བཟའ་བཏུང་ཚོགས་འཁོར༔

🚧 This website is under continued development. We appreciate your patience!

Previous Text Back to Volume PageNext Text

Wylie title	bza' btung tshogs 'khor
Location	mdo mkhyen brtse bka' 'bum Volume 2, Text 8, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Feast Offering - tshogs mchod - tshogs kyi 'khor lo
Cycle	གཅོད་འཛིན་པ་རང་གྲོལ་ (gcod 'dzin pa rang grol)
Colophon	ཚོགས་བསྡུས་འདི་མཁྱེན་བརྩེ་ཡེ་ཤེས་རྡོ་རྗེའི་དགོངས་གཏེར་དམ་པའི་གསང་ཆོས་བཅུ་གསུམ་ལས་བྱུང་བའོ།། །།
	tshogs bsdus 'di mkhyen brtse ye shes rdo rje'i dgongs gter dam pa'i gsang chos bcu gsum las byung ba'o//

Tibetan Text

[edit]

༄༅། །སྐབས་སུ་བཟའ་བཏུང་ཚོགས་འཁོར་ནི༔ རཾ་ཡཾ་ཁཾ༔ དབྱིངས་ལས་རང་བྱུང་མེ་རླུང་ཆུས༔ ཚོགས་ཀྱི་མ་དག་ཉེས་སྐྱོན་སྦྱངས༔ འབྲུ་གསུམ་འོད་དུ་ཞུ་བ་ལས༔ ཐབས་ཤེས་རྫས་མཆོག་བདུད་རྩིར་བསྒྱུར༔ ཨོཾ་ཨཱཿཧཱུཾ་ཧ་ཧོ་ཧྲཱི༔ ཧཱུྃ༔ ཚོགས་རྫས་ཤ་ལྔ་བདུད་རྩི་ལྔ༔ འདོད་ཡོན་ལོངས་སྤྱོད་དཔག་མེད་པ༔ ཕ་ཅིག་དྲིན་ལྡན་བླ་མ་དང༔ མ་ཅིག་ཡེ་ཤེས་མཁའ་འགྲོ་མ༔ ཡི་དམ་ཁྲོས་མ་ལྷ་ལྔ་མ༔ དཔའ་བོ་དཔའ་མོའི་ཚོགས་བཅས་ལ༔ མཆོད་པ་འབུལ་ལོ་བཞེས་སུ་གསོལ༔ དགྱེས་སྐོང་དམ་ཚིག་ཉམས་ཆགས་བཤགས༔ མ་རིག་གཟུང་འཛིན་དགྲ་གདོན་ཀུན༔ རིག་པ་ཡེ་ཤེས་ཀློང་དུ་བསྒྲལ༔ སྦྱོར་སྒྲོལ་བདེ་བ་ཆེན་པོ་ཡིས༔ ཐུགས་དམ་གཉན་པོ་སྐོང་གྱུར་ཅིག༔ ག་ཎ་ཙཀྲ་པཱུ་ཙ་ཧོ༔ ས་མ་ཡ་ཤུདྡྷེ་ཨ༔ ཧ་ལ་པནྩ་པཱུ་ཙ་ཁ་ཧི༔ ཕཻཾ༔ ཀཽ་རི་མ་དང་སིང་ཧ་མ༔ འབར་མ་དབང་ཕྱུག་གིང་ལང་ཚོགས༔ ཚོགས་ལྷག་ཕམ་བབ་འདི་ལོངས་ལ༔ རྣལ་འབྱོར་པ་ཡི་ཕྲིན་ལས་སྒྲུབས༔ ཨུཥྩི་ཊ་ཨ་མྲྀ་ཏ་ཁ་ཧི།། །།ཚོགས་བསྡུས་འདི་མཁྱེན་བརྩེ་ཡེ་ཤེས་རྡོ་རྗེའི་དགོངས་གཏེར་དམ་པའི་གསང་ཆོས་བཅུ་གསུམ་ལས་བྱུང་བའོ།། །།