JKW-KABUM-01-KA-002-045

From Khyentse Lineage - A Tsadra Foundation Project

སྔ་འགྱུར་རྡོ་རྗེ་ཐེག་པའི་བསྟན་འཛིན་ཆེན་པོ་རྣམས་ལ་བསྔགས་བརྗོད་ཨུཏྤལ་འཛུམ་ཕྲེང་།
Wylie title snga 'gyur rdo rje theg pa'i bstan 'dzin chen po rnams la bsngags brjod ut+pal 'dzum phreng JKW-KABUM-01-KA-002.pdf
Location mkhyen brtse'i bka' 'bum
Volume 1, sde tshan 2, Text 45, Pages 188-191 (Folios 65b6 to 67a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. snga 'gyur rdo rje theg pa'i bstan 'dzin chen po rnams la bsngags brjod ut+pal 'dzum phreng. In 'jam dbyangs mkhyen brtse'i dbang po'i bka' 'bum, Vol. 1: 188-191. Khams sde dge rdzong sar dgon: Rdzong sar blo gros phun tshogs, 2020.
Genre Verses of Praise - bstod pa
Colophon

།ཞེས་སྔ་འགྱུར་བསྟན་པའི་སྲོལ་འབྱེད་ཆེན་པོ་རྣམས་ལ་བསྔགས་བརྗོད་ཀྱི་མེ་ཏོག་ཕྲ་མོ་འདིའང་གཞོན་ནུ་ཨ་བྷཱ་ཡས་བཅོས་མིན་གྱི་མོས་གུས་ཆེན་པོས་མཚམས་སྦྱར་ཏེ་གང་ཤར་བཀོད་པ་ཛ་ཡནྟུ།།

zhes snga 'gyur bstan pa'i srol 'byed chen po rnams la bsngags brjod kyi me tog phra mo 'di'ang gzhon nu a b+hA yas bcos min gyi mos gus chen pos mtshams sbyar te gang shar bkod pa dza yan+tu

":Property:textsubnumber|textsubnumber" can not be assigned to a declared number type with value 1.

[edit]
སྔ་འགྱུར་རྡོ་རྗེ་ཐེག་པའི་བསྟན་འཛིན་ཆེན་པོ་རྣམས་ལ་བསྔགས་བརྗོད་ཨུཏྤལ་འཛུམ་ཕྲེང་ཞེས་བྱ་བ། ན་མོ་གུ་རུ་ཛྙཱ་ནཱ་ཡ། འཕགས་ཡུལ་ཆོས་ཀྱི་གན་མཛོད་ཆེན་པོ་ནས། །རིག་འཛིན་སྡེ་སྣོད་ནོར་བུའི་ཟ་མ་ཏོག །ཡིད་འཕྲོག་རི་རྩེ་ཟླ་ཞུན་གྱིས་བཅིངས་ལྗོངས། །འདྲེན་པའི་བྱེད་པོ་ལོ་ཆེན་བཻ་རོའི་དྲིན། ༡ །སྨྲ་བའི་ཟླ་བར་གྲགས་པའི་མཁྱེན་རབ་ཀྱང་། །སྙིང་དབུས་ཀུནྡཱའི་བཅུད་ལེན་ལ་བཏུང་བས། །གསང་རྒྱུད་རྒྱ་མཚོའི་མཚར་སྡུག་རྫོགས་པའི་དཔྱིད། །ཡེ༷་ཤེས༷་གཞོན༷་ནུའི༷་མཚན་གྱིས་རྣམ་པར་གསལ། ༢ །ཀུན་ཏུ་སྦས་པའི་ལམ་མཆོག་གདུགས་དཀར་པོ། །ཐུགས་བསྐྱེད་དཔུང་པས་ཁྱེར་བའི་དགེ་མཚན་གྱིས། །གྲུབ་གཉིས་རྒྱལ་སྲིད་མཆོག་ལ་དབང་འབྱོར་བས། །ཆོས་ཀྱི་འཁོར་ལོས་སྒྱུར་བ་གནུ༷བས༷་ཆེན༷་རྗེ༷། ༣ །ལུང་རྟོགས་བདུད་རྩིས་ཕྱུག་པའི་ཨ་ཏི་ཤས། །གང་གི་མཁྱེན་དཔྱོད་ཕ་མཐའ་མ་མཐོང་ནས། །བསྔགས་པའི་ཨུཏྤལ་དཀར་པོ་བཞད་མཛད་ཕྱིར། །མཚུངས་ཟླས་བསྐྲུན་ནུས་མིན་ནོ་ཆོས༷་ཀྱི༷་བཟང༷་། ༤ །རྣམ་པ་ཀུན་གྱི་མཆོག་ལྡན་ཧེ་རུ་ཀ །ཟུང་འཇུག་གྲུབ་པ་བརྙེས་པའི་སྒྱུ་འཕྲུལ་ལ། །ཆགས་པ་འདི་ཀོས་བོད་ཡུལ་གསང་སྔགས་ཀྱི། །དགའ་སྟོན་མཆོག་ཏུ་བདོ་མཛད་ཤཱཀྱ༷་འབྱུང༷་། ༥ །བཤད་དང་སྒྲུབ་པའི་འཇོ་སྒེག་ཆུ་སྐྱེས་གསར། །སྔོན་གོམས་སྤོབས་པའི་ཕྱག་རྒྱས་དབྱེ་བ་ལས། །གཞན་དྲིན་འཇོག་པ་མིན་པའི་ངོ་མཚར་གཏམ། །ཤེ༷ས་རབ༷་གྲགས༷་པའི༷་སྤྲིང་ཡིག་ཕྱོགས་བཅུར་སྤྲོ། ༦ །གསང་བ་འཛིན་པའི་བདག་ཉིད་སྙིགས་མའི་དུས། །མཚན་དཔེའི་ཟློས་གར་གསར་པ་བསྒྱུར་བའི་ཕྱིར། །གནོད་སྦྱིན་འཁོར་གྱིས་བསྟེན་པའི་ཁྱད་པར་ལས། །གཞན་དུ་དབྱེ་བ་མེད་དོ་སྒྲོ༷་ཕུག༷་པ༷། ༧ །སྡེ་སྣོད་བཞི་པའི་ཆུ་གཏེར་ཆེན་པོ་ཉིད། །བློ་མཆོག་རིན་ཆེན་གྲུ་བོས་བརྒལ་ནས་སླར། །གྲུབ་གཉིས་འབྱོར་པས་བཀང་བའི་དེད་དཔོན་ཆེ། །ཤེས༷་ར༷བ་སེང༷་གེ༷ར་གྲགས་པའི་བ་དན་གཡོ། ༨ །གསན་བསམ་སྒོམ་པའི་ལང་ཚོའི་སྒྱུ་རྩལ་གྱིས། །རྒྱན་དྲུག་མཆོག་གཉིས་ཁྲི་ལ་འཛེགས་ནས་སླར། །ལུང་རྟོགས་དགོས་དགུ་འདྲེན་པའི་ཤིང་རྟ་ཆེ། །དྲི༷་མེད༷་འོད༷་ཟེར༷་སྟོན་པ་གཉིས་པ་ཡིན། ༩ །བསླབ་པ་གསུམ་གྱི་ཆུ་གཏེར་ལས་ཐོན་ཞིང་། །གནས་ལྔ་རིག་པའི་འོད་ཟེར་འབུམ་གྱིས་འཁྱུད། །ངེས་དོན་རྒྱུད་སྡེའི་བདུད་རྩི་སྤྲོ་བའི་དཔྱིད། །པ༷དྨ༷་དབང༷་གི་རྒྱལ༷་པོ་ལས་གཞན་སུ། ༡༠ །རྣམ་སྣང་རིགས་གྲོལ་སྒྱུ་འཕྲུལ་ལ་ཆགས་པའི། །ཟློས་གར་དཔག་བསམ་གཞོན་ནུའི་རོལ་སྒེག་ནི། །སྔ་འགྱུར་བསྟན་པའི་སྲོག་ཤིང་གཅིག་གྱུར་ཕྱིར། །འགྱུར༷་མེད༷་རྡོ༷་རྗེ༷འི་ལུང་གིས་བསྔགས་མིན་ནམ། ༡༡ །གྲངས་མེད་མཁྱེན་པའི་པདྨ་དཀར་པོའི་ཚལ། །གཡུ་སྒྲའི་ཐུགས་བསྐྱེད་ཉི་ཟེར་གྱིས་སྨིན་པས། །བཤད་དང་སྒྲུབ་པའི་བཅུད་ལེན་རྟག་འཇོ་བའི། །ཁུར་ཆེན་ཚངས་པས་བཟོད་མིན་དྷ༷རྨ༷་ཤྲཱི༷། ༡༢ །སོ་སོ་རིག་པའི་ཡེ་ཤེས་བརྙེས་དེའི་མཐུས། །བརྒྱ་ཕྲག་ངལ་བས་བསྐྲུན་ཀྱང་འཐོབ་དཀའ་བའི། །ལུང་རྟོགས་ཆོས་ཀྱི་འབྱོར་པས་མངོན་མཐོ་ཕྱིར། །ཀུན་མཁྱེན་ཁྲི་ལ་འཛེགས་པ་འཇིགས༷་མེད༷་གླིང༷་། ༡༣ །འཇམ་དཔལ་གཞོན་ནུའི་སྤོབས་པའི་ཡེ་ཤེས་ཀྱང་། །ངུར་སྨྲིག་བླ་གོས་གསར་པ་ལ་ཆགས་ཕྱིར། །བཤད་སྒྲུབ་སྒྲ་དབྱངས་སྲིད་རྩེར་སྒྲོག་པའི་དཔལ། །འཇིགས་མེད་བློ༷་ལྡ༷ན་རྒྱ༷་མཚོ༷ར་གྲགས་པ་གཡོ། ༡༤ །དེ་སོགས་ཟླ་བའི་རྡུལ་བརྩེགས་གངས་རིའི་ཁྲོད། །བསྔགས་འོས་བདེ་འབྱུང་རལ་རྩེས་མངོན་བཏུད་པའི། །མཁས་དང་གྲུབ་པའི་ཤར་གྱི་ཐིག་ལེ་ཡིས། །བསྟན་འགྲོར་སྨན་པའི་དགེ་མཚན་རྒྱ་ཆེར་བྱིན། ༡༠ །ཞེས་སྔ་འགྱུར་བསྟན་པའི་སྲོལ་འབྱེད་ཆེན་པོ་རྣམས་ལ་བསྔགས་བརྗོད་ཀྱི་མེ་ཏོག་ཕྲ་མོ་འདིའང་གཞོན་ནུ་ཨ་བྷཱ་ཡས་བཅོས་མིན་གྱི་མོས་གུས་ཆེན་པོས་མཚམས་སྦྱར་ཏེ་གང་ཤར་བཀོད་པ་ཛ་ཡནྟུ།། །། ༈
[edit]

snga 'gyur rdo rje theg pa'i bstan 'dzin chen po rnams la bsngags brjod ut+pal 'dzum phreng /__ snga 'gyur rdo rje theg pa'i bstan 'dzin chen po rnams la bsngags brjod ut+pal 'dzum phreng zhes bya ba/__na mo gu ru dz+nyA nA ya/__'phags yul chos kyi gan mdzod chen po nas/__/rig 'dzin sde snod nor bu'i za ma tog__/yid 'phrog ri rtse zla zhun gyis bcings ljongs/__/'dren pa'i byed po lo chen bai ro'i drin/_1_/smra ba'i zla bar grags pa'i mkhyen rab kyang /__/snying dbus kun+dA'i bcud len la btung bas/__/gsang rgyud rgya mtsho'i mtshar sdug rdzogs pa'i dpyid/__/yeX shesaX gzhonaX nu'iX mtshan gyis rnam par gsal/__2__/kun tu sbas pa'i lam mchog gdugs dkar po/__/thugs bskyed dpung pas khyer ba'i dge mtshan gyis/__/grub gnyis rgyal srid mchog la dbang 'byor bas/__/chos kyi 'khor los sgyur ba gnuXbasaX chenaX rjeX/__3__/lung rtogs bdud rtsis phyug pa'i a ti shas/__/gang gi mkhyen dpyod pha mtha' ma mthong nas/__/bsngags pa'i ut+pal dkar po bzhad mdzad phyir/__/mtshungs zlas bskrun nus min no chosaX kyiX bzangaX /__4_/rnam pa kun gyi mchog ldan he ru ka__/zung 'jug grub pa brnyes pa'i sgyu 'phrul la/__/chags pa 'di kos bod yul gsang sngags kyi/__/dga' ston mchog tu bdo mdzad shAkyaX 'byungaX /__5__/bshad dang sgrub pa'i 'jo sgeg chu skyes gsar/__/sngon goms spobs pa'i phyag rgyas dbye ba las/__/gzhan drin 'jog pa min pa'i ngo mtshar gtam/__/sheXs rabaX gragasaX pa'iX spring yig phyogs bcur spro/_6_/gsang ba 'dzin pa'i bdag nyid snyigs ma'i dus/__/mtshan dpe'i zlos gar gsar pa bsgyur ba'i phyir/__/gnod sbyin 'khor gyis bsten pa'i khyad par las/__/gzhan du dbye ba med do sgroX phugaX paX/__7_/sde snod bzhi pa'i chu gter chen po nyid/__/blo mchog rin chen gru bos brgal nas slar/__/grub gnyis 'byor pas bkang ba'i ded dpon che/__/shesaX raXb sengaX geXr grags pa'i ba dan g.yo/_8_/gsan bsam sgom pa'i lang tsho'i sgyu rtsal gyis/__/rgyan drug mchog gnyis khri la 'dzegs nas slar/_/lung rtogs dgos dgu 'dren pa'i shing rta che/__/driX medaX 'odaX zeraX ston pa gnyis pa yin/_9_/bslab pa gsum gyi chu gter las thon zhing /__/gnas lnga rig pa'i 'od zer 'bum gyis 'khyud/__/nges don rgyud sde'i bdud rtsi spro ba'i dpyid/__/paXd+maX dbangaX gi rgyalaX po las gzhan su/__10_/rnam snang rigs grol sgyu 'phrul la chags pa'i/__/zlos gar dpag bsam gzhon nu'i rol sgeg ni/__/snga 'gyur bstan pa'i srog shing gcig gyur phyir/__/'gyuraX medaX rdoX rjeX'i lung gis bsngags min nam/__11__/grangs med mkhyen pa'i pad+ma dkar po'i tshal/__/g.yu sgra'i thugs bskyed nyi zer gyis smin pas/__/bshad dang sgrub pa'i bcud len rtag 'jo ba'i/__/khur chen tshangs pas bzod min d+haXrmaX shrIX/__12__/so so rig pa'i ye shes brnyes de'i mthus/__/brgya phrag ngal bas bskrun kyang 'thob dka' ba'i/__/lung rtogs chos kyi 'byor pas mngon mtho phyir/__/kun mkhyen khri la 'dzegs pa 'jigasaX medaX glingaX /__13_/'jam dpal gzhon nu'i spobs pa'i ye shes kyang /__/ngur smrig bla gos gsar pa la chags phyir/__/bshad sgrub sgra dbyangs srid rtser sgrog pa'i dpal/__/'jigs med bloX ldaXn rgyaX mtshoXr grags pa g.yo/__14_/de sogs zla ba'i rdul brtsegs gangs ri'i khrod/__/bsngags 'os bde 'byung ral rtses mngon btud pa'i/__/mkhas dang grub pa'i shar gyi thig le yis/__/bstan 'gror sman pa'i dge mtshan rgya cher byin/__10___/zhes snga 'gyur bstan pa'i srol 'byed chen po rnams la bsngags brjod kyi me tog phra mo 'di'ang gzhon nu a b+hA yas bcos min gyi mos gus chen pos mtshams sbyar te gang shar bkod pa dza yan+tu//___//__!

Footnotes

Other Information