JKCL-KABUM-06-CHA-030

Previous Text Back to Volume PageNext Text

རྡོ་རྗེ་སྙིང་པོ་ལས། བཅོམ་ལྡན་འདས་མགོན་པོ་མི་འཁྲུགས་པའི་ཆོ་ག་དབང་བསྐུར་དང་བཅས་པ་མུན་འཇོམས་ཟླ་བའི་འོད་ཟེར།

Wylie title	rdo rje snying po las/ bcom ldan 'das mgon po mi 'khrugs pa'i cho ga dbang bskur dang bcas pa mun 'joms zla ba'i 'od zer
Location	chos kyi blo gros bka' 'bum Volume 6, Text 30, Pages 387-414 (Folios 1a1 to 14b3)
Author	འཇམ་མགོན་ཀོང་སྤྲུལ་
Less details More details
Tertön	ཀློང་གསལ་སྙིང་པོ་ (klong gsal snying po)
Citation	'jam mgon kong sprul. rdo rje snying po las bcom ldan 'das mgon po mi 'khrugs pa'i cho ga dbang bskur dang bcas pa mun 'joms zla ba'i 'od zer. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: 387-414. Bir, H.P.: Khyentse Labrang, 2012.
Genre	Empowerment Ritual - dbang chog - dbang skur  ·  Ritual and Liturgical Texts - cho ga phyag len
Cycle	ཀློང་གསལ་རྡོ་རྗེ་སྙིང་པོ་ (klong gsal rdo rje snying po)
Deity	rdo rje mi 'khrugs pa
RTZ	In the Rinchen Terdzö: https://rtz.tsadra.org/index.php/Terdzo-TSHI-028
Colophon	།འདི་ལ་གསང་མ་ཇོ་ལུགས་དང་སྦྱར་བའི་ཆོག་ཁྲིགས་ཀཾ་ཚང་ལུགས་ཀྱིས་བཀབ་པ་སོགས་འདུག་ཀྱང་གྲུབ་ཐོབ་སོ་སོའི་བཞེད་གཞུང་རང་རང་གི་བཀའ་སྲོལ་ལྟར་སྤྱོད་པ་ལས་གཞན་གྱིས་རྒྱས་བཀབ་ཚེ་གཉིས་བྱས་པས་གཉིས་མིན་ཏུ་འགྱུར་བ་མཐོང་བས། རང་གཞན་ལ་ཕན་འདོད་ལྷག་པའི་བསམ་པས་པདྨ་གར་དབང་བློ་གྲོས་མཐའ་ཡས་པའི་སྡེའི་རྫོང་ཤོད་བདེ་གཤེགས་འདུས་བའི་ཕོ་བྲང་ཆེན་པོར་སྡེབས་པ་དགེ་ལེགས་འཕེལ། །སརྦ་མངྒ་ལམ།།
	/'di la gsang ma jo lugs dang sbyar ba'i chog khrigs kaM tshang lugs kyis bkab pa sogs 'dug kyang grub thob so so'i bzhed gzhung rang rang gi bka' srol ltar spyod pa las gzhan gyis rgyas bkab tshe gnyis byas pas gnyis min tu 'gyur ba mthong bas/__rang gzhan la phan 'dod lhag pa'i bsam pas pad+ma gar dbang blo gros mtha' yas pa'i sde'i rdzong shod bde gshegs 'dus ba'i pho brang chen por sdebs pa dge legs 'phel/__/sarba mang+ga lam//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །རྡོ་རྗེ་སྙིང་པོ་ལས། བཅོམ་ལྡན་འདས་མགོན་པོ་མི་འཁྲུགས་པའི་ཆོ་ག་དབང་བསྐུར་དང་བཅས་པ་མུན་འཇོམས་ཟླ་བའི་འོད་ཟེར་ཞེས་བྱ་བ་བཞུགས་སོ། །ན་མོ་གུ་རུ་ནཱ་ཐཱ་ཀྵོ་བྷྱོ་ཡ། མགོན་པོ་གང་གི་རྫོགས་སྨིན་སྦྱངས་བའི་མཚོར། །རྒྱལ་རྣམས་སྔགས་པའི་མེ་ཏོག་མགྲིན་གཅིག་ཏུ། །འཐོར་བས་ཕྱོགས་བཅུའི་འཇིག་རྟེན་ཤིས་མཛད་པ། །མི་འཁྲུགས་རྒྱལ་པོའི་ཞབས་ལ་གུས་ཕྱག་འཚལ། །འཇུག་བདེའི་སྒྲུབ་ཐབས་པདྨའི་གསུང་། །འདིར་རྟེན་མངོན་དགའི་ཞིང་མཆོག་ཏུ། །བགྲོད་འདོད་བསྐལ་བཟང་ཡོད་ན་དེང་། །ཚུལ་སྤྱོན་སྨིན་གྲོལ་བཅུད་ལ་རོལ། །འདིར་ལས་སྒྲིབ་རྣམ་པར་སྦྱོང་པའི་ཆོ་ག་རྒྱལ་དབང་པདྨ་ཀ་རའི་བཀའ་སྲོལ་ལྟར་ཉམས་སུ་ལེན་པའི་ཚུལ་ལ་གསུམ། རྣལ་འབྱོར་ལ་འཇུག་པའི་སྦྱོར་བ། ཞུགས་པའི་ཆོ་ག་དངོས། དེའི་ཡན་ལག་གཞན་བཤད་པའོ། །དང་པོ་ནི། བདག་བསྐྱེད་བསྙེན་ཀྱང་བྱེད་ན་ཆུ་གཉིས་ཉེར་སྤྱོད་ཙམ་ལས་ཅིའང་མི་དགོས། དེའང་མི་འཛོམ་ན་ཡིད་སྤྲུལ་གྱིས་མཐུས། མདུན་བུམ་སྒྲུབ་མཆོད་སྐབས། སྟེགས་བུ་གཙང་མར་ཞི་དཀྱིལ་སྣོ་རྫོགས་སྤྱི་འགྲོའི་ནང་པདྨ་འདབ་བརྒྱད་ལྟེ་བར་སྐུའམ་ཕྱག་མཚན་རྡོ་རྗེས་མཚན་བ། དཀྱིལ་འཁོར་མ་འཛོམ་ན་མཎྜལ་སྣེ་མེ་ཏོག་སྔོན་པོའམ་ཚོམ་བུ་གཅིག་བཀོད་པའི་ཁར་ཁྲིའུའི་སྟེང་བུམ་པ་མགུལ་ཆིངས་སྔོན་པོ་ཉེར་ལྔའི་བཅུད་ལྡན་ཁ་རྒྱན་གཟུངས་རྡོར་བཅས་པ་བཞག །དབང་དང་འབྲེལ་སྐབས་སྐུ་རྟེན་ཕྲེང་བ་རྡོ་རྗེ་སྔོན་པོ་རྣམས་ཀྱང་བཀོད། མདུན་དུ་ཕྱི་མཆོད་ཕྲེང་ཚར་དུ་བཤམས། གཏོར་འབུལ་བྱེད་ན། རིན་པོ་ཆེའི་སྣོད་དུ་གཏོར་ཟླུམ་དཀར་པོ་དཀར་མངར་ཤིང་ཏོག་འབྲུ་སྣ་སོགས་དང་བཅས་པ་དང་། ཕྱི་གཏོར་ཡང་བཀོད། འབྱོར་ན་རྒྱན་དང་བླ་བྲེ་སོགས་མཆོད་པ་ཇི་ལྟར་ཚོགས་པ་དང་། ལས་བུམ་སྔོན་གཏོར་སོགས་ཀྱང་འདུ་བྱའོ། །གཉིས་པ་ཆོ་ག་དངོས་ལ་གསུམ། སྔོན་འགྲོ། དངོས་གཞི། རྗེས་ཀྱི་རིམ་པའོ། །དང་པོ་སྔོན་འགྲོ་ནི། དཀར་གཏོར། རྃ་ཡྃ་ཁྃ་གིས་བསྲེགས་གཏོར་བཀྲུས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿ ཧཱུྃ་གིས་བྱིན་གྱིས་བརླབས། བྷུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་སྤྱན་དྲང་། བྷུ་མི་པ་ཏི་ས་པ་རི་ཝཱ་ར་ཨ་ཀཱ་རོ་སོགས་གསུམ་གྱིས་གཏོར་མ་བསྔོས་ལ། གང་དག་འདིར་གནས་ལྷ་ཀླུ་དང་། །གནོད་སྦྱིན་སྲིན་པོའམ་གཞན་དག་ལ། །དཀྱིལ་འཁོར་དོན་དུ་ས་ཕྱོགས་འདི། །བདག་ཞུ་ཁྱེད་ཀྱིས་སྩལ་ཏུ་གསོལ། །ཅེས་ཕྱི་རོལ་དུ་འབུལ། བགེགས་རྣམས་བཛྲ་ཨ་མྲྀ་ཏ་སོགས་དང་། སུམ་བྷ་ནིའི་སྔགས་ཀྱིས་བསྐྲད་ལ་སྲུང་བའི་འཁོར་ལོས་མཚམས་བཅད། སྐྱབས་སེམས་ནི། ན་མོ༔ མཆོག་གསུམ་བླ་མ་མི་འཁྲུགས་དཀྱིལ་འཁོར་ལྷཿསྲས་དང་སློབ་མར་བཅས་ལ་སྐྱབས་སུ་མཆི༔ ངན་སོང་གསུམ་སོགས་མཁའ་མཉམ་སེམས་ཅན་གྱིཿསྡིག་སྒྲིབ་ཀུན་བྱང་སངས་རྒྱས་ཐོབ་བྱའི་ཕྱིར༔ བདག་གིས་མི་འཁྲུགས་རྒྱལ་པོའི་སྒོམ་བཟླས་བྱ༔ འགྲོ་ཀུན་བྱང་ཆུབ་ལམ་ལ་རེག་གྱུར་ཅིག༔ ལན་གསུམ། མཆོད་པ་བྱིན་བརླབས་ནི། ཨ་མྲྀ་ཏས་བསང་། སྭཱ་བྷཱ་ཝས་སྦྱངས། ཐམས་ཅད་སྟོང་ཉིད་ནམ་མཁའི་ངང་༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པར་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་ཨཱཿ ཧཱུྃ༔ ནས། ཤབྡ་ཨཱཿ ཧཱུྃ༔ བཛྲ་སྥ་ར་ཎ་ཁཾ༔ གྱིས་མཆོད་པའི་སྤྲིན་རབ་འབྱམས་སུ་ཡེ་ཤེས་ཀྱི་རང་བཞིན་མཁའ་ཁྱབ་ཏུ་སྤེལ་ལོ། །གཉིས་པ་དངོས་གཞི་ལ་གཉིས། སྒྲིབ་སྦྱོར་བསྙེན་པའི་རྣལ་འབྱོར། ཚོགས་བསགས་སྒྲུབ་པའི་རྣལ་འབྱོར་རོ། །དང་པོ་བསྐྱེད་བཟླས་གཉིས་ལ་བསྐྱེད་རིམ་རྗེས་འབྲེལ་དང་བཅས་པ་ནི། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱདྨ་ཀོ྅ཧཾ༔ སྟོང་པའི་ངང་ལས་རིན་ཆེན་གཞལ་ཡས་ཁང་༔ གྲུ་བཞི་སྒོ་བཞི་རྟ་བབ་ཆོས་འཁོར་དང་༔ གདུགས་དང་རི་དྭགས་དར་དཔྱང་ལ་སོགས་པ༔ མཚན་ཉིད་ཀུན་རྫོགས་དབུས་སུ་པད་ཟླའི་གདན༔ རང་ཉིད་བཅོམ་ལྡན་མགོན་པོ་མི་འཁྲུགས་པ༔ ཞལ་གཅིག་ཕྱག་གཉིས་གཡས་པས་ས་གནོན་དང་༔ གཡོན་པས་མཉམ་བཞག་སྟེང་དུ་རྡོ་རྗེ་འཛིན༔ ཆོས་གོས་རྣམ་གསུམ་དབུ་ཡི་གཙུག་ཏོར་འཕགས༔ འོད་དང་འོད་ཟེར་བྱེ་བ་དགུ་ཁྲི་དཀྲིགས༔ ནམ་མཁའི་མདངས་འཚེར་རྡོ་རྗེ་སྐྱིལ་ཀྲུང་བཞུགས༔ གནས་གསུམ་འབྲུ་གསུམ་འོད་འཕྲོས་རང་བཞིན་ནས༔ ཡེ་ཤེས་སེམས་དཔའ་ཐོགས་མེད་སྤྱན་འདྲེན་ནོ༔ ཧཱུྃ༔ རྒྱལ་བའི་ཞིང་མཆོག་མངོན་པར་དགའ་བ་ན༔ དུག་གསུམ་ནད་སྦྱོང་བཅོམ་ལྡན་མི་འཁྲུགས་པར༔ ཕྱོགས་བཅུའི་སངས་རྒྱས་སྲས་དང་བཅས་པས་བསྐོར༔ དེང་འདིར་བདག་ཅག་དད་པས་སྤྱན་འདྲེན་གྱིས༔ ངན་འགྲོའི་སྡུག་བསྔལ་གསལ་སླད་གཤེགས་སུ་གསོལ༔ བཛྲ་ས་མཱ་ཛ༔ ཛཿཧཱུྃ་བྃ་ཧོ༔ དྲི་མེད་པདྨ་ཟླ་བའི་གདན་སྟེང་དུ༔ ངན་འགྲོའི་སྡུག་བསྔལ་སྦྱངས་ཕྱིར་བཞུགས་སུ་གསོལ༔ ས་མ་ཡ་ཏིཥྛ་ལྷན༔ སྒོ་གསུམ་གུས་པས་ཕྱག་འཚལ་སྐྱབས་མཆི་ན༔ ལམ་ངན་སྲིད་པའི་འཇིགས་པ་བསྲུང་དུ་གསོལ༔ ཡ་མི་ན་མ༔ ཨོཾ༔ ཏིང་འཛིན་ཆོ་འཕྲུལ་ཡེ་ཤེས་རོལ་པ་ཆེ༔ ཕ་རོལ་ཕྱིན་པ་དྲུག་ལས་མཆོད་པའི་སྤྲིན༔ ནམ་མཁའི་ཁམས་ཀུན་ལེགས་པར་འགེངས་བྱས་ཏེ༔ སངས་རྒྱས་སྲས་དང་སློབ་མར་བཅས་པ་མཆོད༔ ཨོཾ་པ་ན་པེ་ནུ་པུ་ར་ཏ་ཏྲི་པུ༔ སརྦ་ཏ་ཐཱ་ག་ཏ་ས་མ་ཡ་སིདྡྷི་ཧཱུྃ༔ ན་མོ། ཕྱོགས་དུས་ཞིང་གི་མཆོད་ཡོན་ཞབས་བསིལ་དང་༔ མེ་ཏོག་བདུག་སྤོས་མར་མེ་དྲི་ཞལ་རོལ༔ ཀུན་བཟང་མཆོད་པའི་སྤྲིན་དུ་མོས་བྱས་པ༔ བཅོམ་ལྡན་མགོན་པོ་མི་འཁྲུགས་པ་ལ་འབུལ༔ འགྲོ་ཀུན་སྡིག་སྒྲིབ་སྦྱང་ཕྱིར་བཞེས་སུ་གསོལཿཨོཾ་བཛྲ་ཨརྒྷཾ་ཨཱཿ ཧཱུྃཿནས། ཤབྡའི་བར་གྱིས་མཆོད། བསྟོད་པ་ནི། ན་མོཿསངས་རྒྱས་ཀུན་གྱི་ཐུགས་རྗེ་གཅིག་འདུས་པའི༔ སྐུ་མདོག་མཐིང་ལ་ཞལ་གཅིག་ཕྱག་གཉིས་ལྡན༔ ས་གནོན་མཉམ་བཞག་སྙིང་པོའི་ཏིང་འཛིན་ཅན༔ རིགས་མཆོག་རྡོ་རྗེ་བསྣམས་ལ་ཕྱག་འཚལ་བསྟོད༔ ཁང་ཁྲོའི་གྲིབ་ཀྱིས་ངན་འགྲོར་ལྟུང་ངོ་ཞེས༔ ཁྲོ་བ་སྤངས་ནས་ཞི་བདེའི་ལམ་བཟང་སྟོན༔ མཉམ་ཉིད་གནས་ཞེས་རྒྱལ་ལ་ཞལ་འཆེས་མཛད༔ བརྩེ་ལྡན་ཐུགས་རྗེའི་དཔལ་ལ་ཕྱག་འཚལ་བསྟོད༔ ཕྱོགས་བཅུའི་སངས་རྒྱས་རྣམས་ཀྱི་སྤྱན་སྔ་རུ༔ ངན་སོང་སྡུག་བསྔལ་སྦྱོང་བར་དམ་བཅས་ནས༔ རྩེ་ཆེན་གང་ལ་གང་འདུལ་སྐུར་སྟོན་པའི༔ འགྲོ་ཀུན་སྒྲིབ་པ་གསལ་མཁས་ཁྱོད་ཕྱག་འཚལ༔ ཅེས་མཆོད་བསྟོད་བྱས་ནས། གཉིས་པ་བཟླས་པ་ནི། ཐུགས་ཀར་ཟླ་སྟེང་ཧཱུྃ་ཡིག་སྔོན་པོའི་མཐར༔ གཟུངས་སྔགས་བཻཌཱུརྱ་ཡི་ཕྲེང་བ་ལྟར༔ གཡས་སུ་བསྐོར་བས་འོད་འཕྲོས་ཁམས་གསུམ་ཁྱབ༔ ལས་སྒྲིབ་ཐམས་ཅད་རྣམ་པར་སྦྱངས་བར་གྱུར༔ ཞེས་གསལ་བཏབ་ལ། རྩ་སྔགས་ནི། ཨོཾ་བཛྲ་ས་མནྟ་སཱ་ཏྲི་ཧཱུྃ༔ གཏེར་གཞུང་ལས་སོ། །ན་མོ་རཏྣ་ཏྲ་ཡཱ་ཡ༔ ཨོཾ་ཀཾ་ཀ་ནི་ཀཾ་ཀ་ནི༔ རོ་ཙ་ནི་རོ་ཙ་ནི༔ ཏྲོ་ཊ་ནི་ཏྲོ་ཊ་ནི༔ ཏྲཱ་ས་ནི་ཏྲཱ་ས་ནི༔ པྲ་ཏི་ཧ་ན་པྲ་ཏི་ཧ་ན༔ སརྦ་ཀརྨ་པ་རཾ་པ་རཱ་ཎི་མེ་སརྦ་སཏྭ་ནཱཉྩ་སྭཱ་ཧཱ༔ ཞེས་ཅི་ནུས་བཟླའོ། །བསྙེན་ཚད་ནི། རབ་སྒྲིབ་པ་སྦྱང་བའི་རྟགས་ཡིད་ཆེས་པ་དང་། དེ་བཞིན་གཤེགས་བས་དབུགས་དབྱུང་བ་སོགས་མ་བྱུང་བར་དུ་བཟླ་དགོས་ལ། འབྲིང་བྱེ་བ། ཐ་མ་བཞི་འབུམ་ནས་ཆིག་འབུམ་གྱིས་འགྲུབ། སྤྱིར་བརྒྱ་སྟོང་ཁྲི་སོགས་ཇི་ཙམ་འགྲུབ་ཀྱང་དེ་མཚུངས་ཀྱི་ཕན་ཡོན་ཐོབ་པས་འགྲེལ་པ་ཐོབ་པར་བྱའོ། །ཐུན་མཐར། ཨོཾ། བཅོམ་ལྡན་མི་འཁྲུགས་མགོན་པོ་ཡི༔ བདག་ལ་རྗེས་སུ་ཆགས་པར་མཛོད༔ སྐྱེ་རྒ་ན་དང་འཆི་བ་སོགས༔ འཇིགས་རུང་སྲིད་པའི་སྡུག་བསྔལ་ལས༔ མགོན་པོ་ཁྱེད་ཀྱི་བདག་སྐྱོབས་ཤིག༔ སྡིག་པ་ཀུན་ལས་རྣམ་གྲོལ་ཞིང་༔ ཡང་དག་ཡེ་ཤེས་སེམས་དཔའ་ཆེའི༔ སྐུ་གསུང་ཐུགས་སུ་བདག་སྒྲུབས་ཤིག༔ ས་མ་ཡ་སིདྡྷི་ཨ་ལ་ལ་ཧོ༔ ཞེས་གསོལ་བ་གདབ་བོ། །དེ་ནས་བདག་བསྐྱེད་རྐྱང་པ་ཡིན་ན་གཤམ་གསལ་བསྡུ་ལྡང་དང་བསྔོ་སྨོན་བྱའོ། །གཉིས་པ་ལ་གཉིས། ཚོགས་རྟེན་སྒྲུབ་པ། ཚོགས་བསག་དངོས་སོ། །དང་པོ་ནི། ཨོཾ་མ་ཧཱ་ཤུ་ནྱ་ཏཱ་སོགས་བདག་བསྐྱེད་ལྟར་ལ། རང་ཉིད་ཅེས་པ་དོར་ནས། དེ་སྟེང་བཅོམ་ལྡན་མགོན་པོ་ཅེས་བསྒྱུར་ནས་ལྷ་བསྐྱེད་སྤྱན་འདྲེན། ཏིཥྛ་ལྷན༔ ཅེས་བའི་བར་བཏང་། གཉིས་པ་ལ་ནི་བཞི། ཕྱག་མཆོད་པ་ཡན་ལག་ལྷན་ལ། བཟླས་བས་ཐུགས་རྒྱུད་བསྐུལ་བའོ། །དང་པོ་ནི། ན་མོ། བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱིས། །སྐུ་གསུང་ཐུགས་ཀྱི་རང་བཞིན་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །སངས་རྒྱས་ཀུན་གྱི་ཐུགས་རྗེ་གཅིག་འདུས་པའི༔ སྐུ་མདོག་མཐིང་གསལ་ཞལ་གཅིག་ཕྱག་གཉིས་ལྡན༔ ས་གནོན་མཉམ་བཞག་སྙིང་པོ་ཏིང་འཛིན་ཅན༔ རིགས་མཆོག་རྡོ་རྗེ་བསྣམས་ལ་ཕྱག་འཚལ་ལོ༔ ཁང་ཁྲོའི་གྲིབ་ཀྱིས་ངན་འགྲོར་ལྟུང་ངོ་ཞེས༔ ཁྲོ་བ་སྤངས་ནས་ཞི་བདེའི་ལམ་བཟང་སྟོན༔ མཉམ་ཉིད་གནས་ཞེས་རྒྱལ་ལ་ཞལ་འཆེས་མཛད༔ བརྩེ་ལྡན་ཐུགས་རྗེའི་དཔལ་ལ་ཕྱག་འཚལ་ལོ༔ ཕྱོགས་བཅུའི་སངས་རྒྱས་རྣམས་ཀྱི་སྤྱན་སྔ་རུ༔ ངན་སོང་སྡུག་བསྔལ་སྦྱོང་བར་དམ་བཅས་ནསཿབརྩེ་ཆེན་གང་ལ་གང་འདུལ་སྐུར་སྟོན་པའི༔ འགྲོ་ཀུན་སྒྲིབ་པ་བསལ་མཁས་ཁྱེད་ཕྱག་འཚལ༔ སྒོ་གསུམ་གུས་པས་ཕྱག་འཚལ་སྐྱབས་མཆི་ན༔ ལམ་ངན་སྲིད་པའི་འཇིགས་པ་བསྲུང་དུ་གསོལ༔ ཡ་མི་ན་མ༔ གཉིས་པ་མཆོད་པ་ལ་ཐོག་མར་མཆོད་སྤྲིན་སྤྲོ་བ་ནི། ཨོཾཿཏིང་འཛིན་ཆོ་འཕྲུལ་ཡེ་ཤེས་རོལ་པ་ཆེཿཕ་རོལ་ཕྱིན་པ་དྲུག་ལས་མཆོད་པའི་སྤྲིན༔ ནམ་མཁའི་ཁམས་ཀུན་ལེགས་པར་འགེགས་བྱས་ཏེ༔ སངས་རྒྱས་སྲས་དང་སློབ་མར་བཅས་པ་མཆོདཿཨོཾ་མ་ན་སེ་ནུ་སུ་ར་ཏ་ཏི་པུ༔ སརྦ་ཏ་ཐཱ་ག་ཏ་ས་མ་ཡ་སིདྡྷི་ཧཱུྃ༔ ཆུ་གཉིས་ཉེར་སྤྱོད་ནི། ན་མོཿཕྱོགས་དུས་ཞིང་གི་མཆོད་ཡོན་ཇི་སྙེད་རྣམས༔ ཀུན་བཟང་མཆོད་པའི་སྤྲིན་དུ་མོས་བྱས་པ༔ བཅོམ་ལྡན་མགོན་པོ་མི་འཁྲུགས་པ་ལ་འབུལ༔ འགྲོ་ཀུན་སྡིག་སྒྲིབ་སྦྱང་ཕྱིར་བཞེས་སུ་གསོལ༔ ཨོཾ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་ཨཱཿ ཧཱུྃཿདེས་འགྲེལ་ཏེ། མཆོད་ཡོན་མལ་དུ། ཞབས་བསིལ། མེ་ཏོགབདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དང་། ཨརྒྷཾ་གྱི་གནས་སུ། པཱ་ཏྱཾ། པུཥྤེ། དྷུ་པེ། ཨཱ་ལོ་ཀེགྷནྡྷེ། ནཻ་ཝི་ཏྱ། ཤབྡ་རྣམས་བཅུག་ལ་མཆོད། དེ་ནས་རིན་ཆེན་སྣ་བདུན་ནི། མི་དབང་རིན་ཆེན་སྣ་བདུན་འདི་དག་ནི། །སངས་རྒྱས་སྲས་དང་བཅས་པ་མ་ལུས་ལ། །བཤམས་ཤིང་ཡིད་ཀྱིས་སྤྲུལ་ཏེ་འབུལ་བ་ཡིས། །འགྲོ་བ་མི་བཟད་གཏེར་ལ་སྤྱོད་པར་ཤོག །ཨོཾ་སབྟ་མ་ཧཱ་རཏྣ་བཛྲ་པཱུ་ཛི་ཏེ་ཨཱཿ ཧཱུྃ༔ འདོད་ཡོན་ལྔ་ནི། ཕྱོགས་དུས་ཀུན་ན་གཟུགས་སྒྲ་དྲི་དང་རོ། །རེག་བྱའི་ཁྱད་པར་ཕུན་སུམ་ཚོགས་པ་རྣམས། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ཤིག་བླ་མེད་གྲུབ་མཆོག་སྩལ་དུ་གསོལ། །ཨོཾ་པཉྩ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿ ཧཱུྃ༔ བཀྲ་ཤིས་རྫས་བརྒྱད་འབུལ་ལ། ལྷ་ཡི་དབང་པོ་ལྷ་མིན་གཡུལ་རྒྱལ་ནས། །བཀྲ་ཤིས་ལྷ་མོ་བརྒྱད་ཀྱིས་མཆོད་པ་ལྟར། །བཅོམ་ལྡན་རྒྱལ་བ་སྲས་དང་བཅས་པ་ལ། །བཀྲ་ཤིས་རྟགས་བརྒྱད་དག་གིས་མཆོད་པར་བགྱི། །ཨོཾ་ཨཥྚ་མངྒ་ལཾ་བཛྲ་པཱུ་ཛི་ཏེ་ཨཱཿ ཧཱུྃ༔ ན་བཟའ་ཕུལ་ལ། སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝ་ས་སེ་པྲ་ཏིཙྪ་སྭཱ་ཧཱ༔ གསུམ་པ་ཡན་ལག་ལྷག་མ་རྣམས་ནི། གང་ཞིག་ཐོགས་མེད་སྲིད་པའི་ཆུ་ཀླུང་དུ། །མ་ལུས་ཀུན་རྟོག་གིས་བསགས་རྙོགས་པ་རྣམས། །ཐུགས་རྗེ་ཆེ་ལྡན་སྤྱན་སྔར་དེ་དག་ནི། །ཆོ་ག་བཞིན་དུ་ཐམས་ཅད་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང་། །འཕགས་པ་གཞན་གྱི་དགེ་བ་གང་མཛད་པ། །མ་ལུས་འགྲོ་བའི་བསོད་ནམས་རྒྱ་མཚོའི་ཚོགས། །དེ་དག་ཀུན་ལ་རྗེས་སུ་ཡི་རང་ངོ་། །མོས་དང་བསམ་པ་ཇི་བཞིན་ཟབ་པ་དང་། །རྒྱ་ཆེའི་ཆོས་འཁོར་ཆད་པ་མེད་པར་བསྐུལ། །སྤྲུལ་པས་འགྲོ་ལ་སྨན་སླད་རྟག་བཞུགས་གསོལ། །བསོད་ནམས་བླ་མེད་བྱང་ཆུབ་ཕྱིར་བསྔོའོ། །ཞེས་པ་ཙམ་མམ། ཅུང་ཟད་སྤྲོ་ན་མཆོད་པའི་འཕྲོས་སུ་བཟང་སྤྱོད་ཀྱི་ཡན་ལག་བདུན་པ་སྦྱར་ཡང་ལེགས་སོ། །བཞི་བ་བཟླས་པ་ནི། རང་གི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་བྱུང་བའི་འོད་ཟེར་གྱིས་མདུན་བསྐྱེད་བཅོམ་ལྡན་འདས་ཀྱི་ཐུགས་རྒྱུད་བསྐུལ། སྥ་ར་ཎ་ཕཊ། མདུན་བསྐྱེད་ཀྱི་དྭངས་མའི་ཐུགས་སྲོག་སྔགས་ཕྲེང་དང་བཅས་པ་ལས་འོད་ཟེར་ནམ་མཁའ་གང་བར་འཕྲོས། ཕྱོགས་བཅུ་དུས་བཞིའི་དེ་བཞིན་གཤེགས་པ་སྲས་དང་བཅས་པ་ཐམས་ཅད་ཀྱི་ཐུགས་དམ་བསྐུལ། སཾ་ཧ་ར་ཎ་ཧཱུྃ། སྐུ་གསུང་ཐུགས་ཀྱི་བྱིན་བརླབས་དང་དངོས་གྲུབ་ཐམས་ཅད་བསྡུས་དཀྱིལ་འཁོར་གྱི་ལྷ་ལ་ཐིམ། གཟི་བརྗིད་མཆོག་ཏུ་འབར་བའི་འོད་ཟེར་ཕྱོགས་བཅུར་འཕྲོས། བདག་དང་སེམས་ཅན་ཐམས་ཅད་ལ་ཕོག་པས་ལས་དང་ཉོན་མོངས་པའི་སྒྲིབ་པ་དག །དངོས་གྲུབ་ཐམས་ཅད་ཐོབ་རང་སྣང་ཡེ་ཤེས་ཀྱི་འཁོར་ལོ་དང་རོ་གཅིག་ཏུ་གྱུར་པར་བསམ་ལ་གཟུངས་ཅི་ནུས་བཟླ། བུམ་པ་རང་བྱུང་གཞལ་ཡས་ཁང་པ་རུ། །བཅོམ་ལྡན་མི་འཁྲུགས་རྒྱལ་བ་གསལ་བ་ཡི། །སྐུ་ལས་ལས་སྒྲིབ་སྦྱོང་བྱེད་བདུད་རྩིའི་རྒྱུན། །བབས་པས་བུམ་པ་བདུད་རྩིས་གང་བར་གྱུར། །ཅེས་གཟུངས་ཐག་བླངས་ལ་བུམ་བཟླས་བྱ། ཨོཾ་ཨཱཿ ཧཱུྃ༔ གིས་མཆོད་ཡོན་ཕུལ་བས། ལྷ་འོད་དུ་ཞུ་བས་བུམ་ཆུ་བདུད་རྩིར་གྱུར། དབང་དང་གནས་ལུང་འབྲེལ་ན་སྐབས་འདིར་ལས་བུམ་དུ་བདུད་རྩི་འཁྱིལ་པའི་བསྐྱེད་བཟླས་སྤྱི་མཐུན་བྱ། གསུམ་པ་རྗེས་ཀྱི་རིམ་པ་ལ། གཏོར་འབུལ་སྤྲོ་ན། གཏོར་མའི་སྟེང་དུ་ཨ་ལས་ཟླ་དཀྱིལ་དབུས། །ཧཱུྃ་ལས་འོད་ཟེར་དཀར་པོའི་ཚོགས་སྤྲོས་པས། །གཏོར་མར་ཐིམ་པས་གཏོར་མ་ཡེ་ཤེས་ཀྱི། །བདུད་རྩིའི་རང་བཞིན་ཟད་མི་ཤེས་པར་གྱུར། །ཨོཾ་ཨཱཿ ཧཱུྃ། ལན་གསུམ་བརྗོད། དེ་ཉིད་བཅོམ་ལྡན་ལྗགས་རྩེའི་འོད་ཟེར་གྱིས། །སྦུ་གུས་དྲངས་ཏེ་གསོལ་བས་མཉེས་པར་གྱུར། །ཨོཾ་ཨ་ཀཱ་རོ་སོགས་ལན་གསུམ་གྱིས་ཕུལ་ལ། བདག་སོགས་སེམས་ཅན་ཐམས་ཅད་ཀྱི། །ལས་སྒྲིབ་མ་ལུས་བྱང་བ་དང་། །མཆོག་དང་ཐུན་མོང་དངོས་གྲུབ་ཀུན། །མྱུར་དུ་ཐོབ་པར་མཛད་དུ་གསོལ། །ཕྱི་གཏོར། རྃ་ཡྃ་ཁྃ་གིས་བསང་སྦྱངས། ཨོཾ་ཨཱཿ ཧཱུྃ་ཧ་ཧོ་ཧྲཱི༔ གསུམ་གྱིས་བརླབས། ཐུགས་ཀའི་འོད་ཟེར་གྱིས་རྣམ་བཞིའི་མགྲོན་རིགས་སྐད་ཅིག་གིས་འདུས་པར་གྱུར། བཛྲ་ས་མཱ་ཛཿསམྦྷར་ལན་བདུན་གྱིས་བསྔོས། ཧཱུྃ༔ རིན་ཆེན་རྒྱ་ཆེན་སྣོད་ནང་དུ༔ ཞལ་ཟས་སྣ་ཚོགས་གཏོར་མའི་རྒྱུ༔ དཀར་གསུམ་མངར་གསུམ་གཏོར་མའི་རྒྱན༔ འབྲུ་གསུམ་སྔགས་ཀྱི་བྱིན་བརླབས་ནས༔ མི་མཉེས་པ་ནི་གང་ཡང་མེད༔ རྒྱལ་བ་མཆོད་པས་མཉེས་གྱུར་ཅིག༔ དམ་ཅན་ཐུགས་དམ་བསྐང་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ ལན་ཆགས་བུ་ལོན་འཁོར་གྱུར་ཅིག༔ མགྲོན་རྣམས་མ་ལུས་འཁོར་བཅས་ལ༔ ཚད་མེད་གཏོར་མ་འདི་བསྔོས་པས༔ བདག་སོགས་སེམས་ཅན་ཐམས་ཅད་ཀུན༔ ལོངས་སྤྱོད་ལྡན་ཞིང་ཚོགས་རྫོགས་ནས༔ ཐམས་ཅད་སངས་རྒྱས་མྱུར་ཐོབ་ཤོག༔ ཅེས་དང་། མཆོད་སྦྱིན་གཏོར་མ་སོགས་སྤྱི་ལྟར་བརྗོད་ལ་ཕྲིན་ལས་བཅོལ། སུ་སྠ་ན་གཙྪས་གཤེགས་སུ་གསོལ། དེ་ནས་མཆོད་པ་ཁ་གསོས་ལ། བྱིན་རླབས་ཆུ་གཉིས་ཉེར་སྤྱོད་རོལ་མོ་བཅས་པ་སྔགས་མཆོད་ཙམ་གྱིས་འབུལ་ལ། སྟོབས་ལྡན་རྡོ་རྗེ་གླང་པོའི་ཁྲིར། །མེ་ལོང་ཡེ་ཤེས་ཐུགས་རྡོ་རྗེ། །སྔོན་པོ་རྡོ་རྗེ་བདུད་ལ་རྒྱ། །ཕྱག་འཚལ་རྡོ་རྗེ་མི་འཁྲུགས་ལའོ། །ཞེས་པས་བསྟོད། མ་རྙེད་ཡོངས་སུ་མ་ཚང་དང་། ཞེས་སོགས་དང་། ཡིག་བརྒྱས་ནོངས་པ་བཤགས། མདུན་བསྐྱེད་རས་བྲིས་ཡིན་ན། འདིར་ནི་གཟུགས་དང་སོགས། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་བརྟན་བཞུགས་བྱ། བདག་བསྐྱེད་ནི། རང་གི་སྙིང་གའི་འོད་ཀྱིས་ཕོག་པས་དཀྱིལ་འཁོར་གྱི་འཁོར་ལོ་འོད་དུ་ཞུ་ནས་བདག་ཉིད་དམ་ཚིག་སེམས་དཔའ་ལ་ཐིམ། དེ་ཐུགས་ཀའི་ཟླ་བ་སྔགས་ཕྲེང་དང་བཅས་པ་ལ་ཐིམ། དེའང་ཧཱུྃ་ལ་ཐིམ། ཧཱུྃ་ནཱ་དཱའི་བར་དུ་རིམ་གྱིས་ཐིམ་ནས་མི་དམིགས་པར་གྱུར། ཅེས་མཉམ་པར་བཞག །སླར་བཅོམ་ལྡན་འདས་རྡོ་རྗེ་མི་འཁྲུགས་པའི་སྐུར་གྱུར་པའི་གནས་གསུམ་འབྲུ་གསུམ་གྱིས་མཚན་པར་གྱུར། ཅེས་བསྡུ་ལྡངས་བྱ། འཇམ་དཔལ་དཔའ་བོས་ཇི་ལྟར་སོགས་ཤོ་ལོ་ཀ་གཉིས། གཞན་ཡང་ཐེག་པ་ཆེན་པོའི་བསྔོ་སྨོན་ཅི་རིགས་དང་། ཁྱད་པར་མངོན་དགའི་ཞིང་སྨོན་གདབ། ཞལ་ནས་གསུངས་པས་ཐོག་དྲངས་ཤིས་བརྗོད་རྒྱ་ཆེར་བྱའོ། །གསུམ་པ་དེའི་ཡན་ལག་རྣམ་གྲངས་མང་ཡང་འདིར་ཉེ་བར་མཁོ་བ་ལ་གསུམ། སློབ་མ་རྗེས་འཛིན། གནས་ལུང་། བྱབ་ཁྲུས་རྣམས། དང་པོ་ནི། བཅའ་གཞི་གོང་སྨོས་དང་། བདག་མདུན་སྒྲུབ་མཆོད་ལས་བུམ་བསྐྱེད་བཟླས་པར་སོང་ནས། ཏིང་ངེ་འཛིན་གྱི་དབང་ལེན་བྱ། སློབ་མ་གཞུག་པར་གནང་བ་ཞུ། དེ་ནས་སློབ་མ་རྣམས་ལ་ཁྲུས་བྱ། བགེགས་བསྐྲད་སྲུང་འཁོར་སྤྱི་ལྟར་བྱ་དགོས་མིན་སྐབས་དང་བསྟུན། སེམས་བསྐྱེད་གསལ་བཏབ་ནས། དེ་ལ་སྤྱིར་སངས་རྒྱས་ཐམས་ཅད་མཉམ་པ་ཉིད་གསུམ་བརྙེས་པར་མཚུངས་པས་ངོ་བོ་ལ་ཁྱད་པར་བྱར་མེད་ཀྱང་། ཐོག་མའི་ཐུགས་བསྐྱེད་ཚུལ་དང་སྨོན་ལམ་ཁྱད་པར་ལས་ཕྲིན་ལས་ཀྱི་རྣམ་པ་སྟོན་ཚུལ་རྒྱ་ཆེ་ཆུང་ཅི་རིགས་འབྱུང་བ་ལས། བཅོམ་ལྡན་འདས་མི་འཁྲུགས་པ་འདི་ནི་ངོ་མཚར་རྨད་དུ་བྱུང་བའི་ཐུགས་བསྐྱེད་དང་། སྨོན་ལམ་ཆེན་པོ་བརྒྱད། ནན་ཏན་དུ་བྱ་བ་བདུན། སྒྲུབ་པའི་སྨོན་ལམ་བཅོ་བརྒྱད་སོགས་ཡོངས་སུ་གྲུབ་པས་སངས་རྒྱས་གཞན་ལས་ཁྱད་པར་དུ་བྱས་ཤིང་ད་ལྟར་ཤར་ཕྱོགས་མངོན་པར་དགའ་བའི་ཞིང་ཁམས་སུ་འཚོ་ཞིང་གཞེས་ལ་ཆོས་སྟོན་པར་མཛད་པ་སྟེ། དེའི་ཡ་མཚན་གྱི་རྣམ་པར་ཐར་པ་ལ་བདག་ཅག་གི་སྟོན་པ་སོགས་ཕྱོགས་བཅུའི་སངས་རྒྱས་རྣམས་ཀྱིས་རང་རང་གི་ཞིང་ཁམས་རྣམས་སུ་བསྔགས་པ་གསུངས་བར་མཛད་ལ། བྱེ་བྲག་ཏུ་མགོན་པོ་གང་གི་མཚན་དང་གཟུངས་སྔགས་ཙམ་འཆང་བ་ལ་ཐོགས་མེད་ནས་བསགས་པའི་ལས་ཀྱི་སྒྲིབ་པ་རྒྱུན་གཅོད་པ་དང་། བདུད་དང་བདུད་རིས་ཀྱི་ལྷ་རྣམས་ཀྱིས་ནམ་ཡང་བར་གཅོད་རྩོམ་མི་ནུས་པ་སོགས་གནས་སྐབས་དང་མཐར་ཐུག་གི་ཕན་ཡོན་རྒྱ་ཆེན་པོ་ཐོབ་པའི་ཕྲིན་ལས་མངའ་བས་ཁྱད་པར་དུ་འཕགས་པ་སྟེ། གཟུངས་མདོ་ལས། འདི་བཟླས་བརྗོད་བྱས་ན་ལས་གཅིག་ནས་གཅིག་ཏུ་བརྒྱུད་པ་ཐམས་ཅད་རྣམ་པར་དག་པར་འགྱུར་རོ། །དུས་གསུམ་དུ་བཟླས་བརྗོད་བྱས་ན་མཚམས་མེད་པའང་བྱང་བར་འགྱུར་རོ། །ཞེས་དང་། ལན་གཅིག་བཟླས་ན། བཀྲ་མི་ཤིས་པ་དང་། ལྟས་ངན་པ་དང་། རྨི་ལམ་ངན་པ་ཐམས་ཅད་མེད་པར་འགྱུར་རོ། །ཞེས་དང་། གང་ཞིག་སྙིང་རྗེས་ནོན་ཏེ་རི་དྭགས་དང་བྱ་དང་མི་མ་ཡིན་རྣམས་ཀྱང་རུང་སྟེ་འཆི་བའི་ཚེ་རྣ་ཁུང་དུ་བརྗོད་ན་དེ་ངན་སོང་དུ་འགྲོ་བར་མི་འགྱུར་རོ། །ཞེས་སོགས་དང་། མཚམས་མེད་པ་ལྔ་བྱེད་པའམ། དམ་པའི་ཆོས་སྤོང་བའམ། འཕགས་པ་ལ་བསྐུར་པ་བཏབ་པའང་རུང་སྟེ། འཆི་ཀར་རྩིགས་པ་ལ་གཟུངས་སྔགས་འདི་བྲིས་པ་མཐོང་ནའང་དེའི་ལས་ཀྱི་སྒྲིབ་པ་ཐམས་ཅད་ཟད་པར་འགྱུར་ན་འདོན་པ་དང་བཟླས་བརྗོད་བྱེད་པ་ལྟ་ཅི་སྨོས་ཏེ། དེ་བཞིན་གཤེགས་པ་མི་འཁྲུགས་པ་དེ་ཉིད་བྱོན་ནས་འདི་སྐད་དུ་རིགས་ཀྱི་བུ་ཚུར་ངའི་གན་དུ་ཤོག་ཅེས་ཀྱང་གསུང་བར་འགྱུར་རོ། །ཞེས་སོགས་དང་། ལུས་ལ་འཆང་ངམ་གླེགས་བམ་ལ་བྲིས་ཏེ་མགུལ་དུ་ཐོགས་ཏེ་འཆང་ན་དེ་ལ་དུས་མ་ཡིན་པར་འཆི་བ་རྣམས་འབྱུང་བར་མི་འགྱུར་རོ། །ཞེས་གསུང་བའི་མཆོག་ཏུ་འགྱུར་བ་སོགས་རྒྱ་ཆེར་བསྔགས་པ་འདི་ལ་སྒྲུབ་ཐབས་ཀྱི་བཀའ་སྲོལ་འགའ་ཞིག་འབྱུང་བ་ལས་འདིར་ནི་སངས་རྒྱས་གཉིས་པ་པདྨ་ཀཱ་རའི་ཞལ་ལུང་སྤྲུལ་པའི་གཏེར་ཆེན་བྱང་ཆུབ་རྒྱལ་མཚན་གྱི་ཟབ་གཏེར་ཀློང་གསལ་རྡོ་རྗེ་སྙིང་པོའི་ཆོས་སྡེ་ལས་བྱོན་པ་སྟེ། དེའི་ལུགས་ཀྱི་སྨིན་བྱེད་ཟབ་མོ་བསྒྲུབ་པ་ལ་སོགས་ཀྱིས་མཚམས་སྦྱར་ཏེ་མཎྜལ་འབུལ་དུ་གཞུག །གསོལ་བ་འདེབས་པ་འདིའི་རྗེས་བཟློས། ཨེ་མ༔ བླ་མ་རྒྱལ་བའི་ཐུགས་ཀློང་དུ༔ སངས་རྒྱས་ཀུན་གྱི་དཀྱིལ་འཁོར་རྫོགས༔ བདག་ལ་མགོན་པོ་མི་འཁྲུགས་པའི༔ དབང་མཆོག་དམ་པ་སྩལ་དུ་གསོལ༔ གསུམ་པ་བླ་མས། དད་ལྡན་བུ་འོང་སྐལ་པ་བཟང་༔ མི་འཁྲུགས་མགོན་པོའི་དབང་འདོད་ན༔ ཡིད་ཀྱི་ཁྱེར་སོ་ཇི་ལྟར་ལགས༔ ཞེས་དྲིས་པའི་ལན་གསོལ་བར་མོས་ལ་འདིའི་རྗེས་ཟློས། དགའ་ཆེན་ཁྱོད་བདག་སྟོན་པ་སྟེ༔ སློབ་དཔོན་ཁྱོད་ནི་དགོངས་སུ་གསོལ༔ བྱང་ཆུབ་ཆེན་པོའི་ཚུལ་སྟོན་པ༔ ༔ མགོན་པོ་ཆེན་པོར་བདག་འཚལ་ལོ༔ དམ་ཚིག་དེ་ཉིད་བདག་ལ་སྩོལ༔ བྱང་ཆུབ་སེམས་ཀྱང་བདག་ལ་སྩོལ༔ སངས་རྒྱས་ཆོས་དང་དགེ་འདུན་ཏེ༔ སྐྱབས་གསུམ་དག་ཀྱང་བདག་ལ་སྩོལ༔ ཐར་པ་ཆེན་པོའི་གྲོང་མཆོག་ཏུ༔ མགོན་པོས་བདག་ནི་བཞུགས་པར་འཚལ༔ དེ་ནས་རྒྱུད་དག་པར་བྱ་བའི་སླད་དུ་དཀྱིལ་འཁོར་གྱི་དབུས་འདི་ན་བཅོམ་ལྡན་འདས་མི་འཁྲུགས་པ་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་ཏེ་བཞུགས་པའི་དྲུང་དུ། དཀོན་མཆོག་གསུམ་ལ་སྐྱབས་སུ་འགྲོ་བ་དང་། སྡིག་པ་སྔར་བྱས་བཤགས་ཤིང་ཕྱིན་ཆད་བསྡོམ་པ་དང་། དགེ་བ་ལ་རྗེས་སུ་ཡི་རང་བ་དང་། བྱང་ཆུབ་མཆོག་ཏུ་སེམས་བསྐྱེད་པ་དང་། དགེ་བའི་རྩ་བ་བསྔོ་བ་རྣམས་ལེགས་པར་བྱ་སྙམ་པས་འདིའི་རྗེས་བཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་༔ སངས་རྒྱས་བྱང་ཆུབ་ཡིད་ཀྱིས་བཟུངས། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་གཉིས་རབ་སྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱིས། །བྱང་ཆུབ་མཆོག་གི་སེམས་ནི་བསྐྱེད་བགྱིད་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། དེ་ནས་ཡེ་ཤེས་པ་དབབ་པ་ཡིན་པས་དམིགས་པ་འདི་ལྟར་མཛོད། བསང་སྦྱང་། སྟོང་པའི་ངང་ལས་པདྨ་དང་ཟླ་བའི་གདན་ལ་ཁྱེད་རང་རྣམས་ཀྱི་སེམས་ཉིད་ཀྱི་ངོ་བོ་ཧཱུྃ་སྔོན་པོ། དེ་ཡོངས་སུ་གྱུར་པ་ལས་ཁྱེད་རང་བཅོམ་ལྡན་འདས་མགོན་པོ་མི་འཁྲུགས་པ་སྐུ་མདོག་མཐིང་ག་སྤྲུལ་སྐུའི་ཆ་ལུགས་ཅན་མཚན་དང་དཔེ་བྱད་རྫོགས་པ། ཕྱག་གཡས་ས་གནོན་དང་གཡོན་མཉམ་བཞག་རྡོ་རྗེ་བསྣམས་པ། ཆོས་གོས་རྣམ་གསུམ་གསོལ་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་འོད་ཟེར་འབར་བའི་ཀློང་ན་བཞུགས་པའི་གནས་གསུམ་འབྲུ་གསུམ་གྱིས་མཚན་པ་དང་། སློབ་དཔོན་གྱི་ཐུགས་ཀ་ནས་ཀྱང་འོད་ཟེར་དཔག་མེད་འཕྲོས་པ་ཤར་ཕྱོགས་མངོན་པར་དགའ་བའི་ཞིང་ཁམས་ནས་ཡེ་ཤེས་པ་དཔག་ཏུ་མེད་པ་ཆར་བབས་པ་ལྟར་བྱོན་ནས་ཐིམ་པར་མོས་ཤིག །སྤོས་རོལ་དབྱངས་བཅས་སྤྱན་འདྲེན་བརྗོད། སྙིང་པོའི་མཐར། བཛྲ་ཨཱ་ཝེ་ཤ་ཡ་ཨ་ཨཱཿ བཏགས་པ་བརྗོད་ལ་དབབ། ཏིཥྛ་བཛྲ་དང་རྡོ་རྗེ་མགོར་བཞག་ལ་བརྟན། དངོས་གཞི་ཐོག་མར་བུམ་པ་སྐུའི་དབང་བསྐུར་བ་ལ། དཀྱིལ་འཁོར་གྱི་གཙོ་བོ་བཅོམ་ལྡན་འདས་མགོན་པོ་མི་འཁྲུགས་པས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་བསྣམས་ཏེ་དབང་བསྐུར་བས་བདུད་རྩིའི་ཆུ་རྒྱུན་སྤྱི་བོ་ནས་ཞུགས། རྐང་མཐིལ་ཡན་གྱི་ལུས་ཐམས་ཅད་ཡེ་ཤེས་ཀྱི་བདུད་རྩིས་གང་བར་མོས་ཤིག །བྱས་ལ། ཧཱུྃཿབུམ་པ་གཞལ་ཡས་དམ་པ་ནི༔ བཅོམ་ལྡན་མགོན་པོ་མི་འཁྲུགས་པའི༔ ཐུགས་རྗེའི་ཆུ་རྒྱུན་རབ་གཡོ་བས༔ སྐུ་ཡི་དབང་ཐོབ་ལུས་སྒྲིབ་དག༔ སྙིང་པོའི་མཐར། བཛྲ་ཨཀྵོ་བྷྱཿཀ་ཡ་ཨ་བྷི་ཥིཉྩ་ཨོཾཿཞེས་བུམ་པ་སྤྱི་བོར་བཞག་ཅིང་འཐོར་འཐུང་བྱ། དེས་སྐུ་བུམ་པའི་དབང་ཐོབ། ལུས་སྒྲིབ་དག །སྣང་སྟོང་ལྷ་སྐུ་བསྒོམ་པ་ལ་དབང་བ་ཡིན་ནོ། །གཉིས་པ་སྔགས་ཕྲེང་གསུང་གི་དབང་བསྐུར་བ་ལ། དཀྱིལ་འཁོར་ལྷའི་མགྲིན་པ་ནས་སྔགས་ཀྱི་ཕྲེང་བ་བྱུང་སྟེ་བཟླས་ཕྲེང་དང་དབྱེར་མེད་པ་ཁྱེད་རང་གི་མགྲིན་པར་ཐིམ་པར་མོས། ཕྲེང་བ་སྔོན་པོ་མགྲིན་པར་བཞག་ལ། བཅོམ་ལྡན་མགོན་པོའི་སྔགས་དབང་རྫོགས༔ བཻཌཱུརྱ་ཡི་ཕྲེང་བ་འདིས༔ སྐལ་ལྡན་བུ་ལ་དབང་བསྐུར་བས༔ གསུང་དབང་ཐོབ་ནས་ངག་སྒྲིབ་དག༔ སྔགས་སྔ་མ་ལྟ་བུའི་མཐར། ཝཱཀྐ་ཨ་བྷི་ཥིཉྩ་ཨཱ༔ དེས་གསུང་སྔགས་ཀྱི་དབང་ཐོབ། ངག་སྒྲིབ་དག་གྲགས་སྟོང་བཟླས་བརྗོད་བྱ་བ་ལ་དབང་བ་ཡིན་ནོ། །གསུམ་པ་ཕྱག་མཚན་ཐུགས་ཀྱི་དབང་བསྐུར་བ་ལ། བཅོམ་ལྡན་འདས་ཀྱིས་ཐུགས་ཀ་ནས་ཡེ་ཤེས་ཀྱི་རྡོ་རྗེ་སྔོན་པོ་རྩེ་ལྔ་པ་འཕྲོས། ཁྱེད་རང་གི་སྙིར་གར་ཐིམ་པར་མོས་ཤིག །རྡོ་རྗེ་སྙིང་གར་བཞག་གོ །བཅོམ་ལྡན་རིགས་ཀུན་འདུས་པ་ཡི༔ བཻཌཱུརྱ་ཡི་ཕྱག་མཚན་འདིས༔ སྐལ་ལྡན་ཁྱེད་ལ་དབང་བསྐུར་བས༔ ཐུགས་དབང་ཐོབ་ནས་ཡིད་སྒྲིབ་དག༔ སྔགས་མཐར། ཙིཏྟ་ཨ་བྷི་ཥིཉྩ་ཧཱུྃ༔ དེས་ཐུགས་ཕྱག་མཚན་གྱི་དབང་ཐོབ། ཡིད་ཀྱི་དྲི་མ་དག །གསལ་སྟོང་ཡེ་ཤེས་བསྒོམ་པ་ལ་དབང་བ་ཡིན་ནོ། །བཞི་པ་ཡོངས་རྫོགས་སྐུ་བརྙན་གྱི་དབང་བསྐུར་བ་ལ་དཀྱིལ་འཁོར་གྱི་ལྷ་ལས་ཡེ་ཤེས་ཀྱི་སྐུ་གཉིས་པ་འཕྲོས་ཏེ་ཁྱེད་རང་ལ་ཐིམ་པར་མོས་ཤིག །སྐུ་རྟེན་སྤྱི་བོར་དང་ལག་ཏུ་བཞག་ལ། བུ་ཁྱོད་ཉོན་ཅིག་གསོལ་བ་ཐོབ༔ བཅོམ་ལྡན་མགོན་པོ་མི་འཁྲུགས་པ༔ དངོས་སུ་ཁྱོད་ཀྱི་སྤྱི་བོར་བྱོན༔ སྒྲིབ་པ་བཞི་དག་དབང་བཞི་ཐོབ༔ སྔགས་མཐར། སརྦ་ཨ་བྷི་ཥིཉྩ་ཧོ༔ དེས་ཡོངས་སུ་རྫོགས་པ་ལྷ་སྐུ་ཕྱག་རྒྱའི་དབང་ཐོབ། སྒྲིབ་པ་བཞི་དག །དབང་བཞི་ཅིག་ཅར་དུ་རྫོགས། སྒོམ་བཟླས་ཏིང་ངེ་འཛིན་གྱི་ལས་རབ་འབྱམས་བསྒྲུབ་པ་ལ་དབང་བ་ཡིན་ནོ། །སྤྲོ་ན་བཀྲ་ཤིས་རྫས་རྟགས་སྦྱིན། ཤིས་པ་བརྗོད། དེ་རིང་ཕྱིན་ཆད་བུ་ཁྱོད་ཀྱིས༔ མགོན་དུ་མི་འཁྲུགས་རྒྱལ་བ་ཟུང་༔ ལྷ་བསྒོམ་སྔགས་བཟླས་ཏིང་འཛིན་ལས༔ ནམ་ཡང་གཡེལ་བར་མ་བྱེད་ཅིག༔ ཇི་ལྟར་བསྒོས་པ་སོགས་དམ་ཚིག་གི་རིམ་པ་རྣམས་ཚུལ་བཞིན་བསྲུང་སྙམ་པས་འདིའི་རྗེས་ཟློས། གཙོ་བོས་ཇི་ལྟར་སོགས་གཏང་རག་མཎྜལ་ཕྱི་མཆོད་སྤྱི་ལྟར་བྱའོ། །གཉིས་པ་གཤིན་པོ་རྗེས་འཛིན་གནས་ལུང་ནི། དཀྱིལ་འཁོར་གྱི་ཤར་ཕྱོགས་སུ་པདྨ་འདབ་བརྒྱད་བྲིས་པའི་ཁར་མིང་བྱང་སོགས་རྟེན་བཞག །སྦྱང་ཆས་བྲབ་རྫས་ཟས་གཏད་སོགས་འོག་ཏུ་དགོས་པ་རྣམས་ཚང་བར་བྱས་ལ། ཕྲིན་ལས་བསྐྱེད་བཟླས། ལས་བུམ་བསྒྲུབ་པ། དབང་ལེན་པ། གནང་བ་ཞུ་བ་ཡན་གྲུབ་པ་དང་དམིགས་རྟེན་མདུན་དུ་བཞག་ལ། གསང་སྦྱང་། སྟོང་པའི་ངང་ལས་པདྨ་དང་ཟླ་བའི་གདན་ལ་མིང་བྱང་ནྲྀ་ལས་ཚེ་འདས་ཀྱི་གཟུགས་ཀྱི་རྣམ་པ་ཇི་ལྟ་བར་གྱུར། རྣམ་ཤེས་འགུགས་པ་ནི། ལྕགས་ཀྱུའི་ཕྱག་རྒྱ་དང་སྙིང་གའི་ཧཱུྃ་གི་འོད་ཟེར་གྱིས་རྣམ་ཤེས་བཀུག་པར་བསམ་ཞིང་། ན་མོ། རྩ་བརྒྱུད་ཀྱི་བླ་མ་མཆོག་གསུམ་རྒྱལ་བ་རྒྱ་མཚོའི་ཚོགས་དང་བཅས་བ་རྣམས་ཀྱིས་བདེན་པ་དང་། ངན་འགྲོ་ཐམས་ཅད་རྣམ་པར་སྦྱོང་བ་བཅོམ་ལྡན་འདས་མི་འཁྲུགས་པའི་ལྷ་ཚོགས་རྣམས་ཀྱིས་བདེན་པ་དང་། གསང་སྔགས་རིགས་སྔགས་གཟུངས་སྔགས་སྙིང་པོ་ཕྱག་རྒྱ་ཏིང་ངེ་འཛིན་རྣམས་ཀྱིས་བདེན་པ་དང་། བདེན་པ་ཆེན་པོའི་བྱིན་བརླབས་ཀྱིས་ཚེ་ལས་འདས་པ་ཆྒཻའི་རྣམ་པར་ཤེས་བ་ཁམས་གསུམ་རིགས་དྲུག་གི་གནས་གང་ན་གནས་ཀྱང་སྐད་ཅིག་གིས་འདིར་མཆིས་པར་གྱུར་ཅིག །ཨོཾ་བཛྲ་ཨཱ་ཀར་ཥ་ཡ་ཛཿཞེས་པས་རྣམ་ཤེས་དང་། སརྦ་པཱ་པཾ་ཨཱ་ན་ཡ་ཧཱུྃཿཞེས་པས་སྡིག་པ་བཀུག་ནས། ཛཿཧཱུྃ་བྃ་ཧོཿརྣམ་ཤེས་ཨ་དཀར་པོའི་རྣམ་པར་རྟེན་ལ་ཐིམ་པར་གྱུར། བགེགས་སྦྱོང་བ་ནི་གཏོར་མ་རྟེན་ལ་བསྐོར་ཞིང་། ཨོཾ་སརྦ་བིགྷྣཱན་ན་མཿསརྦ་ཏ་ཐཱ་ག་ཏ་བྷྱོ་སོགས། གྲྀཧྞེ་དཾ་བ་ལྱཱ་དི་སྭཱ་ཧཱ། ཞེས་སོགས་གསུམ་གྱིས་ཞི་བ། ཏིང་ལོ་ཆང་བུས་བསྐོར་ཞིང་ཧཱུྃ་བཞི་པ་གསུམ་གྱིས་ཕྱེད་མ། བདེན་སྟོབས་སྔར་བཞིན་བརྗོད་པའི་མཐར། ཚེ་ལས་འདས་པ་ལ་གསོན་གྱི་དུས་སུ་ཚེ་ལ་བར་དུ་གཅོད་ཅིང་གཤིན་གྱི་དུས་ན་སྡིག་པ་སྦྱོང་བ་ལ་བར་དུ་གཅོད་པའི་གདོན་བགེགས་ཐམས་ཅད་གཏོར་མ་འདིས་ཚིམ་པར་གྱིས་ལ་དཔག་ཚད་དང་རྒྱང་གྲགས་སུ་མ་གནས་པར་སོང་ཞིག །གལ་ཏེ་མི་འགྲོ་ན་ཡེ་ཤེས་ཀྱི་རྡོ་རྗེ་འབར་བས་མགོ་བོ་ཚལ་པ་བརྒྱར་འགས་པར་འགྱུར་ཏ་རེ། ཞེས་དང་དྲག་སྔགས་གུལ་ཡུངས་རོལ་མོ་སོགས་དྲག་པོའི་ཚམ་རྔམས་དང་བཅས་གཏོར་མ་རྒྱངས་རིང་དུ་དོར་བ་སྟེ་དྲག་པོས་སྦྱངས་བའོ། །ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་མཎྜ་ལ་ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུྃ། ཨོཾ་སུམ་བྷ་སོགས། སྡིག་སྦྱོང་ནི། རྟེན་གྱི་མདུན་དུ་ཏིལ་དང་མེ་ཆུ་བཤམས། ཚེ་ལས་འདས་པའི་སྡིག་སྒྲིབ་ཐམས་ཅད་ཀཾ་ནག་པོའི་རྣམ་པས་སྣ་བུག་ནས་ཐོན། སྣ་སྒོར་སྡིག་པའི་རྣམ་པར་བྱུང་ཏེ་ཏིལ་ལ་ཐིམ་པར་བསམ་ཞིང་། ཏིལ་གཡས་གཡོན་གྱིས་མེར་བསྲེགས་ཆུར་དོར་ལ། ཨོཾ་སརྦ་པཱ་པཾ་ད་ཧཱ་ན་བྷ་སྨིན་ཀུ་རུ་ཡེ་སྭཱ་ཧཱ། ཞེས་པས་སྡིག་པ་ཐམས་ཅད་ཡེ་ཤེས་ཀྱི་མེ་ཆུས་སྦྱོངས་བར་བསམ། དེ་ནས་སྒྲིབ་སྦྱོང་གི་སྔགས་བཟླས་པའི་བྱེ་མ་དང་ཡུང་དཀར་གྱིས་བྲབ་ཅིང་། ཀཾ་ཀ་ནི། ཡིག་བརྒྱ། ཀུན་རིག་སྔགས་རྣམས་དང་། ཨོཾ་ད་ཧཱ་ད་ཧཱ་སརྦ་ན་ར་ཀ་ག་ཏི་ཧེ་ཏུཾ་ཧཱུྃ་ཕཊ། ཨོཾ་པ་ཙ་པ་ཙ་སརྦ་པྲེ་ཏ་ཀ་ག་ཏི་ཧེ་ཏུཾ་ཧཱུྃ་ཕཊ། ཨོཾ་མ་ཐ་མ་ཐ་སརྦ་ཏི་དྱ་ཀ་ག་ཏི་ཧེ་ཏུཾ་ཧཱུྃ་ཕཊ། ཅེས་བཟླས་པས་སྡིག་སྒྲིབ་ཐམས་ཅད་ཉི་མས་བ་མོ་ཞུ་བ་བཞིན་དག་པར་བསམ། ཁྲུས་བྱ་བ་ནི། ཐོག་མར་དཀྱིལ་འཁོར་སོགས་རྟེན་གྱི་གཟུགས་བརྙན་ཤར་བའི་མེ་ལོང་ངོས་ལ་ཁྲུས་གསོལ་ཞིང་། ཇི་ལྟར་བལྟམ་པ་སོགས་དང་། འདི་ནི་ཐབ་ཀྱི་ཆོག་སོགས། རྒྱལ་བའི་སྐུ་གསུང་ཐུགས་མཆོག་ལ། །ཉོན་མོངས་དྲི་མ་མི་མངའ་ཡང་། །ཚེ་འདས་སྒོ་གསུམ་སྒྲིབ་སྦྱང་ཕྱིར། །གཙང་མའི་ཆབ་ཀྱིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་དང་། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བགོས་པས་སྐུ་ཕྱིའོ། །ཨོཾ་ཧཱུྃ་ཏྲཱྃ་ཧྲཱིཿཨཱཿ ཀཱ་ཡ་བི་ཤོ་དྷ་ན་སྭཱ་ཧཱ། ཞེས་སྐུ་ཕྱི་ཁྲུས་ཆུ་སླར་ཡང་བུམ་པར་བླུགས་པས་མིང་བྱང་སོགས་རྟེན་ལ་བཀྲུ་ཞིང་། རྣམ་དག་གཙང་དྭངས་ལྷ་ཡི་ཆུ། །ཡིད་འོང་དྲི་ཞིམ་གང་གཱའི་རྒྱུན། །ཕྱག་རྒྱ་ཡེ་ཤེས་བུམ་པའི་ཆུས། །ཚེ་འདས་སྒྲིབ་པ་དག་གྱུར་ཅིག །ཅེས་དང་། ཀཾ་ཀ་ནི་བརྗོད། གཞན་ཡང་། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་དག་མཛད་ཅིང་། །གཏོང་བ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །འདི་ནི་ཚུལ་ཁྲིམས་རང་༴། ཁྲིམས་འཆལ་དྲི༴། སྲུངས་བ་དྲི༴། ཁྲུས་ལེགས་མཛད༴། འདི་ནི་བཟོད་པའི༴། ཁོང་ཁྲོའི་དྲི་མ༴བྱམས་པ་དྲི་ཡིས༴། ཁྲུས་ལེགས་མཛད་ཀྱིས༴། འདི་ནི་བརྩོན་འགྲུས༴། ལེ་ལོའི་དྲི་མ༴། བརྩོན་པའི་དྲི༴། ཁྲུས་ལེགས་མཛད་ཀྱི༴། འདི་ནི་བསམ་ཏན་རང་༴། རྣམ་གཡེང་དྲི་མ་དག༴། ཏིང་འཛིན་དྲི་ཡིས༴། ཁྲུས་ལེགས་མཛད་ཀྱི༴། འདི་ནི་ཤེས་རབ་རང་བཞིན༴། ཤེས་འཆལ་དྲི་མ་དག༴། ཡེ་ཤེས་དྲི་ཡིས་ལེགས༴། ཁྲུས་ལེགས་མཛད་ཀྱིས་ཁྲུས་བགྱིའོ། །རྣམས་སུ་བསྒྱུར་བ་སོ་སོའི་མཚམས་སུ་གཟུངས་སྔགས་བཟླས་ཤིང་རོལ་མོ་དང་བཅས་པས་ཁྲུས་བྱ། དུག་སྦྱོང་བ་ནི། བུམ་ཆུས་རྟེན་ལ་བྱབས་ཤིང་། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །སངས་རྒྱས་བཅོམ་ལྡན་དུག་མི་མངའ། །སངས་རྒྱས་བདེན་པས་དུག་སྦྱང་ངོ་། །དེ་བཞིན་ཏུ་ཆོས་དང་དགེ་འདུན་ལ་ཡང་སྦྱར། འབྱུང་བ་སོ་སོས་བྱས་ཤིང་། ས་འདི་དུག་གི་ཕ་ཡིན་ཏེ། །ས་འདི་དུག་གི་མ་ཡིན་ཏེ། སངས་རྒྱས་སྤྱན་མའི་བྱིན་རླབས་ཀྱིས། །ཚེ་འདས་ཁྱོད་ལ་དུག་མེད་ཤོག །དེ་བཞིན་དུ། ཆུ༴མེ༴རླུང་༴རྣམས། མཱ་མ་ཀི༴གོས་དཀར་མོ༴དམ་ཚིག་སྒྲོལ་མ༴ཞེས་སྦྱར་བས་དུག་སྦྱང་། སྐྱབས་སུ་འགྲོར་འཇུག་པ་ནི། ཚེ་འདས་དཀྱིལ་འཁོར་པ་ལ་ཕྱག་འཚལ་ཞིང་གསོལ་བ་འདེབས་པར་བསམ་ལ་མདུན་བསྐྱེད་སྐབས་སུ་བཤད་པའི་ཕྱག་བྱ། དེ་ནས་དབང་བསྐུར་བ་ནི། སྤྲོ་ན་སློབ་མ་རྗེས་འཛིན་སྐབས་ལྟར་བྱ་ཞིང་འདིར་འཇུག །བསྡུ་ན། ཚེ་འདས་སྐད་ཅིག་གིས་བཅོམ་ལྡན་འདས་མི་འཁྲུགས་པའི་སྐུར་གྱུར་པའི་གནས་གསུམ་འབྲུ་གསུམ་གྱིས་མཚན་པ་དང་། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཡེ་ཤེས་པ་དཔག་ཏུ་མེད་པ་སྤྱན་དྲངས་ཏེ་ཐིམ་པར་གྱུར། སྙིང་བོའི་མཐར། བཛྲ་ཨཱ་བེ་ཤ་ཡ་ཨ་ཨཱཿ བཏགས་བ་བརྗོད་ལ་རོལ་ལོ་བསྒྲག །ཏིཥྛ་བཛྲས་བརྟན། བུམ་པ་གནས་གསུམ་དུ་རིམ་པར་བཞག་ལ། ཨོཾ། དཔལ་ལྡན་སངས་རྒྱས་སྐུ་འཆང་བ། །རྡོ་རྗེ་མི་ཕྱེད་སྐུ་དང་ལྡན། །དེང་འདིར་སངས་རྒྱས་ཐམས་ཅད་ཀྱི། །སྐུ་ཡི་དབྱིག་ཏུ་དབང་བསྐུར་རོ། །སྔགས་མཐར། བཛྲ་ཨཀྵོ་བྷྱཿཀཱ་ཡ་ཨ་བྷི་ཥིཉྩ་ཨོཾ། དེས་འགྲེས་ཏེ། གསུང་༴ཝཱ་ཀ༴ཐུགས༴ཙིཏྟ་ཞེས་བསྒྱུར་བས་དབང་བསྐུར། དེ་ནས་ཟས་གཏད་ནི། བཟའ་བཏུང་སྣ་ཚོགས་བཤམས། རྃ་ཡྃ་ཁྃ། འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་བསམ་ལ། ནམ་མཁའ་མཛོད་ཀྱིས་སྔགས་དང་ཕྱག་རྒྱས་བྱིན་གྱིས་རླབས་ལ། ཕྱོགས་དུས་ཀུན་ན་གཟུགས་སྒྲ་དྲི་རོ་དང་། །རེག་བྱའི་ཁྱད་པར་དབང་པོ་ཚིམ་བྱེད་རྣམས། །མི་འཁྲུགས་མགོན་པོའི་གནས་ཐོབ་ཁྱོད་ལ་འབུལ། །ཟག་མེད་དགའ་བདེས་རྟག་ཏུ་ཚིམ་པར་ཤོག །ཨོཾ་ཨཀྵོ་བྷྱཿསཉྩ་ཀཱ་མ་གུ་ཎ་པྲ་ཏིཙྪ་ཧཱུྃ་སྭཱ་ཧཱ། ཞེས་བསྔོ། གདམས་ངག་བརྗོད་ཅིང་ལམ་བསྟན་པ་ནི། ཉོན་ཅིག་ཚེ་འདས་སྐལ་པ་ཅན། །རིགས་དྲུག་གནས་ན་བདེ་བ་མེད། །སྡུག་བསྔལ་ལས་ལ་མ་ཆགས་པར། །མ་ཡེངས་རྩེ་གཅིག་དྲན་བས་ཟུང་། །སེམས་ཉིད་ཡེ་ཤེས་ངོ་བོ་ལ། །འགྱུ་དྲན་འཛིན་ཆགས་རང་སར་གྲོལ། །རང་རིག་གསལ་སྟོང་དབྱེར་མེད་པ། །རྒྱལ་བའི་སྐུ་གསུང་ཐུགས་ལ་ཐིམ། །སྐྱེ་འཆི་འཁོར་བའི་མིང་ཡང་མེད། །ཇི་སྲིད་འཁོར་བ་མ་སྟོང་བར། །སྤྲུལ་པས་འགྲོ་དོན་བྱེད་པར་ཤོག །དྷརྨ་ཀཱ་ཡ་ཨ་ཨཱཿ རྣམ་ཤེས་ཨ་ཐུང་གི་རྣམ་པས་སྤྱི་བོ་ནས་ཐོན་མངོན་དགའི་ཞིང་དུ་སོང་ནས་སངས་རྒྱས་མི་འཁྲུགས་པའི་ཐུགས་ཀར་ཐིམ་བར་གྱུར་པར་བསམ་མོ། །དེ་ནས་མཚན་བྱང་བསྲེགས་པ་ནི། དཀྱིལ་འཁོར་ལྷ་ཚོགས་རྣམས་ཀྱི་ཐུགས་ཀ་ནས་ཡེ་ཤེས་ཀྱི་འོད་ཟེར་བྱུང་བས་ཚེ་འདས་ཀྱི་ཕུང་ཁམས་སྐྱེ་མཆེད་འཁོར་བའི་ཆོས་ཐམས་ཅད་དམིགས་མེད་ཀ་དག་གི་དབྱིངས་སུ་སྦྱང་བར་བསམས་ལ། མེ་སྦར་ལ། ཧཱུྃཿཆོས་ཀྱི་དབྱིངས་ཀྱི་ཐབ་ཁུང་དུ། །བདག་འཛིན་ཕུང་པོའི་བུད་ཤིང་ལ། །ཤེས་རབ་ཡེ་ཤེས་མེ་སྦར་ཏེ། །ཚེ་འདས་ཉོན་མོངས་བག་ཆགས་བསྲེགས། །འདི་ནི་སྐྱེ་འགག་སྨོན་པ་དང་། །གནས་མེད་མཚན་མ་མེད་པའི་མེ། །འདི་ནི་རང་བྱུང་ཡེ་ཤེས་མེ། །བདག་འཛིན་མཚན་མའི་རྟོག་པ་བསྲེགས། །དོན་ལ་བསྲེག་བྱ་སྲེག་བྱེད་ཀུན། །བྱ་རྩོལ་མེད་པར་ཡེ་སངས་རྒྱས། །འབད་མེད་ལྷུན་གྲུབ་ཆོས་ཀྱི་སྐུ། །རང་བྱུང་ཡེ་ཤེས་དེར་སྣང་ངོ་། །ཞེས་དང་། ཀཾ་ཀ་ནི་སོགས་སྒྲིབ་སྦྱོང་གི་སྔགས་རྣམས་ཀྱི་མཐར་ཨགྣེ་ཡེ་ཛྭ་ལ་རཾ་བཏགས་པས་བསྲེག །ཐལ་བ་བུམ་ཆུ་དང་ས་གཙང་གི་འཇིམ་པས་སཱཙྪ་འདེབས་ལ་རབ་གནས་བྱ། བསྔོ་སྨོན་ནི། ཧོཿབླ་མ་ཡི་དམ་ཐུགས་རྗེ་ཡིས། །ངན་སོང་གནས་ནས་ཁྱོད་དྲངས་ཏེ། །མཐོ་རིས་གནས་སུ་མྱ་ངན་འདའ། །རྒྱུ་རྐྱེན་རྟེན་འབྲེལ་ཕུན་ཚོགས་པས། །ཚེ་འདས་དོན་ཕྱིར་དགེ་སྦྱོང་གང་། །འགྲོ་ཀུན་དོན་དུ་དམིགས་བྱ་ཉིད། །མི་འཁྲུགས་རྒྱལ་པོའི་སྐུ་ཐོབ་ཤོག །ཧཱོ༔ དཀོན་མཆོག་བདེན་པའི་མཐུ་བྱིན་གྱིས། །ཚེ་འདས་ངན་སོང་སྒོ་ཁེག་ནས། །མཐོ་རིས་བྱང་ཆུབ་ལམ་ཞུགས་ཏེ། །མི་འཁྲུགས་གོ་འཕང་མྱུར་ཐོབ་ནས། །རྣམ་མཁྱེན་སྐུ་གསུམ་ལྷུན་གྲུབ་ཤོག །ཅེས་དང་གཞན་ཡང་ཞིང་སྨོན་གཙོར་གྱུར་ཐེག་པ་ཆེན་མོའི་སྨོན་ལམ་ཇི་ལྟར་ནུས་པ་གདབ། དེ་ནས་ལས་གཞུང་གཏོར་འབུལ་སོགས་རྗེས་ཆོག་རྣམས་བྱའོ། །གསུམ་པ་བྱབ་ཁྲུས་ནི། སྤྱིར་ནད་གདོན་རྐྱེན་ངན་ཐམས་ཅད་སྔོན་ལས་ཀྱི་སྡིག་སྒྲིབ་ལས་བྱུང་བ་ཡིན་པས་འདིའི་ཁྲུས་བྱ་བ་ནི་འཕྲལ་ཡུན་གཉིས་ཀར་དགོས་པ་ཕན་ཡོན་ཤིན་ཏུ་ཆེ་བས་དུས་ནམ་ཡང་བྱ་ཆོག་ལ། བྱེ་བྲག་སློབ་དཔོན་ཛེ་ཏཱ་རིའི་རྒྱ་གཞུང་སོགས་ལས་ཀྱང་དམིགས་སུ་བཤད་པས་དགོས་པ་དམིགས་བསལ་བྱུང་ན། བདག་མདུན་བུམ་སྒྲུབ་བཅས་ལེགས་པར་གྲུབ་ནས། བསྒྲུབ་བྱ་མདུན་དུ་འཁོད་པ་ལ། སྦྱོང་བ་ཞི་དྲག །ཏིལ་སྦྱོང་བཅས་སྔོན་དུ་འགྲོ་བས། བཀྲུ་བྱབ་བསྲུང་གསུམ་གྱི་ཆོ་ག་སྤྱི་འགྲོ་ལྷ་སྔགས་ཁ་བསྒྱུར་བྱ། མཐར་གཟུངས་སྔགས་ཤོག་དྲིས་ཡོད་ན་མཆོག་ཏུ་གྱུར་བ་དང་། མེད་ན་གཟུངས་སྔགས་བཏབ་པའི་སྲུང་སྐུད་མགུལ་དུ་གདགས་ལ། སྔགས་མཐར་རཀྵ་རཀྵ་བཏགས་པ་བརྗོད་ཅིང་ཤིས་བརྗོད་བྱས་པས་འགྲུབ་བོ། །མི་བསྐྱོད་རྒྱལ་བའི་ཐུགས་རྗེའི་ལྕགས་ཀྱུ་ཡིས། །འབྲེལ་བཅས་འགྲོ་ཀུན་མངོན་དགའི་ཞིང་དུ་དྲངས། །མགོན་པོ་ཉིད་མཚུངས་བྱང་ཆུབ་སྤྱོད་པ་རྫོགས། །སངས་རྒྱས་ཞིང་སྦྱོང་མངོན་འཚང་རྒྱ་གྱུར་ཅིག །འདི་ལ་གསང་མ་ཇོ་ལུགས་དང་སྦྱར་བའི་ཆོག་ཁྲིགས་ཀཾ་ཚང་ལུགས་ཀྱིས་བཀབ་པ་སོགས་འདུག་ཀྱང་གྲུབ་ཐོབ་སོ་སོའི་བཞེད་གཞུང་རང་རང་གི་བཀའ་སྲོལ་ལྟར་སྤྱོད་པ་ལས་གཞན་གྱིས་རྒྱས་བཀབ་ཚེ་གཉིས་བྱས་པས་གཉིས་མིན་ཏུ་འགྱུར་བ་མཐོང་བས། རང་གཞན་ལ་ཕན་འདོད་ལྷག་པའི་བསམ་པས་པདྨ་གར་དབང་བློ་གྲོས་མཐའ་ཡས་པའི་སྡེའི་རྫོང་ཤོད་བདེ་གཤེགས་འདུས་བའི་ཕོ་བྲང་ཆེན་པོར་སྡེབས་པ་དགེ་ལེགས་འཕེལ། །སརྦ་མངྒ་ལམ།། །།

[edit]

@#/__/rdo rje snying po las/__bcom ldan 'das mgon po mi 'khrugs pa'i cho ga dbang bskur dang bcas pa mun 'joms zla ba'i 'od zer zhes bya ba bzhugs so/__/ na mo gu ru nA thA k+Sho b+h+yo ya/__mgon po gang gi rdzogs smin sbyangs ba'i mtshor/__/rgyal rnams sngags pa'i me tog mgrin gcig tu/__/'thor bas phyogs bcu'i 'jig rten shis mdzad pa/__/mi 'khrugs rgyal po'i zhabs la gus phyag 'tshal/__/'jug bde'i sgrub thabs pad+ma'i gsung /__/'dir rten mngon dga'i zhing mchog tu/__/bgrod 'dod bskal bzang yod na deng /__/tshul spyon smin grol bcud la rol/__/'dir las sgrib rnam par sbyong pa'i cho ga rgyal dbang pad+ma ka ra'i bka' srol ltar nyams su len pa'i tshul la gsum/__rnal 'byor la 'jug pa'i sbyor ba/__zhugs pa'i cho ga dngos/__de'i yan lag gzhan bshad pa'o/__/dang po ni/__bdag bskyed bsnyen kyang byed na chu gnyis nyer spyod tsam las ci'ang mi dgos/__de'ang mi 'dzom na yid sprul gyis mthus/__mdun bum sgrub mchod skabs/__stegs bu gtsang mar zhi dkyil sno rdzogs spyi 'gro'i nang pad+ma 'dab brgyad lte bar sku'am phyag mtshan rdo rjes mtshan ba/__dkyil 'khor ma 'dzom na maN+Dal sne me tog sngon po'am tshom bu gcig bkod pa'i khar khri'u'i steng bum pa mgul chings sngon po nyer lnga'i bcud ldan kha rgyan gzungs rdor bcas pa bzhag__/dbang dang 'brel skabs sku rten phreng ba rdo rje sngon po rnams kyang bkod/__mdun du phyi mchod phreng tshar du bshams/__gtor 'bul byed na/__rin po che'i snod du gtor zlum dkar po dkar mngar shing tog 'bru sna sogs dang bcas pa dang /__phyi gtor yang bkod/__'byor na rgyan dang bla bre sogs mchod pa ji ltar tshogs pa dang /__las bum sngon gtor sogs kyang 'du bya'o/__/gnyis pa cho ga dngos la gsum/__sngon 'gro/__dngos gzhi/__rjes kyi rim pa'o/__/dang po sngon 'gro ni/__dkar gtor/__ra~M ya~M kha~M gis bsregs gtor bkrus/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AH_hU~M gis byin gyis brlabs/__b+hu mi pa ti sa pa ri wA ra badz+ra sa mA dzaHsa spyan drang /__b+hu mi pa ti sa pa ri wA ra a kA ro sogs gsum gyis gtor ma bsngos la/__gang dag 'dir gnas lha klu dang /__/gnod sbyin srin po'am gzhan dag la/__/dkyil 'khor don du sa phyogs 'di/__/bdag zhu khyed kyis stsal tu gsol/__/ces phyi rol du 'bul/__bgegs rnams badz+ra a mr-i ta sogs dang /__sum b+ha ni'i sngags kyis bskrad la srung ba'i 'khor los mtshams bcad/__skyabs sems ni/__na mo:__mchog gsum bla ma mi 'khrugs dkyil 'khor lhaHsras dang slob mar bcas la skyabs su mchi:__ngan song gsum sogs mkha' mnyam sems can gyiHsdig sgrib kun byang sangs rgyas thob bya'i phyir:__bdag gis mi 'khrugs rgyal po'i sgom bzlas bya:__'gro kun byang chub lam la reg gyur cig:__lan gsum/__mchod pa byin brlabs ni/__a mr-i tas bsang /__swA b+hA was sbyangs/__thams cad stong nyid nam mkha'i ngang :__b+h+rU~M las rin chen snod nang du:__oM las phyi nang mchod pa'i tshogs:__so so'i lha mo'i rol par bcas:__rab 'byams nam mkha' gang bar gyur:__oM badz+ra puSh+pe AH_hU~M:__nas/__shab+da AH_hU~M:__badz+ra s+pha ra Na khaM:__gyis mchod pa'i sprin rab 'byams su ye shes kyi rang bzhin mkha' khyab tu spel lo/__/gnyis pa dngos gzhi la gnyis/__sgrib sbyor bsnyen pa'i rnal 'byor/__tshogs bsags sgrub pa'i rnal 'byor ro/__/dang po bskyed bzlas gnyis la bskyed rim rjes 'brel dang bcas pa ni/__oM ma hA shu n+ya tA dz+nyA na badz+ra swA b+hA wa Ad+ma ko\u0f85haM:__stong pa'i ngang las rin chen gzhal yas khang :__gru bzhi sgo bzhi rta bab chos 'khor dang :__gdugs dang ri dwags dar dpyang la sogs pa:__mtshan nyid kun rdzogs dbus su pad zla'i gdan:__rang nyid bcom ldan mgon po mi 'khrugs pa:__zhal gcig phyag gnyis g.yas pas sa gnon dang :__g.yon pas mnyam bzhag steng du rdo rje 'dzin:__chos gos rnam gsum dbu yi gtsug tor 'phags:__'od dang 'od zer bye ba dgu khri dkrigs:__nam mkha'i mdangs 'tsher rdo rje skyil krung bzhugs:__gnas gsum 'bru gsum 'od 'phros rang bzhin nas:__ye shes sems dpa' thogs med spyan 'dren no:__hU~M:__rgyal ba'i zhing mchog mngon par dga' ba na:__dug gsum nad sbyong bcom ldan mi 'khrugs par:__phyogs bcu'i sangs rgyas sras dang bcas pas bskor:__deng 'dir bdag cag dad pas spyan 'dren gyis:__ngan 'gro'i sdug bsngal gsal slad gshegs su gsol:__badz+ra sa mA dza:__dzaHhU~M ba~M ho:__dri med pad+ma zla ba'i gdan steng du:__ngan 'gro'i sdug bsngal sbyangs phyir bzhugs su gsol:__sa ma ya tiSh+Tha lhan:__sgo gsum gus pas phyag 'tshal skyabs mchi na:__lam ngan srid pa'i 'jigs pa bsrung du gsol:__ya mi na ma:__oM:__ting 'dzin cho 'phrul ye shes rol pa che:__pha rol phyin pa drug las mchod pa'i sprin:__nam mkha'i khams kun legs par 'gengs byas te:__sangs rgyas sras dang slob mar bcas pa mchod:__oM pa na pe nu pu ra ta tri pu:__sarba ta thA ga ta sa ma ya sid+d+hi hU~M:__na mo/__phyogs dus zhing gi mchod yon zhabs bsil dang :__me tog bdug spos mar me dri zhal rol:__kun bzang mchod pa'i sprin du mos byas pa:__bcom ldan mgon po mi 'khrugs pa la 'bul:__'gro kun sdig sgrib sbyang phyir bzhes su gsolaHoM badz+ra ar+g+haM AH_hU~MHnas/__shab+da'i bar gyis mchod/__bstod pa ni/__na moHsangs rgyas kun gyi thugs rje gcig 'dus pa'i:__sku mdog mthing la zhal gcig phyag gnyis ldan:__sa gnon mnyam bzhag snying po'i ting 'dzin can:__rigs mchog rdo rje bsnams la phyag 'tshal bstod:__khang khro'i grib kyis ngan 'gror ltung ngo zhes:__khro ba spangs nas zhi bde'i lam bzang ston:__mnyam nyid gnas zhes rgyal la zhal 'ches mdzad:__brtse ldan thugs rje'i dpal la phyag 'tshal bstod:__phyogs bcu'i sangs rgyas rnams kyi spyan snga ru:__ngan song sdug bsngal sbyong bar dam bcas nas:__rtse chen gang la gang 'dul skur ston pa'i:__'gro kun sgrib pa gsal mkhas khyod phyag 'tshal:__ces mchod bstod byas nas/__gnyis pa bzlas pa ni/__thugs kar zla steng hU~M yig sngon po'i mthar:__gzungs sngags baiDUr+ya yi phreng ba ltar:__g.yas su bskor bas 'od 'phros khams gsum khyab:__las sgrib thams cad rnam par sbyangs bar gyur:__zhes gsal btab la/__rtsa sngags ni/__oM badz+ra sa man+ta sA tri hU~M:__gter gzhung las so/__/na mo rat+na tra yA ya:__oM kaM ka ni kaM ka ni:__ro tsa ni ro tsa ni:__tro Ta ni tro Ta ni:__trA sa ni trA sa ni:__pra ti ha na pra ti ha na:__sarba karma pa raM pa rA Ni me sarba satwa nAny+tsa swA hA:__zhes ci nus bzla'o/__/bsnyen tshad ni/__rab sgrib pa sbyang ba'i rtags yid ches pa dang /__de bzhin gshegs bas dbugs dbyung ba sogs ma byung bar du bzla dgos la/__'bring bye ba/__tha ma bzhi 'bum nas chig 'bum gyis 'grub/__spyir brgya stong khri sogs ji tsam 'grub kyang de mtshungs kyi phan yon thob pas 'grel pa thob par bya'o/__/thun mthar/__oM/__bcom ldan mi 'khrugs mgon po yi:__bdag la rjes su chags par mdzod:__skye rga na dang 'chi ba sogs:__'jigs rung srid pa'i sdug bsngal las:__mgon po khyed kyi bdag skyobs shig:__sdig pa kun las rnam grol zhing :__yang dag ye shes sems dpa' che'i:__sku gsung thugs su bdag sgrubs shig:__sa ma ya sid+d+hi a la la ho:__zhes gsol ba gdab bo/__/de nas bdag bskyed rkyang pa yin na gsham gsal bsdu ldang dang bsngo smon bya'o/__/gnyis pa la gnyis/__tshogs rten sgrub pa/__tshogs bsag dngos so/__/dang po ni/__oM ma hA shu n+ya tA sogs bdag bskyed ltar la/__rang nyid ces pa dor nas/__de steng bcom ldan mgon po ces bsgyur nas lha bskyed spyan 'dren/__tiSh+Tha lhan:__ces ba'i bar btang /__gnyis pa la ni bzhi/__phyag mchod pa yan lag lhan la/__bzlas bas thugs rgyud bskul ba'o/__/dang po ni/__na mo/__bla ma mnyam med sangs rgyas rin po che/__/dus gsum bde gshegs sras bcas thams cad kyis/__/sku gsung thugs kyi rang bzhin byin brlabs pa/__/bka' drin chen po'i zhabs la phyag 'tshal lo/__/sangs rgyas kun gyi thugs rje gcig 'dus pa'i:__sku mdog mthing gsal zhal gcig phyag gnyis ldan:__sa gnon mnyam bzhag snying po ting 'dzin can:__rigs mchog rdo rje bsnams la phyag 'tshal lo:__khang khro'i grib kyis ngan 'gror ltung ngo zhes:__khro ba spangs nas zhi bde'i lam bzang ston:__mnyam nyid gnas zhes rgyal la zhal 'ches mdzad:__brtse ldan thugs rje'i dpal la phyag 'tshal lo:__phyogs bcu'i sangs rgyas rnams kyi spyan snga ru:__ngan song sdug bsngal sbyong bar dam bcas nasaHbrtse chen gang la gang 'dul skur ston pa'i:__'gro kun sgrib pa bsal mkhas khyed phyag 'tshal:__sgo gsum gus pas phyag 'tshal skyabs mchi na:__lam ngan srid pa'i 'jigs pa bsrung du gsol:__ya mi na ma:__gnyis pa mchod pa la thog mar mchod sprin spro ba ni/__oMHting 'dzin cho 'phrul ye shes rol pa cheHpha rol phyin pa drug las mchod pa'i sprin:__nam mkha'i khams kun legs par 'gegs byas te:__sangs rgyas sras dang slob mar bcas pa mchodaHoM ma na se nu su ra ta ti pu:__sarba ta thA ga ta sa ma ya sid+d+hi hU~M:__chu gnyis nyer spyod ni/__na moHphyogs dus zhing gi mchod yon ji snyed rnams:__kun bzang mchod pa'i sprin du mos byas pa:__bcom ldan mgon po mi 'khrugs pa la 'bul:__'gro kun sdig sgrib sbyang phyir bzhes su gsol:__oM sarba ta thA ga ta sa pa ri wA ra badz+ra ar+g+haM pra tIts+tsha AH_hU~MHdes 'grel te/__mchod yon mal du/__zhabs bsil/__me togabadug spos/__mar me/__dri chab/__zhal zas/__rol mo rnams dang /__ar+g+haM gyi gnas su/__pA t+yaM/__puSh+pe/__d+hu pe/__A lo keg+han+d+he/__nai wi t+ya/__shab+da rnams bcug la mchod/__de nas rin chen sna bdun ni/__mi dbang rin chen sna bdun 'di dag ni/__/sangs rgyas sras dang bcas pa ma lus la/__/bshams shing yid kyis sprul te 'bul ba yis/__/'gro ba mi bzad gter la spyod par shog__/oM sab+ta ma hA rat+na badz+ra pU dzi te AH_hU~M:__'dod yon lnga ni/__phyogs dus kun na gzugs sgra dri dang ro/__/reg bya'i khyad par phun sum tshogs pa rnams/__/mos blos rgyal ba sras bcas la 'bul na/__/bzhes shig bla med grub mchog stsal du gsol/__/oM pany+tsa kA ma gu Na badz+ra pU dzi te AH_hU~M:__bkra shis rdzas brgyad 'bul la/__lha yi dbang po lha min g.yul rgyal nas/__/bkra shis lha mo brgyad kyis mchod pa ltar/__/bcom ldan rgyal ba sras dang bcas pa la/__/bkra shis rtags brgyad dag gis mchod par bgyi/__/oM aSh+Ta mang+ga laM badz+ra pU dzi te AH_hU~M:__na bza' phul la/__sna tshogs dbang po'i gzhu ltar rab bkra zhing /__/gang la reg na bde ba'i rgyur gyur pa/__/gos bzang rin chen bdag blo sbyang phyir 'bul/__/bzod pa dam pa'i gos kyis brgyan par shog__/oM badz+ra wa sa se pra tits+tsha swA hA:__gsum pa yan lag lhag ma rnams ni/__gang zhig thogs med srid pa'i chu klung du/__/ma lus kun rtog gis bsags rnyogs pa rnams/__/thugs rje che ldan spyan sngar de dag ni/__/cho ga bzhin du thams cad bshags par bgyi/__/rdzogs sangs rgyas dang byang chub sems dpa' dang /__/'phags pa gzhan gyi dge ba gang mdzad pa/__/ma lus 'gro ba'i bsod nams rgya mtsho'i tshogs/__/de dag kun la rjes su yi rang ngo /__/mos dang bsam pa ji bzhin zab pa dang /__/rgya che'i chos 'khor chad pa med par bskul/__/sprul pas 'gro la sman slad rtag bzhugs gsol/__/bsod nams bla med byang chub phyir bsngo'o/__/zhes pa tsam mam/__cung zad spro na mchod pa'i 'phros su bzang spyod kyi yan lag bdun pa sbyar yang legs so/__/bzhi ba bzlas pa ni/__rang gi thugs ka'i sa bon sngags phreng dang bcas pa las byung ba'i 'od zer gyis mdun bskyed bcom ldan 'das kyi thugs rgyud bskul/__s+pha ra Na phaT/__mdun bskyed kyi dwangs ma'i thugs srog sngags phreng dang bcas pa las 'od zer nam mkha' gang bar 'phros/__phyogs bcu dus bzhi'i de bzhin gshegs pa sras dang bcas pa thams cad kyi thugs dam bskul/__saM ha ra Na hU~M/__sku gsung thugs kyi byin brlabs dang dngos grub thams cad bsdus dkyil 'khor gyi lha la thim/__gzi brjid mchog tu 'bar ba'i 'od zer phyogs bcur 'phros/__bdag dang sems can thams cad la phog pas las dang nyon mongs pa'i sgrib pa dag__/dngos grub thams cad thob rang snang ye shes kyi 'khor lo dang ro gcig tu gyur par bsam la gzungs ci nus bzla/__bum pa rang byung gzhal yas khang pa ru/__/bcom ldan mi 'khrugs rgyal ba gsal ba yi/__/sku las las sgrib sbyong byed bdud rtsi'i rgyun/__/babs pas bum pa bdud rtsis gang bar gyur/__/ces gzungs thag blangs la bum bzlas bya/__oM AH_hU~M:__gis mchod yon phul bas/__lha 'od du zhu bas bum chu bdud rtsir gyur/__dbang dang gnas lung 'brel na skabs 'dir las bum du bdud rtsi 'khyil pa'i bskyed bzlas spyi mthun bya/__gsum pa rjes kyi rim pa la/__gtor 'bul spro na/__gtor ma'i steng du a las zla dkyil dbus/__/hU~M las 'od zer dkar po'i tshogs spros pas/__/gtor mar thim pas gtor ma ye shes kyi/__/bdud rtsi'i rang bzhin zad mi shes par gyur/__/oM AH_hU~M/__lan gsum brjod/__de nyid bcom ldan ljags rtse'i 'od zer gyis/__/sbu gus drangs te gsol bas mnyes par gyur/__/oM a kA ro sogs lan gsum gyis phul la/__bdag sogs sems can thams cad kyi/__/las sgrib ma lus byang ba dang /__/mchog dang thun mong dngos grub kun/__/myur du thob par mdzad du gsol/__/phyi gtor/__ra~M ya~M kha~M gis bsang sbyangs/__oM AH_hU~M ha ho hrI:__gsum gyis brlabs/__thugs ka'i 'od zer gyis rnam bzhi'i mgron rigs skad cig gis 'dus par gyur/__badz+ra sa mA dzaHsam+b+har lan bdun gyis bsngos/__hU~M:__rin chen rgya chen snod nang du:__zhal zas sna tshogs gtor ma'i rgyu:__dkar gsum mngar gsum gtor ma'i rgyan:__'bru gsum sngags kyi byin brlabs nas:__mi mnyes pa ni gang yang med:__rgyal ba mchod pas mnyes gyur cig:__dam can thugs dam bskang gyur cig:__rigs drug 'dod pa tshim gyur cig:__lan chags bu lon 'khor gyur cig:__mgron rnams ma lus 'khor bcas la:__tshad med gtor ma 'di bsngos pas:__bdag sogs sems can thams cad kun:__longs spyod ldan zhing tshogs rdzogs nas:__thams cad sangs rgyas myur thob shog:__ces dang /__mchod sbyin gtor ma sogs spyi ltar brjod la phrin las bcol/__su s+tha na gats+tshas gshegs su gsol/__de nas mchod pa kha gsos la/__byin rlabs chu gnyis nyer spyod rol mo bcas pa sngags mchod tsam gyis 'bul la/__stobs ldan rdo rje glang po'i khrir/__/me long ye shes thugs rdo rje/__/sngon po rdo rje bdud la rgya/__/phyag 'tshal rdo rje mi 'khrugs la'o/__/zhes pas bstod/__ma rnyed yongs su ma tshang dang /__zhes sogs dang /__yig brgyas nongs pa bshags/__mdun bskyed ras bris yin na/__'dir ni gzugs dang sogs/__oM su pra tiSh+Tha badz+ra ye swA hA/__zhes brtan bzhugs bya/__bdag bskyed ni/__rang gi snying ga'i 'od kyis phog pas dkyil 'khor gyi 'khor lo 'od du zhu nas bdag nyid dam tshig sems dpa' la thim/__de thugs ka'i zla ba sngags phreng dang bcas pa la thim/__de'ang hU~M la thim/__hU~M nA dA'i bar du rim gyis thim nas mi dmigs par gyur/__ces mnyam par bzhag__/slar bcom ldan 'das rdo rje mi 'khrugs pa'i skur gyur pa'i gnas gsum 'bru gsum gyis mtshan par gyur/__ces bsdu ldangs bya/__'jam dpal dpa' bos ji ltar sogs sho lo ka gnyis/__gzhan yang theg pa chen po'i bsngo smon ci rigs dang /__khyad par mngon dga'i zhing smon gdab/__zhal nas gsungs pas thog drangs shis brjod rgya cher bya'o/__/gsum pa de'i yan lag rnam grangs mang yang 'dir nye bar mkho ba la gsum/__slob ma rjes 'dzin/__gnas lung /__byab khrus rnams/__dang po ni/__bca' gzhi gong smos dang /__bdag mdun sgrub mchod las bum bskyed bzlas par song nas/__ting nge 'dzin gyi dbang len bya/__slob ma gzhug par gnang ba zhu/__de nas slob ma rnams la khrus bya/__bgegs bskrad srung 'khor spyi ltar bya dgos min skabs dang bstun/__sems bskyed gsal btab nas/__de la spyir sangs rgyas thams cad mnyam pa nyid gsum brnyes par mtshungs pas ngo bo la khyad par byar med kyang /__thog ma'i thugs bskyed tshul dang smon lam khyad par las phrin las kyi rnam pa ston tshul rgya che chung ci rigs 'byung ba las/__bcom ldan 'das mi 'khrugs pa 'di ni ngo mtshar rmad du byung ba'i thugs bskyed dang /__smon lam chen po brgyad/__nan tan du bya ba bdun/__sgrub pa'i smon lam bco brgyad sogs yongs su grub pas sangs rgyas gzhan las khyad par du byas shing da ltar shar phyogs mngon par dga' ba'i zhing khams su 'tsho zhing gzhes la chos ston par mdzad pa ste/__de'i ya mtshan gyi rnam par thar pa la bdag cag gi ston pa sogs phyogs bcu'i sangs rgyas rnams kyis rang rang gi zhing khams rnams su bsngags pa gsungs bar mdzad la/__bye brag tu mgon po gang gi mtshan dang gzungs sngags tsam 'chang ba la thogs med nas bsags pa'i las kyi sgrib pa rgyun gcod pa dang /__bdud dang bdud ris kyi lha rnams kyis nam yang bar gcod rtsom mi nus pa sogs gnas skabs dang mthar thug gi phan yon rgya chen po thob pa'i phrin las mnga' bas khyad par du 'phags pa ste/__gzungs mdo las/__'di bzlas brjod byas na las gcig nas gcig tu brgyud pa thams cad rnam par dag par 'gyur ro/__/dus gsum du bzlas brjod byas na mtshams med pa'ang byang bar 'gyur ro/__/zhes dang /__lan gcig bzlas na/__bkra mi shis pa dang /__ltas ngan pa dang /__rmi lam ngan pa thams cad med par 'gyur ro/__/zhes dang /__gang zhig snying rjes non te ri dwags dang bya dang mi ma yin rnams kyang rung ste 'chi ba'i tshe rna khung du brjod na de ngan song du 'gro bar mi 'gyur ro/__/zhes sogs dang /__mtshams med pa lnga byed pa'am/__dam pa'i chos spong ba'am/__'phags pa la bskur pa btab pa'ang rung ste/__'chi kar rtsigs pa la gzungs sngags 'di bris pa mthong na'ang de'i las kyi sgrib pa thams cad zad par 'gyur na 'don pa dang bzlas brjod byed pa lta ci smos te/__de bzhin gshegs pa mi 'khrugs pa de nyid byon nas 'di skad du rigs kyi bu tshur nga'i gan du shog ces kyang gsung bar 'gyur ro/__/zhes sogs dang /__lus la 'chang ngam glegs bam la bris te mgul du thogs te 'chang na de la dus ma yin par 'chi ba rnams 'byung bar mi 'gyur ro/__/zhes gsung ba'i mchog tu 'gyur ba sogs rgya cher bsngags pa 'di la sgrub thabs kyi bka' srol 'ga' zhig 'byung ba las 'dir ni sangs rgyas gnyis pa pad+ma kA ra'i zhal lung sprul pa'i gter chen byang chub rgyal mtshan gyi zab gter klong gsal rdo rje snying po'i chos sde las byon pa ste/__de'i lugs kyi smin byed zab mo bsgrub pa la sogs kyis mtshams sbyar te maN+Dal 'bul du gzhug__/gsol ba 'debs pa 'di'i rjes bzlos/__e ma:__bla ma rgyal ba'i thugs klong du:__sangs rgyas kun gyi dkyil 'khor rdzogs:__bdag la mgon po mi 'khrugs pa'i:__dbang mchog dam pa stsal du gsol:__gsum pa bla mas/__dad ldan bu 'ong skal pa bzang :__mi 'khrugs mgon po'i dbang 'dod na:__yid kyi khyer so ji ltar lags:__zhes dris pa'i lan gsol bar mos la 'di'i rjes zlos/__dga' chen khyod bdag ston pa ste:__slob dpon khyod ni dgongs su gsol:__byang chub chen po'i tshul ston pa:__:__mgon po chen por bdag 'tshal lo:__dam tshig de nyid bdag la stsol:__byang chub sems kyang bdag la stsol:__sangs rgyas chos dang dge 'dun te:__skyabs gsum dag kyang bdag la stsol:__thar pa chen po'i grong mchog tu:__mgon pos bdag ni bzhugs par 'tshal:__de nas rgyud dag par bya ba'i slad du dkyil 'khor gyi dbus 'di na bcom ldan 'das mi 'khrugs pa sangs rgyas dang byang chub sems dpa'i tshogs dang bcas te bzhugs pa'i drung du/__dkon mchog gsum la skyabs su 'gro ba dang /__sdig pa sngar byas bshags shing phyin chad bsdom pa dang /__dge ba la rjes su yi rang ba dang /__byang chub mchog tu sems bskyed pa dang /__dge ba'i rtsa ba bsngo ba rnams legs par bya snyam pas 'di'i rjes bzlos mdzod/__dkon mchog gsum la bdag skyabs mchi/__/sdig pa mi dge so sor bshags/__/'gro ba'i dge la rjes yi rang :__sangs rgyas byang chub yid kyis bzungs/__/sangs rgyas chos dang tshogs mchog la/__/byang chub bar du skyabs su mchi/__/rang gzhan don gnyis rab sgrub phyir/__/byang chub sems ni bskyed par bgyis/__/byang chub mchog gi sems ni bskyed bgyid nas/__/sems can thams cad bdag gis mgron du gnyer/__/byang chub spyod mchog yid 'ong spyad par bgyi/__/'gro la phan phyir sangs rgyas 'grub par shog__/lan gsum/__de nas ye shes pa dbab pa yin pas dmigs pa 'di ltar mdzod/__bsang sbyang /__stong pa'i ngang las pad+ma dang zla ba'i gdan la khyed rang rnams kyi sems nyid kyi ngo bo hU~M sngon po/__de yongs su gyur pa las khyed rang bcom ldan 'das mgon po mi 'khrugs pa sku mdog mthing ga sprul sku'i cha lugs can mtshan dang dpe byad rdzogs pa/__phyag g.yas sa gnon dang g.yon mnyam bzhag rdo rje bsnams pa/__chos gos rnam gsum gsol cing zhabs rdo rje'i skyil mo krung gis 'od zer 'bar ba'i klong na bzhugs pa'i gnas gsum 'bru gsum gyis mtshan pa dang /__slob dpon gyi thugs ka nas kyang 'od zer dpag med 'phros pa shar phyogs mngon par dga' ba'i zhing khams nas ye shes pa dpag tu med pa char babs pa ltar byon nas thim par mos shig__/spos rol dbyangs bcas spyan 'dren brjod/__snying po'i mthar/__badz+ra A we sha ya a AH_btags pa brjod la dbab/__tiSh+Tha badz+ra dang rdo rje mgor bzhag la brtan/__dngos gzhi thog mar bum pa sku'i dbang bskur ba la/__dkyil 'khor gyi gtso bo bcom ldan 'das mgon po mi 'khrugs pas rin po che'i bum pa ye shes kyi bdud rtsis gang ba bsnams te dbang bskur bas bdud rtsi'i chu rgyun spyi bo nas zhugs/__rkang mthil yan gyi lus thams cad ye shes kyi bdud rtsis gang bar mos shig__/byas la/__hU~MHbum pa gzhal yas dam pa ni:__bcom ldan mgon po mi 'khrugs pa'i:__thugs rje'i chu rgyun rab g.yo bas:__sku yi dbang thob lus sgrib dag:__snying po'i mthar/__badz+ra ak+Sho b+h+yaHka ya a b+hi Shiny+tsa oMHzhes bum pa spyi bor bzhag cing 'thor 'thung bya/__des sku bum pa'i dbang thob/__lus sgrib dag__/snang stong lha sku bsgom pa la dbang ba yin no/__/gnyis pa sngags phreng gsung gi dbang bskur ba la/__dkyil 'khor lha'i mgrin pa nas sngags kyi phreng ba byung ste bzlas phreng dang dbyer med pa khyed rang gi mgrin par thim par mos/__phreng ba sngon po mgrin par bzhag la/__bcom ldan mgon po'i sngags dbang rdzogs:__baiDUr+ya yi phreng ba 'dis:__skal ldan bu la dbang bskur bas:__gsung dbang thob nas ngag sgrib dag:__sngags snga ma lta bu'i mthar/__wAk+ka a b+hi Shiny+tsa A:__des gsung sngags kyi dbang thob/__ngag sgrib dag grags stong bzlas brjod bya ba la dbang ba yin no/__/gsum pa phyag mtshan thugs kyi dbang bskur ba la/__bcom ldan 'das kyis thugs ka nas ye shes kyi rdo rje sngon po rtse lnga pa 'phros/__khyed rang gi snyir gar thim par mos shig__/rdo rje snying gar bzhag go__/bcom ldan rigs kun 'dus pa yi:__baiDUr+ya yi phyag mtshan 'dis:__skal ldan khyed la dbang bskur bas:__thugs dbang thob nas yid sgrib dag:__sngags mthar/__tsit+ta a b+hi Shiny+tsa hU~M:__des thugs phyag mtshan gyi dbang thob/__yid kyi dri ma dag__/gsal stong ye shes bsgom pa la dbang ba yin no/__/bzhi pa yongs rdzogs sku brnyan gyi dbang bskur ba la dkyil 'khor gyi lha las ye shes kyi sku gnyis pa 'phros te khyed rang la thim par mos shig__/sku rten spyi bor dang lag tu bzhag la/__bu khyod nyon cig gsol ba thob:__bcom ldan mgon po mi 'khrugs pa:__dngos su khyod kyi spyi bor byon:__sgrib pa bzhi dag dbang bzhi thob:__sngags mthar/__sarba a b+hi Shiny+tsa ho:__des yongs su rdzogs pa lha sku phyag rgya'i dbang thob/__sgrib pa bzhi dag__/dbang bzhi cig car du rdzogs/__sgom bzlas ting nge 'dzin gyi las rab 'byams bsgrub pa la dbang ba yin no/__/spro na bkra shis rdzas rtags sbyin/__shis pa brjod/__de ring phyin chad bu khyod kyis:__mgon du mi 'khrugs rgyal ba zung :__lha bsgom sngags bzlas ting 'dzin las:__nam yang g.yel bar ma byed cig:__ji ltar bsgos pa sogs dam tshig gi rim pa rnams tshul bzhin bsrung snyam pas 'di'i rjes zlos/__gtso bos ji ltar sogs gtang rag maN+Dal phyi mchod spyi ltar bya'o/__/gnyis pa gshin po rjes 'dzin gnas lung ni/__dkyil 'khor gyi shar phyogs su pad+ma 'dab brgyad bris pa'i khar ming byang sogs rten bzhag__/sbyang chas brab rdzas zas gtad sogs 'og tu dgos pa rnams tshang bar byas la/__phrin las bskyed bzlas/__las bum bsgrub pa/__dbang len pa/__gnang ba zhu ba yan grub pa dang dmigs rten mdun du bzhag la/__gsang sbyang /__stong pa'i ngang las pad+ma dang zla ba'i gdan la ming byang nr-i las tshe 'das kyi gzugs kyi rnam pa ji lta bar gyur/__rnam shes 'gugs pa ni/__lcags kyu'i phyag rgya dang snying ga'i hU~M gi 'od zer gyis rnam shes bkug par bsam zhing /__na mo/__rtsa brgyud kyi bla ma mchog gsum rgyal ba rgya mtsho'i tshogs dang bcas ba rnams kyis bden pa dang /__ngan 'gro thams cad rnam par sbyong ba bcom ldan 'das mi 'khrugs pa'i lha tshogs rnams kyis bden pa dang /__gsang sngags rigs sngags gzungs sngags snying po phyag rgya ting nge 'dzin rnams kyis bden pa dang /__bden pa chen po'i byin brlabs kyis tshe las 'das pa ch+gai'i rnam par shes ba khams gsum rigs drug gi gnas gang na gnas kyang skad cig gis 'dir mchis par gyur cig__/oM badz+ra A kar Sha ya dzaHzhes pas rnam shes dang /__sarba pA paM A na ya hU~MHzhes pas sdig pa bkug nas/__dzaHhU~M ba~M hoHrnam shes a dkar po'i rnam par rten la thim par gyur/__bgegs sbyong ba ni gtor ma rten la bskor zhing /__oM sarba big+h+nAn na maHsarba ta thA ga ta b+h+yo sogs/__gr-ih+Ne daM ba l+yA di swA hA/__zhes sogs gsum gyis zhi ba/__ting lo chang bus bskor zhing hU~M bzhi pa gsum gyis phyed ma/__bden stobs sngar bzhin brjod pa'i mthar/__tshe las 'das pa la gson gyi dus su tshe la bar du gcod cing gshin gyi dus na sdig pa sbyong ba la bar du gcod pa'i gdon bgegs thams cad gtor ma 'dis tshim par gyis la dpag tshad dang rgyang grags su ma gnas par song zhig__/gal te mi 'gro na ye shes kyi rdo rje 'bar bas mgo bo tshal pa brgyar 'gas par 'gyur ta re/__zhes dang drag sngags gul yungs rol mo sogs drag po'i tsham rngams dang bcas gtor ma rgyangs ring du dor ba ste drag pos sbyangs ba'o/__/hU~M hU~M hU~M bi shwa badz+ra kro d+ha dz+wa la maN+Da la phaT phaT phaT/__ha la ha la ha la hU~M/__oM sum b+ha sogs/__sdig sbyong ni/__rten gyi mdun du til dang me chu bshams/__tshe las 'das pa'i sdig sgrib thams cad kaM nag po'i rnam pas sna bug nas thon/__sna sgor sdig pa'i rnam par byung te til la thim par bsam zhing /__til g.yas g.yon gyis mer bsregs chur dor la/__oM sarba pA paM da hA na b+ha smin ku ru ye swA hA/__zhes pas sdig pa thams cad ye shes kyi me chus sbyongs bar bsam/__de nas sgrib sbyong gi sngags bzlas pa'i bye ma dang yung dkar gyis brab cing /__kaM ka ni/__yig brgya/__kun rig sngags rnams dang /__oM da hA da hA sarba na ra ka ga ti he tuM hU~M phaT/__oM pa tsa pa tsa sarba pre ta ka ga ti he tuM hU~M phaT/__oM ma tha ma tha sarba ti d+ya ka ga ti he tuM hU~M phaT/__ces bzlas pas sdig sgrib thams cad nyi mas ba mo zhu ba bzhin dag par bsam/__khrus bya ba ni/__thog mar dkyil 'khor sogs rten gyi gzugs brnyan shar ba'i me long ngos la khrus gsol zhing /__ji ltar bltam pa sogs dang /__'di ni thab kyi chog sogs/__rgyal ba'i sku gsung thugs mchog la/__/nyon mongs dri ma mi mnga' yang /__/tshe 'das sgo gsum sgrib sbyang phyir/__/gtsang ma'i chab kyis khrus gsol lo/__/oM sarba ta thA ga ta a b+hi She ka te sa ma ya shrI hU~M/__zhes dang /__de dag sku la mtshungs pa med pa'i gos/__/gtsang la dri rab bgos pas sku phyi'o/__/oM hU~M trA~M hrIHAH_kA ya bi sho d+ha na swA hA/__zhes sku phyi khrus chu slar yang bum par blugs pas ming byang sogs rten la bkru zhing /__rnam dag gtsang dwangs lha yi chu/__/yid 'ong dri zhim gang gA'i rgyun/__/phyag rgya ye shes bum pa'i chus/__/tshe 'das sgrib pa dag gyur cig__/ces dang /__kaM ka ni brjod/__gzhan yang /__'di ni sbyin pa'i rang bzhin chu/__/ser sna'i dri ma dag mdzad cing /__/gtong ba dri yis legs bgos chu/__/khrus legs mdzad kyis khrus bgyi'o/__/'di ni tshul khrims rang =/__khrims 'chal dri=/__srungs ba dri=/__khrus legs mdzad=/__'di ni bzod pa'i=/__khong khro'i dri ma=byams pa dri yis=/__khrus legs mdzad kyis=/__'di ni brtson 'grus=/__le lo'i dri ma=/__brtson pa'i dri=/__khrus legs mdzad kyi=/__'di ni bsam tan rang =/__rnam g.yeng dri ma dag=/__ting 'dzin dri yis=/__khrus legs mdzad kyi=/__'di ni shes rab rang bzhin=/__shes 'chal dri ma dag=/__ye shes dri yis legs=/__khrus legs mdzad kyis khrus bgyi'o/__/rnams su bsgyur ba so so'i mtshams su gzungs sngags bzlas shing rol mo dang bcas pas khrus bya/__dug sbyong ba ni/__bum chus rten la byabs shing /__'dod chags zhe sdang gti mug gsum/__/'di dag 'jig rten dug gsum ste/__/sangs rgyas bcom ldan dug mi mnga'/__/sangs rgyas bden pas dug sbyang ngo /__/de bzhin tu chos dang dge 'dun la yang sbyar/__'byung ba so sos byas shing /__sa 'di dug gi pha yin te/__/sa 'di dug gi ma yin te/__sangs rgyas spyan ma'i byin rlabs kyis/__/tshe 'das khyod la dug med shog__/de bzhin du/__chu=me=rlung =rnams/__mA ma ki=gos dkar mo=dam tshig sgrol ma=zhes sbyar bas dug sbyang /__skyabs su 'gror 'jug pa ni/__tshe 'das dkyil 'khor pa la phyag 'tshal zhing gsol ba 'debs par bsam la mdun bskyed skabs su bshad pa'i phyag bya/__de nas dbang bskur ba ni/__spro na slob ma rjes 'dzin skabs ltar bya zhing 'dir 'jug__/bsdu na/__tshe 'das skad cig gis bcom ldan 'das mi 'khrugs pa'i skur gyur pa'i gnas gsum 'bru gsum gyis mtshan pa dang /__slob dpon gyi thugs ka nas 'phros pa'i 'od zer gyis ye shes pa dpag tu med pa spyan drangs te thim par gyur/__snying bo'i mthar/__badz+ra A be sha ya a AH_btags ba brjod la rol lo bsgrag__/tiSh+Tha badz+ras brtan/__bum pa gnas gsum du rim par bzhag la/__oM/__dpal ldan sangs rgyas sku 'chang ba/__/rdo rje mi phyed sku dang ldan/__/deng 'dir sangs rgyas thams cad kyi/__/sku yi dbyig tu dbang bskur ro/__/sngags mthar/__badz+ra ak+Sho b+h+yaHkA ya a b+hi Shiny+tsa oM/__des 'gres te/__gsung =wA ka=thugs=tsit+ta zhes bsgyur bas dbang bskur/__de nas zas gtad ni/__bza' btung sna tshogs bshams/__ra~M ya~M kha~M/__'dod yon gyi phung po zad mi shes pas nam mkha' gang bar bsam la/__nam mkha' mdzod kyis sngags dang phyag rgyas byin gyis rlabs la/__phyogs dus kun na gzugs sgra dri ro dang /__/reg bya'i khyad par dbang po tshim byed rnams/__/mi 'khrugs mgon po'i gnas thob khyod la 'bul/__/zag med dga' bdes rtag tu tshim par shog__/oM ak+Sho b+h+yaHsany+tsa kA ma gu Na pra tits+tsha hU~M swA hA/__zhes bsngo/__gdams ngag brjod cing lam bstan pa ni/__nyon cig tshe 'das skal pa can/__/rigs drug gnas na bde ba med/__/sdug bsngal las la ma chags par/__/ma yengs rtse gcig dran bas zung /__/sems nyid ye shes ngo bo la/__/'gyu dran 'dzin chags rang sar grol/__/rang rig gsal stong dbyer med pa/__/rgyal ba'i sku gsung thugs la thim/__/skye 'chi 'khor ba'i ming yang med/__/ji srid 'khor ba ma stong bar/__/sprul pas 'gro don byed par shog__/d+harma kA ya a AH_rnam shes a thung gi rnam pas spyi bo nas thon mngon dga'i zhing du song nas sangs rgyas mi 'khrugs pa'i thugs kar thim bar gyur par bsam mo/__/de nas mtshan byang bsregs pa ni/__dkyil 'khor lha tshogs rnams kyi thugs ka nas ye shes kyi 'od zer byung bas tshe 'das kyi phung khams skye mched 'khor ba'i chos thams cad dmigs med ka dag gi dbyings su sbyang bar bsams la/__me sbar la/__hU~MHchos kyi dbyings kyi thab khung du/__/bdag 'dzin phung po'i bud shing la/__/shes rab ye shes me sbar te/__/tshe 'das nyon mongs bag chags bsregs/__/'di ni skye 'gag smon pa dang /__/gnas med mtshan ma med pa'i me/__/'di ni rang byung ye shes me/__/bdag 'dzin mtshan ma'i rtog pa bsregs/__/don la bsreg bya sreg byed kun/__/bya rtsol med par ye sangs rgyas/__/'bad med lhun grub chos kyi sku/__/rang byung ye shes der snang ngo /__/zhes dang /__kaM ka ni sogs sgrib sbyong gi sngags rnams kyi mthar ag+ne ye dz+wa la raM btags pas bsreg__/thal ba bum chu dang sa gtsang gi 'jim pas sAts+tsha 'debs la rab gnas bya/__bsngo smon ni/__hoHbla ma yi dam thugs rje yis/__/ngan song gnas nas khyod drangs te/__/mtho ris gnas su mya ngan 'da'/__/rgyu rkyen rten 'brel phun tshogs pas/__/tshe 'das don phyir dge sbyong gang /__/'gro kun don du dmigs bya nyid/__/mi 'khrugs rgyal po'i sku thob shog__/hA+o:__dkon mchog bden pa'i mthu byin gyis/__/tshe 'das ngan song sgo kheg nas/__/mtho ris byang chub lam zhugs te/__/mi 'khrugs go 'phang myur thob nas/__/rnam mkhyen sku gsum lhun grub shog__/ces dang gzhan yang zhing smon gtsor gyur theg pa chen mo'i smon lam ji ltar nus pa gdab/__de nas las gzhung gtor 'bul sogs rjes chog rnams bya'o/__/gsum pa byab khrus ni/__spyir nad gdon rkyen ngan thams cad sngon las kyi sdig sgrib las byung ba yin pas 'di'i khrus bya ba ni 'phral yun gnyis kar dgos pa phan yon shin tu che bas dus nam yang bya chog la/__bye brag slob dpon dze tA ri'i rgya gzhung sogs las kyang dmigs su bshad pas dgos pa dmigs bsal byung na/__bdag mdun bum sgrub bcas legs par grub nas/__bsgrub bya mdun du 'khod pa la/__sbyong ba zhi drag__/til sbyong bcas sngon du 'gro bas/__bkru byab bsrung gsum gyi cho ga spyi 'gro lha sngags kha bsgyur bya/__mthar gzungs sngags shog dris yod na mchog tu gyur ba dang /__med na gzungs sngags btab pa'i srung skud mgul du gdags la/__sngags mthar rak+Sha rak+Sha btags pa brjod cing shis brjod byas pas 'grub bo/__/mi bskyod rgyal ba'i thugs rje'i lcags kyu yis/__/'brel bcas 'gro kun mngon dga'i zhing du drangs/__/mgon po nyid mtshungs byang chub spyod pa rdzogs/__/sangs rgyas zhing sbyong mngon 'tshang rgya gyur cig__/'di la gsang ma jo lugs dang sbyar ba'i chog khrigs kaM tshang lugs kyis bkab pa sogs 'dug kyang grub thob so so'i bzhed gzhung rang rang gi bka' srol ltar spyod pa las gzhan gyis rgyas bkab tshe gnyis byas pas gnyis min tu 'gyur ba mthong bas/__rang gzhan la phan 'dod lhag pa'i bsam pas pad+ma gar dbang blo gros mtha' yas pa'i sde'i rdzong shod bde gshegs 'dus ba'i pho brang chen por sdebs pa dge legs 'phel/__/sarba mang+ga lam//___//