་བ། ཚིག་མགྱོགས་པ། བུལ་བ། སྐད་གསང་དྲག་པ། དལ་བ། ཡིག་འབྲུའི་ཡན་ལག་ཟུར་ཆག་སྟེ་ཉམས་པ། སེམས་གཞན་དུ་ཡེངས་པ། སྨྲ་བཞིན་པ། འགྲུལ་སོགས་ཀྱིས་བར་དུ་ཆོད་པའོ། །དེ་རྣམས་སྤངས་ནས། དགོངས་པ་གསལ་བ། ལྷག་ཆད་མེད་བ། མ་ཡེངས་པར་མང་དུ་བཟླ་པའམ། ཡང་ན་བདག་དམ་ཚིག་སེམས་དཔར་གསལ་བ། ལྷ་ཡེ་ཤེས་སེམས་དཔར་གསལ་བ། བར་ན་སྤྲོ་བསྡུ་གསལ་བ་སྟེ་གསལ་བ་རྣམ་པ་གསུམ་གྱི་སྒོ་ནས་བཟླས་པ། དུས་ཟླ་བ་དྲུག་ལ་སོགས་པ། གྲངས་བཞི་འབུམ་ལ་སོགས་པ་དང་། མཚན་མ་དངོས་ཉམས་རྨི་ལམ་དུ་འབྱུང་བའི་བར་དུ་རྫོགས་པར་བྱའོ། །དེའི་ཚེ་ཏིང་ངེ་འཛིན་གྱི་ཁྱད་པར་སྤྲོས་པས་མཆོད་པ་དང་། བསྡུས་པས་དངོས་གྲུབ་བླང་བའི་ཚུལ་གྱིས་རང་དོན་དང་། སྤྲོས་པས་འགྲོ་བའི་སྒྲིབ་པ་སྦྱང་བས་གཞན་དོན་རྫོགས་པའོ། །གཞན་ཡང་ཕྱི་དམ་ཚིག་པའམ། ཡེ་ཤེས་པ་གང་མོས་སུ་གསལ་བའི་སྔགས་ཀྱི་འོད་ཟེར་བ་སྤུའི་བུ་ག་ནས་སྤྲོ་བ། ནང་དམ་ཡེ་ཐ་དད་མེད་པར་གསལ་བའི་ཐུགས་ཀ་ནས་སྣ་བུག་ཏུ་སྤྲོ་བའོ། །གསང་བ་བདག་དམ་ཚིག་པའི་མཁའ་གསང་རྡོ་རྗེ་ནས། ཡིག་འབྲུ་བྱང་ཆུབ་སེམས་ཀྱི་འོད་ཟེར་དང་བཅས་པ་འཕྲོས་ཏེ། ཡེ་ཤེས་སེམས་དཔའི་ཞལ་ནས་ཞུགས། ཨ་ཝ་དྷཱུ་ཏིའི་ལམ་བརྒྱུད། གསང་བའི་རྡོ་རྗེ་ནས་བདག་གི་རྡོ་རྗེ་ལ་ཐིམ། དེ་ལྟ་བུའི་ཚུལ་གྱིས་འཁོར་བ་ལ་སེམས་གཏད་དེ་བཟླས་པ་བྱ་བའོ། །ཡང་ན་བདག་དམ་ཚིག་སེམས་དཔའི་དཀྱིལ་འཁོར་དུ་གསལ་བ་ཕྱིའི་རྣལ་འབྱོར། ལྷ་ཡེ་ཤེས་སེམས་དཔའི་དཀྱིལ་འཁོར་དུ་གསལ་བ་ནང་གི་རྣལ་འབྱོར། བར་སྣང་ཡི་གེའི་འཕྲོ་འདུ་གསལ་བ་གསང་བའི་རྣལ་འབྱོར་རམ། ཡང་ན། བདག་གཞན་གྱི་སྒྲིབ་པ་སྦྱང་བ་ཕྱིའི་བཟླས་པ། དེས་དངོས་གྲུབ་གསལ་ཞིང་ཐོབ་པ་ནང་གི་བཟླས་པ། བཟླས་པའི་འོད་ཟེར་ཕར་མི་སྤྲོ་བར་མཚོ་ལ་སེར་ཆེན་བབས་པ་བཞིན་ཚུར་བསྡུ་བ་ནི་གསང་བའི་བཟླས་པ་སྟེ། དང་པོ་ནི། སྔགས་ཀྱི་འོད་ཟེར་སྤྲོ་བའི་སྒོ་ནས་དང་། གཉིས་པ་ལྷ་བསྒོམ་ལུགས་དང་། གསུམ་པ་སྒྲིབ་པ་སྦྱང་ཞིང་དངོས་གྲུབ་ལེན་པའི་སྒོ་ནས་བཞག་པའོ། །དེ་ལྟ་བུའི་སྒོ་ནས་བཟླས་པ་ཚད་དུ་ཕྱིན་པར་བྱའོ། །གལ་ཏེ་ངག་བཟླས་ཀྱིས་དུབ་ན་ངལ་བསོ་བའི་སླད་ཕྲ་མོ་གསུམ་གྱི་བཟླ་ལུགས་ནི། རྩ་གཡས་རོ་མ་ནས་ཁྲག །གཡོན་རྐྱང་མ་ནས་དྲི་ཆུ། དབུས་ཀུན་འདར་མ་ནས་བྱང་སེམས་འབབས་པ་གསུམ། ལྟེ་འོག་སྦུ་གུའི་ཐད་ཁྲག་གི་ཐིག་ལེ་ལ་མར་སྣ་ཟུག །སྤྱི་བོ་ཚངས་བུག་གི་ཟླ་བའི་ཐིག་ལེ་ཧྃ་ལ་ཡར་སྣ་ཟུག་ནས་ཡོད་པས། སྔགས་དབུས་ཀུན་འདར་མའི་ནང་དུ་ཐིམ་སྟེ་ཡེ་ཤེས་ལྔའི་ཐིག་ལེ་ལ་གནས་པས་སྙིང་གར་ཀུན་འདར་མའི་ནང་དུ་ཡེ་ཤེས་ཀྱི་ཐིག་ལེ་ལ་བལྟས་པས་སེམས་རིག་སྟོང་དུ་འཆར། ལྟེ་བ་ཀུན་ཏུ་བཟང་པོ་ཁྲག་གི་ཐིག་ལེ་ལ་བལྟས་པས་ལུས་བདེ་སྟོང་དུ་འཆར། སྤྱི་བོ་བདེ་བ་ཆེན་པོའི་ཐིག་ལེ་ལ་བལྟས་པས་ཡུལ་སྣང་སྟོང་དུ་འཆར་བའོ། །ཉལ་བས་ནངས་པར་དེ་ཉིད་ལས། །ཧཱུྃ་སོགས་བསྒྱུར་ཏེ་སྐུར་རྫོགས་པས། །སྔོན་བཞིན་བརྩོན་པས་འདྲིས་པར་བྱ། །ཞེས་ནུབ་མོ་ཉལ་བའི་ཚེ་སྙིང་གར་ཡེ་ཤེས་ཐིག་ལེ་ལ་སེམས་བཟུང་སྟེ་བདེ་བ་ཆེན་པོའི་ངང་དུ་ཁམས་གསོ། ནངས་པར་ལྡང་བ་ན་ཐིག་ལེ་ལས་ཧཱུྃ་དང་དེ་ལས་རྡོ་རྗེ་ཧཱུྃ་གིས་མཚན་པ་དང་། དེ་ལས་དཔལ་ཧེ་རུ་ཀའི་སྐུར་རྫོགས་པ་སྟེ་ཆོ་ག་གསུམ་ལ་སོགས་པའི་སྒོ་ནས་ལྷ་ཡི་རྣལ་འབྱོར་གསལ་བཏབ་ལ་སྔོན་དུ་ཇི་ལྟར་བཤད་པ་བཞིན་སྐྱོན་བཅུ་སྤངས་ཏེ། གསལ་བ་གསུམ་གྱི་ང་རྒྱལ་དང་མ་བྲལ་བས། ཕྱི་ནང་གསང་གསུམ་དང་ཕྲ་མོ་གསུམ་གྱི་སྒོ་ནས་བཟླས་བརྗོད་ལ་བརྩོན་པར་བྱའོ།། །། ༈

སྤྱི་དོན་ཞལ་ལུང་ལས། བྱ་རྒྱུད་ཀྱི་སྤྱོད་པའི་སྐབས། བྱ་བ་དྲུག་གི་དབྱེ་གཞི་ལ། འཇུག་པའི་དུས་ནི། དཔུང་བཟང་ལས། ཚེས་གྲངས་བཟང་པོ་ལ་འཇུག་སྟེ། །ཁྱད་པར་ཡར་གྱི་བརྒྱད་ལ་བརྩམ། །ཤིན་ཏུ་སྐར་མ་རྒྱལ་རྣམས་ལ། །གཟའ་སྐར་ཤིས་པས་བླང་བར་བྱ། །ཞེས་སོ། །བཟའ་བ་ཟས་ཀྱི་བྱ་བ་ནི། དཀར་གསུམ་མངར་གསུམ་ཟ་ཞིང་། ཤ་ཆང་སྒོག་བཙོང་ལ་སོགས་པ་སྲུང་བའོ། །བགོ་བ་གོས་ཀྱི་བྱ་བ་ནི། རས་ཁ་ཚར་མ་ཉམས་པ་བསྒོ་བའོ། །གཙང་སྦྲ་ཁྲུས་ཀྱི་བྱ་བ་ལ་བཞི་སྟེ། ཉོན་མོངས་པའི་རྒྱུ་རགས་པའི་བག་ཆགས་ལྟ་བས། བག་ཉལ་གྱི་བག་ཆགས་ཏིང་འཛིན་གྱིས། སྤྱོད་ལམ་ཉམས་པའི་དྲི་མ་ལྷ་གཤེགས་དཀྱིལ་འཁོར་བསྡུ་བས། ཐ་མལ་གྱི་དྲི་མ་སྔགས་བཟླས་པའི་ཆུས་བཀྲུ་བའོ། །དམིགས་རྟེན་གྱི་བྱ་བ་ནི། ཡི་དམ་གྱི་སྐུ་བྲིས་འབུར་གང་རིགས་གཙང་སྦྲ་དང་ལྡན་པས་ཆོ་ག་བཞིན་བཞེངས་པའོ། །བཟླས་བརྗོད་ཀྱི་བྱ་བ་ནི། ལྷ་ཡི། བདག་གི །འཕྲོ་འདུའི་དེ་ཁོ་ན་ཉིད་གསུམ་དང་ལྡན་ཞིང་སྐྱོན་བཅུ་སྤངས་པའི་ཚུལ་གྱིས་བཟླ་བ་སྟེ། དེ་སྐད་དུ། གསལ་བ་གསུམ་ལྡན་སྐྱོན་བཅུ་སྤངས་ལ་བླང་། །མཚམས་མེད་ལྔ་དང་མི་དགེ་བཅུ་སོགས་པའི། །སྡིག་པ་གང་བྱས་བཟླས་བརྗོད་བགྱིས་པས་སྦྱང་། །ཞེས་སོ། ། ༈
[edit]

'jam dpal gshin rje'i rgyal po zla gsang sdig pa stobs chen gyi rgyud las sogs rgyud las btus pa'i lung sna tshogs/ 'jam dpal gshin rje'i rgyal po zla gsang sdig pa stobs chen gyi rgyud las/__dkyil 'khor yongs rdzogs thig le che/__/'byung bzhi ye nas rnam dag klong /__/lhun gyis grub pa'i gzhal med khang /__/rtog tshogs lha yi dkyil 'khor rdzogs/__/ma lus 'dus pa thig le che/__/snang srid dbang gi dkyil 'khor du/__/ma bskur bskur med ye nas bskur/__/skyes bu rig pa'i rtsal ldan la/__/dbang mchog chen po rgyun du gnas/__/zhes dang /__gzhi dang lam dang 'bras bu'i rgyud/__/lta spyod dkyil 'khor dam tshig dbang /__/las rim sgrub pa gsang sngags dang /__/ngo bo 'brel bcas rgyu dang rkyen/__/rang bzhin gnas dang mngon byed pa/__/gsang sngags rgyud kyi nges par bshad/__/ces dang /__rtsa ba'i las ni gsum du bshad/__/gsad pa mchog gi sbyor ba dang /__/dregs pa stobs kyis gzhom pa dang /__/gdug pa 'dul ba'i las su gsungs/__/gsad pa mchog gi sbyor ba las/__/sogs dang /__rang bzhin mi gnas mnyam nyid dang /__/lhun grub ye shes gzhal med khang /__/rin chen dur khrod brtan par gnas/__/phyi nang gnyis med bdal khyab gsal/__/zhes sogs bskyed rim 'chi bdag zil gnon dang mthun pa'i mthar/__ma bcos de nyid gnyug mar gnas/__/'khor ba dong sprugs ka dag klong /__/snang stong gnyis med ye shes sku/__/mi zad rgyan gyi 'khor lor rdzogs/__/zhes sogs gsungs/__rang bzhin stong pa spros dang bral/__/skye ba med pa'i ye shes yin/__/rnam pa'i gzugs brnyan yi ge ste/__/ngo bo lha yi sku ru bshad/__/zhes sogs sngags dang /__bdag don ma yin bstan pa'i don/__/dkon mchog bla ma'i don ched du/__/bstan la bar chad byed pa dag__/bsgral na bla med byang chub 'gyur/__/zhes sogs gsod pa'i las sbyor dang /__mkha' lnga khyab pa'i don bsdus nas/__/gzung 'dzin chos kyi dbyings su bsgral/__/ces sogs gyad gnon gyi 'khrul 'khor dang /__gzhan yang /__srung ba/__mnan pa/__klu nad zhi ba sogs phrin las mang du bshad do/__/'jam dpal kha thun gyi rgyud las/__dang po bla ma mnyes par bya/__/phyi nang gsang ba'i dbang thob nas/__/dam tshig dag dang yang dag ldan/__/ces sogs dang /__'jam dpal tshe bdag nag po drag sngags mngon du phyung ba'i rgyud las/__rang byung thugs kyi rol pa las/__/drag sngags ye shes rol par shar/__/ye shes bde ba'i thig le las/__/drag sngags thugs rje sprul par shar/__/chos sku bde ba'i dbyings nyid las/__/drag sngags sprul pa rang byung shar/__/skye med rnam dag rang bzhin las/__/drag sngags skye ba'i cho 'phrul shar/__/ces so/__/chos nyid 'gyur med rang bzhin la/__/rang byung ye shes phyag rgyar 'bar/__/thams cad snang stong ye shes sku/__/dbyings dang ye shes gnyis su med/__/ces dang /__ngan sngags gtsug lag gi rgyud las/__ye shes lha yi bsnyen sgrub dang /__/'jig rten dregs pa'i bsnyen sgrub gnyis/__/nyams su blang ba'i rim pa ni/__/rnam pa lnga ru shes par bya/__/phyi sgrub nang sgrub gsang sgrub dang /__/gsang chen sgrub pa dag dang ni/__/yang gsang gter du sgrub pa lnga/__/rdul tshon dkyil 'khor phyi sgrub bo/__/lus la lha bkod nang sgrub bo/__/snying la lha bkod gsang sgrub bo/__/rtsa la lha bkod gsang chen no/__/sems nyid la bkod yang gsang gter/__/zhes so/__/'jam dpal las bzhi 'khor lo gsang ba'i rgyud las/__ye nas ma skyes gshin rje chen po'i tshogs/__/dbyings kyi rang bzhin rnam par dag pa la/__/gnyis med 'dus pa'i sras mchog gshin rje'i gshed/__/thabs dang shes rab rnam par dag pa yi/__/kun gyi ye shes thams cad 'dus pa ste/__/zhes dang /__zhi ba gnyis med chos kyi ngang nyid las/__/snying po gnyis med byang chub sems dpa'i don/__/thams cad 'dus pa bla med dam pa ste/__/de bzhin gshegs pa'i snying po 'di bshad do/__/zhes dang /__sku gsung thugs kyi 'gro ba so sor 'dul/__/ngang gis zhi ba'i dbyings las ma g.yos kyang /__/phrin las rnam bzhi'i 'gro ba so sor 'dul/__/de phyir mchog gi rgyal po 'di bshad do/__/zhes so/__/_! rta mchog rol pa'i rgyud las/__thams cad sgyu ma lta bu'i tshul/__/thams cad rang bzhin stong pa na/__/zung du 'jug pa'i ye shes ni/__/de ni bla med mchog dam pa/__/zhes dang /__ma skyes thabs kyi ye shes ldan/__/thams cad mnyam pa nyid kyi dbyings/__/bden gnyis dbye ba med pa yis/__/yang dag don mchog sgyu ma'i sku/__/kun rdzob sgyu ma thabs kyi gsung /__/phyag rgya sgyu ma'i tshul nyid de/__/med pa ma yin mtshan med de/__/rnal 'byor gnyis dang ldan phyir ro/__/slob pa'i rnal 'byor gnyis bsten nas/__/lhun gyis grub pa'i sa goms nas/__/bden gyur bden pa gnyis la gnas/__/zhes dang /__dngos po thams cad bral ba yi/__/phung khams skye mched rnam par dben/__/gzung 'dzin rtog pa'i yul bral bas/__/dpag med ye shes ngo bo nyid/__/rnam gsum mchog gi don las byung /__/'od gsal chen po'i rang bzhin no/__/zhes dang /__bdag rtog 'khrul pa'i nyes dmigs kyis/__/dus ring 'khyams gyur 'gro ba rnams/__/rang rtog dngos po'i las la spyod/__/log pa'i sems kyis kun brtags kyang /__/rang bzhin nyid las 'gyur ba med/__/ye nas don gyi sangs rgyas la/__/'khrul pa'i bde sdug 'khor los 'khyams/__/zhes dang /__brtan g.yo'i dngos po thams cad rnams/__/bde chen sku las gzhan med do/__/zhes dang /__de bzhin nyid dbyings rmad byung ba'i/__/bde gshegs kun gyi thugs gsal ba/__/byin rlabs ya mtshan sprul pa'i sku/__/dkyil 'khor sna tshogs kun gyi gnas/__/sems can kun gyi sems chen po/__/rang bzhin dag pa dri ma med/__/phung po chos rnams sangs rgyas te/__/'byung lnga dbyings phyug yum gyi mkha'/__/khams dang skye mched sems dpa' dang /__/sems ma'i tshogs dang khro mo'i sku/__/phyi nang gsang gsum dngos snang ba'i/__/dkyil 'khor rigs kyi bdag nyid che/__/zhes dang /__pad+ma rang gi gnas su bsgom/__/'dod chags chos kun spyod pa yi/__/mgo bor rang rang gnas na gsal/__/dri med dag pa'i thig le las/__/'od zer lnga yi snang ba bcas/__/rang gi gnas nas 'phro mdzad cing /__/sogs dang /__rdo rje pad+mo mnyam sbyor bas/__/rang rig dkyil 'khor gsal bar mdzad/__/sogs dang /__rigs kyi bu ma 'ongs pa'i 'gro ba gsang sngags kyi theg pa'i lam du 'jug par 'dod pa dag gis ni/__rdo rje slob dpon la brten te gzugs brnyan gyi dkyil 'khor du gzhug par bya'o/__/zhes dang /__mchog tu gsang ba'i grong khyer 'dir/__/gang gis 'dod don gang gnyer ba/__/des ni sgrib sogs kun spangs shing /__/mchog gnas ye shes gsal bar sbyor/__/bde chen gsang ba'i theg pa che/__/tshe 'di nyid la 'grub par byed/__/nyon mongs dgra sogs las grol ba'i/__/bde ba chen po'i gnas thob pa'o/__/zhes dang /__rgyal ba kun gyi bdag nyid che/__/rnam gsum phyag rgya la gnas nas/__/las kyi dngos grub bsgrub pa ni/__/gnas bzang dag tu brtsam par bya/__/zhes so/___/__!_ bdud rtsi bam brgyad las/__srid gsum ye nas bdud rtsi lnga/__/ma bcos ye nas rdzogs sangs rgyas/_/zhes dang /__sgrub dang bsgrub par bya ba dang /__/'bras bu thob par bya ba'i phyir/_/gsang sngags gsang ba'i man ngag 'di/__/bdud rtsi dam pa mchog gi lung /__/zhes dang /__lta ba dang ni spyod pa dang /__/dam tshig sgrub pa phrin las dang /__/nges par sgrub pa bsgrub bya'i phyir/__/zab mo bsdus pa'i lung 'di gsungs/__/zhes dang /__skye shi med pa'i dbyings su gyur/__/dbyings gyur rnam dag lhun grub pas/__/lta ba 'di la gnas pa yi/_/rnal 'byor 'di ni skal ba bzang /__/ci spyod ci sgom ci sgrub kyang /__/bdud rtsi de nyid sman gyi mchog__/ces dang /__rtsa ba sdong bu yal ga dang /__/lo ma 'dab ma me tog dang /_/shun lpags 'bras bu snying por bcas/__/ro dang mthu dang kha dog las/__/rtsa ba gcig la yan lag brgyad/__/yan lag brgyad la yon tan stong /__/'di dag kun gyi yon tan yang /__/bzhi brgya rtsa bzhi'i nad sel zhing /__/bdud bzhi nges par 'joms par byed/___/ces dang /__skye med ye shes yum gyi dbyings/__/gnyis med bdud rtsi chen po ste/__/yab yum bde ba'i ngang du gsal/__/yid ni snying po byang chub sems/__/bder gshegs kun gyis bka' stsal to/__/sogs dang /__rnal 'byor thabs dang ldan pas ni/__/chos sku gcig las tha dad pa'i/__/rigs lnga'i kha dog 'di bshad do/__/'di ltar rtogs na grol bar bshad/__/ces dang /__ye shes sku lnga bstan pa'i phyir/__/byang chub sems ni dkar bas na/__/dri med dag pa'i ye shes sku/__/rak+ta chags med dmar bas na/__/chags med rnam dag chos kyi sku/__/mAM sa yid bzhin rin chen sngo/__/sna tshogs 'byung gnas mnyam nyid sku/__/rin chen gser mdog snang mdzad de/__/mngon 'byung sprul pa chos dbyings sku/__/dri chu dag byed ljang gu'i mdog__/kun tu don grub las rab sku/__/sku lnga lhun grub bdud rtsi 'di/__/so so'i lus la gnas pa yin/__/zhes dang /__de bzhin du chos bdud rtsi chen po'i don 'di yang ma skyes mi 'gags mi rtogs pas/__'khor ba mtshan ma dang /__mtshan ma med pa dang /__nyan thos/__mi gnas sangs rgyas sa la rnam par khyab ste gnas so/__/zhes dang /__bdud rtsi chen po'i rang bzhin ni/__/kha dog dbyibs dang mtshan ma med/__/'gogs pa med cing dbye ba'ang med/__/rtsa ba med cing brten pa med/__/bdud rtsi che la brjod pa'ang med/__/nyon mongs dug dang bdud bzhi bcom/__/dri med dag pa'i byang chub sems/__/nges don de la 'dud par byos/__/zhes gsungs so/__/zhes dang /__'jam dpal gyis bstod pa/__nam mkha'i mtshan nyid sangs rgyas te/__/mtshan nyid med pas nam mkha' 'dra/__/bya ba med pas grol ba ste/__/bdud rtsi mchog la phyag 'tshal lo/__/chu zla bzhin du dri bral ba/__/thams cad rtog pa yongs su spang /__/bdag tu 'dzin med rnam par dag__/bdud rtsi'i rgyal la phyag 'tshal lo/__/dus gsum chos kyi dbyings dang mnyam/__/bdud dang ngan song gsum las thar/__/len pa med cing btang ba'ang med/__/dri med dag pa'i byang chub sems/__/bdud rtsi'i mchog la phyag 'tshal lo/__/dus gsum sangs rgyas skyed pa'i rgyu/__/khams gsum sems can 'dren pa'i dpal/__/'gro ba drug gi sgrib sbyong ba/__/bdud rtsi'i rgyal la phyag 'tshal lo/__/zhes dang /__mi spo nga ba dang du blang /__/spyod pa dam tshig bco lnga srung /__/shes pa lnga dang srung ba gsum/__/stong rtsa brgyad du bsrung ba ni/__/rtsa brgyad stong zhes de la bya'o/__/zhes dang /__/khru tshad bzhi dang ldan pa ni/__/yon tan bcu gcig dang yang ldan/__/bzhin bzang mig gi dkyus ring ba/__/stod smad phyed la rked pa phra/_/tshig pa zlum la sor mo phra/__/yon tan bcu gcig dang ldan no/__/ye shes rtogs can yin par bshad/__sogs dang /__b+ha ga de ni byin gyis brlabs/__/sogs dang /__b+ha ga wAn ni nyid kyi bka'/__/phyag rgya bzhi ru bdag gyur pas/__/gnyis su med par mnyam sbyar nas/__/lha yi bdud dang phung po'i bdud/__/nyon mongs bdud dang 'chi bdag bcom/__/phyag rgya chen po bzhi dang ldan/__/mkha' la sems sems 'phros pa'i tshe/__/byang chub 'khor ba mya ngan 'da'/__/gnyis su med pa'i phar phyin to/__/zhes dang /__sangs rgyas sems can thams cad dang /__/mtshan mar btags pa thams cad kun/__/bde chen nyid las gzhan ma yin/__/bde chen nyid las gzhan pa'i chos/__/sangs rgyas nyid kyis mi mkhyen to/__/zhes dang /__/byang chub sems kyis dbang bskur te/__/dngos grub sgrub pa la gzud do/__/zhes dang /__bsgral ba'i dri chen yungs kar gsum/__/cha mnyam 'thung na dug rnams thub/__/'chi byed dug ni thub pa'i phyir/__/bdud rtsi zhes ni de la bya'o/__/zhes dang /__de nas ta na'i lung bshad de/__/ye nas rgyu nyid dag pa las/__/nga dang bdag tu 'dzin pa yis/__/khams gsum 'khor ba'i rgyu ru gyur/__/khams gsum de dag bsgral ba'i zhing /__'bras bu lnga bsgral chen po/__zhes dang /__mi g.yo phyag rgya chen po'i ngang /_/dbang phyug chen po'i bsgral thabs ni/__/'tsho ba'i bdag po'i tshe dang srog__/thugs rje thabs dang shes rab dang /__/thabs la mkhas pa'i byin rlabs kyis/__/'gro ba thams cad sbyong bar mdzad/__/ces dang /__ma traM dag gi rnam shes de/__/nges par gzugs la phabs nas kyang /__/Tak+ki la ni nub tu bstan/__/dbang du bsdu ba'i las mdzad kyis/__/sangs rgyas kun gyi byin gyis rlobs/__/khams gsum ma lus bsgral ba'i zhing /__/sta na chen po bya ba'i phyir/__/bde gshegs mang po kun 'dus shing /__/byams dang snying rje ldan pa yis/__/nyon mongs 'khor ba'i rgya dral po/__/zhes dang /__mgo ni lho nub mtshams su bstan/__/rkang pa byang shar mtshams su brkyangs/__/zhes dang /__sku yi sprul pa phyogs bcur bkye/__/gsung gis sems can mtha' dag dgrol/__/thugs ni tshad med bzhi dang ldan/__/nyi zla gsal ba'i dkyil 'khor du/__/tshe dpag med par dbang bskur nas/__/yang dag nyid la yang dag sgrol/__/yang na bsgral na bde chen thob/__/phyir mi ldog la nges par phyin/__/phyin pa tsam gyis dbang thob nas/__/rgyal ba'i zhing khams dbyings nyid mthong /__/rgyud drug gnas su mi skye phyir/__/dpa' bo 'bru lngas lam lnga dgag__/oM AHhU~M swA hA/__'og min dga' ldan lha yul du/__/ye shes rlung gis btegs nas ni/__/sbyor ba'i lhum du pha?T kyis 'phang /__/a nr-i su tri pre du/__/gang yang rung ba'i rnam shes de/__/gsal ba'i dbyings su hU~M gis bsdu/__/sgyur skyed ye shes skur spros te/__/dbyings dang ye shes lhun grub pas/__/sogs dang /__rgyu dang dam tshig thams cad ni/__/sangs rgyas bsgrub pa'i rgyu dang gzhi/__/dam tshig dam par srung ba'i rdzas/__/byin gyis brlab par bya ba'o/__/zhes dang /__ri ni nyams dga' mdangs bzang ba/__/yid 'ong gnas su 'dug nas ni/__/byin rlabs mtshams bcad brtan byas nas/__/dkyil 'khor 'dom gang gru bzhi pa/__/dri sna yis ni maN+Dal bya/__/sogs dang /__de nas mchod cing dngos grub blang /__/slob ma la yang dbang bskur ro/__/zhes dang /__de nas sgrub pa'i yo byad rnams/__/'tsho ba zas kyi yo byad dang /__/sgrub pa dam rdzas yo byad dang /__/rkyen zlog sman gyi yo byad dang /__/de ltar phun sum tshogs ldan nas/__/ji bzhin bde bar 'dug nas ni/__/sa gzhi rab tu sbyangs byas te/__/tshes grangs yar gyi brgyad la brtsam/__/snga dro'i dus su dkyil 'khor bya/__/maN+Dal 'dom gang lnga yang bri/__/sgrub pa chen po bya ba'i phyir/__/dri chen dri chus skyangs nul bya'o/__/zhes dang /__yang /__zag pa zad nas nam mkhar 'phur/__/rdo rje'i 'gros kyis nam mkhar 'gro/__/rig 'dzin go 'phang 'dis thob bo/__/zhes so/__/de nas bdud rtsi'i phyag rgya ni/__/lag pa g.yon pa'i dpung pa brkyang /__/mthe bong srin lag mthil du dgug__/rdo rje tshon gang bcas pa dang /__/mdzub mo gung mo mthe'u chung brkyang /__/sbyar te lag pa'i mthil gyis ni/__/bdud rtsi snod kyi steng du gnon/__/de nas bdud rtsi byin gyis brlab/__/ting 'dzin me dang 'dra ba la/__/bzlas brjod rlung dang 'dra ba yis/__/glal dang lud pas bar mi gcod/__/ces dang /__ting 'dzin rnam gsum rim bzhin bsgom/__/rgyu yi ting 'dzin 'bras bu las/__/de nyid byang chub sems su 'gyur/__/'byung lnga yum gyi dkyil 'khor dag__/byang chub sems las rim bzhin bskyed/__/ces dang /__zhi ba'i tshe na byang du blta/__/ga Na'i tshe na nub tu blta/__/sta na chen po lto ru blta/__/rgyas pa'i tshe na shar du blta/__/yang na phrin las rnam pa bzhi/__/so so'i phyogs dag nas blta'o/__/sogs gsungs/__'di la bam po brgyad yod pa'i dang po gleng gzhi dang gleng bslang sngon du 'gro bas byang chub sems kho na nyid lta ba bstan pa'i man ngag__/gnyis pa sman gyi byung khungs dang sbyar tshul sogs/__gsum pas dam tshig la gnas pa sngon du 'gro bas lung a nu yo ga'i spyod pa las/__shes rab ga Na sbyor ba'i lam la sgrub pa chen po'i lung /__gzung ma'i mtshan nyid/__sbyor ba'i man ngag__/ga Na bsrub pa'i lung /__byang chub sems kyi yon tan/__a mr-i ta grub pa'i lung bstan/__bzhi pas 'bras bu lnga bsgral chen po'i lung /__ma traM bsgral tshul sngon byung gi tshul dang bcas nas des bdud rtsi'i rgyu 'grub pa'i tshul bstan/__lnga pas ma hA yo ga'i don gyi lung dang /__ji ltar sgrub pa'i tshul bstan pa las bsnyen sgrub gnyis mdor bstan/__drug pas 'bras bu chen po lnga bsgral ba'i lung dang /__de bsgral nas de sman du sbyar ba'i tshul te sbyor sgrol zhi rgyas kyi las kyis sgrub pa chen po bstan/__bdun pas sman grub pa'i don dang /__sbyar ba'i thabs dang /__las kyi rim pa'i bskul tshig dang /__yo byad du byas pa rnams bdud rtsi mchog gi lung bstan te don du bsgrub pa'i lag len gyi phrin las byang bu bstan/__brgyad pas ston pa kun tu bzang pos sdud pa po 'jam dpal la gdams pa gtad pa dang /__chos bdud rtsi'i rang bzhin bstan pa'i sgo nas bdud rtsi'i dgos 'brel lam yon tan kyang mdor bsdus pa ste/__'di dag rgyud 'byung ba'i gleng gzhi sogs lnga dang sbyar ba'i bshad tshul dang /__'bras bu yongs su shes par bya ba rgyud don la yang rgyud yum dang spyir sbyar zhing /__rgyud kyi dngos po bcur bye brag tu 'dres tshul/__zhib tu bshad rgyu yod mod kyi re zhig bzhag go__/thams cad bdud rtsi lnga yi rang bzhin/__dngos grub chen po nye ba'i snying po mchog bam po chen po brgyad pa las zhes pas mtshan bstan/__de yang thams cad bdud rtsi lnga yi rang bzhin gyis rgyu/__dngos grub chen po nye ba'i snying po'i lam/__mchog ces pas 'bras bu bstan to/__/gzhan du/__gsang ba mchog gi dkyil 'khor na/__/sogs gling gzhi phun sum tshogs pa lnga bstan/__de nas bde gshegs thams cad ni/__/sogs kyis 'khor la zab dbang bskur ba'i sbyor bas ston 'khor dgongs pa thun min/__dbyer med du mdzad nas ji ltar gsungs pa'i tshul/__thun mong /__rtsis mgo sdud pa'i tshul gyis gleng bslang /__de nas/__bsam gyis mi khyab bstan pa dang /__/brgyad khri bzhi stong rnam grangs kyang /__/theg pa'i sgo ni gsum du gsungs/__/gsang nyid theg par bsdus dang bzhi/__/sogs kyis rgyud kyi don dngos bstan/__tha ma'i le'u gcig gis gdams gtad dang dgos 'brel bstan to//___//__!_ rdo rje phur pa zhe sdang rdo rje bkod pa'i rgyud las/__de la phur pa'i dam tshig ni/__lta ba mnyam par rtogs pa dang /__/spyod pa cir yang mi snyoms shing /__/thabs kyis 'gro la phan byed pa/__/de ni dam tshig mchog tu gsungs/__/zhes dang /__gang la dmigs pa'i ngo bo la/__/gdab pa'i las rnams byas nas ni/__/rnam shes dbyings su yang dag sbyar/__/lhag ma lha la bstab par bya/__/zhes dang /__rang byung rig pa'i ye shes ni/__/btsal zhing bsam pas ma bkod de/__/chos kyi dbyings su gshegs pas ni/__/spyan drangs don las khyad par 'phags/__/spros pa med pa'i chos nyid dang /__/btsal du med pa'i sems nyid gnyis/__/mnyam pa'i ngang du rtogs pa na/__/bzhugs su gsol las khyad par 'phags/__/thams cad dbyer med mnyam pa'i ngang /__/'du 'bral med par rab gnas pas/__/phyag 'tshal ba las khyad par 'phags/__/chos nyid btsal du med pa la/__/chos can mchod pa'i rgyu ru snang /__/skye mched khams rnams mchod par snang /__/nam mkha' dmigs su med pa las/__/'byung ba'i tshogs rnams mchod par snang /__/thams cad chos nyid rgyan du gsung /__/mchod pa phul bas khyad par 'phags/__/zhes dang /__phur ni thabs kyi rgyal po yin/__/pa ni shes rab yum gyi don/__/gnyis su med pa rdo rje'i ngang /_/zhes dang /__rdo rje 'bar ba'i rgyud las/__sangs rgyas dkyil 'khor rnams bsgoms nas/__/rgyal ba thams cad mnyes mchod de/__/'gro ba'i don rnams rdzogs pa'i phyir/__/sbyin sreg las rnams rdzogs par bya/__/zhes dang /__'o ma can dang mngar skyur ba/__/dug shing tsher ma can la sogs/__/so so'i mtshan dang sbyar ba yin/__/zhes dang /__dgang gzar blugs gzar so so'i dbyibs/__/yu ba gru gang tshad du bya/__/dgang gzar sor bzhi ngos gnyis zag__/kha ran sor gcig dkyil rin chen/__/ngos la'ang yi ge 'bar ba bsgom/___/blugs gzar sor gnyis sor gcig zab/__/kha 'khor sor gcig dkyil rdo rje/__/ngos la yi ge rnam par bsgom/__/zhes so/__/rdo rje gsum gyi bdag nyid can/__/rdo rje gsum du rnam bsgoms te/__/kha dang lce yi dam tshig kyang /__/rdo rje gsum du ldan byas te/__/bdud rtsi lnga yi rang bzhin la/__/rdo rje gsum du byin brlabs te/__/zos na rdo rje gsum thob 'gyur/__/zhes so/__/'byung ba lnga yi rang bzhin dang /__/kha dog lnga yi rang bzhin gyi/__/gyen dang thur du rgyu ba'i rlung /__/srog dang rtsol ba zhes bya ste/__/rnam pa bcu po gnyis su 'gyur/__/zhes dang /__rdo rje phur pa zhe sdang yongs su dag pa'i rgyud las/__dur khrod ri yi bya skyibs dang /__/de bzhin mi med grong khyer dang /__/yang na dben pa rgya mtsho'i mthar/__/bza' ba de ni rab tu bza'/__/de la stan du brtag pa ni/__/ro ni gzugs can bcu gcig dang /__/yang na stag gi pags pa dang /__/dur khrod ras ni de bzhin no/__/zhes dang /__skyes pa'i thod pa cha gcig par/__/chang ni bzang pos yongs bkang ste/__/bla ma la dbul skal chen po/__/phyag 'tshal nas ni rang yang btung /__/pad+ma'i lag pas blang pa dang /__/de nyid kyis ni slar yang dbul/__/zhes dang /__rdo rje phur pa gsang ba'i rgyud las/__dkyil 'khor gtso bos dkyil 'khor du/__/slob ma rab tu gzhug tu gsol/__/sems can don du bdag 'tshal bas/__/bzod par mdzad de dgongs su gsol/__/zhes so/__/_!_ rdo rje sems dpa' nam mkha' che bram ze rgyas pa'i rgyud kyi rgyal po las/__ma skyes spros dang bral ba'i rang bzhin gyi/__/skye ba'i cho 'phrul sna tshogs yul phyungs nas/__/yul med rang gi rang bzhin yin zhes bya/__/yul la mi 'dzin spangs dang len med pas/__/med pa phyal ba gcig pu lhun grub ste/__/bsrung bar bya ba'i tshul khrims kun dang bral/__/kun bzang nga la bsrung pa'i dam tshig med/__/rgyu rkyen med pas rtsol zhing bsgrub mi dgos/__/lhun gyis grub pas spyad pa'i las mi dgos/__/ye nas yin pas shes par bya mi dgos/__/rang byung yin pas rgyu dang rkyen mi dgos/__/bzang ngan med pas blang dor bya mi dgos/__/dngos po med pas med pa zhes su bshad/__/dngos su mi spong ye shes ma 'gags pas/__/de la phyal ba zhes su btags pa yin/__/sems su kun gcig gcig pur btags pa yin/__/ji ltar snang ba'i chos rnams thams cad kun/__/yid ches byang chub sems su rdzogs pa'i phyir/__/lhun gyis rdzogs pa zhes su nga yis bstan/__/ces dang /__kun bzang ma nges nam mkha' 'dra/__/mi rtog gsal ba'i ngang la bzhag__/sgo lnga ma bkag rang sar bzhag__/ma btsal rang lugs chen por bzhag__/mi g.yo mnyam pa'i ngang la bzhag__/mi rtog spros dang bral bar bzhag__/gang du'ang ngos mi bzung bar bzhag__/snang ba mi dgag gang shar bzhag__/rtog med gsal ba'i ngang la bzhag__/gnyis med mnyam pa'i ngang la bzhag__/lus ngag yid gsum glod de bzhag__/de bzhin ma bcos rang sar bzhag__/ma chags zhen dang bral bar bzhag__/bsam pa gang du'ang ma zhugs bzhag__/shes pa bsam spyod med par bzhag__/ces dang /___sems nyid kun bzang nga nyid ni/__/ston pa dang ni bstan pa 'khor dus gnas/__/nga las 'byung bas ye nas thig le ste/__/nga yi rang bzhin thig ler bstan pa yin/__/thig le ye nas spros pa med pa'i don/__/snying po ma spros ye nas thig le yin/__/zhes dang /__yul la rtog pa'i ye shes de/__/yul las byung bas rang byung min/__/yul med tsam na gsal mi byed/__/rang byung ye shes zhes bya ba/__/ye shes ye nas shes pa yin/__/zhes dang /__byang chub sems kyi rang bzhin ni/__/chos kyi dbyings kyi pho brang ste/__/dus gsum sangs rgyas thams cad dang /__/khams gsum sems can thams cad kun/__/klong chen sems kyi gnas de na/__/mi gnas pa ni gang yang med/__/ces dang /__byang chub sems rmad du byung ba las/__ma skyes pa yi chos rnams la/__/ngo bo med de sgom pa'ang med/__/nam mkha'i tshul du rab sbyor ba/__/dngos po kun tu rab tu grags/__/chos rnams rang bzhin 'od gsal bas/__/gdod nas dag pas nam mkha' bzhin/__/byang chub med cing sems can med/__/bdag tu med pa'i chos las byung /__/zhes dang /__rin po che 'khor lo brtsegs pa'i rgyud las/__rig pa gang la'ang ma chags par rang byung ye shes su thal byung ba ni ngo bo'i gzhi la rig pa nyid cir yang mi gnas par lam rkyen gyi chos gang la'ang chags pa med pa ste/__glang po che smyon pa btags na 'bros shing gtong na 'dug pa dang 'dra/__rang gi rig pa byang chub kyi sems nus na ngan 'gro/__yan par btang na ldog pa ste/__rang byung rang shar mi 'gag pa'o/__/rig pa cir yang gar yang mi spong pa thug phrad pa ni rig pa gzhi rang sar grol ba la rkyen thams cad bskul mar shes nas me 'bar ba la shing bsnan pa lta bu ste/__sngar ngo shes pa'i mi dang phrad pa the tshom za ba bzhin du dran pa dang rig pa ci 'gyur ba thams cad ye shes zang thal chos nyid thug phrad de dgag sgrub med pa'o/__/zhes dang /__rig pa nam mkha'i rgya lam dang 'dra ste btsal bas rjes med pa'o/__/btsal bar bya ba'i yul rang gi sems nyid gzhan la brten pa ltar byas nas btsal ba rjes med pa ni/__/khyi rkun gyis khang stong btsal bas bza' rgyu cang ma rnyed pa bzhin du/__rang gi sems la shes pa kha nang du log nas btsal bas ci yang ma mthong la gdags gzhi dang bral ba'o/__/zhes so/__/rmad byung las/__/dkyil 'khor 'khor lo zhes bya ba/__/ye shes rdo rje'i thugs la gnas/__/rdo rje ye shes mchog nyid ni/__/bdag nyid sbyor bas bstan pa'o/__/zhes dang /___/__!__ bang mdzod 'phrul gyi lde'u mig las/__nyan thos lta ba rnam pa gnyis/__/bye brag pa dang mdo sde'o/__/bye brag don dam rdul phran che/__/cha med phyogs dang bcas par 'dod/__/mdo sde g.yag rnga ne'u gsing tshul/__/kun rdzob tshul du yod par 'dod/__/rang rgyal phyogs gcig de dang mthun/__/de las khyad par 'phags pa ni/__/rnam par rigs gcig ma yin pa'i/__/gzugs la bdag med khyad par 'phags/__/nang ni shes pa skad cig ma/__/skye 'gags can de rgyu rkyen med/__/ces dang /__mdo sde'i lta ba rnam gsum ste/__/sems tsam spyod pa'i dbu ma dang /__/mdo sde spyod pa'i dbu ma dang /__/rnal 'byor spyod pa'i dbu ma dang /__/sems tsam dbu ma rnam gnyis te/__/rnam bcas rnam pa med pa'o/__/rnam bcas la yang gnyis yod de/__/rnam pa bden par lta ba ni/__/phyi yi yul dang nang gi sems/__/don dam du ni 'brel med kyang /__/kun rdzob tsam du 'brel bar 'dod/__/nang gi shes pa skad cig ma/__/skad cig ma yis mi rtag ste/__/der ni rgyun gyis rtag par 'dod/__/snga ma snga mar rgyu byas nas/__/phyi ma phyi ma 'bras bur 'dod/__/rnam med lta ba'i rdzun pa ni/__/shes pa bden te rnam pa rdzun/__/rnam par shes dang mgo mnyam du/__/yang dag yod pa ma yin te/__/don dam du yang a cang che/__/kun rdzob tu yang 'brel med 'dod/__/shes pa rang rig rang gsal tsam/__/de las gzhan pa'i chos mi 'dod/__/rnam med dag gi lta ba ni/__/gnyis med ye shes lta bu la/__/rang rig gsal ba'i ngo bor 'dod/__/mdo sde spyod pa'i dbu ma ni/__/chos rnams yul sems gnyis ka 'dod/__/yul gyi rgyu ni phra rab rdul/__/phyogs bshigs gcig ni ma grub grub/__/gcig 'grub 'grub pa'i gtan tshigs kyis/__/gcig gis bsags pa'i du ma yang /__/yang dag nyid du mi 'dod do/__/rang gi rang bzhin stong par 'dod/__/nang gi shes pa skad cig ma/__/snga ma 'gags shing mi gnas stong /__/da ltar 'gags par gyur pas stong /__/phyis ni ma 'ong mi gnas stong /__/dus gsum cha yis stong par 'dod/__/rnal 'byor spyod pa'i lta ba ni/__/phyi yi yul ltar snang ba ni/__/kun rdzob sgyu ma'i tshul can du/__/'ja' tshon sgyu ma'i tshul du snang /__/stong zhing snang la snang zhing stong /__/snang stong 'byed pa med par 'dod/__/ces dang /__gsang sngags lta ba thun mong ni/__/bden pa gnyis kyi mu bzung ste/__/don dam skye 'gags med 'dod par/__/kun kyang phyag rgya'i dkyil 'khor 'dod/__/cung zad phyogs cha ma mthun pas/__/bya ba rgyud kyi theg pa ni/__/cho ga yan lag bcu gcig gis/__/byin gyis brlabs nas lha ru 'dod/__/de yang rje dang khol gyi tshul/__/gnyis ka'i rgyud ni spun grogs tshul/__/rnal 'byor rgyud kyi theg pa ni/__/byang chub lnga dang cho 'phrul bzhi/__/yongs su brtags nas lha ru 'dod/__/de yang spun dang grogs po'i tshul/__/bskyed pa ma hA yo ga yis/__/ting 'dzin gsum dang bsnyen sgrub bzhi/__/yongs su sbyangs nas lha ru 'dod/__/ye shes dam tshig tshul mi 'dzin/__/rdzogs pa a nu yo ga ni/__/phung po khams dang skye mched rnams/__/lha dang lha mo'i dkyil 'khor du/__/ma bskyed rdzogs pa'i tshul du 'dod/__/ces dang /__/rdzogs chen a ti'i lta ba ni/__/ma 'dres yongs su rdzogs pa yin/__/kun bral dri ma spangs pa yin/__/rgya chad phyogs lhung med pa yin/__/yin tshul nges pa med pa la/__/snang tshul cir yang snang ba yin/__/rang bzhin gcig tu ma nges pas/__/lta ba ngos bzung med pa yin/__/zhes dang /__yang 'byed pa drug sde las/__nyan thos bden bzhi'i sgo nas 'jug__/rang rgyal rten 'brel sgo nas 'jug__/mdo sde bden gnyis sgo nas 'jug__/kr-i ya dag gsum sgo nas 'jug__/u b+ha ya la nges pa med/__/cho ga dag gi 'jug sgo ni/__/mngon par byang chub lnga'i sgo nas/__/ma hA yo ga'i 'jug sgo ni/__/ting 'dzin rnam gsum sgo nas 'jug__/rdzogs dang rdzogs pa chen po ni/__/dmigs med dag pa'i sgo nas 'jug__/ces dang /__dbu ma'i lta ba mi mthun te/__/rnam par shes dang mgo mnyam du/__/la la bden pa gnyis su 'dod/__/la la rang rig 'od gsal 'dod/__/la la dag gi lta ba ni/__/chos nyid stong pa nam mkhar 'dod/__/la la rab tu mi gnas pa/__/sems dang sems las byung pa'i chos/__/ye shes rgyun chad lta bar 'dod/__/ces so/__/yang bang mdzod las/__dbang po rab kyi don du ni/__/nang gi bskyed rdzogs rnam gsum bstan/__/dbang po 'bring gi don du ni/__/phyi yi kr-i yo ga rnam gsum bstan/__/dbang po tha ma'i don du ni/__/sde snod gsum gyi theg pa bstan/__/ces dang /__mtshan nyid rgyu yi theg pa ni/__/dge sdig las kyi rgyu byas nas/__/'bras bu bde dang sdug bsngal 'di/__/chos spyod dge bas rgyu byas nas/__/de nyid lam du khyer ba'i phyir/__/rgyu yi theg par btags pa yin/__'bras bu rdo rje theg pa ni/__/phyag rgya'i dkyil 'khor lam byas nas/__/'bras bu de nyid lam du khyer/__/rang gi lus ngag yid gsum ni/__/sku gsung thugs kyi rdo rjer sbyor/__/de rigs rdo rje'i theg par btags/__/zhes so/__/rdzogs pa chen po kun tu bzang po ye shes gsal bar ston pa'i rgyud las/__rdo rje sems dpa' la sogs pa rnams nyon/__a ti yo ga'i rgyud 'di nyid la sogs pa rnams kyi 'og min gnas yum gyi mkha' nyid du/__nyid kyis khyed 'dus pa'i 'khor rnams bshad de/__sdud pa po 'jam dpal dang /__spyan ras gzigs dang /__phyag na rdo rjes bsdus te/__lha gnas gsum du grags te/__de nas gser gyi glegs bam la baiDUR+Ya zhun mas rang nan du bris te/__'dzam bu'i gling gi lho phyogs su sprul pa'i sangs rgyas 'byon pa'i gnas/__rdo rje gdan du babs nas spyod par 'gyur ro/__/de yang ma hA yo ga'i rgyud thams cad ni rgyal po dzaHzhes bya ba'i khang steng du 'bab par 'gyur la/__a nu yo ga'i rgyud thams cad sing+ga la'i nags tshal du 'bab par 'gyur te/__a ti yo ga rdzogs pa chen po'i rgyud 'di nyid la sogs pa thams cad ni d+ha na ko Sha'i gling du 'byung zhing dar nas rgyas par spyod par 'gyur ro/__/gzhan yang phyag na rdo rje la sogs pas ye shes kyi mkha' 'gro ma rnams la gtad nas/__slad nas kyang 'byung zhing rgyas par 'gyur ro/__/de nyid kyi dus su sngar byung ba'i rgyud sde rnam gsum ni/__byang phyogs 'dzam bu'i gling gi dbus yin pas der khyad par du dar bar 'gyur la/_rdo rje gdan gyi drung du mi spyod par byang chub shing drung du gter du sbed par 'gyur te/__de ci'i phyir zhe na/__'dul ba'i snod du ma gyur pa'i phyir ro/__/de nyid kyi dus ni/__slad nas 'byung ba rnams dang /__byang phyogs kyi gnas su ni/__sngar byung ba'i rgyud sde rnam pa gsum dang /__slad nas 'byung rgyud rnams dang /__gnyi ga dar zhing rgyas par 'gyur te/__gzhung bzhin du spyad pa rnams ni rdo rje 'chang gi go 'phang thob par 'gyur la/__de log par spyad cing ma nyams pa rnams ni de las gzhan du'ang yin no/__/de yang rgyud 'di nyid rtags tsam 'dzin pa'i dus 'byung nye ba na/__rnal 'byor skal ba dang ldan cing tshogs bsags pa rnams kyis spyod cing dar nas/__rig pa stong gsal rtogs te sangs rgyas kyi sa la gnas par 'gyur ro/__/zhes snang ngo /___/__!_ phur pa rdo rje khros pa rtsa ba'i rgyud las/__skye med thabs dbyings phur ba ni/__/mnyam nyid skye ba med pas thebs/__/thugs rje sprul pa thugs rje yis/__/log par 'khyams pa rnams la gdab/__/gsang ba byang sems phur pa 'di/__/rtog tshogs brdung phyir yum mkhar gdab/__/'dus byas rdzas kyi phur pa 'dis/__/bsgral ba'i zhing bcur gyur rnams gdab/__/ces dang /__thugs rje 'gro ba'i bshad rgyud las/__rdo rje sems dpa'i byin rlabs kyis/__/sems nyid mkha' dang mtshungs par yod/__/chos sku mngon sum rtogs pa'i tshe/__/mchog gi dbang du de nyid des/__/rdul tshon lus dang byang chub sems/__/de bzhin nyid kyi dkyil 'khor mchog__/bsten nas dbang rnams yang dag bskur/__/bum pa gsang ba shes rab dang /__/bzhi pa mchog gi dbang chen yin/__/zhes dang /__phur ba rnam pa bzhi yin te/__/chos nyid don gyi phur ba dang /__/rig pa ye shes phur ba dang /__'dus byas rdzas kyi phur pa dang /__/brten pa lus kyi phur pa'o/__/'dus byas rdzas kyi phur pa ni/__/dngul lam 'o ma can gyi shing /__/zangs sam tsan+dan dmar po'i shing /__/lcags sam rkang dang tsher ma'i shing /__/gser ram 'o se ser po'i shing /__/sor brgyad sor drug bcu gnyis dang /__/bcu drug phur pa'i tshad yin no/__/zlum dang gru bzhi zla gam dang /__/zur gsum dbyibs su nges pa yin/__/zhes dang /__tshe ni rnam pa gsum yin te/__/mi 'gyur mi 'phrog rdo rje'i tshe/__/nyams shing 'pho ba thig le'i tshe/__/'khrul zhing rtog pa snang ba'i tshe/__/zhes dang /__shing lcags gnyis kyi tshad dang dbyibs/__/sor brgyad tshad du rdzogs pa la/__/dbu yi rgya mdud sor gcig ste/__/zur gsum brgyad dang gru bzhi lnga/__/hU~M mdzad khrag 'thung lnga rdzogs te/__/sor gnyis lte ba yan chad la/__/gcums gzhog brgyad du yang dag shes/__/khro rgyal mgo brnyan bcu drug rdzogs/__/sor gcig lte ba gsungs pa ste/__/sgo bzhi sgo ma bzhi dang ldan/__/'og gi stobs chen de nyid do/__/sor gcig btsos po gtso bo'i/_mtshan ma ste/__/chu srin kha ru yang dag rdzogs/__/drag po mkha' 'gro'i dkyil 'khor yin/__/sor gsum dpal dang ldan pa ste/__/yum chen lnga yi dkyil 'khor yin/__/bcu gnyis ldan na dbus de gtso/__/sor re yin zhing sku stod la/__/sor gsum ldan pa rdzogs par byas/__/gzhan drug dpal du shes par bya/__/sor drug brgyad 'dra chung ba nyid/__/sor ni bcu drug ldan pa la/__/sor gnyis dbu yin sku stod bzhi/__/lte ba gnyis la mtshan ma gnyis/__/drug ni dbal du rdzogs pa yin/__/chag tshad ldan pas rtags myur ro/__/rab gnas rtse gcig yid kyis rdzogs/__/rang gi lus nyid phur pa ste/__/mgo bo rgya mdud gong ma yin/__/sku stod gcum gzhog brgyad yin no/__/lte ba rgya mdud 'og ma yin/__/btsos po mtshan ma chu srin kha/__/rkang pa gnyis ni dpal du shes/__/lus kyi nang du lha rdzogs pas/__/phur pa gcig tu bsgrubs pa yin/__/zhes dang /__phur pa gsang ba'i rtsa ba rnal 'byor chen po yang dag pa'i rgyud las/__phur pa rang byung nges pa la/__/dbye ba rnam pa bzhi yin te/__/rang rig ye shes phur pa yis/__/yul chos dbyings la gdab pa dang /__/thugs rje chen po'i phur pa yis/__/khams gsum sems can la gdab dang /__/gsang ba byang sems phur pa yis/__/yum gyi mkha' la gdab pa dang /__/mtshan ma rdzas kyi phur pa yis/__/nyams pa bdun la gdab pa'o/__/zhes dang /__rdo rje gnyis su med pa ste/__/mi 'gyur chos kyi sku ru bshad/__/phur pa ye shes gnyis med don/__/dbyings dang ye shes 'brel bar bshad/__/ces dang /__slob dpon sta gon gnas pa dang /__/slob ma lha dang bum pa rnams/__/sta gon gnas par bsham par bya/__/zhes dang /__rdo rje chos dbyings mi 'gyur ba/__/gzhon nu gzugs sku rnam gnyis so/__/zhes dang /__sreg pa me yi las la bsgyur/__/mnan pa sa yang de bzhin te/__/'phang ba zor du shes par bya/__/zhes so/__/rdo rje phur pa chen po bshad pa'i rgyud kyi le'u 27nas sngags btu yod/__phur pa phrin las kyi rgyud las/__chu dang dbu rgyan rdo rje dang /__/dril bu ming dang rgyal po byin/__/zhes dang /__de nas gsang ba'i dbang bskur te/__/rgyal rigs rje'u rigs bram ze yi/__/rigs can bu mo mtshan ldan ma/__/bcu gnyis bcu drug bco brgyad lon/__/sih+la ga bur yod pa yin/__/bu mo'i mtshan ma 'di dag ldan/__/sha rtsi dkar zhing so tshags dam/__/skra ni lcang lo g.yas su 'khyil/__/mig ni dkyus ring ut+pal 'dra/__/smin mtshams bar ni ma chad cing /__/brtul zhugs spyad pa spyod nus pa/__/yang na mtshan ldan bu mo ni/__/ut+pal bzhin du sngo bsang ma/__/ra ba bzhi yi nya bzhi la/__/bzung thabs bzhi yi 'gyur byed cing /__/rtog med snying rje chos la dad/__/de ldan gsang ba'i dbang bskur ro/__/dngos grub rtags kyi phyag rgya yis/__/gsang ba'i man ngag de dbang bskur/__/drod gsum dang ni ldan byas pa'i/__/dbang gsum dam tshig ldan la sbyin/__/bde bas myos pa brgyal bar 'gyur/__/man ngag dbang bskur de bzhin bya/__/shes rab ye shes dbang bskur ba/__/mtshan ldan shes rab dag la ni/__/sna tshogs dri yis rab brgyan cing /__/bsrubs dang srub ba'i thabs dag la/__/mi rtog pa ni rab tu skye/__/dga' dang mchog tu dga' ba dang /__/mngon dga' rang bzhin dga' ba ste/__/rdo rje dbyings kyi dbang phyug ma/__/bgrod byed man ngag dag gi'o/__/zhes dang /__bzhi pa'i dbang ni bskur bya ste/__/rlung gi rang bzhin nges shes shing /__/bo la kak+ko la sbyar la/__/rang bzhin bde bskor phan tshun 'byung /__/gzung du med cing brjod du med/__/rtog pa kun dang bral ba yi/__/rang bzhin 'od gsal der gnas pa/__/tshig sogs dbang gi rang bzhin byin/__/rtogs pa'i bag chags 'joms par byed/__/ces dang /__las kyi rlung ni srog tu bshad/__/sems can gzugs su byed pa yin/__/byed pa'i rlung ni gnyis yin te/__/rgyu dang 'bras bu rnam gnyis so/__/rgyu ni rnam lngar shes par bya/__/khyab byed thur du sel ba dang /__/me dang mnyam du gnas pa'i rlung /__/srog dang gyen du 'gro ba'i rlung /__/rgyu zhes rab tu bshad pa yin/__/'bras bu'i rlung ni rnam lnga ste/__/rgyu dang rnam par rgyu ba dang /__/yang dag rgyu dang rab tu rgyu/__/de bzhin nges par rgyu ba'o/__/rlung ni bcu po de dag gis/__/las ni rnam par byed pas na/__/byed pa'i rlung zhes rab tu bshad/__/rlung ni bcu po 'di rnams kyis/__/'khor lo'i gnas ni thams cad du/__/byang chub sems ni 'pho bar byed/__/bde ba'ang de bzhin der bskyed de/__/steng gi 'pho ba zhes ni grags/__/'di'i le'u bar sngags btu mang /__zhes so/__/tshogs kyi le'ur13/__rnal 'byor pho mo g.yas dang g.yon/__/lus ngag brdas mtshon so sor mchod/__/ces dang /__tshogs kyi 'khor lo'i dus dag tu/__/rkang ba brkyang bar mi bya zhing /__/phyi rol gtam yang rab tu spangs/__/mi dgod gsang ba'i ngag la gnas/__/lha yi grangs ni de bzhin du/__/phyi nang gsang ba'i mchod pa yang /__/lha rnams la ni rab tu dbul/__/zhal zas tshogs la longs spyod cing /__/dpa' bo dpa' mo mnyam 'byung la/__/byang chub sems kyi bde bas mchod/__/nyon mongs rnam par rtog pa yang /__/de yi 'od zer dag gis bsregs/__/phyi rol bar chad byed rnams la/__/'od zer dag gis bsreg par bya/__/brtul zhugs chen po'i spyod pa yis/__tshogs kyi 'khor lo bya ba yin/__/rtog pa can la tshogs 'khor gsang /__/dpa' bo dpa' mo brtul zhugs ldan/__/dam tshig can gyis tshogs 'khor bya/__/rdo rje'i glu ni rab tu blangs/__/mkha' 'gro'i tshogs la gtor ma sbyin/__/ces dang /__dam tshig ldan pa'i rnal 'byor pas/__/las 'di la ni brtson par bya/__/tshogs kyi 'khor lo rab 'bring gsum/__/phyi nang gsang ba gsum zhes bya/__/dam tshig nyams pa bskang pa'i phyir/__/nang gi tshogs kyi 'khor lor bya/__/tshogs mchod bsod nams bskyed dus phyi/__/mi rtog ye shes bskyed dus su/__/gsang ba'i tshogs kyi 'khor lo bya/__/tshogs 'khor de gsum gang gis kyang /__/sgrib sbyong rnam grol lam la 'god/__/ces so/__/phur pa za byed yak+sha 'bar ba'i rgyud las/__gtor ma las rab kun gyi mchog__/las rnams kun gyi sngon du 'gro/__/zhes dang /__bdud rtsi ye shes lnga ldan pa/__/byin rlabs gzhung nas byung ba'i rdzas/__/phul nas dam bskang las gnyis rdzogs/__/zhes dang /__rak+ta chags pa'i rang bzhin ni/__/dbang du 'dus shing las rnams byed/__/rmad byung dam rdzas kun gyi mchog__/ces so/__/yang phur pa gsang ba'i rtsa ba rnal 'byor chen po yang dag pa'i rgyud las/__gnas pa rtsa la g.yo ba rlung /__/mi shigs byang chub sems su bstan/__/ces gsungs/___/__!_ rdzogs pa chen po nam mkha' klong yangs kyi rgyud las/__phyi rol yul gyi tha snyad la/__/dam par zhen pa'i rtog pa yis/__/byung tshor rjes su ma 'brengs pas/__/'jig rten phal bar de mi gol/__/rang rig sems kyi snying po 'di/__/dran rtog blo yi rnam pa yis/__/yod med yul du ma bsgoms pas/__/rtag chad mthar ni de mi gol/__/lung rigs man ngag la brten nas/__/thos bsam lta bas yid ches pas/__/shes rab zab mo'i don zin pas/__/lung ma bstan du de mi tshol/__/mi dmigs don la blo brtan cing /__/bying rgod rnam gnyis bsal ba yis/__/bying rgod ro la ma zhen pas/__/sems 'dzin bsam gtan sar mi gol/__/phyi rol yul gyi snang ba la/__/rang gi sems dang ma 'brel phyir/__/sgo lnga'i rnam shes ma 'gags pas/__/'du shes med par de mi gol/__/rang byung rang snang 'di nyid la/__/sems kyi rtsol pa'i gnyen po yis/__/rnam rtog ma spangs rang zhi bas/__/nyan thos 'gog par de mi gol/__/phyi rol rten 'brel bcu gnyis la/__/brten nas sems kyi rgyu ba yi/__/rtog bkag stong par mi bsgom par/__/rang rgyal sems su de mi gol/__/yul rnams sems su blos bsdus nas/__/don dam rang gi shes pa'i don/__/rang rig skad cig ma bsgoms pas/__/sems tsam lta bar de=__yul 'di kun rdzob blos byas te/__/gtan tshigs dag gis gzhig byas nas/__/mtshan ma stong par ma bsgoms pas/__/dbu ma gnyis su de mi gol/__/zhes dang /__chos nyid dag pa'i ngang las ni/__/rigs gsum dkyil 'khor lhar ma bskyed/__dbang bzhi'i ting 'dzin ma bsgoms pas/__/kr-i ya'i theg pa de=__lta ba yo gar blta ba dang /__/spyod pa kr-i yar 'jug pa'i phyir/__/rnam gnyis 'dzin par ma bsgoms pas/__/u pa yang ni de mi gol/_/chos kyi dbyings kyi ye shes na/__/cho 'phrul lha yi nga rgyal gyis/__/byang chub rnam lnga ma bsgoms pas/__/yo ga'i sems dpar de mi gol/__/phung po khams dang skye mched kyis/_/rtog tshogs dgra rnams mang po yis/__/rnam rtog lhar ni ma bsgyur bas/__/ma hA yo gar de mi gol/__/las kyi phyag rgya gzhir bzhag nas/__/rtsa rlung thig le'i bde ba yis/__/thabs kyis zin par ma bsgoms pas/__/chags pa'i lam du de=__kun gzhi dag pa'i mkha' klong du/__/bde chen gnyis med rig pa'i rtsal/__/'du 'bral med 'jog yid ches pas/__/u nu yo gar de mi gol/__/zhes dang /__dad pa mngon du dran byas pas/__/mi dmigs dag la ma brten kyang /__/bying rgod gnyis kyi skyon bral nas/__/zhi gnas bsam gtan de la rdzogs/__/phyi nang chos rnams thams cad kun/__/so sor rtog pa'i ye shes kyis/__/sgyu ma lta bur rab shes pas/__/rang bzhin med pa'i lhag mthong rdzogs/__/'jig rten gol bar don rtogs pas/__/ser snar 'dzin pa'i sems med phyir/__/re ba med pa'i bsam pa yis/__/sbyin pa'i pha rol phyin pa rdzogs/__/ma nor khrims las mi 'da' phyir/__/lus ngag yid kyi las rnams kun/__/mi dge nyes byas mi 'byung bas/__/tshul khrims pha rol phyin pa rdzogs/__/zab dang rgya che'i lta ba yis/__/yin dang min pa'i chos rnams kun/__/chos kyi dbyings su kun shong bas/__/bzod pa'i pha rol phyin pa rdzogs/__/ngo bo nyid las 'bral med phyir/__/ched du ma bsgom da lta nyid/__/lta ba'i don la yengs med pas/__/brtson 'grus pha rol=_gzhi gsum dus su 'bral med pas/__/ye shes kun tu rgyun mi 'chad/__/snying po'i don las ma g.yos pas/__/bsam gtan pha rol phyin=__dang por 'khor ba'i rtsad tshod pas/__/ye shes rig par ngos 'dzin phyir/__/yid ches gding gi thag chod pas/__/shes rab pha rol phyin pa rdzogs/__/da yang 'dus pa'i 'khor rnams nyon/__/phyi rol yul gyi snang ba la/__/spong sdud zhen pa med pa'i phyir/__/snang ba gang yang mi 'gog pas/__/thabs kyi pha rol phyin=__tshe rabs sngon nas sbyangs pa'i phyir/__/mi gnas bla med don rtogs pas/__/da lta nyid du rang gi sems/__/smon lam pha rol phyin=__rang sems snying po rtogs pa'i phyir/__/ma rig sgrib pa zil gnon nas/__/lus ngag rtsol ba mi dgos pas/__/stobs kyi pha rol phyin=__'khor 'das gnyis med gong rol tu/__/skye shi med par thag chod pas/__/byang chub sems la 'gyur ba med/__/ye shes pha rol phyin pa rdzogs/__/zhes dang /__lta ba nges pa'i gdeng zin nas/__/mi rtog ye shes bgegs bsal ba/__/rnam par rtog pa'i gegs med phyir/__/phyi nang mtshams gcod de la rdzogs/__/ye nas ngo bo nyid sku'i dbyings/__/bsgrub tu med pa'i chos nyid la/__/ma rig rnam rtog sgrib pa med/__/don gyi bshags pa de la rdzogs/__/sangs rgyas sems can gnyis med phyir/__/yul dang dbang po mi 'byed pa/__/gnyis med don gyi klong khyab pas/__/byin chen dbab pa de la rdzogs/__/zhes dang /__ngo bo nyid kyi snying po la/__/sangs rgyas sems can rgyu gcig phyir/__/ched du bya med rang rig pa/__/spyan drangs rim pa de la rdzogs/__/zhes dang /__thams cad 'dren pa chen po la/__/rnam par grol ba mtshon pa'i phyir/__/rig pa'i don 'di gsal thebs pas/__/nan tan phyag rgya de la rdzogs/__/lus ngag las kyi rnam pa la/__/dran pa'i don gyis zin pa'i phyir/__/bsgul bskyod thams cad ye shes la/__/phyag rgya'i mchod pa de la rdzogs/__/zhes dang /__'khor dang mya ngan 'das pa'i chos/__/thig le gcig tu 'dus pa'i phyir/__/ci spyod rang gi lus ngag la/__/dkyil 'khor bsdu ba de la rdzogs/__/zhes so/___/__!_ dpal dus kyi 'khor lo'i rgyud las/__rdul tshon dkyil 'khor bris nas ni/__/gshin la gson bzhin dbang bskur na/__/ngan song gsum du skyes na yang /__/de nyid grol bar the tshom med/__/ces dang /__gur las/__rdul tshon dkyil 'khor bris nas ni/__/gshin la gson bzhin dbang bskur na/__/ngan song gsum du skyes na yang /__/de nyid skyes nas thar bar 'gyur/__/zhes dang /__sbyong rgyud las/__gang yang rung ba'i shi ba'i lus dkyil 'khor du bcug ste dbang bskur na/__sems can dmyal bar skyes na yang skyes ma thag tu rnam par thar nas lha'i rigs su skye bar 'gyur ro/__/zhes so/___/__! sangs rgyas thams cad mnyam par sbyor ba'i rgyud las/__lha rnams thams cad tshogs pa na/__/skye bo mdza' ba kun tshogs pa/__/tshogs kyi 'khor lo dam pa 'di/__/mdza' ba thams cad 'dus pa ste/__/sangs rgyas kun gyi brda dag gis/__/de bzhin mdza' ba 'dus par gsungs/__/rdo rje sems dpa' dpal sbyor pa/__/'khor lo thams cad yin par bshad/__/lha mo thams cad kun 'dus pas/__/thams cad sna tshogs skal ba bzang /__/rdo rje sems dpa' dpal sbyor pa/__/rnam pa kun mkhyen shes pa'i phyir/__/kun gyi slob dpon yin par bshad/__/lha mo thams cad 'dus pa ste/__/sangs rgyas kun gyi brda dag gis/__/kun tu sna tshogs skal bzang ba/__/de yis slob mar grub pa ni/__/sgrub pa po yi rjes grub pa/__/sangs rgyas brda yis gsang ba yi/__/rgyal tshab yin par rnam par bshad/__/de las gzhan pa'i slob ma kun/__/mchog dang 'bring dang tha ma rnams/__/sangs rgyas kun gyi mnga' bdag gis/__/byang chub sems dpa' yin par bshad/__/ces dang /__rjes su sbyor ba'i mchod pa ni/__/sbyor ba kun gyi bde ba'i mchog__/sangs rgyas brda yi phyag rgya yi/__/bde ba chen po yin par bshad/__/ces dang /__sha ni sman gyi mchog yin te/__/chang ni rA sa yA nar bshad/__/zan ni tshe zhes bya bar bshad/__/bza' ba sna tshogs grub pa ni/__/sha dang chang du ldan pa dag__/dga' ba'i longs spyod skal bzang po/__/tshe yi dam pa yin par bshad/__/ces dang /__kun tu sna tshogs phyag rgya ni/__/thams cad nam mkhar 'gro ba ste/__/sangs rgyas kun dang mnyam sbyor ba/__/mkha' 'gro ma zhes rab tu grags/__/zhes dang /__rdo rje dril bu'i phyag rgya dag__/dam tshig gsum gyi dam tshig yin/__/zhes dang /__drangs te bcug nas bcings pa dang /__/zhugs nas dbang du gyur pa ni/__/dzaHhU~M ba~M hoHbshad pa ste/__/sangs rgyas kun gyi brda yang yin/__/zhes dang /__e ma ho dga' mchog ngo mtshar ni/__/a la la zhes bshad pa'o/__/zhes/__de nas de bzhin gshegs pa thams cad kyi sku'i snying po 'di phyung ngo /__/oM bo d+hi tsit+ta ma hA su kha dz+nyAn d+hA tu AH__zhes gsungs pas zhi ba'i cho ga thams cad rgyas par gyur te/__/zhes dang /__de nas de bzhin gshegs pa thams cad kyi thugs kyi snying po 'di phyung ngo /__/oM ru lu ru lu hU~M b+h+yo hU~M__zhes gsungs pas khro bo'i tshogs thams cad rgyas par gyur to/__/zhes bshad/__nyams dga' yid 'ong bsam gtan 'phel/__/pad+mo 'khor lo gnam sa'i dbyibs/__/skyon rnams bral zhing yon tan ldan/__/tshom bu rgyas pa bsgrub par shis/__/shis pa'i 'khor rdzas dus 'dzoms nas/__/phun sum tshogs pa rab tu gces/__/mtho dman gsegs ma jo mo dang /__/tshwa sgo shing dum ro lnga bral/__/blang brtag gzung dang sbyang ba dang /__/bskrad srung sbyor bas cho ga rdzogs/___/__!_ sa yi ri mo bya ba dang /__/dur khrod thal ba'i ri mo bya/___/dkyil 'khor sna tshogs dris byugs te/__/me tog dri ni lha grangs mthun/__/mchod sogs lha yi rnam par gnas/__/sgrub pa'i bum pa lha grangs mnyam/__/gang ba'i bum pa dag dang ni/__/thams cad las kyi bum pa dang /__/rnam par rgyal ba'i bum pa'o/__/sbyangs nas bsang ste gzhal yas khang /__/bskyed drangs bstim mchod bstod pa dang /__/bsnyen pa nye ba'i bsnyen pa dang /__/sgrub dang sgrub pa chen po bzhi/__/dkyil 'khor rab tu bsgrub par bya/__/gtso dang 'khor gyi bsnyen pa skyed/__/sbyin sreg bya zhing las sgrib bshags/__/skal ldan bu mchog la sogs pa/__/rtags gdab dam tshig bsre bsnan bya/__/sems bskyed sdom pa bzung ba dang /__/bdun po rnam dag spro ba bskyed/__/sku gsung thugs su byin brlabs shing /__/rdo rje khu tshur gnas gsum gtugs/__/spyi bo bdun dmigs snying mchod dbul/__/maN+Dal pad+ma 'dab brgyad la/__/rnam lnga ba ko tsam byugs te/__/u dum wA ra las byas pa'i/__/sdig spong bcu gnyis me tog thod/__/dor te pra brtag srung skud gdags/__/dag pa'i sngags kyi khyor chus bkru/__/rigs sngags ku sha rmi lam brtag__/zhi ba rgyas pa dbang drag dang /__/rdzas dang mchod pa'i rim pa yis/__/ngan pa'i ltas la sreg sbyong shis/__/nas thig gdab pa sogs bstan to/__/rang gi lha yi sbyor ldan pas/__/srin lag mthe bo'i rtse mo yis/__/zhi ba'i btung ba bzhin myang na/__/rtag pa yi ni dngos grub thob/__/ces dang /__rdzogs pa'i sangs rgyas nyi zla rnams/__/shar ba rnams ni mthong ba yis/__/sdig pa kun las grol 'gyur zhing /__/bsod nams thams cad 'grub par 'gyur/__/rnal 'byor bde chen dbang 'dod pa/__/chos kyi dbyings kyi dkyil 'khor du/__/rim dang gcig car 'jug pa dang /__/de nyid yang dag bsgom pa ni/__/rig pa rang bzhin 'od gsal ba/__/dngos med rtog pa'i bag chags dag__/sgyu ma me long gzugs brnyan 'dra/__/sgyu mas sgyu ma stong pa na/__/rig pa'i rang bzhin mi dmigs phyir/__/chos kyi sku 'di shes par gyis/__/ji ltar nam mkha' dwangs pa la/__/rang bzhin med ltar rang sems zhog__/'od gsal chos sku rtog med la/__/ma bslad dri mas gos 'gyur phyir/__/ma bslad bu gcig rang sar zhog__/ces gsungs/__bla ma mnyes par gang byas pa/__/de ni chung yang mchog yin te/__/zhes so/__/zhing dang sngags dang las skyes ma/__/mtshan ldan gang yin bde ba skye/__/dam tshig gsang ba kun tu bsrung /__/zhing bcu tshogs la gnas spong zhing /__/'gal ba dag la mtshon cha'i char/__/phab nas bde bar gshegs la 'bul/__/zhes so/__/'dug pa'i 'khor lo bsgom pa ni/__/dpral ba mgrin pa snying ga spyi/__/lte ba lkog ma gsang ba ru/__/rnal 'byor 'khor lo drug bsgoms te/__/lag pa gzar bu rnam gnyis kyis/__/lus kyi dkyil 'khor mchod nas ni/__/ye shes mes ni bag chags bsreg__/thal ba gshang lam las byung ba/__/nang gi sbyin sreg mchod pa'o/__/zhes dang /__yid skyo gseng ba'i 'khor lo ni/__/yid ni skyo ba'i rnal 'byor pas/__/rgyun du lha yi rnal 'byor bsgom/__/dang po'i las kyi rnal 'byor pas/__/grangs dus mtshan ma'i bsnyen pa skyol/__/yid skyo gseng ba'i mchod pa'o/__/zhes dang /__le lo gzhoms pa'i 'khor lo ni/__/le lo shas che'i rnal 'byor pas/__/rgyun chad med par thun bzhi ru/__/lha yi 'khor lo spro bsdu bsgom/__/ldang ba sprul pa'i sku yin te/__/rmi lam longs spyod rdzogs skur bsgom/__/gnyid log chos skur bsgom par bya/__/le lo 'joms pa'i mchod pa'o/__/zhes dang /___/__!_ rab ni sku lnga lhun grub thob/__/'bring ni rig 'dzin rnam bzhi'i lus/__/tha ma lha mi'i mtshan rdzogs pa/__/'grub par 'gyur ba gdon mi za/__/zhes so/__/rgyud phyi ma las/__rnam rtog g.yeng ba'i sems la ni/__de kho na nyid nges par gnas/__/sems dpa' sangs rgyas kun gyi dngos/__/rdo rje sems dpa' bde ba mchog__/ces dang /__yang rgyud snga mar/__sangs rgyas thams cad mnyam sbyor ba/__/mkha' 'gro sgyu ma bde ba'i mchog__/chags med chags dang bral ba'ang min/__/dbang bskur yang ni mi dmigs so/__/zhes dang /__ngo mtshar sgyu ma'i phyag rgya 'di/__/mkha' 'gro ma zhes brdar bstan to/__/de ni nam mkhar 'gro ba zhes/__/khams las mngon du btags pa ste/__/nam mkha' kun gyi spyod grub pas/__/mkha' 'gro ma zhes rab tu brtag__/ces dang /___/__! zla gsang thig ler/__gsang ba'i gsang ba bde ba che/__/zla gsang thig le las byung ba'i/__/sbas pa chen po gsang ba ston/__/nyid kyi sku gsung thugs rdo rje/__/zhes dang /__de nas rnal 'byor ma mchog gi__/dkyil du me tog dor byas te/__/me tog spang la lhung ba yi/__/lha de nyid ni dngos grub bo/__/zhes dang /__nang gi sbas pa bsdu ba yi/__/gsang ba snyoms par 'jug pa yis/__/skyor dang ldan pas dbang bskur bya/__/zhes dang /__gzungs ma de yi bdag nyid la/__/bla mas byin gyis brlabs nas kyang /__/dngos grub 'bras bu myur thob phyir/__/slob ma la ni sbyin par bya/__zhes dang /__de nas blo ldan rdo rje yis/__/nan tan dam tshig bsgrag par bya/__/sngags kyi dngos grub don 'dod pas/__/dam tshig bsrung la brtson par bya/__/gzhan du byas na sngags mkhan gyis/__/sngags la sogs pa'i don mi 'grub/__/ces so/__/'dus pa'i rgyud phyi mar/__/sku gsung thugs kyi rnam pa gsum/__/gsang ba zhes ni bstan pa yin/__/sangs rgyas thams cad ces bya ba/__/tshogs pa 'dus pa yin par bshad/__/lhag pa'i lha ni gsang chen te/__/dam pa'i rigs ni rnam pa brgya/__/zhes dang /__stong nyid snying rje mi phyed pa/__/byang chub sems dpa' zhes brjod do/__/zhes dang /__rig dang lhan cig ldan pas na/__/rig ba'i skyes bu zhes brjod do/__/zhes dang /__des na sangs rgyas rnams kyi thabs/__/rdo rje theg pa zhes bshad do/__/zhes dang /__smra ba bzlas par grags pas na/__/ngag kun sngags su brjod bya ste/__/sngags dang sngags shes bshad pa ni/__/de nyid bskul ba'i mchog yin no/__/zhes dang /__rdo rje can gyis chos bstan pa/__/rim pa gnyis pa yang dag bstan/__/bskyed pa yi ni rim pa dang /__/de bzhin rdzogs pa'i rim pa'o/__/zhes dang /__mi snang la sogs dngos grub ni/__/tha lam pa zhes bshad pa yin/__/sangs rgyas nyid bsgrubs sangs rgyas kyis/__/dngos grub mchog ces gsungs pa yin/__/thabs ni rnam pa bzhi po dag__/byang chub rdo rje can gyis gsungs/__/rnal 'byor rgyud ni thams cad du/__/rnal 'byor pa yis rtag par bsngags/__/bsnyen pa'i cho ga dang po ste/__/nye bar sgrub pa gnyis pa yin/__sgrub pa yang ni gsum pa ste/__/sgrub pa chen po bzhi pa'o/__/thun mong mchog gi dbye ba yis/__/bsnyen pa rnam pa gnyis su 'gyur/__/rdo rje bzhi po thun mong ste/__/ye shes bdud rtsi mchog yin no/__/dang po stong nyid byang chub ste/__/gnyis pa sa bon bsdus pa yin/__/gsum pa gzugs ni rdzogs pa ste/__/bzhi pa yi ge dgod pa'o/__/rdo rje rnam bzhi 'di dag gis/__/tha mal bsgrub pa bsnyen par bya/__/mchog ni ye shes bdud rtsi gnyis/__/sbyor ba drug gis bya ba yin/__/zhes sogs dang /__cho ga yang dag sbyor bsgoms pas/__/rang gi dkyil 'khor la gnas te/__/sems de ye shes gzugs kyis ni/__/sgom pa nye bar sgrub pa'o/__/zhes dang /__cho ga'i sbyor ba 'di yis ni/__/ye shes lus dang lhan cig tu/__/sku gsung thugs kyi rdo rje yis/__/gnyis su med par byed bsgrubs pa/__/sngar bshad pa yi rim gyis ni/__/rig pa'i skyes bu rdo rje can/__/bdag dang 'dra bar dkyil 'khor byung /__/sgrub pa chen po zhes bshad do/__/zhes dang /__bsgrub bya sgrub par yang dag sbyor/__/gang yin de ni bsnyen par bshad/__/rdo rje pad+ma mnyam sbyor ba/__/nye bar sgrub pa zhes bshad do/__/yi ge hU~M dang phaT ldan pas/__bsgul bskyod bsgrub pa zhes bshad do/__/ngo bo nyid zhi rang bde ba/__/sgrub pa chen po zhes bshad do/__/zhes so/___/__!_ karma mA le'i rgyud las/__skal ldan mi dang 'byor ldan dang /__/dga' ldan lha yi tshogs te rnam gsum mo/__/skal ldan mi yi tshogs la brgyad/__/mi chud pa yi skyon dgu 1bsal/__/'du ba'i yon tan drug 2ldan bsdu/__/de yi spyod pa brtan pa 3dang /__/'dus la rtag 4bzhi skyon rnams 5bsal/__/bdud bzhi gzhom par 6bya ba dang /__/cho ga phun 7sum tshogs pa dang /__/shes pa phun sum tshogs pa dang /__/mi 'grub pa yi gegs bsal yin/__/zhes dang /__de nas bde gshegs sangs rgyas kyi/__/'byor ldan yo byad tshogs bshad pa/__/sgrub pa'i yo byad gsungs pa yi/__/brgyad dam bzhi yi bdag nyid can/__/sgrub pa'i yo byad rnam brgyad de/__/goMs rgyan 4bza' btung 5glu dang tshig6__/bro 7gar sogs kyi sprin phung la/__/hU~M du shes pas rab spyad nas/__/ngo mtshar 'byung ba'i dkyil 'khor mnyes/__/zhes dang /__de nas dga' ldan lha yi tshogs/__/rnam pa bdun gyis rab bshad bya/__/zhes sogs rgyas par bshad snang ngo /__/rig sngags rgyal po stobs bzang nam mkha' mdzod 'di bzlas/__/lag pa spyi bor na mas+sarba ta thA ga ta sogs/__sbyar nas pad+ma kha bye ba/__/ji ltar thogs med bsam pa bzhin du byung ste spel/__/zhes bshad/__gzhan yang lam gsum yod/___/__!_ bstod pa glu yi mchod pa ni/__/rol mo ye shes glu yis bstod/__/ces dang /__steng yang rdo rje'i bla bre la/__/'og kyang rdo rje'i sa gzhi'o/__/bar mtshams med par rdo rjes gtams/__/rdo rje'i mtshams las ma 'da' zhig__/ces pa'o/___/__!_ rdo rje rtse mo las/__sra zhing snying po khong stong med/__/bcad dang gzhig bar bya ba min/__/bsreg par bya min 'jigs med pas/__/stong nyid rdo rjer brjod par bya/__/zhes dang /__sangs rgyas kun gyi ye shes dang /__/byang sems brtan pa gang yin pa/__/de yi rgyal po rdo rje 'dzin/__/de bzhin gshegs pa kun gyi bdag__/ces dang /__rtog pa thams cad dang bral zhing /__/chos su 'dzin pa rnam par spang /__/chos rnams kun gyi de bzhin nyid/__/stong pa nyid ni rdo rjer brjod/__/ces dang /__rigs ni rnam pa du yin brjod/__/rtags dang mi 'khrugs rin chen dbang /__/'od dpag med pa don grub rnams/__/rigs ni rnam pa brgyad gsungs te/__/mdo ru bsdu na rnam pa lnga/__/sangs rgyas rdo rje rin chen dang /__/chos dang las dang rnam pa lnga/__/zhes dang /__chos kyi de nyid rtogs gyur cing /__/'khor ba'i gnas nas sangs gyur te/__/sems can rnams ni sad byed pa/__/de ni byang chub sems dpa' brjod/__/ces dang /__rdzogs pa'i byang chub rnam pa du/__/de la byang chub rnam gsum ste/__/dman dang mchog dang bar ma'o/__/dman pa nyan thos sems yin te/__/bar ma rang rgyal byang chub bo/__/mchog ni byang chub sems yin te/__/de ni mi 'gyur rdo rje yin/__/zhes dang /__byang chub mchog gi ye shes gang /__/de ni rdo rjer nges par brjod/__/ye shes rdo rje las byung ba/__/de ni rdo rje sems dpa' brjod/___/__!_ rnal 'byor chen po sangs rgyas chos/__/sangs rgyas sems can rtogs byed pa/__/dag pa de bzhin gshegs snying po/__/de ni rdo rje chos su brjod/__/ces dang /__sems can kun gyi shes pa dang /__/de bzhin gshegs pa'i snying po dang /__/chos dbyings rdo rje chen po ste/__/thog ma tha ma med par bshad/__/ces dang /__byang chub sems dpa'i gnas ldan pa'i/__/'gro ba srid pa'i skye gnas gang /__/de kun rab tu bzang bas na/__/kun tu bzang por brjod par bya/__/zhes dang /__chos rnams 'ga' yang skye ba med/__/chos rnams 'gag par gyur pa med/__/rnam par rtog pa nyer zhi gang /__/de nyid sangs rgyas rigs chen yin/__/zhes dang /__ci phyir sangs rgyas brjod par bya/__/de bzhin nyid bden shin tu brtan/__/de kho na nyid gang rtogs nas/__/chos kun rtogs pa zhes bya gang /__/de ni rtogs pas sangs rgyas brjod/___/__!_chos kyi de nyid yang dag gnas/__/slar yang gzhan du mi 'gyur zhing /__/de nyid lam ni ston byed pa/__/de ni de bzhin gshegs zhes bya/__/zhes dang /__las dang nyon mongs de bzhin skye/__/de bzhin nyon mongs shes bya'i sgrib/__/mi mthun phyogs kyi chos gang rnams/__/de bcom pas na bcom zhes brjod/___/__!_nyon mongs bdud sogs gcod byed cing /__/skye rgu ma lus thabs chen gyis/__/ngan 'gro'i srid las skyob byed pa/__/ston pa'i ston par brjod pa yin/___/__!_de nyid shes pas ye shes te/__/slar yang chos su rtogs pa min/__/rtag dang chad pa spong byed cing /__/'chi med de ni ye shes brjod/___/__!_rab sbyor sbyor ba shes 'gyur zhing /__/khyad par du ni rtogs par byed/__/bden pa de bzhin nyid shes pa'i/__/shes rab shes rab ces su bshad/___/__!_na ni dgag pa'i don chen te/__/dngos med dngos po med min pas/__/gang du dri ma med gyur pas/__/de ni de yi tshul du brjod/___/__!_dngos kun dngos po med ces pa'i/__/mnyam pa nyid du rab gnas pa'i/__/shes rab can gyi lhag par brten/__/sems la bsam gtan dmigs par brjod par bya/__/_!_sangs rgyas kun dang brtul zhugs ldan/__/byang chub sems dpa' rnams dang ni/__/rdo rje 'chang ba thams cad dag__/spyod lam phyag rgyas mtshon par byed/__ces dang /__sngags rnams kun gyi mtshan nyid kyang /__/sangs rgyas kun gyi thugs yin te/__/chos kyi snying po sgrub byed cing /__/chos kyi dbyings dang yang dag ldan/__/sngags kyi mtshan nyid yang dag ldan/__/ces dang /__/'khor bar myong ba'i sdug bsngal dang /__/'dod chags la sogs nyes pa'i tshogs/__/rigs dang bcas pa zhi byed pa/__/rig sngags kyi ni mtshan nyid brjod/__/sangs rgyas chos rnams 'dzin byed cing /__/chos rnams 'dzin par byed pa dang /__/dge ba zhes bya 'dzin byed pa/__/gzungs sngags kyi ni mtshan nyid brjod/___/_!_gung mos rdo rje'i rnal 'byor skyes/__/srin lag steng du rin chen skyes/__/mthe'u chung gis ni pad kha phye/__/las kyi phreng bas las byed pa/__/sor mo kun gyis bya bar bshad/___/__!_sangs rgyas thams cad gshegs gyur cing /__/theg pa kun las nges rgyal ba/__/yang dag gyur pa'i sems can ni/__/theg pa chen po zhes su bstan/___/__!_'byung ba med cing rdzas kyang med/__/skye ba med cing 'chi ba med/__/dus gsum dngos po dang bral mchog__/nam mkha' zhes pa'i sgra ru bstan/___/__!_sangs rgyas rnal 'byor bo d+hi tsi/__/rdo rje can ya ru rak+sha/__/phyi rol rdor rigs dbang po ste/__/mu tig nor bu'i rnal 'byor can/__/pad+ma'i snying po'i phreng ba ni/__/pad+ma'i rigs rnams kun la bsngags/__/yang na kun las mchog gyur pa/__/bo d+hi tsit+ta srog 'dzin pa/__/lcags kyi bzlas pa nyis 'gyur te/__/zangs kyi yang ni bzhi 'gyur ro/__/ru shak+sha yi bye ba gnyis/__/mu tig gis ni brgyar 'gyur ro/__/dbang pos stong 'gyur rnal 'byor te/__/dngul gyis 'bum du 'gyur pa yin/__/pad+mas bye ba brgya 'gyur brjod/__/bo d+hi tsi ni grangs med do/__/lag pa g.yon pas phyag rgya bcing /__/g.yas pa phreng ba dang ldan bya/__/ji ltar sngar bshad gsang ba sogs/__/rmad byung chen po'i bzlas pa bya/__/ci yi phyir na bzlas par brjod/__/dge la brtson pa rgyas 'gyur zhing /__/rmad byung rnams kyang mthong 'gyur la/__/byang chub spyad pa rgyal 'gyur zhing /__/sangs rgyas rol pa mngon par 'byung /__/zhes dang /__sna tshogs gzugs can rnal 'byor che/__/sems can smin bya 'ba' zhig phyir/__/nyon mongs gdug la brtser dgongs shing /__/zhi ba'i don ni yang dag byung /__/zhes dang /__nyon mongs gdug pa nyes gzhom phyir/__/byang chub sems kyi rang bzhin bzang /__/rdo rje phyag na bsnams mdzad pa/__/de ni phyag na rdo rjer brjod/__/ces dang /__bdag med byed pa po yang med/__/chos kyang yod pa ma yin te/__/dge dang mi dge byed pa yi/__/bag chags kyis ni kun tu bsgribs/__/zhes dang /__byis pa rnams ni kun tu 'byung /__/de bzhin yang dang yang du 'khor/__/zhes dang /__gang zhig de bzhin nyid rtag stong /__/bde bzhi rang bzhin bzang po nyid/__/mtshan ma nyid kyang rnam par spang /__/tshig dang sgra yis bzung bya min/__/rnam par rtog pa yod ma yin/__/de bas mya ngan 'das sgra ru/__/de nyid kho na rab shes bya/__/zhes so/__/rdo rje lcags kyu'i phyag rgya yis/__/bgegs rnams thams cad dgug par bya/__/zhes dang /__oM ni ci zhig yin par bshad/__/mchog dang nor ster dpal dang g.yang /__/skal bzang rnam pa dang ldan cing /__/dam bca' ba dang bkra shis don/__/nor bu 'dzin pa'i snying po yin/__/yi ge hU~M ni ci yin brjod/__/sdug bsngal 'chos shing 'joms par byed/__/srid pa'i zhags pa gcod byed cing /__/gdug pa bsngangs shing gsod byed pa'i/__/hU~M ni mchog tu dran par bya/__/yi ge pha?T ni ci yin brjod/__/gdug dang sdug bsngal 'joms byed cing /__/bde ba dag ni 'gugs par byed/__/pha?T ni 'joms byed sgra yin te/__/grogs dang bcas pa 'joms par byed/__/swA hA zhes pa ci yin brjod/__/sdig pa thams cad zhi byed cing /__/dge ba'i tshogs ni 'phel bar byed/__/nyes par byas pa 'phrog byed cing /__/sdug bsngal thams cad 'joms pa'i mchog__/ces bshad do/__/chos kyi dbyings ni snying po che/__/'dod pa'i 'dam gyis ma gos pa/__/gzod nas dag pas skye ba med/__/'khor ba'i rgya mtshor pad+ma mtshungs/__/zhes so/__/dri ba/__gsang ba'i snying po zhes gsungs gang /__/de nyid rnam nges ji lta bu/__/'di la brjod byar gyur pa gang /__/'di yi dgos pa'ang ci zhig yin/__/'dir bshad pa rnams ji ltar 'brel/__/rjod par byed pa gang la brjod/__/ci yis rgyud ces bya bar bshad/__/'di dag gi ni bsdus don gang /__/cis nas kun tu bzang po'i mtshan/__/zhi ba'i dkyil 'khor yang ci lags/__/khro bo'i dkyil 'khor zhes bya gang /__/yi ge'i dkyil 'khor gyur pa'ang ci/__/dbang bskur ba ni du zhig gsungs/__/ci phyir ting nge 'dzin du brjod/__/bla ma slob ma ji 'dra lags/__/re zhig de kho na nyid ci/__/ci las kun rdzob tu ni brjod/__/dam tshig sdom ba de ni ci/__/ci phyir de bzhin gshegs par 'gyur/__/de bzhin gshegs pa du zhig bshad/__/de bzhin rigs kyi rnam pa du/__/mchod pa rnams kyang ci 'drar bshad/__/ces dang /__bskyed pa'i rim pa ci zhig yin/__/de bzhin rdzogs pa yang ni ci/__/bsnyen pa la sogs bzhi po gang /__/skad cig dang ni dga' ba du/__/thig le nA da'ang gang zhig ci/__/tshogs kyi 'khor lo ci 'dra dang /__/zhes dang /___/__!_ rgyud phyi ma las/__/gsang ba chos 'byung la bshad de/__/snying po'ang de yi thabs can no/__/gnyis po'ang phyin ci ma log phyir/__/de nyid do 'dir rnam nges te/__/rnam pa kun dang dus kun tu/__/gang gis bsgrub cing brdar ba yin/__/stong nyid snying rje'i sbyor pa ni/__/brjod par bya ba 'dir bshad do/__/phyag rgya chen po'i dngos grub ni/__/dgos pa'i gtso bo'i rang bzhin phyir/__/'jig rten pa yi lam gyur pas/__/sna tshogs rang bzhin mtha' dag go__/thabs dang thabs byung 'brel ba ste/__/bla ma slob ma dag kyang ngo /__/gang gis brjod bya 'chad byed pa/__/de ni rjod byed du bshad do/__/rgyud ni rgyun chags la bshad de/__/thabs dang rgyu las 'bras bu'o/__/zab dang rgya che'i dbye ba yis/__/'dir de bsdus don gnyis su 'dod/__/phyogs bcu'i 'jig rten thams cad du/__/mngon mtho nges legs rab ster ba/__/kun tu bzang por brjod pa yin/__/rang gzhan bdag nyid rnam pa kun/__/thams cad zhi bar byed nyid phyir/__/zhi ba'i dkyil 'khor zhes brjod de/__/gdul dka' 'dul pa'i nyon mongs la/__/thugs rje'i dbang gis khro byed phyir/__/khro bo'i dkyil 'khor zhes bshad do/__/ngag gi spros pa ma lus pa/__/brjod pa'i rten gyi rang bzhin phyir/__/yi ge'i dkyil 'khor du bshad do/__/slob dpon gsang ba shes rab dang /__/de ma thag pa bzhi pa ste/__/rnam rtog dri ma dag bya'i phyir/__/dbang bskur rnam pa bzhi yin no/__/gdod nas zhi ba'i rang bzhin phyir/__/chos kun skye ba med pa ste/__/rnam pa kun tu rtag par ni/__/bde ba chen po myong ba'ang de/__/rang gi rnam rtog dbang gis na/__/ma rig sna tshogs tshul gyis 'khrul/__/rang gzhan don 'bras rab ster ba/__/'dir ni ting 'dzin du brjod do/__/ye shes tshogs kyis rgyas pa'o/__/kun tu bzod pa bla mar 'dod/__/bstan par 'os pa slob ma yin/__/gang zhig rnam rtog dmigs med pas/__/dngos grub kun ster yang dag lam/__/rnam kun de kho na nyid bshad/__/rnam par rtog pa'i snang brnyan yang /__/rnam pa kun tu kun rdzob 'dod/__/rnam pa kun tu lus kyang gtong /__bya bar nges pa nyid kyis na/__/gang zhig nan tan las mi 'gongs/__/rmi lam du yang dam tshig brjod/__/dam bca' ba ni sdom par 'dod/__/lus ngag yid kyis byas pa'o/__/gang phyir de bzhin nyid du gshegs/__/de bzhin gshegs par mngon par brjod/__/de dag mdor bsdus lngar bshad de/__/rgyas par na ni grangs med do/__/rigs ni rnam pa brgyar brjod de/__/mdor bsdus pas ni rnam pa lnga/__/sku gsung thugs kyi dbye ba yis/__/phyi nas rnam pa gsum du 'gyur/__/phyi dang nang dang gsang ba dang /__/yid de rnam pa bzhi po ni/__/mdor bsdus nas ni mchod par bshad/__/gang de rnam pa mang por 'dod/__/ces dang /__rnam shes lnga po mi dmigs pas/__/bdud rtsi lnga zhes bshad pa ste/__/ye shes lngar ni brjod pa gang /__/sgron ma lnga zhes rjod par byed/__/brjod pa'i rnam pa de lta bus/__/de nyid rig pas gnyis po bza'/__/las dang nyon mongs dang bral phyir/__/sngags dang phyag rgya ting 'dzin gyis/__/dri chen lnga po byin gyis rlobs/__/bdud rtsi lnga po dag kyang ste/__/yang na ba lang sha la sogs/__/sgron ma lngar bshad dag kyang ngo /__/zhes dang /__dngos rnams rang rang rgyu yis ni/__/brten nas 'byung ba nyid yin te/__/mos pa sna tshogs dkri ba'i phyir/__/sna tshogs bstan par mdzad pa yin/__/zhes dang /__lha yi rnam pa'i rnal 'byor la/__/zla ba rdo rje sogs rim pas/__/bskyed pa'i rim par brjod pa'o/__/rang bzhin grub pa rdzogs pa yi/__/rim par bshad pa rnal 'byor ro/__/rnal 'byor rnal 'byor mar 'brel ba/__/bsnyen pa zhes byar bstan pa yin/__/bo la kak+ko la sbyor ba/__/nye bar sgrub pa brjod pa ste/__/rtsa gnyis mngon par 'brel ba ni/__/sgrub pa yin par bstan pa'o/__/lhan cig skyes gnyis 'brel ba ni/__/sgrub pa chen por brjod pa'o/__/'khyud pa la sogs sna tshogs pas/__/rnam pa sna tshogs skad cig brjod/__/bde ba chen po rnam smin pa/__/rnam par smin pa'i skad cig nyid/__/rlung gi de nyid rtog pa yis/__/nyes pas rnam par nyid la'o/__/rnam pa kun tu mi 'dzin pas/__/mtshan nyid bral ba'i skad cig ma/__/mgrin snying lte ba gsang ba'i mthar/__/byang chub sems ni 'gro dang 'ong /__/dkar dang nag po'i dbye ba yis/__/gang der bde ba chen por 'char/__/phyi ma phyi ma'i dbye ba yis/__/dga' ba la sogs 'di dag 'dod/__/dga' ba dang ni mchog dga' dang /__/bral ba yi ni dga' ba dang /__/bzhi pa lhan cig skyes dga'o/__/yul dang srog gi rnal 'byor pa/__/ye shes me skyes nA da dang /__/thig le rtogs pa yid las byung /__/gnyi ga 'dus pa'i ye shes so/__/zhes dang /__phyag rgya'i sbyor bas thams cad du/__/'dod pa lnga po nyer longs spyod/__/bza' ba nye bar mi dmigs pa/__/tshogs kyi 'khor lo zhes pa bshad/__/ces dang /__ngag gi bzlas pa sogs dbye bas/__/bzlas pa rnam pa bzhir bshad do/__/zhes dang /__sa dang pha rol phyin pa yang /__/gsang sngags nges pa'i rim pa yis/__/sbyin sogs dga' ba legs par brtsam/__/zhes dang /__sku gsung thugs kyi dbye ba las/__/dkyil 'khor rnam pa gsum 'dod de/__/yang na b+ha ga tshogs dbye dang /__/las kyi phyag rgya sogs dbye bas/__/gang yang rnam pa lnga 'bod de/__/zhi ba la sogs dbye ba las/__/las ni rnam pa bzhir bsdus so/__/sangs rgyas chos dang dge 'dun rnams/__/bsam pa thams cad rdzogs byed phyir/__/gsum po dkon mchog ces bshad do/__/de yang dam pa'i don 'dod de/__/lus sogs gcig tu de mthar thug__/mthar thug don min kun spang phyir/__/'dod pa'i 'bras bu kun thob pas/__/de ni skyabs su brjod par bya/__/zhes dang /__ye shes sems dpa' rnam par gnas/__/rab tu gnas pa zhes bya'o/__/zhes dang /__lus sogs dran pa nyer bzhag sogs/__/byang chub pa yi thabs yin phyir/__/byang chub phyogs zhes rab tu brjod/__/ces dang /__ston pa la sogs rab dbye bas/__/phun sum tshogs pa lngar brjod do/__/zhes dang /__yang dag ma yin don sgrub cing /__/yang dag pa yi bsgrib par gnas/__/ma rig par ni brjod pa ste/__/rig par bshad las bzlog phyir ro/__/zhes dang /__rnam rtog ces bya 'khrul pa ste/__/sems ni 'khrul par ldan pas so/__/zhes sogs bshad cing /__'dir thar lo'i 'gyur la/__'gos lo dang /__kha che'i mkhas pa kun dga' dpal gyis rim par bsab pa'o/___/__!_ sgyu 'phrul drwa ba las/__bdud rtsi'i mchog ni mnyam pa'i dbyings/__/bdud rtsi'i don ni skye shi med/__/bdud rtsi'i gnas ni byang chub sems/__/bdud rtsi'i las ni rnam rtog sbyong /__/zhes dang /__'thung na ngan song sgrib pa sbyong /__/rtag brtan dngos grub mchog kyang 'grub/__/bzhi brgya rtsa bzhi'i nad sel zhing /__/lha la rtag tu mchod byas na/__/bdag dang gnyis su med par 'gyur/__/mi mthun phyogs la gtor byas na/__/drag po gtum po'ang lhan ner 'gyur/__/gzhan yang dngos grub thams cad ni/__/ji ltar dmigs pa bzhin du 'grub/__/ces so/__/'di'i le'u drug cu rtsa brgyad par dam tshig sum brgya drug cu'i bshad pa yod/__le'u 70par dam tshig rnam par spros pa zhes rgya cher yod/__rdo rje sems dpa' bsgrub 'dod pas/__/rtag tu mnyam pa'i don rtogs la/__/sku ni 'ja' tshon tshul 'dra bar/__/snang la rang bzhin med par bsgom/__/'khor rnams chu zla'i tshul shes par/__/gsal la rang bzhin med par bsgom/__/lha yi sku ni gsal bsgoms na/__/bsod nams tshogs chen thob par 'gyur/__/de nyid gzugs brnyan tshul shes na/__/ye shes tshogs chen thob par 'gyur/__/zhes dang /__kha cig lta ba mnyam gzhag kyang /__/spyod pa dag dang yong mi mthun/__/kha cig spyod pa rdzogs byed kyang /__/mnyam pa'i lta ba yong mi shes/__/kha cig lta spyod gnyis ka med/__/ces dang /__thabs dang shes rab ldan gyur cing /__/byang chub sems dang ma chags pa'i/__/gnyis su med par thim gyur na/__/tshogs chen gnyis kyang rdzogs par 'gyur/__/zhes dang /__zhi ba lha rgyud chen por/__chos sku dri ma med pa dang /__/longs sku 'khor los sgyur rgyal 'dra/__/sprul pas mdzad pa mthar phyin cing /__/skye 'jig bral ba rdo rje'i sku/__/yul med rang gsal mngon byang nyid/__/sku lnga lhun gyis grub pa'o/__/chos sku skye med gyi gsung /__longs spyod dgongs pa brda yis ston/__/sprul pa tshangs pa'i gsung dbyangs snyan/__/mngon byang rig pa byin gyis rlobs/__/'jigs med dbyer med rdo rje'i gsung /__/gsung lnga nyid du lhun gyis grub/__/so sor snang ba gdul bya'i blo/__/tha dad bya ba ga la yod/__/bde ba chen po'i thugs dang ni/__/rnam par mi rtog thugs nyid dang /__/'gro ba thams cad sgrol ba dang /__/mnyam pa chen po'i mchog gnas dang /__/dbyer med rdo rje'i thugs lngar shar/__/tha dad 'dod na tha dad snang /__/dbyer med 'dod na dbyer med snang /__/zhing khams dang ni gzhal yas khang /__/'od zer dang ni gdan khri rgyan/__/longs spyod lnga ni yon tan te/__/bde bar gshegs pa rtsol med snang /__/zhi rgyas dbang dang mngon spyod dang /__/lhun gyis grub pa'i phrin las yin/__/zhes so/__/rtsa rnams gtsug tor mchog tu gyur/__/sprul pa sku yi rang bzhin nyid/__/sngags rnams hU~M gi gzugs su 'dus/__/bde chen longs spyod rdzogs par gnas/__/khams kyi dwangs ma bdud rtsi nyid/__/khams sku 'dus pa chos nyid sku/__/snying po rlung rnams rang gdangs mar/__/dbyer med rdo rje mngon byang chub/__/ces dang /__sangs rgyas rnams ni yab yin pas/__/rdo rje'i skyil mo krung du bzhugs/__/rigs ma gzung ma yum rnams ni/__/pad+ma'i skyil mo krung du bzhugs/__/byang chub sems dpa' yab yum rnams/__/sems dpa'i skyil mo krung du bzhugs/__/thub pa 'gro ba'i don mdzad pas/__/bzhengs nas gdul bya mthun par bzhugs/__/sgo ba gdug pa 'dul ba na/__/yab yum brkyang bskum dor stabs bzhugs/__/zhes so/__/khro bo'i lha rgyud las/__gnas lugs rang bzhin khro bo/__ka dag lhun grub dbyer med/__dbye gzhi/_rang rgyud phung po'i khro bo/__rtsa rlung thig le/_ma dag pa'i snang ba/_gdul bya sprul pa'i khro bo/__ru dra'i gnyen por zhal phyag tu snang ba/__lam snang /__mthar phyin 'bras bu'i khro bo/__gtor ma'i rgyud las/__ji ltar snang ba gtor ma la/__/gtor ma thabs dang shes rab kyis/__/thams cad spyad pas sangs rgyas rgyu/__/'di ni spyod pa'i rgyal po'o/__/zhes so/__/rak+ta'i ngo bo chags pa yin/__/thams cad rag pas rak+ta yin/__/rak+ta'i rnam grangs gsum du nges/__/rak+ta'i 'byung khungs gsang yum bzhi/__/zhes dang /__rak+ta zhes bya'i rnam grangs ni/__/gzhi yi rak+ta 'byung ba chu/__/rgyu yi rak+ta pad+ma'i khrag__/rigs kyi rak+ta snang mtha' yas/__/'bras bu'i rak+ta tsit+ta'i khrag__/grangs kyi rak+ta sum cu lnga/__/zhes dang /__tshogs dang gtor ma la sogs pa/__/rnal 'byor mchog gi longs spyod de/__/ma nyams thabs kyi de brjod pa/__/gsang sngags che ba'i rgyal po yin/__/zhes so/__/tshogs la'ang rnam pa gsum ste/__/skal ldan mi'i tshogs dang /__dga' ldan lha'i tshogs dang /__'byor ldan yo byad kyi tshogs so/__/de yang skal ldan mi'i tshogs ni lta spyod mthun par bsdebs pa'o/__/dga' ldan lha'i tshogs ni/__lta ba dang /__dam tshig dang /__ting nge 'dzin du ldan pa'o/__/'byor ldan yo byad kyi tshogs ni/__rkyen dang longs spyod rdzas dang yo byad du ldan pa'o/___/__!_ glang po rab 'bogs le'u bcu par/__rgyan bdun yongs su rdzogs par bshad/__/lta ba dang ni spyod pa dang /__/dbang bskur ba dang dam tshig bsrung /__/dkyil 'khor bskyed pa mchod pa 'bul/__/phrin las rnam bzhi bsnyen sgrub bzhi/__/ting 'dzin bsgom dang gsang sngags bzlas/__/'di bcu rgyud don rang bzhin can/__/ldang tshad yin pa gsal bar gsungs/__/zhes dang /__thabs dang shes rab theg pa'i lam/__/thabs lam dbang gis lam bgrod rung /__/bla ma'i man ngag gnad du bsnun/__/sgro 'dogs yongs bcad bla ma yis/__/bum pas rigs kyi dbang lnga bskur/__/lus gnas dbyibs kyi rtsa rnams nyid/__/bskyed pa'i rim pa lha yi sku/__/lus kyi dri ma dag par byed/__/sa drug rdzogs nas sprul sku thob/__/bla ma rang byung ye shes ston/__/gsang ba'i dbang ni bskur ba yis/__/gtum mo'i lam du 'bar 'dzag pas/__/ngag gi dri ma dag par byed/__/sa drug rdzogs nas longs sku 'grub/__/rdo rje 'chang sar 'gro ba'o/__/bla ma lhan skyes ye shes ston/__/shes rab ye shes dbang bskur bas/__/dga' ba mchog dga' dga' bral dang /__/lhan cig skyes pa'i dga' ba yis/__/yid kyi dri ma dag byas nas/__/chos kyi sku la sbyor bar byed/__/bla ma chos rnams rnam dag ston/__/khams dgu 'dus pa'i dwangs ma rnams/__/srog shing gsum la drangs pa yis/__/rdo rje'i rba rlabs lam sbyangs te/__/lus ngag yid gsum sgrib dag pas/__/snying po'i rlung rnams rang grol bas/__/sa phyed ngo bo nyid sku thob/__/bcu bzhi rdo rje 'dzin gnas pas/__/nyon mongs 'ching ba'i las spyod pas/__/sku bzhi thob pa thabs kyi lam/__/zhes so/__/bdud rtsi rol pa'i rgyud las/__/de la sman gyi mtshan nyid ni/__/rtsa ba sdong bu yal ga dang /__/lo ma me tog 'bras bu dang /__/rgyun lpags 'bras bu snying por bcas/__/ro drug nus stobs kha dog las/__/rtsa ba gcig la yan lag brgyad/__/de dag rnam par bye ba'i grangs/__/sna tshogs yon tan stong du 'gyur/__/zhes dang /__klad pa gzhung pa chu ba dang /__/be pa gzhung pa rgyu ba'i lam/__/gshegs shul pho brang tshul dag gis/__/sbas pa nang gi gnas su bstan/__/ces dang /__bdud rtsi chen po brjod du med/__/nyon mongs dug bcas bdud bzhi 'joms/__/dri med dag pa'i byang chub sems/__/sangs rgyas kun gyi spyod yul 'di/__/nges pa'i don la mnyam par sbyor/__/zhes so/__/rta mchog rol pa'i rgyud las/__sa phyogs dri med yid 'ong ba'i/__/grong ngam grong khyer dgon pa'am/__/ri phug nags tshal gang rung bar/__/nyams dga'i yan lag brtag par bya/__/gang du bza' shing 'bras bur bcas/__/ne'u gsing me tog chu rgyun dang /__dpal rdzogs yon tan 'byung ba'i gnas/__/de ni rab gus brten par bya/__/nam mkha' 'khor lo 'dra ba dang /__/sa gzhi pad+ma 'dra ba ni/__/bkra shis phun sum tshogs pa'i gnas/__/bar chad med pa'i mtshan nyid yin/__/sa gzhi gzhom zhig med pa yi/__/dbus su mtho ba phyag rgya che/__/shar dang byang du gzhol ba ni/__/phrin las bzhi yi dngos grub 'gyur/__/lho dang nub tu gzhol ba ni/__/'jig rten pa yi dngos grub 'gyur/__/nub dang byang du gzhol ba ni/__/phra mo'i las rnams 'grub par 'gyur/__/gang zhig shar phyogs mtho ba dang /__/dbus su dma' ba spang bar bya/__/zhes sogs rgyas (7)par bshad/__/ras gtsang dmar po'i rgyu las byung /__/gnas gzhan ma spyad ma nyams pa/__/rang gi sngags kyis byin brlabs nas/__/legs par gdong ni g.yogs par bya/__/zhes dang /__gnas bzhir 'byung ba'i dkyil 'khor la/__/rang sngags sa bon 'od zer bcas/__/dbab pa'i gsang sngags lan stong du/__/dri zhim bdug spos dril dkrol zhing /__/ye shes sems dpa' dgug par bya/__/zhes dang /__de nas rigs kyi lhar bskyed de/__/bkra shis dga' ba'i glu blangs shing /__/rol mo'i rgyan phreng bkod byas nas/__/bum pa'i chu yis dbang bskur bya/__/zhes dang /__rdo rje dril bu phyag rgya che/__/gnas gsum brtul zhugs la gnas shing /__/lung bstan rjes gnang dbugs dbyung ba'i/__/cho ga bzang po spyad par bya/__/zhes dang /__shes rab yan lag phun sum tshogs/__/bcu drug yang na nyi shu bzhi/__/rdo rje bla ma la phul te/__/byin gyis brlabs pa'i cho ga bya/__/khrus byas dri zhim rgyan gyis bklubs/__/sna tshogs sngags dang phyag rgyas sbyangs/__/rigs kyi lha dang ldan byas pas/__/dam tshig bskul ba'i brdas mtshon te/__/gnyis med ye shes snyoms 'jug bya/__/byang chub sems kyi chu rgyun gyis/__/rang gi dkyil 'khor mchod byas nas/__/slob ma'i tshogs la dbang bskur bya/__/zhes dang /__shes rab mtshan ldan byin brlabs nas/__/slob ma'i lag tu gtad par bya/__/rang bzhin bde ba'i ye shes nyid/__/zag med pa yi don gsal 'gyur/__/rnam rtog med pa sems kyis ni/__/rdo rje snying po mkha' 'dra zhing /__/rdul bral thar pa zhi ba'i chos/__/rang gi dngos po mthong bar 'gyur/__/e ma'o 'gro ba'i gnas 'di dag__/de bzhin nyid la gzhan du 'khrul/__/de nyid bde chen ye shes te/__/gzhan du gyur pa ci yang med/__/ye shes 'di ni shin tu phra/__/rdo rje snying po mkha' 'dra zhing /_/rdul bral thar pa zhi ba'i chos/__/rang gi rang bzhin de nyid do/__/zhes so/__/dkyil 'khor chen po'i phyogs bzhi'am/__/gzhan yang gnas gzhan la 'thad par/__/zhi rgyas dbang dang mngon spyod pa/__/las kun gyi ni thab khung brtsam/__/zlum po gru bzhi zla gam dang /__/gru gsum la sogs dbyibs can no/__/de dag dkar ser dmar dang nag__/snang bzhi kun gyis mtshan byas pa'i/__/rdo rje 'khor lo pad+ma'i rgyan/__/sna tshogs rdo rje'i mtshan ma can/__/khru gang bzhi dang gnyis pa dang /__/khru gsum zabs su de yi phyed/__/bud shing yams shing so so yi/__/mtshan nyid lo 'bras kha dog ro/__/rtse mo'i cha las sor bzhi dang /__/sor brgyad bcu drug nyi shu'i tshad/__/sbom la sdom pa'i mar gyis byugs/__/rigs bzhi rtsa bas bsrungs pas ni/__/zlum dang gru bzhi zla gam dang /__/gru gsum tshad du brtsig par bya/__/lha rnams kun gyi khang pa nyid/__/me lha'i gnas su bzhag bya ste/__/so so'i las dang mthun pa yi/__/ag+ne rA dza 'bod par bya/__/zhes sogs bstan to/__/glang po rab 'bogs las/__dbang bskur rgyu lam 'bras bu ste/__/zhes dang /__rtsa ba yan lag dam tshig rnams/__/srung mtshams bcas ba'i dam tshig dang /__/don la mi 'da' gnas pa ste/__/dam tshig khyad par rtogs par bya/__/zhes dang /__tshogs kyi lam la rnal 'byor bzhi/__/sbyor ba'i lam la bsnyen sgrub bzhi/__/mthong lam rnam smin tshe dbang dang /__/sgom lam phyag rgya'i rnal 'byor dang /__/mthar phyin lhun grub rig 'dzin yin/__/stong pa chen po'i rnal 'byor ni/__/rnam pa kun ldan stong pa ste/__/dpe ni yid bzhin nor bu 'dra/__/snying rje chen po'i rnal 'byor ni/__/yongs la khyab pa'i sgyu ma ste/__/dpe ni nyi ma'i snying po 'dra/__/phyag rgya chen po'i rnal 'byor ni/__/lha nyid zhi ba tshangs pa 'dra/__/hU~M nyid khro bo brin po'i tshul/__/dpe ni chu las nya ldang 'dra/__/spros pa'i rnal 'byor bsgom pa ni/__/rang gnas rtsa las dkyil 'khor spros/__/sngags kyi yi ge tshom bur spros/__/khams kyi bdud rtsi zhal phyag spros/__/snying po rlung las rnam grangs spros/__/bsnyen pa zhi ba'i bsnyen pa ste/__/nye bsnyen zhi ba'i sgrub par gsungs/__/sgrub pa khro bo'i bsnyen pa nyid/__/sgrub chen khro bo'i sgrub pa ste/__/sogs shin tu rgyas par bshad do/__/rnam par smin pa'i dam tshig ni/__/yid kyi ting 'dzin lha skur smin/__/khyung phrug sgo nga'i nang gnas bzhin/__/bag chags lus rten lha yi sku/__/tshe la dbang pa'i rig 'dzin ni/__/rang gi tshe la dbang thob pas/__/'khor bar bzhugs sam sangs rgyas 'gro/__/skye shi rang dbang thob pa yin/__/sgom lam phyag rgya yi dam lha/__/rigs lnga gang bsgom cha lugs 'dzin/__/sa brgyad non pa'i byang sems tshul/__/sgom pa tshad 'dzin yod par zhugs/__/mthar lam sa dgu sa bcu pa/__/sku lnga lhun grub cha lugs 'dzin/__/rgyal tshab mdzad pas sangs rgyas dang /__/mnyam par bzhag pas dgongs mnyam 'gyur/__/thod rgal lam la sbyor ba ni/__/bar du sa lam bor nas 'gro/__/phyag rgya gcig pa'i sa nas ni/__/mthong lam mthar thug sbyor ba dang /__/spros par rig 'dzin mthar thug sbyor/__/tshogs sgrub phyag rgya mthar thug sbyor/__/tshe dbang las ni sku lngar sbyor/__/zag bcas lam gyi thod rgal gnyis/__/phyag rgya gcig dang phyag rgya spros/__/zag med lam gyi thod rgal gnyis/__/tshe dbang phyag rgya'i rig 'dzin no/__/zhes sogs rgyas par bshad/__rgyud 'di gsang snying bshad par shin tu mkho bar yod/__lang+ka'i bdag po gzhan yang gang /__/gsum du nges par snang ba ste/__/kun 'byung 'dren dang dka' thub rig__/dbang sgyur thabs kyi theg pa'o/__/gang 'dir 'dren pa 'di lta ste/__/yul gsum nges par snang ba ni/__/tha ma 'bring dang rab tu snang /__/tha ma'i yul du gyur pa ni/__/shin tu ya nga'i las spangs te/__/yid 'ong 'dul ba'i tshul bzung nas/__/rang gi rtsa ba des bskrun pa/__/so sor thar pa'i lam du snang /__/'bring gi yul du gyur ba ni/__/'di kun rten cing 'brel bar 'byung /__/bdag med chos gcig med mthong bas/__/brjod med sprul pa'i chos rnams ston/__/rang gi rtsal gyis bder gnas pa'o/__/rab kyi yul du gyur pa ni/__/bdag med byams snyoms rtog las 'das/__/yul med ma skyes phyogs dang bral/__/sa dang rnam thar bder bskrun nas/__/dngos med ngo bo nyid sku thob/__/lang+ka'i bdag po gzhan yang gang /__/dka' thub rig byed theg pa ni/__/'di yi yul gyis gsum nyid de/__/tha ma dag la snang ba ni/__/dka' thub sdom dang brtul zhugs dang /__/mnyam nyid mi g.yo skye med la/__/bkur 'os 'dun pa'i tshul bzung nas/__/rigs kyi rdo rje 'dzin gnas pa'o/__/'bring la rnam par snang ba ni/__/bya ba dag pa'i las spyod de/__/rnal 'byor ting 'dzin ma ldan na/__/mi g.yo'i sems pas mngon sum du/__/rigs bzhi rdo rje 'chang gnas pa'o/__/rab la nges par snang ba ni/__/sems nyid yul la rtsal rdzogs te/__/yul nyid rig pa mngon mthong na/__/de nyid der ni mngon byas nas/__/rdo rje'i rigs 'chang gnas pa'o/__/lang+ka'i bdag po gzhan yang gang /__/dbang sgyur thabs kyi theg pa yang /__/yul gyis rnam pa gsum snang ba/__/bskyed dang rdzogs dang yongs su rdzogs/__/tha ma bskyed pa gang snang ba/__/thabs dang shes rab rnam dag las/__/bsten pa lnga la sogs pa'i chos/__/rgyal ba lnga las rdzogs sangs rgyas/__/rnal 'byor rtsal chen rdzogs pa'i sa/__/'bring la rdzogs par gang snang ba/__/mnyam pas mnyam pa'i don mthong nas/__/mnyam rdzogs yul shes dbyings ye shes/__/kun rigs kun rdzogs kun tu snang /__/chos nyid mi 'gyur brdal pa'i sa/__/rab la yongs su rdzogs pa ni/__/ye shes dbyings zhes bya ba'i don/__/tha snyad tsam du rtogs chud nas/__/rtsal med rdzogs bral bsam yul 'das/__/thams cad rdzogs pa'i spyir chib pa/___/__!_ bshad rgyud thig le kun gsal las/__ma rtog log rtog gnyis las nyan thos 'phags/__/de yang ji ltar 'phags zhe na/__gang zag bdag med rtogs pa lta bas khyad par 'phags/__/dge bcu rang gi don du spyod pa spyod pas=__bden pa bzhi yi sgo nas bsgrubs pas sgrub pa=__dgra bcom zung bzhi ya brgyad thob pas 'bras bu'i khyad par 'phags/__/nyan thos dag las rang rgyal khyad par 'phags pa yang /__/gzugs phung chos khams phyogs gcig bdag med rtogs pa lta bas khyad par 'phags/__/dge bcu'i steng du rdzu 'phrul ya ma zung 'ga' yis/__/'gro don shas tsam mdzad pa spyod pas khyad par=__rten 'brel lugs 'byung ldog sgom pas sgrub pa khyad par 'phags/__tshogs na spyod dang bse ru ltar bu thob pas 'bras bu'i=__rang rgyal las byang sems rnams khyad par 'phags pa yang /__bdag med rnam gnyis rtogs pa lta bas=__tshad med bsdu ba rnam bzhis 'gro don mdzad pa spyod pas=__pha rol phyin bcu sgrub pas bsgrubs pa=__kun tu 'od kyi sa bon 'bras bu'i khyad par 'phags/__/byang sems dag las kr-i yas 'phags pa yang /__/don dam skye ba med par rab rtogs shing /__/kun rdzob bdag dang ye shes lha/__/rje 'bangs lta bu'i bka' bas khyad par=__dag pa rnam gsum spyod pa spyod pas=__goms dang bsgyur dang byin rlabs sgo nas bsgrubs pas sgrub pa=__rigs gsum 'bras bu thob pas=__kr-i ya dag las u pa 'phags pa yang /__/lha dang rje 'bangs tshul du lta ba lta bas=__mtshan ma yod med sgo nas 'gro don mdzad pa spyod pas=__de bzhin nyid bzhi'i sgo nas bsgrubs pas=__rigs bzhi'i 'bras bu thob ba=__u pa dag las yo ga khyad par 'phags pa yang /__/kun rdzob lha dang grogs por lta bas lta ba=__phrin las rnam bzhi spyod pas spyod pa=__phyag rgya rnam bzhi bsgrubs pas sgrub pa=__rigs bzhi sangs rgyas nyid du 'grub pa 'bras bu=__yo ga dag las ma hA yo ga bzhis 'phags te/__/rang lus rgyal ba'i dkyil 'khor lta bas=__sbyor sgrol gnyis kyis 'gro don mdzad pas spyod pa=__thabs dang shes rab gnyis kyi sgo nas bsgrubs pas sgrub pa=__bcu bzhi rdo rje 'dzin pa'i sa thob 'bras bu=__ma hA dag las a nu bzhis=__dbyings dang ye shes gnyis med rtogs pa lta ba=__dbyings ni ye shes dag la spyod=__ye shes dbyings la spyod pas spyod pa=__phung po lnga rigs lnga yab yum bsgrubs pas sgrub pa=__ma chags pad+ma can gyis thob pas 'bras bu=__a nu dag las a ti bzhis 'phags te/__/snang srid thams cad chos skur lta bas lta ba=__chos sku byin rlabs sgo nas don mdzad spyod pa=__bya rtsol med par bsgrubs pas sgrub pa=__bcu drug 'khor lo tshogs chen yan chad nas/__/nyi shu rtsa gcig man chad sa non 'bras bu=__zhes gsungs so//____//___!_ dpal yang dag he ru kaH__galpo'i rgyud las lung 'dren khol btus bzhugs/__/na mo gu ru we/__ma hA yo ga'i rgyan bdun yang /__/gleng gzhi bslang dang sangs rgya'i tshul/__/rgyas bshad mtha' dang bshad pa'i tshul/__/dbye ba'i rnam pa gang zag snod/__/bden pa'i dgongs pa shes par bya/__/zhes sogs rgyas par dang /__snang srid ye nas rgyas pa lta ba'i lung /__/lha sku phyag rgyar gsal ba bskyed rim lung /__/bzlas brjod bsnyen pa 'bul ba sngags kyi lung /__/chos nyid yum la rol pa sbyor ba'i lung /__/zhing bcu rtsad nas gcod pa sgrol ba'i lung /__/tshogs kyi 'khor lo zhal zas mchod pa'i lung /__/dbang bskur dngos grub len pa sgrub chen lung /__/phyi mdo tsam du blo kha dbye/__/bgegs chen bar chad srung ba mtshams kyi lung /__/lus ngag yid sgrib sbyong ba tshogs gsog lung /__/sman rag gtor ma 'bul ba byin rlabs lung /__/zhi khro bskyed rdzogs rnam pa rtsa ba'i lung /__/'dod yon tshogs su 'bul ba bza' ba'i lung /__/lhag mchod dkyil 'khor bsdu ba rdzogs rim lung /__/rgyas par mi bshad zur tsam blo kha lung chen bdun gnyis gcig tu dril/__ces gsungs/__dbye/__/rdzogs par 'gyur med ye nas sems gzhi/__gnas pa ni/__/chos nyid 'gyur med nam mkha' lta bur che/__/snang lam/__srid rnam dag lta ba'i rgyal po dkyil 'khor ni/__/khyung chen gshog rdzogs mkha' la lding ba 'dra/__nyid sgom pa nang nas rang gsal ba/__/rgya mtsho rdzi yis ma yin/__/lus ngag yid spyod rnam rtog zil gnon pa/__/seng ge'i skad kyis gcan gzan skrag pa 'dra/__/rtogs pa'i 'bras bu gnas skabs/__dus su 'byung ba ni/__/yid bzhin rin chen rtse la khu byug lding /__/snang srid ye sangs rgyas pa chos kyi sku/__/mdo tsam bshad nas blo kha dbye bar bya/__/zhes gsungs/___/_! de dag goms nas nyams su blangs/__/bskyed rim mnyam par bzhag byas nas/__/rjes spyod ngo bo nyid gsum blta/__/bdud rtsi lnga yi ril bu bza'/__/dam tshig nyi shu rtsa brgyad bsrung /__/rdo rje dril bu 'bral mi bya/__/mnyam gzhag rtsa rlung tsaN+Da lI/__/rang byung ye shes rjes la spyod/__/stong gsal bza' bar bya ba nyid/__/rang byung rlung dang 'gal ba bsrung /__/zhi drag rlung dang 'bral mi bya/__/dkyil 'khor 'khor lo mnyam par bzhag__/rjes spyod lhan cig skyes la blta/__/bza' ba bde ba chen po nyid/__/thig le 'dzag pa drug kyang bsrung /__/ye shes phyag rgya dngos mi 'bral/__/mnyam gzhag rba rlabs rnam pa gsum/__/shin tu rnam par dag pa yi/__/de kho na nyid spyad par bya/__/bza' ba bde chen bde stong la/__/sgrib pa gnyis las shes sgrib bsrung /__/pad can ye shes dngos mi 'bral/__/zhes dang /__nyams na gso ba'i thabs bcas lam 'bras ltar bstan to/___/__! lus la byang chub sems rgyu ba'i/__/rtsa ni sum cu rtsa gnyis te/__/de dag kun rdzob gzugs dang ni/__/don dam gzugs kyi bdag nyid do/__/de yi gtso bo rnam pa gsum/__lA la na ni shes rab la/__/rA sa na ni thabs yin te/__/a wa d+hU ti gnyis med gzugs/__/dri chu rgyu ba 'chang ldan ma/__/sogs 32rgyas par bshad cing /__spyi gtsug rdo rje 'dzin chen mos/__/dga' bar byed phyir lA la na/__/spyi bo dag na spros pa dang /__/bral phyir a wa d+hU ti'o/__/spyi gtsug dag gi g.yas pa na/__/myang bas dga' phyir rA sa na/__/ltag pa dag la gnas pa ni/__/sku sogs bdag nyid prA ma NA/__/sogs byed las bcas rgyas par bshad/__rtsa ni sum cu rtsa gnyis so/__/brgyad tshan bzhis/___dkyil 'khor bzhi la gnas pa na/__/srog shing gsum dang yang dag ldan/__/nyi ma zla ba rA hu la/__/lte ba sprul pa'i dkyil 'khor na/__/'dab ma drug cu rtsa bzhi la/__/ka li sum cu rtsa gnyis so/__/lugs 'byung lugs las ldog pas ni/__/yi ge drug cu rtsa bzhi'o/__/rtsa yi 'dab ma bzhi po ste/__/sa yi sa sogs 'byung ba bzhi/__/stong pa bcu drug yi ge ni/__/rnam par dag pas sangs rgyas spyan/__/sems sogs ngo bo yongs gyur pa/__/chos kyi 'byung gnas dkyil 'khor yin/__/snying ga chos kyi 'khor lo na/__/'dab ma brgyad par gnas pa la/__/sde tshan yi ge dang po brgyad/__/'byung dang bcu pa las gyur pa/__/phra mo'i phra gzugs brgyad pa ste/__/'khor 'das chos rnams chu ltar 'bab/__/mgrin pa longs spyod 'khor lo la/__/'dab ma bcu drug snang gsal me/__/stong pa bcu drug yi ger dag__/bcu drug shes rab longs spyod cing /__/spyi bo bde chen 'khor lo na/__/sum cu rtsa gnyis kA lis brgyan/__/skyes bu'i mtshan rnams rnam par dag__/rlung gi 'bebs 'dren gtsug tor 'grub/___/__!_ e ni chos kyi 'byung gnas la/__/stong pa nyid dang dga' ba dang /__/dbyings su lha mo sangs rgyas spyan/__/wa~M ni chu dang mtshan ma med/__/mchog tu dga' ba mA ma ki__/ma ni smon pa med pa dang /__/dpa' bo'i dga' ba gos dkar mo/__/ya ni rlung dang 'dus ma byas/__/lhan cig skyes dga' sgrol ma nyid/__/e waM mA yAr kun 'dus so/__/thams cad rtsa ba kun gzhi yin/__/de ni rgyu yi rgyud yin la/__/rang lus thabs kyi rgyud 'di la/__/gnas pa rtsa ni bum pa yin/__/lus khams bdud rtsi gsang bar gnas/__/grub pa'i sngags ni shes rab dbang /__/snying po rlung ni bde chen nyid/__/sku gsung thugs ni 'bras bu'i rgyud/__/ces sogs dang /__bar 'dir sbyor ba yan lag drug rim yang bstan/__bsnyen pa lo zlar sems sbyangs nas/__/nye ba'i bsnyen pa ltar sbyangs nas/__/de bzod yum bzung sgrub pa la/__/byang sems dkyil 'khor sgrub chen po/__/bsnyen pa don dam byang chub sems/__/nye bsnyen bdag nyid lhar shes pa/__/sgrub pa yum na bskyed pa yin/__/sgrub chen byang sems dkyil 'khor 'dod/__/dang po stong pa byang chub sems/__/gnyis pa sa bon 'byung ba ste/__/gsum pa la ni gzugs rdzogs pa/__/bzhi pa la ni yi ge dgod/__/thun mong dngos grub bsgrub par gsungs/__/kun kyang bsnyen sgrub rnam bzhir gsungs/__/zhes dang /___/__!_ dang po bag chags sbyangs byas te/__/gnyis pa dngos grub rdzas la dbab/__/gsum pa rgyal ba sras bcas mchod/__/bzhi pas dngos grub blang bar bya/__/zhes dang /__phyag rgya bzhi yi don bstan pa/__/mi 'da' dam tshig phyag rgya dang /__/byed pa las kyi phyag rgya dang /__/bsam pa chos kyi phyag rgya dang /__/gsal ba sku yi phyag rgya bzhi/__/thams cad kun la rgyas btab pa'o/__/dam tshig phyag rgya rnam pa bzhi/__/sku ni phyag rgya chen po dang /__/gsung ni chos kyi phyag rgya dang /__/phrin las las kyi phyag rgya dang /__/thugs ni dam tshig phyag rgya'o/__/byed pa las kyi phyag rgya bzhi/__/e yi las kyis drag por byed/__/wa~M gyi las kyis dbang du byed/__/ma yi las kyis rgyas par byed/__/ya yi las kyis zhi bar byed/__/bsam pa chos kyi phyag rgya bzhi/__/yum ni dam tshig phyag rgya la/__/yab ni phyag rgya chen po sku/__/mkha' gsang byin rlabs las kyi rgya/__/'khor bskyed chos nyid las mi 'da'/__/gsal ba sku yi phyag rgya bzhi/__/dam tshig phyag rgya ye shes gsung /__/phyag rgya chen po chos kyi sku/__/las kyi phyag rgya sprul pa'i sku/__/chos kyi phyag rgya longs spyod rdzogs/__/zhes gzhi lam 'bras gsum gyi sgo nas bshad snang ngo /__/bar 'dir ma 'dres bco brgyad dang mtshan dpe sogs sangs rgyas kyi yon tan mang po yod/___/__!_ ru dra rnam pa bzhir 'dod de/__/gnas lugs rgyu yi ru dra dang /__/gol rkyen lam gyi ru dra dang /__/gol ba sngon byung ru dra dang /__/gol 'gro rjes 'jug ru dra yin/__/zhes dang /__de'i don rgyas par bshad mthar/__/de nas lus ngag yid gsum la/__/bdag tu lta ba'i ru dra gzhom/__de nas dur khrod bdag po dag__/ci rigs su ni las rnams bya/__/lta bas gzung 'dzin rtog pa bcom/__/yul du snang ba chos kyi dbyings/__/sems su snang ba ye shes nyid/__/ces sogs/__bdag 'dzin bdag gir rtog pa de/__/bdag med stong pa'i stobs kyis gzhom/__/zhes dang /___/__!_ de nas sangs rgyas thams cad kyis rim pa lnga'i dgongs pa 'di gsungs so/_/rdo rje'i bzlas dang sems la dmigs/__/bdag byin rlabs dang 'od gsal ba/__/zung du 'jug pa 'di lnga la/__/re re la yang gsum gsum yin/__/tha mal dang ni lam du khyer/__/'bras bur khyer ba rnam pa gsum/__/re re la yang lnga lngar bshad/__/ces sogs rgyas par bshad/__brtag pa bcu gnyis par ru lu'i bzla tshul sogs shin tu zhib par bshad snang ngo /___/_! phyi nang gsang ba'i mtshams bcad nas/__/srung ba'i 'khor lo yang dag gnas/__/lus khams bdud rtsi chen po la/__/sman dang gtor ma rak+ta yin/__/phyi nang gsang ba'i bshags pa yis/__/lus can rnams kyi dri ma bkru/__/dang por stong nyid bsgoms pas ni/__/rang lus dkyil 'khor nyid du 'gyur/__/rtsa ni gzhal yas sprul pa'i sku/__/yi ge sngags kyis longs spyod rdzogs/__/lus khams bdud rtsi chos kyi sku/__/ngo bo nyid sku snying po rlung /__/sku bzhi rang gnas lha ru rdzogs/__/las kyi rlung las 'jug pa bzhi/__/nyams su blang ba'i gnad rnams ni/__/bdun cu tham pa man ngag gnas/__/gnas sbyong bzhi bcu rtsa gnyis yin/__/pho mo ma ning mtha' dag la/__/rlung khams 'dus pa dang po pa/__/dgun rlung lag cha can dag gis/__/rtsa bral lus sems rmi lam du/__/nyams kyi snang ba 'byung ba yin/__/phyir lnga gsum gnas 'jug pa gsum/__/khong gnas kha sbyor dbugs gcig bdun/__/gzhi ni rtsa ba'i rlung la lnga/__/yan lag lnga ste rnam dbye bcu/__/bcu la mi gnas las dang bcas/__/zin pa'i zug dang ting nge 'dzin/__/rengs skyon bcos thabs bdun 'gyur pas/__/man ngag gnas ni bdun cur gsungs/__/rlung dang lus khams bdud rtsi gnyis/__/rtsa sngags gsum gyi lam yang khrid/__/khams ni 'dus pa bar pa la/__/lag cha bri ba'i rlung gis bral/__/mthong snang re dogs bral ba'i lam/__/sad pa bzhi dang dgrar langs yin/__/khams 'dus tha ma lag cha bral/__/sku bzhi gnas par 'gyur ba'o/__/de nas 'jig rten 'das pa'i lam/__/sa rnams non pa rgyal bas gsungs/__/phyi rabs rnal 'byor thams cad la/__/rdo rje 'chang gis rgyas par bshad/__/kye ho skal ldan rigs kyi bu/__/'khor 'das thun mong 'chad dang 'das/__/'jig rten pa dang 'khor lo bskor/__/'khor 'das thun mong lam bshad na/__/snang ba gsum du bstan pa'i lam/__/rgyu rgyud thabs rgyud 'bras bu'i rgyud/__/bla ma grub pa bde gshegs dngos/__/man ngag nyams myong lung 'brel tshad/__/gdams ngag drug tu bstan pa dang /__/snyan brgyud bzhi yis gtan la phab/__/rten cing 'brel bar 'byung ba lnga/__/zhes sogs brtag pa bcu gsum pa 'dir lam shin tu rgyas par bstan cing /__/yang brtag pa bcu bzhi par/__bum dbang bskyed rim dbyibs kyi lam/__/gsang rten snying mgrin spyi bo ru/__/las rin rdor chos rnam snang dang /__/yum dang bcas dbyibs bde stong 'jug__/ngo bo nyid gsum lta ba ni/__/snang dang stong dang zung du 'jug__/log bral ngo bo gcig pa dang /__/grub mtha' 'khor 'das dbye ba med/__/sa drug rtags dang ldan pa'o/__/bar chod 'da' ka rnam pa gsum/__/snang ba bsgyur ba'i 'da' ka ma/__/'od kyi gong bu 'pho ba dang /__/sgra yis 'pho ba'i 'da' ka ma/__/'bras bu rig 'dzin thob pa dang /__/rang lus rtsa las grub pas na/__/rtsa nyid sprul skur lhun gyis grug__/gsang dbang bdag byin brlabs pa'i lam/__/rlung gi gzhu la me yi mda'/__/byang sems ha~M gi 'ben la brdeg__/myur du ye shes 'char bar 'gyur/__/bskyar ba'i sbyor ba skyon med pa'o/__/kha sbyor lam sbyang lta ba bskyang /__/thun ni grangs tshad med pa la/__/yid kyi 'jug yul kham tshod bzung /__/g.yas g.yon du ba mun sogs rtags/__/lta ba rang byung ye shes bzhi/__/nyon mongs pa ni rnam par rtog__/sbrel bzhi gsal zhing yang pa'o/__/grub mtha' ma rnyogs 'da' ka ma/__/rlung ni dbu mar thim pa'o/__/'bras bu lus kyi yi ge nyid/__/longs spyod rdzogs pa'i sku grub thob/__/shes rab ye shes dbang don bsgom/__/dkyil 'khor 'khor lo thabs kyi lam/__/lus ngag 'dod pa byin rlabs mnyam/__/sogs rgyas par bshad mthar/__/lta ba lhan cig skyes dga' ni/__/go rim ltos pa'i dga' ba bzhi/__/phyi dang nang gi dga' ba bzhi/__/bde bas spang bya spong ba bzhi/__/rang gi ngo bor shar ba'o/__/grub mtha' bde stong rgya chung zhing /__/bcu gcig bcu gnyis sa pa'o/__/'da' ka rdo rje sems 'byon 'gyur/__/lus khams bdud rtsi chos sku thob/__/bde ba chen po'i dbang bsgom na/__/lam ni rdo rje'i rba rlabs te/__/pad+ma can la lus ngag yid/__/thabs shes gnyis ka'i rgyud dag pas/__/srog shing gsum las rnam thar sgo/__/chos rnams shin tu rnam dag pa'i/__/de kho na nyid lta ba ni/__/mas brtan pa yi dga' ba bzhi/__/rgyu mthun pas ni skra dkar 'joms/__/rnam par smin pas stobs ster byed/__/skyes bu byed pas rnam par 'phel/__/dri ma med pas 'chi med 'gyur/__/grub mtha' ma rtogs 'da' ka ma/__/phyag rgya chen po'i 'pho ba bya/__/sogs rgyas par bshad mthar/__'bras bu sku gsum dbyer med pa/__/ngo bo nyid kyi sku thob ste/__/bcu bzhi'i sa la rab gnas pa/__/rdo rje 'dzin par grub pa'o/__/zhes brtag pa bcu bzhi pa las 'byung zhing /__brtag pa 'di gnyis dang /__dri med bshags rgyud sogs sbyar na lam 'bras kyi chos skad mthil phyin par ston pa yod lags/___/__!_ mchod bstod 'dus pa rtsa ba'i rgyud las/__dregs pa'i 'khor tshogs 'di dag ni/__/ngo bo rang rig byang chub sems/__/ma skyes dbyings las g.yos pa med/__/'jig rten gnas dang mthun 'jug cing /__/mchod dang bstod pas mnyes 'gyur pas/__/'jig rten mchod bstod ces su brjod/__/ces so/___/_! yang he ru ka'i thugs kyi rgyud galpo zhes par/__gzhal med khang chen ye shes te/__/'khor 'das mnyam pa gru bzhi bzhi/__/sgo bzhi dran pa nyer bzhag bzhi/__/rnam thar brgyad dang rta babs so/__/rin chen sgo stegs thugs rje'i ngang /__/rdzu 'phrul rkang bzhi sgo khyams dang /__/phreng ba byang chub yan lag bdun/__/'phags lam brgyad kyi ka bas mdzes/__/lam gyi ye shes rnga yab dang /__/nyon mongs 'ching 'joms gri gug phreng /__/dril bu ba dan rlung bskyod pa/__/shes rab chos kyi sgra sgrog dang /__/che ba'i yon tan 'dus pa'i rtags/_/bdud bzhi 'joms pa'i rgyal mtshan dang /__/thod phreng sku gsum thob pa'i rtags/___/__!_ gal po'i brtag pa gsum par theg dgu'i lam rgyas par bshad yod//___//_! lam rim le'u lnga pa las/__yan lag ma nyams sngags bzlas pa'ang /__/skyon bcu spangs te rnam gsum gyi/__/bzlas pa grangs bzhin rdzogs par bya/__/spro bsdu bdag dang gzhan don rdzogs/__/phyi nang gsang ba gang mos su/__/bzlas pa tshad du phyin par bya/__/dub na ye shes thig le blta/__/zhes gsungs pa'i don bzlas pa bya ba'i tshe sngags kyi yan lag ma nyams par bzla dgos te/__de'ang skyon bcu spang dgos/__skyon bcu ni/__sgra bag che ba/__chung ba/__tshig mgyogs pa/__bul ba/__skad gsang drag pa/__dal ba/__yig 'bru'i yan lag zur chag ste nyams pa/__sems gzhan du yengs pa/__smra bzhin pa/__'grul sogs kyis bar du chod pa'o/__/de rnams spangs nas/__dgongs pa gsal ba/__lhag chad med ba/__ma yengs par mang du bzla pa'am/__yang na bdag dam tshig sems dpar gsal ba/__lha ye shes sems dpar gsal ba/__bar na spro bsdu gsal ba ste gsal ba rnam pa gsum gyi sgo nas bzlas pa/__dus zla ba drug la sogs pa/__grangs bzhi 'bum la sogs pa dang /__mtshan ma dngos nyams rmi lam du 'byung ba'i bar du rdzogs par bya'o/__/de'i tshe ting nge 'dzin gyi khyad par spros pas mchod pa dang /__bsdus pas dngos grub blang ba'i tshul gyis rang don dang /__spros pas 'gro ba'i sgrib pa sbyang bas gzhan don rdzogs pa'o/__/gzhan yang phyi dam tshig pa'am/__ye shes pa gang mos su gsal ba'i sngags kyi 'od zer ba spu'i bu ga nas spro ba/__nang dam ye tha dad med par gsal ba'i thugs ka nas sna bug tu spro ba'o/__/gsang ba bdag dam tshig pa'i mkha' gsang rdo rje nas/__yig 'bru byang chub sems kyi 'od zer dang bcas pa 'phros te/__ye shes sems dpa'i zhal nas zhugs/__a wa d+hU ti'i lam brgyud/__gsang ba'i rdo rje nas bdag gi rdo rje la thim/__de lta bu'i tshul gyis 'khor ba la sems gtad de bzlas pa bya ba'o/__/yang na bdag dam tshig sems dpa'i dkyil 'khor du gsal ba phyi'i rnal 'byor/__lha ye shes sems dpa'i dkyil 'khor du gsal ba nang gi rnal 'byor/__bar snang yi ge'i 'phro 'du gsal ba gsang ba'i rnal 'byor ram/__yang na/__bdag gzhan gyi sgrib pa sbyang ba phyi'i bzlas pa/__des dngos grub gsal zhing thob pa nang gi bzlas pa/__bzlas pa'i 'od zer phar mi spro bar mtsho la ser chen babs pa bzhin tshur bsdu ba ni gsang ba'i bzlas pa ste/__dang po ni/__sngags kyi 'od zer spro ba'i sgo nas dang /__gnyis pa lha bsgom lugs dang /__gsum pa sgrib pa sbyang zhing dngos grub len pa'i sgo nas bzhag pa'o/__/de lta bu'i sgo nas bzlas pa tshad du phyin par bya'o/__/gal te ngag bzlas kyis dub na ngal bso ba'i slad phra mo gsum gyi bzla lugs ni/__rtsa g.yas ro ma nas khrag__/g.yon rkyang ma nas dri chu/__dbus kun 'dar ma nas byang sems 'babs pa gsum/__lte 'og sbu gu'i thad khrag gi thig le la mar sna zug__/spyi bo tshangs bug gi zla ba'i thig le ha~M la yar sna zug nas yod pas/__sngags dbus kun 'dar ma'i nang du thim ste ye shes lnga'i thig le la gnas pas snying gar kun 'dar ma'i nang du ye shes kyi thig le la bltas pas sems rig stong du 'char/__lte ba kun tu bzang po khrag gi thig le la bltas pas lus bde stong du 'char/__spyi bo bde ba chen po'i thig le la bltas pas yul snang stong du 'char ba'o/__/nyal bas nangs par de nyid las/__/hU~M sogs bsgyur te skur rdzogs pas/__/sngon bzhin brtson pas 'dris par bya/__/zhes nub mo nyal ba'i tshe snying gar ye shes thig le la sems bzung ste bde ba chen po'i ngang du khams gso/__nangs par ldang ba na thig le las hU~M dang de las rdo rje hU~M gis mtshan pa dang /__de las dpal he ru ka'i skur rdzogs pa ste cho ga gsum la sogs pa'i sgo nas lha yi rnal 'byor gsal btab la sngon du ji ltar bshad pa bzhin skyon bcu spangs te/__gsal ba gsum gyi nga rgyal dang ma bral bas/__phyi nang gsang gsum dang phra mo gsum gyi sgo nas bzlas brjod la brtson par bya'o//___//_!_ spyi don zhal lung las/__bya rgyud kyi spyod pa'i skabs/__bya ba drug gi dbye gzhi la/__'jug pa'i dus ni/__dpung bzang las/__tshes grangs bzang po la 'jug ste/__/khyad par yar gyi brgyad la brtsam/__/shin tu skar ma rgyal rnams la/__/gza' skar shis pas blang bar bya/__/zhes so/__/bza' ba zas kyi bya ba ni/__dkar gsum mngar gsum za zhing /__sha chang sgog btsong la sogs pa srung ba'o/__/bgo ba gos kyi bya ba ni/__ras kha tshar ma nyams pa bsgo ba'o/__/gtsang sbra khrus kyi bya ba la bzhi ste/__nyon mongs pa'i rgyu rags pa'i bag chags lta bas/__bag nyal gyi bag chags ting 'dzin gyis/__spyod lam nyams pa'i dri ma lha gshegs dkyil 'khor bsdu bas/__tha mal gyi dri ma sngags bzlas pa'i chus bkru ba'o/__/dmigs rten gyi bya ba ni/__yi dam gyi sku bris 'bur gang rigs gtsang sbra dang ldan pas cho ga bzhin bzhengs pa'o/_/bzlas brjod kyi bya ba ni/__lha yi/__bdag gi__/'phro 'du'i de kho na nyid gsum dang ldan zhing skyon bcu spangs pa'i tshul gyis bzla ba ste/__de skad du/__gsal ba gsum ldan skyon bcu spangs la blang /__/mtshams med lnga dang mi dge bcu sogs pa'i/__/sdig pa gang byas bzlas brjod bgyis pas sbyang /__/zhes so/___/__!_

Footnotes[edit]

Other Information[edit]