ཡང་གསང་མཁའ་འགྲོའི་ཐུགས་ཐིག་ལསཿ བཤགས་པ་དྲི་མེད་ཤེལ་དཀརཿ

Previous Text Back to Volume Page Next Text

Wylie title	yang gsang mkha' 'gro'i thugs thig las bshags pa dri med shel dkar
Location	mdo mkhyen brtse bka' 'bum Volume 2, Text 7, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Confessions - bshags pa
Cycle	ཡང་གསང་མཁའ་འགྲོའི་ཐུགས་ཐིག་ (yang gsang mkha' 'gro'i thugs thig)
Parent Cycle	གཅོད་འཛིན་པ་རང་གྲོལ་ (gcod 'dzin pa rang grol)
Colophon	བདེ་ཆེན་ཆགས་པའི་མཁའ་དབྱིངས་ལསཿ བཻཌཱུར་ཡི་གེའི་དགོངས་དོན་བཞིནཿ བདེ་ཆེན་ཆགས་པའི་རྡོ་རྗེས་ཕབཿ ཡེ་ཤེས་བདེ་བས་བྲིས་པའོཿ ཿ
Colophon	bde chen chags pa'i mkha' dbyings las:_bai DUr yi ge'i dgongs don bzhin:_bde chen chags pa'i rdo rjes phab:_ye shes bde bas bris pa 'o:

[edit]

༄༅། །ཡང་གསང་མཁའ་འགྲོའི་ཐུགས་ཐིག་ལསཿ བཤགས་པ་དྲི་མེད་ཤེལ་དཀར་བཞུགསཿ རྒྱལ་ཀུན་ཐུགས་ཀྱི་བདག་ཉིད་མཆོགཿ རྡོ་རྗེ་སེམས་དཔའ་ཉིད་ལ་འདུདཿ ཉམས་ཆག་བཤགས་པའི་རྒྱལ་པོ་ནིཿ དྲི་མེད་རྣམ་དག་ཤེལ་དཀར་བསྟནཿ ཧོཿ དགོངས་ཤིག་སྟོན་པ་རྡོ་རྗེ་འཆངཿ གཟིགས་ཤིག་རིགས་ལྔ་ཡབ་ཡུམ་འཁོརཿ རྡོ་རྗེ་སློབ་དཔོན་སངས་རྒྱས་དཔལཿ སེམས་དཔའ་ཆེན་པོས་རྗེས་སུ་ཟུངསཿ བདག་ནི་ལས་ངན་སྡིག་པོ་ཆེཿ སོ་སོ་ཐར་དང་བྱང་ཆུབ་སེམསཿ ཁྱད་པར་རྡོ་རྗེའི་ཐེག་པ་ཡིཿ བསླབ་པ་འཆལ་ཞིང་སྡོམ་པ་ཤོརཿ རྩ་བ་སྐུ་གསུང་ཐུགས་གསང་དངཿ ཡན་ལག་དམ་ལས་ཉམས་གྱུར་ཅིངཿ རྡོ་རྗེའི་ཚིག་ལ་འགལ་གྱུར་པཿ གནོང་ངོ་འགྱོད་དོ་མཐོལ་ལོ་བཤགསཿ ཨོཾ་བཛྲ་སཏྭ་ཧཱུཾཿ གསང་བའི་བདག་པོའི་ཡེ་བསྲུང་ལསཿ རིག་པ་རང་བྱུང་ཡེ་ཤེས་ཤརཿ མེད་དང་གཅིག་པུ་ཕྱལ་བ་དངཿ ལྷུན་གྲུབ་རྒྱལ་བའི་དགོངས་པ་རྟོགསཿ ཉམས་དང་བསྲུང་བའི་མཚམས་ལས་འདསཿ བླང་དོར་རེ་དོགས་དགེ་སྡིག་ཀུནཿ ཆོས་ཟད་བློ་འདས་ངང་དུ་ཡལཿ སེམས་དཔའ་ཆེན་པོའི་ཐུགས་ཀློང་འདྲེསཿ འ་ཨ་ཧ་ཤ་ས་མཿ ལན་བདུན་བརྗོད་ཅིང་གནས་ལུགས་སྐྱོངཿ ཐ་སྙད་ཚིག་གི་སྤྲོས་པ་ཞིགཿ ཡང་དག་དོན་གྱི་བཤགས་པ་སྟེཿ ཆོས་ཉིད་རྟོགས་པའི་ཁྱད་ཆོས་ནོརཿ ཕྲང་བ་ཙམ་གྱིས་ཉམས་ཆག་སྦྱོངཿ སྐལ་དམན་ལག་ཏུ་མ་ཤོར་ཅིགཿ བདེ་ཆེན་ཆགས་པའི་མཁའ་དབྱིངས་ལསཿ བཻཌཱུར་ཡི་གེའི་དགོངས་དོན་བཞིནཿ བདེ་ཆེན་ཆགས་པའི་རྡོ་རྗེས་ཕབཿ ཡེ་ཤེས་བདེ་བས་བྲིས་པའོཿ ཿ