རྣམ་དཀར་སྒྲུབ་པ་པོ་འཇམ་དབྱངས་བློ་གྲོས་རྒྱ་མཚོ་རང་ཉིད་ཀྱི་སྤར་བྱང་ཀཿཐོག་པ་རྡོ་རྗེ་རྒྱལ་མཚན་གྱི་གསང་སྙིང་འགྲེལ་པའི་སྤར་བྱང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	rnam dkar sgrub pa po 'jam dbyangs blo gros rgya mtsho rang nyid kyi spar byang kaH thog pa rdo rje rgyal mtshan gyi gsang snying 'grel pa'i spar byang
Location	chos kyi blo gros bka' 'bum Volume 10, Text 70, Pages 565-567 (Folios 1a1 to 2a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rnam dkar sgrub pa po 'jam dbyangs blo gros rgya mtsho rang nyid kyi spar byang kaH thog pa rdo rje rgyal mtshan gyi gsang snying 'grel pa'i spar byang. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 565-567. Bir, H.P.: Khyentse Labrang, 2012.
Genre	Printing Colophon Prayers - par byang smon tshig
Colophon	།ཅེས་པའང་ཁམས་གསུམ་ཆོས་ཀྱི་རྒྱལ་པོ་༧འཇམ་དབྱངས་མཁྱེན་བརྩེའི་དབང་པོའི་བྱིན་རླབས་ཀྱི་ཆ་ཤས་ཙམ་ཐོབ་པ་རྣམ་དཀར་སྒྲུབ་པ་པོ་འཇམ་དབྱངས་བློ་གྲོས་རྒྱ་མཚོ་རང་ཉིད་ཀྱི་སྤར་བྱང་སྨོན་ཚིག་ཏུ་བྲིས་པ་དགེ་ལེགས་རྣམ་པར་རྒྱལ་བར་གྱུར་ཅིག།
	/ces pa'ang khams gsum chos kyi rgyal po 7'jam dbyangs mkhyen brtse'i dbang po'i byin rlabs kyi cha shas tsam thob pa rnam dkar sgrub pa po 'jam dbyangs blo gros rgya mtsho rang nyid kyi spar byang smon tshig tu bris pa dge legs rnam par rgyal bar gyur cig/

1 Texts in this Section (sde tshan or chos tshan)

565-567	རྣམ་དཀར་སྒྲུབ་པ་པོ་འཇམ་དབྱངས་བློ་གྲོས་རྒྱ་མཚོ་རང་ཉིད་ཀྱི་སྤར་བྱང་ཀཿཐོག་པ་རྡོ་རྗེ་རྒྱལ་མཚན་གྱི་གསང་སྙིང་འགྲེལ་པའི་སྤར་བྱང་། rnam dkar sgrub pa po 'jam dbyangs blo gros rgya mtsho rang nyid kyi spar byang kaH thog pa rdo rje rgyal mtshan gyi gsang snying 'grel pa'i spar byang Printing Colophon Prayers - par byang smon tshig	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ཨོཾ་སྭསྟི། རྒྱལ་བས་ཆོས་ཚུལ་ཇི་སྙེད་གསུངས་པ་གང་། །དཔལ་ལྡན་རྒྱུད་ཀྱི་རྒྱལ་པོ་འདི་ལ་དགོངས། །ལུང་གི་སྤྱི་ཆེན་ཐེག་པ་ཀུན་གྱི་འགྲེལ། །འདི་ནི་སྲིད་ཞི་ཀུན་གྱི་ཏོག་ཏུ་གྱུར། །རིམ་གྱིས་འཇུག་པའི་ས་རྣམས་བཀོད་པ་ནི། །གསང་བའི་སྙིང་པོར་འགྲོ་བའི་ལམ་པོ་ཆེ། །འདིར་གཞོལ་འདིར་འབབས་རྒྱ་མཚོ་ཆེན་པོ་ལ། །འཛམ་གླིང་ཆུ་ཀླུང་ཇི་སྙེད་འབབ་དང་མཚུངས། །ཀུན་ཏུ་བཟང་པོ་རྡོ་རྗེ་སེམས་དཔའ་ཡི། །ཐུགས་ཀྱི་གསང་བའི་བརྣག་པ་འདི་ཁོ་ན། །འདི་མེད་རྒྱུད་རྣམས་ཀུན་གྱི་སྙིང་དང་བྲལ། །དེ་ཕྱིར་ཏནྟ་ཀུན་གྱི་སྲོག་སྙིང་དངོས། །དངོས་པོའི་རང་བཞིན་གཤིས་ཀྱི་གནས་ཚུལ་དང་། །མ་རྟོགས་འཁྲུལ་ཚུལ་ཐུགས་རྗེས་ཇི་ལྟར་གཟིགས། །དེ་ཉིད་སྐྱེ་དང་འགྲོ་དོན་མཛད་ཚུལ་བཅས། །སྤྱི་དོན་ལྔ་ཡི་བདག་ཉིད་གསང་བ་སྙིང་། །རྒྱལ་བ་རིག་འཛིན་གང་ཟག་སོ་སོ་ལ། །དགོངས་རིག་རྣ་བར་བརྒྱུད་པའི་རྒྱུད་ཆེན་འདི། །ཆེ་བ་བརྒྱད་ལྡན་དབང་རབ་རྣམས་ཀྱི་ཡུལ། །འདི་ཉིད་སྣང་བ་བཞི་དང་རྒྱུད་གསུམ་གནས། །རྒྱུ་ཤེས་ལྟ་དང་རྐྱེན་འཇུག་ཏིང་ངེ་འཛིན། །འབྲས་མཐར་ཕྱིན་ཏེ་མཚན་ཉིད་གསུམ་དུ་འཆད། །དབང་རིམ་མཚན་བསྟན་རྣམ་དབྱེ་འབྲུ་གཉེར་དགྲོལ། །ཤེས་བྱའི་རྒྱུད་དོན་ལྟ་སྤྱོད་དཀྱིལ་འཁོར་དབང་། །དམ་ཚིག་ཕྲིན་ལས་བསྒྲུབ་པ་ཏིང་ངེ་འཛིན། །མཆོད་འཆིང་ཟློས་སྔགས་ཕྱག་རྒྱ་རྣམ་བཅུ་སྟེ། །ཟབ་མོའི་རྒྱུད་ཀྱི་བསྡུས་དོན་འདི་ལྟ་བུས། །ལེགས་པར་འཆད་པའི་བཀའ་སྲོལ་རྣམ་གཉིས་ལས། །འཕུར་འགྲོའི་སློབ་དཔོན་པདྨ་རྒྱལ་པོ་ཡིས། །རྒྱལ་བ་མཆོག་དབྱངས་རྨ་གཉགས་སོགས་ལ་བཤད། །བཀའ་སྲོལ་ཁྱད་འཕགས་མན་ངག་སྙན་བརྒྱུད་ཀྱིས། །རྒྱུད་དོན་འགྲེལ་པ་ཁ་འབབ་རྣམ་བཞིའི་རྒྱུན། །བདེ་ལྡན་ཞིང་ན་སེམས་དཔའ་བློ་གྲོས་སྙིང་། །མ་འོངས་རྒྱལ་བ་ཚེ་དཔག་མེད་ཅེས་གྲགས། །ཁ་བ་ཅན་དུ་ཆོས་རྗེ་ཀཿཐོག་པ། །དམ་པ་བདེ་བར་གཤེགས་ཀྱི་ཐུགས་མཚོར་བསྐྱིལ། །དེའི་གསུང་བདུད་རྩིས་ལུས་སྟོབས་རབ་རྒྱས་པ། །རྡོ་རྗེ་རྒྱལ་མཚན་རྒྱལ་བའི་སྲས་ཆེན་དེས། །ཕྱི་རབས་འགྲོ་ལ་བརྩེ་བ་ཆེན་པོ་ཡིས། །མངོན་པར་སྣང་བྱས་རྒྱུད་ཀྱི་འགྲེལ་ཆེན་འདི། །དུས་ཀྱི་དབང་གིས་ནུབ་པ་ལྟར་གྱུར་ཀྱང་། །ཀུན་ཏུ་བཟང་པོའི་ཕྲིན་ལས་འགོག་མེད་མཐུས། །ཐམས་ཅད་མཁྱེན་གཟིགས་ཆོས་ཀྱི་རྒྱ་མཚོ་ལ། །པུ་སྟི་གླེགས་བམ་དབང་བསྐུར་ཐོབ་པ་དང་། །རིང་བརྒྱུད་ཚོགས་སློབ་གངྒཱ་སིནྡྷཱུ་ཀླུང་། །གང་ཐུགས་དཔལ་གྱི་བེའུར་འཁྱིལ་བ་དང་། །ཉེ་བརྒྱུད་བྱིན་རླབས་གཟི་འོད་སྟོང་འཕྲོ་བས། །སྔ་འགྱུར་ཆོས་ཀྱི་སྙིང་པོ་གསལ་བར་བྱས། །དེ་ཕྱིར་གཅིག་ཏུ་རིན་ཐང་ལྕི་བ་ཡི། །ནོར་བུ་བསམ་འཕེལ་གྱིས་ཀྱང་མི་མཚོན་པའི། །གླེགས་བམ་འདི་ཉིད་སྤར་དུ་བསྐྲུན་པའི་དགེས། །ཀུན་མཁྱེན་བླ་མའི་ཟབ་དགོངས་རྫོགས་པར་ཤོག །འདིར་བརྩོན་བདག་གཞན་སྒྱུ་འཕྲུལ་དྲྭ་བ་ཡི། །དེ་ཁོ་ན་ཉིད་མངོན་དུ་རྟོགས་པའི་མཐུས། །ངེས་པའི་ལམ་མཆོག་བགྲོད་ནས་རྡོ་རྗེ་སེམས། །མི་བསྐྱོད་རྒྱལ་པོའི་གོ་འཕང་ཐོབ་གྱུར་ཅིག །བསྟན་འཛིན་སྐྱེས་རྣམས་ཞབས་པད་ཡུན་དུ་བརྟན། །བསྟན་ལ་གནོད་བྱེད་མིང་ཙམ་མེད་པར་གྱུར། །བསྟན་པའི་སྙིང་པོ་བཤད་དང་སྒྲུབ་པ་འཕེལ། །བསྟན་པ་ཕྱོགས་བཅུར་རྒྱས་པའི་བཀྲ་ཤིས་ཤོག །གཞི་ཡི་རང་བཞིན་མངོན་སུམ་རྟོགས་པ་དང་། །ལམ་གྱི་སྣང་བ་མ་ལུས་བགྲོད་བྱས་ཏེ། །འབྲས་བུ་བདེ་གཤེགས་སྣང་བའི་འོད་ཆེན་གྱིས། །སྲིད་གསུམ་མུན་པ་དྲུང་ནས་འབྱིན་གྱུར་ཅིག །ཆོས་འདིའི་ཕྲིན་ལས་འཛད་མེད་བསྐལ་པའི་ཐ་མར་ཡང་། །རིག་འཛིན་རྣམས་ཀྱིས་ལེགས་བཟུངས་སྐལ་བ་ཅན་ལ་སྣང་། །མ་ནོར་རྟོགས་ཤིང་ཡང་དག་ལམ་མཆོག་སྣང་བར་བྱས། །དམ་ལྡན་ཆོས་སྐྱོང་སྲུང་མས་འདི་ཡི་གཉེར་མཛོད་ཅིག །ཅེས་པའང་ཁམས་གསུམ་ཆོས་ཀྱི་རྒྱལ་པོ་༧འཇམ་དབྱངས་མཁྱེན་བརྩེའི་དབང་པོའི་བྱིན་རླབས་ཀྱི་ཆ་ཤས་ཙམ་ཐོབ་པ་རྣམ་དཀར་སྒྲུབ་པ་པོ་འཇམ་དབྱངས་བློ་གྲོས་རྒྱ་མཚོ་རང་ཉིད་ཀྱི་སྤར་བྱང་སྨོན་ཚིག་ཏུ་བྲིས་པ་དགེ་ལེགས་རྣམ་པར་རྒྱལ་བར་གྱུར་ཅིག། །།

[edit]

oM swasti/__rgyal bas chos tshul ji snyed gsungs pa gang /__/dpal ldan rgyud kyi rgyal po 'di la dgongs/__/lung gi spyi chen theg pa kun gyi 'grel/__/'di ni srid zhi kun gyi tog tu gyur/__/rim gyis 'jug pa'i sa rnams bkod pa ni/__/gsang ba'i snying por 'gro ba'i lam po che/__/'dir gzhol 'dir 'babs rgya mtsho chen po la/__/'dzam gling chu klung ji snyed 'bab dang mtshungs/__/kun tu bzang po rdo rje sems dpa' yi/__/thugs kyi gsang ba'i brnag pa 'di kho na/__/'di med rgyud rnams kun gyi snying dang bral/__/de phyir tan+ta kun gyi srog snying dngos/__/dngos po'i rang bzhin gshis kyi gnas tshul dang /__/ma rtogs 'khrul tshul thugs rjes ji ltar gzigs/__/de nyid skye dang 'gro don mdzad tshul bcas/__/spyi don lnga yi bdag nyid gsang ba snying /__/rgyal ba rig 'dzin gang zag so so la/__/dgongs rig rna bar brgyud pa'i rgyud chen 'di/__/che ba brgyad ldan dbang rab rnams kyi yul/__/'di nyid snang ba bzhi dang rgyud gsum gnas/__/rgyu shes lta dang rkyen 'jug ting nge 'dzin/__/'bras mthar phyin te mtshan nyid gsum du 'chad/__/dbang rim mtshan bstan rnam dbye 'bru gnyer dgrol/__/shes bya'i rgyud don lta spyod dkyil 'khor dbang /__/dam tshig phrin las bsgrub pa ting nge 'dzin/__/mchod 'ching zlos sngags phyag rgya rnam bcu ste/__/zab mo'i rgyud kyi bsdus don 'di lta bus/__/legs par 'chad pa'i bka' srol rnam gnyis las/__/'phur 'gro'i slob dpon pad+ma rgyal po yis/__/rgyal ba mchog dbyangs rma gnyags sogs la bshad/__/bka' srol khyad 'phags man ngag snyan brgyud kyis/__/rgyud don 'grel pa kha 'bab rnam bzhi'i rgyun/__/bde ldan zhing na sems dpa' blo gros snying /__/ma 'ongs rgyal ba tshe dpag med ces grags/__/kha ba can du chos rje kaHthog pa/__/dam pa bde bar gshegs kyi thugs mtshor bskyil/__/de'i gsung bdud rtsis lus stobs rab rgyas pa/__/rdo rje rgyal mtshan rgyal ba'i sras chen des/__/phyi rabs 'gro la brtse ba chen po yis/__/mngon par snang byas rgyud kyi 'grel chen 'di/__/dus kyi dbang gis nub pa ltar gyur kyang /__/kun tu bzang po'i phrin las 'gog med mthus/__/thams cad mkhyen gzigs chos kyi rgya mtsho la/__/pu sti glegs bam dbang bskur thob pa dang /__/ring brgyud tshogs slob gang+gA sin+d+hU klung /__/gang thugs dpal gyi be'ur 'khyil ba dang /__/nye brgyud byin rlabs gzi 'od stong 'phro bas/__/snga 'gyur chos kyi snying po gsal bar byas/__/de phyir gcig tu rin thang lci ba yi/__/nor bu bsam 'phel gyis kyang mi mtshon pa'i/__/glegs bam 'di nyid spar du bskrun pa'i dges/__/kun mkhyen bla ma'i zab dgongs rdzogs par shog__/'dir brtson bdag gzhan sgyu 'phrul drwa ba yi/__/de kho na nyid mngon du rtogs pa'i mthus/__/nges pa'i lam mchog bgrod nas rdo rje sems/__/mi bskyod rgyal po'i go 'phang thob gyur cig__/bstan 'dzin skyes rnams zhabs pad yun du brtan/__/bstan la gnod byed ming tsam med par gyur/__/bstan pa'i snying po bshad dang sgrub pa 'phel/__/bstan pa phyogs bcur rgyas pa'i bkra shis shog__/gzhi yi rang bzhin mngon sum rtogs pa dang /__/lam gyi snang ba ma lus bgrod byas te/__/'bras bu bde gshegs snang ba'i 'od chen gyis/__/srid gsum mun pa drung nas 'byin gyur cig__/chos 'di'i phrin las 'dzad med bskal pa'i tha mar yang /__/rig 'dzin rnams kyis legs bzungs skal ba can la snang /__/ma nor rtogs shing yang dag lam mchog snang bar byas/__/dam ldan chos skyong srung mas 'di yi gnyer mdzod cig__/ces pa'ang khams gsum chos kyi rgyal po 7'jam dbyangs mkhyen brtse'i dbang po'i byin rlabs kyi cha shas tsam thob pa rnam dkar sgrub pa po 'jam dbyangs blo gros rgya mtsho rang nyid kyi spar byang smon tshig tu bris pa dge legs rnam par rgyal bar gyur cig/___//