སྙིང་ཐིག་གསལ་སྒྲོན་བླ་མ་མཆོད་པའི་ཚུལ་དུ་སྤྲོས་པའི་ལྷན་ཐབས་ངོ་མཚར་ནོར་བུའི་ཕྲེང་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	snying thig gsal sgron bla ma mchod pa'i tshul du spros pa'i lhan thabs ngo mtshar nor bu'i phreng ba
Location	dil mgo mkhyen brtse bka' 'bum Volume 2, Text 39, Pages 189-207 (Folios 1a to 19a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Associated People	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	Khyentse, Dilgo. Snying thig gsal sgron bla ma mchod pa'i tshul du spros pa'i lhan thabs ngo mtshar nor bu'i phreng ba. In Skyabs rje dil mgo mkhyen brtse rin po che'i bka' 'bum, Vol. 2: 189-207. Delhi: Shechen Publications, 1994.
Genre	Guru Offering Texts- bla ma mchod pa  ·  Guru Yoga Texts - bla ma'i rnal 'byor
Cycle	ཟབ་ལམ་སྙིང་ཐིག་གསལ་སྒྲོན་ (zab lam snying thig gsal sgron)
Recension Link	Other Versions on this site: སྙིང་ཐིག་གསལ་སྒྲོན་བླ་མ་མཆོད་པའི་ཚུལ་དུ་སྤྲོས་པའི་ལྷན་ཐབས་ངོ་མཚར་ནོར་བུའི་ཕྲེང་བ།
Colophon	།ཅེས་པའང་ཨེ་ཝྃ་ཁང་སར་ཞབས་དྲུང་མཆོག་སྤྲུལ་འཇམ་དབྱངས་ཆོས་ཀྱི་གྲགས་པ་བཀྲ་ཤིས་རྒྱལ་མཚན་དཔལ་བཟང་པོ་དང༌། དད་དམ་རྣམ་པར་དཀར་བ་འཇམ་དབྱངས་སེང་གེ་ཟུང་ནས་ཆེད་དུ་བསྐུལ་བ་ལྟར་རྗེ་བཙུན་བླ་མ་མཆོག་གིས་ཐུན་མོང་མ་ཡིན་པའི་བཀའ་དྲིན་ཆེན་པོའི་རྟག་པར་སྐྱོང་ཞིང་དད་སློབ་ཀུན་གྱི་གྲལ་མཐར་འཁོད་པ་བཀྲ་ཤིས་དཔལ་འབྱོར་རང་བྱུང་འོད་གསལ་ཐུགས་མཆོག་རྡོ་རྗེའི་སྦས་གནས་ཆེན་པོ་འབྲས་ལྗོངས་སྤྲུལ་པའི་ཞིང་གི་ལྟེ་བ་བྲག་དཀར་བཀྲ་ཤིས་ལྡིང་ཞེས་རང་བྱུང་གྲུབ་པ་ཆེན་པོ་དུ་མས་བྱིན་གྱིས་རླབས་པའི་སྨན་ལྗོངས་སུ་ཆོས་རྗེ་འཇམ་པའི་དབྱངས་ཀྱི་དུས་ཆེན་ཉིན་གྲུབ་པར་སྦྱར་བ་འདིས་ཀྱང་འགྲོ་ཀུན་དཔལ་ལྡན་བླ་མའི་ཟབ་གསང་ཡེ་ཤེས་ཀྱི་འཁོར་ལོར་མངོན་པར་བྱང་ཆུབ་པའི་རྒྱུར་གྱུར་ཅིག །དགེའོ། །མངྒ་ལཾ།།
	/ces pa'ang e wa~M khang sar zhabs drung mchog sprul 'jam dbyangs chos kyi grags pa bkra shis rgyal mtshan dpal bzang po dang*/__dad dam rnam par dkar ba 'jam dbyangs seng ge zung nas ched du bskul ba ltar rje btsun bla ma mchog gis thun mong ma yin pa'i bka' drin chen po'i rtag par skyong zhing dad slob kun gyi gral mthar 'khod pa bkra shis dpal 'byor rang byung 'od gsal thugs mchog rdo rje'i sbas gnas chen po 'bras ljongs sprul pa'i zhing gi lte ba brag dkar bkra shis lding zhes rang byung grub pa chen po du mas byin gyis rlabs pa'i sman ljongs su chos rje 'jam pa'i dbyangs kyi dus chen nyin grub par sbyar ba 'dis kyang 'gro kun dpal ldan bla ma'i zab gsang ye shes kyi 'khor lor mngon par byang chub pa'i rgyur gyur cig___/dge'o/___/mang+ga laM//

Tibetan Text

Wylie

[edit]

༄༅། །སྙིང་ཐིག་གསལ་སྒྲོན་བླ་མ་མཆོད་པའི་ཚུལ་དུ་སྤྲོས་པའི་ལྷན་ཐབས་ངོ་མཚར་ནོར་བུའི་ཕྲེང་བ་ཞེས་བྱ་བ་བཞུགས། ༄༅། །ཆོས་ཀྱི་དབྱིངས་ཀློང་མཁྱེན་བརྩེའི་བློ་གྲོས་མཐུ། །ཡེ་ཤེས་འོད་གསལ་སྤྲིན་གྱིས་རབ་འབྱམས་ཞིང༌། །མཛེས་བརྡལ་དགེ་ལེགས་ཆར་གྱིས་སྲིད་ཞིའི་དཔལ། །འདོད་འཇོ་དཔལ་ལྡན་བླ་མ་རྒྱལ་གྱུར་ཅིག །ཁྱོད་ཞབས་དད་པའི་བསྙེན་བཀུར་འབའ་ཞིག་གིས། །མངོན་མཐོ་ངེས་ལེགས་ཡོན་ཏན་ཟད་མེད་དུ། །སྩོལ་ཕྱིར་རྡོ་རྗེའི་གསུང་གི་གསང་བ་ལ། །མཛེས་རྒྱན་ངོ་མཚར་ནོར་བུའི་ཕྲེང་བ་སྤེལ། །རྗེ་བཙུན་བླ་མ་ཐམས་ཅད་མཁྱེན་གཟིགས་མཆོག་གི་དགོངས་ཀློང་ཡེ་ཤེས་ཀྱི་གསང་མཛོད་ལས་བྱུང་བའི་བླ་མའི་རྣལ་འབྱོར་རྡོ་རྗེ་གསང་བའི་ཚིག་ཐུན་མོང་མ་ཡིན་པ་སྙིང་ཐིག་གསལ་སྒྲོན་ཉིད་བླ་མ་མཆོད་པའི་ཚུལ་དུ་ཅུང་ཟད་སྤྲོས་ཏེ་ཉམས་སུ་ལེན་པའི་ཚུལ་ལ་གསུམ། དང་པོ་སྦྱོར་བ་ཡོ་བྱད་ཀྱི་ཤོམ་ས་ནི། གནས་ཁང་ཕྱག་བདར་རྒྱན་གྱིས་སྤྲས་པའི་གུང་དུ་བླ་མའི་སྐུ་འབག་སོགས་རྟེན་ཁྱད་པར་ཅན་གྱི་མདུན་མཎྜལ་སྟེང་དྲི་བཟང་གིས་སྦག་པའི་ཚོམ་བུ་གཅིག་བཀོད་པའི་མདུན་དུ་སྨན་རཀ་གཏོར་གསུམ། ཉེར་སྤྱོད་ཀྱི་མཆོད་པ་གཙང་ཞིང་རྒྱ་ཆེ་བ་ཇི་ལྟར་འབྱོར་བ་བཀོད་མཛེས་སུ་བསྟར། རང་གི་མདུན་དུ་མཎྜལ། རྡོར་དྲིལ། རོལ་མོའི་རིགས་སོགས་འདུ་བྱས་ཏེ་རྟེན་དང་ཞལ་སྤྲོད་ཀྱི་ཚུལ་དུ་འཁོད་པས། དད་པ་དང་ངེས་འབྱུང་གི་བློ་བཅོས། བྱང་ཆུབ་སེམས་ཀྱི་ཀུན་སློང་དང་མ་བྲལ་བས་སྒོ་གསུམ་གཅིག་དྲིལ་དུ་ཉམས་སུ་ལེན་པར་བྱ་དགོས་ཤིང༌། དེ་ཡང་སྐྱབས་འགྲོ་དང༌། སེམས་བསྐྱེད། ཚད་མེད་བཞིའི་རྒྱུད་སྦྱངས་བ་རྣམས་གཞུང་ལྟར་གྲུབ་པའི་རྗེས་གནས་ཡོ་མཆོད་རྫས་བྱིན་གྱིས་བརླབས་པ་ནི། སྭ་བྷཱ་ཝས་སྦྱངས། སྟོང་པའི་ངང་ལས་དབྱིངས་དང་ཡེ་ཤེས་གཉིས་སུ་མེད་པའི་ཆོ་འཕྲུལ་གྱི་བཀོད་པ་སྣོད་བཅུད་རྣམ་དག་འོག་མིན་རྡོ་རྗེ་དབྱིངས་ཀྱི་ཞིང་ཁམས་ཆེན་པོ་ལྷུན་གྱིས་རྫོགས་པ་མཉམ་ཞིང་མཛེས་པའི་རིན་པོ་ཆེའི་གཞི་དང་ལྷུན་པོའི་བཀོད་པ་ཡིད་དུ་འོང་ཞིང༌། ཕྱོགས་ཀྱི་ཁྱོན་དག་ཏུ་སྤོས་ཆུའི་རྒྱུན་དལ་གྱིས་འབབ་པ་གསེར་གྱི་བྱེ་མ་འདྲེན་པ་དང༌། མཚོ་དང་རྫིང་བུ་ལྡེང་ཀ་དུ་མས་བརྒྱན་པ། རིན་པོ་ཆེ་སྣ་བདུན་གྱི་བྲག་རི་དང་གངས་རིས་བསྐོར་བ། ནགས་ཚལ་དང་མེ་ཏོག་གི་ཕྲེང་བས་ཁྱབ་པ་ལ་སྤྲུལ་པའི་བྱ་དང་རི་དྭགས་བུང་བའི་ཚོགས་རྣམས་བག་ཕེབས་ཏེ་རྒྱུ་བ། ས་གཞི་དང་བར་སྣང་དུ་ནོར་བུའི་སྤྲིན་དང་འཇའ་ཟེར་གྱི་དྲྭ་བ་ལས་མཆོད་པའི་ཚོགས་དུ་མ་སྒེག་ཅིང་རྒྱན་དང་ལྡན་པའི་ལྷ་མོའི་ཚོགས་ཀྱིས་བསྟི་སྟངས་དང་བཅས་སྟེ་འབུལ་བ། རིན་པོ་ཆེ་དང་སྨན་དང་མེ་ཏོག་སྣ་ཚོགས་པའི་ཆར་དང༌། གདུགས་དང་རྒྱལ་མཚན་བ་དན་དུ་མ་ཕྱོགས་ཀུན་ནས་དཀར་ཕྱོགས་ཀྱི་ལྷས་བསྒྲེངས་བ། མདོར་ན་སངས་རྒྱས་དང་བྱང་ཆུབ་སེམས་དཔའི་སྨོན་ལམ་ཏིང་ངེ་འཛིན་གྱི་མཐུ་ལས་བྱུང་བའི་དག་པའི་ཞིང་ཆེན་པོ་བདེ་བ་ཅན་ལ་སོགས་པའི་བཀོད་པ་ཚད་མེད་པ་བཞིན་ཆོས་ཀྱི་དབྱིངས་དང་མཉམ་པར་རྟག་ཏུ་འབྱུང་ཞིང་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ་དང༌། མཆོད་པའི་སྤྲིན་གཟུངས་ཀྱང་བཟླ། ཨོཾ་སརྦ་པཉྩ་ཨ་མྲྀ་ཏ་ཨཱཿཧཱུྃ༔ ཨོཾ་མ་ཧཱ་བ་ལིཾ་ཏ་ཨཱཿཧཱུྃ། ཨོཾ་མ་ཧཱ་རཀྟ་ཨཱཿཧཱུྃ། བཛྲ་སྥ་ར་ཎ་ཁཾ། གཉིས་པ་དངོས་གཞི་གཞུང་གི་རྟེན་བསྐྱེད། ཨཱཿ མདུན་མཁར་འཇའ་འོད་སོགས་ནས། ཆེན་པོར་གསལ། ཞེས་པའི་བར་གྲུབ་པའི་རྗེས། སངས་རྒྱས་ཐམས་ཅད་ཀྱི་ངོ་བོ་རིགས་ཀུན་གྱི་ཁྱབ་བདག་དཔལ་ལྡན་བླ་མ་མཆོག་གི་དབུའི་སྤྱི་བོའི་གཙུག་ཏུ་འཇམ་དབྱངས་བླ་མ་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་སྐུ་མདོག་དཀར་གསལ་རབ་ཏུ་བྱུང་བའི་ཆས་ངུར་སྨྲིག་གི་ན་བཟའ་ཅན། ཕྱག་གཡས་མཆོག་སྦྱིན་གྱི་ཕྱག་རྒྱ་པུས་མོ་གཡས་པའི་སྟེང་དུ་བརྐྱང་བས་རྡོ་རྗེ་འཛིན་ཅིང༌། དྲིལ་བུ་དང་བཅས་པའི་ཕྱག་གཡོན་པ་མཉམ་བཞག་གི་ཕྱག་རྒྱ་ཅན། གཡས་གཡོན་གྱི་ཕྱག་ལས་སྐྱེས་པའི་ཨུཏྤ་ལའི་སྡོང་བུ་འདབ་མ་སྙན་གྱི་ཐད་སོར་རབ་ཏུ་རྒྱས་པའི་ཟེའུ་འབྲུར་གཡས་སུ་ཚེ་བུམ་དང༌། གཡོན་དུ་གླེགས་བམ་རལ་གྲིས་མཚན་པ། དབུ་ལ་སྡེ་སྣོད་རབ་འབྱམས་འཛིན་པའི་པཎ་ཞུ་གསོལ་ཞིང་ཞབས་རྡོ་རྗེའི་སྐྱིལ་མོ་ཀྲུང་གིས་དར་ཟབ་དམར་སེར་གྱི་གདན་ལ་བཞུགས་པའི་དབུ་གཙུག་ཏུ་སློབ་དཔོན་ཆེན་པོ་འཇམ་དཔལ་བཤེས་གཉེན་པཎྜི་ཏའི་ཆས་ཅན་ཕྱག་གཡས་ཆོས་འཆད་དང་གཡོན་པས་མཉམ་བཞག་གི་སྟེང་གླེགས་བམ་གྱིས་མཚན་པ་འཛིན་པའི་མདུན་དུ་ཨོ་རྒྱན་གྱི་སློབ་དཔོན་ཆེན་པོ་པདྨ་སཾ་བྷ་ཝ། གཡས་སུ་རིག་འཛིན་དགའ་རབ་རྡོ་རྗེ། གཡོན་དུ་སློབ་དཔོན་ཤྲཱི་སེང་ཧ་སོགས་ཟབ་དོན་མན་ངག་བརྒྱུད་པའི་བླ་མ་ཐམས་ཅད་ཀྱི་བསྐོར་བ། གཙོ་བོའི་དབུ་གཙུག་ཏུ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུ་རྗེ་བཙུན་འཇམ་དཔལ་དབྱངས་གསེར་བཙོ་མའི་མདོག་ཅན་རལ་གྲི་དང་གླེགས་བམ་བསྣམས་པ། ཞབས་རྡོ་རྗེའི་སྐྱིལ་ཀྲུང་གིས་པད་ཟླ་འོད་ཟེར་གྱི་ཀློང་ན་བཞུགས་པ། གཡས་སུ་འཇམ་མགོན་བློ་གྲོས་མཐའ་ཡས་དང༌། གཡོན་དུ་མཆོག་གྱུར་བདེ་ཆེན་གླིང་པ་ལ་དགོངས་བརྡ་སྙན་བརྒྱུད་ཀྱི་བླ་མས་བསྐོར་ཏེ་བཞུགས་པ། དེ་དག་གི་རིགས་བདག་འཇམ་དབྱངས་བླ་མ་མཁྱེན་བརྩེའི་དབང་པོའི་གཡས་ཕྱོགས་སུ་གངས་ཅན་རྒྱུད་སྡེའི་ཤིང་རྟ་ཆེན་པོ་བི་མ་ལ་མི་ཏྲ་འཆི་མེད་ཡེ་ཤེས་རྡོ་རྗེའི་སྐུ་ཅན་ལྗང་སེར་གཟི་བྱིན་རབ་ཏུ་འབར་བ་པཎྜི་ཏའི་ཆས་ཅན་དར་སྔོན་གྱི་སྟོད་གཡོག་ཅན། ཕྱག་མཉམ་བཞག་གི་སྟེང་ན་འཆི་མེད་ཡེ་ཤེས་ཀྱི་བདུད་རྩིའི་གང་བའི་ཚེ་བུམ་འཛིན་པ། ཤངས་རྩེར་སྐྱེ་མེད་ཀྱི་ཡི་གེ་ཨ་དཀར་པོས་མཚན་པ། སློབ་དཔོན་བི་མ་ལའི་མཐའ་སྐོར་དུ་སློབ་དཔོན་སངས་རྒྱས་གསང་བ། པཎ་ཆེན་སྒེག་པའི་རྡོ་རྗེ། གནུབས་ཆེན་སངས་རྒྱས་ཡེ་ཤེས། གཉགས་ཛྙཱ་ན་ཀུ་མཱ་ར། རྨ་ལོ་རིན་ཆེན་མཆོག །སོ་ཡེ་ཤེས་དབང་ཕྱུག །གསང་བདག་ཟུར་མེས་དབོན་གསུམ་ལ་སོགས་པ་སྔ་འགྱུར་རྡོ་རྗེ་ཐེག་པའི་ཤིང་རྟ་ཆེན་པོ་ལོ་པཎ་མཁས་གྲུབ་དུ་མས་བསྐོར་བ། གཡོན་དུ་བོད་ཡུལ་སྒྲུབ་སྡེའི་ཤིང་རྟ་མངའ་བདག་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་འཁོར་ལོའི་བསྒྱུར་བའི་ཆས་ཅན་ཕྱག་མཉམ་བཞག་གི་སྟེང་གསེར་གྱི་འཁོར་ལོ་རྩིབ་སྟོང་ལྡན་པ་བསྣམས་ཤིང༌། གཡས་གཡོན་དུ་པདྨའི་སྡོང་བུའི་སྟེང་རལ་གྲི་དང་གླེགས་བམ་གྱིས་སྤྲས་པ། མཐའ་བསྐོར་དུ་མཁའ་འགྲོ་ལས་ཀྱི་དབང་མོ། བཀའ་བབ་རིག་འཛིན་རྣམ་དགུ། རྗེ་འབངས་སྙིང་གི་བུ་དགུ་ལ་སོགས་པ་གསང་བ་རྒྱ་མཚོའི་མངའ་བདག་གྱུར་པའི་རིག་འཛིན་གྲུབ་བརྙེས་མཁའ་འགྲོའི་ཚོགས་ཀྱིས་བསྐོར་བ། གཙོ་མཆོག་བླ་མ་ཧེ་རུ་ཀ་ཆེན་པོའི་མདུན་དུ་ཀུན་མཁྱེན་ཆོས་ཀྱི་རྒྱལ་པོ་རྒྱལ་བ་ཀློང་ཆེན་རབ་འབྱམས་ལ་མདོ་སྒྱུ་སེམས་ཀློང་མན་ངག་གི་བརྒྱུད་པ་དང༌། བཀའ་གཏེར་དག་སྣང་གི་མཁས་གྲུབ་རིག་པ་འཛིན་པའི་ཚོམས་བུ་མཐའ་ཡས་པ་དང་བཅས་པ། གཡས་སུ་འཕགས་མཆོག་མིག་མི་འཛུམ་དངོས་ཀུན་གཟིགས་རྒྱལ་བའི་དབང་པོ་ངག་དབང་བློ་བཟང་རྒྱ་མཚོ་ལ་བཀའ་གདམས་གསར་རྙིང་གི་སྲས་བྱང་ཆུབ་སེམས་དཔའ་འབྲེལ་ཚད་དོན་ལྡན་གྱི་སྐྱེས་བུའི་ཚོགས་དང་བཅས་སྟེ་བཞུགས་པ། རྒྱབ་ཏུ་གངས་ཅན་རྡོ་རྗེ་འཛིན་པའི་རྒྱལ་པོ་གྲགས་པ་རྒྱལ་མཚན་ལ་གསང་ཆེན་ལམ་འབྲས་ཚོགས་སློབ་བཀའ་བབས་ངོ་མཚར་གསུམ་གྱི་མཁས་གྲུབ་རྣལ་འབྱོར་གྱི་སྐྱེས་བུ་བརྒྱུད་པའི་ཕྲེང་བ་བསམ་མི་ཁྱབ་པས་མཛེས་པ། གཡོན་དུ་མཉམ་མེད་དྭགས་པོ་ལྷ་རྗེ་ལ་རྟོགས་པ་དོན་བརྒྱུད་ཀྱི་ཡེ་ཤེས་ཆེན་པོའི་གཟི་བརྗིད་དཔལ་དུ་འབར་བའི་བཀའ་བརྒྱུད་གྲུབ་པའི་ཁྱུ་ཚོགས་རབ་འབྱམས་ཞིང་གི་རྡུལ་དང་མཉམ་པས་བསྐོར་བ། གཞན་ཡང་དེ་དག་གི་བར་མཚམས་སུ་དཔལ་ལྡན་ཤངས་པ་བཀའ་བརྒྱུད། དམ་ཆོས་སྡུག་བསྔལ་ཞི་བྱེད། ཟབ་མོ་བདུད་ཀྱི་གཅོད་ཡུལ། དཔལ་ལྡན་དུས་ཀྱི་འཁོར་ལོ། རྡོ་རྗེའི་བསྙེན་སྒྲུབ་ཀྱི་རྣལ་འབྱོར་སོགས་སྒྲུབ་བརྒྱུད་ཤིང་རྟ་ཆེན་པོ་བརྒྱད་དང༌། གངས་ཅན་བཤད་པའི་བཀའ་སྲོལ་བཅུ་ལ་སོགས་པ་རྒྱལ་བསྟན་རིན་པོ་ཆེ་འཛིན་སྤེལ་སྐྱོང་བའི་སྐྱེས་ཆེན་གྱི་རིས་སུ་མ་ཆད་པའི་ཚོགས་ཐམས་ཅད་རིག་འཛིན་བླ་མའི་གསང་གསུམ་ཡེ་ཤེས་སྒྱུ་འཕྲུལ་དྲྭ་བའི་བཀོད་པ་དངོས་གཅིག་དུ་མའི་ཆོ་འཕྲུལ་འབྱམས་ཀླས་པས་མཛེས་པའི་མཐའ་བསྐོར་དུ་རྒྱུད་སྡེ་དྲུག་གི་ཡི་དམ་དཀྱིལ་འཁོར་གྱི་ལྷ་ཚོགས། སངས་རྒྱས་དང་བྱང་ཆུབ་སེམས་དཔའ། གནས་གསུམ་གྱི་དཔའ་བོ་མཁའ་འགྲོ། རྡོ་རྗེའི་ཆོས་སྐྱོང་བའི་སྲུང་མའི་ཚོགས་དང་བཅས་པ་དྭངས་བའི་མཁའ་ལ་ཆར་སྤྲིན་དཀྲིགས་པ་ལྟར་ཆོས་ཀྱི་དབྱིངས་དང་མཉམ་པར་འབྱམས་ཀླས་པའི་བཀོད་པ་ཆེན་པོ་ལྷུན་གྱིས་གྲུབ་པ་མངོན་སུམ་བཞིན་དུ་བཞུགས་པར་གྱུར། དེ་ལྟར་གསལ་བའི་ལྷ་ཚོགས་རྣམས་ཀྱི་གནས་གསུམ་དུ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་ངོ་བོ་འབྲུ་གསུམ་གྱི་མཚན་པ་ལས་གྱུར་བའི་འོད་ཟེར་དང༌། མོས་གུས་གདུང་བའི་ཤུགས་ཀྱིས་སྐུ་གསུམ་དག་པའི་ཞིང་ཁམས་རབ་འབྱམས་ནས་བླ་མ་རྒྱལ་བ་སྲས་དང་བཅས་པ་སྤྱན་དྲངས་ཏེ་མདུན་གྱི་ནམ་མཁར་བཞུགས་པའི་རིག་འཛིན་བླ་མའི་ལྷ་ཚོགས་རྣམ་དང་གཉིས་མེད་དུ་བཞུགས་པར་གྱུར། ཞེས་གསལ་བཏབ་སྟེ་བླ་སྒྲུབ་གཞུང་གི་སྤྱན་འདྲེན་ཚང་བར་བཏང་རྗེས། ཨོཾ། རབ་འབྱམས་ཞིང་གི་རྒྱལ་བ་སྲས་དང་བཅས། །དཔལ་ལྡན་བླ་མའི་ཡེ་ཤེས་ཆོ་འཕྲུལ་ཏེ། །གང་འདུལ་སྒྱུ་འཕྲུལ་དྲྭ་བའི་བཀོད་པ་ཀུན། །དད་ལྡན་མོས་པའི་གནས་འདིར་གཤེགས་སུ་གསོལ། །ངོ་བོ་གཤེགས་བཞུགས་སྤྲོས་པ་མི་མངའ་ཡང༌། །རྣམ་པ་ཐུགས་རྗེས་ཡུལ་ལ་འཇུག་པའི་མཐུ། །དད་ལྡན་མོས་པའི་སྣང་ངོར་གང་འདུལ་གར། །འགག་མེད་ཅིར་ཡང་འཆར་བས་གཤེགས་སུ་གསོལ། །མཁྱེན་བརྩེ་ནུས་པའི་ཕྲིན་ལས་རྨད་བྱུང་བས། །སྙིགས་དུས་སངས་རྒྱས་མཛད་པ་མངོན་སུམ་ཅན། །རྟག་ཏུ་མི་འབྲལ་དགོངས་པས་བྱིན་བརླབས་ཏེ། །རྡོ་རྗེའི་ཡེ་ཤེས་ཆེན་པོར་རོ་གཅིག་མཛོད། །ཨོཾ་སརྦ་ཏ་ཐཱ་ག་ཏ་མ་ཧཱ་གུ་རུ་མཎྜ་ལ་ས་པ་རི་ཝཱ་ར་ཨེ་ཧྱེ་ཧི་བཛྲ་ས་མ་ཡ་ཛཿ མོས་གུས་མཆོད་སྤྲིན་བསམ་མི་ཁྱབ་པའི་དབུས། །དད་པའི་འདབ་སྟོང་བཀྲ་བའི་ཀེ་ས་རཿ ཚོགས་གཉིས་རིན་ཆེན་སེང་གེའི་ཁྲི་རྐང་སྟེང༌། །དགྱེས་ཤིང་མི་གཡོ་བརྟན་པར་བཞུགས་སུ་གསོལ། །ས་མ་ཡ་ཏིཥྛ་ལྷན༔ པདྨ་ཀ་མ་ལ་ཡ་སྟྭྃ། དེ་ནས་བསགས་སྦྱང་གི་སྙིང་པོ་ཡན་ལག་བདུན་པ་རྒྱས་པར་འབུལ་བ་ལ་དང་པོ་ཕྱག་འཚལ་བ་ནི། གྲུབ་ན་ལུས་ཕྱག་དངོས་སུ་འཚལ་བ་དང་བཅས། ཡིད་འོང་རྫིང་བུའི་ནང་ན་གནས་པ་ཡི། །འཆར་ཀའི་པདྨ་ཁ་འབུས་བྱེ་འདྲ་བ། །ལག་གཉིས་སྤྱི་བོར་ཐལ་སྦྱར་བསྟོད་དབྱངས་བཅས། །ལུས་དཔག་མེད་པ་སྤྲུལ་ནས་གུས་ཕྱག་འཚལ། །བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱི། །སྐུ་གསུང་ཐུགས་ཀྱི་རང་བཞིན་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །ཕྱོགས་དུས་སངས་རྒྱས་ཀུན་གྱི་ཡེ་ཤེས་སྐུ། །དམ་ཆོས་ཆར་འབེབས་དགེ་འདུན་འདུས་པའི་གཙོ། །ཡི་དམ་མཁའ་འགྲོ་ཆོས་སྐྱོང་རྒྱ་མཚོའི་དངོས། །དཔལ་ལྡན་བླ་མའི་ཞབས་ལ་ཕྱག་འཚལ་ལོ། །གདུལ་དཀའ་སྙིགས་མ་སྐྱོབས་པའི་དེད་དཔོན་མཆོག །ཁྱོད་ནི་སངས་རྒྱས་ཀུན་གྱི་གསང་མཛོད་འཛིན། །ཟབ་རྒྱས་ཆོས་སྒོ་འབྱེད་དང་སྡུད་ལ་དབང༌། །བསྟན་པའི་ཉིན་བྱེད་མཆོག་ལ་ཕྱག་འཚལ་ལོ། །སྐྱེས་རབས་དུ་མའི་ཐུགས་བསྐྱེད་མཛད་པ་ནི། །རབ་འབྱམས་ཞིང་དུ་ཆོས་ཀྱི་སྒྲོན་མེ་སྦར། །རྒྱལ་ཀུན་ཕྲིན་ལས་ཤིང་རྟའི་ཁ་ལོ་པ། །ཕན་བདེའི་རྩ་ལག་ཆེན་པོར་ཕྱག་འཚལ་ལོ། །སྟོན་པས་ལེགས་གསུང་དམ་ཆོས་བདུད་རྩིའི་མཚོ། །ཕྱོགས་སུ་མ་ལྷུང་གསན་བསམ་གྲུ་ཡིས་བརྒལ། །ཐུབ་བསྟན་ནོར་བུའི་འབྱོར་པས་ཡོངས་སུ་ཕྱུག །བསྟན་པའི་མངའ་བདག་མཆོག་ལ་ཕྱག་འཚལ་ལོ། །སྲིད་གསུམ་ཆེ་དགུའི་འབྱོར་པ་མཐའ་དག་ལས། །ཆོས་ཀྱི་ཉིང་ཁུ་མཆོག་ཏུ་གཅེས་པ་རུ། །གཟིགས་ནས་ཆོས་ཚུལ་འཛིན་དང་སྤེལ་བའི་མཐུས། །དོན་གྱི་ཤིང་རྟ་ཆེན་པོར་ཕྱག་འཚལ་ལོ། །དབྱིངས་ན་བཞུགས་པའི་རྒྱལ་བ་སྲས་དང་བཅས། །ལྷ་དང་ཌཱ་ཀིས་དངོས་སུ་བྱིན་གྱིས་བརླབས། །ཐུན་མིན་ཆོས་ཀྱི་སྒོ་གཏད་དགོངས་དོན་གྱི། །གཏིང་དཔོག་བདག་པོར་གྱུར་ལ་ཕྱག་འཚལ་ལོ། །ཟབ་དོན་བདུད་རྩིའི་ཉིང་ཁུའི་ཐུགས་ལ་སིམ། །ཉེ་བརྒྱུད་བཀའ་བབ་ལམ་སྲོལ་འདོད་དགུར་དབྱེ། །སྐལ་བཟང་ཡིད་ཀྱི་ཤིང་རྟ་ཡོངས་གང་བས། །རྫོགས་ལྡན་དང་པོར་བཞད་ལ་ཕྱག་འཚལ་ལོ། །བླ་མཆོད་འབྲིང་པོའི་སྐབས་འདི་ནས་འོག་གི་རྟགས་བར་བཞག་ཀྱང་རུང་ངོ༌། །མ་བཅོས་སྤྲོས་བྲལ་བླ་མ་ཆོས་ཀྱི་སྐུ། །བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ། །པད་སྡོང་ལས་འཁྲུངས་བླ་མ་སྤྲུལ་པའི་སྐུ། །སྐུ་གསུམ་རྡོ་རྗེ་འཆང་ལ་ཕྱག་འཚལ་ལོ། །རང་བཞིན་ལྷུན་གྲུབ་འོད་གསལ་འདུས་མ་བྱས། །མ་བཅོས་ཀ་དག་ཟུང་འཇུག་རོལ་པའི་ངང༌། །དགོངས་པ་བརྡ་དང་སྙན་ཁུངས་གཏེར་ལ་སོགས། །དགུ་ལྡན་བརྒྱུད་པ་རྣམས་ལ་ཕྱག་འཚལ་ལོ། །སྐྱེས་བུ་གསུམ་གྱི་ལམ་གྱི་རྒྱུད་སྦྱངས་ནས། །མཐའ་ཡས་སེམས་ཅན་བདེ་ལ་འགོད་མཛད་པའི། །དཔལ་ལྡན་ཇོ་བོ་རྗེ་ལ་སོགས་པ་ཡི། །བཀའ་གདམས་བརྒྱུད་པ་རྣམས་ལ་ཕྱག་འཚལ་ལོ། །སྣང་གསུམ་བརྒྱུད་གསུམ་སྙན་བརྒྱུད་མན་ངག་གིས། །དབུ་མར་འགྲོས་བཞི་ཐིམ་ནས་མཆོག་བརྙེས་པ། །དབང་ཕྱུག་བིརཝ་པ་ལ་སོགས་པ་ཡི། །ལམ་འབྲས་བརྒྱུད་པ་རྣམས་ལ་ཕྱག་འཚལ་ལོ། །རྡོ་རྗེའི་ལུས་ལ་རླུང་སེམས་རྟེན་འབྲེལ་འགྲིགས། །དགའ་བཞི་ཡེ་ཤེས་བདེ་སྟོང་གར་གྱི་རོལ། །ཟུང་འཇུག་འོད་གསལ་འགྲོ་འོང་མེད་པར་རྟོགས། །མར་པ་བཀའ་བརྒྱུད་རྣམས་ལ་ཕྱག་འཚལ་ལོ། །སྒྱུ་ལུས་རྨི་ལམ་ཟབ་མོས་རྒྱུད་སྦྱངས་ནས། །ཟུང་འཇུག་ཕྱག་རྒྱ་ཆེ་ལ་མངའ་བརྙེས་པའི། །མཁས་གྲུབ་ཁྱུང་པོ་རྣལ་འབྱོར་ལ་སོགས་པ། །ཤངས་པ་བཀའ་བརྒྱུད་རྣམས་ལ་ཕྱག་འཚལ་ལོ། །ཐབས་ཤེས་རྟེན་འབྲེལ་ལམ་གྱིས་རྒྱུད་སྦྱངས་ནས། །ཕྱི་ནང་འགལ་རྐྱེན་ཆོས་སྐུ་ཆེན་པོར་རྟོགས། །རྗེ་བཙུན་དམ་པ་རྒྱ་གར་ལ་སོགས་པའི། །ཞི་བྱེད་བརྒྱུད་པ་རྣམས་ལ་ཕྱག་འཚལ་ལོ། །སྦྱང་བྱ་མེད་པའི་དོན་ལ་རྒྱུད་སྦྱང་ནས། །རོ་སྙོམས་སྤྱོད་པས་གང་བྱུང་ཐད་ཀར་སྤྱོད། །མ་གཅིག་ལབ་ཀྱི་སྒྲོལ་མ་ལ་སོགས་པའི། །གཅོད་ཡུལ་བརྒྱུད་པ་རྣམས་ལ་ཕྱག་འཚལ་ལོ། །མི་གཡོ་གསུམ་ལྡན་རྡོ་རྗེའི་རྣལ་འབྱོར་གྱིས། །རླུང་སེམས་དག་པའི་རྟགས་བཅུ་མངོན་དུ་གྱུར། །དྷཱུ་ཏིའི་ལམ་སྦྱངས་འོད་གསལ་ངང་ལ་བཞུགས། །སྦྱོར་དྲུག་བརྒྱུད་པ་རྣམས་ལ་ཕྱག་འཚལ་ལོ། །སྐུ་ཡི་རྡོ་རྗེའི་གནད་ཀྱིས་རྒྱུད་སྦྱངས་བས། །གསུང་གི་རྡོ་རྗེས་རླུང་སེམས་དབུ་མར་ཞུགས། །ཐུགས་ཀྱི་རྡོ་རྗེས་ཡེ་ཤེས་སྐུ་བསྒྲུབ་པ། །བསྙེན་སྒྲུབ་བརྒྱུད་པ་རྣམས་ལ་ཕྱག་འཚལ་ལོ། །མདོར་ན་ངོ་མཚར་ཆོས་ཀྱི་ཆུ་ཀླུང་འབུམ། །ཁྱོད་ལས་སྤྲོ་ཞིང་གཅིག་ཏུ་འདུས་པའི་སྲོག །ལུང་རྟོགས་དབྱིག་གི་གཏེར་གྱིས་ཕྱུར་བུར་གང༌། །ཡོངས་རྫོགས་བསྟན་པའི་མངའ་བདག་ཕྱག་འཚལ་ལོ། །ཁྱད་པར་པདྨའི་རིང་ལུགས་དངོྃས་གཏེརྃ་གྱི། །གསང་བ་རྨད་བྱུང་གསེར་གྱི་རྩིས་སྟོང་ཅན། །སྙིགས་མའི་རྒུད་སེལ་ཆོས་ནོར་འདོད་དགུའི་རྫས། །ཐོགས་མེད་ཡིད་བཞིན་སྩོལ་ལ་ཕྱག་འཚལ་ལོ། །ཨོ་རྒྱན་རྗེ་འབངས་འདུས་པའི་སྨོན་ལམ་དང༌། །ཐུགས་བསྐྱེད་མཐུས་བསྐྲུན་ཆོས་ཀྱི་སྒོ་རབ་འབྱམས། །སླར་ཡངྃ་བོད་ཡུལ་བསྟན་འགྲོའི་རྒུད་སེལ་གཏེྃར། །སྤེལ་བའི་ཁྱིམ་བདག་མཆོག་ལ་ཕྱག་འཚལ་ལོ། །རིག་སྟོང་དགོངས་རྩལ་རྫོགས་པའི་སྙིང་སྟོབས་ཀྱིས། །ལེགས་བླང་མཁྱེན་བརྩེ་ནུས་པའི་མཚོན་ཆ་ཡིས། །དབང་འབྱོར་དགོངྃས་གཏེྃར་ནམ་མཁའ་མཛོད་ཆེན་པོའི། །སྐལ་ངན་གཡུལ་ངོ་བཟློག་ལ་ཕྱག་འཚལ་ལོ། །ཆོས་རྒྱུན་ཏིང་འཛིན་ལང་ཚོའི་ཀུན་དགའི་ཚལ། །རྩ་གསུམ་དགྱེས་པའི་རྩེད་འཇོའི་རོལ་པ་ལས། །མཐའ་ཟླས་ཆོས་ཀྱི་དགའ་སྟོན་སྣ་ཚོགས་པས། །དབུགས་དབྱུང་དགྃ་སྣངྃ་ཆོས་བརྙེས་ཕྱག་འཚལ་ལོ། །གསང་བ་རྨད་བྱུང་སྙིང་པོའི་ལུས་སྟོབས་རྒྱས། །སྙནྃ་བརྒྱུདྃ་གདམས་པའི་རིན་ཆེན་རྒྱན་གྱིས་སྒེག །ངེས་པའི་ལམ་བཟང་བགྲོད་ལ་མི་ངལ་བས། །དངོས་གྲུབ་གཏེར་མཆོག་སྦྱིན་ལ་ཕྱག་འཚལ་ལོ། །སྐྱེས་རབ་གླིང་བཞིའི་ཁྱོན་ནས་ལེགས་བླང་བའི། །གསང་བ་རྗེསྃ་སུ་དྲནྃ་པའི་དཔལ་འབྱོར་གཏེར། །གཟུངས་སྤོབས་བློ་གྲོས་སྣང་བས་མ་ཉམས་བར། །ཚུལ་བཞིན་སྩོལ་བར་མཛད་ལ་ཕྱག་འཚལ་ལོ། །ཐུབ་དབང་པདྨའི་རིང་ལུགས་རི་དབང་ལ། །སྔོན་མེད་རྣམ་ཐར་ཉི་ཟླས་གཡས་སུ་བསྐོར། །བཀའ་བབ་རིན་ཆེན་བདུན་གྱི་མངའ་ཐང་ཅན། །འཇམ་མགོན་བླ་མའི་ཞབས་ལ་ཕྱག་འཚལ་ལོ། །ཕྱོགས་བཅུའི་རྣམ་འདྲེན་ཀུན་ལས་འཇྃམ་དཔལ་དབྱངྃས། །རྣམ་ཐར་དཔལ་གྱི་ཆེ་བས་ཆེས་འཕགས་པའི། །ངང་ཚུལ་མ་སྦས་རྩོད་དུས་མུན་པའི་གཤེད། །མཁྱེནྃ་བརྩེྃའི་དབྃང་ཕྱུག་གྱུར་ལ་ཕྱག་འཚལ་ལོ། །སྲིད་པ་ལས་འདས་རྒྱལ་སྲས་ངང་ཚུལ་གྱི། །སྒྱུ་འཕྲུལ་བཀོད་པའི་ཟློས་གར་ཀུན་གྱི་ཕུལ། །ཆོསྃ་ཀྱིྃ་སྲོག་འཛིན་བློྃ་གྲོསྃ་སྤོབ་པའི་མཐུ། །འགྲན་བྲལ་བཤེས་གཉེན་ཆེན་པོར་ཕྱག་འཚལ་ལོ། །ལས་ཉོན་མི་གཙང་རྙོགས་པའི་མཚོར་བྱིངས་ཤིང༌། །སྡུག་བསྔལ་འབུ་སྲིན་འཁྲུགས་པས་ཉམས་ང་བའི། །བདག་སོགས་ཐར་འདོད་ཉིན་བྱེད་འདྲེན་པའི་བདག །བཀའ་དྲིན་མཉམ་མེད་བླ་མར་ཕྱག་འཚལ་ལོ། །རྒྱལ་བ་རྒྱ་མཚོའི་སྐུ་དང་སྲོག་གིས་ཀྱང༌། །ཡུན་རིང་སྒྲུབ་པའི་ཆོས་ཀྱི་སྒོ་མཐའ་དག །ལྷུག་པར་བསྩལ་བས་དབུགས་འབྱིན་ཆོས་ཀྱི་རྗེ། །སངས་རྒྱས་ལས་ཀྱང་ལྷག་ཁྱོད་ཕྱག་འཚལ་ལོ། །སངས་རྒྱས་སྲས་ཀྱི་གདུལ་བྱའི་ཡུལ་མིན་པའི། །རྨུ་རྒོད་བདག་ཅག་བརྩེ་བས་རྗེས་འཛིན་ཞིང༌། །ཐར་གྲོལ་སྒོ་འཕར་ཡངས་པོར་འབྱེད་མཛད་པའི། །རྣམ་འདྲེན་འཁོར་ལོའི་བསྒྱུར་རྒྱལ་ཕྱག་འཚལ་ལོ། །སྙིང་ནས་དད་པའི་རླབས་ཀྱིས་ལེགས་བསྐུལ་བའི། །གུས་ཕྱག་འཁྲི་ཤིང་ཞིང་གི་ཁྱོན་འགེངས་པའི། །ཟློས་གར་སྒོ་གསུམ་འཇུག་པ་གཅིག་དྲིལ་བས། །མི་ཕྱེད་གུས་པ་ཆེན་པོའི་ཕྱག་འཚལ་ལོ། །ངེས་པའི་དོན་དུ་བླ་མ་རང་གི་སེམས། །རིག་སྟོང་གཉུག་མ་མི་ཕྱེད་རྡོ་རྗེའི་དབྱིངས། །གདོད་ནས་འདུ་འབྲལ་མེད་པའི་གནས་ལུགས་ཀྱི། །རང་ཞལ་མངོན་སུམ་མཇལ་བས་ཕྱག་འཚལ་ལོ། །བླ་མ་མཆོག་དང་རང་རིག་དོན་གྱི་དབྱིངས། །བཟང་ངན་བླང་དོར་ཡུལ་དུ་ཡེ་མི་གནས། །ཀུན་ཀྱང་མི་གནས་ཆོས་སྐུའི་དཀྱིལ་འཁོར་དུ། །མངོན་སུམ་ལྷུན་གྱིས་གྲུབ་པས་ཕྱག་བགྱིའོ། །ཨོཾ་སརྦ་ཏ་ཐཱ་ག་ཏ་རཏྣ་གུ་རུ་མཎྜ་ལ་ས་པ་རི་ཝཱ་ར་ཀཱ་ཡ་ཝཱཀྩིཏྟ་པྲ་ཎ་མེ་ཎ་བྷནྡྷ་ནཾ་ཀ་རོ་མི༔ ཞེས་ཕྱག་བྱ། ཁྲིད་ཡིག་ཡེ་ཤེས་གསལ་སྒྲོན་དགོངས་པ་ལྟར་ཉམས་ཆགས་བཤགས་པ་གཙོ་བོར་བྱེད་ན་སྐབས་འདིར་ན་རཀ་སྐོང་བཤགས་ཀྱི། ཨེ་མ་ཧོཿ ཕྱོགས་བཅུ་དུས་བཞི་ཀུན་གྱི་བདག་ཉིད་ཆེ༔ སོགས་ནས། ཞི་ཁྲོའི་ལྷ་ཚོགས་མཚན་ནས་བརྗོད་ཞེས་པའི་བར་བཏང་ཞིང་ལུས་ཕྱག་ཀྱང་འཚལ། གཉིས་པ་མཆོད་པ་འབུལ་བའི་ཡན་ལག་ནི། ཨོཾ། སྣང་སྲིད་མ་ལུས་བླ་མའི་དཀྱིལ་འཁོར་ཆེ། །སྣོད་བཅུད་ཀུན་བཟང་རྡོ་རྗེའི་ལོངས་སྤྱོད་སྤྲིན། །ཆོས་དབྱིངས་མུ་མཐའ་མེད་པར་རྒྱས་འགེངས་བའི། །ཡེ་ཤེས་རོལ་པའི་འཁོར་ལོ་མཆོག་ཏུ་གྱུར། །ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏག་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱཿ ལན་གསུམ། བཛྲ་སྥ་ར་ཎ་ཁཾ། ཞེས་པའི་མཆོད་སྤྲིན་སྤྲོ་བས། རང་དོན་ཡིད་བྱེད་རྙོགས་བྲལ་སེམས་མཆོག་མཚོར། །གཞན་ཕན་མུ་ཏིག་སྦུ་ཕྲེང་རླབས་ཀྱིས་སྒེག །ཚོགས་གཉིས་བདུད་རྩིའི་རོ་བཅུད་ཕུན་ཚོགས་པས། །རྒྱལ་སྲས་དབང་ཕྱུག་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དབང་དང་སྟོབས་བཅུའི་ཕྱག་ཞབས་སོར་མོའི་ཁྱོན། །འོད་ཟེར་དྲྭ་བས་འབྲེལ་བ་དག་བྱེད་ཆབ། །རྒྱུད་གསུམ་རྣམ་དག་རྡོ་རྗེའི་ཞབས་བསིལ་གྱིས། །རྣལ་འབྱོར་དབང་ཕྱུག་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་པདྱཾ་པྲ་ཏཱིཙྪ་སྭཱ་ཧཱ། ངེས་འབྱུང་གཤེར་ལྡན་ཀུན་དགའི་དོ་རའི་ངོགས། །མོས་གུས་གེ་སར་རབ་རྒྱས་ཟིལ་མངར་ཕྱུག །ཉམས་རྟོགས་འདབ་སྟོང་རྣམ་བཀྲའི་མེ་ཏོག་ཚལ། །གྲུབ་བརྒྱའི་དེད་དཔོན་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་པུཥྤེ་པྲ་ཏཱིཙྪ་སྭཱ་ཧཱ། རྡོ་རྗེའི་དབང་བཞིའི་ལྗོན་བཟང་ལས་སྐྱེས་པའི། །རིམ་གཉིས་དངར་པོའི་གསུང་གི་རྫི་ཕྱོགས་ཀྱིས། །ཀུན་ཏུ་སིམ་སྟེར་ལྷན་སྐྱེས་སྦྱར་བའི་སྤོས། །རྟོག་པའི་དབང་ཕྱུག་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་དྷཱུ་པེ་པྲ་ཏཱིཙྪ་སྭཱ་ཧཱ། དམ་ཆོས་རྩི་བཅུད་རེག་པས་ལེགས་བསྐྲུན་པའི། །སྡུག་བསྔལ་མུན་ཚོགས་ཞི་བྱེད་འོད་བརྒྱའི་ཕྲེང༌། །ཀུན་ཏུ་སྣང་བ་དམ་པའི་གཏེར་ཆེན་པོའི། །འཁྲུལ་པ་རང་གྲོལ་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨཱ་ལོ་ཀེ་པྲ་ཏཱིཙྪ་སྭཱ་ཧཱ། མཆོག་ཏུ་མི་འགྱུར་བདེ་བའི་ཀཏྤུ་ར། །རྣམ་ཀུན་མཆོག་ལྡན་དབྱིངས་སུ་སིམ་པའི་རྒྱུན། །ཀུན་ཁྱབ་རྡོ་རྗེའི་དྲི་མཆོག་དམ་པའི་ཕུལ། །དང་པོའི་སངས་རྒྱས་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་གནྡྷེ་པྲ་ཏཱིཙྪ་སྭཱ་ཧཱ། སྣང་སྟོང་མི་ཕྱེད་རྡུལ་བྲལ་རིན་ཆེན་སྣོད། །རྡོ་རྗེ་ནཱ་ད་རོ་བརྒྱའི་བཟའ་བཏུང་བསྐྱིལ། །མཁའ་ཁྱབ་ལྷན་སྐྱེས་ཡེ་ཤེས་ཞལ་གྱི་ཟས། །རྡོ་རྗེ་སེམས་དངོས་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་ནཻ་ཝི་དྱ་པྲ་ཏཱིཙྪ་སྭཱ་ཧཱ། སྨིན་བྱེད་དབང་བཞིའི་ཟབ་དོན་རྡོ་རྗེའི་གླུ། །རིམ་གཉིས་ལམ་གྱི་ཏམྦུ་རར་སྦྱར་བས། །དངོས་གྲུབ་དགའ་སྟོན་འགུགས་པའི་རོལ་མོའི་མཆོད། །རིག་འཛིན་རྒྱལ་པོ་དཔལ་ལྡན་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་ཤབྡ་པྲ་ཏཱིཙྪ་སྭཱ་ཧཱ། ཞེས་ཐུན་མོང་ཉེར་སྤྱོད་ཀྱི་མཆོད་པ་དང༌། ཞུ་བདེའི་འཇོ་སྒེག་གཟུགས་དང་སྒྱུ་མའི་སྒྲ། །འཁྲུལ་རྟོག་ཀུན་སྦྱངས་དྲི་མཆོག་འོད་གསལ་བཅུད། །རླུང་སེམས་དག་པའི་རེག་བྱ་ཆོས་དབྱིངས་རྒྱན། །རྡོ་རྗེའི་འདོད་པའི་ཡོན་ཏན་རྒྱ་མཚོ་འབུལ། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་པཉྩ་ཀཱ་མ་གུ་ཎ་པྲ་ཏཱིཙྪ་ཧོ། གང་དང་འཕྲད་པས་རྒྱལ་སྲས་ཆོས་ཀྱི་ཞབས། །འདོད་དགུར་དབང་བྱེད་ཕུན་ཚོགས་བསོད་ནམས་མཐུས། །ལེགས་བསྐྲུན་རྒྱལ་སྲིད་རིན་ཆེན་རྣམ་པ་བདུན། །བྱང་ཆུབ་ཡན་ལག་རྫོགས་པའི་ཚུལ་དུ་འབུལ། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་སཔྟ་རཏྣ་པྲ་ཏཱིཙྪ་ཧོ། ཕུལ་བྱུང་ཡོན་ཏན་བྱེ་བའི་བཀོད་པ་འབུམ། །ཆེས་ཆེར་མཛེས་པའི་བདེ་གཤེགས་རིན་ཆེན་གླིང༌། །མྱུར་བགྲོད་འཕགས་ལམ་ཡན་ལག་བརྒྱད་རྫོགས་པའི། །བཀྲ་ཤིས་རྟག་མཆོག་བརྒྱད་ཀྱིས་བླ་མ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨཥྚ་མངྒ་ལ་པྲ་ཏཱིཙྪ་ཧོ། ཕུན་སུམ་ཚོགས་པའི་རྫུ་འཕྲུལ་མཐུ་སྦྱིན་པའི། །ཏིང་འཛིན་བཀོད་པའི་ཁྱད་པར་ལས་བྱུང་བའི། །ངོ་མཚར་རྣམ་ཐར་བརྒྱད་ཀྱི་རང་གཟུགས་ཆེ། །བཀྲ་ཤིས་གྲུབ་པའི་རྫས་མཆོག་རྣམས་ཀྱིས་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་མངྒ་ལ་དྲ་བྱ་པྲ་ཏཱིཙྪ་ཧོ། སྨོན་ལམ་དཔག་བསམ་ལྗོན་པའི་དགའ་ཚལ་ངང༌། །ཚོགས་གཉིས་རིན་ཆེན་དབྱིག་གི་གཏེར་ཁ་རྡོལ། །གཟུངས་དང་ཏིང་འཛིན་གཏེར་གྱི་བུམ་པ་བཟང༌། །ཟག་མེད་འབྱོར་པ་རྒྱ་མཚོའི་ཡོངས་སུ་མཆོད། །ཨོཾ་གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་མ་ཧཱ་པཱུ་ཛ་པྲ་ཏཱིཙྪ་ཧོ། ཞེས་ཁྱད་པར་གྱི་མཆོད་པ་དང༌། སྐབས་འདིར་མཎྜལ་ཚོམས་བུ་སོ་བདུན་མ་དང༌། ཨོཾ་ཨཱཿཧཱུྃ། བདག་དང་མཐའ་ཡས་སོགས་མཎྜལ་བསྡུས་པ་བླ་སྒྲུབ་གཞུང་ལས་འབྱུང་བ་ལྟར་གྲངས་བསགས། ཕུང་ཁམས་སྒྱུ་མ་རྡོ་རྗེ་བཀོད་པའི་ལྷ། །དབྱིངས་རིག་དྲྭ་བ་སྡོམ་པའི་ཆོ་འཕྲུལ་ཆེ། །སྣང་སྟོང་མི་ཕྱེད་མཁའ་ཁྱབ་དམ་ཚིག་རྫས། །ཡེ་ཤེས་ལྔ་ལྡན་བདུད་རྩིའི་ཕུད་ཀྱིས་མཆོད། །མ་ཧཱ་ཨ་མྲྀ་ཏ་ཁཱ་ཧི། སྲིད་རྩ་འཁྲུགས་པའི་རུ་ཏྲ་སྡེ་དང་བཅས། །རྣམ་ཐར་སྒོ་གསུམ་མཁའ་རུ་བསྒྲལ་བའི་རྫས། །རང་ཤར་སྲོག་སྩོལ་དག་པའི་ནཱ་དའི་དཔྱིད། །གཞོམ་མེད་རྡོ་རྗེའི་རུ་དྷི་ར་ཡིས་མཆོད། །མ་ཧཱ་རཀྟ་ཁཱ་ཧི། མཚན་འཛིན་ཀུན་བྲལ་དབྱིངས་ཀྱི་བྷཉྫ་རུ། །གཏད་མེད་འོད་གསལ་ཆོས་སྐུའི་གཏོར་ཆེན་བཤམས། །ཅིར་སྣང་ཡེ་ཤེས་རྒྱན་གྱི་ལོངས་སྤྱོད་ཆེ། །ཐུགས་ཀྱི་རྡོ་རྗེའི་དཀྱིལ་འཁོར་དབང་ཕྱུག་མཆོད། །མ་ཧཱ་བ་ལིངྟ་ཁཱ་ཧི། ཞེས་ནང་གསང་སྔགས་བླ་མེད་ཀྱི་དམ་ཚིག་རྫས་ཀྱི་མཆོད་པ་དང༌། བརྒྱད་གཉིས་ལང་ཚོའི་མེ་ཏོག་འཁྲི་ཤིང་ནི། །དགའ་བཞིའི་སྒྱུ་རྩལ་གསར་པས་གཡོ་དང་བཅས། །པི་ཝཾ་གླིང་བུ་རྔ་ཟླུམ་རྫ་རྔ་ཅན། །རྡོ་རྗེའི་ལྷ་མོས་སྐུ་ཡི་དཀྱིལ་འཁོར་མཆོད། །ཨོཾ་བཛྲ་ཝི་ནི་ཧཱུྃ༔ ཨོཾ་བཛྲ་ཝཾ་སེ་ཏྲཱྃ༔ ཨོཾ་བཛྲ་མྲྀ་ཏཾ་གི་ཧྲཱིཿ ཨོཾ་བཛྲ་མུ་རཉྫ་ཨཱཿ བལྟ་ན་སྡུག་པའི་གཟུགས་ཀྱི་བརྟན་པ་ནི། །མཆོག་དགའི་ནོར་བུའི་མེ་ལོང་འཕོས་པའི་གར། །སྒེག་བཞད་གླུ་དང་གར་གྱི་ཉམས་འགྱུར་གྱིས། །རྡོ་རྗེའི་ལྷ་མོས་གསུང་གི་དཀྱིལ་འཁོར་མཆོད། །ཨོཾ་བཛྲ་ལ་སྱཱ་ཧཱུྃ། ཨོཾ་བཛྲ་མཱ་ལེ་ཏྲཱྃ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨཱཿ གཞོན་མཛེས་མཚར་སྡུག་རྫོགས་པའི་རི་དྭགས་ཅན། །ཁྱད་པར་དགའ་བའི་གཟུགས་ཀྱི་རེ་ཁཱས་བཀྲ། །མེ་ཏོག་བདུག་སྤོས་མར་མེ་དྲི་ཆབ་ཀྱིས། །རྡོ་རྗེའི་ལྷ་མོས་ཐུགས་ཀྱི་དཀྱིལ་འཁོར་མཆོད། །ཨོཾ་བཛྲ་པུཥྤེ་ཧཱུྃ། ཨོཾ་བཛྲ་དྷཱུ་པེ་ཏྲཱཾ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨཱཿ ལང་ཚོའི་ཀུན་ཏུ་མྱོས་པའི་མིག་ཡངས་མ། །ལྷན་ཅིག་སྐྱེས་དགའི་སྒྱུ་རྩལ་ཅིར་ཡང་སྟོན། །གཟུགས་རེག་རོ་དང་ཆོས་ཀྱི་དབྱིངས་མཚོན་པའི། །རྡོ་རྗེའི་ལྷ་མོས་ཡེ་ཤེས་དཀྱིལ་འཁོར་མཆོད། །ཨོཾ་བཛྲ་རཱུ་པ་ཨོཾ། ཨོཾ་བཛྲ་རཱ་ས་ཧྲཱིཿ ཨོཾ་བཛྲ་སྤརྴེ་ཏྲཱྃ། ཨོཾ་བཛྲ་དྷརྨ་དྷཱ་ཏུ་ཨ། ཞེས་ཡང་གསང་རྡོ་རྗེའི་མཆོད་པ་བཅས་དགྱེས་དགུར་བསྟབས་ལ། ངོ་བོ་བརྗོད་འདས་ནམ་མཁའི་ཀློང༌། །རང་བཞིན་འོད་གསལ་ལོངས་སྤྱོད་རྫོགས། །ཐུགས་རྗེའི་འགྲོ་ཀུན་ཡོངས་ལ་ཁྱབ། །སྐྱབས་མཆོག་དཔལ་ལྡན་བླ་མ་བསྟོད། །སྙིང་རྗེའི་ཀློང་དུ་ཡེ་ནས་གྲོལ། །གསལ་སྣང་ཞིང་ཁམས་ཆེན་པོར་རྒྱས། །ཐམས་ཅད་མཉམ་སྦྱོར་ནམ་མཁའི་ངང༌། །དཔེ་བྲལ་ཁྱོད་ལ་ཕྱག་འཚལ་བསྟོད། །ཡེ་ནས་ཀུན་བཟང་རོལ་བའི་ངང༌། །ཁྱོད་ནི་རྟག་ཏུ་མཉམ་བཞག་ཀྱང༌། །ནོར་བུ་ཇི་བཞིན་གཞན་དོན་མཛད། །ཡིད་བཞིན་ཁྱོད་ལ་ཕྱག་འཚལ་བསྟོད། །ཏིང་ངེ་འཛིན་དང་མངོན་ཤེས་ཀྱིས། །གདུལ་བྱའི་འཇིག་རྟེན་མ་ལུས་ཀུན། །གདོད་མའི་དབྱིངས་སུ་ཁྲིད་མཛད་པ། །དེད་དཔོན་ཁྱོད་ལ་ཕྱག་འཚལ་བསྟོད། །འཁོར་བར་མགོན་མེད་རབ་འཁྱམས་ཤིང༌། །སྡུག་བསྔལ་རྒྱ་མཚོའི་ཀློང་ཡངས་ལས། །སྒྲོལ་བར་མཛད་པའི་གྲུ་བོ་ཆེ། །བརྩེ་ཆེན་ཁྱོད་ལ་ཕྱག་འཚལ་བསྟོད། །ལས་དང་ཉོན་མོངས་འཁྲུལ་འཁོར་གྱིས། །ཡུན་རིང་སྲིད་པར་དུབ་པ་ལ། །སྤང་གཉེན་རང་གྲོལ་མངོན་སུམ་ལམ། །སྟོན་མཆོག་ཁྱོད་ལ་ཕྱག་འཚལ་བསྟོད། །གང་ཞིག་མཐོང་བས་རབ་དད་ཅིང༌། །ཐོས་པས་ཐེ་ཚོམས་དྲྭ་བ་གཅོད། །རེག་པས་བྱིན་རླབས་དངོས་གྲུབ་འབྱུང༌། །མཚུངས་བྲལ་ཁྱོད་ལ་ཕྱག་འཚལ་བསྟོད། །མདོར་ན་སྲིད་ཞིའི་ལེགས་ཚོགས་ཀུན། །ཁྱོད་མཚན་ཐོས་དང་དྲན་པས་ཀྱང༌། །ཡིད་བཞིན་རྗེས་སུ་སྩོལ་མཛད་པའི། །དཔལ་མགོན་བླ་མར་ཕྱག་འཚལ་ལོ། །གང་ཞིག་ཁྱོད་སྐུ་མཐོང་བ་དང༌། །ཁྱོད་གསུང་ཐོས་དང་འཛིན་པ་ཡི། །འགྲོ་བ་དེ་དག་ཀུན་ལ་ཡང༌། །རྟག་ཏུ་བདག་ནི་ཕྱག་འཚལ་ལོ། །ཞེས་བསྟོད་པའི་དབྱངས་ཀྱིས་ཀྱང་དགྱེས་པ་བསྐྱེད། གསུམ་པ་སྡིག་བཤགས་སོགས་ཡན་ལག་ལྷག་མ་རྣམས་ནི། སྔར་ན་རཀ་བསྐང་བཤགས་སྦྱར་ན། ཨཱཿ བདག་གི་སྤྱི་བོར་པད་ཟླའི་སྟེང༔ བླ་མ་རྡོར་སེམས་ཧེ་རུ་ཀ༔ ཡབ་ཡུམ་ཐུགས་ཀའི་སྔགས་ཕྲེང་དང༔ སྐུ་ལས་བྱང་སེམས་བདུད་རྩིའི་རྒྱུན༔ སྦྱོར་མཚམས་ནས་བྱུང་ཚངས་བུག་ཞུགས༔ ལུས་གང་སྡིག་སྒྲིབ་ཉེས་ལྟུང་རྒྱུ༔ འབྲས་བུ་ནད་གདོན་སྡུག་བསྔལ་ཀུན༔ དག་ཅིང་དྲི་མ་མེད་པར་བསམ༔ ཞེས་བརྗོད་ལ་ཡིག་བརྒྱ་བསགས་མཐར། གལ་ཏེ་ན་རཀ་སྐོང་བཤགས་དང་མ་འབྲེལ་ན་འོག་གི་བཤགས་པ་འདི་ཁོ་ནས་ཆོག་གོ །དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་དགོངས་སུ་གསོལ། །བདག་མིང་འདི་ཞེས་བྱ་བ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པས་ཉོན་མོངས་པ་འདོད་ཆགས་དང༌། ཞེ་སྡང་དང༌། གཏི་མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ་དང༌། མ་བྱིན་པ་བླངས་པ་དང༌། འདོད་པས་ལོག་པར་གཡེམ་པའི་རིགས། ངག་གི་སྒོ་ནས་བརྫུན། ཕྲ་མ། ཚིག་རྩུབ། ངག་འཁྱལ། ཡིད་ཀྱི་སྒོ་ནས་བརྣབས་སེམས་གནོད་སེམས་ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱི་ཁྲག་འབྱིན་པ་སོགས་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་པ་སྟེ་མི་དགེ་བའི་ཕྱི་མོ་རྣམས་ཀྱི་སྟེང༌། བཅས་པའི་ཁྲིམས་དགེ་བསྙེན་དང༌། དགེ་ཚུལ་དང༌། དགེ་སློང་སྟེ་སོ་སོ་ཐར་བའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང༌། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང༌། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང༌། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང༌། ཡན་ལག་སྦོམ་པོའི་རྣམ་གྲངས་བརྒྱད་ལས་ཕམ་པ་དང༌། ཁ་ན་མ་ཐོ་བའི་མཐུས་བཅོམ་ཏེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་སྲུང་དཀའ་བ་ལས་འདས་པ་ཐམས་ཅད་དང༌། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང༌། དམ་པའི་ཆོས་སྤང་བ་དང༌། མཁན་པོ་ལ་མ་གུས་པ་དང༌། བྱང་ཆུབ་སེམས་དཔའ་ལ་བསྐུར་བ་བཏབ་པ་དང༌། ཕ་མའི་དྲིན་ལན་མ་བཙལ་བ་དང༌། དཀོན་མཆོག་དཀོར་ཕྲོག་པ་དང༌། ཚངས་པར་མཚུངས་སྤྱོད་སུན་ཕྱུངས་བ་དང༌། བསམ་གཏན་སྒོམ་པའི་ཐུགས་དཀྲུགས་པ་དང༌། དགེ་བ་ཅན་གྱི་ཚོགས་བཅགས་པ་དང༌། དད་པ་ཅན་སུན་ཕྱུངས་བ་དང༌། རྒྱུ་འབྲས་ལ་བསྐུར་བ་བཏབ་པ་དང༌། སེམས་ཅན་ལ་གནོད་པའི་ལས་བྱས་པ་དང༌། ཁྲེལ་དང་ངོ་ཚ་སྤངས་བ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང༌། གཞན་ལ་བྱེད་དུ་བཅུག་པ་དང༌། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང༌། མངོན་པར་ཞེན་པ་དང༌། གཉེན་པོ་སྟོབས་ཞན་པ་དང༌། ཡུལ་ཁྱད་པར་ཅན་དང༌། གཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང༌། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པར་མཐོང་བ་ལགས་པས་མི་འཆབ་བོ། །མངོན་གྱུར་དུ་སྒྲོགས་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་ཉོན་མོངས་པའི་གཞན་དབང་ཅན་ལ་དགོངས་ཏེ་ཚངས་པར་བསྩལ་དུ་གསོལ། །ཧོཿ ཞི་ཁྲོ་རབ་འབྱམས་དགོངས་སུ་གསོལ་སོགས་ན་རཀ་སྐོང་བཤགས། བཤགས་བྱ་བཤགས་བྱེད་གཉིས་མེད་གྲོལ༔ ཞེས་པའི་བར་དང༌། རྡོར་སེམས་སྒོམ་བཟླས་འཇུག་གི། ཨོཾ། བླ་མ་དཔལ་ལྡན་རྡོ་རྗེ་སེམས༔ བདག་ལ་རེ་ས་ཁྱེད་ལས་མེད༔ ཐུགས་རྗེའི་སྤྱན་གྱིས་གཟིགས་མཛོད་ལ༔ ཉམས་ཆགས་སྡིག་ལྟུང་སྦྱོང་མཛད་གསོལ༔ བདག་ཅག་ཉོན་མོངས་གཞན་དབང་དང༔ མི་ཤེས་བག་མེད་མ་གུས་པས༔ རང་བཞིན་ཁ་ན་མ་ཐོ་དང༔ བཅས་པའི་བསླབ་ལས་འགལ་བ་ཀུན༔ དག་ཅིང་ཚངས་པར་བསྩལ་དུ་གསོལ༔ ཁྱད་པར་རྡོ་རྗེའི་ཐེག་པ་ཡི༔ རྩ་བ་སྐུ་གསུང་ཐུགས་མཆོག་དང༔ ཡན་ལག་དམ་ཚིག་ཉི་ཤུ་ལྔ༔ མེད་ཕྱལ་གཅིག་ཏུ་ལྷུན་གྲུབ་སོགས༔ རང་བཞིན་ལྟ་བའི་དམ་ཚིག་ལས༔ ཉམས་འགལ་རལ་བར་གྱུར་པ་ཀུན༔ སྙིང་ནས་འགྱོད་པས་མཐོལ་བཤགས་ན༔ སྒྲིབས་མེད་ཚངས་པའི་དངོས་གྲུབ་སྩོལ༔ ཉིད་དང་དབྱེར་མེད་བྱིན་རློབས་ཤིག༔ སྙིང་ནས་གདུངས་པས་གསོལ་བཏབ་པས༔ བླ་མ་རྡོ་རྗེ་སེམས་དཔའ་ཡིས༔ སྡིག་ལྟུང་དག་པའི་གནང་བ་བསྩལ༔ དགྱེས་པས་འོད་ཞུ་རང་ལ་ཐིམ༔ རང་ཡང་ཀུན་གཞི་མ་བཅོས་པའི༔ ངང་ལ་ཡིད་ནི་འཛིན་པ་བྲལ༔ རྣམ་དག་སྤྲོས་བྲལ་ཆོས་ཀྱི་སྐུ༔ ཆོས་ཀྱི་སྐུ་ལ་གཉིས་སུ་མེད༔ ཡེ་སྲུང་ཐིག་ལེ་ཉག་གཅིག་ངང༔ སྤང་བླང་ལས་འདས་ཕྱལ་བ་ཆེ༔ རང་བྱུང་རང་ཤར་ལྷུན་གྱིས་གྲུབ༔ ཉམས་ཆགས་རྟོག་སྒྲིབ་དབྱིངས་སུ་གྲོལ༔ མ་བཅོས་རྫོགས་པ་ཆེན་པའོ༔ ཨ་ཨ་ཨཿ ན་རཀ་སྐོང་བཤགས་ཀྱི། ཧཱུྃ༔ ཆོས་ཀྱི་དབྱིངས་ཉིད་སོགས་ཀློང་བཤགས་ཚང་བར་སྦྱར། རྫོགས་སངས་རྒྱས་དང་བྱང་ཆུབ་སེམས་དཔའ་དང༌། །འཕགས་གཉིས་སོ་སོའི་སྐྱེ་བོ་མ་ལུས་པའི། །དུས་གསུམ་དགེ་བ་བགྱིས་དང་བགྱིད་བསྩལ་དང༌། །བགྱིད་པར་གྱུར་པ་ཀུན་ལ་རྗེས་ཡི་རང༌། །གློ་བུར་ཉོན་མོངས་དང་ལྡན་སེམས་ཅན་རྣམས། །ཁམས་དེའི་རང་བཞིན་དག་པ་མཐོང་བྱའི་ཕྱིར། །ཕྱི་ནང་གསང་བ་བླ་ན་མེད་པ་ཡི། །ཆོས་ཀྱི་འཁོར་ལོ་རྨད་བྱུང་བསྐོར་དུ་གསོལ། །སངས་རྒྱས་འཇིག་རྟེན་ཉི་མ་གང་དུ་བྱོན། །འགྲོ་བའི་གཉེན་གྱུར་སྲས་དང་བཅས་པ་ཀུན། །སྲིད་པའི་མུན་ནག་འཐིབ་པོ་བསལ་སླད་དུ། །འགྲོ་བ་ཇི་སྲིད་སྒྲོན་མེ་མཛད་པར་གསོལ། །ཡོན་ཏན་དགེ་འོས་རྒྱལ་བའི་བྱང་ཆུབ་མཆོག །སྐྱེ་རྒུ་ཀུན་གྱིས་ཐོབ་པར་བྱ་བའི་ཕྱིར། །བསོད་ནམས་ཕུང་པོ་ཡོངས་སུ་བསྔོ་བགྱིས་པ། །འགྲོ་ཀུན་ཐར་པའི་གྲོང་དུ་ཕྱིན་པར་ཤོག །ཞེས་གྲུབ་ན་ཡན་ལག་བདུན་པ་རྒྱས་པ་དང༌། བླ་སྒྲུབ་དཀྱུས་ཀྱི་ཡན་ལག་བདུན་པ་གྲང་བསགས་པ་སྤེལ་ཏེ་བྱ། དེ་ནས་གསོལ་འདེབས་དངོས་ལ་རྗེ་བླ་མ་རྡོ་རྗེ་འཆང་གི་ཞལ་གསུང་མ་སྐྱེས་ཕྲེང་གསོལ་འདེབས་རྒྱས་བསྡུས་གཉིས་དང༌། གསོལ་འདེབས་ལྷ་ཡི་རྔ་ཆེན་རྣམས་ཀྱང་སྦྱར། གཞུང་གི་གསོལ་འདེབས་ཉིད་གྲང་བསགས་པ་དང་བཅས་ཏེ་མོས་གུས་རྩལ་དུ་བཏོན་པས་གསོལ་བ་བརྩེ་གཅིག་ཏུ་གདབ། གཞན་ཡང་སྡོམ་གསུམ་བརྒྱུད་པའི་གསོལ་འདེབས་དང་སྒྲུབ་བརྒྱུད་ཤིང་རྟ་བརྒྱད་ཀྱི་གསོལ་འདེབས་སོགས་དགོས་པ་དང་འབྲེལ་ན་སྦྱར་དུ་རུང་ལ། མཐར་མཚན་སྔགས་ཀྱང་བཟླ། དེ་དག་གི་སྐབས་སུ་ཉམས་ལེན་གྱི་སྙིང་པོ་མོས་གུས་ཡིན་པས་ཁྲིད་གཞུང་ལས་འབྱུང་བ་ལྟར་གནད་དུ་བརྡེག་པ་ཅིས་ཀྱང་གལ་ཆེ། ཐུན་མཐར་ན་རཀ་བསྐང་བཤགས་ཀྱི་སྨན་རཀ་གཏོར་མ་མར་མེའི་སྐོང་བ་དང་སྨོན་ལམ། ཚོགས་ཀྱི་མཆོད་པ་བཅས་རྒྱས་པར་བྱ། བླ་མའི་རྣལ་འབྱོར་ཆོ་ག་གྲང་བསགས་སོགས་ཀྱི་སྐབས་འདི་ནས་གཞུང་གི་དབང་ལེན་བསྡུས་པ་སྦྱར། སླར་ཡང་སྐྱབས་སེམས་ནས་བརྩམས་དཀྱུས་ལ་འཇུག་གྲངས་རྫོགས་པ་དང༌། དབང་ལེན་རྒྱས་པར་བྱས་པས་གྲུབ་པའོ། །དབང་ལེན་དཀྱུས་ལྟར་རམ། ཅུང་ཟད་རྒྱས་པར་མོས་ན། སྐུ་བཞིའི་དབང་ཕྱུག་རྒྱལ་བ་རྡོ་རྗེ་འཆང༌། །བདག་སོགས་འགྲོ་ལ་ཐུགས་རྗེའི་ཉེར་དགོངས་ནས། །བུམ་གསང་ཤེས་རབ་ཡེ་ཤེས་དེ་ཁོ་ནའི། །ཡེ་ཤེས་མཆོག་གིས་བདག་རྒྱུད་གཏམས་པར་མཛོད། །ཞེས་གསོལ་བ་བཏབ་པས། བླ་མའི་དཔྲལ་བའི་ཨོཾ་དཀར་པོ་ལས་འོད་ཟེར་འཕྲོས། རང་གི་སྤྱི་བོར་ཐིམ་པས་བུམ་པའི་དབང་ཐོབ། རགས་པ་ལུས་ཀྱི་སྒྲིབ་པ་དག །ལམ་བསྐྱེད་རིམ་དབྱིབས་ཀྱི་རྣལ་འབྱོར་བསྒོམས་པ་ལ་དབང༌། འབྲས་བུ་སྐུ་རྡོ་རྗེ་ཐོབ་པའི་སྐལ་པ་ཅན་དུ་བྱས། མགྲིན་པའི་ཨཱཿདམར་པོ་ལས་འོད་ཟེར་འཕྲོས། རང་གི་མགྲིན་པར་ཐིམ་པས་གསང་དབང་ཐོབ། ངག་རགས་པའི་སྒྲིབ་པ་སྦྱངས། ལམ་རྩ་རླུང་གཏུམ་མོ་བསྒོམས་པ་ལ་དབང༌། འབྲས་བུ་གསུང་རྡོ་རྗེ་ལོངས་སྐུ་ཐོབ་པའི་སྐལ་བ་ཅན་དུ་བྱས། ཐུགས་ཀའི་ཧཱུྃ་མཐིང་ག་ལས་འོད་ཟེར་འཕྲོས། རང་གི་སྙིང་གར་ཐིམ་པས་ཤེར་དབང་ཐོབ། ཡིད་རགས་པའི་སྒྲིབ་པ་དག །ལམ་ཐིག་ལེའི་རྣལ་འབྱོར་སྒོམས་པ་ལ་དབང༌། འབྲས་བུ་ཐུགས་རྡོ་རྗེ་ཆོས་སྐུ་ཐོབ་པའི་སྐལ་བ་ཅན་དུ་བྱས། སླར་ཡང་འབྲུ་གསུམ་ལས་འོད་ཟེར་དཀར་དམར་མཐིང་གསུམ་གཅིག་ཆར་དུ་འཕྲོས། རང་གི་གནས་གསུམ་དུ་གཅིག་ཆར་དུ་ཐིམ་པས་དབང་བཞི་པ་ཐོབ། ཀུན་གཞིའི་སྒྲིབ་པ་ཕྲ་བ་དང་བཅས་པ་དག །ལམ་རྫོགས་པ་ཆེན་པོ་ཁྲེགས་ཆོད་ཐོད་རྒལ་བསྒོམས་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་ཀྱི་སྐུ་ཐོབ་པའི་སྐལ་པ་ཅན་དུ་བྱས་པར་མོས་ལ་དབང་དོན་གྱི་ཡེ་ཤེས་བསྐྱངས། བླ་མ་ཧེ་རུ་ཀ་དཔལ་ཉིད༔ དགྱེས་པ་ཆེན་པོའི་རང་ལ་ཐིམ༔ རང་ཡང་ཀུན་གཞི་མ་བཅོས་པའི༔ ངང་ལ་ཡིད་ནི་འཛིན་པ་བྲལ༔ རྣམ་དག་སྤྲོས་བྲལ་ཆོས་ཀྱི་སྐུ༔ ཞེས་པའི་དོན་ལ་མཉམ་པར་བཞག །སྣང་བའི་དངོས་ཀུན་མཁའ་ཁྱབ་ཡེ་ཤེས་སྐུ། །སྒྲ་གྲགས་གཞོམ་མེད་རྡོ་རྗེའི་དབྱིངས་སུ་རྫོགས། །དྲན་རྟོག་རང་གྲོལ་བདེ་སྟོང་ནམ་མཁའི་དཀྱིལ། །རྡོ་རྗེ་གསུམ་གྱི་ངོ་བོར་ཨེ་མ་ཧོ། །ཞེས་སྣང་སྲིད་བླ་མའི་དཀྱིལ་འཁོར་དུ་དག་པ་ཆེན་པོའི་ལམ་ཁྱེར་བྱ། གཞུང་གི་བསྔོ་སྨོན་ཤིས་བརྗོད་དང༌། ལེགས་པའི་ཡོན་ཏན་ཐམས་ཅད་འབྱུང་བའི་གནས། །དུས་གསུམ་རྒྱལ་བ་སྲས་བཅས་བསྐྱེད་པའི་ཡབ། །སངས་རྒྱས་ཀུན་ལས་ལྷག་པའི་བཀའ་དྲིན་ཅན། །དཔལ་ལྡན་བླ་མའི་ཞབས་ལ་ཕྱག་འཚལ་ལོ། །རིགས་བརྒྱའི་ཁྱབ་བདག་དྲུག་པ་རྡོ་རྗེ་འཆང༌། །སྙིགས་དུས་སློབ་དཔོན་གཟུགས་སུ་རྣམ་པར་རོལ། །མཁྱེན་བརྩེ་ནུས་པའི་མངའ་བདག་ཆོས་ཀྱི་རྗེ། །ཐར་པའི་ལམ་འདྲེན་དེ་ལ་གུས་པས་འདུད། །མ་རིག་མུན་སེལ་ཉིན་མོར་བྱེད་པ་སྟེ། །ཉོན་མོངས་གདུང་སེལ་ཟླ་བའི་དཀྱིལ་འཁོར་མཆོག །དགོས་འདོད་ཀུན་འབྱུང་ནོར་བུ་རིན་པོ་ཆེ། །བདེ་ཆེན་སྲོག་སྟེར་བདུད་རྩིའི་རྒྱ་མཚོ་ཉིད། །ཕྱོགས་བཅུའི་རྣམ་འདྲེན་སློབ་མར་བཅས་པས་ཀྱང༌། །ཁྱོད་ལ་མཆོད་ཅིང་བསྙེན་ཏེ་མདུན་ནས་བསྔགས། །ཁྱོད་ཀྱིས་བཟུང་རྣམས་གཏན་བདེའི་དཔལ་ལ་སྦྱོར། །ངན་འབྲེལ་ཙམ་ཡང་འཁོར་བ་མཐའ་ཅན་མཛད། །ཁྱོད་ལ་མ་བརྟེན་ཐར་པ་ཡོངས་མེད་པས། །དུས་དང་ཕྱོགས་དང་རྣམ་པ་ཐམས་ཅད་ནས། །མོས་གུས་བསམ་མི་ཁྱབ་པ་སྐྱེ་བ་དང༌། །མཉེས་པ་ཚུལ་བཞིན་འགྲུབ་པར་བྱིན་གྱིས་རློབས། །དབང་བསྐུར་མཆོག་ཐོབ་རྡོ་རྗེ་སློབ་དཔོན་ལ། །འཇིག་རྟེན་འདྲེན་པས་དུས་གསུམ་ཕྱག་མཛད་ན། །མགོན་མེད་བྱིས་པས་སྨོས་ཀྱང་ཅི་ཞིག་འཚལ། །སྒོ་གསུམ་གུས་པས་རྟག་ཏུ་འདུད་གྱུར་ཅིག །མཆོག་ལ་མཉེས་པ་དུ་མས་བསྙེན་བཀུར་ཞིང༌། །བླ་མ་ཁྱིམ་པའམ་ནི་གསར་བུའང་རུང༌། །དུས་སྐབས་བྱེད་པས་དངོས་བརྒྱུད་སྲི་ཞུ་ཡིས། །ནམ་ཡང་མི་མཉེས་སྐད་ཅིག་མི་སྒྲུབ་ཤོག །དམ་ཚིག་རྩ་བ་སློབ་དཔོན་སློབ་མ་ཡི། །འབྲེལ་པ་བརྟག་ལ་རྣམ་དཔྱོད་བློ་ཐོབ་ཅིང༌། །བརྩེ་མེད་འདོད་ཁྲོ་ཁེངས་པའི་དབང་གྱུར་སོགས། །མི་དགེའི་བཤེས་དང་སྐྱེ་ཀུན་མི་འཕྲད་ཤོག །བརྟན་དུལ་བློ་གྲོས་ལ་སོགས་ཐུན་མོང་དྲུག །སྔགས་རྒྱུད་སྦྱོར་བ་ཤེས་སོགས་ཁྱད་པར་གྱི། །མཚན་ཉིད་དགུ་ཚང་དཔལ་ལྡན་བླ་མ་ཉིད། །རྙེད་ནས་འབྲལ་བ་མེད་པར་བསྟེན་པར་ཤོག །སློབ་དཔོན་བརྙས་ན་སངས་རྒྱས་ཀུན་ལ་བརྙས། །མཐོང་ཆོས་སྡུག་བསྔལ་ཕྱི་མ་དམྱལ་མེས་སྲེག །གུས་མཆོད་འདི་གཏན་བདེ་བའི་དཔལ་ལ་སྦྱོར། །དེ་བས་བསྟེན་ཚུལ་ཕྱིན་ཅི་མ་ལོག་ཤོག །ཚེ་འདིར་བྱང་ཆུབ་རྩོལ་མཛད་བླ་མ་རྗེར། །ལུས་སྲོག་ལོངས་སྤྱོད་ཀུན་གྱིས་བསྟི་སྟང་སྒྲུབ། །དམ་ཚིག་ལེགས་སྲུང་བླ་མས་བཞེད་པའི་དངོས། །ཅུང་ཟད་གང་མཆིས་ཞེན་མེད་འབུལ་ནུས་ཤོག །བླ་མ་མཆོད་པས་རྒྱལ་ཀུན་མཆོད་ཅིང་མཉེས། །བསོད་ནམས་ཚོགས་རྫོགས་དངོས་གྲུབ་མཆོག་ཐོབ་ཕྱིར། །ལྷ་དང་བླ་མ་དབྱེར་མེད་རྡོ་རྗེ་འཆང༌། །གཅིག་ཏུ་ངེས་པས་སྐྱབས་གཞན་མི་འཚོལ་ཤོག །སྐུ་ཡི་གྲིབ་མ་འགོམ་ཡང་སངས་རྒྱས་ཀྱི། །མཆོད་རྟེན་བཤིག་འདྲའི་སྡིག་པ་ཐོབ་པས་ན། །བཞོན་པ་ཉེར་སྤྱད་ལ་སོགས་ནམ་དུ་ཡང༌། །མི་སྤྱད་མི་འགོང་གཙང་སྦྲ་ལྷུར་ལེན་ཤོག །དངོས་གྲུབ་འབྱུང་གནས་བླ་མས་བགོ་བ་ཡི། །བཀའ་ལས་མི་འདའ་གང་གསུང་འབད་པས་སྒྲུབ། །མི་ནུས་ངེས་པ་ཚིག་གི་ཞུ་གསོལ་གྱིས། །གནང་བའི་སྐབས་ཕྱེད་ཟུར་ཙམ་མི་གཅོག་ཤོག །བླ་མའི་རྫས་ནི་སྲོག་བཞིན་བསྲུང་བ་དང༌། །བླ་མའི་ཐུགས་ཟིན་བླ་མ་ཉིད་བཞིན་བཀུར། །བླ་མའི་འཁོར་ཡང་རང་གི་གཉེན་དུ་ལྟ། །ཉོན་མོངས་དབང་གི་སྡིག་པ་མི་གསོག་ཤོག །སྤྱན་སྔར་མི་འོས་པ་དང་མ་གུས་པའི། །བྱ་བ་ངན་པ་གཞར་ཡང་མི་བྱེད་ཅིང༌། །འོས་ཤིང་གུས་བཅས་བཀའ་བཞིན་རྗེས་སྒྲུབ་པའི། །སྤྱོད་ལམ་ང་རྒྱལ་མེད་པས་བཀུར་བར་ཤོག །བླ་མ་བཞུགས་པའི་ཡུལ་དུ་མ་གནང་བཞིན། །སློབ་དཔོན་ལས་དང་བླ་མའི་སྤྱན་སྔ་རུ། །རང་ལ་གུས་མཆོད་དང་དུ་ལེན་སྤང་ནས། །གུས་པས་བླ་མ་ཉིད་ལ་མཆོད་ནུས་ཤོག །བདག་ཉིད་དྲན་བརྩོན་དྲག་པོས་མི་ཉམས་ཤིང༌། །མཆེད་ལྕམ་བླ་མའི་བྱ་བ་ཚུལ་བཞིན་དུ། །སྒྲུབ་ལས་འདས་ཚེ་དགའ་ཞིང་སྙན་པ་ཡིས། །བཟློག་ནས་བརྟུལ་ཞུགས་མཆོག་ལ་འགོད་པར་ཤོག །ནད་ཀྱིས་གཟིར་སོགས་རང་དབང་མ་གྱུར་པས། །གནང་བ་མ་ཐོབ་བཀག་པ་སྤྱད་དགོས་ཀྱང༌། །གུས་བཅས་དགེ་བའི་ཡིད་དང་མ་བྲལ་བས། །རྣམ་སྨིན་རྩུབ་མོའི་རྒྱུ་རུ་མི་འགྱུར་ཤོག །མདོར་ན་དངོས་གྲུབ་སློབ་དཔོན་རྗེས་འབྲང་ཕྱིར། །བླ་མ་དགྱེས་བྱེད་གང་ཡིན་རྟག་ཏུ་སྒྲུབ། །མི་མཉེས་བྱེད་ཀུན་དུག་ལྟར་སྤང་ནས་སུ། །ཐུགས་ཡིད་གཅིག་འདྲེས་མྱུར་དུ་འཚང་རྒྱ་ཤོག །མཐའ་ཡས་འགྲོ་རྣམས་དཔལ་ལྡན་བླ་མ་ཡིས། །རྗེས་བཟུང་ཀུན་གྱིས་མཉེས་པ་ཚུལ་བཞིན་སྒྲུབ། །དཀའ་བ་མེད་པར་རྡོ་རྗེ་འཛིན་པ་ཡི། །གོ་འཕང་མཆོག་ཐོབ་དོན་གཉིས་ལྷུན་གྲུབ་ཤོག །ཅེས་སོགས་སྨོན་ལམ་རྣམ་པར་དག་པས་རྒྱས་གདབ་པར་བྱའོ། །ཡང་སྐབས་འགའ་ཞིག་ཏུ་བླ་མཆོད་ཉིད་གྲངས་བསགས་པའམ། འཇུག་པ་བདེ་བ་འབྲིང་པོའི་ཚུལ་དུ་བྱེད་ན་རྟེན་དང་མཆོད་པ་སོགས་གཞུང་ལྟར་ནས། མཆོད་པ་བྱིན་རླབས་ཚོགས་རྟེན་བསྐྱེད་པ་སྙིང་ཐིག་གསལ་སྒྲོན་རྡོ་རྗེའི་ཚིག་རྐང་དངོས་ཉིད་ཡན་ལག་བདུན་པའི་ཕྱག་ཀྱང་ཅུང་ཟད་བསྡུ་ཆོག་པ་མཆན་གོང་ལྟར་དང༌། མཆོད་ཕྲེང་བཤགས་པ་སོགས། གཞན་དཀྱུས་ལྟར་དང༌། དབང་ལེན་སྐུ་བཞིའི་དབང་ཕྱུག་སོགས་བསྔོ་སྨོན་བཅས་བྱས་ནས་རྒྱས་བསྡུས་མཚམས་པར་འགྱུར་བས་ཤེས་པར་བྱའོ། །སྤྱིར་བླ་སྒྲུབ་རྩ་བ་ཉིད་ཉམས་སུ་བླང་ན་རྡོ་རྗེའི་ཚིག་རྐང་མ་ཉམས་པ་བྱིན་རླབས་ཆེ་ཞིང་དོན་འདུས་པར་ཡོད་བཞིན་རང་བཟོའི་བསྲེ་སླད་མང་པོ་མ་དགོས་ཀྱང༌། བླ་མཆོད་ལ་སོགས་པའི་སྐབས་ཅུང་ཟད་རྒྱས་ན་ལེགས་པའི་ཡན་ལག་ཏུ་བསམ་ནས་བཀོད་པ་ལ་ལྷ་དང་བླ་མ་ཌཱ་ཀིའི་ཚོགས་ཀྱིས་རང་གཞན་གྱི་རྒྱུད་ལ་ཉེས་པའི་རྒྱུར་མི་འགྱུར་ཞིང་ཡེ་ཤེས་གཟིགས་པའི་བྱིན་རླབས་ཁྱད་པར་ཅན་ཐོབ་པར་མཛད་དུ་གསོལ། །འདིས་ཀྱང་ཡེ་ཤེས་ཟབ་མོ་ནམ་མཁའ་ལྟར། །རྒྱུད་ལ་འཆར་བས་ཕན་བདེའི་ཉིན་བྱེད་གསལ། །ཀུན་འབྱུང་མུན་པའི་གོ་སྐབས་འཕྲོག་པའི་མོད། །དགེ་ལེགས་འདབ་སྟོང་གྲོལ་བས་མཛེས་གྱུར་ཅིག །ཅེས་པའང་ཨེ་ཝྃ་ཁང་སར་ཞབས་དྲུང་མཆོག་སྤྲུལ་འཇམ་དབྱངས་ཆོས་ཀྱི་གྲགས་པ་བཀྲ་ཤིས་རྒྱལ་མཚན་དཔལ་བཟང་པོ་དང༌། དད་དམ་རྣམ་པར་དཀར་བ་འཇམ་དབྱངས་སེང་གེ་ཟུང་ནས་ཆེད་དུ་བསྐུལ་བ་ལྟར་རྗེ་བཙུན་བླ་མ་མཆོག་གིས་ཐུན་མོང་མ་ཡིན་པའི་བཀའ་དྲིན་ཆེན་པོའི་རྟག་པར་སྐྱོང་ཞིང་དད་སློབ་ཀུན་གྱི་གྲལ་མཐར་འཁོད་པ་བཀྲ་ཤིས་དཔལ་འབྱོར་རང་བྱུང་འོད་གསལ་ཐུགས་མཆོག་རྡོ་རྗེའི་སྦས་གནས་ཆེན་པོ་འབྲས་ལྗོངས་སྤྲུལ་པའི་ཞིང་གི་ལྟེ་བ་བྲག་དཀར་བཀྲ་ཤིས་ལྡིང་ཞེས་རང་བྱུང་གྲུབ་པ་ཆེན་པོ་དུ་མས་བྱིན་གྱིས་རླབས་པའི་སྨན་ལྗོངས་སུ་ཆོས་རྗེ་འཇམ་པའི་དབྱངས་ཀྱི་དུས་ཆེན་ཉིན་གྲུབ་པར་སྦྱར་བ་འདིས་ཀྱང་འགྲོ་ཀུན་དཔལ་ལྡན་བླ་མའི་ཟབ་གསང་ཡེ་ཤེས་ཀྱི་འཁོར་ལོར་མངོན་པར་བྱང་ཆུབ་པའི་རྒྱུར་གྱུར་ཅིག །དགེའོ། །མངྒ་ལཾ།། །།

[edit]

@#/______/snying thig gsal sgron bla ma mchod pa'i tshul du spros pa'i lhan thabs ngo mtshar nor bu'i phreng ba zhes bya ba bzhugs/ @#/______/chos kyi dbyings klong mkhyen brtse'i blo gros mthu/__/ye shes 'od gsal sprin gyis rab 'byams zhing*/__/mdzes brdal dge legs char gyis srid zhi'i dpal/__/'dod 'jo dpal ldan bla ma rgyal gyur cig__/khyod zhabs dad pa'i bsnyen bkur 'ba' zhig gis/__/mngon mtho nges legs yon tan zad med du/__/stsol phyir rdo rje'i gsung gi gsang ba la/__/mdzes rgyan ngo mtshar nor bu'i phreng ba spel/__/rje btsun bla ma thams cad mkhyen gzigs mchog gi dgongs klong ye shes kyi gsang mdzod las byung ba'i bla ma'i rnal 'byor rdo rje gsang ba'i tshig thun mong ma yin pa snying thig gsal sgron nyid bla ma mchod pa'i tshul du cung zad spros te nyams su len pa'i tshul la gsum/__dang po sbyor ba yo byad kyi shom sa ni/_gnas khang phyag bdar rgyan gyis spras pa'i gung du bla ma'i sku 'bag sogs rten khyad par can gyi mdun maN+Dal steng dri bzang gis sbag pa'i tshom bu gcig bkod pa'i mdun du sman raka gtor gsum/__nyer spyod kyi mchod pa gtsang zhing rgya che ba ji ltar 'byor ba bkod mdzes su bstar/__rang gi mdun du maN+Dal/__rdor dril/__rol mo'i rigs sogs 'du byas te rten dang zhal sprod kyi tshul du 'khod pas/__dad pa dang nges 'byung gi blo bcos/__byang chub sems kyi kun slong dang ma bral bas sgo gsum gcig dril du nyams su len par bya dgos shing*/__de yang skyabs 'gro dang*/__sems bskyed/__tshad med bzhi'i rgyud sbyangs ba rnams gzhung ltar grub pa'i rjes gnas yo mchod rdzas byin gyis brlabs pa ni/__swa b+hA was sbyangs/__stong pa'i ngang las dbyings dang ye shes gnyis su med pa'i cho 'phrul gyi bkod pa snod bcud rnam dag 'og min rdo rje dbyings kyi zhing khams chen po lhun gyis rdzogs pa mnyam zhing mdzes pa'i rin po che'i gzhi dang lhun po'i bkod pa yid du 'ong zhing*/__phyogs kyi khyon dag tu spos chu'i rgyun dal gyis 'bab pa gser gyi bye ma 'dren pa dang*/__mtsho dang rdzing bu ldeng ka du mas brgyan pa/__rin po che sna bdun gyi brag ri dang gangs ris bskor ba/__nags tshal dang me tog gi phreng bas khyab pa la sprul pa'i bya dang ri dwags bung ba'i tshogs rnams bag phebs te rgyu ba/__sa gzhi dang bar snang du nor bu'i sprin dang 'ja' zer gyi drwa ba las mchod pa'i tshogs du ma sgeg cing rgyan dang ldan pa'i lha mo'i tshogs kyis bsti stangs dang bcas ste 'bul ba/__rin po che dang sman dang me tog sna tshogs pa'i char dang*/__gdugs dang rgyal mtshan ba dan du ma phyogs kun nas dkar phyogs kyi lhas bsgrengs ba/__mdor na sangs rgyas dang byang chub sems dpa'i smon lam ting nge 'dzin gyi mthu las byung ba'i dag pa'i zhing chen po bde ba can la sogs pa'i bkod pa tshad med pa bzhin chos kyi dbyings dang mnyam par rtag tu 'byung zhing rgyas par gyur cig__/oM badz+ra ar+g+haM nas/__shab+da AHhU~M dang*/__mchod pa'i sprin gzungs kyang bzla/__oM sarba pany+tsa a mr-i ta AHhU~M:__oM ma hA ba liM ta AHhU~M/__oM ma hA rak+ta AHhU~M/__badz+ra s+pha ra Na khaM/__gnyis pa dngos gzhi gzhung gi rten bskyed/__AH__mdun mkhar 'ja' 'od sogs nas/__chen por gsal/__zhes pa'i bar grub pa'i rjes/__sangs rgyas thams cad kyi ngo bo rigs kun gyi khyab bdag dpal ldan bla ma mchog gi dbu'i spyi bo'i gtsug tu 'jam dbyangs bla ma mkhyen brtse'i dbang po rdo rje gzi brjid rtsal sku mdog dkar gsal rab tu byung ba'i chas ngur smrig gi na bza' can/__phyag g.yas mchog sbyin gyi phyag rgya pus mo g.yas pa'i steng du brkyang bas rdo rje 'dzin cing*/__dril bu dang bcas pa'i phyag g.yon pa mnyam bzhag gi phyag rgya can/__g.yas g.yon gyi phyag las skyes pa'i ut+pa la'i sdong bu 'dab ma snyan gyi thad sor rab tu rgyas pa'i ze'u 'brur g.yas su tshe bum dang*/__g.yon du glegs bam ral gris mtshan pa/__dbu la sde snod rab 'byams 'dzin pa'i paN zhu gsol zhing zhabs rdo rje'i skyil mo krung gis dar zab dmar ser gyi gdan la bzhugs pa'i dbu gtsug tu slob dpon chen po 'jam dpal bshes gnyen paN+Di ta'i chas can phyag g.yas chos 'chad dang g.yon pas mnyam bzhag gi steng glegs bam gyis mtshan pa 'dzin pa'i mdun du o rgyan gyi slob dpon chen po pad+ma saM b+ha wa/__g.yas su rig 'dzin dga' rab rdo rje/__g.yon du slob dpon shrI seng ha sogs zab don man ngag brgyud pa'i bla ma thams cad kyi bskor ba/__gtso bo'i dbu gtsug tu de bzhin gshegs pa thams cad kyi ye shes kyi sku rje btsun 'jam dpal dbyangs gser btso ma'i mdog can ral gri dang glegs bam bsnams pa/__zhabs rdo rje'i skyil krung gis pad zla 'od zer gyi klong na bzhugs pa/__g.yas su 'jam mgon blo gros mtha' yas dang*/__g.yon du mchog gyur bde chen gling pa la dgongs brda snyan brgyud kyi bla mas bskor te bzhugs pa/__de dag gi rigs bdag 'jam dbyangs bla ma mkhyen brtse'i dbang po'i g.yas phyogs su gangs can rgyud sde'i shing rta chen po bi ma la mi tra 'chi med ye shes rdo rje'i sku can ljang ser gzi byin rab tu 'bar ba paN+Di ta'i chas can dar sngon gyi stod g.yog can/__phyag mnyam bzhag gi steng na 'chi med ye shes kyi bdud rtsi'i gang ba'i tshe bum 'dzin pa/__shangs rtser skye med kyi yi ge a dkar pos mtshan pa/__slob dpon bi ma la'i mtha' skor du slob dpon sangs rgyas gsang ba/__paN chen sgeg pa'i rdo rje/__gnubs chen sangs rgyas ye shes/__gnyags dz+nyA na ku mA ra/__rma lo rin chen mchog__/so ye shes dbang phyug__/gsang bdag zur mes dbon gsum la sogs pa snga 'gyur rdo rje theg pa'i shing rta chen po lo paN mkhas grub du mas bskor ba/__g.yon du bod yul sgrub sde'i shing rta mnga' bdag chos kyi rgyal po khri srong lde'u btsan 'khor lo'i bsgyur ba'i chas can phyag mnyam bzhag gi steng gser gyi 'khor lo rtsib stong ldan pa bsnams shing*/__g.yas g.yon du pad+ma'i sdong bu'i steng ral gri dang glegs bam gyis spras pa/__mtha' bskor du mkha' 'gro las kyi dbang mo/__bka' bab rig 'dzin rnam dgu/__rje 'bangs snying gi bu dgu la sogs pa gsang ba rgya mtsho'i mnga' bdag gyur pa'i rig 'dzin grub brnyes mkha' 'gro'i tshogs kyis bskor ba/__gtso mchog bla ma he ru ka chen po'i mdun du kun mkhyen chos kyi rgyal po rgyal ba klong chen rab 'byams la mdo sgyu sems klong man ngag gi brgyud pa dang*/__bka' gter dag snang gi mkhas grub rig pa 'dzin pa'i tshoms bu mtha' yas pa dang bcas pa/__g.yas su 'phags mchog mig mi 'dzum dngos kun gzigs rgyal ba'i dbang po ngag dbang blo bzang rgya mtsho la bka' gdams gsar rnying gi sras byang chub sems dpa' 'brel tshad don ldan gyi skyes bu'i tshogs dang bcas ste bzhugs pa/__rgyab tu gangs can rdo rje 'dzin pa'i rgyal po grags pa rgyal mtshan la gsang chen lam 'bras tshogs slob bka' babs ngo mtshar gsum gyi mkhas grub rnal 'byor gyi skyes bu brgyud pa'i phreng ba bsam mi khyab pas mdzes pa/__g.yon du mnyam med dwags po lha rje la rtogs pa don brgyud kyi ye shes chen po'i gzi brjid dpal du 'bar ba'i bka' brgyud grub pa'i khyu tshogs rab 'byams zhing gi rdul dang mnyam pas bskor ba/__gzhan yang de dag gi bar mtshams su dpal ldan shangs pa bka' brgyud/__dam chos sdug bsngal zhi byed/__zab mo bdud kyi gcod yul/__dpal ldan dus kyi 'khor lo/__rdo rje'i bsnyen sgrub kyi rnal 'byor sogs sgrub brgyud shing rta chen po brgyad dang*/__gangs can bshad pa'i bka' srol bcu la sogs pa rgyal bstan rin po che 'dzin spel skyong ba'i skyes chen gyi ris su ma chad pa'i tshogs thams cad rig 'dzin bla ma'i gsang gsum ye shes sgyu 'phrul drwa ba'i bkod pa dngos gcig du ma'i cho 'phrul 'byams klas pas mdzes pa'i mtha' bskor du rgyud sde drug gi yi dam dkyil 'khor gyi lha tshogs/__sangs rgyas dang byang chub sems dpa'/__gnas gsum gyi dpa' bo mkha' 'gro/__rdo rje'i chos skyong ba'i srung ma'i tshogs dang bcas pa dwangs ba'i mkha' la char sprin dkrigs pa ltar chos kyi dbyings dang mnyam par 'byams klas pa'i bkod pa chen po lhun gyis grub pa mngon sum bzhin du bzhugs par gyur/__de ltar gsal ba'i lha tshogs rnams kyi gnas gsum du de bzhin gshegs pa thams cad kyi sku gsung thugs rdo rje'i ngo bo 'bru gsum gyi mtshan pa las gyur ba'i 'od zer dang*/__mos gus gdung ba'i shugs kyis sku gsum dag pa'i zhing khams rab 'byams nas bla ma rgyal ba sras dang bcas pa spyan drangs te mdun gyi nam mkhar bzhugs pa'i rig 'dzin bla ma'i lha tshogs rnam dang gnyis med du bzhugs par gyur/__zhes gsal btab ste bla sgrub gzhung gi spyan 'dren tshang bar btang rjes/__oM/__rab 'byams zhing gi rgyal ba sras dang bcas/__/dpal ldan bla ma'i ye shes cho 'phrul te/__/gang 'dul sgyu 'phrul drwa ba'i bkod pa kun/__/dad ldan mos pa'i gnas 'dir gshegs su gsol/__/ngo bo gshegs bzhugs spros pa mi mnga' yang*/__/rnam pa thugs rjes yul la 'jug pa'i mthu/__/dad ldan mos pa'i snang ngor gang 'dul gar/__/'gag med cir yang 'char bas gshegs su gsol/__/mkhyen brtse nus pa'i phrin las rmad byung bas/__/snyigs dus sangs rgyas mdzad pa mngon sum can/__/rtag tu mi 'bral dgongs pas byin brlabs te/__/rdo rje'i ye shes chen por ro gcig mdzod/__/oM sarba ta thA ga ta ma hA gu ru maN+Da la sa pa ri wA ra e h+ye hi badz+ra sa ma ya dzaH__mos gus mchod sprin bsam mi khyab pa'i dbus/__/dad pa'i 'dab stong bkra ba'i ke sa raH__tshogs gnyis rin chen seng ge'i khri rkang steng*/__/dgyes shing mi g.yo brtan par bzhugs su gsol/__/sa ma ya tiSh+Tha lhan:__pad+ma ka ma la ya s+t+wa~M/__de nas bsags sbyang gi snying po yan lag bdun pa rgyas par 'bul ba la dang po phyag 'tshal ba ni/__grub na lus phyag dngos su 'tshal ba dang bcas/__yid 'ong rdzing bu'i nang na gnas pa yi/__/'char ka'i pad+ma kha 'bus bye 'dra ba/__/lag gnyis spyi bor thal sbyar bstod dbyangs bcas/__/lus dpag med pa sprul nas gus phyag 'tshal/__/bla ma mnyam med sangs rgyas rin po che/__/dus gsum bde gshegs sras bcas thams cad kyi/__/sku gsung thugs kyi rang bzhin byin brlabs pa/__/bka' drin chen po'i zhabs la phyag 'tshal lo/__/phyogs dus sangs rgyas kun gyi ye shes sku/__/dam chos char 'bebs dge 'dun 'dus pa'i gtso/__/yi dam mkha' 'gro chos skyong rgya mtsho'i dngos/__/dpal ldan bla ma'i zhabs la phyag 'tshal lo/__/gdul dka' snyigs ma skyobs pa'i ded dpon mchog__/khyod ni sangs rgyas kun gyi gsang mdzod 'dzin/__/zab rgyas chos sgo 'byed dang sdud la dbang*/__/bstan pa'i nyin byed mchog la phyag 'tshal lo/__/skyes rabs du ma'i thugs bskyed mdzad pa ni/__/rab 'byams zhing du chos kyi sgron me sbar/__/rgyal kun phrin las shing rta'i kha lo pa/__/phan bde'i rtsa lag chen por phyag 'tshal lo/__/ston pas legs gsung dam chos bdud rtsi'i mtsho/__/phyogs su ma lhung gsan bsam gru yis brgal/__/thub bstan nor bu'i 'byor pas yongs su phyug__/bstan pa'i mnga' bdag mchog la phyag 'tshal lo/__/srid gsum che dgu'i 'byor pa mtha' dag las/__/chos kyi nying khu mchog tu gces pa ru/__/gzigs nas chos tshul 'dzin dang spel ba'i mthus/__/don gyi shing rta chen por phyag 'tshal lo/__/dbyings na bzhugs pa'i rgyal ba sras dang bcas/__/lha dang DA kis dngos su byin gyis brlabs/__/thun min chos kyi sgo gtad dgongs don gyi/__/gting dpog bdag por gyur la phyag 'tshal lo/__/zab don bdud rtsi'i nying khu'i thugs la sim/__/nye brgyud bka' bab lam srol 'dod dgur dbye/__/skal bzang yid kyi shing rta yongs gang bas/__/rdzogs ldan dang por bzhad la phyag 'tshal lo/__/bla mchod 'bring po'i skabs 'di nas 'og gi rtags bar bzhag kyang rung ngo*/__/ma bcos spros bral bla ma chos kyi sku/__/bde chen longs spyod bla ma chos kyi rje/__/pad sdong las 'khrungs bla ma sprul pa'i sku/__/sku gsum rdo rje 'chang la phyag 'tshal lo/__/rang bzhin lhun grub 'od gsal 'dus ma byas/__/ma bcos ka dag zung 'jug rol pa'i ngang*/__/dgongs pa brda dang snyan khungs gter la sogs/__/dgu ldan brgyud pa rnams la phyag 'tshal lo/__/skyes bu gsum gyi lam gyi rgyud sbyangs nas/__/mtha' yas sems can bde la 'god mdzad pa'i/__/dpal ldan jo bo rje la sogs pa yi/__/bka' gdams brgyud pa rnams la phyag 'tshal lo/__/snang gsum brgyud gsum snyan brgyud man ngag gis/__/dbu mar 'gros bzhi thim nas mchog brnyes pa/__/dbang phyug birawa pa la sogs pa yi/__/lam 'bras brgyud pa rnams la phyag 'tshal lo/__/rdo rje'i lus la rlung sems rten 'brel 'grigs/__/dga' bzhi ye shes bde stong gar gyi rol/__/zung 'jug 'od gsal 'gro 'ong med par rtogs/__/mar pa bka' brgyud rnams la phyag 'tshal lo/__/sgyu lus rmi lam zab mos rgyud sbyangs nas/__/zung 'jug phyag rgya che la mnga' brnyes pa'i/__/mkhas grub khyung po rnal 'byor la sogs pa/__/shangs pa bka' brgyud rnams la phyag 'tshal lo/__/thabs shes rten 'brel lam gyis rgyud sbyangs nas/__/phyi nang 'gal rkyen chos sku chen por rtogs/__/rje btsun dam pa rgya gar la sogs pa'i/__/zhi byed brgyud pa rnams la phyag 'tshal lo/__/sbyang bya med pa'i don la rgyud sbyang nas/__/ro snyoms spyod pas gang byung thad kar spyod/__/ma gcig lab kyi sgrol ma la sogs pa'i/__/gcod yul brgyud pa rnams la phyag 'tshal lo/__/mi g.yo gsum ldan rdo rje'i rnal 'byor gyis/__/rlung sems dag pa'i rtags bcu mngon du gyur/__/d+hU ti'i lam sbyangs 'od gsal ngang la bzhugs/__/sbyor drug brgyud pa rnams la phyag 'tshal lo/__/sku yi rdo rje'i gnad kyis rgyud sbyangs bas/__/gsung gi rdo rjes rlung sems dbu mar zhugs/__/thugs kyi rdo rjes ye shes sku bsgrub pa/__/bsnyen sgrub brgyud pa rnams la phyag 'tshal lo/__/mdor na ngo mtshar chos kyi chu klung 'bum/__/khyod las spro zhing gcig tu 'dus pa'i srog__/lung rtogs dbyig gi gter gyis phyur bur gang*/__/yongs rdzogs bstan pa'i mnga' bdag phyag 'tshal lo/__/khyad par pad+ma'i ring lugs dngo~Ms gtera~M gyi/__/gsang ba rmad byung gser gyi rtsis stong can/__/snyigs ma'i rgud sel chos nor 'dod dgu'i rdzas/__/thogs med yid bzhin stsol la phyag 'tshal lo/__/o rgyan rje 'bangs 'dus pa'i smon lam dang*/__/thugs bskyed mthus bskrun chos kyi sgo rab 'byams/__/slar yanga~M bod yul bstan 'gro'i rgud sel gte~Mr/__/spel ba'i khyim bdag mchog la phyag 'tshal lo/__/rig stong dgongs rtsal rdzogs pa'i snying stobs kyis/__/legs blang mkhyen brtse nus pa'i mtshon cha yis/__/dbang 'byor dgonga~Ms gte~Mr nam mkha' mdzod chen po'i/__/skal ngan g.yul ngo bzlog la phyag 'tshal lo/__/chos rgyun ting 'dzin lang tsho'i kun dga'i tshal/__/rtsa gsum dgyes pa'i rtsed 'jo'i rol pa las/__/mtha' zlas chos kyi dga' ston sna tshogs pas/__/dbugs dbyung dga~M snanga~M chos brnyes phyag 'tshal lo/__/gsang ba rmad byung snying po'i lus stobs rgyas/__/snyana~M brgyuda~M gdams pa'i rin chen rgyan gyis sgeg__/nges pa'i lam bzang bgrod la mi ngal bas/__/dngos grub gter mchog sbyin la phyag 'tshal lo/__/skyes rab gling bzhi'i khyon nas legs blang ba'i/__/gsang ba rjesa~M su drana~M pa'i dpal 'byor gter/__/gzungs spobs blo gros snang bas ma nyams bar/__/tshul bzhin stsol bar mdzad la phyag 'tshal lo/__/thub dbang pad+ma'i ring lugs ri dbang la/__/sngon med rnam thar nyi zlas g.yas su bskor/__/bka' bab rin chen bdun gyi mnga' thang can/__/'jam mgon bla ma'i zhabs la phyag 'tshal lo/__/phyogs bcu'i rnam 'dren kun las 'ja~Mm dpal dbyanga~Ms/__/rnam thar dpal gyi che bas ches 'phags pa'i/__/ngang tshul ma sbas rtsod dus mun pa'i gshed/__/mkhyena~M brtse~M'i dba~Mng phyug gyur la phyag 'tshal lo/__/srid pa las 'das rgyal sras ngang tshul gyi/__/sgyu 'phrul bkod pa'i zlos gar kun gyi phul/__/chosa~M kyi~M srog 'dzin blo~M grosa~M spob pa'i mthu/__/'gran bral bshes gnyen chen por phyag 'tshal lo/__/las nyon mi gtsang rnyogs pa'i mtshor byings shing*/__/sdug bsngal 'bu srin 'khrugs pas nyams nga ba'i/__/bdag sogs thar 'dod nyin byed 'dren pa'i bdag__/bka' drin mnyam med bla mar phyag 'tshal lo/__/rgyal ba rgya mtsho'i sku dang srog gis kyang*/__/yun ring sgrub pa'i chos kyi sgo mtha' dag__/lhug par bstsal bas dbugs 'byin chos kyi rje/__/sangs rgyas las kyang lhag khyod phyag 'tshal lo/__/sangs rgyas sras kyi gdul bya'i yul min pa'i/__/rmu rgod bdag cag brtse bas rjes 'dzin zhing*/__/thar grol sgo 'phar yangs por 'byed mdzad pa'i/__/rnam 'dren 'khor lo'i bsgyur rgyal phyag 'tshal lo/__/snying nas dad pa'i rlabs kyis legs bskul ba'i/__/gus phyag 'khri shing zhing gi khyon 'gengs pa'i/__/zlos gar sgo gsum 'jug pa gcig dril bas/__/mi phyed gus pa chen po'i phyag 'tshal lo/__/nges pa'i don du bla ma rang gi sems/__/rig stong gnyug ma mi phyed rdo rje'i dbyings/__/gdod nas 'du 'bral med pa'i gnas lugs kyi/__/rang zhal mngon sum mjal bas phyag 'tshal lo/__/bla ma mchog dang rang rig don gyi dbyings/__/bzang ngan blang dor yul du ye mi gnas/__/kun kyang mi gnas chos sku'i dkyil 'khor du/__/mngon sum lhun gyis grub pas phyag bgyi'o/__/oM sarba ta thA ga ta rat+na gu ru maN+Da la sa pa ri wA ra kA ya wAk+tsit+ta pra Na me Na b+han+d+ha naM ka ro mi:__zhes phyag bya/__khrid yig ye shes gsal sgron dgongs pa ltar nyams chags bshags pa gtso bor byed na skabs 'dir na raka skong bshags kyi/__e ma hoH__phyogs bcu dus bzhi kun gyi bdag nyid che:__sogs nas/__zhi khro'i lha tshogs mtshan nas brjod zhes pa'i bar btang zhing lus phyag kyang 'tshal/__gnyis pa mchod pa 'bul ba'i yan lag ni/__oM/__snang srid ma lus bla ma'i dkyil 'khor che/__/snod bcud kun bzang rdo rje'i longs spyod sprin/__/chos dbyings mu mtha' med par rgyas 'gengs ba'i/__/ye shes rol pa'i 'khor lo mchog tu gyur/__/na maHsarba ta thA ga ta b+h+yo bi shwa mu khe b+h+yaHsarba thA khaM utag te s+pha ra Na i maM ga ga na khaM swA hAH__lan gsum/__badz+ra s+pha ra Na khaM/__zhes pa'i mchod sprin spro bas/__rang don yid byed rnyogs bral sems mchog mtshor/__/gzhan phan mu tig sbu phreng rlabs kyis sgeg__/tshogs gnyis bdud rtsi'i ro bcud phun tshogs pas/__/rgyal sras dbang phyug dpal ldan bla ma mchod/__/oM gu ru sarba ta thA ga ta sa pa ri wA ra ar+g+haM pra tIts+tsha swA hA/__dbang dang stobs bcu'i phyag zhabs sor mo'i khyon/__/'od zer drwa bas 'brel ba dag byed chab/__/rgyud gsum rnam dag rdo rje'i zhabs bsil gyis/__/rnal 'byor dbang phyug dpal ldan bla ma mchod/__/oM gu ru sarba ta thA ga ta sa pa ri wA ra pad+yaM pra tIts+tsha swA hA/__nges 'byung gsher ldan kun dga'i do ra'i ngogs/__/mos gus ge sar rab rgyas zil mngar phyug__/nyams rtogs 'dab stong rnam bkra'i me tog tshal/__/grub brgya'i ded dpon dpal ldan bla ma mchod/__/oM gu ru sarba ta thA ga ta sa pa ri wA ra puSh+pe pra tIts+tsha swA hA/__rdo rje'i dbang bzhi'i ljon bzang las skyes pa'i/__/rim gnyis dngar po'i gsung gi rdzi phyogs kyis/__/kun tu sim ster lhan skyes sbyar ba'i spos/__/rtog pa'i dbang phyug dpal ldan bla ma mchod/__/oM gu ru sarba ta thA ga ta sa pa ri wA ra d+hU pe pra tIts+tsha swA hA/__dam chos rtsi bcud reg pas legs bskrun pa'i/__/sdug bsngal mun tshogs zhi byed 'od brgya'i phreng*/__/kun tu snang ba dam pa'i gter chen po'i/__/'khrul pa rang grol dpal ldan bla ma mchod/__/oM gu ru sarba ta thA ga ta sa pa ri wA ra A lo ke pra tIts+tsha swA hA/__mchog tu mi 'gyur bde ba'i kat+pu ra/__/rnam kun mchog ldan dbyings su sim pa'i rgyun/__/kun khyab rdo rje'i dri mchog dam pa'i phul/__/dang po'i sangs rgyas dpal ldan bla ma mchod/__/oM gu ru sarba ta thA ga ta sa pa ri wA ra gan+d+he pra tIts+tsha swA hA/__snang stong mi phyed rdul bral rin chen snod/__/rdo rje nA da ro brgya'i bza' btung bskyil/__/mkha' khyab lhan skyes ye shes zhal gyi zas/__/rdo rje sems dngos dpal ldan bla ma mchod/__/oM gu ru sarba ta thA ga ta sa pa ri wA ra nai wi d+ya pra tIts+tsha swA hA/__smin byed dbang bzhi'i zab don rdo rje'i glu/__/rim gnyis lam gyi tam+bu rar sbyar bas/__/dngos grub dga' ston 'gugs pa'i rol mo'i mchod/__/rig 'dzin rgyal po dpal ldan bla ma mchod/__/oM gu ru sarba ta thA ga ta sa pa ri wA ra shab+da pra tIts+tsha swA hA/__zhes thun mong nyer spyod kyi mchod pa dang*/__zhu bde'i 'jo sgeg gzugs dang sgyu ma'i sgra/__/'khrul rtog kun sbyangs dri mchog 'od gsal bcud/__/rlung sems dag pa'i reg bya chos dbyings rgyan/__/rdo rje'i 'dod pa'i yon tan rgya mtsho 'bul/__/oM gu ru sarba ta thA ga ta sa pa ri wA ra pany+tsa kA ma gu Na pra tIts+tsha ho/__gang dang 'phrad pas rgyal sras chos kyi zhabs/__/'dod dgur dbang byed phun tshogs bsod nams mthus/__/legs bskrun rgyal srid rin chen rnam pa bdun/__/byang chub yan lag rdzogs pa'i tshul du 'bul/__/oM gu ru sarba ta thA ga ta sa pa ri wA ra sap+ta rat+na pra tIts+tsha ho/__phul byung yon tan bye ba'i bkod pa 'bum/__/ches cher mdzes pa'i bde gshegs rin chen gling*/__/myur bgrod 'phags lam yan lag brgyad rdzogs pa'i/__/bkra shis rtag mchog brgyad kyis bla ma mchod/__/oM gu ru sarba ta thA ga ta sa pa ri wA ra aSh+Ta mang+ga la pra tIts+tsha ho/__phun sum tshogs pa'i rdzu 'phrul mthu sbyin pa'i/__/ting 'dzin bkod pa'i khyad par las byung ba'i/__/ngo mtshar rnam thar brgyad kyi rang gzugs che/__/bkra shis grub pa'i rdzas mchog rnams kyis mchod/__/oM gu ru sarba ta thA ga ta sa pa ri wA mang+ga la dra bya pra tIts+tsha ho/__smon lam dpag bsam ljon pa'i dga' tshal ngang*/__/tshogs gnyis rin chen dbyig gi gter kha rdol/__/gzungs dang ting 'dzin gter gyi bum pa bzang*/__/zag med 'byor pa rgya mtsho'i yongs su mchod/__/oM gu ru sarba ta thA ga ta sa pa ri wA ra ma hA pU dza pra tIts+tsha ho/__zhes khyad par gyi mchod pa dang*/__skabs 'dir maN+Dal tshoms bu so bdun ma dang*/__oM AHhU~M/__bdag dang mtha' yas sogs maN+Dal bsdus pa bla sgrub gzhung las 'byung ba ltar grangs bsags/__phung khams sgyu ma rdo rje bkod pa'i lha/__/dbyings rig drwa ba sdom pa'i cho 'phrul che/__/snang stong mi phyed mkha' khyab dam tshig rdzas/__/ye shes lnga ldan bdud rtsi'i phud kyis mchod/__/ma hA a mr-i ta khA hi/__srid rtsa 'khrugs pa'i ru tra sde dang bcas/__/rnam thar sgo gsum mkha' ru bsgral ba'i rdzas/__/rang shar srog stsol dag pa'i nA da'i dpyid/__/gzhom med rdo rje'i ru d+hi ra yis mchod/__/ma hA rak+ta khA hi/__mtshan 'dzin kun bral dbyings kyi b+hany+dza ru/__/gtad med 'od gsal chos sku'i gtor chen bshams/__/cir snang ye shes rgyan gyi longs spyod che/__/thugs kyi rdo rje'i dkyil 'khor dbang phyug mchod/__/ma hA ba ling+ta khA hi/__zhes nang gsang sngags bla med kyi dam tshig rdzas kyi mchod pa dang*/__brgyad gnyis lang tsho'i me tog 'khri shing ni/__/dga' bzhi'i sgyu rtsal gsar pas g.yo dang bcas/__/pi waM gling bu rnga zlum rdza rnga can/__/rdo rje'i lha mos sku yi dkyil 'khor mchod/__/oM badz+ra wi ni hU~M:__oM badz+ra waM se trA~M:__oM badz+ra mr-i taM gi hrIH__oM badz+ra mu rany+dza AH__blta na sdug pa'i gzugs kyi brtan pa ni/__/mchog dga'i nor bu'i me long 'phos pa'i gar/__/sgeg bzhad glu dang gar gyi nyams 'gyur gyis/__/rdo rje'i lha mos gsung gi dkyil 'khor mchod/__/oM badz+ra la s+yA hU~M/__oM badz+ra mA le trA~M/__oM badz+ra gIrti hrIH__oM badz+ra nIrti AH__gzhon mdzes mtshar sdug rdzogs pa'i ri dwags can/__/khyad par dga' ba'i gzugs kyi re khAs bkra/__/me tog bdug spos mar me dri chab kyis/__/rdo rje'i lha mos thugs kyi dkyil 'khor mchod/__/oM badz+ra puSh+pe hU~M/__oM badz+ra d+hU pe trAM/__oM badz+ra A lo ke hrIH__oM badz+ra gan+d+he AH__lang tsho'i kun tu myos pa'i mig yangs ma/__/lhan cig skyes dga'i sgyu rtsal cir yang ston/__/gzugs reg ro dang chos kyi dbyings mtshon pa'i/__/rdo rje'i lha mos ye shes dkyil 'khor mchod/__/oM badz+ra rU pa oM/__oM badz+ra rA sa hrIH_oM badz+ra spar+she trA~M/__oM badz+ra d+harma d+hA tu a/__zhes yang gsang rdo rje'i mchod pa bcas dgyes dgur bstabs la/__ngo bo brjod 'das nam mkha'i klong*/__/rang bzhin 'od gsal longs spyod rdzogs/__/thugs rje'i 'gro kun yongs la khyab/__/skyabs mchog dpal ldan bla ma bstod/__/snying rje'i klong du ye nas grol/__/gsal snang zhing khams chen por rgyas/__/thams cad mnyam sbyor nam mkha'i ngang*/__/dpe bral khyod la phyag 'tshal bstod/__/ye nas kun bzang rol ba'i ngang*/__/khyod ni rtag tu mnyam bzhag kyang*/__/nor bu ji bzhin gzhan don mdzad/__/yid bzhin khyod la phyag 'tshal bstod/__/ting nge 'dzin dang mngon shes kyis/__/gdul bya'i 'jig rten ma lus kun/__/gdod ma'i dbyings su khrid mdzad pa/__/ded dpon khyod la phyag 'tshal bstod/__/'khor bar mgon med rab 'khyams shing*/__/sdug bsngal rgya mtsho'i klong yangs las/__/sgrol bar mdzad pa'i gru bo che/__/brtse chen khyod la phyag 'tshal bstod/__/las dang nyon mongs 'khrul 'khor gyis/__/yun ring srid par dub pa la/__/spang gnyen rang grol mngon sum lam/__/ston mchog khyod la phyag 'tshal bstod/__/gang zhig mthong bas rab dad cing*/__/thos pas the tshoms drwa ba gcod/__/reg pas byin rlabs dngos grub 'byung*/__/mtshungs bral khyod la phyag 'tshal bstod/__/mdor na srid zhi'i legs tshogs kun/__/khyod mtshan thos dang dran pas kyang*/__/yid bzhin rjes su stsol mdzad pa'i/__/dpal mgon bla mar phyag 'tshal lo/__/gang zhig khyod sku mthong ba dang*/__/khyod gsung thos dang 'dzin pa yi/__/'gro ba de dag kun la yang*/__/rtag tu bdag ni phyag 'tshal lo/__/zhes bstod pa'i dbyangs kyis kyang dgyes pa bskyed/__gsum pa sdig bshags sogs yan lag lhag ma rnams ni/__sngar na raka bskang bshags sbyar na/__AH__bdag gi spyi bor pad zla'i steng:__bla ma rdor sems he ru ka:__yab yum thugs ka'i sngags phreng dang:__sku las byang sems bdud rtsi'i rgyun:__sbyor mtshams nas byung tshangs bug zhugs:__lus gang sdig sgrib nyes ltung rgyu:__'bras bu nad gdon sdug bsngal kun:__dag cing dri ma med par bsam:__zhes brjod la yig brgya bsags mthar/__gal te na raka skong bshags dang ma 'brel na 'og gi bshags pa 'di kho nas chog go__/dus gsum sangs rgyas thams cad kyi ngo bo bla ma dam pa dang phyogs bcu'i rgyal ba sras dang bcas pa dgongs su gsol/__/bdag ming 'di zhes bya ba thog mar 'khrul pa nas bzung ste dus de ring la thug gi bar du ma rig pa'i gzhan dbang du song ste/__kun 'byung gi nye bar len pas nyon mongs pa 'dod chags dang*/__zhe sdang dang*/__gti mug mngon par 'du byas te/__lus kyi sgo nas srog bcad pa dang gsod sems skyes pa dang*/__ma byin pa blangs pa dang*/__'dod pas log par g.yem pa'i rigs/__ngag gi sgo nas brdzun/__phra ma/__tshig rtsub/__ngag 'khyal/__yid kyi sgo nas brnabs sems gnod sems log lta ste mi dge ba bcu/__de bzhin gshegs pa'i sku la ngan sems kyi khrag 'byin pa sogs mtshams med pa lnga/__de dang nye ba lnga la sogs pa ste mi dge ba'i phyi mo rnams kyi steng*/__bcas pa'i khrims dge bsnyen dang*/__dge tshul dang*/__dge slong ste so so thar ba'i sdom pa rigs bdun la pham ltung dang nyes byas byung ba dang*/__byang chub sems dpa'i smon 'jug gi bslab bya spyi dang*/__rtsa ltung dang sbom po'i rnam grangs tha dad pa dang 'gal ba dang*/__khyad par du rig pa 'dzin pa'i tshul khrims kyi bslab pa'i gzhi las/__rdo rje theg pa'i 'dul ba dang 'gal ba'i nongs pa bla ma smod pa la sogs pa'i rtsa ba'i ltung ba bcu bzhi dang*/__yan lag sbom po'i rnam grangs brgyad las pham pa dang*/__kha na ma tho ba'i mthus bcom te gsang sngags kyi dam tshig spyi dang bye brag pa phra zhib srung dka' ba las 'das pa thams cad dang*/__rang bzhin du nyon mongs pa'i gzhan dbang gis sems zil gyis non nas dkon mchog gsum dang bla ma la brnyas pa dang*/__dam pa'i chos spang ba dang*/__mkhan po la ma gus pa dang*/__byang chub sems dpa' la bskur ba btab pa dang*/__pha ma'i drin lan ma btsal ba dang*/__dkon mchog dkor phrog pa dang*/__tshangs par mtshungs spyod sun phyungs ba dang*/__bsam gtan sgom pa'i thugs dkrugs pa dang*/__dge ba can gyi tshogs bcags pa dang*/__dad pa can sun phyungs ba dang*/__rgyu 'bras la bskur ba btab pa dang*/__sems can la gnod pa'i las byas pa dang*/__khrel dang ngo tsha spangs ba la sogs te mdor na sdig pa mi dge ba'i las rang gis bgyis pa dang*/__gzhan la byed du bcug pa dang*/__byas pa la rjes su yi rang ba la sogs pa de dag kyang rtag pa'i sems dang*/__mngon par zhen pa dang*/__gnyen po stobs zhan pa dang*/__yul khyad par can dang*/__gzhi las byung ba la sogs pas kha na ma tho ba chen por gyur pas mtshon/__mdor na mngon par mtho ba dang nges par legs pa'i go 'phang thob pa la bar du gcod cing*/__'khor ba dang ngan song gi rgyur gyur pa thams cad sangs rgyas dang byang chub sems dpa' kun tu thogs med kyi gzigs par ldan pa rnams kyi spyan sngar shin tu gnong zhing 'gyod pas mthol lo bshags so/__/sngon chad ni bka' las 'das so/__/da ni nyes par mthong ba lags pas mi 'chab bo/__/mngon gyur du sgrogs pas mi sbed do/__/phyin chad srog la bab kyang sdom lags so/__/mgon po thugs rje chen po dang ldan pa rnams kyis sdig ldan bdag la dgongs shig__/deng bdag gi 'gyod tshangs dang du ma bzhes na skyabs med do/__/mgon med do/__/dpung gnyen dang bral lo/__/de bas na sems can nyon mongs pa'i gzhan dbang can la dgongs te tshangs par bstsal du gsol/__/hoH__zhi khro rab 'byams dgongs su gsol sogs na raka skong bshags/__bshags bya bshags byed gnyis med grol:__zhes pa'i bar dang*/__rdor sems sgom bzlas 'jug gi/__oM/__bla ma dpal ldan rdo rje sems:__bdag la re sa khyed las med:__thugs rje'i spyan gyis gzigs mdzod la:__nyams chags sdig ltung sbyong mdzad gsol:__bdag cag nyon mongs gzhan dbang dang:__mi shes bag med ma gus pas:__rang bzhin kha na ma tho dang:__bcas pa'i bslab las 'gal ba kun:__dag cing tshangs par bstsal du gsol:__khyad par rdo rje'i theg pa yi:__rtsa ba sku gsung thugs mchog dang:__yan lag dam tshig nyi shu lnga:__med phyal gcig tu lhun grub sogs:__rang bzhin lta ba'i dam tshig las:__nyams 'gal ral bar gyur pa kun:__snying nas 'gyod pas mthol bshags na:__sgribs med tshangs pa'i dngos grub stsol:__nyid dang dbyer med byin rlobs shig:__snying nas gdungs pas gsol btab pas:__bla ma rdo rje sems dpa' yis:__sdig ltung dag pa'i gnang ba bstsal:__dgyes pas 'od zhu rang la thim:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__chos kyi sku la gnyis su med:__ye srung thig le nyag gcig ngang:__spang blang las 'das phyal ba che:__rang byung rang shar lhun gyis grub:__nyams chags rtog sgrib dbyings su grol:__ma bcos rdzogs pa chen pa'o:__a a aH__na raka skong bshags kyi/__hU~M:__chos kyi dbyings nyid sogs klong bshags tshang bar sbyar/__rdzogs sangs rgyas dang byang chub sems dpa' dang*/__/'phags gnyis so so'i skye bo ma lus pa'i/__/dus gsum dge ba bgyis dang bgyid bstsal dang*/__/bgyid par gyur pa kun la rjes yi rang*/__/glo bur nyon mongs dang ldan sems can rnams/__/khams de'i rang bzhin dag pa mthong bya'i phyir/__/phyi nang gsang ba bla na med pa yi/__/chos kyi 'khor lo rmad byung bskor du gsol/__/sangs rgyas 'jig rten nyi ma gang du byon/__/'gro ba'i gnyen gyur sras dang bcas pa kun/__/srid pa'i mun nag 'thib po bsal slad du/__/'gro ba ji srid sgron me mdzad par gsol/__/yon tan dge 'os rgyal ba'i byang chub mchog__/skye rgu kun gyis thob par bya ba'i phyir/__/bsod nams phung po yongs su bsngo bgyis pa/__/'gro kun thar pa'i grong du phyin par shog__/zhes grub na yan lag bdun pa rgyas pa dang*/__bla sgrub dkyus kyi yan lag bdun pa grang bsags pa spel te bya/__de nas gsol 'debs dngos la rje bla ma rdo rje 'chang gi zhal gsung ma skyes phreng gsol 'debs rgyas bsdus gnyis dang*/__gsol 'debs lha yi rnga chen rnams kyang sbyar/__gzhung gi gsol 'debs nyid grang bsags pa dang bcas te mos gus rtsal du bton pas gsol ba brtse gcig tu gdab/__gzhan yang sdom gsum brgyud pa'i gsol 'debs dang sgrub brgyud shing rta brgyad kyi gsol 'debs sogs dgos pa dang 'brel na sbyar du rung la/__mthar mtshan sngags kyang bzla/__de dag gi skabs su nyams len gyi snying po mos gus yin pas khrid gzhung las 'byung ba ltar gnad du brdeg pa cis kyang gal che/__thun mthar na raka bskang bshags kyi sman raka gtor ma mar me'i skong ba dang smon lam/__tshogs kyi mchod pa bcas rgyas par bya/__bla ma'i rnal 'byor cho ga grang bsags sogs kyi skabs 'di nas gzhung gi dbang len bsdus pa sbyar/__slar yang skyabs sems nas brtsams dkyus la 'jug grangs rdzogs pa dang*/__dbang len rgyas par byas pas grub pa'o/___/dbang len dkyus ltar ram/__cung zad rgyas par mos na/__sku bzhi'i dbang phyug rgyal ba rdo rje 'chang*/__/bdag sogs 'gro la thugs rje'i nyer dgongs nas/__/bum gsang shes rab ye shes de kho na'i/__/ye shes mchog gis bdag rgyud gtams par mdzod/__/zhes gsol ba btab pas/__bla ma'i dpral ba'i oM dkar po las 'od zer 'phros/__rang gi spyi bor thim pas bum pa'i dbang thob/__rags pa lus kyi sgrib pa dag__/lam bskyed rim dbyibs kyi rnal 'byor bsgoms pa la dbang*/__'bras bu sku rdo rje thob pa'i skal pa can du byas/__mgrin pa'i AHdmar po las 'od zer 'phros/__rang gi mgrin par thim pas gsang dbang thob/__ngag rags pa'i sgrib pa sbyangs/__lam rtsa rlung gtum mo bsgoms pa la dbang*/__'bras bu gsung rdo rje longs sku thob pa'i skal ba can du byas/__thugs ka'i hU~M mthing ga las 'od zer 'phros/__rang gi snying gar thim pas sher dbang thob/__yid rags pa'i sgrib pa dag__/lam thig le'i rnal 'byor sgoms pa la dbang*/__'bras bu thugs rdo rje chos sku thob pa'i skal ba can du byas/__slar yang 'bru gsum las 'od zer dkar dmar mthing gsum gcig char du 'phros/__rang gi gnas gsum du gcig char du thim pas dbang bzhi pa thob/__kun gzhi'i sgrib pa phra ba dang bcas pa dag__/lam rdzogs pa chen po khregs chod thod rgal bsgoms pa la dbang*/__'bras bu ye shes rdo rje ngo bo nyid kyi sku thob pa'i skal pa can du byas par mos la dbang don gyi ye shes bskyangs/__bla ma he ru ka dpal nyid:__dgyes pa chen po'i rang la thim:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__zhes pa'i don la mnyam par bzhag__/snang ba'i dngos kun mkha' khyab ye shes sku/__/sgra grags gzhom med rdo rje'i dbyings su rdzogs/__/dran rtog rang grol bde stong nam mkha'i dkyil/__/rdo rje gsum gyi ngo bor e ma ho/__/zhes snang srid bla ma'i dkyil 'khor du dag pa chen po'i lam khyer bya/__gzhung gi bsngo smon shis brjod dang*/__legs pa'i yon tan thams cad 'byung ba'i gnas/__/dus gsum rgyal ba sras bcas bskyed pa'i yab/__/sangs rgyas kun las lhag pa'i bka' drin can/__/dpal ldan bla ma'i zhabs la phyag 'tshal lo/__/rigs brgya'i khyab bdag drug pa rdo rje 'chang*/__/snyigs dus slob dpon gzugs su rnam par rol/__/mkhyen brtse nus pa'i mnga' bdag chos kyi rje/__/thar pa'i lam 'dren de la gus pas 'dud/__/ma rig mun sel nyin mor byed pa ste/__/nyon mongs gdung sel zla ba'i dkyil 'khor mchog__/dgos 'dod kun 'byung nor bu rin po che/__/bde chen srog ster bdud rtsi'i rgya mtsho nyid/__/phyogs bcu'i rnam 'dren slob mar bcas pas kyang*/__/khyod la mchod cing bsnyen te mdun nas bsngags/__/khyod kyis bzung rnams gtan bde'i dpal la sbyor/__/ngan 'brel tsam yang 'khor ba mtha' can mdzad/__/khyod la ma brten thar pa yongs med pas/__/dus dang phyogs dang rnam pa thams cad nas/__/mos gus bsam mi khyab pa skye ba dang*/__/mnyes pa tshul bzhin 'grub par byin gyis rlobs/__/dbang bskur mchog thob rdo rje slob dpon la/__/'jig rten 'dren pas dus gsum phyag mdzad na/__/mgon med byis pas smos kyang ci zhig 'tshal/__/sgo gsum gus pas rtag tu 'dud gyur cig__/mchog la mnyes pa du mas bsnyen bkur zhing*/__/bla ma khyim pa'am ni gsar bu'ang rung*/__/dus skabs byed pas dngos brgyud sri zhu yis/__/nam yang mi mnyes skad cig mi sgrub shog__/dam tshig rtsa ba slob dpon slob ma yi/__/'brel pa brtag la rnam dpyod blo thob cing*/__/brtse med 'dod khro khengs pa'i dbang gyur sogs/__/mi dge'i bshes dang skye kun mi 'phrad shog__/brtan dul blo gros la sogs thun mong drug__/sngags rgyud sbyor ba shes sogs khyad par gyi/__/mtshan nyid dgu tshang dpal ldan bla ma nyid/__/rnyed nas 'bral ba med par bsten par shog__/slob dpon brnyas na sangs rgyas kun la brnyas/__/mthong chos sdug bsngal phyi ma dmyal mes sreg__/gus mchod 'di gtan bde ba'i dpal la sbyor/__/de bas bsten tshul phyin ci ma log shog__/tshe 'dir byang chub rtsol mdzad bla ma rjer/__/lus srog longs spyod kun gyis bsti stang sgrub/__/dam tshig legs srung bla mas bzhed pa'i dngos/__/cung zad gang mchis zhen med 'bul nus shog__/bla ma mchod pas rgyal kun mchod cing mnyes/__/bsod nams tshogs rdzogs dngos grub mchog thob phyir/__/lha dang bla ma dbyer med rdo rje 'chang*/__/gcig tu nges pas skyabs gzhan mi 'tshol shog__/sku yi grib ma 'gom yang sangs rgyas kyi/__/mchod rten bshig 'dra'i sdig pa thob pas na/__/bzhon pa nyer spyad la sogs nam du yang*/__/mi spyad mi 'gong gtsang sbra lhur len shog__/dngos grub 'byung gnas bla mas bgo ba yi/__/bka' las mi 'da' gang gsung 'bad pas sgrub/__/mi nus nges pa tshig gi zhu gsol gyis/__/gnang ba'i skabs phyed zur tsam mi gcog shog__/bla ma'i rdzas ni srog bzhin bsrung ba dang*/__/bla ma'i thugs zin bla ma nyid bzhin bkur/__/bla ma'i 'khor yang rang gi gnyen du lta/__/nyon mongs dbang gi sdig pa mi gsog shog__/spyan sngar mi 'os pa dang ma gus pa'i/__/bya ba ngan pa gzhar yang mi byed cing*/__/'os shing gus bcas bka' bzhin rjes sgrub pa'i/__/spyod lam nga rgyal med pas bkur bar shog__/bla ma bzhugs pa'i yul du ma gnang bzhin/__/slob dpon las dang bla ma'i spyan snga ru/__/rang la gus mchod dang du len spang nas/__/gus pas bla ma nyid la mchod nus shog__/bdag nyid dran brtson drag pos mi nyams shing*/__/mched lcam bla ma'i bya ba tshul bzhin du/__/sgrub las 'das tshe dga' zhing snyan pa yis/__/bzlog nas brtul zhugs mchog la 'god par shog__/nad kyis gzir sogs rang dbang ma gyur pas/__/gnang ba ma thob bkag pa spyad dgos kyang*/__/gus bcas dge ba'i yid dang ma bral bas/__/rnam smin rtsub mo'i rgyu ru mi 'gyur shog__/mdor na dngos grub slob dpon rjes 'brang phyir/__/bla ma dgyes byed gang yin rtag tu sgrub/__/mi mnyes byed kun dug ltar spang nas su/__/thugs yid gcig 'dres myur du 'tshang rgya shog__/mtha' yas 'gro rnams dpal ldan bla ma yis/__/rjes bzung kun gyis mnyes pa tshul bzhin sgrub/__/dka' ba med par rdo rje 'dzin pa yi/__/go 'phang mchog thob don gnyis lhun grub shog__/ces sogs smon lam rnam par dag pas rgyas gdab par bya'o/___/yang skabs 'ga' zhig tu bla mchod nyid grangs bsags pa'am/__'jug pa bde ba 'bring po'i tshul du byed na rten dang mchod pa sogs gzhung ltar nas/__mchod pa byin rlabs tshogs rten bskyed pa snying thig gsal sgron rdo rje'i tshig rkang dngos nyid yan lag bdun pa'i phyag kyang cung zad bsdu chog pa mchan gong ltar dang*/__mchod phreng bshags pa sogs/__gzhan dkyus ltar dang*/__dbang len sku bzhi'i dbang phyug sogs bsngo smon bcas byas nas rgyas bsdus mtshams par 'gyur bas shes par bya'o/___/spyir bla sgrub rtsa ba nyid nyams su blang na rdo rje'i tshig rkang ma nyams pa byin rlabs che zhing don 'dus par yod bzhin rang bzo'i bsre slad mang po ma dgos kyang*/__bla mchod la sogs pa'i skabs cung zad rgyas na legs pa'i yan lag tu bsam nas bkod pa la lha dang bla ma DA ki'i tshogs kyis rang gzhan gyi rgyud la nyes pa'i rgyur mi 'gyur zhing ye shes gzigs pa'i byin rlabs khyad par can thob par mdzad du gsol/__/'dis kyang ye shes zab mo nam mkha' ltar/__/rgyud la 'char bas phan bde'i nyin byed gsal/__/kun 'byung mun pa'i go skabs 'phrog pa'i mod/__/dge legs 'dab stong grol bas mdzes gyur cig__/ces pa'ang e wa~M khang sar zhabs drung mchog sprul 'jam dbyangs chos kyi grags pa bkra shis rgyal mtshan dpal bzang po dang*/__dad dam rnam par dkar ba 'jam dbyangs seng ge zung nas ched du bskul ba ltar rje btsun bla ma mchog gis thun mong ma yin pa'i bka' drin chen po'i rtag par skyong zhing dad slob kun gyi gral mthar 'khod pa bkra shis dpal 'byor rang byung 'od gsal thugs mchog rdo rje'i sbas gnas chen po 'bras ljongs sprul pa'i zhing gi lte ba brag dkar bkra shis lding zhes rang byung grub pa chen po du mas byin gyis rlabs pa'i sman ljongs su chos rje 'jam pa'i dbyangs kyi dus chen nyin grub par sbyar ba 'dis kyang 'gro kun dpal ldan bla ma'i zab gsang ye shes kyi 'khor lor mngon par byang chub pa'i rgyur gyur cig___/dge'o/___/mang+ga laM//___//