རིལ་བུ་སྒྲུབ་སྐབས་ཀྱི་མཚན་ཐུན་སྐབས་ལ་བདག་མདུན་སྒྲུབ་ཚུལ་ཉུང་ངུ་།

🚧 This website is under continued development. We appreciate your patience!

Previous Text Back to Volume PageNext Text

Wylie title	ril bu sgrub skabs kyi mtshan thun skabs la bdag mdun sgrub tshul nyung ngu
Location	chos kyi blo gros bka' 'bum Volume 7, Text 31, Pages 549-564 (Folios 1a1 to 8b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. ril bu sgrub skabs kyi mtshan thun skabs la bdag mdun sgrub tshul nyung ngu. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 7: 549-564. Bir, H.P.: Khyentse Labrang, 2012.
Genre	Medicinal Pills - Making and Activating Practices - sman sgrub
Colophon	༧འཇམ་དབྱངས་ཆོས་ཀྱི་བློ་གྲོས་ཀྱིས་གསུངས་སོ།།
	7'jam dbyangs chos kyi blo gros kyis gsungs so//

1 Texts in this Section (sde tshan or chos tshan)

549-564	རིལ་བུ་སྒྲུབ་སྐབས་ཀྱི་མཚན་ཐུན་སྐབས་ལ་བདག་མདུན་སྒྲུབ་ཚུལ་ཉུང་ངུ་། ril bu sgrub skabs kyi mtshan thun skabs la bdag mdun sgrub tshul nyung ngu Medicinal Pills - Making and Activating Practices - sman sgrub	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །རིལ་བུ་སྒྲུབ་སྐབས་ཀྱི་མཚན་ཐུན་སྐབས་ལ་བདག་མདུན་སྒྲུབ་ཚུལ་ཉུང་ངུ་བཞུགས་སོ། ། ན་མོ་གུ་རུ་བྷྱཿ ཁྱབ་བདག་རྡོ་རྗེ་འཆང་དབང་ནས་བཟུང་སྟེ། །དྲིན་ཆེན་རྩ་བའི་བླ་མའི་བར་བྱོན་པའི། །དམར་ཁྲིད་བརྒྱུད་པའི་བླ་མ་ཐམས་ཅད་ལ། །མི་ཕྱེད་སྙིང་ནས་གུས་པས་གསོལ་འདེབས་ན། །ངེས་འབྱུང་སྙིང་རྗེ་བྱང་ཆུབ་སེམས་གཉིས་དང་། །མོས་གུས་བླ་མའི་རྣལ་འབྱོར་མཐར་ཕྱིན་ཞིང་། །བསྐྱེད་རྫོགས་ཟུང་འཇུག་མྱུར་ལམ་ལ་བརྟེན་ནས། །སྐུ་བཞིའི་འབྲས་བུ་འགྲུབ་པར་བྱིན་གྱིས་རློབས། །ཞེས་བརྒྱུད་པའི་གསོལ་འདེབས་སྔོན་དུ་འགྲོ་བས། མཆོད་པ་རྣམས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ་ཀྱིས་བསང་། སྭཱ་བྷཱ་ཝས་སྦྱངས། སྟོང་པའི་ངང་ལས་ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡང་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ནས་ཤབྡ་ཨཱཿཧཱུྃ་གི་བར་གྱིས་བརླབ། ཨོཾ་བཛྲ་དྷརྨཱ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ། པྲ་ཙ་ལི་ཏེ། པྲཛྙཱ་པཱ་ར་མི་ཏ། ནཱ་ད་སྭཱ་བྷཱ་ཝེ། བཛྲ་སཏྭ་ཧྲཱི་ད་ཡ། སཏྣོ་ཥ་ཎི་ཧཱུྃ་ཧཱུྃ་ཧཱུྃ་ཧ་ཧ་ཧོ་ཨ་ཁཾ་སྭཱ་ཧཱ། ཞེས་ལན་གསུམ་བརྗོད་ལ། སྐྱབ་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་སྐྱབས་སེམས་སྦྲེལ་མ་ཅི་ནུས་བྱ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་སྤྱི་ལྟར་བསྒོམ་མོ། །སྤྲོ་ན་རྡོར་སེམས་སྒོམ་བཟླས་ནི། རང་གི་སྤྱི་བོར་བླ་མ་རྡོ་རྗེ་སེམས། །ཡབ་ཡུམ་མཉམ་སྦྱོར་ཐུགས་ཀའི་སྔགས་ཕྲེང་ལས། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །བདུད་རྩིའི་རྒྱུན་བབས་ནད་གདོན་སྡིག་སྒྲིབ་དག །ཤེས་ན་ཡི་གེ་བརྒྱ་པ་དང་། མི་ཤེས་ན། ཨོཾ་བཛྲ་ས་ཏྭ་ཨཱཿཅི་ནུས་བཟླ། རྡོར་སེམས་འོད་ཞུ་རང་ལ་གཉིས་མེད་ཐིམ། བླ་མའི་རྣལ་འབྱོར་ནི། རང་མདུན་ནམ་མཁར་སེང་གེས་བཏེག་པ་ཡི། །རིན་ཆེན་ཁྲི་དང་པད་ཟླ་ཉི་མའི་སྟེང་། །རྩ་བའི་བླ་མ་སངས་རྒྱས་རྡོ་རྗེ་འཆང་། །སྐུ་མདོག་སྔོན་པོ་རྡོར་དྲིལ་ཐུགས་ཀར་བསྣོལ། །དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས། །གནས་གསུམ་་ཡི་གེ་གསུམ་གྱིས་མཚན་པ་ལས། །འོད་འཕྲོས་བླ་མ་ཡི་དམ་མཆོག་གསུམ་དང་། །ཆོས་སྲུང་ནོར་ལྷའི་ཚོགས་ཀུན་སྤྱན་དྲངས་ཐིམ། །སྐྱབས་གནས་ཐམས་ཅད་འདུས་པའི་ངོ་བོར་གྱུར། །དེ་ནས། ས་གཞི་སྤོས་ཆུས་བྱུགས་ཤིང་སོགས་མཎྜལ་དབུལ། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །བླ་མ་དཔལ་ལྡན་རྡོ་རྗེ་འཆང་། །གསོལ་བ་འདེབས་སོ་བྱིན་གྱིས་རློབས། །ལན་གསུམ། ཞེས་པས་གསོལ་བཏབ་སྤྱི་བོའི་བླ་མ་ཉིད། །བདེ་བ་ཆེན་པོའི་ངོ་བོ་འོད་དུ་ཞུ། །རང་ལ་ཐིམ་པས་རང་གི་སྒོ་གསུམ་དང་། །དཔལ་ལྡན་བླ་མའི་གསང་གསུམ་དབྱེར་མེད་གྱུར། །ཅེས་སྤྲོས་བྲལ་གཉུག་མའི་ངང་དུ་མཉམ་པར་གཞག །དངོས་གཞི་བདག་བསྐྱེད་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། སྟོང་པའི་ངང་ལས་པྃ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ། རང་གི་སེམས་ཉིད་ཀྱི་ངོ་བོ་ཡི་གེ་ཧྲཱིཿདཀར་པོ་ལས་པདྨ་དཀར་པོ་ཧྲཱིཿས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། རང་ཉིད་འཕགས་པ་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་ཤེལ་དཀར་གྱི་ཕྲེང་བ་དང་། གཡོན་འོག་མས་མེ་ཏོག་པདྨ་དཀར་པོའི་སྡོང་བུ་འཛིན་པ། ཞི་ཞིང་འཛུམ་ལ་མཚན་དཔེའི་ཉམས་འགྱུར་ཡོངས་སུ་རྫོགས་པ། དར་དང་རིན་པོ་ཆེས་བརྒྱན་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་དབུས་སུ་ཟླ་བ་ལ་གནས་པའི་ཧྲཱིཿདཀར་པོ། དེ་ལས་འོད་ཟེར་འཕྲོས་པས་རང་བཞིན་གྱི་གནས་ནས་འཕགས་པ་སྤྱན་རས་གཟིགས་དབང་ཕྱུག་འཁོར་དང་བཅས་པ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿཛཿཧཱུྃ་བྃ་ཧོཿགཉིས་སུ་མེད་པར་ཐིམ། ཡང་ཐུགས་ཀའི་ཧྲཱིཿལས་འོད་ཟེར་འཕྲོས། རྒྱུད་སྡེ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་སྤྱན་དྲངས་ཏེ་ཐིམ་པས་ཡི་དམ་ཀུན་འདུས་སུ་གྱུར། སླར་ཡང་རང་གི་སྙིང་གའི་ཧྲཱིཿལས་འོད་ཟེར་འཕྲོས་པས་དབང་གི་ལྷ་རྩ་བའི་བླ་མ་འོད་དཔག་མེད་ཀྱི་རྣམ་པར་མདུན་གྱི་ནམ་མཁར་ཨོཾ་བཛྲ་ས་མཱ་ཛཿབདག་ལ་མངོན་པར་དབང་བསྐུར་བ་སྩལ་དུ་གསོལ། །ཞེས་གསོལ་བ་བཏབ་པས་དབང་གི་ལྷས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་པད་ཟླའི་གདན་དུ་གྱུར་པའི་སྟེང་དུ་བླ་མ་ཉིད་རིགས་བདག་གི་ཚུལ་དུ་བཞུགས་པའི་ཐུགས་ཀ་ནས་འོད་ཟེར་འཕྲོས། བརྒྱུད་པའི་བླ་མ་རྣམས་ཀྱང་འོད་དཔག་མེད་ཀྱི་རྣམ་པར་སྤྱན་དྲངས། སྤྱི་བོའི་བླ་མ་ལ་ཐིམ་པ་ལས་བླ་མ་ཀུན་འདུས་སུ་གྱུར། རང་གི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདཀར་པོའི་མཐར་ཡི་གེ་དྲུག་མའི་སྔགས་ཀྱིས་བསྐོར་བ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ། ཡི་དམ་དཀྱིལ་འཁོར་གྱི་ལྷ་ཚོགས། དཔའ་བོ་མཁའ་འགྲོ་ཆོས་སྲུང་ནོར་ལྷ་དང་བཅས་པའི་གསུང་གི་བྱིན་རླབས་ཐམས་ཅད་ཡི་གེ་དྲུག་མའི་རྣམ་པར་སྤྱན་དྲངས། སྔགས་ཕྲེང་ལ་ཐིམ་པས་གསང་སྔགས་ཀུན་འདུས་སུ་གྱུར་པར་བསམ། སྤྱི་བོའི་བླ་མ། རང་ཡི་དམ། རང་གི་ལུས་ཀྱི་བྱེ་བྲག་དང་། སྣོད་བཅུད་ཐམས་ཅད་ཐུགས་རྗེ་ཆེན་པོར་གསལ་བའི་ཞལ་ནས་སྔགས་ཀྱི་སྒྲ་འུ་རུ་རུ་སྒྲོགས་པར་བསམས་ལ། སྒྲ་གྲག་སྟོང་དབྱེར་མེད་ལ་སེམས་གཏད་དེ། ཨོཾ་མ་ཎི་པདྨེ་ཧཱུྃ། ཞེས་ཅི་ནུས་བཟླ། ཐུན་ལས་ལྡང་བ་ན་ཡི་གེ་བརྒྱ་པས་སྔགས་ཀྱི་ལྷག་ཆད་ཁ་བསྐང་། བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་བྱིན་གྱིས་བརླབ་ཏུ་གསོལ། མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་འཕགས་པ་སྤྱན་རས་གཟིགས་ཀྱི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་གསོལ་བ་གདབ། རང་གི་ཐུགས་ཀ་ནས་འོད་ཟེར་འཕྲོས་པས་གདན་འོད་ཟེར་གྱི་རྣམ་པར་གྱུར་ཏེ་རང་ལ་ཐིམ་པར་བསམ་མོ། །མདུན་གྱི་བུམ་པ་རིལ་བུ་དང་བཅས་པ་ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་པྃ་ལས་པདྨ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུྃ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར་བ། ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་པ་དཀྲིས་ཤིང་། དཔག་བསམ་གྱི་ཤིང་གིས་ཁ་བརྒྱན་པ། དེའི་ནང་དུ་པྃ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རིལ་བུ་རྣམས་ཧྲཱིཿདཀར་པོ་ལས་པདྨ་དཀར་པོ་ཧྲཱིཿས་མཚན་པ། །དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཧྲཱིཿལ་ཐིམ། དེ་ཡོངས་སུ་གྱུར་པ་ལས་འཕགས་པ་ཐུགས་རྗེ་ཆེན་པོ་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་ཤེལ་དཀར་གྱི་ཕྲེང་བ་དང་། གཡོན་འོག་མས་མེ་ཏོག་པདྨ་དཀར་པོའི་སྡོང་བུ་འཛིན་པ། ཞི་ཞིང་འཛུམ་ལ་མཚན་དཔེའི་ཉམས་འགྱུར་ཡོངས་སུ་རྫོགས་པ། དར་དང་རིན་པོ་ཆེས་བརྒྱན་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ། ཐུགས་ཀའི་དབུས་སུ་ཟླ་བ་ལ་གནས་པའི་ཧྲཱིཿདཀར་པོ། དེ་ལས་འོད་ཟེར་འཕྲོས་པས་རང་བཞིན་གྱི་གནས་ནས་འཕགས་པ་སྤྱན་རས་གཟིགས་དབང་ཕྱུག་འཁོར་དང་བཅས་པ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿསྤོས་དང་རྡོར་དྲིལ་འཛིན་པས། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་འདིར་ནི་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེས་རྣམ་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་རྣམས་གཤེགས་སུ་གསོལ། །ཨོཾ་ཨཱཪྻ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་ཨེ་ཧྱེ་ཧིས་སྤྱན་དྲངས། ཛཿཧཱུྃ་བྃ་ཧོཿམདུན་བསྐྱེད་ལ་གཉིས་སུ་མེད་པར་ཐིམ། ཨོཾ་པདྨ་ཀ་མ་ལཱ་ཡ་སྟྭཾ་གྱིས་གདན་དབུལ། ཡང་ཐུགས་ཀའི་ཧྲཱིཿལས་འོད་ཟེར་འཕྲོས། རྒྱུད་སྡེ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་སྤྱན་དྲངས་ཏེ་ཐིམ་པས་ཡི་དམ་ཀུན་འདུས་སུ་གྱུར། སླར་ཡང་རང་གི་སྙིང་གའི་ཧྲཱིཿལས་འོད་ཟེར་འཕྲོས་པས་དབང་གི་ལྷ་རྩ་བའི་བླ་མ་འོད་དཔག་མེད་ཀྱི་རྣམ་པར་མདུན་གྱི་ནམ་མཁར་ཨོཾ་བཛྲ་ས་མཱ་ཛཿའདི་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས་དབང་གི་ལྷས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུ་ལྷག་མ་ཡར་ལུད་པ་པད་ཟླའི་གདན་དུ་གྱུར་པའི་སྟེང་དུ་བླ་མ་ཉིད་རིགས་བདག་གི་ཚུལ་དུ་བཞུགས་པའི་ཐུགས་ཀ་ནས་འོད་ཟེར་འཕྲོས། བརྒྱུད་པའི་བླ་མ་རྣམས་ཀྱང་འོད་དཔག་མེད་ཀྱི་རྣམ་པར་སྤྱན་དྲངས། སྤྱི་བོའི་བླ་མ་ལ་ཐིམ་པ་ལས་བླ་མ་ཀུན་འདུས་སུ་གྱུར་པར་བསམ། དེ་ནས་ཡན་ལག་བདུན་གྱི་སྒོ་ནས་བསགས་སྦྱང་སྤེལ་གསུམ་བྱ་བའི་ཐོག་མར་ཕྱག་འཚལ་བ་ནི། རང་དང་སེམས་ཅན་ཐམས་ཅད་ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་འཚལ་ཞིང་མཆོད་པ་འབུལ་བ་སོགས་བསག་སྦྱང་གི་ལས་ལ་འཇུག་པར་བསམ་ལ། ཡིད་འོང་རྫིང་བུའི་ནང་ན་གནས་པ་ཡི། །འཆར་ཀའི་པདྨོ་ཁ་འབུས་བྱེ་འདྲ་བ། །ལག་གཉིས་སྤྱི་བོར་ཐལ་སྦྱར་བསྟོད་དབྱངས་བཅས། །ལུས་དཔག་མེད་པར་སྤྲུལ་ནས་གུས་ཕྱག་འཚལ། །བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱིས། །སྐུ་གསུང་ཐུགས་ཀྱི་ངོ་བོར་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །སྐྱོབ་པ་སངས་རྒྱས་ཀུན་དང་གཉིས་སུ་མེད། །ལེགས་གསུང་སྒྲོན་མེ་དམ་པ་ཆོས་ཀྱི་གསུང་། །སྟོན་པའི་བསྟན་པ་འཛིན་པའི་བཤེས་གཉེན་མཆོག །རྩ་བརྒྱུད་བླ་མ་རྣམས་ལ་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །ཤེས་བྱ་མ་ལུས་མཁྱེན་པའི་བཅོམ་ལྡན་འདས། །འགྲོ་བ་ཀུན་ལ་བུ་གཅིག་ལྟ་བུར་བརྩེ། །ལྷུན་གྲུབ་རྒྱུན་མི་འཆད་པའི་ཕྲིན་ལས་ཅན། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཞེས་དང་། ཇི་སྙེད་སུ་དག་ནས། བདག་གིས་བསྟོད་ཅེས་པའི་བར་བཟང་སྤྱོད་ལྟར་བྱའོ། །མཆོད་པ་བསང་སྦྱངས་བྱིན་གྱིས་བརླབས་ལ། མཆོད་ཡོན་ཕལ་ཆེར་མཆོད་ཡོན་བླ་རེ་དང་། །མཆོད་ཡོན་བཀོད་པའི་འོད་ཟེར་རབ་བཀྱེ་ཞིང་། །མཆོད་ཡོན་སྣ་ཚོགས་ཀུན་ཏུ་བཀྲམ་བྱས་ནས། །བདག་ཉིད་ཆེན་པོ་འཕགས་པ་འཁོར་བཅས་མཆོད། །ཨོཾ་གུ་རུ་ཨཱརྱ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ་མཆོད་ཡོན་གྱི་གནས་སུ། ཞབས་བསིལ། མེ་ཏོག །བདུག་སྤོས། སྣང་གསལ། དྲི་མཆོག །ཞལ་ཟས། སིལ་སྙན་རྣམས་དང་། ཨརྒྷཾ་གྱི་གནས་སུ། པཱདྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་བི་དྱེ། ཤབྡ་རྣམས་སྦྱར་བ་སོ་སོའི་ཕྱག་རྒྱ་དང་བཅས་ཏེ་མཆོད་པའི་མཐར། དྷརྨཱ་ར་ཎི་ཏ་སོགས་བརྗོད་ལ་རོལ་མོ་བྱ། མེ་ཏོག་དམ་པ་ནས། ཕྱག་འཚལ་མཆོད་པར་བགྱི། ཞེས་པའི་བར་བཟང་སྤྱོད་ལྟར་དང་། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎེ་བཛྲེ། སརྦ་ཀརྨ་ཨ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། ཞེས་མཆོད་པའི་སྤྲིན་གྱི་གཟུངས་བརྗོད་ཅིང་རོལ་མོ་བྱ། མཎྜལ་ཚོམ་བུ་སོ་བདུན་མའམ། བདུན་པ་སོགས་སྤྱི་ལྟར་ལ། མ་ཚང་བ་མེད་པ་འདི་ཉིད་བླ་མ་མགོན་པོ་འོད་དཔག་ཏུ་མེད་པ་དང་། ཡི་དམ་ཀུན་འདུས་འཕགས་པ་ཐུགས་རྗེ་ཆེན་པོའི་ལྷ་ཚོགས་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བཞེས་ནས་བྱིན་གྱིས་བརླབ་ཏུ་གསོལ། ཞེས་དང་། སྐབས་སུ་སྤྲོ་ན། བཞེས་ནས་བདག་དང་སེམས་ཅན་ཐམས་ཅད་ཀྱི་རྒྱུད་ལ་བྱམས་པ་དང་སྙིང་རྗེ་བྱང་ཆུབ་ཀྱི་སེམས་བཅོས་མ་མ་ཡིན་པ་སྐྱེ་བར་བྱིན་གྱིས་བརླབ་ཏུ་གསོལ། བསོད་ནམས་དང་ཡེ་ཤེས་ཀྱི་ཚོགས་གཉིས་ཡོངས་སུ་རྫོགས་པར་བྱིན་གྱིས་བརླབ་ཏུ་གསོལ། སྒྲིབ་གཉིས་བག་ཆགས་དང་བཅས་པ་བྱང་ཞིང་དག་པར་བྱིན་གྱིས་བརླབ་ཏུ་གསོལ། མྱུར་དུ་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་སྦྱར། གྲངས་གསོག་ན། ས་གཞི་སྤོས་ཆུས་སོགས་ནས། ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་རཏྣ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞེས་བརྒྱ་ཚར་སོགས་དབུལ། སྡིག་པ་བཤགས་པ་སོགས་ཡན་ལག་ལྷག་མ་རྣམས་ནི། འདོད་ཆགས་ཞེ་སྡང་སོགས་ནས། བྱང་ཆུབ་ཕྱིར་བསྔོའོ་བར་བཟང་སྤྱོད་ལྟར་བྱ། བཟླས་པའི་སྐབས་གཟུངས་ཐག་ནས་བཟུང་ལ། བུམ་པའི་ལྷའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདཀར་པོའི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ། ཡི་དམ་དཀྱིལ་འཁོར་གྱི་ལྷ་ཚོགས། དཔའ་བོ་མཁའ་འགྲོ། ཆོས་སྲུང་ནོར་ལྷ་དང་བཅས་པའི་གསུང་གི་བྱིན་རླབས་ཐམས་ཅད་ཡི་གེ་དྲུག་མའི་རྣམ་པར་སྤྱན་དྲངས། སྔགས་ཕྲེང་ལ་ཐིམ་པས་གསང་སྔགས་ཀུན་འདུས་སུ་གྱུར། སླར་ཡང་རང་གི་སྙིང་ག་ནས་སྔགས་ཀྱི་ཕྲེང་བ་གཟུངས་ཐག་ལ་བརྟེན་ཏེ་སོང་། བུམ་པའི་ལྷའི་ཐུགས་ཀར་ཕོགས་པས་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཐུགས་རྗེ་ཆེན་པོའི་གོ་འཕང་ལ་བཀོད། སངས་རྒྱས་དང་བྱང་ཆུབ་སེམས་དཔའ་ཡི་དམ་དཀྱིལ་འཁོར་གྱི་ལྷ་ཚོགས་དཔའ་བོ་མཁའ་འགྲོ་ཆོས་སྲུང་ནོར་ལྷ་དང་བཅས་པའི་ཐུགས་རྗེ་བྱིན་རླབས་ནུས་མཐུ་ཐམས་ཅད་དང་། བརྟན་གཡོ་སྣོད་བཅུད་ཐམས་ཅད་ཀྱི་བཅུད་དང་དྭངས་མ་དགེ་མཚན་མ་ལུས་པ་འོད་ཟེར་ཁ་དོག་སྣ་ཚོགས་པའི་རྣམ་པར་སྤྱན་དྲངས། བུམ་པའི་ལྷ་ལ་ཐིམ་པས་མཁྱེན་བརྩེ་ནུས་པའི་གཟི་བྱིན་མཆོག་ཏུ་འབར་བར་གྱུར་པར་བསམ་ལ་ཡི་གེ་དྲུག་མ་གཙོ་བོར་བཟླ་མཐར། ཨོཾ་ཧྲཱིཿཏྲཻ་ལོ་ཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧ་ཧཱུྃ་ཕཊ་སྭཱ་ཧཱ། །ན་མོ་རཏྣ་ཏྲ་ཡ་ཡ། ན་མ་ཨཱཪྻ་ཛྙཱ་ན་སཱ་ག་ར་བཻ་རོ་ཙ་ན། བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷ་ཡ། ན་མཿསརྦ་ཏ་ཐཱ་ག་ཏེ་བྷྱཿ། ཨརྷ་ཏེ་བྷྱཿ། སམྱཀྶཾ་བུདྡྷེ་བྷྱཿ། ན་མ་ཨཱཪྻ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ།། །། ༈ ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚི་ཝཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མ་ཝ་རེ། ཨི་ལི་མི་ལི་ཙི་ཏ་ཛྭ་ལ་མ་པ་ནཱ་ཡ་སྭཱ་ཧཱ། སྒྲུབ་གྲོགས་ཡོད་ན་བཟའ་བཏུང་དང་སྤྱོད་ལམ་སོགས་ཀྱི་ཚེ་གཟུངས་ཐག་རེས་མོས་སུ་བཟུང་ལ་བཟླས་པ་རྒྱུན་མི་འཆད་པར་བྱ། ཐུན་བསྡུ་བ་ན། ཡི་གེ་བརྒྱ་པ་དབྱངས་གསལ་རྟེན་སྙིང་རྣམས་བཟླས་པས་སྔགས་ཀྱི་ལྷག་ཆད་བསྐང་ཞིང་ནུས་པ་སྤེལ་བ་དང་། བྱིན་རླབས་ཀྱི་རྒྱུན་བརྟན་པར་བྱ། མཇུག་ཏུ་གཏོར་མ་ལ་ཆབ་བྲན་ཏེ་བསང་སྦྱངས། སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཞུ་བ་ལས་བྱུང་བའི་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ། ཨོཾ་ཨཱཪྻ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་ཨོཾ་ཨ་ཀཱ་རོ་སོགས་བཏགས་པ་ལན་གསུམ་གྱིས་དབུལ། ཨོཾ་ཨཱཪྻ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ་ནས་ཤབྡའི་བར་སྦྱར་བས་མཆོད། སྐྱོན་གྱིས་མ་གོས་སྐུ་མདོག་དཀར། །རྫོགས་སངས་རྒྱས་ཀྱིས་དབུ་ལ་བརྒྱན། །ཐུགས་རྗེའི་སྤྱན་གྱིས་འགྲོ་ལ་གཟིགས། །སྤྱན་རས་གཟིགས་ལ་ཕྱག་འཚལ་ལོ། །ཞེས་པས་བསྟོད། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཞེས་འདོད་དོན་གསོལ་བར་བྱའོ། །མཆོད་པ་བསང་སྦྱངས་བྱིན་གྱིས་བརླབས་ལ། ཨོཾ་སརྦ་ཏ་ཐཱ་ག་ཏ་ཨཱཪྻ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། སྐྱོན་གྱིས་མ་གོས་སོགས་ཀྱིས་བསྟོད། ཡི་གེ་བརྒྱ་པ་ལན་གསུམ་དང་། མ་འབྱོར་པ་དང་ཉམས་པ་སོགས་ཀྱིས་ནོངས་པ་བཤགས། འདིར་ནི་རྟེན་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲཱ་ཡེ་སྭཱ་ཧཱ། ཞེས་བརྗོད་ཅིང་མེ་ཏོག་འཐོར། རང་གི་སྙིང་ག་ནས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་ནས་རང་ལ་ཐིམ། རང་ཐུགས་ཀའི་ཧྲཱིཿལ་ཐིམ། དེའང་མི་དམིགས་པ་འོད་གསལ་སྟོང་པ་ཉིད་ཀྱི་ངང་དུ་གྱུར། སླར་ཡང་རང་སྐད་ཅིག་གིས་འཕགས་པ་ཐུགས་རྗེ་ཆེན་པོར་གསར་བའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་ཞེས་བརྗོད་ཅིང་གནས་གསུམ་བསྲུང་། དགེ་བ་འདི་ཡིས་མྱུར་དུ་བདག །ཐུགས་རྗེ་ཆེན་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་དང་། སྤྲོ་ན། འདས་པའི་སངས་རྒྱས་རྣམས་དང་སོགས་བཟང་པོ་སྤྱོད་པའི་སྨོན་ལམ་སོགས་རྒྱས་པར་གདབ། དེ་ཙམ་མི་ནུས་ན། འཇམ་དཔལ་དཔའ་བོས་སོགས། དུས་གསུམ་གཤེགས་པའི་སོགས། རྒྱལ་བའི་དཀྱིལ་འཁོར་སོགས། དེར་ནི་བདག་གིས་སོགས། སངས་རྒྱས་སྐུ་གསུམ་བརྙེས་པའི་སོགས། ཅེས་བསྔོ་སྨོན་དང་། ཆེ་བའི་ཆེ་མཆོག་གམ། སྟོན་མཆོག་དམ་པ་སོགས་ཞལ་ནས་གསུངས་པའི་ཚིགས་སུ་བཅད་པ་བརྗོད། མེ་ཏོག་གི་ཆར་དབབ། རོལ་མོའི་སྒྲ་སྦྱར་རོ། །དཔལ་ལྡན་བླ་མའི་ཐུགས་རྗེའི་བྱིན་རླབས་དང་། ཞེས་སོགས་བརྗོད། །རྫོང་སར་བཀྲ་ཤིས་ལྷ་རྩེའི་རིལ་སྒྲུབ་ཀྱི་ཉིན་ཐུན་དང་མཚན་ཐུན་གཏོང་ཚུལ་འཇུག་བདེར་གཞུང་ནས་ཁོལ་ཕྱུངས་བགྱིས་པ་དགེ་ལེགས་སུ་གྱུར་ཅིག །ཤུ་བྷཾ། ༧འཇམ་དབྱངས་ཆོས་ཀྱི་བློ་གྲོས་ཀྱིས་གསུངས་སོ།། །།

[edit]

@#/__/ril bu sgrub skabs kyi mtshan thun skabs la bdag mdun sgrub tshul nyung ngu bzhugs so/__/ na mo gu ru b+h+yaHkhyab bdag rdo rje 'chang dbang nas bzung ste/__/drin chen rtsa ba'i bla ma'i bar byon pa'i/__/dmar khrid brgyud pa'i bla ma thams cad la/__/mi phyed snying nas gus pas gsol 'debs na/__/nges 'byung snying rje byang chub sems gnyis dang /__/mos gus bla ma'i rnal 'byor mthar phyin zhing /__/bskyed rdzogs zung 'jug myur lam la brten nas/__/sku bzhi'i 'bras bu 'grub par byin gyis rlobs/__/zhes brgyud pa'i gsol 'debs sngon du 'gro bas/__mchod pa rnams/__oM badz+ra a mr-i ta kuN+Da lI ha na ha na hU~M phaT kyis bsang /__swA b+hA was sbyangs/__stong pa'i ngang las oM las byung ba'i rin po che las grub pa'i snod yang shing rgya che ba'i nang du oM 'od du zhu ba las byung ba'i lha rdzas las grub pa'i mchod yon/__zhabs bsil/__me tog__/bdug spos/__mar me/__dri mchog__/zhal zas/__rol mo rnams dwangs shing thogs pa med pa nam mkha'i mtha' klas par gyur/__oM badz+ra ar+g+haM AHhU~M nas shab+da AHhU~M gi bar gyis brlab/__oM badz+ra d+harmA ra Ni ta/__pra ra Ni ta/__saM pra ra Ni ta/__sarba bud+d+ha k+She tra/__pra tsa li te/__pradz+nyA pA ra mi ta/__nA da swA b+hA we/__badz+ra satwa hrI da ya/__sat+no Sha Ni hU~M hU~M hU~M ha ha ho a khaM swA hA/__zhes lan gsum brjod la/__skyab sems ni/__sangs rgyas chos dang tshogs kyi mchog rnams la/__byang chub bar du bdag ni skyabs su mchi/__/bdag gis bsnyen sgrub bgyis pa'i bsod nams kyis/__/'gro la phan phyir sangs rgyas 'grub par shog__/ces skyabs sems sbrel ma ci nus bya/__sems can thams cad bde ba dang sogs tshad med bzhi spyi ltar bsgom mo/__/spro na rdor sems sgom bzlas ni/__rang gi spyi bor bla ma rdo rje sems/__/yab yum mnyam sbyor thugs ka'i sngags phreng las/__/'od 'phros 'phags mchod 'gro kun sgrib gnyis sbyangs/__/bdud rtsi'i rgyun babs nad gdon sdig sgrib dag__/shes na yi ge brgya pa dang /__mi shes na/__oM badz+ra sa twa AHci nus bzla/__rdor sems 'od zhu rang la gnyis med thim/__bla ma'i rnal 'byor ni/__rang mdun nam mkhar seng ges bteg pa yi/__/rin chen khri dang pad zla nyi ma'i steng /__/rtsa ba'i bla ma sangs rgyas rdo rje 'chang /__/sku mdog sngon po rdor dril thugs kar bsnol/__/dar dang rin chen rgyan rdzogs skyil krung bzhugs/__/gnas gsum yi ge gsum gyis mtshan pa las/__/'od 'phros bla ma yi dam mchog gsum dang /__/chos srung nor lha'i tshogs kun spyan drangs thim/__/skyabs gnas thams cad 'dus pa'i ngo bor gyur/__/de nas/__sa gzhi spos chus byugs shing sogs maN+Dal dbul/__bla ma sangs rgyas bla ma chos/__/de bzhin bla ma dge 'dun te/__/bla ma dpal ldan rdo rje 'chang /__/gsol ba 'debs so byin gyis rlobs/__/lan gsum/__zhes pas gsol btab spyi bo'i bla ma nyid/__/bde ba chen po'i ngo bo 'od du zhu/__/rang la thim pas rang gi sgo gsum dang /__/dpal ldan bla ma'i gsang gsum dbyer med gyur/__/ces spros bral gnyug ma'i ngang du mnyam par gzhag__/dngos gzhi bdag bskyed ni/__oM swa b+hA wa shud+d+haHsarba d+harmAHswa b+hA wa shud+d+ho\u0f85 haM/__stong pa'i ngang las pa~M las pad+ma dang a las zla ba'i dkyil 'khor gyi steng du/__rang gi sems nyid kyi ngo bo yi ge hrIHdkar po las pad+ma dkar po hrIHsa mtshan pa/__de las 'od zer 'phros/__'phags pa mchod/__sems can gyi don byas/__tshur 'dus yongs su gyur pa las/__rang nyid 'phags pa thugs rje chen po sku mdog dkar po zhal gcig phyag bzhi pa/__phyag dang po gnyis thugs kar thal mo sbyar ba/__g.yas 'og mas shel dkar gyi phreng ba dang /__g.yon 'og mas me tog pad+ma dkar po'i sdong bu 'dzin pa/__zhi zhing 'dzum la mtshan dpe'i nyams 'gyur yongs su rdzogs pa/__dar dang rin po ches brgyan cing zhabs rdo rje'i skyil mo krung gis bzhugs pa/__de'i dpral bar oM dkar po/__mgrin par AHdmar po/__thugs kar hU~M sngon po/__thugs ka'i dbus su zla ba la gnas pa'i hrIHdkar po/__de las 'od zer 'phros pas rang bzhin gyi gnas nas 'phags pa spyan ras gzigs dbang phyug 'khor dang bcas pa mdun gyi nam mkhar oM badz+ra sa mA dzaHdzaHhU~M ba~M hoHgnyis su med par thim/__yang thugs ka'i hrIHlas 'od zer 'phros/__rgyud sde bzhi dang 'brel ba'i yi dam dkyil 'khor gyi lha tshogs sangs rgyas dang byang chub sems dpa'i tshogs dang bcas pa spyan drangs te thim pas yi dam kun 'dus su gyur/__slar yang rang gi snying ga'i hrIHlas 'od zer 'phros pas dbang gi lha rtsa ba'i bla ma 'od dpag med kyi rnam par mdun gyi nam mkhar oM badz+ra sa mA dzaHbdag la mngon par dbang bskur ba stsal du gsol/__/zhes gsol ba btab pas dbang gi lhas/__oM sarba ta thA ga ta a b+hi She ka ta sa ma ya shrI ye hU~M/__zhes gsung zhing bum pa'i chus spyi bo nas dbang bskur/__sku gang /__dri ma dag__/chu'i lhag ma yar lud pa pad zla'i gdan du gyur pa'i steng du bla ma nyid rigs bdag gi tshul du bzhugs pa'i thugs ka nas 'od zer 'phros/__brgyud pa'i bla ma rnams kyang 'od dpag med kyi rnam par spyan drangs/__spyi bo'i bla ma la thim pa las bla ma kun 'dus su gyur/__rang gi thugs kar zla ba'i dkyil 'khor gyi steng du hrIHdkar po'i mthar yi ge drug ma'i sngags kyis bskor ba las 'od zer 'phros/__'phags pa mchod/__sems can gyi don byas/__phyogs bcu'i sangs rgyas dang byang chub sems dpa'/__yi dam dkyil 'khor gyi lha tshogs/__dpa' bo mkha' 'gro chos srung nor lha dang bcas pa'i gsung gi byin rlabs thams cad yi ge drug ma'i rnam par spyan drangs/__sngags phreng la thim pas gsang sngags kun 'dus su gyur par bsam/__spyi bo'i bla ma/__rang yi dam/__rang gi lus kyi bye brag dang /__snod bcud thams cad thugs rje chen por gsal ba'i zhal nas sngags kyi sgra 'u ru ru sgrogs par bsams la/__sgra grag stong dbyer med la sems gtad de/__oM ma Ni pad+me hU~M/__zhes ci nus bzla/__thun las ldang ba na yi ge brgya pas sngags kyi lhag chad kha bskang /__bde bar gshegs pa thams cad kyi sku gsung thugs yon tan phrin las thams cad kyi byin gyis brlab tu gsol/__myur du phyag rgya chen po mchog gi dngos grub 'phags pa spyan ras gzigs kyi go 'phang thob par byin gyis brlab tu gsol/__zhes gsol ba gdab/__rang gi thugs ka nas 'od zer 'phros pas gdan 'od zer gyi rnam par gyur te rang la thim par bsam mo/__/mdun gyi bum pa ril bu dang bcas pa a mr-i tas bsang /__swa b+hA was sbyangs/__stong pa'i ngang las pa~M las pad+ma dang /__a las zla ba'i dkyil 'khor gyi steng du b+h+rU~M las rin po che'i bum pa yangs shing rgya che ba/__lto ba ldir ba/__zhabs zhum pa/__mgrin pa phra ba/__kha g.yel ba/__mchu 'phyang ba/__lha rdzas kyi gos kyis mgul pa dkris shing /__dpag bsam gyi shing gis kha brgyan pa/__de'i nang du pa~M las pad+ma dang a las zla ba'i dkyil 'khor gyi steng du ril bu rnams hrIHdkar po las pad+ma dkar po hrIHsa mtshan pa/__/de las 'od zer 'phros/__'phags pa mchod/__sems can gyi don byas/__tshur 'dus hrIHla thim/__de yongs su gyur pa las 'phags pa thugs rje chen po sku mdog dkar po zhal gcig phyag bzhi pa/__phyag dang po gnyis thugs kar thal mo sbyar ba/__g.yas 'og mas shel dkar gyi phreng ba dang /__g.yon 'og mas me tog pad+ma dkar po'i sdong bu 'dzin pa/__zhi zhing 'dzum la mtshan dpe'i nyams 'gyur yongs su rdzogs pa/__dar dang rin po ches brgyan cing zhabs rdo rje'i skyil mo krung gis bzhugs pa/__de'i dpral bar oM dkar po/__mgrin par AHdmar po/__thugs kar hU~M sngon po/__thugs ka'i dbus su zla ba la gnas pa'i hrIHdkar po/__de las 'od zer 'phros pas rang bzhin gyi gnas nas 'phags pa spyan ras gzigs dbang phyug 'khor dang bcas pa mdun gyi nam mkhar oM badz+ra sa mA dzaHspos dang rdor dril 'dzin pas/__ma lus sems can kun gyi mgon gyur cing /__/bdud sde dpung bcas mi bzad 'joms mdzad lha/__/dngos rnams ma lus ji bzhin mkhyen gyur pa'i/__/bcom ldan 'khor bcas 'dir ni gshegs su gsol/__/bcom ldan bskal pa grangs med du ma ru/__/'gro la brtse phyir thugs rjes rnam sbyangs shing /__/smon lam rgya chen dgongs pa yongs rdzogs pa'i/__/khyed bzhed 'gro don mdzad dus 'di lags na/__/de phyir chos dbyings pho brang lhun grub nas/__/rdzu 'phrul byin rlabs sna tshogs ston mdzad cing /__/mtha' yas sems can tshogs rnams bsgral ba'i phyir/__/yang dag 'khor dang bcas rnams gshegs su gsol/__/oM AR+Ya a ba lo ki te shwa ra sa pa ri wA ra e h+ye his spyan drangs/__dzaHhU~M ba~M hoHmdun bskyed la gnyis su med par thim/__oM pad+ma ka ma lA ya s+t+waM gyis gdan dbul/__yang thugs ka'i hrIHlas 'od zer 'phros/__rgyud sde bzhi dang 'brel ba'i yi dam dkyil 'khor gyi lha tshogs sangs rgyas dang byang chub sems dpa'i tshogs dang bcas pa spyan drangs te thim pas yi dam kun 'dus su gyur/__slar yang rang gi snying ga'i hrIHlas 'od zer 'phros pas dbang gi lha rtsa ba'i bla ma 'od dpag med kyi rnam par mdun gyi nam mkhar oM badz+ra sa mA dzaH'di la mngon par dbang bskur ba stsal du gsol/__zhes gsol ba btab pas dbang gi lhas/__oM sarba ta thA ga ta a b+hi She ka ta sa ma ya shri ye hU~M/__zhes gsung zhing bum pa'i chus spyi bo nas dbang bskur/__sku gang /__dri ma dag__/chu lhag ma yar lud pa pad zla'i gdan du gyur pa'i steng du bla ma nyid rigs bdag gi tshul du bzhugs pa'i thugs ka nas 'od zer 'phros/__brgyud pa'i bla ma rnams kyang 'od dpag med kyi rnam par spyan drangs/__spyi bo'i bla ma la thim pa las bla ma kun 'dus su gyur par bsam/__de nas yan lag bdun gyi sgo nas bsags sbyang spel gsum bya ba'i thog mar phyag 'tshal ba ni/__rang dang sems can thams cad lus zhing gi rdul snyed du sprul nas phyag 'tshal zhing mchod pa 'bul ba sogs bsag sbyang gi las la 'jug par bsam la/__yid 'ong rdzing bu'i nang na gnas pa yi/__/'char ka'i pad+mo kha 'bus bye 'dra ba/__/lag gnyis spyi bor thal sbyar bstod dbyangs bcas/__/lus dpag med par sprul nas gus phyag 'tshal/__/bla ma mnyam med sangs rgyas rin po che/__/dus gsum bde gshegs sras bcas thams cad kyis/__/sku gsung thugs kyi ngo bor byin brlabs pa/__/bka' drin chen po'i zhabs la phyag 'tshal lo/__/skyob pa sangs rgyas kun dang gnyis su med/__/legs gsung sgron me dam pa chos kyi gsung /__/ston pa'i bstan pa 'dzin pa'i bshes gnyen mchog__/rtsa brgyud bla ma rnams la phyag 'tshal lo/__/ston pa bla med sangs rgyas rin po che/__/skyob pa bla med dam chos rin po che/__/'dren pa bla med dge 'dun rin po che/__/bla med dkon mchog gsum la phyag 'tshal lo/__/shes bya ma lus mkhyen pa'i bcom ldan 'das/__/'gro ba kun la bu gcig lta bur brtse/__/lhun grub rgyun mi 'chad pa'i phrin las can/__/mgon po spyan ras gzigs la phyag 'tshal lo/__/zhes dang /__ji snyed su dag nas/__bdag gis bstod ces pa'i bar bzang spyod ltar bya'o/__/mchod pa bsang sbyangs byin gyis brlabs la/__mchod yon phal cher mchod yon bla re dang /__/mchod yon bkod pa'i 'od zer rab bkye zhing /__/mchod yon sna tshogs kun tu bkram byas nas/__/bdag nyid chen po 'phags pa 'khor bcas mchod/__/oM gu ru Ar+ya a ba lo ki te shwa ra sa pa ri wA ra ar+g+haM pra tIts+tsha swA hA/__de bzhin du mchod yon gyi gnas su/__zhabs bsil/__me tog__/bdug spos/__snang gsal/__dri mchog__/zhal zas/__sil snyan rnams dang /__ar+g+haM gyi gnas su/__pAd+yaM/__puSh+pe/__d+hU pe/__A lo ke/__gan+d+he/__nai bi d+ye/__shab+da rnams sbyar ba so so'i phyag rgya dang bcas te mchod pa'i mthar/__d+harmA ra Ni ta sogs brjod la rol mo bya/__me tog dam pa nas/__phyag 'tshal mchod par bgyi/__zhes pa'i bar bzang spyod ltar dang /__na mo rat+na tra yA ya/__oM na mo b+ha ga wa te/__badz+ra sA ra pra mar+d+ha ni/__ta thA ga tA ya/__ar+ha te samyak+saM bud+d+hA ya/__tad+ya thA/__oM badz+re badz+re ma hA badz+re/__ma hA te dza badz+re/__ma hA bid+yA badz+re/__ma hA bo d+hi tsit+ta badz+re/__ma hA bo d+hi maN+Do pa saM kra ma Ne badz+re/__sarba karma a ba ra Na bi sho d+ha na badz+re swA hA/__zhes mchod pa'i sprin gyi gzungs brjod cing rol mo bya/__maN+Dal tshom bu so bdun ma'am/__bdun pa sogs spyi ltar la/__ma tshang ba med pa 'di nyid bla ma mgon po 'od dpag tu med pa dang /__yi dam kun 'dus 'phags pa thugs rje chen po'i lha tshogs rnams la dbul bar bgyi'o/__/thugs rjes 'gro ba'i don du bzhes su gsol/__bzhes nas byin gyis brlab tu gsol/__zhes dang /__skabs su spro na/__bzhes nas bdag dang sems can thams cad kyi rgyud la byams pa dang snying rje byang chub kyi sems bcos ma ma yin pa skye bar byin gyis brlab tu gsol/__bsod nams dang ye shes kyi tshogs gnyis yongs su rdzogs par byin gyis brlab tu gsol/__sgrib gnyis bag chags dang bcas pa byang zhing dag par byin gyis brlab tu gsol/__myur du rnam pa thams cad mkhyen pa rdzogs pa'i sangs rgyas kyi go 'phang thob par byin gyis brlab tu gsol/__zhes sbyar/__grangs gsog na/__sa gzhi spos chus sogs nas/__oM gu ru sarba ta thA ga ta sa pa ri wA ra rat+na maN+Da la pU dza me g+ha sa mu dra s+pha ra Na sa ma ye hU~M/__zhes brgya tshar sogs dbul/__sdig pa bshags pa sogs yan lag lhag ma rnams ni/__'dod chags zhe sdang sogs nas/__byang chub phyir bsngo'o bar bzang spyod ltar bya/__bzlas pa'i skabs gzungs thag nas bzung la/__bum pa'i lha'i thugs kar zla ba'i dkyil 'khor gyi steng du hrIHdkar po'i mthar sngags kyi phreng bas bskor ba las 'od zer 'phros/__phyogs bcu'i sangs rgyas dang byang chub sems dpa'/__yi dam dkyil 'khor gyi lha tshogs/__dpa' bo mkha' 'gro/__chos srung nor lha dang bcas pa'i gsung gi byin rlabs thams cad yi ge drug ma'i rnam par spyan drangs/__sngags phreng la thim pas gsang sngags kun 'dus su gyur/__slar yang rang gi snying ga nas sngags kyi phreng ba gzungs thag la brten te song /__bum pa'i lha'i thugs kar phogs pas thugs rgyud bskul/__de'i thugs ka nas 'od zer 'phros/__'phags pa mchod/__sems can thams cad thugs rje chen po'i go 'phang la bkod/__sangs rgyas dang byang chub sems dpa' yi dam dkyil 'khor gyi lha tshogs dpa' bo mkha' 'gro chos srung nor lha dang bcas pa'i thugs rje byin rlabs nus mthu thams cad dang /__brtan g.yo snod bcud thams cad kyi bcud dang dwangs ma dge mtshan ma lus pa 'od zer kha dog sna tshogs pa'i rnam par spyan drangs/__bum pa'i lha la thim pas mkhyen brtse nus pa'i gzi byin mchog tu 'bar bar gyur par bsam la yi ge drug ma gtso bor bzla mthar/__oM hrIHtrai lo kya bi dza ya a mo g+ha pA sha a pra ti ha ta hrIHha hU~M phaT swA hA/__/na mo rat+na tra ya ya/__na ma AR+Ya dz+nyA na sA ga ra bai ro tsa na/__byU ha rA dzA ya/__ta thA ga tA ya/__ar+ha te samyak+saM bud+d+ha ya/__na maHsarba ta thA ga te b+h+yaH/__ar+ha te b+h+yaH/__samyak+saM bud+d+he b+h+yaH/__na ma AR+Ya a wa lo ki te shwa rA ya/__bo d+hi satwA ya/__ma hA sa twA ya/__ma hA kA ru Ni kA ya//___//__!__tad+ya thA/__oM d+ha ra d+ha ra/__d+hi ri d+hi ri/__d+hu ru d+hu ru/__iT+Ti waT+Te/__tsa le tsa le/__pra tsa le pra tsa le/__ku su me ku su ma wa re/__i li mi li tsi ta dz+wa la ma pa nA ya swA hA/__sgrub grogs yod na bza' btung dang spyod lam sogs kyi tshe gzungs thag res mos su bzung la bzlas pa rgyun mi 'chad par bya/__thun bsdu ba na/__yi ge brgya pa dbyangs gsal rten snying rnams bzlas pas sngags kyi lhag chad bskang zhing nus pa spel ba dang /__byin rlabs kyi rgyun brtan par bya/__mjug tu gtor ma la chab bran te bsang sbyangs/__stong pa'i ngang las rin po che las grub pa'i snod yangs shing rgya che ba'i nang du oM zhu ba las byung ba'i gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/__oM AHhU~M lan gsum/__oM AR+Ya a ba lo ki te shwa ra sa pa ri wA ra oM a kA ro sogs btags pa lan gsum gyis dbul/__oM AR+Ya a ba lo ki te shwa ra sa pa ri wA ra ar+g+haM pra tIts+tsha swA hA nas shab+da'i bar sbyar bas mchod/__skyon gyis ma gos sku mdog dkar/__/rdzogs sangs rgyas kyis dbu la brgyan/__/thugs rje'i spyan gyis 'gro la gzigs/__/spyan ras gzigs la phyag 'tshal lo/__/zhes pas bstod/__bcom ldan 'das bdag dang sems can thams cad la mchog dang thun mong gi dngos grub ma lus pa stsal du gsol/__zhes 'dod don gsol bar bya'o/__/mchod pa bsang sbyangs byin gyis brlabs la/__oM sarba ta thA ga ta AR+Ya a ba lo ki te shwa ra sa pa ri wA ra ar+g+haM sogs kyis mchod/__skyon gyis ma gos sogs kyis bstod/__yi ge brgya pa lan gsum dang /__ma 'byor pa dang nyams pa sogs kyis nongs pa bshags/__'dir ni rten dang lhan cig tu/__/'khor ba srid du bzhugs nas kyang /__/nad med tshe dang dbang phyug dang /__/mchog rnams legs par stsal du gsol/__/oM su pra tiSh+Tha badz+rA ye swA hA/__zhes brjod cing me tog 'thor/__rang gi snying ga nas 'od zer 'phros pas khams gsum snod bcud thams cad 'od du zhu nas rang la thim/__rang thugs ka'i hrIHla thim/__de'ang mi dmigs pa 'od gsal stong pa nyid kyi ngang du gyur/__slar yang rang skad cig gis 'phags pa thugs rje chen por gsar ba'i spyi bor oM dkar po/__mgrin par AHdmar po/__thugs kar hU~M sngon po zhes brjod cing gnas gsum bsrung /__dge ba 'di yis myur du bdag__/thugs rje chen po 'grub gyur nas/__/'gro ba gcig kyang ma lus pa/__/de yi sa la 'god par shog__/ces dang /__spro na/__'das pa'i sangs rgyas rnams dang sogs bzang po spyod pa'i smon lam sogs rgyas par gdab/__de tsam mi nus na/__'jam dpal dpa' bos sogs/__dus gsum gshegs pa'i sogs/__rgyal ba'i dkyil 'khor sogs/__der ni bdag gis sogs/__sangs rgyas sku gsum brnyes pa'i sogs/__ces bsngo smon dang /__che ba'i che mchog gam/__ston mchog dam pa sogs zhal nas gsungs pa'i tshigs su bcad pa brjod/__me tog gi char dbab/__rol mo'i sgra sbyar ro/__/dpal ldan bla ma'i thugs rje'i byin rlabs dang /__zhes sogs brjod/__/rdzong sar bkra shis lha rtse'i ril sgrub kyi nyin thun dang mtshan thun gtong tshul 'jug bder gzhung nas khol phyungs bgyis pa dge legs su gyur cig__/shu b+haM/__7'jam dbyangs chos kyi blo gros kyis gsungs so//___//