JKCL-KABUM-11-DA-128

Previous Text Back to Volume PageNext Text

རིགས་བརྒྱའི་ཁྱབ་བདག་འཇམ་དཔལ་གཞོན་ནུ་དཔལ་ས་སྐྱའི་བདག་ཁྲི་རིན་པོ་ཆེའི་ཞབས་བརྟེན་འཛམ་བུའི་གསེར་འཁོར་བཀྲ་བའི་ཁྲི་དྲུང་དུ་ཞེས་པ།

Wylie title	rigs brgya'i khyab bdag 'jam dpal gzhon nu dpal sa skya'i bdag khri rin po che'i zhabs brten 'dzam bu'i gser 'khor bkra ba'i khri drung du zhes pa
Location	chos kyi blo gros bka' 'bum Volume 11, Text 128, Pages 617-618 (Folios 1a1 to 1b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rigs brgya'i khyab bdag 'jam dpal gzhon nu dpal sa skya'i bdag khri rin po che'i zhabs brten 'dzam bu'i gser 'khor bkra ba'i khri drung du zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 617-618. Bir, H.P.: Khyentse Labrang, 2012.
Genre	Official Letters - chab shog
Colophon	།ཅེས་པའི་ཞུ་ཆུང་ལྷ་རྫས་ཀྱིས་བཀླུབས་ཏེ་འབྲས་ལྗོངས་མཁའ་སྤྱོད་ཌཱ་ཀི་འདུ་བའི་དགའ་ཚལ་ནས་བཀའ་འབངས་ཀྱི་ཐ་ཆུང་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་ཟླ་ཚེས་བཟང་པོར་གུས་ཕྱག་དང་བཅས་ཕུལ།།
	/ces pa'i zhu chung lha rdzas kyis bklubs te 'bras ljongs mkha' spyod DA ki 'du ba'i dga' tshal nas bka' 'bangs kyi tha chung 'jam dbyangs mkhyen brtse'i sprul ming 'dzin pa chos kyi blo gros pas zla tshes bzang por gus phyag dang bcas phul//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

རིགས་བརྒྱའི་ཁྱབ་བདག་འཇམ་དཔལ་གཞོན་ནུ་དཔལ་ས་སྐྱའི་བདག་ཁྲི་རིན་པོ་ཆེའི་ཞབས་བརྟན་འཛམ་བུའི་གསེར་འཁོར་བཀྲ་བའི་ཁྲི་དྲུང་དུ། སྒོ་གསུམ་རབ་གུས་ལྡན་པས་ཕྱག་བཅས་ཞུ་གསོལ། དེང་། གདོད་ནས་སྲིད་ཞིའི་ཆོས་ཀྱི་རྒྱལ་ཐབས་ཆེན་པོར་མངའ་དབང་ལྷུན་གྱིས་རྫོགས་པའི་བསྟན་འགྲོའི་དཔལ་མགོན་ཆེན་པོར་བཞུགས་པ་མཆོག་ཉིད། སླར་ཡང་ཁམས་གསུམ་ཟིལ་གནོན་གྱི་འཇིགས་མེད་ཆོས་ཀྱི་ཁྲི་ཆེན་པོར་སྣང་སྲིད་འགྲོ་བ་མཐའ་དག་གི་གཙུག་ནོར་ཆེན་པོར་མངའ་གསོལ་བའི་ཞབས་བརྟན་ལེགས་འབུལ་མཎྜལ་མཚོན་བྱེད་བཀྲ་ཤིས་པའི་མགུལ་དར་དགེ་ལེགས་ཤིས་པའི་རི་མོས་མཚན་པ། གསང་གསུམ་གཞན་དུ་འཕོ་འགྱུར་མེད་པའི་རྟེན་གསུམ་མཚོན་བྱེད་དངུལ་སྲང་བཅོ་ལྔ། འབུལ་མཚོན་དངུལ་སྲང་ཉིས་སྟོང་དངོས་འབྱོར་པད་སྣལ་ལྟར་ཕྲ་ཡང་རྟེན་འབྱུང་གི་སྒོ་འཕར་ཡངས་པོར་ཕྱེ་བའི་མཆོད་སྤྲིན་དུ་དམིགས་ཏེ་ཕུལ་བས་དགྱེས་བཞེས་བཀའ་དྲིན་བསྐྱངས་གྲུབ་པ་ནས། སླད་ཀྱི་ཆར་ཡང་། ངག་དབང་ཀུན་མཁྱེན་འཇིགས་མེད་ཆོས་ཀྱི་ཁྲིར། །འཇམ་དཔལ་དབྱངས་དངོས་འོད་གསལ་འཁོན་བརྒྱུད་ཀྱི། །རྒྱལ་བའི་སྲས་ཀྱི་ཁྱུ་མཆོག་ཆེན་པོ་ཉིད། །ཞབས་པད་གཞོམ་བྲལ་ཕྱོགས་ལས་རྣམ་རྒྱལ་ཤོག །ཐེག་ཆེན་ཆོས་ཀྱི་ཤིང་རྟ་ནོར་བུས་གཏམས། །བཀྲ་ཤིས་དགེ་ལེགས་གཏེར་གྱི་མཛོད་ཆེན་རྡོལ། །སྲིད་དང་ཞི་བའི་མི་མཐུན་ཕྱོགས་ཀུན་འཇོམས། །རྡོ་རྗེ་རིན་ཆེན་དཔལ་འབར་ཞབས་བརྟན་གསོལ། །བཀྲ་ཤིས་རྒྱལ་དབྱངས་འཁོར་ཡུག་ཀུན་ཏུ་སྙན། །བཀྲ་ཤིས་པདྨ་དཀར་པོ་ཐང་མར་བརྡལ། །བཀྲ་ཤིས་སྐྱེ་ལྔའི་སྒྲ་དབྱངས་ས་གསུམ་ཁྱབ། །བཀྲ་ཤིས་འཛམ་གླིང་ཐ་གྲུར་བཀྲ་ཤིས་ཤོག །ཅེས་པའི་ཞུ་ཆུང་ལྷ་རྫས་ཀྱིས་བཀླུབས་ཏེ་འབྲས་ལྗོངས་མཁའ་སྤྱོད་ཌཱ་ཀི་འདུ་བའི་དགའ་ཚལ་ནས་བཀའ་འབངས་ཀྱི་ཐ་ཆུང་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་ཟླ་ཚེས་བཟང་པོར་གུས་ཕྱག་དང་བཅས་ཕུལ།། །།

[edit]

rigs brgya'i khyab bdag 'jam dpal gzhon nu dpal sa skya'i bdag khri rin po che'i zhabs brtan 'dzam bu'i gser 'khor bkra ba'i khri drung du/__sgo gsum rab gus ldan pas phyag bcas zhu gsol/__deng /__gdod nas srid zhi'i chos kyi rgyal thabs chen por mnga' dbang lhun gyis rdzogs pa'i bstan 'gro'i dpal mgon chen por bzhugs pa mchog nyid/__slar yang khams gsum zil gnon gyi 'jigs med chos kyi khri chen por snang srid 'gro ba mtha' dag gi gtsug nor chen por mnga' gsol ba'i zhabs brtan legs 'bul maN+Dal mtshon byed bkra shis pa'i mgul dar dge legs shis pa'i ri mos mtshan pa/__gsang gsum gzhan du 'pho 'gyur med pa'i rten gsum mtshon byed dngul srang bco lnga/__'bul mtshon dngul srang nyis stong dngos 'byor pad snal ltar phra yang rten 'byung gi sgo 'phar yangs por phye ba'i mchod sprin du dmigs te phul bas dgyes bzhes bka' drin bskyangs grub pa nas/__slad kyi char yang /__ngag dbang kun mkhyen 'jigs med chos kyi khrir/__/'jam dpal dbyangs dngos 'od gsal 'khon brgyud kyi/__/rgyal ba'i sras kyi khyu mchog chen po nyid/__/zhabs pad gzhom bral phyogs las rnam rgyal shog__/theg chen chos kyi shing rta nor bus gtams/__/bkra shis dge legs gter gyi mdzod chen rdol/__/srid dang zhi ba'i mi mthun phyogs kun 'joms/__/rdo rje rin chen dpal 'bar zhabs brtan gsol/__/bkra shis rgyal dbyangs 'khor yug kun tu snyan/__/bkra shis pad+ma dkar po thang mar brdal/__/bkra shis skye lnga'i sgra dbyangs sa gsum khyab/__/bkra shis 'dzam gling tha grur bkra shis shog__/ces pa'i zhu chung lha rdzas kyis bklubs te 'bras ljongs mkha' spyod DA ki 'du ba'i dga' tshal nas bka' 'bangs kyi tha chung 'jam dbyangs mkhyen brtse'i sprul ming 'dzin pa chos kyi blo gros pas zla tshes bzang por gus phyag dang bcas phul//__//