དགེ་བའི་བཤེས་གཉེན་དུ་མར་གསོལ་འདེབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	dge ba'i bshes gnyen du mar gsol 'debs
Location	dil mgo mkhyen brtse bka' 'bum Volume 3, Text 11, Pages 102-128 (Folios 1a1 to 27a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Dge ba'i bshes gnyen du mar gsol 'debs. In Skyabs rje dil mgo mkhyen brtse rin po che'i bka' 'bum, Vol. 3: 102-128. Delhi: Shechen Publications, 1994.
Genre	Supplications - gsol 'debs

Tibetan Text

Wylie

[edit]

བསྐལ་བཟང་རྣམ་འདྲེན་བཞི་བའི་རིང་ལུགས་མཆོག །རབ་མཛེས་དོནྃ་བྃརྒྱུད་འོད་སྟོང་ཕྲེང་བ་ཡིས། །རྟག་འཁྱུད་འཕགས་པའི་རྣམ་ཐར་ཆ་རྫོགས་པ། །སྨྲ་བའི་ཉིྃ་མྃའི་ཡེ་ཤེས་སྒྱུ་འཕྲུལ་ཁྱེད། །སྙིགས་མའི་སྨག་གི་མུན་པར་མ་གྱུར་པ། །དམ་པའི་ཡོན་ཏན་ཀུན་ནས་རབ་རྫོགས་པའི། །ངང་ཚུལ་འཆར་ཁའི་སྣང་བ་གསར་པ་ནི། །ཐུབ་བསྟན་དབྱར་གྱི་ལང་ཚོ་རྒྱས་པའི་གཉེན། །འཁོར་ལོ་གསུམ་གྱི་ཕྲིན་ལས་སྤྲིན་ཕྲེང་སྦུབས། །མཁྱེན་བརྩེའི་ནུས་སྟོབས་ལྷ་ཡི་བདུད་རྩིའི་ལྕིད། །མཆོག་བསྟན་དབྱར་སྐྱེས་གཞོན་ནུའི་དཔལ་གྱུར་པ། །རབ་དྭངས་དད་པའི་མེ་ཏོག་སྙིང་ནས་སྒེག །སྦྱོར་ནུས་ཕྲ་ཡང་ལྷག་བསམ་པདྨ་དཀར། །དད་དམ་གེ་སར་ཟེའུ་འབྲུའི་འཛུམ་པའི་མདངས། །ཁྱེད་ཀྱི་ཕྲིན་ལས་ཉིན་བྱེད་གཉེན་གྱུར་པས། །ལས་སྨོན་འདབ་མ་ཅུང་ཟད་གཙང་ངམ་སྙམ། །དེ་ཕྱིར་ཁྱོད་ནི་འཆི་མེད་ཚེ་ལྷའི་སྐུར། །རྟག་བརྟན་ཕྲིན་ལས་ཐུགས་བསྐྱེད་རྫོགས་ལྡན་དུས། །རྒུད་མེད་ཁྱད་པར་ཐུན་མོང་ཐུན་མིན་གྱི། །ཟབ་གསང་ལེགས་བཤད་ཅིར་ཡང་སྤྲོ་མཛད་གསོལ། །ཚིག་སྙན་ཉུང་ངུ་རྣམ་གསལ་མཚོ་བྱུང་ངག །དོན་ཟབ་སྐབས་འབྲེལ་ཕུན་ཚོགས་དགའ་བསྐྱེད་ཟས། །སྙིགས་དུས་བསྟན་འཛིན་དབུས་ན་མགོན་ཁྱོད་ཀྱི། །ཁྱད་ཆོས་གྲུབ་པས་དད་སྤྲོས་རྗེས་སུ་རང༌། །ཐུགས་བསྐྱེད་བརྩོན་པའི་མདུད་པ་མི་ལྷོད་པས། །ངོ་མཚར་རྣམ་ཐར་སྐྱ་རེངས་དང་འགྲོགས་པའི། །ཐུབ་དབང་རིང་ལུགས་སྒོ་ཀུན་སྤེལ་མཛད་ཀྱི། །ཤིང་རྟས་ས་གསུམ་འཇིག་རྟེན་དགེ་གྱུར་ཅིག །ཅེས་པའང་སྐྱབས་རྗེ་མདོ་ཁམས་པ་ཆེན་པོ་སྐུ་ཕྲེང་བརྒྱད་པའི་ལེགས་གསུང་བདུད་རྩིའི་དགའ་སྟོན་མིག་དང་རྣ་བའི་རྒྱན་དུ་ཐོབ་པའི་ཚེ་སླར་ཡང་ལེགས་བཤད་བདུད་རྩིའི་སྐྱེས་བཟང་དུ་མའི་སྒོ་འབྱེད་པར་གསོལ་བ་འདེབས་པའི་ཚིགས་སུ་བཅད་པ་འདི་ཡང་འཇམ་དབྱངས་བླ་མ་དགྱེས་པའི་འབངས་འཇིགས་མེད་མཁྱེན་བརྩེའི་འོད་ཟེར་བཀྲ་ཤིས་དཔལ་འབྱོར་གྱིས་གུས་ཤིང་དྭངས་པས་ཕུལ་བ་དོན་དང་ལྡན་པར་གྱུར་ཅིག །སརྦ་དཱ་མངྒལཾ། ༈ ཨོཾ་སྭ་སྟི། རྒྱལ་ཀུན་ཕྲིྃན་ལསྃ་ཤིང་རྟ་མཚོ་སྐྱེས་རྗེའི། །རྣམ་འཕྲུལ་པདྨའི་གདུང་འཚོབ་ཆེན་པོ་ཡི། །སྐུ་གསུང་ཐུགས་སྲས་བཀའ་གཏེར་བསྟན་པའི་དཔལ། །ཐུགས་བསྐྱེད་ནོརྃ་བུྃས་མཛེས་གང་ཞབས་བརྟན་གསོལ། །བདུད་དཔུང་མཐར་བྱེད་བསྟན་པའི་ཤིང་རྟ་ཡི། །ལྔ་བདོའི་རྒུད་ཞི་བཤད་སྒྲུབ་དགའ་སྟོན་རྒྱས། །རིག་འཛིན་འདུས་པས་ནོར་འཛིན་མཛེས་པ་ཡིས། །བཀྲ་ཤིས་དགེ་མཚན་དཔལ་མགོན་རྟག་བརྟན་ཤོག །ཅེས་སྔ་འགྱུར་བསྟན་པའི་མཛེས་རྒྱན་སྔགས་རིག་འཛིན་པ་མཁས་བཙུན་བཟང་པོ་སྟོན་འཁོར་དང་བསོད་ནམས་ཚེ་རིང་ཅན་ནས་ལྷ་རྫས་ཀྱི་རྟེན་དང་བཅས་གསུང་བསྐུལ་བཞིན་བཀྲ་ཤིས་དཔལ་འབྱོར་གྱིས་སྤྲོ་ཞིང་དྭངས་བའི་བློས་ཤིང་བྱི་གནམ་ལོ་གསར་ཚེས་ལ་བྲིས་ཤིང་སྙིང་ནས་སྨོན་པ་དོན་དང་ལྡན་པར་གྱུར་ཅིག ༈ རྩ་གསུམ་ཀུན་འདུས་པྃདྨྃ་འབྱུང་གནས་དང༌། །གཉིས་མེད་དབྃང་ཆེནྃ་ཁྲོ་རྒྱལ་རྟ་མཆོག་རྩལ། །དགྱེྃས་པྃས་བྱིན་རླབས་དཔལ་ལྡན་བླ་མ་རྗེར། །གསོལ་བ་འདེབས་སོ་བྱིན་རླབས་དངོས་གྲུབ་སྩོལ། །ཅེས་འབྲི་གུང་གཡུ་སྒྲ་མཆོག་སྤྲུལ་སྐུ་མཆེད་བསོད་ནམས་དཔལ་འབར་གྱིས་རྟེན་བཅས་གསུང་བསྐུལ་བཞིན་རང་ཉིད་ཀྱིས་བྲིས་པ་དགེ་ལེགས་འཕེལ། ཐེག་མཆོག་འོད་གསལ་རྡོ་རྗེ་རྩེ་མོའི་ལམ། །ཀུན་མཁྱེན་ཡབ་སྲས་རིང་ལུགས་སྨིན་གྲོལ་གྱིས། །སྐལ་བཟང་རྗེས་འཛིན་སྙིགས་དུས་བསྟན་འགྲོའི་མགོན། །ཐུབ་བསྟན་ཕྲིན་ལས་དཔལ་འབར་གསོལ་བ་འདེབས། ཞེས་གྲོང་སར་བླ་མ་ཡེ་ཤེས་ཀློང་གྲོལ་ནས་འབོད་བསྐུལ་བཞིན་མངྒ་ལས་སྨྲས་པའོ ༈ དྲུང་པ་བཅུ་གཅིག་པ་ཆོས་ཀྱི་རྒྱ་མཚོའི་གསོལ་འདེབས་བྱིན་རླབས་སྣང་བ་བཞུགས། མཆོག་ཏུ་མི་འགྱུར་བདེ་བ་རྡོ་རྗེའི་དབྱིངས། །སྐུ་དང་ཞིང་ཁམས་རྒྱ་མཚོའི་སྤྲོ་བསྡུའི་མེས། །ཧེ་རུ་ཀ་དཔལ་དཀྱིལ་འཁོར་ཀུན་གྱི་བདག །བླ་མ་དང་པོའི་སངས་རྒྱས་གསོལ་བ་འདེབས། །མཁའ་ཁྱབ་ཐུགས་རྗེའི་ཡེ་ཤེས་རོལ་རྩལ་ལས། །འཕགས་བོད་ཀུན་དང་ཁྱད་པར་དྭགས་རྙིང་གི །བསྟན་པའི་ཤིང་རྟ་འདྲེན་མཛད་མཁས་དང་གྲུབ། །རྒྱུན་མི་འཆད་པར་བྱོན་ལ་གསོལ་བ་འདེབས། །ཁྱད་པར་དམ་པའི་ཡེ་ཤེས་སྒྱུ་མའི་འཕྲུལ། །གསན་བསམ་སྒོམ་པའི་ཡོན་ཏན་རྨད་བྱུང་བའི། །ཕྲིན་ལས་བདག་སོགས་དཔལ་དུ་སྣང་མཛད་མགོན། །ཆོས་ཀྱི་རྒྱ་མཚོའི་ཞབས་ལ་གསོལ་བ་འདེབས། །ཆོས་ཉིད་དོན་གྱི་དགོངས་པ་མངོན་དུ་གྱུར། །འཁྲུལ་པ་གཞིར་ཟད་ཡེ་ཤེས་ཀློང་ནས་བརྡོལ། །སྣང་སྲིད་ཆོས་སྐུའི་དཀྱིལ་འཁོར་གཅིག་ཏུ་རྫོགས། །ནམ་མཁའ་ཆོས་ཀྱི་རྒྱ་མཚོར་གསོལ་བ་འདེབས། །སྐྱེ་འཆི་རང་དབང་དབྱིངས་སུ་བྱང་ཆུབ་མཐུས། །ཐུགས་རྗེ་བྲི་གང་བྲལ་བའི་གཟིགས་པ་ཡིས། །བདག་ཅག་གདུལ་བྱའི་ལྷག་མ་རྗེས་འཛིན་པས། །བདག་རྒྱུད་སྨིན་ཅིང་གྲོལ་བར་མཛད་དུ་གསོལ། རྩོལ་མེད་ཐེག་པའི་ལམ་བཟང་མཐར་ཕྱིན་ནས། །དཔལ་ལྡན་བླ་མར་ཐུགས་ཡིད་གཅིག་ཏུ་འདྲེས། །ཁྱད་པར་དྲུག་ལྡན་གཞོན་ནུ་བུམ་པ་སྐུར། །ལེགས་གྲོལ་དོན་གཉིས་མཐའ་རུ་ཕྱིན་པར་ཤོག །ཅེས་པའང་དད་བློ་རྣམ་པར་དཀར་བ་རྗེ་མཆོག་གི་གསང་གྲོགས་དཀོན་མཆོག་དཔལ་སྒྲོན་ནས་རིན་པོ་ཆེའི་སྐྱེས་དང་བཅས་བསྐུལ་བ་བཞིན་མངྒ་ལ་ཤྲཱི་བྷཱུ་ཏིས་བྲིས་པ་གནས་ལུགས་དོན་གྱི་བླ་མ་རང་ཞལ་མཇལ་བའི་རྒྱུར་གྱུར་ཅིག ༈ ན་མོ་གུ་རུ། ཆོས་སྐུ་ཀུན་བཟང་རྡོར་སེམས་དགའ་རབ་རྗེ། །འཇམ་དཔལ་བཤེས་གཉེན་ཤྲཱི་སེང་ཡེ་ཤེས་མདོ། །བི་མ་མི་ཏྲ་ཨོ་རྒྱན་པདྨ་འབྱུང༌། །རྗེ་འབངས་ཉེར་ལྔ་སོ་ཟུར་གནུབས་ཆེན་རྗེ། །གཏེར་ཆེན་བརྒྱ་རྩ་རྣམས་ལ་གསོལ་བ་འདེབས། །ཁྱད་པར་བཀའ་བབ་བདུན་ལྡན་མཁྱེན་བརྩེའི་དབང༌། །མཛོད་ལྔའི་ཤིང་རྟ་བློ་གྲོས་མཐའ་ཡས་ཞབས། །མཆོག་གྱུར་གླིང་པ་མི་ཕམ་རྣམ་པར་རྒྱལ། །ཁྱབ་བདག་པདྨ་བི་ཛར་གསོལ་བ་འདེབས། །བཀའ་གཏེར་རྫོགས་ཆེན་བརྒྱུད་པའི་བླ་མ་དང༌། །འཇམ་དབྱངས་ཆོས་ཀྱི་བློ་གྲོས་རིན་པོ་ཆེ། །འགྱུར་མེད་ཐེག་མཆོག་བསྟན་པའི་རྒྱལ་མཚན་སོགས། །བརྒྱུད་གསུམ་བླ་མ་རྣམས་ལ་གསོལ་བ་འདེབས། །རྙེད་དཀའི་དལ་འབྱོར་དོན་དང་ལྡན་པའི་ཕྱིར། །མི་རྟག་འཆི་བ་དྲན་པས་རྒྱུད་བསྐུལ་ཏེ། །དགེ་སྡིག་བླང་དོར་མ་ནོར་སྤྱོད་པ་ཡིས། །འཁོར་བའི་རྒྱ་མཚོའི་ཕ་རོལ་སོན་གྱུར་ཅིག །དཀོན་མཆོག་གསུམ་ལ་ཡིད་ཆེས་སྐྱབས་འགྲོ་དང༌། །མཁའ་ཁྱབ་འགྲོ་ཀུན་ཕ་མར་ཤེས་པའི་བློ། །དབང་གིས་རྒྱུད་སྨིན་དམ་ཚིག་རྣམ་པར་དག །བསྐྱེད་རྫོགས་ཉམས་ལེན་གནད་དུ་སྨིན་པར་ཤོག །ཁྱད་པར་མི་མེད་དབེན་པའི་བྲག་ཕུག་ཏུ། །རང་རིག་གཉུག་མའི་གནས་ལུགས་ཟབ་མོའི་དོན། །མོས་གུས་མཆོག་གིས་ཉེར་ལེན་ལ་བརྟེན་ནས། །མངོན་སུམ་མཐོང་བའི་ཡིད་ཆེས་སྐྱེ་གྱུར་ཅིག །མ་བཅོས་རང་ངོ་ཤེས་པའི་ལྟ་བ་དང༌། །ཡིན་ལུགས་གཤིས་སུ་འཇོག་པའི་སྒོམ་པ་དང༌། །རང་བབ་གཉུག་མའི་སྤྱོད་པ་རང་གྲོལ་བས། །རིག་སྟོང་སྐུ་གསུམ་འབྲས་བུའི་མཆོག་ཐོབ་ཤོག །མདོར་ན་ཡེ་ཤེས་ཟབ་མོའི་ཆོས་ཀྱི་དབྱིངས། །བློས་བྱས་རང་དག་འོད་གསལ་སྒྲ་ཇི་བཞིན། །རྟོགས་ནས་གདོད་མའི་དབྱིངས་སུ་བྱང་ཆུབ་པའི། །དོན་གཉིས་ལྷུན་གྱིས་གྲུབ་པར་མཛད་དུ་གསོལ། །ཅེས་པའང་སྒ་པ་རྡོ་རྐོ་བློ་གྲོས་ནས་བསྐུལ་བ་བཞིན་བཀྲ་ཤིས་དཔལ་འབྱོར་གྱིས་བྲིས་པའོ། ༈ ཁྱད་ཆོས་དྲུག་ལྡན་ཆོས་སྐུ་ཀུན་ཏུ་བཟང༌། །རིགས་ཀུན་ཁྱབ་བདག་ལོངས་སྐུ་རྡོ་རྗེ་སེམས། །རིགས་གསུམ་སེམས་དཔའ་སྤྲུལ་སྐུའི་སྒྱུ་འཕྲུལ་གར། །རྒྱུད་གསུམ་བླ་མའི་ཚོགས་ལ་གསོལ་བ་འདེབས། །རིགས་ཅན་དྲྭ་མ་ལྔ་དང་རྒྱལ་པོ་ཛཿ བདེ་བ་གསལ་མཛད་སྒེག་རྡོར་སངས་རྒྱས་གསང༌། །བི་མ་ཡབ་སྲས་པད་འབྱུང་རིག་འཛིན་བརྒྱད། །བརྡ་བརྒྱུད་བླ་མའི་ཚོགས་ལ་གསོལ་བ་འདེབས། །སོ་ཟུར་གནུབས་ཉང་གཏེར་སྟོན་བརྒྱ་རྩ་དང༌། །རོང་ཟོམ་ཀློང་ཆེན་རབ་འབྱམས་གཏེར་ཆེན་མཆེད། །མཁྱེན་བརྩེའི་དབང་པོ་བློ་གྲོས་མཐའ་ཡས་སོགས། །བཀའ་གཏེར་ཤིང་རྟ་རྣམས་ལ་གསོལ་བ་འདེབས། །ཐེག་མཆོག་སེང་གེའི་སྒྲ་སྒྲོགས་མི་ཕམ་ཞབས། །ངེས་པར་མཁས་གྲུབ་དེད་དཔོན་རྒྱལ་ཚབ་རྗེ། །ཐུགས་སྲས་འཇམ་མགོན་ཉི་ཟླ་ཟུང་གཅིག་སོགས། །ཁྱད་པར་བརྒྱུད་འཛིན་རྣམས་ལ་གསོལ་བ་འདེབས། །མཁས་དང་གྲུབ་པས་སྔ་འགྱུར་བསྟན་སྲོག་བཟུང༌། །བཟང་དང་བཙུན་པས་རྒྱལ་བསྟན་མཛེས་པའི་རྒྱན། །ཀླུ་ཡི་རྒྱལ་མཚན་མི་ཕམ་ཆོས་རྗེའི་འཕྲུལ། །མཁན་ཆེན་བློ་གྲོས་རབ་གསལ་གསོལ་བ་འདེབས། །དགོངས་བརྒྱུད་ཐོབ་པས་སྨིན་གྲོལ་ཡོངས་སུ་རྫོགས། །རིག་རྩལ་ཀློང་རྡོལ་དོན་གྱི་མཁས་པའི་མཆོག །ཆོས་ཉིད་མངོན་གཟིགས་གྲུབ་པ་རྒྱ་མཚོའི་ཏོག །མགོན་པོ་ཁྱེད་དང་མཉམ་པར་བྱིན་གྱིས་རློབས། །ཞེས་པའང་ངེས་དོན་ཕྱིར་མི་ལྡོག་པའི་སེང་གེའི་སྒྲ་ཆེན་པོ་དད་དང་བློ་གྲོས་ཀྱི་སྒོ་ཡངས་པའི་སྣོད་ལྡན་དགེ་སྦྱོང་པདྨ་འགྱུར་མེད་ནས་བསྐུལ་ངོར་བླ་སྒྲུབ་ཀྱི་བརྒྱུད་འདེབས་ཞེ་ཆེན་པའི་བཀའ་འབངས་འགྱུར་མེད་བསླབ་གསུམ་རྒྱལ་མཚན་གྱིས་ཨ་སུ་རའི་བྲག་ཕུག་ནས་བྲིས་པ་དགོངས་བརྒྱུད་ཡེ་ཤེས་མཐོང་བའི་རྒྱུར་གྱུར་ཅིག །དགེའོ། །མངྒ་ལཾ། ༈ ཟེ་ཆེན་བླ་བརྒྱུད་གསོལ་འདེབས། ན་མོ་གུ་རུ། འཇམ་དཔལ་བཤེས་གཉེན་ཐུགས་རྗེའི་འོད་ཟེར་ལས། །ཡོངས་ཤར་ལུང་རིགས་སེང་གེའི་ང་རོ་ཡིས། །ལྟ་དམན་རི་དྭགས་སྐྲག་མཛད་རབ་འབྱམས་པ། །བསྟན་པའི་རྒྱལ་མཚན་ཞབས་ལ་གསོལ་བ་འདེབས། །མཁྱེན་རྟོགས་མཐར་ཕྱིན་གཞན་ཕན་སྒོ་བརྒྱ་འབྱེད། །འཆད་རྩོད་རྩོམ་པས་ངེས་གསང་བསྟན་མཆོག་འཛིན། །རླབས་ཆེན་ཕྲིན་ལས་ཟླ་བྲལ་ཟེ་ཆེན་པ། །ཀུན་བཟང་རྣམ་རྒྱལ་ཞབས་ལ༴ །བསླབས་གསུམ་རྣམ་དག་མཁྱེན་བརྩེ་ནུས་པའི་གཏེར། །སྨིན་གྲོལ་བདུད་རྩིས་སྐལ་བཟང་གདུལ་བྱའི་ཚོགས། །ཡོངས་སུ་སྨིན་མཛད་དོན་གྱི་རིག་པ་འཛིན། །དཔལ་འབྱོར་རྒྱ་མཚོའི་ཞབས་ལ༴ ཨོ་རྒྱན་ལུང་བསྟན་ཟབ་མོའི་གཏེར་ལ་དབང༌། །བརྟུལ་ཞུགས་སྤྱོད་པས་སྦས་པའི་གནས་ཞལ་འབྱེད། །བསྐྱེད་རྫོགས་གདེང་ལྡན་སྔགས་སྤྱོད་གར་གྱི་དབང༌། །ཆོས་ཀྱི་རྒྱལ་མཚན་ཞབས་ལ༴ །འཇམ་དཔལ་གཤིན་རྗེ་གཤེད་ཀྱིས་རྗེས་སུ་བཟུང༌། །གཞན་ཕན་བསྡུ་བཞིའི་ཕྲིན་ལས་བསམ་མི་ཁྱབ། །འབྲེལ་ཚད་དོན་ལྡན་འགྱུར་མེད་བདེན་དོན་གཟིགས། །ཀུན་བཟང་བསྟན་པའི་ཉི་མར༴ རླབས་ཆེན་རྒྱལ་བའི་སྲས་ཀྱི་སྤྱོད་པ་ཡིས། །བསྟན་པ་རིན་ཆེན་འཛིན་སྐྱོང་སྤེལ་བའི་གཉེན། །སྙིགས་མའི་གདུལ་བྱ་འདུལ་མཛད་སྤྲུལ་པའི་སྐུ། །བསྟན་པའི་ཉི་མའི་ཞབས་ལ༴ སྔ་འགྱུར་བསྟན་པའི་ཉི་མ་གཏེར་ཆེན་རྗེའི། །ཐུགས་བསྐྱེད་དུལ་བབས་རྣམ་བཞིའི་ཕྲིན་ལས་ཀྱིས། །ངེས་གྲོལ་ཆུ་གཏེར་བསྐྱིལ་བའི་མགོན་གཅིག་པུ། །བསྟན་འཛིན་ཆོས་ཀྱི་རྒྱལ་པོར༴ །མཁྱེན་རྟོགས་ཀློང་རྡོལ་ནུས་མཐུའི་རྩལ་ཆེན་རྫོགས། །སྡེ་བརྒྱད་བྲན་ཁོལ་བསྟན་འགྲོའི་བདེ་སྐྱིད་སྤེལ། །གདུལ་དཀའ་དམུ་རྒོད་འདུལ་བའི་ཐུགས་རྗེ་ཅན། །ཨོ་རྒྱན་རང་བྱུང་རྡོ་རྗེར༴ །སྐྱེ་བ་གསུམ་དུ་རྫོགས་ཆེན་རབ་འབྱམས་པའི། །ཕྲིན་ལས་རྗེས་བསྒྲུབས་བླ་མ་སངས་རྒྱས་སུ། །གཡུ་སྒྲའི་རྣམ་འཕྲུལ་དྷརྨ་ཤྲཱི་ཡི། །ཡེ་ཤེས་རང་རྩལ་ངེས་གསང་བསྟན་པའི་བདག །ཤེས་བྱ་ཀུན་མཁྱེན་མ་ཧཱ་པཎྜི་ཏ། །བསྟན་འཛིན་འཕེལ་རྒྱས་ཞབས་ལ༴ འཕགས་མཆོག་སྤྱན་རས་གཟིགས་ཀྱིས་རྗེས་སུ་བཟུང༌། །སྒོམ་བྱུང་ཀློང་རྡོལ་སྣང་བཞི་མཐར་རུ་ཕྱིན། །བཻ་རོའི་རྣམ་འཕྲུལ་གྲུབ་པ་ཡོངས་ཀྱི་རྗེ། །ཤེས་རབ་ཡར་འཕེལ་ཞབས༴ རྒྱལ་བས་ལུང་བསྟན་རྩོད་བྲལ་སྤྲུལ་པའི་སྐུ། །མཛོད་ཆེན་རྣམ་ལྔའི་སྲོལ་འབྱེད་ཤིང་རྟ་ཆེ། །ཡོངས་རྫོགས་བསྟན་པའི་ཉི་མ་ཐམས་ཅད་མཁྱེན། །བློ་གྲོས་མཐའ་ཡས་ཞབས༴ རྣམ་འཕྲུལ་ཚད་མེད་གདུལ་བྱའི་མཁའ་ལ་ཤར། །འཕགས་པའི་རིགས་སད་གཞན་ཕན་བྱང་སེམས་འབྱོངས། །གང་འབྲེལ་དོན་ལྡན་བསྟན་པའི་སྒྲོན་མེ་སྦར། །ཕྲིན་ལས་འོད་ཟེར་ཞབས༴ ཟབ་རྒྱས་རྒྱལ་སྲས་སྤྱོད་པས་གསང་གསུམ་མཛེས། །མཐའ་ཀླས་ཤེས་བྱའི་དངོས་ཀུན་ཡང་དག་མཁྱེན། །ལོག་སྨྲ་ཚར་གཅོད་སེང་གེའི་ང་རོ་ཅན། །མི་ཕམ་འཇམ་དབྱངས་རྣམ་རྒྱལ་གསོལ༴ རྒྱལ་ཚབ་རིན་པོ་ཆེ་སྐུ་ཕྲེང་བཞི་པ། །རྨད་བྱུང་ཐུགས་བསྐྱེད་ཟླ་བའི་འཛུམ་ཟེར་གྱིས། །ངེས་གསང་བསྟན་པའི་ཆུ་གཏེར་རྒྱས་མཛད་ཅིང༌། །འཕགས་པའི་རྣམ་ཐར་རི་དྭགས་གཟུགས་ཀྱིས་བཀྲ། །འགྱུར་མེད་པདྨ་རྡོ་རྗེར༴ དིལ་མཁྱེན་རྒད་པོ། མཚུངས་མེད་རྣམ་འདྲེན་རྒྱ་མཚོའི་ཞབས་པད་བསྟེན། །རིས་མེད་བཤད་སྒྲུབ་ཤིང་རྟའི་ཟམ་ཆེན་ཐོབ། །ཕྱོགས་མེད་རྒྱལ་ཁམས་འགྲིམ་པའི་སྔགས་བཙུན་ཟོལ། །ཐེག་མཆོག་བསྟན་པའི་རྒྱལ་མཚན་གསོལ༴ རབ་འབྱམས་བདུན་པ། མཁས་གྲུབ་དབང་ཕྱུག་རྫོགས་ཆེན་རབ་འབྱམས་པའི། །བྱིན་རླབས་ངེས་གསང་བསྟན་པའི་ལམ་སྲོལ་འཛིན། །གཞན་ཕན་གོ་ཆ་རབ་བརྟན་རྒྱལ་བའི་སྲས། །འགྱུར་མེད་ཆོས་ཀྱི་སེང་གེར༴ མཁན་ཆེན་བློ་གྲོས་རབ་གསལ། ཐེག་མཆོག་རྡོ་རྗེ་སྙིང་པོའི་རིང་ལུགས་ཀྱི། །ངོ་མཚར་ལྟ་སྒོམ་སྤྱོད་པ་རྨད་བྱུང་བ། །ལུང་རིགས་སེང་གེའི་སྒྲ་སྒྲོགས་པཎྜི་ཏ། །མཁན་ཆེན་བློ་གྲོས་རབ་གསལ༴ མཁན་པོ་གང་ཤར། སྦྱངས་པ་མཐར་ཕྱིན་མཁས་པའི་ཕུལ་དུ་ཕྱིན། །ཉམས་རྟོགས་མཐར་ཕྱིན་ནང་གི་དེ་ཉིད་གཟིགས། །གཞན་ཕན་མཐར་ཕྱིན་འབྲེལ་ཚད་དོན་དང་ལྡན། །བྱང་ཆུབ་རྡོ་རྗེའི་ཞབས་ལ་གསོལ་བ་འདེབས། །དེ་ལྟར་མི་ཕྱེད་གུས་པས་གསོལ་བཏབ་མཐུས། །ཚེ་རབས་ཕྲེང་བར་དམ་པའི་མགོན་རྣམས་ཀྱིས། །རྗེས་བཟུང་མཉེས་པ་གསུམ་གྱིས་ལེགས་བསྟེན་ནུས། །དོན་གཉིས་བསམ་ཀུན་འགྲུབ་པར་བྱིན་གྱིས་རློབས། །ཞེས་པའང་རབ་འབྱམས་སྨྲ་བའི་སེང་གེའི་དབོན་པོ་ཤཱཀྱའི་དགེ་སློང་འགྱུར་མེད་ཡོན་ཏན་མཁས་གྲུབ་ནས་བསྐུལ་ངོར་རྗེ་བླ་མའི་གསུང་ལ་ཞལ་སྐོང་དུ་འགྱུར་མེད་བསླབ་གསུམ་རྒྱལ་མཚན་གྱིས་དད་ཅིང་གུས་པས་བྲིས་པ་དགེ་ལེགས་འཕེལ། ༈ མདོ་ཁམས་ལྗོངས་སུ་རྒྱལ་བསྟན་སྣང་མཛད་གཙོ། །མཁས་དང་གྲུབ་པའི་རྣམ་ཐར་རྒྱན་གྱུར་པ། །རྡོ་རྗེ་འཛིན་དབང་སྔ་འགྱུར་བཀའ་གཏེར་གྱི། །རབ་འབྱམས་བསྟན་པའི་ཉི་མར་གསོལ་བ་འདེབས། །བདེ་གཤེགས་མྱ་ངན་མེད་ཀྱི་རྣམ་པར་འཕྲུལ། །སྔ་འགྱུར་བཀའ་གཏེར་ཤིང་རྟ་རབ་འབྱམས་པའི། །གསང་གསུམ་བྱིན་རླབས་ཐུགས་རྗེའི་རྣམ་འཕྲུལ་དུ། །དབུགས་དབྱུང་བསྟན་པའི་ཉི་མར་གསོལ་བ་འདེབས། ༈ འགྱུརྃ་མེདྃ་གདོད་ནས་དག་པའི་ཡེ་ཤེས་རྩལ། །ཀུན་ཁྱབ་ཐུགས་རྗེའི་རིག་གདངས་སྤྲུལ་པའི་སྐུ། །ཐེགྃ་མཆོྃག་བསྟནྃ་པའིྃ་རྒྱལྃ་མཚྃན་གྲགས་པའི་ཚུལ། །དཔལ་མགོན་བླ་མ་མཆོག་ལ་གསོལ་བ་འདེབས། །ཞེས་པའང་རྡོ་རྗེ་བྲག་རིག་འཛིན་ཆེན་པོའི་སྤྲུལ་པའི་སྐུ་འཇམ་དཔལ་བློ་བཟང་ནས་གསུང་བསྐུལ་བཞིན་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་རང་ཉིད་ཀྱིས་བྲིས་པ་བརྒྱུད་གསུམ་བླ་མ་རྣམས་ཀྱིས་བྱིན་གྱིས་བརླབ་པའི་རྒྱུར་གྱུར་ཅིག ༈ སྐྱབས་གནས་ཀུན་འདུས་ཨོ་རྒྱན་རྡོ་རྗེ་འཆང༌། །དབྱེར་མེད་དྲིན་ཅན་རྩ་བའི་བླ་མ་ལ། །གསོལ་འདེབས་འདི་ཕྱི་བར་དོར་ཐུགས་རྗེས་ཟུངས། །སེམས་ཉིད་རང་ངོ་མཐོང་བར་བྱིན་གྱིས་རློབས། །ཞེས་བཀྲ་ཤིས་དཔལ་ལྡན་ནས་བསྐུལ་ངོར་དིལ་མཁྱེན་མངྒ་ལ་ཤྲཱི་བྷཱུ་ཏིས་ལྷ་གདན་གནས་མཇལ་སྐབས་བྲིས་པ་དགེ ༈ གྲུབ་དབང་རྫོགས་ཆེན་རིན་པོ་ཆེའི་སྐྱེ་བརྒྱུད་གསོལ་འདེབས་བཞུགས་སོ། །དུས་གསུམ་སྐྱེ་འགག་མེད་པ་ཆོས་ཉིད་ཀྱང༌། །སེམས་ཅན་ཁམས་ལ་གཟུགས་སྐུ་རྣམ་གཉིས་སུ། །སྣང་བའི་ངོ་མཚར་བདེ་གཤེགས་གཙུག་ཏོར་ཅན། །མཚན་གྱིས་ངན་སོང་སྒྲོལ་ལ་གསོལ་བ་འདེབས། །རྒྱུད་སྡེ་རྒྱ་མཚོའི་མངའ་བདག་ཀུ་ཀུ་རི། །འཕོ་ཆེན་རྡོ་རྗེའི་ས་བརྙེས་བི་མ་ལ། །སྤྲོས་བྲལ་ཕྱག་རྒྱ་ཆེན་པོ་ས་ར་ཧ། །བསྟན་པའི་ཆུ་འགོ་གསུམ་ལ་གསོལ་བ་འདེབས། །ལྷ་སྲིན་བྲན་ཁོལ་རླངས་ཆེན་དཔལ་སེང་གེ །འཁྲུལ་སྣང་བྲག་རི་སྙིལ་བ་དཀོན་མཆོག་འབྱུང༌། །རྒྱལ་བསྟན་ཉིན་མོར་བྱེད་པའི་ཁྲི་རལ་ཞབས། །བསྟན་པའི་རྩ་ལག་གསུམ་ལ་གསོལ་བ་འདེབས། །གཏི་མུག་ལམ་ལོང་གྲུབ་ཆེན་ཕག་འཚོང་པ། །མི་ལ་བཞད་པའི་སྲས་གྱུར་བྱང་ཆུབ་རྒྱལ། །དྲུག་པ་སེང་གེའི་སྒྱུ་འཕྲུལ་དུས་གསུམ་མཁྱེན། །གྲུབ་པ་མཆོག་བརྙེས་གསུམ་ལ་གསོལ་བ་འདེབས། །རྟོགས་པས་བདག་རྒྱུད་གྲོལ་བའི་གླིང་རས་རྗེ། །བླ་མར་མོས་གུས་མཐར་ཕྱིན་སྟག་ལུང་པ། །བརྟུལ་ཞུགས་གྲུབ་པ་ཨོ་རྒྱན་རང་བྱུང་དཔལ། །སྒྲུབ་བརྒྱུད་བསྟན་འཛིན་གསུམ་ལ་གསོལ་བ་འདེབས། །གཞི་གསུམ་རྩ་བ་བརྟན་པའི་བློ་གྲོས་བཟང༌། །རྙིང་བསྟན་མདོ་སྨད་སྤེལ་ལ་སྨོན་ལམ་གྱི། །མཐུ་གྲུབ་པདྨའི་རིག་པ་འཛིན་པ་དང༌། །འགྱུར་མེད་ཐེག་མཆོག་ཞབས་ལ་གསོལ་བ་འདེབས། །སྔ་འགྱུར་བསྟན་པའི་རྩ་བ་མདོ་སྒྱུ་སེམས། །ཡང་ཕུར་སངས་རྒྱས་མཉམ་པར་སྦྱོར་ལ་སོགས། །བཀའ་བབས་གྲུབ་ཆེན་ཕྲིན་ལས་སྲོལ་གཏོད་པ། །ངེས་དོན་བསྟན་འཛིན་བཟང་པོར་གསོལ་བ་འདེབས། །དམ་པ་དུ་མའི་ཞབས་པད་གཙུག་ཏུ་ཁུར། །སངས་རྒྱས་བསྟན་ལ་ལྷག་བསམ་ཟླ་ལྟར་དཀར། །གསང་སྔགས་རྫོགས་པ་ཆེན་པོའི་དོན་ལ་སྤྱོད། །འཇིགས་མེད་མཁྱེན་བརྩེའི་དབང་ཕྱུག་གསོལ་བ་འདེབས། །བི་མའི་རྣམ་འཕྲུལ་རྡོ་རྗེའི་ལུང་གིས་བསྔགས། །ཐུགས་བསྐྱེད་ཕྲིན་ལས་དོན་ཡོད་ཞགས་པ་ཡིས། །བསྟན་འགྲོའི་རྒུད་སེལ་བཀའ་གཏེར་བསྟན་པའི་བདག །ཐུབ་བསྟན་ཆོས་ཀྱི་རྡོ་རྗེར་གསོལ་བ་འདེབས། །དུས་གསུམ་གཟིགས་པས་ཇི་ལྟར་ལུང་བསྟན་བཞིན། །ཐུགས་རྗེ་ཡས་སྤྲུལ་འཕགས་པའི་རྣམ་ཐར་གྱིས། །འགྲོ་ཀུན་རྗེས་སྐྱོང་རྒྱལ་སྲས་སེམས་དཔའ་ཆེ། །འཇིགས་བྲལ་བྱང་ཆུབ་རྡོ་རྗེར་གསོལ་བ་འདེབས། །ཀུན་བཟང་བསྟན་པའི་བདག་པོའི་ཡེ་ཤེས་ཀྱིས། །སྒྲིབ་བྲལ་དགོངས་པས་ལུང་བསྟན་མཆོག་སྤྲུལ་ཆེ། །དཔའ་ཆེན་འགྲོ་འདུལ་ཕྲིན་ལས་ཐུགས་རྗེའི་གཏེར། །འཇིགས་མེད་བློ་གསལ་དབང་པོ་ཞབས་བརྟན་གསོལ། །ངེས་འབྱུང་རྒྱུད་བརླན་བྱང་ཆུབ་སེམས་གཉིས་ཀྱི། །ཤིང་རྟས་དྲངས་པས་སྨིན་གྲོལ་ལམ་མཆོག་ལ། །རྟག་ཏུ་བརྟེན་གོམས་བགྱིད་པས་དངོས་གྲུབ་ཀུན། །ཚེ་འདི་ཉིད་ལ་ཐོབ་པར་བྱིན་གྱིས་རློབས། །ཞེས་པའང་མདོ་ཁམས་དགེ་རྩེ་བླ་མས་བསྐུལ་ངོར་རྫོགས་ཆེན་པ་རང་བྱུང་རྡོ་རྗེས་མཛད་པ་ལ་བླ་མ་རྒྱལ་དབང་ཉི་མས་རྟེན་བཅས་བཀའ་ཡི་བསྐུལ་མ་གནང་བ་བཞིན་སྐུ་རབས་གསུམ་གྱི་གསོལ་འདེབས་ཞལ་སྐོང་དུ་མཚུངས་མེད་གྲུབ་དབང་ཆེན་པོའི་སློབ་གྲལ་དུ་འཁོད་པ་འཇིགས་མེད་མཁྱེན་བརྩེའི་འོད་ཟེར་གྱིས་བྲིས་པ་དགེ་ལེགས་འཕེལ། ༈ སངས་རྒྱས་ཀུན་གྱི་ཕྲིན་ལས་ཕྱག་རྒྱའི་དབང༌། །གདོད་ནས་གསང་གསུམ་རྡོ་རྗེར་རྫོགས་པའི་དཔལ། །མཁྱེན་བརྩེའི་དབང་པོ་ཀུན་མཁྱེན་གཟི་བརྗིད་རྩལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བཀའ་གཏེར་ཕུར་པའི་བཀའ་བབ་རིག་པ་འཛིན། །སྣང་སྲིད་ཐལ་འབྱིན་ཡེ་ཤེས་དགོངས་རྩལ་རྫོགས། །རྡོ་རྗེ་དབང་མཆོག་ཐུབ་བསྟན་ཆོས་རྡོར་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རྒྱལ་ཀུན་མཁྱེན་བརྩེའི་ཡེ་ཤེས་སྣང་བ་ཆེའི། །སྲིད་གསུམ་བདུད་སྡེ་མཐར་བྱེད་རྡོ་རྗེ་ཅན། །པདྨ་ཡེ་ཤེས་རྡོ་རྗེ་རྩལ་འཆང་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། ༈ ཀུན་མཁྱེྃན་ཡེ་ཤེས་མེ་ལོང་འཇམ་པའི་དབྱངས། །ཀུན་ཁྱབ་བརྩེྃ་ཆེན་འཇིག་རྟེན་དབང་ཕྱུག་ཆེ། །ཀུན་གྲོལ་སྟོབས་བཅུའི་འོདྃ་ཟེརྃ་བརྒྱ་པའི་དབྱིག །ཀུན་གཟིགས་དཔལ་ལྡན་བླ་མར་གསོལ་བ་འདེབས། །དོན་དམ་ཡེ་ཤེས་དབྱིངས་ཀྱི་བླ་མ་ནི། །གདོད་ནས་འདུ་འབྲལ་མེད་པར་རང་ལ་བཞུགས། །ཡིད་ཆེས་མོས་གུས་དད་པས་རྟག་འབོད་ན། །ཚེ་རབས་ཀུན་ཏུ་རྗེས་སུ་འཛིན་པར་མཛོད། །ཚུལ་གནས་ཐོས་བསམ་སྒོམ་པའི་ཡོན་ཏན་རྫོགས། །བསྟན་པའི་སྙིང་པོ་བཤད་སྒྲུབ་ལས་ལ་བརྩོན། །རང་གི་རྒྱུད་གྲོལ་གཞན་ཕན་མཁའ་ལྟར་ཁྱབ། །ཆོས་རྗེ་བླ་མའི་གོ་འཕང་མངོན་གྱུར་ཤོག །ཅེས་གྲུབ་ཆེན་སངས་རྒྱས་མཉན་པའི་རྗེ་དབོན་འཆི་མེད་སྤྲུལ་པའི་སྐུ་དང༌། མཁྱེན་ཡོན་དཔལ་མངའ་ཨ་གྲོ་སྤྲུལ་སྐུ་ཟུང་ནས་གསུང་བསྐུལ་བཞིན་རྒད་པོ་རང་ཉིད་ཀྱིས་བྲིས་ཤིང་སྨོན་པ་དགེ་ལེགས་འཕེལ། ༈ སྒྱུ་འཕྲུལ་དྲྭ་བ་ཆེན་པོའི་བཤད་རྒྱུད་ཀྱི་བླ་མ་རྣམས་ལ་གསོལ་བ་འདེབས་པ་བཀྲ་ཤིས་གྲུབ་པའི་དབྱངས་སྙན་ཞེས་བྱ་བ་བཞུགས་སོ། སྟོན་པ་ཀུན་བཟང་རྒྱལ་ཚབ་རིགས་ལྔ་དང༌། །རིགས་གསུམ་དྲྭ་མ་ལྔ་དང་རྒྱལ་པོ་ཛཿ །ཀུ་ཀུ་རཱ་ཛ་ཨིནྡྲ་བོདྷི་དང༌། །སིང་ཧ་རཱ་ཛ་རྣམས་ལ་གསོལ་བ་འདེབས། །ཨུ་པ་རཱ་ཛ་གོ་མ་དེ་ཝིའི་ཞབས། །སློབ་དཔོན་ཀུ་ཀུ་རཱ་ཛ་ཕྱི་མ་དང༌། །རོ་ལང་བདེ་བ་རྡོ་རྗེ་བཞད་པ་རྩལ། །པྲ་བྷ་ཧསྟི་རྣམས་ལ་གསོལ་བ་འདེབས། །སངས་རྒྱས་ཀུན་དངོས་པདྨ་སཏྟ་བྷ་ཝ། །སྒེག་རྡོར་སངས་རྒྱས་གསང་བ་བི་མ་ལ། །རྨ་ལོ་རིན་མཆོག་གཙུག་གྱེར་རྣམ་པ་གཉིས། །ཞང་སྟོན་རྒྱལ་ཡོན་རྣམས་ལ་གསོལ་བ་འདེབས། །གནུབས་ཆེན་སངས་རྒྱས་ཡོན་ཏན་རྒྱ་མཚོ་དང༌། །ཡེ་ཤེས་རྒྱ་མཚོ་ཉང་ཆེན་ཤེས་རབ་མཆོག །ཡེ་ཤེས་འབྱུང་གནས་ཟུར་ཆུང་ཤཱཀྱ་འབྱུང༌། །ཟུར་ཆེན་ཤེར་གྲགས་རྣམས་ལ་གསོལ་བ་འདེབས། །ཐུགས་སྲས་ཀ་ཆེན་བཞི་དང་སྒྲོ་ཕུག་པ། །ཉེ་སྟོན་ཆོས་སེང་གཙང་ནག་འོད་འབར་དང༌། །མེས་སྟོན་མགོན་པོ་ཤེས་རབ་ཚུལ་ཁྲིམས་དང༌། །རྟ་ནག་བདུད་འདུལ་རྣམས་ལ་གསོལ་བ་འདེབས། །ཤཱཀྱ་འཕེལ་དང་བྱམས་པ་སེང་གེ་དང༌། །འགྲོ་སྟོན་བསམ་འགྲུབ་སྒྲོལ་ཆེན་སངས་རྒྱས་མཚན། །གཞོན་ནུ་དཔལ་དང་ཡེ་ཤེས་དཔལ་བཟང་པོ། །རིན་ཆེན་ཕུན་ཚོགས་རྣམས་ལ་གསོལ་བ་འདེབས། །ཉི་ཟླ་སངས་རྒྱས་འཁོན་རིགས་ཚེ་དབང་དང༌། །དཔལ་འབྱོར་ལྷུན་གྲུབ་བཀྲ་ཤིས་ཀུན་དགའ་དང༌། །ཕྲིན་ལས་ལྷུན་གྲུབ་འགྱུར་མེད་རྡོ་རྗེ་དང༌། །ངག་དབང་ཆོས་དཔལ་རྣམས་ལ་གསོལ་བ་འདེབས། །འགྱུར་མེད་རྒྱ་མཚོ་རིན་ཆེན་རྣམ་པར་རྒྱལ། །པདྨ་བསྟན་འཛིན་ཨོ་རྒྱན་བསྟན་རྡོར་དང༌། །ཆོས་ཀྱི་གྲགས་པ་འཇིགས་མེད་ངོ་མཚར་ཞབས། །པདྨ་བཀྲ་ཤིས་རྣམས་ལ་གསོལ་བ་འདེབས། །རྒྱལ་བའི་སྲས་པོ་གཞན་ཕན་མཐའ་ཡས་དང༌། །ངག་གི་དབང་ཕྱུག་པདྨའི་མཚན་ཅན་དང༌། །འཇམ་དཔལ་དབྱངས་དངོས་མི་ཕམ་རྣམ་པར་རྒྱལ། །མཁན་ཆེན་ཡོན་ཏན་རྒྱ་མཚོར་གསོལ་བ་འདེབས། །ཁྱབ་བདག་རྡོ་རྗེ་སེམས་དངོས་བི་ཛ་ཡ། །བསྟན་པའི་ཉི་མ་ཆོས་ཀྱི་བློ་གྲོས་སོགས། །སྙིང་པོའི་རྒྱུད་རྒྱལ་ལེགས་པར་འཛིན་པ་ཡི། །རིག་འཛིན་བླ་མ་རྣམས་ལ་གསོལ་བ་འདེབས། །གཞན་ཕན་མཐའ་ཡས་འཇིགས་མེད་ཆོས་ཀྱི་དབང༌། །ཡོན་ཏན་རྒྱ་མཚོ་མཁན་ཆེན་རྡོ་རྗེ་འཛིན། །ཐུབ་བསྟན་ཆོས་འཕེལ་འཇམ་དབྱངས་བསྟན་འཛིན་སོགས། །རྩ་བརྒྱུད་བླ་མ་རྣམས་ལ་གསོལ་བ་འདེབས །ཁྱད་པར་རྒྱུད་ཀྱི་རྒྱལ་པོའི་མཐར་ཐུག་དོན། །ལེགས་བཤད་ཉི་ཟླའི་སྤྲིན་གྱི་སྣང་བ་ཡིས། །གསལ་མཛད་ཀུན་མཁྱེན་ཆོས་ཀྱི་རྒྱལ་པོ་ནས། །རིམ་བརྒྱུད་བླ་མའི་ཚོགས་ལ་གསོལ་བ་འདེབས། །གཞན་ཡང་གསང་ཆེན་སློབ་བཤད་སྙིང་པོའི་སྲོལ། །འཛིན་མཛད་རོང་ཟོམ་ཆོས་ཀྱི་བཟང་པོ་དང༌། །རང་བྱུང་རྡོ་རྗེ་འཇིགས་མེད་གླིང་པ་སོགས། །བྱིན་རླབས་ཉེ་བརྒྱུད་བླ་མར་གསོལ་བ་འདེབས། །བརྒྱུད་གསུམ་བླ་མའི་དགོངས་དོན་བདུད་རྩིའི་བཅུད། །རྨད་བྱུང་ཐུགས་ཀྱི་གསང་བ་སྙིང་པོའི་རྒྱུད། །སྙིང་གི་དཔལ་བེར་སྩོལ་བའི་བཀའ་དྲིན་ཅན། །རྩ་བའི་བླ་མ་མཆོག་ལ་གསོལ་བ་འདེབས། །ཟུང་འཇུག་འབྲས་བུའི་ཡེ་ཤེས་བླ་མེད་པ། །རྣམ་པ་རྟགས་ཀྱི་ཕྱག་རྒྱར་ཤར་བ་ཡི། །ཡི་དམ་ལྷ་ཚོགས་མཁའ་འགྲོ་ཆོས་སྐྱོང་བཅས། །སྐྱབས་གནས་དམ་པ་རྣམས་ལ་གསོལ་བ་འདེབས། །དག་མཉམ་གཞི་ཡི་གནས་ལུགས་ཇི་བཞིན་རྟོགས། །བསྐྱེད་རྫོགས་ལམ་གྱི་རྣལ་འབྱོར་མཐར་རུ་ཕྱིན། །ཟུང་འཇུག་འབྲས་བུའི་ཡེ་ཤེས་མངོན་གྱུར་ནས། མཐའ་ཡས་འགྲོ་ཀུན་འདྲེན་པའི་དཔལ་ཐོབ་ཤོག །བརྒྱུད་གསུམ་བླ་མའི་བྱོན་རླབས་སྙིང་ལ་ཞུགས། །བཤད་དང་སྒྲུབ་པས་སྙིང་པོའི་བསྟན་པ་འཕེལ། །རྩ་གསུམ་སྲུང་མ་དགྱེས་པའི་གཟི་བྱིན་གྱིས། །འཇིག་རྟེན་དགེ་ལེགས་ཆེན་པོས་ཁྱབ་གྱུར་ཅིག །ཅེས་པའང་སྒྱུ་འཕྲུལ་བརྒྱུད་འདེབས་ལ་བཤད་བཀའི་ཕྱོགས་ཀྱི་ཁ་སྐོང་དང་སྨོན་ལམ་བཅས་འཇམ་དཔལ་དགྱེས་པས་སྤེལ་བ་དགེ་ལེགས་སུ་གྱུར་ཅིག །མངྒལཏྟ། ༈ སྒྱུ་འཕྲུལ་རྒྱུད་བཤད་རྡོ་རྗེ་འཆང་མཁྱེན་བརྩེའི་དབང་པོའི་ཉེ་བརྒྱུད་ལྟར་ན། ངག་དབང་ཆོས་དཔལ་རྣམས་ལ་གསོལ་འདེབས། ཞེས་པའི་མཚམས་སུ། མདོ་རྒྱུད་རྒྱ་མཚོ་འགྱུར་མེད་རབ་གསལ་དང༌། །སྣ་ཚོགས་རང་གྲོལ་འཇམ་མགོན་མཐུ་སྟོབས་ཞབས། །བཀའ་བབས་བདུན་གྱི་མངའ་བདག་མདོ་སྔགས་གླིང༌། །ཀུན་གཟིགས་ཡོན་ཏན་རྒྱ་མཚོར་གསོལ་བ་འདེབས། །མདོ་སྔགས་བསྟན་འཛིན་ཨོ་རྒྱན་ཆོས་ཀྱི་ཉི། །བཤད་སྒྲུབ་རྒྱ་མཚོ་འཇམ་དབྱངས་ཆོས་བློ་གྲོས། །པདྨ་དྲི་མེད་བྱང་ཆུབ་རྡོ་རྗེའི་ཞབས། ཉེ་བརྒྱུད་བླ་མ་རྣམས་ལ་གསོལ་བ་འདེབས། །གཞན་ཡང་གསང་ཆེན་སློབ་བཤད་སྙིང་པོའི་ཚུལ། །འཛིན་མཛད་རོང་ཀློང་མཁས་གྲུབ་ཟླ་བྲལ་ཟུང༌། རང་བྱུང་རྡོ་རྗེ་སོགས་བརྒྱུད་འདེབས་དཀྱུས་ལྟར་བྱ་འོ། ༈ འཇམ་དབྱངས་མཁྱེན་བརྩེ་དབང་པོའི་གསུང༌། དཔལ་གསང་བ་སྙིང་པོའི་བཤད་རྒྱུན་བརྒྱུད་པའི་གསོལ་འདེབས་བྱིན་རླབས་ཤིང་རྟའི་བརྒྱུད་འདེབས་ཁ་སྐོང་ནི། བཀའ་བབས་བདུན་གྱི་མངའ་བདག་མདོ་སྔགས་གླིང༌། །གསང་བའི་བདག་པོ་ཡོན་ཏན་རྒྱ་མཚོའི་ཞབས། །མདོ་སྔགས་བསྟན་འཛིན་ཨོ་རྒྱན་ཆོས་ཀྱི་ཉི། །བཤད་སྒྲུབ་རྒྱ་མཚོ་རྣམས་ལ་གསོལ་བ་འདེབས། །ཀུན་གཟིགས་འཇམ་དབྱངས་ཆོས་ཀྱི་བློ་གྲོས་རྗེ། །པདྨ་དྲི་མེད་བྱང་ཆུབ་རྡོ་རྗེ་ཞབས། །སྙིང་པོའི་རྒྱུད་རྒྱལ་ལེགས་པར་འཛིན་པ་ཡི། །རྩ་བརྒྱུད་བླ་མ་རྣམས་ལ་གསོལ་བ་འདེབས། །དེ་ལྟར་གསོལ་བ་སོགས་ཀྱུས་ལ་འཇུག་གོ །ཞེས་མངྒ་ལས་སོ། ༈ མདོ་ཁམས་ལྗོངས་སུ་རྒྱལ་བསྟན་སྣང་མཛད་གཙོ། །མཁས་དང་གྲུབ་པའི་རྣམ་ཐར་རྒྱན་གྱུར་པ། །རྡོ་རྗེ་འཛིན་དབང་སྔ་འགྱུར་བཀའ་གཏེར་གྱི། །རབ་འབྱམས་བསྟན་པའི་ཉི་མར་གསོལ་བ་འདེབས། །བདེ་གཤེགས་མྱ་ངན་མེད་ཀྱི་རྣམ་པར་འཕྲུལ། །སྔ་འགྱུར་བཀའ་གཏེར་ཤིང་རྟ་རབ་འབྱམས་པའི། །གསང་གསུམ་བྱིན་བརླབས་ཐུགས་རྗེའི་རྣམ་འཕྲུལ་དུ། །དབུགས་དབྱུང་བསྟན་པའི་ཉི་མ་གསོལ་བ་འདེབས། ༈ རྒྱུད་ལུགས་འཇམ་དཔལ་ཞི་བའི་སྒྲུབ་ཐབས་ཡེ་ཤེས་སྣང་བ་མཆོག་སྦྱིན་གྱི་བརྒྱུད་འདེབས་ཡེ་ཤེས་དཔལ་སྟེར་བཞུགས། ངོ་བོ་ཀ་དག་སྤྲོས་མཚན་འཇམ་པའི་དབྱངས། །རང་བཞིན་ལྷུན་གྲུབ་སྐུ་དང་ཡེ་ཤེས་དཔལ། །གཉིས་སུ་མི་ཕྱེད་གཞོན་ནུ་བུམ་པའི་སྐུ། །ཆོས་དབྱིངས་སྲིད་ཞི་ཁྱབ་ལ་གསོལ་བ་འདེབས། །ཟག་མེད་ཡེ་ཤེས་སྐུ་ཡིས་ཞིང་ཀུན་ཁྱབ། །རབ་འབྱམས་ཆོས་འབྱུང་ཚངས་དབྱངས་གསུང་དབང་ཕྱུག །རྒྱལ་ཀུན་ཐུགས་དབུས་ཡེ་ཤེས་སེམས་དཔའི་ཚུལ། །ཕྱོགས་དུས་འདྲེན་པའི་དེད་དཔོན་གསོལ་བ་འདེབས། །འདས་པའི་སངས་རྒྱས་བདེ་གཤེགས་ཀླུའི་དབང་པོ། །ད་ལྟ་བྱང་ཕྱོགས་མོས་པ་རབ་དགའི་རྒྱལ། །མ་འོངས་མགོན་པོ་ཀུན་ཏུ་གཟིགས་ཆེན་པོ། །དུས་གསུམ་རྒྱལ་བའི་ཚུལ་སྟོན་གསོལ་བ་འདེབས། །ཐུབ་པའི་དྲུང་ན་རྒྱལ་སྲས་འཇམ་དཔལ་དབྱངས། །ཟབ་རྒྱས་ཆོས་སྟོན་བསྐུལ་མཛད་ཉེ་བའི་སྲས། །དུས་གསུམ་འདྲེན་པའི་བྱང་ཆུབ་ལམ་གྱི་གྲོགས། །ངོ་མཚར་བསམ་མི་ཁྱབ་ལ་གསོལ་བ་འདེབས། །རྣམ་དབྱེར་མེད་པའི་སེམས་ཅན་དོན་གྱི་ཕྱིར། །ཟབ་མོ་ལྟ་བའི་ལེགས་གསུང་གངྒའི་ཀླུང༌། །ཤིང་རྟ་ཆེན་པོ་ཀླུ་དབང་རྗེས་བཟུང་ནས། །ཐེག་མཆོག་ལམ་བཟང་སྟོན་ལ་གསོལ་བ་འདེབས། །སུམ་ཁྲི་དྲུག་སྟོང་འཇམ་དཔལ་སྒྱུ་འཕྲུལ་དྲྭ། །གསང་ཆེན་རྒྱུད་སྡེའི་སྨིན་གྲོལ་དབྱིག་གི་སྒྲོམ། །འཇམ་དཔལ་ཆོས་ཀྱི་བཤེས་གཉེན་ཚུལ་བཟུང་ནས། །བདེ་གཤེགས་སྐུ་ཡི་བཀའ་བབ་གསོལ་བ་འདེབས། །དཔལ་ལྡན་རྫོགས་པའི་སངས་རྒྱས་པདྨ་སྐྱེས། །བྱང་ཕྱོགས་ཐུབ་པའི་རྒྱལ་ཚབ་ཞི་བ་འཚོ། །ཆོས་རྒྱལ་ཚངས་པ་ལྷ་ཡི་མེ་ཏོག་ཚུལ། །གངས་ཅན་སྒྲོན་མེ་གསུམ་ལ་གསོལ་བ་འདེབས། །མདོ་སྒྱུའི་ཤིང་རྟ་སངས་རྒྱས་ཡེ་ཤེས་དང༌། །ཤེལ་བཟའ་སྒྲོན་གསལ་སར་བན་ཕྱོགས་མེད་དང༌། །བདུད་འདུལ་རྡོ་རྗེ་གླིང་སོགས་ཟབ་གཏེར་གྱི། །སྨིན་གྲོལ་བསམ་ཡས་སྟོན་ལ་གསོལ་བ་འདེབས། །པཎ་ཆེན་མ་ཏི་དམ་པ་སངས་རྒྱས་སོགས། །རྒྱུད་སྡེ་བཞི་འབྲེལ་འཇམ་དཔལ་ཞི་དང་ཁྲོའི། །རྒྱུད་ལུང་མན་ངག་སྨིན་གྲོལ་ཀུན་འདུས་པ། །འཇམ་དབྱངས་མཁྱེན་བརྩེའི་དབང་པོར་གསོལ་བ་འདེབས། །བློ་གྲོས་མཐའ་ཡས་ཞབས་དང་མཆོག་གྱུར་གླིང༌། །དབང་ཆེན་དགྱེས་རབ་རྡོ་རྗེ་ལ་སོགས་པའི། །བཀའ་གཏེར་མན་ངག་བདུད་རྩིའི་བཅུད་སྩོལ་བའི། །དངོས་བརྒྱུད་བླ་མ་རྣམས་ལ་གསོལ་བ་འདེབས། །རྒྱ་ཆེན་ཤེས་བྱའི་ཆོས་ཀུན་ཐུགས་སུ་ཆུད། །ཟབ་དོན་ཡེ་ཤེས་དགོངས་པའི་གཏེར་མཛོད་གྲོལ། །སྔ་འགྱུར་བསྟན་པའི་ཉིན་བྱེད་འཇམ་དཔལ་དབྱངས། །མི་ཕམ་རྣམ་པར་རྒྱལ་ལ་གསོལ་བ་འདེབས། །དེ་སྲས་ཐུ་བོ་པདྨ་རྣམ་པར་རྒྱལ། །གནས་ལྔ་རིག་པའི་པཎ་ཆེན་ཆོས་རྒྱ་མཚོ། །ཆོས་དབྱིངས་འོད་གསལ་ཆོས་ཀྱི་བློ་གྲོས་གཏེར། །རྣམ་འདྲེན་བླ་མ་རྣམས་ལ་གསོལ་བ་འདེབས། །སྲིད་ལས་ངེས་འབྱུང་གཞན་ཕན་སེམས་ཀྱིས་དུལ། །དབང་བཞིས་རྒྱུད་སྨིན་དམ་ཚིག་རྣམ་པར་དག །བསྐྱེད་རྫོགས་ལམ་གྱིས་རིག་འཛིན་བཞི་བགྲོད་ནས། །ཟུང་འཇུག་རྡོ་རྗེའི་མི་སློབ་ས་བརྙེས་ཤོག །ཁྱད་པར་ཡེ་ཤེས་སྐུ་ཅན་འཇམ་དཔལ་གྱི། །རྣམ་ཐར་བསམ་མི་ཁྱབ་པའི་དཔལ་མཐའ་དག །མངོན་གྱུར་བསྟན་འགྲོའི་དོན་གཉིས་མཐར་ཕྱིན་པའི། །གོ་འཕང་རྨད་བྱུང་ཚེ་འདིར་མངོན་གྱུར་ཤོག །ཅེས་མཁྱེན་ཡོན་དད་བརྩོན་རྨད་བྱུང་དགེ་སློང་ཡེ་ཤེས་རྒྱལ་མཚན་གསུང་བསྐུལ་བཞིན་འཇམ་དབྱངས་བླ་མ་དགྱེས་པའི་འབངས་བཀྲ་ཤིས་དཔལ་འབྱོར་གྱིས་ལྷོ་འབྲུག་བདེ་སྐྱིད་ཀུན་དགའི་ཚལ་ནས་བྲིས་པ་ཡེ་ཤེས་འདོད་དགུའི་སྣང་བ་ལ་རྩེན་པའི་རྒྱུར་གྱུར་ཅིག ༈ གསོལ་འདེབས་ལེའུ་བདུན་མའི་ཁ་སྐོང་བརྒྱུད་འདེབས་ནི། འགྱུར་མེད་ཕྲིན་ལས་རྣམ་རྒྱལ་ལ་གསོལ་བ་འདེབས། །རྗེ་བཙུན་ཕྲིན་ལས་ཆོས་སྒྲོན་ལ༴ །འཇམ་དབྱངས་མཁྱེན་བརྩེའི་དབང་པོ་ལ༴ །ཀུན་མཁྱེན་བློ་གྲོས་མཐའ་ཡས་ལ༴ །གཏེར་ཆེན་མཆོག་གྱུར་གླིང་པ་ལ༴ །མཁས་གྲུབ་འཇམ་དཔལ་དགྱེས་པ་ལ༴ །ཁྱབ་བདག་པདྨ་བསྟན་འཛིན་ལ༴ །རིག་འཛིན་འོད་གསལ་རྡོ་རྗེ་ལ༴ །འཇམ་དབྱངས་ཆོས་ཀྱི་བློ་གྲོས་ལ༴ །དུས་གསུམ་རྩ་བརྒྱུད་བླ་མ་ལ༴ ཡི་དམ་སྒྲུབ་ཆེན་བཀའ་བརྒྱད་ལ༴ སོགས། མངྒ་ལས་སོ། ༈ བྱང་གཏེར་རྡོ་རྗེ་ཕུར་པ་དྲིལ་སྒྲུབ་ཀྱི་བརྒྱུད་འདེབས་བྱིན་རླབས་གཏེར་མཛོད་བཞུགས། ན་མོཿ ཤྲཱི་བཛྲ་ཀུ་མ་ར་ཡེ། འཁོར་འདས་ཀུན་ཁྱབ་ཆོས་སྐུ་ཀུན་ཏུ་བཟང༌། །ཁ་སྦྱོར་བདུན་ལྡན་ལོངས་སྐུ་རྡོ་རྗེ་སེམས། །གང་འདུལ་དེར་སྤྲུལ་གསང་བདག་སྨུག་ནག་ཡུམ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །ཚངས་པ་གདོང་གསུམ་ལྷ་དབང་ཀླུའི་རིག་འཛིན། །རྒྱལ་པོ་ཛ་དང་ཤཱཀྱ་པྲ་བྷའི་ཞབས། །གྲུབ་པའི་དབང་ཕྱུག་པདྨཱ་ཀ་ར་ལ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །བི་མ་མི་ཏྲ་ཤཱི་ལ་མཉྫུ་དང༌། །མཁར་ཆེན་མཚོ་རྒྱལ་རྡོ་རྗེ་བདུད་འཇོམས་རྗེ། །ཟབ་གཏེར་སྒོ་འབྱེད་དངོས་གྲུབ་རྒྱལ་མཚན་ལ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །སྐུ་ཡི་སྲས་མཆོག་རྣམ་རྒྱལ་མགོན་པོ་དང༌། །རིགས་སྔགས་འཆང་བ་རྡོ་རྗེ་མགོན་པོའི་ཞབས། །ངག་དབང་གྲགས་པ་སངས་རྒྱས་དཔལ་བཟང་ལ། །གསོལ་བ་འདེབས༴ ཐུགས་སྲས་ཆེན་པོ་སྔགས་འཆང་དྲང་སོ་བ། །ལེགས་ལྡན་ཞབས་དང་ཆོས་རྒྱལ་དབང་པོའི་སྡེ། །ངག་གི་དབང་པོ་རིག་འཛིན་ཡོལ་མོ་བར། །གསོལ་བ་འདེབས་སོ༴ མཐུ་སྟོབས་དབང་ཕྱུག་ཆོས་དབྱིངས་རང་གྲོལ་རྗེ། །གྲངས་མེད་རྒྱལ་བའི་སྤྱི་གཟུགས་བཤེས་གཉེན་མཆོག །ཀུན་མཁྱེན་ངག་དབང་བློ་བཟང་རྒྱ་མཚོའི་ཞབས། །གསོལ་བ་འདེབས་སོ༴ རིང་ནས་བསྙེན་ཅིང་བསྒྲུབ་པ་ལྷག་པའི་ལྷ། །ཕྲིན་ལས་རྒྱ་མཚོའི་བདག་ཉིད་ཧེ་རུ་ཀ །རྡོ་རྗེ་གཞོན་ནུས་རྗེས་བཟུང་རིག་འཛིན་རྗེར། །གསོལ་བ་འདེབས་སོ༴ སངས་རྒྱས་བྱམས་བཟང་སེ་སྟོན་ཉི་མ་བཟང༌། །མགོན་པོ་རིན་ཆེན་རྒྱལ་མཚན་དང༌། །སྤྱན་ཚབ་མཉམ་མེད་ཆོས་རྒྱལ་དབང་པོའི་སྡེར། །གསོལ་བ་འདེབས་སོ༴ རིག་འཛིན་ཆེན་པོ་ངག་གི་དབང་པོ་དང༌། །སྟོབས་ལྡན་དཔའ་བོ་ཟུར་ཆེན་པདྨ་དབང༌། །རྩ་བའི་བླ་མ་བླ་མེད་རྡོ་རྗེ་རྩལ། །གསོལ་བ་འདེབས་སོ༴ རིས་མེད་ཡོངས་འཛིན་དུ་མའི་ཐུགས་ཀྱི་སྲས། །སུམ་ལྡན་རྡོ་རྗེ་འཛིན་པའི་གྲུབ་མཆོག་རྗེ། །ལྷ་བཙུན་ཆེན་པོ་པདྨ་ཕྲིན་ལས་ལ། །གསོལ་བ་འདེབས་སོ༴ ཐེག་མཆོག་རྡོ་རྗེ་སྙིང་པོའི་བ་གམ་རྩེར། །བསྟན་པའི་རྒྱལ་མཚན་ཕྱོགས་ཅུར་སྒྲེང་མཛད་པའི། །རིགས་བདག་དཀྱིལ་འཁོར་འཁོར་ལོའི་མགོན་པོ་ལ། །གསོལ་བ་འདེབས་སོ༴ མཁྱེན་བརྩེ་ནུས་པའི་ཕུང་པོ་གཅིག་བསྡུས་པའི། །པདྨཱ་ཀ་རའི་རྒྱལ་ཚབ་དམ་པ་མཆོག །རིག་འཛིན་སྐལ་བཟང་པདྨ་དབང་ཕྱུག་ལ། །གསོལ་བ་འདེབས་སོ༴ དམ་པའི་རྗེས་བཟུང་མཐུ་སྟོབས་ནུས་པའི་བདག །གྲུབ་པའི་བརྟུལ་ཞུགས་འཛིན་པའི་བཤེས་གཉེན་མཆོག །ཁྱབ་བདག་བླ་མ་པདྨ་མི་ཏྲ་ལ། །གསོལ་བ་འདེབས་སོ༴ བསླབ་གསུམ་སྡོམ་བརྩོན་འཛིན་པའི་དེད་དཔོན་མཆོག །སྔ་འགྱུར་བསྟན་པ་སྤེལ་མཛད་ཆོས་ཀྱི་རྗེ། །འཁོར་ལོའི་མགོན་པོ་པདྨ་ངག་དབང་ལ། །གསོལ་བ་འདེབས་སོ༴ ཐེག་མཆོག་རྡོ་རྗེ་སྙིང་པོའི་བཅུད་མཆོག་ཀུན། །ཟབ་མོ་ཐུགས་ཀྱི་བུམ་པར་ལེགས་གཏམས་ཤིང༌། །སྤེལ་མཁས་ཀུན་བཟང་གསང་སྔགས་བསྟན་འཛིན་ལ། །གསོལ་བ་འདེབས་སོ༴ ཟུང་འཇུག་འོད་གསལ་ཕྱག་རྒྱ་ཆེན་པོའི་དོན། །མ་ནོར་ཇི་བཞིན་སྟོན་མཛད་ཆོས་ཀྱི་རྗེ། །པདྨའི་ཐུགས་སྲས་ནམ་མཁའ་ཀློང་ཡངས་ལ། །གསོལ་བ་འདེབས་སོ༴ སྙིང་པོའི་དོན་གཟིགས་མདོ་སྔགས་ཆོས་ཀྱི་མཐོ། །གུ་རུའི་ལུང་ཐོབ་པདྨ་དབང་རྒྱལ་དང༌། །མཁས་གྲུབ་ཀུན་གཙོ་སྐལ་བཟང་བདུད་འདུལ་ལ། །གསོལ་བ་འདེབས་སོ༴ བསླབ་གསུམ་རྣམ་དག་སྡོམ་གསུམ་ཁྲིམས་ཀྱིས་མཛེས། །རྒྱལ་བའི་མྱུ་གུ་མཉམ་ཉིད་རྡོ་རྗེ་དང༌། །རྡོ་རྗེ་འཛིན་པ་ཐེག་མཆོག་བསྟན་འཛིན་ལ། །གསོལ་བ་འདེབས་སོ༴ སྣང་སྲིད་དག་པ་ཆོས་སྐུའི་ཀློང་དུ་གཟིགས། །མ་འདྲེས་ཁ་དོག་རྟགས་ཀྱིས་ལེགས་འཁྱུད་པའི། །དྲིན་ཆེན་སྤྲུལ་སྐུ་རྩ་བའི་བླ་མ་ལ། །གསོལ་བ་འདེབས་སོ༴ ཕུང་ཁམས་རྣམ་པར་དག་པ་རྡོ་རྗེའི་ལུས། །གསང་གསུམ་ལྷ་ཡི་འཁོར་ལོར་ལྷུན་གྲུབ་པའི། །ཕྲིན་ལས་ཕུར་པའི་དཀྱིལ་འཁོར་ལྷ་ཚོགས་ལ། །གསོལ་བ་འདེབས་སོ༴ ལྷོ་བྲག་དུག་སྦྲུལ་སྤུངས་འདྲའི་གསང་སྒོའི་ནང༌། །མི་ཕྱེད་རྒྱས་བཏབ་ཟབ་གཏེར་ཡིད་བཞིན་ནོར། །དམ་ཅན་གཏེར་སྐྱོང་སྲུང་མར་བཅས་པ་ལ། །གསོལ་བ་འདེབས་སོ༴ འདི་ཕྱི་རྣམ་ཀུན་བྱང་ཆུབ་སྙིང་པོའི་བར། །བླ་མ་མཆོག་དང་ལྷག་པའི་ལྷར་བཅས་པས། །རྗེས་སུ་བཟུང་ནས་གསང་ཆེན་སྙིང་པོའི་ལམ། །རིམ་གཉིས་ཟབ་དོན་ཉམས་སུ་ལོངས་པར་ཤོག །མཚན་མའི་ཕུར་བུས་དགྲ་བགེགས་ཚར་གཅོད་ཅིང༌། །དོན་གྱི་ཕུར་བུས་མ་རིག་རྟོག་འཛིན་བསྒྲལ། །ལྷུན་གྲུབ་དབྱིངས་རིག་འོད་གསལ་ཆམས་ཅིག་གཞིར། །ཡོངས་དག་སྐུ་གསུམ་འབྲས་བུ་ལྷུན་གྲུབ་ཤོག །ཅེས་པ་འདི་ཡང་རིགས་སྔགས་འཆང་བ་དགེ་སློང་པདྨ་ཕྲིན་ལས་ཀྱིས་རང་གི་ངག་འདོན་ཕྱིར་ཕུར་སྒྲུབ་ཀྱི་ཐུན་མཚམས་སུ་འཕྲལ་དུ་སྦྱར་བའི་ཡི་གེ་པ་ནི་དོན་ལྡན་ནོ། ༈ གཏེར་མཛོད་བརྒྱུད་འདེབས་ལྟར་ན། རྒྱལ་དབང་ལྔ་པ་རིན་པོ་ཆེའི་མཚམས་སུ། རིས་མེད་ཡོངས་འཛིན་དུ་མའི་ཐུགས་ཀྱི་སྲས། །སུམ་ལྡན་རྡོ་རྗེ་འཛིན་པའི་གྲུབ་མཆོག་རྗེ། །ལྷ་བཙུན་ཆེན་པོ་པདྨ་ཕྲིན་ལས་ལ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །རིག་པ་འཛིན་མཆོག་པདྨ་དབང་རྒྱལ་དང༌། །རྡོ་རྗེ་ཐོགས་མེད་འགྱུར་མེད་བློ་ལྡན་དང༌། །པདྨ་བཤེས་གཉེན་ཕྲིན་ལས་ལྷུན་གྱིས་གྲུབ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །ཨོ་རྒྱན་རང་གྲོལ་རྡོ་རྗེ་ཕྲིན་ལས་དང༌། །ངེས་དོན་བསྟན་འཕེལ་བསོད་ནམས་མཆོག་ལྡན་ཞབས། །ཚེ་དབང་རིག་འཛིན་ཐུབ་བསྟན་རྒྱལ་མཚན་ལ། །གསོལ་བ་འདེབས་སོ༴ ཉེ་བརྒྱུད་བཀའ་བབས་འཇམ་དབྱངས་མཁྱེན་བརྩེའི་དབང༌། །རྒྱལ་ཀུན་ཕྲིན་ལས་རྗེས་སྐྱོང་གུ་ཎའི་ཞབས། །ཕྲིན་ལས་མཆོག་གྲུབ་རྡོ་རྗེ་དབང་མཆོག་རྩལ། །གསོལ་བ་འདེབས་སོ༴ འཇམ་པའི་རྡོ་རྗེ་ཆོས་ཀྱི་བློ་གྲོས་ཞབས། །ཕུར་པའི་ཐུགས་བརྙེས་རྡོ་རྗེའི་རིག་པ་འཛིན། །རྩ་བ་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་མཐུ་དབང་གྲུབ་གཉིས་སྩོལ། །ཕུང་ཁམས་རྣམ་པར་དག་པ་སོགས་བརྒྱུད་འདེབས་དཀྱུས་ལྟར་རོ། །ཞེས་པའང་དད་མོས་ཀྱི་བློས་རྙིང་སྔགས་རྒན་པོ་མཁྱེན་བརྩེའི་འོད་ཟེར་གྱིས་དད་པས་བྲིས་པའོ། །དགེའོ། ༈ བླ་མ་དགོངས་འདུས་ཀྱི་བརྒྱུད་འདེབས་མདོར་བསྡུས་བྱིན་རླབས་འོད་སྣང་ཞེས་བྱ་བ་བཞུགས་སོ། །ཨོཾ་ཨཱཿཧཱུྃ་ཧྲཱིཿ ངོ་བོ་ཆོས་སྐུ་ཀུན་བཟང་འོད་མཐའ་ཡས། །རང་བཞིན་འོད་གསལ་ལོངས་སྐུ་ཐུགས་རྗེ་ཆེ། །མ་འགག་ཕྲིན་ལས་མཚོ་སྐྱེས་རྡོ་རྗེ་འཆང༌། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བོད་ཡུལ་ཆོས་ཀྱི་རྒྱལ་པོ་ཁྲི་སྲོང་ཞབས། །དགོངས་འདུས་བཀའ་བབས་ལྷ་སྲས་རོལ་པ་རྩལ། །མཁར་ཆེན་མཚོ་རྒྱལ་རྗེ་འབངས་ལོ་པཎ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཟབ་གཏེར་སྒོ་འབྱེད་ཨོ་རྒྱན་སངས་རྒྱས་གླིང༌། །ཆོས་བདག་ལས་ཅན་རྩ་བརྒྱུད་བླ་མ་དང༌། །འཇམ་མགོན་པདྨ་གར་གྱི་དབང་ཕྱུག་རྩལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །འཇིག་རྟེན་དབང་ཕྱུག་མཁའ་ཁྱབ་རྡོ་རྗེའི་ཞབས། །ཀུན་ཏུ་བཟང་པོ་འཇམ་མགོན་མཁྱེན་བརྩེའི་གཏེར། །ཆོས་ཀྱི་བློ་གྲོས་བཀྲ་ཤིས་དཔལ་འབྱོར་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དཀྱིལ་འཁོར་གཙོ་མཆོག་པདྨ་བཛྲ་རྩལ། །ཡེ་ཤེས་ཀློང་དགུའི་དཀྱིལ་འཁོར་མཁའ་འགྲོའི་ཚོགས། །དམ་ཅན་ཆོས་སྐྱོང་རྩ་གསུམ་རབ་འབྱམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དབང་གིས་རྒྱུད་སྨིན་དམ་ཚིག་རྣམ་པར་དག །བསྐྱེད་རྫོགས་མཐར་ཕྱིན་ཟུང་འཇུག་རྡོ་རྗེའི་དབྱིངས། །ཚེ་འདིར་ཕྱིན་ནས་བསྟན་འགྲོའི་ཕན་བདེའི་དཔལ། །རྟག་འཕེལ་དོན་གཉིས་ལྷུན་གྱིས་གྲུབ་པར་ཤོག །ཅེས་པའང་མཁའ་སྤྱོད་སྤྲུལ་སྐུ་སྐུ་མཆེད་དང༌། དད་བརྩོན་ཆོས་ལ་སྤྱོད་པ་དཀར་ཆུང་སྤྲུལ་སྐུ་ཛྙཱ་ན་བཛྲས་གསུང་བསྐུལ་ངོར་མངྒ་ལ་ཤྲཱི་བྷཱུ་ཏིས་བྲག་དཀར་བཀྲ་ཤིས་སྡིངས་སུ་དགོངས་འདུས་ཀྱི་སྒྲུབ་ཆེན་དབང་དང་བཅས་པའི་སྐབས་བྲིས་པའོ། ༈ གུ་རུའི་ཐུགས་སྲས་རྗེ་འབངས་ཡོངས་ཀྱི་གཙོ། །མུ་རུབ་བཙད་པོ་ཡེ་ཤེས་རོལ་པ་རྩལ། །དགོངས་འདུས་བཀའ་བབས་གཏེར་ཆེན་ཆོས་ཀྱི་རྗེ། །སངས་རྒྱས་གླིང་པའི་ཞབས་ལ་གསོལ་བ་འདེབས། །ཞེས་དད་ལྡན་སིདྡྷི་ནས་བསྐུལ་ངོར་མངྒ་ལ་ཤྲཱི་བྷཱུ་ཏིས་བྲིས་པ་དགེ་ལེགས་འཕེལ། ༈ གནམ་ཆོས་སྤྱིའི་བརྒྱུད་འདེབས་བྱིན་རླབས་རྨད་བྱུང་བཞུགས། ཀུན་བཟང་འོད་མི་འགྱུར་པ་ཆོས་ཀྱི་སྐུ། །རྣམ་སྣང་ལོངས་སྐུ་གར་དབང་སྤྱན་རས་གཟིགས། །སྤྲུལ་སྐུ་གདུལ་དཀའ་འདུལ་མཛད་པདྨ་འབྱུང༌། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །གསང་འཛིན་བཻ་རོ་མཚོ་རྒྱལ་ལྷའི་མེ་ཏོག །ཤུད་པུ་དཔལ་སེང་འགྲོ་འདུལ་སྤྲུལ་པའི་སྐུ། །ཐུགས་རྗེ་ཚད་མེད་མི་འགྱུར་རྡོ་རྗེ་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །ཀུན་བཟང་ཤེས་རབ་ལྷུན་གྲུབ་རྒྱ་མཚོ་དང༌། །པདྨ་ནོར་བུ་ཀརྨ་བཀྲ་ཤིས་ཞབས། །ཀརྨ་ལྷ་དབང་ཀརྨ་འགྱུར་མེད་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །པདྨ་གསང་སྔགས་བསྟན་འཛིན་འཇམ་པའི་དབྱངས། །བློ་གྲོས་མཐའ་ཡས་མདོ་སྔགས་ཆོས་ཀྱི་ཉི། །ཚེ་དབང་རྒྱ་མཚོ་ཡེ་ཤེས་རྡོ་རྗེ་རྩལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །བརྒྱུད་གསུམ་བླ་མ་ཞི་ཁྲོ་གང་འདུལ་ལྷ། །དངོས་གྲུབ་མཆོག་གི་གནས་གསུམ་མཁའ་འགྲོ་མ། །ཆོས་སྐྱོང་དམ་ཅན་རྒྱ་མཚོའི་ཚོགས་བཅས་ལ། །གསོལ་བ་འདེབས་སོ་དབང་བསྐུར་བྱིན་གྱིས་རློབས། །དབང་གིས་རྒྱུད་སྨིན་དམ་ཚིག་རྣམ་པར་དག །བསྐྱེད་རྫོགས་གདམས་པས་ས་ལམ་ཡོན་ཏན་རྫོགས། །ཕྲིན་ལས་མཐའ་ཕྱིན་སྐུ་ལྔའི་དབྱིངས་གྲོལ་བའི། །དོན་གཉིས་མཐའ་རུ་ཕྱིན་པར་བྱིན་གྱིས་རློབས། །ཞེས་པའང་མཆོག་སྤྲུལ་རིན་པོ་ཆེ་འཇིགས་མེད་མཁྱེན་བརྩེའི་དབང་ཕྱུག་གི་བཀའ་བསྩལ་བ་བཞིན་གནམ་ཆོས་སྤྱི་ལ་འཇུག་པའི་དབང་དུ་བྱས་ནས་མངྒ་ལ་ཤྲཱི་བྷུ་ཏིའི་བདེ་ཆེན་ཆོས་གླིང་ནས་བྲིས་པ་སིདྡྷི་རསྟུ། །དགེའོ། །མངྒ་ལཾ། ༈ ཟབ་ལམ་བདེ་གཤེགས་ཀུན་འདུས་ཀྱི་བརྒྱུད་འདེབས་ཀྱི་ཞལ་སྐོང་ནི། རྩ་བའི་བརྒྱུད་པ་ནི། །གཏེར་ཆེན་རིན་པོ་ཆེའི་རྗེས་སུ། ཐེག་མཆོག་སྙིང་པོའི་ལམ་གྱི་ཕོ་བྲང་དུ། །འཇིག་རྟེན་མིག་གཅིག་དྷརྨ་ཤྲཱི་དང༌། །རྒྱལ་སྲས་པདྨ་འགྱུར་མེད་རྒྱ་མཚོ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཟབ་ལམ་མངོན་གྱུར་ཡེ་ཤེས་ཕོ་བྲང་དུ། །བི་མའི་རྣམ་འཕྲུལ་རིན་ཆེན་རྣམ་པར་རྒྱལ། །མཁན་ཆེན་ཨོ་རྒྱན་བསྟན་འཛིན་རྡོ་རྗེ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྒྱུ་འཕྲུལ་བཀོད་པ་བསམ་ཡས་ཕོ་བྲང་དུ། །གནུབས་ཆེན་ཡང་སྲིད་ཕྲིན་ལས་རྣམ་པར་རྒྱལ། །རྗེ་བཙུན་འགྱུར་མེད་ཕྲིན་ལས་ཆོས་སྒྲོན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བཀའ་གཏེར་མདོ་སྔགས་ཆོས་ཀྱི་ཕོ་བྲང་དུ། །བཀའ་བབ་བདུན་ལྡན་འཇམ་དབྱངས་མཁྱེན་བརྩེའི་དབང༌། །རྒྱལ་བས་ལུང་བསྟན་པདྨ་གར་དབང་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཐུགས་རྗེས་འགྲོ་བ་སྒྲོལ་བའི་ཕོ་བྲང་དུ། །འགྱུར་མེད་ཀུན་བཟང་བདེ་ཆེན་རྒྱལ་པོ་དང༌། །ཐུགས་རྗེ་ཆེ་དངོས་པདྨ་བི་ཛ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཁྱེན་བརྩེ་ནུས་པ་བསམ་ཡས་ཕོ་བྲང་ནས། །རིགས་ཀུན་ཁྱབ་བདག་འཇམ་དབྱངས་ཆོས་བློ་གྲོས། །སྨིན་གྲོལ་མཛོད་འཛིན་རྩ་བརྒྱུད་བླ་མ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། ༑ ཡང་ཞེ་ཆེན་དབང་ཁྲིད་བརྒྱུད་པ་རྙིང་པ་ལྟར་ན། གཏེར་ཆེན་རིན་པོ་ཆེའི་མཚམས་སུ། ངེས་གསང་ལམ་མཆོག་སྟོན་པའི་ཕོ་བྲང་དུ། །རྫོགས་ཆེན་འགྱུར་མེད་ཐེག་མཆོག་བསྟན་འཛིན་དང༌། །སྨྲ་བའི་སེང་གེ་ཀུན་བཟང་རྣམ་རྒྱལ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །འོག་མིན་པདྨ་འོད་ཀྱི་ཕོ་བྲང་དུ། །པདྨ་གསང་སྔགས་བསྟན་འཛིན་ཆོས་ཀྱི་རྒྱལ། །མཐུ་སྟོབས་རྣམ་རྒྱལ་འགྱུར་མེད་བསྟན་འཕེལ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རིས་མེད་ཐུབ་བསྟན་ཆོས་ཀྱི་གསང་མཛོད་ནས། །འཇམ་མགོན་པདྨ་གར་གྱི་དབང་ཕྱུག་དང༌། །འགྱུར་མེད་པདྨ་རྣམ་པར་རྒྱལ་བ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། ༈ ཡང་བདག་གི་བླ་མ་རིན་པོ་ཆེས་སྨིན་གླིང་གདན་ས་ནས་གསན་པའི་བརྒྱུད་པ་ལྟར་ན། ཕྲིན་ལས་ཆོས་སྒྲོན་རྗེས། ཟབ་རྒྱས་གསང་ཆེན་ལམ་གྱི་ཕོ་བྲང་དུ། །འགྱུར་མེད་ཡིད་བཞིན་དབང་གི་རྒྱལ་པོ་དང༌། །མ་གཅིག་བདེ་ཆེན་ཡེ་ཤེས་ཆོས་སྒྲོན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །འོད་གསལ་རྡོ་རྗེའི་ལམ་སྟོན་ཕོ་བྲང་དུ། །རིགས་ཀུན་ཁྱབ་བདག་པདྨ་བི་ཛ་ཡ། །འཇམ་མགོན་པདྨ་ཡེ་ཤེས་རྡོ་རྗེ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། ༈ ཡང་ཉམས་ལེན་བྱིན་རླབས་ཀྱི་བརྒྱུད་པ་ལྟར་ན། མ་གཅིག་ཛྙཱ་ན་ཏཱ་རའི་རྗེས། བཀའ་གཏེར་སྨིན་གྲོལ་ཆོས་ཀྱི་ཕོ་བྲང་ནས། །འགྱུར་མེད་ཚེ་དབང་ལམ་འདིའི་དངོས་གྲུབ་བརྙེས། །བསྟན་འཛིན་ནོར་བུ་མདོ་སྔགས་བསྟན་འཛིན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། ༈ ཡང་ན་བརྒྱུད་ཚུལ་འདྲ་མིན་ལ་མཁྱེན་བརྩེ་རིན་པོ་ཆེའི་རྗེས་སུ། ཐམས་ཅད་མཁྱེན་གཟིགས་ཆོས་ཀྱི་རྒྱ་མཚོ་ལ། །གསོལ་བ༴ འོག་མིན་པདྨ་འོད་ཀྱི་ཕོ་དྲང་ནས། ལྷ་བཙུན་འཇིགས་བྲལ་དཔའ་བོ་རྡོ་རྗེ་དང༌། ངག་དབང་གྲགས་པ་མདོ་སྔགས་བསྟན་འཛིན་ལ། གསོལ་བ་འདེབས་སོ་བདག་རྒྱུད་བྱིན་གྱིས་རློབས། དེང་ནས་བདག་སོགས་སོགས་དཀྱུས་ལྟར་རོ། །དེ་དག་ཀྱང་རང་ཉིད་ལ་སྨིན་གྲོལ་བདུད་རྩིའི་སྐལ་པ་དགེ་བའི་དད་མོས་ཡིད་སྤྲོའི་གསལ་འདེབས་སུ་ཆོས་ཀྱི་རྒྱལ་པོ་སྨིན་གླིང་པའི་བསྟན་ཞབས་སུ་སྐྱེས་པའི་མདོ་ཁམས་ཞེ་ཆེན་པ་འགྱུར་མེད་ཐེག་མཆོག་བསྟན་པའི་རྒྱལ་མཚན་གྱིས་བསྙེན་སྒྲུབ་འབྲེལ་འཇོག་སྐབས་བྲིས་པས་རྩ་བརྒྱུད་བླ་མ་རྣམས་ཀྱི་རྡོ་རྗེ་གསུམ་གྱི་ཡེ་ཤེས་རྒྱུད་ལ་འཇུག་པའི་རྒྱུར་གྱུར་ཅིག ༈ བི་མའི་རྣམ་འཕྲུལ་རིན་ཆེན་རྣམ་རྒྱལ་དང༌། །མཚོ་རྒྱལ་དངོས་སྣང་མི་འགྱུར་དཔལ་སྒྲོན་དང༌། །ཐམས་ཅད་མཁྱེན་པ་ཨོ་ཌི་ཡཱ་ན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཀ་དག་ལྷ?་གྲུབ་ཟབ་མོ་གནས་ལུགས་མཆོག །ད་ལྟ་ཉིད་?་རྟོགས་པར་བྱིན་གྱིས་རློབས། །རིག་འཛིན་འགྱུར་མེད་ཕྲིན་ལས་རྣམ་རྒྱལ་དང༌། །གདོད་མའི་མགོན་པོ་ཕྲིན་ལས་ཆོས་སྒྲོན་དང༌། །བི་མ་དངོས་བྱོན་མཁྱེན་བརྩེའི་དབང་པོ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཛོད་ལྔའི་ཤིང་རྟ་བློ་གྲོས་ཕ་མཐའ་ཡས། །⁽111b⁾ན་གཟིགས་ཨོ་རྒྱན་ཆོས་ཀྱི་རྒྱ་མཚོ་དང༌། །སྣང་བཞི་མཐར་སོན་སྣ་ཚོགས་རང་གྲོལ་ཞབས། །དགོངས་ཀློང་ཚད་ཕེབ་པདྨ་བི་ཛ་ཡར། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཁས་གྲུབ་དབང་ཕྱུག་འཇམ་དབྱངས་ཆོས་བློ་གྲོས། །བརྒྱུད་གསུམ་བྱིན་བརླབ་མཁྱེན་བརྩེའི་འོད་ཟེར་སོགས། །རྡོ་རྗེ་འཆང་དངོས་རྩ་བའི་བླ་མ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཀ་དག་ལྷ?་གྲུབ་ཟབ་མོ་གནས་ལུགས་མཆོག །ད་ལྟ་ཉིད་?་རྟོགས་པར་བྱིན་གྱིས་རློབས། འཇམ་དབྱངས་མཁྱེན་བརྩེ་དབང་པོའི་སྙིང་ཐིག་མ་བུའི་སྔོན་འགྲོའི་བླ་མའི་རྣལ་འབྱོར་གྱི་གསོལ་འདེབས་ལ་རྗེ་བཙུན་ཕྲིན་ལས་ཆོས་སྒྲོན་དང་རྗེ་བླ་མ་གཉིས་ཀྱི་བར་བླ་བརྒྱུད་གསོལ་འདེབས་ཁ་སྐོང་ཨ་ནེ་མེ་ར་ལི་ནས་ཞུས་པ། མཆན། ༈ རྩ་གསུམ་སྤྱི་འདུས་སྙིང་ཐིག་གི་བརྒྱུད་པའི་གསོལ་འདེབས་བྱིན་རླབས་བདུད་རྩིའི་སྣང་བ་བཞུགས། ཆོས་དབྱིངས་ཀུན་ཁྱབ་བདེ་གཤེགས་འོད་མཐའ་ཡས། །སྐུ་དང་ཞིང་ཁམས་སྣང་མཛད་སྤྱན་རས་གཟིགས། །ཕྱོགས་དུས་རྒྱལ་ཀུན་ངོ་བོ་པདྨ་འབྱུང༌། །གསོལ་བ་འདེབས་སོ་བྱིན་རླབས་དངོས་གྲུབ་སྩོལ། །བདེ་སྟོང་མཆོག་བརྙེས་གསང་འཛིན་མཁར་ཆེན་བཟའ། །ཆོས་ཀྱི་རྒྱལ་པོ་མངའ་བདག་ལྷའི་མེ་ཏོག །འཇིག་རྟེན་མིག་གཅིག་རྒྱལ་ཚབ་བཻ་རོ་རྗེ། །གསོལ་བ་འདེབས་སོ༴ །བཻ་རོའི་རྣམ་འཕྲུལ་ཀུན་སྤང་ཟླ་འོད་འབར། །སྣང་བཞི་མཐར་ཕྱིན་འཇའ་ཚོན་ལས་འཕྲོ་གླིང༌། །བཀའ་བབས་བདུན་གྱི་མངའ་བདག་མདོ་སྔགས་གླིང༌། །གསོལ་བ་འདེབས་སོ༴ །མཛོད་ལྔའི་སྲོལ་འབྱེད་པདྨ་གར་གྱི་དབང༌། །ཆོས་ཀྱི་རྒྱ་མཚོ་ཤཱཀྱ་ཤྲཱི་ཛྙཱ་ན། །འཕགས་མཆོག་འཇམ་མགོན་ཡེ་ཤེས་རྡོ་རྗེ་ལ། །གསོལ་བ་འདེབས་སོ༴ །ཡི་དམ་ཡོང་འདུས་པདྨ་གཏུམ་པོ་དང༌། །མཁའ་འགྲོའི་དབང་ཕྱུག་བདུད་འདུལ་སེངྒེའི་ཞལ། །རབ་འབྱམས་རྩ་གསུམ་རྒྱལ་བའི་དཀྱིལ་འཁོར་ལ། །གསོལ་བ་འདེབས་སོ༴ །སྨིན་བྱེད་དབང་གིས་སྒོ་གསུམ་རྡོ་རྗེར་སྨིན། །བསྐྱེད་རྫོགས་ལམ་གྱིས་སྲིད་ཞིའི་འཆིང་ལས་གྲོལ། །རྩ་གསུམ་དབྱེར་མེད་པདྨའོད་འབར་གྱི། །གསང་བ་གསུམ་དང་གཉིས་མེད་བྱང་ཆུབ་ཤོག །ཅེས་པའང་རྒྱམ་རྒྱལ་པདྨ་ཤེལ་རིའི་གནས་ཞོལ་རང་བྱུང་པདྨ་ཡབ་སྲས་ཀྱི་རྫུ་འཕྲུལ་ཕྱག་རྟགས་ཀྱི་རེ་ཁཱས་བཀྲ་བ་མཚོ་ནག་མའི་ཁར་ཚོགས་ཀྱི་མཆོད་པ་ཕུལ་བའི་སྐབས་སྔགས་བཙུན་འཇིགས་མེད་མཁྱེན་བརྩེ་མིང་ཅན་གྱིས་བྲིས་པ་བརྒྱུད་གསུམ་བླ་མས་བྱིན་གྱིས་བརླབ་པའི་རྒྱུར་གྱུར་ཅིག །མངྒ་ལཾ། དགེའོ། ༈ རྩ་གསུམ་ཟབ་མོ་ཀུན་འདུས་ཀྱི་བརྒྱུད་པའི་གསོལ་འདེབས་པདྨའི་དོ་ཤལ་བཞུགས། ཆོས་སྐུའི་སྟོན་པ་ཀུན་བཟང་སྣང་མཐའ་ཡས། །སྐུ་དང་ཡེ་ཤེས་ཁྱབ་བདག་སྤྱན་རས་གཟིགས། །རྩ་གསུམ་དབྱེར་མེད་སྤྲུལ་སྐུ་པདྨ་འབྱུང༌། །ཐོད་ཕྲེང་སྡེ་ལྔར་ཤར་ལ་གསོལ་བ་འདེབས། །ཡི་དམ་ཀུན་འདུས་དབང་ཆེན་རྟ་མཆོག་དཔལ། །མཁའ་འགྲོའི་དབང་ཕྱུག་ཕག་མོ་མཁར་ཆེན་བཟའ། །ཨ་ཙར་ཡེ་ཤེས་མཆོག་དབྱངས་མངའ་བདག་རྗེ། །བཻ་རོ་ཙཱ་ན་རྣམས་ལ་གསོལ་བ་འདེབས། །ཟབ་གཏེར་སྒོ་འབྱེད་ཀུན་བཟང་བདེ་ཆེན་རྒྱལ། །པདྨ་གསང་སྔགས་བསྟན་འཛིན་ཆོས་ཀྱི་རྒྱལ། །བསྟན་འཛིན་འཕེལ་རྒྱས་འཇམ་མགོན་གུ་ཎའི་ཞབས། །ཆོས་ཀྱི་ཉི་མ་རྣམས་ལ་གསོལ་བ་འདེབས། །འགྱུར་མེད་ཚེ་དབང་རྒྱ་མཚོ་འཇམ་པའི་དབྱངས། །ཆོས་ཀྱི་བློ་གྲོས་དབང་ཆེན་རྟ་ཕག་སྐུ། །མཁའ་འགྲོ་སྡེ་བཞི་རབ་འབྱམས་རྩ་གསུམ་ལྷ། །སྒྱུ་འཕྲུལ་དྲྭ་བའི་ཚོགས་ལ་གསོལ་བ་འདེབས། །དབང་གིས་རྒྱུད་སྨིན་དམ་ཚིག་རྣམ་པར་དག །སྣང་སྲིད་ལྷ་དང་བླ་མའི་རྣམ་རོལ་གྱིས། །བསྐྱེད་རྫོགས་ལམ་གྱིས་དངོས་གྲུབ་འདོད་དགུ་ཐོབ། །དོན་གཉིས་ལྷུན་གྱིས་གྲུབ་པའི་དཔལ་ཐོབ་ཤོག །ཅེས་ལྕགས་ཁྱི་རྒྱལ་ཟླ་བའི་ཚེས་ཉེར་ལྔ་ཉིན་ལྷོ་འབྲུག་སྨན་ལྗོངས་ནས་རིན་ཆེན་གཏེར་མཛོད་དབང་ཁྲིད་འདོན་སྐབས་རྒྱལ་ཁམས་པ་མངྒ་ལས་གསོལ་བ་བཏབ་པ་རྩ་བ་གསུམ་གྱི་བྱིན་རླབས་ཐོབ་པའི་རྒྱུར་གྱུར་ཅིག། ༈ བླ་མ་དགོངས་འདུས་སྙིང་པོའི་བརྒྱུད་འདེབས་བདེ་ཆེན་སྣང་བ་བཞུགས། བདེ་ཆེན་འོད་མི་འགྱུར་བ་ཆོས་ཀྱི་སྐུ། །ཚེ་མཐའ་ཡས་པའི་མགོན་པོ་ལོངས་སྤྱོད་རྫོགས། །རྒྱལ་ཀུན་སྤྱི་གཟུགས་པད་འབྱུང་སྤྲུལ་པའི་སྐུ། །གསོལ་བ་འདེབས་སོ་བདེ་ཆེན་མཆོག་ཐོབ་མཛོད། །དཀྱིལ་འཁོར་ཁྱབ་བདག་པདྨ་བཛྲ་རྩལ། །གསང་འཛིན་མཁའ་འགྲོ་སྤྲུལ་པའི་རྗེ་འབངས་སྲས། །རང་སྣང་ཡེ་ཤེས་དཀྱིལ་འཁོར་འཁོར་ལོ་ལ། །གསོལ་བ་འདེབས་སོ་བདེ་ཆེན་མཆོག་ཐོབ་མཛོད། གཏེར་འབྱིན་གྲུབ་བརྒྱའི་གཙུག་རྒྱན་མཆོག་གྱུར་གླིང༌། །མཁྱེན་བརྩེའི་དབང་པོ་པདྨ་གར་གྱི་དབང༌། །ཚེ་དབང་རྒྱ་མཚོ་འཇམ་མགོན་དྷརྨའི་མཚན། །གསོལ་བ་འདེབས་སོ་བདེ་ཆེན་མཆོག་ཐོབ་མཛོད། རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ། །ཡེ་ཤེས་ཀློང་དགུ་ཌཱ་ཀི་དམ་ཅན་དང༌། །བཀའ་གཏེར་ཆོས་སྲུང་རྩ་གསུམ་དཀྱིལ་འཁོར་ལྷར། །གསོལ་བ་འདེབས་སོ་བདེ་ཆེན་མཆོག་ཐོབ་མཛོད། དད་དང་ངེས་འབྱུང་སྙིང་རྗེའི་གཞི་བཟུང་སྟེ། །སྨིན་གྲོལ་རིམ་པས་རྡོ་རྗེའི་ལམ་མཐར་སོན། །སྐུ་བཞི་དབྱེར་མེད་བླ་མ་བདེ་ཆེའི། །རྡོ་རྗེ་གཞི་དབྱིངས་མངོན་པར་བྱང་ཆུབ་ཤོག །ཅེས་པའང་ལྷ་རི་འབྲས་ལྗོངས་སྤྲུལ་པའི་སྦས་གནས་ནས་རིན་ཆེན་གཏེར་མཛོད་ཆེན་པོའི་དབང་ལུང་འཆད་པའི་སྐབས་དད་པའི་བློ་ཡིས་མཚམས་སྦྱར་ཏེ་རྙིང་བཙུན་མངྒ་ལའི་མིང་གིས་བྲིས་ཤིང་གསོལ་བ་བཏབ་པ་བླ་མ་བདེ་བ་ཆེན་པོའི་བྱིན་རླབས་ཀྱི་བདུད་རྩི་སིམས་པའི་དཔལ་དུ་གྱུར་ཅིག ༈ རྩ་བའི་ཐུགས་སྒྲུབ་དགོངས་པ་ཀུན་འདུས་ཀྱི་བརྒྱུད་པའི་གསོལ་འདེབས་ཡེ་ཤེས་སྣང་བ་བཞུགས་སོ། །ན་མོ་གུ་རུ་དེ་ཝ་ཌཱ་ཀི་ནཱི་བྷྱཿ ཆོས་དབྱིངས་འོད་གསལ་སྙིང་པོའི་དཀྱིལ་འཁོར་ན། །ཀུན་བཟང་རིགས་ལྔ་རྡོར་སེམས་འོད་མི་འགྱུར། །བླ་མ་ཆོས་སྐུའི་ལྷ་ཚོགས་གསོལ་བ་འདེབས། །དགོངས་ཀློང་གཅིག་ཏུ་འདྲེས་པར་བྱིན་གྱིས་རློབས། །འཆི་མེད་བདེ་ཆེན་བདུད་རྩིའི་དཀྱིལ་འཁོར་ན། །ཚེ་འོད་དཔག་མེད་ཐོད་ཕྲེང་རྩལ་འཆང་ལྔ། །བླ་མ་ལོངས་སྐུའི་ལྷ་ཚོགས་གསོལ་བ་འདེབས། །བརྡ་བརྒྱུད་བྱིན་ཆེན་ཐོབ་པར་བྱིན་གྱིས་རློབས། །ཐུགས་རྗེའི་འགྲོ་འདུལ་ཕྲིན་ལས་དཀྱིལ་འཁོར་ན། །པདྨ་འབྱུང་གནས་གུ་རུ་མཚན་བརྒྱད་སོགས། །བླ་མ་སྤྲུལ་སྐུའི་ལྷ་ཚོགས་གསོལ་བ་འདེབས། །སྙན་བརྒྱུད་གདམས་པས་འགྲོ་སྒྲོལ་བྱིན་གྱིས་རློབས། །ཡེ་ཤེས་ཀློང་དགུ་འབར་བའི་དཀྱིལ་འཁོར་དུ། །ཞི་ཁྲོ་བཀའ་བརྒྱད་གནས་ཡུལ་སྒོ་སྐྱོང་སོགས། །རབ་འབྱམས་རྩ་གསུམ་ལྷ་ཚོགས་གསོལ་བ་འདེབས། །མཆོག་ཐུན་དངོས་གྲུབ་མྱུར་ཐོབ་བྱིན་གྱིས་རློབས། །བསམ་ཡས་སྒྱུ་འཕྲུལ་དྲ་བའི་དཀྱིལ་འཁོར་ན། །བརྒྱུད་གསུམ་བླ་མ་ཡི་དམ་ཞི་ཁྲོ་དང༌། །མ་ཚོགས་མཁའ་འགྲོ་ཆོས་སྐྱོང་གསོལ་བ་འདེབས། །དོན་གཉིས་ལྷུན་གྱིས་འགྲུབ་པར་བྱིན་གྱིས་རློབས། །བཀའ་གཏེར་རྒྱུད་དང་སྒྲུབ་སྡེའི་དཀྱིལ་འཁོར་དུ། །མཆོག་གྱུར་གླིང་དང་ཀུན་གཟིགས་འཇམ་མགོན་ཟུང༌། །ཡབ་སྲས་བརྒྱུད་པར་བཅས་ལ་གསོལ་བ་འདེབས། །སྨིན་གྲོལ་གདམས་པས་དོན་གཉིས་ལྷུན་གྲུབ་ཤོག །ཕན་ནུས་ཟབ་མོས་དབང་གིས་རིགས་མཆོག་སད། །བསྐྱེད་རྫོགས་རྡོ་རྗེའི་ལམ་གྱིས་རང་རྒྱུད་གྲོལ། །གཞན་ཕན་མཁའ་ཁྱབ་སྐུ་གསུམ་བླ་མ་རྗེའི། །རྡོ་རྗེ་བཞི་དབྱིངས་མངོན་པར་བྱང་ཆུབ་ཤོག །ཅེས་པའང་དད་བརྩོན་བློ་ལྡན་བྱང་འདྲེན་པདྨ་བཀྲ་ཤིས་ནས་ཆེད་བསྐུལ་བཞིན་རིག་འཛིན་རྩལ་འཆང་རྣམ་གསུམ་གྱི་བསྟན་ཞབས་སུ་སྐྱེས་པའི་འབངས་འཇིགས་མེད་མཁྱེན་བརྩེའི་འོད་ཟེར་ཕྲིན་ལས་རོལ་པ་རྩལ་གྱིས་ཨེ་ཝཾ་ཆོས་ཀྱི་སྒར་ཆེན་དུ་བྲིས་པ་བླ་མ་སྐུ་བཞིའི་གོ་འཕང་རྟེན་འདིར་འགྲུབ་པའི་རྒྱུར་གྱུར་ཅིག །དགེའོ། ༈ ཆོས་བཞིའི་གསོལ་འདེབས་རིན་ཆེན་སྙིང་པོ་བཞུགས། །ཕ་གཅིག་བླ་མ་ཨོ་རྒྱན་རྡོ་རྗེ་འཆང༌། །བདག་རྒྱུད་དམ་པའི་ཆོསྃ་ཀྱིྃ་ཕྱོགྃས་སུ་གཞོལ། །བསམ་སྦྱོར་ཐམས་ཅད་རྣམ་མཁྱེན་ལམྃ་དུྃ་ཞུགྃས། །ལམྃ་མཆོྃག་འཁྲུལྃ་མེདྃ་ཐེག་ཆེན་ལྟ་སྒོམ་སྤྱོད། །འཁྲུལྃ་སྣངྃ་ཡེྃ་ཤེསྃ་འཆྃར་བའི་ཉམས་ལེན་གྱིས། །ཆོས་བརྒྱད་འཆིང་བྲལ་དབེན་པའི་རི་སུལ་དུ། །གཞན་ཕན་བྱང་ཆུབ་སེམས་ཀྱི་བསམ་སྦྱོར་གྱིས། །དཔལ་མགོན་བླ་མའི་དགོངས་རྒྱུད་ཇི་བཞིན་དུ། །སྤྱོད་པས་གདོད་མའི་བཙན་ས་ཟིན་པར་ཤོག །ཅེས་པའང་མཉེས་པ་གསུམ་གྱི་ཞབས་ཏོག་ཕུལ་ཕྱིན་ཀུན་བཟང་ཀློང་གྲོལ་སོགས་ཕ་རན་སིའི་སྒོམ་གྲྭ་རྣམས་ཀྱིས་ཆེད་དུ་བསྐུལ་བ་བཞིན་དུ་གུ་ཡངས་རྒན་པོ་གཏད་མེད་མངྒ་ལས་སྤྲོ་བའི་སེམས་ཀྱིས་སྨོན་པ་བཞིན་འགྲུབ་པར་གྱུར་ཅིག ༈ བླ་མ་དྲག་མཐིང་ལྷག་པའི་ལྷ་མཆོག་སྒྲུབ་པ་བཀའ་བརྒྱད་དབྱེར་མེད་པ་ལ་གསོལ་བ་འདེབས་པ་བྱིན་རླབས་རྡོ་རྗེའི་སྒྲ་དབྱངས་ཞེས་བྱ་བ་བཞུགས་སོ། ཨོཾྃ་ཡིག་སྐུ་ལྔ་ལྷུན་གྲུབ་རྡོ་རྗེ་འཆང༌། །ཕྱོགས་དུས་རྒྱལ་བའི་སྤྱི་གཟུགས་པདྨ་འབྱུང༌། །བཀྲ་ཤིས་ཚངས་པའི་དབྱངས་ཀྱིས་དེང་བསྐུལ་ན། །བྱིན་རླབས་དགའ་སྟོན་སྩོལ་ཅིག་པདྨ་འབྱུང༌། །གུྃ་རུྃ་སྲིད་ཞིའི་བླ་མར་གྱུར་པ་ཁྱེད། །ཕུལ་བྱུང་མཁྱེན་བརྩེ་ནུས་པའི་ཡེ་ཤེས་བྱིན། །དད་བརྒྱའི་སྙིང་གི་པདྨོར་སིམ་པ་ལས། །དགོངས་རྒྱུད་ཡེ་ཤེས་སྩོལ་ཅིག་པདྨ་འབྱུང༌། །ཤྲཱིྃ་བརྟན་གཡོ་སྲིད་ཞིའི་སྤྱི་དཔལ་མཆོག །གསང་བ་མི་ཟད་རྒྱན་གྱི་འཁོར་ལོའི་བདག །རྒྱུད་སྡེ་རྒྱ་མཚོའི་ཁྱབ་བདག་སྒྲུབ་སྡེ་བརྒྱད། །ཡེ་ཤེས་རོལ་པས་རྗེས་བཟུང་པདྨ་འབྱུང༌། །བྃཛྲྃ་གཉིས་སུ་མི་ཕྱེད་སེམས་དཔའ་ཆེ། །སྒྲིབ་བྲལ་མཆོག་གི་བྱིན་རླབས་སྣང་བ་ཡིས། །ཕུང་ཁམས་སྐྱེ་མཆེད་གདན་གསུམ་རྡོ་རྗེའི་དལ། །སད་པའི་དགའ་སྟོན་སྩོལ་ཅིག་པདྨ་འབྱུང༌། །ཡྃཀྵྃ་རྡོ་རྗེ་གནོད་སྦྱིན་ཁྲོ་རྒྱལ་ནི། །མི་བཟད་འབར་བ་ཆེན་པོའི་གདུག་པའི་ཚོགས། །སྲིད་གསུམ་དབྱིངས་སུ་སྒྲོལ་བའི་སྟོབས་བཅུའི་མཚོན། །བདུད་སྡེའི་གཤེད་དུ་ཕོབ་ཅིག་པདྨ་འབྱུང༌། །ཀྲོྃ་དྷྃ་ཧེ་རུ་ཀ་དཔལ་མངོན་སྤྱོད་ཀྱིས། །ཁྱད་པར་ནག་ཕྱོགས་རྒྱལ་བསེན་དམ་སྲིའི་དཔུང༌། །རྩ་སྤུར་མེ་བཞིན་དབྱིངས་སྒྲོལ་ཁྲོ་བོ་ཆེའི། །ཕྲིན་ལས་སྟོབས་རྩལ་ཕྱུངས་ཤིག་པདྨ་འབྱུང༌། །ཙིྃཏྟྃ་འཁོར་འདས་ཀུན་གྱི་སྲོག་གི་སྙིང༌། །རང་བྱུང་འབར་བ་སྤྱི་དཔལ་ཆེ་མཆོག་དབྱིངས། །གཞི་ལམ་འབྲས་བུ་དབྱེར་མི་ཕྱེད་པའི་ཀློང༌། །མངོན་པར་བྱང་ཆུབ་མཛོད་ཅིག་པདྨ་འབྱུང༌། །ཧཱུྃ་ཡིག་བདུད་བཞི་བཅོམ་པས་དགྲ་གསུམ་སོད། །ལེགས་པའི་ཡོན་ཏན་དྲུག་ལྡན་འཕྲང་གསུམ་བརྒལ། །སྲིད་ཞི་ལས་འདས་འཁོར་འདས་མཉམ་ཉིད་བརྡལ། །མཆོག་དངོས་གྲུབ་པར་མཛོད་ཅིག་པདྨ་འབྱུང༌། །རྡོ་རྗེ་རང་བྱུང་གསང་བའི་སྔགས་དོན་བཞིན། །རྡོ་རྗེའི་བླ་མ་ཡི་དམ་དབྱེར་མེད་ལ། །རྡོ་རྗེའི་ཐུགས་དམ་གནད་བསྐུལ་གསོལ་འདེབས་ཚིག །རྡོ་རྗེའི་སྒྲ་དབྱངས་བརྗོད་པ་དོན་ལྡན་མཛོད། །ཅེས་པའང་ས་རྟ་གྲོ་ཞུན་ཟླ་བའི་ཚེས་ཉེར་ལྔ་ལ་ཐུགས་སྒྲུབ་དྲག་པོ་དཔལ་ཆེན་འདུས་པའི་ཚོགས་སྒྲུབ་ཀྱི་དབུ་ཚུགས་ཉིན་རྣལ་འབྱོར་ཙམ་པོ་བ་རང་བྱུང་འོད་གསལ་ཐུགས་མཆོག་རྡོ་རྗེས་གདུང་ཤུགས་ཀྱིས་གསོལ་འདེབས་སུ་སྦྱར་བ་རྡོ་རྗེའི་བྱིན་ཆེན་བཙན་ཐབས་སུ་འབེབས་པའི་རྒྱུར་གྱུར་ཅིག །དགེའོ། ༈ དཔལ་ཆེན་རྡོ་རྗེ་ཕུར་བུའི་དཀྱིལ་འཁོར་ལ་གསོལ་འདེབས་ཁྲག་འཐུང་དགྱེས་པའི་རང་སྒྲ་ཞེས་བྱ་བ་བཞུགས་སོ། ཧཱུྃ་ཧཱུྃ་ཧཱུྃ། མཉམ་ཉིད་མི་གཡོ་ངང་གིས་ཁྲོས་པའི་ཀློང༌། །གཉིས་སྣང་བདུད་བཅོམ་བདེ་ཆེན་ཤུགས་ཀྱིས་ཁྲོ། །གདུལ་དཀའི་གཤེད་གྱུར་རྡོ་རྗེ་སྲིན་པོའི་གཟུགས། །དཔལ་ཆེན་རྡོ་རྗེ་གཞོན་ནུར་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །གློ་བུར་སྡེ་གསུམ་ཡིད་སྲུབ་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །མཐའ་བཞིའི་སྤྲོས་བྲལ་འོད་གསལ་དེ་བཞིན་ཉིད། །ལྷན་སྐྱེས་རྣམ་ཐར་གསུམ་གྱི་བདེ་ཆེན་བདག །ནང་གསལ་དབྱིངས་ཀྱི་ཕྱག་རྒྱ་ཀུན་བཟང་མོ། །ཡུམ་ཆེན་འཁོར་ལོ་རྒྱས་འདེབས་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །ཡིད་དཔྱོད་མཚན་འཛིན་རྟོག་པའི་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །འཇིགས་བྲལ་སྟོབས་བཅུའི་རང་གཟུགས་ཕྱག་རྒྱའི་གར། །དབང་བཅུའི་སྒྱུ་འཕྲུལ་རོལ་པ་ཆེན་པོའི་སྐུ། །ཀུན་འབྱུང་སྡིག་སྤྱོད་བཅུ་ཡི་གཤེད་ཆེན་པོ། །ཁྲོ་རྒྱལ་ཡབ་ཡུམ་ཕྱག་བརྙན་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །ཕྱོགས་བཅུའི་བགེགས་ཀྱི་ཕྱི་ནང་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །ཟག་མེད་གསང་བས་སྲིད་གསུམ་ས་བོན་བཅད། །རང་རྩལ་སྙིང་རྗེས་ཁམས་གསུམ་གདུག་ཅན་སྒྲོལ། །གཙོ་མཆོག་དཔའ་བོའི་སྐུ་གསུང་ཐུགས་རྡོ་རྗེའི། །སྲས་མཆོག་ཉི་ཤུ་གཅིག་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །སྒོ་གསུམ་འཁྲུལ་པའི་ཉོན་མོངས་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །ཆོས་ཉིད་གཅིག་ལས་ཚད་མེད་རྣམ་པ་བཞིའི། །རང་མདངས་ཞི་རྒྱས་དབང་དང་དྲག་པོའི་ཚུལ། །བསྡུ་བཞིས་ཡིད་ཅན་བསྒྲལ་བའི་དམ་ཚིག་ཅན། །སྒོ་སྐྱོང་ཁྲོ་མོ་བཞི་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །རྟག་ཆད་མཐའ་བཞིའི་གཡང་སའི་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །བཅུ་གཉིས་དུས་སྦྱོར་འཕོ་བའི་རྒྱུ་བ་ཀུན། །རྟོག་བྲལ་དབུ་མའི་ཐིག་ལེར་ངལ་འཚོས་བཞིན། །དམ་ལྡན་སྐྱོང་ཕྱིར་དཔལ་གྱི་བཀའ་སྡོད་ཚུལ། །ཕུར་སྲུང་དམ་ཅན་བཅུ་གཉིས་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །རྟེན་འབྲེལ་ལུགས་འབྱུང་སྲིད་པའི་བར་ཆད་ལས། །རྣམ་རྒྱལ་ཐུན་མོང་མཆོག་གི་དངོས་གྲུབ་སྩོལ། །སྲིད་ཞིའི་སྟོང་སྲོག་ཐིག་ལེ་ཉག་གཅིག་པུ། །རྡོ་རྗེ་ཁྲོས་པའི་སྙིང་རྗེའི་རྔམས་པའི་ཞལ། །དུག་གསུམ་ཉམས་པའི་གཤེད་དུ་བརྗིད་པ་ཡི། །དཀྱིལ་འཁོར་གསུམ་དུ་ཤར་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །རིགས་དྲུག་འཁྲུལ་སྣང་སྡུག་བསྔལ་བར་ཆད་ལས། །རྣམ་རྒྱལ་རྫས་ཀྱི་ཕུར་བུའི་དངོས་གྲུབ་སྩོལ། །སྣོད་བཅུད་བརྟན་གཡོ་སྣང་གྲགས་རིག་པའི་ཆོས། །རང་བྱུང་རྡོ་རྗེ་གསུམ་དུ་རྫོགས་པ་ཡིས། །ལྷ་སྔགས་ཡེ་ཤེས་དག་པ་རབ་འབྱམས་སྤྲིན། །དཀྱིལ་འཁོར་གསུམ་དུ་ཤར་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །མཚན་འཛིན་གཉིས་སྣང་སྤང་བླང་བར་ཆད་ལས། །རྣམ་རྒྱལ་སྲིད་པའི་ཕུར་བུའི་དངོས་གྲུབ་སྩོལ། །རྡོ་རྗེ་ཕུང་པོར་གདན་གསུམ་ཡོངས་རྫོགས་པས། །རྩ་ཁམས་རླུང་དང་ཐིག་ལེའི་འཕོ་བའི་རྒྱུན། །མི་ཤིགས་དྷཱུ་ཏིའི་སྲོག་ཏུ་བསྡོམས་པའི་བཅུད། །དཀྱིལ་འཁོར་གསུམ་དུ་ཤར་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །སྣང་གསུམ་འཁོར་བའི་སྒྲིབ་བཅས་བར་ཆད་ལས། །རྣམ་རྒྱལ་བྱང་སེམས་ཕུར་བུའི་དངོས་གྲུབ་སྩོལ། །ཤིན་ཏུ་གསང་བ་ཡེ་ཤེས་ཀློང་ལྔའི་སྦུབས། །འོད་གསལ་རྒྱུན་ཆད་མེད་པའི་རིག་པ་ནི། །གཟོད་ནས་ཟུང་འཇུག་འདུ་འབྲལ་མེད་པའི་བདག །དཀྱིལ་འཁོར་གསུམ་དུ་ཤར་ལ་གསོལ་བ་འདེབས། །རང་རིག་ཕུར་བུ་དབྱིངས་སུ་མ་ཐེབས་བར། །ཁྲག་འཐུང་དགྱེས་པའི་སྣང་བ་མི་འབྲལ་ཞིང༌། །གློ་བུར་ལྟར་སྣང་ཡིད་དཔྱོད་བར་ཆད་ལས། །རྣམ་རྒྱལ་རིག་པའི་ཕུར་བུའི་དངོས་གྲུབ་སྩོལ། །མདོར་ན་འདི་ནས་བྱང་ཆུབ་སྙིང་པོའི་བར། །ཚེ་རབས་ཀུན་ཏུ་ལྷ་ཁྱོད་མི་འབྲལ་ཞིང༌། །ཕྱི་ནང་གསང་བའི་བར་ཆད་ལས་རྒྱལ་ཏེ། །རིག་འཛིན་གྲུབ་པའི་གོ་འཕང་མངོན་སུམ་བརྙེས། །མཉམ་ཉིད་ངང་ལས་ཐུགས་རྗེས་ཁྲོས་པ་ཡིས། །གདུག་པའི་ཚོགས་ཀུན་མཐར་བྱེད་ཡེ་ཤེས་སྐུ། །དེ་བཞིན་གཤེགས་པ་ཀུན་གྱི་དམ་ཚིག་མཆོག །རྡོ་རྗེ་ཁྲོས་པའི་རྒྱལ་པོ་འགྲུབ་གྱུར་ཅིག །དེའི་མཐུས་རྒྱལ་བའི་བསྟན་དང་དེར་འཛིན་གྱི། །གསང་གསུམ་རྟག་བརྟན་ལུང་རྟོགས་དཔལ་གྱིས་འབྱོར། །མཐའ་ཡས་འགྲོ་ཀུན་དཔལ་ཆེན་ཁྲོ་རྒྱལ་གྱི། །གོ་འཕང་རྟེན་འདིས་སྐལ་པར་སྤྱོད་པར་ཤོག །ཅེས་པའང་རབ་ཚེས་ཤིང་ཁྱི་ས་ག་ཟླ་བའི་དུས་ཆེན་ཉིན་ལྷ་མཆོག་འདི་ཡི་རྣལ་འབྱོར་ལ་བརྩོན་པའི་ཐུན་གསེང་དུ་གསང་ཆེན་རྙིང་མའི་སྔགས་རིག་རྒྱ་མཚོའི་རྗེས་སུ་འཇུག་པའི་ཀུ་སཱ་ལི་ཕྲིན་ལས་དྲག་པོ་རྩལ་གྱིས་འོག་མིན་བླ་མའི་གཟིམས་སྤྱིལ་བཀྲ་ཤིས་དཔལ་འབར་གླིང་ནས་སྤེལ་བ་འདིས་ཀྱང་འགྲོ་ཀུན་བར་ཆད་བདུད་བཞིའི་གཡུལ་ལས་རྣམ་པར་རྒྱལ་བའི་དགའ་སྟོན་ལ་རྟག་ཏུ་ལོངས་སུ་སྤྱོད་པའི་རྒྱུར་གྱུར་ཅིག །མངྒ་ལཾ། ༈ རྒྱ་གར་རྡོ་རྗེ་གདན་གྱི་གསོལ་འདེབས་བཞུགས། བསྐལ་བཟང་རྣམ་འདྲེན་སྟོང་གིས་མི་སློབ་པའི། །གོ་འཕང་མཛད་གནས་འཛམ་གླིང་སའི་ལྟེ་བར། །ཐུབ་ཆེན་ཤཱཀྱའི་རྒྱལ་པོའི་རྣམ་ཐར་གྱི། །རེ་ཁཱ་བཀྲ་བའི་ཞིང་ལ་གསོལ་བ་འདེབས། །དབུས་འགྱུར་འཆང་གི་ཆོས་སྐུའི་མཆོད་སྡོང་ཆེ། །བྱང་ཆུབ་ཤིང་དང་ཞབས་ཀྱི་པདྨོའི་རྗེས། །མཚན་དཔེའི་སྣང་བརྙན་ལ་སོགས་ངོ་མཚར་གྱི། །རྟེན་མཆོག་དུ་མ་བཞུགས་ལ་གསོལ་བ་འདེབས། །ནམ་ཞིག་བྱམས་ཆེན་ཆོས་ཀྱི་ཉི་མ་ཡིས། །བདུད་རྩིའི་སྒོ་འཕར་དང་པོར་ཕྱེ་བའི་ཚེ། །འཁོར་གྱི་ཐོག་མར་སྐྱེས་ནས་འབྲེལ་ཚད་ཀུན། །རྒྱལ་བ་དགྱེས་པའི་ལམ་ལ་ཞུགས་པར་ཤོག །རྡོ་རྗེ་ཕུང་པོའི་ཡེ་ཤེས་རྩ་རླུང་ཐིག །མི་ཤིགས་དྭངས་མའི་ཐིག་ལེར་སིམ་པ་ལས། །རྣམ་པ་ཉི་ཤུས་མངོན་བྱང་ཆུབ་པའི་གནས། །ནང་གི་རྡོ་རྗེ་གདན་ལ་གསོལ་བ་འདེབས། །སངས་རྒྱས་རིན་ཆེན་ཟ་མ་ཏོག་ཆེན་པོ། །ངེས་གསང་ཆོས་རྣམས་མ་ལུས་འབྱུང་བའི་གནས། །རྒྱལ་ཀུན་ཡེ་ཤེས་སྙིང་པོ་འདུས་པའི་དོན། །མངོན་སུམ་རྟོགས་པས་ལམ་ལྔ་ཡོངས་རྫོགས་ཤོག །རྒྱལ་ཀུན་ཡེ་ཤེས་ཆོས་སྐུའི་མཆོད་སྡོང་དུ། །དབྱེར་མེད་འཇུག་པའི་སྐལ་བཟང་མངོན་གྱུར་ནས། །རྫོགས་སྨིན་སྦྱངས་པ་རྒྱ་མཚོའི་མཐར་ཕྱིན་ཏེ། །ངོ་མཚར་མཛད་པས་མཁའ་ཁྱབ་འགྲོ་སྒྲོལ་ཤོག །ཟབ་ཞི་སྤྲོས་བྲལ་འོད་གསལ་འདུས་མ་བྱས། །རྣམ་ཀུན་མཆོག་ལྡན་གཞོན་ནུ་བུམ་པ་སྐུར། །ཁྱད་པར་དྲུག་གིས་ངལ་འཚོ་ཐོབ་པའི་གནས། །མཐར་ཐུག་རྡོ་རྗེ་གདན་ལ་གསོལ་བ་འདེབས། །ཀུན་འབྱུང་འཁྲུལ་པའི་བདུད་ཚོགས་སྡེ་དང་བཅས། །རྡོ་རྗེ་ལྟ་བུའི་ཏིང་འཛིན་གྱིས་བཅོམ་ནས། །མཐའ་ཡས་ཡོན་ཏན་རྫོགས་པའི་སྟོབས་བཅུའི་བདག །དང་པོའི་སངས་རྒྱས་མཆོག་གི་གནས་སོན་ཤོག །ཀུན་བརྟགས་འཁྲུལ་པའི་མུན་པ་དབྱིངས་སུ་སངས། །ཡེ་ཤེས་རིག་པའི་སྣང་བ་མཁའ་ཁྱབ་བརྡལ། །ཟག་མེད་ཡོན་ཏན་རྫོགས་པའི་དཔལ་ཐོབ་ནས། །གྲོལ་བ་དྲུག་གི་ཕྲིན་ལས་མངོན་གྱུར་ཤོག །ཅེས་པའང་སྔོན་སྨོན་སྐལ་བ་བཟང་པོས་གནས་ཆེན་རྡོ་རྗེ་གདན་དུ་བསགས་སྦྱོང་གི་འབྲེལ་བ་ཡང་ཡང་བགྱིས་པའི་ཚེ་དད་མོས་ཀྱིས་རྒྱལ་ཁམས་པ་མངྒ་ལས་གསོལ་བ་བཏབ་པ་བཞིན་འགྲུབ་པར་གྱུར་ཅིག ༈ རྡོ་རྗེའི་བླ་མ་པདྨ་སཾ་བྷ་ཝ། །རྡོ་རྗེའི་སྐྱེ་འཆི་མེད་པའི་སྐུར་བཞེངས་པའི། །རྡོ་རྗེའི་གནས་མཆོག་འཆི་བ་མཐར་བྱེད་ཅེས། །རྡོ་རྗེ་ཚེ་ཡི་དཀྱིལ་འཁོར་གསོལ་བ་འདེབས། །ཕྱི་ལྟར་རི་བྲག་སྨན་ཤིང་ལྗོན་ཚལ་མཛེས། །ནང་ལྟར་རྡོ་རྗེ་ཕུང་པོའི་ཙིཏྟའི་དབྱིབས། །དོན་ལ་འཆི་མེད་རྡོ་རྗེ་བཀོད་པའི་ཚལ། །རང་སྣང་པདྨ་དྲྭ་བར་གསོལ་བ་འདེབས། ཡེ་ཤེས་སྐུ་ཅན་ལྷ་དང་ཌཱ་ཀི་བཞུགས། ཚེ་དང་ཡེ་ཤེས་ཡོན་ཏན་མཐའ་ཡས་ཞིང༌། །འཆི་མེད་རྡོ་རྗེའི་གྲོང་ཁྱེར་ཆེན་པོ་ལ། །མི་ཕྱེད་དད་མོས་གུས་པས་གསོལ་བ་འདེབས། །ཀུན་བརྟགས་མཚན་མའི་སྐྱེ་འཆི་འཁྲུལ་པ་དག །ཡོངས་གྲུབ་འཕོ་མེད་རྡོ་རྗེའི་སྲོག་ཏུ་ཤར། །དག་པའི་གཞན་དབང་ཐིག་ལེ་ཆེན་པོའི་སྲོག །པདྨ་ཚེ་མཐའ་ཡས་པ་མངོན་གྱུར་ཅིག །ཅེས་སྒྲུབ་བརྩོན་པུཎྱེ་ལཀྵྨཱི་ནས་རྟེན་བཅས་བསྐུལ་ངོར་རྒྱལ་ཁམས་ཀྱི་འཁྱམས་པོ་མངྒ་ལས་གནས་དེར་ལྷག་པའི་ཚེ་གསོལ་བ་བཏབ་པས་འགྲོ་ཀུན་བདེ་ཆེན་པདྨ་འོད་འབར་གྱི་གོ་འཕང་ཐོབ་པའི་རྒྱུར་གྱུར་ཅིག། །།

[edit]

bskal bzang rnam 'dren bzhi ba'i ring lugs mchog_/rab mdzes dona~M ba~Mrgyud 'od stong phreng ba yis/_/rtag 'khyud 'phags pa'i rnam thar cha rdzogs pa/_/smra ba'i nyi~M ma~M'i ye shes sgyu 'phrul khyed/_/snyigs ma'i smag gi mun par ma gyur pa/_/dam pa'i yon tan kun nas rab rdzogs pa'i/_/ngang tshul 'char kha'i snang ba gsar pa ni/_/thub bstan dbyar gyi lang tsho rgyas pa'i gnyen/_/'khor lo gsum gyi phrin las sprin phreng sbubs/_/mkhyen brtse'i nus stobs lha yi bdud rtsi'i lcid/_/mchog bstan dbyar skyes gzhon nu'i dpal gyur pa/_/rab dwangs dad pa'i me tog snying nas sgeg_/sbyor nus phra yang lhag bsam pad+ma dkar/_/dad dam ge sar ze'u 'bru'i 'dzum pa'i mdangs/_/khyed kyi phrin las nyin byed gnyen gyur pas/_/las smon 'dab ma cung zad gtsang ngam snyam/_/de phyir khyod ni 'chi med tshe lha'i skur/_/rtag brtan phrin las thugs bskyed rdzogs ldan dus/_/rgud med khyad par thun mong thun min gyi/_/zab gsang legs bshad cir yang spro mdzad gsol/_/tshig snyan nyung ngu rnam gsal mtsho byung ngag_/don zab skabs 'brel phun tshogs dga' bskyed zas/_/snyigs dus bstan 'dzin dbus na mgon khyod kyi/_/khyad chos grub pas dad spros rjes su rang*/_/thugs bskyed brtson pa'i mdud pa mi lhod pas/_/ngo mtshar rnam thar skya rengs dang 'grogs pa'i/_/thub dbang ring lugs sgo kun spel mdzad kyi/_/shing rtas sa gsum 'jig rten dge gyur cig__/ces pa'ang skyabs rje mdo khams pa chen po sku phreng brgyad pa'i legs gsung bdud rtsi'i dga' ston mig dang rna ba'i rgyan du thob pa'i tshe slar yang legs bshad bdud rtsi'i skyes bzang du ma'i sgo 'byed par gsol ba 'debs pa'i tshigs su bcad pa 'di yang 'jam dbyangs bla ma dgyes pa'i 'bangs 'jigs med mkhyen brtse'i 'od zer bkra shis dpal 'byor gyis gus shing dwangs pas phul ba don dang ldan par gyur cig__/sarba dA mang+galaM/_!_oM swa sti/_rgyal kun phri~Mn lasa~M shing rta mtsho skyes rje'i/_/rnam 'phrul pad+ma'i gdung 'tshob chen po yi/_/sku gsung thugs sras bka' gter bstan pa'i dpal/_/thugs bskyed nora~M bu~Ms mdzes gang zhabs brtan gsol/_/bdud dpung mthar byed bstan pa'i shing rta yi/_/lnga bdo'i rgud zhi bshad sgrub dga' ston rgyas/_/rig 'dzin 'dus pas nor 'dzin mdzes pa yis/_/bkra shis dge mtshan dpal mgon rtag brtan shog_/ces snga 'gyur bstan pa'i mdzes rgyan sngags rig 'dzin pa mkhas btsun bzang po ston 'khor dang bsod nams tshe ring can nas lha rdzas kyi rten dang bcas gsung bskul bzhin bkra shis dpal 'byor gyis spro zhing dwangs ba'i blos shing byi gnam lo gsar tshes la bris shing snying nas smon pa don dang ldan par gyur cig__!__rtsa gsum kun 'dus pa~Md+ma~M 'byung gnas dang*/_/gnyis med dba~Mng chena~M khro rgyal rta mchog rtsal/_/dgye~Ms pa~Ms byin rlabs dpal ldan bla ma rjer/_/gsol ba 'debs so byin rlabs dngos grub stsol/_/ces 'bri gung g.yu sgra mchog sprul sku mched bsod nams dpal 'bar gyis rten bcas gsung bskul bzhin rang nyid kyis bris pa dge legs 'phel/__theg mchog 'od gsal rdo rje rtse mo'i lam/_/kun mkhyen yab sras ring lugs smin grol gyis/_/skal bzang rjes 'dzin snyigs dus bstan 'gro'i mgon/_/thub bstan phrin las dpal 'bar gsol ba 'debs/_zhes grong sar bla ma ye shes klong grol nas 'bod bskul bzhin mang+ga las smras pa'o__!__drung pa bcu gcig pa chos kyi rgya mtsho'i gsol 'debs byin rlabs snang ba bzhugs/__mchog tu mi 'gyur bde ba rdo rje'i dbyings/_/sku dang zhing khams rgya mtsho'i spro bsdu'i mes/_/he ru ka dpal dkyil 'khor kun gyi bdag_/bla ma dang po'i sangs rgyas gsol ba 'debs/_/mkha' khyab thugs rje'i ye shes rol rtsal las/_/'phags bod kun dang khyad par dwags rnying gi_/bstan pa'i shing rta 'dren mdzad mkhas dang grub/_/rgyun mi 'chad par byon la gsol ba 'debs/_/khyad par dam pa'i ye shes sgyu ma'i 'phrul/_/gsan bsam sgom pa'i yon tan rmad byung ba'i/_/phrin las bdag sogs dpal du snang mdzad mgon/_/chos kyi rgya mtsho'i zhabs la gsol ba 'debs/_/chos nyid don gyi dgongs pa mngon du gyur/_/'khrul pa gzhir zad ye shes klong nas brdol/_/snang srid chos sku'i dkyil 'khor gcig tu rdzogs/_/nam mkha' chos kyi rgya mtshor gsol ba 'debs/_/skye 'chi rang dbang dbyings su byang chub mthus/_/thugs rje bri gang bral ba'i gzigs pa yis/_/bdag cag gdul bya'i lhag ma rjes 'dzin pas/_/bdag rgyud smin cing grol bar mdzad du gsol/_rtsol med theg pa'i lam bzang mthar phyin nas/_/dpal ldan bla mar thugs yid gcig tu 'dres/_/khyad par drug ldan gzhon nu bum pa skur/_/legs grol don gnyis mtha' ru phyin par shog_/ces pa'ang dad blo rnam par dkar ba rje mchog gi gsang grogs dkon mchog dpal sgron nas rin po che'i skyes dang bcas bskul ba bzhin mang+ga la shrI b+hU tis bris pa gnas lugs don gyi bla ma rang zhal mjal ba'i rgyur gyur cig_!_na mo gu ru/_chos sku kun bzang rdor sems dga' rab rje/_/'jam dpal bshes gnyen shrI seng ye shes mdo/_/bi ma mi tra o rgyan pad+ma 'byung*/_/rje 'bangs nyer lnga so zur gnubs chen rje/_/gter chen brgya rtsa rnams la gsol ba 'debs/_/khyad par bka' bab bdun ldan mkhyen brtse'i dbang*/_/mdzod lnga'i shing rta blo gros mtha' yas zhabs/_/mchog gyur gling pa mi pham rnam par rgyal/_/khyab bdag pad+ma bi dzar gsol ba 'debs/_/bka' gter rdzogs chen brgyud pa'i bla ma dang*/_/'jam dbyangs chos kyi blo gros rin po che/_/'gyur med theg mchog bstan pa'i rgyal mtshan sogs/_/brgyud gsum bla ma rnams la gsol ba 'debs/_/rnyed dka'i dal 'byor don dang ldan pa'i phyir/_/mi rtag 'chi ba dran pas rgyud bskul te/_/dge sdig blang dor ma nor spyod pa yis/_/'khor ba'i rgya mtsho'i pha rol son gyur cig_/dkon mchog gsum la yid ches skyabs 'gro dang*/_/mkha' khyab 'gro kun pha mar shes pa'i blo/_/dbang gis rgyud smin dam tshig rnam par dag_/bskyed rdzogs nyams len gnad du smin par shog_/khyad par mi med dben pa'i brag phug tu/_/rang rig gnyug ma'i gnas lugs zab mo'i don/_/mos gus mchog gis nyer len la brten nas/_/mngon sum mthong ba'i yid ches skye gyur cig_/ma bcos rang ngo shes pa'i lta ba dang*/_/yin lugs gshis su 'jog pa'i sgom pa dang*/_/rang bab gnyug ma'i spyod pa rang grol bas/_/rig stong sku gsum 'bras bu'i mchog thob shog_/mdor na ye shes zab mo'i chos kyi dbyings/_/blos byas rang dag 'od gsal sgra ji bzhin/_/rtogs nas gdod ma'i dbyings su byang chub pa'i/_/don gnyis lhun gyis grub par mdzad du gsol/_/ces pa'ang sga pa rdo rko blo gros nas bskul ba bzhin bkra shis dpal 'byor gyis bris pa'o/__!__khyad chos drug ldan chos sku kun tu bzang*/_/rigs kun khyab bdag longs sku rdo rje sems/_/rigs gsum sems dpa' sprul sku'i sgyu 'phrul gar/_/rgyud gsum bla ma'i tshogs la gsol ba 'debs/_/rigs can drwa ma lnga dang rgyal po dzaH_bde ba gsal mdzad sgeg rdor sangs rgyas gsang*/_/bi ma yab sras pad 'byung rig 'dzin brgyad/_/brda brgyud bla ma'i tshogs la gsol ba 'debs/_/so zur gnubs nyang gter ston brgya rtsa dang*/_/rong zom klong chen rab 'byams gter chen mched/_/mkhyen brtse'i dbang po blo gros mtha' yas sogs/_/bka' gter shing rta rnams la gsol ba 'debs/_/theg mchog seng ge'i sgra sgrogs mi pham zhabs/_/nges par mkhas grub ded dpon rgyal tshab rje/_/thugs sras 'jam mgon nyi zla zung gcig sogs/_/khyad par brgyud 'dzin rnams la gsol ba 'debs/_/mkhas dang grub pas snga 'gyur bstan srog bzung*/_/bzang dang btsun pas rgyal bstan mdzes pa'i rgyan/_/klu yi rgyal mtshan mi pham chos rje'i 'phrul/_/mkhan chen blo gros rab gsal gsol ba 'debs/_/dgongs brgyud thob pas smin grol yongs su rdzogs/_/rig rtsal klong rdol don gyi mkhas pa'i mchog_/chos nyid mngon gzigs grub pa rgya mtsho'i tog_/mgon po khyed dang mnyam par byin gyis rlobs/_/zhes pa'ang nges don phyir mi ldog pa'i seng ge'i sgra chen po dad dang blo gros kyi sgo yangs pa'i snod ldan dge sbyong pad+ma 'gyur med nas bskul ngor bla sgrub kyi brgyud 'debs zhe chen pa'i bka' 'bangs 'gyur med bslab gsum rgyal mtshan gyis a su ra'i brag phug nas bris pa dgongs brgyud ye shes mthong ba'i rgyur gyur cig_/dge'o/_/mang+ga laM/__!__ze chen bla brgyud gsol 'debs/_na mo gu ru/_'jam dpal bshes gnyen thugs rje'i 'od zer las/_/yongs shar lung rigs seng ge'i nga ro yis/_/lta dman ri dwags skrag mdzad rab 'byams pa/_/bstan pa'i rgyal mtshan zhabs la gsol ba 'debs/_/mkhyen rtogs mthar phyin gzhan phan sgo brgya 'byed/_/'chad rtsod rtsom pas nges gsang bstan mchog 'dzin/_/rlabs chen phrin las zla bral ze chen pa/_/kun bzang rnam rgyal zhabs la=_/bslabs gsum rnam dag mkhyen brtse nus pa'i gter/_/smin grol bdud rtsis skal bzang gdul bya'i tshogs/_/yongs su smin mdzad don gyi rig pa 'dzin/_/dpal 'byor rgya mtsho'i zhabs la=_o rgyan lung bstan zab mo'i gter la dbang*/_/brtul zhugs spyod pas sbas pa'i gnas zhal 'byed/_/bskyed rdzogs gdeng ldan sngags spyod gar gyi dbang*/_/chos kyi rgyal mtshan zhabs la=_/'jam dpal gshin rje gshed kyis rjes su bzung*/_/gzhan phan bsdu bzhi'i phrin las bsam mi khyab/_/'brel tshad don ldan 'gyur med bden don gzigs/_/kun bzang bstan pa'i nyi mar=_rlabs chen rgyal ba'i sras kyi spyod pa yis/_/bstan pa rin chen 'dzin skyong spel ba'i gnyen/_/snyigs ma'i gdul bya 'dul mdzad sprul pa'i sku/_/bstan pa'i nyi ma'i zhabs la=_snga 'gyur bstan pa'i nyi ma gter chen rje'i/_/thugs bskyed dul babs rnam bzhi'i phrin las kyis/_/nges grol chu gter bskyil ba'i mgon gcig pu/_/bstan 'dzin chos kyi rgyal por=_/mkhyen rtogs klong rdol nus mthu'i rtsal chen rdzogs/_/sde brgyad bran khol bstan 'gro'i bde skyid spel/_/gdul dka' dmu rgod 'dul ba'i thugs rje can/_/o rgyan rang byung rdo rjer=_/skye ba gsum du rdzogs chen rab 'byams pa'i/_/phrin las rjes bsgrubs bla ma sangs rgyas su/_/g.yu sgra'i rnam 'phrul d+harma shrI yi/_/ye shes rang rtsal nges gsang bstan pa'i bdag_/shes bya kun mkhyen ma hA paN+Di ta/_/bstan 'dzin 'phel rgyas zhabs la=_'phags mchog spyan ras gzigs kyis rjes su bzung*/_/sgom byung klong rdol snang bzhi mthar ru phyin/_/bai ro'i rnam 'phrul grub pa yongs kyi rje/_/shes rab yar 'phel zhabs=_rgyal bas lung bstan rtsod bral sprul pa'i sku/_/mdzod chen rnam lnga'i srol 'byed shing rta che/_/yongs rdzogs bstan pa'i nyi ma thams cad mkhyen/_/blo gros mtha' yas zhabs=_rnam 'phrul tshad med gdul bya'i mkha' la shar/_/'phags pa'i rigs sad gzhan phan byang sems 'byongs/_/gang 'brel don ldan bstan pa'i sgron me sbar/_/phrin las 'od zer zhabs=_zab rgyas rgyal sras spyod pas gsang gsum mdzes/_/mtha' klas shes bya'i dngos kun yang dag mkhyen/_/log smra tshar gcod seng ge'i nga ro can/_/mi pham 'jam dbyangs rnam rgyal gsol=_rgyal tshab rin po che sku phreng bzhi pa/_/rmad byung thugs bskyed zla ba'i 'dzum zer gyis/_/nges gsang bstan pa'i chu gter rgyas mdzad cing*/_/'phags pa'i rnam thar ri dwags gzugs kyis bkra/_/'gyur med pad+ma rdo rjer=_dil mkhyen rgad po/_mtshungs med rnam 'dren rgya mtsho'i zhabs pad bsten/_/ris med bshad sgrub shing rta'i zam chen thob/_/phyogs med rgyal khams 'grim pa'i sngags btsun zol/_/theg mchog bstan pa'i rgyal mtshan gsol=_rab 'byams bdun pa/_mkhas grub dbang phyug rdzogs chen rab 'byams pa'i/_/byin rlabs nges gsang bstan pa'i lam srol 'dzin/_/gzhan phan go cha rab brtan rgyal ba'i sras/_/'gyur med chos kyi seng ger=_mkhan chen blo gros rab gsal/_theg mchog rdo rje snying po'i ring lugs kyi/_/ngo mtshar lta sgom spyod pa rmad byung ba/_/lung rigs seng ge'i sgra sgrogs paN+Di ta/_/mkhan chen blo gros rab gsal=_mkhan po gang shar/_sbyangs pa mthar phyin mkhas pa'i phul du phyin/_/nyams rtogs mthar phyin nang gi de nyid gzigs/_/gzhan phan mthar phyin 'brel tshad don dang ldan/_/byang chub rdo rje'i zhabs la gsol ba 'debs/_/de ltar mi phyed gus pas gsol btab mthus/_/tshe rabs phreng bar dam pa'i mgon rnams kyis/_/rjes bzung mnyes pa gsum gyis legs bsten nus/_/don gnyis bsam kun 'grub par byin gyis rlobs/__/zhes pa'ang rab 'byams smra ba'i seng ge'i dbon po shAkya'i dge slong 'gyur med yon tan mkhas grub nas bskul ngor rje bla ma'i gsung la zhal skong du 'gyur med bslab gsum rgyal mtshan gyis dad cing gus pas bris pa dge legs 'phel/__!__mdo khams ljongs su rgyal bstan snang mdzad gtso/_/mkhas dang grub pa'i rnam thar rgyan gyur pa/_/rdo rje 'dzin dbang snga 'gyur bka' gter gyi/_/rab 'byams bstan pa'i nyi mar gsol ba 'debs/_/bde gshegs mya ngan med kyi rnam par 'phrul/_/snga 'gyur bka' gter shing rta rab 'byams pa'i/_/gsang gsum byin rlabs thugs rje'i rnam 'phrul du/_/dbugs dbyung bstan pa'i nyi mar gsol ba 'debs/__!__'gyura~M meda~M gdod nas dag pa'i ye shes rtsal/_/kun khyab thugs rje'i rig gdangs sprul pa'i sku/_/thega~M mcho~Mg bstana~M pa'i~M rgyala~M mtsha~Mn grags pa'i tshul/_/dpal mgon bla ma mchog la gsol ba 'debs/_/zhes pa'ang rdo rje brag rig 'dzin chen po'i sprul pa'i sku 'jam dpal blo bzang nas gsung bskul bzhin bsam yas mi 'gyur lhun gyis grub pa'i gtsug lag khang du rang nyid kyis bris pa brgyud gsum bla ma rnams kyis byin gyis brlab pa'i rgyur gyur cig__!__skyabs gnas kun 'dus o rgyan rdo rje 'chang*/_/dbyer med drin can rtsa ba'i bla ma la/_/gsol 'debs 'di phyi bar dor thugs rjes zungs/_/sems nyid rang ngo mthong bar byin gyis rlobs/_/zhes bkra shis dpal ldan nas bskul ngor dil mkhyen mang+ga la shrI b+hU tis lha gdan gnas mjal skabs bris pa dge__!__grub dbang rdzogs chen rin po che'i skye brgyud gsol 'debs bzhugs so/_/dus gsum skye 'gag med pa chos nyid kyang*/_/sems can khams la gzugs sku rnam gnyis su/_/snang ba'i ngo mtshar bde gshegs gtsug tor can/_/mtshan gyis ngan song sgrol la gsol ba 'debs/_/rgyud sde rgya mtsho'i mnga' bdag ku ku ri/_/'pho chen rdo rje'i sa brnyes bi ma la/_/spros bral phyag rgya chen po sa ra ha/_/bstan pa'i chu 'go gsum la gsol ba 'debs/_/lha srin bran khol rlangs chen dpal seng ge_/'khrul snang brag ri snyil ba dkon mchog 'byung*/_/rgyal bstan nyin mor byed pa'i khri ral zhabs/_/bstan pa'i rtsa lag gsum la gsol ba 'debs/_/gti mug lam long grub chen phag 'tshong pa/_/mi la bzhad pa'i sras gyur byang chub rgyal/_/drug pa seng ge'i sgyu 'phrul dus gsum mkhyen/_/grub pa mchog brnyes gsum la gsol ba 'debs/_/rtogs pas bdag rgyud grol ba'i gling ras rje/_/bla mar mos gus mthar phyin stag lung pa/_/brtul zhugs grub pa o rgyan rang byung dpal/_/sgrub brgyud bstan 'dzin gsum la gsol ba 'debs/_/gzhi gsum rtsa ba brtan pa'i blo gros bzang*/_/rnying bstan mdo smad spel la smon lam gyi/_/mthu grub pad+ma'i rig pa 'dzin pa dang*/_/'gyur med theg mchog zhabs la gsol ba 'debs/_/snga 'gyur bstan pa'i rtsa ba mdo sgyu sems/_/yang phur sangs rgyas mnyam par sbyor la sogs/_/bka' babs grub chen phrin las srol gtod pa/_/nges don bstan 'dzin bzang por gsol ba 'debs/_/dam pa du ma'i zhabs pad gtsug tu khur/_/sangs rgyas bstan la lhag bsam zla ltar dkar/_/gsang sngags rdzogs pa chen po'i don la spyod/_/'jigs med mkhyen brtse'i dbang phyug gsol ba 'debs/_/bi ma'i rnam 'phrul rdo rje'i lung gis bsngags/_/thugs bskyed phrin las don yod zhags pa yis/_/bstan 'gro'i rgud sel bka' gter bstan pa'i bdag_/thub bstan chos kyi rdo rjer gsol ba 'debs/_/dus gsum gzigs pas ji ltar lung bstan bzhin/_/thugs rje yas sprul 'phags pa'i rnam thar gyis/_/'gro kun rjes skyong rgyal sras sems dpa' che/_/'jigs bral byang chub rdo rjer gsol ba 'debs/_/kun bzang bstan pa'i bdag po'i ye shes kyis/_/sgrib bral dgongs pas lung bstan mchog sprul che/_/dpa' chen 'gro 'dul phrin las thugs rje'i gter/_/'jigs med blo gsal dbang po zhabs brtan gsol/_/nges 'byung rgyud brlan byang chub sems gnyis kyi/_/shing rtas drangs pas smin grol lam mchog la/_/rtag tu brten goms bgyid pas dngos grub kun/_/tshe 'di nyid la thob par byin gyis rlobs/_/zhes pa'ang mdo khams dge rtse bla mas bskul ngor rdzogs chen pa rang byung rdo rjes mdzad pa la bla ma rgyal dbang nyi mas rten bcas bka' yi bskul ma gnang ba bzhin sku rabs gsum gyi gsol 'debs zhal skong du mtshungs med grub dbang chen po'i slob gral du 'khod pa 'jigs med mkhyen brtse'i 'od zer gyis bris pa dge legs 'phel/__!__sangs rgyas kun gyi phrin las phyag rgya'i dbang*/_/gdod nas gsang gsum rdo rjer rdzogs pa'i dpal/_/mkhyen brtse'i dbang po kun mkhyen gzi brjid rtsal/_/gsol ba 'debs so bdag rgyud byin gyis rlobs/_/bka' gter phur pa'i bka' bab rig pa 'dzin/_/snang srid thal 'byin ye shes dgongs rtsal rdzogs/_/rdo rje dbang mchog thub bstan chos rdor la/_/gsol ba 'debs so bdag rgyud byin gyis rlobs/_/rgyal kun mkhyen brtse'i ye shes snang ba che'i/_/srid gsum bdud sde mthar byed rdo rje can/_/pad+ma ye shes rdo rje rtsal 'chang la/_/gsol ba 'debs so bdag rgyud byin gyis rlobs/__!__kun mkhye~Mn ye shes me long 'jam pa'i dbyangs/_/kun khyab brtse~M chen 'jig rten dbang phyug che/_/kun grol stobs bcu'i 'oda~M zera~M brgya pa'i dbyig_/kun gzigs dpal ldan bla mar gsol ba 'debs/_/don dam ye shes dbyings kyi bla ma ni/_/gdod nas 'du 'bral med par rang la bzhugs/_/yid ches mos gus dad pas rtag 'bod na/_/tshe rabs kun tu rjes su 'dzin par mdzod/_/tshul gnas thos bsam sgom pa'i yon tan rdzogs/_/bstan pa'i snying po bshad sgrub las la brtson/_/rang gi rgyud grol gzhan phan mkha' ltar khyab/_/chos rje bla ma'i go 'phang mngon gyur shog_/ces grub chen sangs rgyas mnyan pa'i rje dbon 'chi med sprul pa'i sku dang*/_mkhyen yon dpal mnga' a gro sprul sku zung nas gsung bskul bzhin rgad po rang nyid kyis bris shing smon pa dge legs 'phel/__!__sgyu 'phrul drwa ba chen po'i bshad rgyud kyi bla ma rnams la gsol ba 'debs pa bkra shis grub pa'i dbyangs snyan zhes bya ba bzhugs so/__ston pa kun bzang rgyal tshab rigs lnga dang*/_/rigs gsum drwa ma lnga dang rgyal po dzaH_/ku ku rA dza in+d+ra bod+hi dang*/_/sing ha rA dza rnams la gsol ba 'debs/_/u pa rA dza go ma de wi'i zhabs/_/slob dpon ku ku rA dza phyi ma dang*/_/ro lang bde ba rdo rje bzhad pa rtsal/_/pra b+ha hasti rnams la gsol ba 'debs/_/sangs rgyas kun dngos pad+ma sat+ta b+ha wa/_/sgeg rdor sangs rgyas gsang ba bi ma la/_/rma lo rin mchog gtsug gyer rnam pa gnyis/_/zhang ston rgyal yon rnams la gsol ba 'debs/_/gnubs chen sangs rgyas yon tan rgya mtsho dang*/_/ye shes rgya mtsho nyang chen shes rab mchog_/ye shes 'byung gnas zur chung shAkya 'byung*/_/zur chen sher grags rnams la gsol ba 'debs/_/thugs sras ka chen bzhi dang sgro phug pa/_/nye ston chos seng gtsang nag 'od 'bar dang*/_/mes ston mgon po shes rab tshul khrims dang*/_/rta nag bdud 'dul rnams la gsol ba 'debs/_/shAkya 'phel dang byams pa seng ge dang*/_/'gro ston bsam 'grub sgrol chen sangs rgyas mtshan/_/gzhon nu dpal dang ye shes dpal bzang po/_/rin chen phun tshogs rnams la gsol ba 'debs/_/nyi zla sangs rgyas 'khon rigs tshe dbang dang*/_/dpal 'byor lhun grub bkra shis kun dga' dang*/_/phrin las lhun grub 'gyur med rdo rje dang*/_/ngag dbang chos dpal rnams la gsol ba 'debs/_/'gyur med rgya mtsho rin chen rnam par rgyal/_/pad+ma bstan 'dzin o rgyan bstan rdor dang*/_/chos kyi grags pa 'jigs med ngo mtshar zhabs/_/pad+ma bkra shis rnams la gsol ba 'debs/_/rgyal ba'i sras po gzhan phan mtha' yas dang*/_/ngag gi dbang phyug pad+ma'i mtshan can dang*/_/'jam dpal dbyangs dngos mi pham rnam par rgyal/_/mkhan chen yon tan rgya mtshor gsol ba 'debs/_/khyab bdag rdo rje sems dngos bi dza ya/_/bstan pa'i nyi ma chos kyi blo gros sogs/_/snying po'i rgyud rgyal legs par 'dzin pa yi/_/rig 'dzin bla ma rnams la gsol ba 'debs/_/gzhan phan mtha' yas 'jigs med chos kyi dbang*/_/yon tan rgya mtsho mkhan chen rdo rje 'dzin/_/thub bstan chos 'phel 'jam dbyangs bstan 'dzin sogs/_/rtsa brgyud bla ma rnams la gsol ba 'debs_/khyad par rgyud kyi rgyal po'i mthar thug don/_/legs bshad nyi zla'i sprin gyi snang ba yis/_/gsal mdzad kun mkhyen chos kyi rgyal po nas/_/rim brgyud bla ma'i tshogs la gsol ba 'debs/_/gzhan yang gsang chen slob bshad snying po'i srol/_/'dzin mdzad rong zom chos kyi bzang po dang*/_/rang byung rdo rje 'jigs med gling pa sogs/_/byin rlabs nye brgyud bla mar gsol ba 'debs/_/brgyud gsum bla ma'i dgongs don bdud rtsi'i bcud/_/rmad byung thugs kyi gsang ba snying po'i rgyud/_/snying gi dpal ber stsol ba'i bka' drin can/_/rtsa ba'i bla ma mchog la gsol ba 'debs/_/zung 'jug 'bras bu'i ye shes bla med pa/_/rnam pa rtags kyi phyag rgyar shar ba yi/_/yi dam lha tshogs mkha' 'gro chos skyong bcas/_/skyabs gnas dam pa rnams la gsol ba 'debs/_/dag mnyam gzhi yi gnas lugs ji bzhin rtogs/_/bskyed rdzogs lam gyi rnal 'byor mthar ru phyin/_/zung 'jug 'bras bu'i ye shes mngon gyur nas/_mtha' yas 'gro kun 'dren pa'i dpal thob shog_/brgyud gsum bla ma'i byon rlabs snying la zhugs/_/bshad dang sgrub pas snying po'i bstan pa 'phel/_/rtsa gsum srung ma dgyes pa'i gzi byin gyis/_/'jig rten dge legs chen pos khyab gyur cig__/ces pa'ang sgyu 'phrul brgyud 'debs la bshad bka'i phyogs kyi kha skong dang smon lam bcas 'jam dpal dgyes pas spel ba dge legs su gyur cig__/mang+galat+ta/__!__sgyu 'phrul rgyud bshad rdo rje 'chang mkhyen brtse'i dbang po'i nye brgyud ltar na/_ngag dbang chos dpal rnams la gsol 'debs/__zhes pa'i mtshams su/_mdo rgyud rgya mtsho 'gyur med rab gsal dang*/_/sna tshogs rang grol 'jam mgon mthu stobs zhabs/_/bka' babs bdun gyi mnga' bdag mdo sngags gling*/_/kun gzigs yon tan rgya mtshor gsol ba 'debs/_/mdo sngags bstan 'dzin o rgyan chos kyi nyi/_/bshad sgrub rgya mtsho 'jam dbyangs chos blo gros/_/pad+ma dri med byang chub rdo rje'i zhabs/_nye brgyud bla ma rnams la gsol ba 'debs/_/gzhan yang gsang chen slob bshad snying po'i tshul/_/'dzin mdzad rong klong mkhas grub zla bral zung*/_rang byung rdo rje sogs brgyud 'debs dkyus ltar bya 'o/__!__'jam dbyangs mkhyen brtse dbang po'i gsung*/_dpal gsang ba snying po'i bshad rgyun brgyud pa'i gsol 'debs byin rlabs shing rta'i brgyud 'debs kha skong ni/_bka' babs bdun gyi mnga' bdag mdo sngags gling*/_/gsang ba'i bdag po yon tan rgya mtsho'i zhabs/_/mdo sngags bstan 'dzin o rgyan chos kyi nyi/_/bshad sgrub rgya mtsho rnams la gsol ba 'debs/_/kun gzigs 'jam dbyangs chos kyi blo gros rje/_/pad+ma dri med byang chub rdo rje zhabs/_/snying po'i rgyud rgyal legs par 'dzin pa yi/_/rtsa brgyud bla ma rnams la gsol ba 'debs/_/de ltar gsol ba sogs kyus la 'jug go_/zhes mang+ga las so/ !_mdo khams ljongs su rgyal bstan snang mdzad gtso/_/mkhas dang grub pa'i rnam thar rgyan gyur pa/_/rdo rje 'dzin dbang snga 'gyur bka' gter gyi/_/rab 'byams bstan pa'i nyi mar gsol ba 'debs/_/bde gshegs mya ngan med kyi rnam par 'phrul/_/snga 'gyur bka' gter shing rta rab 'byams pa'i/_/gsang gsum byin brlabs thugs rje'i rnam 'phrul du/_/dbugs dbyung bstan pa'i nyi ma gsol ba 'debs/__!__rgyud lugs 'jam dpal zhi ba'i sgrub thabs ye shes snang ba mchog sbyin gyi brgyud 'debs ye shes dpal ster bzhugs/_ngo bo ka dag spros mtshan 'jam pa'i dbyangs/_/rang bzhin lhun grub sku dang ye shes dpal/_/gnyis su mi phyed gzhon nu bum pa'i sku/_/chos dbyings srid zhi khyab la gsol ba 'debs/_/zag med ye shes sku yis zhing kun khyab/_/rab 'byams chos 'byung tshangs dbyangs gsung dbang phyug_/rgyal kun thugs dbus ye shes sems dpa'i tshul/_/phyogs dus 'dren pa'i ded dpon gsol ba 'debs/_/'das pa'i sangs rgyas bde gshegs klu'i dbang po/_/da lta byang phyogs mos pa rab dga'i rgyal/_/ma 'ongs mgon po kun tu gzigs chen po/_/dus gsum rgyal ba'i tshul ston gsol ba 'debs/_/thub pa'i drung na rgyal sras 'jam dpal dbyangs/_/zab rgyas chos ston bskul mdzad nye ba'i sras/_/dus gsum 'dren pa'i byang chub lam gyi grogs/_/ngo mtshar bsam mi khyab la gsol ba 'debs/_/rnam dbyer med pa'i sems can don gyi phyir/_/zab mo lta ba'i legs gsung gang+ga'i klung*/_/shing rta chen po klu dbang rjes bzung nas/_/theg mchog lam bzang ston la gsol ba 'debs/_/sum khri drug stong 'jam dpal sgyu 'phrul drwa/_/gsang chen rgyud sde'i smin grol dbyig gi sgrom/_/'jam dpal chos kyi bshes gnyen tshul bzung nas/_/bde gshegs sku yi bka' bab gsol ba 'debs/_/dpal ldan rdzogs pa'i sangs rgyas pad+ma skyes/_/byang phyogs thub pa'i rgyal tshab zhi ba 'tsho/_/chos rgyal tshangs pa lha yi me tog tshul/_/gangs can sgron me gsum la gsol ba 'debs/_/mdo sgyu'i shing rta sangs rgyas ye shes dang*/_/shel bza' sgron gsal sar ban phyogs med dang*/_/bdud 'dul rdo rje gling sogs zab gter gyi/_/smin grol bsam yas ston la gsol ba 'debs/_/paN chen ma ti dam pa sangs rgyas sogs/_/rgyud sde bzhi 'brel 'jam dpal zhi dang khro'i/_/rgyud lung man ngag smin grol kun 'dus pa/_/'jam dbyangs mkhyen brtse'i dbang por gsol ba 'debs/_/blo gros mtha' yas zhabs dang mchog gyur gling*/_/dbang chen dgyes rab rdo rje la sogs pa'i/_/bka' gter man ngag bdud rtsi'i bcud stsol ba'i/_/dngos brgyud bla ma rnams la gsol ba 'debs/_/rgya chen shes bya'i chos kun thugs su chud/_/zab don ye shes dgongs pa'i gter mdzod grol/_/snga 'gyur bstan pa'i nyin byed 'jam dpal dbyangs/_/mi pham rnam par rgyal la gsol ba 'debs/_/de sras thu bo pad+ma rnam par rgyal/_/gnas lnga rig pa'i paN chen chos rgya mtsho/_/chos dbyings 'od gsal chos kyi blo gros gter/_/rnam 'dren bla ma rnams la gsol ba 'debs/_/srid las nges 'byung gzhan phan sems kyis dul/_/dbang bzhis rgyud smin dam tshig rnam par dag_/bskyed rdzogs lam gyis rig 'dzin bzhi bgrod nas/_/zung 'jug rdo rje'i mi slob sa brnyes shog_/khyad par ye shes sku can 'jam dpal gyi/_/rnam thar bsam mi khyab pa'i dpal mtha' dag_/mngon gyur bstan 'gro'i don gnyis mthar phyin pa'i/_/go 'phang rmad byung tshe 'dir mngon gyur shog_/ces mkhyen yon dad brtson rmad byung dge slong ye shes rgyal mtshan gsung bskul bzhin 'jam dbyangs bla ma dgyes pa'i 'bangs bkra shis dpal 'byor gyis lho 'brug bde skyid kun dga'i tshal nas bris pa ye shes 'dod dgu'i snang ba la rtsen pa'i rgyur gyur cig__!__gsol 'debs le'u bdun ma'i kha skong brgyud 'debs ni/_'gyur med phrin las rnam rgyal la gsol ba 'debs/_/rje btsun phrin las chos sgron la=_/'jam dbyangs mkhyen brtse'i dbang po la=_/kun mkhyen blo gros mtha' yas la=_/gter chen mchog gyur gling pa la=_/mkhas grub 'jam dpal dgyes pa la=_/khyab bdag pad+ma bstan 'dzin la=_/rig 'dzin 'od gsal rdo rje la=_/'jam dbyangs chos kyi blo gros la=_/dus gsum rtsa brgyud bla ma la=_yi dam sgrub chen bka' brgyad la=_sogs/__mang+ga las so/__!__byang gter rdo rje phur pa dril sgrub kyi brgyud 'debs byin rlabs gter mdzod bzhugs/_na moH_shrI badz+ra ku ma ra ye/_'khor 'das kun khyab chos sku kun tu bzang*/_/kha sbyor bdun ldan longs sku rdo rje sems/_/gang 'dul der sprul gsang bdag smug nag yum/_/gsol ba 'debs so mthu dbang grub gnyis stsol/_/tshangs pa gdong gsum lha dbang klu'i rig 'dzin/_/rgyal po dza dang shAkya pra b+ha'i zhabs/_/grub pa'i dbang phyug pad+mA ka ra la/_/gsol ba 'debs so mthu dbang grub gnyis stsol/_/bi ma mi tra shI la many+dzu dang*/_/mkhar chen mtsho rgyal rdo rje bdud 'joms rje/_/zab gter sgo 'byed dngos grub rgyal mtshan la/_/gsol ba 'debs so mthu dbang grub gnyis stsol/_/sku yi sras mchog rnam rgyal mgon po dang*/_/rigs sngags 'chang ba rdo rje mgon po'i zhabs/_/ngag dbang grags pa sangs rgyas dpal bzang la/_/gsol ba 'debs=_thugs sras chen po sngags 'chang drang so ba/_/legs ldan zhabs dang chos rgyal dbang po'i sde/_/ngag gi dbang po rig 'dzin yol mo bar/_/gsol ba 'debs so=_mthu stobs dbang phyug chos dbyings rang grol rje/_/grangs med rgyal ba'i spyi gzugs bshes gnyen mchog_/kun mkhyen ngag dbang blo bzang rgya mtsho'i zhabs/_/gsol ba 'debs so=_ring nas bsnyen cing bsgrub pa lhag pa'i lha/_/phrin las rgya mtsho'i bdag nyid he ru ka_/rdo rje gzhon nus rjes bzung rig 'dzin rjer/_/gsol ba 'debs so=_sangs rgyas byams bzang se ston nyi ma bzang*/_/mgon po rin chen rgyal mtshan dang*/_/spyan tshab mnyam med chos rgyal dbang po'i sder/_/gsol ba 'debs so=_rig 'dzin chen po ngag gi dbang po dang*/_/stobs ldan dpa' bo zur chen pad+ma dbang*/_/rtsa ba'i bla ma bla med rdo rje rtsal/_/gsol ba 'debs so=_ris med yongs 'dzin du ma'i thugs kyi sras/_/sum ldan rdo rje 'dzin pa'i grub mchog rje/_/lha btsun chen po pad+ma phrin las la/_/gsol ba 'debs so=_theg mchog rdo rje snying po'i ba gam rtser/_/bstan pa'i rgyal mtshan phyogs cur sgreng mdzad pa'i/_/rigs bdag dkyil 'khor 'khor lo'i mgon po la/_/gsol ba 'debs so=_mkhyen brtse nus pa'i phung po gcig bsdus pa'i/_/pad+mA ka ra'i rgyal tshab dam pa mchog_/rig 'dzin skal bzang pad+ma dbang phyug la/_/gsol ba 'debs so=_dam pa'i rjes bzung mthu stobs nus pa'i bdag_/grub pa'i brtul zhugs 'dzin pa'i bshes gnyen mchog_/khyab bdag bla ma pad+ma mi tra la/_/gsol ba 'debs so=_bslab gsum sdom brtson 'dzin pa'i ded dpon mchog_/snga 'gyur bstan pa spel mdzad chos kyi rje/_/'khor lo'i mgon po pad+ma ngag dbang la/_/gsol ba 'debs so=_theg mchog rdo rje snying po'i bcud mchog kun/_/zab mo thugs kyi bum par legs gtams shing*/_/spel mkhas kun bzang gsang sngags bstan 'dzin la/_/gsol ba 'debs so=_zung 'jug 'od gsal phyag rgya chen po'i don/_/ma nor ji bzhin ston mdzad chos kyi rje/_/pad+ma'i thugs sras nam mkha' klong yangs la/_/gsol ba 'debs so=_snying po'i don gzigs mdo sngags chos kyi mtho/_/gu ru'i lung thob pad+ma dbang rgyal dang*/_/mkhas grub kun gtso skal bzang bdud 'dul la/_/gsol ba 'debs so=_bslab gsum rnam dag sdom gsum khrims kyis mdzes/_/rgyal ba'i myu gu mnyam nyid rdo rje dang*/_/rdo rje 'dzin pa theg mchog bstan 'dzin la/_/gsol ba 'debs so=_snang srid dag pa chos sku'i klong du gzigs/_/ma 'dres kha dog rtags kyis legs 'khyud pa'i/_/drin chen sprul sku rtsa ba'i bla ma la/_/gsol ba 'debs so=_phung khams rnam par dag pa rdo rje'i lus/_/gsang gsum lha yi 'khor lor lhun grub pa'i/_/phrin las phur pa'i dkyil 'khor lha tshogs la/_/gsol ba 'debs so=_lho brag dug sbrul spungs 'dra'i gsang sgo'i nang*/_/mi phyed rgyas btab zab gter yid bzhin nor/_/dam can gter skyong srung mar bcas pa la/_/gsol ba 'debs so=_'di phyi rnam kun byang chub snying po'i bar/_/bla ma mchog dang lhag pa'i lhar bcas pas/_/rjes su bzung nas gsang chen snying po'i lam/_/rim gnyis zab don nyams su longs par shog_/mtshan ma'i phur bus dgra bgegs tshar gcod cing*/_/don gyi phur bus ma rig rtog 'dzin bsgral/_/lhun grub dbyings rig 'od gsal chams cig gzhir/_/yongs dag sku gsum 'bras bu lhun grub shog_/ces pa 'di yang rigs sngags 'chang ba dge slong pad+ma phrin las kyis rang gi ngag 'don phyir phur sgrub kyi thun mtshams su 'phral du sbyar ba'i yi ge pa ni don ldan no/__!__gter mdzod brgyud 'debs ltar na/_rgyal dbang lnga pa rin po che'i mtshams su/_ris med yongs 'dzin du ma'i thugs kyi sras/_/sum ldan rdo rje 'dzin pa'i grub mchog rje/_/lha btsun chen po pad+ma phrin las la/_/gsol ba 'debs so mthu dbang grub gnyis stsol/_/rig pa 'dzin mchog pad+ma dbang rgyal dang*/_/rdo rje thogs med 'gyur med blo ldan dang*/_/pad+ma bshes gnyen phrin las lhun gyis grub/_/gsol ba 'debs so mthu dbang grub gnyis stsol/_/o rgyan rang grol rdo rje phrin las dang*/_/nges don bstan 'phel bsod nams mchog ldan zhabs/_/tshe dbang rig 'dzin thub bstan rgyal mtshan la/_/gsol ba 'debs so=_nye brgyud bka' babs 'jam dbyangs mkhyen brtse'i dbang*/_/rgyal kun phrin las rjes skyong gu Na'i zhabs/_/phrin las mchog grub rdo rje dbang mchog rtsal/_/gsol ba 'debs so=_'jam pa'i rdo rje chos kyi blo gros zhabs/_/phur pa'i thugs brnyes rdo rje'i rig pa 'dzin/_/rtsa ba brgyud pa'i bla ma thams cad la/_/gsol ba 'debs so mthu dbang grub gnyis stsol/_/phung khams rnam par dag pa sogs brgyud 'debs dkyus ltar ro/_/zhes pa'ang dad mos kyi blos rnying sngags rgan po mkhyen brtse'i 'od zer gyis dad pas bris pa'o/_/dge'o/__!__bla ma dgongs 'dus kyi brgyud 'debs mdor bsdus byin rlabs 'od snang zhes bya ba bzhugs so/_/oM AHhU~M hrIH_ngo bo chos sku kun bzang 'od mtha' yas/_/rang bzhin 'od gsal longs sku thugs rje che/_/ma 'gag phrin las mtsho skyes rdo rje 'chang*/_/gsol ba 'debs so bdag rgyud byin gyis rlobs/_/bod yul chos kyi rgyal po khri srong zhabs/_/dgongs 'dus bka' babs lha sras rol pa rtsal/_/mkhar chen mtsho rgyal rje 'bangs lo paN la/_/gsol ba 'debs so bdag rgyud byin gyis rlobs/_/zab gter sgo 'byed o rgyan sangs rgyas gling*/_/chos bdag las can rtsa brgyud bla ma dang*/_/'jam mgon pad+ma gar gyi dbang phyug rtsal/_/gsol ba 'debs so bdag rgyud byin gyis rlobs/_/'jig rten dbang phyug mkha' khyab rdo rje'i zhabs/_/kun tu bzang po 'jam mgon mkhyen brtse'i gter/_/chos kyi blo gros bkra shis dpal 'byor la/_/gsol ba 'debs so bdag rgyud byin gyis rlobs/_/dkyil 'khor gtso mchog pad+ma badz+ra rtsal/_/ye shes klong dgu'i dkyil 'khor mkha' 'gro'i tshogs/_/dam can chos skyong rtsa gsum rab 'byams la/_/gsol ba 'debs so bdag rgyud byin gyis rlobs/_/dbang gis rgyud smin dam tshig rnam par dag_/bskyed rdzogs mthar phyin zung 'jug rdo rje'i dbyings/_/tshe 'dir phyin nas bstan 'gro'i phan bde'i dpal/_/rtag 'phel don gnyis lhun gyis grub par shog__/ces pa'ang mkha' spyod sprul sku sku mched dang*/_dad brtson chos la spyod pa dkar chung sprul sku dz+nyA na badz+ras gsung bskul ngor mang+ga la shrI b+hU tis brag dkar bkra shis sdings su dgongs 'dus kyi sgrub chen dbang dang bcas pa'i skabs bris pa'o/__!__gu ru'i thugs sras rje 'bangs yongs kyi gtso/_/mu rub btsad po ye shes rol pa rtsal/_/dgongs 'dus bka' babs gter chen chos kyi rje/_/sangs rgyas gling pa'i zhabs la gsol ba 'debs/_/zhes dad ldan sid+d+hi nas bskul ngor mang+ga la shrI b+hU tis bris pa dge legs 'phel/__!__gnam chos spyi'i brgyud 'debs byin rlabs rmad byung bzhugs/__kun bzang 'od mi 'gyur pa chos kyi sku/_/rnam snang longs sku gar dbang spyan ras gzigs/_/sprul sku gdul dka' 'dul mdzad pad+ma 'byung*/_/gsol ba 'debs so dbang bskur byin gyis rlobs/_/gsang 'dzin bai ro mtsho rgyal lha'i me tog_/shud pu dpal seng 'gro 'dul sprul pa'i sku/_/thugs rje tshad med mi 'gyur rdo rje la/_/gsol ba 'debs so dbang bskur byin gyis rlobs/_/kun bzang shes rab lhun grub rgya mtsho dang*/_/pad+ma nor bu karma bkra shis zhabs/_/karma lha dbang karma 'gyur med la/_/gsol ba 'debs so dbang bskur byin gyis rlobs/_/pad+ma gsang sngags bstan 'dzin 'jam pa'i dbyangs/_/blo gros mtha' yas mdo sngags chos kyi nyi/_/tshe dbang rgya mtsho ye shes rdo rje rtsal/_/gsol ba 'debs so dbang bskur byin gyis rlobs/_/brgyud gsum bla ma zhi khro gang 'dul lha/_/dngos grub mchog gi gnas gsum mkha' 'gro ma/_/chos skyong dam can rgya mtsho'i tshogs bcas la/_/gsol ba 'debs so dbang bskur byin gyis rlobs/_/dbang gis rgyud smin dam tshig rnam par dag_/bskyed rdzogs gdams pas sa lam yon tan rdzogs/_/phrin las mtha' phyin sku lnga'i dbyings grol ba'i/_/don gnyis mtha' ru phyin par byin gyis rlobs/_/zhes pa'ang mchog sprul rin po che 'jigs med mkhyen brtse'i dbang phyug gi bka' bstsal ba bzhin gnam chos spyi la 'jug pa'i dbang du byas nas mang+ga la shrI b+hu ti'i bde chen chos gling nas bris pa sid+d+hi rastu/_/dge'o/_/mang+ga laM/__!__zab lam bde gshegs kun 'dus kyi brgyud 'debs kyi zhal skong ni/_rtsa ba'i brgyud pa ni/_/gter chen rin po che'i rjes su/__theg mchog snying po'i lam gyi pho brang du/_/'jig rten mig gcig d+harma shrI dang*/_/rgyal sras pad+ma 'gyur med rgya mtsho la/_/gsol ba 'debs so bdag rgyud byin gyis rlobs/_/zab lam mngon gyur ye shes pho brang du/_/bi ma'i rnam 'phrul rin chen rnam par rgyal/_/mkhan chen o rgyan bstan 'dzin rdo rje la/_/gsol ba 'debs so bdag rgyud byin gyis rlobs/_/sgyu 'phrul bkod pa bsam yas pho brang du/_/gnubs chen yang srid phrin las rnam par rgyal/_/rje btsun 'gyur med phrin las chos sgron la/_/gsol ba 'debs so bdag rgyud byin gyis rlobs/_/bka' gter mdo sngags chos kyi pho brang du/_/bka' bab bdun ldan 'jam dbyangs mkhyen brtse'i dbang*/_/rgyal bas lung bstan pad+ma gar dbang la/_/gsol ba 'debs so bdag rgyud byin gyis rlobs/_/thugs rjes 'gro ba sgrol ba'i pho brang du/_/'gyur med kun bzang bde chen rgyal po dang*/_/thugs rje che dngos pad+ma bi dza la/_/gsol ba 'debs so bdag rgyud byin gyis rlobs/_/mkhyen brtse nus pa bsam yas pho brang nas/_/rigs kun khyab bdag 'jam dbyangs chos blo gros/_/smin grol mdzod 'dzin rtsa brgyud bla ma la/_/gsol ba 'debs so bdag rgyud byin gyis rlobs/_|_yang zhe chen dbang khrid brgyud pa rnying pa ltar na/_gter chen rin po che'i mtshams su/_nges gsang lam mchog ston pa'i pho brang du/_/rdzogs chen 'gyur med theg mchog bstan 'dzin dang*/_/smra ba'i seng ge kun bzang rnam rgyal la/_/gsol ba 'debs so bdag rgyud byin gyis rlobs/_/'og min pad+ma 'od kyi pho brang du/_/pad+ma gsang sngags bstan 'dzin chos kyi rgyal/_/mthu stobs rnam rgyal 'gyur med bstan 'phel la/_/gsol ba 'debs so bdag rgyud byin gyis rlobs/_/ris med thub bstan chos kyi gsang mdzod nas/_/'jam mgon pad+ma gar gyi dbang phyug dang*/_/'gyur med pad+ma rnam par rgyal ba la/_/gsol ba 'debs so bdag rgyud byin gyis rlobs/__!__yang bdag gi bla ma rin po ches smin gling gdan sa nas gsan pa'i brgyud pa ltar na/_phrin las chos sgron rjes/_zab rgyas gsang chen lam gyi pho brang du/_/'gyur med yid bzhin dbang gi rgyal po dang*/_/ma gcig bde chen ye shes chos sgron la/_/gsol ba 'debs so bdag rgyud byin gyis rlobs/_/'od gsal rdo rje'i lam ston pho brang du/_/rigs kun khyab bdag pad+ma bi dza ya/_/'jam mgon pad+ma ye shes rdo rje la/_/gsol ba 'debs so bdag rgyud byin gyis rlobs/__!__yang nyams len byin rlabs kyi brgyud pa ltar na/_ma gcig dz+nyA na tA ra'i rjes/_bka' gter smin grol chos kyi pho brang nas/_/'gyur med tshe dbang lam 'di'i dngos grub brnyes/_/bstan 'dzin nor bu mdo sngags bstan 'dzin la/_/gsol ba 'debs so bdag rgyud byin gyis rlobs/__!__yang na brgyud tshul 'dra min la mkhyen brtse rin po che'i rjes su/_thams cad mkhyen gzigs chos kyi rgya mtsho la/_/gsol ba=_'og min pad+ma 'od kyi pho drang nas/_lha btsun 'jigs bral dpa' bo rdo rje dang*/_ngag dbang grags pa mdo sngags bstan 'dzin la/_gsol ba 'debs so bdag rgyud byin gyis rlobs/_deng nas bdag sogs sogs dkyus ltar ro/_/de dag kyang rang nyid la smin grol bdud rtsi'i skal pa dge ba'i dad mos yid spro'i gsal 'debs su chos kyi rgyal po smin gling pa'i bstan zhabs su skyes pa'i mdo khams zhe chen pa 'gyur med theg mchog bstan pa'i rgyal mtshan gyis bsnyen sgrub 'brel 'jog skabs bris pas rtsa brgyud bla ma rnams kyi rdo rje gsum gyi ye shes rgyud la 'jug pa'i rgyur gyur cig__!__bi ma'i rnam 'phrul rin chen rnam rgyal dang*/_/mtsho rgyal dngos snang mi 'gyur dpal sgron dang*/_/thams cad mkhyen pa o Di yA na la/_/gsol ba 'debs so bdag rgyud byin gyis rlobs/_/ka dag lha[?] grub zab mo gnas lugs mchog_/da lta nyid [?] rtogs par byin gyis rlobs/_/rig 'dzin 'gyur med phrin las rnam rgyal dang*/_/gdod ma'i mgon po phrin las chos sgron dang*/_/bi ma dngos byon mkhyen brtse'i dbang po la/_/gsol ba 'debs so bdag rgyud byin gyis rlobs/_/mdzod lnga'i shing rta blo gros pha mtha' yas/_/[⁽111b⁾]na gzigs o rgyan chos kyi rgya mtsho dang*/_/snang bzhi mthar son sna tshogs rang grol zhabs/_/dgongs klong tshad pheb pad+ma bi dza yar/_/gsol ba 'debs so bdag rgyud byin gyis rlobs/_/mkhas grub dbang phyug 'jam dbyangs chos blo gros/_/brgyud gsum byin brlab mkhyen brtse'i 'od zer sogs/_/rdo rje 'chang dngos rtsa ba'i bla ma la/_/gsol ba 'debs so bdag rgyud byin gyis rlobs/_/ka dag lha[?] grub zab mo gnas lugs mchog_/da lta nyid [?] rtogs par byin gyis rlobs/_'jam dbyangs mkhyen brtse dbang po'i snying thig ma bu'i sngon 'gro'i bla ma'i rnal 'byor gyi gsol 'debs la rje btsun phrin las chos sgron dang rje bla ma gnyis kyi bar bla brgyud gsol 'debs kha skong a ne me ra li nas zhus pa/_mchan/__!__rtsa gsum spyi 'dus snying thig gi brgyud pa'i gsol 'debs byin rlabs bdud rtsi'i snang ba bzhugs/__chos dbyings kun khyab bde gshegs 'od mtha' yas/_/sku dang zhing khams snang mdzad spyan ras gzigs/_/phyogs dus rgyal kun ngo bo pad+ma 'byung*/_/gsol ba 'debs so byin rlabs dngos grub stsol/_/bde stong mchog brnyes gsang 'dzin mkhar chen bza'/_/chos kyi rgyal po mnga' bdag lha'i me tog_/'jig rten mig gcig rgyal tshab bai ro rje/_/gsol ba 'debs so=_/bai ro'i rnam 'phrul kun spang zla 'od 'bar/_/snang bzhi mthar phyin 'ja' tshon las 'phro gling*/_/bka' babs bdun gyi mnga' bdag mdo sngags gling*/_/gsol ba 'debs so=_/mdzod lnga'i srol 'byed pad+ma gar gyi dbang*/_/chos kyi rgya mtsho shAkya shrI dz+nyA na/_/'phags mchog 'jam mgon ye shes rdo rje la/_/gsol ba 'debs so=_/yi dam yong 'dus pad+ma gtum po dang*/_/mkha' 'gro'i dbang phyug bdud 'dul seng+ge'i zhal/_/rab 'byams rtsa gsum rgyal ba'i dkyil 'khor la/_/gsol ba 'debs so=_/smin byed dbang gis sgo gsum rdo rjer smin/_/bskyed rdzogs lam gyis srid zhi'i 'ching las grol/_/rtsa gsum dbyer med pad+ma'od 'bar gyi/_/gsang ba gsum dang gnyis med byang chub shog__/ces pa'ang rgyam rgyal pad+ma shel ri'i gnas zhol rang byung pad+ma yab sras kyi rdzu 'phrul phyag rtags kyi re khAs bkra ba mtsho nag ma'i khar tshogs kyi mchod pa phul ba'i skabs sngags btsun 'jigs med mkhyen brtse ming can gyis bris pa brgyud gsum bla mas byin gyis brlab pa'i rgyur gyur cig_/mang+ga laM/_dge'o/__!__rtsa gsum zab mo kun 'dus kyi brgyud pa'i gsol 'debs pad+ma'i do shal bzhugs/__chos sku'i ston pa kun bzang snang mtha' yas/_/sku dang ye shes khyab bdag spyan ras gzigs/_/rtsa gsum dbyer med sprul sku pad+ma 'byung*/_/thod phreng sde lngar shar la gsol ba 'debs/_/yi dam kun 'dus dbang chen rta mchog dpal/_/mkha' 'gro'i dbang phyug phag mo mkhar chen bza'/_/a tsar ye shes mchog dbyangs mnga' bdag rje/_/bai ro tsA na rnams la gsol ba 'debs/_/zab gter sgo 'byed kun bzang bde chen rgyal/_/pad+ma gsang sngags bstan 'dzin chos kyi rgyal/_/bstan 'dzin 'phel rgyas 'jam mgon gu Na'i zhabs/_/chos kyi nyi ma rnams la gsol ba 'debs/_/'gyur med tshe dbang rgya mtsho 'jam pa'i dbyangs/_/chos kyi blo gros dbang chen rta phag sku/_/mkha' 'gro sde bzhi rab 'byams rtsa gsum lha/_/sgyu 'phrul drwa ba'i tshogs la gsol ba 'debs/_/dbang gis rgyud smin dam tshig rnam par dag_/snang srid lha dang bla ma'i rnam rol gyis/_/bskyed rdzogs lam gyis dngos grub 'dod dgu thob/_/don gnyis lhun gyis grub pa'i dpal thob shog_/ces lcags khyi rgyal zla ba'i tshes nyer lnga nyin lho 'brug sman ljongs nas rin chen gter mdzod dbang khrid 'don skabs rgyal khams pa mang+ga las gsol ba btab pa rtsa ba gsum gyi byin rlabs thob pa'i rgyur gyur cig/__!__bla ma dgongs 'dus snying po'i brgyud 'debs bde chen snang ba bzhugs/_bde chen 'od mi 'gyur ba chos kyi sku/_/tshe mtha' yas pa'i mgon po longs spyod rdzogs/_/rgyal kun spyi gzugs pad 'byung sprul pa'i sku/_/gsol ba 'debs so bde chen mchog thob mdzod/_/dkyil 'khor khyab bdag pad+ma badz+ra rtsal/_/gsang 'dzin mkha' 'gro sprul pa'i rje 'bangs sras/_/rang snang ye shes dkyil 'khor 'khor lo la/_/gsol ba 'debs so bde chen mchog thob mdzod/_gter 'byin grub brgya'i gtsug rgyan mchog gyur gling*/_/mkhyen brtse'i dbang po pad+ma gar gyi dbang*/_/tshe dbang rgya mtsho 'jam mgon d+harma'i mtshan/_/gsol ba 'debs so bde chen mchog thob mdzod/_rtsa brgyud bla ma yi dam dkyil 'khor lha/_/ye shes klong dgu DA ki dam can dang*/_/bka' gter chos srung rtsa gsum dkyil 'khor lhar/_/gsol ba 'debs so bde chen mchog thob mdzod/_dad dang nges 'byung snying rje'i gzhi bzung ste/_/smin grol rim pas rdo rje'i lam mthar son/_/sku bzhi dbyer med bla ma bde che'i/_/rdo rje gzhi dbyings mngon par byang chub shog_/ces pa'ang lha ri 'bras ljongs sprul pa'i sbas gnas nas rin chen gter mdzod chen po'i dbang lung 'chad pa'i skabs dad pa'i blo yis mtshams sbyar te rnying btsun mang+ga la'i ming gis bris shing gsol ba btab pa bla ma bde ba chen po'i byin rlabs kyi bdud rtsi sims pa'i dpal du gyur cig__!__rtsa ba'i thugs sgrub dgongs pa kun 'dus kyi brgyud pa'i gsol 'debs ye shes snang ba bzhugs so/_/na mo gu ru de wa DA ki nI b+h+yaH_chos dbyings 'od gsal snying po'i dkyil 'khor na/_/kun bzang rigs lnga rdor sems 'od mi 'gyur/_/bla ma chos sku'i lha tshogs gsol ba 'debs/_/dgongs klong gcig tu 'dres par byin gyis rlobs/_/'chi med bde chen bdud rtsi'i dkyil 'khor na/_/tshe 'od dpag med thod phreng rtsal 'chang lnga/_/bla ma longs sku'i lha tshogs gsol ba 'debs/_/brda brgyud byin chen thob par byin gyis rlobs/_/thugs rje'i 'gro 'dul phrin las dkyil 'khor na/_/pad+ma 'byung gnas gu ru mtshan brgyad sogs/_/bla ma sprul sku'i lha tshogs gsol ba 'debs/_/snyan brgyud gdams pas 'gro sgrol byin gyis rlobs/_/ye shes klong dgu 'bar ba'i dkyil 'khor du/_/zhi khro bka' brgyad gnas yul sgo skyong sogs/_/rab 'byams rtsa gsum lha tshogs gsol ba 'debs/_/mchog thun dngos grub myur thob byin gyis rlobs/_/bsam yas sgyu 'phrul dra ba'i dkyil 'khor na/_/brgyud gsum bla ma yi dam zhi khro dang*/_/ma tshogs mkha' 'gro chos skyong gsol ba 'debs/_/don gnyis lhun gyis 'grub par byin gyis rlobs/_/bka' gter rgyud dang sgrub sde'i dkyil 'khor du/_/mchog gyur gling dang kun gzigs 'jam mgon zung*/_/yab sras brgyud par bcas la gsol ba 'debs/_/smin grol gdams pas don gnyis lhun grub shog_/phan nus zab mos dbang gis rigs mchog sad/_/bskyed rdzogs rdo rje'i lam gyis rang rgyud grol/_/gzhan phan mkha' khyab sku gsum bla ma rje'i/_/rdo rje bzhi dbyings mngon par byang chub shog_/ces pa'ang dad brtson blo ldan byang 'dren pad+ma bkra shis nas ched bskul bzhin rig 'dzin rtsal 'chang rnam gsum gyi bstan zhabs su skyes pa'i 'bangs 'jigs med mkhyen brtse'i 'od zer phrin las rol pa rtsal gyis e waM chos kyi sgar chen du bris pa bla ma sku bzhi'i go 'phang rten 'dir 'grub pa'i rgyur gyur cig_/dge'o/__!__chos bzhi'i gsol 'debs rin chen snying po bzhugs/_/pha gcig bla ma o rgyan rdo rje 'chang*/_/bdag rgyud dam pa'i chosa~M kyi~M phyoga~Ms su gzhol/_/bsam sbyor thams cad rnam mkhyen lama~M du~M zhuga~Ms/_/lama~M mcho~Mg 'khrula~M meda~M theg chen lta sgom spyod/_/'khrula~M snanga~M ye~M shesa~M 'cha~Mr ba'i nyams len gyis/_/chos brgyad 'ching bral dben pa'i ri sul du/_/gzhan phan byang chub sems kyi bsam sbyor gyis/_/dpal mgon bla ma'i dgongs rgyud ji bzhin du/_/spyod pas gdod ma'i btsan sa zin par shog_/ces pa'ang mnyes pa gsum gyi zhabs tog phul phyin kun bzang klong grol sogs pha ran si'i sgom grwa rnams kyis ched du bskul ba bzhin du gu yangs rgan po gtad med mang+ga las spro ba'i sems kyis smon pa bzhin 'grub par gyur cig__!__bla ma drag mthing lhag pa'i lha mchog sgrub pa bka' brgyad dbyer med pa la gsol ba 'debs pa byin rlabs rdo rje'i sgra dbyangs zhes bya ba bzhugs so/__oM~M yig sku lnga lhun grub rdo rje 'chang*/_/phyogs dus rgyal ba'i spyi gzugs pad+ma 'byung*/_/bkra shis tshangs pa'i dbyangs kyis deng bskul na/_/byin rlabs dga' ston stsol cig pad+ma 'byung*/_/gu~M ru~M srid zhi'i bla mar gyur pa khyed/_/phul byung mkhyen brtse nus pa'i ye shes byin/_/dad brgya'i snying gi pad+mor sim pa las/_/dgongs rgyud ye shes stsol cig pad+ma 'byung*/_/shrI~M brtan g.yo srid zhi'i spyi dpal mchog_/gsang ba mi zad rgyan gyi 'khor lo'i bdag_/rgyud sde rgya mtsho'i khyab bdag sgrub sde brgyad/_/ye shes rol pas rjes bzung pad+ma 'byung*/_/ba~Mdz+ra~M gnyis su mi phyed sems dpa' che/_/sgrib bral mchog gi byin rlabs snang ba yis/_/phung khams skye mched gdan gsum rdo rje'i dal/_/sad pa'i dga' ston stsol cig pad+ma 'byung*/_/ya~Mk+Sha~M rdo rje gnod sbyin khro rgyal ni/_/mi bzad 'bar ba chen po'i gdug pa'i tshogs/_/srid gsum dbyings su sgrol ba'i stobs bcu'i mtshon/_/bdud sde'i gshed du phob cig pad+ma 'byung*/_/kro~M d+ha~M he ru ka dpal mngon spyod kyis/_/khyad par nag phyogs rgyal bsen dam sri'i dpung*/_/rtsa spur me bzhin dbyings sgrol khro bo che'i/_/phrin las stobs rtsal phyungs shig pad+ma 'byung*/_/tsi~Mt+ta~M 'khor 'das kun gyi srog gi snying*/_/rang byung 'bar ba spyi dpal che mchog dbyings/_/gzhi lam 'bras bu dbyer mi phyed pa'i klong*/_/mngon par byang chub mdzod cig pad+ma 'byung*/_/hU~M yig bdud bzhi bcom pas dgra gsum sod/_/legs pa'i yon tan drug ldan 'phrang gsum brgal/_/srid zhi las 'das 'khor 'das mnyam nyid brdal/_/mchog dngos grub par mdzod cig pad+ma 'byung*/_/rdo rje rang byung gsang ba'i sngags don bzhin/_/rdo rje'i bla ma yi dam dbyer med la/_/rdo rje'i thugs dam gnad bskul gsol 'debs tshig_/rdo rje'i sgra dbyangs brjod pa don ldan mdzod/_/ces pa'ang sa rta gro zhun zla ba'i tshes nyer lnga la thugs sgrub drag po dpal chen 'dus pa'i tshogs sgrub kyi dbu tshugs nyin rnal 'byor tsam po ba rang byung 'od gsal thugs mchog rdo rjes gdung shugs kyis gsol 'debs su sbyar ba rdo rje'i byin chen btsan thabs su 'bebs pa'i rgyur gyur cig__/dge'o/__!__dpal chen rdo rje phur bu'i dkyil 'khor la gsol 'debs khrag 'thung dgyes pa'i rang sgra zhes bya ba bzhugs so/__hU~M hU~M hU~M/_mnyam nyid mi g.yo ngang gis khros pa'i klong*/_/gnyis snang bdud bcom bde chen shugs kyis khro/_/gdul dka'i gshed gyur rdo rje srin po'i gzugs/_/dpal chen rdo rje gzhon nur gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/glo bur sde gsum yid srub bar chad las/_/rnam rgyal thun mong mchog gi dngos grub stsol/__/mtha' bzhi'i spros bral 'od gsal de bzhin nyid/_/lhan skyes rnam thar gsum gyi bde chen bdag_/nang gsal dbyings kyi phyag rgya kun bzang mo/_/yum chen 'khor lo rgyas 'debs gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/yid dpyod mtshan 'dzin rtog pa'i bar chad las/_/rnam rgyal thun mong mchog gi dngos grub stsol/__/'jigs bral stobs bcu'i rang gzugs phyag rgya'i gar/_/dbang bcu'i sgyu 'phrul rol pa chen po'i sku/_/kun 'byung sdig spyod bcu yi gshed chen po/_/khro rgyal yab yum phyag brnyan gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/phyogs bcu'i bgegs kyi phyi nang bar chad las/_/rnam rgyal thun mong mchog gi dngos grub stsol/__/zag med gsang bas srid gsum sa bon bcad/_/rang rtsal snying rjes khams gsum gdug can sgrol/_/gtso mchog dpa' bo'i sku gsung thugs rdo rje'i/_/sras mchog nyi shu gcig la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/sgo gsum 'khrul pa'i nyon mongs bar chad las/_/rnam rgyal thun mong mchog gi dngos grub stsol/__/chos nyid gcig las tshad med rnam pa bzhi'i/_/rang mdangs zhi rgyas dbang dang drag po'i tshul/_/bsdu bzhis yid can bsgral ba'i dam tshig can/_/sgo skyong khro mo bzhi la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/rtag chad mtha' bzhi'i g.yang sa'i bar chad las/_/rnam rgyal thun mong mchog gi dngos grub stsol/__/bcu gnyis dus sbyor 'pho ba'i rgyu ba kun/_/rtog bral dbu ma'i thig ler ngal 'tshos bzhin/_/dam ldan skyong phyir dpal gyi bka' sdod tshul/_/phur srung dam can bcu gnyis gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/rten 'brel lugs 'byung srid pa'i bar chad las/_/rnam rgyal thun mong mchog gi dngos grub stsol/__/srid zhi'i stong srog thig le nyag gcig pu/_/rdo rje khros pa'i snying rje'i rngams pa'i zhal/_/dug gsum nyams pa'i gshed du brjid pa yi/_/dkyil 'khor gsum du shar la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/rigs drug 'khrul snang sdug bsngal bar chad las/_/rnam rgyal rdzas kyi phur bu'i dngos grub stsol/__/snod bcud brtan g.yo snang grags rig pa'i chos/_/rang byung rdo rje gsum du rdzogs pa yis/_/lha sngags ye shes dag pa rab 'byams sprin/_/dkyil 'khor gsum du shar la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/mtshan 'dzin gnyis snang spang blang bar chad las/_/rnam rgyal srid pa'i phur bu'i dngos grub stsol/__/rdo rje phung por gdan gsum yongs rdzogs pas/_/rtsa khams rlung dang thig le'i 'pho ba'i rgyun/_/mi shigs d+hU ti'i srog tu bsdoms pa'i bcud/_/dkyil 'khor gsum du shar la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/snang gsum 'khor ba'i sgrib bcas bar chad las/_/rnam rgyal byang sems phur bu'i dngos grub stsol/__/shin tu gsang ba ye shes klong lnga'i sbubs/_/'od gsal rgyun chad med pa'i rig pa ni/_/gzod nas zung 'jug 'du 'bral med pa'i bdag_/dkyil 'khor gsum du shar la gsol ba 'debs/_/rang rig phur bu dbyings su ma thebs bar/_/khrag 'thung dgyes pa'i snang ba mi 'bral zhing*/_/glo bur ltar snang yid dpyod bar chad las/_/rnam rgyal rig pa'i phur bu'i dngos grub stsol/__/mdor na 'di nas byang chub snying po'i bar/_/tshe rabs kun tu lha khyod mi 'bral zhing*/_/phyi nang gsang ba'i bar chad las rgyal te/_/rig 'dzin grub pa'i go 'phang mngon sum brnyes/_/mnyam nyid ngang las thugs rjes khros pa yis/_/gdug pa'i tshogs kun mthar byed ye shes sku/_/de bzhin gshegs pa kun gyi dam tshig mchog_/rdo rje khros pa'i rgyal po 'grub gyur cig_/de'i mthus rgyal ba'i bstan dang der 'dzin gyi/_/gsang gsum rtag brtan lung rtogs dpal gyis 'byor/_/mtha' yas 'gro kun dpal chen khro rgyal gyi/_/go 'phang rten 'dis skal par spyod par shog_/ces pa'ang rab tshes shing khyi sa ga zla ba'i dus chen nyin lha mchog 'di yi rnal 'byor la brtson pa'i thun gseng du gsang chen rnying ma'i sngags rig rgya mtsho'i rjes su 'jug pa'i ku sA li phrin las drag po rtsal gyis 'og min bla ma'i gzims spyil bkra shis dpal 'bar gling nas spel ba 'dis kyang 'gro kun bar chad bdud bzhi'i g.yul las rnam par rgyal ba'i dga' ston la rtag tu longs su spyod pa'i rgyur gyur cig_/mang+ga laM/__!__rgya gar rdo rje gdan gyi gsol 'debs bzhugs/__bskal bzang rnam 'dren stong gis mi slob pa'i/_/go 'phang mdzad gnas 'dzam gling sa'i lte bar/_/thub chen shAkya'i rgyal po'i rnam thar gyi/_/re khA bkra ba'i zhing la gsol ba 'debs/_/dbus 'gyur 'chang gi chos sku'i mchod sdong che/_/byang chub shing dang zhabs kyi pad+mo'i rjes/_/mtshan dpe'i snang brnyan la sogs ngo mtshar gyi/_/rten mchog du ma bzhugs la gsol ba 'debs/_/nam zhig byams chen chos kyi nyi ma yis/_/bdud rtsi'i sgo 'phar dang por phye ba'i tshe/_/'khor gyi thog mar skyes nas 'brel tshad kun/_/rgyal ba dgyes pa'i lam la zhugs par shog_/rdo rje phung po'i ye shes rtsa rlung thig_/mi shigs dwangs ma'i thig ler sim pa las/_/rnam pa nyi shus mngon byang chub pa'i gnas/_/nang gi rdo rje gdan la gsol ba 'debs/_/sangs rgyas rin chen za ma tog chen po/_/nges gsang chos rnams ma lus 'byung ba'i gnas/_/rgyal kun ye shes snying po 'dus pa'i don/_/mngon sum rtogs pas lam lnga yongs rdzogs shog_/rgyal kun ye shes chos sku'i mchod sdong du/_/dbyer med 'jug pa'i skal bzang mngon gyur nas/_/rdzogs smin sbyangs pa rgya mtsho'i mthar phyin te/_/ngo mtshar mdzad pas mkha' khyab 'gro sgrol shog_/zab zhi spros bral 'od gsal 'dus ma byas/_/rnam kun mchog ldan gzhon nu bum pa skur/_/khyad par drug gis ngal 'tsho thob pa'i gnas/_/mthar thug rdo rje gdan la gsol ba 'debs/_/kun 'byung 'khrul pa'i bdud tshogs sde dang bcas/_/rdo rje lta bu'i ting 'dzin gyis bcom nas/_/mtha' yas yon tan rdzogs pa'i stobs bcu'i bdag_/dang po'i sangs rgyas mchog gi gnas son shog_/kun brtags 'khrul pa'i mun pa dbyings su sangs/_/ye shes rig pa'i snang ba mkha' khyab brdal/_/zag med yon tan rdzogs pa'i dpal thob nas/_/grol ba drug gi phrin las mngon gyur shog_/ces pa'ang sngon smon skal ba bzang pos gnas chen rdo rje gdan du bsags sbyong gi 'brel ba yang yang bgyis pa'i tshe dad mos kyis rgyal khams pa mang+ga las gsol ba btab pa bzhin 'grub par gyur cig__!__rdo rje'i bla ma pad+ma saM b+ha wa/_/rdo rje'i skye 'chi med pa'i skur bzhengs pa'i/_/rdo rje'i gnas mchog 'chi ba mthar byed ces/_/rdo rje tshe yi dkyil 'khor gsol ba 'debs/_/phyi ltar ri brag sman shing ljon tshal mdzes/_/nang ltar rdo rje phung po'i tsit+ta'i dbyibs/_/don la 'chi med rdo rje bkod pa'i tshal/_/rang snang pad+ma drwa bar gsol ba 'debs/_ye shes sku can lha dang DA ki bzhugs/_tshe dang ye shes yon tan mtha' yas zhing*/_/'chi med rdo rje'i grong khyer chen po la/_/mi phyed dad mos gus pas gsol ba 'debs/_/kun brtags mtshan ma'i skye 'chi 'khrul pa dag_/yongs grub 'pho med rdo rje'i srog tu shar/_/dag pa'i gzhan dbang thig le chen po'i srog_/pad+ma tshe mtha' yas pa mngon gyur cig_/ces sgrub brtson puN+ye lak+Sh+mI nas rten bcas bskul ngor rgyal khams kyi 'khyams po mang+ga las gnas der lhag pa'i tshe gsol ba btab pas 'gro kun bde chen pad+ma 'od 'bar gyi go 'phang thob pa'i rgyur gyur cig/__//