དཔལ་ལྷ་མོ་ནག་མོར་མངའ་གསོལ་ཕྲིན་ལས་མཆོད་སྦྱིན།

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal lha mo nag mor mnga' gsol phrin las mchod sbyin
Location	chos kyi blo gros bka' 'bum Volume 11, Text 49, Pages 271-274 (Folios 1a1 to 2b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpal lha mo nag mor mnga' gsol phrin las mchod sbyin. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 271-274. Bir, H.P.: Khyentse Labrang, 2012.
Genre	Protector Rituals - gsol mchod
Deity	dpal lha mo nag mo
Colophon	།ཅེས་པའང་ལུང་དང་རྟོགས་པའི་དབང་ཕྱུག་ཀཿཐོག་མཁན་མགོ་ཚ་ཨོ་རྒྱན་བསྟན་འཕེལ་ནས་བཀྲ་ཤིས་པའི་ལྷ་རྫས་དང་བྲི་གཞིའི་ཤོག་བུ་བཅས་གནང་ནས་གསུང་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་ཀཿཐོག་རྡོ་རྗེ་གདན་གྱི་རྒྱུད་སྡེའི་ཡང་རྩེར་བྲིས་པ་ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག །ཤུ་བྷཾ།།
	/ces pa'ang lung dang rtogs pa'i dbang phyug kaHthog mkhan mgo tsha o rgyan bstan 'phel nas bkra shis pa'i lha rdzas dang bri gzhi'i shog bu bcas gnang nas gsung bskul ngor 'jam dbyangs blo gros rgya mtshos kaHthog rdo rje gdan gyi rgyud sde'i yang rtser bris pa shin tu dge zhing bkra shis par gyur cig__/shu b+haM//

1 Texts in this Section (sde tshan or chos tshan)

271-274	དཔལ་ལྷ་མོ་ནག་མོར་མངའ་གསོལ་ཕྲིན་ལས་མཆོད་སྦྱིན། dpal lha mo nag mor mnga' gsol phrin las mchod sbyin Protector Rituals - gsol mchod	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

དཔལ་ལྷ་མོ་ནག་མོར་མངའ་གསོལ་ཕྲིན་ལས་མཆོད་སྦྱིན་ཅེས་བྱ་བ་བཞུགས་སོ། །ན་མཿཤྲཱི་མ་ཧཱ་ཀཱ་ལི་ཡེ། དེ་ལ་བསྟན་སྲུང་ཆེན་མོར་མངའ་གསོལ་བྱ་བར་འདོད་པས། ཛ་གད་དང་རཀྟའི་སྐྱེམས་ཕུད་རྒྱ་ཆེར་བཤམས་ལ། ཧཱུྃ་བྷྱོཿདུས་གསུམ་རྒྱལ་བའི་ཡུམ་གཅིག་མཐུ་མོ་ཆེ། །རླུང་ནག་འཚུབ་མ་སྟོད་དུ་འཁྱིལ་བའི་དབུས། །རྫུ་འཕྲུལ་ཤུགས་ལྡན་བོང་བུ་གྭ་པའི་སྟེང་། །དཔལ་འབར་ཁྲོ་མོའི་གཟུགས་ཅན་རེ་མ་ཏི། །ཁྱོད་ནི་གདོད་ནས་རྡོ་རྗེ་ཁྲག་འཐུང་དང་། །དབྱེར་མེད་ཉིད་དུ་མངོན་པར་བྱང་ཆུབ་ཀྱང་། །གསང་སྔགས་རྡོ་རྗེ་ཐེག་པ་སྲུང་མཛད་མ། །རང་བྱུང་རྒྱལ་མོའི་སྐུར་བཞེངས་མངའ་གསོལ་ལོ། །གཞན་སྡེ་ལྷ་མིར་བདུད་ཀྱི་སྡེ་ཚོགས་ཀུན། །མཐར་བྱེད་ཕྲིན་ལས་རྩིབ་སྟོང་ལྡན་པ་ཡིས། །ཁམས་གསུམ་ཀུན་ལ་དབང་བྱེད་ནམ་གྲུ་མ། །འཁོར་ལོ་རིན་ཆེན་མཆོག་ཏུ་མངའ༴ །གང་ལ་བརྟེན་པས་སྲིད་ཞིའི་ཕུན་ཚོགས་ཀུན། །ཅི་དགར་འཇོ་བའི་བསམ་འཕེལ་དབང་གི་རྒྱལ། །དགོས་འདོད་རེ་བ་སྐོང་བའི་གཏེར་ཆེན་མ། །ནོར་བུ་རིན་ཆེན་མཆོག་ཏུ༴ །མིང་བརྒྱ་མཚན་སྟོང་ལྡན་པའི་ལྷ་མོ་ཆེ། །ཁྱོད་ནི་སྲིད་པའི་ལྷ་ཆེན་ཏིང་འཛིན་ལ། །ལྡང་བའི་སྒྱུ་ཐབས་རྣམ་པར་སྟོན་མཁས་མ། །བཙུན་མོ་རིན་ཆེན་མཆོག་ཏུ༴ །སྲས་བཅས་རྒྱལ་བའི་རིག་འཛིན་རྒྱ་མཚོ་ཡི། །ཇི་ལྟར་བསྒོ་བའི་དོན་རྣམས་མི་གཡེལ་ཤིང་། །འཕགས་པའི་ནོར་གྱི་འབྱོར་པའི་དུང་སྐྱོང་མ། །བློན་པོ་རིན་ཆེན་མཆོག་ཏུ༴ །སྟོབས་བཅུའི་ཤུགས་འཆང་རྫུ་འཕྲུལ་རྐང་བཞི་ལྡན། །ཕ་རོལ་ཕྱིན་དྲུག་མཆེ་བ་རབ་དུ་མཛེས། །ཕྲིན་ལས་རྣམ་བཞིའི་སྣ་ཞགས་རིང་བརྐྱངས་མ། །གླང་པོ་རིན་ཆེན་མཆོག༴ །སྐད་ཅིག་ཉིད་ལ་སྟོང་གསུམ་ཡུད་ཀྱིི་བགྲོད། །ཝ་ཡ་ཝེ་བྷྱོའི་སྒྲ་སྒྲོགས་ཕུར་སྲུང་ཆེ། །རྣལ་འབྱོར་བསམ་པ་བསྒྲུབ་པའི་ལྕང་ཤེས་མ། །རྟ་མཆོག་རིན་ཆེན་མཆོག་ཏུ༴ །ས་གསུམ་འབྱུང་པོ་མི་དང་མི་མ་ཡིན། །སྐད་ཅིག་ཉིད་ལ་ཐལ་བ་བཞིན་དུ་བརླག །མ་མོ་བྱེ་བ་འབུམ་སྡེའི་དབུས་བཞུགས་མ། །དམག་དཔོན་རིན་ཆེན་མཆོག༴ །གཟོད་ནས་རབ་ཞི་མཚན་མའི་ཆོས་ལས་འདས། །འཁོར་འདས་ཀུན་ཁྱབ་བརྟན་གཡོ་སྤྲོ་ཞིང་སྡུད། །ཡུམ་ཆེན་བྷ་ག་ཧྲི་ཏི་ཞེས་གྲགས་མ། །ཆོས་སྐུ་དབྱིངས་ཕྱུག་ཆེན་མོར༴ །འབྱུང་ལྔའི་རང་བཞིན་རྟག་པའི་རྒྱལ་མོ་ལྔ། །དབྱིངས་ལས་མ་གཡོས་ཆོས་ལ་དབང་བསྒྱུར་ཞིང་། །རིགས་ལྔའི་རྒྱལ་བར་བདེ་ཆེན་མཆོད་འབུལ་མ། །ལོངས་སྤྱོད་རྫོགས་སྐུའི་གཙོ་མོར༴ །སྙིང་རྗེའི་རང་བཞིན་ཕྲིན་ལས་འགོགས་པ་མེད། །གང་འདུལ་གཟུགས་འཆང་པརྞ་ཤ་ཝ་རི། །དྲག་མོའི་སྐུར་སྟོན་དུད་པའི་སོལ་བ་མ། །བསྟན་བསྲུང་རྒྱ་མཚོའི་གཙོ་མོ༴ །འདོད་པ་ཁམས་ཀྱི་བུད་མེད་ཉག་གཅིག་མ། །གླིང་བཞི་དབང་བྱེད་རྡོ་རྗེ་དྲག་མོ་རྒྱལ། །རྣམ་འཕྲུལ་མཐའ་ཡས་ལེགས་ཉེས་སྟོང་འཛིན་མ། །ཁྱོད་ལ་ཕྲིན་ལས་ཞུ་ཞིང་གསོལ་བ་ནི། །ཐུབ་པའི་བསྟན་པ་ཡུན་དུ་གནས་པ་དང་། །དེ་འཛིན་བྱེད་རྣམས་ཞབས་པད་རབ་ཏུ་བརྟེན། །ཆོས་སྐྱོང་རྒྱལ་པོའི་དབུ་འཕང་མཐོ་ཞིང་རྒྱས། །འཇིག་རྟེན་ཀུན་དུ་དགེ་བའི་ཕྲིན་ལས་མཛོད། །རྣལ་འབྱོར་བདག་ཅག་འཁོར་དང་བཅས་པ་རྣམས། །མ་ཡི་བུ་བཞིན་རྟག་ཏུ་སྐྱོང་བ་དང་། །ཡིད་ལ་བསམ་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པའི་ཕྲིན་ལས་མཛོད། །ཚེ་འདི་ཉིད་ལ་སངས་རྒྱས་བྱེད་པ་ཡི། །སྔ་འགྱུར་ཡོ་ག་གསུམ་གྱི་བཤད་སྒྲུབ་དང་། །ཁྱད་པར་ཨ་ནུའི་རྒྱུད་ལུང་མན་ངག་གི །འཆད་ཉན་སྒོམ་བསྒྲུབ་དར་བའི༴ །སངས་རྒྱས་ཀུན་གྱི་དགོངས་པ་འདུས་པའི་མདོ། །བསྟན་པ་སྤྱི་འགྲོལ་ཆེན་པོའི་བཤད་རྒྱུན་གྱི། །ཀློག་པའི་ཐོས་བསམ་གྲྭ་ཚོགས་རབ་རྒྱས་ཤིང་། །རྣལ་འབྱོར་གསུམ་གྱི་ཉམས་ལེན་མཐར་རྒྱས་མཛོད། །བྱང་ཆུབ་སྒྲུབ་ལ་བར་དུ་གཅོད་པ་དང་། །བསྟན་ལ་སྡང་བའི་ཀླ་ཀློ་རྒྱབ་རྟེན་བཅས། །སྤྲུལ་པའི་མཚོན་ལྔས་རྡུལ་ཕྲན་བཞིན་དུ་བཅོམ། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །ཅེས་རོལ་མོའི་སྒྲ་རྒྱ་ཆེར་སྒྲགས་ལ་སྐྱེམ་ཕུད་རྣམས་མཆོད་དོ། །ཅེས་པའང་ལུང་དང་རྟོགས་པའི་དབང་ཕྱུག་ཀཿཐོག་མཁན་མགོ་ཚ་ཨོ་རྒྱན་བསྟན་འཕེལ་ནས་བཀྲ་ཤིས་པའི་ལྷ་རྫས་དང་བྲི་གཞིའི་ཤོག་བུ་བཅས་གནང་ནས་གསུང་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་ཀཿཐོག་རྡོ་རྗེ་གདན་གྱི་རྒྱུད་སྡེའི་ཡང་རྩེར་བྲིས་པ་ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག །ཤུ་བྷཾ།། །།

[edit]

dpal lha mo nag mor mnga' gsol phrin las mchod sbyin ces bya ba bzhugs so/__/na maHshrI ma hA kA li ye/__de la bstan srung chen mor mnga' gsol bya bar 'dod pas/__dza gad dang rak+ta'i skyems phud rgya cher bshams la/__hU~M b+h+yoHdus gsum rgyal ba'i yum gcig mthu mo che/__/rlung nag 'tshub ma stod du 'khyil ba'i dbus/__/rdzu 'phrul shugs ldan bong bu gwa pa'i steng /__/dpal 'bar khro mo'i gzugs can re ma ti/__/khyod ni gdod nas rdo rje khrag 'thung dang /__/dbyer med nyid du mngon par byang chub kyang /__/gsang sngags rdo rje theg pa srung mdzad ma/__/rang byung rgyal mo'i skur bzhengs mnga' gsol lo/__/gzhan sde lha mir bdud kyi sde tshogs kun/__/mthar byed phrin las rtsib stong ldan pa yis/__/khams gsum kun la dbang byed nam gru ma/__/'khor lo rin chen mchog tu mnga'=____/gang la brten pas srid zhi'i phun tshogs kun/__/ci dgar 'jo ba'i bsam 'phel dbang gi rgyal/__/dgos 'dod re ba skong ba'i gter chen ma/__/nor bu rin chen mchog tu=____/ming brgya mtshan stong ldan pa'i lha mo che/__/khyod ni srid pa'i lha chen ting 'dzin la/__/ldang ba'i sgyu thabs rnam par ston mkhas ma/__/btsun mo rin chen mchog tu=____/sras bcas rgyal ba'i rig 'dzin rgya mtsho yi/__/ji ltar bsgo ba'i don rnams mi g.yel shing /__/'phags pa'i nor gyi 'byor pa'i dung skyong ma/__/blon po rin chen mchog tu=____/stobs bcu'i shugs 'chang rdzu 'phrul rkang bzhi ldan/__/pha rol phyin drug mche ba rab du mdzes/__/phrin las rnam bzhi'i sna zhags ring brkyangs ma/__/glang po rin chen mchog=____/skad cig nyid la stong gsum yud kyi+i bgrod/__/wa ya we b+h+yo'i sgra sgrogs phur srung che/__/rnal 'byor bsam pa bsgrub pa'i lcang shes ma/__/rta mchog rin chen mchog tu=____/sa gsum 'byung po mi dang mi ma yin/__/skad cig nyid la thal ba bzhin du brlag__/ma mo bye ba 'bum sde'i dbus bzhugs ma/__/dmag dpon rin chen mchog=____/gzod nas rab zhi mtshan ma'i chos las 'das/__/'khor 'das kun khyab brtan g.yo spro zhing sdud/__/yum chen b+ha ga hri ti zhes grags ma/__/chos sku dbyings phyug chen mor=____/'byung lnga'i rang bzhin rtag pa'i rgyal mo lnga/__/dbyings las ma g.yos chos la dbang bsgyur zhing /__/rigs lnga'i rgyal bar bde chen mchod 'bul ma/__/longs spyod rdzogs sku'i gtso mor=____/snying rje'i rang bzhin phrin las 'gogs pa med/__/gang 'dul gzugs 'chang par+Na sha wa ri/__/drag mo'i skur ston dud pa'i sol ba ma/__/bstan bsrung rgya mtsho'i gtso mo=____/'dod pa khams kyi bud med nyag gcig ma/__/gling bzhi dbang byed rdo rje drag mo rgyal/__/rnam 'phrul mtha' yas legs nyes stong 'dzin ma/__/khyod la phrin las zhu zhing gsol ba ni/__/thub pa'i bstan pa yun du gnas pa dang /__/de 'dzin byed rnams zhabs pad rab tu brten/__/chos skyong rgyal po'i dbu 'phang mtho zhing rgyas/__/'jig rten kun du dge ba'i phrin las mdzod/__/rnal 'byor bdag cag 'khor dang bcas pa rnams/__/ma yi bu bzhin rtag tu skyong ba dang /__/yid la bsam pa'i don rnams ma lus kun/__/'bad med lhun gyis grub pa'i phrin las mdzod/__/tshe 'di nyid la sangs rgyas byed pa yi/__/snga 'gyur yo ga gsum gyi bshad sgrub dang /__/khyad par a nu'i rgyud lung man ngag gi__/'chad nyan sgom bsgrub dar ba'i=____/sangs rgyas kun gyi dgongs pa 'dus pa'i mdo/__/bstan pa spyi 'grol chen po'i bshad rgyun gyi/__/klog pa'i thos bsam grwa tshogs rab rgyas shing /__/rnal 'byor gsum gyi nyams len mthar rgyas mdzod/__/byang chub sgrub la bar du gcod pa dang /__/bstan la sdang ba'i kla klo rgyab rten bcas/__/sprul pa'i mtshon lngas rdul phran bzhin du bcom/__/phyogs las rnam par rgyal ba'i phrin las mdzod/__/ces rol mo'i sgra rgya cher sgrags la skyem phud rnams mchod do/__/ces pa'ang lung dang rtogs pa'i dbang phyug kaHthog mkhan mgo tsha o rgyan bstan 'phel nas bkra shis pa'i lha rdzas dang bri gzhi'i shog bu bcas gnang nas gsung bskul ngor 'jam dbyangs blo gros rgya mtshos kaHthog rdo rje gdan gyi rgyud sde'i yang rtser bris pa shin tu dge zhing bkra shis par gyur cig__/shu b+haM//__//