ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ དབྱངས་ཅན་ལྷ་མོའི་ལས་ཚོགས་པི་ཝང་སྒྲུབ་ཕྲིན་གབ་དོན་མངོན་གསལ༔

🚧 This website is under continued development. We appreciate your patience!

Previous Text Back to Volume PageLast text in volume.

Wylie title	yang zab bde chen dpal mo'i thugs kyi me long las: dbyangs can lha mo'i las tshogs pi wang sgrub phrin gab don mngon gsal:
Location	dil mgo mkhyen brtse bka' 'bum Volume 8, Text 44, Pages 302 (Folios 1a1 to 1b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཆོས་ཀྱི་གོ་ཆ་ (chos kyi go cha)
Citation	Khyentse, Dilgo. Yang zab bde chen dpal mo'i thugs kyi me long las dbyangs can lha mo'i las tshogs pi wang sgrub phrin gab don mngon gsal. In Skyabs rje dil mgo mkhyen brtse rin po che'i bka' 'bum, Vol. 8: 302. Delhi: Shechen Publications, 1994.
Genre	Activity Practices - las tshogs
Cycle	ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ (yang zab bde chen dpal mo'i thugs kyi me long)
Deity	dbyangs can ma
Colophon	མངོན་དུ་ཕྱུང་བ་འདི་ཉིད་ནི༔ དུས་བབ་མེ་མོ་ལུག་གི་ལོར༔ རིགས་སྲས་མཁྱེན་རབ་ཉི་མ་དང༔ དབྱིངས་རིག་དྲི་མེད་རྣམ་གཉིས་ཀྱིས༔ རྟེན་འབྲེལ་རྫས་ཀྱིས་མཚམས་སྦྱར་ཏེ༔ བསྐུལ་ངོར་ཆོས་ཀྱི་གོ་ཆ་ཡིས༔ རང་རིག་དག་པའི་སྣང་ངོ་ལ༔ ཤར་བཞིན་ཡི་གེའི་ལམ་དུ་ཕབ༔ ས་མཱ་ཡ༔ རྒྱ་རྒྱ་རྒྱ༔
	mngon du phyung ba 'di nyid ni:_dus bab me mo lug gi lor:_rigs sras mkhyen rab nyi ma dang:_dbyings rig dri med rnam gnyis kyis:_rten 'brel rdzas kyis mtshams sbyar te:_bskul ngor chos kyi go cha yis:_rang rig dag pa'i snang ngo la:_shar bzhin yi ge'i lam du phab:_sa mA ya:_rgya rgya rgya:
Notes	These texts were compiled and arranged by Dilgo Khyentse Rinpoche. Elsewhere this cycle is attributed to rdzong sngon pad+ma thugs mchog rdo rje.

Tibetan Text

Wylie

[edit]

༁ྃ༔ ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ དབྱངས་ཅན་ལྷ་མོའི་ལས་ཚོགས་པི་ཝང་སྒྲུབ་ཕྲིན་གབ་དོན་མངོན་གསལ་བཞུགས༔ ༁ྃ༔ ༠༠༠༠༠༔ དབྱིངས་རིག་གཉིས་མེད་ཡེ་ཤེས་ཀྱི༔ རྩལ་སྣང་མ་འགག་སྒྱུ་མའི་འཕྲུལ༔ ངག་གི་དབང་ཕྱུག་དབྱངས་ཅན་མའི༔ མན་ངག་པི་ཝང་སྒྲུབ་ཕྲིན་བྲི༔ དང་པོ་ཤིན་ཏུ་དབེན་གནས་སུ་དབྱངས་ཅན་མའི་བསྙེན་སྒྲུབ་ཚད་དུ་འཁྱོལ་བའི་རྣལ་འབྱོར་པས་མཆོད་རྫས་གྱ་ནོམ་པ་སྤྱི་དང༔ ཁྱད་པར་དམ་རྫས་པི་ཝང་རྒྱུད་ལྔ་ལྡན༔ ཤིན་ཏུ་མཛེས་ཤིང་སྤུས་ལེགས་པ་གཅིག་འདུ་བྱ་ཞིང༔ དེ་ལ་བྱུག་རྫས་ནི༔ གུར་གུམ༔ སིནྡྷུ་ར༔ གླ་རྩི༔ བིལ་བའི་ཤིང༔ དབང་ལག༔ སྒྲོན་ཤིང་བཅས་རྫས་བདུན་པ་ཀ་ར་བུ་རམ༔ སྦྲང་རྩི་སྟེ་མངར་གསུམ་དང༔ བ་དམར་སེར་གྱི་འོ་མས་རིལ་བུ་བྱས་པ་དང༔ སླར་བསྡུས་ཏེ་སྤོས་དཀར་དང་སྦྱར་ནས་ལྡེ་གུས་རྒྱུད་ལ་ཡང་ཡང་བྱུགས་པར་བྱ་བ་མན་ངག་གོ༔ དེ་ནས་ཐུན་མཚམས་སུ་བབ་པ་དང༔ བསྙེན་པ་ཅུང་ཟད་ཀྱི་མཐར༔ ཀ་དག་སྤྲོས་བྲལ་ཆོས་སྐུའི་རྩལ༔ ལྷུན་གྲུབ་ལོངས་སྐུའི་རོལ་པ་ལས༔ སྣ་ཚོགས་ཅིར་ཡང་སྤྲུལ་པ་སྟོན༔ དབྱངས་ཅན་ལྷ་མོ་སྟོན་ཀའི་ཟླ༔ བརྒྱ་ཕྲག་བརྩེགས་པའི་ཞལ་མངའ་ཞིང༔ སྐར་མ་སྟོང་ཕྲག་ཚོགས་པ་ཡི༔ ཞི་བའི་འོད་ཟེར་རབ་འཕྲོ་མ༔ སྒྱུ་འཕྲུལ་པི་ཝང་གཟུགས་ཀྱིས་ནི༔ བཀའ་དང་བསྟན་བཅོས་གཞུང་ལུགས་རྟོགས༔ མདོ་རྒྱུད་དགོངས་དོན་གླུ་རུ་ལེན༔ སྟོང་ཉིད་སྙིང་རྗེ་དབྱེར་མེད་ངང༔ སྨྲ་བསམ་བརྗོད་བྲལ་དོན་གྱི་དབྱིངས༔ རོལ་རྩལ་ཉམས་རྟོགས་ཡོན་ཏན་གྱི༔ སྤོབས་པའི་གཏེར་མཛོད་གྲོལ་བར་གྱུར༔ ཨོཾ་སྭ་ར་སྭ་སྟི་ཧྲཱིཾཿཧྲཱིཾཿཧྲཱིཾཿ ཏམྦུ་ར་ས་མ་ཡ་ཙིཏྟ་སརྦ་སིདྡྷི་ཕ་ལ་ཧཱུྃཿ ཞེས་པ་འབུམ་ཕྲག་གསུམ་བཟླས་པར་བྱའོ༔ དེ་ལྟར་རབ་ཏུ་གསང་སྟེ་སྒྲུབ༔ དང་པོ་ཉམས་དང་རྨི་ལམ་ལ༔ པི་ཝང་སྒྲ་ནི་མ་འཁྲོལ་སྒྲོགས༔ ཉམས་དང་རྟོགས་པ་ཆེས་ཆེར་འཕེལ༔ རྗེས་ཐོབ་ཉམས་ཀྱི་སྣང་བ་ལ༔ མ་བསླབ་ཡོན་ཏན་ཕུན་སུམ་ཚོགས༔ བསླབ་པས་ཤེས་རབ་ཐོགས་མེད་རྡོལ༔ བསྟན་དང་འགྲོ་ལ་ཕན་ཐོགས་འབྱུང༔ དམ་རྫས་མི་ལག་འགྲིམ་མི་བྱ༔ རེ་ཞིག་ལོ་གསུམ་བར་དུ་རྒྱ༔ པི་ཝང་སྒྲུབ་ཡིག་གབ་པའི་དོན༔ མངོན་དུ་ཕྱུང་བ་འདི་ཉིད་ནི༔ དུས་བབ་མེ་མོ་ལུག་གི་ལོར༔ རིགས་སྲས་མཁྱེན་རབ་ཉི་མ་དང༔ དབྱིངས་རིག་དྲི་མེད་རྣམ་གཉིས་ཀྱིས༔ རྟེན་འབྲེལ་རྫས་ཀྱིས་མཚམས་སྦྱར་ཏེ༔ བསྐུལ་ངོར་ཆོས་ཀྱི་གོ་ཆ་ཡིས༔ རང་རིག་དག་པའི་སྣང་ངོ་ལ༔ ཤར་བཞིན་ཡི་གེའི་ལམ་དུ་ཕབ༔ ས་མཱ་ཡ༔ རྒྱ་རྒྱ་རྒྱ༔ ༈ གདུལ་བྱའི་ཁམས་དང་བསམ་པ་བཞིན༔ གང་འདུལ་སྤྲུལ་པའི་ཟློས་གར་ཅན༔ དགའ་མའི་ཚུལ་བཟང་དབྱངས་ཅན་ལྷ༔ མགྲིན་པར་བཞུགས་ལ་ངག་བྱིན་སྩོལ༔ ཅེས་གཏེར་གཞུང་རྩ་བ་ཡིན་ནོ། མཆན།

[edit]

\u0f01\u0f83:___yang zab bde chen dpal mo'i thugs kyi me long las:_dbyangs can lha mo'i las tshogs pi wang sgrub phrin gab don mngon gsal bzhugs: \u0f01\u0f83:___00000:__dbyings rig gnyis med ye shes kyi:_rtsal snang ma 'gag sgyu ma'i 'phrul:_ngag gi dbang phyug dbyangs can ma'i:_man ngag pi wang sgrub phrin bri:_dang po shin tu dben gnas su dbyangs can ma'i bsnyen sgrub tshad du 'khyol ba'i rnal 'byor pas mchod rdzas gya nom pa spyi dang:_khyad par dam rdzas pi wang rgyud lnga ldan:_shin tu mdzes shing spus legs pa gcig 'du bya zhing:_de la byug rdzas ni:_gur gum:_sin+d+hu ra:_gla rtsi:_bil ba'i shing:_dbang lag:_sgron shing bcas rdzas bdun pa ka ra bu ram:_sbrang rtsi ste mngar gsum dang:_ba dmar ser gyi 'o mas ril bu byas pa dang:_slar bsdus te spos dkar dang sbyar nas lde gus rgyud la yang yang byugs par bya ba man ngag go:_de nas thun mtshams su bab pa dang:_bsnyen pa cung zad kyi mthar:_ka dag spros bral chos sku'i rtsal:_lhun grub longs sku'i rol pa las:_sna tshogs cir yang sprul pa ston:_dbyangs can lha mo ston ka'i zla:_brgya phrag brtsegs pa'i zhal mnga' zhing:_skar ma stong phrag tshogs pa yi:_zhi ba'i 'od zer rab 'phro ma:_sgyu 'phrul pi wang gzugs kyis ni:_bka' dang bstan bcos gzhung lugs rtogs:_mdo rgyud dgongs don glu ru len:_stong nyid snying rje dbyer med ngang:_smra bsam brjod bral don gyi dbyings:_rol rtsal nyams rtogs yon tan gyi:_spobs pa'i gter mdzod grol bar gyur:_oM swa ra swa sti hrIMHhrIMHhrIMH_tam+bu ra sa ma ya tsit+ta sarba sid+d+hi pha la hU~MH_zhes pa 'bum phrag gsum bzlas par bya'o:_de ltar rab tu gsang ste sgrub:_dang po nyams dang rmi lam la:_pi wang sgra ni ma 'khrol sgrogs:_nyams dang rtogs pa ches cher 'phel:_rjes thob nyams kyi snang ba la:_ma bslab yon tan phun sum tshogs:_bslab pas shes rab thogs med rdol:_bstan dang 'gro la phan thogs 'byung:_dam rdzas mi lag 'grim mi bya:_re zhig lo gsum bar du rgya:_pi wang sgrub yig gab pa'i don:_mngon du phyung ba 'di nyid ni:_dus bab me mo lug gi lor:_rigs sras mkhyen rab nyi ma dang:_dbyings rig dri med rnam gnyis kyis:_rten 'brel rdzas kyis mtshams sbyar te:_bskul ngor chos kyi go cha yis:_rang rig dag pa'i snang ngo la:_shar bzhin yi ge'i lam du phab:_sa mA ya:_rgya rgya rgya:_!_gdul bya'i khams dang bsam pa bzhin:_gang 'dul sprul pa'i zlos gar can:_dga' ma'i tshul bzang dbyangs can lha:_mgrin par bzhugs la ngag byin stsol:_ces gter gzhung rtsa ba yin no/_mchan/