སྙན་བརྒྱུད་རྟ་མགྲིན་སྐོང་བ་དངོས་གྲུབ་ཆར་འབེབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	snyan brgyud rta mgrin skong ba dngos grub char 'bebs
Location	mkhyen brtse'i bka' babs Volume 19, Text 14, Pages 273-274 (Folios 1a1 to 1b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Associated People	སློབ་དཔོན་ཆེན་པོ་ནཱ་གརྫུ་ན་ (Nāgārjuna)
Citation	'jam dbyangs mkhyen brtse'i dbang po. snyan brgyud rta mgrin skong ba dngos grub char 'bebs. In Rdzong sar 'jam dbyangs mkhyen brtse'i dbang po'i bka' babs, Vol. 19: 273-274. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Mending Rituals - bskang chog
Cycle	རྟ་མཆོག་རོལ་པའི་སྙིང་ཏིག་ (rta mchog rol pa'i snying tig)
Deity	rta mgrin
Karchag page	JKW-KABAB-Volume-19-DZA-Karchag
Recension Link	Other Versions on this site: སྙན་བརྒྱུད་རྟ་མགྲིན་བསྐང་བ་དངོས་གྲུབ་ཆར་འབེབས།
RTZ	In the Rinchen Terdzö: https://rtz.tsadra.org/index.php/Terdzo-LA-030
Colophon	ཅེས་པའང་ཤིང་ལུག་ལོར་དཔའ་འོག་དབང་ཆེན་བྲག་ཏུ་རྟ་མགྲིན་གྱི་ཚོགས་སྐོང་ཕུལ་སྐབས་བྲིས་པ་དགེའོ། ཕྱག་བྲིས་ལ་ཞལ་བཤུས་ཞུས།།
	ces pa'ang shing lug lor dpa' 'og dbang chen brag tu rta mgrin gyi tshogs skong phul skabs bris pa dge'o/__phyag bris la zhal bshus zhus

Tibetan Text

Wylie

[edit]

༄༅། སྙན་བརྒྱུད་རྟ་མགྲིན་སྐོང་བ་དངོས་གྲུབ་ཆར་འབེབས་ཞེས་བྱ་བ་བཞུགས་སོ། ཧྱ་གྷྲི་ཝ་ལ་ན་མོ། སྐོང་རྫས་རྣམས་བྱིན་གྱིས་རློབས་ལ། ཧཱི་ཧཱི་ཧཱི༔ ཟླ་གམ་དབང་ཆེན་རོལ་པའི་དཀྱིལ་འཁོར་ནས། །པདྨ་དབང་ཆེན་ཡུམ་ཆེན་གཟི་ལྡན་དང༌། །དབང་ཆེན་རིགས་བཞི་ཁམ་བརྒྱ་དམུས་ལོང་དང༌། །དཔལ་གྱི་ཁྱི་སྤྱང་ལ་སོགས་དཀྱིལ་འཁོར་གྱི། །ལྷ་ཚོགས་སྤྲུལ་པ་ཡང་སྤྲུལ་དམ་ཅན་ཚོགས། །ཐུགས་དམ་བསྐང་ངོ་དངོས་གྲུབ་མ་ལུས་སྩོལ། ཧཱུྃ་ཧྲཱི༔ དཀྱིལ་འཁོར་ལྷ་ཚོགས་ཐུགས་དམ་བསྐང་བའི་རྫས། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ལྷ་རྫས་ཕྱི་ཡི་མཆོད་པ་རྣམ་མང་དང༌། །གཟུགས་སྒྲ་དྲི་རོ་རེག་བྱ་ལ་སོགས་པ། །རང་བྱུང་ནང་གི་མཆོད་པ་ཆེན་པོ་དང༌། །སྨན་རཀ་གཏོར་མ་སྦྱོར་སྒྲོལ་ཚོགས་འཁོར་ལོ། །གཉིས་མེད་གསང་བའི་མཆོད་པ་རྨད་བྱུང་ཆེ། །མདོར་ན་འཁོར་འདས་སྣང་ཞིང་སྲིད་པ་ཡི། །མཆོད་པར་འོས་པའི་ཚོགས་ཀྱིས་ཐུགས་དམ་བསྐང༌། །བརྟེན་སྒྲུབ་མཆོད་སྐོང་དམ་རྫས་ཆེན་པོ་དང༌། །ལྷ་སྔགས་ཏིང་འཛིན་ཕྱག་རྒྱའི་ཆོ་འཕྲུལ་ཆེ། རང་སེམས་གཉུག་མ་དབང་ཆེན་རྟ་མགྲིན་གྱི། །དཀྱིལ་དང་འཁོར་དུ་ཤར་བ་ཐམས་ཅད་ཀུན། །གཉིས་མེད་རང་ངོ་ཤེས་པ་ཐུགས་དམ་བསྐང༌། །ཉམས་ཆགས་སྡིག་ལྟུང་ཆོས་དབྱིངས་སྐྱེ་མེད་ངང༌། །བཤགས་བྱ་བཤགས་བྱེད་བྲལ་བའི་ཀློང་དུ་བཤགས། །ཐུགས་དམ་དགྱེས་བསྐང་དངོས་གྲུབ་མ་ལུས་སྩོལ། །བདག་ཅག་རིག་འཛིན་རྣལ་འབྱོར་སྒྲུབ་པ་པོས། །རྟ་སྐད་ཐེངས་གསུམ་དགོངས་པ་མངོན་དུ་གྱུར། །བདུད་དང་དམ་སྲི་ཐམས་ཅད་ཟིལ་གྱིས་གནོན། །བྱད་ཕུར་རྦོད་གཏོང་ཐམས་ཅད་རྡུལ་དུ་རློགས། །གཟུང་འཛིན་རྟོག་ཚོགས་ཆོས་ཀྱི་དབྱིངས་སུ་སྒྲོལ། །སྣང་སྲིད་དབང་སྡུད་དབང་གི་ལས་མཐར་ཕྱིན། །སྲིད་གསུམ་རྟ་མཆོག་རོལ་པའི་ཐིག་ལེ་ཆེར། །འུབ་ཆུབ་གསུང་མཆོག་ཕྲིན་ལས་འགྲུབ་པར་ཤོག ཅེས་པའང་ཤིང་ལུག་ལོར་དཔའ་འོག་དབང་ཆེན་བྲག་ཏུ་རྟ་མགྲིན་གྱི་ཚོགས་སྐོང་ཕུལ་སྐབས་བྲིས་པ་དགེའོ། ཕྱག་བྲིས་ལ་ཞལ་བཤུས་ཞུས།།

[edit]

@#/__snyan brgyud rta mgrin skong ba dngos grub char 'bebs zhes bya ba bzhugs so/__h+ya g+h+ri wa la na mo/__skong rdzas rnams byin gyis rlobs la/__hI hI hI:__zla gam dbang chen rol pa'i dkyil 'khor nas/__/pad+ma dbang chen yum chen gzi ldan dang*/__/dbang chen rigs bzhi kham brgya dmus long dang*/__/dpal gyi khyi spyang la sogs dkyil 'khor gyi/__/lha tshogs sprul pa yang sprul dam can tshogs/__/thugs dam bskang ngo dngos grub ma lus stsol/__hU~M hrI:__dkyil 'khor lha tshogs thugs dam bskang ba'i rdzas/__/dngos su 'byor dang yid kyis rnam sprul pa'i/__/lha rdzas phyi yi mchod pa rnam mang dang*/__/gzugs sgra dri ro reg bya la sogs pa/__/rang byung nang gi mchod pa chen po dang*/__/sman raka gtor ma sbyor sgrol tshogs 'khor lo/__/gnyis med gsang ba'i mchod pa rmad byung che/__/mdor na 'khor 'das snang zhing srid pa yi/__/mchod par 'os pa'i tshogs kyis thugs dam bskang*/__/brten sgrub mchod skong dam rdzas chen po dang*/__/lha sngags ting 'dzin phyag rgya'i cho 'phrul che/__rang sems gnyug ma dbang chen rta mgrin gyi/__/dkyil dang 'khor du shar ba thams cad kun/__/gnyis med rang ngo shes pa thugs dam bskang*/__/nyams chags sdig ltung chos dbyings skye med ngang*/__/bshags bya bshags byed bral ba'i klong du bshags/__/thugs dam dgyes bskang dngos grub ma lus stsol/__/bdag cag rig 'dzin rnal 'byor sgrub pa pos/__/rta skad thengs gsum dgongs pa mngon du gyur/__/bdud dang dam sri thams cad zil gyis gnon/__/byad phur rbod gtong thams cad rdul du rlogs/__/gzung 'dzin rtog tshogs chos kyi dbyings su sgrol/__/snang srid dbang sdud dbang gi las mthar phyin/__/srid gsum rta mchog rol pa'i thig le cher/__/'ub chub gsung mchog phrin las 'grub par shog__ces pa'ang shing lug lor dpa' 'og dbang chen brag tu rta mgrin gyi tshogs skong phul skabs bris pa dge'o/__phyag bris la zhal bshus zhus//