གསང་འདུས་རིམ་ལྔའི་ཁྲིད་ཀྱི་ཟིན་བྲིས་ལོ་ཆེན་བྱང་རྩེས་མཛད་པ་སོགས་སྣ་ཚོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang 'dus rim lnga'i khrid kyi zin bris lo chen byang rtses mdzad pa sogs sna tshogs
Location	mkhyen brtse'i bka' 'bum Volume 3, sde tshan 1, Text 11, Pages 226-269 (Folios 113b2 to 135a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsang 'dus rim lnga'i khrid kyi zin bris lo chen byang rtses mdzad pa sogs sna tshogs. In 'jam dbyangs mkhyen brtse'i dbang po'i bka' 'bum, Vol. 3: 226-269. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Spiritual Instructions - gdams ngag

1 Texts in this Section (sde tshan or chos tshan)

11 226-269	གསང་འདུས་རིམ་ལྔའི་ཁྲིད་ཀྱི་ཟིན་བྲིས་ལོ་ཆེན་བྱང་རྩེས་མཛད་པ་སོགས་སྣ་ཚོགས། gsang 'dus rim lnga'i khrid kyi zin bris lo chen byang rtses mdzad pa sogs sna tshogs Notes - zin bris   ·   Spiritual Instructions - gdams ngag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསང་འདུས་རིམ་ལྔའི་ཁྲིད་ཀྱི་ཟིན་བྲིས་ལོ་ཆེན་བྱང་རྩེས་མཛད་པར། དེ་ལ་འདིར་དུས་གསུམ་གྱི་སངས་རྒྱས་ཐམས་ཅད་ཀྱི་འགྲོད་པ་གཅིག་པའི་ལམ་བདེ་བར་གཤེགས་པའི་གསུང་རབ་མདོ་རྒྱུད་ཟབ་མོ་ཐམས་ཅད་ཀྱི་དགོངས་པ་མཐར་ཐུག་པ། རྣལ་འབྱོར་ཆེན་པོ་ཐབས་ཀྱི་རྒྱུད་དཔལ་གསང་བ་འདུས་པ་རྩ་བའི་རྒྱུད་ཀྱི་དགོངས་པ། བཤད་རྒྱུད་བཞིའམ་བརྒྱད་ཀྱིས་བཀྲལ་བའི་དོན། སློབ་དཔོན་འཕགས་པ་ཀླུ་སྒྲུབ་ལ་སོགས་པས་གསལ་བར་མཛད་པ་ཟབ་ལམ་རིམ་པ་ལྔའི་འཁྲིད་ཚུལ་འདི་ཉིད་ནི་གང་བཤད་པར་བྱ་བའི་ཆོས་ཡིན་ལ། དེ་འཆད་པར་བྱེད་པ་ལ། ཐོག་མར་ཆོས་གསན་པའི་ཀུན་སློང་ཕུན་སུམ་ཚོགས་པ་ལྔའི་ཏིང་ངེ་འཛིན་གསལ་བཏབ་ནས་གསན་དགོས་ཏེ། དེའང་གནས་ཁང་འདི་ཉིད་གནས་ཕུན་སུམ་ཚོགས་པ་སྟུག་པོ་བཀོད་པ་ལྟ་བུ་ལོངས་སྐུའི་ཞིང་ཁམས། བདག་འཆད་པ་པོ་སྟོན་པ་ཕུན་སུམ་ཚོགས་པ་རྡོ་རྗེ་འཆང་དངོས། ཁྱེད་རང་ཉན་པ་པོ་རྣམས་འཁོར་ཕུན་སུམ་ཚོགས་པ་ས་བཅུའི་བྱང་ཆུབ་སེམས་དཔའ་ཤ་སྟག །གང་བཤད་བྱའི་ཆོས་དེའང་ཐོག་མཐའ་བར་གསུམ་དགེ་བ་རྡོ་རྗེ་ཐེག་པ་ཚེ་གཅིག་གིས་སངས་རྒྱ་བའི་ཐབས་མཆོག་ཏུ་གྱུར་པ། དེ་རྣམས་འཛོམ་པ་འདི་ཉིད་དུས་ཕུན་སུམ་ཚོགས་པ་བསམ་གྱིས་མི་ཁྱབ་པའི་དུས་ཏེ་རྒྱུད་སྡེ་རིན་པོ་ཆེའི་གླེང་གཞི་ཕུན་སུམ་ཚོགས་པ་ལྔའི་ཏིང་ངེ་འཛིན་གསལ་བཏབ་སྟེ་གསན་འཚལ། དེ་ལ་ཐོག་མར་ཡིད་ཆེས་ཤིང་ཁུངས་བཙུན་པར་བསྟན་པ་ལོ་རྒྱུས་དང་། ལོ་རྒྱུས་དེ་ལྡན་གྱི་གདམས་པ་དངོས་གཉིས། ཕྱི་མ་ཁྲིད་ཅེས་ཁྱད་གཞིར་བྱས་ནས། གང་འཁྲིད་ན་སེམས་པ་ཉིད་རྒྱུ་རྒྱུད། གང་གིས་ཁྲིད་ན་ཐབས་སམ་ལམ་རྒྱུད། དེ་ལའང་སྔོན་དངོས་རྗེས་གསུམ། དང་པོ་ལ། ཐུན་མོང་པ་བཞི། དལ་འབྱོར༴ འཆི་བ༴ འཁོར༴ མྱ་ངན་ལས་འདས་པའི་ཕན་ཡོན་བསམ་པ། ལས་འབྲས་ལ་ཡིད་ཆེས་བསྐྱེད་པ། ལམ་ལོག་པ་ལས་ཁྱད་པར་དུ་བྱ་བ་སྐྱབས་འགྲོ༴ ལམ་དམན༴ བྱང་ཆུབ་ཏུ་སེམས་བསྐྱེད་པ་རྣམས་དང་། ཐུན་མོང་མ་ཡིན་པ་ལ། བླ་མའི་རྣལ་འབྱོར་བསྒོམ་པ། ཚོགས་རྫོགས་པའི་ཕྱིར་ཕྱག་དང་མཎྜལ། བྱིན་རླབས་འཇུག་པར་བྱེད་པ་མོས་གུས་གསོལ་འདེབས། ཉམས་གྲིབ་དག་པར་བྱེད་པ་རྡོ་རྗེ་སེམས་དཔའི་སྒོམ་བཟླས། དང་པོ་ལ་གཅིག་ལ་བསྒོམ་པ་འདི་ཕྱག་ལེན་གཙོ་བོར་མཛད། འདིའི་བསྟིམ་སྐབས་སྟེང་ནས་བྱོན་པ་ཐམས་ཅད་ཁ་བ་བུ་ཡུག་འཚུབས་པ་ལྟ་བུ་གསུངས། ཐོག་མར་རང་གི་སུམ་ལྡན་གྱི་བླ་མ་ནས་ཆོས་འབྲེལ་ཐོབ་པ་ཡན་དང་། དེ་ནས་བརྒྱུད་པའི་བླ་མ། ཚེ་རབས་གཞན་དུ་མཇལ་བའི་བླ་མ་སོགས། བསྟོད་པའི་སྐབས། ཁོང་སྟོང་ཁྱོད་ཀྱི་སྐུ་ལ་ནི། །སོགས་དང་རིན་པོ་ཆེའམ། སའམ། རྡོའམ། ཤིང་ལས་གྲུབ་པའི་མཎྜལ་ཁྲུ་གང་ལས་མི་ཆུང་བའི་དབུས་སུ་ལག་པ་གཡས་པ་མེ་ཏོག་དང་བཅས་པས་རེག་ལ། ཨོཾ་བཛྲ༴ ཞེས་བརྗོད་ཅིང་དབང་ཆེན་གསེར་གྱི་ས་གཞིར་བསམ། དྲི་ཞིམ་པོའི་ཆུས་དབུས་ནས་གཡས་བསྐོར་གྱིས་བྱུག་ལ། དེའི་གསང་སྔགས་པ་རྒྱུན་དུ་བདེ་བའི་བརླན་དང་མ་བྲལ་བར་བྱེད་པའི་བརྡའོ། །མཐའ་སྐོར་དུ་ཞུགས་ཏེ། ཨོཾ་བཛྲ་རེ་ཁེ༴ ཞེས་བརྗོད་པས་ཁོར་ཡུག་གསལ་བཏབ་ཅིང་ལག་པ་མ་བཏེག་པར་མེ་ཏོག་ཅིག་བཞག་གོ །དེ་ནས་ལག་པས་ཚོམ་བུ་བདུན་འགོད་ཅིང་། ངག་ཏུ། རིའི་རྒྱལ་པོ་རི་རབ༴ ཟླ་བ་ཉི་མ་ཞེས་བརྗོད། སེམས་ཀྱིས་དེ་དག་བསྒོམ་པ་སུམ་ཕྲུགས་སུ་བྱས་ཏེ་སོགས་གསུངས། གསོལ་འདེབས་ཚར་ནས། བླ་མའི་ཐུགས་ཀའི་འོད་ཟེར་གྱིས་སྣོད་བཅུད་ལྷ་དང་གཞལ་ཡས་ཁང་དུ་གྱུར། འཕགས་པ་མཆོད། དེ་དག་གི་ཐུགས་གཉིས་སུ་མེད་པའི་ཡེ་ཤེས་བདུད་རྩིས་རང་ལ་དབང་བསྐུར་བས་སྒྲིབ་པ་དག །དབང་བསྐུར་བའི་སྣོད་རུང་དུ་གྱུར་པར་བསམས་ལ་དབང་བླང་ཞེས་གསུངས། དབང་བཞིའི་སྐབས། བསྐྱེད་རིམ། སྒྱུ་ལུས། འོད་གསལ་ཟུང་འཇུག་བསྒོམ་པ་ལ་དབང་། རྡོ་རྗེ་བཞིའི་བག་ཆགས་རྒྱུད་ལ་བཞག་པར་བསམ། ཞེས་གསུངས། རྡོར་སེམས་སྐབས་དམིགས་པས་སྐྱོ་ན་ཀློག་པའི་ཚུལ་དུ་བཟླ། འོན་ཀྱང་ཁྲིད་སྐབས་འདིར་དམིགས་པ་གཙོ། ཐུན་མཇུག་བྱང་སེམས་ཀྱི་ལུས་ཁེངས་པར་བསམ། རྗེས་སུ་འཁོར་གསུམ་ཡང་དག་གི་ངང་དུ་བཞག་གསུངས།། །། ༈

སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པའི་གྲོལ་བའི་ཐིག་ལེའི་འགྲེལ་བ་སློབ་དཔོན་ཆེན་པོ་ཧི་ཏ་པཱ་ད་སྟེ་སྨན་ཞབས་ཀྱིས་མཛད་པར། དགའ་བ་རྣམ་པ་གསུམ་གྱི་ཟུག་རྔུའི་ཉེས་པ་ཐམས་ཅད་དང་བྲལ་ཞིང་། །ཚོགས་གཉིས་དག་པའི་ངོ་བོ་རྟོགས་པས་འཇམ་དཔལ་ཏེ། །ཞེས་སོ། །སློབ་དཔོན་ཤཱཀྱ་བཤེས་གཉེན་གྱིས་ཐམས་ཅད་རང་རིག་རྣམ་པར་དག་པའི་རིམ་པ་ལས། ཇི་ལྟར་བསྟོད་ཅིང་ཕྱག་འཚལ་བ། །གང་ལ་ཕྱག་འཚལ་གང་གིས་འདུད། །ཇི་ལྟར་ཆུ་ལ་ཆུ་ཐིམ་དང་། །ཇི་ལྟར་མར་ལ་མར་ཞུ་བཞིན། །རང་གི་རང་རིག་ཡེ་ཤེས་ཆེ། །ལེགས་པར་མཐོང་བ་དེ་འདིར་ཕྱག །འོན་ཀྱང་ཀུན་མཁྱེན་མ་ཐོབ་པར། །དེ་ནི་ཉེ་བར་མི་དམིགས་ཏེ། །མི་ཤེས་མུན་པས་བསྒྲིབས་པ་ན། །དྲིན་གྱི་སྣང་བ་ཡང་དག་སྐྱེ། །ཞེས་དང་། རྡོ་རྗེ་ཐོད་པ་ལས། ར་ཞེས་བྱ་བ་རྡོ་རྗེར་བཤད། །ཧ་ཞེས་བྱ་བ་པདྨར་བཤད། །སྱ་ཞེས་བྱ་བ་ས་བོན་ནོ། །ཞེས་རྡོ་རྗེ་དང་པདྨ་ས་བོན་གསུམ་ལ་ར་ཧ་སྱ་སྟེ་གསང་བའི་སྒྲར་བཤད་དོ། །ཡང་། དེའི་ཟབ་མོ་ཇི་ལྟ་བུ་ཞེ་ན། རྣམ་པར་རྟོག་པ་ཞེས་པ་ལ་སོགས་པའོ། །ཕྱིན་ཅི་ལོག་གི་རྣམ་པར་རྟོག་པ་ཀུན་དང་བྲལ་བས་བསམ་བརྗོད་ཐམས་ཅད་ལས་ཡང་དག་པར་གདོད་མ་ནས་འདས་པ། ནམ་མཁའ་བཞིན་དུ་དངོས་པོ་ཀུན་སྤངས་པས་དྲི་མ་མེད་པ་དེ་ལས་གསལ་བའི་ཡེ་ཤེས་འབྱུང་སྟེ་སོ་སོ་སྐྱེ་བོ་ལ་སོགས་པས་ཀུན་ཏུ་བརྟག་པ་དང་བྲལ་བས་དེ་ལ་གཏིང་མི་དཔོགས་པའི་ཟབ་མོ་ཞེས་བྱའོ། །གསལ་བ་གང་ཞེ་ན། ཕྱག་རྒྱ་ཆེན་པོ་ལ་སོགས་པའོ། །དེའི་ངང་ལས་བྱུང་བའི་རྟགས་ལ་སོགས་པའི་ཕྱག་རྒྱ་ཆེན་པོའི་གཟུགས་འཆང་བ། སྒྱུ་མ་དང་འཇའ་ཚོན་ལྟ་བུར་གསལ་བ་ཉིད་ནི་མ་སྐྱེས་པའི་སྐུ། རང་དང་འགྲོ་བ་གཞན་གྱི་རྒྱུད་ཀྱི་ཉོན་མོངས་རྣམ་པར་སྦྱོང་བ་དེ་ལ་ནི་ཡང་དག་པར་གསལ་བ་ཞེས་བྱའོ། །དེ་ལྟར་ཟབ་མོ་དང་གསལ་བ་དེ་གཉིས་སུ་མེད་པའི་རང་བཞིན་དངོས་པོ་ཐམས་ཅད་ལ་ཁྱབ་པའི་བདག་ཉིད་འཁོར་བའི་ཆོས་ཀྱིས་རབ་ཏུ་མ་ཟིན་པ་དེ་ལ་ནི་ཆོས་ཀྱི་དབྱིངས་ཞེས་བཤད་དོ། །ཞེས་དང་། ཡང་། ནམ་མཁའ་ནམ་མཁའི་སྤྱོད་ཡུལ་ལོ། །ཞེས་པ་ནི། སེམས་ནམ་མཁའ་ལྟ་བུར་མཉམ་པར་བཞག་པས། རང་བཞིན་ནམ་མཁའ་ལྟ་བུ་མཚན་མ་ཐམས་ཅད་དང་བྲལ་བ་ཉམས་པར་འགྱུར་རོ། །དེ་ཡང་ཇི་ཙམ་གྱིས་རྟོགས་ཤེ་ན། གཉིས་སུ་མེད་པ་འདིའི་དོན་ཤེས་ཤིང་རྣ་བ་ནས་རྣ་བར་བརྒྱུད་པའི་མན་ངག་ཆེན་པོ་དང་ལྡན་པའི་བླ་མ་དམ་པ་དུས་རྟག་ཏུ་བཀུར་བ་དང་ལྡན་པས་ཨུ་དུམྦཱ་ར་ལྟར་དུས་འགའ་ཞིག་ནི་སྔོན་དུ་བསོད་ནམས་ཀྱི་ཚོགས་བསྐྱེད་པ་དང་། སྐྱེས་བུ་ཡང་དག་པའི་གཞི་ལ་བརྟེན་པའི་བསོད་ནམས་ཅན་འགའ་ཞིག་གི་རྒྱུད་ལ་མི་བསླུ་བའི་དེ་ཁོ་ན་ཉིད་དུ་སྐད་ཅིག་ལ་སྐྱེ་བར་འགྱུར་རོ། །ཞེས་དང་། འོ་ན་ཐམས་ཅད་དཀྱིལ་འཁོར་དེ་ལྟ་བུ་ཡིན་ན་ཇི་ལྟར་སེམས་ཅན་རྣམས་ཀྱིས་མ་རྟོགས་ཤེ་ན། དེ་འདྲའི་རང་རིག་ཅེས་པ་ལ་སོགས་པའོ། །དེའི་དོན་ནི་འདི་ལྟ་སྟེ། དེ་འདྲ་བའི་རང་རིག་པའི་དཀྱིལ་འཁོར་ནམ་མཁའ་ལྟ་བུ་ལས་ཐོག་མ་མེད་པའི་དུས་ནས་སྤྲིན་གྱི་ཚུལ་དུ་རྟོག་པ་འབྱུང་སྟེ། དེ་ལས་རླུང་། དེ་ལས་མེ། དེ་ལས་ཆུ། དེ་ལས་ས། དེ་དག་འདུས་པ་ལས་ཕྱིན་ཅི་ལོག་ཏུ་སྣང་བའི་ཕུང་པོ་ལ་སོགས་པ་རབ་ཏུ་བསྒྲུབས་པས་གང་གི་ནམ་མཁའི་དཀྱིལ་ལྟ་བུའི་དཀྱིལ་འཁོར་དེ་བསྒྲིབས་པར་གྱུར་པས་མ་རྟོགས་ཞེས་སོ། །འོ་ན་ཇི་ཙམ་གྱིས་རྟོགས་ཤེ་ན། སྐྱེས་བུ་གང་ཞིག་ཅེས་པ་ལ་སོགས་པའོ། །དེ་ཡིས་བྱིན་རླབས་ཞེས་པ་ནི་བུམ་པར་སོགས་པའི་རིམ་པས་ཞེས་སོ། །རིམ་པ་དེ་རྟོགས་ནས་སྔ་མའི་རིམ་པས་བསྒྲུབས་པ་ལ་ཤིན་ཏུ་དཔའ་བར་བྱ་བས་མཐོང་བའི་ཆོས་འདི་ཉིད་ལ་བརྟུལ་ཞུགས་ལ་སོགས་པའི་རིམ་པས་གནས་ན། ཕྱིན་ཅི་ལོག་གི་ཕུང་པོ་ལ་སོགས་པ་རྣམས་རིམ་གྱིས་ལོག་ནས་ཞེས་པ་ནི་ས་ཆུ་ལ་ཐིམ་པ་དང་། ཆུ་མེ་ལ་ཐིམ་པ་དང་། མེ་རླུང་ལ་ཐིམ་པ་དང་། རླུང་རྣམ་པར་ཤེས་པ་ལ་ཐིམ་པའོ། །རྣམ་པར་ཤེས་པའི་ཡེ་ཤེས་དེ་ཡང་གཉིས་སུ་མེད་པའི་ཡེ་ཤེས་ལ་ཐིམ་པས་སྤྲོས་བྲལ་དཀྱིལ་འཁོར་འབར་བར་གྱུར། ཞེས་སོ། །དེ་བས་ན་དཀྱིལ་འཁོར་འདི་འབའ་ཞིག་བསྒོམ་པར་བྱའོ། །ཞེས་སོ། །ཡང་དག་པ་དང་མ་དག་པའི་ཆོས་ཐམས་ཅད་ཀྱི་དོན་བྱེད་པས་ན་སྤྲུལ་པའི་སྐུའོ། །མཚན་དང་དཔེ་བྱད་ཀྱི་སྐུ་བརྗོད་དུ་མེད་པ་དང་ལྡན་པས་ན་ལོངས་སྤྱོད་རྫོགས་སྐུའོ། །ཡེ་ཤེས་ཀུན་རྟོག་དང་བྲལ་བ་ཐམས་ཅད་བསྡུས་པའི་ཕྱིར་ན་ཆོས་ཀྱི་སྐུའོ། །སྐུ་དེ་ཡང་ཁམས་གསུམ་ཀུན་ལ་འཇུག་ཅིང་གནས་ཏེ། སྐུའི་དཀྱིལ་འཁོར་སྤྲུལ་པའི་སྐུས་དག་པ་དང་། གསུང་གི་དཀྱིལ་འཁོར་ལོངས་སྤྱོད་རྫོགས་པའི་སྐུས་དག་པ་དང་། ཐུགས་ཀྱི་དཀྱིལ་འཁོར་ཆོས་ཀྱི་སྐུས་དག་པ་སྟེ། དེ་ལྟ་བུའི་སྤྲུལ་པ་དཔག་མེད་ཀྱི་སྤྱིའི་གཟུགས་བདག་པོ་རྡོ་རྗེ་འཆང་བ་སྟེ་ཞེས་བྱའོ། །ཞེས་དང་། དགའ་བའི་སྦྱོར་བ་གཉིས་དང་། དགའ་བ་བར་མའི་སྦྱོར་བ་གཉིས་དང་། དགའ་བྲལ་གྱི་སྦྱོར་བ་གཅིག་དང་། གསུམ་གྱི་སྦྱོར་བ་གཉིས་ཏེ་བདུན་རྟོགས་པའོ། །དེ་རྟོགས་ནས་འཁོར་བ་ཇི་སྲིད་ཡོད་པ་དེ་སྲིད་བར་དུ་རོ་མྱོང་བའི་མཚན་ཉིད་བརྒྱད་བརྟག་པ་དང་སོགས་སོ། །ཞེས་དང་། དེ་ལ་སྔགས་ཀྱི་སྐུ་ཞེས་པ་ནི་བསྐྱེད་པའི་སྐུ་སྟེ། ཧཱུྃ་ལ་སོགས་པ་ལས་བྱུང་བའི་ཕྱིར་ཏེ་མ་དག་པའོ། །ཡེ་ཤེས་ཀྱི་སྐུ་ཞེས་པ་ནི་རྫོགས་པའི་སྐུ་སྟེ་དག་པའོ། །དེ་ཡང་གཉིས་སུ་མེད་པའི་ཡེ་ཤེས་དང་། ཞེས་པ་ནི་སྒྱུ་མ་ལྟ་བུའི་སྐུ་སྟེ། རྣལ་འབྱོར་པ་གསུམ་པས་རྟོགས་པའི་ཡེ་ཤེས་ཅུང་ཟད་དག་པའི་སྐུའོ། །རྣམ་པར་དག་པའི་སྐུ་ཞེས་པ་དང་གཉིས་སོ། །དེ་ལའང་གཉིས་སོ། །མཚན་ཉིད་ཀྱི་ཚུལ་དུ་གནས་པས་ན་མི་བསླུ་བའི་སྐུ་དང་། དེ་ཇི་བཞིན་ལྡེབ་༥༩བར་ཡོད་པའི་འབྲས་བུའི་སྐུའོ། །དེ་གཉིས་ནི་ཡེ་ནས་ཤིན་ཏུ་དག་པའི་སྐུ་སྟེ་སྦྱོར་བ་བདུན་ནོ། །རྫོགས་པའི་རིམ་པའི་རྫོགས་རིམ་ཀྱང་དེའོ། །ཞེས་བཤད་དོ། །འདི་ཉིད་སློབ་དཔོན་ཆེན་པོ་ཧི་ཏ་པཱ་དས་མཛད་ཚུལ་དང་། །ཀ་མ་ལ་གུ་ཧྱ་དང་། ཡེ་ཤེས་རྒྱལ་མཚན་གྱི་འགྱུར་རོ།། །། ༈ ལྡེབ་༥༩ནས། དཔལ་གསང་བ་འདུས་པའི་དཀྱིལ་འཁོར་གྱི་ཆོ་གའི་འགྲེལ་བར་༡༢༡བར། ཆོས་ནི་རྣམ་པ་གསུམ་སྟེ། ལུང་དང་། རྟོགས་པ་དང་། ཆོས་ཀྱི་དབྱིངས་སོ། །དེ་ལ་ལུང་གི་གསུང་རབས་ཡན་ལག་དགུའོ། །རྟོགས་པ་ནི་ས་དང་ཕ་རོལ་ཏུ་ཕྱིན་པ་སོགས་པ་དང་། ཉོན་མོངས་པ་དང་ཤེས་བྱའི་སྒྲིབ་པ་སྤངས་པའོ། །ཆོས་ཀྱི་དབྱིངས་ཀྱང་གང་ཞེ་ན། དེ་བཞིན་ཉིད་དང་ཡང་དག་པའི་མཐའ་དང་དོན་དམ་པའོ། །ཞེས་དང་། ཨོཾ་ཞེས་པ་ནི་གླེང་བསླང་བ་ཉིད་དོ། །ཆོས་ཐམས་ཅད་རང་བཞིན་དང་རྒྱུ་དང་འབྲས་བུ་བྲལ་བ་ནི། ཤཱུ་ནྱ་ཏཱ་སྟེ་སྟོང་པ་ཉིད་དོ། །དེའི་ཡེ་ཤེས་ནི་ཤཱུ་ནྱ་ཏཱ་ཛྙཱ་ན་སྟེ་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་རོ་གཅིག་པའི་སེམས་ཞེས་བྱ་བའི་དོན་ཏོ། །དེ་ཉིད་ནི་བཛྲ་སྟེ་མི་མཐུན་པའི་ཕྱོགས་རྣམས་ཀྱིས་མི་ཤིགས་པའི་ཕྱིར་དང་། དེས་འཇོམས་པའི་ཕྱིར་དང་། འཇིགས་པ་མེད་པའི་ཕྱིར་རྡོ་རྗེ་ཞེས་བྱའོ། །དེ་ཡང་རྣམ་པར་དག་པའི་མཐར་ཐུག་པར་ཕྱིན་པ་ཡིན་པའི་ཕྱིར་དེ་ཉིད་དང་པོར་སྭ་བྷཱ་ཝ་སྟེ། རང་ཡོད་ཅིང་གནས་པའོ། །དེ་ཡང་དེ་བཞིན་ཉིད་ཀྱི་སྐུས་རང་བཞིན་རྣམ་པར་དག་པའི་སེམས་ནི་གློ་བུར་གྱི་སྒྲིབ་པ་དང་བྲལ་བའི་རང་བཞིན་དུ་གནས་པ་ཞེས་བྱ་བའི་དོན་ཏོ། །དེའི་ཕྱིར་རང་བཞིན་གྱིས་རྣམ་པར་དག་པ་ཉིད་ཡིན་པས་བདེན་པའི་བདག་ཉིད་ཅན་གྱི་རང་གི་ངོ་བོ་ཨཱཏྨཀོ་སྟེ། དེ་ལྟ་བུ་གང་ཡིན་པ་དེ་ནི་བདག་ཡིན་པས་ཨ་ཧཾ་སྟེ། དེ་ནི་སྟོང་པ་ཉིད་ཀྱི་ཡེ་ཤེས་ཀྱི་རྡོ་རྗེའི་རང་བཞིན་གྱི་བདག་ཉིད་ཅན་ནི་བདག་གོ །དེའི་ཕྱིར་བྱང་ཆུབ་ཀྱི་སེམས་སྟོང་པ་ཉིད་ཀྱི་ཡེ་ཤེས་ཀྱི་སྒྲས་རང་གི་མཚན་ཉིད་ལ་ལྷག་པར་མོས་པ་ཡིན་ལ། རྡོ་རྗེའི་སྒྲས་ནི་རང་གི་མཐར་ཐུག་པའི་རྣམ་པར་དག་པའོ། །རང་བཞིན་གྱི་སྒྲས་ནི་མཐར་ཐུག་པའི་རྣམ་པར་དག་པའི་དུས་ཡང་ལྷག་མ་མེད་པའོ། །བདག་ཉིད་ཅན་དང་བདག་གི་སྒྲ་གཉིས་ཀྱིས་ནི་དེ་བདག་ཉིད་ལ་རང་བཞིན་གྱིས་གྲུབ་པ་ཉིད་ཡིན་པ་ཉིད་དུ་ལྷག་པར་མོས་པ་སྟེ། ཇི་ལྟར་ཆོས་ཀྱི་དབྱིངས་ཐོག་མ་དང་ཐ་མ་མེད་པ་ཡིན་པ་ལྟར་བྱང་ཆུབ་ཀྱི་སེམས་ཀྱང་དེ་དང་འདྲ་སྟེ། དེ་ཁོ་ན་ཉིད་ལ་དམིགས་པ་ཉིད་ཀྱིས་དེ་གཙོ་ཆེར་དེ་བཞིན་ཉིད་ཀྱི་རང་བཞིན་ཅན་ཡིན་པའི་ཕྱིར་རོ། །ཞེས་བཤད་སྣང་ངོ་། །དགང་གཟར་དང་བླུགས་གཟར་གཉིས་སྐྱེས་བུ་ཚད་དང་ལྡན་པའི་མཐེབ་སོར་ཉི་ཤུ་རྩ་བཞི་ནི་ཁྲུ་སྟེ་འདི་གཉིས་ཀྱི་ཡུ་བ་ནི་ཁྲུ་གང་གི་ཚད་དུ་བྱའོ། །འདི་གཉིས་ཀའི་ཡུ་བའི་འོག་ཏུ་རྡོ་རྗེ་དང་རིན་པོ་ཆེ་སོར་དྲུག་པར་བྱའོ། །དེ་ལྟར་ཡུ་བ་ཁྲུ་གང་རྡོ་རྗེ་དང་རིན་པོ་ཆེ་ནི་འདི་གཉིས་ཐུན་མོང་གི་མཚན་ཉིད་ཡིན་ནོ། །ཁྱད་པར་གྱི་མཚན་ཉིད་ནི་དེའི་སྟེང་ཞེས་བྱ་བ་ལ་སོགས་པ་སྨོས་པ་ཡིན་ཏེ། རེ་ཞིག་དགང་གཟར་གྱི་ཡུ་བའི་སྟེང་དུ་རྒྱར་སོར་བཞི་ཞེས་པ་མཆུ་དང་རྒྱར་སོར་བཞི་ཡོད་པ་ཟབས་སུ་སོར་གཉིས་གྲུ་བཞི་པ་སྟེ་ཉིད་ཀྱི་ཆར་ཆུ་དང་རྒྱར་དེ་ཙམ་གྱི་དམའ་བར་བརྐོས་པ་དེ་ཉིད་ཀྱི་པདྨའི་འདབ་མ་བྱས་ལ། ནང་རྡོ་རྗེ་ཞེས་བྱ་བ་སོར་བཞི་བརྐོས་པ་དེ་ཉིད་ཀྱི་ནང་དུ་དང་པོའི་རྡོ་རྗེ་གནས་པའོ། །མཐར་ཞེས་བྱ་བ་ཐམས་ཅད་ཀྱི་སྟེང་དུ་རྡོ་རྗེ་རྩེ་གསུམ་པ་དང་སོར་བཞི་ཡོད་པ། བར་དུ་ཞེས་བྱ་བ་རྩེ་གསུམ་པ་དང་ཟུར་བཞི་པའི་བར་དུ་པདྨའི་དབྱིབས་འདྲ་བ་ཡོད་པ། གཤེར་རྫས་འཛག་པའི་བུ་ག་མཐེ་བོའི་ཚད་ཙམ་མམ། མཐེའུ་ཆུང་གི་ཚད་ཙམ་བལྟ་བར་བྱ་སྟེ། ཡུ་བའི་སྟེང་དུ་འདི་ལྟ་བུ་བྱ་བ་ནི་དགང་གཟར་ཡིན་ནོ། །བླུགས་གཟར་ཇི་ལྟ་བུ་ཞེ་ན། བླུགས་གཟར་སོར་གཉིས་པདྨའི་དབྱིབས། །ཟབས་སུ་སོར་གཅིག་ནང་རྡོ་རྗེ། །ཞེས་བྱ་བ་སྟེ། རྡོ་རྗེ་རྩེ་ལྔ་པ་གནས་པ་པདྨའི་དབྱིབས་འདྲ་བ་སོར་གཉིས་པའི་ཚད་ཟབས་སུ་སོར་གཅིག་བརྐོས་པའོ། །དེའི་ནང་ན་རྡོ་རྗེ་རྩེ་ལྔ་པ་ཞེས་བྱ་བའི་ཐ་ཚིག་གོ །དགང་གཟར་དང་བླུགས་གཟར་ནི་མཆོད་སྦྱིན་གྱི་ཤིང་ངམ། གསེར་དངུལ་ལ་སོགས་པ་ལས་བྱས་པའོ། །གལ་ཏེ་དེ་གཉིས་མ་རྙེད་ན་སོར་མོ་ལྔ་བརྐྱང་པས་ནི་དགང་བླུགས་དབུལ་ལོ། །ཡང་ན་སོར་མོ་གསུམ་བཅང་བས་དབུལ་ལོ། །ཞེས་སོགས་དང་། བཙའ་བ་ནག་པོར་རི་མེད་པ། མཆུ་འཕྱང་བ། མགྲིན་པ་རིང་བ། ལྟོ་བ་ཆེ་བ། མགྲིན་པ་མེ་ཏོག་གི་ཕྲེང་བ་དང་བཅས་པའི་གོས་བཟང་པོས་དཀྲིས་པ། ཡལ་ག་ལོ་འབྲས་བཟང་པོ་ཡོད་པས་ཁ་བརྒྱན་ལ། ཞེས་དང་། འབྲུ་ལྔ་ནི་ཏིལ་དང་། ནས་སོ་བ་དང་། མ་ཤ་དང་། འབྲས་སོ་བ་དང་། གྲོའོ། །སྨན་ལྔ་ནི། བྲྀ་ཧ་ཏི་དང་། ཀཎྜ་ཀ་རི་དང་། ཤ་ཏ་རཀྵ་དང་། དཎྜོཏྶ་ལ་དང་། གི་རི་ཀརྞྞི་དཀར་པོའོ། །རིན་ཆེན་ལྔ་ནི། མུ་ཏིག་དང་། གསེར་དང་། དངུལ་དང་། བྱི་རུ་དང་། མུ་མེན་ནོ། །དྲི་བཟང་ཆུ་ནི་སྤོས་ཆུ་ཅུང་ཟད་དོ། །ཞེས་དང་། འདི་རྣམས་ཀྱི་ཚོགས་བསྡུས་པར་གྱུར་པ་གང་ཡིན་པར་མེ་ཏོག་གི་ཕྲེང་བ་བཏགས་པའི་རྡོ་རྗེ་སྟེང་དུ་བཞག་པ། ཞེས་སོགས་བཤད་དོ། །འདི་སློབ་དཔོན་ཤློ་ཀ་བཞི་བརྒྱ་ལྔ་བཅུའི་ཊཱི་ཀ་སྟེ། རིན་ཆེན་འབྱུང་གནས་ཞི་པའི་ཞབས་ཀྱིས་མཛད་པ་སྟེ། ནཱིཪྻ་བྷ་དྲ་དང་། རིན་བཟང་གིས་བསྒྱུར་རོ། ། ༈ ཡན་ལག་བཞི་པའི་སྒྲུབ་ཐབས་ཀུན་ཏུ་བཟང་མོའི་རྣམ་བཤད་སློབ་དཔོན་བི་ཏ་པཱ་དས་མཛད་པར་སྟོང་པ་རང་བཞིན་མེད། སོགས་ཀྱི་ཊཱི་ཀར། ཆོས་གང་དང་གང་གི་མཚན་ཉིད་ཀྱི་ངོ་བོ་རབ་ཏུ་བསྒྲགས་པ་དེ་ཤིན་ཏུ་མི་རིགས་པའི་ཕྱིར་དེ་དང་བྲལ་བའོ། །ཡང་ན་བྱིས་པས་ཀུན་ཏུ་བརྟག་པར་གཟུང་བ་དང་འཛིན་པ་གཅིག་དང་དུ་མ་ལ་སོགས་པ་དང་བྲལ་བའི་ཕྱིར་དངོས་པོ་ཇི་སྙེད་པ་ཐམས་ཅད་སྟོང་པ་ཉིད་དོ། །རྒྱུ་མེད་ན་ཞེས་པ་ནི་མུ་སྟེགས་ལ་སོགས་པས་བརྟགས་པའི་དབང་ཕྱུག་ལ་སོགས་པ་ཡོད་པ་མ་ཡིན་པའི་ཕྱིར་ཆོས་ཐམས་ཅད་མཚན་མ་མེད་པའོ། །ཐ་སྙད་ཙམ་དུ་སྣང་བའི་རྒྱུ་ནི་བཀག་པ་མ་ཡིན་པའོ། །མཚན་མ་མེད་པ་ནི་དངོས་པོ་མེད་པ་སྟེ་མཚན་ཉིད་དངོས་སོ། །ཞེས་གསུངས་སོ། །རྗེས་སུ་དཔག་པ་ཞེས་བྱ་བ་ནི་རྗེས་སུ་དཔྱད་པ་སྟེ་ལྷ་དང་མི་ལ་སོགས་པའི་འགྲོ་བ་བདེ་བ་ལ་སོགས་པ་ནི་རྣམ་པར་དཔྱད་པ་དང་བྲལ་བའི་ཕྱིར་རྗེས་སུ་དཔག་པ་མེད་པ་སྟེ། དེ་བས་ན་སྨོན་པ་དེས་བྲལ་ལོ། །ཞེས་དང་། ཡང་དེ་ལྟར་ཤེས་ནས་སྙིང་རྗེར་ལྡན་པས། སོགས་ཀྱི་ཐད་དུ། དེ་ལྟར་ཤེས་ནས་ཞེས་པ་ནི་དཀྱིལ་འཁོར་གྱི་འཁོར་ལོ་དེ་སྲིད་པའི་སྡུག་བསྔལ་གྱི་གཉེན་པོ་ཡིན་ཡང་དེ་ཉིད་ཚུལ་གཞན་ལས་ཁྱད་པར་དུ་གྱུར་བ་ཤེས་ནས། ཞེས་སོ། །རྫོགས་ཆེན་ཡེ་ཤེས་ཞེས་པ་ནི་དཔག་ཏུ་མེད་པའི་ཡེ་ཤེས་གཉིས་སུ་མེད་པ་བླ་མ་ལ་བསྙེན་བཀུར་བ་ལས་བྱུང་བ་རྫོགས་པ་ཆེན་པོའི་ཡེ་ཤེས་སོ། །སྐད་ཅིག་གིས་བསྒྲུབ་ཅེས་པ་ནི་དེ་ལྟ་བུའི་ཡེ་ཤེས་དང་ལྡན། སེམས་ཅན་གྱི་རྒྱུད་དང་ཡང་སྐད་ཅིག་ཅེས་པ་སྟེ། ཚེ་འདི་ཉིད་ལ་སངས་རྒྱས་པའི་བར་དུ་འགྱུར་རོ། །ཞེས་པའི་དོན་ཏོ། །དེ་བས་ན་དཔལ་ཀུན་ཏུ་བཟང་པོ་ཞེས་ཏེ། དཔལ་ལྡན་ནི་ཞིང་ཀུན་གྱི་རང་བཞིན་དུ་གྱུར་བས་ན་ཀུན་ཏུ་བཟང་པོ་སྟེ། གཉིས་སུ་མེད་པའི་ཡེ་ཤེས་ཀྱི་རང་བཞིན་བཅོམ་ལྡན་འདས་རྡོ་རྗེ་སེམས་དཔའོ། །གཞིའི་དངོས་པོ་ཞེས་པ་ནི་བཅོམ་ལྡན་འདས་ནི་ཆོས་ཐམས་ཅད་ཀྱི་དེ་ཁོ་ན་ཉིད་ཡིན་ཅིང་། མྱུར་དུ་དཀའ་བ་མེད་པར་སངས་རྒྱས་པར་འགྱུར་བར་བྱེད་པ་དང་འདུས་བྱས་སྨིན་པར་བྱེད་པའི་ཕྱིར་དང་། རང་བཞིན་གྱི་དོན་ཕུན་སུམ་ཚོགས་མར་བྱེད་པ་གཞིའི་དངོས་པོའོ། །དེ་ཉིད་སྙིང་རྗེ་དང་ལྡན་པ་ཞེས་ཏེ་སེམས་ཅན་སྡུག་བསྔལ་དང་བྲལ་བར་འདོད་པས། རང་གི་སེམས་ཇི་ལྟ་བ་བཞིན་དུ་གནས་པའི་བཅོམ་ལྡན་འདས་དེ་གང་བསྒོམ་པར་མི་བྱེད་ཅེས་ཏེ། གཞན་བསྐལ་པ་གྲངས་མེད་པ་གསུམ་ན་བླ་དང་བཅས་པའི་སངས་རྒྱས་འདོད་པ་རྣམས་ཀྱིས་འདི་ལྟ་བུའི་དཔལ་དང་ལྡན་པའི་ཀུན་ནས་བཀྲ་ཤིས་པའི་ངོ་བོ་འདི་གང་དག་བསྒོམ་པར་མི་བྱེད་དེ་བསྒོམ་པར་བྱ་བ་ཁོ་ན་ཡིན་ནོ་ཞེས་པའི་དོན་ཏོ། །དེ་བས་ན། དཔལ་ལྡན་སངས་རྒྱས་ཀུན་གྱི་བདག །རྡོ་རྗེ་འཆང་བ་ཀུན་གྱི་གནས། །ཆོས་རྣམས་ཀུན་གྱི་ཆོས་ཉིད་དེ། །སངས་རྒྱས་ཀུན་གྱི་ཐབས་བྱ་ཡིན། །ཞེས་ལེའུ་བཅོ་བརྒྱད་པ་ལས་གསུངས་སོ། །ཞེས་སྣང་ངོ་། ། ༈ ཡང་དཀྱིལ་འཁོར་གྱི་སྒྲུབ་པའི་ཐབས་༡༧༩ནས་ཀྱི་རྣམ་བཤད་སློབ་༢༡༩བར་དཔོན་བི་ཏ་པཱ་དས་མཛད་པར། དཀྱིལ་འཁོར་ནི་ཡིད་ཀྱིས་སམ་རྡུལ་ཚོན་གྱིས་སོ། །ཞེས་སོ། ། ༈ ཡང་སློབ་དཔོན་རཏྣཱ་ཀ་རས། གང་རགས་པའི་སྐུའི་དཀྱིལ་འཁོར་ནི་ཡུད་ཙམ་གྱིས་མངོན་དུ་བྱེད་པར་ནུས་ལ། ཕྲ་བ་སའི་སྙིང་པོ་ལ་སོགས་པ་དང་། སྐུ་རྡོ་རྗེ་ལ་སོགས་པ་མངོན་དུ་བྱེད་པར་མི་ནུས་པས། སྔགས་ཀྱི་ཚུལ་ཁྲིམས་དང་བརྟུལ་ཞུགས་དང་ཡང་ལྡན་པ་དག་ནི་མཐུ་ཐོབ་པས། དེའི་ཡེ་ཤེས་ཅུང་ཟད་ལ་དབང་བ་ཞེས་བྱ་སྟེ། ལེགས་ཟློས་དང་པོའི་ལས་ཅན་ཡིན། ། ༈ སློབ་དཔོན་རཏྣཱ་ཀ་རས་བཞི་བརྒྱ་བའི་འགྲེལ་པ་སྔ་མ་ལས། འདིར་གནས་ཀྱི་དབྱེ་བས་རྣལ་འབྱོར་བ་རྣམས་ནི་རྣམ་པ་བཞི་སྟེ། ལས་དང་པོ་པ་དང་། ཡེ་ཤེས་ལ་ཅུང་ཟད་དབང་བ་དང་། ཡེ་ཤེས་ལ་དབང་ཐོབ་པ་དང་། ཡང་དག་པར་ཡེ་ཤེས་ལ་དབང་བའོ། །འདི་རྣམས་གང་གི་བྱ་བ་གང་ཡིན་པ་དེ་གོ་རིམ་ཇི་ལྟ་བ་བཞིན་དུ་ཚིགས་སུ་བཅད་པ་བཞི་སྟོན་ཏོ། །ལྡང་ཚེ་ནི་གཉིད་སད་པ་ནའོ། །ལྷ་མོའི་གླུ་ནི་སེམས་ཅན་ཐམས་ཅད་གནས་ཀྱི་དབང་ཕྱུག་ཅེས་བྱ་བ་ལ་སོགས་པའོ། །ལེགས་ཟློས་དང་པོའི་ལས་ཅན་ཡིན། །ཞེས་བྱ་བ་ནི་ལས་དང་པོ་པས་ཆོ་ག་མ་ལུས་པ་ཡང་དག་པར་བཟླ་བར་བྱ་སྟེ། ཏིང་ངེ་འཛིན་གསུམ་རྒྱ་ཆེར་མངོན་དུ་བྱས་ལ་བཟླས་བརྗོད་བྱའོ། །ཞེས་པའི་དོན་ཏོ། །གང་རགས་པའི་སྐུའི་དཀྱིལ་འཁོར་ནི་ཡུད་ཙམ་གྱིས་མངོན་དུ་བྱེད་པར་ནུས་ལ། ཕྲ་བ་ས་ཡི་སྙིང་པོ་ལ་སོགས་པ་དང་། སྐུ་རྡོ་རྗེ་ལ་སོགས་པ་མངོན་དུ་བྱེད་པར་མི་ནུས་པས། སྔགས་ཀྱི་ཚུལ་ཁྲིམས་དང་བརྟུལ་ཞུགས་དང་ཡང་ལྡན་པ་དག་ནི་དེའི་མཐུ་ཐོབ་པས། དེ་ནི་ཡེ་ཤེས་ལ་ཅུང་ཟད་དབང་བ་ཞེས་བྱ་སྟེ། དེ་ནི་ཐུན་མཚམས་ཐམས་ཅད་ལ་ཡུད་ཙམ་གྱིས་དཀྱིལ་འཁོར་མངོན་དུ་བྱས་ལ། དེ་ལ་མིག་ལ་སོགས་པ་དང་སྐུ་ལ་སོགས་པ་བྱིན་གྱིས་བརླབས་ཏེ། རྗེས་སུ་མཉེས་པར་བྱ་བ་དང་། མཆོད་པ་དང་། བསྟོད་པ་དང་། བདུད་རྩི་མྱང་བ་སྔོན་དུ་འགྲོ་བ་དང་། བག་ཡོད་པས་བཟླས་པ་བྱའོ། །གང་རྣམ་པ་ཐམས་ཅད་དུ་རབ་ཏུ་རྫོགས་པར་སྤྲོ་བ་དང་། སྡུད་པར་བྱེད་པའི་སྦྱོར་བས་དཀྱིལ་འཁོར་ཡུད་ཙམ་གྱིས་མངོན་པར་འདུ་བྱེད་ནུས་པ་དེ་ནི་ཡེ་ཤེས་ལ་དབང་ཐོབ་པ་ཞེས་བྱ་སྟེ། འདི་ཡང་ཡེ་ཤེས་བབས་པ་ཐོབ་པ་ཉིད་ལས་འགྱུར་གྱི། མ་ཐོབ་པ་ལས་ནི་མ་ཡིན་ཏེ། དེ་ཉིད་ཀྱིས་ན་ཅུང་ཟད་ཅེས་སྨོས་པ་ཡིན་ནོ། །རྣལ་འབྱོར་པ་དེས་ནི་འབྲས་བུའི་མཐར་ཐུག་པར་བགྲོད་པར་བྱ་བའི་ཕྱིར་རྣལ་འབྱོར་དེ་ཉིད་དང་མཚན་དུ་བྱའོ། །རང་གི་དོན་གྱི་མཐར་ཐུག་པར་སོན་པའི་རྣལ་འབྱོར་པ་ནི་ཡེ་ཤེས་ལ་ཡང་དག་པར་དབང་ཐོབ་པ་ཡིན་ལ། དེ་ནི་བསམ་གཏན་ཙམ་གྱིས་འགྲོ་བའི་དོན་བྱེད་པར་འོས་པ་ཡིན་ནོ། །གང་གིས་བྱེད་ཅེ་ན། འཇིག་རྟེན་གྱི་ཁམས་ཐམས་ཅད་ཀྱི་ཕྲ་རབ་ཀྱི་ནང་དུ་ཆུད་པའི་སྐུ་དང་གསུང་དང་ཐུགས་ཀྱི་དཀྱིལ་འཁོར། གཟུགས་བརྙན་དག་ཉིད་གཟུགས་ཀྱིས་ནི། །ཞེས་སྤྲུལ་པའི་རང་གི་གཟུགས་ཞེས་བྱ་བའི་དོན་ཏོ། །ཞེས་སོགས་དང་། ཀུན་ཏུ་བཟང་པོའི་འགྲེལ་བར་ཡང་། དེ་ལྟར་ཏིང་ངེ་འཛིན་གསུམ་ཡན་ལག་དང་བཅས་པ་གོང་མའི་ཆོ་ག་ཉིད་ཀྱིས་བྱ་ཞིང་། ཐུན་མཚམས་གཞན་ལའང་དེ་བཞིན་དུ་བྱའོ་ཞེས་ཏེ། རྩེ་གཅིག་པའི་རྣལ་འབྱོར་པས་སོ། །བྱ་བས་བྲེལ་བའི་རྣལ་འབྱོར་པས་ནི་ཐོ་རངས་དུས་སུ་ཏིང་ངེ་འཛིན་གསུམ་མ་ལུས་པ་བསྒོམས་ནས་དུས་གཞན་ལ་རྗེས་སུ་མཐུན་པའི་གདན་ལ་ལྷའི་ང་རྒྱལ་གྱི་གནས་ཏེ། ཨོཾ་ཨཱཿཧཱུྃ་གིས་དཀྱིལ་འཁོར་གྱི་ལྷ་སྤྲོ་བར་བྱས་ཏེ་དབང་བསྐུར་བླངས་ནས་མཆོད་ཅིང་བསྟོད་པ་དང་བདུད་རྩི་མྱོང་བ་ཡང་བྱ་སྟེ་ཐིག་ལེའམ་ཕྲ་མོ་གང་ཡང་རུང་བ་གཅིག་ལ་གནས་ནས་བཟླས་ཏེ་བསྡུ་བ་བྱས་ནས་སྔ་མ་ལྟར་སྤྱད་པར་བྱའོ། །དེ་ལྟར་གཉིས་ཀྱིས་རང་གི་ལས་ཀྱིས་བསྟན་པའི་མཚན་མ་སྔར་རྙེད་པ་ནི་ལས་དང་པོ་པའི་རྣལ་འབྱོར་རོ། །དེ་ལས་དེ་མ་ཐག་པའི་རྐྱེན་གྱིས་བསྒྱུར་བ་ནི་ཅུང་ཟད་ཡེ་ཤེས་དབང་དུ་གྱུར་པ་སྟེ། དེ་ལྟར་ཐུན་བཞིར་རང་གི་ལྷའི་གཟུགས་དམིགས་པའི་ཕྱིར་མིག་ལ་སོགས་པ་བྱིན་གྱིས་བརླབས་པ་ནས་བརྩམས་ཏེ་ཐིག་ལེ་དང་ཕྲ་མོ་ནི་བརྟན་པའི་ང་རྒྱལ་དང་ལྡན་པས་མི་བྱེད་དེ། གྲུབ་པའི་མཚན་མ་མཐོང་བར་བྱས་པའི་བཟླས་བརྗོད་ཀྱི་ཆོ་ག་བྱས་ནས་བསྡུ་བ་དང་ཡན་ལག་གཞན་བྱའོ། །དེ་ལས་དེ་མ་ཐག་པའི་རྐྱེན་གྱིས་བསྒྱུར་བ་ནི་ཡེ་ཤེས་ལ་དབང་ཐོབ་པའི་རྣལ་འབྱོར་པ་སྟེ། དེས་དུས་མཚམས་མེད་པར་རང་གི་སེམས་ལ་ཐམས་ཅད་དབྱེར་མེད་པར་རྟོགས་ནས་རྡོ་རྗེའི་བཟླས་པའི་རིམ་པའི་སྤྲོ་བསྡུའི་དཀྱིལ་འཁོར་ལ་སྒྱུ་མ་ལྟ་བུར་གཞན་གྱིས་མཐོང་བའོ། །དེ་ལས་དེ་མ་ཐག་པའི་རྐྱེན་གྱིས་བསྒྱུར་བ་ནི་ཡང་དག་པའི་ཡེ་ཤེས་ལ་དབང་དུ་གྱུར་པ་སྟེ། དེས་སྲིད་པ་ཇི་སྲིད་པ་དེ་སྲིད་ཀྱི་བར་དུ་རོ་མྱང་པའི་མཚན་ཉིད་བརྒྱད་དང་ལྡན་པར་བཞུགས་ཏེ་འགྲོ་བའི་དོན་ཆེན་པོ་བྱེད་པའོ། །དེ་ལྟར་ཏིང་ངེ་འཛིན་གསུམ་ཡན་ལག་དང་པོས་བསྙེན་པའི་ཆོ་ག་ཅི་རིགས་པར་བསྟན་ནས། ད་ནི་བར་མའི་རིམ་གྱིས་དངོས་གྲུབ་བསྒྲུབ་པའི་ཆོ་ག་གསུངས་པ། གྲུབ་པའི་མཚན་མ་ཞེས་པ་ལ་སོགས་པའོ། །དེ་ལ་གྲུབ་པ་ཞེས་པ་ནི་རིག་འཛིན་ལ་སོགས་ཕྱག་རྒྱ་ཆེན་པོའོ། །དེའི་མཚན་མ་ནི་རྟགས་རྙེད་པ་སྟེ། བཀྲ་ཤིས་པའི་ལྷའི་རྨི་ལམ་དང་། ལྷའི་ལུང་དང་དབབ་པ་དང་ཐ་མལ་པ་ཐམས་ཅད་དོ། །དེ་མཐོང་བ་ནི་གཟུགས་བརྙན་གྱི་མཚན་མའི་བྱ་བ་བྱས་ནས་མཉེས་པས་བཟླས་པ་ལ་གོམས་པས་བར་མའི་དུས་མཐོང་བའོ། །ཞེས་སོ། །དེས་ནི་དེ་ཉིད་གསུམ་གྱི་མཆོད་པ་ཞེས་པ་ནི་འབུམ་པ་ལ་སོགས་པའི་བྱ་བ་བྱས་ནས། གཟུགས་བརྙན་གྱི་དཀྱིལ་འཁོར་བྲིས་ཏེ་བསྒྲུབ་པར་བྱའོ། །ཞེས་སྦྱར་རོ། །ཇི་ལྟ་བུ་ཞིག་གིས་ཞེ་ན། རང་གི་སེམས་གོང་ནས་གསུངས་པའི་དཀྱིལ་འཁོར་འཁོར་ལོ་ལ་གནས་པ་མི་མཐུན་པ་བཅོམ་པ་དེ་ལྟ་བུ་ཞེས་སོ། །འདོད་པའི་དངོས་གྲུབ་ཅེས་ནི་ཕྱག་རྒྱ་ཆེན་པོའི་རིག་འཛིན་ལ་སོགས་པ་རྒྱུད་ལས་གསུངས་པའི་ལམ་གྱི་རིམ་པ་ལ་གནས་ནས་བསྒྲུབ་པར་བྱའོ། །ཞེས་སོ། །ཡན་ལག་བཞི་པའི་སྒྲུབ་ཐབས་ཀྱི་རྣམ་བཤད་༡ནས་༤༠བར་ས་མནྟ་བྷ་དྲས་མཛད་པར། གནས་ཡིད་དུ་འོང་བར་སེམས་བདེ་བ་ལས་ཏིང་ངེ་འཛིན་འབྱུང་ངོ་། །སེམས་མཉམ་པར་བཞག་པ་ནི་ཡང་དག་པར་ཇི་ལྟ་བ་བཞིན་དུ་ཤེས་བས་འགྱུར་རོ། །ཡང་དག་པར་ཇི་ལྟ་བ་བཞིན་དུ་ཤེས་པ་ནི་རྣམ་པར་གྲོལ་བར་འགྱུར་རོ། །ཞེས་སོ། །ཡང་དཔལ་གསང་བ་འདུས་པའི་སྒྲུབ་པའི་ཐབས་ཀྱི་རྣམ་བཤད་འཇིག་རྟེན་སྣང་བྱེད་ཅེས་སློབ་དཔོན་བི་ཏ་པཱ་དས་མཛད་པར། ལས་དང་པོ་པ་ཞེས་པ་ནི་འདི་ལས་རྣལ་འབྱོར་པའི་བྱེ་བྲག་གིས་ལས་བཞིར་སྟོན་པ་ལས་དང་པོ་པའི་ལས་དང་ལྡན་པའི་ཕྱིར་རོ། །དེ་ཡང་བསམ་གཏན་དང་བྱ་བས་བསྐལ་པ་སྟེ་རང་རང་གི་ལས་ཀྱིས་བསྟན་པའི་མཚན་མ་མཐོང་ཞིང་རྙེད་པའོ། །དེ་ལས་དེ་མ་ཐག་པའི་རྐྱེན་གྱིས་བསྒྱུར་བ་ནི་ཅུང་ཟད་ཡེ་ཤེས་དབང་དུ་གྱུར་པའི་རྣལ་འབྱོར་ཏེ། བརྟུལ་ཞུགས་ཞེས་པ་ལ་སོགས་པའོ། །བརྟུལ་ཞུགས་ཞེས་པ་ནི་ཆོས་བརྒྱད་ལ་སོགས་པ་དང་ལྡན་པའོ། །ཚུལ་ཁྲིམས་ཞེས་པ་ནི་རང་གི་རྗེས་སུ་མཐུན་པའི་དམ་ཚིག་དང་བཟླས་བརྗོད་དང་ཕན་གདགས་པའི་བྱ་བའོ། །སྔགས་ཞེས་པ་ནི་ལྷའི་སྐུར་གྱུར་པའི་ཡེ་ཤེས་ཏེ། ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པ་དང་ལྡན་པའོ། །རང་གི་ལས་གསུངས་པ་མིག་ཅེས་པ་ལ་སོགས་པ་སྟེ། ཆེན་པོ་མིག་ལ་སོགས་པ་བྱིན་གྱིས་བརླབས་པ་ལ་སོགས་པ་ཞེས་པའི་དོན་ཏོ། །དེ་གང་གིས་ཤེས་ན་ཅུང་ཟད་ཡེ་ཤེས་དབང་གྱུར་པས། ཞེས་འབེབས་པ་ཐོབ་པ་ཞེས་པའི་དོན་ཏོ། །དུས་བཞི་ཞེས་པ་ནི་ལས་དང་པོ་པ་བཞིན་དུའོ། །འཁྲུལ་མེད་ཅེས་པ་ནི་བརྟན་པ་མ་ཡིན་པས་ཐིག་ལེ་དང་ཕྲ་མོ་ནན་ཏན་དུ་བྱ་བ་མ་ཡིན་ནོ། །བཟླས་བརྗོད་ཅེས་པ་ནི་གྲུབ་པའི་མཚན་མ་ཐོབ་པར་བྱ་བའི་དོན་ཏོ། །དཀྱིལ་འཁོར་ནི་ལས་རྒྱལ་མཆོག་གོ །རྣམ་པ་ཀུན་གྱིས་རྫོགས་བྱས་ཏེ། །ཞེས་པ་ནི་སློབ་མ་གཞུག་པ་དང་། བསྒྲུབ་པའི་དོན་དུ་ཁྱད་པར་མཛད་པའོ། །རང་གི་ལས་གསུངས་པ་སྤྲོ་བ་སྡུད་པར་བྱེད་པ་ཞེས་ཏེ་ཡི་གེ་གསུམ་གྱིས་སྤྲོ་བ་དང་བསྡུ་བའི་སྒོ་ནས་ཉིན་མཚན་དུ་དཀྱིལ་འཁོར་གྱི་སྦྱོར་བ་ལ་བརྟེན་པས་ཞི་བར་འགྱུར་བའི་མཚན་མ་ཇི་སྐད་གསུངས་པ་རྣམས་འབྱུང་བའོ། །ཡེ་ཤེས་དབང་དུ་གྱུར་པ་ནི་རང་དང་གཞན་གྱིས་དཀྱིལ་འཁོར་མཐོང་བར་མཛད་པའོ། །དེ་ལས་དེ་མ་ཐག་པའི་རྐྱེན་གྱིས་བསྒྱུར་བ་ནི་བཞི་པ་སྟེ་ཡང་དག་ཅེས་པ་ལ་སོགས་པའོ། །ཡང་དག་ཡེ་ཤེས་ཞེས་པ་ནི་མེ་ལོང་ལྟ་བུ་ལ་སོགས་པ་སྟེ། དེ་ཐོབ་པ་ནི་ཕྱག་རྒྱ་ཆེན་པོ་མངོན་དུ་མཛད་པ་ཞེས་སོ། །དེའི་ལས་གསུངས་པ། གཟུགས་བརྙན་ཞེས་པ་ལ་སོགས་པ་སྟེ། དེ་ནི་གཞན་གྱི་དོན་ལ་གོམས་པས་ཁམས་གསུམ་གྱི་ནང་དུ་འོད་གསལ་བར་ལངས་ནས་གཟུགས་བརྙན་ལྟ་བུའི་དམ་པའི་འཁོར་ལོ་གསུམ་གྱིས་སྲིད་པ་ཇི་སྲིད་ཡོད་པ་དེ་སྲིད་ཀྱི་བར་དུ་རོ་མྱོང་བའི་མཚན་ཉིད་བརྒྱད་དང་ལྡན་པར་བཞུགས་ནས་འགྲོ་བའི་དོན་ཆེན་པོ་མཛད་པའོ། །དེ་ལྟར་རང་གི་འཁོར་གནས་སོགས་བསྟན་པ་བྱས་ནས་ཞེས་བྱ་བའི་སྒྲ་ཡི་དོན་བསྟན་ནས། ད་ནི། དཀྱིལ་འཁོར་ཀུན་ཏུ་བྲི་བར་བྱ། །ཞེས་བསྟན་པའི་ཕྱིར། གྲུབ་པའི་མཚན་མ་རྣལ་འབྱོར་པས། །ཞེས་གསུངས་ཏེ། དེ་ལ་གྲུབ་པའི་མཚན་མ་ཞེས་པ་ནི་རྨི་ལམ་ལ་སོགས་པའོ། །རྣལ་འབྱོར་པས་ཞེས་པ་ནི་ཅུང་ཟད་ཡེ་ཤེས་དབང་དུ་གྱུར་ནས་ཞེས་པའི་དོན་ཏོ། །ལན་གྲངས་དུ་མར་ཞེས་པ་ནི་ཡིད་ལ་བྱེད་པའི་བག་ཆགས་ཀྱི་མཚན་མ་དགར་བའོ། །དེ་ལྟར་མ་ཡིན་ན་ཡང་དག་པར་ནི་ཡང་དང་ཡང་དུ་འབྱུང་བའི་ཕྱིར་རོ། །དེ་གསུམ་ཆོ་ག་བཞིན་བྱས་ལ། །ཞེས་པ་ནི་མཚན་མ་ཐོབ་པ་དེས་དཀྱིལ་འཁོར་བྲི་བའི་དོན་དུ་བཟླས་བརྗོད་བྱའོ། །ཞེས་བསྟན་པའོ། །དཀྱིལ་འཁོར་བྲི་བར་བྱ་ཞེས་པ་ནི་ཅུང་ཟད་ཡེ་ཤེས་དབང་དུ་གྱུར་པའི་རྣལ་འབྱོར་པས་ཐུན་མོང་གི་ཆེད་དུ་བྲི་བ་དང་། ཡེ་ཤེས་དབང་དུ་གྱུར་པའི་རྣལ་འབྱོར་པས་ཁྱད་པར་མེད་པར་ཐུན་མོང་དང་མཆོག་གི་ཆེད་དུ་བྲི་བའོ་ཞེས་སྒྲུབ་པ་བོ་ཁོ་ནའི་དབང་དུ་གསུངས་པའོ། །ཞེས་སོགས་ཀྱིས་རང་ངམ་གཞན་རྗེས་སུ་བཟུང་བས་དཀྱིལ་འཁོར་བྲི་ཚུལ་དང་། དེ་ཡང་། ཡེ་ཤེས་དབང་དུ་གྱུར་པས་ནི་བསམ་གཏན་ཙམ་གྱིས་རྫོགས་པར་བྱེད་པ་ཡང་འཆད་དོ། །ཞེས་ཀྱང་སྣང་ངོ་། ། ༈ གསུང་རབ་ཡན་ལག་དགུ་ནི། མདོ་སྡེ་དབྱངས་བསྙད་ཚིགས་བཅད་ལུང་བསྟན་གླེང་གཞི་དེ་ལྟ་བུ་བྱུང་དང་། སྐྱེས་རབས་ཤིན་ཏུ་རྒྱས་པ་དག་དང་རྨད་བྱུང་ཞེས་ཏེ་ཡན་ལག་དགུ་ཞེས་འཆད་པར་བྱེད་དོ།། །། ༈ ཚུལ་གསུམ་མཛེས་རྒྱན་ལས། དེ་ཡི་གནས་ནི་སྟུག་པོ་བཀོད་པ་སྟེ། །མི་མཇེད་འཇིག་རྟེན་ཁམས་སོགས་དུ་མ་ཞིག །ནང་དུ་ཚུད་པ་མེ་ཏོག་རྒྱན་གྱིས་བརྒྱན། །དེ་འདྲ་དུ་མ་ནང་དུ་ཚུད་པ་ནི། །རྒྱ་མཚོ་ཞེས་བྱ་ལོངས་སྐུའི་ཕྱག་ན་གནས། །དེ་བཞིན་གཤེགས་དེ་འཁོར་གྱི་བྱང་སེམས་བཅས། །བཞུགས་པའི་གནས་དེ་འོག་མིན་སྟུག་པོ་བཀོད། །ཅེས་སྟོན་པ་ལོངས་སྐུ་རྣམ་སྣང་གང་ཆེན་མཚོའི་ཕྱག་མཐིལ་གྱི་ལྷུང་བཟེད་སྤོས་ཆུས་ཡོངས་སུ་གང་བའི་རྒྱ་མཚོ་ཆེན་པོ་དབུས། པདྨའི་སྡོང་པོ་རྒྱ་ཁྱོན་རབ་ཏུ་ཡངས་པ་སྐྱེས་པ་ལ། མེ་ཏོག་ཉི་ཤུ་རྩ་ལྔ་ཡོད་པའི་མེ་ཏོག་རེ་རེའི་སྟེང་དུ་འཇིག་རྟེན་གྱི་ཁམས་རེ་རེ་ཡོད་པར་གསུངས་པའི་ཡས་མར་གང་ནས་ཀྱང་པདྨ་བཅུ་གཉིས་རེ་བརྩིས་པའི་དབུས་བཅུ་གསུམ་པ། ཐུགས་ཀའི་དཔལ་བེའུའི་ཐད། སྤྲུལ་སྐུ་ཤཱཀྱ་སེང་གེའི་གདུལ་ཞིང་། མི་མཇེད་འཇིག་རྟེན་གྱི་ཁམས་འདི་རི་གླིང་ལྕགས་རི་དང་བཅས་པས་ཡོངས་སུ་བསྐོར་བ་ལས་ཁྱད་པར་དུ་གྱུར་པ་ནི། དུས་འཁོར་བསྡུས་རྒྱུད་ལས། གླིང་ནི་ཟླ་བ་འོད་དཀར་དག་དང་རབ་མཆོག་ཀུ་ཤ་མིའམ་ཅི་དང་ཁྲུང་ཁྲུང་དང་། །དྲག་པོ་ཡང་ནི་ལོངས་སྤྱོད་ས་སྟེ་བདུན་པ་འཛམ་བུ་མི་རྣམས་གནས་པ་དག་ནི་ལས་ཀྱི་ས། །ཞེས་དང་། བདེ་མཆོག་སྡོམ་འབྱུང་ལས། འཛམ་བུ་གླིང་པ་གཙོ་བོ་མཆོག །ཡུལ་དབུས་སུ་ནི་སྐྱེས་པ་སྟེ། །ཞེས་གླིང་གཞན་ལས་ཁྱད་པར་དུ་གྱུར་པ། ལས་སྟོབས་ཆེ་བས་འབྲས་བུ་ཚེ་འདིར་མཐོང་ཆོས་སུ་སྨིན་ནུས་པའི་ཕྱིར། སྤྱིར་འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་དགུའི་དོན་ཐམས་ཅད་ཚེགས་མེད་པར་བདེ་བླག་ཏུ་བསྒྲུབ་ནུས་པ་དང་། ཁྱད་པར་ཉན་རང་དགྲ་བཅོམ་དང་། རྡོ་རྗེ་ཐེག་པའི་ལམ་ལས་དངོས་གྲུབ་བརྙེས་པའི་རྟེན་ཐུན་མོང་མ་ཡིན་པ་འཛམ་བུ་གླིང་པ་ཁམས་དྲུག་ལྡན་གྱི་ལུས་ལ་ལྟོས་དགོས་པས་ན། སངས་རྒྱས་ཐམས་ཅད་ཀྱང་འཛམ་བུའི་གླིང་གི་ཡུལ་དབུས་འགྱུར་ཚལ་རྡོ་རྗེ་གདན་དུ་བྱང་ཆུབ་ཆེན་པོའི་གོ་འཕང་བརྙེས་པའི་ཚུལ་བསྟན་པ་ན་ལས་ཀྱི་སའམ། བསོད་ནམས་ཀྱིས་གཞིར་རབ་ཏུ་གྲགས་པ་ལ་དུམ་བུ་དྲུག་ཏུ་ཕྱེ་བའི་ཡ་གྱལ་གངས་རི་དཔལ་དང་ལྡན་པས་བསྐོར་བའི་ལྗོངས། བོད་ཁ་བ་ཅན་ཞེས་ཡོངས་སུ་གྲགས་པ་ནི། འཇམ་དཔལ་རྩ་རྒྱུད་ལས། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་རྒྱས་པར་འགྱུར། །ཞེས་དང་། ཤེར་ཕྱིན་ལས། མདོ་སྡེ་འདི་བྱང་ཕྱོགས་ནས་བྱང་ཕྱོགས་སུ་རྒྱས་པར་འགྱུར་རོ། །ཞེས་སོགས་གསུངས་པ་དང་། དྲི་མེད་འོད་ལས། ཐེག་པ་གསུམ་བོད་དུ་ནི་བོད་ཀྱི་སྐད་ཀྱིས་བསྡུས་ཏེ། ཞེས་སོགས་ལུང་བསྟན་པའི་ཞིང་འདི་ཉིད་ཀྱང་གཞན་ལས་ཁྱད་པར་འཕགས་པའི་ཚུལ་ནི། བོད་ཅེས་བྱ་བ་ཁ་བ་ཅན་གྱི་ཁྲོད། །རི་མཐོ་ས་གཙང་གངས་རི་གཉན་གྱི་ཡུལ། །ཆོས་དང་སྲིད་པའི་ལོངས་སྤྱོད་མ་ཚང་མེད། །འཕགས་པའི་གདུལ་ཞིང་ལྷ་ཡི་ཡུལ་དང་མཚུངས། །ཞེས་དང་། འགོས་ལོ་གཞོན་ནུ་དཔལ་གྱིས། ཐུགས་རྗེའི་དབང་པོས་བྱིན་རླབས་གསེར་གྱི་ས་གཞི་བརྡལ་བ་གངས་རིའི་ཕྲེང་མཛེས་ཁོར་ཡུག་ཅན། །ཉེས་པའི་གདུང་བྲལ་ཚུལ་ཁྲིམས་མ་དྲོས་ལས་འོངས་འདུས་པའི་རྒྱུན་དག་འཆད་པ་མེད་པར་འབབས། །བཤད་དང་སྒྲུབ་པའི་རིན་ཆེན་གྱིས་གང་མཁས་པའི་རྟ་གདོང་དག་ལས་ཆོས་ཀྱི་སྒྲ་ཆེན་སྒྲོགས། །མཐའ་དག་ལེགས་པའི་འབྱུང་གནས་གངས་ཅན་འདི་ནི་རྒྱ་མཚོ་ཆེ་འདྲ་མཁས་པས་བསྔགས་པར་འོས། །ཞེས་ཡོན་ཏན་རིན་པོ་ཆེ་དུ་མས་ཁྱད་པར་དུ་བྱས་པའི་སའི་ཐིག་ལེར། བླ་མ་མཉམ་མེད་ཆེན་པོས། རྡོ་རྗེའི་རང་བཞིན་རྡོ་རྗེའི་གདན་ལས་བྱང་གི་འདབ་ཆགས་ས་ཡི་སྙིང་པོ་དཔག་ཚད་བཅུ་ཕྲག་བཅུ་བགྲོད་པ། །ཤར་རི་འགྲོ་ལྡན་སྤྱི་གཙུག་ལྟར་མཐོ་ལྷོ་ན་རྟ་མཆོག་རྒྱུག་ལྟའི་ཆུ། །ནུབ་རི་མཚན་མ་རྨ་བྱའི་མདོངས་ལྡན་བྱང་གི་ལྷུན་པོ་འདབ་བཟང་རི། །རི་དྭགས་རྒྱལ་པོ་བཞད་པའི་གདོང་ཅན་དབུས་ཀྱི་ས་འཛིན་དཔལ་ཀུན་འཛིན། །དེ་ཕྱིར་རྒྱལ་བའི་གདན་ས་མཆོག་འདི་བྱང་ཆུབ་སྙིང་པོ་མ་ལགས་གྲང་། །ཞེས་དཔལ་ལྡན་ས་སྐྱ་དང་། འཇིགས་བྲལ་གསུང་རབ་སྦས་པའི་སྡེས། རྡོ་རྗེ་འཆང་ཆེན་ངུར་སྨྲིག་འཛིན་པའི་ཚུལ་སྟོན་པ། །རྒྱལ་བས་ལུང་བསྟན་མཁས་ཀུན་དགའ་མཛད་དཔལ་བཟང་པོ། །གང་དེས་བྱིན་རླབས་ཨེ་ཝྃ་ཡི་གེས་མཚན་པའི་གླིང་། །གྲུབ་རི་འདི་ནི་འོག་མིན་ཆེན་པོའི་ཞིང་ཁམས་དངོས། ཞེས་སོགས་རྒྱ་ཆེར་བསྔགས་སོ། ། ༈ ཁྲི་བརྒྱད་སྟོང་པ་ལས། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཆེན་པོ་དག་ཏུ་སྐྱེ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པ་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོ་རིགས་ཕུན་སུམ་ཚོགས་པ་གང་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་རིགས་ཤིང་སཱ་ལ་ཆེན་པོ་དག་དང་། བྲམ་ཟེའི་རིགས་ཤིང་སཱ་ལ་ཆེན་པོ་དག་ཏུ་སྐྱེ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོ་རིགས་ཕུན་སུམ་ཚོགས་པ་ཡིན་ནོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རུས་ཕུན་སུམ་ཚོགས་པ་གང་ཞེ་ན། རིགས་གང་ལས་སྔོན་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་དག་བྱུང་བར་གྱུར་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རུས་ཕུན་སུམ་ཚོགས་པ་ཡིན་ནོ།། །། ༈ རྒྱན་ལས། བྱང་ཆུབ་སེམས་དཔའ་རྟག་ཏུ་ནི། །ཁྱིམ་པ་འཁོར་ལོས་སྒྱུར་རྣམས་སུ། །གྱུར་ནས་སྐྱེ་བ་ཐམས་ཅད་དུ། །སེམས་ཅན་རྣམས་ཀྱི་དོན་བྱེད་དོ། །ཞེས་དང་། རྒྱལ་སྲིད་བདུན། མངོན་འབྱུང་ལས། ལྷ་རྫས་ལས་གྲུབ་སོགས། དང་པོར་ས་ལས་རྣམ་པར་རྒྱལ་གྱུར་བ། །ཞེས་འབྱུང་། དེ་ལ་ཡོན་ཏན་ལྔ། ལྷ་རྫས་འཛམ་བུ་ཆུ་གསེར་ལས་གྲུབ་ཅིང་དཔག་ཚད་ལྔ་བརྒྱ་པ་ཉི་མ་གཉིས་པ་ལྟ་བུའི་གཟི་བརྗིད་དང་ལྡན་པ། ༡ ནམ་མཁའ་ལ་དཔག་ཚད་འབུམ་དུ་ཉི་མ་གཅིག་གིས་ཐོགས་པ་མེད་པར་འགྲོ་བ། ༢ རྒྱལ་པོ་གླིང་གང་དུ་འགྲོ་བའི་ཚེ་འཁོར་ལོ་དེའང་སྔོན་དུ་ནམ་མཁར་འགྲོ་ཞིང་དཔུང་ཚོགས་ཡན་ལག་བཞིའང་ཕྱི་བཞིན་དུ་ནམ་མཁར་འགྲོ་བ། ༣ རྒྱལ་པོས་མི་ཐོས་པ་ཐམས་ཅད་དེས་གྲོགས་བྱས་ཏེ་ཐོས་པ། ༤ རྒྱལ་པོ་གཞན་དང་བློན་པོ་སོགས་ཀྱི་རྒྱལ་པོའི་འདོད་པ་བཞིན་འབུལ་བ་ལས་བསྔོ་བ་གང་ཡང་མེད་པའོ། ༥ །གླང་པོ་རིན་པོ་ཆེ་ལ། ཡན་ལག་བདུན་པ་ལ་ལེགས་པར་གནས་ཤིང་གངས་རིའི་དུམ་བུ་འགྲོ་ཤེས་པ་ལྟ་བུའི་གླང་པོ་རིན་པོ་ཆེ་དེ་ལ་ཡོན་ཏན་བརྒྱད་དེ། ཅང་ཤེས་པ། ༡ བཀའ་བཞིན་ཉན་པ། ༢ སུག་བཞི་མཇུག་མ་རླིག་པ་སྣ་ཞགས་ཏེ་བདུན་པོ་ས་ལ་སྙོགས་པས་ཡན་ལག་ཤིན་ཏུ་གནས་པ། ༣ གླང་པོ་ཆེ་སྟོང་གི་སྟོབས་དང་ལྡན་པས་གཞན་གྱིས་གདུལ་དཀའ་བ་དང་། དེའི་དྲི་ཚོར་བས་ཀྱང་གླང་པོ་ཆེ་གཞན་དེའི་རྩར་འདུག་མི་ནུས་པས་ཕ་རོལ་གྱི་སྡེ་ལས་རྒྱལ་བ། ༤ ཆུ་དང་སྐམ་དང་བར་སྣང་ལ་གཡུལ་འགྱེད་ནུས་པ། ༥ ཉིན་གཅིག་ལ་འཛམ་གླིང་བསྐོར་ནུས་པ། ༦ ཁ་དོག་ཐལ་ཀར་དུ་སྣང་ཞིང་སྐུད་པས་ཀྱང་བཀྲིར་ནུས་པ་དང་། རྒྱལ་པོའི་བསམ་པ་དང་མཐུན་པར་ལམ་དུ་འཇུག་ཤེས་པ། ༧ གཙུག་ན་གསེར་གྱི་རྒྱལ་མཚན་གྱིས་བརྒྱན་ཅིང་གསེར་གྱི་དྲྭ་བས་གཡོགས་པའོ། ༨ །རྟ་མཆོག་རིན་པོ་ཆེ་ནི། དྲན་ཉེར་ཁ་དོག་ཤིན་ཏུ་མཚར་བ་རྨ་བྱའི་མགྲིན་པ་ལྟ་བུ། ༡ རྔོག་མ་མཛེས་པ་སྟེ་དབྱིབས་ཕུན་སུམ་ཚོགས་པ། ༢ བསྒོས་ན་ཉིན་གཅིག་ལ་འཛམ་གླིང་ལན་གསུམ་བསྐོར་ནུས་པ། ༣ ལུས་ལ་གཅོང་ནད་མེད་པ། ༤ ནོར་བུའི་གཙུག་སོགས་མཚན་མ་བཟང་པོ་ཡོད་པ། ༥ རྫུ་འཕྲུལ་དང་ལྡན་པས་ནམ་མཁར་འགྲོ་བ། ༦ རྒྱལ་པོས་ཞོན་ཚེ་གུས་པར་བྱེད་པ། ༧ རྫུ་འཕྲུལ་གྱི་ཤུགས་དང་ལྡན་པའོ། ༨ །བུད་མེད་དམ་བཙུན་མོ་རིན་པོ་ཆེ་ལ་རྒྱལ་པོའི་བསམ་པ་དང་མཐུན་པ། ༡ བུ་མང་པོ་བཙའ་བ། ༢ ཕྲག་དོག་དང་མིག་སེར་མེད་པ། ༣ ཚིག་ཅལ་ཅོལ་མེད་ཅིང་རྒྱལ་པོའི་སྲིད་ངང་གིས་མཐོ་བར་འགྱུར་བ། ༤ ལོག་པར་ལྟ་བ་མེད་པའོ། ༥ ། ནོར་བུ་རིན་པོ་ཆེ་ལ་ཡོན་ཏན་བརྒྱད་དེ། མཚན་མོ་ཟླ་བ་ལྟར་གསལ་བའི་འོད་དཔག་ཚད་བརྒྱར་འབྱུང་བ། ༡ ཆུ་ཡན་ལག་བརྒྱད་པའི་རྒྱུན་འབེབས་པས་སྐོམ་པ་སེལ་བ། ༢ རྒྱལ་པོའི་གྲོས་ཐམས་ཅད་ནོར་བུ་ལས་འབྱུང་བ། ༣ ནོར་བུ་གང་དུ་ཡོད་པའི་དཔག་ཚད་བརྒྱ་ཚུན་དུ་ནད་མེད་ཅིང་འདོད་དོན་འགྲུབ་པ། ༤ རླུང་དང་ཆར་དྲག་པོ་མི་འབེབས་པ། ༥ མྱ་ངན་དང་གཡང་ས་སོགས་མེད་ཅིང་ནགས་ཚལ་སོགས་སྣོད་ཀྱི་དཔལ་བསྐྱེད་པ། ༦ དུས་མ་ཡིན་པའི་འཆི་བ་མི་འབྱུང་བ། ༧ རྒྱལ་པོ་དེ་ལ་དཔའ་ཞིང་བརྟུལ་ཕོད་པའི་བུ་སྟོང་དུ་འཛོམ་པ་འབྱུང་བའོ། ༨ །ཁྱིམ་བདག་གམ་བློན་པོ་རིན་པོ་ཆེ་ཞེས་དོན་མཛོད་པ་ནི། མངོན་འབྱུང་ལས། གང་ཡང་འདི་ནི་རྒྱལ་ལ་མུ་ཏིག་དང་། །གསེར་སོགས་ཤིན་ཏུ་མང་པོ་ཕུལ་བ་ཡིས། །བཟོད་ལྡན་མཚུངས་པའི་ཁྱིམ་བདག་ནོར་ལྡན་པ། །ཁྱིམ་བདག་རིན་ཆེན༴ འདི་ལ་ཡོན་ཏན་བཞི། རྡོ་རྗེ་རིན་པོ་ཆེ་སོགས་ནོར་མང་པོ་རྩོལ་བ་མ་བྱས་ཀྱང་མོད་ལ་ཟད་པ་མེད་པ། ༡ རྒྱལ་པོའི་བཀའ་བཞིན་སྒྲུབ་ཅིང་ཡིད་གཞུངས་པ། ༢ རྒྱལ་པོའི་བསམ་པ་བཞིན་རྟོགས་ནས་མ་བསྒོས་ཀྱང་ལས་བྱེད་པ། ༣ ཉོན་མོངས་དང་ཕྲག་དོག་དང་གནོད་སེམས་མེད་པའོ། ༤ །དམག་དཔོན་ནམ་བློན་པོ་རིན་པོ་ཆེ་ནི། ཡོན་ཏན་བརྒྱད་དེ། རྒྱལ་པོའི་ལས་སྤྱི་དང་དྲག་པོའི་ལས་མཐའ་དག་མ་བསྒོས་ཀྱང་བྱེད་པ། ༡ དཔའ་རྩལ་ཐམས་ཅད་རྫོགས་པ། ༢ རང་དོན་ལ་ཆོས་མིན་སྤངས་པ། ༣ གཞན་གྱི་བརྔན་པ་སོགས་ལ་མ་ཆགས་པར་རྒྱལ་པོའི་བྱ་བ་ཚུལ་བཞིན་དུ་བྱེད་པ། ༤ གླགས་ལྟ་བའི་འགྲོ་བ་ལྡོག་པ་མ་ལུས་པ་འཇོམས་པའི་མཐུ་སྟོབས་དང་ལྡན་པ། ༥ ལས་གང་ཡང་ཤིན་ཏུ་རིགས་པར་སྤྱོད་པ། ༦ ཉོན་མོངས་པ་དུག་གསུམ་སྤངས་པ། ༧ རྒྱལ་པོའི་བྱ་བ་མ་ཡིན་པར་སྐྱེ་བོ་རྣམས་ལ་མི་འཚེ་བའོ། ༨ ། མངོན་འབྱུང་གི་མདོ་འགའ་ཞིག་ལས། འོད་ཟེར་གྱིས་སྔོ་རལ་གྲི་པགས་པ་འཇམ། །དགའ་པའི་ནགས་ཚལ་གོས་ནི་ཡི་གར་འོང་། །མཐུ་ལྡན་མཆིལ་ལྷཱམ་ཁང་ཁྱིམ་གཞལ་དུ་མེད། །རེག་འཇམ་གཟིམ་ཆ་འདི་ཡིས་ཐོབ་པར་འགྱུར། །ཞེས་སོ། ། ༈ མཁས་འཇུག་ལས། བསྟན་བཅོས་བྱེད་པའི་དམ་པ་ཡིས། །སྟོན་པ་ལ་ནི་མཆོད་བརྗོད་བྱ། །བསྟན་པ་སྤེལ་ཕྱིར་དག་པའི་ཚིག །འདི་ལ་འཐད་པ་བཟང་པོ་མཐོང་། །ཞེས་སོ། །དེའང་མཚན་དང་མཆོད་བརྗོད་དམ་བཅའ། དགོས་བསྡུས་ཚིག་དོན། བསྔོ་སྨོན་ཤིས་བརྗོད་སྦྱར་བྱང་སོགས་སོ། །འཆད་པ། ཐོག་མར་སྒྲ་ལ་མཁས་པ་ཡིས། །ཚིག་དོན་རྣམ་པར་དབྱེ་སྟེ་བསྟན། །དེ་རྗེས་དོན་ལ་མཁས་པ་ཡིས། །ལྷག་ཆད་འཁྲུལ་པ་མེད་པར་བཤད། །ཅེས་སོ། །མདོ་དོན་སྨྲ་བ་རྣམས་ཀྱིས་ནི། །དགོས་པ་བསྡུས་པའི་དོན་དང་བཅས། །ཚིག་དོན་བཅས་དང་མཚམས་སྦྱོར་བཅས། །བརྒལ་ལན་བཅས་ཏེ་བསྙད་པར་བྱ། །ཞེས་སོ། །འབེལ་བའི་གཏམ་ལ་སྦྱོར་དངོས་རྗེས། །སྦྱོར་བ་རྩོད་པའི་ལམ་བྱང་ནས། །རྒོལ་བ་གཉིས་དང་དཔང་པོ་རྣམས། །ངེས་པར་བྱས་ནས་རྩོད་ལ་འཇུག ། ༈ སངས་རྒྱས་ཀྱི་བསྟན་པ་ལྔ་བརྒྱ་ཕྲག་བཅུར་གསུངས་པའི། ལྔ་བརྒྱ་ཕྲག་དང་པོ་ལ་དགྲ་བཅོམ། གཉིས་པར་ཕྱིར་མི་འོང་བ། གསུམ་པར་རྒྱུན་ཞུགས་ཐོབ་པ་མང་བས་ན་འབྲས་བུའི་དུས་གསུམ། བཞི་པར་ཤེས་རབ། ལྔ་བར་ཏིང་འཛིན། དྲུག་པར་ཚུལ་ཁྲིམས་ལ་སྤྱོད་པ་མང་བས་སྒྲུབ་པའི་དུས་གསུམ། བདུན་པ་ལ་མངོན་པ། བརྒྱད་པར་མདོ་སྡེ། དགུ་པར་འདུལ་བ་སྤྱོད་པ་མང་བས་ན་ལུང་གི་དུས་གསུམ། བཅུ་པར་རྟགས་ཙམ་འཛིན་པ་སྟེ། འདི་ནི་ལྔ་བརྒྱའི་ཐ་མའོ། །ཞེས་འབྱུང་ཞིང་། བསྟན་པ་རྣལ་མ་ལྔ་བརྒྱ་ཕྲག་དགུ་དང་། གཟུགས་བརྙན་གཅིག་གོ ། ༈ དོན་དམ་བསྙེན་པ་ལས། ཐུན་མཚམས་རྣམས་སུ་ཤིན་ཏུ་རྣམ་པར་དག་པ་ཡི། །ཁ་དང་ལག་པ་རྐང་པ་དག་ནི་བཀྲུས་བྱས་ཏེ། །མེ་ཏོག་ཡང་དག་བླངས་ནས་བླ་མའི་སྤྱན་སྔ་རུ། །རྒྱལ་བ་རྣམས་ཀྱི་མཎྜལ་ཤིན་ཏུ་ཟླུམ་པར་བྱ། །ཞེས་དང་། བླ་མ་ལྔ་བཅུ་པ་ལས། མཎྜལ་མེ་ཏོག་བཅས་ཐལ་མོས། །བླ་མ་སྟོན་པར་གསོལ་བ་གདབ། །ཅེས་པ་ལྟར་མཎྜལ་ལའང་། རྗེ་ས་སྐྱ་པཎྜི་ཏས། ཕྱི་ཀུན་རྫོབ་རྫས་ཀྱི་མཎྜལ། ནང་རྡོ་རྗེ་ལུས་ཀྱི་མཎྜལ། གསང་པ་བྱང་ཆུབ་སེམས་ཀྱི་མཎྜལ་ཞེས་གསུངས་པའི་དང་པོ་ལ། ཟླ་བ་སྒྲོན་མེའི་མདོའི་དོན་བསྡུས་ཇོ་བོ་ཆེན་པོའི་གསུང་ཚོམ་བུ་བདུན་མ། དེ་སྟེང་སྒྲ་གཅན་དུས་མེ་བསྣན་པའི་དུས་འཁོར་ལུགས་ཀྱི་ཚོམ་བུ་དགུ་མ། ཡང་ཚོམ་བུ་བདུན་མའི་སྟེང་མེ་ཏོག་སོགས་བཞི་བསྣན་པའི་བཅུ་གཅིག་པ། ཡང་གླིང་བཞི་གླིང་ཕྲན་བརྒྱད་རི་རབ་ཉི་ཟླ་དང་བཅས་པའི་བཅོ་ལྔ། སངས་རྒྱས་གསང་བའི་ལུགས་གླིང་བཞི་གླིང་ཕྲན་རི་རབ་དང་བཅས་པའི་བཅུ་གསུམ་མ། ཛེ་ཏཱ་རིས་ཚོམ་བུ་བཅོ་ལྔ་མར་གདུགས་དང་རྒྱལ་མཚན་བསྣན་པའི་བཅུ་བདུན་མ། འཇམ་དཔལ་གྲགས་པའི་ལུགས་ཀྱི་བཅུ་གསུམ་མའི་སྟེང་རྒྱལ་སྲིད་བདུན་དང་གཏེར་བུམ་བསྣན་པའི་ཉེར་གསུམ་མ། དེ་སྟེང་སྒྲ་གཅན་དུས་མེ་བསྣན་པའི་དུས་འཁོར་ལུགས་ཀྱི་ཉེར་ལྔ་མ། འཕགས་པ་རིན་པོ་ཆེའི་སོ་བདུན་མ་རྣམས་སོ། ། ༈ ཞྭ་ལུ་ལོ་ཆེན་པས། སྐར་རྩིས་སྙན་ངག་སྡེབ་སྦྱོར་དང་། །མངོན་བརྗོད་ཟློས་གར་འདི་ལྔ་ལ། །རིག་གནས་ལྔ་ཞེས་འཕགས་ཡུལ་དུ། །གྲགས་པའི་བ་དན་རླུང་ལྟར་སྒྲོགས། ། ༈ འཇམ་དཔལ་རྩ་རྒྱུད་ལས། དེ་ནས་བཅོམ་ལྡན་འདས་ཤཱཀྱ་ཐུབ་པས་གཟའ་རྣམས་ཀྱི་སྤྱོད་པ་སེམས་ཅན་ཐམས་ཅད་ཀྱི་དོན་དུ་གསུངས་ཏེ། ཟློས་པ་ཐམས་ཅད་ལ་ཕན་པའི་ཕྱིར་དང་སྔགས་ཀྱི་དོན་ཡང་རབ་ཏུ་བསྒྲུབ་པའི་ཕྱིར་ཐམས་ཅད་ཀྱང་ཐམས་ཅད་མཁྱེན་པས་གསུངས་སོ། །ཞེས་སོ། །ཡང་། ལྷ་ལྡན་ཡུལ་ཞེས་བྱ་བ་ཡི། །གངས་ཅན་རི་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་པ། །ལི་ཙྪ་བཱི་རྣམས་རིགས་སུ་འབྱུང་། །དང་། འཇིག་རྟེན་སྒྲོལ་མ་ཞེས་གྲགས་དང་། ལྷ་མོ་གོས་དཀར་མོ་དང་ནི། །དཀར་མོ་ཆེན་མོ་གཞན་ཕན་བརྩོན། །རྟག་ཏུ་ཡིད་ནི་མི་སྐྱོ་བའོ། །དང་། ཁྱུ་མཆོག་ཁྱུ་མཆོག་བཟང་པོ་དང་། །ས་འོད་དེ་བཞིན་ས་འོད་བཟང་། །དེ་བཞིན་ཕ་རོལ་གནོན་ཉིད་དང་། །རྐང་པའི་འགྲོས་ཞེས་བསྟན་པ་ཡིན། །ས་སྲུངས་དང་ནི་བེའུ་དང་། །འོད་ལྡན་ཉིད་ནི་ཕྱི་མ་ཡིན། །དང་། སྟོན་པའི་གསུང་རབས་ས་སྟེང་དུ། །དུས་མཐར་འཇིག་རྟེན་ཉམས་པ་ན། །སྡོམ་བརྩོན་རྒྱལ་པོའི་ཚུལ་གྱིས་ནི། །འབྱུང་བར་འགྱུར་བ་ཐེ་ཚོམ་མེད། །དཔེར་ན་མ་ཁོལ་ཞེས་བྱ་དང་། །མེ་ཏོག་ཅེས་བྱ་རྣམ་པར་གྲགས། །ཡི་གེ་མ་ཞེས་གཞོན་ནུ་ཞེས། །དང་པོར་ཐ་མར་ཆོས་ལ་དགའ། །ཡི་གེ་ཨཱ་མིང་བདག་ཉིད་ཆེ། །སྟོན་པའི་བསྟན་པ་གཅེས་འཛིན་བྱེད། །བློ་ལྡན་ཡོན་ཏན་ཀུན་གྱིས་བཀུར། །དང་། ཡི་གེ་དྷ་ཞེས་སྡོམ་བརྩོན་ཉིད། །ལྷོ་ཡི་ཕྱོགས་སུ་རྣམ་པར་བསྒྲགས། །ཕ་རོལ་རྒོལ་བ་བཟློག་ནས་ཀྱང་། །དེ་བཞིན་སྡོམ་བརྩོན་སྔགས་ཀྱང་གྲུབ། །དང་། དེ་ནས་ཡི་གེ་ས་དང་ཀ །དང་པོར་རབ་ཏུ་བརྗོད་པ་དང་། །སོགས་ནས། སྦྱིན་བྱེད་སྦྱིན་པར་བྱེད་པ་དང་། །གཞན་གྱི་གྲུབ་མཐའ་སུན་བྱེད་དང་། །དང་། དེ་བཞིན་འཇིག་རྟེན་སྦྱིན་གནས་འགྱུར། །སྲིད་པ་གསུམ་གྱི་མཐར་ཡང་བྱེད། །སྔགས་དང་རྒྱུད་ལ་མངོན་བརྩོན་པ། །གྲགས་པ་འཛིན་པར་ཤེས་པར་བྱ། །ཞེས་སོ། །རྗེ་བཙུན་ས་སྐྱ་པཎྜི་ཏས་བོད་ཡུལ་ལ་བསྔགས་པར། དབུས་ཀྱི་གླིང་ཆེན་པོ་བཞི་པ། བྱེ་བྲག་ཏུ་འཛམ་བུའི་གླིང་། བདེ་བར་གཤེགས་པ་རྒྱ་མཚོའི་རྡུལ་གྱི་རེག་པས་མངོན་པར་མཛེས་པ། བྱང་ཆུབ་སྙིང་པོ་རྡོ་རྗེ་གདན་ལས་བྱང་ཕྱོགས་ཀྱི་རྒྱུད། ཡོངས་སུ་རྫོགས་པའི་ཟླ་བ་དྲི་མ་མེད་པའི་གངས་རི་དཔལ་དང་ལྡན་པས་བརྒྱན་པའི་ཁྲོད། ལྷ་རྫས་ཀྱི་ནོར་བུ་ཉེ་བར་འབར་བས་འཁྲིགས་པའི་ཕུང་པོ་ལྟར། འགྲོ་བ་མ་ལུས་པའི་རེ་བ་རྫོགས་པར་བྱེད་པའི་རིན་པོ་ཆེ་དུ་མའི་འབྱུང་ཁུངས་སུ་གྱུར་པ། སའི་ཆ་གླང་པོའི་སྤྱི་གཙུག་ལྟར་མཐོ་ལ་སྐྱེ་རྒུ་མ་ལུས་པའི་སྒྲོན་མེ། ཉི་མའི་དཀྱིལ་འཁོར་གཟའ་ལས་ཐར་བ་ལྟར་རྡུལ་དང་བྲལ་བས་གཙང་བའི་འཇུག་ངོགས་དང་ལྡན་པ། བསིལ་བའི་སྒྲ་དབྱངས་ཉེ་བར་སྒྲོགས་པའི་ཆུ་ཀླུང་དྲི་མ་མེད་པ་འབབས་པ་དང་ལྡན་པའི་འགྲམ་ངོགས། རྒྱལ་བ་སྲས་བཅས་དཔག་ཏུ་མེད་པས་ཉེ་བར་བསྐྱངས་པས་དམ་པའི་ཆོས་ཀྱི་འབྱུང་གནས་སུ་གྱུར་པའི་བོད་ཡུལ་འདིར། ཞེས་སོ། །ཡང་། སྒྲ་པ་ང་ཡིན་རྟོག་གེ་པ་ང་སྨྲ་བ་ངན་འཇོམས་ང་འདྲ་མེད། །སྡེབ་སྦྱོར་ངས་ཤེས་སྙན་ངག་ང་ཉིད་མངོན་བརྗོད་འཆད་ལ་འགྲན་མེད་ང་། །དུས་སྦྱོར་ང་མཁས་ཕྱི་ནང་ཀུན་རིག་རྣམ་དཔྱོད་བློ་གྲོས་མཚུངས་མེད་པ། །དེ་འདྲ་གང་ཡིན་ས་སྐྱ་པ་སྟེ་མཁས་པ་གཞན་དག་གཟུགས་བརྙན་ཡིན། །ཅེས་དང་། རྒྱ་མཚོའི་གོས་ཅན་རྒྱ་མཚོའི་མཐའ་ཀླས་ས་ཆེན་འདི་ན་ལྷ་ཆེན་པོ། །སོགས་ནས། དེ་ལྟའི་རི་དྭགས་རྒྱལ་པོ་དེ། །དཔལ་ལྡན་ས་སྐྱའི་གངས་རིར་གནས། །བློ་གསལ་རྣམས་ཀྱི་རི་དྭགས་སྐྱོང་། །རྒོལ་བ་ངན་པའི་ཝ་ཚོགས་འཇོམས། །ད་དུང་དུ་ཡང་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་བྱས་ནས། །བདེ་བར་གཤེགས་པའི་བསྟན་པའི་ཚུལ། །ཀུན་དགའི་རྒྱལ་མཚན་འཛིན་པར་ཤོག །ཅེས་སོ། །སློབ་དཔོན་བསོད་ནམས་རྩེ་མོ་འཁྲུངས་པའི་ཚེ། རྒྱ་གར་རྡོ་རྗེ་གདན་གྱི་སྒོའི་ཡ་ཐེམ་ལ། འཇམ་མཉྫུ་ཤྲཱི་ནིརྨ་ཀོ་པ་དྷྱཱ་པུཎྱཱ་གྲ་བཛྲ་ཡཱ་ན་ས་མ་སྱེ་ཤྭ་ར་སཏྱ་བྷཱུ་མི་པཎྜཾ་ཛྭ་ཏཾ། དཔལ་གྱི་སྤྲུལ་པ་མཁན་པོ་བསོད་ནམས་རྩེ་མོ་རྡོ་རྗེ་ཐེག་པ་མཐའ་དག་གི་དབང་ཕྱུག་དམ་པ་ས་སྐྱར་སྐྱེས་སོ། །ཞེས་མཁའ་འགྲོ་མ་རྣམས་ཀྱིས་ཡི་གེར་བྲིས་སོ། ། ༈ ས་ཆེན་བྱང་ཆུབ་སེམས་དཔའ་སྦྱིན་པ་དཔལ་སྤྱན་རས་གཟིགས་ཀྱི་རྣམ་པས་ཡུམ་གྱི་ལྷུམས་སུ་ཞུགས། འཇམ་དཔལ་དང་བིཪྺ་པས་རྗེས་སུ་བཟུང་། དུས་གཅིག་ལ་སྐུའི་བཀོད་པ་དྲུག་བསྟན། བདེ་བ་ཅན་སོགས་གཞིར་གཤེགས་པའི་ཚུལ་བསྟན། བསོད་ནམས་རྩེ་མོ་མཁའ་འགྲོ་མས་ལུང་བསྟན་པ་ཀོ་ཤྭམྦྷིའི་པཎྜི་ཏ་དེ་བ་མ་ཏིས་བསྒྲགས། འཁྲུངས་མ་ཐག་ནས་བདག་ནི་བྱིས་པའི་སྤྱོད་པ་ལས་འདས་པའོ། །ལན་གཉིས་གསུངས། འཇམ་དབྱངས་སོགས་ཀྱིས་རྗེས་སུ་བཟུང་། སྐུའི་བཀོད་པ་གསུམ་བསྟན། སྤྲུལ་པའི་དཀྱིལ་འཁོར་མངོན་སུམ་དུ་བསྟན་ནུས། གངྒཱ་ཚུན་དུ་རྡོ་རྗེ་ཐེག་པ་ལ་མཁས། སྐུ་ལུས་མ་སྤངས་པར་གཤེགས། གྲགས་པ་འཇམ་དཔལ་རྩ་རྒྱུད་ལས་ལུང་བསྟན། མཁས་པའི་རྣམ་དཔྱོད་ཀྱིས། གྲགས་ལྡན་སྡོམ་བརྩོན་སོགས་གསུངས། གྲུབ་པ་རྡོ་རྗེ་དྲིལ་བུ་ནམ་མཁའ་ལ་འཇོག་པ་དང་། ཉི་མ་བཟུང་བ་སོགས་སྐྱེ་བ་གསུམ་ན་མཆོག་གི་དངོས་གྲུབ་མཛད། ས་པཎ། གསུང་བྱེ་བ་ནས་སཾ་སྐྲྀ་ཏའི་སྐད་དང་ཡི་གེ་རང་བརྡོལ། མུ་སྟེགས་བཏུལ། ས་དང་པོ་བརྙེས། དྲུག་ཅུ་རྩ་གསུམ་པར་རྒྱ་ནག་ཏུ་ཕེབས། སྐྱེ་བ་གསུམ་པར་མངོན་དགའི་ཞིང་དུ་དྲི་མ་མེད་པའི་དཔལ་དུ་སངས་རྒྱས། འཕགས་པ། སྤྱན་རས་གཟིགས་ཀྱི་སློབ་མ་ས་སྟོན་རི་པ་བསམས་བཞིན་དུ་སྲིད་པ་བཞེས། ཆུ་མིག་ཆོས་འཁོར་གྱི་ཚེ་གྲུབ་ཆེན་བརྒྱད་ཅུ་དང་གནས་བརྟན་བཅུ་དྲུག་སོགས་དང་ཆོས་ཀྱི་བགྲོ་བ་མཛད། ཟིན་ཤིང་གི་སྟོན་པ་བཅུ་བདུན་བཏུལ། ཡན་ལག་ལྔ་རྒྱལ་བ་རིགས་ལྔར་སྤྲུལ། ། ༈ རྒྱལ་པོ་བཀའ་ཐང་དུ། ཐ་ཆུང་མཇིང་ཡོན་མུ་ཏིག་བཙད་པོ་ལ། །རྒྱས་པར་བཤད་ན་ལེགས་པ་ལྔ་དང་ལྡན། །ཐུགས་སྒམ་བཀའ་བཙན་ཁོང་བ་ཡངས་པ་དང་། །ཟུངས་ཐུབ་དཔྱད་པས་མཐུ་སྟོབས་རབ་ཏུ་ཆེ། །རྒྱལ་སྲས་མཇིང་ཡོན་ལེགས་པའི་བློ་གྲོས་ཀྱི། །ཆེ་བའི་ཡོན་ཏན་རྒྱས་པར་འོག་ཏུ་འཆད། །ཅེས་དང་། འཛམ་གླིང་ཆུང་ངུ་འདི་ལ། འཕགས་ཡུལ། བོད། ལི། རྒྱ་ནག །ཀཻ་ལ་ཤ །གངས་ལྡན་རེ་ལས་ས་དུམ་བུ་དྲུག་གོ །རང་བཞིན་རྐྱེན་དང་རྣམ་འགྱུར་གསུམ། །བརྡ་སྤྲོད་གཞུང་གི་བརྗོད་བྱ་ཡིན། །ཅེས་དང་། མངོན་སུམ་དང་ནི་རྗེས་སུ་དཔག །ལྟར་སྣང་དང་བཅས་བདག་རིག་བྱེད། །སྒྲུབ་པ་དང་ནི་སུན་འབྱིན་པ། །ལྟར་སྣང་དང་བཅས་གཞན་རིག་བྱེད། །ཅེས་སོ། །དུས་འཁོར་བསྡུས་རྒྱུད་ཕྱི་མ་ལས། ཕྱོགས་ཀྱི་གླང་པོ་གཞན་ལ་ཕན་པའི་བསམ་པ་བཙུན་པ་ཟླ་བ་པདྨའི་མྱུ་གུ་དང་། །ཞེས་སོ། །རི་ཡི་མཆོག་ནི་རི་རབ་ཡིན། །སྒོ་ང་ལས་སྐྱེས་རྣམས་ཀྱི་ནི། །མཆོག་ནི་ནམ་མཁའ་ལྡིང་ཡིན་ནོ། །མི་ཡི་གཙོ་བོ་ས་བདག་སྟེ། །དེ་བཞིན་རི་མོ་སྒྱུ་རྩལ་གཙོ། །ཞེས་སོ། ། ༈ ལུས་དང་བྱིས་པ་མོ་ནད་གདོན། །མཚོན་དུག་རྒས་དང་རོ་ཙ་བ། །གསོ་དཔྱད་གང་ལ་གནས་གྱུར་པ། །ཡན་ལག་བརྒྱད་ཅེས་དེ་ལ་བརྗོད། །ཅེས་ཡན་ལག་ཅན་གསོ་བྱ། གསོ་བྱེད། ཇི་ལྟར་གསོ་དང་། གསོ་བ་པོ་རྣམ་པ་བཞིས་བསྡུས་པ། ཡན་ལག་གསོ་བྱེད་ཀྱི་ཐབས་བརྒྱད་ལ་གནས་སོ། །སྙན་ངག་མངོན་བརྗོད་ཟློས་གར་དང་། །སྡེབ་སྦྱོར་དང་ནི་སྐར་རྩིས་ལ། །རིག་གནས་ལྔ། རྒྱན་ལས། རིག་པའི་གནས་ལྔ༴ ཞེས་དང་། མེ་ལོང་ལས། དེ་རྣམས་ཀྱིས་ནི་སྙན་ངག་གི །ལུས་དང་རྒྱན་ཡང་རབ་ཏུ་བསྟན། །ཅེས་དང་། སྨྲ་སྒོར། འདོད་རྒྱལ་ཐོག་མའི་མིང་གང་ཡིན། །རྗེས་གྲུབ་དེ་ནི་བཏགས་པའོ། །ཞེས་དང་། ། ༈ འདུལ་བ་ལུང་ལས། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་དང་། །སྨན་དང་གོས་དང་སྲ་བརྐྱང་དང་། །ཀཽ་ཤཱམྦྷི་དང་ལས་ཀྱི་གཞི། །དམར་སེར་ཅན་དང་གང་ཟག་དང་། །སྤོ་དང་གསོ་སྦྱོང་གཞག་པ་དང་། །གནས་མལ་དང་ནི་རྩོད་པ་དང་། །དགེ་འདུན་དབྱེན་རྣམས་བསྡུས་པ་ཡིན། །ཅེས་དང་། མཛོད་ལས། ལས་མ་གཏོགས་པའི་འདུས་བྱས་ནི། །ཟག་བཅས་གང་ཕྱིར་དེ་དག་ལས། །ཟག་རྣམས་ཀུན་ཏུ་རྒྱས་པར་གྱུར། །ཅེས་དང་། རྒྱན་ལས། རྣམ་ཀུན་མཁྱེན་ཉིད་ལམ་ཤེས་ཉིད། །དེ་ནས་ཐམས་ཅད་ཤེས་པ་ཉིད། །རྣམ་ཀུན་མངོན་རྫོགས་རྟོགས་པ་དང་། །རྩེ་མོར་ཕྱིན་དང་མཐར་གྱིས་པ། །སྐད་ཅིག་གཅིག་མངོན་རྫོགས་བྱང་ཆུབ། །ཆོས་ཀྱི་སྐུ་དང་དེ་རྣམས་བརྒྱད། །ཅེས་དང་། དབུ་མ་རྩ་བ་ལས། བདག་ལས་མ་ཡིན་གཞན་ལས་མིན། །གཉིས་ཀ་མ་ཡིན་རྒྱུ་མེད་མིན། །དངོས་པོ་གང་དང་གང་ལས་ཀྱང་། །སྐྱེ་བ་ནམ་ཡང་ཡོད་མ་ཡིན། །ཞེས་སོ། ། ༈ རྒྱུད་བླ་མ་ལས། འདུས་མ་བྱས་ཤིང་ལྷུན་གྱིས་གྲུབ། །གཞན་གྱི་རྐྱེན་གྱིས་རྟོགས་མིན་པ། །མཁྱེན་དང་བརྩེ་དང་ནུས་པར་ལྡན། །དོན་གཉིས་ལྡན་པའི་སངས་རྒྱས་ཉིད། །ཅེས་དང་། བསམ་མེད་གཉིས་མེད་རྟོག་མེད་དང་། །དག་གསལ་གཉེན་པོའི་ཕྱོགས་ཉིད་ཀྱིས། །གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་ཆོས། །ཞེས་དང་། ཇི་ལྟ་ཇི་སྙེད་ནང་གི་ནི། །ཡེ་ཤེས་གཟིགས་པ་དག་པའི་ཕྱིར། །བློ་ལྡན་ཕྱིར་མི་ལྡོག་པའི་ཚོགས། །བླ་མེད་ཡོན་ཏན་དང་ལྡན་ཉིད། །ཅེས་སོ། །བཀའ་ནི་རྒྱུད་བླ་མར། གང་ཞིག་དོན་ལྡན་ཆོས་དང་ཉེར་འབྲེལ་ཞིང་། །ཁམས་གསུམ་ཀུན་ནས་ཉོན་མོངས་སྤོང་བྱེད་གསུང་། །ཞི་བའི་ཕན་ཡོན་སྟོན་པར་མཛད་པ་གང་། །དེ་ནི་དྲང་སྲོང་གསུང་ཡིན་ལྡོག་པ་གཞན། །ཅེས་དང་། གང་ཞིག་རྒྱལ་བ་སྟོན་པ་འབའ་ཞིག་གི །དབང་བྱས་རྣམ་གཡེངས་མེད་ཡིད་ཅན་གྱིས་བཤད། །ཐར་པ་ཐོབ་པའི་ལམ་དང་རྗེས་འབྲེལ་བ། །དེ་ཡང་དྲང་སྲོང་བཀའ་བཞིན་སྤྱི་བོས་བླང་། །ཞེས་སོ། །མངོན་མཛོད་གནས་དང་པོས་ཕུང་ཁམས་སྐྱེ་མཆེད། གཉིས་པས་དབང་པོ། གསུམ་པས་སྣོད་ཀྱི་འཇིག་རྟེན། བཞི་པས་ལས། ལྔ་པས་ཉོན་མོངས། དྲུག་པས་ལམ་དང་གང་ཟག །བདུན་པས་སངས་རྒྱས་ཀྱི་ཐུན་མོང་མ་ཡིན་པའི་ཡེ་ཤེས། བརྒྱད་པས་ཐུན་མོང་པའི་ཡོན་ཏན་བསམ་གཟུགས་སོགས། ། ༈ ཐམས་ཅད་མཁྱེན་པ་ཡེ་ཤེས་སྐུ་དང་ཉིན་མོར་བྱེད་པའི་སྐུ་སྟེ་པདྨའི་འདབ་མ་རྒྱས་པའི་སྤྱན། །སངས་རྒྱས་སེང་གེའི་ཁྲི་ལ་བཞུགས་པ་ལྷ་མཆོག་རྣམས་ཀྱིས་བཏུད་ལ་རྒྱལ་པོ་ཟླ་བ་བཟང་པོ་ཡིས། །མགོ་བོས་རབ་ཏུ་ཕྱག་འཚལ་ལག་པའི་པདྨ་སྦྱར་བ་ཡན་ལག་མཆོག་ལ་བཞག་ནས་ཞུས་པ་ནི། །རྣལ་འབྱོར་དཔལ་ལྡན་དུས་འཁོར་ཨ་ཕྲེང་ལྡན་པའི་ཀ་འདུས་ལ་སྟེ་མི་རྣམས་དགྲོལ་བའི་དོན་དུའོ། ༡ །དུས་ཀྱིས་སྟོང་པ་རྣམས་ལས་རླུང་དང་འབར་བྱེད་ཆུ་དང་འཛིན་མ་གླིང་དང་རི་བོ་རྒྱ་མཚོ་དང་། །རྒྱུ་སྐར་དང་ནི་ཉི་ཟླ་སྐར་མ་གཟའ་ཡི་ཚོགས་དང་དྲང་སྲོང་ལྷ་དང་འབྱུང་པོ་ཀླུ་རྣམས་དང་། །དུད་འགྲོ་སྐྱེ་གནས་རྣམ་པ་བཞི་དང་སྣ་ཚོགས་པ་དང་འོག་ཏུ་མི་རྣམས་དང་ནི་དམྱལ་བ་ཡང་། །སྟོང་པའི་དབུས་སུ་ཡང་དག་འབྱུང་སྟེ་ཆུ་ལ་ལན་ཚྭ་དང་ནི་སྒོ་ངའི་དབུས་སུ་སྒོང་སྐྱེས་བཞིན། ༤ །དེ་ལྟར་རྒྱུ་སྐར་གཟའ་སྟེ་དབྱངས་ཚོགས་ཚེས་རྣམས་དག་ནི་དེ་ཉིད་ལྔ་ཡི་རབ་ཏུ་དབྱེ་བ་མིས། །ཕྱོགས་དང་ཟླ་བ་བགྲོད་པ་དག་དང་ལོ་དང་དྲུག་ཅུའི་ལོ་རྣམས་ལ་ནི་འདིར་ནི་འཆར་བར་འགྱུར། ༧ དབང་ལེར ༩༨ ། དང་པོར་ཡང་དག་བསྟེན་བྱ་བླ་མ་དག་ཀྱང་དམ་ཚིག་ལྡན་ཅིང་རྡོ་རྗེ་ཐེག་ལ་ལྷག་པར་གནས། །དེ་ཉིད་བསྒོམས་ཤིང་མ་ཆགས་དྲི་མ་དག་དང་རྣམ་པར་བྲལ་ཞིང་བཟོད་པའི་ངང་ཚུལ་ལམ་ལ་ཞུགས། །སློབ་མ་རྣམས་ལ་ལམ་ནི་སྦྱིན་བྱེད་དམྱལ་བའི་འཇིགས་པ་འཕྲོག་ཅིང་དེ་ཉིད་ལས་ནི་ཚངས་སྤྱོད་ལྡན། །བདུད་རྣམས་ལ་ནི་རྡོ་རྗེའི་དབྱུག་པ་དེ་ཡང་འཛིན་མའི་གཞི་ལ་རྡོ་རྗེ་སེམས་དཔར་རབ་གྲགས་པའོ། ༢ །ནང་ལེའི་འགྲེལ་བར། གང་ཞིག་ཆེན་པོའི་མི་རྣམས་སྨིན་པར་བྱ་བའི་དོན་དུ་མངལ་ནི་འཛིན་པ་འདི་མཛད་ཅིང་། །སྲིད་པའི་འཆིང་ལས་ངེས་པར་གྲོལ་ཡང་སྲོག་ཆགས་རྣམས་ཀྱི་ལམ་གྱི་སླད་དུ་སྲིད་པ་སྟེ། །སྣ་ཚོགས་སྐྱེས་རབས་ཕྲེང་བ་ཡོན་ཏན་དང་ལྡན་སེམས་ཅན་དོན་གཉེར་རྣམས་ཀྱིས་མཐར་གྱུར་པ། །དང་པོའི་སངས་རྒྱས་རྫུ་འཕྲུལ་ཆེ་ལྡན་སྤྱོད་པ་དག་སྟེ་སྐྱོབ་པ་དེ་ལ་ཕྱག་འཚལ་ལོ། ། ༈ སྒྲུབ་ཐུབ་པ་འཁྲུངས་ནས་ལོ་ཉིས་སྟོང་བརྒྱད་བརྒྱ་ཉེར་བརྒྱད། པའི་དུས་ཀྱི་ལོ་གྲངས་ཆིག་སྟོང་ཉིས་བརྒྱ་སོ་དགུ་འདས་པ། ལྷག་མ་ཉིས་བརྒྱ་ང་གཉིས་དང་། ལུང་གི་དུས་ཡོངས་རྫོགས། རྟགས་ཙམ་འཛིན་པའི་ལྔ་བརྒྱ་ཕྲག་གཅིག་གནས་པ། ཁྱོན་ལོ་ཉིས་སྟོང་ཉིས་བརྒྱ་དང་གཉིས་གནས་པ། རབ་བྱུང་བཅུ་བཞི་པའི་དོན་གྲུབ་ཅེས་པ་ས་མོ་ལུག་གི་ལོ། དུས་ཚིགས་དྲུག་ཏུ་དབྱེ་བའི་སྟོན་གྱི་དུས། ཧོར་ཟླ་དགུ་པ་དབྱུག་གུ་ཟླ་བའི་དཀར་ཕྱོགས་ཀྱི་བཟང་པོ་གཉིས་པ། རེས་གཟའ་ལྷག་པ་དང་རྒྱུ་སྐར་གྱི་རྒྱལ་པོ།། །། ༈

བདེ་མཆོག་སྙན་བརྒྱུད་དུ་གྲགས་པ་ནི། ངེས་བརྗོད་འབུམ་སྡེ་ལས་ཕྱུང་བའི་བདེ་མཆོག་ཉུང་ངུའི་རྒྱུད་ཀྱི་སྦས་དོན་ཉིད། རྡོ་རྗེ་འཆང་ཆེན་པོའི་༡རྣལ་འབྱོར་མ་ལ་སྙན་བརྒྱུད་རྡོ་རྗེ་རྣལ་འབྱོར་མའི་སྒོ་ནས་འཆད་པར་མཛད་པ་ལས། འདི་མཁའ་འགྲོས་བསྐུལ་ནས་ཨོ་རྒྱན་དུ་རྡོ་རྗེ་རྣལ་འབྱོར་མ་དངོས་ལས་གསན། དེ་ཉིད་རྣལ་འབྱོར་དབང་ཕྱུག་ཏིལླི་པས་འགྲེལ་པ་གཞུང་ཆུང་གིས་གཏན་ལ་ཕབ་ཅིང་ཇོ་བོ་ནཱ་རོ་ཏྟ་པས་དཀའ་ཆེན་བཅུ་གཉིས་སྤྱོད་པའི་དུས་སུ་བརྡ་ཡི་སྒོ་ནས་བསྟན་ཅིང་མཐར་མཆིལ་ལྷཱམ་དཔྲལ་བར་བརྒྱབས་པས་སློབ་དཔོན་གྱི་དགོངས་པ་པར་གྱིས་བཏབ་པ་བཞིན་འཕོས། དེ་ལ་རྗེ་མར་པ་ལོ་ཙཱ་དང་། དེས་རྗེ་བཙུན་མི་ལ། དེས་རྗེ་བཙུན་འཇའ་ལུས་ཀྱི་སྐུ་ཅན་རས་ཆུང་རྡོ་རྗེ་གྲགས་པ་ལ་གདམས་པར་མཛད་པ། འདིའི་བརྒྱུད་པ་ལ་རྒྱལ་བ་དགོངས་བརྒྱུད། ལུང་བསྟན་གཏད་རྒྱའི་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་གི་བརྒྱུད་པ་སྟེ་བཞི་ལྡན་དུ་མཛད་དོ། །ལམ་གྱི་རིམ་པ་ནི། མཚན་ཉིད་དང་ལྡན་པའི་བླ་མ་དང་། སློབ་མའི་རྟེན་འབྲེལ་འགྲིགས་ནས། བསྟན་བྱ་ཆོས་ཀྱི་གནས་ལུགས་དངོས་ལ། ཕྱི་སྒྲོ་འདོགས་གཅོད་པར་བྱེད་པ་སྤྲུལ་སྐུའི་གདམས་པ་བརྒྱུད་པ་ཡིད་བཞིན་གྱི་ནོར་བུ། ནང་ཉམས་ལེན་ལོངས་སྤྱོད་རྫོགས་པ་སྐུའི་གདམས་པ་སྨིན་ལམ་ཡིད་བཞིན་ནོར་བུ། གསང་བ་ངོ་སྤྲོད་ཆོས་སྐུའི་གདམས་པ་གྲོལ་ལམ་ཡིད་བཞིན་ནོར་བུ་དང་གསུམ་ལས། དང་པོ་ནི། སྔར་སྨོས་པ་ལྟར་རོ། །གཉིས་པ་ནི། ཐབས་ལམ་གཙོ་བོར་སྟོན་པ་རྡུལ་ཚོན་ལ་སོགས་པའི་དཀྱིལ་འཁོར་ལ་བརྟེན་ནས་དབང་སྤྱི་ལུགས་སུ་བསྐུར་བ། ཤེས་རབ་གཙོར་སྟོན་སིནྡྷུ་རའི་དཀྱིལ་འཁོར་དུ་ཟབ་མོ་བརྡའི་དབང་བསྐུར་བ། དབང་དོན་མདུད་པའི་འགྲོལ་ཚུལ་ལོ། །གསུམ་པ་ནི། བུམ་དབང་དང་འབྲེལ་བ་སྒོམ་པ་གཙོ་བོར་སྟོན་པ་ཐུན་མོང་ཡིད་བཞིན་ནོར་བུ། སྤྱི་དང་འབྲེལ་བར་བསྲུང་བྱ་གཙོ་བོར་སྟོན་པ་དམ་ཚིག་ཡིད་བཞིན་ནོར་བུ། མཆོག་དབང་དང་འབྲེལ་བ་གནས་ལུགས་ཡིད་བཞིན་ནོར་བུ་དང་གསུམ་ལས། དང་པོ་ལ། རྒྱལ་པོ་ཆོས་ཉིད་མི་འགྱུར་པ་བསྐྱེད་པའི་རིམ་པ་དངོས་དང་། བློན་པོ་རིགས་གསུམ་ལས་བྱེད་ཅེས་ཚོགས་ཀྱི་འཁོར་ལོ་སོགས་དང་། དམ་པ་ཕལ་པ་ཕྲིན་ལས་མཐུན་སྦྱོར་གྱི་གདམས་ངག་ཅེས་ཁ་ཟས་ཀྱི་རྣལ་འབྱོར་ལ་སོགས་པའོ། །གཉིས་པ་ནི། ཟབ་པ་དང་རྒྱ་ཆེ་བ་ཟུང་དུ་འཇུག་པའི་དམ་ཚིག་གསུམ་མོ། །གསུམ་པ་ལ། གསང་དབང་དང་འབྲེལ་པ་རྫོགས་རིམ་རྩ་རླུང་གི་གནད་སྟེང་སྒོ་རྣམ་པར་གྲོལ་བའི་ཆོས་དང་། ཤེར་དབང་དང་འབྲེལ་བ་མཁའ་འགྲོའི་གསང་སྒྲོག་འོག་སྒོ་བདེ་ཆེན་དང་། ཚིག་དབང་དང་འབྲེལ་བ་ཕྱག་རྒྱ་ཆེན་པོ་ཡེ་ཤེས་གསལ་བྱེད། ལམ་བློ་ནས་ཆོད་པའི་བར་དོ་ལམ་ཁྱེར། གཅིག་ཅར་བྱ་སྤྱོད་ཚོགས་སུ་བསྒྱུར་བའི་གདམས་ངག་དང་ལྔ་ལས། དང་པོ་ལ། གཏུམ་མོ་བདེ་དྲོད་རང་འབར། སྒྱུ་ལུས་ཆོས་བརྒྱད་རང་གྲོལ། རྨི་ལམ་འཁྲུལ་བ་རང་སངས། འོད་གསལ་མ་རིག་མུན་བྲལ། འཕོ་བ་གསེར་འགྱུར་གྱི་རྩི། གྲོང་འཇུག་སྦྲུལ་ལྤགས་འདོར་ལེན་དང་དྲུག་གོ །གཉིས་པ་ལ་བསྟེན་བྱ་ཕྱག་རྒྱའི་རྣམ་དབྱེ། བསྟེན་ཚུལ་མཁའ་འགྲོའི་གསང་སྒྲོག །བསྟེན་འབྲས་བདེ་ཆེན་འཆར་རིམ་བཤད་པའོ། །གསུམ་པ་ལ། སྒོམ་པ་སྤྲུལ་སྐུའི་གནད་ངོས་བཟུང་། སྒོམ་བྱེད་ལོངས་སྤྱོད་རྫོགས་སྐུའི་བྱ་བ་བསྟན། བསྒོམ་བྱ་ཆོས་སྐུ་ཕྱག་རྒྱ་ཆེན་པོའི་དོན་བཤད་པ་གསུམ་མོ། །བཞི་པ་ལ། ནུས་ལྡན་བཞིའི་བར་དོ། ངེས་ཤེས་རྟགས་ཀྱི་བར་དོ། ངོ་སྤྲོད་འབྲས་བུའི་བར་དོ་གསུམ་མོ། །ལྔ་པ་ལ། ལམ་སྤྱིའི་གེགས་སེལ། བྱ་སྤྱོད་ཚོགས་སུ་བསྒྱུར་བ། འབྲས་བུ་མཆོག་གི་དངོས་གྲུབ་བཤད་པའོ། །ཡང་ཏིལླི་པས་རྡོ་རྗེ་རྣལ་འབྱོར་མ་ལས་སྙན་བརྒྱུད་ཡིད་བཞིན་ནོར་བུ་འདི་བཞེས་ནས་ཤར་ལོགས་སུ་བྱོན་པའི་ལམ་དུ་ལུས་མེད་པའི་མཁའ་འགྲོ་མ་དེས་ཆ་ལག་ལམ་ཕྲན་དགུ་བསྟན་པའི་ནང་ནས། ལྔ་མར་པ་དང་། བཞི་རས་ཆུང་པས་སྤྱན་དྲངས་པ་ཡུམ་བཀའི་ཆ་ལག་གོ །འདིའི་འབྲས་བུའི་སྐབས། མ་ཆགས་པདྨའི་ས་སོགས་གསུངས་པར། མཉམ་སྦྱོར་འགྲེལ་པར། སངས་རྒྱས་ཀྱི་ས་ཀུན་ཏུ་འོད་དང་། པདྨོ་ཅན་དང་། ཡི་གེའི་འཁོར་ལོ་ཚོགས་ཆེན་དང་། རྡོ་རྗེ་འཆང་བ་དང་། ཡེ་ཤེས་བླ་མའི་ས་དང་། བདེ་བ་ཆེན་པོའི་ས་རྣམས་རིམ་བཞིན་དུ་སྦྱར་ནས་གཅིག་ཅར་འཐོབ་པའོ། །ཞེས་པའི་པདྨོ་ཅན་དང་དོན་གཅིག །འདིའི་ལུས་རྩ་དག་པ་སྐུ་ཐམས་ཅད་པ་ཡིན་པའི་ཕྱིར། པདྨའི་འདབ་མ་རྒྱས་པའི་སྤྱན་ནོ། །དེ་བཞིན་ངག་དག་པ་གསུང་རྣམ་པ་ཐམས་ཅད་པ་ཉིན་མོར་བྱེད་པ་ཡི་གེའི་འཁོར་ལོ་ཚོགས་ཆེན་གྱིས། ཡིད་ཐིག་ལེ་དག་པ་ཡེ་ཤེས་ཀྱི་སྐུ་རྡོ་རྗེ་འཆང་བ་དང་། རྣམ་ཤེས་སམ་ཡེ་ཤེས་དག་པས་བདེ་བ་དང་ལྷན་ཅིག་སྐྱེས་པའི་སྐུ། ཡེ་ཤེས་བླ་མ་དང་བདེ་བ་ཆེན་པོའི་ས། རིམ་བཞིན་དུ་སྦྱར་བ་ནི་དབང་བཞིའི་འགྲོས་ལ་སློབ་པ་དང་མངོན་དུ་བྱེད་པ་ནི་གཅིག་ཅར་ཏེ། དེ་ལྔ་རྣམ་པར་མི་ཕྱེད་པས་སོ། །དེ་ལྟ་བུའི་ས་བཅུ་དྲུག་ཏུ་བཤད་པའང་དགའ་བའི་གྲངས་དང་སྦྱར་བ། གནས་སོགས་ཀྱི་དབྱེ་བས་ས་བཅུ་གཉིས་དང་། རྩ་རྒྱུད་ལས་ས་བཅུ་གཅིག་མདོ་དང་བསྟུན་པར་མཛད་དོ། །ཨེ་མ་ཧོ་ཞེས་པ་ནི་ཤིན་ཏུ་རྨད་དུ་བྱུང་བས་གླེང་བསླང་བ་སྟེ། རྩ་བའི་ཨ་ཡིག་དེ་ཉིད་རྟོགས་པར་བྱེད་པ་བདུན་པའི་མཐའ་ཅན་ཨེ་རུ་འགྱུར་ལ། དེའི་གྲོགས་སྟོབས་ཀྱིས་ཨ་ཝྃ་ཡིག་དང་། ཧོ་དེ་གཉིས་སྦྱོར་བ་སྟེ། དོན་དམ་པར་ཨེ་ཝྃ་གཉིས་སུ་མེད་པའི་སྒྲས་བསྟན་ཅིང་བསམ་གྱིས་མི་ཁྱབ་པའི་ཆོས་ཕུང་ཐམས་ཅད་ཀྱི་འབྱུང་གནས་པཱ་དཱའི་དེ་ཁོ་ན་ཉིད་དོ། །བི་རཱ་མ་ཞེས་པ། བི་བྲལ་པའི་དོན་དུ་བྱས་ན། དགའ་བྲལ་དང་། ཁྱད་པར་གྱི་དོན་དུ་བྱས་ན་ཁྱད་པར་དགའ་ཞེས་བསྒྱུར་ཡང་། དོན་ཕྱི་མ་བཟང་བར་གྲགས་སོ། །སཱུ་ཏྲ་ཞེས་པ་དོན་མདོར་བྱས་ནས་སྟོན་པས་མདོ་དང་། མནྟྲ་ཞེས་པ་དེ་རྒྱས་པར་ཤེས་པའི་དབང་རྣོན་ལ་སྟོན་པས་ན་སྔགས་ཏེ་མདོ་རྒྱན་དུ་བཤད་དོ།། །། ༈

[edit]

gsang 'dus rim lnga'i khrid kyi zin bris lo chen byang rtses mdzad pa sogs sna tshogs/ gsang 'dus rim lnga'i khrid kyi zin bris lo chen byang rtses mdzad par/__de la 'dir dus gsum gyi sangs rgyas thams cad kyi 'grod pa gcig pa'i lam bde bar gshegs pa'i gsung rab mdo rgyud zab mo thams cad kyi dgongs pa mthar thug pa/__rnal 'byor chen po thabs kyi rgyud dpal gsang ba 'dus pa rtsa ba'i rgyud kyi dgongs pa/__bshad rgyud bzhi'am brgyad kyis bkral ba'i don/__slob dpon 'phags pa klu sgrub la sogs pas gsal bar mdzad pa zab lam rim pa lnga'i 'khrid tshul 'di nyid ni gang bshad par bya ba'i chos yin la/__de 'chad par byed pa la/__thog mar chos gsan pa'i kun slong phun sum tshogs pa lnga'i ting nge 'dzin gsal btab nas gsan dgos te/__de'ang gnas khang 'di nyid gnas phun sum tshogs pa stug po bkod pa lta bu longs sku'i zhing khams/__bdag 'chad pa po ston pa phun sum tshogs pa rdo rje 'chang dngos/__khyed rang nyan pa po rnams 'khor phun sum tshogs pa sa bcu'i byang chub sems dpa' sha stag__/gang bshad bya'i chos de'ang thog mtha' bar gsum dge ba rdo rje theg pa tshe gcig gis sangs rgya ba'i thabs mchog tu gyur pa/__de rnams 'dzom pa 'di nyid dus phun sum tshogs pa bsam gyis mi khyab pa'i dus te rgyud sde rin po che'i gleng gzhi phun sum tshogs pa lnga'i ting nge 'dzin gsal btab ste gsan 'tshal/__de la thog mar yid ches shing khungs btsun par bstan pa lo rgyus dang /__lo rgyus de ldan gyi gdams pa dngos gnyis/__phyi ma khrid ces khyad gzhir byas nas/__gang 'khrid na sems pa nyid rgyu rgyud/__gang gis khrid na thabs sam lam rgyud/__de la'ang sngon dngos rjes gsum/__dang po la/__thun mong pa bzhi/__dal 'byor=__'chi ba=__'khor=__mya ngan las 'das pa'i phan yon bsam pa/__las 'bras la yid ches bskyed pa/__lam log pa las khyad par du bya ba skyabs 'gro=__lam dman=__byang chub tu sems bskyed pa rnams dang /__thun mong ma yin pa la/__bla ma'i rnal 'byor bsgom pa/__tshogs rdzogs pa'i phyir phyag dang maN+Dal/__byin rlabs 'jug par byed pa mos gus gsol 'debs/__nyams grib dag par byed pa rdo rje sems dpa'i sgom bzlas/__dang po la gcig la bsgom pa 'di phyag len gtso bor mdzad/__'di'i bstim skabs steng nas byon pa thams cad kha ba bu yug 'tshubs pa lta bu gsungs/__thog mar rang gi sum ldan gyi bla ma nas chos 'brel thob pa yan dang /__de nas brgyud pa'i bla ma/__tshe rabs gzhan du mjal ba'i bla ma sogs/__bstod pa'i skabs/__khong stong khyod kyi sku la ni/__/sogs dang rin po che'am/__sa'am/__rdo'am/__shing las grub pa'i maN+Dal khru gang las mi chung ba'i dbus su lag pa g.yas pa me tog dang bcas pas reg la/__oM badz+ra=__zhes brjod cing dbang chen gser gyi sa gzhir bsam/__dri zhim po'i chus dbus nas g.yas bskor gyis byug la/__de'i gsang sngags pa rgyun du bde ba'i brlan dang ma bral bar byed pa'i brda'o/__/mtha' skor du zhugs te/__oM badz+ra re khe=__zhes brjod pas khor yug gsal btab cing lag pa ma bteg par me tog cig bzhag go__/de nas lag pas tshom bu bdun 'god cing /__ngag tu/__ri'i rgyal po ri rab=__zla ba nyi ma zhes brjod/__sems kyis de dag bsgom pa sum phrugs su byas te sogs gsungs/__gsol 'debs tshar nas/__bla ma'i thugs ka'i 'od zer gyis snod bcud lha dang gzhal yas khang du gyur/__'phags pa mchod/__de dag gi thugs gnyis su med pa'i ye shes bdud rtsis rang la dbang bskur bas sgrib pa dag__/dbang bskur ba'i snod rung du gyur par bsams la dbang blang zhes gsungs/__dbang bzhi'i skabs/__bskyed rim/__sgyu lus/__'od gsal zung 'jug bsgom pa la dbang /__rdo rje bzhi'i bag chags rgyud la bzhag par bsam/__zhes gsungs/__rdor sems skabs dmigs pas skyo na klog pa'i tshul du bzla/__'on kyang khrid skabs 'dir dmigs pa gtso/__thun mjug byang sems kyi lus khengs par bsam/_rjes su 'khor gsum yang dag gi ngang du bzhag gsungs//___//__!_ slob dpon sangs rgyas ye shes zhabs kyis mdzad pa'i grol ba'i thig le'i 'grel ba slob dpon chen po hi ta pA da ste sman zhabs kyis mdzad par/__dga' ba rnam pa gsum gyi zug rngu'i nyes pa thams cad dang bral zhing /__/tshogs gnyis dag pa'i ngo bo rtogs pas 'jam dpal te/__/zhes so/__/slob dpon shAkya bshes gnyen gyis thams cad rang rig rnam par dag pa'i rim pa las/__ji ltar bstod cing phyag 'tshal ba/__/gang la phyag 'tshal gang gis 'dud/__/ji ltar chu la chu thim dang /__/ji ltar mar la mar zhu bzhin/__/rang gi rang rig ye shes che/__/legs par mthong ba de 'dir phyag__/'on kyang kun mkhyen ma thob par/__/de ni nye bar mi dmigs te/__/mi shes mun pas bsgribs pa na/__/drin gyi snang ba yang dag skye/__/zhes dang /__rdo rje thod pa las/__ra zhes bya ba rdo rjer bshad/__/ha zhes bya ba pad+mar bshad/__/s+ya zhes bya ba sa bon no/__/zhes rdo rje dang pad+ma sa bon gsum la ra ha s+ya ste gsang ba'i sgrar bshad do/__/yang /__de'i zab mo ji lta bu zhe na/__rnam par rtog pa zhes pa la sogs pa'o/__/phyin ci log gi rnam par rtog pa kun dang bral bas bsam brjod thams cad las yang dag par gdod ma nas 'das pa/__nam mkha' bzhin du dngos po kun spangs pas dri ma med pa de las gsal ba'i ye shes 'byung ste so so skye bo la sogs pas kun tu brtag pa dang bral bas de la gting mi dpogs pa'i zab mo zhes bya'o/__/gsal ba gang zhe na/__phyag rgya chen po la sogs pa'o/__/de'i ngang las byung ba'i rtags la sogs pa'i phyag rgya chen po'i gzugs 'chang ba/__sgyu ma dang 'ja' tshon lta bur gsal ba nyid ni ma skyes pa'i sku/__rang dang 'gro ba gzhan gyi rgyud kyi nyon mongs rnam par sbyong ba de la ni yang dag par gsal ba zhes bya'o/__/de ltar zab mo dang gsal ba de gnyis su med pa'i rang bzhin dngos po thams cad la khyab pa'i bdag nyid 'khor ba'i chos kyis rab tu ma zin pa de la ni chos kyi dbyings zhes bshad do/__/zhes dang /__yang /__nam mkha' nam mkha'i spyod yul lo/__/zhes pa ni/__sems nam mkha' lta bur mnyam par bzhag pas/__rang bzhin nam mkha' lta bu mtshan ma thams cad dang bral ba nyams par 'gyur ro/__/de yang ji tsam gyis rtogs she na/__gnyis su med pa 'di'i don shes shing rna ba nas rna bar brgyud pa'i man ngag chen po dang ldan pa'i bla ma dam pa dus rtag tu bkur ba dang ldan pas u dum+bA ra ltar dus 'ga' zhig ni sngon du bsod nams kyi tshogs bskyed pa dang /__skyes bu yang dag pa'i gzhi la brten pa'i bsod nams can 'ga' zhig gi rgyud la mi bslu ba'i de kho na nyid du skad cig la skye bar 'gyur ro/__/zhes dang /__'o na thams cad dkyil 'khor de lta bu yin na ji ltar sems can rnams kyis ma rtogs she na/__de 'dra'i rang rig ces pa la sogs pa'o/__/de'i don ni 'di lta ste/__de 'dra ba'i rang rig pa'i dkyil 'khor nam mkha' lta bu las thog ma med pa'i dus nas sprin gyi tshul du rtog pa 'byung ste/__de las rlung /__de las me/__de las chu/__de las sa/__de dag 'dus pa las phyin ci log tu snang ba'i phung po la sogs pa rab tu bsgrubs pas gang gi nam mkha'i dkyil lta bu'i dkyil 'khor de bsgribs par gyur pas ma rtogs zhes so/__/'o na ji tsam gyis rtogs she na/__skyes bu gang zhig ces pa la sogs pa'o/__/de yis byin rlabs zhes pa ni bum par sogs pa'i rim pas zhes so/__/rim pa de rtogs nas snga ma'i rim pas bsgrubs pa la shin tu dpa' bar bya bas mthong ba'i chos 'di nyid la brtul zhugs la sogs pa'i rim pas gnas na/__phyin ci log gi phung po la sogs pa rnams rim gyis log nas zhes pa ni sa chu la thim pa dang /__chu me la thim pa dang /__me rlung la thim pa dang /__rlung rnam par shes pa la thim pa'o/__/rnam par shes pa'i ye shes de yang gnyis su med pa'i ye shes la thim pas spros bral dkyil 'khor 'bar bar gyur/__zhes so/__/de bas na dkyil 'khor 'di 'ba' zhig bsgom par bya'o/__/zhes so/__/yang dag pa dang ma dag pa'i chos thams cad kyi don byed pas na sprul pa'i sku'o/__/mtshan dang dpe byad kyi sku brjod du med pa dang ldan pas na longs spyod rdzogs sku'o/__/ye shes kun rtog dang bral ba thams cad bsdus pa'i phyir na chos kyi sku'o/__/sku de yang khams gsum kun la 'jug cing gnas te/__sku'i dkyil 'khor sprul pa'i skus dag pa dang /__gsung gi dkyil 'khor longs spyod rdzogs pa'i skus dag pa dang /__thugs kyi dkyil 'khor chos kyi skus dag pa ste/__de lta bu'i sprul pa dpag med kyi spyi'i gzugs bdag po rdo rje 'chang ba ste zhes bya'o/__/zhes dang /__dga' ba'i sbyor ba gnyis dang /__dga' ba bar ma'i sbyor ba gnyis dang /__dga' bral gyi sbyor ba gcig dang /__gsum gyi sbyor ba gnyis te bdun rtogs pa'o/__/de rtogs nas 'khor ba ji srid yod pa de srid bar du ro myong ba'i mtshan nyid brgyad brtag pa dang sogs so/__/zhes dang /__de la sngags kyi sku zhes pa ni bskyed pa'i sku ste/__hU~M la sogs pa las byung ba'i phyir te ma dag pa'o/__/ye shes kyi sku zhes pa ni rdzogs pa'i sku ste dag pa'o/__/de yang gnyis su med pa'i ye shes dang /__zhes pa ni sgyu ma lta bu'i sku ste/__rnal 'byor pa gsum pas rtogs pa'i ye shes cung zad dag pa'i sku'o/__/rnam par dag pa'i sku zhes pa dang gnyis so/__/de la'ang gnyis so/__/mtshan nyid kyi tshul du gnas pas na mi bslu ba'i sku dang /__de ji bzhin ldeb 59bar yod pa'i 'bras bu'i sku'o/__/de gnyis ni ye nas shin tu dag pa'i sku ste sbyor ba bdun no/__/rdzogs pa'i rim pa'i rdzogs rim kyang de'o/__/zhes bshad do/__/'di nyid slob dpon chen po hi ta pA das mdzad tshul dang /__/ka ma la gu h+ya dang /__ye shes rgyal mtshan gyi 'gyur ro//___//__! ldeb 59nas/__dpal gsang ba 'dus pa'i dkyil 'khor gyi cho ga'i 'grel bar 121bar/__chos ni rnam pa gsum ste/__lung dang /__rtogs pa dang /__chos kyi dbyings so/__/de la lung gi gsung rabs yan lag dgu'o/__/rtogs pa ni sa dang pha rol tu phyin pa sogs pa dang /__nyon mongs pa dang shes bya'i sgrib pa spangs pa'o/__/chos kyi dbyings kyang gang zhe na/__de bzhin nyid dang yang dag pa'i mtha' dang don dam pa'o/__/zhes dang /__oM zhes pa ni gleng bslang ba nyid do/__/chos thams cad rang bzhin dang rgyu dang 'bras bu bral ba ni/__shU n+ya tA ste stong pa nyid do/__/de'i ye shes ni shU n+ya tA dz+nyA na ste stong pa nyid dang mtshan ma med pa dang smon pa med pa ro gcig pa'i sems zhes bya ba'i don to/__/de nyid ni badz+ra ste mi mthun pa'i phyogs rnams kyis mi shigs pa'i phyir dang /__des 'joms pa'i phyir dang /__'jigs pa med pa'i phyir rdo rje zhes bya'o/__/de yang rnam par dag pa'i mthar thug par phyin pa yin pa'i phyir de nyid dang por swa b+hA wa ste/__rang yod cing gnas pa'o/__/de yang de bzhin nyid kyi skus rang bzhin rnam par dag pa'i sems ni glo bur gyi sgrib pa dang bral ba'i rang bzhin du gnas pa zhes bya ba'i don to/__/de'i phyir rang bzhin gyis rnam par dag pa nyid yin pas bden pa'i bdag nyid can gyi rang gi ngo bo At+mako ste/__de lta bu gang yin pa de ni bdag yin pas a haM ste/__de ni stong pa nyid kyi ye shes kyi rdo rje'i rang bzhin gyi bdag nyid can ni bdag go__/de'i phyir byang chub kyi sems stong pa nyid kyi ye shes kyi sgras rang gi mtshan nyid la lhag par mos pa yin la/__rdo rje'i sgras ni rang gi mthar thug pa'i rnam par dag pa'o/__/rang bzhin gyi sgras ni mthar thug pa'i rnam par dag pa'i dus yang lhag ma med pa'o/__/bdag nyid can dang bdag gi sgra gnyis kyis ni de bdag nyid la rang bzhin gyis grub pa nyid yin pa nyid du lhag par mos pa ste/__ji ltar chos kyi dbyings thog ma dang tha ma med pa yin pa ltar byang chub kyi sems kyang de dang 'dra ste/__de kho na nyid la dmigs pa nyid kyis de gtso cher de bzhin nyid kyi rang bzhin can yin pa'i phyir ro/__/zhes bshad snang ngo /__/dgang gzar dang blugs gzar gnyis skyes bu tshad dang ldan pa'i mtheb sor nyi shu rtsa bzhi ni khru ste 'di gnyis kyi yu ba ni khru gang gi tshad du bya'o/__/'di gnyis ka'i yu ba'i 'og tu rdo rje dang rin po che sor drug par bya'o/__/de ltar yu ba khru gang rdo rje dang rin po che ni 'di gnyis thun mong gi mtshan nyid yin no/__/khyad par gyi mtshan nyid ni de'i steng zhes bya ba la sogs pa smos pa yin te/__re zhig dgang gzar gyi yu ba'i steng du rgyar sor bzhi zhes pa mchu dang rgyar sor bzhi yod pa zabs su sor gnyis gru bzhi pa ste nyid kyi char chu dang rgyar de tsam gyi dma' bar brkos pa de nyid kyi pad+ma'i 'dab ma byas la/__nang rdo rje zhes bya ba sor bzhi brkos pa de nyid kyi nang du dang po'i rdo rje gnas pa'o/__/mthar zhes bya ba thams cad kyi steng du rdo rje rtse gsum pa dang sor bzhi yod pa/__bar du zhes bya ba rtse gsum pa dang zur bzhi pa'i bar du pad+ma'i dbyibs 'dra ba yod pa/__gsher rdzas 'dzag pa'i bu ga mthe bo'i tshad tsam mam/__mthe'u chung gi tshad tsam blta bar bya ste/__yu ba'i steng du 'di lta bu bya ba ni dgang gzar yin no/__/blugs gzar ji lta bu zhe na/__blugs gzar sor gnyis pad+ma'i dbyibs/__/zabs su sor gcig nang rdo rje/__/zhes bya ba ste/__rdo rje rtse lnga pa gnas pa pad+ma'i dbyibs 'dra ba sor gnyis pa'i tshad zabs su sor gcig brkos pa'o/__/de'i nang na rdo rje rtse lnga pa zhes bya ba'i tha tshig go__/dgang gzar dang blugs gzar ni mchod sbyin gyi shing ngam/__gser dngul la sogs pa las byas pa'o/__/gal te de gnyis ma rnyed na sor mo lnga brkyang pas ni dgang blugs dbul lo/__/yang na sor mo gsum bcang bas dbul lo/__/zhes sogs dang /__btsa' ba nag por ri med pa/__mchu 'phyang ba/__mgrin pa ring ba/__lto ba che ba/__mgrin pa me tog gi phreng ba dang bcas pa'i gos bzang pos dkris pa/__yal ga lo 'bras bzang po yod pas kha brgyan la/__zhes dang /__'bru lnga ni til dang /__nas so ba dang /__ma sha dang /__'bras so ba dang /__gro'o/__/sman lnga ni/__br-i ha ti dang /__kaN+Da ka ri dang /__sha ta rak+Sha dang /__daN+Dot+sa la dang /__gi ri kar+N+Ni dkar po'o/__/rin chen lnga ni/__mu tig dang /__gser dang /__dngul dang /__byi ru dang /__mu men no/__/dri bzang chu ni spos chu cung zad do/__/zhes dang /__'di rnams kyi tshogs bsdus par gyur pa gang yin par me tog gi phreng ba btags pa'i rdo rje steng du bzhag pa/__zhes sogs bshad do/__/'di slob dpon sh+lo ka bzhi brgya lnga bcu'i TI ka ste/__rin chen 'byung gnas zhi pa'i zhabs kyis mdzad pa ste/__nIR+Ya b+ha dra dang /__rin bzang gis bsgyur ro/___/__!_ yan lag bzhi pa'i sgrub thabs kun tu bzang mo'i rnam bshad slob dpon bi ta pA das mdzad par stong pa rang bzhin med/__sogs kyi TI kar/__chos gang dang gang gi mtshan nyid kyi ngo bo rab tu bsgrags pa de shin tu mi rigs pa'i phyir de dang bral ba'o/__/yang na byis pas kun tu brtag par gzung ba dang 'dzin pa gcig dang du ma la sogs pa dang bral ba'i phyir dngos po ji snyed pa thams cad stong pa nyid do/__/rgyu med na zhes pa ni mu stegs la sogs pas brtags pa'i dbang phyug la sogs pa yod pa ma yin pa'i phyir chos thams cad mtshan ma med pa'o/__/tha snyad tsam du snang ba'i rgyu ni bkag pa ma yin pa'o/__/mtshan ma med pa ni dngos po med pa ste mtshan nyid dngos so/__/zhes gsungs so/__/rjes su dpag pa zhes bya ba ni rjes su dpyad pa ste lha dang mi la sogs pa'i 'gro ba bde ba la sogs pa ni rnam par dpyad pa dang bral ba'i phyir rjes su dpag pa med pa ste/__de bas na smon pa des bral lo/__/zhes dang /__yang de ltar shes nas snying rjer ldan pas/__sogs kyi thad du/__de ltar shes nas zhes pa ni dkyil 'khor gyi 'khor lo de srid pa'i sdug bsngal gyi gnyen po yin yang de nyid tshul gzhan las khyad par du gyur ba shes nas/__zhes so/__/rdzogs chen ye shes zhes pa ni dpag tu med pa'i ye shes gnyis su med pa bla ma la bsnyen bkur ba las byung ba rdzogs pa chen po'i ye shes so/__/skad cig gis bsgrub ces pa ni de lta bu'i ye shes dang ldan/__sems can gyi rgyud dang yang skad cig ces pa ste/__tshe 'di nyid la sangs rgyas pa'i bar du 'gyur ro/__/zhes pa'i don to/__/de bas na dpal kun tu bzang po zhes te/__dpal ldan ni zhing kun gyi rang bzhin du gyur bas na kun tu bzang po ste/__gnyis su med pa'i ye shes kyi rang bzhin bcom ldan 'das rdo rje sems dpa'o/__/gzhi'i dngos po zhes pa ni bcom ldan 'das ni chos thams cad kyi de kho na nyid yin cing /__myur du dka' ba med par sangs rgyas par 'gyur bar byed pa dang 'dus byas smin par byed pa'i phyir dang /__rang bzhin gyi don phun sum tshogs mar byed pa gzhi'i dngos po'o/__/de nyid snying rje dang ldan pa zhes te sems can sdug bsngal dang bral bar 'dod pas/__rang gi sems ji lta ba bzhin du gnas pa'i bcom ldan 'das de gang bsgom par mi byed ces te/__gzhan bskal pa grangs med pa gsum na bla dang bcas pa'i sangs rgyas 'dod pa rnams kyis 'di lta bu'i dpal dang ldan pa'i kun nas bkra shis pa'i ngo bo 'di gang dag bsgom par mi byed de bsgom par bya ba kho na yin no zhes pa'i don to/__/de bas na/__dpal ldan sangs rgyas kun gyi bdag__/rdo rje 'chang ba kun gyi gnas/__/chos rnams kun gyi chos nyid de/__/sangs rgyas kun gyi thabs bya yin/__/zhes le'u bco brgyad pa las gsungs so/__/zhes snang ngo /___/__! yang dkyil 'khor gyi sgrub pa'i thabs 179nas kyi rnam bshad slob 219bar dpon bi ta pA das mdzad par/__dkyil 'khor ni yid kyis sam rdul tshon gyis so/__/zhes so/___/__! yang slob dpon rat+nA ka ras/__gang rags pa'i sku'i dkyil 'khor ni yud tsam gyis mngon du byed par nus la/__phra ba sa'i snying po la sogs pa dang /__sku rdo rje la sogs pa mngon du byed par mi nus pas/__sngags kyi tshul khrims dang brtul zhugs dang yang ldan pa dag ni mthu thob pas/__de'i ye shes cung zad la dbang ba zhes bya ste/__legs zlos dang po'i las can yin/___/__!_ slob dpon rat+nA ka ras bzhi brgya ba'i 'grel pa snga ma las/__'dir gnas kyi dbye bas rnal 'byor ba rnams ni rnam pa bzhi ste/__las dang po pa dang /__ye shes la cung zad dbang ba dang /__ye shes la dbang thob pa dang /__yang dag par ye shes la dbang ba'o/__/'di rnams gang gi bya ba gang yin pa de go rim ji lta ba bzhin du tshigs su bcad pa bzhi ston to/__/ldang tshe ni gnyid sad pa na'o/__/lha mo'i glu ni sems can thams cad gnas kyi dbang phyug ces bya ba la sogs pa'o/__/legs zlos dang po'i las can yin/__/zhes bya ba ni las dang po pas cho ga ma lus pa yang dag par bzla bar bya ste/__ting nge 'dzin gsum rgya cher mngon du byas la bzlas brjod bya'o/__/zhes pa'i don to/__/gang rags pa'i sku'i dkyil 'khor ni yud tsam gyis mngon du byed par nus la/__phra ba sa yi snying po la sogs pa dang /__sku rdo rje la sogs pa mngon du byed par mi nus pas/__sngags kyi tshul khrims dang brtul zhugs dang yang ldan pa dag ni de'i mthu thob pas/__de ni ye shes la cung zad dbang ba zhes bya ste/__de ni thun mtshams thams cad la yud tsam gyis dkyil 'khor mngon du byas la/__de la mig la sogs pa dang sku la sogs pa byin gyis brlabs te/__rjes su mnyes par bya ba dang /__mchod pa dang /__bstod pa dang /__bdud rtsi myang ba sngon du 'gro ba dang /__bag yod pas bzlas pa bya'o/__/gang rnam pa thams cad du rab tu rdzogs par spro ba dang /__sdud par byed pa'i sbyor bas dkyil 'khor yud tsam gyis mngon par 'du byed nus pa de ni ye shes la dbang thob pa zhes bya ste/__'di yang ye shes babs pa thob pa nyid las 'gyur gyi/__ma thob pa las ni ma yin te/__de nyid kyis na cung zad ces smos pa yin no/__/rnal 'byor pa des ni 'bras bu'i mthar thug par bgrod par bya ba'i phyir rnal 'byor de nyid dang mtshan du bya'o/__/rang gi don gyi mthar thug par son pa'i rnal 'byor pa ni ye shes la yang dag par dbang thob pa yin la/__de ni bsam gtan tsam gyis 'gro ba'i don byed par 'os pa yin no/__/gang gis byed ce na/__'jig rten gyi khams thams cad kyi phra rab kyi nang du chud pa'i sku dang gsung dang thugs kyi dkyil 'khor/__gzugs brnyan dag nyid gzugs kyis ni/__/zhes sprul pa'i rang gi gzugs zhes bya ba'i don to/__/zhes sogs dang /__kun tu bzang po'i 'grel bar yang /__de ltar ting nge 'dzin gsum yan lag dang bcas pa gong ma'i cho ga nyid kyis bya zhing /__thun mtshams gzhan la'ang de bzhin du bya'o zhes te/__rtse gcig pa'i rnal 'byor pas so/__/bya bas brel ba'i rnal 'byor pas ni tho rangs dus su ting nge 'dzin gsum ma lus pa bsgoms nas dus gzhan la rjes su mthun pa'i gdan la lha'i nga rgyal gyi gnas te/__oM AHhU~M gis dkyil 'khor gyi lha spro bar byas te dbang bskur blangs nas mchod cing bstod pa dang bdud rtsi myong ba yang bya ste thig le'am phra mo gang yang rung ba gcig la gnas nas bzlas te bsdu ba byas nas snga ma ltar spyad par bya'o/__/de ltar gnyis kyis rang gi las kyis bstan pa'i mtshan ma sngar rnyed pa ni las dang po pa'i rnal 'byor ro/__/de las de ma thag pa'i rkyen gyis bsgyur ba ni cung zad ye shes dbang du gyur pa ste/__de ltar thun bzhir rang gi lha'i gzugs dmigs pa'i phyir mig la sogs pa byin gyis brlabs pa nas brtsams te thig le dang phra mo ni brtan pa'i nga rgyal dang ldan pas mi byed de/__grub pa'i mtshan ma mthong bar byas pa'i bzlas brjod kyi cho ga byas nas bsdu ba dang yan lag gzhan bya'o/__/de las de ma thag pa'i rkyen gyis bsgyur ba ni ye shes la dbang thob pa'i rnal 'byor pa ste/__des dus mtshams med par rang gi sems la thams cad dbyer med par rtogs nas rdo rje'i bzlas pa'i rim pa'i spro bsdu'i dkyil 'khor la sgyu ma lta bur gzhan gyis mthong ba'o/__/de las de ma thag pa'i rkyen gyis bsgyur ba ni yang dag pa'i ye shes la dbang du gyur pa ste/__des srid pa ji srid pa de srid kyi bar du ro myang pa'i mtshan nyid brgyad dang ldan par bzhugs te 'gro ba'i don chen po byed pa'o/__/de ltar ting nge 'dzin gsum yan lag dang pos bsnyen pa'i cho ga ci rigs par bstan nas/__da ni bar ma'i rim gyis dngos grub bsgrub pa'i cho ga gsungs pa/__grub pa'i mtshan ma zhes pa la sogs pa'o/__/de la grub pa zhes pa ni rig 'dzin la sogs phyag rgya chen po'o/__/de'i mtshan ma ni rtags rnyed pa ste/__bkra shis pa'i lha'i rmi lam dang /__lha'i lung dang dbab pa dang tha mal pa thams cad do/__/de mthong ba ni gzugs brnyan gyi mtshan ma'i bya ba byas nas mnyes pas bzlas pa la goms pas bar ma'i dus mthong ba'o/_/zhes so/__/des ni de nyid gsum gyi mchod pa zhes pa ni 'bum pa la sogs pa'i bya ba byas nas/__gzugs brnyan gyi dkyil 'khor bris te bsgrub par bya'o/__/zhes sbyar ro/__/ji lta bu zhig gis zhe na/__rang gi sems gong nas gsungs pa'i dkyil 'khor 'khor lo la gnas pa mi mthun pa bcom pa de lta bu zhes so/__/'dod pa'i dngos grub ces ni phyag rgya chen po'i rig 'dzin la sogs pa rgyud las gsungs pa'i lam gyi rim pa la gnas nas bsgrub par bya'o/__/zhes so/__/yan lag bzhi pa'i sgrub thabs kyi rnam bshad 1nas 40bar sa man+ta b+ha dras mdzad par/__gnas yid du 'ong bar sems bde ba las ting nge 'dzin 'byung ngo /__/sems mnyam par bzhag pa ni yang dag par ji lta ba bzhin du shes bas 'gyur ro/__/yang dag par ji lta ba bzhin du shes pa ni rnam par grol bar 'gyur ro/__/zhes so/__/yang dpal gsang ba 'dus pa'i sgrub pa'i thabs kyi rnam bshad 'jig rten snang byed ces slob dpon bi ta pA das mdzad par/__las dang po pa zhes pa ni 'di las rnal 'byor pa'i bye brag gis las bzhir ston pa las dang po pa'i las dang ldan pa'i phyir ro/__/de yang bsam gtan dang bya bas bskal pa ste rang rang gi las kyis bstan pa'i mtshan ma mthong zhing rnyed pa'o/__/de las de ma thag pa'i rkyen gyis bsgyur ba ni cung zad ye shes dbang du gyur pa'i rnal 'byor te/__brtul zhugs zhes pa la sogs pa'o/__/brtul zhugs zhes pa ni chos brgyad la sogs pa dang ldan pa'o/__/tshul khrims zhes pa ni rang gi rjes su mthun pa'i dam tshig dang bzlas brjod dang phan gdags pa'i bya ba'o/__/sngags zhes pa ni lha'i skur gyur pa'i ye shes te/__oM d+harma d+hA tu swa b+hA wa At+ma ko\u0f85haM/__zhes pa dang ldan pa'o/__/rang gi las gsungs pa mig ces pa la sogs pa ste/__chen po mig la sogs pa byin gyis brlabs pa la sogs pa zhes pa'i don to/__/de gang gis shes na cung zad ye shes dbang gyur pas/__zhes 'bebs pa thob pa zhes pa'i don to/__/dus bzhi zhes pa ni las dang po pa bzhin du'o/__/'khrul med ces pa ni brtan pa ma yin pas thig le dang phra mo nan tan du bya ba ma yin no/__/bzlas brjod ces pa ni grub pa'i mtshan ma thob par bya ba'i don to/__/dkyil 'khor ni las rgyal mchog go__/rnam pa kun gyis rdzogs byas te/__/zhes pa ni slob ma gzhug pa dang /__bsgrub pa'i don du khyad par mdzad pa'o/__/rang gi las gsungs pa spro ba sdud par byed pa zhes te yi ge gsum gyis spro ba dang bsdu ba'i sgo nas nyin mtshan du dkyil 'khor gyi sbyor ba la brten pas zhi bar 'gyur ba'i mtshan ma ji skad gsungs pa rnams 'byung ba'o/__/ye shes dbang du gyur pa ni rang dang gzhan gyis dkyil 'khor mthong bar mdzad pa'o/__/de las de ma thag pa'i rkyen gyis bsgyur ba ni bzhi pa ste yang dag ces pa la sogs pa'o/__/yang dag ye shes zhes pa ni me long lta bu la sogs pa ste/__de thob pa ni phyag rgya chen po mngon du mdzad pa zhes so/__/de'i las gsungs pa/__gzugs brnyan zhes pa la sogs pa ste/__de ni gzhan gyi don la goms pas khams gsum gyi nang du 'od gsal bar langs nas gzugs brnyan lta bu'i dam pa'i 'khor lo gsum gyis srid pa ji srid yod pa de srid kyi bar du ro myong ba'i mtshan nyid brgyad dang ldan par bzhugs nas 'gro ba'i don chen po mdzad pa'o/__/de ltar rang gi 'khor gnas sogs bstan pa byas nas zhes bya ba'i sgra yi don bstan nas/__da ni/__dkyil 'khor kun tu bri bar bya/__/zhes bstan pa'i phyir/__grub pa'i mtshan ma rnal 'byor pas/__/zhes gsungs te/__de la grub pa'i mtshan ma zhes pa ni rmi lam la sogs pa'o/__/rnal 'byor pas zhes pa ni cung zad ye shes dbang du gyur nas zhes pa'i don to/__/lan grangs du mar zhes pa ni yid la byed pa'i bag chags kyi mtshan ma dgar ba'o/__/de ltar ma yin na yang dag par ni yang dang yang du 'byung ba'i phyir ro/__/de gsum cho ga bzhin byas la/__/zhes pa ni mtshan ma thob pa des dkyil 'khor bri ba'i don du bzlas brjod bya'o/__/zhes bstan pa'o/__/dkyil 'khor bri bar bya zhes pa ni cung zad ye shes dbang du gyur pa'i rnal 'byor pas thun mong gi ched du bri ba dang /__ye shes dbang du gyur pa'i rnal 'byor pas khyad par med par thun mong dang mchog gi ched du bri ba'o zhes sgrub pa bo kho na'i dbang du gsungs pa'o/__/zhes sogs kyis rang ngam gzhan rjes su bzung bas dkyil 'khor bri tshul dang /__de yang /__ye shes dbang du gyur pas ni bsam gtan tsam gyis rdzogs par byed pa yang 'chad do/__/zhes kyang snang ngo /___/__!_ gsung rab yan lag dgu ni/__mdo sde dbyangs bsnyad tshigs bcad lung bstan gleng gzhi de lta bu byung dang /__skyes rabs shin tu rgyas pa dag dang rmad byung zhes te yan lag dgu zhes 'chad par byed do//___//__!_ tshul gsum mdzes rgyan las/__de yi gnas ni stug po bkod pa ste/__/mi mjed 'jig rten khams sogs du ma zhig__/nang du tshud pa me tog rgyan gyis brgyan/__/de 'dra du ma nang du tshud pa ni/__/rgya mtsho zhes bya longs sku'i phyag na gnas/__/de bzhin gshegs de 'khor gyi byang sems bcas/__/bzhugs pa'i gnas de 'og min stug po bkod/__/ces ston pa longs sku rnam snang gang chen mtsho'i phyag mthil gyi lhung bzed spos chus yongs su gang ba'i rgya mtsho chen po dbus/__pad+ma'i sdong po rgya khyon rab tu yangs pa skyes pa la/__me tog nyi shu rtsa lnga yod pa'i me tog re re'i steng du 'jig rten gyi khams re re yod par gsungs pa'i yas mar gang nas kyang pad+ma bcu gnyis re brtsis pa'i dbus bcu gsum pa/__thugs ka'i dpal be'u'i thad/__sprul sku shAkya seng ge'i gdul zhing /__mi mjed 'jig rten gyi khams 'di ri gling lcags ri dang bcas pas yongs su bskor ba las khyad par du gyur pa ni/__dus 'khor bsdus rgyud las/__gling ni zla ba 'od dkar dag dang rab mchog ku sha mi'am ci dang khrung khrung dang /__/drag po yang ni longs spyod sa ste bdun pa 'dzam bu mi rnams gnas pa dag ni las kyi sa/__/zhes dang /__bde mchog sdom 'byung las/__'dzam bu gling pa gtso bo mchog__/yul dbus su ni skyes pa ste/__/zhes gling gzhan las khyad par du gyur pa/__las stobs che bas 'bras bu tshe 'dir mthong chos su smin nus pa'i phyir/__spyir 'jig rten dang 'jig rten las 'das pa'i phun sum tshogs dgu'i don thams cad tshegs med par bde blag tu bsgrub nus pa dang /__khyad par nyan rang dgra bcom dang /__rdo rje theg pa'i lam las dngos grub brnyes pa'i rten thun mong ma yin pa 'dzam bu gling pa khams drug ldan gyi lus la ltos dgos pas na/__sangs rgyas thams cad kyang 'dzam bu'i gling gi yul dbus 'gyur tshal rdo rje gdan du byang chub chen po'i go 'phang brnyes pa'i tshul bstan pa na las kyi sa'am/__bsod nams kyis gzhir rab tu grags pa la dum bu drug tu phye ba'i ya gyal gangs ri dpal dang ldan pas bskor ba'i ljongs/__bod kha ba can zhes yongs su grags pa ni/__'jam dpal rtsa rgyud las/__kha ba can du mtsho bri nas/__/sA la'i nags ni rgyas par 'gyur/__/zhes dang /__sher phyin las/__mdo sde 'di byang phyogs nas byang phyogs su rgyas par 'gyur ro/__/zhes sogs gsungs pa dang /__dri med 'od las/__theg pa gsum bod du ni bod kyi skad kyis bsdus te/__zhes sogs lung bstan pa'i zhing 'di nyid kyang gzhan las khyad par 'phags pa'i tshul ni/__bod ces bya ba kha ba can gyi khrod/__/ri mtho sa gtsang gangs ri gnyan gyi yul/__/chos dang srid pa'i longs spyod ma tshang med/__/'phags pa'i gdul zhing lha yi yul dang mtshungs/__/zhes dang /__'gos lo gzhon nu dpal gyis/__thugs rje'i dbang pos byin rlabs gser gyi sa gzhi brdal ba gangs ri'i phreng mdzes khor yug can/__/nyes pa'i gdung bral tshul khrims ma dros las 'ongs 'dus pa'i rgyun dag 'chad pa med par 'babs/__/bshad dang sgrub pa'i rin chen gyis gang mkhas pa'i rta gdong dag las chos kyi sgra chen sgrogs/__/mtha' dag legs pa'i 'byung gnas gangs can 'di ni rgya mtsho che 'dra mkhas pas bsngags par 'os/__/zhes yon tan rin po che du mas khyad par du byas pa'i sa'i thig ler/__bla ma mnyam med chen pos/__rdo rje'i rang bzhin rdo rje'i gdan las byang gi 'dab chags sa yi snying po dpag tshad bcu phrag bcu bgrod pa/__/shar ri 'gro ldan spyi gtsug ltar mtho lho na rta mchog rgyug lta'i chu/__/nub ri mtshan ma rma bya'i mdongs ldan byang gi lhun po 'dab bzang ri/__/ri dwags rgyal po bzhad pa'i gdong can dbus kyi sa 'dzin dpal kun 'dzin/__/de phyir rgyal ba'i gdan sa mchog 'di byang chub snying po ma lags grang /__/zhes dpal ldan sa skya dang /__'jigs bral gsung rab sbas pa'i sdes/__rdo rje 'chang chen ngur smrig 'dzin pa'i tshul ston pa/__/rgyal bas lung bstan mkhas kun dga' mdzad dpal bzang po/__/gang des byin rlabs e wa~M yi ges mtshan pa'i gling /__/grub ri 'di ni 'og min chen po'i zhing khams dngos/__zhes sogs rgya cher bsngags so/___/__!_ khri brgyad stong pa las/__de la byang chub sems dpa' sems dpa' chen po'i rigs phun sum tshogs pa gang zhe na/__byang chub sems dpa' sems dpa' chen po'i rigs chen po dag tu skye ba ste/__de ni byang chub sems dpa' sems dpa' chen po'i rigs phun sum tshogs pa yin no/__/de la byang chub sems dpa' sems dpa' chen po'i cho rigs phun sum tshogs pa gang zhe na/__byang chub sems dpa' sems dpa' chen po rgyal rigs shing sA la chen po dag dang /__bram ze'i rigs shing sA la chen po dag tu skye ba ste/__de ni byang chub sems dpa' sems dpa' chen po'i cho rigs phun sum tshogs pa yin no/__/de la byang chub sems dpa' sems dpa' chen po'i rus phun sum tshogs pa gang zhe na/__rigs gang las sngon gyi byang chub sems dpa' sems dpa' chen po dag byung bar gyur pa ste/__de ni byang chub sems dpa' sems dpa' chen po'i rus phun sum tshogs pa yin no//____//__!_ rgyan las/__byang chub sems dpa' rtag tu ni/__/khyim pa 'khor los sgyur rnams su/__/gyur nas skye ba thams cad du/__/sems can rnams kyi don byed do/__/zhes dang /__rgyal srid bdun/__mngon 'byung las/__lha rdzas las grub sogs/__dang por sa las rnam par rgyal gyur ba/__/zhes 'byung /__de la yon tan lnga/__lha rdzas 'dzam bu chu gser las grub cing dpag tshad lnga brgya pa nyi ma gnyis pa lta bu'i gzi brjid dang ldan pa/__1__nam mkha' la dpag tshad 'bum du nyi ma gcig gis thogs pa med par 'gro ba/__2__rgyal po gling gang du 'gro ba'i tshe 'khor lo de'ang sngon du nam mkhar 'gro zhing dpung tshogs yan lag bzhi'ang phyi bzhin du nam mkhar 'gro ba/__3__rgyal pos mi thos pa thams cad des grogs byas te thos pa/__4__rgyal po gzhan dang blon po sogs kyi rgyal po'i 'dod pa bzhin 'bul ba las bsngo ba gang yang med pa'o/__5__/glang po rin po che la/__yan lag bdun pa la legs par gnas shing gangs ri'i dum bu 'gro shes pa lta bu'i glang po rin po che de la yon tan brgyad de/__cang shes pa/__1__bka' bzhin nyan pa/__2__sug bzhi mjug ma rlig pa sna zhags te bdun po sa la snyogs pas yan lag shin tu gnas pa/__3__glang po che stong gi stobs dang ldan pas gzhan gyis gdul dka' ba dang /__de'i dri tshor bas kyang glang po che gzhan de'i rtsar 'dug mi nus pas pha rol gyi sde las rgyal ba/__4__chu dang skam dang bar snang la g.yul 'gyed nus pa/__5__nyin gcig la 'dzam gling bskor nus pa/__6__kha dog thal kar du snang zhing skud pas kyang bkrir nus pa dang /__rgyal po'i bsam pa dang mthun par lam du 'jug shes pa/__7__gtsug na gser gyi rgyal mtshan gyis brgyan cing gser gyi drwa bas g.yogs pa'o/__8__/rta mchog rin po che ni/__dran nyer kha dog shin tu mtshar ba rma bya'i mgrin pa lta bu/__1__rngog ma mdzes pa ste dbyibs phun sum tshogs pa/__2__bsgos na nyin gcig la 'dzam gling lan gsum bskor nus pa/__3__lus la gcong nad med pa/__4__nor bu'i gtsug sogs mtshan ma bzang po yod pa/_5__rdzu 'phrul dang ldan pas nam mkhar 'gro ba/__6_rgyal pos zhon tshe gus par byed pa/__7_rdzu 'phrul gyi shugs dang ldan pa'o/__8__/bud med dam btsun mo rin po che la rgyal po'i bsam pa dang mthun pa/__1__bu mang po btsa' ba/__2__phrag dog dang mig ser med pa/__3__tshig cal col med cing rgyal po'i srid ngang gis mtho bar 'gyur ba/__4__log par lta ba med pa'o/__5__/_nor bu rin po che la yon tan brgyad de/__mtshan mo zla ba ltar gsal ba'i 'od dpag tshad brgyar 'byung ba/__1__chu yan lag brgyad pa'i rgyun 'bebs pas skom pa sel ba/__2__rgyal po'i gros thams cad nor bu las 'byung ba/__3__nor bu gang du yod pa'i dpag tshad brgya tshun du nad med cing 'dod don 'grub pa/__4__rlung dang char drag po mi 'bebs pa/__5__mya ngan dang g.yang sa sogs med cing nags tshal sogs snod kyi dpal bskyed pa/__6__dus ma yin pa'i 'chi ba mi 'byung ba/__7__rgyal po de la dpa' zhing brtul phod pa'i bu stong du 'dzom pa 'byung ba'o/__8__/khyim bdag gam blon po rin po che zhes don mdzod pa ni/__mngon 'byung las/__gang yang 'di ni rgyal la mu tig dang /__/gser sogs shin tu mang po phul ba yis/__/bzod ldan mtshungs pa'i khyim bdag nor ldan pa/__/khyim bdag rin chen=__'di la yon tan bzhi/__rdo rje rin po che sogs nor mang po rtsol ba ma byas kyang mod la zad pa med pa/__1__rgyal po'i bka' bzhin sgrub cing yid gzhungs pa/__2__rgyal po'i bsam pa bzhin rtogs nas ma bsgos kyang las byed pa/__3__nyon mongs dang phrag dog dang gnod sems med pa'o/__4__/dmag dpon nam blon po rin po che ni/__yon tan brgyad de/__rgyal po'i las spyi dang drag po'i las mtha' dag ma bsgos kyang byed pa/__1__dpa' rtsal thams cad rdzogs pa/__2__rang don la chos min spangs pa/__3__gzhan gyi brngan pa sogs la ma chags par rgyal po'i bya ba tshul bzhin du byed pa/__4__glags lta ba'i 'gro ba ldog pa ma lus pa 'joms pa'i mthu stobs dang ldan pa/__5__las gang yang shin tu rigs par spyod pa/__6__nyon mongs pa dug gsum spangs pa/__7__rgyal po'i bya ba ma yin par skye bo rnams la mi 'tshe ba'o/__8__/_mngon 'byung gi mdo 'ga' zhig las/__'od zer gyis sngo ral gri pags pa 'jam/__/dga' pa'i nags tshal gos ni yi gar 'ong /__/mthu ldan mchil lhAm khang khyim gzhal du med/__/reg 'jam gzim cha 'di yis thob par 'gyur/__/zhes so/___/__!_ mkhas 'jug las/__bstan bcos byed pa'i dam pa yis/__/ston pa la ni mchod brjod bya/__/bstan pa spel phyir dag pa'i tshig__/'di la 'thad pa bzang po mthong /__/zhes so/__/de'ang mtshan dang mchod brjod dam bca'/__dgos bsdus tshig don/__bsngo smon shis brjod sbyar byang sogs so/__/'chad pa/__thog mar sgra la mkhas pa yis/__/tshig don rnam par dbye ste bstan/__/de rjes don la mkhas pa yis/__/lhag chad 'khrul pa med par bshad/__/ces so/__/mdo don smra ba rnams kyis ni/__/dgos pa bsdus pa'i don dang bcas/__/tshig don bcas dang mtshams sbyor bcas/__/brgal lan bcas te bsnyad par bya/__/zhes so/__/'bel ba'i gtam la sbyor dngos rjes/__/sbyor ba rtsod pa'i lam byang nas/__/rgol ba gnyis dang dpang po rnams/__/nges par byas nas rtsod la 'jug____/__! sangs rgyas kyi bstan pa lnga brgya phrag bcur gsungs pa'i/__lnga brgya phrag dang po la dgra bcom/__gnyis par phyir mi 'ong ba/__gsum par rgyun zhugs thob pa mang bas na 'bras bu'i dus gsum/__bzhi par shes rab/__lnga bar ting 'dzin/__drug par tshul khrims la spyod pa mang bas sgrub pa'i dus gsum/__bdun pa la mngon pa/__brgyad par mdo sde/__dgu par 'dul ba spyod pa mang bas na lung gi dus gsum/__bcu par rtags tsam 'dzin pa ste/__'di ni lnga brgya'i tha ma'o/__/zhes 'byung zhing /__bstan pa rnal ma lnga brgya phrag dgu dang /__gzugs brnyan gcig go____/_! don dam bsnyen pa las/__thun mtshams rnams su shin tu rnam par dag pa yi/__/kha dang lag pa rkang pa dag ni bkrus byas te/__/me tog yang dag blangs nas bla ma'i spyan snga ru/__/rgyal ba rnams kyi maN+Dal shin tu zlum par bya/__/zhes dang /__bla ma lnga bcu pa las/__maN+Dal me tog bcas thal mos/__/bla ma ston par gsol ba gdab/__/ces pa ltar maN+Dal la'ang /__rje sa skya paN+Di tas/__phyi kun rdzob rdzas kyi maN+Dal/__nang rdo rje lus kyi maN+Dal/__gsang pa byang chub sems kyi maN+Dal zhes gsungs pa'i dang po la/__zla ba sgron me'i mdo'i don bsdus jo bo chen po'i gsung tshom bu bdun ma/__de steng sgra gcan dus me bsnan pa'i dus 'khor lugs kyi tshom bu dgu ma/__yang tshom bu bdun ma'i steng me tog sogs bzhi bsnan pa'i bcu gcig pa/__yang gling bzhi gling phran brgyad ri rab nyi zla dang bcas pa'i bco lnga/__sangs rgyas gsang ba'i lugs gling bzhi gling phran ri rab dang bcas pa'i bcu gsum ma/__dze tA ris tshom bu bco lnga mar gdugs dang rgyal mtshan bsnan pa'i bcu bdun ma/__'jam dpal grags pa'i lugs kyi bcu gsum ma'i steng rgyal srid bdun dang gter bum bsnan pa'i nyer gsum ma/__de steng sgra gcan dus me bsnan pa'i dus 'khor lugs kyi nyer lnga ma/__'phags pa rin po che'i so bdun ma rnams so/___/__!_ zhwa lu lo chen pas/__skar rtsis snyan ngag sdeb sbyor dang /__/mngon brjod zlos gar 'di lnga la/__/rig gnas lnga zhes 'phags yul du/__/grags pa'i ba dan rlung ltar sgrogs/___/__!_ 'jam dpal rtsa rgyud las/__de nas bcom ldan 'das shAkya thub pas gza' rnams kyi spyod pa sems can thams cad kyi don du gsungs te/__zlos pa thams cad la phan pa'i phyir dang sngags kyi don yang rab tu bsgrub pa'i phyir thams cad kyang thams cad mkhyen pas gsungs so/__/zhes so/__/yang /__lha ldan yul zhes bya ba yi/__/gangs can ri yi nang gnas pa'i/__/rgyal po mi yi lha zhes pa/__/li ts+tsha bI rnams rigs su 'byung /__/dang /__'jig rten sgrol ma zhes grags dang /__lha mo gos dkar mo dang ni/__/dkar mo chen mo gzhan phan brtson/__/rtag tu yid ni mi skyo ba'o/__/dang /__khyu mchog khyu mchog bzang po dang /__/sa 'od de bzhin sa 'od bzang /__/de bzhin pha rol gnon nyid dang /__/rkang pa'i 'gros zhes bstan pa yin/__/sa srungs dang ni be'u dang /__/'od ldan nyid ni phyi ma yin/__/dang /__ston pa'i gsung rabs sa steng du/__/dus mthar 'jig rten nyams pa na/__/sdom brtson rgyal po'i tshul gyis ni/__/'byung bar 'gyur ba the tshom med/__/dper na ma khol zhes bya dang /__/me tog ces bya rnam par grags/__/yi ge ma zhes gzhon nu zhes/__/dang por tha mar chos la dga'/__/yi ge A ming bdag nyid che/__/ston pa'i bstan pa gces 'dzin byed/__/blo ldan yon tan kun gyis bkur/__/dang /__yi ge d+ha zhes sdom brtson nyid/__/lho yi phyogs su rnam par bsgrags/__/pha rol rgol ba bzlog nas kyang /__/de bzhin sdom brtson sngags kyang grub/__/dang /__de nas yi ge sa dang ka__/dang por rab tu brjod pa dang /__/sogs nas/__sbyin byed sbyin par byed pa dang /__/gzhan gyi grub mtha' sun byed dang /__/dang /__de bzhin 'jig rten sbyin gnas 'gyur/__/srid pa gsum gyi mthar yang byed/__/sngags dang rgyud la mngon brtson pa/__/grags pa 'dzin par shes par bya/__/zhes so/__/rje btsun sa skya paN+Di tas bod yul la bsngags par/__dbus kyi gling chen po bzhi pa/__bye brag tu 'dzam bu'i gling /__bde bar gshegs pa rgya mtsho'i rdul gyi reg pas mngon par mdzes pa/__byang chub snying po rdo rje gdan las byang phyogs kyi rgyud/__yongs su rdzogs pa'i zla ba dri ma med pa'i gangs ri dpal dang ldan pas brgyan pa'i khrod/__lha rdzas kyi nor bu nye bar 'bar bas 'khrigs pa'i phung po ltar/__'gro ba ma lus pa'i re ba rdzogs par byed pa'i rin po che du ma'i 'byung khungs su gyur pa/__sa'i cha glang po'i spyi gtsug ltar mtho la skye rgu ma lus pa'i sgron me/__nyi ma'i dkyil 'khor gza' las thar ba ltar rdul dang bral bas gtsang ba'i 'jug ngogs dang ldan pa/__bsil ba'i sgra dbyangs nye bar sgrogs pa'i chu klung dri ma med pa 'babs pa dang ldan pa'i 'gram ngogs/__rgyal ba sras bcas dpag tu med pas nye bar bskyangs pas dam pa'i chos kyi 'byung gnas su gyur pa'i bod yul 'dir/__zhes so/__/yang /__sgra pa nga yin rtog ge pa nga smra ba ngan 'joms nga 'dra med/__/sdeb sbyor ngas shes snyan ngag nga nyid mngon brjod 'chad la 'gran med nga /__/dus sbyor nga mkhas phyi nang kun rig rnam dpyod blo gros mtshungs med pa/__/de 'dra gang yin sa skya pa ste mkhas pa gzhan dag gzugs brnyan yin/__/ces dang /__rgya mtsho'i gos can rgya mtsho'i mtha' klas sa chen 'di na lha chen po/__/sogs nas/__de lta'i ri dwags rgyal po de/__/dpal ldan sa skya'i gangs rir gnas/__/blo gsal rnams kyi ri dwags skyong /__/rgol ba ngan pa'i wa tshogs 'joms/__/da dung du yang mu stegs byed/__/thams cad chos kyis pham byas nas/__/bde bar gshegs pa'i bstan pa'i tshul/__/kun dga'i rgyal mtshan 'dzin par shog__/ces so/__/slob dpon bsod nams rtse mo 'khrungs pa'i tshe/__rgya gar rdo rje gdan gyi sgo'i ya them la/__'jam many+dzu shrI nirma ko pa d+h+yA puN+yA gra badz+ra yA na sa ma s+ye shwa ra sat+ya b+hU mi paN+DaM dz+wa taM/__dpal gyi sprul pa mkhan po bsod nams rtse mo rdo rje theg pa mtha' dag gi dbang phyug dam pa sa skyar skyes so/__/zhes mkha' 'gro ma rnams kyis yi ger bris so/___/__!_ sa chen byang chub sems dpa' sbyin pa dpal spyan ras gzigs kyi rnam pas yum gyi lhums su zhugs/__'jam dpal dang biR+Wa pas rjes su bzung /__dus gcig la sku'i bkod pa drug bstan/__bde ba can sogs gzhir gshegs pa'i tshul bstan/__bsod nams rtse mo mkha' 'gro mas lung bstan pa ko shwam+b+hi'i paN+Di ta de ba ma tis bsgrags/__'khrungs ma thag nas bdag ni byis pa'i spyod pa las 'das pa'o/__/lan gnyis gsungs/__'jam dbyangs sogs kyis rjes su bzung /__sku'i bkod pa gsum bstan/__sprul pa'i dkyil 'khor mngon sum du bstan nus/__gang+gA tshun du rdo rje theg pa la mkhas/__sku lus ma spangs par gshegs/_grags pa 'jam dpal rtsa rgyud las lung bstan/__mkhas pa'i rnam dpyod kyis/__grags ldan sdom brtson sogs gsungs/__grub pa rdo rje dril bu nam mkha' la 'jog pa dang /__nyi ma bzung ba sogs skye ba gsum na mchog gi dngos grub mdzad/__sa paN/__gsung bye ba nas saM skr-i ta'i skad dang yi ge rang brdol/__mu stegs btul/__sa dang po brnyes/__drug cu rtsa gsum par rgya nag tu phebs/__skye ba gsum par mngon dga'i zhing du dri ma med pa'i dpal du sangs rgyas/__'phags pa/__spyan ras gzigs kyi slob ma sa ston ri pa bsams bzhin du srid pa bzhes/__chu mig chos 'khor gyi tshe grub chen brgyad cu dang gnas brtan bcu drug sogs dang chos kyi bgro ba mdzad/__zin shing gi ston pa bcu bdun btul/__yan lag lnga rgyal ba rigs lngar sprul/___/__!_ rgyal po bka' thang du/__tha chung mjing yon mu tig btsad po la/__/rgyas par bshad na legs pa lnga dang ldan/__/thugs sgam bka' btsan khong ba yangs pa dang /__/zungs thub dpyad pas mthu stobs rab tu che/__/rgyal sras mjing yon legs pa'i blo gros kyi/__/che ba'i yon tan rgyas par 'og tu 'chad/__/ces dang /__'dzam gling chung ngu 'di la/__'phags yul/__bod/__li/__rgya nag___/kai la sha__/gangs ldan re las sa dum bu drug go__/rang bzhin rkyen dang rnam 'gyur gsum/__/brda sprod gzhung gi brjod bya yin/__/ces dang /__mngon sum dang ni rjes su dpag___/ltar snang dang bcas bdag rig byed/__/sgrub pa dang ni sun 'byin pa/__/ltar snang dang bcas gzhan rig byed/__/ces so/__/dus 'khor bsdus rgyud phyi ma las/__phyogs kyi glang po gzhan la phan pa'i bsam pa btsun pa zla ba pad+ma'i myu gu dang /__/zhes so/__/ri yi mchog ni ri rab yin/__/sgo nga las skyes rnams kyi ni/__/mchog ni nam mkha' lding yin no/__/mi yi gtso bo sa bdag ste/__/de bzhin ri mo sgyu rtsal gtso/__/zhes so/___/__!_ lus dang byis pa mo nad gdon/__/mtshon dug rgas dang ro tsa ba/__/gso dpyad gang la gnas gyur pa/__/yan lag brgyad ces de la brjod/__/ces yan lag can gso bya/__gso byed/__ji ltar gso dang /__gso ba po rnam pa bzhis bsdus pa/__yan lag gso byed kyi thabs brgyad la gnas so/__/snyan ngag mngon brjod zlos gar dang /__/sdeb sbyor dang ni skar rtsis la/__/rig gnas lnga/__rgyan las/__rig pa'i gnas lnga=__zhes dang /__me long las/__de rnams kyis ni snyan ngag gi__/lus dang rgyan yang rab tu bstan/__/ces dang /__smra sgor/__'dod rgyal thog ma'i ming gang yin/__/rjes grub de ni btags pa'o/__/zhes dang /____/__!_ 'dul ba lung las/__rab byung gso sbyong gzhi dang ni/__/dgag dbye dbyar dang ko lpags dang /__/sman dang gos dang sra brkyang dang /__/kau shAm+b+hi dang las kyi gzhi/__/dmar ser can dang gang zag dang /__/spo dang gso sbyong gzhag pa dang /__/gnas mal dang ni rtsod pa dang /__/dge 'dun dbyen rnams bsdus pa yin/__/ces dang /__mdzod las/__las ma gtogs pa'i 'dus byas ni/__/zag bcas gang phyir de dag las/__/zag rnams kun tu rgyas par gyur/__/ces dang /__rgyan las/__rnam kun mkhyen nyid lam shes nyid/__/de nas thams cad shes pa nyid/__/rnam kun mngon rdzogs rtogs pa dang /__/rtse mor phyin dang mthar gyis pa/__/skad cig gcig mngon rdzogs byang chub/__/chos kyi sku dang de rnams brgyad/__/ces dang /__dbu ma rtsa ba las/__bdag las ma yin gzhan las min/__/gnyis ka ma yin rgyu med min/__/dngos po gang dang gang las kyang /__/skye ba nam yang yod ma yin/__/zhes so/___/__!_ rgyud bla ma las/__'dus ma byas shing lhun gyis grub/__/gzhan gyi rkyen gyis rtogs min pa/__/mkhyen dang brtse dang nus par ldan/__/don gnyis ldan pa'i sangs rgyas nyid/__/ces dang /__bsam med gnyis med rtog med dang /__/dag gsal gnyen po'i phyogs nyid kyis/__/gang zhig gang gis chags bral ba/__/bden gnyis mtshan nyid can de chos/__/zhes dang /__ji lta ji snyed nang gi ni/__/ye shes gzigs pa dag pa'i phyir/__/blo ldan phyir mi ldog pa'i tshogs/__/bla med yon tan dang ldan nyid/__/ces so/_/bka' ni rgyud bla mar/__gang zhig don ldan chos dang nyer 'brel zhing /__/khams gsum kun nas nyon mongs spong byed gsung /__/zhi ba'i phan yon ston par mdzad pa gang /__/de ni drang srong gsung yin ldog pa gzhan/__/ces dang /__gang zhig rgyal ba ston pa 'ba' zhig gi__/dbang byas rnam g.yengs med yid can gyis bshad/__/thar pa thob pa'i lam dang rjes 'brel ba/__/de yang drang srong bka' bzhin spyi bos blang /__/zhes so/__/mngon mdzod gnas dang pos phung khams skye mched/__gnyis pas dbang po/__gsum pas snod kyi 'jig rten/__bzhi pas las/__lnga pas nyon mongs/__drug pas lam dang gang zag__/bdun pas sangs rgyas kyi thun mong ma yin pa'i ye shes/__brgyad pas thun mong pa'i yon tan bsam gzugs sogs/___/__!_ thams cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/__/sangs rgyas seng ge'i khri la bzhugs pa lha mchog rnams kyis btud la rgyal po zla ba bzang po yis/__/mgo bos rab tu phyag 'tshal lag pa'i pad+ma sbyar ba yan lag mchog la bzhag nas zhus pa ni/__/rnal 'byor dpal ldan dus 'khor a phreng ldan pa'i ka 'dus la ste mi rnams dgrol ba'i don du'o/__1_/dus kyis stong pa rnams las rlung dang 'bar byed chu dang 'dzin ma gling dang ri bo rgya mtsho dang /__/rgyu skar dang ni nyi zla skar ma gza' yi tshogs dang drang srong lha dang 'byung po klu rnams dang /__/dud 'gro skye gnas rnam pa bzhi dang sna tshogs pa dang 'og tu mi rnams dang ni dmyal ba yang /__/stong pa'i dbus su yang dag 'byung ste chu la lan tshwa dang ni sgo nga'i dbus su sgong skyes bzhin/__4_/de ltar rgyu skar gza' ste dbyangs tshogs tshes rnams dag ni de nyid lnga yi rab tu dbye ba mis/__/phyogs dang zla ba bgrod pa dag dang lo dang drug cu'i lo rnams la ni 'dir ni 'char bar 'gyur/__7_dbang ler_98__/_dang por yang dag bsten bya bla ma dag kyang dam tshig ldan cing rdo rje theg la lhag par gnas/_/de nyid bsgoms shing ma chags dri ma dag dang rnam par bral zhing bzod pa'i ngang tshul lam la zhugs/__/slob ma rnams la lam ni sbyin byed dmyal ba'i 'jigs pa 'phrog cing de nyid las ni tshangs spyod ldan/__/bdud rnams la ni rdo rje'i dbyug pa de yang 'dzin ma'i gzhi la rdo rje sems dpar rab grags pa'o/__2__/nang le'i 'grel bar/__gang zhig chen po'i mi rnams smin par bya ba'i don du mngal ni 'dzin pa 'di mdzad cing /__/srid pa'i 'ching las nges par grol yang srog chags rnams kyi lam gyi slad du srid pa ste/__/sna tshogs skyes rabs phreng ba yon tan dang ldan sems can don gnyer rnams kyis mthar gyur pa/__/dang po'i sangs rgyas rdzu 'phrul che ldan spyod pa dag ste skyob pa de la phyag 'tshal lo/___/__!_sgrub thub pa 'khrungs nas lo nyis stong brgyad brgya nyer brgyad/__pa'i dus kyi lo grangs chig stong nyis brgya so dgu 'das pa/__lhag ma nyis brgya nga gnyis dang /__lung gi dus yongs rdzogs/__rtags tsam 'dzin pa'i lnga brgya phrag gcig gnas pa/__khyon lo nyis stong nyis brgya dang gnyis gnas pa/__rab byung bcu bzhi pa'i don grub ces pa sa mo lug gi lo/__dus tshigs drug tu dbye ba'i ston gyi dus/__hor zla dgu pa dbyug gu zla ba'i dkar phyogs kyi bzang po gnyis pa/___res gza' lhag pa dang rgyu skar gyi rgyal po//___//__!_ bde mchog snyan brgyud du grags pa ni/__nges brjod 'bum sde las phyung ba'i bde mchog nyung ngu'i rgyud kyi sbas don nyid/__rdo rje 'chang chen po'i 1rnal 'byor ma la snyan brgyud rdo rje rnal 'byor ma'i sgo nas 'chad par mdzad pa las/__'di mkha' 'gros bskul nas o rgyan du rdo rje rnal 'byor ma dngos las gsan/__de nyid rnal 'byor dbang phyug til+li pas 'grel pa gzhung chung gis gtan la phab cing jo bo nA ro t+ta pas dka' chen bcu gnyis spyod pa'i dus su brda yi sgo nas bstan cing mthar mchil lhAm dpral bar brgyabs pas slob dpon gyi dgongs pa par gyis btab pa bzhin 'phos/__de la rje mar pa lo tsA dang /__des rje btsun mi la/__des rje btsun 'ja' lus kyi sku can ras chung rdo rje grags pa la gdams par mdzad pa/__'di'i brgyud pa la rgyal ba dgongs brgyud/__lung bstan gtad rgya'i brgyud pa/__rig 'dzin brda'i brgyud pa/__gang zag snyan khung gi brgyud pa ste bzhi ldan du mdzad do/__/lam gyi rim pa ni/__mtshan nyid dang ldan pa'i bla ma dang /__slob ma'i rten 'brel 'grigs nas/__bstan bya chos kyi gnas lugs dngos la/__phyi sgro 'dogs gcod par byed pa sprul sku'i gdams pa brgyud pa yid bzhin gyi nor bu/__nang nyams len longs spyod rdzogs pa sku'i gdams pa smin lam yid bzhin nor bu/__gsang ba ngo sprod chos sku'i gdams pa grol lam yid bzhin nor bu dang gsum las/__dang po ni/__sngar smos pa ltar ro/__/gnyis pa ni/__thabs lam gtso bor ston pa rdul tshon la sogs pa'i dkyil 'khor la brten nas dbang spyi lugs su bskur ba/__shes rab gtsor ston sin+d+hu ra'i dkyil 'khor du zab mo brda'i dbang bskur ba/__dbang don mdud pa'i 'grol tshul lo/__/gsum pa ni/__bum dbang dang 'brel ba sgom pa gtso bor ston pa thun mong yid bzhin nor bu/__spyi dang 'brel bar bsrung bya gtso bor ston pa dam tshig yid bzhin nor bu/__mchog dbang dang 'brel ba gnas lugs yid bzhin nor bu dang gsum las/__dang po la/__rgyal po chos nyid mi 'gyur pa bskyed pa'i rim pa dngos dang /__blon po rigs gsum las byed ces tshogs kyi 'khor lo sogs dang /__dam pa phal pa phrin las mthun sbyor gyi gdams ngag ces kha zas kyi rnal 'byor la sogs pa'o/__/gnyis pa ni/__zab pa dang rgya che ba zung du 'jug pa'i dam tshig gsum mo/__/gsum pa la/__gsang dbang dang 'brel pa rdzogs rim rtsa rlung gi gnad steng sgo rnam par grol ba'i chos dang /__sher dbang dang 'brel ba mkha' 'gro'i gsang sgrog 'og sgo bde chen dang /__tshig dbang dang 'brel ba phyag rgya chen po ye shes gsal byed/__lam blo nas chod pa'i bar do lam khyer/__gcig car bya spyod tshogs su bsgyur ba'i gdams ngag dang lnga las/__dang po la/__gtum mo bde drod rang 'bar/__sgyu lus chos brgyad rang grol/__rmi lam 'khrul ba rang sangs/__'od gsal ma rig mun bral/__'pho ba gser 'gyur gyi rtsi/__grong 'jug sbrul lpags 'dor len dang drug go__/gnyis pa la bsten bya phyag rgya'i rnam dbye/__bsten tshul mkha' 'gro'i gsang sgrog__/bsten 'bras bde chen 'char rim bshad pa'o/__/gsum pa la/__sgom pa sprul sku'i gnad ngos bzung /__sgom byed longs spyod rdzogs sku'i bya ba bstan/__bsgom bya chos sku phyag rgya chen po'i don bshad pa gsum mo/__/bzhi pa la/__nus ldan bzhi'i bar do/__nges shes rtags kyi bar do/__ngo sprod 'bras bu'i bar do gsum mo/__/lnga pa la/__lam spyi'i gegs sel/__bya spyod tshogs su bsgyur ba/__'bras bu mchog gi dngos grub bshad pa'o/__/yang til+li pas rdo rje rnal 'byor ma las snyan brgyud yid bzhin nor bu 'di bzhes nas shar logs su byon pa'i lam du lus med pa'i mkha' 'gro ma des cha lag lam phran dgu bstan pa'i nang nas/__lnga mar pa dang /__bzhi ras chung pas spyan drangs pa yum bka'i cha lag go__/'di'i 'bras bu'i skabs/__ma chags pad+ma'i sa sogs gsungs par/__mnyam sbyor 'grel par/__sangs rgyas kyi sa kun tu 'od dang /__pad+mo can dang /__yi ge'i 'khor lo tshogs chen dang /__rdo rje 'chang ba dang /__ye shes bla ma'i sa dang /__bde ba chen po'i sa rnams rim bzhin du sbyar nas gcig car 'thob pa'o/__/zhes pa'i pad+mo can dang don gcig__/'di'i lus rtsa dag pa sku thams cad pa yin pa'i phyir/__pad+ma'i 'dab ma rgyas pa'i spyan no/__/de bzhin ngag dag pa gsung rnam pa thams cad pa nyin mor byed pa yi ge'i 'khor lo tshogs chen gyis/__yid thig le dag pa ye shes kyi sku rdo rje 'chang ba dang /__rnam shes sam ye shes dag pas bde ba dang lhan cig skyes pa'i sku/__ye shes bla ma dang bde ba chen po'i sa/__rim bzhin du sbyar ba ni dbang bzhi'i 'gros la slob pa dang mngon du byed pa ni gcig car te/__de lnga rnam par mi phyed pas so/__/de lta bu'i sa bcu drug tu bshad pa'ang dga' ba'i grangs dang sbyar ba/__gnas sogs kyi dbye bas sa bcu gnyis dang /__rtsa rgyud las sa bcu gcig mdo dang bstun par mdzad do/__/e ma ho zhes pa ni shin tu rmad du byung bas gleng bslang ba ste/__rtsa ba'i a yig de nyid rtogs par byed pa bdun pa'i mtha' can e ru 'gyur la/__de'i grogs stobs kyis a wa~M yig dang /__ho de gnyis sbyor ba ste/__don dam par e wa~M gnyis su med pa'i sgras bstan cing bsam gyis mi khyab pa'i chos phung thams cad kyi 'byung gnas pA dA'i de kho na nyid do/__/bi rA ma zhes pa/__bi bral pa'i don du byas na/__dga' bral dang /__khyad par gyi don du byas na khyad par dga' zhes bsgyur yang /__don phyi ma bzang bar grags so/__/sU tra zhes pa don mdor byas nas ston pas mdo dang /__man+t+ra zhes pa de rgyas par shes pa'i dbang rnon la ston pas na sngags te mdo rgyan du bshad do//__//__!