ཤྲཱི་ཧེ་རུ་ཀ་མཆེད་ལྔའི་ཐུགས་ཏིག་ལས༔ སྨིན་བྱེད་ཡེ་ཤེས་སྙིང་པོ༔

🚧 This website is under continued development. We appreciate your patience!

Previous Text Back to Volume PageNext Text

Wylie title	shrI he ru ka mched lnga'i thugs tig las: smin byed ye shes snying po
Location	dil mgo mkhyen brtse bka' 'bum Volume 18, Text 12, Pages 63-65 (Folios 1a to 3b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Citation	Khyentse, Dilgo. ShrI he ru ka mched lnga'i thugs tig las smin byed ye shes snying po. In Skyabs rje dil mgo mkhyen brtse rin po che'i bka' 'bum, Vol. 18: 63-65. Delhi: Shechen Publications, 1994.
Genre	Empowerment Ritual - dbang chog - dbang skur
Cycle	ཤྲཱི་ཧེ་རུ་ཀ་མཆེད་ལྔའི་ཐུགས་ཏིག་ (shri he ru ka mched lnga'i thugs tig)
Colophon	པདྨ་གར་དབང་བདེ་ཆེན་མདོ་སྔགས་གླིང་པས་བླ་སྒྲུབ་ཧེ་རུ་ཀའི་ཐུགས་ཐིག་གི་ཆ་ལག་ཏུ་བཀོད་པ་དགོངས་གཏེར་ཡང་དག་པའོ༔ མངྒ་ལཾ། །དགེའོ།
	pad+ma gar dbang bde chen mdo sngags gling pas bla sgrub he ru ka'i thugs thig gi cha lag tu bkod pa dgongs gter yang dag pa'o:_mang+ga laM/_/dge'o/

Tibetan Text

Wylie

[edit]

ཤྲཱི་ཧེ་རུ་ཀ་མཆེད་ལྔའི་ཐུགས་ཏིག་ལས༔ སྨིན་བྱེད་ཡེ་ཤེས་སྙིང་པོ་བཞུགས༔

གདོད་མའི་ལྷ་ལ་ཕྱག་འཚལ་ལོ༔ རྡོ་རྗེ་ཐེག་པའི་ལམ་གྱི་སྲོག༔ སྨིན་བྱེད་དབང་གིས་འཛིན་པ་སྟེ༔ གཞི་ཡི་དབང་མཆོག་རང་ལ་གནས༔ ནུས་པའི་དེ་ཉིད་ལམ་གྱིས་གསོ༔ མཐར་ཕྱིན་འབྲས་བུས་མངོན་བྱེད་པའི༔ ཐབས་ཀྱི་གསང་བ་རྨད་བྱུང་བའི༔ དེ་ཉིད་འབོག་པའི་ཆོ་ག་ནི༔ དཀྱིལ་འཁོར་མཚན་ཉིད་ལྡན་པའི་དབུས༔ བུམ་ཐོད་རིག་ཙཀ་ཤེལ་རྡོ་དང༔ ཕྱི་ནང་མཆོད་པ་ཚོགས་བཅས་བཤམས༔ སྣང་སྲིད་བླ་མའི་སྐུ་དང་ཞིང༔ ཀུན་བཟང་དོན་གྱི་ཕྲིན་ལས་ཀྱིས༔ གསལ་བཏབ་བཟླས་ཤིང་བུམ་པ་བསྒྲུབས༔ སློབ་དཔོན་ཉིད་འཇུག་གནང་བ་ཞུས༔ ཁྲུས་དང་བགེགས་ཀྱིས་བྱུར་བསལ་ནས༔ མཎྜལ་ཕུལ་ལ་ལོ་རྒྱུས་བཤད༔ སངས་རྒྱས་ཀུན་གྱི་ཡེ་ཤེས་སྐུ༔ དཔལ་ལྡན་བླ་མ་རིགས་ཀུན་བདག༔ སྐུ་བཞིའི་དབང་ཕྱུག་ཆེན་པོ་དགོངས༔ རྡོ་རྗེའི་དཀྱིལ་འཁོར་གཞུག་མཛད་གསོལ༔ སྐྱབས་སེམས་བསག་སྦྱང་སྡོམ་པ་བཟུང༔ ལྷར་བསྐྱེད་བྱིན་བརླབས་བརྟན་པར་བྱ༔ ཨོཾཿ རང་བྱུང་བུམ་པ་ཆོས་ཀྱི་དབྱིངས༔ ཁྱབ་བརྡལ་ཡེ་ཤེས་བཅུད་ཀྱིས་གཏམས༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ ཀ་ལ་ཤ་ཨ་བྷི་ཥིཉྩ་ཧཱུྃ༔ བདུད་རྩི་ཁར་སྦྱིན་སྤྱི་བོར་བླུག༔ དེ་ཡི་ནུས་པ་ལུས་ལ་ཞུགས༔ རྡོ་རྗེའི་སྐུ་རུ་སྨིན་པའི་ཕྱིར༔ རིག་འཛིན་བླ་མའི་ཕྱག་རྒྱ་སྦྱིན༔ ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་ནམ་མཁའི་དབྱིངས་ཁྱབ་པ༔ རང་བྱུང་དེ་བཞིན་གཤེགས་ཀུན་བདག༔ རྡོ་རྗེ་གཟི་བརྗིད་དབང་བསྐུར་རོ༔ མ་ཧཱ་གུ་རུ་ཛྙཱ་ན་ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ རྡོ་རྗེ་སེམས་དཔའ་བདེ་བ་ཆེ༔ མཐའ་ཡས་དཀྱིལ་འཁོར་ཀུན་གྱི་བདག༔ མི་ཕྱེད་རང་བྱུང་ཡེ་ཤེས་ཐུགས༔ རིག་པའི་རྡོ་རྗེས་དབང་བསྐུར་རོ༔ མ་ཧཱ་གུ་རུ་ཛྙཱ་ན་ཀཱ་ཡ་ཨ་བྷི་ཥིཉྩ་ཨོཾཿ ཧཱུྃཿ མཉམ་པ་ཉིད་དབྱིངས་ལྷུན་གྱིས་གྲུབ༔ ཟག་མེད་ཡོན་ཏན་ཡོངས་སུ་རྫོགས༔ རྡོ་རྗེ་ནོར་བུའི་མཚོན་ཆེན་འཆང༔ བློ་གསལ་བསྟན་སྐྱོང་དབང་བསྐུར་རོ༔ མ་ཧཱ་གུ་རུ་ཛྙཱ་ན་ཀཱ་ཡ་ཨ་བྷི་ཥིཉྩ་ཧཱུྃཿ ཧཱུྃཿ རྡོ་རྗེ་བདེ་བ་ཆེན་པོའི་དབྱིངས༔ ཆོས་ཀྱི་དྲྭ་བ་ཀུན་སྡོམ་པ༔ ཟུག་རྔུ་ཀུན་བྲལ་དགའ་བའི་མཆོག༔ པདྨ་གར་དབང་དབང་བསྐུར་རོ༔ མ་ཧཱ་གུ་རུ་ཛྙཱ་ན་ཀཱ་ཡ་ཨ་བྷི་ཥིཉྩ་ཧཱུྃཿ ཧཱུྃཿ རྡོ་རྗེའི་མཚོན་ཆེན་རྣོན་པོ་འཆང༔ བདུད་དགྲ་བདུད་འདུལ་ཧེ་རུ་ཀ༔ སྲིད་ཞི་འཆོལ་བའི་དཔལ་ཆེན་པོ༔ མཆོག་གྱུར་གླིང་པས་དབང་བསྐུར་རོ༔ མ་ཧཱ་གུ་རུ་ཛྙཱ་ན་ཀཱ་ཡ་ཨ་བྷི་ཥིཉྩ་ཧཱུྃཿ དོན་གྱི་དཀྱིལ་འཁོར་རྡོ་རྗེའི་ལུས༔ ཕུང་ཁམས་གདན་གསུམ་ལྷ་ཚོགས་ཀུན༔ མཉམ་སྦྱོར་ལྷག་པའི་སེམས་ཀྱི་སྤྲིན༔ མཁའ་གསང་ལས་སྤྲོས་བུའི་ལྕེར་བཞག༔ ཧཱུྃཿ ཐབས་ཤེས་གཉིས་སུ་མེད་པ་ཡི༔ མཉམ་སྦྱོར་བྱང་ཆུབ་སེམས་ཀྱི་སྤྲིན༔ ལྷག་པའི་ཡེ་ཤེས་བསྐྱེད་པའི་ཕྱིར༔ བྱིན་གྱིས་གཙང་དམེ་བྲལ་བས་རོལ༔ ཨོཾ་བོ་དྷི་ཙིཏྟ་གུ་ཧྱ་ཨ་བྷི་ཥིཉྩ་ཨཿ སེམས་སྤྲིན་དྭངས་མ་རླུང་གིས་འགྲེམ༔ བདེ་བས་ཐབས་བྱས་སྟོང་ཉིད་ཀྱི༔ དོན་ལ་ངོ་སྤྲད་མཉམ་པར་བཞག༔ ལྷན་སྐྱེས་དེ་ཉིད་མངོན་གྱུར་བསམ༔ རྗེས་འབྲེལ་བཟླས་པའི་ལུང་ཀྱང་སྦྱིན༔ དོན་གྱི་ཡེ་ཤེས་མངོན་བྱེད་ཐབས༔ ཕྱག་རྒྱའི་སྒྱུ་མ་གཏད་ནས་ཀྱང༔ རོལ་པ་ཆེན་པོའི་བརྟུལ་ཞུགས་ཀྱི༔ དགའ་སྟེར་སྒྱུ་རྩལ་ཆོ་གས་བསྙེན༔ ཧཱུྃཿ སྣ་ཚོགས་གཟུགས་ཅན་ཡིད་འོང་མ༔ བདེ་བ་ཆེན་པོའི་ཡེ་ཤེས་གསལ༔ སྦྱིན་ཏེ་ཚུལ་བཞིན་སྤྱོད་པ་ནི༔ སངས་རྒྱས་ཀུན་གྱི་དམ་ཚིག་གོ༔ ཨོཾ་པྲཛྙཱ་ཛྙཱ་ན་ཨ་བྷི་ཥིཉྩ་ཧཱུྃ༔ རྡོ་རྗེ་པདྨ་སྦྱོར་བ་ཡི༔ བདེ་བས་ཐབས་བྱས་ཤེས་རབ་ཀྱིས༔ མངོན་སུམ་འཆར་བའི་དཔེའི་ཡེ་ཤེས༔ མངོན་དུ་བྱས་ལ་ངོ་ཡང་སྤྲད༔ དངོས་དང་མཚན་མ་ལས་འདས་པའི༔ དོན་གྱི་དགོངས་པ་རང་ལ་གནས༔ ཐབས་ཀྱིས་མངོན་དུ་བྱས་པ་ལ༔ དགོངས་པ་གཏད་ཅིང་མཉམ་པར་བཞག༔ ཧཱུྃཿ རྡོ་རྗེའི་ཡེ་ཤེས་དཔེ་ལས་འདས༔ སྨྲ་བསམ་བརྗོད་པ་ཀུན་དང་བྲལ༔ བློ་ཡིས་མ་བཅོས་གཉུག་མའི་སེམས༔ མངོན་སུམ་མྱོང་འདི་ཨེ་མ་ཧོ༔ ཨོཾ་དྷརྨ་དྷཱ་ཏུ་ཨ་བྷི་ཥིཉྩ་ཧོ༔ དམ་ཚིག་ཁས་བླང་གཏང་རག་འབུལ༔ ཚོགས་ཀྱི་འཁོར་ལོའི་དགྱེས་པ་བསྐྱེད༔ དགེ་བ་བསྔོ་བ་ཕྱིའི་དབང་བསྐུར༔ བརྡ་ལ་བརྟེན་ནས་རང་གི་སེམས༔ ངེས་དོན་བླ་མའི་ཞལ་མཇལ་ན༔ དབང་དང་བྱིན་རླབས་དུས་གཅིག་ཐོབ༔ སྒོ་གསུམ་བླ་མའི་སྐུ་གསུང་ཐུགས༔ སྨིན་ཟིན་ལེགས་པར་གྲོལ་བའི་མོད༔ བསྐྱེད་རྫོགས་རིམ་པ་ཉམས་སུ་ལེན༔ ཚུལ་འདི་རྡོ་རྗེ་ཐེག་པ་ཡི༔ ལམ་གྱི་སྒོ་འབྱེད་གསང་བ་ཆེ༔ ཀུན་གྱིས་སྤྱོད་ཡུལ་མ་ཡིན་པས༔ དད་བརྩོན་བརྟུལ་ཞུགས་སྣོད་ལྡན་ལ༔ རང་བཞིན་བརྒྱད་ལྡན་སློབ་དཔོན་གྱིས༔ སྟེར་ལས་གཞན་དུ་ནམ་ཡང་མིན༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ པདྨ་གར་དབང་བདེ་ཆེན་མདོ་སྔགས་གླིང་པས་བླ་སྒྲུབ་ཧེ་རུ་ཀའི་ཐུགས་ཐིག་གི་ཆ་ལག་ཏུ་བཀོད་པ་དགོངས་གཏེར་ཡང་དག་པའོ༔ མངྒ་ལཾ། །དགེའོ། །

[edit]

skya___shrI he ru ka mched lnga'i thugs tig las:_smin byed ye shes snying po bzhugs:_ skya___gdod ma'i lha la phyag 'tshal lo:_rdo rje theg pa'i lam gyi srog:_smin byed dbang gis 'dzin pa ste:_gzhi yi dbang mchog rang la gnas:_nus pa'i de nyid lam gyis gso:_mthar phyin 'bras bus mngon byed pa'i:_thabs kyi gsang ba rmad byung ba'i:_de nyid 'bog pa'i cho ga ni:_dkyil 'khor mtshan nyid ldan pa'i dbus:_bum thod rig tsaka shel rdo dang:_phyi nang mchod pa tshogs bcas bshams:_snang srid bla ma'i sku dang zhing:_kun bzang don gyi phrin las kyis:_gsal btab bzlas shing bum pa bsgrubs:_slob dpon nyid 'jug gnang ba zhus:_khrus dang bgegs kyis byur bsal nas:_maN+Dal phul la lo rgyus bshad:_sangs rgyas kun gyi ye shes sku:_dpal ldan bla ma rigs kun bdag:_sku bzhi'i dbang phyug chen po dgongs:_rdo rje'i dkyil 'khor gzhug mdzad gsol:_skyabs sems bsag sbyang sdom pa bzung:_lhar bskyed byin brlabs brtan par bya:_oMH_rang byung bum pa chos kyi dbyings:_khyab brdal ye shes bcud kyis gtams:_skal ldan bu la dbang bskur bas:_phung khams lha skur smin par shog:_ka la sha a b+hi Shiny+tsa hU~M:_bdud rtsi khar sbyin spyi bor blug:_de yi nus pa lus la zhugs:_rdo rje'i sku ru smin pa'i phyir:_rig 'dzin bla ma'i phyag rgya sbyin:_hU~M:_sangs rgyas kun gyi ye shes sku:_rdo rje nam mkha'i dbyings khyab pa:_rang byung de bzhin gshegs kun bdag:_rdo rje gzi brjid dbang bskur ro:_ma hA gu ru dz+nyA na kA ya a b+hi Shiny+tsa oM:_hU~M:_rdo rje sems dpa' bde ba che:_mtha' yas dkyil 'khor kun gyi bdag:_mi phyed rang byung ye shes thugs:_rig pa'i rdo rjes dbang bskur ro:_ma hA gu ru dz+nyA na kA ya a b+hi Shiny+tsa oMH_hU~MH_mnyam pa nyid dbyings lhun gyis grub:_zag med yon tan yongs su rdzogs:_rdo rje nor bu'i mtshon chen 'chang:_blo gsal bstan skyong dbang bskur ro:_ma hA gu ru dz+nyA na kA ya a b+hi Shiny+tsa hU~MH_hU~MH_rdo rje bde ba chen po'i dbyings:_chos kyi drwa ba kun sdom pa:_zug rngu kun bral dga' ba'i mchog:_pad+ma gar dbang dbang bskur ro:_ma hA gu ru dz+nyA na kA ya a b+hi Shiny+tsa hU~MH_hU~MH_rdo rje'i mtshon chen rnon po 'chang:_bdud dgra bdud 'dul he ru ka:_srid zhi 'chol ba'i dpal chen po:_mchog gyur gling pas dbang bskur ro:_ma hA gu ru dz+nyA na kA ya a b+hi Shiny+tsa hU~MH_don gyi dkyil 'khor rdo rje'i lus:_phung khams gdan gsum lha tshogs kun:_mnyam sbyor lhag pa'i sems kyi sprin:_mkha' gsang las spros bu'i lcer bzhag:_hU~MH_thabs shes gnyis su med pa yi:_mnyam sbyor byang chub sems kyi sprin:_lhag pa'i ye shes bskyed pa'i phyir:_byin gyis gtsang dme bral bas rol:_oM bo d+hi tsit+ta gu h+ya a b+hi Shiny+tsa aH_sems sprin dwangs ma rlung gis 'grem:_bde bas thabs byas stong nyid kyi:_don la ngo sprad mnyam par bzhag:_lhan skyes de nyid mngon gyur bsam:_rjes 'brel bzlas pa'i lung kyang sbyin:_don gyi ye shes mngon byed thabs:_phyag rgya'i sgyu ma gtad nas kyang:_rol pa chen po'i brtul zhugs kyi:_dga' ster sgyu rtsal cho gas bsnyen:_hU~MH_sna tshogs gzugs can yid 'ong ma:_bde ba chen po'i ye shes gsal:_sbyin te tshul bzhin spyod pa ni:_sangs rgyas kun gyi dam tshig go:_oM pradz+nyA dz+nyA na a b+hi Shiny+tsa hU~M:_rdo rje pad+ma sbyor ba yi:_bde bas thabs byas shes rab kyis:_mngon sum 'char ba'i dpe'i ye shes:_mngon du byas la ngo yang sprad:_dngos dang mtshan ma las 'das pa'i:_don gyi dgongs pa rang la gnas:_thabs kyis mngon du byas pa la:_dgongs pa gtad cing mnyam par bzhag:_hU~MH_rdo rje'i ye shes dpe las 'das:_smra bsam brjod pa kun dang bral:_blo yis ma bcos gnyug ma'i sems:_mngon sum myong 'di e ma ho:_oM d+harma d+hA tu a b+hi Shiny+tsa ho:_dam tshig khas blang gtang rag 'bul:_tshogs kyi 'khor lo'i dgyes pa bskyed:_dge ba bsngo ba phyi'i dbang bskur:_brda la brten nas rang gi sems:_nges don bla ma'i zhal mjal na:_dbang dang byin rlabs dus gcig thob:_sgo gsum bla ma'i sku gsung thugs:_smin zin legs par grol ba'i mod:_bskyed rdzogs rim pa nyams su len:_tshul 'di rdo rje theg pa yi:_lam gyi sgo 'byed gsang ba che:_kun gyis spyod yul ma yin pas:_dad brtson brtul zhugs snod ldan la:_rang bzhin brgyad ldan slob dpon gyis:_ster las gzhan du nam yang min:_sa ma ya:_rgya rgya rgya:_brda thim:_pad+ma gar dbang bde chen mdo sngags gling pas bla sgrub he ru ka'i thugs thig gi cha lag tu bkod pa dgongs gter yang dag pa'o:_mang+ga laM/_/dge'o/_/