རྒྱུད་གསང་འདུས་ལས་སོགས་ལུང་བཏུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rgyud gsang 'dus las sogs lung btus
Location	chos kyi blo gros bka' 'bum Volume 9, Text 7, Pages 73-75 (Folios 1a1 to 2a5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rgyud gsang 'dus las sogs lung btus. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 73-75. Bir, H.P.: Khyentse Labrang, 2012.
Genre	Collections of Scriptural Citations - lung btus

Tibetan Text

Wylie

[edit]

རྒྱུད་གསང་འདུས་ལས། དངོས་པོ་ཐམས་ཅད་དང་བྲལ་བ། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་སྤངས་པ། །ཆོས་བདག་མེད་པ་མཉམ་ཉིད་པས། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནི། །ཞེས་དང་། དེ་ཉིད་ལས། ཆོས་རྣམས་རང་བཞིན་འོད་གསལ་བ། །གདོད་ནས་དག་པ་ནམ་མཁའ་བཞིན། །བྱང་ཆུབ་མེད་ཅིང་མངོན་རྟོགས་མེད། །བྱང་ཆུབ་ཚུལ་འདི་བསྟན་པའོ། །བཤད་རྒྱུད་རྡོར་ཕྲེང་ལས། སྟོང་པ་ཉིད་དང་ཆོས་རྣམས་ཀུན། །ནང་དུ་ཁྱབ་པའང་ཆོས་ཉིད་དེ། །དེ་ཉིད་ཡང་དག་ཤེས་པ་ནི། །དེ་བཞིན་ཉིད་དང་རྣམ་མི་རྟོག །བདག་དང་གང་ཟག་ཆོས་རྣམས་ནི། །བདག་མེད་རང་བཞིན་གཅིག་པ་ཉིད། །སྟོང་པ་ཉིད་དང་རང་རིག་དང་། །ཐམས་ཅད་བདག་ཉིད་རྟག་བཞུགས་པ། །རྣལ་འབྱོར་གཅིག་པུས་རྟོགས་པ་སྟེ། །རྟོག་གེ་པ་ཡི་སྤྱོད་ཡུལ་མིན། །ཞེས་སོ། །རླུང་གི་འཁོར་ལོར་སྲོག་ཏུ་བཤད། །མཚན་ཕྱེད་སྐད་ཅིག་མ་ལ་འཆར། །དེ་ལྟར་ཡང་དག་སྒོམ་པ་ནི། །འདི་ནི་སྟོང་ཉིད་སྒོམ་བྱེད་པའོ། །ཞེས་དང་། སྙིང་གི་པད་སྦུག་ནམ་མཁའ་ལ། །ཡེ་ཤེས་རྡོ་རྗེ་རྟག་ཏུ་བཞུགས། །ཞེས་དང་། རང་བཞིན་འོད་གསལ་དྲི་མ་མེད། །རྣམ་པ་ཀུན་ལས་རྣམ་པར་གྲོལ། །ཞེས་དང་། རླུང་གི་དེ་ཉིད་གསལ་བ་ནི། །ཡེ་ཤེས་རྡོ་རྗེ་རྟག་ཏུ་བཞུགས། །ཞེས་དང་། རང་བཞིན་འོད་གསལ་དྲི་མ་མེད། །རྣམ་པ་ཀུན་ལས་རྣམ་པར་གྲོལ། །ཞེས་དང་། རླུང་གི་དེ་ཉིད་གསལ་བ་ནི། །ཡེ་ཤེས་ལྔ་ཡི་རང་བཞིན་ཅན། །རྣལ་འབྱོར་བྱིས་པའི་ཡུལ་མིན་ཞིང་། །རྟོག་གེ་པ་ཡིས་མི་ཤེས་སོ། །དངོས་གྲུབ་ཐམས་ཅད་གསལ་བྱེད་པ། །རྣལ་འབྱོར་ཀུན་གྱི་དངོས་གྲུབ་པ། །དེ་ཉིད་ཀུན་གྱི་གོ་འཕང་གསལ། །རྣལ་འབྱོར་ཀུན་གྱི་དོན་བསྡུས་པ། རྡོ་རྗེ་སེམས་དཔའི་གོ་འཕང་གསལ། །ཐམས་ཅད་བདག་ཉིད་རྟག་ཏུ་བཞུགས། །དེ་ཉིད་མཆོག་ནི་ཤིན་ཏུ་ཕྲ། །བླ་མའི་ཞལ་ལས་རྟོགས་པར་འགྱུར། །ཞེས་དང་། ལྷ་རྣམས་ཡང་དག་སད་པར་ནི། །དེ་ཡི་ཕྱིར་ནི་མི་འགྱུར་ཏེ། །སྙིང་གི་དབུས་ན་བདེ་བའི་དངོས། །སངས་རྒྱས་ཉི་མ་གསལ་བའི་འོད། །གཟུང་དང་འཛིན་པའི་གཟུགས་ཀྱིས་ཀྱང་། །དེ་ནི་འོད་ཟེར་བཅུ་གཉིས་ཏེ། །ཞེས་འོད་ཟེར་བཅུ་གཉིས་ཀྱི་མིང་གསུང་། ལྷ་མོ་རྣམས་ནི་གང་འཆར་བའང་། །ཡེ་ཤེས་ཉི་མ་འཆར་བ་ཡིན། །དེ་ཡང་ཡང་དག་ནུབ་པ་ནི། །དེ་ཡང་མཆོག་ཏུ་ནུབ་པའོ། །འཆར་བ་ནུབ་པ་རྣམས་འཆང་བ། །གོ་འཕང་མཆོག་ལ་ཤེས་པར་བྱ། །རྣལ་འབྱོར་ཆེན་པོ་ལེགས་པར་སད། །སངས་རྒྱས་ཉི་མ་སྡོམ་པའོ། །ཞེས་དང་། རྣམ་རྟོག་མེད་པའི་རླུང་ཤར་ན། །གང་ཤེས་རྡོ་རྗེ་སེམས་དཔའ་ཡི། །རང་དངོས་གོ་འཕང་བཟང་པོ་ཐོབ། །རྣམ་རྟོག་མེད་པའི་རླུང་ཆེན་པོ། །གཉིས་པ་ཐམས་ཅད་རྣམ་པར་སྤངས། །དངོས་པོ་ཀུན་གྱི་རང་བཞིན་བདག །སྒོམ་དང་སྒོམ་མིན་གོ་འཕང་བྲལ། །རྣལ་འབྱོར་ཆེན་པོའི་ཡེ་ཤེས་ཆེ། །གནས་པ་མེད་ཅིང་དྲི་མ་མེད། །ཕྲ་བའི་ཆ་ཀུན་དབུས་ན་གནས། །ཐིག་ལེ་ན་ད་རྣམ་པར་སྤངས། །ཀུན་ལ་ཁྱབ་ཅིང་ཞི་བ་དང་། །བདག་བྱིན་བརླབས་པའི་མཚན་ཉིད་གཅིག །མཚན་གཞི་མཚན་ཉིད་རྣམས་ལས་གྲོལ། །བག་ཆགས་རྣམ་རྟོག་རྣམ་པར་སྤངས། །ཚིག་དང་མདུད་བའི་ཆ་ཡི་ལམ། །སྒོམ་དང་བསྒོམ་བྱ་རྣམ་པར་སྤངས། །སྟོང་ཉིད་ཡེ་ཤེས་མཚན་ཉིད་དོ་། །ཞེས་སོ། །འཁོར་བ་དང་ནི་མྱ་ངན་འདས། །རྟོག་པ་གཉིས་པོ་སྤངས་པས་ནི། །གང་དུ་དངོས་པོ་གཅིག་འགྱུར་བ། །ཟུང་དུ་འཇུག་ཅེས་དེ་ལ་བཤད། །ཀུན་རྫོབ་དང་ནི་དོན་དམ་དང་། །རྟོག་པ་གཉིས་དང་རྣམ་པར་བྲལ། །གང་དུ་ཡང་དག་འདྲེས་གྱུར་པ། །དེ་ཉིད་ཟུང་དུ་འཇུག་པར་བཤད། །ཅེས་སོ། །ལེའུ་ཡོད་།། །།

[edit]

rgyud gsang 'dus las/__dngos po thams cad dang bral ba/__/phung po khams dang skye mched dang /__/gzung dang 'dzin pa rnam spangs pa/__/chos bdag med pa mnyam nyid pas/__/rang sems gdod nas ma skyes pa/__/stong pa nyid kyi rang bzhin ni/__/zhes dang /__de nyid las/__chos rnams rang bzhin 'od gsal ba/__/gdod nas dag pa nam mkha' bzhin/__/byang chub med cing mngon rtogs med/__/byang chub tshul 'di bstan pa'o/__/bshad rgyud rdor phreng las/__stong pa nyid dang chos rnams kun/__/nang du khyab pa'ang chos nyid de/__/de nyid yang dag shes pa ni/__/de bzhin nyid dang rnam mi rtog__/bdag dang gang zag chos rnams ni/__/bdag med rang bzhin gcig pa nyid/__/stong pa nyid dang rang rig dang /__/thams cad bdag nyid rtag bzhugs pa/__/rnal 'byor gcig pus rtogs pa ste/__/rtog ge pa yi spyod yul min/__/zhes so/__/rlung gi 'khor lor srog tu bshad/__/mtshan phyed skad cig ma la 'char/__/de ltar yang dag sgom pa ni/__/'di ni stong nyid sgom byed pa'o/__/zhes dang /__snying gi pad sbug nam mkha' la/__/ye shes rdo rje rtag tu bzhugs/__/zhes dang /__rang bzhin 'od gsal dri ma med/__/rnam pa kun las rnam par grol/__/zhes dang /__rlung gi de nyid gsal ba ni/__/ye shes rdo rje rtag tu bzhugs/__/zhes dang /__rang bzhin 'od gsal dri ma med/__/rnam pa kun las rnam par grol/__/zhes dang /__rlung gi de nyid gsal ba ni/__/ye shes lnga yi rang bzhin can/__/rnal 'byor byis pa'i yul min zhing /__/rtog ge pa yis mi shes so/__/dngos grub thams cad gsal byed pa/__/rnal 'byor kun gyi dngos grub pa/__/de nyid kun gyi go 'phang gsal/__/rnal 'byor kun gyi don bsdus pa/__rdo rje sems dpa'i go 'phang gsal/__/thams cad bdag nyid rtag tu bzhugs/__/de nyid mchog ni shin tu phra/__/bla ma'i zhal las rtogs par 'gyur/__/zhes dang /__lha rnams yang dag sad par ni/__/de yi phyir ni mi 'gyur te/__/snying gi dbus na bde ba'i dngos/__/sangs rgyas nyi ma gsal ba'i 'od/__/gzung dang 'dzin pa'i gzugs kyis kyang /__/de ni 'od zer bcu gnyis te/__/zhes 'od zer bcu gnyis kyi ming gsung /__lha mo rnams ni gang 'char ba'ang /__/ye shes nyi ma 'char ba yin/__/de yang yang dag nub pa ni/__/de yang mchog tu nub pa'o/__/'char ba nub pa rnams 'chang ba/__/go 'phang mchog la shes par bya/__/rnal 'byor chen po legs par sad/__/sangs rgyas nyi ma sdom pa'o/__/zhes dang /__rnam rtog med pa'i rlung shar na/__/gang shes rdo rje sems dpa' yi/__/rang dngos go 'phang bzang po thob/__/rnam rtog med pa'i rlung chen po/__/gnyis pa thams cad rnam par spangs/__/dngos po kun gyi rang bzhin bdag__/sgom dang sgom min go 'phang bral/__/rnal 'byor chen po'i ye shes che/__/gnas pa med cing dri ma med/__/phra ba'i cha kun dbus na gnas/__/thig le na da rnam par spangs/__/kun la khyab cing zhi ba dang /__/bdag byin brlabs pa'i mtshan nyid gcig__/mtshan gzhi mtshan nyid rnams las grol/__/bag chags rnam rtog rnam par spangs/__/tshig dang mdud ba'i cha yi lam/__/sgom dang bsgom bya rnam par spangs/__/stong nyid ye shes mtshan nyid do /__/zhes so/__/'khor ba dang ni mya ngan 'das/__/rtog pa gnyis po spangs pas ni/__/gang du dngos po gcig 'gyur ba/__/zung du 'jug ces de la bshad/__/kun rdzob dang ni don dam dang /__/rtog pa gnyis dang rnam par bral/__/gang du yang dag 'dres gyur pa/__/de nyid zung du 'jug par bshad/__/ces so/__/le'u yod //__//