JKW-KABUM-01-KA-002-002

From Khyentse Lineage - A Tsadra Foundation Project

འཇམ་དཔལ་གཞོན་ནུ་ལ་བསྟོད་པ་བློ་མཆོག་གུར་ཀུམ་གསར་པའི་ཕྲེང་མཛེས།
Wylie title 'jam dpal gzhon nu la bstod pa blo mchog gur kum gsar pa'i phreng mdzes JKW-KABUM-01-KA-002.pdf
Location mkhyen brtse'i bka' 'bum
Volume 1, sde tshan 2, Text 2, Pages 63-66 (Folios 3a3 to 4b3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. 'jam dpal gzhon nu la bstod pa blo mchog gur kum gsar pa'i phreng mdzes. In 'jam dbyangs mkhyen brtse'i dbang po'i bka' 'bum, Vol. 1: 63-66. Khams sde dge rdzong sar dgon: Rdzong sar blo gros phun tshogs, 2020.
Genre Verses of Praise - bstod pa
Deity 'jam dpal gzhon nu
Colophon

།དེ་ལྟར་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་བསྟོད་པའི་རབ་བྱེད་འདིའང་མི་ཕྱེད་པའི་དད་པས་མཚམས་སྦྱར་ཏེ་གཞོན་ནུ་ཨ་བྷཱ་ཡས་ཁྱུ་མཆོག་ཅན་གྱི་ཟླ་བའི་རྒྱལ་བ་གཉིས་པའི་གྲལ་ཚེས་དགེ་བར་གང་ཤར་གསོལ་བ་བཏབ་པ་ཛ་ཡནྟུ།།

de ltar byang chub sems dpa' 'jam dpal gzhon nur gyur pa la bstod pa'i rab byed 'di'ang mi phyed pa'i dad pas mtshams sbyar te gzhon nu a b+hA yas khyu mchog can gyi zla ba'i rgyal ba gnyis pa'i gral tshes dge bar gang shar gsol ba btab pa dza yan+tu

":Property:textsubnumber|textsubnumber" can not be assigned to a declared number type with value 1.

[edit]
འཇམ་དཔལ་གཞོན་ནུ་ལ་བསྟོད་པ་བློ་མཆོག་གུར་གུམ་གསར་པའི་ཕྲེང་མཛེས་ཞེས་བྱ་བ། ན་མཿཨཱཪྻ་མཉྫུ་ཤྲཱི་ཀུ་མཱ་རཱ་ཡ། ཀ༷་ལ་པིངྐ་སྒོ་ངར་གནས་བཞིན་ཡིད་འོང་སྒྲ་སྐད་སྙན་སྒྲོགས་ལྟར། །ཁ༷་ན་མ་ཐོའི་སྦུབས་སུ་ཞུགས་ཀྱང་བྱང་ཆུབ་སེམས་དཔའི་མྱུ་གུ་ནི། །ག༷་བུར་འཛིན་པའི་བསིལ་བའི་འོད་ལྟར་རྣམ་རྣམ་ཐར་གསུམ་གྱི་སྟེང་མངོན་པར་འདུ་བྱ་བ་མེད་པས་བསྣན་པའི་ཁྱད་པར་རོ། །ཐར་བཞི་ལྡན་དམ་ཆོས་དབྱངས། །ང༷་བདག་ཚ་གདུང་བསལ་ཕྱིར་འབེབས་ཞེས་བདེན་པར་དམ་ཆོས་པད་དཀར་ལས་གསུངས་དེར་བདག་ཅག་དད། ༡ །ཅ༷་ཅོ་བྲལ་བའི་གུར་གུམ་གཞོན་ནུའི་རྡུལ་གྱིས་བྱུག་པའི་ཡེ་ཤེས་སྐུ། །ཆ༷་བྱད་མཚན་དཔེའི་འཇོ་སྒེག་ལ་རོལ་བཅུ་དྲུག་ལང་ཚོའི་སྣང་བ་ཅན། །ཇ་ཧོང་དམར་སེར། ལྟར་གཡོ་སྣ་ཚོགས་འོད་ཟེར་སྤེལ་ལེགས་ཕྲེང་བས་ལེགས་འཁྱུད་པའི། །ཉ༷་རྒྱས་ཤར་གྱི་ཐིག་ལེ་ཇི་བཞིན་རྙོག་པ་བྲལ་དེར་དྭང་བས་འདུད། ༢ །ཏ༷་ཐཱ་ག་ཏས་ལེགས་པར་གསུངས་པའི་བདེན་པ་གཉིས་ཀྱི་དམ་ཆོས་དབྱངས། །ཐ༷་དད་ཉིད་དུ་རྣམ་པར་བཀྲ་ལས་སླར་ཡང་གསལ་བར་མཛད་པའི་གཉེན། །ད༷་གཟོད་ཁྱོད་ལས་གཞན་དུ་རྙེད་མིན་གལ་ཏེ་མངའ་ཡང་ཁྱེད་ཀྱི་མཐུ། །ན༷་མ་སྤོབས་པའི་ཤེས་རབ་མཆོག་འཛིན་བྱང་སེམས་ཁྱུ་མཆོག་དེ་ལ་འདུད། ༣ །པ༷་སངས་སྤྲིན་བྲལ་མཁའ་ལ་སྒེག་པའི་འོད་ཟེར་འཛུམ་ཕྲེང་གཡོ་བ་ལྟར། །ཕ༷་མཐའ་མི་མངོན་གཟུངས་དང་བློ་གྲོས་རྟོགས་པའི་ཡེ་ཤེས་གཏེར་གྱུར་དེས། །བ་མཆོག་ཙིནྟཱ་མ་ཎི་ལས་ལྷག་ཤེས་བྱའི་བློ་མིག་གྲོལ་བ་ལ། །མ་རིག་རྨོངས་པའི་མུན་པ་བསལ་མཛད་ཚད་མེད་ཐུགས་རྗེའི་གཏེར་ལ་འདུད། ༤ །ཙ༷་ཀོ་ར་ཚོགས་སྤྲིན་བཞིན་འདུ་བའི་ཨུཏྤལ་གཞོན་ནུ་འཇོ་སྒེག་ཕྱག །ཚ༷་ཟེར་ཅན་གྱིས་ཀུན་གསལ་བཞུ་འདྲའི་འོད་སྣང་གཡོ་བའི་རལ་གྲི་དང་། །ཛཱ༷་ཏིའི་མེ་ཏོག་གསར་པ་ལྟར་སྡུག་རབ་མཛེས་གླེགས་བམ་ཟུང་འཛིན་པས། །ཝ༷་ལྟར་ཉུལ་བའི་རྟོག་པའི་རྒྱུན་གཅོད་སོར་རྟོག་ཤེས་རབ་སྟེར་ལ་འདུད། ༥ །ཞྭ༷་ཐོད་ཀུན་སྤངས་ཨུཏྤལ་ལྟར་གནག་རལ་པའི་གདེངས་ཀ་མཛེས་པའི་རྩེར། །ཟ༷་མ་ཏོག་བཞིན་སྣ་ཚོགས་རིན་ཆེན་པདྨོས་མཚན་པའི་འཛུམ་ཞལ་དུ། །འ༷་ཅག་འགྲོ་ཀུན་རྗེས་སུ་བཟུང་ཕྱིར་རིགས་ཀྱི་བདག་པོ་འོད་མཐའ་ཡས། །ཡ༷་བྲལ་ཙམ་མིན་རྟག་ཏུ་བསྙེན་པའི་ངོ་མཚར་དཔག་ཡས་དེ་ལ་འདུད། ༦ །རཱ༷་ཡི་གཞུ་ཅན་ངང་པའི་ཤིང་རྟ་སྤྲིན་ཞོན་མི་བཟད་མིག་ལ་སོགས། །ལ་ལ་ཙམ་མིན་འཇིག་རྟེན་ཆེད་དགུའི་ཐོར་ཚུགས་རིན་ཆེན་ཟུར་ཕུད་རྩེར། །ཤ་ཁྲག་ལས་འདས་སྣང་སྟོང་མཚན་དཔེའི་ཞབས་རྡུལ་བཀོད་ལ་ངོ་མཚར་ཅི། །ས་བཅུའི་ཀློང་དུ་སྙིང་རྗེའི་ངལ་བསོའི་རྒྱལ་ཀུན་ཡབ་ཏུ་གྱུར་དེར་འདུད། ༧ །ཧ་རིའི་ཙནྡན་བསིལ་ངད་ལས་ལྷག་ཐུགས་རྗེའི་ཟླ་ཤེལ་གསར་པ་ནི། །རྟག་ཏུ་གུས་པའི་བདེ་འབྱུང་རལ་རྩེར་བྲལ་ཐོབ་སྤངས་པར་སོན་པ་ལས། །ཨཱ་དཪྵ་ལྟར་རྙོག་པ་བྲལ་བའི་བློ་མཆོག་ཀུནྡཱའི་འདབ་མའི་ཁ། །ཡིད་འོང་དབྱེ་བའི་བྱེད་པོ་གཅིག་གྱུར་ཁྱོད་ཀྱི་ཐུགས་རྗེས་རྟག་ཏུ་སྐྱོངས། ༨ །བྱང་ཆུབ་སྤྱོད་མཆོག་བདུད་རྩིའི་བཏུང་བས་རྨད་བྱུང་ལང་ཚོ་ཆེར་རྒྱས་པའི། །ཨཱ༷ཪྻ་དེ་ཝ་ནགས་ཚལ་དབུས་སུ་མངོན་སུམ་རྗེས་སུ་བཟུང་བ་དང་། །ཙཱནྡྲ་གོ་མིའི་བསྔགས་པའི་རྒྱུད་མང་རབ་སྙན་གཡོ་བས་ཁྱོད་ཀྱི་ཐུགས། །ཀུན་ནས་དགྱེས་གྱུར་གསུང་གིས་དབུགས་དབྱུང་སྩལ་བ་ཇི་བཞིན་བདག་ཀྱང་ཟུངས། ༩ །གང་གི་མཁྱེན་བརྩེའི་ཀུན་ཕན་རྡུལ་ཕྲན་ལན་གཅིག་སྙིང་གར་སོན་པ་ལས། །བརྒྱད་གཉིས་འཇིགས་བཅས་ཚ་གདུང་བཅིལ་དང་རྨོངས་པའི་མུན་པ་རྣམ་པར་འཕྲོག །རིག་པའི་གཞུང་ལུགས་ཨུཏྤལ་དཀར་པོའི་འདབ་བརྒྱ་འབྱེད་དང་ལྷན་ཅིག་པར། །ཐམས་ཅད་མཁྱེན་པའི་གེ་སར་མཛེས་འཛིན་དོན་གཉིས་ཡོངས་སུ་འགྲུབ་གྱུར་ཅིག ༡༠ །{{TibChungདེ་ལྟར་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་ལ་བསྟོད་པའི་རབ་བྱེད་འདིའང་མི་ཕྱེད་པའི་དད་པས་མཚམས་སྦྱར་ཏེ་གཞོན་ནུ་ཨ་བྷཱ་ཡས་ཁྱུ་མཆོག་ཅན་གྱི་ཟླ་བའི་རྒྱལ་བ་གཉིས་པའི་གྲལ་ཚེས་དགེ་བར་གང་ཤར་གསོལ་བ་བཏབ་པ་ཛ་ཡནྟུ།། །། ༈ }}
[edit]

'jam dpal gzhon nu la bstod pa blo mchog gur kum gsar pa'i phreng mdzes/ 'jam dpal gzhon nu la bstod pa blo mchog gur gum gsar pa'i phreng mdzes zhes bya ba/__na maHAR+Ya many+dzu shrI ku mA rA ya/__kaX la ping+ka sgo ngar gnas bzhin yid 'ong sgra skad snyan sgrogs ltar/__/khaX na ma tho'i sbubs su zhugs kyang byang chub sems dpa'i myu gu ni/__/gaX bur 'dzin pa'i bsil ba'i 'od ltar rnam rnam thar gsum gyi steng mngon par 'du bya ba med pas bsnan pa'i khyad par ro/__/thar bzhi ldan dam chos dbyangs/__/ngaX bdag tsha gdung bsal phyir 'bebs zhes bden par dam chos pad dkar las gsungs der bdag cag dad/__1__/caX co bral ba'i gur gum gzhon nu'i rdul gyis byug pa'i ye shes sku/__/chaX byad mtshan dpe'i 'jo sgeg la rol bcu drug lang tsho'i snang ba can/__/ja hong dmar ser/__ltar g.yo sna tshogs 'od zer spel legs phreng bas legs 'khyud pa'i/__/nyaX rgyas shar gyi thig le ji bzhin rnyog pa bral der dwang bas 'dud/__2__/taX thA ga tas legs par gsungs pa'i bden pa gnyis kyi dam chos dbyangs/__/thaX dad nyid du rnam par bkra las slar yang gsal bar mdzad pa'i gnyen/__/daX gzod khyod las gzhan du rnyed min gal te mnga' yang khyed kyi mthu/__/naX ma spobs pa'i shes rab mchog 'dzin byang sems khyu mchog de la 'dud/__3_/paX sangs sprin bral mkha' la sgeg pa'i 'od zer 'dzum phreng g.yo ba ltar/__/phaX mtha' mi mngon gzungs dang blo gros rtogs pa'i ye shes gter gyur des/__/ba mchog tsin+tA ma Ni las lhag shes bya'i blo mig grol ba la/__/ma rig rmongs pa'i mun pa bsal mdzad tshad med thugs rje'i gter la 'dud/__4__/tsaX ko ra tshogs sprin bzhin 'du ba'i ut+pal gzhon nu 'jo sgeg phyag__/tshaX zer can gyis kun gsal bzhu 'dra'i 'od snang g.yo ba'i ral gri dang /__/dzAX ti'i me tog gsar pa ltar sdug rab mdzes glegs bam zung 'dzin pas/__/waX ltar nyul ba'i rtog pa'i rgyun gcod sor rtog shes rab ster la 'dud/__5_/zhwaX thod kun spangs ut+pal ltar gnag ral pa'i gdengs ka mdzes pa'i rtser/__/zaX ma tog bzhin sna tshogs rin chen pad+mos mtshan pa'i 'dzum zhal du/__/'aX cag 'gro kun rjes su bzung phyir rigs kyi bdag po 'od mtha' yas/__/yaX bral tsam min rtag tu bsnyen pa'i ngo mtshar dpag yas de la 'dud/__6__/rAX yi gzhu can ngang pa'i shing rta sprin zhon mi bzad mig la sogs/__/la la tsam min 'jig rten ched dgu'i thor tshugs rin chen zur phud rtser/__/sha khrag las 'das snang stong mtshan dpe'i zhabs rdul bkod la ngo mtshar ci/__/sa bcu'i klong du snying rje'i ngal bso'i rgyal kun yab tu gyur der 'dud/__7_/ha ri'i tsan+dan bsil ngad las lhag thugs rje'i zla shel gsar pa ni/__/rtag tu gus pa'i bde 'byung ral rtser bral thob spangs par son pa las/__/A daR+Sha ltar rnyog pa bral ba'i blo mchog kun+dA'i 'dab ma'i kha/__/yid 'ong dbye ba'i byed po gcig gyur khyod kyi thugs rjes rtag tu skyongs/_8_/byang chub spyod mchog bdud rtsi'i btung bas rmad byung lang tsho cher rgyas pa'i/__/AXR+Ya de wa nags tshal dbus su mngon sum rjes su bzung ba dang /__/tsAn+d+ra go mi'i bsngags pa'i rgyud mang rab snyan g.yo bas khyod kyi thugs/__/kun nas dgyes gyur gsung gis dbugs dbyung stsal ba ji bzhin bdag kyang zungs/__9_/gang gi mkhyen brtse'i kun phan rdul phran lan gcig snying gar son pa las/__/brgyad gnyis 'jigs bcas tsha gdung bcil dang rmongs pa'i mun pa rnam par 'phrog__/rig pa'i gzhung lugs ut+pal dkar po'i 'dab brgya 'byed dang lhan cig par/__/thams cad mkhyen pa'i ge sar mdzes 'dzin don gnyis yongs su 'grub gyur cig__10_/de ltar byang chub sems dpa' 'jam dpal gzhon nur gyur pa la bstod pa'i rab byed 'di'ang mi phyed pa'i dad pas mtshams sbyar te gzhon nu a b+hA yas khyu mchog can gyi zla ba'i rgyal ba gnyis pa'i gral tshes dge bar gang shar gsol ba btab pa dza yan+tu//___//__!_

Footnotes

Other Information