ཟ་བྱེད་འབར་མ་ཁྲག་རལ་ཅན་གྱི་གསོལ་ཕྲིན།

Previous Text Back to Volume PageNext Text

Wylie title	za byed 'bar ma khrag ral can gyi gsol phrin
Location	mdo mkhyen brtse 'dzin grol Volume 1, Text 32, Pages 325-326 (Folios 1a1 to 1b2)
Author	འཇིགས་མེད་ཡོན་ཏན་མགོན་པོ་
Less details More details
Citation	'jigs med yon tan mgon po. Za byed 'bar ma khrag ral can gyi gsol phrin. In Mdo mkhyen brtse ye shes rdo rje'i dgongs gter gcod 'dzin pa rang grol gyi 'don chog gi skor, (The Natural Liberation of Grasping, The Chod Teaching of Do Khyentse Yeshe Dorje): 325-326. Delhi: Shechen Publications, 2020.
Genre	Protector Rituals - gsol mchod
Karchag page	DKYD-DZINDROL-Karchag
Colophon	།ཞེས་པ་འདིའང་རྒན་པོ་ནཱ་ཐའི་མིང་གིས་གང་ཤར་བཅོས་མེད་ཉམས་མཚར་བྲིས་པ་དགེ།
	zhes pa 'di'ang rgan po nA tha'i ming gis gang shar bcos med nyams mtshar bris pa dge

Tibetan Text

[edit]

༄༅། །ཟ་བྱེད་འབར་མ་ཁྲག་རལ་ཅན་གྱི་གསོལ་ཕྲིན་ནི། །བྷྱོཿ གངས་ཅན་ཡུལ་གྱི་ཤར་ཕྱོགས་ན། །རོང་ཆེན་ཙི་ནའི་ས་མཚམས་ཀྱི། །འབར་མ་ཁམས་གསུམ་ཟ་བྱེད་མ། །དམར་མོ་ཁྲག་གི་རལ་པ་ཅན། ཁ་རླངས་གདུག་པའི་ནད་དུ་འཐིབ། །ཕྱག་ན་ཆུ་གྲི་རྣོན་པོ་དང་། །དམ་ཉམས་འཆིང་བའི་རྒྱུ་ཞགས་འཛིན། །མི་ལྤགས་རློན་པའི་ལྡིང་གོས་གསོལ། །ཆིབས་སུ་རླུང་ནག་འཚུབ་མ་འཆིབས། །རེས་འགའ་མཚར་སྡུག་གཞོ་ནུ་མ། །དུང་དང་མེ་ལོང་འགྲོན་བུའི་རྒྱན། །ཕྱག་ན་དར་དཀར་གཡབ་མོ་དང་། །དངུལ་དཀར་མེ་ལོང་རྒྱང་གསལ་བསྣམས། །ཟས་ནོར་དབྱིག་གི་ཆར་པ་འབེབ། ཁྱོད་སྔོན་ཁྲག་འཐུང་དཔའ་བོ་ཡིས། །དམ་ལ་བཞག་པའི་ཐ་ཚིག་དགོངས། །ཛ་གད་ཕུད་དང་གཏོར་མས་བསྐང་། །དམར་ཆེན་ཁྲག་དང་ཞག་གིས་བསྐང་། །ཉེར་སྤྱོད་འདོད་ཡོན་ཚོགས་ཀྱིས་བསྐང་། །སྒྲུབ་མཆོག་རྣལ་འབྱོར་བདག་ཅག་གི། །མཆོག་ཐུན་ལམ་གྱི་བར་ཆད་སོལ། །བདེ་སྟོང་དཔྱིད་ཀྱི་ཕོ་ཉ་མོས། །ཟག་བཅས་ལུས་ཀྱི་བདེ་བ་སྤོར། །ཟག་མེད་སེམས་ཀྱི་ཏིང་འཛིན་སྐྱེད། །འཛིན་པ་རང་གྲོལ་རྣལ་འབྱོར་པའི། །ལས་དང་དངོས་གྲུབ་སྣ་ཚོགས་ཀྱི། །གྲོགས་དང་མཐུན་རྐྱེན་ཁྱོད་ཀྱིས་གྱིས། །འགལ་བྱེད་གང་ཡིན་ཆམ་ལ་ཕོབ། །དུས་ལ་བབ་པོ་ས་མ་ཡ། །ཞེས་པ་འདིའང་རྒན་པོ་ནཱ་ཐའི་མིང་གིས་གང་ཤར་བཅོས་མེད་ཉམས་མཚར་བྲིས་པ་དགེ། །།