JKCL-KABUM-11-DA-069

From Khyentse Lineage - A Tsadra Foundation Project

གནོད་སྦྱིན་བེག་གདོང་ལྕམ་དྲལ་ལ་བསང་མཆོད་བསྡུས་པ་ཕྲིན་ལས་མྱུར་འགྲུབ།
Wylie title gnod sbyin beg gdong lcam dral la bsang mchod bsdus pa phrin las myur 'grub JKCL-KABUM-11-DA-069.pdf
Location chos kyi blo gros bka' 'bum
Volume 11, Text 69, Pages 361-363 (Folios 1a1 to 2a3)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. gnod sbyin beg gdong lcam dral la bsang mchod bsdus pa phrin las myur 'grub. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 361-363. Bir, H.P.: Khyentse Labrang, 2012.
Genre Smoke Offerings - bsangs mchod - lha bsang
Deity gnod sbyin beg gdong lcam dral
Colophon

།ཅེས་པའང་འཛམ་ཐང་རྒྱལ་བ་སེང་གེའི་སྐུ་འཕྲིང་། གདོང་སྤྲུལ་རིན་པོ་ཆེ་ཀུན་དགའ་འཆི་མེད་དབང་པོས་བཀའ་ལུང་ཕེབས་པ་ལྟར་འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ་ལེགས་འཕེལ། སརྦ་ཨརྠ་སིདྡྷི་རསྟུ།།

/ces pa'ang 'dzam thang rgyal ba seng ge'i sku 'phring /__gdong sprul rin po che kun dga' 'chi med dbang pos bka' lung phebs pa ltar 'jam dbyangs chos kyi blo gros pas bris pa dge legs 'phel/__sarba ar+tha sid+d+hi rastu//

":Property:textsubnumber|textsubnumber" can not be assigned to a declared number type with value 1.

[edit]
གནོད་སྦྱིན་བེག་གདོང་ལྕམ་དྲལ་ལ་བསང་མཆོད་བསྡུས་པ་ཕྲིན་ལས་མྱུར་འགྲུབ་བཞུགས། ཧྱ་གྷྲཱི་ཝ་ལ་ན་མོ། དེ་ལ་འདིར་དབང་མཛད་བཀའ་ཡི་སྲུང་མ་གནོད་སྦྱིན་ཤན་པ་དམར་པོ་ལ་བསངས་མཆོད་འབུལ་བར་འདོད་པས་མཆོད་གཏོར་སྐྱེམས་ཕུད། བསངས་རྫས་སྣ་ཚོགས་ཤིང་རྩིར་བསྲེགས་པའི་དུད་པ་འཐུལ་བ་དང་བཅས། མཆོད་རྫས་རྣམས་ལ་ཆུ་གཙང་གིས་བྲན། རྃ་ཡྃ་ཁྃ། མི་གཙང་བའི་དྲི་མ་བསྲེགས་གཏོར་བཀྲུས། ཨོཾ་ཨཱཿཧཱུྃ་གིས་བྱིན་གྱིས་བརླབས་ལ་རྒྱས་པར་སྤེལ། རོལ་མོ་དབྱངས་དང་བཅས་ཏེ། ཧཱུྃ་ཧྲཱིཿ སྔོན་ཚེ་དཔལ་ཆེན་པདྨ་དབང་གི་རྒྱལ། །སྤྱན་སྔར་ཁས་བླངས་གནོད་སྦྱིན་ལྕམ་དྲལ་ཚོགས། །འདིར་གཤེགས་བདུད་རྩི་བསང་གི་མཆོད་པ་བཞེས། །དབང་དྲག་ཕྲིན་ལས་མ་ལུས་འགྲུབ་པར་མཛོད། །ཁྱོད་ལ་དགྱེས་པའི་དམ་རྫས་འབུལ་བ་ནི། །བརྟེན་ཅིང་ཆགས་པའི་ཕྱི་ནང་གསང་བའི་རྫས། །ར་དམར་ཁྲག་ཆང་སྦྱར་བའི་ཨརྒྷཾ་དང་། །དམ་ཉམས་དགྲ་བགེགས་བསྒྲལ་བ་ལས་བྱུང་བའི། །ཤ་ཁྲག་རུས་པའི་གཏོར་མ་ལྷུན་པོར་སྤུངས། །རྩ་བརྒྱད་སྟོང་སྦྱར་བདུད་རྩིའི་སྐྱེམས་ཕུད་དང་། །དྲག་པོའི་ཉེར་སྤྱོད་འདོད་ཡོན་རྣམ་པ་ལྔ། །ཐོད་རྔ་རྐང་གླིང་གསང་བའི་རྔ་ཆུང་སོགས། །རྔམས་བརྗིད་ལྡན་པའི་སྒྲུབ་དང་མཆོད་པའི་རྫས། །ཁྲག་གི་རྒྱ་མཚོ་བསེ་ཡི་སྐུ་མཁར་དང་། །ཞིང་ཆེན་བླ་བྲེ་མི་རོའི་རྒྱལ་མཚན་ཕྱར། །བམ་རོ་གསར་རྙིང་སྣ་ཚོགས་གཅལ་དུ་བཀྲམ། །སྲིན་བྱ་འུག་པ་མང་པོ་ཧ་ཧར་དགོད། །སྟག་གཟིགས་དོམ་དྲེད་མང་པོ་འདུར་འུར་རྒྱུག །ཁྱི་དམར་རབ་གཏུམ་མཆེ་བ་རྣོན་པོ་གཙིགས། །མདའ་མདུང་རལ་གྲི་གོ་མཚོན་ལ་སོགས་པ། །ཤིན་ཏུ་འཇིགས་རུང་མི་བཟད་དྲག་པོའི་གནས། །ལྕམ་དྲལ་བཀའ་སྡོད་འཁོར་དང་བཅས་ལ་འབུལ། །ཁྱད་པར་བཟང་ཤིང་སྣ་ཚོགས་བསྲེགས་པའི་མེར། །དགོས་དགུ་སྣ་ཚོགས་སྦྱར་ཏེ་བསྲེགས་པ་ཡི། །དུད་སྤྲིན་ཆོས་དབྱིངས་ཁྱབ་པར་འབུལ་བ་ལས། །བྱུང་བའི་མི་ཟད་འདོད་ཡོན་རྒྱ་མཚོའི་སྤྲིན། །སོ་སོའི་ཐུགས་དང་མཐུན་པར་འཆར་བ་འདིས། །གནོད་སྦྱིན་ལྕམ་དྲལ་འཁོར་བཅས་ཐུགས་དམ་བསྐངས། །བཀའ་སྡོད་ཤན་པའི་ཚོགས་ཀྱི་ཐུགས་དམ་བསྐངས། །ཡང་འཁོར་ལྷ་སྲིན་སྡེ་བརྒྱད་ཐུགས་དམ་བསྐངས། །ཐུགས་དང་འགལ་བའི་ནོངས་པ་ཅི་མཆིས་པ། །སྙིང་ནས་བཤགས་སོ་རྔམས་པའི་ཞལ་རས་སྟོན། །མི་སྒྲིབ་ཚངས་པའི་དངོས་གྲུབ་སྩལ་དུ་གསོལ། །ཁྱོད་ལ་ཕྲིན་ལས་གཉན་པོ་གསོལ་བ་ནི། །དཀོན་མཆོག་བསྟན་ལ་སྡང་བའི་བདུད་སྡེ་རྣམས། །མིང་གི་ལྷག་མ་ཙམ་ཡང་མེད་པར་མཛོད། །རྣལ་འབྱོར་བདག་ཅག་ཡོན་མཆོད་འཁོར་བཅས་ལ། །མི་སྲུན་ལོག་པར་སེམས་པའི་དགྲ་དང་བགེགས། །ཞག་དང་ཟ་མར་མ་འགྱངས་མྱུར་དུ་སྒྲོལ། །ཤ་ཁྲག་རུས་གསུམ་དཔའ་བོའི་རྔམས་ཟས་མཛོད། །ལྷ་ཀླུ་མི་ཡི་འགྲོ་བ་དབང་དུ་བསྡུས། །ཚེ་བསོད་ཆོས་ནོར་འདོད་རྒུའི་སྤྲིན་ཆེན་གྱིས། །གྲུབ་གཉིས་ནོར་བུའི་ཆར་པ་ཕྱོགས་བརྒྱར་འབེབས། །ཕན་བདེའི་དགེ་མཚན་འཕེལ་བའི་ཕྲིན་ལས་མཛོད། །ཅེས་སྐྱེམས་ཕུད་གཙང་སར་འཐོར། གཏོར་མ་བསངས་མེར་མཆོད་ནས་རྗེས་ཀྱི་རིམ་པ་རྣམས་བྱའོ། །ཅེས་པའང་འཛམ་ཐང་རྒྱལ་བ་སེང་གེའི་སྐུ་འཕྲིང་། གདོང་སྤྲུལ་རིན་པོ་ཆེ་ཀུན་དགའ་འཆི་མེད་དབང་པོས་བཀའ་ལུང་ཕེབས་པ་ལྟར་འཇམ་དབྱངས་ཆོས་ཀྱི་བློ་གྲོས་པས་བྲིས་པ་དགེ་ལེགས་འཕེལ། སརྦ་ཨརྠ་སིདྡྷི་རསྟུ།། །།
[edit]

gnod sbyin beg gdong lcam dral la bsang mchod bsdus pa phrin las myur 'grub bzhugs/__h+ya g+h+rI wa la na mo/__de la 'dir dbang mdzad bka' yi srung ma gnod sbyin shan pa dmar po la bsangs mchod 'bul bar 'dod pas mchod gtor skyems phud/__bsangs rdzas sna tshogs shing rtsir bsregs pa'i dud pa 'thul ba dang bcas/__mchod rdzas rnams la chu gtsang gis bran/__ra~M ya~M kha~M/__mi gtsang ba'i dri ma bsregs gtor bkrus/__oM AHhU~M gis byin gyis brlabs la rgyas par spel/__rol mo dbyangs dang bcas te/__hU~M hrIHsngon tshe dpal chen pad+ma dbang gi rgyal/__/spyan sngar khas blangs gnod sbyin lcam dral tshogs/__/'dir gshegs bdud rtsi bsang gi mchod pa bzhes/__/dbang drag phrin las ma lus 'grub par mdzod/__/khyod la dgyes pa'i dam rdzas 'bul ba ni/__/brten cing chags pa'i phyi nang gsang ba'i rdzas/__/ra dmar khrag chang sbyar ba'i ar+g+haM dang /__/dam nyams dgra bgegs bsgral ba las byung ba'i/__/sha khrag rus pa'i gtor ma lhun por spungs/__/rtsa brgyad stong sbyar bdud rtsi'i skyems phud dang /__/drag po'i nyer spyod 'dod yon rnam pa lnga/__/thod rnga rkang gling gsang ba'i rnga chung sogs/__/rngams brjid ldan pa'i sgrub dang mchod pa'i rdzas/__/khrag gi rgya mtsho bse yi sku mkhar dang /__/zhing chen bla bre mi ro'i rgyal mtshan phyar/__/bam ro gsar rnying sna tshogs gcal du bkram/__/srin bya 'ug pa mang po ha har dgod/__/stag gzigs dom dred mang po 'dur 'ur rgyug__/khyi dmar rab gtum mche ba rnon po gtsigs/__/mda' mdung ral gri go mtshon la sogs pa/__/shin tu 'jigs rung mi bzad drag po'i gnas/__/lcam dral bka' sdod 'khor dang bcas la 'bul/__/khyad par bzang shing sna tshogs bsregs pa'i mer/__/dgos dgu sna tshogs sbyar te bsregs pa yi/__/dud sprin chos dbyings khyab par 'bul ba las/__/byung ba'i mi zad 'dod yon rgya mtsho'i sprin/__/so so'i thugs dang mthun par 'char ba 'dis/__/gnod sbyin lcam dral 'khor bcas thugs dam bskangs/__/bka' sdod shan pa'i tshogs kyi thugs dam bskangs/__/yang 'khor lha srin sde brgyad thugs dam bskangs/__/thugs dang 'gal ba'i nongs pa ci mchis pa/__/snying nas bshags so rngams pa'i zhal ras ston/__/mi sgrib tshangs pa'i dngos grub stsal du gsol/__/khyod la phrin las gnyan po gsol ba ni/__/dkon mchog bstan la sdang ba'i bdud sde rnams/__/ming gi lhag ma tsam yang med par mdzod/__/rnal 'byor bdag cag yon mchod 'khor bcas la/__/mi srun log par sems pa'i dgra dang bgegs/__/zhag dang za mar ma 'gyangs myur du sgrol/__/sha khrag rus gsum dpa' bo'i rngams zas mdzod/__/lha klu mi yi 'gro ba dbang du bsdus/__/tshe bsod chos nor 'dod rgu'i sprin chen gyis/__/grub gnyis nor bu'i char pa phyogs brgyar 'bebs/__/phan bde'i dge mtshan 'phel ba'i phrin las mdzod/__/ces skyems phud gtsang sar 'thor/__gtor ma bsangs mer mchod nas rjes kyi rim pa rnams bya'o/__/ces pa'ang 'dzam thang rgyal ba seng ge'i sku 'phring /__gdong sprul rin po che kun dga' 'chi med dbang pos bka' lung phebs pa ltar 'jam dbyangs chos kyi blo gros pas bris pa dge legs 'phel/__sarba ar+tha sid+d+hi rastu//__//

Footnotes

Other Information