JKW-KABUM-01-KA-002-003

Previous Text Back to Volume PageNext Text

འཇམ་དཔལ་སྨྲ་བའི་སེང་གེ་ལ་རྩ་སྔགས་ཀྱི་སྒོ་ནས་བསྟོད་པ་མཚོ་བྱུང་བཞད་པའི་དབྱངས་སྙན།

Wylie title	'jam dpal smra ba'i seng ge la rtsa sngags kyi sgo nas bstod pa mtsho byung bzhad pa'i dbyangs snyan
Location	mkhyen brtse'i bka' 'bum Volume 1, sde tshan 2, Text 3, Pages 66-68 (Folios 4b3 to 5b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'jam dpal smra ba'i seng ge la rtsa sngags kyi sgo nas bstod pa mtsho byung bzhad pa'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 1: 66-68. Khams sde dge rdzong sar dgon: Rdzong sar blo gros phun tshogs, 2020.
Genre	Verses of Praise - bstod pa
Deity	'jam dpal smra ba'i seng ge

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འཇམ་དཔལ་སྨྲ་བའི་སེང་གེ་ལ་རྩ་སྔགས་ཀྱི་སྒོ་ནས་བསྟོད་པ་མཚོ་བྱུང་བཞད་པའི་དབྱངས་སྙན་ཅེས་བྱ་བ་བཞུགས་སོ། །རྒྱ་གར་སྐད་དུ། མཉྫུ་ཤྲཱི་བཱ་དི་སིཾ་ཧེ་སྟུ་ཏི་སྭ་ར་སྭ་ཏཱི་ཧ་ས་སྱ་སཾ་རཱ་བ་སཱནྟ་ནཱ་མ། བོད་སྐད་དུ། འཇམ་དཔལ་སྨྲ་བའི་སེང་གེ་ལ་བསྟོད་པ་མཚོ་བྱུང་བཞད་པའི་དབྱངས་སྙན་ཅེས་བྱ་བ། བཅོམ་ལྡན་འདས་གསུང་གི་རྡོ་རྗེ་ལ་ཕྱག་འཚལ་ལོ། །ཨོཾ་གྱི་ངོ་བོ་སྲིད་ཞིའི་མཆོག་སྦྱིན༷་མི་ཕྱེད་རྡོ༷་རྗེ༷འི་བདག་ཉིད་མཆོག༷ །ཧྲཱིཿཞེས་ཡང་དག་ཤེས་རབ་མཐའ༷་གྱུར༷་རྣམ་མེད་དཔལ་མོར་སྙོམས་འཇུག་བཞིན། །དྷཱིཿཡིག་རྣམ་བཅས་སྟོང༷་ཉིད༷་ལས༷་བྱུང༷་སངས༷་རྒྱས༷་བྱང༷་ཆུབ༷་ཆེན་པོའི་ཚུལ། །པྲ་ཕབ་ལྟ་བུའི་མེ་ལོང་ཡེ་ཤེས་འཇམ་པའི་རྡོ་རྗེར་ཕྱག་འཚལ་འདུད། །མ་མེ་ལྷག་པའི་མགོན་པོ་གཅིག་པུ་སྒྲིབ་གཉིས་མུན་སངས༷་མཁྱེན་པ་རྒྱས༷། །དཱི་པཾ་ལྟ་བུར་ཤིན་ཏུ་འོད་གསལ་གཉུག་མའི་ཡུལ་ལ་མངོན་པར་ཆགས། །མཉྫུ་རྟོག་པའི་རྩུབ་རེག་སྤངས་པར་ཟག་མེད་འདོད་པས་དགྱེས་རོལ་པ། །རང་བཞིན་དག་པ་ཆོས་དབྱིངས་ཡེ་ཤེས་འཇམ་པའི་དཔལ་ཁྱོད་ཕྱག་འཚལ་འདུད། །ཤྲཱི་ཞེས་གཉིས་མེད་གཟིགས་པའི་མཐར་སོན་སངས་རྒྱས་ཀུན་དང་རོ་གཅིག་པས། །མུཾ་ཡིག་སྟོང་གཟུགས་ཕྱག་རྒྱ་ཆེན་མོར་འཛུམ་ཞི་དགའ་བས་རབ་བཞད་པ། །ཧྲཱིཿསྒྲ་མི་འགྱུར་ནཱ་དའི་གསུང༷་དང་དེ་ཁོ་ན་ཉིད༷་རོ་གཅིག་ཐུགས། །འདུ་ཤེས་ཅན་མིན་སོར་རྟོག་ཡེ་ཤེས་འཇམ་པའི་དབྱངས་ལ་ཕྱག་འཚལ་འདུད། །པྲཛྙཱ་སྒྲིབ་བྲལ་མཚན་མ་མེད༷་པ༷་མི་འགྱུར་སྟོང་ཉིད་ལས༷་བྱུང༷་བའི། །ཝརྡྷ་ནི་ཞེས་སངས༷་རྒྱས༷་སྲས་བཅས་འབྱུང༷་དང་འཕེལ་བའི༷་གཞི་གཅིག་པུ། །ནམ༷་མཁའ༷་ལས༷་བྱུང༷་སྟོང་པའི་གཟུགས་བརྙན་སློབ་པ་མིན་པའི་ཡེ༷་ཤེས༷་ལས༷། །རང་བྱུང༷་དངོས་ཀུན་མཉམ་པ་ཉིད་གྱུར་འཇམ་དཔལ་གཞོན་ནུར་ཕྱག་འཚལ་འདུད། །ཧྲཱིཿཞེས་ཤེས་རབ་སྒྱུ༷་མའི་རྣམ་འཕྲུལ༷་སྤྲུལ་པའི་དྲྭ༷་བ༷་སྣ་ཚོགས་འཆང་། །དྷཱིཿཡིག་དམར་སེར་སྣང་བ་ལས་འཁྲུངས་སངས༷་རྒྱས༷་རོལ༷་མོ་ཅིར་ཡང་སྟོན། །སྭཱ་ཧཱ་དགེ་ལེགས་ཐམས༷་ཅད༷་སྦྱིན་མཛད་དངོས་པོ་ཐམས༷་ཅད༷་རྗེས་འགྲོ་བ། །ཀུན་ཁྱབ་བྱ་གྲུབ་ཡེ་ཤེས༷་སྐུ༷་ཉིད༷་འཇམ་དཔལ་དཔའ་བོར་ཕྱག་འཚལ་འདུད༷། །ཨེ་མ་ཕྱོགས་བཅུའི་རྣམ་འདྲེན་ཡོངས་ཀྱི་མཁྱེན་རབ་ཕུང་པོ་གཅིག་བསྡུས་པ། །སྨྲ་བའི་སེང་གེ་འཇམ་པའི་དབྱངས་ཞེས་འཇིག་རྟེན་གསུམ་ན་གྲགས་འབར་གང་། །དེང་འདིར་བདག་ལ་ཐུགས་བརྩེར་མཛད་ནས་རྡོ་རྗེའི་སྐུ་གསུང་ཐུགས་གསང་བས། །མངོན་སུམ་བྱིན་རླབས་ཟིལ་དངར་སྩལ་ནས་ཕན་བདེའི་པདྨོ་རྒྱས་མཛོད་ཀྱེ། །ཤེས་པ་ཟབ་མོའི་ཚུལ་དང་མི་ཕྱེད་མཐའ་ཡས་ཤེས་བྱའི་དེ་ཉིད་མཐོང་། །གཟུངས་དང་སྤོབས་པའི་ཆོས་ཀྱི་སྤྲིན་ལས་ཞི་བསིལ་བདུད་རྩིའི་ཆར་ཆེན་འབེབས། །མཐོང་ཐོས་དྲན་རེག་བྱང་ཆུབ་ལ་འགོད་རྒྱལ་དང་རྒྱལ་སྲས་བྱེ་བའི་གཙོ། །ཡེ་ཤེས་ལུས་ཅན་རྣམ་ཐར་རྒྱ་མཚོར་འགྲོ་ཀུན་རྟག་ཏུ་འཇུག་གྱུར་ཅིག །ཅེས་རྗེ་བཙུན་འཇམ་པའི་དབྱངས་སྨྲ་བའི་སེང་གེ་ལ་རྩ་སྔགས་ཀྱི་ངེས་པ་དང་། འཇམ་དཔལ་སྒྱུ་འཕྲུལ་དྲྭ་བའི་རྒྱུད་ཀྱི་རྒྱལ་པོ་ཆེན་པོའི་བསྟོད་པའི་ལེའུའི་ངེས་དོན་འགྲེལ་ཆེན་དྲི་མ་མེད་པའི་འོད་ཀྱི་དགོངས་པ་དང་མཐུན་པར་ཟུང་དུ་འབྲེལ་བའི་སྒོ་ནས་ཅུང་ཟད་བསྔགས་པའི་ཚིགས་སུ་བཅད་པ་འདི་ཡང་གྲུབ་པ་མཆོག་གི་དེད་དཔོན་དམ་པ་སངས་རྒྱས་ཀྱི་གཞུང་ལ་བརྟེན་ནས་བསྙེན་སྒྲུབ་ཀྱི་མཐར་དངོས་གྲུབ་བླང་བའི་ཆེད་ཐུགས་དམ་བསྐུལ་བའི་ཚུལ་དུ་ཤཱཀྱའི་དགེ་སློང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷིར་སྟུ།། །། ༈

[edit]

'jam dpal smra ba'i seng ge la rtsa sngags kyi sgo nas bstod pa mtsho byung bzhad pa'i dbyangs snyan/__ 'jam dpal smra ba'i seng ge la rtsa sngags kyi sgo nas bstod pa mtsho byung bzhad pa'i dbyangs snyan ces bya ba bzhugs so/__/rgya gar skad du/__many+dzu shrI bA di siM he stu ti swa ra swa tI ha sa s+ya saM rA ba sAn+ta nA ma/__bod skad du/__'jam dpal smra ba'i seng ge la bstod pa mtsho byung bzhad pa'i dbyangs snyan ces bya ba/__bcom ldan 'das gsung gi rdo rje la phyag 'tshal lo/__/oM gyi ngo bo srid zhi'i mchog sbyinaX mi phyed rdoX rjeX'i bdag nyid mchogaX__/hrIHzhes yang dag shes rab mtha'aX gyuraX rnam med dpal mor snyoms 'jug bzhin/__/d+hIHyig rnam bcas stongaX nyidaX lasaX byungaX sangasaX rgyasaX byangaX chubaX chen po'i tshul/__/pra phab lta bu'i me long ye shes 'jam pa'i rdo rjer phyag 'tshal 'dud/__/ma me lhag pa'i mgon po gcig pu sgrib gnyis mun sangasaX mkhyen pa rgyasaX/__/dI paM lta bur shin tu 'od gsal gnyug ma'i yul la mngon par chags/__/many+dzu rtog pa'i rtsub reg spangs par zag med 'dod pas dgyes rol pa/___/rang bzhin dag pa chos dbyings ye shes 'jam pa'i dpal khyod phyag 'tshal 'dud/__/shrI zhes gnyis med gzigs pa'i mthar son sangs rgyas kun dang ro gcig pas/__/muM yig stong gzugs phyag rgya chen mor 'dzum zhi dga' bas rab bzhad pa/__/hrIHsgra mi 'gyur nA da'i gsungaX dang de kho na nyidaX ro gcig thugs/__/'du shes can min sor rtog ye shes 'jam pa'i dbyangs la phyag 'tshal 'dud/__/pradz+nyA sgrib bral mtshan ma medaX paX mi 'gyur stong nyid lasaX byungaX ba'i/__/war+d+ha ni zhes sangasaX rgyasaX sras bcas 'byungaX dang 'phel ba'iX gzhi gcig pu/__/namaX mkha'aX lasaX byungaX stong pa'i gzugs brnyan slob pa min pa'i yeX shesaX lasaX/__/rang byungaX dngos kun mnyam pa nyid gyur 'jam dpal gzhon nur phyag 'tshal 'dud/__/hrIHzhes shes rab sgyuX ma'i rnam 'phrulaX sprul pa'i drwaX baX sna tshogs 'chang /__/d+hIHyig dmar ser snang ba las 'khrungs sangasaX rgyasaX rolaX mo cir yang ston/__/swA hA dge legs thamasaX cadaX sbyin mdzad dngos po thamasaX cadaX rjes 'gro ba/__/kun khyab bya grub ye shesaX skuX nyidaX 'jam dpal dpa' bor phyag 'tshal 'dudaX/__/e ma phyogs bcu'i rnam 'dren yongs kyi mkhyen rab phung po gcig bsdus pa/__/smra ba'i seng ge 'jam pa'i dbyangs zhes 'jig rten gsum na grags 'bar gang /__/deng 'dir bdag la thugs brtser mdzad nas rdo rje'i sku gsung thugs gsang bas/__/mngon sum byin rlabs zil dngar stsal nas phan bde'i pad+mo rgyas mdzod kye/__/shes pa zab mo'i tshul dang mi phyed mtha' yas shes bya'i de nyid mthong /__/gzungs dang spobs pa'i chos kyi sprin las zhi bsil bdud rtsi'i char chen 'bebs/__/mthong thos dran reg byang chub la 'god rgyal dang rgyal sras bye ba'i gtso/__/ye shes lus can rnam thar rgya mtshor 'gro kun rtag tu 'jug gyur cig__/ces rje btsun 'jam pa'i dbyangs smra ba'i seng ge la rtsa sngags kyi nges pa dang /__'jam dpal sgyu 'phrul drwa ba'i rgyud kyi rgyal po chen po'i bstod pa'i le'u'i nges don 'grel chen dri ma med pa'i 'od kyi dgongs pa dang mthun par zung du 'brel ba'i sgo nas cung zad bsngags pa'i tshigs su bcad pa 'di yang grub pa mchog gi ded dpon dam pa sangs rgyas kyi gzhung la brten nas bsnyen sgrub kyi mthar dngos grub blang ba'i ched thugs dam bskul ba'i tshul du shAkya'i dge slong 'jam dbyangs mkhyen brtse'i dbang pos gsol ba btab pa sid+d+hir stu//__//_!