ན་མཿཤྲཱིཿམ་ཧཱ་ཀ་ལ་ཡ། སོགས་གཙང་སར་དགོན་ལ་མགོན་ཐང་སྩལ་སྐབས་གནང་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	na maH shrIH ma hA ka la ya/ sogs gtsang sar dgon la mgon thang stsal skabs gnang ba
Location	chos kyi blo gros bka' 'bum Volume 12, Text 41, Pages 163-164 (Folios 1a1 to 1b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. na maH shrIH ma hA ka la ya sogs gtsang sar dgon la mgon thang stsal skabs gnang ba. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 163-164. Bir, H.P.: Khyentse Labrang, 2012.
Genre	Official Letters - chab shog
Colophon	།ཅེས་པའང་ནག་པོ་ཆེན་པོའི་དུས་ཆེན་ཚེས་དགུ་བཟང་པོར་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དུ་འབོད་པས་བྲིས་པ་དགེ་ལེགས་རྣམ་པར་རྒྱལ་བར་གྱུར་ཅིག །སརྦ་ཛ་ག་ཏཾ་དཱ་སུ་ཤྲེ་ཡོ་བྷ་ཝནྟུ།།
	/ces pa'ang nag po chen po'i dus chen tshes dgu bzang por 'jam dbyangs chos kyi blo gros ris med bstan pa'i rgyal mtshan du 'bod pas bris pa dge legs rnam par rgyal bar gyur cig__/sarba dza ga taM dA su shre yo b+ha wan+tu//

1 Texts in this Section (sde tshan or chos tshan)

163-164	ན་མཿཤྲཱིཿམ་ཧཱ་ཀ་ལ་ཡ། སོགས་གཙང་སར་དགོན་ལ་མགོན་ཐང་སྩལ་སྐབས་གནང་བ། na maH shrIH ma hA ka la ya/ sogs gtsang sar dgon la mgon thang stsal skabs gnang ba Official Letters - chab shog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ན་མཿཤྲཱིཿམ་ཧཱ་ཀ་ལ་ཡ། བདུད་དཔུང་འཇོམས་མཛད་ཧེ་རུ་ཀ་ཡི་ཐུགས་ལས་སྤྲུལ་པའི་དཔའ་བོ་སྟོབས་ལྡན་ནག་པོ་ཆེ། །སྙིང་རྗེའི་ངང་ལས་ཁྲོས་པའི་རང་གཟུགས་སྒྱུ་མའི་གར་གྱིས་ས་གསུམ་རབ་ཏུ་གཡོ་མཛད་པ། ཧ་ཧ་ཧཱུྃ་དང་ཕཊ་ཕཊ་ལ་སོགས་དྲག་པོའི་ང་རོས་དབང་ཕྱུག་ལ་སོགས་འདར་བྱེད་ཅིང་། །རྣམ་ཀུན་མཆོག་ལྡན་སྟོང་ཉིད་བདེ་བའི་ཕྱག་རྒྱས་རབ་འཁྱུད་ཐུགས་ཀྱི་མགོན་པོས་ཤིས་པ་སྩོལ། །ཅེས་པའི་ཚིག་གིས་དྲངས་ཏེ། ཁོ་བོ་འཇམ་དབྱངས་མཁྱེན་བརྩེའི་སྐྱེ་བར་སྒྲོ་བཏགས་པ་སྨར་ཁམས་ལྗོངས་སུ་རབ་བྱུང་ཞེས་པ་འབར་བྱེད་ཅེས་བྱ་མེ་ཕོ་འབྲུག་ལོར་བསྟན་འགྲོའི་དོན་དུ་བསྐྱེད་སྐབས་དཔལ་ས་སྐྱ་པའི་རིང་ལུགས་དྲི་མ་མེད་པ་འཛིན་པ་གཙང་སར་ཕུན་ཚོགས་དར་རྒྱས་གླིང་གི་ཆོས་གྲྭ་ཆེན་པོར་གངས་ལྗོངས་ཙམ་ན་འབྱོན་པར་དཀའ་བའི་༧འཇམ་དབྱངས་མཁྱེན་བརྩེའི་དབང་པོའི་མདུན་ཆབ་མདོ་རྒྱ་སྤྲུལ་རིན་པོ་ཆེས་ཕུལ་ཞིང་། རྗེ་རང་གིས་ཐུགས་དམ་ཐང་ཀའི་གྲས་ནས་ཐུགས་རྩིས་ཆེ་བར་གནང་ཞིང་སྐུ་གཤེགས་རྗེས་རྟེན་གྱི་ནང་གཞུག་དང་། བླ་སྤྲུལ་སོགས་ལ་འབུལ་བར་མ་ཐང་ཤིང་། འཇམ་མགོན་ཀོང་སྤྲུལ་རྡོ་རྗེ་འཆང་ཆེན་པོས་མཁྱེན་བརྩེའི་བླ་བྲང་གི་རྟེན་དཀར་ཆག་ཏུ་ཟིན་པའི་མ་ཧཱ་ཀཱ་ལ་ལྷ་བརྒྱད་ཀྱི་ཞལ་ཐོང་ཤིན་ཏུ་ཟབ་སྒྲོས་དཔེ་བྱར་འོས་པ་འདི་ཉིད་ཇི་སྲིད་བར་དུ་རྟེན་དགོན་སྡེ་རིས་དང་བཅས་པ་སྲུང་བའི་དོན་དུ་དེ་ག་ནས་སྩལ་བ་ཡིན་པས། སྒྲུབ་མཆོད་ཆེན་པོའི་སྐབས་སོགས་ལ་མཆོད་འབུལ་སྙན་ཤལ་ནན་ཏན་དང་། རྒྱུན་བར་བཀུར་བསྟི་དང་བཅས་ཏེ་དབེན་པར་བཞུགས་སུ་གསོལ་དགོས་པས་ཐུགས་ངེས་འཚལ། སླར་སྨྲས་པ། འཛམ་གླིང་ཕན་བདེའི་ཉི་མ་གླིང་བཞིའི་མཁའ་ལ་རྟག་ཏུ་འཆར་བ་ན། ལྟ་ངན་མུན་པས་ཐིབ་དང་འབྱུང་བྱ་འུག་པའི་ཚོགས་རྣམས་མཁའ་ལ་འཇའ་བཞིན་ཡལ། །གཞན་འཕྲུལ་དབང་དུ་བྱེད་ཅིང་ཡིད་སྲུབས་ལྷ་མིན་ཚོགས་ནི་དུམ་བུར་འཐོར། །བསྟན་པ་རིན་ཆེན་རི་དབང་ལྟར་བརྟན་རྡོ་རྗེའི་ཆོས་བདུན་རྡོ་རྗེའི་རྭ་བས་བསྐོར་གྱུར་ཅིག །ཅེས་པའང་ནག་པོ་ཆེན་པོའི་དུས་ཆེན་ཚེས་དགུ་བཟང་པོར་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དུ་འབོད་པས་བྲིས་པ་དགེ་ལེགས་རྣམ་པར་རྒྱལ་བར་གྱུར་ཅིག །སརྦ་ཛ་ག་ཏཾ་དཱ་སུ་ཤྲེ་ཡོ་བྷ་ཝནྟུ།། །།

[edit]

na maHshrIHma hA ka la ya/__bdud dpung 'joms mdzad he ru ka yi thugs las sprul pa'i dpa' bo stobs ldan nag po che/__/snying rje'i ngang las khros pa'i rang gzugs sgyu ma'i gar gyis sa gsum rab tu g.yo mdzad pa/__ha ha hU~M dang phaT phaT la sogs drag po'i nga ros dbang phyug la sogs 'dar byed cing /__/rnam kun mchog ldan stong nyid bde ba'i phyag rgyas rab 'khyud thugs kyi mgon pos shis pa stsol/__/ces pa'i tshig gis drangs te/__kho bo 'jam dbyangs mkhyen brtse'i skye bar sgro btags pa smar khams ljongs su rab byung zhes pa 'bar byed ces bya me pho 'brug lor bstan 'gro'i don du bskyed skabs dpal sa skya pa'i ring lugs dri ma med pa 'dzin pa gtsang sar phun tshogs dar rgyas gling gi chos grwa chen por gangs ljongs tsam na 'byon par dka' ba'i 7'jam dbyangs mkhyen brtse'i dbang po'i mdun chab mdo rgya sprul rin po ches phul zhing /__rje rang gis thugs dam thang ka'i gras nas thugs rtsis che bar gnang zhing sku gshegs rjes rten gyi nang gzhug dang /__bla sprul sogs la 'bul bar ma thang shing /__'jam mgon kong sprul rdo rje 'chang chen pos mkhyen brtse'i bla brang gi rten dkar chag tu zin pa'i ma hA kA la lha brgyad kyi zhal thong shin tu zab sgros dpe byar 'os pa 'di nyid ji srid bar du rten dgon sde ris dang bcas pa srung ba'i don du de ga nas stsal ba yin pas/__sgrub mchod chen po'i skabs sogs la mchod 'bul snyan shal nan tan dang /__rgyun bar bkur bsti dang bcas te dben par bzhugs su gsol dgos pas thugs nges 'tshal/__slar smras pa/__'dzam gling phan bde'i nyi ma gling bzhi'i mkha' la rtag tu 'char ba na/__lta ngan mun pas thib dang 'byung bya 'ug pa'i tshogs rnams mkha' la 'ja' bzhin yal/__/gzhan 'phrul dbang du byed cing yid srubs lha min tshogs ni dum bur 'thor/__/bstan pa rin chen ri dbang ltar brtan rdo rje'i chos bdun rdo rje'i rwa bas bskor gyur cig__/ces pa'ang nag po chen po'i dus chen tshes dgu bzang por 'jam dbyangs chos kyi blo gros ris med bstan pa'i rgyal mtshan du 'bod pas bris pa dge legs rnam par rgyal bar gyur cig__/sarba dza ga taM dA su shre yo b+ha wan+tu//___//