གཏེར་ཆེན་མཆོག་གྱུར་གླིང་པ་ལ་བསྟོད་ཅིང་གསོལ་བ་འདེབས་པ་བཀྲ་ཤིས་བིལ་ཝའི་ལྗོན་བཟང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	gter chen mchog gyur gling pa la bstod cing gsol ba 'debs pa bkra shis bil wa'i ljon bzang
Location	chos kyi blo gros bka' 'bum Volume 3, Text 73, Pages 259-261 (Folios 1a1 to 2a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse chos kyi blo gros. gter chen mchog gyur gling pa la bstod cing gsol ba 'debs pa bkra shis bil wa'i ljon bzang. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 3: 259-261. Bir, H.P.: Khyentse Labrang, 2012.
Genre	Supplications - gsol 'debs
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/chokgyur-lingpa-praise-prayer;https://www.lotsawahouse.org/tibetan-masters/jamyang-khyentse-chokyi-lodro/prayer-to-khyentse-wangpo-kongtrul-chokling
Colophon	First colophon page 260: །ཅེས་པའང་མདོ་ཁམས་ས་ཡི་ཐིག་ལེ་དཔེ་མེད་རྡོ་རྗེའི་ལྟེ་བ་རྩི་རྐེ་ནོར་བུ་གླིང་གི་གཏེར་ཆེན་བླ་མའི་མཆོད་སྡོང་རིན་པོ་ཆེའི་མདུན་མངོན་པར་གསོལ་བ་འདེབས་པ་པོ་ནི་འཇམ་དབྱངས་བློ་གྲོས་རྒྱ་མཚོས་དབོ་ཟླའི་ཚེས་༡༧ལ་བྲིས་པ་སིདྡྷིར་བྷ་ཝ་ཏུ། མངྒ་ལཾ།། Second colophon page 261: །ཅེས་པའང་ཆོས་ཀྱི་བློ་གྲོས་པས་བྲིས་པའོ།།
	First colophon page 260: /ces pa'ang mdo khams sa yi thig le dpe med rdo rje'i lte ba rtsi rke nor bu gling gi gter chen bla ma'i mchod sdong rin po che'i mdun mngon par gsol ba 'debs pa po ni 'jam dbyangs blo gros rgya mtshos dbo zla'i tshes 17la bris pa sid+d+hir b+ha wa tu/__mang+ga laM// Second colophon page 261: /ces pa'ang chos kyi blo gros pas bris pa'o//
Notes	This text entry also includes a one verse supplication to Chogyur Lingpa, Khyentse Wangpo, and Jamgon Kongtrul.

1 Texts in this Section (sde tshan or chos tshan)

259-261	གཏེར་ཆེན་མཆོག་གྱུར་གླིང་པ་ལ་བསྟོད་ཅིང་གསོལ་བ་འདེབས་པ་བཀྲ་ཤིས་བིལ་ཝའི་ལྗོན་བཟང་། gter chen mchog gyur gling pa la bstod cing gsol ba 'debs pa bkra shis bil wa'i ljon bzang Supplications - gsol 'debs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

གཏེར་ཆེན་མཆོག་གྱུར་གླིང་པ་ལ་བསྟོད་ཅིང་གསོལ་བ་འདེབས་པ་བཀྲ་ཤིས་བིལ་ཝའི་ལྗོན་བཟང་ཞེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་ར་ཡ། གཞི་རྫོགས་འཕོ་འགྱུར་ཀུན་བྲལ་ཆོས་དབྱིངས་མཁར། །ལོངས་སྤྱོད་ལྷུན་གྲུབ་འོད་ལྔའི་ཚོམ་བུ་བཀྲ། །ཐུགས་རྗེའི་ཟེར་ནི་གང་འདུལ་བསམ་མི་ཁྱབ། །སྐུ་གསུམ་ངོ་བོ་གཏེར་ཆེན་བླ་མ་རྒྱལ། ༡ །པདྨ་འབྱུང་གནས་དཔལ་རྣམས་ཀུན་གྱི་མཆོག །དཔལ་ལྡན་དང་པོའི་སངས་རྒྱས་ཀུན་ཏུ་འཆང་། །མཐའ་ཡས་དཀྱིལ་འཁོར་སྤྲོ་དང་བསྡུ་བའི་དཔལ། །དཔལ་ལྡན་བླ་མའི་ཞབས་ལ་གསོལ་བ་འདེབས། ༢ །འཕོ་མེད་ཚུལ་ཁྲིམས་དགའ་བཞིའི་དྲི་དང་ལྡན། །གཞན་ཕན་བྱང་ཆུབ་སེམས་ཀྱི་ཐུགས་རྒྱུད་གཏམས། །སྣོད་བཅུད་དཀྱིལ་འཁོར་གསུམ་གྱི་ངོ་བོར་ཤར། །རྡོ་རྗེ་འཛིན་རྒྱལ་ཁྱེད་ལ༴ ༣ །བཀའ་གཏེར་གཞུང་གདམས་ཆུ་ཀླུང་འབུམ་ཕྲག་སྙེད། །ཁྱེད་ཐུགས་དཔལ་གྱི་བེའུར་བསྐྱིལ་བ་དང་། །མཁས་བཙུན་གསུམ་གྱི་དབྱར་རྔའི་སྒྲ་དབྱངས་སྒྲོགས། །བློ་ལྡན་དགའ་བ་བསྐྱེད་ལ༴ ༤ །གསང་གསུམ་འཆལ་བའི་ཉེས་པས་མི་བརྫི་བཙུན། །བཟང་པོའི་ཕྲིན་ལས་ཕྱོགས་ཀྱི་ཐ་གྲུ་ཁྱབ། །མཁྱེན་བརྩེ་ནུས་པའི་ཡོན་ཏན་བསམ་ལས་འདས། །གཏེར་ཆེན་བླ་མའི་ཞབས་ལ༴ ༥ །ཀུན་དང་ཐུན་མིན་བཀའ་བབས་རིན་ཆེན་བདུན། །སྔོན་མེད་གསང་མཛོད་ཟབ་མོའི་སྒོ་འཕར་བྱེ། །པདྨའི་མཆོག་བསྟན་གསལ་བའི་སྒྲོན་མེ་ཆེ། །དམ་འཛིན་ཆོས་ཀྱི་རྒྱལ་པོར༴ ༦ །གྲོལ་བ་རྣམ་བཞིའི་ཕྲིན་ལས་མཁའ་དང་མཉམ། །ཇི་སྲིད་འགྲོ་འདི་སྟོང་བར་མ་གྱུར་པ། །དེ་སྲིད་རྣམ་རོལ་སྤྲུལ་པ་སྣ་ཚོགས་ཀྱིས། །བསྟན་འགྲོའི་དོན་ཆེན་སྒྲུབ་ལ༴ ༧ །ཁྱད་པར་པདྨས་ཁེབས་པའི་ཞིང་ཁམས་སུ། །སེམས་དཔའ་པདྨའི་མྱུ་གུས་སྐུར་བཞེངས་ཏེ། །རྒྱལ་སྲས་སེམས་དཔའི་ཚོགས་དང་ལྷན་ཅིག་ཏུ། །ཐེག་ཆེན་ཆོས་སྒྲ་སྒྲོགས་ལ༴ ༨ །མཆོད་པའི་སྤྲིན་འབུལ་སྡིག་ལྟུང་ཐམས་ཅད་བཤགས། །དགེ་ལ་ཡི་རངས་ཆོས་འཁོར་བསྐོར་བར་བསྐུལ། །མྱ་ངན་མི་འདའ་རྟག་པར་བཞུགས་གསོལ་འདེབས། །དགེ་ཚོགས་མ་ལུས་འགྲོ་བ་ཡོངས་ལ་བསྔོ། ༩ །བདག་ཅག་སྐྱེ་དང་ཚེ་རབས་ཐམས་ཅད་དུ། །གཏེར་ཆེན་བླ་མ་མཆོག་དང་མི་འབྲལ་ཤིང་། །སྡོམ་པ་རྣམ་དག་རིམ་གཉིས་ཕ་མཐར་ཕྱིན། །བླ་མ་སྐུ་བཞིའི་དབང་ཕྱུག་མྱུར་འགྲུབ་ཤོག །མཆོག་གཏེར་བསྟན་པ་འཛམ་གླིང་ཀུན་ཏུ་ཁྱབ། །གྲུབ་གཉིས་བྱེ་བའི་ནོར་བུས་གཟིར་འབར་བས། །ཕྱོགས་དུས་གནས་སྐབས་ཀུན་ཏུ་བཀྲ་ཤིས་ཤིང་། །སྲིད་ཞིའི་དགེ་མཚན་གཡས་སུ་འཁྱིལ་བར་ཤོག །ཅེས་པའང་མདོ་ཁམས་ས་ཡི་ཐིག་ལེ་དཔེ་མེད་རྡོ་རྗེའི་ལྟེ་བ་རྩི་རྐེ་ནོར་བུ་གླིང་གི་གཏེར་ཆེན་བླ་མའི་མཆོད་སྡོང་རིན་པོ་ཆེའི་མདུན་མངོན་པར་གསོལ་བ་འདེབས་པ་པོ་ནི་འཇམ་དབྱངས་བློ་གྲོས་རྒྱ་མཚོས་དབོ་ཟླའི་ཚེས་༡༧ལ་བྲིས་པ་སིདྡྷིར་བྷ་ཝ་ཏུ། མངྒ་ལཾ།། །།པདྨའི་རྒྱལ་ཚབ་འོད་གསལ་མདོ་སྔགས་གླིང་། །སྤྲུལ་པའི་གཏེར་ཆེན་མཆོག་གྱུར་བདེ་ཆེན་གླིང་། །འཇམ་མགོན་འཆི་མེད་བསྟན་གཉིས་གཡུང་དྲུང་གླིང་། །སྙིང་ནས་གསོལ་འདེབས་བདག་རྒྱུད་བྱིན་གྱིས་རློབས། །ཅེས་པའང་ཆོས་ཀྱི་བློ་གྲོས་པས་བྲིས་པའོ།། །།

[edit]

gter chen mchog gyur gling pa la bstod cing gsol ba 'debs pa bkra shis bil wa'i ljon bzang zhes bya ba bzhugs so/____/na mo gu ru pad+ma kA ra ya/__gzhi rdzogs 'pho 'gyur kun bral chos dbyings mkhar/____/longs spyod lhun grub 'od lnga'i tshom bu bkra/____/thugs rje'i zer ni gang 'dul bsam mi khyab/____/sku gsum ngo bo gter chen bla ma rgyal/__1_/pad+ma 'byung gnas dpal rnams kun gyi mchog__/dpal ldan dang po'i sangs rgyas kun tu 'chang /____/mtha' yas dkyil 'khor spro dang bsdu ba'i dpal/____/dpal ldan bla ma'i zhabs la gsol ba 'debs/__2_/'pho med tshul khrims dga' bzhi'i dri dang ldan/____/gzhan phan byang chub sems kyi thugs rgyud gtams/____/snod bcud dkyil 'khor gsum gyi ngo bor shar/____/rdo rje 'dzin rgyal khyed la=__3_/bka' gter gzhung gdams chu klung 'bum phrag snyed/____/khyed thugs dpal gyi be'ur bskyil ba dang /____/mkhas btsun gsum gyi dbyar rnga'i sgra dbyangs sgrogs/____/blo ldan dga' ba bskyed la=__4_/gsang gsum 'chal ba'i nyes pas mi brdzi btsun/____/bzang po'i phrin las phyogs kyi tha gru khyab/____/mkhyen brtse nus pa'i yon tan bsam las 'das/____/gter chen bla ma'i zhabs la=__5__/kun dang thun min bka' babs rin chen bdun/____/sngon med gsang mdzod zab mo'i sgo 'phar bye/____/pad+ma'i mchog bstan gsal ba'i sgron me che/____/dam 'dzin chos kyi rgyal por=__6_/grol ba rnam bzhi'i phrin las mkha' dang mnyam/____/ji srid 'gro 'di stong bar ma gyur pa/____/de srid rnam rol sprul pa sna tshogs kyis/____/bstan 'gro'i don chen sgrub la=__7_/khyad par pad+mas khebs pa'i zhing khams su/____/sems dpa' pad+ma'i myu gus skur bzhengs te/____/rgyal sras sems dpa'i tshogs dang lhan cig tu/____/theg chen chos sgra sgrogs la=__8_/mchod pa'i sprin 'bul sdig ltung thams cad bshags/____/dge la yi rangs chos 'khor bskor bar bskul/____/mya ngan mi 'da' rtag par bzhugs gsol 'debs/____/dge tshogs ma lus 'gro ba yongs la bsngo/__9_/bdag cag skye dang tshe rabs thams cad du/____/gter chen bla ma mchog dang mi 'bral shing /____/sdom pa rnam dag rim gnyis pha mthar phyin/____/bla ma sku bzhi'i dbang phyug myur 'grub shog__/mchog gter bstan pa 'dzam gling kun tu khyab/____/grub gnyis bye ba'i nor bus gzir 'bar bas/____/phyogs dus gnas skabs kun tu bkra shis shing /____/srid zhi'i dge mtshan g.yas su 'khyil bar shog__/ces pa'ang mdo khams sa yi thig le dpe med rdo rje'i lte ba rtsi rke nor bu gling gi gter chen bla ma'i mchod sdong rin po che'i mdun mngon par gsol ba 'debs pa po ni 'jam dbyangs blo gros rgya mtshos dbo zla'i tshes 17la bris pa sid+d+hir b+ha wa tu/__mang+ga laM//____//pad+ma'i rgyal tshab 'od gsal mdo sngags gling /____/sprul pa'i gter chen mchog gyur bde chen gling /____/'jam mgon 'chi med bstan gnyis g.yung drung gling /____/snying nas gsol 'debs bdag rgyud byin gyis rlobs/____/ces pa'ang chos kyi blo gros pas bris pa'o//____//__