JKCL-KABUM-12-NA-007

Previous Text Back to Volume PageNext Text

མདོ་ཁམས་བརྒྱད་པའི་༧ཞབས་ཀྱི་པདྨོའི་དྲུང་སོགས།

Wylie title	mdo khams brgyad pa'i zhabs kyi pad+mo'i drung sogs
Location	chos kyi blo gros bka' 'bum Volume 12, Text 7, Pages 29-33 (Folios 1a1 to 3a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. mdo khams brgyad pa'i zhabs kyi pad+mo'i drung sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 29-33. Bir, H.P.: Khyentse Labrang, 2012.
Genre	Official Letters - chab shog

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

དཔལ་ལྡན་འཇམ་དཔལ་རྡོ་རྗེའི་ཡེ་ཤེས་ནི། །སྲིད་འདི་རྗེས་སུ་ཆགས་པའི་སྒྱུ་ཐབས་ཅན། །སྒྲུབ་བརྒྱུད་བསྟན་པའི་གཙུག་གི་འོད་འབར་བ། །མདོ་ཁམས་བརྒྱད་པའི་༧ཞབས་ཀྱི་པདྨོའི་དྲུང་། །དད་གུས་སོར་བཅུའི་གོང་བུ་ཟླུམ་པོར་བཅིངས། །བརྗོད་དོན་ཙ་ཀོ་ར་པའི་མགྲིན་གླུ་ལས། །ཉེར་དྲངས་དབྱངས་སྙན་འགྱུར་ཁུགས་ཉམས་རྒྱས་སྒེག །དམ་པའི་སྙན་གཤོགས་ཨུཏྤལ་བཞད་པར་གསོལ། ༡ །ཐོག་མའི་དུས་རིང་བྱང་ཆུབ་མཆོག་ཐུགས་བསྐྱེད། །རྒྱལ་བའི་སྲས་ཀྱི་དམ་བཅའི་གོ་ཆ་བགོས། །སྨོན་ལམ་རྒྱ་མཚོའི་རླུང་ཤུགས་ཀྱིས་བསྐྱོད་པས། །ཞིང་འདིར་སྐྱེས་རབ་ཕྲེང་བ་ཚར་དུ་དངར། ༢ །ཁྱད་པར་ལྔ་བརྒྱ་ཐ་མའི་འགྲོ་བ་ནི། །ཤིན་ཏུ་བསྲུངས་དཀའ་འདུལ་བྱེད་དཔའ་བོ་ཆེ། །ལག་ན་རྡོ་རྗེའི་མཐུ་སྟོབས་རབ་བརྙེད་པ། །དམ་པ་དོན་བརྒྱུད་ཉི་མ་དེང་འདིར་འཆར། ༣ །སྒྲུབ་བརྒྱུད་བསྟན་པའི་གདེངས་ཅན་རོལ་པའི་མཚོར། །དཔལ་ལྡན་སྤྲིན་སྒྲའི་རྔ་གསང་ཆེར་སྒྲོགས་པས། །འཛིན་མའི་ཁྱོན་ཀུན་མཁས་གྲུབ་ཚོགས་ཀྱིས་ཁེངས། །ཐུབ་བསྟན་མཛེས་པའི་རྒྱན་དུ་ཨེ་མ་ཧོཿ༤། བཤད་སྒྲུབ་ལས་གསུམ་བྲེལ་བས་དུས་འདའ་ཞིང་། །བྱང་ཆུབ་སེམས་ཀྱི་ཐུགས་རྒྱུད་རབ་གཏམས་པ། །གཞན་ཕན་ཕྲིན་ལས་རྒྱ་མཚོའི་གོས་ཅན་གྱི། །འདྲེན་མཆོག་ཆོས་ཀྱི་རྒྱལ་པོ་རྒྱལ་གྱུར་ཅིག༥། ཅེས་ཤིས་པའི་ཚིག་གི་དྲངས་ཏེ། དེང་། སྐྱེ་རྒུའི་འདྲེན་པ་དམ་པ་མཆོག་ཉིད་ཕྱོགས་འདིར་ཞབས་པད་གསེར་གྱི་འཁོར་ལོ་ཆེད་དུ་བསྒྱུར་བ་དང་ཆབ་ཅིག །ངོས་ཅག་ལ་སྔར་འདྲིས་ལྟ་བུའི་ཐུགས་བརྩེས་གཟིགས་པས་ཁྱབ་པའི་མཚན་དཔེའི་དགྱེས་འཛུམ་གྲོལ་ཏེ་གནང་སྐྱེས་རྒྱ་ཆེན་སྩལ་བ་དང་། ཆོས་ཀྱི་བདུད་རྩི་བཞེས་ཤིང་། རིང་འཚོའི་རྡོ་རྗེའི་སྲོག་ཏུ་སྒྲུབ་པའི་འཆི་མེད་ཚེ་ཡི་དབང་བསྐུར་སྩལ་བ་སོགས་བཀའ་དྲིན་ཆེན་པོས་བསྐྱངས་པའི་ལེགས་སོའི་མཎྜལ་མཚོན་བྱེད། བཀྲ་ཤིས་པའི་ལྷ་རྫས་དྲི་བྲལ། གསང་གསུམ་གཞན་དུ་མི་འགྱུར་བ་བཞུགས་མཚོན་སྐུ་གསུང་ཐུགས་རྡོ་རྗེའི་སྣང་བརྙན། དཀར་ཡོལ་བཀྲ་ཤིས་རྟགས་བརྒྱད་ཆ་གཅིག་བཅས་དངོས་འབྱོར་པད་སྣ་ལྟར་ཕྲ་ཡང་དགྱེས་བརྩེས་བཞེས་གྲུབ་པ་ནས། སླར་ཡང་། སྲིད་གསུམ་དགེ་ལེགས་འོད་སྣང་སྟོང་འཕྲོ་བས། །བསྟན་དང་འགྲོ་བའི་བདེ་སྐྱིད་རྩ་ལག་མཆོག །དཔལ་ལྡན་བླ་མ་མཆོག་གི་སྤྲུལ་པའི་སྐུས། །ཞབས་པད་རྡོ་རྗེའི་ཁྲི་ལ་རྟག་བཞུགས་གསོལ། ༡ །ངེས་དོན་ཆོས་ཀྱི་འཁོར་ལོ་རྟག་པར་བསྐོར། །ཁམས་གསུམ་གཏི་མུག་གཉིད་དུ་ཡུར་བ་རྣམས། །དཀྲོགས་ནས་ཐར་གླིང་སྣང་བར་རབ་འགོད་དེ། །དོན་གཉིས་ལྷུན་གྲུབ་ཆོས་འབྱོར་རྒྱས་པར་མཛོད། ༢ །དབང་སྔོན་མཁའ་དབྱིངས་ངོས་ལ་ཁམས་སྣ་ཚོགས། །སྤྲིན་གྱི་བླ་བྲེ་རྒྱས་པར་བྲེས་པ་དང་། །ཀླུ་རྒྱལ་དགའ་བོ་མཛེས་འཛུམ་རོལ་པ་ལས། །ནོར་བུའི་གྲུ་ཆར་རྟག་ཏུ་འབེབས་གྱུར་ཅིག༣། སརྦ་ད་སུ་ཤྲེ་ཡོ་བྷ་ཝནྟུ།། །། ༈ ཀུན་བཟང་བླ་མའི་རིགས་ཀྱི་མྱུ་གུ་ནི། །རྒྱལ་བའི་སྲས་ཀྱི་རྣམ་ཐར་ཡོངས་རྫོགས་པ། །ཟླ་བྲལ་སྲིད་ཞིའི་ཁམས་ན་ལྷམ་མེ་བ། །འགྲོ་བའི་བླ་མ་མཆོག་གི་༧ཞབས་པདྨོར། །དད་དམ་གཙང་མའི་ས་གཞི་ཡངས་པ་ལ། །ལྷག་བསམ་གསེར་གྱི་ལྗང་བུ་རབ་རྒྱས་ལས། །བྱུང་བའི་མོས་གུས་སྙེ་མའི་འབྲས་བཟང་གིས། །ཅུང་ཟད་སྟོབས་ལ་ཡུད་ཙམ་གཟིགས་པར་རིགས། །ལྷ་ཡི་ལྷར་གྱུར་འདྲེན་པ་ཀུན་གྱི་རྗེ། །མཁས་གྲུབ་ཀླུ་དབང་བྱེ་བས་མངོན་བཏུད་པའི། །གདོད་མའི་མགོན་པོ་འགྲོ་འདུལ་དཔའ་བོ་རྗེས། །གསང་བ་གསུམ་གྱིས་བྱིན་བརླབ་རྒྱལ་བའི་སྲས། །དམ་པའི་རིགས་ཀྱི་ནུས་པ་ཡོངས་སད་པས། །མཁྱེན་དང་བརྩེ་བའི་ལྷ་ལམ་ཡངས་པ་རུ། །ཐུགས་རྗེའི་ཤུགས་ཀྱི་ཤིང་རྟས་དྲང་པ་ཡི། །སྣང་བྱེད་བསྟན་པའི་པད་ཚལ་བཞད་པའི་གཉེན། །རིས་སུ་མ་ཆད་འགྲོ་ཁམས་སྨིན་མཛད་པའི། །གཞན་ཕན་ཕྲིན་ལས་བཟང་པོའི་རོལ་མོ་ནི། །ཕྱོགས་བཅུ་ཀུན་ཏུ་ཁྱབ་པར་སྒྲོགས་པ་འདིས། །འཕགས་མཆོག་ཀུན་ཏུ་བཟང་པོའི་མཆེད་ཟླར་གྱུར། །ལྷར་བཅས་དགའ་བའི་འོད་ཀྱི་སྣང་བ་ཆེ། །ངེས་གསང་སྙིང་པོའི་རྒྱལ་མཚན་ནོར་བུའི་ཏོག །རྡོ་རྗེ་རིན་ཆེན་བླ་ན་མེད་པ་ནི། །སྲིད་དང་ཞི་བའི་མཁའ་ལ་ལྷམ་མེར་གསལ། །དེ་ལྟར་མཆོག་གསང་རྡོ་རྗེ་རྩེ་མོ་ཆེའི། །བསྟན་འཛིན་མཁས་དང་གྲུབ་པའི་དབང་ཕྱུག་གང་། །དུས་རྣམ་ཀུན་ཏུ་རྒྱལ་བར་གྱུར་པ་ཡི། །བཀྲ་ཤིས་མེ་ཏོག་དཀར་པོས་ཁྱབ་གྱུར་ཅིག །ཅེས་ཤིས་པའི་ཚིག་གི་དྲངས་སྟེ། དེང་། རྒྱལ་བའི་སྲས་ཀྱི་ཁྱུ་མཆོག་ཆེན་པོ་གང་ཉིད། རིང་ནས་བརྩེ་བའི་མཛའ་བཤེས་ཆེན་པོར་གྱུར་བཞིན་ད་ལམ་འདི་གར་ཆེད་དུ་ཕྱགས་ཕེབས་ཏེ། ལུགས་གཉིས་ཀྱི་སྐྱེས་ཆེན་པོ་སྩལ་བ་དང་། མཉེས་གཤིན་པའི་གསུང་གི་གླིང་བུ་ལྷུགས་པར་འཇོ་བ་སོགས་བཀའ་དྲིན་ཟླ་མེད་སྩལ་བའི་ལེགས་སྐྱེས་མཎྜལ་དང་གསོལ་ཞབས་ཕྱོགས་སྦྲེལ། བཀྲ་ཤིས་པའི་ལྷ་རེག །སྐུ་གསུང་ཐུགས་རྟེན། ཨ་ཤེ། རྒྱ་གར་ཐེར་མ་མནབ་གཟན་རྒྱུ། སྐུ་ཤམ་རྒྱུ་ཐེར་དྲིལ་ལེགས་པ་དྲུག །སྨད་རྒྱའི་སྟོད་འགགས། ཝ། གཡི། གཟིག་བཅས་ཀྱི་ལྤགས་ཤུན། གསེར་དངུལ་ཕྲ་མའི་ངོ་མཐོང་ཅན་གྱི་གའུ། ད་གོར་བརྒྱད་ཅུ། ཇ་སྒམ་གཅིག །རྟ་ཕོ་གཅིག །གདན་གམ་གྲུམ་སེར་ཁྲའི་ནར་གདན། རས་དཀར། སླར་ཡང་གསོལ་བ། ངེས་དོན་འཆི་མེད་རྟག་པ་དམ་པའི་གཤིས། །ནམ་ཡང་འགྱུར་མེད་རྡོ་རྗེའི་ངོ་བོ་རུ། །གཡོ་མེད་བརྟན་བཞུགས་ངེས་གསང་སྙིང་པོ་ཡི། །བསྟན་པའི་རྒྱལ་མཚན་མི་ནུབ་སྒྲེངས་ཏུ་གསོལ། །བསྐལ་དུས་སྙིགས་མའི་རྒུད་མུན་སྟུག་པོ་ནི། །འཇོམ་བྱེད་འོད་སྣང་བརྒྱ་པའི་དཔའ་བོ་ཆེ། །མཐུ་སྟོབས་ལག་ན་རྡོ་རྗེའི་ངོ་བོར་རྫོགས། །རྡོ་རྗེའི་ཁྲི་ལ་རྟག་པར་བཞུགས་གསོལ་འདེབས། །བདག་ཀྱང་རིང་འཚོའི་དཔལ་ཡོན་རྒྱས་པ་དང་། །ཁྱེད་ཞལ་ཟླ་བ་བདུད་རྩིའི་འཛུམ་གྲོལ་ཏེ། །གསུང་གསང་སྙན་པའི་གླིང་བུ་བསྒྱུར་བཞིན་དུ། །ལྷན་ཅིག་འཚོགས་པའི་རྟེན་འབྲེལ་ཡང་ཡང་ཞུ། །སརྦ་དཱ་ཀ་ལྱཱ་ཎཾ་སུ་ཤྲེ་ཡོ་བྷ་ཝནྟུ།། །།

[edit]

dpal ldan 'jam dpal rdo rje'i ye shes ni/__/srid 'di rjes su chags pa'i sgyu thabs can/__/sgrub brgyud bstan pa'i gtsug gi 'od 'bar ba/__/mdo khams brgyad pa'i 7zhabs kyi pad+mo'i drung /__/dad gus sor bcu'i gong bu zlum por bcings/__/brjod don tsa ko ra pa'i mgrin glu las/__/nyer drangs dbyangs snyan 'gyur khugs nyams rgyas sgeg__/dam pa'i snyan gshogs ut+pal bzhad par gsol/__1_/thog ma'i dus ring byang chub mchog thugs bskyed/__/rgyal ba'i sras kyi dam bca'i go cha bgos/__/smon lam rgya mtsho'i rlung shugs kyis bskyod pas/__/zhing 'dir skyes rab phreng ba tshar du dngar/__2_/khyad par lnga brgya tha ma'i 'gro ba ni/__/shin tu bsrungs dka' 'dul byed dpa' bo che/__/lag na rdo rje'i mthu stobs rab brnyed pa/__/dam pa don brgyud nyi ma deng 'dir 'char/__3_/sgrub brgyud bstan pa'i gdengs can rol pa'i mtshor/__/dpal ldan sprin sgra'i rnga gsang cher sgrogs pas/__/'dzin ma'i khyon kun mkhas grub tshogs kyis khengs/__/thub bstan mdzes pa'i rgyan du e ma hoH4/__bshad sgrub las gsum brel bas dus 'da' zhing /__/byang chub sems kyi thugs rgyud rab gtams pa/__/gzhan phan phrin las rgya mtsho'i gos can gyi/__/'dren mchog chos kyi rgyal po rgyal gyur cig5/__ces shis pa'i tshig gi drangs te/__deng /__skye rgu'i 'dren pa dam pa mchog nyid phyogs 'dir zhabs pad gser gyi 'khor lo ched du bsgyur ba dang chab cig__/ngos cag la sngar 'dris lta bu'i thugs brtses gzigs pas khyab pa'i mtshan dpe'i dgyes 'dzum grol te gnang skyes rgya chen stsal ba dang /__chos kyi bdud rtsi bzhes shing /__ring 'tsho'i rdo rje'i srog tu sgrub pa'i 'chi med tshe yi dbang bskur stsal ba sogs bka' drin chen pos bskyangs pa'i legs so'i maN+Dal mtshon byed/__bkra shis pa'i lha rdzas dri bral/__gsang gsum gzhan du mi 'gyur ba bzhugs mtshon sku gsung thugs rdo rje'i snang brnyan/__dkar yol bkra shis rtags brgyad cha gcig bcas dngos 'byor pad sna ltar phra yang dgyes brtses bzhes grub pa nas/__slar yang /__srid gsum dge legs 'od snang stong 'phro bas/__/bstan dang 'gro ba'i bde skyid rtsa lag mchog__/dpal ldan bla ma mchog gi sprul pa'i skus/__/zhabs pad rdo rje'i khri la rtag bzhugs gsol/__1_/nges don chos kyi 'khor lo rtag par bskor/__/khams gsum gti mug gnyid du yur ba rnams/__/dkrogs nas thar gling snang bar rab 'god de/__/don gnyis lhun grub chos 'byor rgyas par mdzod/__2_/dbang sngon mkha' dbyings ngos la khams sna tshogs/__/sprin gyi bla bre rgyas par bres pa dang /__/klu rgyal dga' bo mdzes 'dzum rol pa las/__/nor bu'i gru char rtag tu 'bebs gyur cig3/__sarba da su shre yo b+ha wan+tu//___//__!__kun bzang bla ma'i rigs kyi myu gu ni/__/rgyal ba'i sras kyi rnam thar yongs rdzogs pa/__/zla bral srid zhi'i khams na lham me ba/__/'gro ba'i bla ma mchog gi 7zhabs pad+mor/__/dad dam gtsang ma'i sa gzhi yangs pa la/__/lhag bsam gser gyi ljang bu rab rgyas las/__/byung ba'i mos gus snye ma'i 'bras bzang gis/__/cung zad stobs la yud tsam gzigs par rigs/__/lha yi lhar gyur 'dren pa kun gyi rje/__/mkhas grub klu dbang bye bas mngon btud pa'i/__/gdod ma'i mgon po 'gro 'dul dpa' bo rjes/__/gsang ba gsum gyis byin brlab rgyal ba'i sras/__/dam pa'i rigs kyi nus pa yongs sad pas/__/mkhyen dang brtse ba'i lha lam yangs pa ru/__/thugs rje'i shugs kyi shing rtas drang pa yi/__/snang byed bstan pa'i pad tshal bzhad pa'i gnyen/__/ris su ma chad 'gro khams smin mdzad pa'i/__/gzhan phan phrin las bzang po'i rol mo ni/__/phyogs bcu kun tu khyab par sgrogs pa 'dis/__/'phags mchog kun tu bzang po'i mched zlar gyur/__/lhar bcas dga' ba'i 'od kyi snang ba che/__/nges gsang snying po'i rgyal mtshan nor bu'i tog__/rdo rje rin chen bla na med pa ni/__/srid dang zhi ba'i mkha' la lham mer gsal/__/de ltar mchog gsang rdo rje rtse mo che'i/__/bstan 'dzin mkhas dang grub pa'i dbang phyug gang /__/dus rnam kun tu rgyal bar gyur pa yi/__/bkra shis me tog dkar pos khyab gyur cig__/ces shis pa'i tshig gi drangs ste/__deng /__rgyal ba'i sras kyi khyu mchog chen po gang nyid/__ring nas brtse ba'i mdza' bshes chen por gyur bzhin da lam 'di gar ched du phyags phebs te/__lugs gnyis kyi skyes chen po stsal ba dang /__mnyes gshin pa'i gsung gi gling bu lhugs par 'jo ba sogs bka' drin zla med stsal ba'i legs skyes maN+Dal dang gsol zhabs phyogs sbrel/__bkra shis pa'i lha reg__/sku gsung thugs rten/__a she/__rgya gar ther ma mnab gzan rgyu/__sku sham rgyu ther dril legs pa drug__/smad rgya'i stod 'gags/__wa/__g.yi/__gzig bcas kyi lpags shun/__gser dngul phra ma'i ngo mthong can gyi ga'u/__da gor brgyad cu/__ja sgam gcig__/rta pho gcig__/gdan gam grum ser khra'i nar gdan/__ras dkar/__slar yang gsol ba/__nges don 'chi med rtag pa dam pa'i gshis/__/nam yang 'gyur med rdo rje'i ngo bo ru/__/g.yo med brtan bzhugs nges gsang snying po yi/__/bstan pa'i rgyal mtshan mi nub sgrengs tu gsol/__/bskal dus snyigs ma'i rgud mun stug po ni/__/'jom byed 'od snang brgya pa'i dpa' bo che/__/mthu stobs lag na rdo rje'i ngo bor rdzogs/__/rdo rje'i khri la rtag par bzhugs gsol 'debs/__/bdag kyang ring 'tsho'i dpal yon rgyas pa dang /__/khyed zhal zla ba bdud rtsi'i 'dzum grol te/__/gsung gsang snyan pa'i gling bu bsgyur bzhin du/__/lhan cig 'tshogs pa'i rten 'brel yang yang zhu/__/sarba dA ka l+yA NaM su shre yo b+ha wan+tu//___//