JKCL-KABUM-04-NGA-012

From Khyentse Lineage - A Tsadra Foundation Project

རྒྱལ་གདོན་སྙིང་ནད་ཞི་བའི་བླ་མའི་རྣལ་འབྱོར།
Wylie title rgyal gdon snying nad zhi ba'i bla ma'i rnal 'byor JKCL-KABUM-04-NGA-012.pdf
Location chos kyi blo gros bka' 'bum
Volume 4, Text 12, Pages 63-64 (Folios 1a1 to 1b1)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. rgyal gdon snying nad zhi ba'i bla ma'i rnal 'byor. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 4: 63-64. Bir, H.P.: Khyentse Labrang, 2012.
Genre Guru Yoga Texts - bla ma'i rnal 'byor
Colophon

།ཞེས་པའང་མེ་བྱ་ཟླ་༡༠ཚེས་༡༤ལ་འབྲས་ལྗོངས་གནས་ནང་དུ་པདྨ་ཡེ་ཤེས་རྡོ་རྗེའི་ཡིད་ལ་འཆར་བ་བཞིན་བྲིས་པ་དུས་ངན་རྒྱལ་གདོན་གྱི་གནོད་པ་ལ་མཆོག་ཏུ་ཕན་པའི་རྒྱུར་གྱུར་ཅིག །།། མངྒ་ལཾ།།

/zhes pa'ang me bya zla 10tshes 14la 'bras ljongs gnas nang du pad+ma ye shes rdo rje'i yid la 'char ba bzhin bris pa dus ngan rgyal gdon gyi gnod pa la mchog tu phan pa'i rgyur gyur cig__///__mang+ga laM//

":Property:textsubnumber|textsubnumber" can not be assigned to a declared number type with value 1.

[edit]
རྒྱལ་གདོན་སྙིང་ནད་ཞི་བའི་བླ་མའི་རྣལ་འབྱོར་བཞུགས། །པདྨ་གུ་རུ་ལ་ན་མོ། ཨཿ རང་གི་སྤྱི་བོར་པད་ཉི་དང་། །རྒྱལ་བསེན་ཕོ་མོའི་གདན་སྟེང་དུ། །རྩ་བའི་བླ་མ་གུ་རུ་རྗེ། །ཁྱབ་བདག་པདྨ་དྲག་པོ་ནི། །དམར་ནག་ཞལ་གཅིག་ཕྱག་གཉིས་པ། །རྡོ་རྗེ་སྡིག་འཛིན་ཁྲོ་ཆས་རྫོགས། །གནས་ལྔར་གཤིན་རྗེ་རྟ་མགྲིན་དང་། །ཕྱག་རྡོར་ཕག་མོ་མེ་དབལ་རྣམས། །རང་རང་རྒྱན་དང་ཕྱག་མཚན་འཛིན། །ཐུགས་ཀར་རིག་འཛིན་ཀློང་གསལ་སྙིང་། །སྔགས་ཆས་རྡོ་རྗེ་ལྕགས་སྡིག་འཛིན། །རྔམས་བརྗིད་དཔལ་དང་ལྡན་པར་བསྒོམ། །གནས་གསུམ་རྡོ་རྗེ་གསུམ་གྱིས་མཚན། །དམ་ཚིག་ཡེ་ཤེས་དབྱེར་མེད་བསྒོམ། །གསོལ་འདེབས་ནི། རྗེ་བཙུན་པདྨ་ཐོད་ཕྲེང་རྩལ། །དྲག་པོ་ཡེ་ཤེས་རབ་འབར་དང་། །དབྱེར་མེད་ཀློང་གསལ་སྙིང་པོ་ལ། །སྙིང་ནས་གུས་པས་གསོལ་བ་འདེབས། །གེགས་ཞི་བསམ་དོན་ལྷུན་གྲུབ་ཤོག །ཅེས་གྲངས་མང་གསོགས། བླ་མའི་སྐུ་ལས་འོད་ཟེར་ནི། །བདུད་རྩིའི་ཆུ་རྒྱུན་དཀར་ལ་དམར། །དཔག་མེད་བབས་ནས་ལུས་ཀུན་གང་། །སྙིང་གི་ནད་རྣམས་སེལ་བ་དང་། །བདུད་རྩིས་ལུས་ཀུན་ཁེངས་པར་མོས། །མཐར་ནི་བླ་མ་མར་བྱོན་ཏེ། །ཙིཏྟ་སྨུག་པོའི་མཆོང་གུར་ནང་། །འབྲལ་བ་མེད་པར་བཞུགས་པར་བསམས། །ཐུགས་ཡིད་བསྲེས་ལ་མཉམ་པར་བཞག །དགེ་བསྔོ་བྱའོ། །ཞེས་པའང་མེ་བྱ་ཟླ་༡༠ཚེས་༡༤ལ་འབྲས་ལྗོངས་གནས་ནང་དུ་པདྨ་ཡེ་ཤེས་རྡོ་རྗེའི་ཡིད་ལ་འཆར་བ་བཞིན་བྲིས་པ་དུས་ངན་རྒྱལ་གདོན་གྱི་གནོད་པ་ལ་མཆོག་ཏུ་ཕན་པའི་རྒྱུར་གྱུར་ཅིག །།། མངྒ་ལཾ།། །།
[edit]

rgyal gdon snying nad zhi ba'i bla ma'i rnal 'byor bzhugs/__/pad+ma gu ru la na mo/__aH_rang gi spyi bor pad nyi dang /__/rgyal bsen pho mo'i gdan steng du/__/rtsa ba'i bla ma gu ru rje/__/khyab bdag pad+ma drag po ni/__/dmar nag zhal gcig phyag gnyis pa/__/rdo rje sdig 'dzin khro chas rdzogs/__/gnas lngar gshin rje rta mgrin dang /__/phyag rdor phag mo me dbal rnams/__/rang rang rgyan dang phyag mtshan 'dzin/__/thugs kar rig 'dzin klong gsal snying /__/sngags chas rdo rje lcags sdig 'dzin/__/rngams brjid dpal dang ldan par bsgom/__/gnas gsum rdo rje gsum gyis mtshan/__/dam tshig ye shes dbyer med bsgom/__/gsol 'debs ni/__rje btsun pad+ma thod phreng rtsal/__/drag po ye shes rab 'bar dang /__/dbyer med klong gsal snying po la/__/snying nas gus pas gsol ba 'debs/__/gegs zhi bsam don lhun grub shog__/ces grangs mang gsogs/__bla ma'i sku las 'od zer ni/__/bdud rtsi'i chu rgyun dkar la dmar/__/dpag med babs nas lus kun gang /__/snying gi nad rnams sel ba dang /__/bdud rtsis lus kun khengs par mos/__/mthar ni bla ma mar byon te/__/tsit+ta smug po'i mchong gur nang /__/'bral ba med par bzhugs par bsams/__/thugs yid bsres la mnyam par bzhag__/dge bsngo bya'o/__/zhes pa'ang me bya zla 10tshes 14la 'bras ljongs gnas nang du pad+ma ye shes rdo rje'i yid la 'char ba bzhin bris pa dus ngan rgyal gdon gyi gnod pa la mchog tu phan pa'i rgyur gyur cig__///__mang+ga laM//____//

Footnotes

Other Information