JKCL-KABUM-12-NA-063

Previous Text Back to Volume PageNext Text

དཔལ་རིའི་སྨོན་ལམ།

Wylie title	dpal ri'i smon lam
Location	chos kyi blo gros bka' 'bum Volume 12, Text 63, Pages 305-306 (Folios 1a1 to 1b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpal ri'i smon lam. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 305-306. Bir, H.P.: Khyentse Labrang, 2012.
Genre	Prayers - smon lam
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/aspiration-for-mountain-of-glory
Colophon	།ཅེས་པའང་དད་སློབ་གླིང་རུ་དགེ་མ་སེང་སྒྲོན་ནས་རིན་གཉིས་ཞོ་བདུན་འཁོར་ལོ་ལྔའི་གྲངས་ལྡན་བཅས་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་སྨོན་ཚིག་ཏུ་བྲིས་པ་སིདྡྷི་རསྟུ།།
	/ces pa'ang dad slob gling ru dge ma seng sgron nas rin gnyis zho bdun 'khor lo lnga'i grangs ldan bcas bskul ngor 'jam dbyangs chos kyi blo gros pas smon tshig tu bris pa sid+d+hi rastu//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

དཔལ་རིའི་སྨོན་ལམ་བཞུགས། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །རང་སྣང་རྣམ་དག་པདྨ་འོད་ཀྱི་ཞིང་། །བཀོད་པ་ཡོངས་རྫོགས་ཟངས་མདོག་དཔལ་གྱི་རིར། །སྐུ་གསུམ་ཕོ་བྲང་གཞལ་མེད་ཉམས་དགའ་བའི། །འོག་ཁང་སྤྲུལ་སྐུའི་ཚོགས་ཁང་ཆེན་པོ་ན། །རྩ་གསུམ་ཀུན་འདུས་ཨོ་རྒྱན་པདྨ་འབྱུང་། །རིག་འཛིན་དཔའ་བོ་མཁའ་འགྲོའི་འཁོར་གྱིས་བསྐོར། །གསང་སྔགས་རྡོ་རྗེ་ཐེག་པའི་ཆོས་སྒྲ་སྒྲོགས། །བར་ཁང་ལོངས་སྐུའི་གཞལ་ཡས་ཁང་ཆེན་དུ། །འཕགས་མཆོག་ཐུགས་རྗེ་ཆེན་པོ་སྤྱན་རས་གཟིགས། །སངས་རྒྱས་བྱང་སེམས་འཁོར་གྱིས་བསྐོར་བ་བཞུགས། །དེ་སྟེང་ཆོས་སྐུའི་ཞིང་ཁམས་འབྱམས་ཀླས་དབུས། །སྟོན་པ་མགོན་པོ་འོད་སྣང་མཐའ་ཡས་པ། །རང་ལས་ཐ་མི་དད་པའི་འཁོར་གྱིས་བསྐོར། །དེ་ལྟར་སྐུ་གསུམ་ཞིང་ཁམས་རྟེན་བརྟེན་པ། །མངོན་སུམ་བཞིན་དུ་གསལ་བར་དྲན་པ་དང་། །དད་པས་ཕྱག་མཆོད་གསོལ་བ་བཏབ་པའི་མཐུས། །བདག་སོགས་གུ་རུའི་རྗེས་འཇུག་སྐལ་ལྡན་རྣམས། །འཆི་བའི་ཚེ་ན་གནད་གཅོད་མི་འབྱུང་ཞིང་། །མཁར་ཆེན་བཟའ་སོགས་ཌཱ་ཀིས་མདུན་བསུས་ནས། །པདྨ་འོད་ཀྱི་ཞིང་དུ་སྐྱེ་བ་དང་། །སྨིན་གྲོལ་ལུང་བསྟན་ལམ་ལྔ་ས་བཅུ་རྫོགས། །ཨོ་རྒྱན་རྗེ་དང་དགོངས་ཀློང་དབྱེར་མེད་ཤོག །ཅེས་པའང་དད་སློབ་གླིང་རུ་དགེ་མ་སེང་སྒྲོན་ནས་རིན་གཉིས་ཞོ་བདུན་འཁོར་ལོ་ལྔའི་གྲངས་ལྡན་བཅས་བསྐུལ་ངོར་འཇམ་དབྱངས་ཆོས་ཀྱི་བློ་གྲོས་པས་སྨོན་ཚིག་ཏུ་བྲིས་པ་སིདྡྷི་རསྟུ།། །།

[edit]

dpal ri'i smon lam bzhugs/__oM AHhU~M badz+ra gu ru pad+ma sid+d+hi hU~M/__/rang snang rnam dag pad+ma 'od kyi zhing /__/bkod pa yongs rdzogs zangs mdog dpal gyi rir/__/sku gsum pho brang gzhal med nyams dga' ba'i/__/'og khang sprul sku'i tshogs khang chen po na/__/rtsa gsum kun 'dus o rgyan pad+ma 'byung /__/rig 'dzin dpa' bo mkha' 'gro'i 'khor gyis bskor/__/gsang sngags rdo rje theg pa'i chos sgra sgrogs/__/bar khang longs sku'i gzhal yas khang chen du/__/'phags mchog thugs rje chen po spyan ras gzigs/__/sangs rgyas byang sems 'khor gyis bskor ba bzhugs/__/de steng chos sku'i zhing khams 'byams klas dbus/__/ston pa mgon po 'od snang mtha' yas pa/__/rang las tha mi dad pa'i 'khor gyis bskor/__/de ltar sku gsum zhing khams rten brten pa/__/mngon sum bzhin du gsal bar dran pa dang /__/dad pas phyag mchod gsol ba btab pa'i mthus/__/bdag sogs gu ru'i rjes 'jug skal ldan rnams/__/'chi ba'i tshe na gnad gcod mi 'byung zhing /__/mkhar chen bza' sogs DA kis mdun bsus nas/__/pad+ma 'od kyi zhing du skye ba dang /__/smin grol lung bstan lam lnga sa bcu rdzogs/__/o rgyan rje dang dgongs klong dbyer med shog__/ces pa'ang dad slob gling ru dge ma seng sgron nas rin gnyis zho bdun 'khor lo lnga'i grangs ldan bcas bskul ngor 'jam dbyangs chos kyi blo gros pas smon tshig tu bris pa sid+d+hi rastu//___//